ಯಶ್ ಅಭಿನಯದ ಕೆಜಿಎಫ್ ಸರಣಿ ಗೆಲುವಿನ ಮೂಲಕ ಬಾಲಿವುಡ್ ಮಂದಿಯ ಅಳ್ಳೆ ಅದುರಿತ್ತು. ಅದು ದಕ್ಷಿಣ ಭಾರತೀಯ ಚಿತ್ರರಂಗದಿಂದ ಬಾಲಿವುಡ್ ನೆತ್ತಿಗೆ ಬಿದ್ದ ಬಹುದೊಡ್ಡ ಏಟು. ಯಾಕೆಂದರೆ, ದಕ್ಷಿಣ ಭಾರತೀಯ ಸಿನಿಮಾಗಳನ್ನು ಬಾಲಿವುಡ್ ಮಂದಿ ಅತ್ಯಂತ ತುಚ್ಛವಾಗಿ ನೋಡುತ್ತಾ ಬಂದಿದ್ದಾರೆ. ಅದರಲ್ಲಿಯೂ ಕನ್ನಡ ಸಿನಿಮಾ ರಂಗವನ್ನು ಲೆಕ್ಕಕ್ಕಿಟ್ಟುಕೊಳ್ಳದ ದುರಹಂಕಾರವೊಂದು ಬಾಲಿವುಡ್ಡಿಗೆ ಅಪಾದಮಸ್ತಕ ಅಮರಿಕೊಂಡಿತ್ತು. ಅಂಥಾ ಚಿತ್ರರಂಗದಿಂದ ತಯಾರಾದ ಚಿತ್ರವೊಂದು ಬಾಲಿವುಡ್ ಸಿನಿಮಾಗಳನ್ನೇ ಮಂಕಾಗಿಸಿ ಮೆರೆಯತ್ತದೆಂದರೆ ಹಿಂದೀವಾಲಾಗಳಿಗೆ ಅಂಡುರಿ ಬಾಧಿಸದಿರಲು ಸಾಧ್ಯವೇ? ಅಂಥಾ ಉರಿಯೆಲ್ಲವೂ ಧುರಂಧರ್ ಗೆಲುವಿನ ನಂತರ ಮತ್ತಷ್ಟು ಉಲ್ಬಣಿಸಿದೆ.

ಟಾಕ್ಸಿಕ್ ಬಿಡುಗಡೆ ದಿನಾಂಕ ಮುಂದಕ್ಕೆ ಹೋಗಿದ್ದರ ಹಿಂದೆ ಉತ್ತರ ಭಾರತದ ದಿಕ್ಕಿನ ವಿತರಕರಿಂದ ಬಂದ ಒತ್ತಡವೇ ಕಾರಣವೆಂಬ ವಾಸ್ತವಿಕ ಸುದ್ದಿಯೊಂದು ಹಬ್ಬಿಕೊಂಡಿದೆ. ಆದರೆ ಹಿಂದಿ ಮಂದಿ ಮಾತ್ರ ಧುರಂಧರ್೨ಗೆ ಹೆದರಿಯೇ ಟಾಕ್ಸಿಕ್ ಪೇರಿ ಕಿತ್ತಿದೆ ಅಂತೆಲ್ಲ ಟ್ರೋಲ್ ಮಾಡುತ್ತಾ ಸುಖಿಸುತ್ತಿದ್ದಾರೆ. ಅದೇ ಮಂದಿಯೀಗ ಧುರಂಧರ್೩ ಜೂನ್ ಹದಿನಾಲಕಕ್ಕೆ ಬಿಡುಗಡೆಗೊಂಡು ಟಾಕ್ಸಿಕ್ ಅನ್ನು ಮಣ್ಣುಮುಕ್ಕಿಸಲಿದೆ ಎಂಬರ್ಥದಲ್ಲಿ ಸುದ್ದಿ ಹಗರಿಯಬಿಡುತ್ತಿದ್ದಾರೆ. ಆದರೆ, ಧುರಂಧರ್ ಭಾಗವಾಗಿರುವವರೇ ಮೂರನೇ ಆವೃತ್ತಿಯ ವಿಚಾರವನ್ನು ತಳ್ಳಿ ಹಾಕಿದ್ದಾರೆ. ಒಟ್ಟಾರೆಯಾಗಿ ಟಾಕ್ಸಿಕ್ ಚಿತ್ರ ಗೆಲ್ಲಕೂಡದು, ಕನ್ನಡದ ಹೀರೋ ಥಂಡಾ ಹೊಡೆಯ ಬೇಕೆಂಬ ವಿಕೃತಿ ಹಿಂದಿ ವಾಲಾಗಳಿಗೆ ಇದ್ದಂತಿದೆ. ಅದು ಸುಳ್ಳಾಗಿ ಬಿಟ್ಟಿರೆ ಕನ್ನಡದ ಪ್ರೇಕ್ಷಕರ ಪಾಲಿಗೆ ಅದಕ್ಕಿಂತಲೂ ಖುಷಿ ಬೇರೇನಿರಲು ಸಾಧ್ಯ?

keywords: yash, toxic movie, dhurandhar, toxic v/s dhurandhar

The post dhurandhar v/s toxic war: ಯಶ್ ವಿರುದ್ಧ ಮತ್ತೆ ಬಾಲಿವುಡ್ ಮಂದಿಯ ವಾರ್! appeared first on Cini Shodha.

ಯಶ್ ಕೇಜಿಎಫ್‌ನಂಥಾ ಸಿನಿಮಾ ಹವಾವನ್ನು ಮುಂದುವರೆಸಲಾರದೆ ಖಿನ್ನತೆಗೊಳಗಾಗಿದ್ದಾನೆ ಅನ್ನೋದು ವೇಣುಸ್ವಾಮಿ ಮಾತಿನ ಸಾರಾಂಶ. ಮಾಧ್ಯಮಗಳ ಮುಂದೆ ಬಂದರೆ ಸಾಕು; ಕಂಡ ಕಂಡೋರ ಬಗ್ಗೆ ಒದರಾಡೋ ಈತ ಯಶ್ ಬಗ್ಗೆ ಮಾರುದ್ದ ಮಾತಾಡಿದ್ದಾನೆ. ಇದರ ಹಿಂದೆ ಸಹಜವಾಗಿಯೇ ಕನ್ನಡ ನಟನೋರ್ವ ಪ್ಯಾನಿಂಡಿಯಾ ಮಟ್ಟಕ್ಕೇರಿದ ಯಶ್ ಬಗ್ಗೆ ತೆಲುಗುವಾಳ್ಳು ವೇಣು ಸ್ವಾಮಿಯ ಮಾತುಗಳಲ್ಲಿ ಉರಿ ನಿಗಿನಿಗಿಸುತ್ತಿರೋದು ಸ್ಪಷ್ಟವಾಗಿದೆ. ಈಗ್ಗೆ ಎರಡು ತಿಂಗಳ ಹಿಂದೆ ಪಾಡ್ ಕಾಸ್ಟ್ ಒಂದರಲ್ಲಿ ವೇಣು ಸ್ವಾಮಿ ಮಾತಾಡಿರುವ ರೀತಿಯೀಗ ವೈರಲ್ ಆಗಿದೆ. ಯಶ್ ಅಭಿಮಾನಿಗಳೆಲ್ಲ ಸಾರಾಸಗಟಾಗಿ ಈ ಕಳ್ಳ ಜ್ಯೋತಿಷಿಯ ಜನ್ಮ ಜಾಲಾಡಲಾರಂಭಿಸಿದ್ದಾರೆ.

nishvika naidu: ಲತ್ತೆ ನಸೀಬು ನೆಟ್ಟಗಾಗಿಸಲು ಹೋಮ ಹವನ!

ಅಷ್ಟಕ್ಕೂ ಯಶ್ ಈಗ ಯಶಸ್ಸಿನ ಉತ್ತುಂಗದಲ್ಲಿದ್ದಾರೆ. ಈತ ಸಿನಿಮಾ ಆಯ್ಕೆ ವಿಚಾರದಲ್ಲಿ ಪಕ್ಕಾ ಕಟ್ಟುನಿಟ್ಟಿನಿಂದ ಮುಂದುವರೆಯುತ್ತಿದ್ದಾರೆ. ಅದಿಲ್ಲದೇ ಹೋಗಿದ್ದರೆ ಯಾವುದ್ಯಾವುದೋ ಸಿನಿಮಾ ಒಪ್ಪಿಕೊಂಡು ಪ್ರಭಾಸ್‌ನಂತೆ ಹಳ್ಳ ಹಿಡಿಯಬೇಕಾಗಿ ಬರುತ್ತಿತ್ತೇನೋ. ಟಾಕ್ಸಿಕ್ ಈಗ ಪ್ಯಾನಿಂಡಿಯಾ ಮಟ್ಟದಲ್ಲಿ ಮೂಡಿಸಿರುವ ಕ್ರೇಜ್ ಸಣ್ಣ ಮಟ್ಟದ್ದೇನಲ್ಲ. ಅದರ ಬೆನ್ನಲ್ಲಿಯೇ ಬಹುನಿರೀಕ್ಷಿತ ಬಾಲಿವುಡ್ ರಾಮಾಯಣದಲ್ಲಿಯೂ ಕೂಡಾ ಯಶ್ ರಾವಣನಾಗಿ ಅಬ್ಬರಿಸಲು ಅಣಿಯಾಗಿದ್ದಾರೆ. ಯಾವತ್ತು ಪ್ಯಾನಿಂಡಿಯಾ ಏಣಿ ಹತ್ತಿದರೋ, ಆ ಕ್ಷಣದಿಂದಲೇ ದಿನದಿಂದ ದಿನಕ್ಕೆ ಒಂದಷ್ಟು ಹಂತಕ್ಕೆ ಮೇಲೇರುತ್ತಿದ್ದಾರೇ ವಿನಃ ಕೆಳಕ್ಕಿಳಿಯುವಂಥಾ ಪ್ರಮೇಯ ಬಂದಿಲ್ಲ. ಒಂದು ವೇಳೆ ಬಂದರೂ ಯಶ್‌ಗೆ ಅದನ್ನು ಸಂಭಾಳಿಸೋ ತಾಕತ್ತು ಖಂಡಿತಾ ಇದೆ. ಯಾಕೆಂದರೆ, ಆತ ಏಳು ಬೀಳುಗಳನ್ನು ಕಂಡುಂಡು ಬೆಳೆದು ಬಂದಿರುವ ನಟ.

