ಅದು ಮತ್ತೊಮ್ಮೆ ಜಾಹೀರಾಗಿರೋದು ಬೆಟ್ಟಿಂಗ್ ಆಪ್ ಪ್ರಮೋಷಚನ್ನುಗಳ ಮೂಲಕ. ಈ ಹಿಂದೆ ಶಾರೂಖ್ ಖಾನ್, ಅಜಯ್ ದೇವಗನ್ ಥರದ ನಟರು ಗುಟ್ಕಾ ಜಾಹೀರಾತಿನಲ್ಲಿ ಕಾಣಿಸಿಕೊಂಡಾಗ ಪ್ರಜ್ಞಾವಂತರು ಹೀನಾಮಾನ ಝಾಡಿಸಿದ್ದರು. ಆದರೆ, ಕೋಟಿ ರೊಕ್ಕದ ಅಮಲಿಗೆ ಬಿದ್ದ ಈ ಅವಿವೇಕಿ ನಟರು ಮತ್ತೆ ಮತ್ತೆ ಅಂಥಾ ಜಾಹೀರಾತುಗಳಲ್ಲಿ ಕಾಣಿಸಿಕೊಳ್ಳುತ್ತಾ ತಾವೆಂಥಾ ಕೃತಘ್ನರೆಂಬುದನ್ನು ಜಾಹೀರು ಮಾಡಿದ್ದರು. ಇತ್ತೀಚಿನ ವರ್ಷಗಳಲ್ಲಿ ಆನ್‌ಲೈನ್ ಬೆಟ್ಟಿಂಗ್ ಆಪ್‌ಗಳಿಗೆ ಪ್ರಚಾರ ನೀಡುವ ಮೂಲಕ ಮತ್ತೊಂದಷ್ಟು ನಟ ನಟಿಯರ ದಗಲ್ಬಾಜಿತನ ಬಟಾಬಯಲಾಗಿದೆ!

ಈ ಸಂಬಂಧವಾಗಿ ವರ್ಷಗಳ ಹಿಂದೆಯೇ ರಾಣಾ ದಗ್ಗುಬಾಟಿ, ವಿಜಯ್ ದೇವರಕೊಂಡ, ಪ್ರಕಾಶ್ ರೈ ಸೇರಿದಂತೆ ಇಪ್ಪತ್ತೊಂಬತ್ತಕ್ಕೂ ಹೆಚ್ಚು ನಟ ನಟಿಯರ ಮೇಲೆ ಪ್ರಕರಣ ದಾಖಲಾಗಿದ್ದರು. ಈ ಸಂಬಂಧವಾಗಿ ರಾಣಾ ದಗ್ಗುಬಾಟಿಯನ್ನು ಇದೀಗ ಮತ್ತೆ ಪೊಲೀಸ್ ಅಧಿಕಾರಿಗಳು ವಿಚಾರಣೆಗೊಳಪಡಿಸಿದ್ದಾರೆ. ಇವರೆಲ್ಲ ಒಂದು ಸಿನಿಮಾಗೆ ಕೋಟಿ ಕೋಟಿ ಸಂಭಾವನೆ ಪಡೆಯುತ್ತಾರೆ. ಹಾಗಿರುವಾಗ ಆನ್ ಲೈನ್ ಬೆಟ್ಟಿಂಗ್ ಆಪ್‌ಗಳ ಮೂಲಕ ಕಾಸು ಪಡೆದು, ಪ್ರಚಾರ ನಡೆಸಿ ಯಾರದ್ದೋ ಬದುಕನ್ನು ಬರ್ಬಾದು ಮಾಡೋ ದರ್ದು ಇವರಿಗೆಲ್ಲ ಅದೇನಿದೆಯೋ. ಕನ್ನಡದ ಕಿಚ್ಚ ಸುದೀಪ ಕೂಡಾ ಇಂಥಾದ್ದೇ ಆಪ್ ಪ್ರಮೋಟ್ ಮಾಡಿದ್ದರು. ಇದೀಗ ಸಮಾಜ ಸುಧಾರಕನಂತೆ ಪೋಸು ಕೊಡುತ್ತಿರುವ ಪ್ರಕಾಶ್ ರೈ ಕೂಡಾ ಇಂಥಾ ಜೂಜಿನ ಕಾಸಿನ ಮೋಹಕ್ಕೆ ಬೀಳುತ್ತಾರೆಂದರೆ, ಈ ನಟರ ದಗಲುಬಾಜಿತನಗಳ ಬಗ್ಗೆ ನಿಜಕ್ಕೂ ಅಸಹ್ಯ ಮೂಡಿಕೊಳ್ಳುತ್ತೆ.

