ಕಳೆದ ವರ್ಷ ತೆರೆಗಂಡಿದ್ದ ಲವ್ ಯೂ ಮುದ್ದು ಚಿತ್ರದಲ್ಲಿ ಸಿದ್ದು ಮೂಲಿಮನಿ ನಾಯಕನಾಗಿ ನಟಿಸಿದ್ದರು. ಕೆಮಿಸ್ಟ್ರಿ ಆಫ್ ಕರಿಯಪ್ಪ ಖ್ಯಾತಿಯ ಕುಮಾರ್ ನಿರ್ದೇಶನದಲ್ಲಿ ಮೂಡಿ ಬಂದಿದ್ದ ಈ ಸಿನಿಮಾ, ಪ್ರೇಮಿಗಳಿಬ್ಬರ ನೈಜ ಕಥೆಯ ಮೂಲಕ, ಮನಸೂರೆಗೊಳ್ಳುವ ನಿರೂಪಣೆಯೊಂದಿಗೆ ಪ್ರೇಕ್ಷಕರ ಮನಗೆದ್ದಿತ್ತು. ಈ ಮೂಲಕ ಕಳೆದ ವರ್ಷದ ಚೆಂದದ ಚಿತ್ರಗಳ ಸಾಲಿಗೆ ಸೇರ್ಪಡೆಗೊಂಡಿದ್ದ ಲವ್ ಯೂ ಮುದ್ದು ಇದೀಗ ಅಮೇಜಾನ್ ಪ್ರೈಮ್‌ನಲ್ಲಿ ಯಶಸ್ವೀ ಪ್ರದರ್ಶನ ಕಾಣುತ್ತಿದೆ. ಅಲ್ಲಿಯೇ ಶಿವಣ್ಣ ಈ ಸಿನಿಮಾವನ್ನು ನೋಡಿ ಫಿದಾ ಆಗಿದ್ದಾರೆ. ಕೂಡಲೆ ನಾಯಕ ನಟ ಸಿದ್ದು ಮೂಲಿಮನಿಗೆ ಫೋನಾಯಿಸಿ ಮೆಚ್ಚುಗೆ ಸೂಚಿಸುವ ಜೊತೆಗೆ, ಚಿತ್ರತಂಡದೊಂದಿಗೆ ಬಂದು ಭೇಟಿಯಾಗುವಂತೆ ಆಹ್ವಾನಿಸಿದ್ದಾರೆ.

Veera Kambala Movie: ಕಥೆ ಹುಟ್ಟಿದ ಬಗೆಯ ಬಗ್ಗೆ ರಾಜೇಂದ್ರ ಸಿಂಗ್ ಬಾಬು ಹೇಳಿದ್ದೇನು?

ಇದರಿಂದ ಖುಷಿಗೊಂಡಿರುವ ಚಿತ್ರತಂಡ ಇದರಿಂದ ಖುಷಿಗೊಂಡ ಸಿದ್ದು ಮೂಲಿಮನಿ, ರೇಷ್ಮಾ, ಕುಮಾರ್, ನಿರ್ಮಾಪಕ ನರಸಿಂಹ ಮೂರ್ತಿ, ವಿತರಕ ಜಗದೀಶ್ ಗೌಡ ಸೇರಿದಂತೆ ತಮ್ಮ ತಂಡದೊಂದಿಗೆ ಕಂಠೀರವ ಸ್ಟುಡಿಯೋದಲ್ಲಿ ಶಿವಣ್ಣನನ್ನು ಭೇಟಿ ಮಾಡಿದ್ದಾರೆ. ಈ ಸಂದರ್ಭದಲ್ಲಿ ಶಿವಣ್ಣ ಒಟ್ಟಾರೆ ಸಿನಿಮಾವನ್ನು ಮೆಚ್ಚಿ ಕೊಂಡಾಡಿದ್ದಾರೆ. ಈ ಅನಿರೀಕ್ಷಿತ ಮೆಚ್ಚುಗೆಯಿಂದ ಚಿತ್ರತಂಡ ಖುಷಿಗೊಂಡಿದೆ. ಒಂದು ನೈಜ ಪ್ರೇಮ ಕಥಾನಕವನ್ನು ಕಮರ್ಶಿಯಲ್ ಚೌಕಟ್ಟಿಗೆ ಒಗ್ಗಿಸುತ್ತಲೇ, ಅಸಲೀ ಭಾವಗಳನ್ನು ತಾಜಾತನದಿಂದ ದೃಷ್ಯಕ್ಕೆ ಒಗ್ಗಿಸುವಲ್ಲಿ ನಿರ್ದೇಶಕ ಕುಮಾರ್ ಗೆದ್ದಿದ್ದರು. ಆ ಪ್ರಯತ್ನವೀಗ ಶಿವಣ್ಣನ ಗಮನವನ್ನೂ ಸೆಳೆದುಕೊಂಡಿದೆ. ಕಿಶನ್ ಎಂಟರ್‌ಟೈನ್ಮೆಂಟ್ ಬ್ಯಾನರಿನಡಿಯಲ್ಲಿ ಕಿಶನ್ ಟಿ.ಎನ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಲಕ್ಷ್ಮಿಕಾಂತ್ ಟಿ.ಎಸ್ ಕಾರ್ಯಕಾರಿ ನಿರ್ಮಾಪಕರಾಗಿ ಜೊತೆಯಾಗಿದ್ದಾರೆ. ಕೃಷ್ಣ ದೀಪಕ್ ಛಾಯಾಗ್ರಹಣ, ಅನಿರುದ್ಧ್ ಶಾಸ್ತ್ರಿ ಸಂಗೀತ ನಿರ್ದೇಶನ, ಸಿಎಸ್ ದೀಪು ಸಂಕಲನ ಈ ಚಿತ್ರಕ್ಕಿದೆ.

keywords: loveyoumuddu, shivarajkumar, shivanna, kumar, siddumulimani

The post Love You Muddu Movie: ಹ್ಯಾಟ್ರಿಕ್ ಹೀರೋ ಭೇಟಿಯಾದ ಚಿತ್ರತಂಡ! appeared first on Cini Shodha.

ಮಡೇನೂರು ಹೋರಿ ಕಾಂಪೌಂಡು ಹಾರಲು ಹೋಗಿ ಯಡವಟ್ಟು ಮಾಡಿಕೊಂಡಿದೆ. ಅದ್ಯಾರೋ ಮಿಂಚು ಎಂಬಾಕೆಯೊಂದಿಗೆ ಅನಧಿಕೃತವಾಗಿ ಎರಡನೇ ಸಂಸಾರ ಹೂಡಲು ಹೋಗಿ ಮನು ಮಾನ ಕಳೆದುಕೊಂಡಿದ್ದಾನೆ. ತಾನು ಸ್ಟಾರ್ ನಟ ಎಂಬ ಭ್ರಮೆಯಲ್ಲಿ ದರ್ಶನ್, ಧ್ರುವ ಸರ್ಜಾ, ಶಿವರಾಜ್ ಕುಮಾರ್ ಮುಂತಾದ ಸೀನಿಯರ್ ನಟರ ಬಗ್ಗೆ ಬಾಯಿಗೆ ಬಂದಂತೆ ಮಾತಾಡಿ ತಗುಲಿಕೊಂಡಿದ್ದಾನೆ. ಇದರಿಂದಾಗಿ ಈತನನ್ನು ಚಲನಚಿತ್ರ ವಾಣಿಜ್ಯ ಮಂಡಳಿ ಬ್ಯಾನ್ದ ಮಾಡಿತ್ತು. ಈ ಮೂಲಕ ವಾಣಿಜ್ಯ ಮಂಡಳಿ ಉಸಿರಾಡುತ್ತಿದೆ ಎಂಬ ಸಂದೇಶವನ ನು ಚಿತ್ರರಂಗಕ್ಕೆ ರವಾನಿಸಿತ್ತು. ಇದೀಗ ಶಿವಣ್ಣನ ಮನೆ ಮುಂದೆ ಸಂಸಾರ ಸಮೇತ ಅಂಡಲೆದ ಮಡೇನೂರಿನವನ ಮೇಲೆ ಹೇರಿದ್ದ ನಿಶೇಧವನ ನು ವಾಣ ಇಜ್ಯ ಮಂಡಳಿ ತೆರವುಗೊಳಿಸಿದೆ. ನಶೆಯೇರಿಸಿಕೊಂಡು ಮೆರೆದಾಡಿದ್ದ ಹೋರಿಯೀಗ ಅಂಬೋ ಅನ್ನುತ್ತಾ ಗಾಂಧಿನಗರದಗುಂಟ ಗಿರಕಿ ಹೊಡೆಯಲಾರಂಭಿಸಿದೆ!

