ಈಗಾಗಲೇ ಬೇಸಿಲ್ ಜೋಸೆಫ್ ಮತ್ತು ಅಲ್ಲು ಅರ್ಜುನ್ ನಡುವೆ ಒಂದಷ್ಟು ಸುತ್ತಿನ ಮಾತುಕತೆಗಳು ನಡೆದಿವೆ. ಸದ್ಯದ ಮಟ್ಟಿಗೆ ಈ ಸಿನಿಮಾವನ್ನು ಎಎ೨೫ ಅಂತ ಹೆಸರಿಸಲಾಗಿದೆ. ಇದೀಗ ಸರಿಕಟ್ಟಾದೊಂದು ಶೀರ್ಷಿಕೆ ಇಡುವ ಸಲುವಾಗಿ ತಯಾರಿ ಆರಂಭವಾಗಿದೆ. ಈ ಮೂಲಕ ತೆಲುಗು ಸೂಪರ್ ಸ್ಟಾರ್ ಹಾಗೂ ಮಲೆಯಾಳಂನ ಪ್ರತಿಭಾವಂತ ನಿರ್ದೇಶಕರ ಮೊದಲ ಸಮಾಗಮ ಸಂಭವಿಸೋದು ಖಚಿತಗೊಂಡಂತಿದೆ. ಬೇಸಿಲ್ ಜೋಸೆಫ್ ತಮ್ಮ ಭಿನ್ನ ನಿರೂಪಣೆ ಹಾಗೂ ವಿಶಿಷ್ಟ ಕಥೆಗಳನ್ನು ಹೇಳುವ ಕಲೆಗಾರಿಕೆಯ ಮೂಲಕ ಗಮನ ಸೆಳೆದಿರುವ ನಿರ್ದೇಶಕ.

ಈ ಹಿಂದೆ ಮಿನ್ನಲ್ ಮುರಳಿಯೊಂದಿಗೆ ಬೇಸಿಲ್ ಜೋಸೆಫ್ ಸಿನಿಮಾವೊಂದು ರಾಷ್‌ಟರ ಮಟ್ಟದಲ್ಲಿ ಜನಪ್ರಿಯತೆ ಗಳಿಸಿಕೊಂಡಿತ್ತು. ಇದುವರೆಗೂ ನಿರ್ದೇಶಕನಾಗಿ ಭಿನ್ನ ಪಥದಲ್ಲಿ ಸಾಗಿ ಬಂದಿರುವ ಬೇಸಿಲ್ ಅಲ್ಲು ಅರ್ಜುನ್‌ಗಾಗಿ ಪ್ರೇಕ್ಷಕರನ್ನು ಅಚ್ಚರಿಗೊಳಿಸುವಂಥಾದ್ದೊಂದು ಕಥೆಯನ್ನೇ ಸಿದ್ಧಪಡಿಸಿದ್ದಾರಂತೆ. ಈ ಕಾರಣದಿಂದಲೇ ದೇಶವ್ಯಾಪಿ ಅಭಿಮಾನಿ ಪಡೆ ಈ ಸಿನಿಮಾಕ್ಕಾಗಿ ಕಾದು ಕೂತಿದ್ದಾರೆ. ಇದೇ ಸಂದರ್ಭದಲ್ಲಿ ಅಲ್ಲು ಅರ್ಜುನ್ ಆಟ್ಲಿ ನಿರ್ದೇಶನದ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಅದರ ಬೆನ್ನಲ್ಲಿಯೇ ಮತ್ತೋರ್ವ ತಮಿಳು ನಿರ್ದೇಶಕ ಲೋಕೇಶ್ ಕನಕರಾಜ್ ನಿರ್ದೇಶನ ದ ಸಿನಿಮಾ ಚಾಲೂ ಆಗಲಿದೆ. ಅದಾದ ಬಳಿಕ ಮುಂನ ವಷದ ಮೊದಲ ಭಾಗದಲ್ಲಿ ಸದರಿ ಸಿನಿಮಾಕ್ಕೆ ಚಾಲನೆ ಸಿಗಲಿದೆ.

keywords: besil josef, allu arjun, tollywood, mollywood, allu arjun upcoming movie updates

The post Allu Arjun New Movie Updates: ಪುಷ್ಪರಾಜ್‌ಗೆ ಬೆಸಿಲ್ ಜೋಸೆಫ್ ಸಾರಥ್ಯ! appeared first on Cini Shodha.

ಇಂಥಾ ಸುದ್ದಿಗಳು ಸೋಶಿಯಲ್ ಮೀಡಿಯಾ ತುಂಬೆಲ್ಲ ಹಬ್ಬಿಕೊಳ್ಳುತ್ತಲೇ ಸದರಿ ಚಿತ್ರದ ನಿರ್ಮಾಪಕರು ಎಚ್ಚೆತ್ತುಕೊಂಡಿದ್ದಾರೆ. ಅದರನ್ವಯ ಹೇಳೋದಾದರೆ, ಈ ಚಿತ್ರಕ್ಕೆ ಇನ್ನೂ ತಾರಾಗಣ ಆಯ್ಕೆ ಕಾರ್ಯ ಶುರುವಾಗಿಲ್ಲ. ಅಲ್ಲು ಅರ್ಜುನ್ ನಾಯಕ ಅನ್ನೋದ್ನ್ನು ಹೊರತುಪಡಿಸಿದರೆ, ಮಿಕ್ಕ ಪಾತ್ರಗಳಿಗೆ ಕಲಾವಿದರು ನಿಕ್ಕಿಯಾಗಿಲ್ಲ. ಅಷ್ಟಕ್ಕೂ ತಾರಾಗಣದ ಆಯ್ಕೆ ಕಾರ್ಯ ಇನ್ನಷ್ಟೇ ನಡೆಯಬೇಕಿದೆ. ನಾಯಕಿಯ ಆಯ್ಕೆಯಂತೂ ನಡೆದೇ ಇಲ್ಲ. ಬೆಂಕಿಯಿಲ್ಲದೆ ಹೊಗೆಯಾಡೋದಿಲ್ಲ ಎಂಬ ಪುರಾತನ ಫಾರ್ಮುಲಾವನ್ನು ಆಧರಿಸಿ ನೋಡ ಹೋದರೂ, ಶ್ರದ್ಧಾ ಕಪೂರ್‌ಳನ್ನು ಈ ಸನಿಮಾದ ನಾಯಕಿಯನ್ನಾಗಿಸುವ ಚರ್ಚೆಯೇ ನಡೆದಿಲ್ಲವೆಂಬ ವಿಚಾರವೂ ಜಾಹೀರಾಗುತ್ತೆ.

Seat Edge Movie: ಘೋಸ್ಟ್ ಹಂಟರ್ ದುರಂತ ಅಂತ್ಯ ಮತ್ತು ಸೀಟ್ ಎಡ್ಜ್ ಆರಂಭ!