The post rana daggubati: ಸಾಮಾಜಿಕ ಕಾಳಜಿಯಿಲ್ಲದ ಧನಪಿಶಾಚಿಗಳು! appeared first on Cini Shodha.

ಬಾಲಿವುಡ್ಡಿನ ಮೂವರು ಖಾನ್ ಗಳಿಗೆ ಸೋಲಿನ ಪರ್ವ ಶೂರುವಾಗಿ ಒಂದಷ್ಟು ವರ್ಷಗಳು ಕಳೆದಿವೆ. ಈ ಮೂವರಲ್ಲಿ ಶಾರೂಖ್ ಖಾನ್ ಕಳೆದ ವರ್ಷ ಸಾಲು ಸಾಲು ಹಿಟ್ ಸಿನಿಮಾ ನೀಡುವ ಮೂಲಕ ಒಂದಷ್ಟು ನಿರಾಳವಾದಂತಿದೆ. ಸಲ್ಮಾನ್ ಮತ್ತು ಆಮೀರ್ ಪಾಲಿಗೆ ಮಾತ್ರ ಗೆಲುವೆಂಬುದು ಅಕ್ಷರಶಃ ಸತಾಯಿಸಲಾರಂಭಿಸಿದೆ. ಶಾರೂಖ್ ಖಾನ್ ಗೆ ಕಳೆದ ವರ್ಷ ದೊಡ್ಡ ಮಟ್ಟದಲ್ಲಿ ಗೆಲುವು ತಂದು ಕೊಟ್ಟಿದ್ದ ಚಿತ್ರ ಜವಾನ್. ಅದನ್ನು ನಿರ್ದೇಶನ ಮಾಡಿದ್ದದ್ದು ತಮಿಳು ನಿರ್ದೇಶಕ ಅಟ್ಲಿ. ಈ ಮೂಲಕ ಶಾರೂಖ್ ಕೂಡಾ ಗೆಲುವಿಗಾಗಿ ದಕ್ಷಿಣದ ನಿರ್ದೇಶಕನನ್ನೇ ನೆಚ್ಚಿಕೊಂಡಿದ್ದರು. ಇದೆಲ್ಲದರ ನಡುವೆ ಭರಪೂರವಾದೊಂದು ಗೆಲುವಿಗಾಗಿ ಹಪಾಹಪಿಸುತ್ತಿರುವ ಸಲ್ಮಾನ್ ಖಾನ್ ಶಾರೂಖ್ ಫಾರ್ಮುಲಾವನ್ನೇ ನಂಬಿ ಹೊರಟಿದ್ದಾರೆ.

