ಇಪ್ಪತ್ತೇಳನೇ ತಾರೀಕಿನಂದು ಮಧ್ಯಾಹ್ನ ಮೂರು ಗಂಟೆಗೆ ಚಲನಚಿತ್ರ ವಾಣಿಜ್ಯ ಮಂಡಳಿಯಲ್ಲಿ ಅಧ್ಯಕ್ಷೆ ಡಾ. ಜಯಮಾಲಾ ಅವರ ಅಧ್ಯಕ್ಷತೆಯಲ್ಲೊಂದು ಸಭೆ ನಡೆದಿದೆ. ಪದಾಧಿಕಾರಿಗಳು, ನಿರ್ಮಾಪಕರ ಸಂಘ, ನಿರ್ದೇಶಕರ ಸಂಘದ ಅಧ್ಯಕ್ಷರುಗಳು, ಡಾರ್ಲಿಂಗ್ ಕೃಷ್ಣ, ಗುರು ದೇಶಪಾಂಡೆ, ರಾಘವೇಂದ್ರ ಎಂ ನಾಯಕ್ ಮತ್ತಿತರರು ಹಾಜರಿದ್ದರು. ಈ ಸಂದರ್ಭದಲ್ಲಿ ಜಯಮಾಲಾ ಎಲ್ಲರ ವಾದ, ಪ್ರತಿವಾದ, ಅಭಿಪ್ರಾಯಗಳನ್ನು ಅಮೂಲಾಗ್ರವಾಗಿ ಆಲಿಸಿದ್ದಾರೆ. ಈ ಸಂದರ್ಭದಲ್ಲಿ ಡಾರ್ಲಿಂಗ್ ಕೃಷ್ಣ ಸಿದ್ಧಪಡಿಸಿದ್ದ ಲವ್ ಮಾಕ್ಟೇಲ್೩ ಚಿತ್ರದ ಚಿತ್ರಕಥೆಯೇ ಬೇರೆ, ಗುರುದೇಶಪಾಂಡೆ ಬಳಿಯಿರುವ ಚಿತ್ರಕಥೆಯೇ ಬೇರೆ ಎಂಬುದು ಯಾವುದೇ ಗೊಂದಲಕ್ಕೆ ಆಸ್ಪದವಿಲ್ಲದಂತೆ ಸಾಬೀತಾಗಿದೆ. ಈ ಮೂಲಕ ಡಾರ್ಲಿಂಗ್ ಕೃಷ್ಣಗೆ ಸದರಿ ಸವಾಲಿನಲ್ಲಿ ಗೆಲುವಾಗಿದೆ.

Love Mocktail3 Movie: ಮೂರು ಸರಣಿಯಲ್ಲೂ ಸಮ್ಮೋಹಕ ಗೆಲುವು!

ಗುರುದೇಶಪಾಂಡೆ ಹಲವಾರು ವರ್ಷಗಳಿಂದ ಚಿತ್ರರಂಗದಲ್ಲಿ ನಿರ್ದೇಶಕರಾಗಿ ಸಕ್ರಿಯರಾಗಿರುವವರು. ಇತ್ತೀಚೆಗೆ ನಿರ್ಮಾಪಕರಾಗಿಯೂ ಅವತಾರವೆತ್ತಿದ್ದಾರೆ. ಚಿತ್ರರಂಗದ ಎಲ್ಲ ವಿಭಾಗಗಳ ಒಳ ಹೊರಗುಗಳು ಮತ್ತು ಸವಾಲುಗಳನ್ನೂ ಅರಿತುಕೊಂಡಿದ್ದಾರೆ. ಒಂದು ಸಿನಿಮಾ ಹಿಟ್ ಆಗೋ ಹಾದಿಯ ಎಲ್ಲ ಎಡರುತೊಡರುಗಳೂ ಅವರಿಗೆ ಪರಿಚಿತ. ಹಾಗಿದ್ದರೂ ಲವ್ ಮಾಕ್ಟೇಲ್೩ ಗೆಲುವಿನತ್ತ ಮುನ್ನುಗ್ಗುತ್ತಿದ್ದ ಘಳಿಗೆಯಲ್ಲಿ ಯಾಕೆ ಇಂಥಾದ್ದೊಂದು ವಿವಾದದ ಕಿಡಿ ತಾಕಿಸಿದರು? ತೀರಾ ಖಾಸಗಿಯಾಗಿ ಪರಿಹರಿಸಿಕೊಳ್ಳಬಹುದಿದ್ದ ಸಾಧ್ಯತೆಗಳನ್ನು ಯಾಕೆ ಹಾದಿರಂಪವಾಗಿಸಿದರು ಅಂತೊಂದು ಪ್ರಶ್ನೆ ಸಹಜವಾಗಿಯೇ ಸಿನಿಮಾಸಕ್ತರನ್ನು ಕಾಡುತ್ತದೆ. ಇದೆಲ್ಲದರಾಚೆಗೆ ಸದರಿ ಕೃತಿಚೌರ್ಯ ಪ್ರಕರಣದಲ್ಲಿ ಗೆಲುವಾಗುವ ಮೂಲಕ ಲವ್ ಮಾಕ್ಟೇಲ್೩ ಗೆಲುವಿನ ಘಮ ಮತ್ತಷ್ಟು ಮೋಹಕವಾದಂತಾಗಿದೆ.

ಇದು ಗೆಲುವೆಂಬುದಕ್ಕಿಂತಲೂ ಹೆಚ್ಚಾಗಿ ಡಾರ್ಲಿಂಗ್ ಕೃಷ್ಣ ಪ್ರೇಕ್ಷಕರು ತನ್ನ ಮೇಲಿಟ್ಟಿದ್ದ ನಂಬಿಕೆಯನ್ನು ಉಳಿಸಿಕೊಂಡಿದ್ದಾರೆ. ಇಂಥಾದ್ದೊಂದು ಆರೋಪ ಕೇಳಿ ಬರುತ್ತಲೇ ಲವ್ ಮಾಕ್ಟೇಲ್ ಸರಣಿಯ ಪ್ರೇಕ್ಷಕರೆಲ್ಲ ಸಾಮಾಜಿಕ ಜಾಲತಾಣಗಳ ಮೂಲಕ ಕೃಷ್ಣ ಬೆನ್ನಿಗೆ ನಿಂತಿದ್ದರು. ಈ ಆರೋಪದಲ್ಲಿ ಹುರುಳಿರಲಿಕ್ಕಿಲ್ಲ ಎಂಬಂಥಾ ಮಾತುಗಳನ್ನಾಡಿದ್ದರು. ಈ ಸಂಬಂಧವಾಗಿ ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ಕೂಡಾ ಪತ್ರಿಕಾಗೋಷ್ಠಿಯಲ್ಲಿ ಅತ್ಯಂತ ಆತ್ಮವಿಶ್ವಾಸದಿಂದ ತಮ್ಮ ಮೇಲಿನ ಆರೋಪವನ್ನು ತಳ್ಳಿ ಹಾಕಿದ್ದರು. ಕಡೆಗೂ ಈಗ ಎಲ್ಲವೂ ಸುಖಾಂತ್ಯಗೊಂಡಿದೆ. ಲವ್ ಮಾಕ್ಟೇಲ್೩ ಗೆಲುವಿನ ಓಟಕ್ಕೆ ಮತ್ತಷ್ಟು ಓಘ ಸಿಕ್ಕಿದೆ. ಇದೇ ಖುಷಿಯಲ್ಲಿ ಡಾರ್ಲಿಂಗ್ ಕೃಷ್ಣ ಹೊಸಾ ಕನಸಿನತ್ತ ಹೊರಳಿಕೊಂಡಿದ್ದಾರೆ!

keywords: love mocktail3, story controvercy, darling krishna, milana nagaraj, gurudeshapande

The post Love Mocktail3 Movie: ಲವ್ ಮಾಕ್ಟೇಲ್೩ ಹ್ಯಾಟ್ರಿಕ್ ಗೆಲುವಿಗೆ ಮತ್ತಷ್ಟು ಕಿಕ್! appeared first on Cini Shodha.

ಅಷ್ಟಕ್ಕೂ ಈ ಪ್ರಥಮ್ ಅದೆಂಥಾ ಗಂಭೀರ ವಿಚಾರದ ಬಗ್‌ಗೆ ಮಾತಾಡಿದರೂ ಅದನ್ನು ಯಾರೂ ಗಣನೆಗೆ ತೆಗೆದುಕೊಳ್ಳಲಾರದಂಥಾ ವಾತಾವರಣವಿದೆ. ಕನಿಷ್ಟ ಓರ್ವ ಮನುಷ್ಯ ಕಾಪಿಟ್ಟುಕೊಳ್ಳಬೇಕಾದ ವ್ಯಕ್ತಿಗತ ಘನತೆ ಗೌರವಗಳನ್ನು ಈತ ಅದ್ಯಾವತ್ತೋ ಮಣ್ಣುಪಾಲು ಮಾಡಿಕೊಂಡಿದ್ದಾನೆ. ಇಂಥವನು ಅದ್ಯಾವುದೋ ಸಿನಿಮಾ ಅಂತೆಲ್ಲ ಹಂತ ಹಂತಗವಾಗಿ ಪಬ್ಲಿಸಿಟಿ ಗಿಟ್ಟಿಸಿಕೊಳ್ಳುತ್ತಾ ಬಂದಿದ್ದಾನೆ. ಹೇಗಾದರೂ ಸರಿ; ಸದಾ ಚಾಲ್ತಿಯಲ್ಲಿರಬೇಕೆಂಬ ಸೋಶಿಯಲ್ ಮೀಡಿಯಾ ಜಮಾನದ ಫಾರ್ಮುಲಾವನ್ನೀತ ಕಟ್ಟುನಿಟ್ಟಾಗಿ ಅನುಸರಿಸಿಕೊಂಡು ಬಂದಿದ್ದಾನೆ. ಇಂಥಾ ಪ್ರಥಮನನ್ನು ಅದ್ಯಾವುದೋ ರೌಡಿ ಪಡೆ ಎತ್ತಾಕಿಕೊಂಡು ಹೋಗಿ ಅವಾಜು ಬಿಟ್ಟ ಹೊಸಾ ಕಥೆಯೊಂದನ್ನು ಲಾಯರ್ ಜಗದೀಶ್ ಜಾಹೀರು ಮಾಡುತ್ತಲೇ ಜನ ಸಹಜವಾಗಿಯೇ ಅವಾಕ್ಕಾಗಿ ಬಿಟ್ಟಿದ್ದರು.
ರೇಣುಕಾಸ್ವಾಮಿ ಕೊಲೆ ಕೇಸಿನಲ್ಲಿ ದರ್ಶನ್ ತಗುಲಿಕೊಂಡಾಗ ಆತನ ಅಭಿಮಾನಿಗಳ ಆವುಟ ಮೇರೆ ಮೀರಿತ್ತಲ್ಲಾ? ಆ ಘಳಿಗೆಯಲ್ಲಿ ಪ್ರಥಮ್ ಆಡಿದ್ದ ಕೆಲ ಮಾತುಗಳು ಸರಿ ಅನ್ನಿಸಿದ್ದಿದೆ. ಆ ಹೊತ್ತಿನಲ್ಲಿಯೇ ಪುಂಡಾಭಿಮಾನಿಗಳ ಕಡೆಯಿಂದ ಪ್ರಥಮ್‌ಗೆ ಒಂದಷ್ಟು ಪ್ರತಿರೋಧಗಳು ವ್ಯಕ್ತವಾಗಿದ್ದವು. ಇದಕ್ಕೆ ಸರಿಯಾಗಿ ಲಾಯರ್ ಜಗದೀಶ್ ಜಾಹೀರು ಮಾಡಿದ ಆಡಿಯೋದಲ್ಲಿ ದರ್ಶನ್ ಬಗ್ಗೆ ಮಾತಾಡಿದ್ದರ ವಿರುದ್ಧವೇ ಪ್ರಥಮ್ ಎದೆಗೆ ರೌಡಿ ಪಟಾಲಮ್ಮು ಡ್ರ್ಯಾಗರ್ ಇಟ್ಟಿತ್ತೆಂಬ ವಿಚಾರ ಬಯಲಾಗಿತ್ತು. ಪುಣ್ಯಾತ್ಮ ಪ್ರಥಮ ಅಂಥಾ ಅರ್ಥ ಬರುವಂತೆ ಒಟ್ಟಾರೆ ಘಟನೆಯನ್ನು ಪಳಗಿಸಿಕೊಂಡಿದ್ದ. ದರ್ಶನ್ ಪಾಳೆಯ ಈ ಮಟ್ಟಕ್ಕೂ ಇಳಿದು ಬಿಟ್ಟಿತಾ? ಓರ್ವ ನಟನನ್ನು ವಿಮರ್ಶೆಗೊಳಪಡಿಸಿದರೆ ರೌಡಿಗಳ ಮೂಲಕ ಧಮಕಿ ಹಾಕಿಸುವ ವಾತಾವರಣ ಸೃಷ್ಟಿಯಾಗಿ ಬಿಟ್ಟಿತಾ? ಇಂಥಾದ್ದೊಂದು ಕಾಳಜಿಯಿಂದಲೇ ಲಾಯರ್ ಜಗದೀಶ್ ಆಡಿಯೋ ಬಿಡುಗಡೆ ಮಾಡಿದೇಟಿಗೆ, ಒಂದಷ್ಟು ಸಂಘಟನೆಗಳ ಮಂದಿಯೂ ಬೆಂಬಲಕ್ಕೆ ನಿಂತಿದ್ದರು.
ಒಂದು ಹಂತದಲ್ಲಿ ಖುದ್ದು ಜಗದೀಶ್ ಈ ಬಗ್ಗೆ ಪೊಲೀಸರಿಗೆ ದೂರು ಕೊಡುವ ಸಲಹೆ ನೀಡಿದ್ದರೂ ಒಳ್ಳೆ ಹುಡುಗ ಅದೇನೇನೋ ಕಥೆ ಹೊಡೆದಿದ್ದ. ಕಡೆಗೂ ಪ್ರಥಮ್ ಈ ಘಟನೆಯ ಸಂಬಂಧವಾಗಿ ದೂರು ದಾಖಲಿಸಿದ್ದಾನೆ. ಹಾಗೆ ದೂರು ಕೊಟ್ಟಾದ ನಂತರ ಈ ಬಗೆಗಿನ ತನಿಖೆಗೆ ಅನುವು ಮಾಡಿಕೊಟ್ಟು ಬಾಯಿ ಮುಚ್ಚಿಕೊಂಡಿದ್ದರೆ ಪ್ರಥಮನ ಮಾನ ಅಷ್ಟರ ಮಟ್ಟಿಗಾದರೂ ಉಳಿಯುತ್ತಿತ್ತು. ದೂರಿನ ನಂತರದಲ್ಲಿ ಈ ಫಟಿಂಗ ಆಸಾಮಿ ನಡೆಸುತ್ತಿರುವ ಹರತಾಳಗಳು, ಆತನ ಓತಾಪ್ರೋತ ಮಾತುಗಳನ್ನು ಕಂಡು ಆಸುಪಾಸಿನವರೇ ಹೌಹಾರಿದ್ದಾರೆ. ಇತ್ತ ಲಾಯರ್ ಜಗದೀಶ್ ಕೂಡಾ ಪ್ರಥಮನಿಗೆ ಮಹಾಮಂಗಳಾರತಿ ಮಾಡಿ ತನ್ನ ಬೆಂಬಲವಿಲ್ಲ ಅಂದರೆ, ಕೆಲ ಸಂಘಟನೆಗಳವರೂ ಕೂಡಾ ಒಳ್ಳೆ ಹುಡುಗನಿಗೆ ತಮ್ಮದೇ ರೀತಿಯಲ್ಲಿ ಕ್ಯಾಕರಿಸಿ ಉಗಿದದ್ದೂ ಆಗಿದೆ. ಇದೀಗ ತಾನೇ ಸೃಷ್ಟಿಸಿದ ಚಕ್ರವ್ಯೂಹದಲ್ಲಿ ಏಕಾಂಗಿಯಾಗುಳಿದಿರೋ ಪ್ರಥಮ ಅಕ್ಷರಶಃ ಕಂಗಾಲಾಗಿ ಬಿಟ್ಟಿದ್ದಾನೆ!