ಹೀಗಿರುವಾಗ ಅದ್ಯಾವುದೋ ಪಾಡ್‌ಕಾಸ್ಟಿನಲ್ಲಿ ಕಳ್ಳ ಜ್ಯೋತಿಷಿ ವೇಣುಸ್ವಾಮಿ ಯಶ್ ಬಗ್ಗೆ ಹೀನಾಯವಾಗಿ, ಕಪೋಲಕಲ್ಪಿತ ಮಾತಾಡುತ್ತಾನೆಂದರೆ ಏನನ್ನಬೇಡ? ಬಹುಶಃ ಈ ಅಯೋಗ್ಯನ ಭವಿಷ್ಯವಾಣಿ ಕೇಳಿ ಬೆದರಿದ ಯಶ್ ಓಡೋಡಿ ಬಂದರೆ, ಯಾವುದೋ ಯಾಗದ ಮಂಕುಬೂದಿ ಎರಚಿ ಒಂದಷ್ಟು ಲಕ್ಷ ಪೀಕುವ ದರೋಡೆ ಮನಃಸ್ಥಿತಿ ಈತನದ್ದಿರಬಹುದು. ಯಶ್ ಬಗ್ಗೆ ಮಾತಾಡುವಾಗ ವೇಣುಸ್ವಾಮಿ ತೆಲುಗು ನಟನಾಗಿದ್ದರೆ ಮಾತಾಡುತ್ತಿರಲಿಲ್ಲ, ಕನ್ನಡದವನಾಗಿರುವುದಕ್ಕೆ ಪ್ರಸ್ತಾಪಿಸುತ್ತಿದ್ದೇನೆ ಎಂಬರ್ಥದಲ್ಲಿ ಮಾತಾಡಿದ್ದಾನೆ. ಈ ಹಿಂದೆ ಒಂದಷ್ಟು ವಿವಾದಾತ್ಮಕವಾಗಿ ಮಾತಾಡಿ ಕೇಸು ಜಡಿಸಿಕೊಂಡಿದ್ದವನು ವೇಣು ಸ್ವಾಮಿ. ಒಂದು ವೇಳೆ ತೆಲುಗು ನಟರ ಬಗ್ಗೆ ಈ ರೀತಿ ಮಾತಾಡಿದ್ದರೆ ವೇಣುಸ್ವಾಮಿಯ ಅಂಡಿಗೆ ಬಡಿಗೆ ಬೀಳುತ್ತಿತ್ತು. ಇಂಥಾ ಅಯೋಗ್ಯರನ್ನು ಈ ಸಿನಿಮಾ ಮಂದಿ ಅದ್ಯಾವ ಮೂರ್ಖತನದಿಂದ ನಂಬುತ್ತಾರೋ…

KEYWORDS: YASH, VENUSWAMY, TOLLYWOOD, SANDALWOOD, TOXIC

The post Astrologer Venuswamy Talks About Yash: ಸೆಲೆಬ್ರಿಟಿ ವಂಚಕ ವೇಣುಸ್ವಾಮಿ! appeared first on Cini Shodha.

ಧ್ರುವ್ ವಿಕ್ರಂ ನಿರೀಕ್ಷೆಗೂ ಮೀರಿ ತಮಿಳು ಚಿತ್ರರಂಗದಲ್ಲಿ ಮಿಂಚುತ್ತಿದ್ದಾನೆ. ಅದ್ಭುತ ನಟನಾಗಿರುವ ತಂದೆಯ ಗರಡಿಯಲ್ಲಿ ಪಳಗಿಕೊಂಡಿರುವ ಧ್ರುವ್ ಈಗಾಗಲೇ ಮೂರು ಸಿನಿಮಾಗಳ ಮೂಲಕ ಮುಖ್ಯ ನಟನಾಗುವತ್ತ ದಾಪುಗಾಲಿಡುತ್ತಿದ್ದಾನೆ. ಇದೀಗ ಆತನ ನಾಲಕ್ಕನೇ ಚಿತ್ರಕ್ಕಾಗಿ ತಂಡವೊಂದು ಒಗ್ಗೂಡಿದೆ. ಸದಾ ಹೊಸತನ, ಹೊಸಾ ಪಾತ್ರಗಳ ಧ್ಯಾನದಲ್ಲಿರುವವರು ವಿಕ್ರಮ್. ಖುದ್ದು ಅವರೇ ತನ್ನ ಮಗನ ಸಿನಿಮಾದ ಪ್ರತಿಯೊಂದನ್ನೂ ನಿರ್ಧರಿಸುತ್ತಿದ್ದಾರೆ. ವಿಶೆಷವೆಂದರೆ, ಯುವ ನಿರ್ದೇಶಕನೊಬ್ಬನಿಗೆ ಸಾರಥ್ಯ ವಹಿಸಿದ್ದಾರೆ. ಸಾಮಾನ್ಯವಾಗಿ ವಿಕ್ರಂ ಥರದ ನಟರು ಪಳಗಿಕೊಂಡ ನಿರ್ದೇಶಕರಿಗೆ ಮಾತ್ರವೇ ಆದ್ಯತೆ ಕೊಡುತ್ತಾರೆ. ಆದರೆ, ಈ ಸಿನಿಮಾದಲ್ಲಿ ಹೊಸಾ ಹುಡುಗ ದೀಪಕ್ ರೆಡ್ಡಿಗೆ ಸ್ವತಂತ್ರ ನಿರ್ದೇಶಕನಾಗೋ ಅವಕಾಶ ಲಭಿಸಿದೆ.

ದೀಪಕ್ ರೆಡ್ಡಿ ಈ ಹಿಂದೆ ಕಿರುಚಿತ್ರವೊಂದನ್ನು ನಿರ್ದೇಶನ ಮಾಡಿದ್ದ. ಇದರತ ಬಗ್ಗೆ ವ್ಯಾಪಕ ಮೆಚ್ಚುಗೆ ಕೇಳಿ ಬಂದಿತ್ತು.ಆ ಕಿರುಚಿತ್ರವನ್ನು ನೋಡಿ, ದೀಪಕ್‌ನ ನಿರ್ದೇಶನಾ ಕೌಶಲ್ಯವನ್ನು ಮೆಚ್ಚಿಕೊಂಡಿರೋ ವಿಕ್ರಂ ಮಗನ ನಾಲಕ್ಕನೇ ಚಿತ್ರದ ಜವಾಬ್ದಾರಿಯನ್ನು ಹೊರಿಸಿದ್ದಾರೆ. ಇದೀಗ ಈ ಚಿತ್ರದ ತಾರಾಗಣ ಮತ್ತು ತಾಂತ್ರಿಕ ವರ್ಗದ ಭರ್ತಿ ಕಾರ್ಯ ಭರದಿಂದ ಸಾಗುತ್ತಿದೆ. ಆದರೆ, ಆರಂಭದಲ್ಲಿಯೇ ನಾಯಕಿಯಾಗಿಕ ರುಕ್ಮಿಣಿ ವಸಂತ್ ನಿಕ್ಕಿಯಾಗಿದ್ದರಂತೆ. ಇತ್ತೀಚೆಗೆ ಕಥೆ ಕೇಳಿದ ರುಕ್ಮಿಣಿ ಕೂಡಾ ಖುಷಿಯಿಂದಲೇ ಒಪ್ಪಿಗೆ ಸೂಚಿಸಿದ್ದಾರೆ. ಈ ಹಿಂದೆ ಸಪ್ತಸಾಗರದಾಚೆ ಎಲ್ಲೋ ಚಿತ್ರದ ನಂತರ ವಿಜಯ್ ಸೇತುಪತಿಯ ಚಿತ್ರದಲ್ಲಿ ರುಕ್ಮಿಣಿ ನಾಯಕಿಯಾಗಿ ನಟಿಸಿದ್ದರು. ಆ ಚಿತ್ರ ನಿರೀಕ್ಷಿತ ಗೆಲುವು ಕಂಡಿರಲಿಲ್ಲ. ಇದೀಗ ಆಕೆ ಮತ್ತೊಂದು ಸಿನಿಮಾ ಮೂಲಕ ತಮಿಳು ಪ್ರೇಕ್ಷಕರನ್ನು ಮುಖಾಮುಖಿಯಾಗಲು ಸಜ್ಜಾಗಿದ್ದಾರೆ.

keywords: rukmini vasanth, toxic, rukmini upcoming project

The post Rukmini Vasanth: ಎಲ್ಲವನ್ನೂ ಆವರಿಸಿಕೊಂಡ ಟಾಕ್ಸಿಕ್ ಗರ್ಲ್! appeared first on Cini Shodha.

