ಇಪ್ಪತ್ತೇಳನೇ ತಾರೀಕಿನಂದು ಮಧ್ಯಾಹ್ನ ಮೂರು ಗಂಟೆಗೆ ಚಲನಚಿತ್ರ ವಾಣಿಜ್ಯ ಮಂಡಳಿಯಲ್ಲಿ ಅಧ್ಯಕ್ಷೆ ಡಾ. ಜಯಮಾಲಾ ಅವರ ಅಧ್ಯಕ್ಷತೆಯಲ್ಲೊಂದು ಸಭೆ ನಡೆದಿದೆ. ಪದಾಧಿಕಾರಿಗಳು, ನಿರ್ಮಾಪಕರ ಸಂಘ, ನಿರ್ದೇಶಕರ ಸಂಘದ ಅಧ್ಯಕ್ಷರುಗಳು, ಡಾರ್ಲಿಂಗ್ ಕೃಷ್ಣ, ಗುರು ದೇಶಪಾಂಡೆ, ರಾಘವೇಂದ್ರ ಎಂ ನಾಯಕ್ ಮತ್ತಿತರರು ಹಾಜರಿದ್ದರು. ಈ ಸಂದರ್ಭದಲ್ಲಿ ಜಯಮಾಲಾ ಎಲ್ಲರ ವಾದ, ಪ್ರತಿವಾದ, ಅಭಿಪ್ರಾಯಗಳನ್ನು ಅಮೂಲಾಗ್ರವಾಗಿ ಆಲಿಸಿದ್ದಾರೆ. ಈ ಸಂದರ್ಭದಲ್ಲಿ ಡಾರ್ಲಿಂಗ್ ಕೃಷ್ಣ ಸಿದ್ಧಪಡಿಸಿದ್ದ ಲವ್ ಮಾಕ್ಟೇಲ್೩ ಚಿತ್ರದ ಚಿತ್ರಕಥೆಯೇ ಬೇರೆ, ಗುರುದೇಶಪಾಂಡೆ ಬಳಿಯಿರುವ ಚಿತ್ರಕಥೆಯೇ ಬೇರೆ ಎಂಬುದು ಯಾವುದೇ ಗೊಂದಲಕ್ಕೆ ಆಸ್ಪದವಿಲ್ಲದಂತೆ ಸಾಬೀತಾಗಿದೆ. ಈ ಮೂಲಕ ಡಾರ್ಲಿಂಗ್ ಕೃಷ್ಣಗೆ ಸದರಿ ಸವಾಲಿನಲ್ಲಿ ಗೆಲುವಾಗಿದೆ.

Love Mocktail3 Movie: ಮೂರು ಸರಣಿಯಲ್ಲೂ ಸಮ್ಮೋಹಕ ಗೆಲುವು!

ಗುರುದೇಶಪಾಂಡೆ ಹಲವಾರು ವರ್ಷಗಳಿಂದ ಚಿತ್ರರಂಗದಲ್ಲಿ ನಿರ್ದೇಶಕರಾಗಿ ಸಕ್ರಿಯರಾಗಿರುವವರು. ಇತ್ತೀಚೆಗೆ ನಿರ್ಮಾಪಕರಾಗಿಯೂ ಅವತಾರವೆತ್ತಿದ್ದಾರೆ. ಚಿತ್ರರಂಗದ ಎಲ್ಲ ವಿಭಾಗಗಳ ಒಳ ಹೊರಗುಗಳು ಮತ್ತು ಸವಾಲುಗಳನ್ನೂ ಅರಿತುಕೊಂಡಿದ್ದಾರೆ. ಒಂದು ಸಿನಿಮಾ ಹಿಟ್ ಆಗೋ ಹಾದಿಯ ಎಲ್ಲ ಎಡರುತೊಡರುಗಳೂ ಅವರಿಗೆ ಪರಿಚಿತ. ಹಾಗಿದ್ದರೂ ಲವ್ ಮಾಕ್ಟೇಲ್೩ ಗೆಲುವಿನತ್ತ ಮುನ್ನುಗ್ಗುತ್ತಿದ್ದ ಘಳಿಗೆಯಲ್ಲಿ ಯಾಕೆ ಇಂಥಾದ್ದೊಂದು ವಿವಾದದ ಕಿಡಿ ತಾಕಿಸಿದರು? ತೀರಾ ಖಾಸಗಿಯಾಗಿ ಪರಿಹರಿಸಿಕೊಳ್ಳಬಹುದಿದ್ದ ಸಾಧ್ಯತೆಗಳನ್ನು ಯಾಕೆ ಹಾದಿರಂಪವಾಗಿಸಿದರು ಅಂತೊಂದು ಪ್ರಶ್ನೆ ಸಹಜವಾಗಿಯೇ ಸಿನಿಮಾಸಕ್ತರನ್ನು ಕಾಡುತ್ತದೆ. ಇದೆಲ್ಲದರಾಚೆಗೆ ಸದರಿ ಕೃತಿಚೌರ್ಯ ಪ್ರಕರಣದಲ್ಲಿ ಗೆಲುವಾಗುವ ಮೂಲಕ ಲವ್ ಮಾಕ್ಟೇಲ್೩ ಗೆಲುವಿನ ಘಮ ಮತ್ತಷ್ಟು ಮೋಹಕವಾದಂತಾಗಿದೆ.

ಇದು ಗೆಲುವೆಂಬುದಕ್ಕಿಂತಲೂ ಹೆಚ್ಚಾಗಿ ಡಾರ್ಲಿಂಗ್ ಕೃಷ್ಣ ಪ್ರೇಕ್ಷಕರು ತನ್ನ ಮೇಲಿಟ್ಟಿದ್ದ ನಂಬಿಕೆಯನ್ನು ಉಳಿಸಿಕೊಂಡಿದ್ದಾರೆ. ಇಂಥಾದ್ದೊಂದು ಆರೋಪ ಕೇಳಿ ಬರುತ್ತಲೇ ಲವ್ ಮಾಕ್ಟೇಲ್ ಸರಣಿಯ ಪ್ರೇಕ್ಷಕರೆಲ್ಲ ಸಾಮಾಜಿಕ ಜಾಲತಾಣಗಳ ಮೂಲಕ ಕೃಷ್ಣ ಬೆನ್ನಿಗೆ ನಿಂತಿದ್ದರು. ಈ ಆರೋಪದಲ್ಲಿ ಹುರುಳಿರಲಿಕ್ಕಿಲ್ಲ ಎಂಬಂಥಾ ಮಾತುಗಳನ್ನಾಡಿದ್ದರು. ಈ ಸಂಬಂಧವಾಗಿ ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ಕೂಡಾ ಪತ್ರಿಕಾಗೋಷ್ಠಿಯಲ್ಲಿ ಅತ್ಯಂತ ಆತ್ಮವಿಶ್ವಾಸದಿಂದ ತಮ್ಮ ಮೇಲಿನ ಆರೋಪವನ್ನು ತಳ್ಳಿ ಹಾಕಿದ್ದರು. ಕಡೆಗೂ ಈಗ ಎಲ್ಲವೂ ಸುಖಾಂತ್ಯಗೊಂಡಿದೆ. ಲವ್ ಮಾಕ್ಟೇಲ್೩ ಗೆಲುವಿನ ಓಟಕ್ಕೆ ಮತ್ತಷ್ಟು ಓಘ ಸಿಕ್ಕಿದೆ. ಇದೇ ಖುಷಿಯಲ್ಲಿ ಡಾರ್ಲಿಂಗ್ ಕೃಷ್ಣ ಹೊಸಾ ಕನಸಿನತ್ತ ಹೊರಳಿಕೊಂಡಿದ್ದಾರೆ!

keywords: love mocktail3, story controvercy, darling krishna, milana nagaraj, gurudeshapande

The post Love Mocktail3 Movie: ಲವ್ ಮಾಕ್ಟೇಲ್೩ ಹ್ಯಾಟ್ರಿಕ್ ಗೆಲುವಿಗೆ ಮತ್ತಷ್ಟು ಕಿಕ್! appeared first on Cini Shodha.

ಕನ್ನಡ ಮಾತ್ರವಲ್ಲ; ಒಂದಿಡೀ ಭಾರತೀಯ ಚಿತ್ರರಂಗದಲ್ಲಿಯೇ ಎರಡು ಸರಣಿ ಗೆಲುವುಗಳನ್ನು ಕಾಂತಾರ ಮೂಲಕ ತಮ್ಮದಾಗಿಸಿಕೊಂಡವರು ರಿಷಭ್ ಶೆಟ್ಟಿ. ಆದರೆ, ಡಾರ್ಲಿಂಗ್ ಕೃಷ್ಣ ರಿಷಭ್‌ಗಿಂತಲೂ ಒಂದು ಹೆಜ್ಜೆ ಮುಂದಿದ್ದಾರೆ. ಯಾಕೆಂದರೆ, ಕೊರೋನಾದಂಥಾ ದುರಿತ ಕಾಲದಲ್ಲಿ ಧೈರ್ಯ ಮಾಡಿ ನಿರ್ದೇಶಕನಾಗಿದ್ದವರು ಕೃಷ್ಣ. ನಿರ್ದೇಶನದ ಜೊತೆ ನಾಯಕನಾಗಿಯೂ ನಟಿಸಲು ಕೃಷ್ಣ ಮುಂದಾದಾಗ ಅನೇಕರಲ್ಲಿ ಅನುಮಾನವಿತ್ತು. ಒಳಗೊಳಗೇ ನಕ್ಕವರು, ತಂತಮ್ಮಲ್ಲೇ ಕೊಂಕು ಮಾತಾಡಿದವರೆಷ್ಟೋ… ಅದ್ಯಾವುದಕ್ಕೂ ತಲೆ ಕೆಡಿಸಿಕೊಳ್ಳದೆ ಎರಡು ಸರಣಿಗಳಲ್ಲಿ ಗೆದ್ದಿದ್ದ ಡಾರ್ಲಿಂಗ್ ಕೃಷ್ಣ ಇದೀಗ ಮೂರನೇ ಆವೃತ್ತಿಯಲ್ಲಿ ಮಹಾ ಗೆಲುವನ್ನೇ ದಾಖಲಿಸಿದ್ದಾರೆ.