ನಿಜ, ದರ್ಶನ್ ರೇಣುಕಾಸ್ವಾಮಿ ಕೊಲೆ ಕೇಸಿನ ಭೂಮಿಕೆಯಲ್ಲಿ ನಡೆದುಕೊಂಡ ರೀತಿಯನ್ನು, ಆತನ ಕಡೆಯಿಂದಾಗಿರೋ ಕೃತ್ಯವನ್ನು ಆತನ ಕೆಲ ತಲೆಮಾಸಿದ ಅಭಿಮಾನಿಗಳನ್ನು ಹೊರತಾಗಿ ಬೇರ್‍ಯಾರೂ ಒಪ್ಪಿಕೊಳ್ಳಲು ಸಾಧ್ಯವಿಲ್ಲ. ಆ ಭೂಮಿಕೆಯಲ್ಲಿ ಬಹುತೇಕರು ದರ್ಶನ್‌ನನ್ನು ವಿರೋಧಿಸಿದ್ದಾರೆ. ಈ ಕ್ಷಣಕ್ಕೂ ದರ್ಶನ್ ತನ್ನ ಅಭಿಮಾನಿ ಪಡೆಯನ್ನು ಗೂಂಡಾಗಳಂತೆ ರೂಪಿಸಿರುವ, ಅಂಥಾ ಭಂಡ ಅಭಿಮಾನಿಗಳು ಅದೆಂಥಾ ವಿಕೃತಿ ಮೆರೆದರೂ ತೆಪ್ಪಗಿರುವ ಗುಣಗಳ ಬಗ್ಗೆ ಪ್ರಜ್ಞಾವಂತರೊಳಗೊಂದು ಆಕ್ರೋಶವಿದೆ. ಹಾಗಂತ, ಈ ನೆಲೆಯಲ್ಲಿ ದರ್ಶನ್‌ನನ್ನು ವಿರೋಧಿಸುವ ಭರದಲ್ಲಿ ತೀರಾ ಕೀಳು ಮಟ್ಟಕ್ಕಿಳಿಯೋದೂ ಕೂಡಾ ಅಸಹ್ಯವೇ. ಒಳ್ಳೆ ಹುಡುಗ ಪ್ರಥಮ್ ಥೇಟು ಅಂಥಾ ಅಸಹ್ಯದ ಕೊಚ್ಚೆಗಿಳಿದಿದ್ದಾನೆ. ಇದೇ ಭೂಮಿಕೆಯಲ್ಲಿ ಸಿಂಪಥಿ ಗಿಟ್ಟಿಸಿಕೊಳ್ಳುವ ನೌಟಂಕಿ ನಾಟಕಗಳನ್ನೂ ಯಥೇಚ್ಛವಾಗಿ ಪ್ರದರ್ಶಿಸುತ್ತಿದ್ದಾನೆ.
ಹಾಗಾದರೆ, ಪ್ರಥಮ್ ಎದೆಗೆ ಡ್ರ್ಯಾಗರ್ ಇಟ್ಟ ಪ್ರಕರಣ ಕೂಡಾ ಆತ ಹೇಳುತ್ತಿರುವಂತೆ ನಡೆದಿರಲಿಕ್ಕಿಲ್ಲ ಅಂತೊಂದು ಅನುಮಾನ ಸಹಜವಾಗಿಯೇ ಕಾಡುತ್ತದೆ. ಈ ದಿಕ್ಕಿನಲ್ಲಿ ತಲಾಶಿಗಿಳಿದರೆ ಮತ್ತೊಂದು ಮಜವಾದ ವಾಸ್ತವ ಎದುರಾಗುತ್ತೆ. ಆವತ್ತು ದೊಡ್ಡಬಳ್ಳಾಪುರದ ದೇವಸ್ಥಾನಕ್ಕೆ ತೆರಳಿದ್ದ ಪ್ರಥಮ್ ಲೇಡಿ ಡಾನ್ ಅಂತ ಕರೆಸಿಕೊಳ್ಳುವ ಯಶಸ್ವಿನಿ ಅಂಡ್ ಟೀಮನ್ನು ಮುಖಾಮುಖಿಯಾಗಿದ್ದಾನೆ. ಅಷ್ಟಕ್ಕೂ ಈ ಯಶಸ್ವಿನಿ ಪ್ರಥಮನಿಗೆ ಹೊಸಾ ಪರಿಚಯವೇನಲ್ಲ. ಆಕೆಯ ಪಟಾಲಮ್ಮಿನಲ್ಲಿರುವ ದಾಸ ಎಂಬಾತನೂ ಸೇರಿದಂತೆ ಒಂದಷ್ಟು ಮಂದಿ ಪ್ರಥಮ್‌ಗೆ ಪರಿಚಿತರೇ. ಹಾಗೆ ನೋಡಿದರೆ, ರಾಜಕಾರಣಿಗಳಿಂದ ಮೊದಲ್ಗೊಂಡು, ರೌಡಿಗಳ ವರೆಗೆ ಎಲ್ಲರನ್ನೂ ಪರಿಚಯ ಮಾಡಿಕೊಂಡು ಸೆಲ್ಫಿ ತೆಗೆದುಕೊಳ್ಳೋದರಲ್ಲಿ ಪ್ರಥಮ್ ನಿಸ್ಸೀಮ. ಇಂತಿಪ್ಪ ಪ್ರಥಮ್ ಆವತ್ತು ಯಶಸ್ವಿನಿಯೊಂದಿಗೆ ಲೋಕಾಭಿರಾಮವಾಗಿ ಹರಟುತ್ತಿದ್ದ. ಈ ಹಂತದಲ್ಲಿ ಯಶಸ್ವಿನಿ ತನ್ನೆದುರು ನಿಂತ ಎಲಿಮೆಂಟೊಂದನ್ನು ಪ್ರಥಮ್‌ಗೆ ಪರಿಚಯಿಸಿದ್ದಾಳೆ.
ಆತನನ್ನು ಬೇಕರಿ ರಘು ಅಂತ ಯಶಸ್ವಿನಿ ಪರಿಚಯಿಸುತ್ತಲೇ, ಸುಮ್ಮನೆ ಕೈ ಕುಲುಕಿ ಎದ್ದು ಬಂದಿದ್ದರೆ ಇಷ್ಟೆಲ್ಲ ಡ್ರಾಮಾ ನಡೆಯುತ್ತಲೇ ಇರಲಿಲ್ಲ. ಹೇಳಿಕೇಳಿ ಪ್ರಥಮನದ್ದು ಹರುಕುಬಾಯಿ. ಬೇಕರಿ ರಘು ಓರ್ವ ಕುಖ್ಯಾತ ರೌಡಿ ಶೀಟರ್ ಅಂತ ಅರಿವಿರದಷ್ಟು ಮುಗ್ಧನಂತೂ ಖಂಡಿತಾ ಅಲ್ಲ. ಆದರೂ ಯಶಸ್ವಿನಿ ಆತನನ್ನು ಪರಿಚಯಿಸುತ್ತಲೇ, `ಬೇಕರಿ ರಘು ಅಂತೀರಿ, ಬನ್ನು ಪಪ್ಸು, ಚಿಪ್ಸು ಏನೂ ತಂದಿಲ್ವಾ’ ಅಂತ ನಾಲಗೆ ಹರಿಯಬಿಟ್ಟಿದ್ದಾನೆ. ಇದರಿಂದ ಸುತ್ತಲಿದ್ದ ಹುಡುಗರೆದುರು ಪಾತಕಿ ಬೇಕರಿ ರಘುಗೆ ಸಹಜವಾಗಿಯೇ ಅವಮಾನವಾದಂತಾಗಿದೆ. ಆತ ಸಿಟ್ಟಿನಿಂದ ಕುದ್ದು ಹೋದವನೇ ಪ್ರಥಮನ ಕಾಲರು ಹಿಡಿದು `ಬೇಕರಿ ಐಟಮ್ಸ್ ಬೇಕಾ ನಿಂಗೆ ತರಿಸ್ತೀನಿರು ಮಗನೇ’ ಅಂದವನೇ ಹುಡುಗರಿಗೆ ಸನ್ನೆ ಮಾಡಿದ್ದಾನೆ. ಕಣ್ಣು ಮಿಟುಕಿಸೋದರೊಳಗೆ ತನ್ನೆದೆಗೆ ರಘು ಹಿರಿದಿದ್ದ ಡ್ರ್ಯಾಗರ್ ಕಂಡು ಫಟಿಂಗ ಪ್ರಥಮ ಸುಸ್ಸೂ ಮಾಡಿಕೊಳ್ಳುವ ಹಂತ ತಲುಪಿಬಿಟ್ಟಿದ್ದಾನೆ.  ಅಂದಹಾಗೆ, ಇಷ್ಟೆಲ್ಲ ಆಗುವಾಗ ಯಶಸ್ವಿನಿ ಪಾಳೆಯದ ಹುಡುಗ ದಾಸ ಕೂಡಾ ಸ್ಥಳದಲ್ಲಿದ್ದ!

