ಇಂಥಾ ಸ್ಥಿತಿಯಲ್ಲಿ ಆಶಾದಾಯಕ ವಾತಾವರಣವೇ ಕಾಣದೆ ಕಂಗಾಲಾಗಿರುವ ಪ್ರಭಾಸ್ ಅಭಿಮಾನಿಗಳೆಲ್ಲ ಖುಷಿಗೊಳ್ಳುವಂಥಾದ್ದೊಂದು ಸುದ್ದಿ ಇದೀಗ ಹಬ್ಬಿಕೊಂಡಿದೆ. ಅದರನ್ವಯ ಹೇಳೋದಾದರೆ ಪ್ರಬಾಸ್ ಪುಷ್ಪಾ ಖ್ಯಾತಿಯ ಸುಕುಮಾರ್ ನಿರ್ದೆಶನದ ಸಿನಿಮಾದಲ್ಲಿ ನಟಿಸಲಿದ್ದಾನೆ. ಹೀಗೊಂದು ಸುದ್ದಿ ತೆಲುಗು ಚಿತ್ರರಂಗದಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ. ಪುಷ್ಪಾ ಸರಣಿಯ ಮೂಲಕ ಪ್ಯಾನಿಂಡಿಯಾ ಮಟ್ಟದಲ್ಲಿ ಹೆಸರು ಮಾಡಿರುವವರು ಸುಕುಮಾರ್. ತನ್ನದೇ ಆದೊಂದು ಸಿನಿಮಾ ಕ್ರಾಫ್ಟ್ ರೂಢಿಸಿಕೊಂಡಿರುವ ಸುಕುಮಾರ್‌ಗೆ ಕಥೆಯೊಂದನ್ನು ಹೇಗೆಲ್ಲ ಪರಿಣಾಮಕಾರಿಯಾಗಿ ದೃಷ್ಯಕ್ಕೆ ಒಗ್ಗಿಸಬೇಕೆಂಬ ಪಟ್ಟುಗಳು ಕರಗತವಾಗಿವೆ. ಈಗಂತೂ ಸ್ಟಾರ್ ನಟರೇ ಸುಕುಮಾರ್ ಸಾರಥ್ಯದಲ್ಲಿ ಸಿನಿಮಾ ಮಾಡಲು ತುದಿಗಾಲಲ್ಲಿ ನಿಂತಿದ್ದಾರೆ. ಈ ಕ್ಷಣಕ್ಕು ಪುಷ್ಪಾ ಗುಂಗಿನಲ್ಲಿರೋ ಸುಕುಮಾರ್ ಪ್ರಭಾಸ್‌ಗಾಗಿ ಕಥೆಯೊಂದನ್ನು ಸಿದ್ಧಪಡಿಸಿದ್ದಾರೆ.

prabhas: ಪ್ರಭಾಸ್ ಕೈ ಬಿಟ್ಟ ಮೊತ್ತ ಐವತ್ತು ಕೋಟಿ!

ಅದನ್ನು ಇತ್ತೀಚೆಗಷ್ಟೇ ಪ್ರಭಾಸ್‌ಗೂ ಹೇಳಿದ್ದಾರೆ. ಸಾಮಾನ್ಯವಾಗಿ ಕಾಲ್‌ಶೀಟನ್ನು ಕರ್ಚೀಫಿಗಿಂತಲೂ ಕಡೆಯಾಗಿ ಹಂಚೋ ಬುದ್ಧಿಯ ಪ್ರಭಾಸ್ ಕಥೆ ಮುಂತಾದವುಗಳ ಬಗ್ಗೆ ಆಳವಾಗಿ ತಲೆ ಕೆಡಿಸಿಕೊಳ್ಳುವ ಆಸಾಮಿಯಲ್ಲ. ಆದರೆ ಸದ್ಯದ ಮಟ್ಟಿಗೆ ಸೋಲುಗಳಿಂದ ಕಂಗಾಲಾಗಿರೋ ಪ್ರಭಾಸ್ ಈ ಕಥೆ ಕೇಳಿ ಥ್ರಿಲ್ ಆಗಿದ್ದಾನೆ. ಈ ಮೂಲಕ ಅಧಿಕೃತವಾಗಿಯೇ ಸದರಿ ಪ್ರಾಜೆಕ್ಟಿಗೆ ಚಾಲನೆ ಸಿಕ್ಕಿದೆ. ಆದರೆ, ಈ ಸಿನಿಮಾ ಶುರುವಾಗೋದು ೨೦೨೮ಕ್ಕೆ. ಅಲ್ಲಿವರೆಗೆ ಪ್ರಭಾಸ್ ಒಪ್ಪಿಕೊಂಡಿರೋ ಸಿನಿಮಾಗಳನ್ನು ಮುಗಿಸಿಕೊಳ್ಳೋದಿದೆ. ಸುಕುಮಾರ್ ಕೂಡಾ ಅಲ್ಲು ಅರ್ಜುನ್ ಆಟ್ಲಿ ನಿರ್ದೇಸನದ ಸಿನಿಮಾ ಮುಗಿಸಿದಾಕ್ಷಣ ಪುಷ್ಪಾ೩ ಆರಂಭಿಸಲು ತಯಾರಾಗುತ್ತಿದ್ದಾರೆ. ಬಹುಶಃ ಬಾಹುಬಲಿಯನ್ನು ಸೋಲಿನ ಶೂಲದಿಂದ ಪಾರು ಮಾಡೋ ಸಾಧ್ಯತೆಗಳಿರೋದು ಸುಕುಮಾರ್ ನಿರ್ದೇಶನದ ಚಿತ್ರಕ್ಕೆ ಮಾತ್ರವೇ ಅನ್ನಿಸಲಾರಂಭಿಸಿದೆ! 

keywords: prabhas, sukumar, director, bahubali, pushpa

The post Prabhas New Movie Updates: ಬಾಹುಬಲಿಯ ನಸೀಬು ಲಕಲಕಿಸೋ ಲಕ್ಷಣ! appeared first on Cini Shodha.