ಕಾಮಿಡಿ ಕಿಲಾಡಿಗಳು ಶೋ ವಿನ್ನರ್ ಆಗಿದ್ದ ಮಡೇನೂರು ಮನು ಕಷ್ಟದಿಂದಲೇ ಮೇಲೆದ್ದು ಬಂದಿದ್ದ. ಒಂದಷ್ಟು ಪ್ರಯತ್ನ ಪಟ್ಟು ಕುಲದಲ್ಲಿ ಕೀಳ್ಯಾವುದೋ ಅಂತೊಂದು ಸಿನಿಮಾದಲ್ಲಿ ನಾಯಕನಾಗಿದ್ದ. ಈ ವಾರ ಬಿಡುಗಡೆಗೊಂಡಿರೋ ಆ ಸಿನಿಮಾ ಪ್ರೇಕ್ಷಕರಿಲ್ಲದೆ ಭಣಗುಡುತ್ತಿದೆ. ಬಹುಶಃ ಮದೇನೂರನ ಕಾಮಪುರಾಣ ಬಯಲಾಗದಿದ್ದಿದ್ದರೂ ಇದಕ್ಕಿಂತ ಭಿನ್ನವಾದ ವಾತಾವರಣ ಇರುತ್ತಿರಲಿಲ್ಲ. ಆದರೆ, ಮುಂದೊಂದಷ್ಟು ಪ್ರಯತ್ನ ಪಟ್ಟಿದ್ದರೆ, ನಾಯಕನಾಗಿಯಲ್ಲದಿದ್ದರೂ ಬೇರೆ ಪಾತ್ರಗಳಲ್ಲಿಯಾದರೂ ಮಿಂಚೋ ಅವಕಾಶ ವಿಪುಲವಾಗಿತ್ತು. ಅದೆಲ್ಲವನ್ನೂ ಮಡೇನೂರು ಮನು ಕೈಯಾರೆ ಹಾಳುಗೆಡವಿಕೊಂಡಿದ್ದಾನೆ. ಇಷ್ಟೂ ವರ್ಷಗಳ ಪ್ರಯತ್ನದ ಫಲವನ್ನು ಹರುಕುಬಾಯಿ ಮತ್ತು ಲೂಸು ಲಂಗೋಟಿಯ ದೆಸೆಯಿಂದ ಕಳೆದುಕೊಂಡಿದ್ದಾನೆ.

ಮನು ಅದ್ಯಾರೋ ಮಿಂಚು ಎಂಬಾಕೆಯೊಂದಿನ ಅಫೇರಿನ ಮೂಲಕವೇ ಜೈಲುವಾಸ ಅನುಭವಿಸುತ್ತಿದ್ದಾನೆ. ಅಷ್ಟೇ ಆಗಿದ್ದರೆ ಒಂದಷ್ಟು ದಿನದ ಜೈಲುವಾಸದ ನಂತರ ಮರಳಿ ಹೇಗೋ ಬಣ್ಣ ಹಚ್ಚಬಹುದಿತ್ತು. ಹಾಗಂತ ಈ ಮಡೇನೂರಿನ ಮನುವನ್ನು ಕ್ಷಮಿಸುವಂತಿಲ್ಲ. ಹಾಗೆ ನೋಡಿದರೆ, ಈತ ಪ್ರಸಿದ್ಧಿ ಪಡೆದಿದ್ದೇ ಹಾಸ್ಯದ ಮೂಲಕ. ಆತನನ್ನು ನಾಯಕ ನಟನನ್ನಾಗಿ ನೋಡುವ ಇರಾದೆ ಯಾರೊಬ್ಬರಿಗೂ ಇಲ್ಲ. ಅಷ್ಟಕ್ಕೂ ನಾಯತಕನಾಗಿ ಮೆರೆಯಬೇಕೆಂದುಕೊಂಡಿದ್ದು ಆತನ ಭ್ರಮೆಯ ಕಾರಣದಿಂದಷ್ಟೆ. ಹಾಗಿರುವಾಗ, ಈ ಆಸಾಮಿ ದರ್ಶನ್, ಶಿವಣ್, ಧ್ರುವನಿಗೆ ತನ್ನನ್ನು ತಾನು ಹೋಲಿಸಿಕೊಂಡು ಮಾತಾಡೋದೇ ಕಾಮಿಡಿಯ ಪರಾಕಾಷ್ಠೆ. ಇಂಥಾ ತಿಮಿರಿನ ಹುಳುಗಳು ಕಿರುತೆರೆ, ಹಿರಿತೆರೆಗಳ ಸಂದಿಗೊಂದಿಗಳಲ್ಲಿ ಮಿಜಿಗುಡುತ್ತಿದ್ದಾವೆ. ಇವುಗಳಿಗೆ ಬಾಯಿಯ ಮೇಲಾಗಲಿ, ಕಚ್ಚೆಯ ಮೇಲಾಗಲಿ ಹಿಡಿತವಿಲ್ಲ. ಸಿಕ್ಕ ಪ್ರಸಿದ್ಧಿಯಯಲ್ಲಿ ಶಕ್ತಿ ಮೀರಿ ಮಜಾ ಉಡಾಯಿಸಿ, ಸಿಕ್ಕಷ್ಟು ಕಾಸು ಗೋರಿಕೊಂಡು ಹೋಗೋದಷ್ಟೇ ಇಂಥವುಗಳ ಇದ್ದೇಶ. ಇದೆಲ್ಲದರಾಚೆಗೆ, ಹಳ್ಳಿಯಿಂದ ಬಂದು ಒಂದಷ್ಟು ಭರವಸೆ ಮೂಡಿಸಿದ್ದ ಮಡೇನೂರು ಮನು ಕಾಮ, ವಿವಾದಗಳ ಕೊಚ್ಚೆಯಲ್ಲಿ ಕಳೆದು ಹೋಗಿರೋದು ನಿಜಕ್ಕೂ ವಿಷಾಧದ ವಿಚಾರ!

ಇನ್ನು ಸಂತ್ರಸ್ಥೆಯ ಪೋಸು ಕೊಡುತ್ತಿರುವ ಮಿಂಚು ಎಂಬ ನಟಿಯ ವಿಚಾರ. ಈಕೆಯೀಗ ಮತ್ತೊಂದು ರೌಡು ನೌಟಂಕಿಯಾಟ ಶುರುವಿಟ್ಟುಕೊಂಡಿದ್ದಾಳೆ. ಹೀನಾಮಾನ ಮೆರೆಯುತ್ತಿದ್ದ ಮಡೇನೂರು ಮನು ಎಣ್ಣೆ ಏಟ,ಲ್ಲಿ ಆಡಿದ್ದ ಮಾತನ್ನು ರೆಕಾರ್ಡ್ ಮಾಡಿಕೊಂಡು ಆಟ ಕಟ್ಟಿತ್ತಲ್ಲಾ? ಆ ಪಡೆಯೇ ಇದೀಗ ಮತ್ತೆ ಮಿಂಚುವನ್ನು ಮಡೇನೂರನ ವಿರುದ್ಧ ಛೂ ಬಿಟ್ಟಿದೆ. ಆ ಕಾರಣದಿಂದಲೇ ಸದರಿ ನಟಿಯೀಗ ಮತ್ತೊಂದು ರೌಡು ಮಾಧ್ಯಮದ ಮುಂದೆ ಬಂದು ತನಗಾದ ಅನ್ಯಾಯವನ್ನು ಕಣ್ಣೀರ ಹಿಮ ಮೇಳದಲ್ಲಿ ಒದರುತ್ತಿದ್ದಾಳೆ. ಹೇಳಿಕೇಳಿ ಮಡೇನೂರು ಮನುಗೆ ಮದುವೆಯಾಗಿದೆ. ತನ್ನಿಂದ ಓರ್ವ ಹೆಣ್ಣಿನ ನೆಮ್ಮದಿ ಹಾಳಾಗುತ್ತದೆಂದು ಗೊತ್ತಿದ್ದರೂ ಮನುವಿನೊಂದಿಗೆ ಸಂಬಂಧ ಕುದುರಿಸುವಾಗ ಈಕೆಯ ಬುದ್ಧಿಗೇನು ಮಂಕು ಕವಿದಿತ್ತಾ? ಸಂತೃಪ್ತ ಅನೈತಿಕ ಸಂಬಂಧ ತಾಳ ತಪ್ಪಿದಾಗ ಸಂತ್ರಸ್ತೆಯ ಪೋಸು ಕೊಡುವ ಇಂಥವರ ಬಗ್ಗೆ ಕನಿಷ್ಠ ಮರುಕ ಮೂಡಲೂ ಸಾಧ್ಯವಿಲ್ಲ!