ಸಲ್ಮಾನ್ ಖಾನ್ ವಜನ್ನಿಗೆ ಒಪ್ಪುವಂಥಾ ಗೆಲುವುಗಳು ಇತ್ತೀಚಿನ ವರ್ಷಗಳಲ್ಲಿ ಮರೀಚಿಕೆಯಾಗಿದೆ. ಹೀಗೇ ಮುಂದುವರೆದರೆ ಸ್ಟಾರ್ ಗಿರಿಗೆ ಸಂಚಕಾರ ಬರುತ್ತದೆ, ದಕ್ಷಿಣ ಭಾರತೀಯ ಸಿನಿಮಾಗಳ ಅಬ್ಬರದಲ್ಲಿ ಕಳೆದು ಹೋಗಬೇಕಾಗುತ್ತದೆ ಅನ್ನೋ ಸತ್ಯ ಸಲ್ಲುಗೆ ಅರಿವಾದಂತಿದೆ. ಈ ಕಾರಣದಿಂದಲೇ ಅವರು ಅಟ್ಲಿ ನಿರ್ದೇಶನದ ಚಿತ್ರಕ್ಕೆ ಎಸ್ ಅಂದಿದ್ದಾರಂತೆ. ಹಾಗಂತ, ಸಲ್ಲುಗೆ ಈಗಷ್ಟೇ ಜ್ಞಾನೋದಯವಾಗಿದೆ ಅಂದುಕೊಳ್ಳಬೇಕಿಲ್ಲ. ವರ್ಷದ ಹಿಂದೆಯೇ ಅಸಲೀ ವಾತಾವರಣದ ಅರಿವಾದದ್ದರಿಂದಲೇ ಮುರುಗಾ ದಾಸ್ ಜೊತೆ ಸಿಖಂದರ್ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಸದ್ಯ ಸಿಕಂದರ್ ಚಿತ್ರೀಕರಣ ಚಾಲ್ತಿಯಲ್ಲಿದೆಅದು ಮುಗಿದಾಕ್ಷಣವೇ ಅಟ್ಲಿ ನಿರ್ದೇಶನದ ಸಿನಿಮಾಕ್ಕೆ ಚಾಲನೆ ಸಿಗಲಿದೆ.

The post salman khan: ಮತ್ತೆ ತಮಿಳು ನಿರ್ದೇಶಕನನ್ನು ನೆಚ್ಚಿಕೊಂಡ ಸಲ್ಲು! appeared first on Cini Shodha.

ಇತ್ತೀಚೆಗಷ್ಟೇ ಸುಚಿತ್ರಾ ಕೃಷ್ಣಮೂರ್ತಿಯ ಖಾಸಗೀ ಬದುಕಿನಲ್ಲಿ ಬಿರುಗಾಳಿ ಎದ್ದಿತ್ತು. ಸಿನಿಮಾ ರಂಗದಲ್ಲಿ ಮಾಮೂಲೆಂಬಂತೆ ಆಕೆ ಗಂಡನಿಂದ ವಿಚ್ಚೇದನ ಪಡೆದುಕೊಂಡಿದ್ದರು. ಈ ಮೂಲಕ ಸುದೀರ್ಘವಾದ ಸಾಹಚರ್ಯವೊಂದು ಕೊನೆಗೊಂಡಿರುವ ಸಂಕಟದಲ್ಲಿದ್ದಾರೆ ಸುಚಿತ್ರಾ. ಇದೆಲ್ಲದರ ನಡುವೆ ಆಕೆ ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಭಾಗಿಯಾಗಿದ್ದರು. ಸಿದ್ಧಾರ್ಥ ಕಣ್ಣನ್ ಎಂಬವರೊಂದಿಗೆ ಮಾತಾಡುತ್ತಾ ಸುಚಿತ್ರಾ ತಾನು ಒಂದು ಕಾಲದಲ್ಲಿ ಕಂಡುಂಡ ಕಹಿ ಘಟನೆಗಳ ಬಗ್ಗೆ ಮಾತಾಡಿದ್ದಾರೆ. ಅಪ್ಪ ಪಕ್ಕದ ರೂಮಿನಲ್ಲಿದ್ದಾರೆಂದರೂ, ಈ ರಾತ್ರಿ ನನ್ನೊಂದಿಗಿರು ಅಂದಿದ್ದ ಲಜ್ಜೆಗೇಡಿ ನಿರ್ಮಾಪಕನೊಬ್ಬನ ಬಗ್ಗೆ ಹೇಳಿಕೊಂಡಿದ್ದಾರೆ. ಆಘಾತಕಾರಿ ಅಂಶವೆಂದರೆ, ಕೇಲವ ಒಬ್ಬ ನಿರ್ಮಾಪಕ ಮಾತ್ರವಲ್ಲದೇ, ಹಲವರಿಂದ ಆ ಥರದ ಮಾನಸಿಕ ಹಿಂಸೆ ಅನುಭವಿಸಿದ್ದಾಗಿಯೂ ಹೇಳಿಕೊಂಡಿದ್ದಾರೆ.