ಪ್ರಭಾಸ್ ಬಾಹುಬಲಿಯಂಥಾ ಬಿಗ್ ಹಿಟ್ ಸರಣಿಯ ನಂತರ ಹೀನಾಯವಾಗಿ ಸೋಲು ಕಂಡಿದ್ದ. ಆತ ಒಪ್ಪಿಕೊಳ್ಳುತ್ತಿರೋ ಸಿನಿಮಾಗಳನ್ನು ಕಂಡು ಇವನಿಗೆಂಥಾ ಮಳ್ಳು ಹಿಡಿದಿದೆ ಅಂತ ಖುದ್ದು ಆತನನ್ನು ಆರಾಧಿಸುವ ಅಭಿಮಾನಿಗಳೇ ತಲೆ ಕೆಡಿಸಿಕೊಂಡಿದ್ದಿದೆ. ಬಹುಶಃ ಕಲ್ಕಿ ಚಿತ್ರದ ಮೂಲಕ ಒಂದು ಮಟ್ಟದ ಗೆಲುವು ದಕ್ಕದೇ ಇದ್ದಿದ್ದರೆ ಪ್ರಭಾಸನ ವೃತ್ತಿ ಬದುಕು ಪ್ರಪಾತಕ್ಕೆ ಉದುರಿಕೊಳ್ಳುತ್ತಿತ್ತು. ಆದರೆ, ಈ ಮೊಲದಲೇ ಮಾಡಿಕೊಂಡಿದ್ದ ಒಂದಷ್ಟು ಯಡವಟ್ಟುಗಳು ಇನ್ನೊಂದಷ್ಟು ವರ್ಷಗಳ ಕಾಲ ಆತನನ್ನು ಕಾಡುವಷ್ಟು ಶಕ್ತಿಶಾಲಿಯಾಗಿವೆ. ಈನಗುವೆ ಹನು ರಾಘವಪುಡಿ ನಿರ್ದೇಶನದ ಫೌಜಿ ಚಿತ್ರ ಒಂದಷ್ಟು ಸದ್ದು ಮಾಡುತ್ತಿದೆ. ಹಾಗಂತ ಆ ಮಟ್ಟಿಗೆ ಕ್ರೇಜ್ ಮೂಡಿಸಿದೆ ಅಂದುಕೊಳ್ಳಬೇಕಿಲ್ಲ. ಅದಕ್ಕೆ ಕಾರಣವಾಗಿರೋದು ಫೌಜಿ ಭೂಮಿಕೆಯಿಂದ ಜಾಹೀರಾಗಿರುವ ಒಂದಷ್ಟು ವಿಚಾರಗಳು ಮಾತ್ರ!

ಫೌಜಿ ಚಿತ್ರದ ಬಗ್ಗೆ ನಿರ್ದೇಶಕ ಹನು ರಾಘವಪುಡಿ ಅಡಿಗಡಿಗೆ ಬಿಲ್ಡಪ್ಪು ಕೊಡುತ್ತಿದ್ದಾನೆ. ಇದು ವಿಶ್ವಮಟ್ಟದಲ್ಲಿ ಸಂಚಲನ ಸೃಷ್ಟಿಸೋ ಚಿತ್ರ ಎಂಬರ್ಥದಲ್ಲಿ ಮಾತಾಡುತ್ತಿದ್ದಾನೆ. ಆದರೆ, ಮೊನ್ನೆಯಷ್ಟೇ ಈ ಆಸಾಮಿ ಬಿಡುಗಡೆಗೊಳಿಸಿದ್ದ ಫೌಜಿ ಚಿತ್ರದ ಪೋಸ್ಟರ್ ಕಂಡು ಬಾಹುಬಲಿಯ ಅಭಿಮಾನಿಗಳಿಗೇ ಬವಳಿ ಬಂದಂತಾಗಿದೆ. ಅದರಲ್ಲಿದ್ದ ಪ್ರಭಾಸನ ಲುಕ್ಕು ಅದಕ್ಕೆ ಕಾರಣ. ಪ್ರಭಾಸ್ ಬಾಹ್ಯ ಸೌಂದರ್ಯ ಇತ್ತೀಚಿನ ದಿನಗಳಲ್ಲಿ ತೀರಾ ಖರಾಬಾಗಿತ್ತು. ಆದರೆ ಫೌಜಿ ಪೋಸ್ಟರಿನಲ್ಲಿ ಆತ ಒಂದಷ್ಟು ವರ್ಷ ಹಿಂದೆ ಹೋದಂತೆ ಸ್ಲಿಮ್ ಆಗಿದ್ದ. ಇದನ್ನು ಕಂಡ ಸಿನಿಮಾಸಕ್ತರು ಅರೇ ಪ್ರಭಾಸ್ ಈ ಮಟ್ಟಿಗೆ ಬದಲಾಗಿ ಬಿಟ್ಟನಾ ಅಂತ ಆಶ್ಚರ್ಯಚಕಿತರಾಗಿದ್ದರು. ಕಡೆಗೂ ನೆಟ್ಟಿಗರು ಫೌಜಿ ಫೋಟೋದಲ್ಲಿಕರೋದು ದಶಕದ ಹಿಂದೆ ಪ್ಗರಭಾಸ್ ನಟಿಸಿದ್ದ ಪೌರ್ಣಮಿ ಸಿನಿಮಾದ ಚಿತ್ರ ಅನ್ನೋದನ್ನು ಪತ್ತೆಹಚ್ಚಿದ್ದರು.