The post madenuru manu: ಕನಸಿಗೆ ಕಿಚ್ಚಿಟ್ಟ ಕಾಮದ ಅಮಲು! appeared first on Cini Shodha.

ಇದೀಗ ಭೈರತಿ ರಣಗಲ್ ತೆಲುಗು ಓಟಿಟಿಗೆ ಎಂಟ್ರಿ ಕೊಡುತ್ತಿರೋದರ ಬಗೆಗಿನ ಖುಷಿಯ ಸುದ್ದಿಯೊಂದು ಹೊರಬಿದ್ದಿದೆ. ಆರಂಭದಲ್ಲಿ ಕನ್ನಡದಲ್ಲಿ ಮಾತ್ರವೇ ಬಿಡುಗಡೆಗೊಂಡಿದ್ದ ಭೈರತಿ ರಣಗಲ್, ಇದೀಗ ತೆಲುಗಿಗೆ ಡಬ್ ಆಗಿದೆ. ಆಹಾ ಎಂಬ ತೆಲುಗು ಓಟಿಟಿ ಫ್ಲಾಟ್ ಫಾರ್ಮಿನಲ್ಲಿ ಇದೇ ಫೆಬ್ರವರಿ ಹದಿಮೂರರಂದು ಬಿಡುಗಡೆಗೊಳ್ಳಲಿದೆ. ಈ ವಿಚಾರ ತೆಲುಗು ನಾಡಿನಲ್ಲಿರುವ ಶಿವರಾಜ್ ಕುಮಾರ್ ಅಭಿಮಾನಿಗಳನ್ನು ಖುಷಿಗೊಳಿಸಿದೆ. ಕನ್ನಡದಲ್ಲಿ ದೊಡ್ಡ ಮಟ್ಟದಲ್ಲಿ ಗೆಲುವು ಕಂಡಿರುವ ಭೈರತಿ ರಣಗಲ್ ತೆಲುಗು ಪ್ರೇಕ್ಷಕರ ಬೇಡಿಕೆಯ ಮೇರೆಗೆ ಆ ಭಾಷೆಗೆ ಡಬ್ ಆಗಿದೆ. ಮಾಸ್ ಸೇರಿದಂತೆ ನಾನಾ ಅಂಶಗಳನ್ನು ಅಡಕವಾಗಿಸಿಕೊಂಡಿರುವ ಭೈರತಿ ರಣಗಲ್ ತೆಲುಗು ಓಟಿಟಿಯಲ್ಲಿಯೂ ಅಬ್ಬರಿಸೋ ಲಕ್ಷಣಗಳು ಢಾಳಾಗಿಯೇ ಗೋಚರಿಸುತ್ತಿವೆ.

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅರವತ್ತರಾಚೆಗೂ ಹದಿನೆಂಟರ ಹುಮ್ಮಸ್ಸು ಹೊಂದಿರುವ ಅಪರೂಪದ ನಟ. ಅವರು ಈ ವಯಸ್ಸಿನಲ್ಲಿಯೂ ಆಕ್ಟೀವ್ ಆಗಿರುವ ಪರಿ ಕಂಡು ಯುವ ನಟರೇ ಅವಾಕ್ಕಾಗುತ್ತಾರೆ. ಅದೆಷ್ಟೋ ನಟ ನಟಿಯರ ಪಾಲಿಗೂ ಸ್ಫೂರ್ತಿಯಾಗಿರುವ ಶಿವಣ್ಣ ಇದೀಗ ಶಸ್ತ್ರ ಚಿಕಿತ್ಸೆ ಪಡೆದು ವಿಶ್ರಾಂತಿಯಲ್ಲಿದ್ದಾರೆ. ಕ್ಯಾನ್ಸರ್ ನಂಥಾ ಮಾರಕ ಕಾಯಿಲೆಯನ್ನು ಜಯಿಸಿ ಬಂದಿರುವ ಅವರ ಪಾಲಿಗಿದು ಮರುಉ ಹುಟ್ಟೆಂದರೂ ಅತಿಶಯವೇನಲ್ಲ. ಈ ಕ್ಷಣಕ್ಕೂ ಅವರ ಕೈಲಿ ದಂಡಿ ದಂಡಿ ಚಿತ್ರಗಳಿದ್ದಾವೆ. ಈಗಾಗಲೇ ಒಂದೆರಡು ಸಿನಿಮಾಗಳು ಮುಕ್ತಾಯ ಘಟ್ಟದಲ್ಲಿವೆ. ಇನ್ನೇನು ತಿಂಗಳೊಪ್ಪತ್ತಿನಲ್ಲಿಯೇ ಮೈಗಂಟಿದ ಕಾಯಿಲೆಯ ಕಿಸುರನ್ನೆಲ್ಲ ಕೊಡವಿಕೊಂಡು ಮತ್ತೆ ಫಾರ್ಮಿಗೆ ಮರಳಲಿದ್ದಾರೆ. ಇದೇ ಹೊತ್ತಿನಲ್ಲಿ ಅವರು ನಟಿಸಿರುವ ಭೈರತಿ ರಣಗಲ್ ತೆಲುಗು ನಾಡಿಗೆ ಲಗ್ಗೆಯಿಡುತ್ತಿರೋ ಸುದ್ದಿ ಅಭಿಮಾನಿಗಳನ್ನು ಖುಷಿಗೊಳಿಸಿರೋದಂತೂ ಸತ್ಯ!

The post bhairathi ranagal movie: ಪರಭಾಷಾ ನೆಲದಲ್ಲಿ ಶಿವಣ್ಣನ ಚಿತ್ರದ ಅಬ್ಬರ! appeared first on Cini Shodha.

ಅದು ಕನ್ನಡ ಚಿತ್ರರಂಗ ಇತ್ತೀಚಿನ ದಿನಗಳಲ್ಲಿ ಪಡೆದುಕೊಂಡಿರುವ ನಿಜವಾದ ಖದರ್ ಅನ್ನೋದರಲ್ಲಿ ಎರಡು ಮಾತಿಲ್ಲ. ಈಗಾಗಲೇ ತಾನೋರ್ವ ಕ್ರಿಯೇಟಿವ್ ನಿರ್ದೇಶಕ, ನಟ ಅನ್ನೋದನ್ನು ಸಾಬೀತುಪಡಿಸಿರುವವರು ಶ್ರೀನಿ. ಇದೆಲ್ಲದರಾಚೆ ಶ್ರೀನಿ ಶಿವಣ್ಣನ ಸಿನಿಮಾ ನಿರ್ದೇಶನ ಮಾಡುತ್ತಾರೆಂದಾಕ್ಷಣ ಹೇಳಿಕೊಳ್ಳುವಂಥಾ ನಿರೀಕ್ಷೆಗಳಿರಲಿಲ್ಲ. ಆದರೆ, ಆ ನಂತರದಲ್ಲಿ ಘೋಸ್ಟ್ ಸಾಗಿ ಬಂದ ದಾರಿಯೇ ಆ ಸಿನಿಮಾದ ಬಗ್ಗೆ ಪ್ಯಾನಿಂಡಿಯಾ ಮಟ್ಟದಲ್ಲಿ ಕ್ರೇಜ್ ಹಬ್ಬಿಕೊಳ್ಳುವಂತೆ ಮಾಡಿ ಬಿಟ್ಟಿದೆ. ಹಾಗೆ ನೋಡಿದರೆ, ಅಷ್ಟ ದಿಕ್ಕುಗಳಲ್ಲಿಯೂ ಘೋಸ್ಟ್ ಪವಾದ ವಾತಾವರಣ ಸ್ಷ್ಟವಾಗಿಯೇ ಗೋಚರಿಸುತ್ತಿದೆ.

