ಕೊಡಗಿನಿಂದ ಸಿನಿಮಾ ರಂಗಕ್ಕೆ ಸದಾ ಕಾಲವೂ ನಾಯಕಿಯರ ಆಗಮನವಾಗುತ್ತಲೇ ಇರುತ್ತದೆ. ಅದೇ ರೀತಿ ಐಟಿ ಜಗತ್ತಿನಿಂದಲೂ ಸಿನಿಮಾ ರಂಗದತ್ತ ಆಕರ್ಶಿತರಾಗೋದು ಮಾಮೂಲಿ. ಸಾಮಾನ್ಯವಾಗಿ ಸಿನಿಮಾ ಜಗತ್ತಿನಲ್ಲಿ ಏನೋ ಗಹನವಾದದ್ದನ್ನು ಸಾಧಿಸೋ ಕನಸು ಹೊತ್ತು ವು ಮಾಡುತ್ತಿದ್ದ ಕೆಲಸವನ್ನೇ ಬಿಟ್ಟು ಬರುವವರಿದ್ದಾರೆ. ಈ ಸಾಲಿನಲ್ಲಿ ರವೀಕ್ಷಾ ಶೆಟ್ಟಿ ಭಿನ್ನವಾಗಿ ಕಾಣಿಸುತ್ತಾರೆ. ಯಾಕೆಂದರೆ, ಶಾಲಾ ಕಾಲೇಜು ದಿನಗಳಲ್ಲಿಯೇ ನಟಿಯಾಗೋ ಕನಸು ಹೊತ್ತಿದ್ದ ರವೀಕ್ಷಾಂತ ತಾಳ್ಮೆಯಿಂದಲೇ ಗುರಿಯ ನೇರಕ್ಕೆ ಬಂದು ನಿಂತಂತಿದೆ. ದ್ಯದ ಮಟ್ಟಿಗೆ ಪ್ರತಿಷ್ಠಿತ ಕಂಪೆನಿಯೊಂದರಲ್ಲಿ ಸಾಫ್ಟ್‌ವೇರ್ ಇಂಜಿನಿಯರ್ ಆಗಿರುವ ರವೀಕ್ಷಾ ಒಂದಷ್ಟು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಆಕೆ ನಟಿಸಿರುವ ಎರಡ್ಮೂರು ಸಿನಿಮಾಗಳು ಬಿಡುಗಡೆಯ ಸರದಿಯಲ್ಲಿವೆಯಾದರೂ ಸೀಟ್ ಎಡ್ಜ್ ಚಿತ್ರವಾಗಿ ದಾಖಲಾಗಲಿದೆ.

೨೦೨೨ರ ಕೊರೋನಾ ಕಾಲಘಟ್ಟದಿಂದಲೇ ನಟಿಯಾಗುವ ಸಲುವಾಗಿ ಪ್ರಯತ್ನ ಆರಂಭಿಸಿದ್ದವರು ರವೀಕ್ಷಾ. ಕಡೆಗೂ ಆಡಿಷನ್ನಿನಲ್ಲಿ ಪಾಲ್ಗೊಳ್ಳುವ ಮೂಲಕ ಈಕೆಗೆ ಸೀಟ್ ಎಡ್ಜ್ ಚಿತ್ರದ ನಾಯಕಿಯಾಗೋ ಅವಕಾಶ ಒದಗಿ ಬಂದಿತ್ತು. ಇಲ್ಲಿರೋದು ಹಾರರ್ ಕಥನವಾದರೂ ಮತ್ತೊಂದು ಮಜಲಿನ ಪಾತ್ರಕ್ಕೆ ರವೀಕ್ಷಾ ಜೀವ ತುಂಬಿದ್ದಾರೆ. ಪೌಢ ಸ್ವಭಾವ ಹೊಂದಿರುವ, ಸ್ವಾಭಿಮಾನದ ಗುಣದ ಆ ಪಾತ್ರ ಸೀಮಿತ ಕಾಲಾವಧಿ ಹೊಂದಿದ್ದರೂ ಗುರುತಾಗುವಂತಿದೆ ಎಂಬ ನಂಬಿಕೆ ರವೀಕ್ಷಾರದ್ದು. ನಿರ್ದೇಶಕರ ಆಶಯಕ್ಕನುಗುಣವಾಗಿ ಆ ಪಾತ್ರಕ್ಕೆ ಜೀವ ತುಂಬಿದ ತೃಪ್ತ ಭಾವ ಹೊಂದಿರುವ ರವೀಕ್ಷಾ ಪಾಲಿಗೆ ತನ್ನ ಮೊದಲ ಹೆಜ್ಜೆಯಲ್ಲಿಯೇ ಗೆಲುವು ದಕ್ಕುವ ಭರವಸೆ ಗಟ್ಟಿಯಾಗಿದೆ.