Love Mocktail3 Movie: ಕಾರ್ಗತ್ತಲ ಕಾಲದಲ್ಲಿ ಡಾರ್ಲಿಂಗ್ ಕೃಷ್ಣ ಹಚ್ಚಿದ್ದ ಕಂದೀಲು!

ಹಾಗೆ ನೋಡಿದರೆ, ಕನ್ನಡದಲ್ಲಿ ನಿರ್ದೇಶಕನಾಗಿಯೂ, ನಟನಾಗಿಯೂ ಅದೃಷ್ಟ ಪರೀಕ್ಷೆಗಿಳಿದವರ ಸಂಖ್ಯೆ ದೊಡ್ಡದಿದೆ. ಇಂಥಾದ್ದೊಂದು ಸಾಹಸದ ರೂವಾರಿಯಂತೆ ಕಾಣಿಸುವವರು ಶಂಕರ್ ನಾಗ್. ಆ ನಂತರದಲ್ಲಿ ಕಾಶೀನಾಥ್, ಉಪೇಂದ್ರ ಮುಂತಾದವರು ಆ ದಿಕ್ಕಿನಲ್ಲಿ ಮಹತ್ವದ ಹೆಜ್ಜೆ ಗುರುತುಗಳನ್ನು ಮೂಡಿಸಿದ್ದರು. ಹೊಸಾ ತಲೆಮಾರಿನಲ್ಲಿ ಪವನ್ ಕುಮಾರ್, ರಕ್ಷಿತ್ ಶೆಟ್ಟಿ, ರಾಜ್ ಬಿ ಶೆಟ್ಟಿ ಮುಂತಾದವರೂ ಆ ಹಾದಿಯಲ್ಲಿ ತಮ್ಮದೇ ಆದೊಂದು ಗುರುತು ಮೂಡಿಸಿದ್ದಾರೆ. ಇಂಥಾದ್ದೊಂದು ಸಾಹಸದಲ್ಲಿ ಮೂರು ಸರಣಿಗಳಲ್ಲಿ ಭಾರೀ ಗೆಲುವು ದಾಖಲಿಸಿ ಅಚ್ಚರಿ ಮೂಡಿಸಿರೋದು ಡಾರ್ಲಿಂಗ್ ಕೃಷ್ಣ ಮಾತ್ರ!

ಕೇವಲ ಕನ್ನಡದಲ್ಲಿ ಮಾತ್ರವಲ್ಲ; ಭಾರತೀಯ ಚಿತ್ರರಂಗದಲ್ಲಿಯೇ ಒಂದು ಸಿನಿಮಾದ ಮೂರು ಆವೃತ್ತಿಗಳನ್ನು ನಿರ್ದೇಶಕನಾಗಿ, ನಟನಾಗಿ ಗೆದ್ದುಕೊಂಡವರು ಸಿಗೋದು ಕಷ್ಟ. ಆ ಸಾಲಿನಲ್ಲಿ ಲವ್ ಮಾಕ್ಟೇಲ್೩ ಸಮ್ಮೋಹಕ ಗೆಲುವಿನ ಮೂಲಕ ಡಾರ್ಲಿಂಗ್ ಕೃಷ್ಣ ಸೇರ್ಪಡೆಗೊಂಡಿದ್ದಾರೆ. ಅಷ್ಟಕ್ಕೂ ಈ ಬಾರಿ ಹಿಂದೆಂದಿಗಿಂತೂ ದೊಡ ಮಟ್ಟದ ಸವಾಲು ಕೃಷ್ಣ ಮುಂದಿತ್ತು. ಧುರಂಧರ್ ಥರದ ಸೂಪರ್ ಹಿಟ್ ಮೂವಿಯ ಮುಂದೆ ಕಾಲೂರಿ ನಿಂತು ಜಯಿಸೋದೇನೂ ಸಲೀಸಿನ ಸಂಗತಿಯಾಗಿರಲಿಲ್ಲ. ಧುರಂಧರ್ ಬಿರುಗಾಳಿಗೂ ಜಗ್ಗದೆ ಲವ್ ಮಾಕ್ಟೇಲ್೩ ಕಾಲೂರಿ ನಿಂತದ್ದರ ಹಿಂದೆ ಅದರೊಳಗಿನ ಕಸುವಲ್ಲದೇ ಬೇರ್‍ಯಾವ ಪವಾಡಗಳೂ ಇಲ್ಲ. ನೋಡಿದ ಮಂದಿ ಥ್ರಿಲ್ ಆಗಿ ಆಡಿದ ಮಾತುಗಳೇ ಲವ್ ಮಾಕ್ಟೇಲ್೩ ಹೌಸ್ ಫುಲ್ ಪ್ರದರ್ಶನ ಕಾಣುವಂತೆ ಮಾಡಿದೆ. ಈ ಗೆಲುವಿನ ಮೂಲಕ ಡಾರ್ಲಿಂಗ್ ಕೃಷ್ಣ ಭಾರತೀಯ ಚಿತ್ರರಂಗದ ಇತಿಹಾಸದಲ್ಲಿ ಅಚ್ಚಳಿಯದ ದಾಖಲೆಯೊಂದರ ರೂವಾರಿಯಾಗಿದ್ದಾರೆ!

keywords: love mocktaile3 #darling krishna, great success of love mocktail, milana nagaraj

The post Love Mocktail3 Movie: ಮೂರು ಸರಣಿಯಲ್ಲೂ ಸಮ್ಮೋಹಕ ಗೆಲುವು! appeared first on Cini Shodha.

ಮಾರ್ಚ್ ೧೯ಕ್ಕೆ ಯುಗಾದಿ ರಜೆ ಇರೋದರಿಂದ, ವೀಕೆಂಡ್ ಸಾಥ್ ಕೊಡೋದರಿಂದ ಆ ದಿನಾಂಕದತ್ತ ಅನೇಕ ಕನ್ನಡ ಚಿತ್ರಗಳು ಕಣ್ಣಿಟ್ಟಿದ್ದವು. ಯಾವಾಗ ಟಾಕ್ಸಿಕ್ ಮತ್ಗತು ಧುರಂಧರ್ ಆ ದಿನವೇ ಲಗ್ಗೆಯಿಡಲಿರೋ ಸುದ್ದಿ ಹೊರ ಬಿತ್ತೋ, ನಜ್ಜುಗುಜ್ಜಾಗುವ ಭಯದಿಂದ ಬಹುತೇಕರು ಕಣದಿಂದ ಹಿಂದೆ ಸರಿದಿದ್ದರು. ಆದರೆ, ಟಾಕ್ಸಿಕ್ ಮುಂದಕ್ಕೆ ಹೋಗುತ್ತಲೇ, ಲವ್ ಮಾಕ್ಟೇಲ್ ವಿತರಣೆಯ ಜವಾಬ್ದಾರಿ ಹೊತ್ತಿದ್ದ ಕೆವಿಎನ್ ಪ್ರೊಡಕ್ಷನ್ಸ್ ಸಂಸ್ಥೆ ಅಚ್ಚರಿದಾಯಕ ನಿರ್ಧಾರ ತಳೆದಿತ್ತು. ಆ ದಿನವೇ ಲವ್ ಮಾಕ್ಟೇಲ್ ೩ ಬಿಡುಗಡೆಗೆ ಹಸಿರು ನಿಶಾನೆ ತೋರಿಸುತ್ತಲೇ ಡಾರ್ಲಿಂಗ್ ದಂಪತಿ ತುಸುವೂ ಹಿಂದೇಟು ಹಾಕದೆ ಒಪ್ಪಿಕೊಂಡಿದ್ದರು. ಇಂಥಾ ಆತ್ಮವಿಶ್ವಾಸದ ಹಿಂದಿರೋದು ಲವ್ ಮಾಕ್ಟೇಲ್೩ ಚಿತ್ರದ ಕಂಟೆಂಟಿನ ಕಸುವು. ಬಹುಶಃ ಒಟ್ಟಾರೆ ಸಿನಿಮಾ ಚೆಂದಗೆ ಮೂಡಿ ಬಾರದಿದ್ದಿದ್ದರೆ, ಮಾರ್ಚ್ ೧೯ ಅದೆಂಥಾ ಒಳ್ಳೆ ಘಳಿಗೆಯಾಗಿದ್ದರೂ ಕೂಡಾ ಬಿಡುಗಡೆಗೆ ಸಜ್ಜಾಗುವ ಧೈರ್ಯ ಮಾಡಲು ಸಾಧ್ಯವಾಗುತ್ತಿರಲಿಲ್ಲ.

Love Mocktail3 Movie: ಚೆಂದದ ಅನುಭೂತಿಯೊಂದರ ಸ್ಪಷ್ಟ ಸುಳಿವು!

