ಖ್ಯಾತ ಗೀತರಚನೆಕಾರರಾದ ಕವಿರತ್ನ ನಾಗೇಂದ್ರ ಪ್ರಸಾದ್ ಸಹೋದರ ವಿಜಯಾನಂದ್ ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ. ಕಾಮಿಡಿ ಸಸ್ಪೆನ್ಸ್ ಥ್ರಿಲ್ಲರ್ ಜಾನರಿಗೊಳಪಡುವ ಸೂಪರ್ ಹಿಟ್ ಹಾಸ್ಯದ ಜೊತೆಗೆ ಕ್ಷಣ ಕ್ಷಣವೂ ಕುತೂಹಲ ಕೆರಳಿಸೋ ಗಟ್ಟಿ ಕಥೆಯನ್ನೂ ಒಳಗೊಂಡಿದೆ. ಅಂಥಾದ್ದೊಂದು ಸೂಚನೆ ಟೀಸರ್, ಟ್ರೈಲರ್ ಹಾಗೂ ಚಿತ್ರತಂಡ ಬಿಟ್ಟುಕೊಟ್ಟಿರುವ ಒಂದಷ್ಟು ಸುಳಿವುಗಳ ಮೂಲಕ ಜಾಹೀರಾಗಿದೆ. ಗೀತರಚನೆಕಾರರಾಗಿ ಹೆಸರಾಗಿರುವ ನಾಗೇಂದ್ರ ಪ್ರಸಾದ್ ಸಂಗೀತ ನಿರ್ದೇಶಕನಾಗಿಯೂ ತಮ್ಮನ ಚಿತ್ರಕ್ಕೆ ಸಾಥ್ ಕೊಟ್ಟಿದ್ದಾರೆ. ಒಂದಿಡೀ ಕಥೆಗೆ ತಿರುವು ಕೊಡುವಂಥಾ ಮಹತ್ವದ ಪಾತ್ರವೊಂದಕ್ಕೆ ಜೀವ ತುಂಬಿದ್ದಾರೆ. ಇನ್ನುಳಿದಂತೆ ಹಾಸ್ಯ ಕಲಾವಿದರ ದಂಡು, ಅದಕ್ಕೆ ತಕ್ಕುದಾದ ಕಥನ ಈ ಚಿತ್ರದಲ್ಲಿದೆ ಎಂಬುದು ನಿರ್ದೇಶಕರ ಭರವಸೆ.

ಸಾಮಾನ್ಯವಾಗಿ ಒಂದೊಂದು ಜಾನರಿನ ಚಿತ್ರಗಳಿಗೂ ಅದರದ್ದೇ ಆದ ಪ್ರೇಕ್ಷಕ ವರ್ಗವಿರುತ್ತೆ. ಒಂದು ಬಗೆಯ ಸಿನಿಮಾ, ಮತ್ತೊಂದು ಅಭಿರುಚಿಯ ಪ್ರೇಕ್ಷಕರಿಗೆ ಪಥ್ಯವಾಗೋದಿಲ್ಲ. ಅಂಥಾ ಭಿನ್ನ ಅಭಿರುಚಿಯ ಎಲ್ಲ ವರ್ಗದ ಪ್ರೇಕ್ಷಕರನ್ನೂ ಸಾರಾಸಗಟಾಗಿ ಸೆಳೆಯುವ ಗುಣ ಹಾಸ್ಯ ಪ್ರಧಾನ ಚಿತ್ರಗಳಿಗಿರುತ್ತದೆ. ಅದರಲ್ಲಿಯೂ ಚೆಂದದ ನಿರೂಪಣೆ, ಹೊಸತನ, ಗಟ್ಟಿ ಕಥೆಗಳ ಸಾಥ್ ಇದ್ದರಂತೂ ಗೆಲುವು ಮತ್ತಷ್ಟು ಸಲೀಸಾಗುತ್ತದೆ. ಸೂಪರ್ ಹಿಟ್ ಕೂಡಾ ಅಂಥಾದ್ದೊಂದು ಮೋಡಿ ಮಾಡಲಿದೆಯಾ? ಗಿಲ್ಲಿ ನಟ ಮತ್ತು ಗೌರವ್ ಶೆಟ್ಟಿಯ ಜುಗಲ್ಬಂಧಿ ಹಾಸ್ಯ ಎಲ್ಲ ವರ್ಗದ ಪ್ರೇಕ್ಷಕರನ್ನೂ ಸೆಳೆಯಲಿದೆಯಾ? ಇಂಥಾ ಪ್ರಶ್ನೆಗಳಿಗೆ ನಾಳೆ ಉತ್ತರ ಸಿಗಲಿದೆ.

ವಿಜಯಲಕ್ಷ್ಮಿ ಎಂಟರ್ ಪ್ರೈಸಸ್ ಬ್ಯಾನರಿನಡಿಯಲ್ಲಿ ಜಿ ಉಮೇಶ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಗೌರವ್ ಶೆಟ್ಟಿ ಮತ್ತು ಗಿಲ್ಲಿ ನಟ ನಾಯಕರಾಗಿ ನಟಿಸಿದ್ದಾರೆ. ಶ್ವೇತಾ ನಾಯಕಿಯಾಗಿ ಜೊತೆಯಾಗಿದ್ದಾರೆ. ಇನ್ನುಳಿದಂತೆ, ಆರ್.ಡಿ ನಾಗಾರ್ಜುನ ಛಾಯಾಗ್ರಹಣ, ಶ್ರೀಕಾಂತ್ ಸಂಕಲನ, ವಿ ನಾಗೇಂದ್ರ ಪ್ರಸಾದ್ ಸಾಹಿತ್ಯ ಮತ್ತು ಸಂಗೀತ ನಿರ್ದೇಶನ ಈ ಚಿತ್ರಕ್ಕಿದೆ. ಡ್ರ್ಯಾಗನ್ ಮಂಜು, ಸಾಧು ಕೋಕಿಲ.ಆ, ಸೀನು ಭಾಯ್, ನಾಗವರ್ಧನ್, ಪ್ರಮೋದ್ ಶೆಟ್ಟಿ, ಜೀಜಿ, ಗಿರಿ, ಟಿನಿಸ್ ಕೃಷ್ಣ, ಕರಿಸುಬ್ಬು, ವಂಶಿ, ಮಂಜಣ್ಣ, ಬಿ.ಎನ್ ಮಂಗಳ, ಮಂಗಳೂರು ಮೀನನಾಥ ಮುಂತಾದವರ ತಾರಾಗಣವಿದೆ.

keywords: super hit movie, vijayanand, gilli nata

The post Super Hit Movie: ಕೌತುಕದ ಕಡಲಿನಲೊಂದು ನಗೆಯ ಹಾಯಿದೋಣಿ! appeared first on Cini Shodha.

ಅಣ್ಣ ನಾಗೇಂದ್ರ ಪ್ರಸಾದ್ ಅವರ ನೆರಳಿನಲ್ಲಿಯೇ ಸಿನಿಮಾ ಯಾನ ಆರಂಭಿಸಿದ್ದವರು ವಿಜಯಾನಂದ್. ಇದುವರೆಗೂ ಅವರು ಸಾಕಷ್ಟು ಸಿನಿಮಾಗಳ ನಿರ್ದೇಶನ ವಿಭಾಗದಲ್ಲಿ ಕೆಲಸ ಮಾಡಿದ್ದಲ್ಲದೇ, ಚಿತ್ರ ಸಾಹಿತಿಯಾಗಿಯೂ ಗಮನ ಸೆಳೆದಿದ್ದಾರೆ. ತಾವೇ ಸ್ವತಃ ಸಾಹಿತ್ಯ ರಚನೆಯ ಛಾತಿ ಹೊಂದಿದ್ದರೂ ತಾನು ನಿರ್ದೇಶನ ಮಾಡೋ ಚಿತ್ರಗಳ ಮೂಲಕ ಹೊಸಬರಿಗೆ ಅವಕಾಶ ಕೊಡಬೇಕೆಂಬ ತುಡಿತ ವಿಜಯಾನಂದ್ ಅವರದ್ದು. ಈ ಹಿಂದೆ ಅವರು ನಿರ್ದೇಶನ ಮಾಡಿದ್ದ ಕೃಷ್ಣ ಟಾಕೀಸ್‌ನಲ್ಲಿ ಪ್ರಮೋದ್ ಮರವಂತೆಗೆ ಹಾಡು ಬರೆಯೋ ಅವಕಾಶ ಮಾಡಿ ಕೊಟ್ಟಿದ್ದರು. ಸೂಪರ್ ಹಿಟ್ ಚಿತ್ರದಲ್ಲಿಯೂ ಅದನ್ನೇ ಮುಂದುವರೆಸೋ ಆಲೋಚನೆ ಹೊಂದಿದ್ದ ವಿಜಯಾನಂದ್, ಅಣ್ಣನ ಬಳಿಯೂ ಹಾಡು ಬರೆಸುವ ಇರಾದೆ ಹೊಂದಿದ್ದರು.

Super Hit Movie: ನಿರ್ದೇಶಕ ವಿಜಯಾನಂದ್ ತೆರೆದಿಟ್ಟ ಅಚ್ಚರಿ!