Seat Edge Movie: ಸರೆಗಮಪ ಖ್ಯಾತಿಯ ಆಕಾಶ್ ಸಂಗೀತ ಸಾಂಗತ್ಯ!

ಕೊಡಗು ಮೂಲದವರಾದ ರವೀಕ್ಷಾ ಶೆಟ್ಟಿ ವ್ಯಾಸಂಗ ನಡೆಸಿದ್ದೆಲ್ಲವೂ ಮೈಸೂರಿನಲ್ಲಿ. ಶಾಲಾ ಕಾಲೇಜು ದಿನಗಳಲ್ಲಿಯೇ ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ಭಾಗಿಯಾಗುತ್ತಿದ್ದ ಈಕೆಯ ಪಾಲಿಗೆ ಆ ಹಂತದಲ್ಲಿಯೇ ಸಿನಿಮಾ ಸೆಳೆತವಿತ್ತು, ನಟಿಯಾಗೋ ಹಂಬಲವಿತ್ತು. ಈ ನಡುವೆ ಇಂಜಿನಿಯರಿಂಗ್ ಪದವಿ ಪೂರೈಸಿದ್ದ ರವೀಕ್ಷಾಗೆ ಬೆಂಗಳೂರಿನ ಪ್ರತಿಷ್ಠಿತ ಕಂಪೆನಿಯಲ್ಲಿ ಕೆಲಸವೂ ಸಿಕ್ಕಿತ್ತು. ಇದೀಗ ಕೆಲಸ ಮತ್ತು ಸಿನಿಮಾ ಯಾನವನ್ನು ಒಟ್ಟೊಟ್ಟಿಗೆ ಸಂಭಾಳಿಸುತ್ತಿರೋ ರವೀಕ್ಷಾ ಖಾತೆಯಲ್ಲಿಘ್ರದಲ್ಲಿಯೇ ಬಿಡುಗಡೆಯಾಗಲಿರೋ ಮತ್ತೊಂದಷ್ಟು ಸಿನಿಮಾಗಳಿದ್ದಾವೆ. ದರ್ಶನ್ ಅಳಿಯ ಮನೋಜ್ ಕುಮಾರ್ ನಾಯಕನಾಗಿ ನಟಿಸಿರುವ ಧರಣಿ ಚಿತ್ರದಲ್ಲಿಯೂ ರವೀಕ್ಷಾ ನಾಯಕಿಯಾಗಿ ನಟಿಸಿದ್ದಾರೆ. ಆ ಚಿತ್ರವೂ ಬಿಡುಗಡೆಗೆ ಅಣಿಗೊಂಡಿದೆ.

ಇನ್ನುಳಿದಂತೆ, ನಟಿಯರೆಲ್ಲ ಒಂದಷ್ಟು ಅನುಭವ ದಕ್ಕಿಸಿಕೊಂಡ ನಂತರ ಬಯಸುವಂಥಾ ಮಹಿಳಾ ಕೇಮದ್ರಿತ ಕಥನಗಳು ಮೊದಲ ಹೆಜ್ಜೆಯಲ್ಲಿಯೇ ರವೀಕ್ಷಾಗೆ ಸಿಗಲಾರಂಭಿಸಿವೆ. ಮಹಿಳಾ ಕೇಂದ್ರಿತ ಕಥೆ ಹೊಂದಿರುವ ಮಾರಿಕಾ ಎಂಬ ಚಿತ್ರದಲ್ಲಿಯೂ ಈಕೆ ನಟಿಸಿದ್ದಾರೆ.ಅದರ ಚಿತ್ರೀಕರಣ ಅರ್ಧ ಭಾಗ ಮುಗಿದಿದೆ. ಅದರಾಚೆಗೆ ಮತ್ತೊಂದಷ್ಟು ಅವಕಾಶಗಳನ್ನು ಪಡೆಯುತ್ತಿರೋ ರವೀಕ್ಷಾ, ಸೀಟ್ ಎಡ್ಜ್ ಮೂಲಕ ತನ್ನ ಯಾನಕ್ಕೆ ಮತ್ತಷ್ಟು ಆವೇಗ ಸಿಗುವ ನಿರೀಕ್ಷೆಯಿಟ್ಟುಕೊಂಡಿದ್ದಾರೆ. ಎನ್.ಆರ್ ಸಿನಿಮಾ ಪ್ರೊಡಕ್ಷನ್ಸ್ ಬ್ಯಾನರಿನಡಿಯಲ್ಲಿ ನಿರ್ಮಾಣಗೊಂಡಿರುವ ಈ ಚಿತ್ರದಲ್ಲಿ ಸಿದ್ದು ಮೂಲಿಮನಿ, ರವಿಕ್ಷಾ ಶೆಟ್ಟಿ, ರಾಘು ರಾಮನಕೊಪ್ಪ, ಕಿರಣ್ ಕುಮಾರ್, ಗಿರೀಶ್ ಶಿವಣ್ಣ ಮುಂತಾದವರ ತಾರಾಗಣವಿದೆ. ಆಕಾಶ್ ಪರ್ವ ಸಂಗೀತ ನಿರ್ದೇಶನ, ವೆಂಕಟೇಶ್ ಚಂದ್ರ ಸಹ ನಿರ್ದೇಶನ, ದೀಪಕ್ ಕುಮಾರ್ ಜೆ ಛಾಯಾಗ್ರಹಣ, ನಾಗೇಂದ್ರ ಉಜ್ಜನಿ ಸಂಕಲನ ಈ ಚಿತ್ರಕ್ಕಿದೆ.