ಟಾಕ್ಸಿಕ್ ಬಿಡುಗಡೆಗೊಳ್ಳದಿದ್ದರೂ ಧುರಂಧರ್ ಹಾವಳಿ ಪಕ್ಕಾ ಆಗಿದೆ. ಹೇಳಿಕೇಳಿ ಇದು ಬಹುನಿರೀಕ್ಷಿತ ಚಿತ್ರ. ಇಂಥಾ ಸಿನಿಮಾಗಳು ತೆರೆಗಂಡಾಗ ಕನ್ನಡ ಚಿತ್ರಗಳು ನಾನಾ ಪಡಿಪಾಟಲು ಪಟ್ಟಿದ್ದಿದೆ. ಆದರೆ, ಡಾರ್ಲಿಂಗ್ ಕೃಷ್ಣ ಮುಖದಲ್ಲಿ ಆ ಆತಂಕದ ಸಣ್ಣ ಗೆರೆಯೂ ಕಾಣಿಸುತ್ತಿಲ್ಲ. ಬಹುಶಃ ಅಂಥಾ ಭಯವಿದ್ದಿದ್ದರೆ, ಕೊರೋನಾ ಕಾಲದಲ್ಲಿ ಲವ್ ಮಾಕ್ಟೇಲ್ ಚಿತ್ರವನ್ನು ರೂಪಿಸಲೂ ಸಾಧ್ಯವಾಗುತ್ತಿರಲಿಲ್ಲ. ಕೊರೋನಾ ಕಾಲದಲ್ಲಿ ವರ್ಷಗಟ್ಟಲೆ ಲಾಕ್‌ಡೌನ್ ಆಗಿ ಚಿತ್ರರಂಗ ನಿತ್ರಾಣಗೊಂಡಿತ್ತು. ಚಿತ್ರಮಂದಿರಗಳು ಯಾವಾಗ ಬಾಗಿಲು ತೆರೆದುಕೊಳ್ಳುತ್ತವೆ? ಕೊಂದೇ ಬಿಡುವ ವೈರಸ್ಸಿನ ಭಯ ಮೀರಿಕೊಂಡು ಪ್ರೇಕ್ಷಕರು ಚಿತ್ರಮಂದಿರಗಳತ್ತ ಬರಬಹುದಾ? ಇಂತಾ ಆತಂಕ, ಅನುಮಾನಗಳಿರುವಾಗಲೇ ಕೃಷ್ಣ ತಮ್ಮ ವೃತ್ತಿ ಬದುಕಿನ ಮಹತ್ವದ ತೀರ್ಮಾನ ಕೈಗೊಂಡಿದ್ದರು.

ತಾವೇ ನಿರ್ದೇಶನಕ್ಕಿಳಿಯೋ ಮನಸು ಮಾಡಿದ್ದ ಕೃಷ್ಣ ಲವ್ ಮಾಕ್ಟೇಲ್ ಸಿನಿಮಾವನ್ನು ಲಾಕ್‌ಡೌನ್ ಹಿಂಚುಮುಂಚಲ್ಲಿಯೇ ಚಾಲೂ ಮಾಡಿದ್ದರು. ಕೊರೋನಾ ಕಂಟಕದ ಕಾಲದಲ್ಲಿಯೇ ಬಿಡುಗಡೆಗೊಳಿಸಿ ಸಮ್ಮೋಹಕ ಗೆಲುವು ದಕ್ಕಿಸಿಕೊಂಡಿದ್ದರು. ಕೊರೋನಾ ಗ್ರಹಣ ನೀಗಿಸಿ ಚಿತ್ರರಂಗದತ್ತ ಭರವಸೆಯ ಬೆಳಕೊಂದು ಹಾಯುವಲ್ಲಿ ಲವ್ ಮಾಕ್ಟೇಲ್ ಚಿತ್ರದ ಪಾತ್ರ ಹಿರಿದಾಗಿದೆ. ದುರಿತ ಕಾಲದಲ್ಲಿ ಧೈರ್ಯ ಮಾಡಿ ಡಾರ್ಲಿಂಗ್ ಕೃಷ್ಣ ಹಚ್ಚಿಟ್ಟ ಲವ್ ಮಾಕ್ಟೇಲ್ ಎಂಬ ಹಣತೆಯ ಪ್ರಭೆಯಲ್ಲಿಯೇ ಚಿತ್ರರಂಗ ಭರವಸೆಯತ್ತ ಮುಖ ಮಾಡಿತ್ತು. ಆ ನಂತರದಲ್ಲಿ ಲವ್ ಮಾಕ್ಟೇಲ್೨ ಚಿತ್ರಕ್ಕೂ ಗೆಲುವು ಸಿಕ್ಕಿತ್ತು. ಆ ಸರಣಿಯ ಕೊನೇಯ ಅಧ್ಯಾಯದಂತಿರೋ ಲವ್ ಮಾಕ್ಟೇಲ್೩ ಇದೀಗ ಅದ್ದೂರಿಯಾಗಿ ತೆರೆಗಾಣಲು ಸಜ್ಜಾಗಿದೆ. ಕಥೆ, ನಿರ್ದೇಶನ ಸೇರಿದಂತೆ ಎಲ್ಲದರಲ್ಲಿಯೂ ಹೊಸತನವಿಟ್ಟಿರೋ ಡಾರ್ಲಿಂಗ್ ಕೃಷ್ಣರ ಪ್ರಯತ್ನಕ್ಕೆ ಪ್ರೇಕ್ಷಕರ ಕಡೆಯಿಂದ ಎಂಥಾ ಪ್ರತಿಕ್ರಿಯೆ ಸಿಗಲಿದೆ ಅನ್ನೋದಕ್ಕೆ ಇನ್ನೆರಡು ದಿನಗಳಲ್ಲಿ ನಿಖರ ಉತ್ತರ ಸಿಗಲಿದೆ.

keywords: love mocktail3, darling krishna, milana nagaraj, sandalwood

The post Love Mocktail3 Movie: ಕಾರ್ಗತ್ತಲ ಕಾಲದಲ್ಲಿ ಡಾರ್ಲಿಂಗ್ ಕೃಷ್ಣ ಹಚ್ಚಿದ್ದ ಕಂದೀಲು! appeared first on Cini Shodha.

ಡಾರ್ಲಿಂಗ್ ಕೃಷ್ಣ ನಿರ್ದೇಶನ ಮಾಡಿ, ನಾಯಕನಾಗಿಯೂ ನಟಿಸಿರುವ ಚಿತ್ರ ಲವ್ ಮಾಕ್ಟೇಲ್೩. ಪ್ರಧಾನವಾಗಿ, ಲವ್ ಮಾಕ್ಟೇಲ್ ಸರಣಿಗೆ ಗೆಲುವು ದಕ್ಕಿರೋದರ ಹಿಂದೆ ನಿಸ್ಸಂದೇಹವಾಗಿಯೂ ಹಾಡುಗಳ ಪಾತ್ರ ದೊಡ್ಡದಿದೆ. ನಿಂತಲ್ಲಿ ಕುಂತಲ್ಲಿ ಕಾಡುವ, ಎವರ್‌ಗ್ರೀನ್ ಗಂಧ ಮೆತ್ತಿಕೊಂಡಿದ್ದ ಹಾಡುಗಳ ಚುಂಗು ಹಿಡಿದೇ ಡಾರ್ಲಿಂಗ್ ಕೃಷ್ಣ ನಿರ್ದೇಶಕರಾಗಿಯೂ ಗೆಲುವು ಕಂಡಿದ್ದರು. ಲವ್ ಮಾಕ್ಟೇಲ್೩ಯಲ್ಲೂ ಕೂಡಾ ಮೆಲೋಡಿ ಮಂತ್ರದಂಡವನ್ನು ಡಾರ್ಲಿಂಗ್ ಕೃಷ್ಣ ಸಮರ್ಥವಾಗಿಯೇ ಪ್ರಯೋಗಿಸಿದ್ದಾರೆ. ಅದರ ಭಾಗವಾಗಿ ಮುದ್ದು ಮಗಳೇ ಎಂಬ ಈ ಲಿರಿಕಲ್ ವೀಡಿಯೋ ಸಾಂಗ್ ಬಿಡುಗಡೆಗೊಂಡಿದೆ. ಹಾಗೆ ಹೊರಬಂದು ಒಂದೆರಡು ದಿನಗಳು ಮಗುಚಿಕೊಳ್ಳೋ ಹೊತ್ತಿಗೆಲ್ಲ ಸದರಿ ಹಾಡು ಸಂಗೀತ ಪ್ರೇಮಿಗಳನ್ನು ಸಾರಾಸಗಟಾಗಿ ಆವರಿಸಿಕೊಂಡಿದೆ.

Love Mocktail3 Movie: ಡಾರ್ಲಿಂಗ್ ಕೃಷ್ಣಗೆ ಹೊಡೆದಂತಾಯ್ತು ಲಾಟ್ರಿ!

ನಕ್ಕರೂ ಚೆಂದ ಅತ್ತರೂ ಚೆಂದ ಮುದ್ದಾದ ಬಂಧ ಈ ನನ್ನ ಕಂದ ಎಂಬಂಥಾ ಚೆಂದದ ಸಾಲುಗಳಿರುವ ಈ ಹಾಡನ್ನು ಬರೆದಿರುವವರು ಅರುಣ್ ನಾಯಕ್. ನಕುಲ್ ಅಭಯಂಕರ್ ಸೋಗೀತ ಸಂಯೋಜನೆಗೆ ಖ್ಯಾತ ಗಾಯಕ ವಿಜಯ್ ಪ್ರಕಾಶ್ ಧ್ವನಿಯಾಗಿದ್ದಾರೆ. ಸಾಮಾನ್ಯವಾಗಿ ಕಥೆಯ ಆಸ್ಮವನ್ನು ಹಿಡಿದಿಟ್ಟುಕೊಂಡಂತಿರುವ ಹಾಡೊಂದಕ್ಕೆ ಶಕ್ತವಾಗಿ ಜೀವ ತುಂಬುವುದು ಸಂಗೀತ ನಿರ್ದೇಶಕರ ಪಾಲಿಗೆ ಅಸಲೀ ಸವಾಲು. ಅದನ್ನು ನಕುಲ್ ಅಭಯಂಕರ್ ಸಮರ್ಥವಾಗಿ ನಿರ್ವಹಿಸಿದ್ದಾರೆ. ಈ ಹಿಂದೆ ಅಪ್ಪ ಮಗಳ ಬಾಂಧವ್ಯವನ್ನು ಸಾರುವಂಥಾ ಹಾಡೊಂದನ್ನು ನಕುಲ್ ರೂಪಿಸಿದ್ದರು. ಈ ಹಾಡು ಅದನ್ನೂ ಮೀರಿಸುವಂತಿದೆ ಎಂಬ ಮೆಚ್ಚುಗೆ ಕೇಳುಗರ ಕಡೆಯಿಂದ ಮೂಡಿಕೊಂಡಿದೆ.