ಸಿನಿಮಾ ವಿಚಾರದಲ್ಲಿ ಎಲ್ಲ ಬಂಧಗಳಾಚೆ ನಿಂತು ಯೋಚಿಸುವ ನಾಗೇಂದ್ರ ಪ್ರಸಾದ್, ತಮ್ಮ ಹೇಳಿದ ಕಥೆ ಕೇಳಿ ಖುಷಿಗೊಂಡಿದ್ದರಂತೆ. ಆ ಬಲದಿಂದಲೇ ಹಾಡು ಬರೆಯೋದರ ಜೊತೆಗೆ ಸಂಗೀತದ ಜವಾಬ್ದಾರಿಯನ್ನೂ ಹೊತ್ತುಕೊಂಡಿದ್ದರು. ಅದರ ಭಾಗವಾಗಿಯೇ ಒಂದು ಹಾಡಿಗೆ ನಾಗೇಂದ್ರ ಪ್ರಸಾದ್ ಸಾಹಿತ್ಯ ಒದಗಿಸಿದ್ದಾರೆ. ಒಟ್ಟು ಮೂರು ಹಾಡುಗಳಿಗೆ ಸಂಗೀತ ಸಂಯೋಜನೆ ಮಾಡಿ, ಹಿನ್ನೆಲೆ ಸಂಗೀತವನ್ನೂ ನೀಡಿದ್ದಾರೆ. ವಿಶೇಷವೆಂದರೆ, ಕವಿರತ್ನ ಡಾ.ವಿ ನಾಗೇಂದ್ರ ಪ್ರಸಾದ್ ಒಂದು ಹಾಡಿಗೆ ಸಾಹಿತ್ಯ ಬರೆದಿದ್ದರೆ, ಮತ್ತೆರಡು ಹಾಡುಗಳನ್ನು ಹೊಸಬರಾದ ದೊಡ್ಡಬಸವ ಮತ್ತು ರಾಜು ಎಂಬಿ ಬರೆದಿದ್ದಾರೆ. ಈ ಮೂರೂ ಹಾಡುಗಳನ್ನು ಶಮಿರ್ ಮುಡಿಪು, ಸಚಿನ್ ನಗರ್ಥ, ಚುಟುಚುಟು ಖ್ಯಾತಿಯ ರವೀಂದ್ರ ಸೊರಗಾವಿ ಹಾಡಿದ್ದಾರೆ.

ಈ ಮೂರು ಹಾಡುಗಳಲ್ಲಿ ಒಂದು ಹಾಡು ಈಗಾಗಲೇ ಬಿಡುಗಡೆಗೊಂಡಿದೆ. ಅದು ಈಗಾಗಲೇ ಪ್ರೇಕ್ಷಕರನ್ನು ಸೆಳೆದುಕೊಂಡಿದೆ. ಪ್ಯಾಥೋ ಸಾಂಗ್ ಸೇರಿದಂತೆ ಇನ್ನೆರಡು ಹಾಡುಗಳು ಇಷ್ಟರಲ್ಲಿಯೇ ಬಿಡುಗಡೆಗೊಳ್ಳಲಿವೆ. ಒಟ್ಟಾರೆಯಾಗಿ, ಈ ಸಿನಿಮಾ ಮೂಲಕ ಅಣ್ಣ ತಮ್ಮನ ಜುಗಲ್ಬಂಧಿ ನಡೆದಿದೆ. ಅಹೋರಾತ್ರಿ ಶ್ರಮವಹಿಸಿರುವ ನಾಗೇಂದ್ರ ಪ್ರಸಾದ್ ಅವರು ತಮ್ಮನ ಚಿತ್ರವೆಂಬ ಸಲುಗೆಯಾಚೆಗೆ ಸಂಗೀತ ನಿರ್ದೇಶಕರಾಗಿ ಕಾರ್ಯನಿರ್ವಹಿಸಿದ್ದಾರೆ. ಜೊತೆಗೆ ಒಂದು ಮಹತ್ವದ ಪಾತ್ರಕ್ಕೂ ಜೀವ ತುಂಬಿದ್ದಾರೆ. ವಿಜಯಲಕ್ಷ್ಮಿ ಎಂಟರ್ ಪ್ರೈಸಸ್ ಬ್ಯಾನರಿನಡಿಯಲ್ಲಿ ಜಿ ಉಮೇಶ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಗೌರವ್ ಶೆಟ್ಟಿ ಮತ್ತು, ಗಿಲ್ಲಿ ನಟ ನಾಯಕರಾಗಿ ನಟಿಸಿದ್ದಾರೆ. ಶ್ವೇತಾ ನಾಯಕಿಯಾಗಿ ಜೊತೆಯಾಗಿದ್ದಾರೆ. ನಾಗೇಂದ್ರ ಪ್ರಸಾದ್ ಪಾತ್ರವೊಂದಕ್ಕೆ ಜೀವ ತುಂಬಿದ್ದಾರೆ. ಇನ್ನುಳಿದಂತೆ, ಆರ್.ಡಿ ನಾಗಾರ್ಜುನ ಛಾಯಾಗ್ರಹಣ, ಶ್ರೀಕಾಂತ್ ಸಂಕಲನ, ವಿ ನಾಗೇಂದ್ರ ಪ್ರಸಾದ್ ಸಾಹಿತ್ಯ ಮತ್ತು ಸಂಗೀತ ನಿರ್ದೇಶನ ಈ ಚಿತ್ರಕ್ಕಿದೆ. ಡ್ರ್ಯಾಗನ್ ಮಂಜು, ಸಾಧು ಕೋಕಿಲ.ಆ, ಸೀನು ಭಾಯ್, ನಾಗವರ್ಧನ್, ಪ್ರಮೋದ್ ಶೆಟ್ಟಿ, ಜೀಜಿ, ಗಿರಿ, ಟಿನಿಸ್ ಕೃಷ್ಣ, ಕರಿಸುಬ್ಬು, ವಂಶಿ, ಮಂಜಣ್ಣ, ಬಿ.ಎನ್ ಮಂಗಳ, ಮಂಗಳೂರು ಮೀನನಾಥ ಮುಂತಾದವರ ತಾರಾಗಣವಿದೆ. ಕಾಮಿಡಿ ಸಸ್ಪೆನ್ಸ್ ಥ್ರಿಲ್ಲರ್ ಜಾನರಿನ ಈ ಸಿನಿಮಾ ಫೆಬ್ರವರಿ ೨೭ರಂದು ರಾಜ್ಯಾದ್ಯಂತ ಇನ್ನೂರಕ್ಕು ಹೆಚ್ಚು ಚಿತ್ರಮಂದಿರಗಳಲ್ಲಿ ಅದ್ದೂರಿಯಾಗಿ ತೆರೆಗಾಣಲಿದೆ.

keywords: super hit, dr v nagendraprasad, vijayanand, gilli nata, sandalwood

The post Super Hit Movie: ಸಹೋದರನಿಗಾಗಿ ನಾಗೇಂದ್ರ ಪ್ರಸಾದ್ ಸಾಹಸ! appeared first on Cini Shodha.

ಅದರನ್ವಯ ಹೇಳೋದಾದರೆ, ಇದೇ ಫೆಬ್ರವರಿ ೨೭ರಂದು ಸೂಪರ್ ಹಿಟ್ ಚಿತ್ರ ಕರ್ನಾಟಕದಾದ್ಯಂತ ಇನ್ನೂರಕ್ಕೂ ಹೆಚ್ಚಿನ ಚಿತ್ರಮಂದಿರಗಳಲ್ಲಿ ಅದ್ದೂರಿಯಾಗಿ ತೆರೆಗಾಣಲಿದೆ. ಬಿಡುಗಡೆ ದಿನಾಂಕ ಅನೌನ್ಸ್ ಮಾಡಿದ ಈ ವೇದಿಕೆಯಲ್ಲಿ ನಿರ್ದೇಶಕ ವಿಜಯಾನಂದ್, ನಿರ್ಮಾಪಕ ಜಿ. ಉಮೇಶ್, ಸಾಧು ಕೋಕಿಲಾ, ಕವಿರತ್ನ ಡಾ. ವಿ ನಾಗೇಂದ್ರ ಪ್ರಸಾದ್, ಗೌರವ್ ಶೆಟ್ಟಿ, ಶ್ವೇತಾ ಸೇರಿಕದಂತೆ ಚಿತ್ರತಂಡ ಹಾಜರಿತ್ತು. ಈ ಸಂದರ್ಭದಲ್ಲಿ ಮಾತನಾಡಿದ ನಿರ್ದೇಕ, ನಾಗೇಂದ್ರ ಪ್ರಸಾದ್ ಅವರ ಸಹೋದರರಾದ ವಿಜಯಾನಂದ್, ಸಿನಿಮಾ ಕುರಿತಾದ ಒಂದಷ್ಟು ಅಚ್ಚರಿಗಳನ್ನು ತೆರೆದಿಟ್ಟಿದ್ದಾರೆ. ಆರಂಭದಿಂದ ಇಲ್ಲಿಯವರೆಗೂ ಹೂವೆತ್ತಿಟ್ಟಷ್ಟೇ ಸರಾಗವಾಗಿ ಕೆಲಸ ಕಾರ್ಯ ಮುಗಿಸಿಕೊಂಡ ಪರಿಯನ್ನು ವಿವರಿಸಿದ ಅವರು, ಈ ಸಿನಿಮಾ ಜನಮನ ಗೆಲ್ಲವ ಗಾಢ ಭರವಸೆ ವ್ಯಕ್ತಪಡಿಸಿದ್ದಾರೆ. ನೂರು ದಿನಗಳ ಕಾಲ ಯಶಸ್ವೀ ಪ್ರದರ್ಶನ ನೀಡಿ ಹೆಸರಿಗೆ ತಕ್ಕಂತೆ ಸೂಪರ್ ಹಿಟ್ಟಾಗಲು ಪ್ರೇಕ್ಷಕರೆಲ್ಲ ಪ್ರೋತ್ಸಾಹಿಸಬೇಕೆಂದು ಮನವಿ ಮಾಡಿಕೊಂಡಿದ್ದಾರೆ.