ಇಂಥಾ ಪೋಸ್ಟರ್‌ಗಳಲ್ಲಿ ಆ ಚಿತ್ರದಲ್ಲಿನ ನಾಯಕನ ಪಾತ್ರದ ಚಹರೆಯನ್ನು ಅನಾವರಣಗೊಳಿಸೋದು ಮಾಮೂಲು. ಹನು ರಾಘವಪುಡಿ ಯಾಕೆ ಪೌರ್ಣಮಿಯ ಫೋಟೋ ಎತ್ತಿಕೊಂಡಿದ್ದಾನೆ? ಇಂಥಾ ಪ್ರಶ್ನೆಗೆ ತೆಲುಗು ಸಿನಿಮಾ ರಂಗದಲ್ಲಿ ಹಬ್ಬಿಕೊಂಡಿರೋ ಗುಸುಗುಸು ಉತ್ತರವಾಗಿ ನಿಲ್ಲುತ್ತದೆ. ಫೌಜಿ ಚಿತ್ರೀಕರಣದ ಈ ಘಟ್ಟದಲ್ಲಿ ಪ್ರಭಾಸನ ಮುಖ ತೀರಾ ವಿಕಾರಗೊಂಡಿದೆ. ಆತ ಡ್ರಗ್ಸ್ ಚಟಕ್ಕೆ ಪಕ್ಕಾಗಿರೋದೇ ಮುಖದ ಈ ಸ್ಥಿತಿಗೆ ಕಾರಣ ಅನ್ನುವವರೂ ಇದ್ದಾರೆ. ಇಂಥಾ ಪ್ರಭಾಸನನ್ನಿಟ್ಟುಕೊಂಡು ಫೌಜಿಯನ್ನು ಅದು ಹೇಗೆ ಚಿತ್ರೀಕರಿಸಲು ಸಾಧ್ಯವೋ ಗೊತ್ತಿಲ್ಲ. ಇದೆಲ್ಲದರಾಚೆಗೆ ಫೌಜಿ ಮುಂದಿನ ವರ್ಷ ತೆರೆಗಾಣೋದು ಪಕ್ಕಾ ಅನ್ನಲಾಗುತ್ತಿದೆ. ಇಂಥಾ ಹೊತ್ತಿನಲ್ಲಿ ಫೌಜಿ ಸೀಕ್ವೆಲ್ ಬರೋದೂ ಕೂಡಾ ಪಕ್ಕಾ ಅಂತ ಹನು ಹೇಳಿಕೊಂಡಿದ್ದಾನೆ. ಸಿನಿಮಾಗಳಲ್ಲಿ ಪ್ರಾಣಿ ಪಕ್ಷಿಗಳನ್ನು ತಂತ್ರಜ್ಞಾನದ ಮೂಲಕ ಸೃಷ್ಟಿಸಲಾಗುತ್ತದಲ್ಲಾ? ಹಾಗೆಯೇ ಪ್ರಭಾಸನ ತದ್ರೂಪವನ್ನು ಸೃಷ್ಟಿಸಿದರೆ ಮಾತ್ರವೇ ಫೌಜಿಯನ್ನು ನೋಡಲು ಸಾಧ್ಯವೇನೋ…

The post Darling Prabhas: ಸಪ್ಪೆ ಪ್ರತಿಕ್ರಿಯೆಯ ನಡುವೆಯೂ ಸರಣಿ ಶಾಕ್! appeared first on Cini Shodha.

ಡಾರ್ಲಿಂಗ್ ಪ್ರಭಾಸ್ ನಟನೆಯ ಫೌಜಿ ಚಿತ್ರ ಆರಂಭಿಕ ಹಂತದಲ್ಲಿ ಒಂದಷ್ಟು ಕುತೂಹಲ ಮೂಡಿಸಿತ್ತು.ಸಾಲು ಸಾಲಾಗಿ ಸೋತರೂ ಇತ್ತೀಚೆಗೆ ಚೇತರಿಸಿಕೊಂಡಿದ್ದ ಪ್ರಭಾಸ್, ಫೌಜಿ ಮೂಲಕ ಮೈಕೊಡವಿಕೊಳ್ಳುತ್ತಾನೆಂಬ ನಿರೀಕ್ಷೆಯೂ ಇತ್ತು. ಆದರೆ, ಪ್ರಭಾಸನ ಅವತಾರಗಳ ಕಥೆಯನ್ನು ಕೇಳಿದ ಮಂದಿಗೆ ಫೌಜಿ ಬಗ್ಗೆ ಯಾವ ನಿರೀಕ್ಷೆಗಳೂ ಇದ್ದಂತಿಲ್ಲ. ಒಂದು ವೇಳೆ ಭಾರೀ ನಿರೀಕ್ಷೆ ಹೊಂದಿರುವ ಪ್ರಭಾಸ್ ಚಿತ್ರದಲ್ಲಿ ಚೈತ್ರಾ ನಟಿಸಿದ್ದರೆ ಒಂದಷ್ಟು ಸುದ್ದಿಯಾಗುತ್ತಿತ್ತೇನೋ. ಆದರೀಗ ಆ ಸಿನಿಮಾದ ಅಪ್‌ಡೇಟುಗಳ ಬಗ್ಗೆ ಅಭಿಮಾನಿಗಳಿಗೆ ಕುತೂಹಲ ಉಳಿದಿಲ್ಲ. ಖುದ್ದು ಪ್ರಭಾಸ್ ಆ ಬಗ್ಗೆ ತಲೆಕೆಡಿಸಿಕೊಂಡಂತಿಲ್ಲ.

ಫೌಜಿ ಭಾರೀ ಬಜೆಟ್ಟಿನಲ್ಲಿ ನಿರ್ಮಾಣವಾಗುತ್ತಿರುವ ಚಿತ್ರ ಅಂತೆಲ್ಲ ಗುಲ್ಲೆದ್ದಿತ್ತು. ಭಯಂಕರ ಕಥೆ ಹೊಂದಿದೆ ಅಂತೆಲ್ಲ ಸುದ್ದಿ ಹಬ್ಬಿತ್ತು. ಆದರೆ, ಫಸ್ಟ್ ಲುಕ್ಕಿನ ಪೋಸ್ಟರ್ ಕಂಡ ಮಂದಿ ಅತೀವ ನಿರಾಸೆಗೀಡಾಗಿದ್ದಾರೆ. ಸಾಮಾನ್ಯವಾಗಿ ಇಂಥಾ ಪೋಸ್ಟರುಗಳಲ್ಲಿ ನಾಯಕ ನಟರು ಆಯಾ ಸಿನಿಮಾದಲ್ಲಿ ಕಾಣಿಸಿಕೊಂಡಿರುವ ರೀತಿಯ ಸುಳಿವು ಸಿಗುತ್ತದೆ. ಆದರೆ ಚಿತ್ರತಂಡ ಈ ಹಿಂದೆ ಇದೇ ಪ್ರಭಾಸ್ ನಟಿಸಿದ್ದ ಪೌರ್ಣಮಿ ಚಿತ್ರದ ಫೋಟೋವನ್ನು ಮಾರ್ಫಂಗ್ ಮಾಡೋ ಮೂಲಕ ಫೌಜಿ ಪೋಸ್ಟರ್ ಸೃಷ್ಟಿಸಿದ್ದಾರೆ. ಸದ್ಯದ ಮಟ್ಟಿಗೆ ಪ್ರಭಾಸನ ಮುಖಬ ಅಸ್ತವ್ಯಸ್ತಗೊಂಡಿದೆ. ಆ ಅವತಾರದಲ್ಲಿ ಬಾಹುಬಲಿಯನ್ನು ಕಾಣಿಸಿದರೆ ಅಭಿಮಾನಿಗಳೇ ಬೆಚ್ಚಿ ಬೀಳುತ್ತಾರೆಂಬ ಕಾರಣದಿಂದ ಚಿತ್ರತಂಡ ಪೌರ್ಣಮಿಯ ಫೋಟೋಗೆ ಕಟ್ಟುಬಿದ್ದಿದೆ ಅಂತ ಹೇಳಲಾಗುತ್ತಿದೆ. ಇಂಥಾ ಚಿತ್ರದಲ್ಲಿ ನಟಿಸುವ ಮೂಲಕ ಚೈತ್ರಾಗೆ ಟಾಲಿವುಡ್ಡಿನ ಹಾದಿ ಸುಗಮವಾಗಬಹುದು. ಆದರೆ, ಫೌಜಿ ದೊಡ್ಡ ಮಟ್ಟದ ಗೆಲುವು ದಾಖಲಿಸೋದು ಕಷ್ಟವಿದೆ!