ಬಿಡುಗಡೆಗೆ ದಿನಗಳನೆ ಆರಂಭವಾಗಿರುವ ಈ ಹೊತ್ತಿನಲ್ಲಿ ಲವ್ ಮಾಕ್ಟೇಲ್೩ ಹಾಡುಗಳು ಕೂಡಾ ಸಕಾರಾತ್ಮಕವಾಗಿ ಸಾಥ್ ಕೊಡುತ್ತಿವೆ. ಕ್ರಿಸ್‌ಮಿ ಬ್ಯಾನರಿನಡಿಯಲ್ಲಿ ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಡಾರ್ಲಿಂಗ್ ಕೃಷ್ಣ, ಮಿಲನಾ ನಾಗರಾಜ್, ಸಂವೃತ, ಅಮೃತಾ ಅಯ್ಯಂಗಾರ್, ದಿಲೀಪ್ ರಾಜ್, ಶ್ವೇತಾ ಪ್ರಸಾದ್, ರಚೆಲ್ ಡೇವಿಡ್, ನಯೇರಾ, ಜಗದೀಶ್, ಅಭಿಲಾಶ್, ಗಿರಿರಾಜ್, ದಳಪತಿ ಮುಂತಾದವರ ತಾರಾಗಣ ಈ ಚಿತ್ರಕ್ಕಿದೆ. ಶ್ರೀ ಕ್ರೇಜಿ ಮೈಂಡ್ಸ್ ಛಾಯಾಗ್ರಹಣ ಮತ್ತು ಸಂಕಲನ, ನಕುಲ್ ಅಭಯಂಕರ್ ಸಂಗೀತ, ಅಮರ್ ಮತ್ತು ಜೋನಾ ಕಲಾ ನಿರ್ದೇಶನ ಈ ಚಿತ್ರಕ್ಕಿದೆ.

keywords: love mocktail3, love mocktile3 song, darling krishna, milana nagaraj

The post Love Mocktail3 Songs: ತಂದೆ ಮಗಳ ಬಾಂಧವ್ಯದ ಲವ್ ಮಾಕ್ಟೇಲ್3 ಹಾಡು! appeared first on Cini Shodha.

ಅಷ್ಟಕ್ಕೂ ಒಂದು ಸಿನಿಮಾ ಗೆದ್ದ ನಂತರ ಅದರ ಸೀಕ್ವೆಲ್ ಮೂಲಕವೂ ಗೆಲುವು ಪಡೆಯೋದು ತ್ರಾಸದಾಯಕ ವಿಚಾರ. ಅದರಲ್ಲಿ ನಿರ್ದೇಶಕರಾಗಿ ಗೆಲುವು ಕಂಡಿರುವ ಡಾರ್ಲಿಂಗ್ ಕೃಷ್ಣ ಪಾಲಿಗೆ ಸಹಜವಾಗಿಯೇ ಮೂರನೇ ಆವೃತ್ತಿ ಈ ಹಿಂದಿಗಿಂತಲೂ ಸವಾಲಿನದ್ದಾಗಿತ್ತು. ಯಾಕೆಂದರೆ, ಇಂಥಾ ಸರಣಿ ಸಿನಿಮಾಗಳ ಮೂಲಕ ಪ್ರೇಕ್ಷಕರನ್ನು ಹಿಡಿದಿಡೋದು ಸುಲಭದ ಮಾತಲ್ಲ. ಆದರೆ, ಈ ಹಿಂದಿನ ಎರಡು ಆವೃತ್ತಿಗಳಲ್ಲಿ ಲವ್‌ಮಾಕ್ಟೇಲ್‌ಗೆ ಫಿದಾ ಆಗಿದ್ದವರೆಲ್ಲ ಲವ್ ಮಾಕ್ಟೇಲ್೩ ಟ್ರೈಲರ್ ಕಂಡು ಅಕ್ಷರಶಃ ಖುಷಿಗೊಂಡಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿಯೂ ಇದೇ ಖುಷಿ ಪ್ರತಿಫಲಿಸುತ್ತಿದೆ. ಇದು ಬಿಡುಗಡೆಯ ಕಡೇಯ ಕ್ಷಣಗಳಲ್ಲಿ ಒಂದಿಡೀ ಚಿತ್ರತಂಡಕ್ಕೆ ಮತ್ತಷ್ಟು ಭರವಸೆ ತುಂಬಿದೆ.

ಡಾರ್ಲಿಂಗ್ ಕೃಷ್ಣ ಆರಂಭದಿಂದ್ ಇಲ್ಲಿಯವರೆಗೂ ಸಿನಿಮಾದ ಬಗ್ಗೆ ಹೆಚ್ಚೇನೂ ಗುಟ್ಟು ಬಿಟ್ಟುಕೊಡದೆ ಗೌಪ್ಯತೆ ಕಾಪಾಡಿಕೊಂಡು ಬಂದಿದ್ದಾರೆ. ಆದರೆ, ಈ ಬಾರಿ ನಿರ್ದೇಶನ ಸೇರಿದಂತೆ ಎಲ್ಲದರಲ್ಲಿಯೂ ಹೊಸತನವಿದೆ ಎಂಬ ವಿಚಾರವನ್ನು ಒತ್ತಿ ಹೇಳಿದ್ದರು. ಈ ಹಿಂದಿನ ಎರಡು ಭಾಗಗಳಲ್ಲಿ ಪ್ರೇಕ್ಷಕರನ್ನು ಸೆಳೆದುಕೊಂಡಿದ್ದ ಭಾವುಕತೆಯನ್ನು ಹಾಗೆಯೇ ಕಾಪಿಟ್ಟುಕೊಳ್ಳುವ ಮೂಲಕ, ಮತ್ತೊಂದು ಮನಸಿಗೆ ತಾಕುವ ಕಥೆಯೊಂದಿಗೆ ಈ ಚಿತ್ರವ್ನ್ನು ರೂಪಿಸಿದಂತಿದೆ. ಟ್ರೈಲರ್ ನೋಡಿದವರಿಗೆಲ್ಲ ಈ ವಿಚಾರ ನಿಚ್ಚಳವಾಗಿಯೇ ಅರಿವಾಗಿದೆ. ಇಲ್ಲಿ ತಂದೆ ಮಗಳ ಬಾಂಧವ್ಯ, ಗಾಢ ಪ್ರೇಮ, ವಿರಹ ಮುಂತಾದ ಪ್ರತಿಯೊಬ್ಬರ ಮನಸಲ್ಲೂ ಅಚ್ಚಾದ, ಸಲೀಸಾಗಿ ಎಲ್ಲರನ್ನೂ ಆವರಿಸಿಕೊಳ್ಳಬಲ್ಲ ಅಂಶಗಳು ಟ್ರೈಲರ್‌ನಲ್ಲಿ ಕಾಣಿಸಿವೆ.

ಇದು ಕಡೆಯ ಅಧ್ಯಾಯ ಎಂಬ ಸುಳಿವನ್ನೂ ಕೂಡಾ ಡಾರ್ಲಿಂಗ್ ಕೃಷ್ಣ ಬಿಟ್ಟು ಕೊಟ್ಟಿದ್ದಾರೆ. ತಮ್ಮನ್ನು ಆವರಿಸಿಕೊಂಡಿದ್ದ ಲವ್ ಮಾಕ್ಟೇಲ್ ಸರಣಿಯ ಕೊನೇ ಅಧ್ಯಾಯವೆಂಬೋ ಪ್ರೇಕ್ಷಕರ ಸೆಂಟಿಮೆಂಟ್ ಕೂಡಾ ಈ ಚಿತ್ರಕ್ಕೆ ಪ್ಲಸ್ ಆಗೋ ಸಾಧ್ಯತೆಗಳಿದ್ದಾವೆ. ಹಾಗಂತ ಈ ಹಿಒಂದಿನ ಸರಣಿಯ ಸೀಮಿತ ಪ್ರೇಕ್ಷಕರನ್ನು ಮಾತ್ರವೇ ಲವ್ ಮಾಕ್ಟೇಲ್೩ ಸೆಳೆದಿದೆ ಅಂದುಕೊಳ್ಳುವಂತಿಲ್ಲ. ಎಲ್ಲ ವರ್ಗದ ಪ್ರೇಕ್ಷಕರೂ ಟ್ರೈಲರ್ ಕಂಡು ಖುಷಿಗೊಂಡಿದ್ದಾರೆ. ಒಂದೊಳ್ಳೆ ಸಮಯದಲ್ಲಿ ಬಿಡುಗಡೆಗೆ ಅವಕಾಶ ಪಡೆದುಕೊಂಡಿರೋ ಲವ್ ಮಾಕ್ಟೇಲ್೩ಗೆ ಎಲ್ಲ ದಿಕ್ಕಿನಿಂದಲೂ ಸಕಾರಾತ್ಮಕ ಹಾದಿ ತೆರೆದುಕೊಂಡಿದೆ. ಕ್ರಿಸ್‌ಮಿ ಬ್ಯಾನರಿನಡಿಯಲ್ಲಿ ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಡಾರ್ಲಿಂಗ್ ಕೃಷ್ಣ, ಮಿಲನಾ ನಾಗರಾಜ್, ಸಂವೃತ, ಅಮೃತಾ ಅಯ್ಯಂಗಾರ್, ದಿಲೀಪ್ ರಾಜ್, ಶ್ವೇತಾ ಪ್ರಸಾದ್, ರಚೆಲ್ ಡೇವಿಡ್, ನಯೇರಾ, ಜಗದೀಶ್, ಅಭಿಲಾಶ್, ಗಿರಿರಾಜ್, ದಳಪತಿ ಮುಂತಾದವರ ತಾರಾಗಣ ಈ ಚಿತ್ರಕ್ಕಿದೆ. ಶ್ರೀ ಕ್ರೇಜಿ ಮೈಂಡ್ಸ್ ಛಾಯಾಗ್ರಹಣ ಮತ್ತು ಸಂಕಲನ, ನಕುಲ್ ಅಭಯಂಕರ್ ಸಂಗೀತ, ಅಮರ್ ಮತ್ತು ಜೋನಾ ಕಲಾ ನಿರ್ದೇಶನ ಈ ಚಿತ್ರಕ್ಕಿದೆ.

keywords: love mocktail3 movie, darling krishna, milana nagaraj, sandalwood

The post Love Mocktail3 Movie: ಚೆಂದದ ಅನುಭೂತಿಯೊಂದರ ಸ್ಪಷ್ಟ ಸುಳಿವು! appeared first on Cini Shodha.