Yogaraj Bhat Talks About Super Hit Movie: ಗಿಲ್ಲಿ ನಟ ನಾಯಕನಾಗಿರೋ ಚಿತ್ರಕ್ಕೆ ಪಾಸಿಟಿವ್ ಕಿಕ್!

ಇದೇ ವೇದಿಕೆಯಲ್ಲಿ ಒಂದು ಸಂಭ್ರಮದ ಸಂಗತಿಯನ್ನು ವಿಜಯಾನಂದ್ ಹಂಚಿಕೊಂಡಿದ್ದಾರೆ. ಹೊಸಾ ಸಂಸ್ಥೆಯೊಂದು ಸೂಪರ್ ಹಿಟ್ ಚಿತ್ರದ ಓಟಿಟಿ ಹಕ್ಕುಗಳನ್ನು ದೊಡ್ಡ ಮೊತ್ತಕ್ಕೆ ಖರೀದಿಸಿದೆ ಎಂಬುದು ಅದರ ಸಾರಾಂಶ. ಈ ಮೂಲಕ ಒಟ್ಟಾರೆ ಸಿನಿಮಾದೊಳಗಿನ ಕಸುವಿನ ಬೆಗೆಗೊಂದು ಸ್ಪಷ್ಟ ಚಿತ್ರಣ ಪ್ರೇಕ್ಷಕರತ್ತ ದಾಟಿಕೊಂಡಂತಾಗಿದೆ. ನಂತರ ಸಾಧು ಕೋಕಿಲಾ ಮಾತನಾಡುತ್ತಾ, ಇಂಥಾ ವೇದಿಕೆಗಳಲ್ಲಿನ ಮಾತುಗಖಳಾಚೆಗೆ ಹೊರಜಗತ್ತಿನಲ್ಲಿ ಸಿನಿಮಾವೊಂದನ್ನು ಜನರಿಗೆ ಹತ್ತಿರಾಗಿಸುವ ಪಟ್ಟುಗಳು ಅದೆಷ್ಟು ಅನಿವಾರ್ಯ ಎಂಬುದನ್ನು ತಮ್ಮದೇ ಶೈಲಿಯಲ್ಲಿ ಚಿತ್ರತಂಡಕ್ಕೆ ಮನವರಿಕೆ ಮಾಡಿ ಕೊಟ್ಟಿದ್ದಾರೆ. ಜೊತೆಗೆ ಗಿಲ್ಲಿಗೂ ಒಂದಷ್ಟು ಕಿವಿಮಾತುಗಳನ್ನು ಹೇಳಿದ್ದಾರೆ.

ತನ್ನ ತಮ್ಮನ ಚಿತ್ರಕ್ಕೆ ಆರಂಭದಿಂದಲೂ ಸಾಥ್ ಕೊಡುತ್ತಾ ಬಂದಿರುವ ಡಾ. ವಿ. ನಾಗೇಂದ್ರ ಪ್ರಸಾದ್ ಸೂಪರ್ ಹಿಟ್ ಚಿತ್ರದ ಸಂಗೀತ ಹಾಗೂ ಸಾಹಿತ್ಯದ ಜೊತೆಗೆ ಒಂದು ಮಹತ್ವದ ಪಾತ್ರಕ್ಕೂ ಜೀವ ತುಂಬಿದ್ದಾರೆ. ಒಟ್ಟಾರೆ ಸಿನಿಮಾ ಮೂಡಿ ಬಂದಿರೋ ರೀತಿಯನ್ನು ಇತ್ತೀಚೆಗಷ್ಟೇ ನೋಡಿರುವ ಅವರು, ಈ ಸಿನಿಮಾ ಜನಮನ ಗೆಲ್ಲುತ್ತದೆಂಬ ಭರವಸೆಯ ಮಾತುಗಳನ್ನಾಡಿದ್ದಾರೆ. ಇದೇ ಹೊತ್ತಿನಲ್ಲಿ ಗಿಲ್ಲಿಗೂ ಒಂದಷ್ಟು ಬುದ್ಧಿಮಾತುಗಳನ್ನು ಹೇಳಿದ್ದಾರೆ. ಏನೇನೂ ಅಲ್ಲದ ಘಳಿಗೆಯಲ್ಲಿ ಕೆಲಸ ಕೊಟ್ಟವರನ್ನು ಗೌರವಿಸುತ್ತಲೇ, ಅಂಥಾ ಸಿನಿಮಾಗಳಿಗೆ ತನ್ನದೇ ಮಿತಿಯಲ್ಲಿ ಪ್ರಚಾರ ನೀಡುವಂತೆ ಗಿಲ್ಲಿಗೆ ಮನವರಿಕೆ ಮಾಡಿ ಕೊಟ್ಟರು. ಇನ್ನುಳಿದಂತೆ ಪ್ರಥಮ ಹೆಜ್ಜೆಯಲ್ಲಿಯೇ ಗೆಲುವಿನ ಸೂಚನೆ ಸಿಗುತ್ತಿರುವ ಖುಷಿಯಲ್ಲಿರುವ ನಿರ್ಮಾಪಕ ಜಿ. ಉಮೇಶ್ ತಮ್ಮ ಸಿನಿಮಾ ಕನಸು, ಈ ಚಿತ್ರ ನಿರ್ಮಾಣದ ಅನುಭವ, ಆತ್ಮತೃಪ್ತಿಯ ಬಗ್ಗೆ ಮಾತಾಡುತ್ತಲೇ ಸಿನಿಮಾ ನೋಡಿ ಹರಸುವಂತೆ ಪ್ರೇಕ್ಷಕರನ್ನು ಕೇಳಿಕೊಂಡಿದ್ದಾರೆ.

ವಿಜಯಲಕ್ಷ್ಮಿ ಎಂಟರ್ ಪ್ರೈಸಸ್ ಬ್ಯಾನರಿನಡಿಯಲ್ಲಿ ಜಿ ಉಮೇಶ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಗೌರವ್ ಶೆಟ್ಟಿ ಮತ್ತು, ಗಿಲ್ಲಿ ನಟ ನಾಯಕರಾಗಿ ನಟಿಸಿದ್ದಾರೆ. ಶ್ವೇತಾ ನಾಯಕಿಯಾಗಿ ಜೊತೆಯಾಗಿದ್ದಾರೆ. ನಾಗೇಂದ್ರ ಪ್ರಸಾದ್ ಪಾತ್ರವೊಂದಕ್ಕೆ ಜೀವ ತುಂಬಿದ್ದಾರೆ. ಇನ್ನುಳಿದಂತೆ, ಆರ್.ಡಿ ನಾಗಾರ್ಜುನ ಛಾಯಾಗ್ರಹಣ, ಶ್ರೀಕಾಂತ್ ಸಂಕಲನ, ವಿ ನಾಗೇಂದ್ರ ಪ್ರಸಾದ್ ಸಾಹಿತ್ಯ ಮತ್ತು ಸಂಗೀತ ನಿರ್ದೇಶನ ಈ ಚಿತ್ರಕ್ಕಿದೆ. ಡ್ರ್ಯಾಗನ್ ಮಂಜು, ಸಾಧು ಕೋಕಿಲ.ಆ, ಸೀನು ಭಾಯ್, ನಾಗವರ್ಧನ್, ಪ್ರಮೋದ್ ಶೆಟ್ಟಿ, ಜೀಜಿ, ಗಿರಿ, ಟಿನಿಸ್ ಕೃಷ್ಣ, ಕರಿಸುಬ್ಬು, ವಂಶಿ, ಮಂಜಣ್ಣ, ಬಿ.ಎನ್ ಮಂಗಳ, ಮಂಗಳೂರು ಮೀನನಾಥ ಮುಂತಾದವರ ತಾರಾಗಣವಿದೆ. ಕಾಮಿಡಿ ಸಸ್ಪೆನ್ಸ್ ಥ್ರಿಲ್ಲರ್ ಜಾನರಿನ ಈ ಸಿನಿಮಾ ಫೆಬ್ರವರಿ ೨೭ರಂದು ತೆರೆಗಾಣಲಿದೆ. ಈ ಮೂಲಕ ನಗೆಹಬ್ಬವೊಂದು ಚಾಲೂ ಆಗಲಿದೆ.

keyword: gilli nata, biggboss12 winner, vijayananda, sandalwood, kfi

The post Super Hit Movie: ನಿರ್ದೇಶಕ ವಿಜಯಾನಂದ್ ತೆರೆದಿಟ್ಟ ಅಚ್ಚರಿ! appeared first on Cini Shodha.