ದಳತಿ ವಿಜಯ್ ನಟಿಸಿರುವ ಲಿಯೋ ಚಿತ್ರ ಘೋಸ್ಟ್ ಬೆನ್ನಲ್ಲಿಯೇ ಇಡುಗಡೆಗೊಳ್ಳತ್ತಿದೆ. ಅದರ ಸಾರಥಿ ಲೋಕೇಶ್ ಕನಗರಾಜನ್. ಅತ್ಯಂತ ಚಿಕ್ಕ ವಯಸ್ಸಿನಲ್ಲಿ ದೊಡ್ಡ ಮಟ್ಟದ ಗೆಲುವಿನ ರೂವಾರಿಯಾಗಿರುವವರು ಲೋಕೇಶ್. ಈತನ ಮೇಲೆ ಹಣ ಹೂಡಿದರೆ, ಹತ್ತು ಪಟ್ಟು ವಾಪಾಸು ಎತ್ತಬಹುದೆಂಬ ಗಾಢ ನಂಬಿಕೆ ತಮಿಳು ಚಿತ್ರರಂಗದಲ್ಲಿದೆ. ಅಂಥಾದ್ದೊಂದು ಭರವಸೆ ಹುಟ್ಟು ಹಾಕಿರುವಾತ ಲೋಕೇಶ್ ಕನಗರಾಜನ್. ಆದರೆ, ವಿಜಯ್ ಅಭಿನಯಿಸಿರುವ ಲಿಯೋ ವಿಚಾರದಲ್ಲಿ ಅದೇಕೋ ತಮಿಳು ನಾಡಿನಲ್ಲಿಯೇ ಹೇಳಿಕೊಳ್ಳುವಂಥಾ ಭರವಸೆ ಕಾಣಿಸುತ್ತಿಲ್ಲ. ನಿಜ, ವಿಜಯ್ ಅಭಿಮಾನಿಗು ಕೆನೆದು ಕುಣಿಯುತತಾ ಒಂದಷ್ಟು ಹೈಪ್ ಕ್ರಿಯೇಟ್ ಮಾಡುತ್ತಿದ್ದಾರೆ. ಆದರೆ, ಆಂತರಿಕ ವಾತಾವರಣ ಅದಕ್ಕೆ ಪೂರಕವಾಗಿಲ್ಲ.

ಇನ್ನು ತೆಲುಗಿನಲ್ಲಿ ಬಾಲಯ್ಯನದ್ದೊಂದು ಸಿನಿಮಾ ಲಿಯೋ ಜೊತೆಗೇ ತೆರೆಗಾಣುತ್ತಿದೆ. ಆದರೂ ತೆಲುಗುನಾಡಲ್ಲಿಯೂ ಕೂಡಾ ಘೋಸ್ಟ್ ಅಬ್ಬರಕ್ಕೆ ಬ್ರೇಕ್ ಬೀಳಲಿಕ್ಕಿಲ್ಲ. ಕರ್ನಾಟಕದಲ್ಲಿ ಬಿಡಿ; ಘೋಸ್ಟ್ ವೇಗಕ್ಕೆ ಎದುರಾಗೋ ಯಾವ ಶಕ್ತಿಯೂ ಇಲ್ಲ. ತಮಿಳುನಾಡಿನ ತುಂಬೆಲ್ಲ ಜೈಲರ್ ಮೂಲಕ ಶಿವಣ್ಣನ ಕ್ರೇಜ್ ಹಬ್ಬಿಕೊಂಡಿದೆ. ಒಂದು ವೇಳೆ ಲಿಯೋ ಏನದರೂ ನಿರಾಸೆ ಮೂಡಿಸಿದರೆ, ಘೋಸ್ಟ್ ತಂತಾನೇ ಆ ಸ್ಥಾನವನ್ನು ಆವರಿಸಿಕೊಳ್ಳಲಿದೆ. ಹಾಗೇನಾದರೂ, ಲಿಯೋ ಒಂದಷ್ಟು ಚೆಂದಗಿದ್ದರೂ ಘೋಸ್ಟ್ ಗೆ ಹೇಳಿಕೊಳ್ಳುವಂಥಾ ಹಿನ್ನಡೆಯಾಗಲಾರದು. ಇದೆಲ್ಲದರಿಂದಾಗಿ ಘೋಸ್ಟ್ ಈ ಬಾರಿ ಕರ್ನಾಟಕದಲ್ಲಿ ಮಾತ್ರವಲ್ಲದೆ, ಬೇರೆ ರಾಜ್ಯಗಳ್ಲಿಯೂ ಬಿಗ್ ಬಜೆಟ್ ಚಿತ್ರಗಳಿಗೆ ಗುಮ್ಮೋದು ಖರೇ!

The post ghost v\s leo fight: ಧಳಪತಿಯ ತಳದಲ್ಲಿ ಹೇಳಲಾರದ ತಳಮಳ! appeared first on Cini Shodha.

ಪ್ರತಿಭಾನ್ವಿತ ನಿರ್ದೆಶಕ, ಒಂದು ಶಶಕ್ತವಾದ ತಂಡ ಮತ್ತು ಎಂಥಾ ಪಾತ್ರಕ್ಕಾದರೂ ಸೈ ಎನ್ನುವಂಥಾ ನಾಯಕ… ಇಷ್ಟಿದ್ದು ಬಿಟ್ಟರೆ ಪುಷ್ಕಳ ಗೆಲುವು ನಿಕ್ಕಿ. ಅದರಲ್ಲಿಯೂ ಘೋಸ್ಟ್ ಚಿತ್ರ ಏಕಕಾಲದಲ್ಲಿಯೇ ಮೂರು ಭಾಷೆಗಳಲ್ಲಿ ತಯಾರಾಗಿದೆ. ಈ ಹಿಂದೆ ಆ ಮೂರೂ ಭಾಷೆಗಳಲ್ಲಿನ ಸಣ್ಣ ತುಣುಕೊಂದರ ಮೂಲಕ ಶಿವಣ್ಣ ಮೋಡಿ ಮಾಡಿದ್ದರು. ಅದೇ ಬಿಸಿಯಲ್ಲೀಗ ಟ್ರಲರ್ ಲಾಂಚ್ ಆಗಿದೆ.

ಈ ಟ್ರೈಲರ್ ನಲ್ಲಿ ಪ್ರಧಾನವಾಗಿ ಕಾಣಿಸಿರೋದು ಪ್ಯಾನಿಂಡಿಯಾ ಮಟ್ಟದ ಮೇಕಿಂಗ್ ಚಹರೆ ಮತ್ತು ಕಟ್ಟುಮಸ್ತಾದ ಕಥೆಯ ಮುನ್ಸೂಚನೆ. ಇದೇ ಹೊತ್ತಿನಲ್ಲಿ ಘೋಸ್ಟ್ ಬಸವಳಿದು ನಿಂತಿರೋ ಕನ್ನಡ ಚಿತ್ರರಂಗಕ್ಕೆ ಬೂಸ್ಟರ್ ಡೋಸ್ ಆಗಬಹುದಾದ ನಿರೀಕ್ಷೆ ಕೂಡಾ ಗರಿಗೆದರಿಕೊಂಡಿದೆ. ಕಾಂತಾರ ಆ ಪರಿಯ ಗೆಲುವು ದಾಖಲಿಸಿದ ನಂತರವೂ ಚಿತ್ರರಂಗಕ್ಕೊಂದು ಗ್ರಹಣ ಕವುಚಿಕೊಂಡಿತ್ತು. ಅದು ಘೋಸ್ಟ್ ಮೂಲಕ ನೀಗೀತೆಂಬ ಭರವಸೆ ದಟ್ಟವಾಗಿಯೇ ಮೂಡಿಕೊಂಡಿದೆ.

ಒಂದು ಪ್ಯಾನಿಂಡಿಯಾ ಮಟ್ಟದ ಗೆಲುವು ಚಿತ್ರರಂಗದ ಪರಿಸ್ಥಿತಿಯನ್ನ ಸುಧಾರಿಸು ಸಾಧ್ಯವಿಲ್ಲ. ಒಂದರ ಬೆನ್ನಿಗೊಂದರಂತೆ ಗೆಲುವು ದಕ್ಕುತ್ತಾ ಹೋದರೆ, ಬದಲಾವಣೆ ಖಂಡಿತಾ ಸಾಧ್ಯ. ಈಗಂತೂ ಎಲ್ಲರೂ ಕಂಟೆಂಟು, ಗುಣಮ್ಟದ ಕಡೆಗೆ ಲಕ್ಷ್ಯ ವಹಿಸುತ್ತಿದ್ದಾರೆ. ಬೇಕಾಬಿಟ್ಟಿ ರೀಲು ಸುತ್ತಿದರೆ ಬರಖತ್ತಾಗೋದಿಲ್ಲ ಎಂಬ ಸತ್ಯ ಎಲ್ಲರಿಗೂ ಗೊತ್ತಾಗಿದೆ. ಹೀಗಿರುವ ಚಿತ್ರರಂಗಕ್ಕೆ ಘೋಸ್ಟ್ ಗೆಲುವಿನ ಮೂಲಕ ಬೂಸ್ಟರ್ ಡೋಸ್ ಆಗುವ ಲಕ್ಷಣಗಳ ಢಾಳಾಗಿ ಗೋಚರಿಸುತ್ತಿವೆ!