ಹೀಗೆ ತನ್ನ ಹುಡುಗರೆದುರು ಕಿಂಡಲ್ಲು ಮಾಡಿದ ಪ್ರಥಮನ ಮೇಲೆ ರಘು ಅದ್ಯಾವ ಪರಿ ಕೋಪಗೊಂಡಿದ್ದನೆಂದರೆ, ಡ್ರ್ಯಾಗರ್ ಎದೆಗೆ ಹಿಡಿದು ಬೈದಾಡಿದ್ದಾನೆ. ಅದೇ ಭರದಲ್ಲಿ ತನ್ನ ಬಾಸ್ ದರ್ಶನ್ ಬಗ್ಗೆ ಬಾಯಿಗೆ ಬಂದಂತೆ ಮಾತಾಡ್ತೀಯಾ ಅಂತೆಲ್ಲ ಆವಾಜು ಬಿಟ್ಟಿದ್ದಾನೆ. ಇದೇ ಸಂದರ್ಭದಲ್ಲಿ ತನ್ನ ಮೊಬೈಲು ಹೊರತೆಗೆದ ಬೇಕರಿ ರಘು ಪರಪ್ಪನ ಅಗ್ರಹಾರ ಜೈಲಿನಲ್ಲಿ ದರ್ಶನ್ ಜೊತೆಗಿದ್ದ ತನ್ನ ಫೋಟೋಗಳನ್ನೂ ಪ್ರಥಮ್‌ಗೆ ತೋರಿಸಿದ್ದಾನೆ. ಇಲ್ಲಿ ಗಮನಿಸಲೇ ಬೇಕಾದ ಸಂಗತಿಯೆಂದರೆ, ಪ್ರಥಮ್ ಹೀಗೊಂದು ಯಡವಟ್ಟು ಮಾಡಿಕೊಳ್ಳದೇ ಇದ್ದಿದ್ದರೆ, ಈ ಹಕ್ಯಾಟವೇ ನಡೆಯುತ್ತಿರಲಿಲ್ಲ. ದರ್ಶನ್ ಹೆಸರಿನ ಪ್ರಸ್ತಾಪವೂ ಬರುತ್ತಿರಲಿಲ್ಲ. ಒಂದು ಹಂತದಲ್ಲಿ ಖುದ್ದು ದರ್ಶನ್ ತನ್ನ ವಿರುದ್ಧ ಮಾತಾಡಿದ ಕಾರಣಕ್ಕೆ ರೌಡಿ ಪಡೆ ಬಿಟ್ಟು ಆವಾಜು ಹಾಕಿಸಿದ್ದಾನೆಂದು ಬಿಂಬಿಸುವ ಪ್ರಯತ್ನವನ್ನು ಪ್ರಥಮ್ ನಡೆಸಿದ್ದ. ಆದರಿದು ಅವನ ಹರುಕುಬಾಯಿಯ ಪ್ರವರದಿಂದಾದ ಸ್ವಯಂಕೃತಾಪರಾಧವಾಗಿಯಷ್ಟೇ ಕಾಣಿಸುತ್ತದೆ.
ಹೀಗೆ ಪ್ರಥಮ್ ಹುಚ್ಚುತನದಿಂದ ಜುಟ್ಟು ಕೆದರಿಕೊಂಡ ಬೇಕರಿ ರಘು ಇತ್ತೀಚಿನ ವರ್ಷಗಳಲ್ಲಿ ಚಾಲ್ತಿಯಲ್ಲಿರುವ ನಟೋರಿಯಸ್ ರೌಡಿ. ಆರಂಭದಲ್ಲಿ ಸ್ಲಂ ಭರತನ ಬೆಟಾಲಿಯನ್ನಿನೊಂದಿಗೆ ರಘು ಗುರುತಿಸಿಕೊಂಡಿದ್ದ. ಉತ್ತರ ಭಾರತ ಮೂಲದ ಲೈವ್ ಬ್ಯಾಂಡ್ ಹುಡುಗಿಯರ ಮೋಹಕ್ಕೆ ಬಿದ್ದಿದ್ದ ಈತ ಪೊಲೀಸರ ಗುಂಡಿಗೆ ಬಲಿಯಾಗಿದ್ದ. ಆ ಹಂತದಲ್ಲಿ ಅನಾಥ ಶಿಶುವಿನಂತಾಗಿದ್ದ ರಘು, ಒಂದಷ್ಟು ಸಮಯ ಅಂಡಲೆದವನು ಸೀದಾ ಹೋಗಿ ಲ್ಯಾಂಡ್ ಆಗಿದ್ದು ಮತ್ತೋರ್ವ ನಟೋರಿಯಸ್ ರೌಡಿ ಸೈಕಲ್ ರವಿಯ ಸಮ್ಮುಖದಲ್ಲಿ. ಈ ಸೈಕಲ್ಲು ಆರಂಭ ಕಾಲದಿಂದಲೂ ದರ್ಶನ್ ಪಾಳೆಯದಲ್ಲಿ ರೌಂಡು ಹೊಡೆಯುತ್ತಿದೆ. ಕೆಲ ಪಾರ್ಟಿಗಳಲ್ಲಿ ದಾಸನ ಜೊತೆಗಿರುತ್ತಿದ್ದ ಗುಳಿಗೆನ್ನೆಗೆ ಲೊಚಕ್ಕನೆ ಮುತ್ತಿಟ್ಟು ಸವಾಲಿ ನಡೆಸೋ ಖಯಾಲಿಯೂ ಸೈಕಲ್ಲಿಗಿದೆ ಅನ್ನುವವರಿದ್ದಾರೆ. ದರ್ಶನ್ ಅಭಿಮಾನಿ ಸಂಘಗಳ ಬೆನ್ನಿಗೆ ನಿಂತಿರೋದು ಇದೇ ಸೈಕಲ್ಲು!

ಇಂಥಾ ಸೈಕಲ್ ರವಿ ಪಾಳೆಯದಲ್ಲಿದ್ದ ಬೇಕರಿ ರಘುವಿಗೂ ಕೂಡಾ ದರ್ಶನ್ ಕ್ರೇಜ್ ಇದ್ದೇ ಇತ್ತು. ಈ ನಡುವೆ ದರ್ಶನ್ ಏಕಾಏಕಿ ಎಡವಟ್ಟು ಮಾಡಿಕೊಂಡು ರೇಣುಕಾಸ್ವಾಮಿ ಕೊಲೆ ಕೇಸಿನಲ್ಲಿ ಜೈಲು ಪಾಲಾಗಿದ್ದ. ಆ ಹೊತ್ತಿಗೆಲ್ಲ ಸಿದ್ದಾಪುರ ಮಹೇಶನ ಹತ್ಯೆ ಕೇಸಿನಲ್ಲಿ ವಿಲ್ಸನ್ ಗಾರ್ಡನ್ ನಾಗ ಪರಪ್ಪನ ಅಗ್ರಹಾರ ಸೇರಿಕೊಂಡಿದ್ದ. ನೋಡ ನೋಡುತ್ತಲೇ ದರ್ಶನ್ ಮತ್ತು ನಾಗನ ನಡುವೆ ಮೊಳೆತುಕೊಂಡಿದ್ದ ಸ್ನೇಹ, ಹೊರಗಿದ್ದ ಸೈಕಲ್ ರವಿಗೆ ಕರುಬು ಮೂಡಿಸಿತ್ತು. ಈ ಕಾರಣದಿಂದಲೇ ಸೈಕಲ್ ರವಿ ತನ್ನ ಶಿಷ್ಯ ಬೇಕರಿ ರಘುವನ್ನು ದಾಸನಿಗೆ ಜೈಲೊಳಗೆ ಉಪಚಾರ ಮಾಡುವುದಕ್ಕೆಂದೇ ಅಂದರ್ ಮಾಡಿಸಿದ್ದ. ಹೀಗೆ ದಾಸನ ದೇಖಾರೇಖಿ ನೋಡಿಕೊಳ್ಳುತ್ತಿದ್ದ ರಘು ಆ ಸಂದರ್ಭದಲ್ಲಿಯೇ ದರ್ಶನ್ ಜೊತೆ ಒಂದಷ್ಟು ಫೋಟೋಗಳನ್ನೂ ತೆಗೆಸಿಕೊಂಡಿದ್ದ. ಇಂಥಾ ರಘು ಮೊನ್ನೆ ದಿನ ಪ್ರಥಮ್ ಗೆ ಆವಾಜು ಬಿಟ್ಟಿರೋದರ ಹಿಂದೆ ದರ್ಶನ್ ಪಾತ್ರವಿಲ್ಲ ಅನ್ನೋದು ಮೇಲುನೋಟಕ್ಕೇ ಅರ್ಥವಾಗುತ್ತೆ.
ಮಾಜೀ ರೌಡಿ ಶೀಟರ್ ಯಶಸ್ವಿನಿ ಇತ್ತೀಚಿನ ದಿನಗಳಲ್ಲಿ ಒಂದಷ್ಟು ಬದಲಾದಂತೆ ಕಾಣಿಸಿಕೊಂಡಿದ್ದಳು. ನಟಿಯಾಗಿಯೂ ರೂಪಾಂತರಗೊಂಡಿದ್ದ ಆಕೆ ಸೂರಿ ಅಣ್ಣ ಸೇರಿದಂತೆ ಒಂದಷ್ಟು ಸಿನಿಮಾಗಳಲ್ಲಿ ಈಗಾಗಲೇ ನಟಿಸಿದ್ದಾಳೆ. ತಮಿಳಿನಲ್ಲೂ ಒಂದು ಸಿನಿಮಾದಲ್ಲಿ ನಟಿಸಿದ್ದಾಳೆ. ಇಂಥಾ ಯಶಸ್ವಿನಿಯ ಪಾಳೆಯದಲ್ಲಿ ಪ್ರಥಮನಂಥಾದ್ದೇ ಪ್ರಚಾರದ ಹುಚ್ಚು ಹೊಂದಿರುವ ಬುಲೆಟ್ ರಕ್ಷಕ್ ಕೂಡಾ ಆಗಾಗ ಕಾಣಿಸಿಕೊಳ್ಳುತ್ತಿದ್ದ. ಆದರೆ, ಬೇಕರಿ ರಘು ಪ್ರಕರಣದಲ್ಲಿ ಆತ ಮೂಕ ಪ್ರೇಕ್ಷಕನಾಗಿದ್ದ. ಈ ಮರಿ ಬುಲೆಟ್ ಇದೆಯಲ್ಲಾ? ಇದೂ ಕೂಡಾ ತಲೆತಿರುಕ ಆಸಾಮಿಯೇ. ಈಗಾಗಲೇ ನೂರಾರು ಸಿನಿಮಾಗಳಲ್ಲಿ ನಟಿಸಿದ ನಟರಿಗೂ ಇಲ್ಲದ ತಿಮಿರು, ಆಟಿಟ್ಯೂಡ್ ಈ ಎಳಸು ಕುನ್ನಿಗಿದೆ. ಅದ್ಯಾವುದೋ ಭರ್ಜರಿ ಬ್ಯಾಚುಲರ್ ಎಂಬ ಹಡಬೆ ಶೋ ಮೂಲಕ ಈತನ ಹುಚ್ಚು ಮತ್ತಷ್ಟು ಕೆದರಿಕೊಂಡಿದೆ. ಖುದ್ದು ರವಿಚಂದ್ರನ್ ಜಡ್ಜ್ ಆಗಿದ್ದ, ನಿರಂಜನ್ ದೇಶಪಾಂಡೆ ನಿರೂಪಣೆ ಮಾಡಿದ್ದ ಈ ಶೋ ಹೈ ಫೈ ಹಾದರದ ಅಡ್ಡೆಯಂತಿದ್ದ ಬಗ್ಗೆ ಈ ಕ್ಷಣಕ್ಕೂ ಚರ್ಚೆಗಳಾಗುತ್ತಿವೆ.