ಅಚ್ಚುಕಟ್ಟಾದ ಪತ್ರಿಕಾಗೋಷ್ಠಿಯ ಮೂಲಕ ಲವ್ ಮಾಕ್ಟೇಲ್3 ಚಿತ್ರದ ಟ್ರೈಲರ್ ಬಿಡುಗಡೆಗೊಂಡಿದೆ. ಈ ಸಮಾರಂಭದಲ್ಲಿ ಮೊಗ್ಗಿನ ಮನಸು ಖ್ಯಾತಿಯ ನಿರ್ದೇಶಕ ಶಶಾಂಕ್ ಹಾಗೂ ಕೆವಿಎನ್ ಪ್ರೊಡಕ್ಷನ್ಸ್ ಸಂಸ್ಥೆಯ ಸುಪ್ರೀತ್ ಮುಖ್ಯ ಅತಿಥಿಗಳಾಗಿ ಪಾಲ್ಗೊಂಡಿದ್ದರು. ಅವರಿಬ್ಬರೂ ಡಾರ್ಲಿಂಗ್ ಕೃಷ್ಣ ಮತ್ತು ಒಂದಿಡೀ ಚಿತ್ರತಂಡಕ್ಕೆ ಶುಭ ಕೋರಿದರು. ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ದಂಪತಿ ಈ ಸಿನಿಮಾ ರೂಪುಗೊಂಡ ಬಗೆ, ಅದರ ವಿಶೇಷತೆ, ಈ ಹಿಂದೆ ಎರಡು ಸರಣಿಗಳಿಗೆ ದಕ್ಕಿದ ಗೆಲುವು ಹಾಗೂ ಈ ಸಿನಿಮಾ ಗೆದ್ದೇ ಗೆಲ್ಲುತ್ತದೆಂಬಂಥಾ ಗಾಢ ನಂಬಿಕೆಯ ಪಸೆಯಿರುವಂಥಾ ಮಾತುಗಳನ್ನಾಡಿದ್ದಾರೆ.

ಸಾಮಾನ್ಯವಾಗಿ, ಧುರಂಧರ್ ಥರದ ಯಾವುದೇ ಪ್ಯಾನಿಂಡಿಯಾ ಚಿತ್ರಗಳ ಮುಂದೆ ತೆರೆಗಾಣಲು ಸಿನಿಮಾ ತಂಡಗಳು ಹಿಂದೇಟು ಹಾಕೋದಿದೆ. ಆದರೆ, ಟಾಕ್ಸಿಕ್ ಚಿತ್ರ ಮುಂದೂಡಲ್ಪಟ್ಟ ನಂತರ ಧುರಂಧರ್ ಹಾವಳಿಯನ್ನೂ ಲೆಕ್ಕಿಸದೆ ಲವ್ ಮಾಕ್ಟೇಲ್೩ ಚಿತ್ರ ಬಿಡುಗಡೆಗೆ ಅಣಿಗೊಂಡಿದೆ. ಅಂಥಾ ದೊಡ್ಡ ಚಿತ್ರದ ಮುಂದೆ ತೆರೆಗಾಣುವ ಧೈರ್ಯ ಹೇಗೆ ಬಂತೆಂದು ಅನೇಕರು ಪ್ರಶ್ನಿಸಿದ್ದಾರಂತೆ. ಈ ಬಗ್ಗೆ ಪ್ರಧಾನವಾಗಿ ಮಾತಾಡಿರುವ ಮಿಲನಾ ನಾಗರಾಜ್, ಈ ಸಿನಿಮಾ ಮೂಡಿ ಬಂದಿರುವ ಬಗೆಗಿನ ನಂಬಿಕೆ, ಗೆದ್ದೇ ಗೆಲ್ಲುತ್ತೇವೆಂಬ ಭರವಸೆಯಿಂದಲೇ ಆ ರೀತಿಯದ್ದೊಂದು ಗಟ್ಟಿ ನಿರ್ಧಾರ ತಳೆದಿರೋದಾಗಿ ಸ್ಪಷ್ಟಪಡಿಸಿದ್ದಾರೆ.

ಇನ್ನು ಈ ಚಿತ್ರದ ನಿರ್ದೇಶಕರೂ ಆಗಿರುವ ಡಾರ್ಲಿಂಗ್ ಕೃಷ್ಣ ಒಲವ್ ಮಾಕ್ಟೇಲ್೩ ಚಿತ್ರದ ಕಥೆ ಹುಟ್ಟಿದ ಕುರಿತಾದ ಒಂದಷ್ಟು ರಸವತ್ತಾದ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ. ಈಗಾಗಲೇ ಎರಡು ಸರಣಿಗಳು ಗೆದ್ದಿದ್ದರಿಂದ ಮೂರನೇ ಆವೃತ್ತಿಗೆ ಕಥೆ ಸಿದ್ಧಪಡಿಸಲು ವರ್ಷಗಟ್ಟಲೆ ಕೃಷ್ಣ ಸರ್ಕಸ್ಸು ನಡೆಸಿದ್ದರಂತೆ. ಕಡೆಗೂ ಒಂದು ದಿನ ಕಥಾ ಎಳೆಯೊಂದು ಹೊಳೆದಿದ್ದೇ, ಮಡದಿ ಮಿಲನಾಗೆ ಹೇಳಿ ಸೀದಾ ಹೋದದ್ದು ಗೋವಾಕ್ಕೆ. ಅಲ್ಲಿ ಮೂರು ದಿನಗಳ ಕಾಲ ಬೀಡುಬಿಟ್ಟಿದ್ದ ಕೃಷ್ಣ, ಕಥೆಯನ್ನು ಅಚ್ಚುಕಟ್ಟಾಗಿ ಸಿನಿಮಾ ಚೌಕಟ್ಟಿಗೊಗ್ಗಿಸಿ, ಚಿತ್ರಕಥೆಯ ರೂಪುರೇಷೆಗಳನ್ನು ಸಿದ್ಧಪಡಿಸಿಕೊಂಡು ವಾಪಾಸಾಗುವ ಮೂಲಕ ಲವ್ ಮಾಕ್ಟೇಲ್3ಗೆ ವಿದ್ಯುಕ್ತ ಚಾಲನೆ ಸಿಕ್ಕಿದ್ದಾಗೆ ಡಾರ್ಲಿಂಗ್ ಕೃಷ್ಣ ಹೇಳಿಕೊಂಡಿದ್ದಾರೆ.

ಇನ್ನುಳಿದಂತೆ ಜೋ ಎಂಬ ಲವ್ ಮಾಕ್ಟೇಲ್ ಪಾತ್ರದ ಮೂಲಕ ಹೆಸರಾಗಿರುವ ಅಮೃತಾ ಅಯ್ಯಂಗಾರ್ ಕೂಡಾ ಈ ಸಿನಿಮಾದಲ್ಲೊಂದು ಪಾತ್ರವಾಗಿದ್ದಾರೆ. ಅವರೂ ಆ ಪಾತ್ರ ಮತ್ತು ಒಟ್ಟಾರೆ ಚಿತ್ರೀಕರಣದ ಅನುಭವಗಳನ್ನು ತೆರೆದಿಟ್ಟಿದ್ದಾರೆ. ಖುದ್ದು ಡಾರ್ಲಿಂಗ್ ಕೃಷ್ಣ ತಮ್ಮ ಸಿನಿಮಾದಲ್ಲಿ ನಟಿಸಿರುವ ಎಲ್ಲರನ್ನು ಪರಿಚಯಿಸಿ, ಅವರ ಪ್ರತಿಭೆಯ ಬಗ್ಗೆ ಹೇಳಿಕೊಂಡಿದ್ದು ವಿಶೇಷ. ಒಟ್ಟಾರೆಯಾಗಿ, ಟ್ರೈಲರ್ ಬಿಡುಗಡೆಯ ಅಂಗವಾಗಿ ಒಟ್ಟುಗೂಡಿದ್ದ ಚಿತ್ರತಂಡದಲ್ಲಿ ಗೆಲುವಿನ ಭರವಸೆ ಸ್ಪಷ್ಟವಾಗಿಯೇ ಮಿರುಗುತ್ತಿರುವಂತೆ ಭಾಸವಾಗಿತ್ತು. ತಂದೆ ಮಗಳ ಬಾಂಧವ್ಯದ ಕೇಂದ್ರದಲ್ಲಿರುವ, ಎಲ್ಲರ ಮನಸಿಗೂ ನಾಟುವಂಥಾ ಸೂಕ್ಷ್ಮ ಕಥನದ ಸೂಚನೆಯನ್ನು ಈ ಟ್ರೈಲರ್ ಬಿಟ್ಟುಕೊಟ್ಟಂತಿದೆ.