The post ghost movie: ಇಲ್ಲಿರೋದು ಯಾವ ರೀತಿಯ ಯುದ್ಧ? appeared first on Cini Shodha.

ಕೆಲವೇ ನಿಮಿಷಗಳಲ್ಲಿ ಪ್ರೇಕ್ಷಕರನ್ನು ಪಟ್ಟಂಪೂರಾ ಹಿಡಿದಿಡುವಲ್ಲಿ ಯಶ ಕಂಡ ಶಿವಣ್ಣ ಇದೀಗ ರಜನೀ ಅಳಿಯ ಧನುಷ್ ಜೊತೆಗೂ ತೆರೆ ಹಂಚಿಕೊಂಡಿದ್ದಾರೆ. ಈ ಸುದ್ದಿ ಜಾಹೀರಾಗಿ ಒಂದಷ್ಟು ತಿಂಗಳುಗಳೇ ಕಳೆದಿವೆ. ಆದರೀಗ ಆ ಚಿತ್ರದ ಕಡೆಯಿಂದ ಶಿವಣ್ಣನ ಪಾತ್ರದ ಬಗ್ಗೆ ಮತ್ತೊಂದಷ್ಟು ಹೊಸಾ ವಿಚಾರಗಳು ಜಾಹೀರಾಗಿವೆ. ಈ ಹಿಂದೆ ಟೀಸರ್ ನಲ್ಲಿಯೇ ಶಿವರಾಜ್ ಕುಮಾರ್ ಪಾತ್ರದ ಚಹರೆ ಗೋಚರಿಸಿತ್ತು. ಆದರೆ, ಆವತ್ತಿಗೂ, ಜೈಲರ್ ಚಿತ್ರದ ನಾಗಾಲೋಟ ನಡೆಯುತ್ತಿರುವ ಈವತ್ತಿಗೂ ಸ್ಥಿತಿಗತಿಗಳು ಬದಲಾಗಿವೆ. ಓಟಿಟಿಯಲ್ಲಿ ಶಿವಣ್ಣನ ಚಿತ್ರಗಳನ್ನು ತಡಕಾಡಿ ನೋಡುತ್ತಿರುವ ಪರಭಾಷಾ ಸಿನಿಮಾ ಪ್ರೇಮಿಗಳು ಕ್ಯಾಪ್ಟನ್ ಮಿಲ್ಲರ್ ಚಿತ್ರದಲ್ಲಿನ ಅವರ ಪಾತ್ರದ ಸುತ್ತ ಒಂದಷ್ಟು ನಿರೀಕ್ಷೆಗಳನ್ನಿಟ್ಟುಕೊಂಡು ಸಂಭ್ರಮಿಸುತ್ತಿದ್ದಾರೆ.

ಜೈಲರ್ ನಲ್ಲಿ ನರಸಿಂಹನಾಗಿ ಮಿಂಚಿದ್ದ ಶಿವಣ್ಣನ ಗೆಟಪ್ಪು ಕಂಡು ಅನೇಕರು ಕನ್ನಡ ಸಿನಿಮಾ ನಿರ್ಮಾತೃಗಳ ಬಗ್ಗೆ ಮಾತಾಡಿದ್ದರು. ಇಂಥಾ ಭಿನ್ನ ಬಗಯಲ್ಲಿ ಶಿವಣ್ಣನನ್ನು ಕನ್ನಡದ ಮಂದಿ ಯಾಕೆ ತೋರಿಸಲು ಪ್ರಯತ್ನಿಸೋದಿಲ್ಲ ಎಂಬರ್ಥದಲ್ಲಿ ಚರ್ಚೆಗಳು ನಡೆದಿದ್ದವು. ಆದರೀಗ ಕ್ಯಾಪ್ಟನ್ ಮಿಲ್ಲರ್ ನಿರ್ದೇಶಕ ಕನ್ನಡ ಸಿನಿಮಾದಿಂದಲೇ ಪ್ಭಾವಿತರಾಗಿ ಶಿವಣ್ಣನ ಪಾತ್ರವನ್ನು ಕಟ್ಟಿದಂತೆ ಭಾಸವಾಗುತ್ತಿದೆ. ಅದು ಎಷ್ಟ ಮಟ್ಟಿಗೆ ಸತ್ಯ ಎಂಬುದು ಸಿನಿಮಾ ಬಿಡುಗಡೆಗೊಂಡ ನಂತರವಷ್ಟೇ ಗೊತ್ತಾಗಬೇಕಿದೆ. ಒಂದು ವೇಳೆ ಶಿವಣ್ಣನ ಪಾತ್ರ, ಗೆಟಪ್ಪಿಗೆ ನರ್ತನ್ ನಿರ್ದೇಶನದ ಮಫ್ತಿ ಸ್ಫೂತಿಯಾಗಿದ್ದೇ ಹೌದಾದರೆ, ಅದು ಕನ್ನಡಿಗರೆಲ್ಲ ಸಂಭ್ರಮಿಸೋ ವಿಚಾರ ಎಂಬುದರಲ್ಲಿ ಎರಡು ಮಾತಿಲ್ಲ.

ಹೀಗೆ ಕ್ಯಾಪ್ಟನ್ ಮಿಲ್ಲರ್ ಸುತ್ತ ಚರ್ಚೆ ನಡೆದಿರುವ ಹೊತ್ತಲ್ಲಿಯೇ, ಶಿವಣ್ಣ ಹಾಡೊಂದರ ಮೂಲಕ ಲಕಲಕಿಸುವ ಲಕ್ಷಣಗಳು ಕಾಣಿಸಲಾರಂಭಿಸಿದ್ದಾವೆ. ಇದರಲ್ಲೊಂದು ವಿಶೇಷವಾದ ಹಾಡಿದೆ. ಮಾಸ್ ಶೈಲಿಯಲ್ಲಿ ಮೂಡಿ ಬಂದಿರೋ ಆ ಹಾಡಿನಲ್ಲಿ ಧನುಷ್ ಮತ್ತು ಶಿವಣ್ಣ ಕಾಣಿಸಿಕೊಂಡಿದ್ದಾರಂತೆ. ದರ ಮೂಲಕವೇ ಕ್ಯಾಪ್ಟನ್ ಮಿಲ್ಲರ್ ನ ಅಸಲೀ ಫ್ಲೇವರ್ ಏನೆಂಬುದರ ಅಂದಾಜು ಸಿಗುವ ಸಾಧ್ಯತೆಗಳಿದ್ದಾವೆ. ಇದೀಗ ತಮಿಳುನಾಡಿನ ತುಂಬಾ ಹಬ್ಬಿಕೊಂಡಿರುವ ಶಿವರಾಜ್ ಕುಮಾರ್ ಅಭಿಮಾನಿ ಬಳಗ ಆ ಹಾಡಿಗಾಗಿ ಎದುರು ನೋಡುತ್ತಿದೆ. ಆದಷ್ಟು ಬೇಗನೆ ಅದನ್ನು ಬಿಡುಗಡೆಗೊಳಿಸುವಂತೆ ಆಗ್ರಹಗಳೂ ಕೇಳಿ ಬರುತ್ತಿವೆ!

The post shivaraj kumar captain miller: ಅಲ್ಲಿ ಕಾಣಿಸಿದ್ದು ಮಫ್ತಿ ಛಾಯೆಯ ಪಾತ್ರ! appeared first on Cini Shodha.