ರಾಯನ ಲುಕ್ ರಿವೀಲ್ ಮಾಡಿದ್ದ ಟೀಸರ್ ಬಗ್ಗೆ ಒಂದಷ್ಟು ನಕಾರಾತ್ಮಕ ವಿಮರ್ಶೆಗಳು ಕೇಳಿ ಬಂದಿದ್ದವಲ್ಲಾ? ಅದನ್ನೇ ಅಪಪ್ರಚಾರಕ್ಕೆ ಬಳಸಿಕೊಂಡಿದ್ದ ಬಾಲಿವುಡ್ ಮಂದಿ ಧುರಂಧರ್೨ ಚಿತ್ರವನ್ನು ಮುಂದಿಟ್ಟುಕೊಂಡು ಮೆರೆಯಲು ಹವಣಿಸಿದ್ದರು. ಬೇರೆ ಭಾಷೆಗಳ ಸಿನಿಮಾಗಳ ಗೆಲುವು ಕಂಡು ಬ್ಯಾಕು ಸುಟ್ಟುಕೊಂಡಿದ್ದ ಕೆಲ ಹಿಂದಿವಾಲಾಗಳಂತೂ ಧುರಂಧರ್ ಮುಂದೆ ಟಾಕ್ಸಿಕ್ ಮಣ್ಣುಮಕ್ಕುತ್ತದೆ ಎಂಬರ್ಥದಲ್ಲಿ ಟ್ರೋಲುಗಳನ್ನು ಮಾಡುತ್ತಾ ಸಂಭ್ರಮಿಸಿದ್ದರು. ಇದೀಗ ಬಿಡುಗಡೆಗೊಂಡಿರುವ ಟಾಕ್ಸಿಕ್ ಟೀಸರ್ ತನ್ನ ಕಸುವಿನಿಂದಲೇ ಅದೆಲ್ಲದಕ್ಕೂ ಸೆಡ್ಡು ಹೊಡೆದಿಕದೆ. ಕನ್ನಡದ ಭೂಮಿಕೆಯಲ್ಲಿರೋ ಟಾಕ್ಸಿಕ್ ಟೀಸರ್ ಹವಾ ಕಂಡು ಬಾಲಿವುಡ್ ಮಂದಿ ಅಕ್ಷರಶಃ ಕಂಗಾಲೆದ್ದಿದ್ದಾರೆ. ಅಂಥಾ ಉರಿ ಸಾಮಾಜಿಕ ಜಾಲತಾಣದ ಅಲ್ಲಲ್ಲಿ ಧಗಧಗಿಸುತ್ತಿದೆ.

Toxic Movie Controvercy: ತತ್ತರಿಸಿದ ಹಿಂದಿವಾಲಾಗಳ ಟಾಕ್ಸಿಕ್ ವಾರ್!

ಆದರೆ, ಕನ್ನಡದ ಯಶ್ ನಟಿಸಿರೋ ಈ ಸಿನಿಮಾ ಟೀಸರ್ ಮೂಲಕ ಸೃಷ್ಟಿಸಿರುವ ಕ್ರೇಜ್ ಕನ್ನಡ ಸಿನಿಮಾ ರಂಗದ ಘನತೆ ಗೌರವರಗಳನ್ನು ಮತ್ತಷ್ಟು ಹೆಚ್ಚಿಸಿರೋದು ಸುಳ್ಳಲ್ಲ. ಅಬ್ಬರದ ದೃಷ್ಯಗಳಿಗೆನ ಒತ್ತು ಕೊಡೋ ಭರದಲ್ಲಿ ಕಥಾ ಹಂದರದತ್ತ ಕೌತುಕ ಮೂಡಿಸುವುದರತ್ತ ನಿರ್ದೇಶಕಿ ಗಮನ ಹರಿಸಿಲ್ಲ ಎಂಬ ಮಾತುಗಳೂ ಕೇಳಿ ಬರುತ್ತಿವೆ. ಇದೂ ಕೂಡಾ ಭಾಷೆಯ ನೆಲೆಯಲ್ಲಿನ ಅಸಮಧಾನದ ಫಲವೆಂಬಂತೆಯೇ ಕಾಣಿಸುತ್ತಿದೆ. ಇದೆಲ್ಲದರಾಚೆಗೆ ಅತ್ಯಂತ ಕಡಿಮೆ ಅವಧಿಯಲ್ಲಿಯೇ ಈ ಟೀಸರ್‌ನ ವೀಕ್ಷಣೆಗಳು ಜ್ವರದೋಪಾದಿಯಲ್ಲಿ ಏರಿಕೊಳ್ಳುತ್ತಿದೆ. ಧುರಂಧರ್೨ ಮೂಲಕ ಟಾಕ್ಸಿಕ್ ಅನ್ನು ಮಣಿಸಿ, ಮತ್ತೆ ಭಾರತೀಯ ಸಿನಿಮಾ ರಂಗದ ಮೇಲೆ ಅಧಿಪತ್ಯ ಸಾಧಿಸುವ ಬಾಲಿವುಡ್ ಮಂದಿಯ ಕನಸಿಗೂ ಈ ಟೀಸರ್ ತಣ್ಣೀರೆರಚಿದೆ. ಟಾಕ್ಸಿಕ್ ಅಬ್ಬರದ ನಡುವೆ ಧುರಂಧರ ಮಾಯವಾಗಿ ಬಿಡುವ ಗಾಢ ಭಯವೊಂದು ಬಾಲಿವುಡ್ಡನ್ನು ಆವರಿಸಿಕೊಂಡಿದೆ. ಇದಕ್ಕಿಂತ ದೊಡ್ಡ ಗೆಲುವು ಮತ್ಯಾವುದಿರಲು ಸಾಧ್ಯ?

keywords: toxic, yash, toxic teaser, bollywood, sandalwood

The post Toxic Teaser: ಬಾಲಿವುಡ್ ಮಂದಿಗೆ ಶುರುವಾಯ್ತು ಢವಢವ! appeared first on Cini Shodha.

ಹಾಲಿವುಡ್ ಗುಣಮಟ್ಟದಿಂದ ಕೂಡಿರುವ ಈ ಟೀಸರ್‌ನಲ್ಲಿ ರಾಕಿಂಗ್ ಸ್ಟಾರ್ ಯಶ್ ಎಂಟ್ರಿ ಕಂಡು ಪ್ರೇಕ್ಷಕರು ಅವಾಕ್ಕಾಗಿದ್ದಾರೆ. ಈ ಹಿಂದೆ ಯಶ್ ಅವರದ್ದೊಂದು ಅವತಾರದ ಕ್ಲೂ ಕಡಲಾಗಿತ್ತು. ಈ ಟೀಸರ್‌ನಲ್ಲಿ ಅದರ ಮುಂದುವರೆದ ಭಾಗದಂತೆ ರಾಕಿ ಭಾಯ್ ಪಕ್ಕಾ ರಸಿಕನ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ದೃಷ್ಯಗಳನ್ನು ರೋಮಾಂಚನಕಾರಿಯಾಗಿ ಕಟ್ಟಿ ಕೊಡುವ ಮೂಲಕ ನಿರ್ದೇಶಕಿ ಗೀತು ಮೋಹನ್ ದಾಸ್ ಕೂಡಾ ಅಚ್ಚರಿ ಮೂಡಿಸಿದ್ದಾರೆ. ಈ ಮೂಲಕ ಮಹಿಳಾ ನಿರ್ದೇಶಕಿಯೋರ್ವರು ಮನಸು ಮಾಡಿದರೆ ಅದ್ಭುತವನ್ನೇ ಸೃಷ್ಟಿಸಬಹುದೆಂಬುದನ್ನು ಗೀತು ಕಾರ್ಯ ರೂಪದಲ್ಲಿಯೇ ತೋರಿಸಿ ಕೊಟ್ಟಿದ್ದಾರೆ.

ರಾಕಿ ಭಾಯ್ ಈ ಟೀಸರ್‌ನಲ್ಲಿ ಕೆಜಿಎಫ್ ಸರಣಿಯ ಕತ್ತಲ ಛಾಯೆಯಿಂದ ಕಳಚಿಕೊಂಡು, ಬೇರೊಂದು ಬಗೆಯ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಮೂಲಕ ಅಭಿಮಾನಿಗಳನ್ನು ಮಾತ್ರವಲ್ಲ; ಚೆಂದದ ಸಿನಿಮಾಗಳಿಗಾಗಿ ಸದಾ ಕಾದು ಕೂರುವ ಜಗತ್ತಿನ ಅಷ್ಟೂ ಸಿನಿಮಾ ಪ್ರೇಮಿಗಳನ್ನು ಯಶ್ ಸೆಳೆದಿದ್ದಾರೆ. ಒಂದು ಕಾಲದಲ್ಲಿ ಕನ್ನಡದ ಸೀಮಿತ ಪರಿಧಿಯಾಚೆಗೆ ಕೈ ಚಾಚಿ, ಪ್ಯಾನಿಂಡಿಯಾ ಸ್ಟಾರ್ ಆಗಿದ್ದವರು ಯಶ್. ಆ ಪಥದಲ್ಲಿ ಸರಣಿ ಗೆಲುವಿನ ಮೈಲಿಗಲ್ಲು ನೆಟ್ಟ ಬಳಿಕ ಅವರೀಗ ಪ್ಯಾನಿಂಡಿಯಾ ಪ್ರಭೆಯಾಚೆಗೂ ಕೈಚಾಚಿದ್ದಾರೆ. ಈ ಟೀಸರಿನಲ್ಲಿರು ಕ್ವಾಲಿಟಿ, ಬಿಗುವು ಒಂದಿಡೀ ಸಿನಿಮಾದಲ್ಲಿದ್ದರೆ ಯಶ್ ವಿಶ್ವ ಮಟ್ಟದಲ್ಲಿ ಎಲ್ಲ ನಟರನ್ನೂ ಹಿಂದಿಕ್ಕಿ ಮೆರೆಯೋದು ನಿಕ್ಕಿ!

keywords: toxic, teaser, yash, geethu mohan das, bollywood, sandalwood, mollywood

The post Toxic Teaser Review: ಪ್ಯಾನಿಂಡಿಯಾ ಪ್ರಭೆಯಾಚೆ ಕೈಚಾಚಿದ ಯಶ್! appeared first on Cini Shodha.

ರೆಟ್ರೋ ಶೈಲಿಯ ಟಾಕ್ಸಿಕ್ ಚಿತ್ರ ಅತ್ಯಂತ ಅದ್ದೂರಿಯಾಗಿ ನಿರ್ಮಾಣಗೊಳ್ಳುತ್ತಿದೆ. ಈಗಾಗಲೇ ಪ್ಯಾನಿಂಡಿಯಾ ಮಟ್ಟದ ಘಟಾನುಘಟಿ ಕಲಾವಿದರು ಈ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಕಿಯಾರಾ ಅಡ್ವಾಣಿ ನಾಯಕಿಯಾಗಿ ನಟಿಸುತ್ತಿದ್ದರೆ, ಹುಮಾ ಖುರೇಶಿ ಕೂಡಾ ಪ್ರಧಾನ ಪಾತ್ರವೊಂದಕ್ಕೆ ಬಣ್ಣ ಹಚ್ಚುತ್ತಿದ್ದಾರೆ. ಇದೇ ಹೊತ್ತಿನಲ್ಲಿ ಮತ್ತೊಂದು ಮಹತ್ವದ ಪಾತ್ರಕ್ಕೆ ನಿರ್ದೇಶಕಿ ಗೀತು ಮೋಹನ್ ದಾಸ್ ಹುಡುಕಾಟ ನಟೆಸುತ್ತಿದ್ದರು. ಕಡಸೆಗೂ ರಾಕಿ ಭಾಯ್ ಕನ್ನಡದ ಹುಡುಗಿ ರುಕ್ಮಿಣಿ ವಸಂತ್‌ರನ್ನೇ ಆಯ್ಕೆ ಮಾಡಿಕೊಂಡಿದ್ದಾರೆ. ರುಕ್ಮಿಣಿ ಯಾವ ಥರದ ಪಾತ್ರದಲ್ಲಿ ನಟಿಸಲಿದ್ದಾರೆಂಬುದೂ ಸೇರಿದಂತೆ ಎಲ್ಲ ಪ್ರಶ್ನೆಗಳಿಗೂ ಇಷ್ಟರಲ್ಲಿಯೇ ಉತ್ತರ ಸಿಗಲಿದೆ.

ರುಕ್ಮಿಣಿ ವಸಂತ್ ಪಾಲಿಗೆ ಟಾಕ್ಸಿಕ್ ಮೂಲಕ ಎರಡನೇ ಪ್ಯಾನಿಂಡಿಯಾ ಚಿತ್ರದಲ್ಲಿ ಅವಕಾಶ ಸಿಕ್ಕಂತಾಗಿದೆ. ಈಗಾಗಲೇ ಕಾಂತಾರ ಅಧ್ಯಾಯ ಒಂದರಲ್ಲಿಯೂ ರುಕ್ಮಿಣಿ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಕಾಂತಾರಾ ಅಂತೂ ಪ್ಯಾನಿಂಡಿಯಾ ಮಟ್ಟದಲ್ಲಿ ಹವಾ ಸೃಷ್ಟಿ ಮಾಡೋದು ಪಕ್ಕಾ. ಅದರ ಬೆನ್ನಲ್ಲಿಯೇ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಟಾಕ್ಸಿಕ್ ಕೂಡಾ ದೊಡ್ಡ ಮಟ್ಟದಲ್ಲಿಯೇ ಗೆಲ್ಲುವ ಲಕ್ಷಣಗಳಿದ್ದಾವೆ. ಈ ಎಲ್ಲವನ್ನೂ ನೋಡಿದರೆ ರುಕ್ಮಿಣಿ ವಸಂತ್ ನಿಸ್ಸಂದೇಹವಾಗಿಯೂ ಪ್ಯಾನಿಂಡಿಯಾ ಮಟ್ಟದಲ್ಲಿ ನಾಯಕಿಯಾಗಿ ಮಿಂಚಲಿದ್ದಾರೆ. ಹಾಗಂತ ಸಿನಿಮಾ ಪ್ರೇಮಿಗಳೇ ಅಭಿಪ್ರಾಯ ಪಡುತ್ತಿದ್ದಾರೆ.

The post rukmini vasanth: ಟಾಕ್ಸಿಕ್‌ನಲ್ಲಿ ರುಕ್ಮಿಣಿಯದ್ದು ಎಂಥಾ ಪಾತ್ರ? appeared first on Cini Shodha.

ಹಾಗೊಂದು ದಾರುಣ ಅಂತ್ಯ ಕಂಡವರು ಬಿಡುಗಡೆಯ ಹೊಸ್ತಿಲಲ್ಲಿದ್ದ `ಡ್ಯಾಡ್’ ಚಿತ್ರದ ನಿರ್ದೇಶಕ ಅರ್ಜುನ್ ಕೃಷ್ಣ. ರಾಕಿಂಗ್ ಸ್ಟಾರ್ ಯಶ್ ಅವರ ಬಾಲ್ಯ ಸ್ನೇಹಿತರಾಗಿದ್ದ ಅರ್ಜುನ್ ಸಾಗರ್ ಕೃಷ್ಣ. ಆಪ್ತ ವಲಯದಲ್ಲಿ ಅರ್ಜುನ್ ಕೃಷ್ಣ ಅಂತಲೇ ಪರಿಚಿತರಾಗಿದ್ದ ಅವರದ್ದು ಅಪ್ಪಟ ಸ್ನೇಹಶೀಲ ಸ್ವಭಾವ. ಈವತ್ತಿಗೆ ಅವರ ಹಠಾತ್ ನಿರ್ಗಮನದ ನೋವು ಸ್ನೇಹ ವಲಯ, ಡ್ಯಾಡ್ ಸಿನಿಮಾ ತಂಡವನ್ನು ತೀವ್ರವಾಗಿ ಕಾಡುತ್ತಿರೋದಕ್ಕೆ ಪ್ರಧಾನ ಕಾರಣ ಅವರು ಸಾಗಿ ಬಂದ ದಾರಿ. ಆ ಯಾನದಲ್ಲಿ ಅನೇಕ ಸವಾಲುಗಳನ್ನು ಎದುರಿಸಿದ್ದ ಪರಿ ಮತ್ತು ಆಸುಪಾಸು ಸುಳಿವವರನ್ನೆಲ್ಲ ಬರಸೆಳೆದುಕೊಂಡು ಪ್ರೀತಿ ತೋರಿಸುತ್ತಿದ್ದ ನಿಸ್ಪೃಹ ವ್ಯಕ್ತಿತ್ವ. ಇಂಥಾ ಅರ್ಜುನ್ ಕೃಷ್ಣ ಅದೆಂಥಾ ಸಿನಿಮಾ ವ್ಯಾಮೋಹಿ ಎಂಬ ವಿಚಾರ ಯಶ್ ಸೇರಿದಂತೆ, ಹತ್ತಿರವಿದ್ದ ಎಲ್ಲರಿಗೂ ಗೊತ್ತಿದ್ದ ವಿಚಾರ. ಇನ್ನೇನು ಬಿಡುಗಡೆಗೆ ಸಜ್ಜಾಗಿದ್ದ ಡ್ಯಾಡ್ ಚಿತ್ರಕ್ಕಾಗಿ ಅವರು ಪಟ್ಟಿದ್ದ ಶ್ರಮ ಇದೆಯಲ್ಲಾ? ಅದನ್ನು ಯಾರೆಂದರೆ ಯಾರೂ ಊಹಿಸಲು ಸಾಧ್ಯವಿಲ್ಲ. ಇನ್ನೇನು ತನ್ನ ಕನಸೊಂದು ಸಾಕಾರಗೊಳ್ಳುವ ಖುಷಿಯಲ್ಲಿದ್ದ ಅರ್ಜುನ್ ಕೃಷ್ಣ ಡ್ಯಾಡ್ ಚಿತ್ರದ ಫಸ್ಟ್ ಪ್ರಿಂಟ್ ನೋಡುವ ಭಾಗ್ಯವೂ ಇಲ್ಲದಂತೆ ಎದ್ದು ನಡೆದಿದ್ದಾರೆ.

ಯಶ್ ಅವರ ಬಾಲ್ಯ ಸ್ನೇಹಿತ ಅರ್ಜುನ್ ಕೃಷ್ಣ ನಿರ್ದೇಶಕನಾಗುವುದಕ್ಕೇ ಬದುಕಿದ್ದಂತೆ ಭಾಸವಾಗುವಂಥಾ ಕನಸು ಹೊಂದಿದ್ದವರು. ಅದಕ್ಕೊಪ್ಪುವ ಪ್ರತಿಭೆ, ಪರಿಶ್ರಮ ಹೊಂದಿದ್ದ ಅವರ ಪಾಲಿಗೆ ಡ್ಯಾಡ್ (ದೇವರಾಜ್ ಅಲಿಯಾಸ್ ಡೇವಿಡ್) ಚಿತ್ರ ಜೀವಮಾನದ ಕನಸಾಗಿತ್ತು. ಅದಕ್ಕಾಗಿ ಬದುಕನ್ನೇ ಮುಡಿಪಾಗಿಟ್ಟಂತಿದ್ದ ಅರ್ಜುನ್ ಪಾಲಿಗೆ ಕಾಲವೆಂಬುದು ಕೊರೋನಾ ಸೇರಿದಂತೆ ನಾನಾ ರೂಪಗಳಲ್ಲಿ ಆಘಾತ ಕೊಟ್ಟಿತ್ತು. ಅದೆಲ್ಲವನ್ನೂ ಎದುರಿಕೊಂಡು ಬಂದಿದ್ದ ಅರ್ಜುನ್ ಕೃಷ್ಣ ಈ ವರ್ಷದ ಜನವರಿ ತಿಂಗಳಲ್ಲಿ ಡಿಐ ಮುಗಿಸಿಕೊಂಡು ಬಿಡುಗಡೆಗೆ ತಯಾರಾಗುವ ಖುಷಿಯಲ್ಲಿದ್ದರು. ಇದೇ ಹೊತ್ತಿನಲ್ಲಿ ಅವರಿಗೆ ಸಣ್ಣ ಸ್ವರೂಪದಲ್ಲಿ ಅನಾರೋಗ್ಯ ಸಮಸ್ಯೆ ಕಾಣಿಸಿಕೊಂಡಿತ್ತು. ಗಾಲ್ ಬ್ಲಾಡರ್ ಸ್ಟೋನ್ ಸಮಸ್ಯೆ ಅವರಲ್ಲಿ ಕಾಣಿಸಿಕೊಂಡಿತ್ತು. ಆ ಹೊತ್ತಿಗೆಲ್ಲ ಸಿನಿಮಾ ಕೆಲಸ ಕಾರ್ಯಗಳಲ್ಲಿ ಮುಳುಗಿ ಹೋಗಿದ್ದ ಅರ್ಜುನ್ ಕೃಷ್ಣ ಆಯುರ್ವೇದ ಔಷಧಿಯ ಮೊರೆ ಹೋಗಿದ್ದರು. ಸ್ವಲ್ಪ ದಿನಗಳ ಕಾಲ ಔಷದೋಪಚಾರ ಆದ ನಂತರ ಚೇತರಿಸಿಕೊಂಡು ಮತ್ತೆ ಸಿನಿಮಾ ಕೆಲಗಳಲ್ಲಿ ಬ್ಯುಸಿಯಾಗಿದ್ದರು.

ಇದಾದ ನಂತರ ಅವರಿಗೆ ಮತ್ತೊಂದು ಸುತ್ತಿನ ಆಘಾತ ಕಾಡಿದ್ದ ಇದೇ ಫೆಬ್ರವರಿ ತಿಂಗಳಿನಲ್ಲಿ. ಮತ್ತೆ ಹೊಟ್ಟೆ ನೋವು ಕಾಣಿಸಿಕೊಂಡಿದ್ದರಿಂದಾಗಿ ಆಸ್ಪತ್ರೆಗೆ ತೆರಳಿದಾಗ ಗಾಲ್ ಬ್ಲಾಡರ್ ಸ್ಟೋನ್ ಸಮಸ್ಯೆ ಉಲ್ಬಣಿಸಿ, ಅದರ ಸೋಂಕು ಫ್ಯಾಂಕ್ರಿಯಾಸ್ ಗೂ ಹಬ್ಬಿಕೊಂಡಿದೆ ಎಂಬ ಆಘಾತಕಾರಿ ವಿಚಾರವನ್ನು ವೈದ್ಯರು ಹೇಳಿದ್ದರು. ಅಷ್ಟಾಗುತ್ತಲೇ ಅರ್ಜುನ್ ಕೃಷ್ಣ ವಿಕ್ಟೋರಿಯಾ ಆಸ್ಪತ್ರೆಗೆ ದಾಖಲಾಗಿದ್ದರು. ಈ ವಿಚಾರ ತಿಳಿದ ಡ್ಯಾಡ್ ಚಿತ್ರತಂಡಕ್ಕೆ ಬೇಸರವಾದರೂ ಕೂಡಾ ಯಾವ ಕೆಡುಕಿನ ಸೂಚನೆಯೂ ಇರಲಿಲ್ಲ. ಯಾಕೆಂದರೆ, ಕಿಡ್ನಿ ಸ್ಟೋನು ಮತ್ತು ಅದರ ಚಿಕಿತ್ಸೆ ಈವಾಗಂತೂ ಮಾಮೂಲು. ಇಂಥಾ ಸಮಸ್ಯೆಯಿಂದ ಆಸ್ಪತ್ರೆಗೆ ದಾಖಲಾಗಿರುವ ಅರ್ಜುನ್ ಕೃಷ್ಣ ಬೇಗನೆ ಮರಳುತ್ತಾರೆಂಬ ನಿರೀಕ್ಷೆ ಚಿತ್ರತಂಡದ್ದಾಗಿತ್ತು. ಅವರ ಮನೆಮಂದಿ ಮತ್ತು ಸ್ನೇಹಿತರೂ ಕೂಡಾ ಹಾಗೆಯೇ ಅಂದುಕೊಂಡಿದ್ದರು.

ಅರ್ಜುನ್ ಕೃಷ್ಣ ಹುಷಾರಾಗಿ ಬರೋದರೊಳಗೆ ಉಳಿಕೆ ಕಾರ್ಯ ಮುಗಿಸಬೇಕೆಂಬ ಇರಾದೆಯಿಂದ ಚಿತ್ರತಂಡ ಕೆಲಸ ಮಾಡುತ್ತಿತ್ತು. ಆದರೆ, ಶಿವರಾತ್ರಿಯ ಮುಂಚಿನ ದಿನ ಅಂದರೆ, ಫೆಬ್ರವರಿ ೨೫ರಂದು ನಿಂತಲ್ಲಿಯೇ ಕುಸಿದು ಹೋಗುವಂತೆ ಅರ್ಜುನ್ ಇನ್ನಿಲ್ಲವೆಂಬ ಸುದ್ದಿ ಬಂದೆರಗಿತ್ತು. ಗಾಲ್ ಬ್ಲಾಡರಿನಿಂದ ಫ್ಯಾಂಕ್ರಿಯಾಸ್ ಗೆ ಹಬ್ಬಿಕೊಂಡಿದ್ದ ಸೋಂಕು ತೀವ್ರ ಸ್ವರೂಪ ಪಡೆದ ಪರಿಣಾಮವಾಗಿ, ಕಾರ್ಡಿಯಾಕ್ ಅರೆಸ್ಟ್ ಸಂಭವಿಸಿ ಅರ್ಜುನ್ ಉಸಿರು ನಿಲ್ಲಿಸಿದ್ದಾರೆಂದು ವೈದ್ಯರು ಸಮಜಾಯಿಶಿ ಕೊಟ್ಟಿದ್ದರು. ಅಲ್ಲಿಗೆ ಅಪ್ಪಟ ಸಿನಿಮಾ ವ್ಯಾಮೋಹಿಯ ಬದುಕು ಅರ್ಧ ಹಾದಿಯಲ್ಲಿಯೇ ಮುಕ್ತಾಯವಾದಂತಾಗಿತ್ತು. ಮೈಸೂರು ಭಾಗವೂ ಸೇರಿದಂತೆ ಎಲ್ಲೆಡೆ ಹಬ್ಬಿಕೊಂಡಿದ್ದ ಸ್ನೇಹಿತರು, ನಮ್ ಸಿನಿಮಾ ಖ್ಯಾತಿಯ ಶಿವರಾಜ್ ಕುಮಾರ್ ಸೇರಿದಂತೆ ಡ್ಯಾಡ್ ಚಿತ್ರತಂಡ, ಅರ್ಜುನ್ ಕೃಷ್ಣರನ್ನೇ ಜಗತ್ತೆಂದುಕೊಂಡಿದ್ದ ಅಮ್ಮ, ಅಣ್ಣ, ಮಡದಿ ಮತ್ತು ಪುಟ್ಟ ಕಂದನ ಆಘಾತವನ್ನು ಪದಗಳಲ್ಲಿ ಹಿಡಿದಿಡಲು ಸಾಧ್ಯವಿಲ್ಲ. ಈ ಕ್ಷಣಕ್ಕೂ ಯಶ್ ಸೇರಿದಂತೆ ಸ್ನೇಹ ವಲಯದಲ್ಯಾರಿಗೂ ಸ್ನೇಹಜೀವಿ ಅರ್ಜುನ್ ಕೃಷ್ಣ ಇನ್ನಿಲ್ಲವೆಂಬ ಸತ್ಯವನ್ನು ಅರಗಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ.

ಹೀಗೆ ಒಂದು ಸಣ್ಣ ಅನಾರೋಗ್ಯ ಸಮಸ್ಯೆ ಉಲ್ಬಣಿಸಿ, ಅದಕ್ಕೆ ಬಲಿಯಾಗಿರುವ ಅರ್ಜುನ್ ಕೃಷ್ಣರಿಗೆ ಈಗಿನ್ನೂ ಮೂವತ್ತೊಂಬತ್ತು ವರ್ಷವಾಗಿತ್ತಷ್ಟೆ. ಅವರೊಳಗೆ ಬೆಟ್ಟದಷ್ಟು ಸಿನಿಮಾ ಸಂಬಂಧಿತವಾದ ಕನಸಿತ್ತು. ತನ್ನವರನ್ನೆಲ್ಲ ಬರಸೆಳೆದು ಅಪ್ಪಿಕೊಳ್ಳುತ್ತಲೇ ಉಸಿರಾಡುವಂಥಾ ಅಪ್ಪಟ ಪ್ರಿತಿಯ ಒರತೆಯೂ ಅವರೊಳಗಿತ್ತು. ದುರಂತವೆಂದರೆ, ಅಂಥಾ ಜೀವ ತನ್ನ ಕನಸಿನಂಥಾ ಮೊದಲ ಸಿನಿಮಾ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗೋದನ್ನು ನೋಡುವ ಅವಕಾಶವನ್ನೂ ಕೊಡದ ಕ್ರೂರ ವಿಧಿ ಜೀವವನ್ನೇ ಕಿತ್ತುಕೊಂಡು ಬಿಟ್ಟಿದೆ. ಹೀಗೆ ಅಕಾಲಿಕವಾಗಿ ನಿರ್ಗಮಿಸಿರುವ ಅರ್ಜುನ್ ಕೃಷ್ಣ ರಾಕಿಂಗ್ ಸ್ಟಾರ್ ಯಶ್ ಅವರ ಕುಚಿಕ್ಕೂ ಗೆಳೆಯ. ಅವರಿಬ್ಬರ ಸ್ನೇಹ ಪ್ರಾಥಮಿಕ ಶಾಲಾ ಹಂತದಿಂದಲೇ ಕುದುರಿಕೊಂಡಿತ್ತು. ಈವತ್ತಿಗೂ ಯಶ್ ಮೈಸೂರು ಭಾಗದಲ್ಲಿ ಒಂದು ಸಣ್ಣ ಸ್ನೇಹವಲಯವನ್ನು ಕಾಪಿಟ್ಟುಕೊಂಡು ಬಂದಿದ್ದಾರೆ. ಆ ತಂಡದ ಭಾಗವಾಗಿದ್ದವರು ಅರ್ಜುನ್ ಕೃಷ್ಣ.

ಹಾಗೆ ಶಾಲಾ ದಿನಗಳಲ್ಲಿ ಜೊತೆಯಾಗಿದ್ದ ಯಶ್ ಸ್ಟಾರ್ ನಟನಾಗೋ ಕನಸು ಕಂಡರೆ, ಅರ್ಜುನ್ ಕೃಷ್ಣ ನಿರ್ದೇಶಕನಾಗುವ ಕನಸು ಕಟ್ಟಿಕೊಂಡಿದ್ದರು. ಬಳಿಕ ಬಹುದೂರ ಒಟ್ಟೊಟ್ಟಿಗೇ ಸಾಗಿ ಬಂದು, ಯಶ್ ಗಮ್ಯದತ್ತ ದಾಪುಗಾಲಿಟ್ಟಿದ್ದರು. ಹಂತ ತಂಹವಾಗಿ ಗೆಲುವು ಕಾಣುತ್ತಾ ಸಾಗಿದ್ದರು. ಮಿಸ್ಟರ್ ಆಂಡ್ ಮಿಸಸ್ ರಾಮಾಚಾರಿ, ರಾಜಾ ಹುಲಿಯಂಥಾ ಅನೇಕ ಚಿತ್ರಗಳಲ್ಲಿ ಯಶ್ ಅವರಿಗೆ ಅರ್ಜುನ್ ಸಾಥ್ ಕೊಟ್ಟಿದ್ದರು. ಹೀಗೆ ಗೆಳೆಯ ಗೆಲ್ಲುತ್ತಲೇ ತನ್ನ ಗುರಿಯ ಬೆಂಬಿದ್ದಿದ್ದ ಅರ್ಜುನ್ ಸ್ವತಂತ್ರ ನಿರ್ದೇಶಕನಾಗುವತ್ತ ಗಂಭೀರ ಪ್ರಯತ್ನ ನಡೆಸಿದ್ದರು. ೨೦೧೨ರ ಸುಮಾರಿಗೆಲ್ಲ ಮೊದಲ ಹೆಜ್ಜೆಯೆಂಬಂತೆ ಅರ್ಜುನ್ ಅಹಂ ಅಂತೊಂದು ಕಿರುಚಿತ್ರ ನಿರ್ದೇಶನ ಮಾಡಿದ್ದರು. ಅದನ್ನು ಖುದ್ದಾಗಿ ಯಶ್ ಬಿಡುಗಡೆಗೊಳಿಸಿ ಸಾಥ್ ಕೊಟ್ಟಿದ್ದರು. ಆ ಕಿರುಚಿತ್ರ ಅರ್ಜುನ್ ಅವರೊಳಗಿದ್ದ ನಿರ್ದೇಶನದ ಕಸುವಿಗೆ ಕನ್ನಡಿಯಾದಂತಿತ್ತು.

ಅದನ್ನು ಕಂಡ ಯಾರಿಗೇ ಆದರೂ ಈತ ಗಟ್ಟಿ ಪ್ರತಿಭೆ ಹೊಂದಿದ್ದಾನೆಂಬ ವಿಚಾರ ಸ್ಪಷ್ಟವಾಗಿಯೇ ಮನದಟ್ಟಾಗುತ್ತಿತ್ತು. ಅದು ಕನಸಿನ ಹಾದಿಯಲ್ಲಿ ಅರ್ಜುನ್ ಕೃಷ್ಣ ಅವರಿಗೆ ಸಿಕ್ಕಿದ್ದ ಮೊದಲ ಗೆಲುವು. ಆ ನಂತರ ಈಗ್ಗೆ ಒಂದಷ್ಟು ವರ್ಷಗಳ ಹಿಂದೆ ಅಚ್ಚುಕಟ್ಟಾದೊಂದು ತಂಡ ಕಟ್ಟಿದ್ದ ಅರ್ಜುನ್ ಕೃಷ್ಣ ಆ ನಂತರ ಅನೇಕ ಸವಾಲುಗಳಿಗೆ ಎದೆಕೊಡುವಂತಾಗಿತ್ತು. ನಡುವಲ್ಲಿ ಕೊರೋನಾ ಬಂದು ಎರಡು ವರ್ಷ ಏನೂ ಮಾಡಲಾಗದ ಸ್ಥಿತಿ ನಿರ್ಮಾಣಗೊಂಡಿತ್ತು. ಇಂಥಾ ಘಳಿಗೆಯಲ್ಲಿ ಮನೆಯೊಂದನ್ನು ಮಾರಿ, ಕೈ ಸಾಲ ಪಡೆದು ಚಿತ್ರತಂಡವನ್ನು ಸಂಭಾಳಿಸಿದ್ದ ಸ್ನೇಹಜೀವಿ ಅರ್ಜುನ್ ಕೃಷ್ಣ. ಸಾಮಾನ್ಯವಾಗಿ, ಸಿನಿಮಾ ರಂಗದಲ್ಲಿ ದುಡಿಸಿಕೊಂಡು ಕೈಯೆತ್ತುವವರ ಸಂಖ್ಯೆ ಹೆಚ್ಚಿದೆ. ಆದರೆ ಸಾಲಸೋಲ ಮಾಡಿಯಾದರೂ ತನ್ನನ್ನು ನಂಬಿ ಬಂದ ತಂಡಕ್ಕೆ ಆವತ್ತಿನ ಸಂಭಾವನೆಯನ್ನು ಅಂದಂದೇ ನೀಡುವ ಮೂಲಕವೂ ಅರ್ಜುನ್ ಮಾದರಿಯಾಗಿದ್ದರು. ಈ ಸಿನಿಮಾ ನಾಯಕ ಹೊಸಾ ಹುಡುಗ. ಆರಂಭದಿಂದ ಇಲ್ಲಿಯವರೆಗೂ ಆತನನ್ನು ಜೊತೆಗಿಟ್ಟುಕೊಂಡು ಅಕ್ಷರಶಃ ಸಾಕಿದ್ದ ಅಪ್ಪಟ ತಾಯ್ತನ ಅರ್ಜುನ್ ಅವರದ್ದು.

ಓರ್ವ ವ್ಯಕ್ತಿ ಹೀಗೆ ಏಕಾಏಕಿ ಮರೆಯಾದಾಗ ಆ ನಿರ್ವಾತ ಸ್ಥಿತಿ ತೀವ್ರವಾಗಿ ಕಾಡೋದು ಆತನ ಸಾಧನೆಯಿಂದಲ್ಲ; ವ್ಯಕ್ತಿತ್ವದಿಂದ. ಓರ್ವ ವ್ಯಕ್ತಿಯಾಗಿ ಅರ್ಜುನ್ ತಟವಟಗಳಿಲ್ಲದ ವ್ಯಕ್ತಿತ್ವ ಹೊಂದಿದ್ದವರು. ಯಾರೇ ಬಂದು ಅರೆಘಳಿಗೆ ಮಾತಾಡಿದರೂ ಅವರು ಅರ್ಜುನ್ ಸ್ನೇಹ ವಲಯಕ್ಕೆ ಸೇರಿಕೊಳ್ಳುತ್ತಿದ್ದರು. ಈ ಕಾರಣದಿಂದಲೇ ಅವರ ಸ್ನೇಹ ವಲಯ ದೊಡ್ಡದಿತ್ತು. ಇನ್ನು ಓರ್ವ ನಿರ್ದೇಶಕನಾಗಿ ತಂಡವನ್ನು ಸಂಭಾಳಿಸೋದರಲ್ಲಿಯೂ ಅರ್ಜುನ್ ಭಿನ್ನವಾಗಿ ನಿಲ್ಲುತ್ತಾರೆ. ಅವರೆಂದೂ ನಿರ್ದೇಶಕನೆಂಬ ಅಹಮ್ಮಿಕೆ ಪ್ರದರ್ಶಿಸಿದವರಲ್ಲ. ಯಾರನ್ನೋ ಹತ್ತಿಕ್ಕಿ ತಾನು ಏಣಿ ಹತ್ತುವ ಜಾಯಮಾನವೂ ಅವರದ್ದಲ್ಲ. ತನ್ನನ್ನು ನಂಬಿ ಬಂದವರೆಲ್ಲ ಬಂಧುಗಳೆಂಬ ಆ ಆಪ್ತ ಜೀವದ ಅಗಲಿಕೆ ಶಿವರಾಜ್ ಕುಮಾರ್ ಸೇರಿದಂತೆ ಒಂದಿಡೀ ಚಿತ್ರತಂಡವನ್ನು ತೀವ್ರವಾಗಿ ಕಾಡುತ್ತಿದೆ. ಅದು ಸಲೀಸಾಗಿ ಮಾಸಬಹುದಾದ ದುಃಖವಂತೂ ಅಲ್ಲ.

ಇಂಥಾ ಸ್ನೇಹಶೀಲ ವ್ಯಕ್ತಿತ್ವದ ಅರ್ಜುನ್ ಕೃಷ್ಣ ಅಂದರೆ ಯಶ್ ಅವರಿಗೂ ಅತೀವ ಪ್ರೀತಿಯಿತ್ತು. ಅರ್ಜುನ್ ವಿಕ್ಟೋರಿಯಾ ಆಸ್ಪತ್ರೆಗೆ ವದಾಖಲಾದ ಘಳಿಗೆಯಲ್ಲವರೆ ಟಾಕ್ಸಿಕ್ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದರು. ಆದರೂ ದಿನಕ್ಕೊಂದಷ್ಟು ಸಲ ಕರೆ ಮಾಡಿ ಧೈರ್ಯ ತುಂಬುತ್ತಿದ್ದರು. ಹುಷಾರಾಗಿ ಬಂದ ನಂತರ ಡ್ಯಾಡ್ ಚಿತ್ರದ ಬಿಡುಗಡೆಗೆ ಪಕ್ಕಾ ಪ್ಲಾನು ಮಾಡೋಣ ಅಂತೆಲ್ಲ ಉತ್ಸಾಹ ತುಂಬುತ್ತಿದ್ದರು. ಅರ್ಜುನ್ ಆಪ್ತ ಬಳಗವೂ ಅದೇ ರೀತಿ ಸಾಥ್ ಕೊಟ್ಟಿತ್ತು. ಆದರೆ, ಯಾವ ಹರಕೆ ಹಾರೈಕೆಗಳೂ ಫಲಿಸದೆ ಅರ್ಜುನ್ ಕೃಷ್ಣ ಎಂಬ ಸ್ನೇಹಜೀವಿ ಶಾಶ್ವತವಾಗಿ ಕಣ್ಮುಚ್ಚಿದ್ದಾರೆ. ಒಟ್ಟಿಗಿದ್ದವರ ಪಾಲಿಗೆ ಮಾತ್ರ ಆ ಸತ್ಯವನ್ನು ಅರಗಿಸಿಕೊಳ್ಳಲು ಈ ಕ್ಷಣಕ್ಕೂ ಸಾಧ್ಯವಾಗುತ್ತಿಲ್ಲ.

ಈಗ್ಗೆ ನಾಲಕ್ಕು ವರ್ಷಗಳ ಹಿಂದೆ ಅರ್ಜುನ್ ಮದುವೆಯಾಗಿದ್ದರು. ಮಗುವೊಂದು ಅವರ ಮಡಿಲು ತುಂಬಿತ್ತು. ಇದೀಗ ಅಣ್ಣ, ಅಮ್ಮ, ಮಡದಿ ಮತ್ತು ಪುಟ್ಟ ಮಗುವನ್ನು ಅರ್ಜುನ್ ತಬ್ಬಲಿಗಳಾಗಿಸಿ ನಿರ್ಗಮಿಸಿದ್ದಾರೆ. ಡ್ಯಾಡ್ ಚಿತ್ರತಂಡಕ್ಕೂ ಕೂಡಾ ಅಂಥಾದ್ದೊಂದು ತಬ್ಬಲಿತನ ತೀವ್ರವಾಗಿ ಕಾಡುತ್ತಿದೆ. ಅರ್ಜುನ್ ಅವರ ಇದುವರೆಗಿನ ಬದುಕಿನತ್ತ ಒಮ್ಮೆ ಕಣ್ಣಾಡಿಸಿದರೆ, ಅದು ಹತ್ತಿರ ಸುಳಿದವರಿಗೆಲ್ಲ ಪ್ರೀತಿ ತೋರಿಸುತ್ತಾ, ನಿರ್ದೇಶಕನಾಗಲೆಂದೇ ಹುಟ್ಟಿದ ಜೀವವೇನೋ ಎಂಬಂಥಾ ಭಾವವೊಂದು ಉತ್ಕಟವಾಗಿ ಕಾಡುತ್ತದೆ. ಆದರೀಗ ಅರ್ಧ ದಾರಿಯಲ್ಲಿಯೇ ಅವರು ನಿರ್ಗಮಿಸಿದ್ದಾರೆ. ಅವರ ಜೀವಮಾನದ ಕನಸಾಗಿದ್ದ ಡ್ಯಾಡ್ ಚಿತ್ರ ಅರ್ಧ ಮುಗಿದ ಕನಸಾಗಲಿದರಲಿ. ಅವರನ್ನೇ ನಂಬಿಕೊಂಡಿದ್ದ ಮಡದಿ ಮತ್ತು ಪುಟ್ಟ ಕಂದನ ಮುಂದಿನ ಬದುಕು ಹಸನಾಗಿರಲಿ. ಅವರ ಸ್ನೇಹಿತರಿಗೆ, ಡ್ಯಾಡ್ ಚಿತ್ರತಂಡಕ್ಕೆ ಈ ಆಘಾತವನ್ನು ಭರಿಸಿಕೊಳ್ಳುವ ಶಕ್ತಿ ಸಿಗಲೆಂಬುದು ಹಾರೈಕೆ…

The post arjun krishna is no more: ಅದು ನಿರ್ದೇಶಕನಾಗಲೆಂದೇ ಹುಟ್ಟಿದಂತಿದ್ದ ಆಪ್ತ ಜೀವ! appeared first on Cini Shodha.

ರಾಮಾಯಣ ಚಿತ್ರದ ರಾವಣನ ಪಾತ್ರಕ್ಕಾಗಿ ನಿರ್ದೇಶಕ ನಿತೇಶ್ ತಿವಾರಿ ಯಶ್ ರನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಆರಂಭದಲ್ಲಿ ಶೂಟಿಂಗ್ ಡೇಟ್ಸ್ ಸಮಸ್ಯೆ ಉಂಟಾಗಬಹುದೆಂಬ ಕಾರಣದಿಂದ ಯಶ್ ಕೊಂಚ ಹಿಂದೇಟು ಹಾಕಿದ್ದರೆಂದೂ ಹೇಳಲಾಗುತ್ತಿದೆ. ಇತ್ತ ಟಾಕ್ಸಿಕ್ ಚಿತ್ರೀಕರಣವೂ ನಡೆಯುತ್ತಿರೋದರಿಂದ ರಾವಣನಾಗಿ ಅಬ್ಬರಿಸಲು ಯಶ್ ಗೆ ಕೊಂಚ ಅಡೆತಡೆ ಉಂಟಾಗಿದ್ದು ನಿಜ. ಹಾಗಂತ ಟಾಕ್ಸಿಕ್ ಸಂಪೂರ್ಣವಾಗಿ ಚಿತ್ರೀಕರಣ ಮುಗಿಸಿಕೊಂಡ ನಂತರ ರಾಮಾಯಣದತ್ತ ಗಮನ ಹರಿಸುವಂತೆಯೂ ಇರಲಿಲ್ಲ. ಇದೆಲ್ಲದರಿಂದ ಕಂಗೆಟ್ಟಿರುವ ಯಶ್ ಕೊಂಚ ಹೈರಾಣಾದರೂ ಎರಡೂ ಸಿನಿಮಾಗಳನ್ನು ಏಕಕಾಲದಲ್ಲಿಯೇ ಸಂಭಾಳಿಸುವ ನಿರ್ಧಾರಕ್ಕೆ ಬಂದಂತಿದೆ. ಅದರ ಫಲವಾಗಿಯೇ ಅವರು ರಾಮಾಯಣ ಚಿತ್ರೀಕರಣದಲ್ಲಿಯೂ ಭಾಗಿಯಾಗಿದ್ದಾರೆ.

ಒಂದು ಮೂಲದ ಪ್ರಕಾರ ಮುಂಬೈನ ಅಕ್ಸಾ ಬೀಚ್ ನಲ್ಲಿ ಚಿತ್ರೀಕರಣ ನಡೆಯುತ್ತಿದೆ. ಯುದ್ಧ ಸನ್ನಿವೇಶಗಳಲ್ಲಿ ಯಶ್ ರಾವಣನಾಗಿ ಅಬ್ಬರಿಸುತ್ತಿದ್ದಾರೆ. ನಿರ್ದೇಶಕ ತಿವಾರಿ ಯರ್ಶ ಭಾಗದ ಎಲ್ಲ ಸೀನುಗಳನ್ನು ಒಂದೇ ಹಂತದಲ್ಲಿ ಚಿಕತ್ರೀಕರಿಸಿಕೊಳ್ಳುವ ನಿರ್ಧಾರಕ್ಕೆ ಬಂದಿದ್ದಾರೆ. ಯಶ್ ಕೂಡಾ ಅದಕ್ಕೆ ಎಸ್ ಅಂದಿದ್ದಾರೆ. ಅದು ಒಂದು ಹಂತದಲ್ಲಿ ಮುಗಿದು ಬಿಟ್ಟರೆ ಟಾಕ್ಸಿಕ್ ನತ್ತ ಸಂಪೂರ್ಣ ಗಮನ ಹರಿಸಬಹುದೆಂಬ ನಿರ್ಧಾರ ಯಶ್ ಗಿದ್ದಂತಿದೆ. ಅಲ್ಲಿಗೆ ಟಾಕ್ಸಿಕ್ ಮತ್ತು ರಾಮಾಯಣ ಚಿತ್ರಗಳತ್ತ ಅಭಿಮಾನಿಗಳು ಥ್ರಿಲ್ ಆಗಿ ಕಾಯುವಂತಾಗಿದೆ. ಎಲ್ಲವೂ ಅಂದುಕೊಂಡಂತೆಯೇ ಆದರೆ, ಈ ಎರಡೂ ಸಿನಿಮಾಗಳು ಒಂದರ ಬೆನ್ನಿಗೊಂದರಂತೆ ತೆರೆಗಂಡರೂ ಅಚ್ಚರಿಯೇನಿಲ್ಲ. ಅದು ಸಾಧ್ಯವಾದರೆ, ಪ್ಯಾನಿಂಡಿಯಾ ಲೆವೆಲ್ಲಿನಲ್ಲಿ ಹಬ್ಬವಾಗೋದು ಖಾತರಿ!

The post ramayan movie updates: ಟಾಕ್ಸಿಕ್ ನಡುವಲ್ಲೊಂದು ರಾಮಾಯಣ! appeared first on Cini Shodha.

ಟಾಕ್ಸಿಕ್ ಅನ್ನು ಬೇಗನೆ ಕಂಪ್ಲೀಟ್ ಮಾಡಿ ಅಭಿಮಾನಿಗಳಿಗೆ ಸರ್‌ಪ್ರೈಸ್ ಕೊಡಬೇಕೆಂಬ ಇರಾದೆ ಯಶ್ (yash) ಅವರಿಗಿದ್ದದ್ದು ನಿಜ. ಆದರೆ, ಒಟ್ಟಾರೆ ಸಿನಿಮಾದ ಕಥನವೇ ಒಂದಷ್ಟು ಕಾಲಾವಕಾಶ ಬೇಡುವ ವಿಚಾರ ಚಿತ್ರೀಕರಣದ ಹಂತದಲ್ಲಿ ಗಮನಕ್ಕೆ ಬಂದಿದೆ. ಅದೇನೇ ಪ್ರಯತ್ನ ಪಟ್ಟರೂ ನಿರೀಕ್ಷೆಯಂತೆ ಮುಂದಿನ ವರ್ಷ ಏಪ್ರಿಲ್ ತಿಂಗಳಿನಲ್ಲಿ ಟಾಕ್ಸಿಕ್ ಅನ್ನು ಬಿಡುಗಡೆಗೊಳಿಸುವ ಅವಕಾಶ ಸಿಗೋ ಸಾಧ್ಯತೆಗಳಿಲ್ಲ. ಈ ಕಾರಣದಿಂದಲೇ ಏಪ್ರಿಲ್ ನಲ್ಲಿ ಟಾಕ್ಸಿಕ್ ತೆರೆಗಾಣೋದಿಲ್ಲ ಎಂಬ ವಿಚಾರವನ್ನು ಯಶ್ ತೆರೆದಿಟ್ಟಿದ್ದಾರೆ. ಈ ಮೂಲಕ ಬೇಗನೆ ಈ ಚಿತ್ರವನ್ನು ಕಣ್ತುಂಬಿಕೊಳ್ಳುವ ಅಭಿಮಾನಿಗಳ ಕಾತರಕ್ಕೆ ತಣ್ಣೀರೆರಚಿದಂತಾಗಿದೆ. ಇಂಥಾದ್ದೊಂದು ಶಾಕಿಂಗ್ ಸುದ್ದಿಯ ಬೆನ್ನಲ್ಲಿಯೇ ಮತ್ತೊಂದು ಖುಷಿಯ ಸಂಗತಿಯನ್ನೂ ಕೂಡಾ ಯಶ್ ಹಂಚಿಕೊಂಡಿದ್ದಾರೆ.

ಅಭಿಮಾನಿ ಬಳಗದಲ್ಲಿ ಕೆಜಿಎಫ್ ಛಾಪ್ಟರ್3 (kgf3) ಬಗ್ಗೆ ಅತೀವ ಕುತೂಹಲವಿತ್ತು. ಆದರೆ, ಪ್ರಶಾಂತ್ ನೀಲ್ ಆಗಲಿ, ಯಶ್ ಆಗಲಿ ಈ ಬಗ್ಗೆ ಮಾತಾಡಿರಲಿಲ್ಲ. ಇದರ ನಡುವೆ ಕೆಜಿಎಫ್ ಚಾಪ್ಟರ್೩ ಬಗ್ಗೆ ತಯಾರಿ ಆರಂಭವಾಗಿದೆಯಂತೆ. ಹಾಗಂತ ಯಶ್ ಹೇಳಿಕೊಂಡಿದ್ದಾರೆ. ಅತ್ತ ಪ್ರಶಾಂತ್ ನೀಲ್ ಬ್ಯುಸಿಯಾಗಿದ್ದಾರೆ. ಇತ್ತ ಯಶ್ ಟಾಕ್ಸಿಕ್ ಮತ್ತು ರಾಮಾಯಣ ಚಿತ್ರಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. ಇಂಥಾದ್ದರ ನಡುವೆಯೂ ನೀಲ್ ಒಂದೆಳೆ ಕಥೆಯನ್ನು ಯಶ್ ಗೆ ಹೇಳಿದ್ದಾರಂತೆ. ಈ ಬಗ್ಗೆ ಅವರಿಬ್ಬರ ನಡುವೆ ಒಂದು ಸುತ್ತಿನ ಚರ್ಚೆಯೂ ನಡೆದಿದೆ. ಸದ್ಯಕ್ಕೆ ನೀಲ್ ಜ್ಯೂಊನಿಯರ್ ಎನ್ಟಿಆರ್ ಚಿತ್ರದತ್ತ ಗಮನ ಹರಿಸಿದ್ದಾರೆ. ಅದು ಮುಗಿಯುತ್ತಲೇ, ಯಶ್ ಕೈಲಿರುವ ಪ್ರಾಜೆಕ್ಟುಗಳು ಅಂತಿಮ ಹಂತ ತಲುಪಿಕೊಳ್ಳಲಿವೆ. ಆ ನಂತರ ಕೆಜಿಎಫ್ ಚಾಪ್ಟರ್೩ಗೆ ವಿದ್ಯುಕ್ತ ಚಾಲನೆ ಸಿಗಲಿದೆ.

The post rocking star yash: ಕೆಜಿಎಫ್3 ಶುರುವಾಗೋದು ಪಕ್ಕಾ! appeared first on Cini Shodha.