ಈ ಪ್ರಥಮ್ ಮತ್ತು ರಕ್ಷಕ್ ಥರದ ಎಳಸು ಕುನ್ನಿಗಳು ಯಾವ ಕ್ಷಣದಲ್ಲಿಯಾದರೂ, ಯಾವ ರೂಪದಲ್ಲಾದರೂ ಸಮಾಜ ಕಂಟಕರಾಗಿ ಬಿಡುವ ಸಾಧ್ಯತೆಗಳಿದ್ದಾವೆ. ದುರಂತವೆಂದರೆ, ದರ್ಶನ್ ಅಭಿಮಾನಿಗಳಲ್ಲಿ ಕೆಲ ಮಂದಿಯೂ ಅದೇ ಸಾಲಿಗೆ ಸೇರಿಕೊಳ್ಳುತ್ತಾರೆ. ಪ್ರಥಮ್‌ಗೆ ಮೂದಲಿಸಿದಷ್ಟೇ ಸಲೀಸಾಗಿ ರಮ್ಯಾಳಂಥಾ ನಟಿಯರಿಗೂ ಪ್ರಹಾರ ನಡೆಸುತ್ತಾರೆ. ಸದ್ಯ ನಟಿ ರಮ್ಯಾ ತನ್ನ ವಿರುದ್ಧ ಕೆಟ್ಟಾಕೊಳಕು ಕಮೆಂಟು ಮಾಡಿದ ದರ್ಶನ್ ಅಭಿಮಾನಿಗಳ ವಿರುದ್ಧ ಕಾನೂನು ಸಮರಕ್ಕಿಳಿದಿದ್ದಾರೆ. ಗಮನೀಯ ಅಂಶವೆಂದರೆ, ಪ್ರಳಯಾಂತಕ ಪ್ರಥಮ್ ತಕ್ಷಣ ರಮ್ಯಾ ಸುತ್ತ ಹಬ್ಬಿಕೊಂಡಿದ್ದ ಬೆಂಬಲವನ್ನು ತನ್ನ ದಿಕ್ಕಿಗೆ ವರ್ಗಾಯಿಸಿಕೊಳ್ಳುವ ಆಟ ಕಟ್ಟಿದ್ದ. ಆದರೀಗ ಆತನ ಸುತ್ತಾ ಯಾರೆಂದರೆ ಯಾರೂ ಉಳಿದಿಲ್ಲ.
ಯಾರಾದರೂ ಹೇಗಿದ್ದೀಯಪ್ಪಾ ಪ್ರಥಮ್ ಅಂದರೆ, ಬೆಳಗೆದ್ದು ಹಲ್ಲುಜ್ಜಿ ಹೇತಿದ್ದರಿಂದ ಹಿಡಿದು, ಬೇಡದ ಪುರಾಣವನ್ನೆಲ್ಲ ಒದರೋ ಜಾಯಮಾನ ಪ್ರಥಮನದ್ದು. ಈ ಥರದ ಹುಚ್ಚು ಸಂತಾನಿಗರನ್ನು ಸೆಲೆಬ್ರಿಟಿಗಳಂತೆ ಬಿಂಬಿಸುವ ಟಿಆರ್‌ಪಿ ತೆವಲನ್ನು ಮಾಧ್ಯಮಗಳು ಬಿಡಬೇಕಿದೆ. ಅದೇ ಹೊತ್ತಿನಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿಮಾನಿಗಳ ಹೆಸರಲ್ಲಿ ಪಿತಗುಡುತ್ತಿರುವ ವಿಕೃತರಿಗೆ ಕಾನೂನಿನ ಬಿಸಿ ಮುಟ್ಟಿಸಬೇಕಿದೆ. ಸಾಮಾಜಿಕ ಜಾಲತಾಣದಲ್ಲಿ ಹೇಗೆ ಬೇಕೋ ಹಾಗೆ ವರ್ತಿಸಿದರೆ ಯಾರೂ ಕೇಳೋರಿಲ್ಲ ಎಂಬ ಸದರ ಇವರೆಲ್ಲರಿಗಿದ್ದಂತಿದೆ. ಬಹುಶಃ ಪ್ರಥಮ್ ತಲೆ ನೆಟ್ಟಗಿರುವವನಂತಗೆ ವರ್ತಿಸಿದ್ದರೆ, ಆ ದಿಸೆಯಲ್ಲಿ ಅವನದ್ದೂ ಒಂದು ಪ್ರಾಮಾಣಿಕ ಪ್ರಯತ್ನವಾಗಿ ದಾಖಲಾಗುತ್ತಿತ್ತು. ಆದರೀಗ ಆ ಸಾಲಿನಲ್ಲಿ ರಮ್ಯಾ ಮುಂಚೂಣಿಯಲ್ಲಿದ್ದಾರೆ. ಗೃಹ ಸಚಿವ ಪರಮೇಶ್ವರ್‌ಗೆ ಸಾಮಾನ್ಯವಾಗಿ ಇಂಥಾ ವಿದ್ಯಮಾನಗಳೆಲ್ಲ ಗಮನಕ್ಕೆ ಬರೋದಿಲ್ಲ. ಆದರೂ ತುಸು ಪುರಸೊತ್ತು ಮಾಡಿಕೊಂಡು, ಸಾಮಾಜಿಕ ಜಾಲತಾಣದ ಭಯಾನಕ ಪಲ್ಲಟದ ಬಗ್ಗೆ ಗಮನ ಹರಿಸಬೇಕಿದೆ. ಹಾಗಂತ ಈ ನೆಲದ ಜನಸಾಮಾನ್ಯರು ಆಶಿಸುತ್ತಿದ್ದಾರೆ!

The post pratham-darshan controvercy: ಬೂದಿ ಮುಚ್ಚಿದ ಕೆಂಡದ ಮೇಲೆ ಅಂಡೂರಿದ ಅವಿವೇಕಿ! appeared first on Cini Shodha.

ಧ್ವನಿಪೆಟ್ಟಿಗೆಯಲ್ಲೇ ಇರಿಟೇಟಿಂಗ್ ಅಂಶವಿಟ್ಟುಕೊಂಡಂತಿರೋ ಚೈತ್ರಾಳ ಮಾತು, ವರ್ತನೆಗಳೆಲ್ಲವೂ ರೇಜಿಗೆ ಹುಟ್ಟಿಸುವಂತಿವೆ. ಕಳೆದ ಬಾರಿ (drone prathap) ದ್ರೋಣ್ ಪ್ರತಾಪನನ್ನು ಬಿಗ್ ಬಾಸ್ ಮನೆಯೊಳಗೆ ಬಿಟ್ಟುಕೊಳ್ಳಲಾಗಿತ್ತಲ್ಲಾ? ಆತ ಕೂಡಾ ಒಂದರ್ಥದಲ್ಲಿ ಮೋಸಗಾರನೇ. ಆದರೆ, ಒಂದಷ್ಟು ಘಳಿಗೆಗಳಲ್ಲಿ ಪ್ರತಾಪನ ಮುಖದಲ್ಲಿ ಪಶ್ಚಾತ್ತಾಪ ಹಣಕಿ ಹಾಕುತ್ತಿತ್ತು. ಈ ಹುಡುಗನಿಗೆ ಒಂದು ಅವಕಾಶ ಕೊಟ್ಟರೆ ತಪ್ಪೇನಿಲ್ಲ ಎಂಬ ಭಾವ ವೀಕ್ಷಕರಲ್ಲಿ ಮೂಡಿಕೊಂಡಿತ್ತು. ಆದರೆ, ಈಕೆಯಿದ್ದಾಳಲ್ಲಾ ಚೈನ್ ಚೈತ್ರಾ? ಯಾವ ಘಳಿಗೆಯಲ್ಲಿಯೂ ಮುಖದಲ್ಲೊಂದು ಪಶ್ಚಾತ್ತಾಪದ ಗೆರೆ ಕಾಣಿಸಲು ಸಾಧ್ಯವಿಲ್ಲ. ಅದ್ಯಾರೋ ಬಾಬು ಪೂಜಾರಿಗೆ ಕೋಟಿ ಕೋಟಿ ನಾಮತೀಡಿದ್ದು, ನಾನಾ ಆಸೆ ಹುಟ್ಟಿಸಿ ಸಿಕ್ಕವರನ್ನೆಲ್ಲ ಮುಂಡಾಯಿಸಿದ್ದೆಲ್ಲವೂ ತನ್ನ ಶಕ್ತಿ ಎಂಬಂತೆ ಚೈತ್ರಾ ಮೆರೆಯುತ್ತಿದ್ದಾಳೆ.

ಸಾಮಾನ್ಯವಾಗಿ, ಕಿಚ್ಚನ ಪಂಚಾಯ್ತಿಯಲ್ಲಿ ನಡೆದ ಚರ್ಚೆಯ ಬಗ್ಗೆಮ, ಆ ಮೂಲಕ ಜಾಹೀರಾದ ಅಭಿಪ್ರಾಯಗಳ ಬಗ್ಗೆ ಸ್ಪರ್ಧಿಗಳು ಚರ್ಚೆ ನಡೆಸೋದಿಲ್ಲ. ಆದರೆ, ಬಾಯಿಬಡುಕಿ ಚೈತ್ರಾ ಸುದೀಪ್ ನಿರ್ಧಾರವನ್ನೇ ಪ್ರಶ್ನೆ ಮಾಡುತ್ತಾ, ತಕರಾರೆತ್ತುವ ಮೂಲಕ ಪ್ರೇಕ್ಷಕರ ಕೆಂಗಣ್ಣಿಗೆ ಗುರಿಯಾಗಿದ್ದಾಳೆ. ಜಗದೀಶ್ ಪರ ವಹಿಸುವ ಭರದಲ್ಲಿ ಸುದೀಪ್ ತಮ್ಮನ್ನೆಲ್ಲ ವಿಲನ್ ಮಾಡಿದ್ದಾರೆ ಎಂಬರ್ಥದಲ್ಲಿ ಮಾತಾಡಿದ್ದಾಳೆ. ಮನೆಯೊಳಗೆ ಎಂಥಾದ್ದೇ ಚೆಂದದ ವಾತಾವರಣವಿದ್ದರೂ ಕ್ಷಣಾರ್ಧದಲ್ಲಿ ಅದನ್ನೆಲ್ಲ ಹಾಖುಗೆಡಹುವ ಟ್ಯಾಲೆಂಟೊಂದು ಈಕೆಯಲ್ಲಿದೆ. ಚೈತ್ರಾ ಬಾಯಿ ಬಿಡೋ ಸೂಚನೆ ಸಿಕ್ಕರೆ, ಊರು ಬಿಡಲು ತಯಾರಾಗಿ ನಿಲ್ಲುವ ಸ್ಪರ್ಧಿಗಳೇ ಬಿಗ್ ಬಾಸ್ ಮನೆಯೊಳಗಿದ್ದಾರೆ. ತನಗೆ ಮದುವೆ ಫಿಕ್ಸಾಗಿರೋದಾಗಿ ಹೇಳಿಕೊಂಡಿರುವ ಚೈತ್ರಾ ಯಾರಾದ್ರು ಲವ್ವುಗಿವ್ವು ಅಂತ ಮಾತಾಡಿದ್ರೆ ಮೆಟ್ಟಲ್ಲಿ ಹೊಡಿತೇನೆ ಅಂತೆಲ್ಲ ಕೂಗಾಡಿದ್ದಾಳೆ. ಈ ಬಜಾರಿಯನ್ನು ಲವ್ ಮಾಡುವ ಮಂಡೆಪೆಟ್ಟು ಆಸಾಮಿಗಳು ಅದ್ಯಾರಿದ್ದಾರೋ ಭಗವಂತನೇ ಬಲ್ಲ!

ಈ ಕೂಗುಮಾರಿ ಬಿಗ್ ಬಾಸ್ ಶೋಗೆ ಬರುತ್ತಾಳೆಂದಾಕ್ಷಣವೇ ಅಪಸ್ವರವೆದ್ದಿತ್ತು. ಈ ಬಗ್ಗೆ ಸುದೀಪ್ ಗೆ ಅನೇಕರು ಪ್ರಶ್ನೆಗಳ ಸುರಿಮಳೆಗರೆದಿದ್ದರು. ಅಂಥಾ ವಾತಾವರಣ ಯಾಕೆ ಸೃಷ್ಟಿಯಾಗಿತ್ತೆಂಬುದೀಗ ಖುದ್ದು ಕಿಚ್ಚನಿಗೇ ಅರ್ಥವಾಗಿರಬಹುದೇನೋ… ಈಕೆ ಈ ಸೀಜನ್ನಿಗೊಂದು ಕಪ್ಪುಚುಕ್ಕೆಯಂತಿದ್ದಾಳೆ. ಅಚಾನಕ್ಕಾಗಿ ತಪ್ಪು ಮಾಡೋರನ್ನು ಕ್ಷಮಿಸಬಹುದು. ಮಾಡಿದ ತಪ್ಪಿಗೆ ಪ್ಶ್ಚಾತ್ತಾಪ ಇರುವವರಿಗೂ ಒಂದು ಅವಕಾಶ ಕೊಟ್ಟು ನೋಡಬಹುದು. ಆದರೆ, ಚೈತ್ರಾಳಂತವರು ಉದ್ದೇಶಪೂರ್ವಕವಾಗಿಯೇ ವಂಚನೆಗಿಳಿಯುವ ಜಾಯಮಾನದವರು. ಎಲ್ಲವನ್ನೂ ಸಬೂಬಿನಿಂದ ಮುಚ್ಚಿ ಹಾಕಿ ಸಭ್ಯಸ್ಥರಂತೆ ಪೋಸು ಕೊಡುವವರು. ಇಂಥವರನ್ನೆಲ್ಲ ಸ್ಪಧಿಗಳಾಗಿ ಆರಿಸಿದ್ದೇ ಬಿಗ್ ಬಾಸ್ ಶೋನ ಅತಿ ದೊಡ್ಡ ದುರಂತ!