ಈ ಪತ್ರಿಕಾಗೋಷ್ಠಿಯಲ್ಲಿ ನಿರ್ದೇಶಕ ಹಾಗೂ ಈ ಚಿತ್ರಕ್ಕೊಂದು ಹಾಡನ್ನು ಬರೆದಿರುವ ಶಶಾಂಕ್ ಮತ್ತು ಕೆವಿಎನ್ ಪ್ರೊಡಕ್ಷನ್ಸ್ ಸಂಸ್ಥೆಯ ಸುಪ್ರೀತ್ ಮುಖ್ಯ ಅತಿಥಿಯಾಗಿ ಪಾಲ್ಗೊಂಡಿದ್ದರು. ಮಿಲನಾ ನಾಗರಾಜ್, ಡಾರ್ಲಿಂಗ್ ಕೃಷ್ಣ, ದಿಲೀಪ್ ರಾಜ್, ಶ್ವೇತಾ ಪ್ರಸಾದ್, ಅಮೃತಾ ಅಯ್ಯಂಗಾರ್, ಗೀತರಚನೆಕಾರ ರಾಘವೇಂದ್ರ ಕಾಮತ್, ನಟ ಜಗದೀಶ್, ರೆಚೆಲ್ ಡೇವಿಡ್, ಶ್ರೀ ಕ್ರೇಜಿ ಮೈಂಡ್ಸ್, ಸಂವೃತ, ಅಭಿಲಾಶ್, ರಜನಿ, ನಯಾರಾ ಮುಂತಾದವರು ಉಪಸ್ಥಿತರಿದ್ದರು. ಕ್ರಿಸ್‌ಮಿ ಬ್ಯಾನರಿನಡಿಯಲ್ಲಿ ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಡಾರ್ಲಿಂಗ್ ಕೃಷ್ಣ, ಮಿಲನಾ ನಾಗರಾಜ್, ಸಂವೃತ, ಅಮೃತಾ ಅಯ್ಯಂಗಾರ್, ದಿಲೀಪ್ ರಾಜ್, ಶ್ವೇತಾ ಪ್ರಸಾದ್, ರಚೆಲ್ ಡೇವಿಡ್, ನಯೇರಾ, ಜಗದೀಶ್, ಅಭಿಲಾಶ್, ಗಿರಿರಾಜ್, ದಳಪತಿ ಮುಂತಾದವರ ತಾರಾಗಣ ಈ ಚಿತ್ರಕ್ಕಿದೆ. ಶ್ರೀ ಕ್ರೇಜಿ ಮೈಂಡ್ಸ್ ಛಾಯಾಗ್ರಹಣ ಮತ್ತು ಸಂಕಲನ, ನಕುಲ್ ಅಭಯಂಕರ್ ಸಂಗೀತ, ಅಮರ್ ಮತ್ತು ಜೋನಾ ಕಲಾ ನಿರ್ದೇಶನ ಈ ಚಿತ್ರಕ್ಕಿದೆ.

keywords: love mocktaile3, darling krishna, milana nagaraj, amrutha iyyengar, sandalwood

The post Love Mocktail3 Trailer Launch: ಕನಸೊಂದು ಟಿಸಿಲೊಡೆದ ಅಚ್ಚರಿ ಬಿಚ್ಚಿಟ್ಟ ಡಾಲಿಂಗ್ ದಂಪತಿ! appeared first on Cini Shodha.

ಲವ್ ಮಾಕ್ಟೇಲ್ ಚಿತ್ರದ ಎರಡು ಆವೃತ್ತಿಗಳು ಗೆಲುವು ಕಂಡಿದ್ದವು. ಈ ಕಾರಣದಿಂದಲೇ ಮೂರನೇ ಆವೃತ್ತಿಯ ಸುತ್ತ ಗಾಢ ನಿರೀಕ್ಷೆ ಹಬ್ಬಿಕೊಂಡಿದೆ. ಈಗಾಗಲೇ ಹಾಡುಗಳ ಮೂಲಕವೂ ಸೆಳೆದುಕೊಂಡಿರುವ ಈ ಚಿತ್ರವನ್ನು ಟಾಕ್ಸಿಕ್ ಬಿಡುಗಡೆಯಾಗಬೇಕಿದ್ದ ದಿನದಂದೇ ತೆರೆಗಾಣಿಸಲು ಕೆವಿಎನ್ ಪ್ರೊಡಕ್ಷನ್ಸ್ ಸಂಸ್ಥೆ ನಿರ್ಧರಿಸಿದೆ. ಲವ್ ಮಾಕ್ಟೇಲ್೩ಯ ಹಂಚಿಕೆಯ ಜವಾಬ್ದಾರಿಯನ್ನು ಕೆವಿಎನ್ ಸಂಸ್ಥೆ ಹೊತ್ತುಕೊಂಡಿದೆ. ಟಾಕ್ಸಿಕ್ ಮುಂದೂಡಲ್ಪಟ್ಟಿರೋದರಿಂದ ಕೈಬಿಟ್ಟಂತಿದ್ದ ಶುಭ ಮುಹೂರ್ತವನ್ನು ಲವ್ ಮಾಕ್ಟೇಲ್ ಚಿತ್ರದ ಮೂಲಕ ಪರಿಣಾಮಕಾರಿಯಾಗಿ ಬಳಸಿಕೊಳ್ಳುವ ನಡೆಯನ್ನು ಕೆವಿಎನ್ ಸಂಸ್ಥೆ ಅನುಸರಿಸಿದೆ.

ಅತ್ಯಂತ ಆಸ್ಥೆಯಿಂದ ಈ ಚಿತ್ರವನ್ನು ನಿರ್ದೇಶನ ಮಾಡಿ, ನಿರ್ಮಾಣವನ್ನೂ ಮಾಡಿರುವ ಡಾರ್ಲಿಂಗ್ ಕೃಷ್ಣ ಪಾಕಲಿಗಿದು ಅಕ್ಷರಶಃ ಲಾಟರಿ ಹೊಡೆದಂಥಾ ವಿದ್ಯಮಾನ. ಅಳೆದೂ ತೂಗಿ ಏಪ್ರಿಲ್ ಹತ್ತರಂದು ತೆರೆಗಾಣುವ ಸನ್ನಾಹದಲ್ಲಿದ್ದ ಲವ್ ಮಾಕ್ಟೇಲ್‌ಗೀಗ ಒಂದೊಳ್ಳೆ ಅವಕಾಶ ಸಿಕ್ಕಂತಾಗಿದೆ. ಮಾರ್ಚ್ ೧೯ರಂದು ಯುಗಾದಿ ರಜೆ ಇದೆ. ಅದಾದ ಬಳಿಕ ರಂಜಾನ್ ಮುಂತಾದ ಹಬ್ಬಗಳಿಂದಾಗಿ ಸುದೀರ್ಘವಾದೊಂದು ವಾರಾಂತ್ಯ ಸಿಗುತ್ತಿರೋದು ಸಹಜವಾಗಿಯೇ ಈ ಚಿತ್ರಕ್ಕೆ ವರವಾಗಲಿದೆ. ಅದೆಷ್ಟೋ ಸಿನಿಮಾಗಳನ್ನು ಈ ದಿನದಲ್ಲಿ ಬಿಡುಗಡೆಗೊಳಿಸಲು ಪ್ರಯತ್ನಗಳು ನಡೆದಿದ್ದವು. ಆದರೆ, ಟಾಕ್ಸಿಕ್‌ನಂಥಾ ಸಿನಿಮಾ ಅಲೆಗೆದುರಾಗುವ ಇಚ್ಛೆಯಿಲ್ಲದೆ ಅನೇಕರಯ ಕೈಚೆಲ್ಲಿ ಕೂತಿದ್ದರು. ಅಂಥಾದ್ದೊಂದು ಅವಕಾಶವೀಗ ಅಚಾನಕ್ಕಾಗಿ ಡಾರ್ಲಿಂಗ್ ಕೃಷ್ಣನ ಬೊಗಸೆಗೆ ಬಿದ್ದಿದೆ.

Love Mocktail 3 Songs: ಬಿಡುಗಡೆಯಾಯ್ತು ಲವ್ ಮಾಕ್ಟೇಲ್3 ಲಿರಿಕಲ್ ವೀಡಿಯೋ ಸಾಂಗ್!

ಏಪ್ರಿಲ್ ಹತ್ತನೇ ತಾರೀಕಿಗಿಂತಲೂ ಮಾರ್ಚ್ ಹತ್ತೊಂಬತ್ತರ ಸುತ್ತಾ ಸಕಾರಾತ್ಮಕ ಅಂಶಗಳು ಹೆಚ್ಚಿವೆ. ಹೇಳಿಕೇಳಿ ಡಾರ್ಲಿಂಗ್ ಕೃಷ್ಣ ನಿರ್ದೇಶಕನಾಗಿ ಹೊಸತನದ ಪಟ್ಟುಗಳೊಂದಿಗೆ ಈ ಚಿತ್ರವನ್ನು ರೂಪಿಸಿದ್ದಾರಂತೆ. ಅದು ಪ್ರೇಕ್ಷಕರ ಮನ ಗೆದ್ದರೆ, ಚಿತ್ರಮಂದಿರಗಳು ತುಂಬಿಕೊಳ್ಳಬಹುದಾದ ಸಾಧ್ಯತೆಗಳೇ ದಟ್ಟವಾಗಿವೆ. ಒಟ್ಟಾರೆಯಾಗಿ ಹಠಾತ್ತನೆ ಸಿಕ್ಕ ಸದರಿ ಅವಕಾಶ ಲವ್ ಮಾಕ್ಟೇಲ್೩ ಚಿತ್ರತಂಡವನ್ನು ಥ್ರಿಲ್ ಆಗಿಸಿರೋದಂತೂ ನಿಜ. ಕ್ರಿಸ್‌ಮಿ ಬ್ಯಾನರಿನಡಿಯಲ್ಲಿ ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಡಾರ್ಲಿಂಗ್ ಕೃಷ್ಣ, ಮಿಲನಾ ನಾಗರಾಜ್, ಸಂವೃತ, ಅಮೃತಾ ಅಯ್ಯಂಗಾರ್, ರಚೆಲ್ ಡೇವಿಡ್, ಅಭಿಲಾಶ್ ದಳಪತಿ ಮುಂತಾದವರ ತಾರಾಗಣ ಈ ಚಿತ್ರಕ್ಕಿದೆ.

keywords: lovemocktail3 movie, darling krishna, kvn productions , toxic, sandalwood

The post Love Mocktail3 Movie: ಡಾರ್ಲಿಂಗ್ ಕೃಷ್ಣಗೆ ಹೊಡೆದಂತಾಯ್ತು ಲಾಟ್ರಿ! appeared first on Cini Shodha.