ಹೀಗಿರೋದರಿಂದ ಶ್ರದ್ಧಾ ಕಪೂರ್ ಈ ಚಿತ್ರದ ನಾಯಕಿ ಎಂಬಂಥಾ ಕಪೋಲಕಲ್ಪಿತ ಸುದ್ದಿಗೆ ಕಿವಿಗೊಡಬೇಡಿ ಅಂತಲೂ ನಿರ್ಮಾಪಕರು ಮನವಿ ಮಾಡಿಕೊಂಡಿದ್ದಾರೆ. ಹಾಗಾದರೆ, ನಾಯಕಿಯನ್ನು ಹುಡುಕೋ ಕಾರ್ಯವೇ ಚಾಲೂ ಆಗಿಲ್ಲವಾ ಅಂತ ನೋಡಹೋದರೆ, ನಿರ್ದೇಶಕ ಲೋಕೇಶ್ ಕನಗರಾಜ್ ಪುಷ್ಪರಾಜ್‌ಗೆ ಸರಿಕಟ್ಟಾದ ಜೋಡಿ ಹುಕಲು ಶತ ಪ್ರಯತ್ನ ನಡೆಸುತ್ತಿದ್ದಾರೆ. ಈ ಪಾತ್ರಕ್ಕೆ ಒಗ್ಗುವಂಥಾ, ಅಲ್ಲು ಸ್ಟಾರ್‌ಡಮ್‌ಗೆ ಸರಿ ಹೊಂದುವಂಥಾ ನಾಯಕಿಯನ್ನು ಹುಡುಕುತ್ತಾ ಹೈರಾಣಾಗಿದ್ದಾರೆ. ಅಂತೂ ಬಾಲಿವುಡ್ ದಿಕ್ಕಲ್ಲಿ ಈ ಹುಡುಕಾಟವಿರೋದು ನಿಜ. ಈ ಬಾರಿ ಅಲ್ಲೂ ಅರ್ಜುನ್‌ಗೆ ಜೋಡಿಯಾಗಿ ಬಾಲಿವುಡ್ ಹುಡುಗಿ ಮಿಂಚೋದು ಪಕ್ಕಾ ಎಂಬ ಸುದ್ದಿ ಸದ್ಯಕ್ಕೆ ತೆಲುಗು ಚಿತ್ರರಂಗದಲ್ಲಿ ಹರಿದಾಡುತ್ತಿದೆ.

keywords: alluarjun, tollywood, lokeshkangaraj, pushpa, pushpa2

The post Allu Arjun New Movie Updates: ಅಲ್ಲೂ ಅರ್ಜುನ್‌ಗೆ ಜೋಡಿಯಾಗಲಿರೋ ನಟಿಯಾರು? appeared first on Cini Shodha.

ಅಲ್ಲು ಅರ್ಜುನ್ ಕೂಡಾ ಸಿನಿಮಾ ಆಯ್ಕೆಯ ವಿಚಾರದಲ್ಲಿ ಇತ್ತೀಚೆಗೆ ನನ್ನ ಯಶ್‌ರಂತೆ ಚಾಲಾಕಿಯಾಗಿದ್ದಾರೆ. ಪುಷ್ಪ ಗೆಲುವಿನ ನಂತರ ದೊಡ್ಡ ದೊಡ್ಡ ಅವಕಾಶಗಳು ಬಂದರೂ ಕೂಡಾ ಅದೆಲ್ಲವನ್ನು ನಯವಾಗಿಯೇ ಸೈಡಿಗೆ ಸರಿಸುತ್ತಾ ಬಂದಿದ್ದಾರೆ. ಪುಷ್ಪ ಗೆಲುವಿನ ಪ್ರಭೆಯಲ್ಲಿ ಮುಂದುವರೆದ ಭಾಗಕ್ಕಾಗಿ ಒತ್ತಾಯಿಸಿದ್ದೇ ಅಲ್ಲು. ಆ ಮೂಲಕ ರಕ್ತಚಂದನ ದಂಧೆಯ ರುಚಿ ಹತ್ತಿಸಿಕೊಂಡಿದ್ದ ಅಲ್ಲುಗೆ ಪಾರ್ಟ್೨ ಮೂಲಕವೂ ಭಾರೀ ಗೆಲುವೇ ಸಿಕ್ಕಿದೆ. ಪಾರ್ಟ್೨ ಚಿತ್ರೀಕರಣದ ಸಮಯದಲ್ಲಿ ನಿರ್ದೇಶಕ ಸುಕುಮಾರ್ ಥರ ಥರದಲ್ಲಿ ಅಲ್ಲುವನ್ನು ಕಾಡಿಸಿಬಿಟ್ಟಿದ್ದ. ಸೆಟ್ಟಲ್ಲಿ ಬಂದು ಸ್ಕ್ರಿರ್ಪಟು ಹೊಸೆಯುತ್ತಾ ಕೂರುತ್ತಿದ್ದ ಸುಕುಮಾರನ ಮೇಲೆ ಅಲ್ಲು ಮುನಿಸಿಕೊಂಡಿದ್ದೂ ಇತ್ತು.

ಯಾವಾಗ ಸುಕುಮಾರ್ ತಾನು ನಡೆದದ್ದೇ ದಾರಿ ಎಂಬಂತೆ ವರ್ತಿಸಲಾರಂಭಿಸಿದ್ದರೋ, ಆಗಲೇ ಪಾರ್ಟ್೩ ಆಸೆಯನ್ನು ಅಲ್ಲು ಕೈಬಿಟ್ಟಿದ್ದರೆಂದು ಹೇಳಲಾಗುತ್ತಿದೆ. ಒಂದು ವೇಳೆ ಪುಷ್ಪಾ೨ ಚಿತ್ರವನ್ನು ಸುಕುಮಾರ್ ಸರಾಗವಾಗಿ ಮುಗಿಸಿ ಕೊಟ್ಟಿದ್ದರೆ ಖಂಡಿತವಾಗಿಯೂ ಈಗ ಪುಷ್ಪಾ೩ ಚಿತ್ರೀಕರಣ ನಡೆಯುತ್ತಿತ್ತು. ನಾನೇನು ನಿನ್ನನ್ನು ನಂಬಿಕೊಂಡಿಲ್ಲ ಎಂಬ ಸಂದೇಶ ರವಾನಿಸುವ ಉದ್ದೇಶದಿಂದಲೇ ಅಲ್ಲು ಏಕಾಏಕಿ ಅಟ್ಲಿ ನಿರ್ದೇಶನದ ಸಿನಿಮಾವನ್ನು ಒಪ್ಪಿಕೊಂಡಿದ್ದರು. ಅದೇನೇ ಮುನಿಸಿದ್ದರೂ ರಕ್ತಚಂದನದ ಆಸೆಯಿಂದ ಅಲ್ಲು ಮೆತ್ತಗಾಗುತ್ತಾನೆಂಬ ಸುಕುಮಾರನ ನಿರೀಕ್ಷೆ ನೆಗೆದು ಬಿದ್ದಿತ್ತು. ತೆಲುಗು ಚಿತ್ರರಂಗದಲ್ಲಿ ಹಬ್ಬಿಕೊಂಡಿರುವ ಸುದ್ದಿಗಳ ಆಧಾರದಲ್ಲಿ ಹೇಳೋದಾದರೆ, ಅಲ್ಲು ನಿರ್ಧಾರದಿಂದ ಸುಕುಮಾರ್ ಕಂಗಾಲಾಗಿದ್ದರು.

Lawrence Bishnoi: ಬಯಲಾಗುತ್ತಾ ಲಾರೆನ್ಸ್ ಬಿಷ್ಣೋಯ್ ಅಸಲೀಯತ್ತು?