ಹಾಗೆ ನೋಡಿದರೆ, ಜೈಲರ್‍ನಲ್ಲಿ ಶಿವಣ್ಣ ಒಂದು ಪಾತ್ರವನ್ನು ನಿರ್ವಹಿಸಿದ್ದಾರೆಂಬ ಸುದ್ದಿಯಾಗಿತ್ತಾದರೂ, ಅದರ ಸುತ್ತಾ ಹೇಳಿಕೊಳ್ಳುವಂಥಾ ಹೈಪುಗಳು ಸೃಷ್ಟಿಯಾಗಿರಲಿಲ್ಲ. ಶಿವರಾಜ್ ಕುಮಾರ್ ಕೂಡಾ ಜೈಲರ್ ನಲ್ಲಿನ ತಮ್ಮ ಪಾತ್ರದ ಬಗ್ಗೆ ವಿಶೇಷ ಒತ್ತು ಕೊಟ್ಟು ಎಲ್ಲಿಯೂ ಮಾತಾಡಿದ್ದೂ ಇಲ್ಲ. ಒಂದಷ್ಟು ಪೋಸ್ಟರುಗಳಲ್ಲಿ ಶಿವಣ್ಣ ಪಾತ್ರದ ಝಲಕ್ಕುಗಳು ಕಾಣಿಸಿಕೊಂಡಿದ್ದವಷ್ಟೇ. ಶಿವರಾಜ್ ಕುಮಾರ್ ಕಟ್ಟಾ ಅಭಿಮಾಮಾನಿಗಳನ್ನು ಹೊರತುಪಡಿಸಿ, ಮಿಕ್ಕುಳಿದ ಪ್ರೇಕ್ಷಕ ವರ್ಗದಲ್ಲಿ ಹೇಳಿಕೊಳ್ಳುವಂಥಾ ನಿರೀಕ್ಷೆ ಇರಲಿಲ್ಲ. ಆದರೆ, ಜೈಲರ್ ಚಿತ್ರದಲ್ಲಿನ ಶಿವಣ್ಣನ ನಟನೆಯ ಖದರ್ ಕಂಡು ಎಲ್ರೂ ಬೆಕ್ಕಸ ಬೆರಗಾಗಿದ್ದಾರೆ.

ಕೇವಲ ಕನ್ನಡದ ಪ್ರೇಕ್ಷಕರು ಮಾತ್ರವಲ್ಲ; ಇದುವರೆಗೆ ಶಿವರಾಜ್ ಕುಮಾರ್ ಅವರ ಒಂದೇ ಒಂದು ಸಿನಿಮಾ ನೋಡದವರೂ ಕೂಡಾ ನರಸಿಂಹಾವತಾರಿ ಶಿವಣ್ಣನ ಅಭಿಮಾನಿಗಳಾಗಿ ಬಿಟ್ಟಿದ್ದಾರೆ. ಪರಭಾಷಾ ಪ್ರೇಕ್ಷಕರನೇಕರು ಶಿವರಾಜ್ ಕುಮಾರ್ ಅವರ ನಟನೆಯನ್ನು ವಿಶೇಷವಾಗಿ ಉಲ್ಲೇಖಿಸುತ್ತಾ ಹಾಡಿ ಹೊಗಳುತ್ತಿದ್ದಾರೆ. ಕೆಲವೇ ಕೆಲ ನಿಮಿಷಗಳಲ್ಲಿ ಮಂಡ್ಯ ಸೀಮೆಯ ರೌಡಿ ನರಸಿಂಹನ ಪಾತ್ರದಲ್ಲಿ ಶಿವಣ್ಣ ಕಾಣಿಸಿಕೊಂಡ ಬಗೆ ಇದೆಯಲ್ಲಾ? ಅದು ಯಾರನ್ನಾದರೂ ಅಚ್ಚರಿಗೀಡು ಮಾಡುವಂತಿದೆ. ಸಿಕ್ಕ ಸೀಮಿತಾವಧಿಯಲಿಯೇ, ಎಲ್ಲ ಮಿತಿಗಳನ್ನು ಮೀರಿಕೊಂಡು ತನ್ನ ಚಾತುರ್ಯವನ್ನು ಸಾಬೀತುಗೊಳಿಸೋದು, ನಟನೊಬ್ಬನ ಪಾಲಿಗೆ ಅಸಲೀ ಚಾಲೆಂಜ್. ಅದನ್ನು ತಣ್ಣಗಿನ ಅಬ್ಬರದ ಮೂಲಕ ಶಿವಣ್ಣ ಸಾಧಿಸಿಬಿಟ್ಟಿದ್ದಾರೆ.

ಯಾವಾಗ ಶಿವಣ್ಣನ ಪಾತ್ರದ ಬಗ್ಗೆ ಪರಿ ಪರಿಯಾಗಿ ಸದ್ದು ಮಾಡಲಾಂಭಿತೋ, ಕ್ಷಣದಿಂದಲೇ ಸಾಮಾಜಿಕ ಜಾಲತಾಣಗಳಲ್ಲಿ ಮತ್ತೊಂದು ದಿಕ್ಕಿನ ಚರ್ಚೆಯೂ ಶುರುವಾಗಿದೆ. ಶಿವಣ್ಣನನ್ನು ಇಂಥಾ ಸ್ವರೂಪದಲ್ಲಿಯೂ ಕಾಣಿಸಬಹುದೆಂಬ ಮನಸ್ಥಿತಿ, ಕ್ರಿಯಾಶೀಲತೆ ಕನ್ನಡ ಚಿತ್ರರಂಗದ ಮಂದಿಗೇಕಿಲ್ಲ ಎಂಬರ್ಥದಲ್ಲಿ ಜನ ಸಂವಾದ ಉರುವಿಟ್ಟುಕೊಂಡಿದ್ದಾರೆ. ಅದರಲ್ಲಿ ಸತ್ಯವೂ ಇದೆ. ಇಂದ್ರ ಬಾಬು ಥರದ ಒಂದಷ್ಟು ಶಿವಣ್ಣನನ್ನು ಭಿನ್ನವಾಗಿ ಪ್ರೇಕ್ಷಕರೆದುರು ನಿಲ್ಲಿಸಲು ಪ್ರಯತ್ನಿಸಿದ್ದಾರೆ. ಜೋಗಿ, ಟಗರು, ಮಫ್ತಿ ಮುಂತಾದ ಸಿನಿಮಾದ ಮೂಲಕವೂ ಆ ಥರದ ವಿದ್ಯಮಾನಗಳು ಘಟಿಸಿವೆ. ಆದರೆ, ಮಿಕ್ಕ ಸಿನಿಮಾ ಮಂದಿ ಅದೇ ಮಚ್ಚು ಲಾಂಗುಗಳಿಗೆ ಶಿವಣ್ಣನನ್ನು ಸೀಮಿತಗೊಳಿಸಿದ್ದಾರೆ. ಹಾಗಂತ ಇದರಲ್ಲಿ ಬರೀ ಸಿನಿಮಾ ಮಾಡೋ ಮಂದಿಯದ್ದೇ ತಪ್ಪಿದೆ ಅಂದುಕೊಳ್ಳುವಂತಿಲ್ಲ. ಶಿವರಾಜ್ ಕಮಾರ್ ಆಯ್ಕೆಯ ವಿಚಾರದಲ್ಲಿ ಅಡಿಗಡಿಗೆ ಎಡವುತ್ತಾ ಬಂದಿದ್ದಾರೆ. ಕೆಲ ಸಂದರ್ಭಗಳಲ್ಲಿ ಅಭಿಮಾನಿಗಳೇ ಕೊಸರಿಕೊಳ್ಳುವಂಥಾ ಕಸಗಳನ್ನೂ ಕಣ್ಣಿಗೊತ್ತಿಕೊಂಡಂತೆ ಒಪ್ಪಿಕೊಂಡಿದ್ದಾರೆ.