The post Chaithra Achar: ಫೌಜಿ ಪೋಸ್ಟರ್‌ನಲ್ಲಿ ಪೌರ್ಣಮಿಯ ಫೋಟೋ! appeared first on Cini Shodha.

ಹೃತಿಕ್ ರೋಶನ್ ಜೊತೆಗೆ ಹೊಂಬಾಳೆ ನಿರ್ಮಾಣದ ಸಿನಿಮಾಕ್ಕೆ ಈಗಾಗಲೇ ಎಲ್ಲ ಬಗೆಯ ತಯಾರಿಯೂ ಆರಂಭವಾಗಿದೆ. ಅದು ಇನ್ನೇ ಚಿತ್ರೀಕರಣ ಆರಂಭಿಸಿ ಶೀಘ್ರದಲ್ಲಿಯೇ ಬಿಡುಗಡೆಗೆ ವೇದುಇಕೆ ಸಿದ್ಧಗೊಂಡಿದೆ. ಹೊಂಬಾಳೆ ನಿರ್ಮಾಣದ ಸಿನಿಮಾಗಳು ಒಂದೆರಡು ವರ್ಷ ಚಿತ್ರೀಕರಣಾವಧಿ ಬೇಡುತ್ತವೆ. ಆದರೆ, ಈ ಚಿತ್ರದ ಮೂಲಕ ಆ ಪರಿಪಾಠದಾಚೆಗೆ ಹೊರಳಿಕೊಳ್ಳಲು ಕಿರಗಂದೂರು ತೀರ್ಮಾನಿಸಿದಂತಿದೆ. ಸದ್ಯಕ್ಕೆ ಹೊಂಬಾಳೆ ಫಿಲಂಸ್ ಜೊತೆಗಿನ ಹೃತಿಕ್ ಸಹಯೋಗ ಆರಂಭಿಕವಾಗಿಯೇ ದೊಡ್ಡ ಮಟ್ಟದಲ್ಲಿ ಕುತೂಹಲ ಮೂಡಿಸಿದೆ. ಅಂತೂ ಈ ಚಿತ್ರದ ಮೂಲಕ ಮತ್ತೊಂದು ಮೈಲಿಗಲ್ಲು ನೆಡಲು ಹೊಂಬಾಳೆ ತಯಾರಾಗಿರೋದು ಸತ್ಯ.

ಹೊಂಬಾಳೆಯ ಈ ನಡೆ ಬಾಲಿವುಡ್ ಅಂಗಳದಲ್ಲಿಯೂ ಕೂಡಾ ದೊಡ್ಡ ಮಟ್ಟದಲ್ಲಿಯೇ ಚರ್ಚೆ ಹುಟ್ಟು ಹಾಕಿದೆ. ಇನ್ನುಳಿದಂತೆ ಪ್ರಭಾಸ್ ಸಹಿ ಹಾಕಿರೋದು ಸಲಾರ್೨ ಚಿತ್ರಕ್ಕೆ. ಇದೂ ಕೂಡಾ ಬಿಗ್ ಬಜೆಟ್ ಚಿತ್ರವಾದರೂ ಕೂಡಾ ಅದರ ಬಗ್ಗೆ ಹೇಳಿಕೊಳ್ಳುವಂಥಾ ಕ್ರೇಜ್ ಇಲ್ಲ. ಯಾಕೆಂದರೆ, ಪ್ರಶಾಂತ್ ನೀಲ್ ನಿರ್ದೇಶನ ಮಾಡಿದ್ದ ಸಲಾರ್ ಹೇಳಿಕೊಳ್ಳುವಂಥಾ ಯಶ ಕಂಡಿರಲಿಲ್ಲ. ಹಾಗಿದ್ದ ಮೇಲೆ ಮುಂದುವರೆದ ಭಾಗದ ಬಗ್ಗೆ ಸಹಜವಾಗಿಯೇ ನೀರಸ ಕ್ರೇಜ್ ಮೂಡಿಕೊಂಡಿದೆ. ಸದ್ಯಕ್ಕಂತೂ ಪ್ರಭಾಸ್ ಹಲವಾರು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಆ ಮೂಲಕ ಕಲ್ಕಿ ಚಿತ್ರ ನೀಡಿದ್ದ ಉಸಿರು ಉಳಿಸಿಕೊಳ್ಳುವ ಅನಿವಾರ್ಯತೆ ಬಾಹುಬಲಿಯ ಮುಂದಿದೆ!

The post hombale films new movies: ಮತ್ತೊಂದು ಪಥದತ್ತ ಹೊಂಬಾಳೆ ಚಿತ್ತ! appeared first on Cini Shodha.