ಸುಕುಮಾರ್ ಪುಷ್ಪಾ೩ ಮಾಡೋ ನಿರ್ಧಾರವನ್ನು ಎರಡನೇ ಭಾಗದ ಆರಂಭದಲ್ಲಿಯೇ ಅಲ್ಲು ಬಳಿ ಹೇಳಿಕೊಂಡಿದ್ದರಂತೆ. ಆದರೆ, ಅದಕ್ಕೆ ಬೇಕಾದ ಯಾವ ತಯಾರಿಗಳನ್ನೂ ಮಾಡಿಕೊಂಡಿರಲಿಲ್ಲ. ಇದರಿಂದ ಅಲ್ಲು ಮುನಿಸಿಕೊಳ್ಳುತ್ತಲೇ ಸುಕುಮಾರ್ ಸೋಂಭೇರಿತನ ಬದಿಗಿಟ್ಟು ಆಕ್ಟೀವ್ ಆಗಿದ್ದಾರೆ. ವಾರದ ಹಿಂದಷ್ಟೆ ಅಲ್ಲುವನ್ನು ಖಾಸಗಿಯಾಗಿ ಭೇಟಿಯಾಗಿ ಸಮಾಧಾನಿಸಿದ್ದಾರೆ. ಪಾರ್ಟ್೩ ವಿಚಾರವನ್ನು ಚರ್ಚಿಸಿ, ಆದ ಕೆಲಸ ಕಾರ್ಯಗಳ ವರದಿ ಒಪ್ಪಿಸಿದ್ದಾರೆ. ಕಡೆಗೂ ಮತ್ತೊಮ್ಮೆ ರಕ್ತಚಂದನ ದಂಧೆಯ ಸಾರಥ್ಯ ಸಿಕ್ಕ ಖುಷಿಯಲ್ಲಿ ಅಟ್ಲಿ ಚಿತ್ರೀಕರಣ ಮುಗಿಯುತ್ತಲೇ ಪುಷ್ಪಾ೩ಗೆ ಒಪ್ಪಿಗೆ ಸೂಚಿಸಿದ್ದಾರೆ. ಇದೇ ಖುಷಿಯಲ್ಲಿ ಸುಕುಮಾರ್ ಪುಷ್ಪಾ೩ ಕೆಲಸ ಕಾರ್ಯಕ್ಕೆಂದೇ ಹೈದ್ರಾಬಾದಿನಲ್ಲೊಂದು ಆಫೀಸನ್ನೂ ತೆರೆದಿದ್ದಾರೆ. ಈ ಮೂಲಕ ಪುಷ್ಪಾ ಸರಣಿಯ ಮೂರನೇ ಆವೃತ್ತಿಗೆ ಮತ್ತಷ್ಟು ಓಘ ಬಂದಂತಾಗಿದೆ!

keywords: alluarjun, pushpa3, sukumar

The post Allu Arjun: ಕಾಟ ಕೊಟ್ಟ ನಿರ್ದೇಶಕನನ್ನು ಕ್ಷಮಿಸಿದನೇ ಪುಷ್ಪರಾಜ್? appeared first on Cini Shodha.

ಲೋಕೇಶ್ ಕನಗರಾಜ್ ಕೂಲಿ ಚಿತ್ರದ ಸೋಲಿನ ನಂತರವೂ ತುಸು ಆತ್ಮವಿಶ್ವಾಸದಿಂದಿದ್ದರು. ಯಾಕೆಂದರೆ, ಈ ಹಿನ್ನಡೆಯ ನಂತರವೂ ಕೂಡಾ ಲೋಕೇಶನಿಗೆ ಮತ್ತೊಂದು ಅವಕಾಶ ಕೊಡುವ ಔದಾರ್ಯವನ್ನು ತಲೈವಾ ಪ್ರದರ್ಶಿಧಸಿದ್ದರು. ಆದರೆ, ಅಲ್ಲಿಯೂ ಈ ಯುವ ನಿರ್ದೇಶಕನ ನಸೀಬು ಕೈ ಕೊಟ್ಟಿತ್ತು. ಹಳೇ ಕಥೆಯನ್ನೇ ಮಾಲೀಶು ಮಾಡಿಕೊಂಡಿದ್ದ ಲೋಕೇಶ್‌ಗೆ ಸದ್ಯಕ್ಕೆ ಈ ಪ್ರಾಜೆಕ್ಟು ಬೇಡ, ಮುಂದೆಂದಾದರೂ ನೋಡೋಣ ಎಂಬಂಥಾ ಆಘಾತಕರ ಸಂದೇಶ ರಜನಿ ಕಡೆಯಿಂದ ಸಿಕ್ಕಿತ್ತು. ಹಾಗೊಂದು ನಿರಾಸೆಯ ಬೆನ್ನಲ್ಲಿಯೇ ಲೋಕೇಶ್ ಕನಗರಾಜ್ ಅಲ್ಲು ಅರ್ಜುನ್‌ಗಾಗಿ ಒಂದು ಕಥೆಯನ್ನು ಸಿದ್ಧಪಡಿಸಿಕೊಂಡಿದ್ದರು. ಆದರೀಗ ಅದಕ್ಕೂ ಕೂಡಾ ಕೊಂಚ ಹಿನ್ನಡೆಯೇ ಎದುರಾದ ಹಾಗಿದೆ! 

Nandamoori Balayya: ತೆಲುಗು ನಟನ ವಿರುದ್ಧ ತಲೈವಾಭಿಮಾನಿಗಳು ಕೆಂಡ!

ಲೋಕೇಶ್ ಇದೀಗ ಈ ಕಥೆಯನ್ನೇ ಆಮೀರ್ ಕಾನ ಗೆ ಹೇಳುತ್ತಿದ್ದಾರೆಂಬ ಸುದ್ದಿಯೊಂದು ಹಬ್ಬಿಕೊಂಡಿದೆ. ಇತ್ತೀಚಿನ ವರ್ಷದಲ್ಲಿ ಮಂಕಾದಂತಿರುವ ಆಮೀರ್ ಖಾನ್ ಈ ಪ್ರಾಜೆಕ್ಟಿಗೆ ಒಪ್ಪಿಗೆ ಸೂಚಿಸುವ ಲಕ್ಷಣಗಳಿದ್ದಾವೆ. ಒಂದು ಮೂಲದ ಪ್ರಕಾರ, ಮೈತ್ರಿ ಮೂವೀಸ್ ನಿರ್ಮಾಣ ಸಂಸ್ಥೆಯ ಮುಖ್ಯಸ್ಥರಿಗೆ ಆಮೀರ್ ಖಾನ್ ಜೊತೆ ಈ ಪ್ರಾಜೆಕ್ಟನ್ನು ಮುಂದುವರೆಸುವ ಮನಸಿಲ್ಲ. ಈಗ ಆಮೀರ್ ಜವಾ ಸಂಪೂರ್ಣವಾಗಿ ತಗ್ಗಿದೆ. ಆದರೆ, ಅಲ್ಲು ಅರ್ಜುನ್ ಯಶಸ್ಸಿನ ಉತ್ತುಂಗದಲ್ಲಿದ್ದಾರೆ. ಆತನೊಂದಿಗೆ ಸಿನಿಮಾ ಮಾಡಿದರೆ ರಿಸ್ಕಿಲ್ಲದೆ ವ್ಯವಹಾರ ಕುದುರುತ್ತದೆಂಬ ಆಸೆ ನಿರ್ಮಾಪಕರದ್ದು. ಆದರೆ, ಲೋಕೇಶ್ ಕನಗರಾಜ್‌ಗೆ ತನ್ನ ಕಥೆಯನ್ನು ಅಲ್ಲು ಒಪ್ಪಿಕೊಳ್ಳಬಹುದೆಂಬ ಸಂಪೂರ್ಣ ವಿಶ್ವಾಸ ಇದ್ದಂತಿಲ್ಲ. ಒಂದು ವೇಳೆ ಅಲ್ಲುಗೆ ಕಥೆ ಹೇಳಿದರೆ ಆತ ಒಪ್ಪಿಕೊಳ್ಳುತ್ತಾರಾ? ಆಮೀರ್ ಒಪ್ಪಿಕೊಂಡರೂ, ನಿರ್ಮಾಪಕರನ್ನು ಮನವೊಲಿಸಿ ಒಪ್ಪಿಸಲು ಲೋಕೇಶ್ ಕೈಲಿ ಸಾಧ್ಯವಾಗುತ್ತಾ? ಇಂಥಾ ಶಂಕೆಗಳೆಲ್ಲ ಈ ತಿಂಗಳ ಅಂಚಿನಲ್ಲಿ ಪರಿಹಾರವಾಗೋ ಲಕ್ಷಣಗಳು ಗೋಚರಿಸಲಾರಂಭಿಸಿವೆ!

keywords: lokesh kanagaraj, allu arjun, aamir khan, rajnikanth, thalaivar, coolie, pushpa2, tollywood, bollywood

The post allu arjun with lokesh kanagarajan : :ಪುಷ್ಪರಾಜ್ ಒಲ್ಲೆ ಅಂದ್ರೆ ಆಮೀರ್ ಅಲ್ಲಿಗೆ ಹಾಜರ್! appeared first on Cini Shodha.