ಒಬ್ಬಂಟಿಯಾದೆ ನಾ ಎಂಬ ಶೀರ್ಷಿಕೆಯಿರೋ ಈ ಹಾಡು, ಪ್ರೇಮಿಗಳ ದಿನದಂದು ಸೃಷ್ಟಿಯಾಗಬಹುದಾದ ವಿರಹದ ಗಾಯಗಳೇ ಗಾನವಾದಂತೆ ಭಾಸವಾಗುವಷ್ಟು ಪರಿಣಾಮಕಾರಿಯಾಗಿ ಮೂಡಿ ಬಂದಿದೆ. ಪ್ರತೀ ಪ್ರೇಮವೂ ಫಲಿಸಬೇಕೆಂದೇನೂ ಇಲ್ಲ. ಒಂದು ವೇಳೆ ಹಾಗಾಗುವಂತಿದ್ದಿದ್ದರೆ ಬಹುಶಃ ಕ್ರಿಯಾಶೀಲ ಜಗತ್ತು ಈ ಪರಿಯಾಗಿ ಕಳೆಗಟ್ಟಲು ಸಾಧ್ಯವಾಗುತ್ತಿರಲಿಲ್ಲ. ಅಂಥಾ ಗಾಯಗಳನ್ನು ಹೊತ್ತು ತಿರುಗುವವರನ್ನೆಲ್ಲ ಮಡಿಲಿಗಿಟ್ಟುಕೊಂಡು ಸಂತೈಸುವ ಧಾಟಿಯಲ್ಲಿ ಈ ಹಾಡನ್ನು ರೂಪಿಸಲಾಗಿದೆ. ಇಂಥಾದ್ದೊಂದು ಭಾವುಕತೆಯ ಪರಾಗ ಮೆತ್ತಿಕೊಂಡಿರುವ ಕಾರಣದಿಂದಲೇ ಈ ಹಾಡು ಎಲ್ಲರನ್ನೂ ಸೆಳೆದುಕೊಳ್ಳುತ್ತಿದೆ.

ಲವ್ ಮಾಕ್ಟೇಲ್ ಮೊದಲ ಆವೃತ್ತಿ ದೊಡ್ಡ ಮಟ್ಟದಲ್ಲಿ ಗೆಲುವು ಕಂಡಿದ್ದೀಗ ಇತಿಹಾಸ. ಆ ಸಿನಿಮಾದ ಒಟ್ಟಾರೆ ಗೆಲುವಿನಲ್ಲಿ ಹಾಡುಗಳ ಪಾಲು ಸಾಕಷ್ಟಿದೆ. ಪ್ರತೀ ಹಾಡುಗಳೂ ಎದೆಗಿಳಿಯುವಂತೆ ಹಾಡುಗಳನ್ನು ರೂಪಿಸುವಲ್ಲಿ ಡಾರ್ಲಿಂಗ್ ಕೃಷ್ಣ ವಿಶೇಷ ಆಸಕ್ತಿ ವಹಿಸಿದ್ದರು. ಎರಡನೇ ಆವೃತ್ತಿಯಲ್ಲಿಯೂ ಅದು ಮುಂದುವರೆದಿತ್ತು. ಇದೀಗ ಮೂರನೇ ಕಂತಿಗೂ ಅಂಥಾದ್ದೊಂದು ಆಸಕ್ತಿ ಅದೇ ತಾಜಾತನದೊಂದಿಗೆ ದಾಟಿಕೊಂಡಿದೆ. ರಾಘವೇಂದ್ರ ಕಾಮತ್ ಸಾಹಿತ್ಯಕ್ಕೆ ಸಂಗೀತ ಸಂಯೋಜನೆ ಮಾಡಿರುವ ನಕುಲ್ ಅಭಯಂಕರ್ ಅವರೇ ಈ ಹಾಡಿಗೆ ಧ್ವನಿಯಾಗಿದ್ದಾರೆ. ಬಿಡುಗಡೆಗೊಂಡು ದಿನದೊಪ್ಪತ್ತಿನಲ್ಲಿಯೇ ಸಿಗಲಾರಂಭಿಸಿರುವ ಮೆಚ್ಚುಗೆಗಳ ಮೂಲಕ ಈ ಹಾಡು ಈ ವರ್ಷದ ಹಿಟ್ ಲಿಸ್ಟಿಗೆ ದಾಖಲಾಗಿದೆ.

ಲವ್ ಮಾಕ್ಟೇಲ್೩ ಈ ಹಿಂದಿನ ಎರಡು ಆವೃತ್ತಿಗಳಿಗಿಂತಲೂ ಸಂಪೂರ್ಣವಾಗಿ ಭಿನ್ನವಾಗಿರಲಿದೆ ಎಂಬ ವಿಚಾರವನ್ನು ಡಾರ್ಲಿಂಗ್ ಕೃಷ್ಣ ಒತ್ತಿ ಹೇಳಿದ್ದಾರೆ. ಕಥೆ, ನಿರೂಪಣೆ ಮತ್ತು ನಿರ್ದೇಶನ ಎಲ್ಲದರಲ್ಲಿಯೂ ಪ್ರೇಕ್ಷಕರನ್ನು ಈ ಸಿನಿಮಾ ಚಕಿತಗೊಳಿಸುವ ಭರವಸೆಯೊಂದು ಕೃಷ್ಣಗಿದ್ದಂತಿದೆ. ಲವ್ ಮಾಕ್ಟೇಲ್೩ ಇದೇ ಏಪ್ರಿಲ್ ೧೦ರಂದು ರಾಜ್ಯಾದ್ಯಂತ ತೆರೆಗಾಣಲಿದೆ. ಕ್ರಿಸ್‌ಮಿ ಬ್ಯಾನರಿನಡಿಯಲ್ಲಿ ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಡಾರ್ಲಿಂಗ್ ಕೃಷ್ಣ, ಮಿಲನಾ ನಾಗರಾಜ್, ಸಂವೃತ, ಅಮೃತಾ ಅಯ್ಯಂಗಾರ್, ರಚೆಲ್ ಡೇವಿಡ್, ಅಭಿಲಾಶ್ ದಳಪತಿ ಮುಂತಾದವರ ತಾರಾಗಣ ಈ ಚಿತ್ರಕ್ಕಿದೆ.

keywords: love mocktail3, darling krishna, milana nagaraj

The post Love Mocktail 3 Songs: ಬಿಡುಗಡೆಯಾಯ್ತು ಲವ್ ಮಾಕ್ಟೇಲ್3 ಲಿರಿಕಲ್ ವೀಡಿಯೋ ಸಾಂಗ್! appeared first on Cini Shodha.

ನೀನೇ ನೀನೇನೆ ನನ್ನೆಲ್ಲ ಆಸೆ ಅಂತ ಶುರುವಾದ ಈ ಪಾಡಿನ ಪ್ರತೀ ಪಲುಕುಗಳಲ್ಲಿಯೂ ಮಗಳ ಮೇಲಿನ ಮಮಕಾರದ ಒರತೆಯಿದೆ. ಮೊದಲ ಸಲಕ್ಕೇ ಆವರಿಸಿಕೊಳ್ಳುವ ಗುಣ ಹೊಂದಿರುವ ಈ ಹಾಡನ್ನು ಶಶಾಂಕ್ ಬರೆದಿದ್ದಾರೆ. ನಕುಲ್ ಅಭಯಂಕರ್ ಸಂಗೀತ ಸಂಯೋಜಿಸಿ ಸ್ವತಃ ತಾವೇ ಹಾಡಿದ್ದಾರೆ. ಇದು ಲವ್ ಮಾಕ್ಟೇಲ್ ಚಿತ್ರದ ಮೊದಲ ಹಾಡು. ಡಾರ್ಲಿಂಗ್ ಕೃಷ್ಣ ಲವ್ ಮಾಕ್ಟೈಲ್ ಮೊದಲ ಕಂತಿನಿಂದಲೂ ಹಾಡುಗಳಿಗೆ ಒತ್ತು ಕೊಟ್ಟಿದ್ದರು. ಆ ಸಿನಿಮಾ ಗೆದ್ದಿದ್ದರ ಹಿಂದಿರುವ ನಿಜವಾದ ಕಸುವಿನಲ್ಲಿ ಹಾಡುಗಳದ್ದು ಸಿಂಹ ಪಾಲಾಗಿತ್ತು. ಈ ಕಾರಣದಿಂದಲೇ ಲವ್ ಮಾಕ್ಟೇಲ್೩ ಹಾಡುಗಳ ಬಗ್ಗೆ ಸಹಜವಾಗಿಯೇ ಕೌತುಕ ಮೂಡಿಕೊಂಡಿತ್ತು. ಈಗ ಬಿಡುಗಡೆಗೊಂಡಿರೋ ಹಾಡು ಅಂಥಾ ನಿರೀಕ್ಷೆ ಹೊಂದಿದ್ದವರನ್ನೆಲ್ಲ ಸಂತೃಪ್ತಗೊಳಿಸುವಂತಿದೆ. 

Rukmini Vasanth’s Toxic Look: ಯಶ್ ಚಿತ್ರದಲ್ಲಿ ರುಕ್ಮಿಣಿಗೆ ಸಿಕ್ಕಿದ್ದು ಎಂಥಾ ಪಾತ್ರ?