ತಮನ್ನಾ ಭಾಟಿಯಾ ಬಾಹುಬಲಿ ಚಿತ್ರದಲ್ಲಿ ಆವಂತಿಕಾ ಎಂವಬ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಅಪ್ರತಿಮ ಸೌಂದರ್ಯದ ಗಣಿಯಾಗಿದ್ದರೂ, ಸೌಂದರ್ಯ ಮತ್ತು ಶೃಂಗಾರದ ಬಗ್ಗೆ ಯಾವ ಗಮನವೂ ಇಲ್ಲದ ಪಾತ್ರವದು. ಆಕೆಯ ಮೇಲೆ ಮೋಹಗೊಳ್ಳುವ ಬಾಹುಬಲಿಯನ್ನು ವ್ಯಘ್ರ ಶೈಲಿಯಲ್ಲಿ ಹಿಮ್ಮೆಟ್ಟಿಸುತ್ತಾ ಸಾಗೋದು ಆವಂತಿಕಾ ಪಾತ್ರದ ಪ್ರಧಾನ ಆಕರ್ಷಣೆಯಾಗಿತ್ತು. ಅಂಥಾ ಆವಂತಿಕಾಳನ್ನು ಮೋಹಿಸಿ, ಆಕೆಗೆ ಸೌಂದರ್ಯ ಪ್ರಜ್ಞೆ ಬರುವಂತೆ ಮಾಡುವಲ್ಲಿ ಬಾಹುಬಲಿ ಪ್ರಯತ್ನಿಸುತ್ತಾನೆ. ಆ ದೃಷ್ಯದಲ್ಲಿಬ ರೊಮ್ಯಾನ್ಸಿನ ಅಂಚಿಗೆ ತಲುಪಿದ ಶೃಂಗಾರ ಕಾವ್ಯದಂಥಾ ದೃಶ್ಯವನ್ನು ರಾಜಮೌಳಿ ಸೃಸ್ಟಿಸಿದ್ದರು.

ಆ ಸೀನನ ನಿಟ್ಟುಕೊಂಡೇ ಕೆಲ ಮಂದಿ ವಿಕೃತರುಆವಂತಿಕಾ ಮೇಲೆ ಅತ್ಯಾಚಾರ ಅಂತೆಲ್ಲ ತಮನ್ನಾ ವಿರುದ್ಧ ಷಡ್ಯಂತ್ರ ನಡೆಸಲಾರಂಭಿಸಿದ್ದರು. ಲೈಂಗಿಕ ಮಡಿವಂತಿಕೆಯ ಮರೆಯಲ್ಲಿಯೇ ವಿಕೃತಿ ಮೆರೆಯುವ ಇಂಥಾ ಪ್ರುಯತ್ನಗಳ ಬಗ್ಗೆ ತಮನ್ನಾ ಕಡೆಗೂ ಮಾತಾಡಿದ್ದಾಳೆ. ಅಂಥಾ ಮನಃಸ್ಥಿತಿಯವರ ವಿರುದ್ಧ ಸಮರ ಸಾರಿದ್ದಾರೆ. ಲೈಂಗಿಕತೆ ಕೆಟ್ಟದ್ದಾಗಿದ್ದರೆ ನಾವ್ಯಾರೂ ಈ ಭೂಮಿ ಮೇಲಿರುತ್ತಿರಲಿಲ್ಲ. ಅದನ್ನು ಮಡಿವಂತಿಕೆಯ ಭೂಮಿಕೆಯಲ್ಲಿ ವಿಶ್ಲೇಶಿಸುವವರು ಅದರ ಬಗ್ಗೆ ಗಮನ ಹರಿಸಬೇಕು. ತಾನಂತೂ ಇಂಥಾ ವಿನಾ ಕಾರಣ ತೇಜೋವಧೆಗಳ ಬಗ್ಗೆ ತಲೆ ಕೆಡಿಸಿಕೊಳ್ಳೋದಿಲ್ಲ ಎಂದಿದ್ದಾಳೆ ತಮನ್ನಾ!

The post tamannah bhatia: ಅದೊಂದು ದೃಶ್ಯವೀಗ ಟ್ರೋಲ್ ಸರಕು! appeared first on Cini Shodha.

ಅನುಷ್ಕಾ ಶೆಟ್ಟಿ ಘಾಟಿ ಅಂತೊಂದು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆಂಬ ಬಗ್ಗೆ ವರ್ಷಗಳ ಹಿಂದಿನಿಂದಲೇ ಗುಲ್ಲೆದ್ದಿತ್ತು. ಕ್ರಿಶ್ ಜಗರ್ಲಮುಡಿ ಆ ಸಿನಿಮಾವನ್ನು ನಿರ್ದೇಶನ ಮಾಡಿದ್ದರು. ಈ ಹಿಂದೆ ಅದರ ಒಂದಷ್ಟು ಝಲಕ್ಕುಗಳು ಬಿಡುಗಡೆಗೊಂಡಿದ್ದವು. ಅದನ್ನು ನೋಡಿದ ಮಂದಿ ಇದೊಂದು ನಕ್ಸಲ್ ಹೋರಾಟದ ಕಥನವೆಂಬ ಬಗ್ಗೆ ಗುಲ್ಲೆಬ್ಬಿಸಿದ್ದರು. ಇದೀಗ ಬಹು ಕಾಲದ ನಂತರ ಘಾಟಿ ಚಿತ್ರದ ಟ್ರೈಲರ್ ಲಾಂಚ್ ಆಗಿದೆ. ಅನುಷ್ಕಾ ಶೆಟ್ಟಿ ಅದರಲ್ಲಿ ಕಾಣಿಸಿಕೊಂಡಿರುವ ಪರಿ ಕಂಡು ಅಭಿಮಾನಿಗಳೆಲ್ಲ ಖುಷಿಗೊಂಡಿದ್ದಾರೆ. ಇಲ್ಲಿ ಡಿ ಗ್ಲಾಮ್ ಲುಕ್ಕಿನಲ್ಲಿ, ಪಕ್ಕಾ ರಗಡ್ ಶೈಲಿಯಲ್ಲಿ ಅನುಷ್ಕಾ ಕಾಣಿಸಿಕೊಂಡಿದ್ದಾರೆ.

