ರ್ಯಾಪ್ (rap songs) ಸಾಂಗುಗಳ ಮೂಲಕ ಸದ್ದು ಮಾಡುತ್ತಾ, ಆ ವಲಯದಲ್ಲಿ ಒಂದಷ್ಟು ಹೆಸರು ಮಾಡಿರುವಾತ (chandan shetty) ಚಂದನ್ ಶೆಟ್ಟಿ. ರ್ಯಾಪ್ ಸಾಂಗುಗಳ ಬಲದಿಂದಲೇ ಬಿಗ್ ಬಾಸ್ (bigboss show) ಶೋನಲ್ಲೂ ಸ್ಪರ್ಧಿಸಿದ್ದ ಚಂದನ್ ( chandan shetty) ವೃತ್ತಿ ಬದುಕೀಗ ಉತ್ತುಂಗದಲ್ಲಿದೆ. ಇದೇ ಹೊತ್ತಿನಲ್ಲವರು ನಾಯಕ ನಟನಾಗಿಯೂ ರೂಪಾಂತರ ಹೊಂದಿದ್ದಾರೆ. ಚಂದನ್ ನಟಿಸಿರೋ ಸಿನಿಮಾವೊಂದು ತೆರೆಗಾಣುವ ಸನ್ನಾಹದಲ್ಲಿದೆ. ಹೀಗಿರುವಾಗಲೇ ಅವರು ಮತ್ತೊಂದು ಸಿನಿಮಾಕ್ಕೆ ಸಹಿ ಹಾಕಿರುವ ಸುದ್ದಿ ಹೊರ ಬಂದಿದೆ. ಯುವ ನಿರ್ದೇಶಕ ಅರುಣ್ ಅಮುಕ್ತ ನಿರ್ದೇಶನದಲ್ಲಿ ಮೂಡಿ ಬರಲಿರುವ ಈ ಚಿತ್ರದ ಟೈಟಲ್ ಇದೇ ತಿಂಗಳ ಇಪ್ಪತೈದರಂದು, (varamahalakshmi festival) ವರ ಮಹಾಲಕ್ಷ್ಮಿ ಹಬ್ಬದಂದೇ ಬಿಡುಗಡೆಗೊಳ್ಳಲಿದೆ.
ಇಂದು ಚಿತ್ರತಂಡ ಈ ಟೈಟಲ್ಲಿನ ಪ್ರೋಮೋ ಒಂದನ್ನು ಬಿಡುಗಡೆಗೊಳಿಸಿದೆ. ಟೈಟಲ್ಲಿನ ಬಗ್ಗೆ ಕುತೂಹಲ ಹರಳುಗಟ್ಟುವಂತಿರುವ ಈ ಪ್ರೋಮೋಗೆ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಶಂಸೆಗಳೂ ಮೂಡಿಕೊಂಡಿವೆ. ಒಂದು ಮಟ್ಟಕ್ಕೆ ಶೀರ್ಷಿಕೆ ಏನಿರಬಹುದೆಂಬುದರ ಬಗ್ಗೆ ಚರ್ಚೆಗಳೂ ಚಾಲೂ ಆಗಿವೆ. ಈ ಮೂಲಕ ಆರಂಭಿಕವಾಗೊಂದು ಟಾಕ್ ಕ್ರಿಯೇಟ್ ಮಾಡುವಲ್ಲಿ ಚಿತ್ರತಂಡ ಯಶ ಕಂಡಿದೆ. ಯುವ ಹುಮ್ಮಸ್ಸಿನ ಪ್ರತಿಭಾನ್ವಿತರ ತಂಡದ ಸಾರಥ್ಯದಲ್ಲಿ ಈ ಸಿನಿಮಾ ಮೂಲಕ ಚಂದನ್ ಹೀರೋ ಆಗಿ ಮಿಂಚಲು ರೆಡಿಯಾಗಿದ್ದಾರೆ. ಕಥೆ ಸೇರಿದಂತೆ ಎಲ್ಲ ವಿಚಾರದಲ್ಲಿಯೂ ಸದರಿ ಸಿನಿಮಾ ವಿಶೇಷವಾಗಿರುವ ಲಕ್ಷಣಗಳೂ ಕಾಣಿಸುತ್ತಿದ್ದಾವೆ.
ಸದ್ಯಕ್ಕೆ ಇದೊಂದು ಟೀನೇಜ್ ಡ್ರಾಮಾ ಶೈಲಿಯ ಚಿತ್ರವೆಂಬ ಏಕೈಕ ವಿಚಾರವನ್ನು ಚಿತ್ರತಂಡ ಬಿಟ್ಟು ಕೊಟ್ಟಿದೆ. ತಾರಾಗಣ, ತಾಂತ್ರಿಕ ವರ್ಗ ಸೇರಿದಂತೆ ಬಹುಮುಖ್ಯವಾದ ವಿಚಾರಗಳು ಇನ್ನು ಮುಂದೆ ಹಂತ ಹಂತವಾಗಿ ಜಾಹೀರಾಗಲಿವೆ. ಅಂದಹಾಗೆ, ಅರುಣ್ ಅಮುಕ್ತ ಈ ಹಿಂದೆ ಶ್ರೀಮುರುಳಿ ನಾಯಕನಾಗಿ ನಟಿಸಿದ್ದ ಲೂಸ್ಗಳು ಎಂಬ ಚಿತ್ರವನ್ನು ನಿರ್ದೇಶನ ಮಾಡಿದ್ದರು. ಆಡ್ ಫಿಲಂ ಮೇಕರ್ ಆಗಿದ್ದುಕೊಂಡು, ಚಿತ್ರಂಗದಲ್ಲಿಯೂ ಹತ್ತಾರು ವರ್ಷಗಳಿಂದ ಕಾರ್ಯ ನಿರ್ವಹಿಸುತ್ತಾ ಬಂದಿರುವವರು ಅರುಣ್. ಒಂದೊಳ್ಳೆ ಕಥೆಯೊಂದಿಗೆ ಈ ಚಿತ್ರವನ್ನು ಕೈಗೆತ್ಚತಿಕೊಂಡಿರೋ ಖುಷಿ ಅವರಲ್ಲಿದೆ. ಇನ್ನುಳಿದಂತೆ ಅಮರ್, ಭಾವನಾ, ಮಾನಸಿ, ವಿವಾನ್, ಭವ್ಯ, ಸುನೀಲ್ ಪುರಾಣಿಕ್, ಅರವಿಂದ ರಾವ್, ಸಿಂಚನಾ, ರಘು ರಾಮನಕೊಪ್ಪ, ಖ್ಯಾತ ಜಟ್ಕಾ ಹೋರಾಟಗಾರರಾದ ಪ್ರಶಾಂತ್ ಸಂಬರ್ಗಿ ಮುತಾದವರ ತಾರಾಗಣ ಈ ಚಿತ್ರದಲ್ಲಿರಲಿದೆ…