ಯಾರೋ ಬರೆದುಕೊಟ್ಟ ಸ್ಕ್ರಿಪ್ಟ್ ಓದಿಕೊಂಡು ನಟಿಸುತ್ತಾ ಕಾಮಿಡಿ ಪಟುಗಳೆನ್ನಿಸಿಕೊಂಡವರು ಸಾಕಷ್ಟಿದ್ದಾರೆ. ಡಬಲ್ ಮೀನಿಂಗ್ ಜೋಕುಗಳ ಮೂಲಕ ಚಾಲ್ತಿಯಲ್ಲಿದ್ದು, ಈ ಬಾರಿ ಸ್ಪರ್ಧಿಯಾಗಿದ್ದ ಚಂದ್ರಪ್ರಭಾ ಕೂಡಾ ಅಂಥವರಲ್ಲೊಬ್ಬ. ಈತ ಆಯಾ ಸಂದರ್ಭಕ್ಕನುಗುಣವಾಗಿ ಹಾಸ್ಯ ಸೃಷ್ಟಿಸಲಾಗದೆ ವಾರದೊಪ್ಪತ್ತಿನಲ್ಲಿಯೇ ಜುಟ್ಟು ಕೆದರಿಕೊಂಡಿದ್ದ. ಈ ಹಿಂದೆ ಕುರಿಪ್ರತಾಪ ಕೂಡಾ ಹೀಗೆಯೇ ಕೆಕರುಮಕರಾಗಿ ನಿಂತಿದ್ದ. ಆದರೆ, ಈ ಗಿಲ್ಲಿಯದ್ದು ಅದೆಲ್ಲದರಾಚೆಗಿನ ಪ್ರತಿಭೆ. ಆ ಕ್ಷಣಕ್ಕೆ ಸರಿ ಹೊಂದುವಂತೆ ಮಾತಾಡಿ, ಎಲ್ಲರೂ ನಗುವಂತೆ ಮಾಡೋದಿದೆಯಲ್ಲಾ? ಅದಕ್ಕೆ ಅಸೀಮವಾದೊಂದು ಸೆನ್ಸ್ ಆಫ್ ಹ್ಯೂಮರ್ ಬೇಕಾಗುತ್ತೆ. ಅದನ್ನು ಅರೆದು ಕುಡಿದಂತಿರುವ ಗಿಲ್ಲಿ ಯಾವ ಹಂತದಲ್ಲಿಯೂ ಮುಖವಾಡ ಧರಿಸದೆ, ಯಾರ ಸವಾಲಿಗೂ ಜಗ್ಗದೆ, ಬಿಗ್ ಬಾಸ್ ಮನೆಯ ಅಸಹನೆಗಳ ಸಾಗರವನ್ನು ನಗುವಿನ ಹಾಯಿದೋಣಿಯ ಮೂಲಕವೇ ದಾಟಿಕೊಂಡಿದ್ದಾನೆ.

ಬಹುಶಃ ಬಿಗ್ ಬಾಸ್ ಶೋನ ಹಿಸ್ಟರಿಯಲ್ಲಿಯೇ ಓರ್ವ ಸ್ಪರ್ಧಿ ಈ ಪರಿಯಾಗಿ ಕ್ರೇಜ್ ಮೂಡಿಸಿದ್ದು ಇದೇ ಮೊದಲು. ಆರಂಭದಲ್ಲಿ ಕಾವ್ಯಾಳೊಂದಿಗಿನ ಪ್ರೇಮ ಪುರಾಣದ ಮೂಲಕ ಚಾಲ್ತಿಯಲ್ಲಿದ್ದ ಗಿಲ್ಲಿ, ಆ ನಂತರದಲ್ಲಿ ಸ್ವತಂತ್ರ ಅಸ್ತಿತ್ವ ಕಂಡುಕೊಂಡಿದ್ದ. ಒಂದಷ್ಟು ಹಂತಗಳಲ್ಲಿ ವಿನಾ ಕಾರಣ ಯಾರ್‍ಯಾರನ್ನೋ ಕೆಣಕಿ ರಾಡಿಯೆಬ್ಬಿಸುತ್ತಾನೆಂಬಂತೆ ಅಸಹನೆ ಮೂಡಿದರೂ, ಅವನಿಲ್ಲದೆ ಈ ಶೋ ಇರಲು ಸಾಧ್ಯವಿಲ್ಲ ಎಂಬಂಥಾ ಭಾವ ಮೂಡುವಂತೆ ಮಾಡಿದ್ದ. ಯಾವ ದಿಕ್ಕಿನಿಂದ ನೋಡಿದರೂ ಈ ಬಾರಿಯದ್ದು ಗಿಲ್ಲಿಯ ಒನ್ ಮ್ಯಾನ್ ಶೋ ಎಂಬುದರಲ್ಲಿ ಎರಡು ಮಾತಿಲ್ಲ. ನಿಂತಲ್ಲಿ ಕುಂತಲ್ಲಿ ಕಾಮಿಡಿ ಮಾಡುತ್ತಾ, ಮನೆ ಮಂದಿಯ ಕದಲಿಕೆಯನ್ನು ಸೂಕ್ಷ್ಮವಾಗಿ ಮನಗಂಡು ಟಕ್ಕರ್ ಕೊಡುತ್ತಾ ಸಾಗಿ ಬಂದ ಗಿಲ್ಲಿ ಟಾಸ್ಕುಗಳಲ್ಲಿಯೂ ಹಿಂದೆ ಬಿದ್ದವನಲ್ಲ. ಬರ ಬರುತ್ತಾ ಕೆಲ ಸ್ಪರ್ಧಿಗಳತ್ತ ಒಲವು ಹೊಂದಿದ್ದವರೂ ಕೂಡಾ ತನಗೇ ಓಟು ಹಾಕುವಂತೆ ಮಾಡುವಲ್ಲಿಯೂ ಗಿಲ್ಲಿ ಗೆದ್ದಿದ್ದ.

ಹೀಗೆ ಬಿಗ್ ಬಾಸ್‌ನಂಥಾ ದೊಡ ರಿಯಾಲಿಟಿ ಶೋನ ವಿನ್ನರ್ ಆಗಿರುವ ಗಿಲ್ಲಿಯ ಗೆಲುವು ಕರುನಾಡ ಸಂಭ್ರಮವಾಗಿರೋದಕ್ಕೆ ಕಾರಣ ಆತನ ಹಿನ್ನೆಲೆ. ಮಳವಳ್ಳಿಯ ಸಾಮಾನ್ಯ ರೈತಾಪಿ ವರ್ಗದಲ್ಲಿ ಹುಟ್ಟಿದ್ದ ನಟರಾಜ್ ಕೊರೋನಾ ಕಾಲಘಟ್ಟದಲ್ಲಿ ನಲ್ಲಿಮೂಳೆ ಅಂತೊಂದು ಕಿರುಚಿತ್ರದ ಮೂಲಕ ಗಿಲ್ಲಿ ನಟನಾಗಿ ಪರಿಚಯಗೊಂಡಿದ್ದ. ಮಾರುದ್ಧ ಡೈಲಾಗುಗಳನ್ನು ತಡವರಿಸದೆ ಹೇಳುತ್ತಿದ್ದ ಈ ಹುಡುಗನ ಚಾತುರ್ಯ, ನಟನಾ ಶೈಲಿ ಕಂಡು ವೀಕ್ಷಕರು ಥ್ರಿಲ್ ಆಗಿದ್ದರು. ಈ ನಡುವೆ ಸಿನಿಮಾ ಭಾಗವಾಗುವ ಕನಸು ಹೊತ್ತು ಬೆಂಗಳೂರಿಗೆ ಹೊರಟಿದ್ದ ಗಿಲ್ಲಿ ನಟ, ಅಲ್ಲಿಯೂ ನಾನಾ ವಿಭಾಗದಲ್ಲಿ ಕೆಲಸ ಮಾಡಿದ್ದ. ಆ ಬಳಿಕ ಕಾಮಿಡಿ ಕಿಲಾಡಿಗಳು ಶೋ ಆತನ ಪ್ರತಿಭೆಯನ್ನು ಬೆಳಗಿಸಿತ್ತು. ಆ ಬಳಿಕ ನಾನಾ ಶೋಗಳಲ್ಲಿ ಪ್ರಾಪರ್ಟಿ ಕಾಮಿಡಿ ಅಂತೆಲ್ಲ ಸದ್ದು ಮಾಡಿದ್ದ ಗಿಲ್ಲಿ, ಬಿಗ್ ಬಾಸ್ ಮನೆ ತಲುಪಿದ್ದು, ಅಲ್ಲಿಂದ ವಿನ್ನರ್ ಆಗಿ ಹೊರ ಬಂದಿದ್ದೆಲ್ಲವೂ ಪ್ರತಿಭೆಯಿಂದಲೇ.

ಹೀಗೊಂದು ಗೆಲುವು ದಕ್ಕಿಸಿಕೊಂಡಿಕರುವ ಈ ಹುಡುಗನನ್ನು ಯಾರಾದರೂ ದಾರಿ ತಪ್ಪಿಸಿ ಹಳ್ಳ ಹಿಡಿಸಬಹುದೆಂಬ ಆತಂಕವೂ ಇಲ್ಲ. ಮುಗ್ಧತೆಯನ್ನು ಮೈಗೂಡಿಸಿಕೊಂಡಿರೋ ಗಿಲ್ಲಿಗೆ ಲೋಕಜ್ಞಾನವಿದೆ. ಯಾರನ್ನು ಹೇಗೆ ಸಂಭಾಳಿಸಬೇಕೆಂಬ ಅರಿವಿದೆ. ಎತ್ತರಕ್ಕೇರುವ ಕನಸಿನ ಜೊತೆಗೆ, ಹುಟ್ಟಿದೂರಲ್ಲಿಯೇ ಬೇರಿಳಿಸಿ ಬೆಳೆಯಬೇಕೆಂಬ ಅಪ್ಪಟ ರೈತಾಪಿ ತುಮುಲವೂ ಇದೆ. ಆತ ಇನ್ನು ಮುಂದೆಯೂ ಈಗಿರುವ ಗಿಲ್ಲಿಯಾಗಿಯೇ ಉಳಿಯುವಂತಾದರೆ ಕರುನಾಡು ಮತ್ತಷ್ಟು ಸಂಭ್ರಮಿಸುತ್ತದೆ. ಈ ಬಾರಿ ಬಿಗ್ ಬಾಸ್ ನೋಡದ ಮಂದಿಯನ್ನೂ ಕೂಡಾ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದ ಕ್ಲಿಪಿಂಗ್ಸ್ ಮೂಲಕ ಸೆಳೋಎದುಕೊಂಡ ಕೀರ್ತಿಯೂ ಗಿಲ್ಲಿಗೆ ಸಲ್ಲುತ್ತದೆ. ನಿಖರವಾಗಿ ಹೇಳೋದಾದರೆ, ಗಿಲ್ಲಿಯದ್ದು ಪರಿಪೂರ್ಣ ಗೆಲುವು. ಅದು ಆತನ ಅಗಾಧ ಪ್ರತಿಭೆಗೆ ಸಂದ ಗೌರವವೂ ಹೌದು…

keywords: gilli, gillinata, winner, biggboss, biggbosskannada, kiccha

The post biggboss12 winner gilli: ನಗಿಸುತ್ತಲೇ ಗೆದ್ದ ನೋಡಿ ಗಿಲ್ಲಿ ನಟ! appeared first on Cini Shodha.