ಸುಚಿತ್ರಾ ಹೇಳಿಕೊಂಡಿರುವ ಪ್ರಕಾರ, ಆಕೆ ನಟಿಯಾಗಿದ್ದ ಬಹುಪಾಲು ವರ್ಷಗಳಲ್ಲಿ ಅಡಿಗಡಿಗೆ ಇಂಥಾ ಮಾನಸಿಕ ಕಿರುಕುಳಗಳು ಸಾಕಷ್ಟು ನಡೆದಿವೆ. ಹೀಗೆ ಕಾಸ್ಟಿಂಗ್ ಕೌಚ್ ಮೂಲಕ ಸುದ್ದಿಯಲ್ಲಿರುವ ಸುಚಿತ್ರಾ ಕೃಷ್ಣಮೂರ್ತಿ ಶಾರೂಖ್ ಖಾನ್ ಅಭಿನಯದ ಕಭಿ ಹಾಂ ಕಭಿ ನಾ ಚಿತ್ರದ ಮೂಲಕ ಬಾಲಿವುಡ್ಡಿಗೆ ಪಾದಾರ್ಪಣೆ ಮಾಡಿದ್ದರು. ಆ ನಂತರದಲ್ಲಿ ಗಾಯಕಿಯಾಗಿ, ನಟಿಯಾಗಿ ಒಂದಷ್ಟು ಪ್ರಸಿದ್ಧಿಯನ್ನೂ ಪಡೆದುಕೊಂಡಿದ್ದರು. ಒಟ್ಟಾರೆಯಾಗಿ ಸುಚಿತ್ರ ಹೇಳಿಕೆಯ ಮೂಲಕ ಕಾಸ್ಟಿಂಗ್ ಕೌಚ್ ಎಂಬುದು ಸಾರ್ವಕಾಲಿಕ ಪಿಡುಗಿನಂತೆಯೇ ಗೋಚರಿಸುತ್ತದೆ. ಹೆಣ್ಣನ್ನು ಭೋಗದ ವಸ್ತುವಿನಂತೆ ಕಾಣುವ ಸಿನಿಮಾ ರಂಗದ ಕೆಲ ಕೀಚಕರಿಗೆ ತಕ್ಕ ಶಾಸ್ತಿಯಾಗದ ಹೊರತು ಅದು ಮುಂದುವರೆಯುತ್ತಲೇ ಇರುತ್ತದೆ…

The post suchitra krishnamurthi: ಸುಚಿತ್ರಾ ಬದುಕಲ್ಲಿ ನಡೆದದ್ದಾದರೂ ಏನು? appeared first on Cini Shodha.