The post Seat Edge Movie: ಸೀಟ್ ಎಡ್ಜ್ ಬಗ್ಗೆ ರವೀಕ್ಷಾ ಶೆಟ್ಟಿ ಹೇಳಿದ್ದಿಷ್ಟು! appeared first on Cini Shodha.

ಈ ಕಥೆಯನ್ನು ಸಿದ್ಧಪಡಿಸಿಕೊಳ್ಳುವ ಹಂತದಲ್ಲಿಯೇ ನಿರ್ದೇಶಕ ಚೇತನ್ ನಾಯಕನ ಪಾತ್ರಕ್ಕೆ ಸಿದ್ದು ಮೂಲಿಮನಿಯನ್ನು ನಿಕ್ಕಿಯಾಗಿಸಿದ್ದರಂತೆ. ಈ ಕಥೆ ಕೇಳಿದಾಕ್ಷಣವೇ ಸಿದ್ದು ಕೂಡಾ ಅದರ ಸೆಳೆತಕ್ಕೊಳಗಾಗಿದ್ದರು. ಅದಕ್ಕೆ ಕಾರಣ ಸದರಿ ಕಥೆಯಲ್ಲಿನ ಹೊಸತನ. ಇಲ್ಲಿ ಈಗಿನ ಯುವ ಸಮುದಾಯವನ್ನು ಬಹುವಾಗಿ ಆವರಿಸಿಕೊಂಡಿರುವ ವ್ಲಾಗಿಂಗ್ ಜಗತ್ತಿನ ಕಥಾ ಬಿಂದುವಿದೆ. ಪ್ರಸಿದ್ಧಿಯ ಬೆಂಬಿದ್ದು ಹರಡುವ ಯುವ ವ್ಲಾಗರ್ ಪಾತ್ರಕ್ಕೆ ಸಿದ್ದು ಮೂಲಿಮನಿ ಜೀವ ತುಂಬಿದ್ದಾರೆ. ವ್ಲಾಗಿಂಗ್ ಜಗತ್ತಲ್ಲಿ ಚಾಲ್ತಿಯಲ್ಲಿರಬೇಕೆಂದರೆ, ಹೊಸಾ ಸಾಹಸಗಳಿಗೆ ಕೈಹಾಕಲೇ ಬೇಕೆಂಬ ವಾತಾವರಣವಿದೆ. ಹೀಗೆ ಪ್ರಸಿದ್ಧಿಯ ಬೆಂಬಿದ್ದವರನ್ನು ಬಹುವಾಗಿ ಸೆಳೆಯೋ ವಿಷಯ ಘೋಸ್ಟ್ ಹಂಟಿಂಗ್.

Veera Kambala Movie: ಕಥೆ ಹುಟ್ಟಿದ ಬಗೆಯ ಬಗ್ಗೆ ರಾಜೇಂದ್ರ ಸಿಂಗ್ ಬಾಬು ಹೇಳಿದ್ದೇನು?