ಸಾಮಾನ್ಯವಾಗಿ ಯೋಗರಾಜ್ ಭಟ್ ತಮ್ಮ ಸಿನಿಮಾದಾಚೆಗೆ ಹೊಸಬರ ಪ್ರಯತ್ನಗಳತ್ತ ಬೆರಗಿನ ಕಣ್ಣಿಟ್ಟಿರುತ್ತಾರೆ. ಕಾಲ ಕಾಲಕ್ಕೆ ಚೆಂದದ ಪ್ರಯತ್ನಗಳನ್ನು ಗುರುತಿಸುವ ಮೂಲಕ ಬೆನ್ತಟ್ಟಿ ಪ್ರೋತ್ಸಾಹಿಸುವ ಗುಣವನ್ನೂ ಹೊಂದಿದ್ದಾರೆ. ಅದರ ಭಾಗವಾಗಿಯೇ ಸೂಪರ್ ಹಿಟ್ ಸಿನಿಮಾದ ಟ್ರೈಲರ್ ನೋಡಿ ಥ್ರಿಲ್ ಆಗಿರೋ ಭಟ್ಟರು ಇದು ಪಕ್ಕಾ ಸೂಪರ್ ಹಿಟ್ ಸಿನಿಮಾ ಎಂಬ ಭವಿಷ್ಯ ನುಡಿದಿದ್ದಾರೆ. `ಅದ್ಭುತ ಶೀರ್ಷಿಕೆ, ಅಪರೂಪದ ಅಪ್ರೋಚ್ ॒ಬರಹಗಾರ, ನಿರ್ದೇಶಕ ವಿಜಯಾನಂದ್‌ಗೆ ಹಾಡೂ ಇಡೀ ತಂಡಕ್ಕೆ ಶುಭವಾಗಲಿ. ಹೆಸರಿನಂತೆಯೇ ಚಿತ್ರವೂ ಸೂಪರ್ ಹಿಟ್ ಆಗಲಿ’ ಅಂತ ಯೋಗರಾಜ್ ಭಟ್ ಶುಭ ಕೋರಿದ್ದಾರೆ.

ಕೆಲ ದಿನಗಳ ಹಿಂದಷ್ಟೇ ಈ ಚಿತ್ರದ ಟೀಸರ್ ಬಿಡುಗಡೆಗೊಂಡಿತ್ತು. ಒಂದು ಗಹನವಾದ ಕಥೆಯನ್ನು, ಹಾಸ್ಯದ ಚುಂಗುಹಿಡಿದು ಹೇಳಿರೋ ಸೂಚನೆಯೊಂದು ಟೀಸರ್ ಮೂಲಕ ಗೋಚರಿಸಿದೆ. ಹೇಳಿಕೇಳಿ, ಈ ಬಾರಿ ಬಿಗ್ ಬಾಸ್ ಸ್ಪರ್ಧಿಯಾಗಿರುವ ಗಿಲ್ಲಿ ನಟನ ಹವಾ ಊರೆಲ್ಲ ಹಬ್ಬಿಕೊಂಡಿದೆ. ಪಕ್ಕಾ ಹಾಸ್ಯದ ಮೂಲಕ, ಸೆನ್ಸ್ ಆಫ್ಗ್ ಹ್ಯೂಮರ್ ಮೂಲಕ ಗಿಲ್ಲಿ ಬಿಗ್‌ಬಾಸ್ ಪ್ರೇಕ್ಷಕರನ್ನು ಆವರಿಸಿಕೊಂಡಿದ್ದಾನೆ. ಇದೇ ಹೊತ್ತಿನಲ್ಲಿ ಆತ ನಾಯಕನಾಗಿರೋ ಸೂಪರ್ ಹಿಟ್ ಚಿತ್ರದ ಟೀಸರ್ ದೊಡ್ಡ ಮಟ್ಟದಲ್ಲಿಯೇ ಕ್ರೇಜ್ ಸೃಷ್ಟಿಸಿದೆ. ಇಂಥಾ ಘಳಿಗೆಯಲ್ಲಿಯೇ ಯೋಗರಾಜ್ ಭಟ್ಟರ ಕಡೆಯಿಂದ ಬಂದಿರೋ ಮೆಚ್ಚುಗೆ ಮತ್ತು ಶುಭಾಶಯದಿಂದ ನಿರ್ದೇಶಕ ವಿಜಯಾನಂದ್ ಸೇರಿದಂತೆ ಒಂದಿಡೀ ಚಿತ್ರತಂಡ ಖುಷಿಗೊಂಡಿದೆ.

ವಿಜಯಲಕ್ಷ್ಮಿ ಎಂಟರ್‌ಪ್ರೈಸಸ್ ಬ್ಯಾನರಿನಡಿಯಲ್ಲಿ ಜಿ ಉಮೇಶ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಸೋಶಿಯಲ್ ಮೀಡಿಯಾ ಮೂಲಕ ಕಾಮಿಡಿ ಸ್ಟಾರ್ ಎನಿಸಿಕೊಂಡಿರುವ ಗೌರವ್ ಶೆಟ್ಟಿ ಮತ್ತು, ಗಿಲ್ಲಿ ನಟ ನಾಯಕರಾಗಿ ನಟಿಸಿದ್ದಾರೆ. ಶ್ವೇತಾ ನಾಯಕಿಯಾಗಿ ಜೊತೆಯಾಗಿದ್ದಾರೆ. ನಾಗೇಂದ್ರ ಪ್ರಸಾದ್ ಪಾತ್ರವೊಂದಕ್ಕೆ ಜೀವ ತುಂಬಿದ್ದಾರೆ. ಇನ್ನುಳಿದಂತೆ, ಆರ್.ಡಿ ನಾಗಾರ್ಜುನ ಛಾಯಾಗ್ರಹಣ, ಶ್ರೀಕಾಂತ್ ಸಂಕಲನ, ವಿ ನಾಗೇಂದ್ರ ಪ್ರಸಾದ್ ಸಾಹಿತ್ಯ ಮತ್ತು ಸಂಗೀತ ನಿರ್ದೇಶನ ಈ ಚಿತ್ರಕ್ಕಿದೆ. ಡ್ರ್ಯಾಗನ್ ಮಂಜು, ಸಾಧು ಕೋಕಿಲ, ಸೀನು ಭಾಯ್, ನಾಗವರ್ಧನ್, ಪ್ರಮೋದ್ ಶೆಟ್ಟಿ, ಜೀಜಿ, ಗಿರಿ, ಟಿನಿಸ್ ಕೃಷ್ಣ, ಕರಿಸುಬ್ಬು, ವಂಶಿ, ಮಂಜಣ್ಣ, ಬಿ.ಎನ್ ಮಂಗಳ, ಮಂಗಳೂರು ಮೀನನಾಥ ಮುಂತಾದವರ ತಾರಾಗಣವಿದೆ.

The post Yogaraj Bhat Talks About Super Hit Movie: ಗಿಲ್ಲಿ ನಟ ನಾಯಕನಾಗಿರೋ ಚಿತ್ರಕ್ಕೆ ಪಾಸಿಟಿವ್ ಕಿಕ್! appeared first on Cini Shodha.

ಹೀಗೆ ಬಿಡುಗಡೆಗೊಂಡಿರುವ ಸದರಿ ಟೀಸರ್‌ನಲ್ಲಿರೋ ಭರ್ಜರಿ ಕಾಮಿಡಿ, ಗಟ್ಟಿ ಕಥನದ ಸುಳಿವು ಕಂಡವರೆಲ್ಲ, ಸು ಫ್ರಂ ಸೋ ನಂತಗರದಲ್ಲಿ ಮತ್ತೊಂದು ಕಾಮಿಡಿ ಗಾರುಡಿ ನಡೆಯೋದರ ಮುನ್ಸೂಚನೆಯನ್ನ ಕಂಡುಕೊಂಡಿದ್ದಾರೆ. ಸಾಮಾನ್ಯವಾಗಿ, ಯಾವುದೇ ಸಿನಿಮಾ ಬಿಡುಗಡೆಯಾದ ನಂತರ ಪ್ರೇಕ್ಷಕರ ಮನಗೆದ್ದರೆ ಸೂಪರ್ ಹಿಟ್ ಆಗುತ್ತೆ. ಆದರೆ, ಈ ಚಿತ್ರದ ಶೀರ್ಷಿಕೆಯೇ ಸೂಪರ್ ಹಿಟ್. ಅದಕ್ಕೆ ರನ್ನಿಂಗ್ ಸಕ್ಸಸ್‌ಫುಲೀ ಎಂಬ ಟ್ಯಾಗ್‌ಲೈನನ್ನೂ ಇಡಲಾಗಿದೆ. ಈ ಮೂಲಕ ಶೀರ್ಷಿಕೆಯ ಮೂಲಕವೇ ಗಮನ ಸೆಳೆದ ಸಿನಿಮಾಗಳ ಸಾಲಿಗೂ ಸೇರ್ಪಡೆಗೊಂಡಿದೆ. ಹೆಸರಿನ ಬಗ್ಗೆಯೇ ಕುತೂಹಲ ಮೂಡಿಕೊಂಡಿರೋದರಿಂದಾಗಿ, ಅದರ ಹುಟ್ಟಿನ ಹಿಂದಿರೋ ಅಚ್ಚರಿಯನ್ನು ನಿರ್ದೇಶಕ ವಿಜಯಾನಂದ ತೆರೆದಿಟ್ಟಿದ್ದಾರೆ!