ಈಗೊಂದಷ್ಟು ವರ್ಷಗಳ ಹಿಂದಿನವರೆಗೂ ತೆಲುಗು ಚಿತ್ರರಂಗದ ಬಗ್ಗೆ ಬಾಲಿವುಡ್ ಮಂದಿ ಮಾಮೂಲು ತಾತ್ಸಾರ ಹೊಂದಿದ್ದರು. ಯಾವಾಗ ಬಾಹುಬಲಿ ಚಿತ್ರ ತೆರೆಗಂಡಿತೋ, ಆ ಕ್ಷಣದಿಂದಲೇ ಒಂದು ಕಂಪನ ಬಾಲಿವುಡ್ಡಿನ ತುಂಬೆಲ್ಲ ಸಂಚಲನ ಸೃಷ್ಟಿಸಿತ್ತು. ಅದುವರೆಗೆ ದಕ್ಷಿಣದ ಸಿನಿಮಾ ಮಂದಿ ಬಾಲಿವುಡ್ ಸಿನಿಮಾವೊಂದು ಬಿಡುಗಡೆಯಾದರೆ, ಹೀಗೆಯೇ ಕಂಪಿಸುತ್ತಿದ್ದರು. ಅಂಥಾದ್ದೊಂದು ಭಯ ಬಾಹುಬಲಿಯ ಮೂಲಕ ಬಾಲಿವುಡ್ಡಿಗೇ ರವಾನೆಯಾಗಿ ಬಿಟ್ಟಿದೆ. ಬಾಹುಬಲಿ೨ ಬಾಲಿವುಡ್ಡಿನಲ್ಲಿ ಅಂಥಾದ್ದೇ ವಾತಾವರಣ ಸೃಷ್ಟಿಸಿದ್ದದ್ದು ಸತ್ಯ. ಆ ಬಳಿಕ ತೆರೆಗಂಡ ಪ್ರಭಾಸ್ ಚಿತ್ರಗಳು ನೆಗೆಟಿವ್ ಅಂಶಗಳಾಚೆಗೂ ಬಾಲಿವುಡ್ ಮಾರುಕಟ್ಟೆಯಲ್ಲಿ ಕಮಾಲ್ ಮಾಡಿದ್ದವು.

ಒಬ್ಬ ಪ್ರಭಾಸ್ ಹೀಗೆ ಬಾಲಿವುಡ್ ಮಾರುಕಟ್ಟೆಯಲ್ಲಿ ಸಂಚಕಲನ ಸೃಷ್ಟಿಸುತ್ತಲೇ, ಅದು ತೆಲುಗು ಚಿತ್ರಂಗದ ಇತರೇ ನಾಯಕರಿಗೂ ಪ್ರವಹಿಸಿದಂತಾಗಿದೆ. ಅದರ ಫಲವಾಗಿಯೇ ತೆಲುಗಿನಲ್ಲೇ ಗಿರಕಿ ಹೊಡೆಯುತ್ತಿದ್ದ ಅಲ್ಲು ಅರ್ಜುನ್ ವೃತ್ತಿಬದುಕು ಏಕಾಏಕಿ ಮತ್ತೊಂದು ಹಂತಕ್ಕೇರಿದೆ. ಪುಷ್ಪಾ ಚಿತ್ರ ಪ್ಯಾನಿಂಡಿಯಾ ಮಟ್ಟದಲ್ಲಿ ಮಿಂಚಿ, ಬಾಲಿವುಡ್ಡಿಗೆ ಅಕ್ಷರಶಃ ಶಾಕ್ ಕೊಟ್ಟಿದೆ. ಇದೀಗ ಪುಷ್ಪಾ೨ ದೊಡ್ಡ ಮಟ್ಟದ ಹೈಪುಗಳೊಂದಿಗೆ ಬಿಡುಗಡೆಗೆ ತಯಾರಾಗಿದೆ. ಈಗಾಗಲೇ ಪುಷ್ಪರಾಜ್ ಗೆ ಬಾಲಿವುಡ್ಡಲ್ಲೊಂದು ಕಟ್ಟುಮಸ್ತಾದ ಮಾರುಕಟ್ಟೆ ಸೃಷ್ಟಿಯಾಗಿದೆ. ಹಾಗೆ ನೋಡಿದರೆ, ನಿರ್ದೇಶಕ ಸುಕುಮಾರನ ಸೋಂಭೇರಿತನದಿಂದಾಗಿ ಈ ಚಿತ್ರದ ಬಿಡುಗಡೆ ದಿನಾಂಕ ಪದೇ ಪದೆ ಮುಂದಕ್ಕೆ ಹೋಗುತ್ತಿದೆ. ಅದರ ನಿಖರವಾದ ಬಿಡುಗಡೆ ದಿನಾಂಕ ಅನೌನ್ಸ್ ಆದಾಕ್ಷಣ ಬಾಲಿವುಡ್ ಚಿತ್ರಗಳೂ ಒಂದು ಹೆಜ್ಜೆ ಹಿಂದೆ ಸರಿದು ಕಾಯುವಂಥಾ ವಾತಾವರಣ ನಿರ್ಮಾಣಗೊಂಡಿದೆ.

ಹೀಗೆ ಬಾಲಿವುಡ್ ಮಾರುಕಟ್ಟೆಗೆ ಲಗ್ಗೆಯಿಟ್ಟ ಮೂರನೇ ತೆಲುಗು ಸ್ಟಾರ್ ಜ್ಯೂನಿಯರ್ ಎನ್ಟಿಆರ್. ರಾಜಮೌಳಿ ನಿರ್ದೇಶನದ ಆರ್ ಆರ್ ಆರ್ ಚಿತ್ರದ ಮೂಲಕ ಜ್ಯೂ ಎನ್ಟಿಆರ್ ಕೂಡಾ ಬಾಲಿವುಡ್ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದ್ದಾರೆ. ಇತ್ತೀಚೆಗಷ್ಟೇ ಬಿಡುಗಡೆಗೊಂಡಿದ್ದ ದೇವರಾ ಚಿತ್ರಕ್ಕೂ ಹಿಂದಿ ಗಲ್ಲಾಪೆಟ್ಟಿಗೆಯಲ್ಲಿ ಭಾರೀ ಗೆಲುವು ಸಿಕ್ಕಿದೆ. ಹೀಗೆ ಒಬ್ಬೊಬ್ಬರಾಗಿ ತೆಲುಗು ಹೀರೋಗಳು ಹಿಂದಿ ಮಾರುಕಟ್ಟೆಗೆ ಲಗ್ಗೆ ಇಡುತ್ತಿದ್ದಾರೆ. ಇತ್ತ ಕನ್ನಡದ ಯಶ್ ಕೂಡಾ ಈಗಾಗಲೇ ಹಿಂದಿ ಮಾರುಕಟ್ಟೆಯಲ್ಲಿ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಂಡಿದ್ದಾರೆ. ತಮಿಳಿಗಂತೂ ಅಲ್ಲಿ ಭದ್ರ ನೆಲೆ ಇದ್ದೇ ಇದೆ. ಹೀಗೆ ದಕ್ಷಿಣ ಭಾರತೀಯ ಚಿತ್ರರಂಗ ಹಿಂದಿ ಮಾರುಕಟ್ಟೆಯತ್ತ ಹಂತ ಹಂತವಾಗಿ ದಂಡೆತ್ತಿತ್ತಿ ಹೋಗುತ್ತಿದೆ. ಈ ಹೊತ್ತಿನಲ್ಲಿ ಬಾಲಿವುಡ್ ಸ್ಟಾರ್ ನಟರು ಅಕ್ಷರಶಃ ಮಂಕುಬಡಿದಂತಾಗಿದ್ದಾರೆ. ಸ್ತ್ರೀಯಂಥಾ ಭಿನ್ನ ಜಾಡಿನ ಚಿತ್ರ ಗೆದ್ದಿರೋದು ನಿಜ. ಹಾಗಂತ, ಅದೊಂದು ಗೆಲುವಿನಿಂದ ಸೊರಗಿದ ಬಾಲಿವುಡ್ ಚೇತರಿಸಿಕೊಳ್ಳಲು ಸಾಧ್ಯವಿಲ್ಲ. ಯಾಕೆಂದರೆ, ಮುಂದಿನ ದಿನಗಳಲ್ಲಿ ದಕ್ಷಿಣದ ದಿಕ್ಕಿಂದ ಬಾಲಿವುಡ್ಡಿನತ್ತ ಬಿರುಗಾಳಿ ಬೀಸಲಿದೆ!