ಹಾಗೆ ವ್ಲಾಗರ್ ಆಗಿದ್ದುಕೊಂಡು ಘೋಸ್ಟ್ ಹಂಟಿಂಗ್ ಹುಚ್ಚಿಗೆ ಬೀಳೋ ರೋಚಕ ಪಾತ್ರವನ್ನು ಸಿದ್ದು ಮೂಲಿಮನಿ ನಿಭಾಯಿಸಿದ್ದಾರೆ. ಈ ಪಾತ್ರದ ಚಿತ್ರೀಕರಣದ ಪ್ರತೀ ಕ್ಷಣಗಳನ್ನೂ ಸಂಭ್ರ್ರಮಿಸಿದ್ದಾಗಿ ಹೇಳುವ ಸಿದ್ದುಗೆ ತನ್ನ ವೃತ್ತಿ ಬದುಕಿನಲ್ಲಿ ಸದರಿ ಚಿತ್ರವೊಂದು ಮೈಲಿಗಲ್ಲಾಗುತ್ತೆಂಬ ನಂಬಿಕೆಯಿದೆ. ಪ್ರೇಕ್ಷಕರನ್ನು ಪ್ರತೀ ಕ್ಷಣವೂ ಸೀಟ್ ಎಡ್ಜಿಗೆ ತಂದು ಕೂರಿಸೋ ಅಂಶಗಳೋಮದಿಗೆ ಭರ್ಜರಿ ಮನೋರಂಜನೆಯೊಂದಿಗೆ ಈ ಸಿನಿಮಾ ಮೂಡಿ ಬಂದಿದೆ ಎಂಬುದು ಸಿದ್ದು ಮಾತು. ಎನ್.ಆರ್ ಸಿನಿಮಾ ಪ್ರೊಡಕ್ಷನ್ಸ್ ಬ್ಯಾನರಿನಡಿಯಲ್ಲಿ ನಿರ್ಮಾಣಗೊಂಡಿರುವ ಈ ಚಿತ್ರದಲ್ಲಿ ಸಿದ್ದು ಮೂಲಿಮನಿ, ರವಿಕ್ಷಾ ಶೆಟ್ಟಿ, ರಾಘು ರಾಮನಕೊಪ್ಪ, ಕಿರಣ್ ಕುಮಾರ್, ಗಿರೀಶ್ ಶಿವಣ್ಣ ಮುಂತಾದವರ ತಾರಾಗಣವಿದೆ. ಆಕಾಶ್ ಪರ್ವ ಸಂಗೀತ ನಿರ್ದೇಶನ, ವೆಂಕಟೇಶ್ ಚಂದ್ರ ಸಹ ನಿರ್ದೇಶನ, ದೀಪಕ್ ಕುಮಾರ್ ಜೆ ಛಾಯಾಗ್ರಹಣ, ನಾಗೇಂದ್ರ ಉಜ್ಜನಿ ಸಂಕಲನ ಈ ಚಿತ್ರಕ್ಕಿದೆ.

keywords: siddu, moolimani, seatedge, sandalwood

The post Seat Edge Movie: ಈ ಜನರೇಷನ್ನಿನ ಮನಃಸ್ಥಿತಿಗೆ ಕನ್ನಡಿ ಹಿಡಿದ ಕಥನ! appeared first on Cini Shodha.

ಈ ಹಿಂದೆ ಕೆಮಿಸ್ಟ್ರಿ ಆಫ್ ಕರಿಯಪ್ಪ ಅಂತೊಂದು ಸಿನಿಮಾ ಮೂಲಕ ಗಮನ ಸೆಳೆದಿದ್ದ ಕುಮಾರ್ ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ. ಲವ್ ಯೂ ಮುದ್ದು ಒಂದಷ್ಟು ನಿರೀಕ್ಷೆ ಮೂಡಿಸಿದ್ದರ ಹಿಂದೆ ಈ ವಿಚಾರವೂ ಕೆಲಸ ಮಾಡಿರೋದು ಸುಳ್ಳಲ್ಲ. ಆದರೆ, ಇಂಥಾ ನಿರೀಕ್ಷೆಯ ಭಾರ ಹೊತ್ತು ಮುನ್ನಡೆದ ನಿರ್ದೇಶಕರು ಅಲ್ಲಲ್ಲಿ ಎಡವಿದ್ದಾರೆ. ಮತ್ತೆ ಸಾವರಿಸಿಕೊಂಡುಮುಂದುವರೆದರೂ ಕೂಡಾ ಯಾವುದಕ್ಕೆ ಪ್ರಾಧಾನ್ಯತೆ ಕೊಡಬೇಕು, ಹೇಗೆ ಮುಂದುವರೆಯಬೇಕೆಂಬ ನಿಖರ ದಾರಿ ಕಾಣದಂತೆ ತಬ್ಬಿಬ್ಬಾಗಿ ನಿಲ್ಲುತ್ತಾರೆ. ಒಂದಿಡೀ ಸಿನಿಮಾದ ಎಲ್ಲ ಕೊರತೆಗಳನ್ನೂ ಮಾಫಿ ಮಾಡುವಂತೆ ತೀವ್ರವಾಗಿ ಕಟ್ಟಬೇಕಿದ್ದ ದೃಷ್ಯಗಳ ವಿಚಾರದಲ್ಲಿ ನಿರ್ದೇಶಕರು ಅಕ್ಷರಶಃ ಅಸಹಾಯಕರಂತೆ ಕೈಚೆಲ್ಲಿದ್ದಾರೆ. ಇದೆಲ್ಲದರಾಚೆಗೂ ಲವ್ ಯೂ ಮುದ್ದು ಪ್ರೇಕ್ಷಕರ ಕಣ್ಣಾಲಿಗಳು ತುಂಬಿ ಬರುವಂತೆ ಮಾಡುತ್ತೆ. ಬಹುಶಃ ಅದು ಪರಿಶುದ್ಧ ಪ್ರೇಮಕ್ಕಿರೋ ಅಸಲೀ ಶಕ್ತಿಯೇನೋ…