ಶಾರೂಖ್ ಅಭಿಮಾನಿಗಳಂತೂ ಹೋಗಿ ಬಂದು ಮತ್ತೆ ಮತ್ತೆ ಆ ವೀಡಿಯೋ ನೋಡುವ ಮೂಲಕ, ಅದರ ವೀಕ್ಷಣೆಯ ಸಂಖ್ಯೆ ಎಪ್ಪತ್ತು ಮಿಲಿಯನ್ನಿನ ಗಡಿ ದಾಟುವ ಸನ್ನಾಹದಲ್ಲಿದೆ. ಇತ್ತೀಚಿನ ಮಟ್ಟಿಗೆ ಇದೊಂದು ದಾಖಲೆಯೇ. ವಿಚಾರ ಹೀಗಿರುವಾಗಲೇ ಒಂದಷ್ಟು ಮಂದಿ ಈ ಪ್ರಿವ್ಯೂ ವೀಡಿಯೋದಲ್ಲಿ ಸುಂದರಿಯೊಬ್ಬಳನ್ನು ಎಡೆಬಿಡದೆ ಹುಡುಕುತ್ತಿದ್ದಾರೆ. ಆದರೂ ಆಕೆ ಕಾಣದೆ ನಿರಾಸೆಗೊಂಡಿದ್ದಾರೆ. ಆ ಸುಂದರಿಯನ್ನೇನಾದರೂ ಸಿನಿಮಾದಿಂದ ಕೈ ಬಿಡಲಾಗಿದೆಯಾ ಅಂತಲೂ ಒಂದಷ್ಟು ಮಂದಿ ದಿಗಿಲುಗೊಂಡಿದ್ದಾರೆ. ಹೀಗೆ ಅಭಿಮಾನಿಗಳ ಹುಡುಕಾಟ, ದಿಗಿಲಿಗೆ ಕಾರಣವಾಗಿರುವಾಕೆ ರಿಧಿ ಡೋಗ್ರಾ!

ಅಟ್ಲಿ ನಿರ್ದೇಶನದ ಈ ಚಿತ್ರದಲ್ಲಿ ಶಾರೂಖ್ ಖಾನ್‍ಗೆ ಜೋಡಿಯಾಗಿ ನಯನತಾರಾ ನಟಿಸಿದ್ದಾಳೆ. ವಿಜಯ್ ಸೇತುಪಥಿ ಕೂಡಾ ಪ್ರಧಾನ ಪಾತ್ರವೊಂದರಲ್ಲಿ ನಟಿಸಿದ್ದಾರೆ. ಅಂಥಾದ್ದೇ ಪ್ರಾಧಾನ್ಯತೆಹೊಂದಿರುವ ಪಾತ್ರದಲ್ಲಿ ರಿಧಿ ಕೂಡಾ ನಟಿಸಿದ್ದಾಳೆಂದು ಹೇಳಲಾಗಿತ್ತು. ಆದರೆ ಇದುವರೆಗೂ ಆಕೆಯ ಪಾತ್ರದ ಬಗ್ಗೆ ಸುಳಿವು ಸಿಕ್ಕಿಲ್ಲ. ಎಧಿ ಹೆಚ್ಚೂಕಮ್ಮಿ ನಾಪತ್ತೆಯಾಗಿ ಬಿಟ್ಟಿದ್ದಾಳೆ. ಈ ಬಗ್ಗೆ ಕೆಲ ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳ ಮೂಲಕ ಪ್ರಶ್ನೆಗಳ ಸುರಿಮಳೆಗೈಯುತ್ತಿದ್ದಾರೆ. ಅದಕ್ಕೆ ರಿಧಿ ವ್ಯವಧಾನದಿಂದಲೇ ಉತ್ತರಿಸುತ್ತಿದ್ದಾಳೆ. ತಾನು ಜವಾನ್ ಚಿತ್ರದ ಭಾಗವಾಗಿರುವುದನ್ನು ಖಚಿತಪಡಿಸುತ್ತಲೇ, ತನ್ನ ಪಾತ್ರದ ಸುಳಿವು ಆದಷ್ಟು ಬೇಗ ಸಿಗಲಿದೆ ಎಂಬ ಅಭಯವನ್ನೂ ಕೊಟ್ಟಿದ್ದಾಳೆ. ಅದನ್ನು ಕಂಡು ರೊಚ್ಚಿಗೆದ್ದಿದ್ದ ಅಭಿಮಾನಿಗಳು ತಣ್ಣಗಾಗಿ ನಿಸೂರಾಗಿದ್ದಾರೆ!

The post ridhi dogra: ಅಭಿಮಾನಿಗಳ ಎದೆ ಅದುರಿಸಲಿದ್ದಾಳಾ ಸುಂದರಿ? appeared first on Cini Shodha.