ಒಂದು ಗಟ್ಟಿ ಕಂಟೆಂಟಿನೊಂದಿಗೆ ಕ್ರಿಶ್ ಈ ಸಿನಿಮಾವನ್ನು ನಿರ್ದೇಶನ ಮಾಡಿದ್ದರ ಸ್ಪಷ್ಟ ಸುಳಿವು ಟ್ರೈಲರ್ ಮೂಲಕ ಸಿಕ್ಕಿದೆ. ಆದರೆ, ಒಟ್ಟಾರೆ ಸಿನಿಮಾದ ಸುತ್ತಾ ಒಂದಷ್ಟು ರೂಮರುಗಳೂ ಕೂಡಾ ಹಬ ಬಿಕೊಂಡಿದ್ದಾವೆ. ಅದರನ್ವಯ ಹೇಳೋದಾದರೆ, ನಿರ್ದೇಶಕ ಕ್ರಿಶ್ ಪಕ್ಕಾ ನಕ್ಸಲ್ ಕಥನಕ್ಕೆ ದೃಶ್ಯ ರೂಪ ನೀಡಲು ಮುಂದಾಗಿದ್ದರಂತೆ. ಆದರೆ, ಪ್ರಸಿದ್ಧ ನಟರೂ ಸೇರಿದಂತೆ ಹಿತೈಶಿಗಳು ಅದನ್ನು ಬದಲಾಯಿಸುವಂತೆ ಸಲಹೆ ನೀಡಿದ್ದರಂತೆ. ಆಂಧ್ರದಲ್ಲಿ ಈಗ ಪವನ್ ಕಲ್ಯಾಣ್ ಥರದವರು ಹಿಂದೂತ್ವದ ಜಪ ಮಾಡುತ್ತಿದ್ದಾರೆ. ಇಂಥಾ ಹೊತ್ತಿನಲ್ಲಿ ಅದಕ್ಕೆ ವಿರುದ್ಧವಾದ ನಕ್ಸಲ್ ಕಥನ ಹೇಳಿದರೆ ತೊಂದರೆಯಾಗುವ ಭಯದಿಂದ ಕ್ರಿಶ್ ಕಥೆಯನ್ನೇ ಬದಲಿಸಿದರಾ? ಅದರಿಂದಾಗಿಯೇ ಕಾಸ್ಟ್ಯೂಮ್ ಕೂಡಾ ಬದಲಾಗಿದೆಯಾ? ಟ್ರೈಲರ್ ನೋಡಿದವರಲ್ಲಿ ಇಂಥಾ ಪ್ರಶ್ನೆಗಳು ಮೂಡಿಕೊಂಡಿವೆ!

The post anushka shetty: ರಗಡ್ ಲುಕ್ಕಿನಲ್ಲಿ ಮಿಂಚಿದ ಮಂಗಳೂರು ಹುಡುಗಿ! appeared first on Cini Shodha.

ಮೇಲ್ಕಂಡ ವಿಶ್ಲೇಷಣೆಯನ್ನು ಪ್ರಭಾಸ್‌ರನ್ನು ದೂರದಿಂದ ಕಂಡ ಮಂದಿ ಒಪ್ಪಿಕೊಳ್ಳೋದಕ್ಕೆ ತುಸು ಕಷ್ಟವಾದೀತೆನೋ. ಆದರೀಗ ಪ್ರಭಾಸ್ ಮೇಲ್ಕಂಡ ವಿಚಾರವನ್ನು ಅನುಮೋದಿಸುವಂತೆ ನಡೆದುಕೊಂಡಿದ್ದಾರೆ. ಬಹುನಿರೀಕ್ಷಿತ ಚಿತ್ರವಾದ ರಾಜಾ ಸಾಬ್ ಚಿತ್ರದ ಸಂಭಾವನೆಯ ವಿಚಾರದಲ್ಲಿ ಪ್ರಭಾಸ್ ಎಲ್ಲರೂ ಮೆಚ್ಚುವಂತೆ ನಡೆದುಕೊಂಡಿದ್ದಾರೆ. ಸಾಮಾನ್ಯವಾಗಿ, ಸ್ಟಾರ್ ನಟರು ಸಿನಿಮಾದಿಂದ ಸಿನಿಮಾಕ್ಕೆ ಸಂಭಾವನೆ ಹೆಚ್ಚು ಮಾಡಿಕೊಳ್ಳುತ್ತಾರೆ. ಆದರೆ ಪ್ರಭಾಸ್ ರಾಜಾಸಾಬ್ ಚಿತ್ರಕ್ಕಾಗಿ ಭರ್ತಿ ಐವತ್ತು ಕೋಟಿ ಸಂಭಾವನೆ ಇಳಿಸಿಕೊಂಡಿದ್ದಾರೆ. ಅದರ ಹಿಂದಿರುವ ಕಾರಣವಂತೂ ನಿಜಕ್ಕೂ ವಿಶೇಷವಾಗಿದೆ!

ರಾಜಾ ಸಾಬ್ ಚಿತ್ರವನ್ನು ಪೀಪಲ್ ಮೀಡಿಯಾ ಫ್ಯಾಕ್ಟರಿ ನಿರ್ಮಾಣ ಮಾಡುತ್ತಿದೆ. ಈ ಹಿಂದೆ ಪ್ರಭಾಸ್ ಆದಿಪುರುಷ್ ಎಂಬ ಸಿನಿಮಾದಲ್ಲಿ ನಟಿಸಿದ್ದರಲ್ಲಾ? ಅದು ಅತ್ಯಂತ ಹೀನಾಯವಾಗಿ ಸೋಲು ಕಂಡಿತ್ತು. ಆ ಚಿತ್ರವನ್ನು ತೆಲುಗಿನಲ್ಲಿ ವಿತರಣೆ ಮಾಡಿದ್ದದ್ದು ಇದೇ ಸಂಸ್ಥೆ. ಆದಿ ಪುರುಷ್ ಅದ್ಯಾವ ಪರಿಯಾಗಿ ಕವುಚಿಕೊಂಡಿತ್ತೆಂದರೆ, ಪೀಪಲ್ ಮೀಡಿಯಾ ಫ್ಯಾಕ್ಟರಿಗೆ ಭಯಾನಕವಾಗಿಯೇ ಲುಕ್ಸಾನು ಮಾಡಿಕೊಂಡಿತ್ತು. ಹಾಗೆ ಆದ ನಷ್ಟ ಭರಿಸಿ ಕೊಡುವ ಉದ್ದೇಶದಿಂದಲೇ ಪ್ರಭಾಸ್ ರಾಜಾ ಸಾಬ್ ಚಿತ್ರದಲ್ಲಿ ಐವತ್ತು ಕೋಟಿ ಕಡಿಮೆ ಸಂಭಾವನೆ ತೆಗೆದುಕೊಂಡಿದ್ದಾರಂತೆ. ಪ್ರಭಾಸ್ ಈಗ ಪ್ರತೀ ಸಿನಿಮಾಗೆ ನೂರೈವತ್ತು ಕೋಟಿ ಸಂಭಾವನೆ ಪಡೆಯುತ್ತಾರೆ. ಆದರೆ, ರಾಜಾ ಸಾಬ್ ಗಾಗಿ ಆತ ತೆಗೆದುಕೊಂಡಿದ್ದು ನೂರು ಕೋಟಿ ಮಾತ್ರ!

The post prabhas: ಪ್ರಭಾಸ್ ಕೈ ಬಿಟ್ಟ ಮೊತ್ತ ಐವತ್ತು ಕೋಟಿ! appeared first on Cini Shodha.

ಹಾಗೆ ನೋಡಿದರೆ, ಪ್ರಭಾಸ್ ಅತೀ ಕೆಟ್ಟ ಸಿನಿಮಾಗಳಲ್ಲಿ ನಟಿಸಿದರೂ ಭರ್ಜರಿ ಓಪನಿಂಗ್ ಸಿಗುತ್ತದೆ. ಹಾಕಿದ ಬಂಡವಾಳದ ಬಾಬತ್ತು ಸೀಸಾಗಿ ವಾಪಾಸಾಗುತ್ತದೆ. ಆದ ಕಾರಣ, ಹಣ ಹೂಡಿದ ಯಾರೊಬ್ಬರೂ ಈವರೆಗೂ ಲುಕ್ಸಾನು ಮಾಡಿಕೊಂಡಿಲ್ಲ. ಅದಕ್ಕೆ ಕಾರಣವಾಗಿರೋದು ಅಭಿಮಾನಿಗಳ ಅತೀವ ಪ್ರೀತಿ. ಅಂಥಾ ಪುಣ್ಯವೊದನ್ನು ಯಾಕೆ ಪ್ರಭಾಸ್ ತಾನೇ ತಾನಾಗಿ ಹಾಳುಗೆಡವುತ್ತಿದ್ದಾರೋ ತಿಳಿಯುತ್ತಿಲ್ಲ.

ಇದೆಲ್ಲದಕ್ಕೆ ಕಾರಣವೇನು ಅಂತ ಹುಡುಕ ಹೋದರೆ, ಆ ನಟನ ಆಪ್ತ ಮೂಲಗಳಿಂದಲೇ ಗಂಭೀರವಾದೊಂದು ಸತ್ಯ ಜಾಹೀರಾಗುತ್ತೆ. ಬಾಹುಬಲಿಯ ನಂತರದಲ್ಲಿ ಸಾಹೋ ಅಂತೋಂದು ಸಿನಿಮಾ ಬಂದಿತ್ತಲ್ಲಾ? ಆ ಚಿತ್ರದ ಹೀನಾಯ ಸೋಲಿನ ನಂತರದಲ್ಲಿ ಪ್ರಭಾಸ್ ನೆಮ್ಮದಿ ಹಾಳಾಗಿದೆ. ಒಂದು ಕಡೆಯಿಂದ ಸ್ನೇಹಕ್ಕೆ ಕಟ್ಟುಬಿದ್ದ ಪ್ರಭಾಸ್ ಯಾರ್‍ಯಾರಿಗೋ ಕಾಲ್‌ಶೀಟು ಕಿತ್ತು ಕೊಡುತ್ತಿದ್ದಾರೆ. ಅದರ ಫಲವಾಗಿಯೇ ಆದಿಪುರುಷನಂಥಾ ಕಾಮಿಡಿ ಸಿನಿಮಾಗಳ ಭಾಗವಾಗುತ್ತಾ ಬಂದಿದ್ದಾರೆ. ಇಂಥಾ ಸೋಲಿನ ಪರ್ವ ಎಂಬುದು ಪ್ರಭಾಸ್ ರನ್ನು ನಶೆಯ ತೆಕ್ಕೆಗೆ ಕೆಡವಿದೆ ಅಂತ ರೂಮರುಗಳೆದ್ದಿವೆ.

ಒಂದು ಕಾಲದಲ್ಲಿ ಆ ಕ್ಷಣದ ಮೋಜಿಗೆ ಪ್ರಭಾಸ್ ಡ್ರಗ್ಸ್ ತೆಗೆದುಕೊಳ್ಳುತ್ತಿದ್ದರಂತೆ. ಸಿನಿಮಾ ಜಗತ್ತಿನಲ್ಲಿ ಅಂಥಾ ಹೈ ಫೈ ಪಾರ್ಟಿಗಳು ಆಯೋಜನೆಗೊಳ್ಳೋದು, ನಶೆಯಲ್ಲಿ ಮಿಂದೇಳೋದು ಕಾಮನ್. ಆದ್ರೆ, ಯಾವಾಗ ಸೋಲು ಸುತ್ತಿಕೊಳ್ಳಲರಂಭಿಸಿತೋ, ಆ ಕ್ಷಣದಿಂದ ಪ್ರಭಸ್ ಗೆ ನಶೆ ಎಂಬುದು ಚಟವಾಗಿ ಬಿಟ್ಟಿದೆ ಅನ್ನುವವರಿದ್ದಾರೆ. ಇತ್ತೀಚೆಗೆ ಪ್ರಭಾಸ್ ಅವರ ವಿಕಾರಗೊಂಡ ಮುಖದ ಫೋಟೋಗಳು ಹರಿದಾಡುತ್ತಿವೆ. ಅದರ ಹಿಂದೆಯೂ ಮತ್ತದೇ ಡ್ರಗ್ಸ್ ಕಿಸುರಿದೆ ಎಂಬ ಸುದ್ದಿಯೂ ಹಬ್ಬಿಕೊಂಡಿದೆ.