ಹಾಗೆ ನೋಡಿದರೆ, ಈ ಸಿನಿಮಾಕ್ಕಾಗಿ ನಿರ್ದೇಶಕರು ಆಯ್ದುಕೊಂಡಿದ್ದ ಅಸಲೀ ಕಥೆಯೇ ಚೆಂದಗಿದೆ. ಆದರೆ, ಅದನ್ನು ದೃಷ್ಯಕ್ಕೆ ಒಗ್ಗಿಸುವಾಗಿನ ಕುಸುರಿಯಲ್ಲಿ ಒಂದಷ್ಟು ಕಸಿವಿಸಿಗಳು ಘಟಿಸಿವೆ. ಲವಲವಿಕೆಯಿಂದಲೇ ಆರಂಭವಾಗುವ ಈ ಚಿತ್ರದ ಒಂದಷ್ಟು ಸಮಯವನ್ನು ನಿರ್ದೇಶಕರು ನಾಯಕ ನಾಯಕಿಯನ್ನು ಪ್ರೇಮಿಗಳಾಗಿ ನೋಡುಗರ ಮನಸಿಗೆ ಛಾಪಿಸುದಕ್ಕೆ ಮೀಸಲಿಟ್ಟಿದ್ದಾರೆ. ಆ ನಂತರದಲ್ಲಿ ಒಂದಿಡೀ ಕಥೆ ಒಂದಷ್ಟು ತಿರುವುಗಳೊಂದಿಗೆ ಮುನ್ನಡೆಯುತ್ತೆ. ಅನಿರೀಕ್ಷಿತವಾಗಿ ಒಂದಾಗಿ ಜೀವದಂತೆ ಹಚ್ಚಿಕೊಂಡ ಈ ಪ್ರೇಮಿಗಳ ಬಾಳಲ್ಲಿ ನಡೆಯೋ ದುರಂತ, ಅದಕ್ಕೆ ಹೊಸೆದುಕೊಂಡಂತಿರೋ ನಾಯಕನ ತಂದೆಯ ನಿಗೂಢ ನಡೆ, ಅಪಘಾತದಿಂದ ದೇಹದ ಒಂದು ಭಾಗದ ಚಲನೆಯನ್ನೇ ಕಳೆದುಕೊಳ್ಳೋ ನಾಯಕಿ, ಆಕೆಯನ್ನು ಉಳಿಸಿಕೊಳ್ಳಲು ನಾಯಕ ನಡೆಸೋ ಹರಸಾಹಸ… ಇಂಥಾ ಮನಮಿಡಿಯೋ ಕಥನದೊಂದಿಗೆ ಸಿನಿಮಾ ಸಾಗುತ್ತೆ.