The post bollywood: ದಕ್ಷಿಣದ ಅಬ್ಬರದ ಮುಂದೆ ಮಂಕಾಯ್ತು ಬಾಲಿವುಡ್! appeared first on Cini Shodha.

ಅಷ್ಟಕ್ಕೂ ತ್ರಿವಿಕ್ರಮ್ ನಿರ್ದೇಶನದ ಚಿತ್ರಗಳ್ಲ್ಲಿ ಅಲ್ಲು ಅರ್ಜುನ್ ಈ ಹಿಂದೆಯೂ ನಟಿಸಿದ್ದಾರೆ. ಬರವಣಿಗೆಯನ್ನು ಮೂಲ ಶಕ್ತಿಯಾಗಿಸಿಕೊಂಡಿರೋ ತ್ರಿವಿಕ್ರಮ್ ಐಲು ಬುದ್ಧಿ ಬದಿಗಿಟ್ಟು ನಿಂತರೆ ಈ ಕ್ಷಣಕ್ಕೂ ಪ್ಯಾನಿಂಡಿಯಾ ಮಟ್ಟದಲ್ಲಿ ಕಮಾಲ್ ಸೃಷ್ಟಿಸುವ ಛಾತಿ ಹೊಂದಿರುವ ನಿರ್ದೇಶಕ ಅನ್ನೋದರಲ್ಲಿ ಎರಡು ಮಾತಿಲ್ಲ. ಇಂಥವರ ಸಿನಿಮಾವನ್ನು ಅಲ್ಲು ಅರ್ಜುನ್ ಅದ್ಯಾಕೆ ಸೈಡಿಗೆ ಸರಿಸಿದರು? ಅಲ್ಲು ತ್ರಿವಿಕ್ರಮ್ ಮೇಲೆ ಮುನಿಸಿಕೊಂಡಿದ್ದೇಕೆ? ಇಂಥಾ ಅನೇಕ ಪ್ರಶ್ನೆಗಳು ಮೂಡಿಕಕೊಂಡಿದ್ದವು. ಅವೆಲ್ಲದಕ್ಕೂ ಈಗ ನಿಖರವಾದ ಉತ್ತರ ಸಿಕ್ಕಿದೆ. ಈ ಮೂಲಕ ತ್ರಿವಿಕ್ರಮನ ಧಾಡಸೀತನದ ಪ್ರವರಗಳೂ ಕೂಡಾ ಜಾಹೀರಾಗಿವೆ!

ಅಲ್ಲು ಅರ್ಜುನ್ ಪುಷ್ಪಾ ೨ ಗೆಲುವಿನ ಹಿಂಚುಮುಂಚಿನಲ್ಲಿ ತ್ರಿವಿಕ್ರಮ್ ಜೊತೆ ಸಿನಿಮಾ ಮಾಡಲು ಮುಂದಾಗಿದ್ದದ್ದು ನಿಜ. ಆರಂಭದಲ್ಲಿ ತ್ರಿವಿಕ್ರಮ್ ಕೂಡಾ ಅತ್ಯಂತ ಉತ್ಸಾಹದಿಂದಲೇ ಮಾತುಕತೆ ನಡೆಸಿದ್ದರು. ಇನ್ನೇನು ಎಲ್ಲವೂ ರೆಡಿ ಎಂಬರ್ಥದಲ್ಲಿ ಮಾತಾಡಿದ್ದರು. ಆದರೆ, ತಿಂಗಳುಗಟ್ಟಲೆ ಕಾದರೂ ಸ್ಕ್ರಿಫ್ಟ್ ರೆಡಿಯಾಗಿರಲಿಲ್ಲ. ತಿಂಗಳುಗಳು ಉರುಳಿದವೇ ವಿನಃ ತ್ರಿವಿಕ್ರಮ್ ಕಡೆಯಿಂದ ಕೆಲಸ ಶುರುವಾಗಿರಲಿಲ್ಲ. ಹೀಗೇ ಕಾದರೆ ವರ್ಷ ಕಳೆದರೂ ಈ ಆಸಾಮಿ ರೆಡಿಯಾಗೋದು ಡೌಟು ಅಂದಾಗಲೇ ಅಲ್ಲು ಅರ್ಜುನ್ ಕೆಂಡವಾಗಿದ್ದಾರೆ. ತ್ರಿವಿಕ್ರಮ್ ಮೇಲೆ ಮುನಿಸಿಕೊಂಡ ಅಲ್ಲು, ಅದಾಗಲೇ ಕಾದು ಕೂತಿದ್ದ ಆಟ್ಲಿಗೆ ಅವಕಾಶ ಕೊಟ್ಟಿದ್ದಾರೆ. ಅಲ್ಲಿಗೆ ತನ್ನ ನಿಧಾನಗತಿಯಿಂದ ತ್ರಿವಿಕ್ರಮ್ ಒಂದೊಳ್ಳೆ ಅವಕಾಶವನ್ನು ಕಳೆದುಕೊಂಡಂತಾಗಿದೆ!

The post allu arjun: ಪ್ಯಾನಿಂಡಿಯಾ ಪ್ರಾಜೆಕ್ಟು ಪಲ್ಟಿ ಹೊಡೆದದ್ದೇಕೆ? appeared first on Cini Shodha.

ಈಗೊಂದಷ್ಟು ವರ್ಷಗಳ ಹಿಂದಿನವರೆಗೂ ತೆಲುಗು ಚಿತ್ರರಂಗದ ಬಗ್ಗೆ ಬಾಲಿವುಡ್ ಮಂದಿ ಮಾಮೂಲು ತಾತ್ಸಾರ ಹೊಂದಿದ್ದರು. ಯಾವಾಗ ಬಾಹುಬಲಿ ಚಿತ್ರ ತೆರೆಗಂಡಿತೋ, ಆ ಕ್ಷಣದಿಂದಲೇ ಒಂದು ಕಂಪನ ಬಾಲಿವುಡ್ಡಿನ ತುಂಬೆಲ್ಲ ಸಂಚಲನ ಸೃಷ್ಟಿಸಿತ್ತು. ಅದುವರೆಗೆ ದಕ್ಷಿಣದ ಸಿನಿಮಾ ಮಂದಿ ಬಾಲಿವುಡ್ ಸಿನಿಮಾವೊಂದು ಬಿಡುಗಡೆಯಾದರೆ, ಹೀಗೆಯೇ ಕಂಪಿಸುತ್ತಿದ್ದರು. ಅಂಥಾದ್ದೊಂದು ಭಯ ಬಾಹುಬಲಿಯ ಮೂಲಕ ಬಾಲಿವುಡ್ಡಿಗೇ ರವಾನೆಯಾಗಿ ಬಿಟ್ಟಿದೆ. ಬಾಹುಬಲಿ೨ ಬಾಲಿವುಡ್ಡಿನಲ್ಲಿ ಅಂಥಾದ್ದೇ ವಾತಾವರಣ ಸೃಷ್ಟಿಸಿದ್ದದ್ದು ಸತ್ಯ. ಆ ಬಳಿಕ ತೆರೆಗಂಡ ಪ್ರಭಾಸ್ ಚಿತ್ರಗಳು ನೆಗೆಟಿವ್ ಅಂಶಗಳಾಚೆಗೂ ಬಾಲಿವುಡ್ ಮಾರುಕಟ್ಟೆಯಲ್ಲಿ ಕಮಾಲ್ ಮಾಡಿದ್ದವು.