ಲವ್ ಮಾಕ್ಟೇಲ್ ಚಿತ್ರದ ಮೂಲಕ ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ಜೋಡಿ ಅಕ್ಷರಶಃ ಮೋಡಿ ಮಾಡಿತ್ತು. ಸಾಮಾನ್ಯವಾಗಿ ಒಂದು ಯಶಸ್ವೀ ಸಿನಿಮಾದ ಸರಣಿಗಳನ್ನು ಮಾಡುವಾಗ ನಾನಾ ಸವಾಲುಗಳು ಎದುರಾಗುತ್ತವೆ. ಮೊದಲ ಭಾಗವನ್ನೇ ಮೀರಿಸುವಂಥಾ ಕಂಟೆಂಟು ಇದ್ದರೆ ಮಾತ್ರವೇ ಗೆಲ್ಲಲು ಸಾಧ್ಯ. ಆ ನಿಟ್ಟಿನಲ್ಲಿ ಹೇಳೋದಾದರೆ, ನಿರ್ದೇಶಕರಾಗಿ ಡಾರ್ಲಿಂಗ್ ಕೃಷ್ಣ ಎರಡನೇ ಭಾಗದಲ್ಲಿಯೂ ಗೆದ್ದಿದ್ದರು. ಮೂರನೇ ಆವೃತ್ತಿಯೂ ಗೆದ್ದೇ ಗೆಲ್ಲುತ್ತದೆಂಬ ಗಾಢ ನಂಬಿಕೆ ಅವರೊಳಗೆ ಇದ್ದಂತಿದೆ. ಈಗ ಬಂದಿರೋ ಹಾಡು, ಈಗಾಗಲೇ ಬಿಡುಗಡೆಯಾಗಿದ್ದ ಮೋಷನ್ ಪೋಸ್ಟರ್ ಮತ್ತು ಖುದ್ದು ಕೃಷ್ಣ ಅದಕ್ಕೆ ಪೂರಕವಾದ ಒಂದಷ್ಟು ವಿಚಾರಗಳನ್ನು ಬಿಟ್ಟುಕೊಟ್ಟಿದ್ದರು. 

ಸದರಿ ಹಾಡು ಕೇಳಿದ ಯಾರೊಳಗೇ ಆದರೂ ತಂತಾನೇ ಲವ್ ಮಾಕ್ಟೇಲ್೩ಯ ಬಗೆಗೊಂದು ಕುತೂಹಲ ಮೂಡಿಕೊಳ್ಳುತ್ತೆ. ಕನ್ನಡ ಚಿತ್ರರಂಗದಲ್ಲಿ ಈವರೆಗೂ ಅಪ್ಪ ಮಗಳ ಬಾಂಧವ್ಯದ ಭೂಮಿಕೆಯಲ್ಲಿ ಒಂದಷ್ಟು ಎವರ್‌ಗ್ರೀನ್ ಅನ್ನಿಸಬಲ್ಲ ಹಾಡುಗಳು ಬಂದಿವೆ. ಈ ಕ್ಷಣಕ್ಕೂ ಅವುಗಳು ಅಪ್ಪ ಮಗಳ ನಡುವೆ ಮಾತಲ್ಲಿ ಹೇಳಲಾರದ ಅನೂಹ್ಯ ಭಾವಗಳ ವಾಹಕಗಳಾಗಿ ಚಾಲ್ತಿಯಲ್ಲಿವೆ. ಲವ್ ಮಾಕ್ಟೇಲ್೩ ಹಾಡೂ ಕೂಡಾ ಹಾಗೆ ಎವರ್‌ಗ್ರೀನ್ ಲಿಸ್ಟಿಗೆ ಸೇರಿಕೊಳ್ಳುವ ಗುಣಲಕ್ಷಣಗಳನ್ನು ಒಳಗೊಂಡಿದೆ. ನಕುಲ್ ಅಭಯಂಕರ್ ಸಂಗೀತ ನಿರ್ದೇಶನ, ಶ್ರೀ ಕ್ರೇಜಿ ಮೈಂಡ್ಸ್ ಛಾಯಾಗ್ರಹಣ ಮತ್ತು ಸಂಕಲ ಈ ಚಿತ್ರಕ್ಕಿದೆ. ಡಾರ್ಲಿಂಗ್ ಕೃಷ್ಣ, ಮಿಲನಾ ನಾಗರಾಜ್, ಸಂವೃತ, ಅಮೃತಾ ಅಯ್ಯಂಗಾರ್, ರಚೆಲ್ ಡೇವಿಡ್, ಅಭಿಲಾಶ್ ದಳಪತಿ ಮುಂತಾದವರ ತಾರಾಗಣವಿರುವ ಈ ಚಿತ್ರ ಏಪ್ರಿಲ್ ೧೦ರಂದು ತೆರೆಗಾಣಲಿದೆ.

keywords: love mocktail, darling krishna, milana nagaraj, sandalwood, kfi, cinishodha

The post Love Mocktail3 Song: ಮನಸಿಗೆ ಮುತ್ತಿಟ್ಟ ಲವ್ ಮಾಕ್ಟೇಲ್3ಗೀತೆ! appeared first on Cini Shodha.

ಇದೇ ಏಪ್ರಿಲ್ ೧೦ರಂದು ಲವ್ ಮಾಕ್ಟೇಲ್೩ ಅದ್ದೂರಿಯಾಗಿ ತೆರೆಗಾಣಲಿದೆ. ಈ ಹಿಂದಿನ ಎರಡು ಆವೃತ್ತಿಗಳನ್ನು ನೋಡಿ ಮೆಚ್ಚಿಕೊಂಡಿದ್ದವರೆಲ್ಲ ಬೆರಗಾಗುವಂತೆ ಡಾರ್ಲಿಂಗ್ ಕೃಷ್ಣ ಮೂರನೇ ಆವೃತ್ತಿಯನ್ನು ರೂಪಿಸಿದ್ದಾರಂತೆ. ಸಾಮಾನ್ಯವಾಗಿ ಯಶಸ್ವೀ ಚಿತ್ರವೊಂದರ ಸರಣಿಗಳನ್ನು ರೂಪಿಸುವಾಗ ಸವಾಲುಗಳ ಸಂತೆಯೇ ನೆರೆದಿರುತ್ತದೆ. ಒಂದು ಭಾಗವನ್ನು ಮೀರಿಸುವ ಕಂಟೆಂಟಿನೊಂದಿಗೆ ಬಂದರೆ ಮಾತ್ರವೇ ಗೆಲುವು ದಕ್ಕಬಹುದಷ್ಟೆ. ಲವ್ ಮಾಕ್ಟೇಲ್೨ ಚಿತ್ರದಲ್ಲಿ ಅಂಥಾ ಸವಾಲನ್ನು ದಾಟಿಕೊಂಡಿದ್ದ ಕೃಷ್ಣ, ಮೂರನೇ ಕಂತಿನಲ್ಲಿ ಓರ್ವ ನಿರ್ದೇಶಕರಾಗಿ ತಮ್ಮ ಕೈಚಳಕ ತೋರಿಸಿರುವ ಲಕ್ಷಣಗಳಿವೆ. ಕಥೆ, ಚಿತ್ರಕಥೆ, ಸಂಭಾಷಣೆ, ನಿರೂಪಣೆ ಸೇರಿದಂತೆ ಎಲ್ಲದರಲ್ಲಿಯೂ ಹೊಸತನ ಇರಲಿದೆ ಎಂಬ ಸೂಚನೆಯನ್ನಷ್ಟೇ ಸದ್ಯದ ಮಟ್ಟಿಗೆ ಡಾರ್ಲಿಂಗ್ ಕೃಷ್ಣ ಬಿಟ್ಟು ಕೊಟ್ಟಿದ್ದಾರೆ.

Dangerous Drugs Mafia: ಅಲ್ಲಿ ಸಿಗುವ ಡೇಂಜರಸ್ ಡ್ರಗ್ಸ್ ಯಾವುದು ಗೊತ್ತಾ?

ಇತ್ತೀಚೆಗಷ್ಟೇ ಈ ಚಿತ್ರದ ಮೋಷನ್ ಪೋಸ್ಟರ್ ಒಂದು ಬಿಡುಗಡೆಗೊಂಡಿತ್ತು. ಅದು ಲವ್ ಮಾಕ್ಟೇಲ್೩ ಬಗ್ಗೆ ಗಾಢ ಕೌತುಕ ಹರಳುಗಟ್ಟುವಂತೆ ಮಾಡಿತ್ತು. ಮೊದಲೆರಡು ಕಂತುಗಳಲ್ಲಿ ಪ್ರೇಮದ ಭಾವ ತೀವ್ರತೆ ಇದ್ದರೆ, ಮೂರನೇ ಕಂತಿನಲ್ಲಿ ತಂದೆ ಮಗಳ ಬಾಂಧವ್ಯದ ಚಿತ್ರಣವನ್ನು ಪರಿಣಾಮಕಾರಿಯಾಗಿ ಕಟ್ಟಿಕೊಟ್ಟಿರುವ ಸೂಚನೆಗಳಿದ್ದಾರೆ. ಕ್ರಿಸ್‌ಮಿ ಬ್ಯಾನರಿನಡಿಯಲ್ಲಿ ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ನಕುಲ್ ಅಭಯಂಕರ್ ಸಂಗೀತ ನಿರ್ದೇಶನ, ಶ್ರೀ ಕ್ರೇಜಿ ಮೈಂಡ್ಸ್ ಛಾಯಾಗ್ರಹಣ ಮತ್ತು ಸಂಕಲ ಈ ಚಿತ್ರಕ್ಕಿದೆ. ಡಾರ್ಲಿಂಗ್ ಕೃಷ್ಣ, ಮಿಲನಾ ನಾಗರಾಜ್, ಸಂವೃತ, ಅಮೃತಾ ಅಯ್ಯಂಗಾರ್, ರಚೆಲ್ ಡೇವಿಡ್, ಅಭಿಲಾಶ್ ದಳಪತಿ ಮುಂತಾದವರ ತಾರಾಗಣವಿರುವ ಈ ಚಿತ್ರ ಬೇಸಗೆ ರಜೆಯ ಹೊಸ್ತಿಲಲ್ಲಿಯೇ ತೆರೆಗಾಣುತ್ತಿದೆ.

keywords: darling krishna, milana nagaraj, lovemocktaile3, sandalwood, kfi

The post Love Mocktail 3 Release Date Announced: ಬಿಡುಗಡೆ ದಿನಾಂಕ ಘೋಶಿಸಿದ ಡಾರ್ಲಿಂಗ್ ಕೃಷ್ಣ! appeared first on Cini Shodha.