ಚಿತ್ರವೇನೂ ಸಲೀಸಾಗಿ ಮುನ್ನಡೆದಂತೆ ಕಾಣಿಸುತ್ತೆ. ನಾಯಕನಾಗಿ ನಟಿಸಿರೋ ಸಿದ್ದು ಮೂಲಿಮನಿ ಮತ್ತು ನಾಯಕಿ ರೇಷ್ಮಾ ನಟನೆಯೂ ಚೆನ್ನಾಗಿದೆ. ಆದರೆ, ಆ ಪಾತ್ರಗಳಿಗೆ ಅವರು ಹೊಂದಿಕೆಯಾಗುತ್ತಿಲ್ಲ ಎಂಬ ಭಾವ ಪ್ರೇಕ್ಷಕರನ್ನು ಕಾಡುತ್ತೆ. ತಾರಾಗಣದ ಆಯ್ಕೆಯಲ್ಲಿಯೇ ನಿರ್ದೇಶಕರು ಎಡವಿದರಾ ಅಂತೊಂದು ಗುಮಾನಿ ನೋಡುಗರ ಮನಸಲ್ಲಿ ಗಿರಕಿ ಹೊಡೆಯುತ್ತೆ. ಹಾಗಂತ ನಾಯಕ ನಾಯಕಿಯನ್ನು ದೂರುವಂತಿಲ್ಲ. ಯಾಕೆಂದರೆ, ಅವರು ತಂತಮ್ಮ ಪಾತ್ರಕ್ಕೆ ಸಮರ್ಪಿಸಿಕೊಂಡಿದ್ದಾರೆ. ಆದರೂ ಕೊರತೆ ಕಾಡಿದ್ದರ ಹಿಂದಿರೋದು ಆಯ್ಕೆಯಲ್ಲಿನ ದೋಷವಷ್ಟೆ. ಇದೆಲ್ಲದರ ನಡುವೆ ಕೆಲ ಹಾಸ್ಯ ಸನ್ನಿವೇಶಗಳನ್ನು ತೂರಿಸುವ ಮೂಲಕ ಮತ್ತಷ್ಟು ಗೋಜಲು ಮೂಡಿಸಲಾಗಿದೆ. ಕ್ಲೈಮ್ಯಾಕ್ಸ್ ಹೊತ್ತಿನ ಬಹುಮುಖ್ಯ ದೃಷ್ಯಕ್ಕೆ ಇಡೀ ಚಿತ್ರಮಂದಿರವೇ ಹುಚ್ಚೆದ್ದು ಸಂಭ್ರಮಿಸಬೇಕಿತ್ತು. ಆದೃಷ್ಯ ಅಷ್ಟು ಪರಿಣಾಮಕಾರಿಯಾಗೋ ಅವಕಾಶ ತಪ್ಪಿಸಿಕೊಂಡಿದ್ದರೂ ಪ್ರೇಕ್ಷಕರಿಗೆ ಒಂದಷ್ಟು ನಾಟುವಂತಿದೆ.

ಇಂಥಾ ಪ್ರೇಮಕಥಾನಕಗಳಲ್ಲಿ ನಾಯಕ ನಾಯಕಿಯ ಕೆಮಿಸ್ಟ್ರಿ ಹೊಂದಾಣಿಕೆಯಾದರೆ ಮಾತ್ರ ಸಿನಿಮಾ ಗೆಲ್ಲಬಹುದು. ಸಪ್ತಸಾಗರದಾಚೆ ಎಲ್ಲೋ ಚಿತ್ರದಲ್ಲಿ ರಕ್ಷಿತ್ ಮತ್ತು ರುಕ್ಮಿಣಿ ನಡುವಿನ ಕೆಮಿಸ್ಟ್ರಿಯೇ ಗೆಲುವಿನ ಮೂಲ. ಆದರೆ, ಯಾವ ಸೀನುಗಳಲ್ಲಿಯೂ ಲವ್ ಯೂ ಮುದ್ದು ಚಿತ್ರದಲ್ಲಿ ಅದು ಸಾಧ್ಯವಾಗಿಲ್ಲ. ಇದ್ದುದರಲ್ಲಿ ಸಮುದ್ರದಂಚಿನ ಸೀನುಗಳಲ್ಲಿ ಈ ಜೋಡಿ ಪ್ರೇಕ್ಷಕರನ್ನು ಆವರಿಸಿಕೊಳ್ಳುತ್ತೆ. ಅದಕ್ಕೆ ಕಾರಣವಾಗಿರೋದು ಸಿನಿಮಾಟೋಗ್ರಫಿ. ಈ ವಿಚಾರದಲ್ಲಿ ಕೃಷ್ಣ ದೀಪಕ್ ಅವರ ಕೈಚಳಕ ಅಚ್ಚರಿ ಮೂಡಿಸುತ್ತೆ. ಇನ್ನುಳಿದಂತೆ ಯಾವುದೇ ಪ್ರೇಮ ಕಥೆ ಗೆಲ್ಲವಬೇಕೆಂದರೆ ಅದರಲ್ಲಿ ಹಾಡುಗಳ ಪಾತ್ರ ದೊಡ್ಡದು. ಅನಿರುದ್ಧ ಶಾಸ್ತ್ರಿ ಆ ವಿಚಾರದಲಲಿ ಸೋತಿದ್ದಾರೆ. ಹಾಡುಗಳಾಗಲಿ, ಹಿನ್ನೆಲೆ ಸಂಗೀತವಾಗಲು ಮನಸಿಗಿಳಿಯುವಂತಿಲ್ಲ. ಇಂಥಾ ಹಲವಾರು ತಪ್ಪುಗಳಾಚೆಗೆ ಅಸಲೀ ಕಥೆಯನ್ನು ಹಾಗೆಯೇ ತೆರೆ ಮೇಲೆ ತಂದಿದ್ದರೂ ನಿರ್ದೇಶಕರು ಪ್ರೇಕ್ಷಕರನ್ನು ಮತ್ತಷ್ಟು ಮುದಗೊಳಿಸಬಹುದಿತ್ತು. ಅಂತೂ ಒಂದೊಳ್ಳೆ ಕಥೆ, ಸಂದೇಶದೊಂದಿಗೆ ಈ ಪ್ರೇಮ ಕಥನದ ಪರಾಗ ಪ್ರೇಕ್ಷಕರ ಮನಸಿಗೆ ಮೆತ್ತಿಕೊಳ್ಳುವಂತಿದೆ!