ಒಬ್ಬ ಪ್ರಭಾಸ್ ಹೀಗೆ ಬಾಲಿವುಡ್ ಮಾರುಕಟ್ಟೆಯಲ್ಲಿ ಸಂಚಕಲನ ಸೃಷ್ಟಿಸುತ್ತಲೇ, ಅದು ತೆಲುಗು ಚಿತ್ರಂಗದ ಇತರೇ ನಾಯಕರಿಗೂ ಪ್ರವಹಿಸಿದಂತಾಗಿದೆ. ಅದರ ಫಲವಾಗಿಯೇ ತೆಲುಗಿನಲ್ಲೇ ಗಿರಕಿ ಹೊಡೆಯುತ್ತಿದ್ದ ಅಲ್ಲು ಅರ್ಜುನ್ ವೃತ್ತಿಬದುಕು ಏಕಾಏಕಿ ಮತ್ತೊಂದು ಹಂತಕ್ಕೇರಿದೆ. ಪುಷ್ಪಾ ಚಿತ್ರ ಪ್ಯಾನಿಂಡಿಯಾ ಮಟ್ಟದಲ್ಲಿ ಮಿಂಚಿ, ಬಾಲಿವುಡ್ಡಿಗೆ ಅಕ್ಷರಶಃ ಶಾಕ್ ಕೊಟ್ಟಿದೆ. ಇದೀಗ ಪುಷ್ಪಾ೨ ದೊಡ್ಡ ಮಟ್ಟದ ಹೈಪುಗಳೊಂದಿಗೆ ಬಿಡುಗಡೆಗೆ ತಯಾರಾಗಿದೆ. ಈಗಾಗಲೇ ಪುಷ್ಪರಾಜ್ ಗೆ ಬಾಲಿವುಡ್ಡಲ್ಲೊಂದು ಕಟ್ಟುಮಸ್ತಾದ ಮಾರುಕಟ್ಟೆ ಸೃಷ್ಟಿಯಾಗಿದೆ. ಹಾಗೆ ನೋಡಿದರೆ, ನಿರ್ದೇಶಕ ಸುಕುಮಾರನ ಸೋಂಭೇರಿತನದಿಂದಾಗಿ ಈ ಚಿತ್ರದ ಬಿಡುಗಡೆ ದಿನಾಂಕ ಪದೇ ಪದೆ ಮುಂದಕ್ಕೆ ಹೋಗುತ್ತಿದೆ. ಅದರ ನಿಖರವಾದ ಬಿಡುಗಡೆ ದಿನಾಂಕ ಅನೌನ್ಸ್ ಆದಾಕ್ಷಣ ಬಾಲಿವುಡ್ ಚಿತ್ರಗಳೂ ಒಂದು ಹೆಜ್ಜೆ ಹಿಂದೆ ಸರಿದು ಕಾಯುವಂಥಾ ವಾತಾವರಣ ನಿರ್ಮಾಣಗೊಂಡಿದೆ.

ಹೀಗೆ ಬಾಲಿವುಡ್ ಮಾರುಕಟ್ಟೆಗೆ ಲಗ್ಗೆಯಿಟ್ಟ ಮೂರನೇ ತೆಲುಗು ಸ್ಟಾರ್ ಜ್ಯೂನಿಯರ್ ಎನ್ಟಿಆರ್. ರಾಜಮೌಳಿ ನಿರ್ದೇಶನದ ಆರ್ ಆರ್ ಆರ್ ಚಿತ್ರದ ಮೂಲಕ ಜ್ಯೂ ಎನ್ಟಿಆರ್ ಕೂಡಾ ಬಾಲಿವುಡ್ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದ್ದಾರೆ. ಇತ್ತೀಚೆಗಷ್ಟೇ ಬಿಡುಗಡೆಗೊಂಡಿದ್ದ ದೇವರಾ ಚಿತ್ರಕ್ಕೂ ಹಿಂದಿ ಗಲ್ಲಾಪೆಟ್ಟಿಗೆಯಲ್ಲಿ ಭಾರೀ ಗೆಲುವು ಸಿಕ್ಕಿದೆ. ಹೀಗೆ ಒಬ್ಬೊಬ್ಬರಾಗಿ ತೆಲುಗು ಹೀರೋಗಳು ಹಿಂದಿ ಮಾರುಕಟ್ಟೆಗೆ ಲಗ್ಗೆ ಇಡುತ್ತಿದ್ದಾರೆ. ಇತ್ತ ಕನ್ನಡದ ಯಶ್ ಕೂಡಾ ಈಗಾಗಲೇ ಹಿಂದಿ ಮಾರುಕಟ್ಟೆಯಲ್ಲಿ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಂಡಿದ್ದಾರೆ. ತಮಿಳಿಗಂತೂ ಅಲ್ಲಿ ಭದ್ರ ನೆಲೆ ಇದ್ದೇ ಇದೆ. ಹೀಗೆ ದಕ್ಷಿಣ ಭಾರತೀಯ ಚಿತ್ರರಂಗ ಹಿಂದಿ ಮಾರುಕಟ್ಟೆಯತ್ತ ಹಂತ ಹಂತವಾಗಿ ದಂಡೆತ್ತಿತ್ತಿ ಹೋಗುತ್ತಿದೆ. ಈ ಹೊತ್ತಿನಲ್ಲಿ ಬಾಲಿವುಡ್ ಸ್ಟಾರ್ ನಟರು ಅಕ್ಷರಶಃ ಮಂಕುಬಡಿದಂತಾಗಿದ್ದಾರೆ. ಸ್ತ್ರೀಯಂಥಾ ಭಿನ್ನ ಜಾಡಿನ ಚಿತ್ರ ಗೆದ್ದಿರೋದು ನಿಜ. ಹಾಗಂತ, ಅದೊಂದು ಗೆಲುವಿನಿಂದ ಸೊರಗಿದ ಬಾಲಿವುಡ್ ಚೇತರಿಸಿಕೊಳ್ಳಲು ಸಾಧ್ಯವಿಲ್ಲ. ಯಾಕೆಂದರೆ, ಮುಂದಿನ ದಿನಗಳಲ್ಲಿ ದಕ್ಷಿಣದ ದಿಕ್ಕಿಂದ ಬಾಲಿವುಡ್ಡಿನತ್ತ ಬಿರುಗಾಳಿ ಬೀಸಲಿದೆ!

The post bollywood: ದಕ್ಷಿಣದ ಅಬ್ಬರದ ಮುಂದೆ ಮಂಕಾಯ್ತು ಬಾಲಿವುಡ್! appeared first on Cini Shodha.

ಅಲ್ಲು ಅರ್ಜುನ್ ಈ ಸಿನಿಮಾಗಾಗಿ ಭಾರೀ ಮೊತ್ತದ ಸಂಭಾವನೆ ಪಡೆದಿದ್ದಾರೆಂದು ಗುಲ್ಲೆದ್ದಿತ್ತು. ಕೆಲ ತಿಂಗಳ ಹಿಂದಷ್ಟೇ ಸಂಭಾವನೆಯ ಒಟ್ಟಾರೆ ಬಾಬತ್ತು ಮುನ್ನೂರು ಕೋಟಿ ಅಂತೊಂದು ಶಾಕಿಂಗ್ ಸಂಗತಿಯೂ ಜಾಹೀರಾಗಿತ್ತು. ಕಡೆಗೂ ಅಲ್ಲು ಅಷ್ಟೊಂದು ಸಂಭಾವನೆ ಪಡೆದಿರೋದು ಖತರಿಯೆಂಬುದು ಸಾಬೀತಾಗಿದೆ. ಈ ಮೂಲಕ ಭಾರತೀಯ ಚಿತ್ರರಂಗದಲ್ಲಿರೋ ಟಾಪ್ ಸ್ಟಾರ್ ಗಳ ಸಂಭಾವನೆಯನ್ನು, ಅಲ್ಲು ಪಡೆದಿರೋ ಮೊತ್ತದೊಂದಿಗೆ ತುಲನೆ ಮಾಡಿ ನೋಡುವ ಪ್ರಕ್ರಿಯೆಗಳೂ ನಡೆಯುತ್ತಿವೆ. ಸೋಶಿಯಲ್ ಮೂಡಿಯಾದಲ್ಲಂತೂ ಈ ವಿಚಾರವೀಗ ಟ್ರೆಂಡಿಂಗಿನಲ್ಲಿದೆ.