ಒಂದು ಬಗೆಯ ಸಿನಿಮಾಗಳು ಗೆದ್ದರೆ, ಒಂದು ಶೇಡಿನ ಪಾತ್ರ ಪ್ರೇಕ್ಷಕರಿಗೆ ಇಷ್ಟವಾದರೆ, ಅಂಥಾದ್ದರ ಬಾಲ ಹಿಡಿದು ಹೊರಡೋದು ಮಾತ್ರವಲ್ಲ; ಅದಕ್ಕೇ ನೇಣು ಹಾಕಿಕೊಂಡು ಬಿಡುವ ಮಹಾನ್ ಪ್ರತಿಭೆಗಳೂ ನಮ್ಮಲ್ಲಿವೆ. ಅಂಥಾ ಪ್ರಬೃತ್ತಿಗಳೆಲ್ಲ ಈಗಾಗಲೇ ಜೈಲರ್ ಚಿತ್ರದ ನರಸಿಂಹನ ಅವತಾರವನ್ನು ಬಗೆ ಬಗೆಯಲ್ಲಿ ಹಿಂಡಲು ತಯಾರಿ ಮಾಡಿಕೊಂಡಿರಲೂ ಬಹುದು. ನರಸಿಂಹನ ಪಾತ್ರ ಪ್ರೇಕ್ಷಕರಿಗೆ ಇಷ್ಟವಾಗಿದೆಯಲ್ಲಾ? ಶಿವಣ್ಣನನ್ನು ಅದಕ್ಕಿಂತಲೂ ಎಫೆಕ್ಟಿವ್ ಅನ್ನಿಸುವಂಥಾ ಪಾತ್ರದಲ್ಲಿ ಕಾಣಿಸಬೇಕು, ಪ್ರೇಕ್ಷಕರಿಗೆ ಸರ್‍ಪ್ರೈಸ್ ಕೊಡಬೇಕೆಂದು ಹೊರಡೋ ಕ್ರಿಯಶೀಲ ಮನಸುಗಳಿಗಿಲ್ಲಿ ಬರವಿದೆ. ಇದೆಲ್ಲ ಏನೇ ಇದ್ದರೂ ಪ್ಯಾನಿಂಡಿಯಾ ಮಟ್ಟದಲ್ಲಿ ಶಿವಣ್ಣನ ಖದರ್ ಹಬ್ಬಿಕೊಂಡಿದೆ. ಪರಭಾಷಾ ಮಂದಿ ಕೂಡಾ ಆ ಪಾತ್ರ ಇನ್ನಷ್ಟು ಕಾಣಿಸಿಕೊಳ್ಳಬೇಕಿತ್ತೆಂಬ ಬಯಕೆಯಿಟ್ಟುಕೊಂಡೇ ಚಿತ್ರಮಂದಿರಗಳಿಂದ ತೆರಳುತ್ತಿದ್ದಾರೆ. ಅಷ್ಟರಮಟ್ಟಿಗೆ ನಮ್ಮ ಶಿವಣ್ಣನ ನಟನೆ ಪ್ರೇಕ್ಷಕರಿಗೆ ಇಷ್ಟವಾಗಿರೋದು ಎಲರೂ ಹೆಮ್ಮೆ ಪಡುವ ಸಂಗತಿ!

The post shivaraj kumar: ಕನ್ನಡ ಸಿನಿಮಾ ಮಂದಿಗೇಕೆ ಇಂಥಾ ಸೆನ್ಸ್ ಇಲ್ಲ? appeared first on Cini Shodha.

ಇತ್ತೀಚಿನ ದಿನಗಳಲ್ಲಿ ಗರಡಿ ಚಿತ್ರದ ಚಿತ್ರೀಕರಣದಲಿ ಯೋಗರಾಜ್ ಭಟ್ ಬ್ಯುಸಿಯಾಗಿದ್ದರು. ಈ ಸಿನಿಮಾ ಮೂಲಕವೇ ಬಟ್ಟರು ಮಾಮೂಲಿ ದಾರಿಯನ್ನು ಬಿಟ್ಟು, ಭಿನ್ನ ಪಥದತ್ತ ಹೊರಳಿಕೊಂಡಿರುವ ಮುನ್ಸೂಚನೆ ಸಿಕ್ಕಿದಂತಾಗಿತ್ತು. ಗರಡಿಯ ಬಗ್ಗೆ ಒಂದಷ್ಟು ಸುದ್ದಿಗಳು ಆಗಾಗ ಜಾಹೀರಾಗುತ್ತಿತ್ತಾದರೂ ಭಟ್ಟರ ಮುಂದಿನ ನಡೆ ನಿಗೂಢವಾಗಿತ್ತು. ಇದೀಗ ಗರಡಿಯ ಚಿತ್ರೀಕರಣ ಮುಕ್ತಾಯದ ಘಟ್ಟ ತುಪಿರುವ ಕರಟಕ ದಮನಕರು ಸದ್ದು ಮಾಡಲಾರಂಭಿಸಿದ್ದಾರೆ. ಈ ಸಿನಿಮಾದಲ್ಲಿ ಶಿವರಾ ಕುಮಾರ್ ಮತ್ತು ಪ್ರಭುದೇವ ಸಲಿದ್ದಾರೆಂಬ ಬಗ್ಗೆ ಬಹು ಹಿಂದಿನಿಂದಲೇ ಮಾಹಿತಿಗಳು ಹೊರಬಂದಿದ್ದವು. ಇದೀಗ ಫಸ್ಟ್ ಲುಕ್ ಪೋಸ್ಟರ್‍ನಲ್ಲಿ ಅವರಿಬ್ಬರ ಲುಕ್ ಹೇಗಿರಲಿದೆ ಎಂಬುದನ್ನು ಭಟ್ಟರು ತೋರಿಸಿದ್ದಾರೆ.

ಶೀರ್ಷಿಕೆಯ ವಿನ್ಯಾಸ, ಶಿವಣ್ಣ ಮತ್ತು ಪ್ರಭುದೇವ ಲುಕ್ಕು ಗಮನಿಸುತ್ತಿದ್ದರೆ ಯೋಗರಾಜ್ ಭಟ್ ಈ ಬಾರಿ ಪ್ರೇಕ್ಷಕರನ್ನು ಚಕಿತಗೊಳಿಸೋದು ಪಕ್ಕಾ ಎಂದೆನಿಸುತ್ತದೆ. ಸದ್ಯದ ವಾತಾವರಣ ಗಮನಿಸಿದೆ ಭಟ್ಟರೇಕೋ ಸೈಲೆಂಟಾಗಿ ರೊಚ್ಚಿಗೆದ್ದಂತಿದೆ. ಯಾಕೆಂದರೆ, ಒಂದಷ್ಟು ಸೋಲಿನ ನಂತರದಲ್ಲಿ ಮತ್ತೆ ಎದೆ ಸೆಟೆಸಿ ಮೇಲೆದ್ದು ನಿಲ್ಲುವ ಅನಿವಾರ್ಯತೆ ಅವರ ಮುಂದಿದೆ. ಅಷ್ಟಕ್ಕೂ ಅದೆಷ್ಟೋ ವರ್ಷಗಳ ಕಾಲ ಕಾದು ಮುಂಗಾರು ಮಳೆ ಗೆಲುವಿಗೆ ಮೈಯೊಡ್ಡಿದ್ದವರು ಯೋಗರಾಜ ಭಟ್. ಆದರೆ, ಆ ನಂತರ ಆ ಗೆಲುವಿನ ಹನಿಗಳಿಗೆ ಮೈಯೊಡ್ಡಿ ಪ;ಉಳಕಗೊಂಡರೇ ಹೊರತು, ಅದನ್ನು ಮೀರಿಕೊಂಡು ಮತ್ತೊಂದು ಗೆಲುವಿನತ್ತ ಅವುಡುಗಚ್ಚಿ ನಡೆಯಲು ಅವರಿಂದ ಸಾಧ್ಯವಾಗಿಲ್ಲ. ಗಾಳಿಪಟ2 ಒಂದಷ್ಟು ಕಲೆಕ್ಷನ್ನು ಮಾಡಿತ್ತಾದರೂ ಅದೇನು ಸಮ್ಮೋಹಕ ಗೆಲುವಲ್ಲ. ಕರಟಕ ದಮನಕ ಚಿತ್ರದ ಮೂಲಕ ಭಟ್ಟರಿಗೆ ಮಹಾ ಗೆಲುವು ಸಿಕ್ಕಲೆಂಬುದು ಹಾರೈಕೆ!

The post yogaraj bhat: ಭಟ್ಟರು ಬದಲಾದ ಸೂಚನೆ ಕೊಟ್ಟ ಕರಟಕ ದಮನಕ! appeared first on Cini Shodha.