The post Love You Muddu Movie Review: ಚೆಂದದ ಕಥೆ ಸೇರಿದಂತೆ ಎಲ್ಲವೂ ಇದೆ; ಆದರೆ..! appeared first on Cini Shodha.

ನಿರ್ದೇಶಕ ಜನಾರ್ಧನ್ ಚಿಕ್ಕಣ್ಣ ಆರಂಭದಲ್ಲಿಯೇ ಈ ಕಥೆಗೆ ಪಕ್ಕಾ ಸರಿ ಹೊಂದುವಂಥಾ ಕಲಾವಿದರನ್ನು ನಿಕ್ಕಿಯಾಗಿಸಿಕೊಂಡಿದ್ದರು. ಈ ಹಿಂದೆ ಅವರು ಸಾರ್ವಜನಿಕರಿಗೆ ಸುವರ್ಣಾವಕಾಶ ಅಂತೊಂದು ಸಿನಿಮಾ ನಿರ್ಮಾಣ ಮಾಡಿದ್ದರಲ್ಲಾ? ಅದರಲ್ಲಿ ಸಿದ್ದು ಮೂಲಿಮನಿ ಕೂಡಾ ಒಂದು ಚೆಂದದ ಪಾತ್ರವನ್ನು ನಿರ್ವಹಿಸಿದ್ದರು. ಅದರಲ್ಲಿನ ನಟನೆ ನೋಡಿದ್ದ ಜನಾರ್ಧನ್ ಚಿಕ್ಕಣ್ಣ ತಾನು ನಿರ್ದೇಶನ ಮಾಡಲಿರೋ ಸಿನಿಮಾದಲ್ಲಿ ನಟಿಸುವ ಸಂಬಂಧವಾಗಿ ಸಿದ್ದು ಜೊತೆ ಮಾತಾಡಿದ್ದರಂತೆ. ಆ ಕಾಲದಲ್ಲಿ ಅವರು ರವಿ ಬೆಳಗೆರೆ ಬರೆದಿದ್ದ ಒಮಾರ್ಟಾ ಕಾದಂಬರಿಗೆ ಸಿನಿಮಾ ರೂಪ ಕೊಡುತ್ತಿದ್ದಾರೆಂಬ ಸುದ್ದಿ ಹಬ್ಬಿಕೊಂಡಿತ್ತು. ಬಹುಶಃ ಅದೇ ಸಿನಿಮಾದಲ್ಲಿ ತನಗೆ ನಟಿಸೋ ಅವಕಾಶ ದಕ್ಕಬಹುದೆಂದು ಸಿದ್ದುಗೆ ಅನ್ನಿಸಿತ್ತು.

ಅದಾಗಿ ವರ್ಷದ ಬಳಿಕ ಮತ್ತೆ ಕರೆ ಮಾಡಿದ್ದ ಜನಾರ್ಧನ ಚಿಕ್ಕಣ್ಣ, ಅಜ್ಞಾತವಾಸಿಯ ಪಾತ್ರಕ್ಕಾಗಿ ಆಹ್ವಾನಿಸಿದ್ದರಂತೆ. ಆ ಬಳಿಕ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದ ಸಿದ್ದು ಪಾಲಿಗೆ ಹೆಜ್ಜೆ ಹೆಜ್ಜೆಗೂ ಅಪರೂಪದ ಅನುಭವಗಳೇ ಸಿಕ್ಕಿವೆ. ಒಂದು ಚೆಂದದ ಪಾತ್ರ ಮಾತ್ರವಲ್ಲದೇ, ಅಪರೂಪದ ಸಿನಿಮಾವೊಂದರ ಭಾಗವಾದ ತುಂಬು ಖುಷಿಯೂ ಅವರಲ್ಲಿದೆ. ಸಿದ್ದು ಮೂಲಿಮನಿ ನಿರ್ವಹಿಸಿರುವ ಪಾತ್ರವನ್ನು ಕಂಡು ಪ್ರೇಕ್ಷಕರೆಲ್ಲ ಮೆಚ್ಚಿಕೊಂಡಿದ್ದಾರೆ. ಸಿದ್ದು ಇದುವರೆಗೂ ಅನೇಕ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ನಟನೆಯ ಮೂಲಕ ಗಮನವನ್ನೂ ಸೆಳೆದಿದ್ದಾರೆ. ಅಜ್ಞಾತವಾಸಿಯ ಮೂಲಕ ಅವರ ವೃತ್ತಿ ಬದುಕಿಗೆರ ಮತ್ತಷ್ಟು ಆವೇಗ ಸಿಗುವ ಸಾಧ್ಯತೆಗಳಿದ್ದಾವೆ. ಅಂಥಾದ್ದೊಂದು ಭರವಸೆ ಖುದ್ದು ಸಿದ್ದು ಮೂಲಿಮನಿ ಮನಸಲ್ಲಿಯೂ ಮೂಡಿಕೊಂಡಂತಿದೆ.

ನಿರ್ದೇಶಕರಾಗಿ ಗೆದ್ದಿರುವ ಹೇಮಂತ್ ರಾವ್ ಈ ಸಿನಿಮಾವನ್ನು ನಿರ್ಮಾಣ ಮಾಡಿದ್ದಾರೆ. ಹೇಮಂತ್ ಮತ್ತು ಜನಾರ್ಧನ್ ಚಿಕ್ಕಣ್ಣ ಸೇರಿಕಜೊಂಡು ಕಟ್ಟುಮಸ್ತಾದೊಂದು ತಂಡದ ಮೂಲ ಅಜ್ಞಾತವಾಸಿಯನ್ನು ರೂಪಿಸಿದ್ದಾರೆ. ಪಾವನಾ ಗೌಡ, ಶರತ್ ಲೋಹಿತಾಶ್ವ, ರವಿಶಂಕರ್ ಗೌಡ ಮುಂತಾದವರ ತಾರಾಗಣವಿದೆ. ದಾಕ್ಷಾಯಿಣಿ ಟಾಕೀಸ್ ಬ್ಯಾನರಿನಡಿಯಲ್ಲಿ ಅಜ್ಞಾತವಾಸಿ ನಿರ್ಮಾಣಗೊಂಡಿದೆ. ಅದೈತ್ ಗುರುಮೂರ್ತಿ ಛಾಯಾಗ್ರಹಣ, ಎನ್ ಹರಿಕೃಷ್ಣ ಸಹ ನಿರ್ದೇಶನದೊಂದಿಗೆ ಈ ಚಿತ್ರ ಮೂಡಿ ಬಂದಿದೆ. ಅಜ್ಞಾತವಾಸಿಗೀಗ ಲ್ಲೆಡೆಗಳಿಂದಲೂ ಮೆಚ್ಚುಗೆಯ ಮಾತುಗಳು ಕೇಳಿ ಬರುತ್ತಿದ್ದಾವೆ. ದಿನದಿಂದ ದಿನಕ್ಕೆ ಯಶಸ್ವೀ ರದರ್ಶನ ಸಾಂಘವಾಗಿ ನೆರವೇರಲಾರಂಭಿಸಿದೆ. ಇಂಥಾ ವಾತಾವರಣ ಒಂದಿಡೀ ಚಿತ್ರತಂಡವನ್ನು ಖುಷಿಗೊಳಿಸಿದೆ.

The post Agnyathavasi movie: ಪ್ರೇಕ್ಷಕರ ಮನಗೆದ್ದ ಪಾರು ಸೀರಿಯಲ್ಲಿನ ಪ್ರೀತು! appeared first on Cini Shodha.