ಈ ಚಿತ್ರವನ್ನು ವಿಜಯಲಕ್ಷ್ಮಿ ಎಂಟರ್‌ಪ್ರೈಸಸ್ ಬ್ಯಾನರಿನಡಿಯಲ್ಲಿ ನಿರ್ಮಾಣ ಮಾಡಿರುವ ಚಿತ್ರವಿದು. ಸೂಪರ್ ಹಿಟ್ ಸಿನಿಮಾ ನಿರ್ಮಾಣ ಮಾಡಬೇಕೆಂಬ ತುಡಿತ ಹೊಂದಿದ್ದ ಉಮೇಶ್, ಈ ಹಿಂದೆ ಸಿನಿಮಾವೊಂದಕ್ಕೆ ಕಾಸು ಹೂಡಿಕೆ ನಡೆಸಿ ನಿರಾಸೆಗೊಂಡಿದ್ದರಂತೆ. ಅಷ್ಟಾದರೂ ಹಿಟ್ ಸಿನಿಮಾ ನಿರ್ಮಾಣದ ಕನಸಿಟ್ಟುಕೊಂಡಿದ್ದ ಉಮೇಶ್ ಅವರನ್ನು ಗಮನಿಸಿದ್ದ ನಿರ್ದೇಶಕರು, ಅದನ್ನೇ ಶೀರ್ಷಿಕೆಯಾಗಿ ಆಯ್ಕೆ ಮಾಡಿಕೊಂಡಿದ್ದಾರಂತೆ. ಪಕ್ಕಾ ಕಮರ್ಶಿಯಲ್ ಪಥದಲ್ಲಿ, ಹಾಸ್ಯವನ್ನೇ ಪ್ರಧಾನವಾಗಿಸಿಕೊಂಡು ಈ ಸಿನಿಮಾವನ್ನು ರೂಪಿಸಲಾಗಿದೆ. ಪ್ರತೀ ಹತ್ತು ನಿಮಿಷಗಳಿಗೊಮ್ಮೆ ಪ್ರೇಕ್ಷಕರನ್ನು ರೋಮಾಂಚನಕ್ಕೀಡು ಮಾಡುವ ಟ್ವಿಸ್ಟುಗಳು, ಹೊಸತನದೊಂದಿಗೆ ದೃಷ್ಯ ಕಟ್ಟಲಾಗಿದೆ. ಕನ್ನಡದ ಮಟ್ಟಿಗೆ ಪ್ರಥಮವಾಗಿ ಥ್ರಿಲ್ಲರ್ ಅಂಶವನ್ನು ಕಾಮಿಡಿಯೊಂದಿಗೆ ಬೆರೆಸುವ ಭಿನ್ನ ಪ್ರಯತ್ನ ನಡೆದಿದೆ ಅನ್ನೋದು ನಿರ್ದೇಶಕರ ಮಾತು.

ಈಗಾಗಲೇ ಸೂಪರ್ ಹಿಟ್‌ ಚಿತ್ರದ ಎಲ್ಲ ಕೆಲಸ ಕಾರ್ಯಗಳೂ ಮುಕ್ತಾಯಗೊಂಡಿವೆ. ಒಂದೊಳ್ಳೆ ಸಮಯ ನೋಡಿ ಬಿಡುಗಡೆ ದಿನಾಂಕ ಘೋಷಣೆ ಮಾಡುವ ತಯಾರಿ ನಡೆಯುತ್ತಿದೆ. ಅಂದಹಾಗೆ, ಸೋಶಿಯಲ್ ಮೀಡಿಯಾ ಮೂಲಕ, ಕಾಮಿಡಿ ಝಲಕ್ಕುಗಳೊಂದಿಗೆ ಪ್ರಸಿದ್ಧಿ ಪಡೆದಿರುವ ಗೌರವ್ ಶೆಟ್ಟಿ ಮತ್ತು ಬಿಗ್ ಬಾಸ್ ಖ್ಯಾತಿಯ ಗಿಲ್ಲಿ ನಟ ಇಲ್ಲಿ ನಾಯಕರಾಗಿ ನಟಿಸಿದ್ದಾರೆ. ಹಾಸ್ಯದ ಪ್ರಾಕಾರದಲ್ಲಿ ತಮ್ಮದೇ ಛಾಪು ಮೂಡಿಸಿರುವ ಈ ಇಬ್ಬರು ನಟರ ಆಯ್ಕೆ ಆ ಪಾತ್ರಗಳಿಗೆ ಮಾತ್ರವಲ್ಲದೇ ಒಂದಿಡೀ ಸಿನಿಮಾಗೂ ಪ್ಲಸ್ ಆಗಲಿದೆ ಎಂಬ ನಂಬಿಕೆ ಚಿತ್ರತಂಡದಲ್ಲಿದೆ. ಸು ಫ್ರಂ ಸೋ ಚಿತ್ರಕ್ಕೆ ಸಿಕ್ಕಿರೋ ಭಾರೀ ಗೆಲುವು ಕೂಡಾ ಚಿತ್ರತಂಡಕ್ಕೆ ಭರವಸೆ ತುಂಬಿದೆ. ಯಾಕೆಂದರೆ, ಭಿನ್ನ ಬಗೆಯ ಕಥನ, ಹಾಸ್ಯವಿರೋ ಈ ಚಿತ್ರಕ್ಕೂ ಪ್ರೇಕ್ಷಕರು ಅಂಥಾದ್ದೇ ಬೆಂಬಲ ಕೊಡುತ್ತಾರೆಂಬ ನಂಬಿಕೆ ಚಿತ್ರತಂಡಕ್ಕಿದೆ.

ಗಿಲ್ಲಿ ನಟ ಮತ್ತು ಗೌರವ್ ಶೆಟ್ಟಿ ನಾಯಕರಾಗಿ ನಟಿಸಿದ್ದರೆ, ಶ್ವೇತಾ ನಾಯಕಿಯಾಗಿ ಜೊತೆಯಾಗಿದ್ದಾರೆ. ವಿಜಯಲಕ್ಷ್ಮಿ ಎಂಟರ್‌ಪ್ರೈಸಸ್ ಬ್ಯಾನರಿನಡಿಯಲ್ಲಿ ಜಿ. ಉಮೇಶ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ನಾಗೇಂದ್ರ ಪ್ರಸಾದ್ ಪಾತ್ರವೊಂದಕ್ಕೆ ಜೀವ ತುಂಬಿದ್ದಾರೆ. ಇನ್ನುಳಿದಂತೆ, ಆರ್.ಡಿ ನಾಗಾರ್ಜುನ ಛಾಯಾಗ್ರಹಣ, ಶ್ರೀಕಾಂತ್ ಸಂಕಲನ, ವಿ ನಾಗೇಂದ್ರ ಪ್ರಸಾದ್ ಸಾಹಿತ್ಯ ಮತ್ತು ಸಂಗೀತ ನಿರ್ದೇಶನ ವಿರುವ ಈ ಚಿತ್ರ, ಡ್ರ್ಯಾಗನ್ ಮಂಜು, ಸಾಧು ಕೋಕಿಲ, ಸೀನು ಭಾಯ್, ನಾಗವರ್ಧನ್, ಪ್ರಮೋದ್ ಶೆಟ್ಟಿ, ಜೀಜಿ, ಗಿರಿ, ಟಿನಿಸ್ ಕೃಷ್ಣ, ಕರಿಸುಬ್ಬು, ಸೋಮಶೇಖರ್, ವಂಶಿ, ಮಂಜಣ್ಣ, ಬಿ.ಎನ್ ಮಂಗಳ, ಅಶ್ವಿನಿ ರಾವ್, ಸ್ವಪ್ನ ಶೆಟ್ಟಿಗಾರ್, ಮಂಗಳೂರು ಮೀನನಾಥ ಮುಂತಾದವರ ತಾರಾಗಣದೊಂದಿಗೆ ಕಳೆಗಟ್ಟಿಕೊಂಡಿದೆ.

The post Super Hit Movie Teaser : ಬಿಗ್‌ಬಾಸ್ ಗಿಲ್ಲಿ ನಟ ಹೀರೋ ಆಗ್ಬಿಟ್ಟ! appeared first on Cini Shodha.