The post chaithra kundapura: ಪಾಷಾಣ ಬ್ಯ್ರಾಂಡಿನ ಭಾಷಣ ಕಾರ್ತಿಯ ವರಸೆ ನೋಡಿ! appeared first on Cini Shodha.

ಈವತ್ತಿಗೆ ಬಲಿಪೀಠದಂಥಾ ಪಟ್ಟಣಗೆರೆ ಶೆಡ್ಡು ಅದೆಷ್ಟು ಫೇಮಸ್ ಆಗಿದೆಯೋ, ಅದನ್ನೂ ಮೀರಿಸುವಂತೆ ಎಲ್ಲರ ಚಿತ್ತ ಕೀಲಿಸಿರೋದು ಸ್ಟೋನಿ ಬ್ರೂಕ್ಸ್ ರೆಸ್ಟೋರಾಂಟಿನತ್ತ. ಅಷ್ಟಕ್ಕೂ ಈ ರೆಸ್ಟೋರಾಂಟ್ ಈ ಹಿಂದಿನಿಂದಲೂ ಭಾರೀ ಫೇಮಸ್ಸಾಗಿತ್ತು. ದೇಶದಲ್ಲೇ ಮೊದಲ ಸ್ಟ್ರೀಂ ರೆಸ್ಟೋರಾಂಟ್ ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿತ್ತು. ಫಿಲಿಫೆನ್ಸ್ ನ ವಾಟರ್ ಫಾಲ್ ರೆಸ್ಟೋರೆಂಟಿನಿಂದ ಸ್ಫೂರ್ತಿ ಪಡೆದು ವಿನಯ್ ಇದನ್ನು ನಿರ್ಮಾಣ ಮಾಡಿದ್ದ. ಸಂಪೂರ್ಣವಾಗಿ ಕಾಡಿನಂತೆ ಭಾಸವಾಗುವ ಈ ರೆಸ್ಟೋರೆಂಟ್ ನಿಜಕ್ಕೂ ಅದ್ಭುತ. ಬೆಂಗಳೂರಿನಂಥಾ ಕಾಂಕ್ರಿಟ್ ಕಾಡಿನ ಮಟ್ಟಿಗೆ ಅದೊಂದು ಅಚ್ಚರಿಯೂ ಹೌದು. ಅಂಥಾದ್ದೊಂದು ಚೆಂದದ ರೆಸ್ಟೋರೆಂಟ್ ಕಟ್ಟಿದ್ದ ವಿನಯ್ ಈವತ್ತು ದರ್ಶನ್ ನೊಟ್ಟಿಗೆ ಅನ್ನಪೂರ್ಣೇಶ್ವರಿ ನಗರ ಪೊಲೀಸ್ ಠಾಣೆಯಲ್ಲಿ ಕುಕ್ಕರುಗಾಲಿನಲ್ಲಿ ಕೂರುವಂತಾಗಿದೆ.

ಈ ಸ್ಟೋನಿ ಬ್ರೂಕ್ಸ್ ರೆಸ್ಟೋರೆಂಟಿನ ಬಗ್ಗೆ ಇಲ್ಲಿ ಪ್ರಧಾನವಾಗಿ ಪ್ರಸ್ತಾಪಿಸಲು ಕಾರಣವಿದೆ. ಇದರ ಮಾಲೀಕ ವಿನಯ್ ಸುತ್ತಾ ಹೈಫೈ ಮಂದಿಯ ಹಿಂಡಿದೆ. ಅದರಲ್ಲಿ ಉದ್ಯಮಿಗಳು, ರಾಜಕಾರಣಿಗಳ ಮಕ್ಕಳಿದ್ದಾರೆ. ಈಗೊಂದಷ್ಟು ವರ್ಷಗಳಿಂದ ದರ್ಶನ್ ಕೂಡಾ ಈ ರೆಸ್ಟೋರೆಂಟಿನ ಖಾಯಂ ಗಿರಾಕಿಯಾಗಿದ್ದ. ಇದರೊಳಗೆ ಡ್ರಗ್ಸ್ ವ್ಯಸನಗಳೂ ಸಾಂಘವಾಗಿ ನೆರವೇರುತ್ತಿದ್ದವಾ? ತನ್ನ ಹೈ ಫೈ ಗೆಣೆಕಾರರನ್ನು ಸಂತೃಪ್ತಗೊಳಿಸಲೋಸ್ಕರವೇ ತನ್ನ ರೆಸ್ಟೋರೆಂಟ್ ಅನ್ನು ವಿನಯ್ ಡ್ರಗ್ಸ್ ಅಡ್ಡೆಯಾಗಿಸಿದ್ದನಾ? ದರ್ಶನ್ ಯಾಕೆ ಪದೇ ಪದೆ ಅಲ್ಲಿಗೆ ವಿಸಿಟ್ಟು ಮಾಡುತ್ತಿದ್ದ? ಕಾಮಿಡಿ ನಟ ಚಿಕ್ಕಣ್ಣನಂಥಾ ಚೆಂಗಲು ಆಸಾಮಿಗಳು ಬರೀ ಬಾಟಲಿ ಖಾಲಿ ಮಾಡಿ ಬರುಉತ್ತಿದ್ದರಾ ಅಥವಾ ಡ್ರಗ್ಸ್ ಖಯಾಲಿಯನ್ನೂ ಅಚಿಟಿಸಿಕೊಂಡಿದ್ದರಾ? ಹೀಗೆ ನಾನಾ ಪ್ರಶ್ನೆಗಳಿದ್ದಾವೆ.

ಅಷ್ಟಕ್ಕೂ ವಿನಯ್ ನ ಸುತ್ತ ನೆರೆದಿದ್ದ ಡೇಂಜರಸ್ ಆಸಾಮಿಗಳು ಬರೀ ಎಣ್ಣೆಯಿಂದ ತಣಿಯುವವರಲ್ಲ. ತುಂಬಾ ಚೆಂದಗೆ ನಡೆಯುತ್ತಿದ್ದ ಈ ಸ್ಟೋನಿ ಬ್ರೂಕ್ಸ್ ರೆಸ್ಟೋರೆಂಟ್ ಅಂಥವರಿಂದಲೇ ಡ್ರಗ್ಸ್ ನೆಲೆಯಾಗಿರಬಹುದಾ ಅಂತೊಂದು ಗುಮಾನಿಯಿದೆ. ಸದ್ಯಕ್ಕೆ ಕಾಮಿಡಿ ನಟ ಚಿಕ್ಕಣ್ಣ ಪೊಲೀಸರ ವಿಚಾರಣೆ ಎದುರಿಸಿ ಬಂದಿದ್ದಾನೆ. ಒಂದು ಸಾಮಾನ್ಯ ವಿಚಾರಣೆಯಿಂದಲೇ ಚಿಕ್ಕಣ್ಣನ ಸಣ್ಣ ಕರುಳಿನಲ್ಲಿ ಸ್ಟಾಕ್ ಇದ್ದ ಎಣ್ಣೆ ಮುಖಕ್ಕೆಲ್ಲ ಹಬ್ಬಿದಂತೆ ಕಾಣುತ್ತಿತ್ತು. ಅಲ್ಲಿ ನಡೆದದ್ದು ಆ ದಿನ ಪಾರ್ಟಿಯಲ್ಲಿ ಯಾರ್ಯಾರಿದ್ದರೆಂಬುದರ ಸುತ್ತಲಿನ ವಿಚಾರಣೆಯಷ್ಟೆ. ಸಿಸಿಬಿಯ ಮಾದಕ ದ್ರವ್ಯ ನಿಯಂತ್ರಣಾ ದಳ ಸ್ವಯಂಪ್ರೇರಿತವಾಗಿ ಸದರಿ ರೆಸ್ಟೋರೆಂಟಿನ ಮೇಲೇ ರೇಡುಬಿದ್ದರೆ, ಅದರೊಳಗೆ ಸೃಷ್ಟಿಯಾಗಿರುವ ಕಾಡಿನ ಅಂಗುಲಂಗುವ ತಡಕಾಡಿದರೆ ಮತ್ತೊಂದು ದಿಕ್ಕಿನ ಕರಾಳ ಸತ್ಯಗಳು ಬಯಲಾಗುವ ಸಾಧ್ಯತೆಗಳಿವೆ. ಹಾಗೇನಾದರೂ ಆದರೆ ಪೊಲೀಸರ ಮುಂದೆ ಅರೆಕ್ಷಣ ನಿಂತು ಚೆಡ್ಡಿ ಒದ್ದೆ ಮಾಡಿಕೊಂಡಿರೋ ಚೆಂಗ್ಲು ಚಿಕ್ಕಣ್ಣ, ಯೋಗರಾಜ್ ಭಟ್ಟರ ಗರಡಿಯಲ್ಲಿ ಬೋರಲು ಬಿದ್ದ ಬಕೀಟು ಆಸಾಮಿ ಯಶಸ್ ಸೂರ್ಯ ಸೇರಿದಂತೆ ಅನೇಕರು ಬೆತ್ತಲಾಗಿ ನಿಂತರೂ ಅಚ್ಚರಿಯೇನಿಲ್ಲ!

The post darshan case: ನಶೆಯೇರಿಸಿಕೊಂಡರೆ ದರ್ಶನ್ ಪಕ್ಕಾ ನಟೋರಿಯಸ್! appeared first on Cini Shodha.

ಪವಿತ್ರಾಳಿಗೆ ಮೆಸೇಜು ಬಿಟ್ಟ ರೇಣುಕಾಸ್ವಾಮಿಯನ್ನು ಆ ಪರಿಯಾಗಿ ಹಿಂಸಿಸಿ ಕೊಂದಿತ್ತಲ್ಲಾ ಡಿ ಗ್ಯಾಂಗು? ನಂಬಿಕೆ ದ್ರೋಹ ಮಾಡಿ ಕೋಟಿ ಕೋಟಿ ವಂಚಿಸಿದ್ದ ಮಲ್ಲಿಯನ್ನು ಸುಮ್ಮನೆ ಬಿಟ್ಟಿರಲು ಸಾಧ್ಯವೇ? ಹೀಗೊಂದು ಅನುಮಾನ ಹೊಗೆಯಾಡಿ, ಕೆಲ ಮೀಡಿಯಾಗಳಲ್ಲಿ ಶರಂಪರ ಚರ್ಚೆಗಳು ನಡೆಯುತ್ತಿವೆ. ಕೆಲ ಮಂದಿ ಮಲ್ಲಿಯ ಕೇಸು ದರ್ಶನ್ ಪಾಲಿಗೆ ಮತ್ತೊಂದು ಕಂಟಕವಾಗುತ್ತದೆಂದೂ ಹೇಳಲಾರಂಭಿಸಿದ್ದಾರೆ. ಅದು ನಿಜವೂ ಹೌದು. ಒಂದು ವೇಳೆ ದರ್ಶನ್ ಗ್ಯಾಂಗಿಗೆ ಮ್ಯಾನೇಜರ್ ಮಲ್ಲಿ ಬಲಿಯಾಗಿದ್ದರೆ ದಾಸನಿಗೆ ಹದಿನಾಲ್ಕು ವರ್ಷ ಜೈಲುವಾಸ ಫಿಕ್ಸಾಗಿ ಬಿಡುತ್ತಿತ್ತು. ಆದರೆ, ಸದ್ಯದ ಮಟ್ಟಿಗೆ ಅದೊಂದು ವಿಚಾರದಲ್ಲಿ ದರ್ಶನ್ ಸೇಫಾಗಿದ್ದಾನೆ. ಯಾಕೆಂದರೆ, ಮಹಾನ್ ಛತ್ರಿ ಆಸಾಮಿ ಮಲ್ಲಿಯಿನ್ನೂ ಬದುಕಿದ್ದಾನೆ!

2018ರ ಜುಲೈ ತಿಂಗಳಿನಲ್ಲಿ ಮ್ಯಾನೇಜರ್ ಮಲ್ಲಿಯ ಅಸಲೀ ಪುರಾಣ ಜಾಹೀರಾಗಿತ್ತು. ಅದಕ್ಕೂ ಒಂದಷ್ಟು ತಿಂಗಳ ಹಿಂದೆಯೇ ದೋಖಾಬಾಜಿಗಳ ಸುಳಿವು ಸಿಕ್ಕಿ, ಅದು ದರ್ಶನ್ ಪಾಳೆಯಕ್ಕೂ ದಾಟಿಕೊಂಡಿತ್ತು. ಆದರೆ, ದರ್ಶನ್ ಆಗಿ, ದಿನಕರ್ ಆಗಲಿ ಅದನ್ನ ಗಂಭೀರವಾಗಿ ಪರಿಗಣಿಸಿರಲಿಲ್ಲ. ಖುದ್ದು ದರ್ಶನ್ ಫೋನು ಮಾಡಿದರೂ ಸ್ವೀಕರಿಸದೆ, ಕಡೇಗೆ ಸ್ವಿಚಾಫ್ ಮಾಡಿಕೊಂಡು ಅಡ್ಡಾಡಲಾರಂಭಿಸಿದ್ದ ಮಲ್ಲಿ ನೋಡ ನೋಡುತ್ತಲೇ ಗಾಯಬ್ ಆಗಿಬಿಟ್ಟಿದ್ದ. ಆ ವಿಚಾರ ತಿಳಿದದ್ದೇ ಮಲ್ಲಿ ಅಲ್ಲಲ್ಲಿ ದರ್ಶನ್ ಹೆಸರಲ್ಲಿ ಪೀಕಿದ್ದ ಕೋಟಿ ಕಾಸಿನ ಕುರುಹುಗಳು ಪಿತಗುಡಲಾರಂಭಿಸಿದ್ದವು. ಆ ನಂತರ ಆತನ ಪತ್ತೆಯಿರಲಿಲ್ಲ. ದರ್ಶನ್ ಮ್ಯಾನೇಜರ್ ಎಂಬ ಕಾರಣಕ್ಕೆ ನಂಬಿ ಅನೇಕರು ಪಿಗ್ಗಿಬಿದ್ದದ್ದರಲ್ಲಾ? ಅವರೆಲ್ಲ ಗಾಬರಿಬಿದ್ದು ದರ್ಶನ್ ಅಂತಃಪುರದತ್ತ ಹರಿದು ಬರಲಾರಂಭಿಸಿದ್ದರು.

ಒಂದು ಮೂಲದ ಪ್ರಕಾರ ಹಾಗೆ ಬಂದ ಅನೇಕರಿಗೆ ದಿನಕರ್ ಆಗಿರುವ ಅನಾಹುತವನ್ನ ಮನವರಿಕೆ ಮಾಡಿಕೊಟ್ಟಿದ್ದಾರೆ. ತಮಗೂ ಆದ ಮೋಸದ ಬಗ್ಗೆ ತಿಳಿ ಹೇಳಿದ್ದಾರೆ. ಇನ್ನೂ ಕೆಲ ಮಂದಿ ದಿನಕರ್ ರನ್ನು ದಾಟಿ, ಕಾಸು ಸಿಗಬಹುದೆಂಬ ಆಸೆಯಿಂದ ದರ್ಶನ್ ನನ್ನು ಸಂಪರ್ಕಿಸಿದ್ದೂ ಇದೆ. ಹಾಗೆ ಎದುರುನಿಂತ ಒಂದಷ್ಟು ನಸೀಬುಗೇಡಿಗಳಿಗೆ ದರ್ಶನ್ ಆವಾಜು ಬಿಟ್ಟು ಕಳಿಸಿದ್ದನೆಂಬ ಮಾತೂ ಇದೆ. ಹಾಗೆ 2018ರ ಮಧ್ಯಭಾಗದಲ್ಲಿ ನಾಪತ್ತೆಯಾಗಿದ್ದ ಮಲ್ಲಿ ಯಾರೆಂದರೆ ಯಾರಿಗೂ ಸಿಕ್ಕಿಲ್ಲ. ಮೂಲತಃ ಗುಲ್ಬರ್ಗದವನಾದ ಈತ ಹುಟ್ಟೂರಿನಲ್ಲಿಯೂ ಸುಳಿದಿರಲಿಲ್ಲ. ಹೇಳಿಕೇಳಿ ಉತ್ತರ ಕರ್ನಾಟಕದಲ್ಲಿಯೂ ದರ್ಶನ್ ಗೆ ಫ್ಯಾನ್ ಬೇಸ್ ಇದೆ. ಆ ಭಾಗದಲ್ಲಿ ಸುಮ್ಮನೆ ಕಾಣಿಸಿಕೊಂಡರೂ ಮಲ್ಲಿಯನ್ನು ಮೂಟೆಗಟ್ಟಿ ಟೆಂಪೋಗೆ ತುಂಬಿ ದರ್ಶನ್ ಮುಂದೆ ತಂದು ಬಿಡೋ ಸಾಧ್ಯತೆಗಳೂ ಇದ್ದವು!

ಇಂಥಾ ಅನಾಹುಗಳನ್ನರಿತಿದ್ದ ಚಾಲಾಕಿ ಮಲ್ಲಿ ಆ ಕಾಲದಲ್ಲಿಯೇ ಕರ್ನಾಟಕ ತೊರೆದು ಹೋಗಿದ್ದನೆಂಬ ಮಾತಿದೆ. ಒಂದು ಹಂತದಲ್ಲಿ ಯಾಮಾರಿಸಿದ ಕಾಸಲ್ಲಿ ವಿದೇಶಕ್ಕೆ ತೆರಳಿ ಸೆಟಲ್ ಆಗಿದ್ದಾನೆಂಬ ರೂಮರೂ ಹರಿದಾಡಿತ್ತು. ಇಂಥಾ ಮಲ್ಲಿ ತಿಂಗಳ ಹಿಂದೆ ಕರ್ನಾಟಕಕ್ಕೆ ಬಂದು ಹೋಗಿದ್ದಾನೆ. ತನ್ನ ಕುಟುಂಬದ ಕೆಲವರೊಂದಿಗೆ ದಕ್ಷಿಣ ಕನ್ನಡ, ಉತ್ತರ ಕನ್ನಡದ ಪ್ರಸಿದ್ಧ ದೇವಸ್ಥಾನಗಳಿಗೆ ಭೇಟಿ ನೀಡಿದ್ದಾನೆ. ಹೀಗೆ ತಿರ್ಪೆ ಕಾಸಲ್ಲಿ ಲಕ್ಷಣವಾಗಿ ತೀರ್ಥ ಯಾತ್ರೆ ಮುಗಿಸಿಕೊಂಡ ಮಲ್ಲಿ ಮತ್ತೆ ಪರರಾಜ್ಯದಲ್ಲಿರೋ ಬಿಲ ಸೇರಿಕೊಂಡಿದ್ದಾನೆ. ಸದ್ಯಕ್ಕೀತ ಕಲ್ಕತ್ತಾದಲ್ಲಿರುವ ಮಾಹಿತಿ ಹರಿದಾಡಿದರೂ ಕೂಡಾ, ಅದರಲ್ಲಿಯೂ ಮಲ್ಲಿ ಹಾದಿತಪ್ಪಿಸುವ ಚಾಣಾಕ್ಷತನ ತೋರಿಸಿರುತ್ತಾನೆಂಬುದರಲ್ಲಿ ಯಾವ ಅನುಮಾನವೂ ಇಲ್ಲ. ಉತ್ತರ ಭಾರತವೋ, ದಕ್ಷಿಣ ಭಾರತವೋ… ಅಂತೂ ಮಲ್ಲಿ ದೇಶದೊಳಗೇ ಇದ್ದಾನೆ. ಸೇಫಾಗಿಯೂ ಬದುಕುತ್ತಿದ್ದಾನೆ!

ಹೀಗೆ ಇದೀಗ ಮರ್ಡರ್ ಕೇಸಿನ ನೆಪದಲ್ಲಿ ನೆನಪಾಗಿರುವ ಮಲ್ಲಿ ಅಸಾಮಾನ್ಯ ಪ್ರತಿಭೆಯೇ. ಬೇರೆಲ್ಲ ತಕರಾರುಗಳೇನಿದ್ದರೂ, ದರ್ಶನ್ ಥರದ ಸ್ಟಾರ್ ನಟನನ್ನು ಯಾಮಾರಿಸಿ, ಆತನ ಪಟಾಲಮ್ಮಿನ ಕಣ್ಣಿಗೆ ಮಣ್ಣೆರಚಿ ಕೋಟಿ ಕೋಟಿ ಲಫಡಾ ನಡೆಸಿದ ಈತ ವ್ಯವಹಾರ ಚತುರ. ಆರಂಭದ ದಿನಗಳಲ್ಲಿ ರಾಕಿಂಗ್ ಸ್ಟಾರ್ ಯಶ್ ಪಾಳೆಯದಲ್ಲಿದ್ದವನು ಮಲ್ಲಿ. ಆ ಕಾಲದಲ್ಲಿ ಯಶ್ ಈ ಪರಿಯಾಗಿ ಬೆಳೆದು ನಿಲ್ಲಬಹುದೆಂಬ ಅಂದಾಜು ಮಲ್ಲಿಗೆ ಸಿಕ್ಕಿರಲಿಲ್ಲವೇನೋ. ಭಾರೀ ಮಹತ್ವಾಕಾಂಕ್ಷೆ ಹೊಂದಿದ್ದ ಮಲ್ಲಿ ಮೆತ್ತಗೆ ಓಡೋ ಕುದುರೆ ದರ್ಶನ್ ಪಾಳೆಯಕ್ಕೆ ಎಡತಾಕಲಾರಂಭಿಸಿದ್ದ. ಹಾಗೆ ಬಂದವನು ಹಂತ ಹಂತವಾಗಿ ದರ್ಶನ್ ನಂಬಿಕೆ ಗಳಿಸಿಕೊಂಡಿದೆ. ದರ್ಶನ್ ಯಾವ ರೇಂಜಿಗೆ ಮಲ್ಲಿಯನ್ನ ನಂಬಿದ್ದನೆಂದರೆ, ಆತನ ಎಲ್ಲ ದೇಖಾರೇಖಿಗಳೂ ಮಲ್ಲಿಯ ಸರಹದ್ದಿಗೆ ಬಂದುಬಿಟ್ಟಿದ್ದವು.

ದರ್ಶನ್ ಎಂಬೋ ದೈತ್ಯ ನಟನನ್ನು ಮಲ್ಲಿ ಸಲೀಸಾಗಿಯೇ ಮ್ಯಾನೇಜು ಮಾಡಲಾರಂಭಿಸಿದ್ದ. ಬರಬರುತ್ತಾ ದರ್ಶನ್ ವ್ಯವಹಾರವನ್ನೆಲ್ಲ ಈತನೇ ನೋಡಿಕೊಳ್ಳುತ್ತಿದ್ದ. ಮೆತ್ತಗೆ ದರ್ಶನ್ ಹೆಸರಲ್ಲಿ ಕಾಸು ಗುಂಜಲಾರಂಭಿಸಿದ್ದ ಮಲ್ಲಿ, ವಂಚಕನಾಗಿ ಬದಲಾಗಿ ಬಿಟ್ಟಿದ್ದ. ಕಂಡೋರ ಮುಂದೆ ದೈನೇಸಿಯಂತೆ ನಿಂತು ಕಷ್ಟ ಕಾರ್ಪಣ್ಯಗಳ ಸ್ಕ್ರಿಪ್ಟು ಒದರಲಾರಂಭಿಸಿದ್ದ. ದರ್ಶನ್ ನಂಥಾ ಸ್ಟಾರ್ ನಟನ ಮ್ಯಾನೇಜರಿಗೆ ಇದೆಂಥಾ ಗತಿಯೆಂಬ ಕರುಣೆಯಿಂದಲೋ, ಇವನನ್ನು ವಿಶ್ವಾಸಕ್ಕೆ ತೆಗೆದುಕೊಂಡರೆ ದರ್ಶನ್ ಸಲೀಸಾಗಿ ಕೈಗೆ ಸಿಗುತ್ತಾನೆಂಬ ದೂರದೃಷ್ಟಿಯಿಂದಲೋ ಗೊತ್ತಿಲ್ಲ; ಚಿತ್ರರಂಗದ ಒಂದಷ್ಟು ಮಂದಿ ಈತನಿಗೆ ಲಕ್ಷಗಟ್ಟಲೆ ಸಹಾಯ ಮಾಡಿದ್ದಾರೆ. ಆ ನಂತರದಲ್ಲಿ ಡಿಸ್ಟ್ರಿಬ್ಯೂಷನ್ನು ಸೇರಿದಂತೆ ಎಲ್ಲದರಲ್ಲಿಯೂ ಮಲ್ಲಿ ದೋಖಾ ಮಾಡಿದ್ದ. ದರ್ಶನ್‍ಗೇ ಕೋಟಿಗಳ ಲೆಕ್ಕದಲ್ಲಿ ಉಂಡೇನಾಮ ತೀಡಿದ್ದ!

ಬಹುಶಃ ದರ್ಶನ್ ತಲೆ ಆ ಕಾಲದಲ್ಲಿ ತುಸು ನೆಟ್ಟಗಿತ್ತೇನೋ. ಅಥವಾ ಇತ್ತೀಚೆಗೆ ಸುತ್ತಾ ಗುಡ್ಡೆಬಿದ್ದಿರುವ ದುಷ್ಟಕೂಟ ಆಗಿನ್ನೂ ಎಂಟ್ರಿ ಕೊಟ್ಟಿರಲಿಲ್ಲವೇನೋ. ಒಂದು ವೇಳೆ ಆ ಕಾಲಕ್ಕೆ ದರ್ಶನ್ ಈಗಿನಂತಿದ್ದಿದ್ದರೆ ಖಂಡಿತವಾಗಿಯೂ ಯಾವುದೋ ಗೋಡೌನಿನಲ್ಲಿ ಮಲ್ಲಿಯ ದೇಹ ನಜ್ಜುಗುಜ್ಜಾಗುತ್ತಿತ್ತು. ಆತನ ದೇಹ ಸುಳಿವೇ ಇಲ್ಲದಂತೆ ಮತ್ಯಾವುದೋ ಮೋರಿಯ ಪಾಲಾಗುತ್ತಿತ್ತೋ ಏನೋ. ಅಂಥಾ ದುರಂತದಿಂದ ಮಲ್ಲಿ ಪಾರಾಗಿದ್ದಾನೆ. ಬಹುಶಃ ಆ ಘಳಿಗೆಯಲ್ಲಿ ದರ್ಶನ್ ತೆಗೆದುಕೊಂಡಿದ್ದ ತುಸು ಮನುಷ್ಯತ್ವದ ನಿರ್ಧಾರ ಖುದ್ದು ಆತನನ್ನೇ ಮತ್ತೊಂದು ಕುಣಿಕೆಯಿಂದ ಪಾರುಗಾಣಿಸಿದೆ. ಆದರೆ, ಘಟಾನುಘಟಿಗಳಿಗೆ ವಂಚಿಸಿ, ಹೊರರಾಜ್ಯದಲ್ಲಿ ಸೇಫಾಗಿರುವ ಮಲ್ಲಿಗೀಗ ಭಯ ಶುರುವಾಗಿದ್ದಿರಬಹುದು. ಪೊಲೀಸರೇನಾದರೂ ಈತ ಬದುಉಕಿರೋದು ನಿಜವಾ ಅನ್ನೋ ಜಾಡು ಹಿಡಿದು ಹೊರಟರೆ, ಕಾಸು ಕೊಟ್ಟು ಕೈಸುಟ್ಟುಕೊಂಡಿರೋ ಸಾಲಗಾರರೂ ಹಿಂಬಾಲಿಸಿ ಹೋಗೋ ಅಪಾಯ ಮಲ್ಲಿಯನ್ನು ಕಂಗೆಡಿಸಿರಬಹುದು!

The post darshan manager malli: ತಿರ್ಪೆ ಕಾಸಲ್ಲಿ ತೀರ್ಥ ಯಾತ್ರೆ! appeared first on Cini Shodha.

ಈಗ್ಗೆ ಒಂದಷ್ಟು ದಿನಗಳ ಹಿಂದೆ ಸಂಸದೆ ಸುಮಲತಾ ಹುಟ್ಟುಹಬ್ಬ ಸಮಾರಂಭ ಅದ್ದೂರಿಯಾಗಿ ನೆರವೇರಿತ್ತು. ರಾಕ್ ಲನ್ ವೆಂಕಣ್ಣ ಸಾರಥ್ಯದಲ್ಲಿ ನಡೆದಿದ್ದ ಆ ಸಮಾರಂಭದ ಆಂತರ್ಯದಲ್ಲಿ ಕಿಚ್ಚ ಮತ್ತು ದಶನ್ ರನ್ನು ಮತ್ತೆ ಒಂದುಗೂಡಿಸುವ ಸುಪ್ತ ಅಜೆಂಡಾ ಇದೆ ಅಂತಲೂ ಗುಮಾನಿಗಳು ಹರಿದಾಡಿದ್ದವು. ಅದಕ್ಕೆ ಸರಿಯಾಗಿ, ಈ ಹಿಂದೆ ದರ್ಶನ್ ಮತ್ತು ಸುದೀಪ್ ಒಟ್ಟೊಟ್ಟಿಗೆ ಯಾವ ಕಾರ್ಯಕ್ರಮಗಳಲ್ಲಿಯೂ ಕಾಣಿಸಿಕೊಂಡಿರಲಿಲ್ಲ. ಆದರೆ, ಸುಮಲತಾ ಬರ್ತ್‍ಡೇ ಪಾರ್ಟಿಯಲ್ಲಿ ಮಾತ್ರ ಇಬ್ಬರೂ ಹಾಜರಿದ್ದರು. ಅಲ್ಲಿಯೂ ಪರಸ್ಪರ ಮುಖ ನೋಡಿಕೊಳ್ಳಲೂ ಬಿಗುಮಾನ ಪ್ರದರ್ಶನಗೊಂಡಿತೇ ಹೊರತು, ಕೂಡಿಕೆ ಸಾಧ್ಯವಾಗಿರಲಿಲ್ಲ. ಅಲ್ಲಿಗೆ ರಾಕ್ ಲೈನ್ ವೆಂಕಿಯ ಸುಪ್ತ ಸಂಧಾನವೂ ಗೋತಾ ಹೊಡೆದಂತಾಗಿತ್ತು.

ಹಾಗೆ ನೋಡಿದರೆ, ಅಂಥಾದ್ದೊಂದು ಪ್ರಹಸನ ನಡೆದಿದ್ದರ ಬಗ್ಗೆ ಇಬ್ಬರ ಅಭಿಮಾನಿ ಪಡೆಯಲ್ಲಿಯೂ ನಿರಾಸೆ ಮೂಡಿರಲಿಲ್ಲ. ಇದೆಲ್ಲದಿಂದಾಗಿ ಇದು ಸಲೀಸಾಗಿ ಮುಕ್ತಾಯಗೊಳ್ಳುವ ಮುನಿಸಲ್ಲ ಎಂಬಂಥಾ ವಾತಾವರಣ ತಂತಾನೇ ಹಬ್ಬಿಕೊಂಡಿತ್ತು. ವಾತಾವರ ಹೀಗಿರುವಾಗಲೇ ದಾಸನ ಗರಡಿಯಲ್ಲಿ ಒಂದಷ್ಟು ಹವಾಮಾನ ಬದಲಾವೆಗಳಾಗಿವೆ. ಅದು ಆತನ ವೃತ್ತಿ ಬದುಕಿನಲ್ಲಿ ಹವಾಮಾನ ವೈಪರೀತ್ಯದ ಛಾಯೆ ಆವರಿಸಿಕೊಂಡಿರೋದರ ಪರಿಣಾಮವೂ ಇರಬಹುದು. ಒಟ್ಟಾರೆಯಾಗಿ ಇದೆಲ್ಲದರ ಬಾಬತ್ತೆಂಬಂತೆ ದಾಸನ ಕಡೆಯಿಂದಲೇ ಹೊಸಾ ದಾಳವೊಂದು ಉರುಳಿರುವ ಸಾಧ್ಯತೆಗಳಿವೆ. ಅದುವೇ ದರ್ಶನ್ ಮತ್ತು ಸುದೀಪ್ ರನ್ನು ನಟೋಇಯಸ್ ರೌಡಿ ಎಲಿಮೆಂಟೊಂದರ ಅಡ್ಡೆಯಲ್ಲಿ ಸೇರುವಂತೆ ಮಾಡಿದ್ದರೆ ಅಚ್ಚರಿಯೇನೂ ಇಲ್ಲ!

ಒಂದು ಮೂಲದ ಪ್ರಕಾರ, ಈಗೊಂದು ಹದಿನೈದು ದಿನಗಳ ಹಿಂದೆ ಆ ಭೂಗತ ಪಾತಕಿಯ ಅಡ್ಡೆಯಲ್ಲಿ ಒಂದು ಕಾಲದ ಕುಚಿಕ್ಕು ಗೆಳೆಯರ ಸಮಾಗಮವಾಗಿದೆ. ಅಲ್ಲಿ ತ್ಯಾಪೆ ಹಚ್ಚೋ ಕೆಲಸವೂ ಸಾಂಘವಾಗಿ ನೆರವೇರಿದೆ. ಕಡೆಗೂ ದಶನ್ ಮತ್ತು ಸುದೀಪ್ ಕೈ ಕುಲುಕಿ ಒಂದಾಗಿದ್ದಾರೆ; ಹಳೇ ಮುನಿಸು ಮರೆತು ಮುದುವರೆಯುವ ಮನಸು ಮಾಡಿದ್ದಾರೆಂದು ಹೇಳಲಾಗುತ್ತಿದೆ. ಮೊನ್ನೆ ಏಕಾಏಕಿ ದರ್ಶನ್ ಕಾವೇರಿ ಹೋರಾಟಕ್ಕೆ ಧುಮುಕಿ, ಹೀನಾಮಾನ ಮಾತಾಡಿದ್ದರಲ್ಲಾ? ಆ ಸಂದರ್ಭದಲ್ಲಿ ರಜನೀಕಾಂತ್ ರನ್ನು ಟಾರ್ಗೆಟ್ ಮಾಡಿ ಮಾತಾಡುವಾಗ `ನಿಮಗೇನು ದರ್ಶನ್, ಸುದೀಪ್, ಶಿವಣ್ಣ, ಯಶ್ ಮಾತ್ರ ಕಾಣಿಸೋದಾ’ ಎಂಬರ್ಥದಲ್ಲಿ ಅಬ್ಬರಿಸಿದ್ದರು. ಮಾಮೂಲಿಯಾಗಿದ್ದರೆ, ಆ ಮಾತಿನ ನಡುವೆ ಕಿಚ್ಚನ ಹೆಸರು ಗೈರಾಗುತ್ತಿತ್ತು. ಬಲು ಪ್ರೀತಿಯಿಂದ ದರ್ಶನ್ ಕಿಚ್ಚನ ಹೆಸರು ಪ್ರಸ್ತಾಪಿಸಿರೋದರ ಹಿಂದೆ, ಭೂಗತ ಜೀವಿಯ ಸಮ್ಮುಖದಲ್ಲಿ ನಡೆದ ಸಂಧಾನದ ಕಿಸುರಿಲ್ಲದಿಲ್ಲ!

ಹಾಗಾದರೆ, ಲೀಲಾಜಾಲವಾಗಿ ಕಿಚ್ಚ ಮತ್ತು ದರ್ಶನ್ ರನ್ನು ಒಂದುಗೂಡಿಸಿದ ಆ ರೌಡಿ ಎಲಿಮೆಂಟು ಯಾವುದು? ಈ ಸ್ಟಾರ್ ನಟರಿಬ್ಬರನ್ನೂ ಅಷ್ಟು ಸಲೀಸಾಗಿ ಹ್ಯಾಂಡಲ್ ಮಾಡುವಷ್ಟು ಆತ ಪ್ರಭಾವಶಾಲಿಯಾ? ಎಂಬಿತ್ಯಾದಿ ಪ್ರಶ್ನೆಗಳು ಮೂಡಿಕೊಳ್ಳೋದು ಸಹಜ. ಅದಕ್ಕೆ ಉತ್ತರ ಹುಡುಕ ಹೋದರೆ, ಆ ರೌಡಿ ಆಸಾಮಿಯ ನಟೋರಿಟಿ, ಸಿನಿಮಾ ಕನೆಕ್ಷನ್ನುಗಳು ಜಾಹೀರಾಗುತ್ತವೆ. ಸದ್ಯದ ಮಟ್ಟಿಗೆ ಬೆಂಗಳೂರು ಭೂಗತದಲ್ಲಿ ನಾನಾ ಪಲ್ಲಟಗಳಾಗುತ್ತಿವೆ. ಹಳೇ ದಂಧೆಗಳು ಹೊಸ ಸ್ವರೂಪದ ಪಾಲೀಶು ಮಾಡಿಸಿಕೊಂಡಂತೆ ನಳನಳಿಸುತ್ತಿವೆ. ಅದರಲ್ಲಿ ಭೂ ಮಾಫಿಯಾ, ಫೈನಾನ್ಸ್ ಮಾಫಿಯಾ, ಹೈಟೆಕ್ ಇಸ್ಪೀಟ್ ಅಡ್ಡೆಗಳೂ ಸೇರಿಕೊಳ್ಳುತ್ತವೆ. ಅದೆಲ್ಲವನ್ನೂ ಮ್ಯಾನೇಜು ಮಾಡುತ್ತಾ, ಬೆಂಗಳೂರು ಸೌತ್ ಡಾನ್ ಎಂಬಂತೆ ಈ ರೌಡಿ ಮೆರೆಯುತ್ತಿದ್ದಾನೆ.

ಸದ್ಯಕ್ಕೆ ಬೆಂಗಳೂರು ಭೂಗತದಲ್ಲಿ ಸೈಲೆಂಟ್ ಸುನೀಲ ನೇಪಥ್ಯಕ್ಕೆ ಸರಿದಿದ್ದಾನೆ. ಒಂದು ಕಾಲಕ್ಕೆ ಆತನ ಸಿಂಡಿಕೇಟ್ ಸದಸ್ಯನೇ ಆಗಿದ್ದ ವಿಲ್ಸನ್ ಗಾರ್ಡನ್ ನಾಗನ ಹೆಸರು ಫೀಲ್ಡಿನಲ್ಲಿ ಸಂಚಲನ ಸೃಷ್ಟಿಸುತ್ತಿದೆ. ಆತನಿಗಿಂತಲೂ ಮೋಸ್ಟ್ ಸೀನಿಯರ್, ನಟೋರಿಯಸ್ ಅನ್ನಿಸಿಕೊಂಡಿರುವವನು ಈ ಆಸಾಮಿ. ಭೂಗತ ವಲಯದಲ್ಲಿ ಪೆಡ್ಲು ಅಂತಲೇ ಉಪನಾಮಧೇಯ ಹೊಂದಿರುವ ಈತ, ಒಂದು ಕಾಲದಲ್ಲಿ ಭಯಾನಕ ಸುಪಾರಿ ಹಂತಕ. ಇಂಥವನು ಆರಂಭ ಕಾಲದಿಂದಲೇ ರೆಬೆಲ್ ಸ್ಟಾರ್ ಅಂಬಿಯ ನಂಬಿಕೆ ಗಿಟ್ಟಿಸಿಕೊಂಡಿದ್ದ. ಅತ್ತ ಒಂದಷ್ಟು ವರ್ಷಗಳ ಹಿಂದೆ ಭೀಕರವಾಗಿ ಹತನಾಗಿದ್ದ ಮಂಡ್ಯ ಸೀಮೆಯ ರೌಡಿ ಜಡೇಜಾ ರವಿ ಕೂಡಾ ಅಂಬಿಯ ಅಭಿಮಾನಿಯಾಗಿ ಗುರುತಿಸಿಕೊಂಡಿದ್ದ. ಹಾಗೆ ಸಿಗರೇಟಿನ ಘಾಟು, ಅಂಬಿಯಣ್ಣನ ಕೈಯಲ್ಲಿರುತ್ತಿದ್ದ ಎಣ್ಣೆಯ ಕಮಟಿನ ನಡುವೆ ಜಡೇಜಾ ಮತ್ತು ಪೆಡ್ಲುವಿನ ನಡುವೆ ಜನ್ಮಾಂತರಗಳ ಸ್ನೇಹವೊಂದು ಸೊಂಪಾಗಿ ಕುದುರಿಕೊಂಡಿತ್ತು.

ಅಷ್ಟಕ್ಕೂ ಈ ಪೆಡ್ಲು ದರ್ಶನ್ ಮತ್ತು ಸುದೀಪ್ ಸರಹದ್ದಿಗೆ ದಾಟಿಕೊಂಡಿದ್ದರ ಮೂಲ ಕೂಡಾ ಮಂಡ್ಯದ ಗಂಡಿನ ಹಜಾರವೇ. ಹಾಗೆ, ಚಿಗುರಿಕೊಂಡ ಸ್ನೇಹ ದರ್ಶನ್ ಜೊತೆಗೇ ಪೆಡ್ಲು ಅಂಟಿಕೊಳ್ಳುವಂತೆ ಮಾಡಿತ್ತು ಅನ್ನುವವರೂ ಇದ್ದಾರೆ. ಅದರ ಪರಿಣಾಮವಾಗಿಯೇ ದಾಸನ ಫಾರ್ಮ್ ಹೌಸಿನಲ್ಲಿ ಆಗಾಗ ಪೆಡ್ಲು ರೌಂಡು ಹೊಡೆಯುತ್ತಿತ್ತು. ಇತ್ತೀಚೆಗೆ ಉಮಾಪತಿ ಕೇಸಿನಲ್ಲಿಯೂ ಪೆಡ್ಲು ಸದ್ದು ಮಾಡಿತ್ತು. ಹೀಗೆ ದರ್ಶನ್ ಜೊತೆ ಸ್ನೇಹವಿಟ್ಟುಕೊಂಡಿದ್ದ ಪೆಡ್ಲು, ಸುದೀಪ್‍ಗೂ ಪರಿಚತನೇ. ಆತನ ಪ್ರಭಾವ ಎಷ್ಟಿದೆಯೆಂದರೆ, ವರ್ಷಾಂತರಗಳ ಹಿಂದೆ ಗೃಹಮಂತ್ರಿಯಾಗಿದ್ದ ಪಾಟೀಲರ ಕಾಲ್ ಲಿಸ್ಟಿನಲ್ಲಿಯೂ ಪೆಡ್ಲಿನ ಹೆಸರಿತ್ತು. ಆ ಕಾಲಕ್ಕದು ಭಾರೀ ಸುದ್ದಿಯೂ ಆಗಿತ್ತು.

ಇಂಥಾ ನಟೋರಿಯಸ್ ರೌಡಿ ಪೆಡ್ಲು ಅಂತೂ ಇಂತೂ ಕಿಚ್ಚ ಮತ್ತು ದರ್ಶನ್ ರನ್ನು ಒಂದಾಗಿಸಿದ್ದಾನೆಂದು ಹೇಳಲಾಗುತ್ತಿದೆ. ಸದ್ಯದ ಮಟ್ಟಿಗೆ ದರ್ಶನ್‍ಗೂ ಕೂಡಾ ಎಲ್ಲ ವಿವಾದಗಳಿದ ಕಳಚಿಕೊಳ್ಳಬೇಕಾಗಿದೆ. ಯಾಕೆಂದರೆ, ಕ್ರಾಂತಿಯ ಸಂದರ್ಭದಲ್ಲಿಯೇ ದರ್ಶನ್ ಗೆ ವಾಸ್ತವ ದರ್ಶನವಾಗಿದೆ. ಅದರಿಂದಾಗಿಯೇ ಅತ್ತ ಯುವ ರಾಜ್‍ಕುಮಾರ್ ಶೂಟಿಂಗ್ ಸೆಟ್ಟಿಗೆ ಹೋಗಿ, ರೊಚ್ಚಿಗೆದ್ದಿದ್ದ ಪುನೀತ್ ಅಭಿಮಾನಿಗಳನ್ನು ತಣ್ಣಗಾಗಿಸುವ ಕೆಲಸ ನಡೆದಿದೆ. ಅದರ ಬೆನ್ನಲ್ಲಿಯೇ ಕಿಚ್ಚನೊಂದಿಗೂ ಮತ್ತೆ ಕೂಡಿಕೆಯಾಗಿದೆ. ಅತ್ತ ಅಂಬರೀಶ್, ಇತ್ತ ವೆಂಕಣ್ಣ ಸೇರಿದಂತೆ ಘಟಾನುಘಟಿಗಳು ಇವರಿಬ್ಬರನ್ನು ಒಂದುಗೂಡಿಸಲು ನಾನಾ ಸರ್ಕಸ್ಸುಗಳನ್ನು ನಡೆಸಿದ್ದರು; ಪದೇ ಪದೆ ಸೋತಿದ್ದರು. ಕಡೆಗೂ ರೌಡಿ ಎಲಿಮೆಂಟೊಬ್ಬ ಭೂಗತ ಅಡ್ಡೆಯಲ್ಲಿ ತಣ್ಣಗೆ ಅದನ್ನು ಸಾಧ್ಯವಾಗಿಸಿದ್ದಾನೆಂದರೆ, ಅದು ಈ ಶತಮಾನದ ಪವಾಡ ಎನ್ನಲಡ್ಡಿಯಿಲ್ಲ. ಈ ಮೂಲಕ ಫ್ಯಾನ್ ವಾರ್, ಹಾದಿರಂಪ ಬೀದಿರಂಪಕ್ಕೆ ಅಲ್ಪ ವಿರಾಮವಿಟ್ಟ ಪೆಡ್ಲಿನ ಕಿಮ್ಮತ್ತನ್ನು ಮೆಚ್ಚಿಕೊಳ್ಳದೆ ವಿಧಿಯಿಲ್ಲ!

The post darshan-sudeep: ಅಂಬಿಗೂ ಬಗ್ಗದ ಮುನಿಸು ರೌಡಿಯ ಮುಂದೆ ಮಂಡಿಯೂರಿತೇ? appeared first on Cini Shodha.

ಇಲ್ಲಿ ಹಿನ್ನೆಲೆ ಸಂಗೀತದ ಆರ್ಭಟವಿಲ್ಲ, ಪಾತ್ರಗಳೂ ಕೂಡಾ ಸಹಜತೆಯ ಗೆರೆ ದಾಟಿ ವರ್ತಿಸುವುದಿಲ್ಲ, ಯಾವ ನಾಟಕೀಯತೆಗೂ ಇಲ್ಲಿ ಆಸ್ಪದವಿಲ್ಲ… ಹೀಗಿದ್ದರೂ ಒಂದು ಭರ್ಜರಿ ಸಸ್ಪೆನ್ಸ್ ಥ್ರಿಲ್ಲರ್ ಸೀನಿಮಾವನ್ನು ನಿವಾಳಿಸಿ ಎಸೆಯುವಂಥಾ ಅನುಭೂತಿಯೊಂದನ್ನು ಈ ಚಿತ್ರ ಮುಫತ್ತಾಗಿ ಕೊಟ್ಟು ಬಿಡುತ್ತದೆ. ಇಲ್ಲಿ ಪಾತ್ರವಾಗಿರೋ ಪ್ರತೀ ಜೀವಗಳ ಏರಿಳಿತಗಳೂ ಎದೆಗೆ ನಾಟುತ್ತವೆ. ಅಲ್ಲಿನ ವಿಷಾದ, ಕಣ್ಣಂಚು ದಾಟದ ದುಃಖ, ಭಾವಗಳೆಲ್ಲವೂ ಅನಾಯಾಸವಾಗಿ ನೋಡುಗರನ್ನು ದಾಟಿಕೊಳ್ಳುತ್ತದೆ. ಅಷ್ಟೊಂದು ಸಮರ್ಥವಾಗಿ ದೃಷ್ಯ ಕಟ್ಟುವಲ್ಲಿ ನಿರ್ದೇಶಕ ಪೃಥ್ವಿ ಕೋಣನೂರು (pruthvi konanur) ಗೆದ್ದಿದಾರೆ.

ಬೆಂಗಳೂರಿನಂಥಾ ಮಹಾ ನಗರಗಳಲ್ಲಿನ ಬದುಕಿನ ಕ್ರಮವೇ ಬೇರೆ. ಮೇಲುನೋಟಕ್ಕೆ ಥಳುಕು ಬಳುಕುಗಳನ್ನಿಟ್ಟುಕೊಂಡಿರುವ ಇಂಥಾ ನಗರಗಳ ಗರ್ಭದಲ್ಲಿ ಘಾಸಿಗೊಂಡ ಬದುಕುಗಳು ಸಾಕಷ್ಟು ಅಸಂಖ್ಯೆಯಲ್ಲಿದ್ದಾವೆ. ಒಂದು ಕಾಲದಲ್ಲಿ ನಡೆದಿದ್ದಂಥಾ ಎಳೆಯನ್ನೇ ಇಟ್ಟುಕೊಂಡು ನಿರ್ದೇಶಕರಿಲ್ಲಿ ದೃಷ್ಯ ಕಟ್ಟಿದ್ದಾರೆ. ಮುರಿದು ಬಿದ್ದ ಸಂಸಾರ, ಗಂಡನಿಂದ ದೂರವಾಗಿ ಪುಟ್ಟ ಮಗುವಿನೊಂದಿಗೆ ಬದುಕು ಕಟ್ಟಿಕೊಳ್ಳಬಯಸೋ ಹೆಣ್ಣು ಮಗಳು. ಆ ಕೆಲಸದ ಅನಿವಾರ್ಯತೆಯಿಂದ ಹಸುಗೂಸು ಪಿಂಕಿಯನ್ನು ಕೆಲಸದಾಕೆಗೆ ಒಪ್ಪಿದಾಗ ನಡೆಯೋ ದಿಗ್ಭ್ರಮೆ ಮೂಡಿಸೋ ಘಟನಾವಳಿಗಳೇ ಇಡೀ ಸಿನಿಮಾದ ಸಾರ.

ಹೆತ್ತವರ ