ಹೊಸಾ ಧಾಟಿಯ ಸಿನಿಮಾಗಳನ್ನು ಮೆಚ್ಚಿ ಕೊಂಡಾಡುವ, ನೋಡಿ ಗೆಲ್ಲಿಸುವ ಪ್ರೇಕ್ಷಕ ವರ್ಗ ಕನ್ನಡದಲ್ಲಿದೆ. ಅಂಥಾ ಸಿನಿಮಾ ಪ್ರೇಮಿಗಳನ್ನೆಲ್ಲ ಖುಷಿಗೊಳಿಸಿದ್ದ ಚಿತ್ರ ಕೆಂಡ. ಸಾಮಾನ್ಯವಾಗಿ ಭೂಗತ ಜಗತ್ತಿನ ಕಥೆಯೆಂದರೆ, ಪಕ್ಕಾ ಕಮರ್ಶಿಯಲ್ ಶೈಲಿಯ ಚಿತ್ರಣವೊಂದು ಕಣ್ಮುಂದೆ ಸುಳಿದಾಡುತ್ತೆ. ಆದರೆ, ಅದನ್ನು ಮತ್ತೊಂದು ಆಯಾಮದಲ್ಲೂ ದೃಶ್ಯೀಕರಿಸಬಹುದೆಂಬುದನ್ನು ನಿರೂಪಿಸಿದ್ದ ಸಿನಿಮಾವಾಗಿ ಕೆಂಡ ಗಮನ ಸೆಳೆದುಕೊಂಡಿತ್ತು. ನಿರ್ದೇಶಕ ಸಹದೇವ್ ಕೆಲವಡಿ ಮೊದಲ ಹೆಜ್ಜೆಯಲ್ಲಿಯೇ ಪ್ರೇಕ್ಷಕರ ಮೆಚ್ಚುಗೆ ಗಳಿಸಿಕೊಂಡಿದ್ದರು. ಜೊತೆಗೆ ನಿರ್ದೇಶನಕ್ಕಾಗಿ ಪ್ರಶಸ್ತಿಯನ್ನೂ ತಮ್ಮದಾಗಿಸಿಕೊಂಡಿದ್ದರು.

ಇಂಥಾ ಕೆಂಡವೀಗ ಅಮೇಜಾನ್ ಪ್ರೈಮ್‌ಗೆ ಆಗಮಿಸಿದೆ. ನೀವೇನಾದರೂ ಕೆಂಡವನ್ನು ಸಿನಿಮಾ ಮಂದಿರದಲ್ಲಿ ನೋಡಿಲ್ಲವಾದರೆ, ಆಮೇಜಾನ್ ಪ್ರೈಮ್ ಮೂಲಕ ಭಿನ್ನ ಅನುಭೂತಿಗೆ ಒಡ್ಡಿಕೊಳ್ಳುವ ಅವಕಾಶ ಈ ಮೂಲಕ ಕೂಡಿ ಬಂದಿದೆ. ಬಿ.ವಿ ಭರತ್, ಪ್ರಣವ್ ಶ್ರೀಧರ್, ವಿನೋದ್ ಸುಶೀಲಗೋಪಾಲಕೃಷ್ಣ ದೇಶಪಾಂಡೆ, ಸಚಿನ್ ಶ್ರೀನಾಥ್, ಬಿಂದು ರಕ್ಷಿದಿ, ಶರತ್ ಗೌಡ, ಸತೀಶ್ ಕುಮಾರ್, ಅರ್ಚನ ಶ್ಯಾಮ್, ಪೃಥ್ವಿ ಬನವಾಸಿ, ದೀಪ್ತಿ ನಾಗೇಂದ್ರ ಮುಂತಾದವರು ನಟಿಸಿದ್ದಾರೆ. ಓಟಿಟಿಯಲ್ಲಿಯೂ ಇದೀಗ ಕೆಂಡದ ಖದರ್ ಮೆಲ್ಲಗೆ ಹಬೆಯಾಡಲಾರಂಭಿಸಿದೆ.

The post kenda movie: ನಿಮ್ಮ ಬೆರಳ ಮೊನೆಯಲ್ಲೀಗ ವಿಶಿಷ್ಟ ಕಥನ! appeared first on Cini Shodha.

ಕನ್ನಡದ ಹರಿ ಸಂತೋಷ್ ಈ ಸಿನಿಮಾ ಮೂಲಕ ಬಾಲಿವುಡ್ಡಿಗೆ ಎಂಟ್ರಿ ಕೊಟ್ಟಿರೋದೇನೋ ಖುಷಿಯ ವಿಚಾರವೇ. ಆದರೆ, ನಿಕ್ಕಿ ತಾಂಬೋಲಿ ಆ ಚಿತ್ರದ ನಾಯಕಿಯಾಗಿರೋದೇನೂ ಹೆಮ್ಮೆ ಪಡುವ ಸಂಗತಿಯಲ್ಲ. ಯಾಕೆಂದರೆ, ಆಕೆ ಸೀಮೆಗಿಲ್ಲದ ನಟಿಯೇನಲ್ಲ. ಅಷ್ಟಕ್ಕೂ ನಿಕ್ಕಿ ಬಿಗ್‍ಬಾಸ್ ಎಂಬ ಬೂಸಾ ಶೋನ ಹಿಂದಿ ಅವತರಣಿಕೆಯ ಪ್ರಾಡಕ್ಟು. ಬಿಗ್‍ಬಾಸ್ ಸೀಜನ್ 14ರ ಸ್ಪರ್ಧಿಯಾಗಿದ್ದ ಈಕೆ ಬಿಚ್ಚಮ್ಮಳಾಗಿ ಸದ್ದು ಮಾಡಿದ್ದೇ ಹೆಚ್ಚು. ಆ ನಂತರದಲ್ಲಿ ಖತ್ರೋನ್ ಕೆ ಖಿಲಾಡಿ ಎಂಬ ಮತ್ತೊಂದು ರಿಯಾಲಿಟಿ ಶೋನಲ್ಲಿಯೂ ನಿಕ್ಕಿ ಸ್ಪರ್ಧಿಯಾಗಿದ್ದಳು. ಹೀಗೆ ರಿಯಾಲಿಟಿ ಶೋಗಳ ಕೂಸಿನಂತೆ ಸುದ್ದಿಯಲ್ಲಿರುವ ಈಕೆ ನಟಿಯಾಗಿ ಗಮನ ಸೆಳೆಯುವಂಥವಳಲ್ಲ. ನಟನೆಯ ಗಂಧಗಾಳಿಯೂ ನಿಕ್ಕಿಗೆ ಪರಿಚಯವಿದ್ದಂತಿಲ್ಲ.

ಹರಿ ಸಂತೋಷ್ ಓಟಿಟಿಯನ್ನೇ ಗುರಿಯಾಗಿಸಿಕೊಂಡು ಪಪ್ಪಿ ಲವ್ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ. ತನುಜ್ ಶಿರ್ವಾನಿ ನಾಯಕನಾಗಿ ನಟಿಸಿದ್ದರೆ, ನಿಕ್ಕಿ ತಾಂಬೋಲಿ ನಾಯಕಿಯಾಗಿ ಜೊತೆಯಾಗಿದ್ದಾಳೆ. ಈ ಸಿನಿಮಾದ ಪಾತ್ರಕ್ಕಾಗಿ ನಿಕ್ಕಿ ಶ್ಯಾನೆ ಶ್ರಮ ಪಟ್ಟು ತಯಾರಿ ನಡೆಸಿದ್ದಾಳಂತೆ. ಹಾಗಂತ ಅವಳೇ ಹೇಳಿಕೊಂಡಿದ್ದಾಳೆ. ಆದರೆ, ಆಕೆಯ ನಟನೆಯ ಬಗ್ಗೆ ಯಾರಿಗೇನು ಕುತೂಹಲವಿಲ್ಲ. ದೇಹ ಪ್ರದರ್ಶನಕ್ಕಷ್ಟೇ ತನ್ನ ಟ್ಯಾಲೆಂಟನ್ನು ಮೀಸಲಿಟ್ಟಿರುವ ಈಕೆ, ಈ ಹಿಂದೆ ಎಣ್ಣೆ ಏಟಿನಲ್ಲಿ ಆಕ್ಸಿಡೆಂಟ್ ಮಾಡಿ ತಗುಲಿಕೊಂಡಿದ್ದಳು. ಆ ಭೀಕರ ಅಪಘಾತದಲ್ಲಿ ಈಕೆಯ ಜೊತೆಯಿದ್ದ ಹುಡುಗಿ ಸತ್ತೇ ಹೋಗಿದ್ದಳು. ಆ ಕೇಸಿಂದ ಪ್ರಭಾವ ಬಳಸಿ ಹೊರ ಬಂದಿದ್ದ ನಿಕ್ಕಿಯೀಗ ನಟಿಯಾಗಿ ಸದ್ದು ಮಾಡ ಹೊರಟಿದ್ದಾಳೆ!

The post hari santhosh: ಹರಿ ಸಂತೋಷ್‍ರ ಬಾಲಿವುಡ್ ಯಾನ! appeared first on Cini Shodha.

ಇಷ್ಟೆಲ್ಲವನ್ನು ಯಾಕೆ ಹೇಳಬೇಕಾಯಿತೆಂದರೆ, ವಾರಗಳ ಹಿಂದೆ ತೆರೆಕಂಡು ಅಷ್ಟೇನೂ ಯಶ ಕಾಣದಿದ್ದ ಧೂಮಂ (dhoomam) ಚಿತ್ರವೀಗ ಓಟಿಟಿ ಹೊಸ್ತಿಲಿನಲ್ಲಿದೆ. ಇದು ಮಲೆಯಾಳಂ ಭಾಷೆಯಲ್ಲಿ ಕನ್ನಡದ ಹೆಮ್ಮೆಯ ಸಂಸ್ಥೆ ಹೊಂಬಾಳೆ ನಿರ್ಮಾಣ ಮಾಡಿದ್ದ ಚಿತ್ರ. ಹೇಳಿಕೇಳಿ ಅದ್ಭುತ ಕಲಾವಿದ ಫಹಾದ್ ಫಾಸಿಲ್ ನಟನೆಯ ಚಿತ್ರ. ವಿಶಿಷ್ಟ ಕಥಾನಕವನ್ನೊಳಗೊಂಡಿದ್ದ ಧೂಮಂ ದೊಡ್ಡ ಮಟ್ಟದಲ್ಲಿಪಯೇ ಗೆಲುವು ಕಾಣುತ್ತದೆಂದು ನಿರೀಕ್ಷಿಸಲಾಗಿತ್ತು. ಅದು ಕನ್ನಡದಲ್ಲಿಯೂ ಬಿಡುಗಡೆಗೊಂಡಿತ್ತು. ಆದರೆ, ಅವತರಣಿಕೆಯಲ್ಲಿ ಹೇಳಿಕೊಳ್ಳುವಂಥಾ ಗೆಲುವು ಕಾಣಲಿಲ್ಲ. ಅತ್ತ ಮಲೆಯಾಳಿಗರಿಗಾದರೂ ಇಷ್ಟವಾಯಿತಾ ಅಂತ ನೋಡ ಹೋದರೆ, ಆ ದಿಕ್ಕಿನಿಂದಲೂ ಸಪ್ಪೆಯೆನಿಸುವಂಥಾ ವಾತಾವರಣವೇ ಕಾಣಿಸುತ್ತಿದೆ.

ಇಂಥಾ ಹೊತ್ತಿನಲ್ಲಿಯೇ ಧೂಮಂ ಓಟಿಟಿಗೆ ಎಂಟರಿ ಕೊಡಲು ತಯಾರಿನಡೆಯುತ್ತಿದೆ. ಈಗಾಗಲೇ ಒಂದಷ್ಟು ಸಂಸ್ಥೆಗಳ ಜೊತೆಗೆ ವ್ಯವಹಾರ ಕುದುರಿಸಿಕೊಳ್ಳುವ ಕಾರ್ಯದಲ್ಲಿ ಹೊಂಬಾಳೆ ಮಂದಿ ಬ್ಯುಸಿಯಾಗಿದ್ದಾರೆ. ಎಲ್ಲವೂ ಅಂದುಕೊಂಡಂತೆಯೇ ಆದರೆ, ಧೂಮಂ ಇಷ್ಟರಲ್ಲಿಯೇ ಓಟಿಟಿಯಲ್ಲಿ ಪ್ರತ್ಯಕ್ಷವಾಗಲಿದೆ. ಇದುವರೆಗೂ ಗೆಲುವು ಕಾಣುತ್ತಾ ಬಂದಿರುವ ಹೊಂಬಾಳೆಗೆ ಧೂಮಂ ಮೂಲಕ ಒಂದಷ್ಟು ಹಿನ್ನಡೆಯಾಗಿರೋದು ನಿಜ. ಆದರೆ, ಕಡೇ ಕ್ಷಣದ ಭರವಸೆ ಎಂಬಂತೆ ಓಟಿಟಿ ಈ ಸಂಸ್ಥೆಯ ಮುಂದಿದೆ. ಯಾಕೆಂದರೆ, ಸಿನಿಮಾ ಮಂದಿರಗಳಲ್ಲಿ ಜೈಸಿಕೊಳ್ಳಲಾರದ ಒಂದಷ್ಟು ಚಿತ್ರಗಳು ಓಟಿಟಿಯಲ್ಲಿ ಚಿಗಿತುಕೊಂಡಿವೆ. ಧೂಮಂ ಕಥೆ ಏನಾಗಲಿದೆ ಎಂಬುದು ಸದ್ಯದ ಕುತೂಹಲ…

The post dhoomam: ಫಹಾದ್ ಫಾಸಿಲ್ ನಟನೆಯ ಚಿತ್ರ ಬೆರಳ ಮೊನೆಯಲ್ಲಿ! appeared first on Cini Shodha.