ಈ ಬಾರಿಯ ಕಂಟೆಸ್ಟೆಂಟುಗಳ ಮಟ್ಟಿಗೆ ಹೇಳೋದಾದರೆ ಸಂಪೂರ್ಣ ಹುಚ್ಚರ ಸಂಖ್ಯೆ ಕಡಿಮೆಯಿದೆ. ಸೋಶಿಯಲ್ ಮೀಡಿಯಾ ಮೂಲಕ ಅಪದ್ಧ ಒದರಾಟ ನಡೆಸುವವರು, ಅದ್ಯಾವುದೋ ಯಕ್ಕಾಚಿಕ್ಕಿ ಕಾಪಿ ಮ್ಯೂಸಿಕ್ಕಿಗೆ ಗಂಟಲು ಹರಿಯುವಂತೆ, ಕಿವಿಯ ತಮಟೆ ಕಿತ್ತೆದ್ದು ಹೋಗುವಂತೆ ಅರಚಾಡುವವರು, ಅವನ್ಯಾವನೋ ಕೋಟಿ ಕಥೆ ಕಟ್ಟುವ ನಾಯಿ ಸತೀಶ, ನಟನೆಯ ಗಂಧ ಗಾಳಿಯೂ ಗೊತ್ತಿಲ್ಲದ ಕಿರುತೆರೆ ಸ್ಟಾರ್… ಬಿಗ್ ಬಾಸ್ ಮನೆಯೊಳಗೆ ಇಂಥಾ ಸರಕುಗಳದ್ದೇ ಮೇಲುಗೈ. ಕನ್ನಡದ ಸೂಪರ್ ಸ್ಟಾರ್ ಕಿಚ್ಚಾ ಸುದೀಪನ ಪಾಲಿಗೆ ಇಕನ್ನು ಮೂರು ತಿಂಗಳು ಇಂಥಾ ವಿಚಿತ್ರ ಪ್ರಾಣಿಗಳನ್ನು ಮೇಯಿಸುವ ಕೆಲಸ ನಿಕ್ಕಿ. ಕರ್ನಾಟಕದ ಬಡಪಾಯಿ ಪ್ರೇಕ್ಷಕರ ಪ್ರತೀ ದಿನ ಇವುಗಳ ತಾರಾತಿಗಡಿಗಳನ್ನು ಕಣ್ತುಂಬಿಕೊಳ್ಳುವ ಮಹಾಭಾಗ್ಯ ಪುಕ್ಕಟೆಯೆಂಬಂತೆ ಅಮರಿಕೊಂಡಿದೆ!

ಇದ್ದುದರಲ್ಲಿ ಎಲ್ಲರ ನಿರೀಕ್ಷೆಯಂತೆ ಪ್ರತಿಭಾವಂತ ಹುಡುಗ ಗಿಲ್ಲಿ ನಟ ಸ್ಪರ್ಧಿಯಾಗಿದ್ದಾನೆ. ಈತನ ಬಗ್ಗೆ ನಿರೀಕ್ಷೆ ಮೂಡುವುದಕ್ಕೂ ಕಾರಣಗಳಿದ್ದಾವೆ. ಇಂಥಾ ಕಾಮಿಡಿ ಶೋಗಳಲ್ಲಿ ನಟಿಸಿ ಸೈ ಅನ್ನಿಸಿಕೊಂಡವರು, ಕಾಮಿಡಿ ಕಿಲಾಡಿಗಳಡೆನ್ನಿಸಿಕೊಂಡ ಅನೇಕರು ಸ್ಕ್ರಿಫ್ಟ್ ಇಲ್ಲದೆ ನಗಿಸುವ ಛಾತಿ ಹೊಂದಿರುವುದಿಲ್ಲ. ಯಾರೋ ಬರೆದು ಕೊಟ್ಟ ಡೈಲಾಗುಗಳನ್ನು ಉರು ಹೊಡೆದು ಮೈಲೇಜು ಗಿಟ್ಟಿಸಿಕೊಂಡಿದ್ದ ಕುರಿಪ್ರತಾಪ ಇದೇ ವೇದಿಕೆಯಲ್ಲಿ ಏದುಸಿರು ಬಿಟ್ಟಿದ್ದ. ಕಡೆಕಡೆಗೆ ಈತ ನಗಿಸಲಾಗದೆ ಉಬುಕಾಡೋದೇ ಮಹಾನ್ ಕಾಮಿಡಿಯಂತಾಗಿತ್ತು. ಈ ಸೀಜನ್ನಿನಲ್ಲಿ ಚಂ ದ್ರಪ್ರಭ ಎಂಬ ಪ್ರತಿಭೆ ಕುರಿ ಪ್ರತಾಪನ ಸ್ಥಾನ ತುಂಬುವಂತಿದ್ದಾನೆ. ಕೆಟ್ಟಾಕೊಳಕು ಡೈಲಾಗುಗಳ ಮೂಲಕವೇ ಪ್ರಸಿದ್ಧನಾಗಿದ್ದ ಈತ ಅದರಾಚೆಗೆ ನಗಿಸುವ ಸಾಧ್ಯತೆಗಳು ಕಡಿಮೆ.

ಇಂಥಾ ಹೊತ್ತಿನಲ್ಲಿ ಗಿಲ್ಲಿನಟ ಭಿನ್ನವಾಗಿ ಕಾಣಿಸುತ್ತಾನೆ. ಯಾಕೆಂದರೆ, ಆತ ಸ್ವತಃ ಡೈಲಾಗುಗಳನ್ನು ಸೃಷ್ಟಿಸಿ ಗೆದ್ದವನು. ಹಲವಾರು ಶೋಗಳಲ್ಲಿ ತನ್ನ ಅಸಲೀ ಪ್ರತಿಭೆ ಸಾಬೀತುಪಡಿಸಿರುವವನು. ಆರಂಭಿಕವಾಗಿಯೇ ಗಿಲ್ಲಿ ಗೆಲ್ಲೋ ಸಾಧ್ಯತೆಗಳ ಬಗ್ಗೆ ಚರ್ಚೆಗಳಾಗುತ್ತಿವೆ. ಇನ್ನುಳಿದಂತೆ ಗೀತಾ ಸೀರಿಯಲ್ಲಿನ ನಾಯಕನಾಗಿದ್ದ ಧನುಷ್ ಗೌಡ ನಟನಾಗುವ ಹಾದಿಯಲ್ಲಿನ್ನೂ ಫರ್ಲಾಂಗುಗಟ್ಟಲೆ ಸಾಗೋದಿದೆ. ಗೀತಾ ಸೀರಿಯಲ್ಲಿನ ಮಾಸ್ ಸೀನುಗಳಲ್ಲಿ ಮುಕ್ಕರಿದು ನಟಿಸಲು ಹರಸಾಹಸ ಪಡುತ್ತಿದ್ದ ಈತನ ಬಗ್ಗೆ ಹೆಚ್ಚಿನ ನಿರೀಕ್ಷೆಗಳಿಲ್ಲ. ಇನ್ನು ಹಂತ ಹಂತವಾಗಿ ಅತ್ತು ಬಿಗ್ ಬಾಸ್ ಮನೆಯನ್ನು ರಂಗೇರಿಸಲೆಂದೇ ಒಂದಷ್ಟು ನಟೀಮಣಿಯರನ್ನು ತುಂಬಿಕೊಳ್ಳಲಾಗಿದೆ. ಒಂದು ಕಾಲದಲ್ಲಿ ಆಂಕರ್ ಆಗಿ ಹೆಸರಾಗಿದ್ದ ಜಾನ್ವಿ ಬಗ್ಗೆಯೂ ಹೆಚ್ಚಿನ ನಿರೀಕ್ಷೆಗಳಿದ್ದಂತಿಲ್ಲ.

ಅಷ್ಟಕ್ಕೂ ಈ ಬಿಗ್ ಬಾಸ್ ಅನ್ನೋದೇ ಒಂದು ಭ್ರಾಮಕ ಶೋ. ಇದರಲ್ಲಿ ಮುಸುಡಿ ತೋರಿಸಿದವರು ವಿಶ್ದವಪ್ರಸಿದ್ಧಿ ಹೊಂದಿ ಬಿಡುತ್ತಾರೆಂಬ ಭ್ರಮೆ ಇದೆ. ಆದರೆ, ಒಂದು ಸೀಜನ್ನಿನಲ್ಲಿ ಸ್ಪರ್ಧಿಯಾಗಿದ್ದವರು ಮತ್ತೊಂದು ಸೀಜನ್ನಿನ ಹೊತ್ತಿಗೆ ಮರೆತೇ ಹೋಗುತ್ತಾರೆ. ಇಷ್ಟೂ ಸೀಜನ್ನುಗಳಲ್ಲಿ ಈ ಶೋನಿಂದ ಉದ್ದಾರಾದವರನ್ನು ದುರ್ಬೀನು ಹಾಕಿಕೊಂಡು ಹುಡುಕಿದರೂ ಸಿಗೋದು ಕಷ್ಟ. ತಿಕ್ಕಲುತನವನ್ನೇ ಬಂಡವಾಳವಾಗಿಸಿಕೊಂಡ ಬಿಗ್ ಬಾಸ್ ಪ್ರಾಡಕ್ಟುಗಳಂತೂ ಊರು ತುಂಬಾ ಇಟ್ಟಾಡುತ್ತಿವೆ. ಆ ಸಾಲಿನಲ್ಲಿ ಪ್ರಥಮ್ ಮತ್ತು ಕಿರಿಕ್ ಕೀರ್ತಿಯದ್ದು ಮುಂಚೂಣಿ ಸ್ಥಾನ. ಪ್ರಥಮ ಮತ್ತು ಕಿರಿಕ್ಕಿಗೆ ಮಾತಢೇ ಬಂಡವಾಳ. ಈ ಕೀರ್ತಿಯಂತೂ ಆಯಾ ಕಾಲಕ್ಕೆ ಪ್ರಚಾರ ಸಿಗಬಹುದಾದ ಟೊಂಗೆಯೊಂದಕ್ಕೆ ಛಕ್ಕನೆ ಹಾರಿ ಕೂರುವ ಓತಿಕ್ಯಾತದಂಥವನು. ಅಷ್ಟು ಭೀಕರವಾಗಿ ಅತ್ಯಾಚಾರಕ್ಕೀಡಾಗಿ ಸತ್ತ ಸೌಜನ್ಯಾಳದ್ದು ಪವಿತ್ರ ಸಾವೆಂಬ ಈತ ಪರಮ ನೀಚ.

ಇಂಥಾ ಅಯೋಗ್ಯರನ್ನೇ ಹೆಚ್ಚಾಗಿ ಸೃಷ್ಟಿಸಿದ ಬಿಗ್ ಬಾಸ್ ಶೋ ಬಗ್ಗೆ ಯಾರೂ ಗಂಭೀರವಾದ ನಿರೀಕ್ಷೆ ಇಟ್ಟುಕೊಳ್ಳಲು ಸಾಧ್ಯವಿಲ್ಲ. ಬೀದಿ ಬದಿಯಲ್ಲೆಲ್ಲೋ ಸರ್ಕಸ್ಸು ನಡೆಯುತ್ತಿದ್ದರೆ ಸುಮ್ಮನೆ ಅರೆಘಳಿಗೆ ನಿಂತು ನೋಡಿ ಹೊರಡುತ್ತೇವಲ್ಲ? ಅಂಥಾದ್ದೊಂದು ಕ್ಷಣಿಕ ಕುತೂಹಲಕ್ಕೆ ಮಾತ್ರವೇ ಅರ್ಹವಾದ ಶೋ ಇದು. ಖಂಡಿತವಾಗಿಯೂ ಈ ಬಾರಿ ಒಂದಷ್ಟು ಬದಲಾವಣೆಗಳಿರುತ್ತವೆ. ಟಾಸ್ಕುಗಳಲ್ಲಿಯೂ ಅದು ಇಣುಕಬಹುದೇನೋ. ಈ ಬಾರಿ ಶುರುವಾತಿಗಿಂತಲೂ ಮುನ್ನವೇ ಸ್ಪರ್ಧಿಗಳ ಗುರುತು ಬಯಲಾಗಿರೋದನ್ನೇ ಕಿಚ್ಚಗಾರು ಹೊಸತನ ಎಂಬಂತೆ ಸಂಭ್ರಮಿಸುತ್ತಿದ್ದಾರೆ. ಇಂಥಾ ಸಂಭ್ರಮಗಳೊಂದಿಗೆ ಇನ್ನು ಮೂರು ತಿಂಗಳ ಬಿಗ್ ಬೂಸಾ ಸಂಪನ್ನಗೊಳ್ಳಲಿದೆ!

The post Biggboss Season12: ಹೊಸಾ ವೇಷದಲ್ಲಿ ಬಿಗ್ ಬೂಸಾ! appeared first on Cini Shodha.

ಬಿಗ್ ಬಾಸ್ ಎಂಬುದು ಪಕ್ಕಾ ಫೇಕ್ ಶೋ ಎಂಬ ವಿಚಾರ ಈಗಾಗಲೇ ಸಾಬೀತಾಗಿದೆ. ತಕರಾರುಗಳು ಏನೇ ಇದ್ದರೂ ಈ ಶೋ ಚೂರು ಪಾರಾದರೂ ಆಕರ್ಷಣೆ ಉಳಿಸಿಕೊಂಡಿರೋದೇ ಕಿಚ್ಚಾ ಸುದೀಪ್ ಕಾರಣದಿಂದ. ಸುದೀಪ್ ಅದೇನೇ ಭಳಾಂಗು ಬಿಟ್ಟರೂ ಕೂಡಾ ಈ ಶೋ ಪ್ರೇಕ್ಷಕರ ಇಂಗಿತದಂತೆ ನಡೆಯೋದಿಲ್ಲ ಎಂಬ ಸತ್ಯ ಯಾವತ್ತೋ ಸಾಬೀತಾಗಿದೆ. ಆದರೂ, ಒಂದಷ್ಟು ತಲೆ ನೆಟ್ಟಗಿರುವ, ನೈಜ ಮನೋರಂಜನೆ ಕೊಡಬಲ್ಲವರು ಸ್ಪರ್ಧಿಗಳಾಗಬುದೆಂಬ ನಿರೀಕ್ಷೆಯೊಂದು ಪ್ರೇಕ್ಷಕರಲ್ಲಿ ಇದ್ದೇ ಇದೆ. ಆ ನಿಟ್ಟಿನಲ್ಲಿ ಈ ಬಾರಿಯೂ ಕೂಡಾ ಮನೋರಂಜನೆ ಕೊಡುವ ದಿಕ್ಕಿನಲ್ಲಿ ಯಾರು ಬಿಗ್‌ಬಾಸ್ ಮನೆ ಸೇರಿದರೆ ಚೆಂದ ಅಂತೊಂದು ಚರ್ಚೆ ಸಾಮಾಜಿಕ ಜಾಲತಾಣದಲ್ಲಿ ಚಾಲ್ತಿಯಲ್ಲಿತ್ತು.

ಇಂಥಾ ಚರ್ಚೆಗಳಲ್ಲಿ ದೊಡ್ಡ ಮಟ್ಟದಲ್ಲಿಯೇ ಹೊರ ಹೊಮ್ಮಿರುವ ಹೆಸರು ಗಿಲ್ಲಿ ನಟನದ್ದು. ಒಂದು ಮೂಲದ ಪ್ರಕಾರ ಈಗಾಗಲೇ ಸಂಭಾವ್ಯ ಸ್ಪರ್ಧಿಗಳ ಆಯ್ಕೆ ಕಾರ್ಯ ಸಮಾಪ್ತಿಗೊಂಡಿದೆ. ಈ ಬಾರಿ ಮಾಜಿ ಭೂಗತ ಜೀವಿಗಳು ಕಿಚ್ಚನ ಪಂಚಾಯ್ತಿಯಲ್ಲಿ ಕಾಣಿಸಿಕೊಂಡರೂ ಅಚ್ಚರಿಯೇನಿಲ್ಲ. ವಿಶೇಷವೆಂದರೆ, ಮೊದಲ ಹಂತದಲ್ಲಿಯೇ ಗಿಲ್ಲಿ ನಟ ಬಿಗ್ ಬಾಸ್ ಸ್ಪರ್ಧಿಯಾಗೋದು ನಿಕ್ಕಿಯಾಗಿದೆ. ಈ ಹುಡುಗ ಗಿಲ್ಲಿ ನಟ ಕೊರೋನಾ ಕಾಲದಲ್ಲಿ ಕಾಮಿಡಿ ವೀಡಿಯೋಗಳ ಮೂಲಕ ಹವಾ ಸೃಷ್ಟಿಸಿದ್ದ. ಮೂಲತಃ ಮಳವಳ್ಳಿಯ ಮಟದಳ್ಳಿಯವನಾದ ಈತ ಪಕ್ಕಾ ಗ್ರಾಮ್ಯ ಶೈಲಿಯ, ಅಸಹ್ಯವೆನ್ನಿಸುವಂಥಾ ಡೈಲಾಗುಗಳಿಲ್ಲದ ಹಾಸ್ಯ ನಟನೆಯಿಂದ ಮನ ಗೆದ್ದಿದ್ದ.

ನಟನಾಗಬೇಕೆಂಬ ತುತಿತದಿಂದ ಬೆಂಗಳೂರು ಸೇರಿಕೊಂಡು ಸಹಾಯಕ ನಿರ್ದೇಶಕನಾಗಿ ಕೆಲಸ ಮಾಡುತ್ತಿದ್ದ ಈತನಿಗೆ ನೋಡ ನೋಡುತ್ತಲೇ ಕಿರುತೆರೆ ಲೋಕದ ಹೆಬ್ಬಾಗಿಲು ತೆರೆದುಕೊಂಡಿತ್ತು. ಸಾಮಾನ್ಯವಾಗಿ ಪ್ರಸಿದ್ಧಿ ಪಡೆದ ಕಾಮಿಡಿ ಕಲಾವಿದರು ಸಂದರ್ಭಕ್ಕಾನುಸಾರ ಹಾಸ್ಯ ಸೃಷ್ಟಿ ಮಾಡೋ ತಾಕತ್ತು ಹೊಂದಿರೋದಿಲ್ಲ. ಆದರೆ ಈ ಹುಡುಗ ನಿಂತ ನಿಲುವಿನಲ್ಲಿಯೇ ನಗಿಸಬಲ್ಲ ಚಾಕಚಕ್ಯತೆ ಹೊಂದಿದ್ದಾನೆ. ಡ್ಯಾನ್ಸ್ ಶೋ ಒಂದರಲ್ಲಿ ಪ್ರಾಪರ್ಟಿ ಕಾಮಿಡಿ ಮೂಲಕವೂ ಪ್ರಸಿದ್ಧನಾಗಿದ್ದ ಗಿಲ್ಲಿ ಈ ಬಾರಿ ಬಿಗ್ ಬಾಸ್ ಶೋಗೊಂದು ಕಳೆ ತಂದು ಕೊಡೋದರಲ್ಲಿ ಸಂಶಯವೇನಿಲ್ಲ. ಈ ಹಿಂದೆ ಕುರಿ ಪ್ರತಾಪನಂಥವರು ಸ್ವಂತದಚ್ದೊಂದು ಕಾಮಿಡಿ ಸೀನು ಸೃಷ್ಟಿಸಲಾರದೆ ಬಿಗ್ ಬಾಸ್ ಮನೆ ತುಂಬಾ ಹಿಕ್ಕೆ ಉದುರಿಸಿ ಬಂದಿದ್ದದ್ದು ಇತಿಹಾಸ. ಅಂಥವರಿಗೆ ಹೋಲಿಸಿದರೆ ಗಿಲ್ಲಿ ನಟ ನಿಜಕ್ಕೂ ಅತ್ಯುತ್ತಮ ನಟ ಅನ್ನೋದು ಈಗಾಗಲೇ ಸಾಬೀತಾಗಿದೆ!

The post biggboss season 12: ಭಳಾಂಗು ಶೋವನ್ನು ರಂಗೇರಿಸ್ತಾನಾ ಕಾಮಿಡಿ ಕಿಲಾಡಿ? appeared first on Cini Shodha.