ಆ ಸುದ್ದಿಯನ್ನಾಧರಿಸಿ ಹೇಳುವುದಾದರೆ, ಕನ್ನಡ ಸಿನಿಮಾ ಪ್ರೇಮಿಗಳಿಗೆ ಡಬಲ್ ಧಮಾಕಾವೇ ಎದುರಾಗಲಿದೆ. ಯಾಕೆಂದರೆ, ಶಿವಣ್ಣ ಒಂದರ ಹಿಂದೊಂದರಂತೆ ಎರಡೆರಡು ಮಲ್ಟಿ ಸ್ಟಾರರ್ ಚಿತ್ರಗಳಲ್ಲಿ ನಟಿಸಲಿದ್ದಾರೆ. ಅದರಲ್ಲೊಂದು ಗೋಲ್ಡನ್ ಸ್ಟಾರ್ ಗಣೇಶ್ ಜೊತೆಗಿನದ್ದು. ಈ ಚಿತ್ರವನ್ನು ಕೆ ಎಸ್ ರವಿಕುಮಾರ್ ನಿರ್ದೇಶನ ಮಾಡಲಿದ್ದಾರೆ. ಎಂ.ಬಿ ಬಾಬು ನಿರ್ಮಾಣದಲ್ಲಿ ಮೂಡಿ ಬರಲಿರುವ ಈ ಚಿತ್ರಕ್ಕಾಗಿ ಈಗಾಗಲೇ ಒಂದಷ್ಟು ತಯಾರಿಗಳು ನಡೆದಿವೆ. ಕಥೆ ಯಾವ ಬಗೆಯದ್ದ? ತಾರಾಗಣದಲ್ಲಿ ಯಾರೆಲ್ಲ ಇರಲಿದ್ದಾರೆಂಬುದೂ ಸೇರಿದಂತೆ ಅನೇಕ ಪ್ರಶ್ನೆಗಳಿಗೆ ಇಷ್ಟರಲ್ಲಿಯೇ ಥ್ರಿಲ್ ಆಗುವಂಥಾ ಉತ್ತರ ಸಿಗಲಿದೆ.

ಇನ್ನುಳಿದಂತೆ ಮತ್ತೊಂದು ಚಿತ್ರದಲ್ಲಿ ಕೃಷ್ಣ ಅಜೇಯ್ ರಾವ್ ಶಿವಣ್ಣನೊಂದಿಗೆ ತೆರೆ ಹಂಚಿಕೊಳ್ಳಲಿದ್ದಾರೆ. ಈ ಸಿನಿಮಾದ ವಿಚಾರದಲ್ಲಿಯೂ ಸಾಕಷ್ಟು ಕೆಲಸ ಕಾರ್ಯಗಳು ನಡೆಯುತ್ತಿವೆ. ಅದೂ ಕೂಡಾ ಬಿಗ್ ಬಜೆಟ್ ಚಿತರವೆಂದೇ ಹೇಳಲಾಗುತ್ತಿದೆ. ಈ ಸಿನಿಮಾ ಮೂಲಕ ಅಜೇಯ್ ರಾವ್ ನಸೀಬು ಬದಲಾಗುವ ನಿರೀಕ್ಷೆಗಳೂ ಇದ್ದಾವೆ. ಈವರೆಗೂ ಹಲವಾರು ಬಾರಿ ಕೃಷ್ಣಾವತಾರವೆತ್ತಿದರೂ ಕೂಡಾ ಅಜೇಯ್‍ರ ಪಾಲಿಗೊಂದು ದೊಡ್ಡ ಗೆಲುವು ದಕ್ಕಿರಲಿಲ್ಲ. ಪಕ್ಕಾ ಮಾಸ್ ಮೂಡಿನಲ್ಲಿ ಅಬ್ಬರಿಸಿದರೂ ಯಾವ ಫಾಯಿದೆಯೂ ಗಿಟ್ಟಿರಲಿಲ್ಲ. ಹೀಗಿರುವಾಗ ಅಜೇಯ್‍ಗೆ ಶಿವಣ್ಣನೊಂದಿಗೆ ನಟಿಸುವ ಅವಕಾಶ ಕೂಡಿ ಬಂದಿದೆ. ಅಂತೂ ಈ ವರ್ಷ ಕನ್ನಡ ಚಿತ್ರರಂಗದ ಪಾಲಿಗೆ ಖುಷಿಯ ಸುಗ್ಗಿಯಾಗೋ ಸೂಚನೆಗಳು ಗಾಢವಾಗಿ ಗೋಚರಿಸಲಾರಂಭಿಸಿವೆ!

The post multi starrer movie:ಶಿವಣ್ಣನೊಂದಿಗೆ ಮಿಂಚಲಿದ್ದಾರೆ ಗಣೇಶ್-ಅಜಯ್ ರಾವ್! appeared first on Cini Shodha.

2018ರಲ್ಲಿ ಟಗರು ಚಿತ್ರ ತೆರೆ ಕಂಡಿತ್ತಲ್ಲಾ? ದುನಿಯಾ ಸೂರಿ ಅದರ ಮೂಲಕ ಪ್ರೇಕ್ಷಕರೆಲ್ಲರಿಗೀ ಹೊಸಾ ಅನುಭೂತಿಯೊಂದನ್ನು ದಾಟಿಸಿದ್ದರು. ಪಕಾ ಮಾಸ್ ಅಂಶಗಳನ್ನು ಹೊಂದಿದ್ದ ಆ ಚಿತ್ರದಲ್ಲಿ ಶಿವರಾಜ್ ಕುಮಾರ್ ಟಗರು ಶಿವನಾಗಿ ಅಕ್ಷರಶಃ ವಿಜೃಂಭಿಸಿದ್ದರು. ಅದು ಸೂರಿ ಸಿನಿಮಾ ದುನಿಯಾದಲ್ಲಿ ಜರುಗಿದ್ದ ನಿಜವಾದ ಮ್ಯಾಜಿಕ್ಕು. ಯಾಕೆಂದರೆ, ಒಂದಷ್ಟು ಪ್ರಯೋಗಗಳಿಂದ, ಚುರುಕಿನ ನಿರೂಪಣೆಯಿಂದ, ಚಿತ್ರವಿಚಿತ್ರವಾದ ವಿಕ್ಷಿಪ್ತ ಪಾತ್ರಗಳ ಸೃಷ್ಟಿಯಿಂದ ಸಾಧಾರಣ ಕಥೆ ಕೂಡಾ ಅಸಾಧಾರಣ ಶಕ್ತಿ ತುಂಬಿಕೊಂಡಿತ್ತು. ಹಾಡುಗಳು ಸೇರಿದಂತೆ ಎಲ್ಲ ರೂತಿಯಲ್ಲೂ ಸೂಪರ್ ಹಿಟ್ ಆಗಿದ್ದ ಟಗರು ಸೂಪರ್ ಹಿಟ್ ಆಗಿದ್ದೀಗ ಇತಿಹಾಸ.

ಆ ಇತಿಹಾಸದ ಎರಡನೇ ಆವೃತ್ತಿ ಮರಳುವ ಎಲ್ಲ ಸಾಧ್ಯತೆಗಳೂ ಸದ್ಯಕ್ಕೆ ಸ್ಪಷ್ಟವಾಗಿ ಗೋಚರಿಸಲಾರಂಭಿಸಿದೆ. ಇದೀಗ ಶಿವಣ್ಣನಿಗೆ ಹುಟ್ಟುಹಬ್ಬದ ಶುಭಾಶಯ ಕೋರುವ ಪೋಸ್ಟರ್ ಒಂದು ಬಿಡುಗಡೆಗೊಂಡಿದೆ. ಟಗರು ಛಾಯೆಯ ಆ ಪೋಸ್ಟರ್ ಕಂಡು ಅಭಿಮಾನಿಗಳೆಲ್ಲ ಥ್ರಿಲ್ ಆಗಿದ್ದಾರೆ. ಯಾಕೆಂದರೆ, ಈ ಮೂಲಕ ಅಭಿಮಾನಿಗಳೆಲ್ಲರ ಮನದಾಸೆ ಸಾಕಾರಗೊಳ್ಳುವ ಲಕ್ಷಣಗಳು ಜಾಹೀರಾಗಿವೆ. ದುನಿಯಾ ಸೂರಿ ಸದ್ದೇ ಇಲ್ಲದೆ ಟಗರು2ಗಾಗಿ ಅಣಿಗೊಂಡಿದ್ದಾರಾ? ಅನ್ನೋ ಪ್ರಶ್ನೆಯೊಂದು ಬಲವಾಗಿಯೇ ಮೂಡಿಕೊಂಡಿದೆ. ಈ ಬಗ್ಗೆ ಸದ್ಯದಲ್ಲಿಯೇ ಅಧಿಕೃತ ಮಾಹಿತಿ ಹೊರಬೀಳುವ ಸಾಧ್ಯತೆಗಳಿದ್ದಾವೆ. ಅದು ಸಾಧ್ಯವಾದರೆ, ಕನ್ನಡ ಪ್ರೇಕ್ಷಕರ ಪಾಲಿಗೆ ಹಬ್ಬವಾಗೋದು ಗ್ಯಾರೆಟಿ!

The post tgaru2: ಶಿವಣ್ಣನ ಬರ್ತ್‍ಡೆಯಂದೇ ರೋಮಾಂಚನ! appeared first on Cini Shodha.