ಅಲ್ಲು ಅರ್ಜುನ್ ಸಂಭಾವನೆಯ ವಿಚಾರದಲ್ಲೀಗ ಟಾಪ್ ಸ್ಟಾರುಗಳನ್ನು ಹಿಂದಿಕ್ಕಿದ್ದಾರೆ. ಒಂದಷ್ಟು ಮಂದಿ ಸಟಾರ್ ಗಳು ಈ ಮೊತ್ತದ ಹತ್ತಿರ ಹೋಗೋದೂ ಕಷ್ಟವಿದೆ. ನೂರಾ ಮೂವತ್ತು ಕೋಟಿಯಷ್ಟು ಸಂಭಾವನೆ ಪಡೆಯುತ್ತಿದ್ದ ದಳಪತಿ ವಿಜಯ್ ಲಿಯೋ ಮೂಲಕ ಏಕಾಏಕಿ ಇನ್ನೂರ ಎಪ್ಪತೈದು ಕೋಟಿ ಪಡೆದಿದ್ದರು. ಅದು ಸಂಚಲನವನ್ನೇ ಸೃಷ್ಟಿಸಿತ್ತು. ಇದು ಅತ್ಯಂತ ಹೆಚ್ಚಿನ ಸಂಭಾವನೆ ಅನ್ನಲಾಗಿತ್ತು. ಅಲ್ಲು ಈಗ ಅದನ್ನೂ ಮೀರಿಸಿದ್ದಾರೆ. ಶಾರೂಖ್ ಖಾನ್ ೧೫೦ ರಿಂದ ೨೫೦ ಕೋಟಿ, ರಜನೀಕಾಂತ್ ೧೨೫ ರಿಂದ ೨೭೦, ಅಮೀರ್ ಖಾನ್ ೧೨೦ರಿಂದ ೨೭೫, ಪ್ರಭಾಸ್ ೧೦೦ ರಿಂದ ೨೦೦ ಕೋಟಿಯಷ್ಟು ಸಂಭಾವನೆ ಪಡೆಯುತ್ತಾರೆ. ಇನ್ನು ಟಾಪ್ ಲಿಸ್ಟಿನಲ್ಲಿದ್ದ ಕಮಲ್ ಹಾಸನ್, ಅಜಿತ್ ಮುಂತಾದ ನಟರೂ ಕೂಡಾ ಸಂಭಾವನೆಯ ರೇಸಿನಲ್ಲಿ ಅಲ್ಲುಗಿಂತ ಹಿಂದುಳಿದಿದ್ದಾರೆ!

The post Allu arjun: ಸಂಭಾವನೆ ವಿಚಾರದಲ್ಲಿ ಅಲ್ಲು ಮುಂದೆ ಎಲ್ಲರೂ ಥಂಡಾ! appeared first on Cini Shodha.

ಹೀಗೆ ಪದೇ ಪದೆ ಬಿಡುಗಡೆ ದಿನಾಂಕ ಮುಂದೆ ಸಾಗುತ್ತಲೇ ಅಲ್ಲು ನಿರ್ದೇಶಕ ಸುಕುಮಾರನ್ ವಿರುದ್ಧ ಅಸಹನೆ ಹೊಂದಿರೋದಾಗಿ ಸುದ್ದಿಗಳು ಸರಿದಾಡಲಾರಂಭಿಸಿದ್ದವು. ಇನ್ನೇನು ಏರಿಕೊಂಡಿದ್ದ ಕ್ರೇಜ್ ಎಲ್ಲವೂ ಜರ್ರನೆ ಇಳಿಮುಖವಾಗುತ್ತದೆ ಎಂಬಂಥಾ ವಾತಾವರಣ ಸೃಷ್ಟಿಯಾಗಿತ್ತು. ಕಡೆಗೂ ಬಿಡುಗಡೆ ದಿನಾಂಕ ನಿಕ್ಕಿಯಾದರೂ, ಯಾರೊಬ್ಬರಿಗೂ ಅದು ಮುಂದಕ್ಕೆ ಹೋಗೋದಿಲ್ಲ ಎಂಬಂಥ ನಂಬಿಕೆ ಇರಲಿಲ್ಲ. ಆದರೀಗ ಬಿಡುಗಡೆಯ ಹೊಸ್ತಿಲಲ್ಲಿ ಎಲ್ಲವೂ ಅದಲು ಬದಲಾಗಿದೆ. ಅತ್ಯಂತ ಕಡಿಮೆ ಅವಧಿಯಲ್ಲಿ ವಾತಾವರಣವೆಂಬುದು ಪಟ್ಟಂಪೂರಾ ಬದಲಾಗಿ ಬಿಟ್ಟಿದೆ. ಬಿಡುಗಡೆ ಪೂರ್ವದಲ್ಲಿಯೇ ಪುಷ್ಪಾ೨ ಬ್ಯುಸಿನೆಸ್ಸು ಸಾವಿರ ಕೋಟಿ ದಾಟಿಕೊಂಡಿದೆ. ಇದೀಗ ಹೀಗೆ ಕಾಡಿಸಿ, ಕಂಗೆಡಿಸಿ, ನೆಗೆಟಿವ್ ವಿಚಾರ ಹಬ್ಬಿಕೊಳ್ಳುವಂತೆ ಮಾಡಿ, ಕಡೇ ಕ್ಷಣದಲ್ಲಿ ಅದೆಲ್ಲವನ್ನೂ ಪಾಸಿಟಿವ್ ಆಗಿ ರೂಪಾಂತರಿಸೋದೇ ಸುಕುಮಾರನ್ ಅಸಲೀ ಸ್ಟೈಲು ಎಂಬಂಥಾ ಮೆಚ್ಚುಗೆ ಹಬ್ಬಿಕೊಂಡಿದೆ.