ಸದ್ಯಕ್ಕೆ ಪ್ರಭಾಸ್ ಮುಂದಿರುವ ಏಕೈಕ ಹೋಪ್ ಅಂದರೆ ಸಲಾರ್ ಮಾತ್ರ. ಆದರೆ, ಅದರ ಬಗ್ಗೆಯೂ ಒಂದಷ್ಟು ನೆಗೆಟಿವ್ ವಿಚಾರಗಳು ಹಬ್ಬಿಕೊಳ್ಳುತ್ತಿವೆ. ಪದೇ ಪದೆ ರಿಲೀಸ್ ಡೇಟು ಮುಂದಕ್ಕೆ ಹೋಗುತ್ತಿರೋದರ ಸುತ್ತ ಒಂದಷ್ಟು ಗಾಸಿಪ್ಪುಗಳು ಹಬ್ಬಿಕೊಳ್ಳುತ್ತಿವೆ. ಇದೆಲ್ಲದರಾಚೆಗೆ ಸಲಾರ್ ಚೆಂದಗಿದ್ದರೆ ಪ್ರಭಾಸ್ ಕೊಂಚ ಉಸಿರಾಡುವಂತಾಗುತ್ತೆ. ಅದೆಲ್ಲದಕ್ಕೂ ಮುಂಚೆ ಈ ನಟ ನಶೆಯ ಮೋಹವನ್ನು ಕಳಚಿಕೊಂಡು ನಿಲ್ಲುವ ಜರೂರತ್ತಿದೆ!

The post prabhas: ಸತತ ಸೋಲಿನಿಂದ ಬಾಹುಬಲಿಗೆ ಗಲಿಬಿಲಿ! appeared first on Cini Shodha.

ಯಾವಾಗ ಕೆಜಿಎಫ್2 ಕೂಡಾ ದೊಡ್ಡ ಮಟ್ಟದಲ್ಲಿ ಹಿಟ್ ಆಯ್ತೋ, ಅದರ ಬೆನ್ನಲ್ಲಿಯೇ ಸಲಾರ್ ಚಿತ್ರ ಚಾಲೂ ಆಗಿತ್ತು. ಅದು ನಿಜಕ್ಕೂ ಬಿಗ್ ಪ್ರಾಜೆಕ್ಟು. ಅದಾಗಲೇ ಬಾಹುಬಲಿಯ ಪ್ರಭೆಯಾಚೆಗೂ ಸೋಲು ಕಂಡಿದ್ದ ಪ್ರಭಾಸ್ ಪಾಲಿಗೆ ಸಲಾರ್ ವರವಾಗುತ್ತದೆ. ಹಾಗಂತ ಸಿನಿಮಾ ಪಂಡಿತರುಗಳ ಕಡೆಯಿಂದಲೇ ವಿಶ್ಲೇಷಣೆಗಳು ಕೇಳಿ ಬಂದಿದ್ದರು. ಹೀಗೆ ಸಲಾರ್ ಒಪ್ಪಿಕೊಂಡ ನಂತರ ಆದಿಪುರುಷನ ಸೆಳೆತಕ್ಕೆ ಸಿಕ್ಕ ಪ್ರಭಾಸ್ ಅದರತ್ತ ಫೋಕಸ್ಸು ಮಾಡಿ ಸರಿಯಾಗಿಯೇ ಹೊಡೆತ ತಿಂದಿದ್ದಾನೆ. ಅದರ ಫಲವಾಗಿಯೇ ಈಗ ಬುದ್ಧಿವಂತ ನಡೆ ಶುರುವಿಟ್ಟುಕೊಂಡಿದ್ದನೆ.

ಪ್ರಭಾಸ್ ಸಲಾರ್ ಶುರುವಾದ ಆಸುಪಾಸಿನಲ್ಲಿಯೇ ಆದಿಪುರುಷ್ ಚಿತ್ರವನ್ನ ಒಪ್ಪಿಕೊಂಡಿದ್ದರು. ಅದರ ಬೆನ್ನಲ್ಲಿಯೇ ಸಂದೀಪ್ ವಂಗನೊಂದಿಗೆ ಪ್ರಾಜೆಕ್ಟ್ ಕೆಗೂ ಸಹಿ ಹಾಕಿದ್ದರು. ಅದಲ್ಲದೇ ಮಾರುತಿ ನಿರ್ದೇಶನದ ಇತ್ರವ್ನೂ ಒಪ್ಪಿಕೊಂಡಿದ್ದರು. ಇದೀಗ ಪ್ರಾಜೆಕ್ಟ್ ಕೆ ಪ್ರೊಡಕ್ಷನ್ ಹಂತದಲ್ಲಿದೆ. ಸಲಾರ್ ಕೆಲಸ ಸಂಪೂರ್ಣ ಮುಗಿದು, ಅದು ಬಿಡುಗಡೆಯಾದ ಮೇಲೆಯೇ ಆ ಸಿನಿಮಾದತ್ತ ಗಮನ ಹರಿಸುವ ನಿರ್ಧಾರಕ್ಕೆ ಪ್ರಭಾಸ್ ಬಂದಿದ್ದಾರೆ ಅನ್ನಲಾಗುತ್ತಿದೆ. ಮಾರುತಿ ನಿರ್ದೇಶನದ ಚಿತ್ರವನ್ನಂತೂ 2025ಕ್ಕೆ ಮುಂದೂಡಿದ್ದಾರಂತೆ. ಸದ್ಯಕ್ಕೆ ಒಂದು ಸೋಲಿನ ಪರ್ವವನ್ನು ಸಲಾರ್ ಸಹಕಾರದಿಂದಲೇ ದಾಟಿಕೊಳ್ಳುವ ಅನಿವಾರ್ಯತೆ ಪ್ರಭಾಸ್ ಮುಂದಿದೆ. ಆ ಕಾರಣದಿಂದಲೇ ಬಾಹುಬಲಿಗೀಗ ಬುದ್ಧಿ ಬಂದಿದೆ!

The post prabhas: ಕಡೆಗೂ ಬಾಹುಬಲಿಗೆ ಬುದ್ಧಿ ಬಂತು! appeared first on Cini Shodha.