ಈ ಸುಕುಮಾರನ್ ತೀರಾ ಧಾಡಸೀ ಸ್ವಭಾವದ ಆಸಾಮಿ. ಪುಷ್ಪ ಚಿತ್ರ ಗೆಲುವಿನ ನಂತರದಲ್ಲೀತ ಸೋಂಭೇರಿತನವನ್ನೂ ಕ್ರಿಯೇಟಿವಿಟಿ ಅಂದುಕೊಂಡಿದ್ದಾನೆಂಬ ಅಸಹನೆ ತೆಲುಗು ಚಿತ್ರರಂಗದಲ್ಲಿದೆ. ಅಷ್ಟಕ್ಕೂ ರಕ್ತಚಂದನ ಸ್ಮಗ್ಲಿಂಗ್ ಕಥೆಯ ಈ ಚಿತ್ರ ಆರಂಭದಲ್ಲಿ ತೆಲುಗು ನಾಡಿನಲ್ಲಿಯೇ ಮುಗ್ಗರಿಸಿತ್ತು. ಆದರೆ ಹಿಂದಿ ಮಾರುಕಟ್ಟೆಯಲ್ಲಿ ದೊಡ್ಡ ಮಟ್ಟದಲ್ಲಿ ಸಂಚಲನ ಸೃಷ್ಟಿಸಿ ಬಿಗ್ ಹಿಟ್ ಆಗಿ ದಾಖಲಾಗಿತ್ತು. ಒಟ್ಟಾರೆ ಆ ಸಿನಿಮಾ ಗೆಲುವಿನ ಹಿಂದೆ ಅಲ್ಲು ಅರ್ಜುನ್ ಫ್ಯಾಕ್ಟರ್ ದೊಡ್ಡ ಮಟ್ಟದಲ್ಲಿಯೇ ಕೆಲಸ ಮಾಡಿತ್ತು. ಆದರೆ, ಗೆಲುವಿನ ಬಾಬತ್ತನ್ನು ನೆತ್ತಿಗೇರಿಸಿಕೊಂಡಿರುವ ಸುಕುಮಾರನ್, ಈಗಲೂ ನಿಧಾನಗತಿಯನ್ನೇ ನೆಚ್ಚಿಕೊಂಡಿದ್ದಾರೆ. ಒಂದು ಮೂಲದ ಪ್ರಕಾರ, ಬಿಡುಗಡೆಗೆ ತಿಂಗಳ ಕಾಲಾವಕಾಶವೂ ಇಲ್ಲದ ಈ ಹೊತ್ತಿನಲ್ಲಿಯೂ ನಿರ್ಮಾಣ ಕಾರ್ಯ ಚಾಲ್ತಿಯಲ್ಲಿದೆ. ಆದರೆ, ಬ್ಯುಸಿನೆಸ್ ಮಾತ್ರ ದೊಡ್ಡ ಮಟ್ಟದಲ್ಲಿದೆ. ಎರಡ್ಮೂರು ಓಟಿಟಿ ಫ್ಲಾಟ್ ಫಾರ್ಮುಗಳು ಈ ಸಿನಿಮಾ ಹಕ್ಕುಗಳನ್ನು ಖರೀದಿಸಲು ಪೈಪೋಟಿಗಿಳಿದಿವೆಯಂತೆ. ಸುಕುಮಾರನ್ ಇದೇ ಮಂದಗತಿಯನ್ನು ನೆಚ್ಚಿಕೊಂಡರೆ, ಅದು ವಾತಾವರಣವನ್ನು ಏಕಾಏಕಿ ಉಲ್ಟಾ ಹೊಡೆಸಿದರೂ ಅಚ್ಚರಿಯೇನಿಲ್ಲ!

The post pushpa2: ಅಭಿಮಾನಿಗಳನ್ನು ಕಾಡಿಸಿದರೂ ಪುಷ್ಪನ ಹವಾ ಜೋರು! appeared first on Cini Shodha.

ಇದೆಲ್ಲದಕ್ಕೆ ಕಾರಣವಾದದ್ದು ಈ ವರ್ಷ ನಡೆದಿದ್ದ ಆಂಧ್ರ ವಿಧಾನಸಭಾ ಚುನಾವಣೆ. ವೈ ಎಸ್ ಆರ್ ಸಿ ಪಿ ಪಕ್ಷದಿಂದ ಈ ಬಾರಿ (shilpa ravichandra reddy)  ಶಿಲ್ಪಾ ರವಿಚಂದ್ರಾ ರೆಡ್ಡಿ ಕಣಕ್ಕಿಳಿದಿದ್ದರು. ಸ್ನೇಹಕ್ಕೆ ಕಟ್ಟು ಬಿದ್ದಿದ್ದ ಅಲ್ಲು ಅರ್ಜುನ್ ಶಿಲ್ಪಾ ರವಿಚಂದ್ರಾ ರೆಡ್ಡಿ ಪರವಾಗಿ ಚುನಾವಣಾ ಪ್ರಚಾರ ನಡೆಸಿದ್ದರು. ಅಲ್ಲು ಆಗಮನದಿಂದಾಗಿ ಪ್ರಚಾರ ಸಭೆಗಳಿಗೆ ಹೊಸಾ ಆವೇಗ ಬಂದಂತಾಗಿತ್ತು. ಇದು ಸಹಜವಾಗಿಯೇ (pawan kalyan) ಪವನ್ ಕಲ್ಯಾಣ್ ಸೇರಿದಂತೆ ವಿರೋಧಿ ಬಣಗಳಿಗೆ ನುಂಗಲಾರದ ತುತ್ತಿನಂತಾಗಿತ್ತು. ಇದೇ ಹಂತದಲ್ಲಿ ಶಿಲ್ಪ ರವಿಚಂದ್ರಾರೆಡ್ಡಿ ಮನೆಯಲ್ಲಿ ನಡೆದಿದ್ದ ಪೂರ್ವಭಾವಿ ಸಭೆಯಲ್ಲಿ ಅಲ್ಲು ಅರ್ಜುನ್ ಭಾಗಿಯಾಗಿದ್ದ ಬಗ್ಗೆಯೂ ಚರ್ಚೆಗಳು ನಡೆದಿದ್ದವು. ಈ ಬಗ್ಗೆ ರಾಜಕೀಯ ವಿರೋಧಿ ಬಣ ದೊಡ್ಡ ಮಟ್ಟದಲ್ಲಿಯೇ ಹುಯಿಲೆಬ್ಬಿಸಿದ್ದವು. ಕಡೆಗೂ ಚುನಾವಣಾ ಆಯೋಗ ನೀತಿ ಸಂಹಿತೆ ಉಲ್ಲಂಘನೆಯಾಗಿದೆಯೆಂದು ದೂರು ದಾಖಲಿಸಿಕೊಂಡಿತ್ತು.

ಸದರಿ ಸಭೆಗೆ ಪೂರ್ವಾನುಮತಿ ಪಡೆದಿರಲಿಲ್ಲ ಎಂಬುದೂ ಸೇರಿದಂತೆ ನಾನಾ ಆರೋಪ ಮಾಡಲಾಗಿತ್ತು. ಈ ಸಂಬಂಧವಾಗಿ ಚುನಾವಣಾ ಆಯೋಗ ಅಲ್ಲು ಅರ್ಜುನ್ ಮತ್ತು ರವಿ ಮೇಲೆ ದೂರು ದಾಖಲಿಸಿಕೊಂಡಿತ್ತು. ಈ ಸಂಬಂಧವಾಗಿ ಸ್ಪಷ್ಟೀಕರಣ ನೀಡಿದ್ದ ಅಲ್ಲು, ಸ್ನೇಹಕ್ಕೆ ಕಟ್ಟುಬಿದ್ದು ರವಿ ಪರವಾಗಿ ಪ್ರಚಾರ ನಡೆಸಿದ್ದಾಗಿ ಹೇಳಿ, ಇದರ ಹಿಂದೆ ಯಾವುದೇ ರಾಜಕೀಯ ಉದ್ದೇಶವಿಲ್ಲ ಎಂಬುದನ್ನೂ ಒತ್ತಿ ಹೇಳಿದ್ದರು. ಆದರೂ ಕೂಡಾ ವಿವಾದವೆಂಬುದು ಯಥಾಪ್ರಕಾರವಾಗಿ ಮುಂದುವರೆದಿತ್ತು. ಇದೀಗ ಈ ದೂರನ್ನು ವಜಾಗೊಳಿಸುವಂತೆ ಕೋರಿ ಅಲ್ಲು ಅರ್ಜುನ್ ಹೈಕೋರ್ಟ್ ಮೊರೆ ಹೋಗಿದ್ದಾರೆ. ಈ ಬಗ್ಗೆ ನಡೆಯಲಿರೋ ವಿಚಾರಣೆಯ ಮೂಲಕ ಆಂಧ್ರ ರಾಜಕೀಯ ಮತ್ತು ಸಿನಿಮಾ ರಂಗದಲ್ಲಿ ನಡೆಯುತ್ತಿರುವ ಶೀತಲ ಸಮರ ನಿರ್ಣಾಯಕ ಘಟ್ಟ ತಲುಪಲಿದೆ.

The post allu arjun: ತಾರಕಕ್ಕೇರಿತು ಸಿನಿಮಾ ತಾರೆಯರ ಪೊಲಿಟಿಕಲ್ ವಾರ್! appeared first on Cini Shodha.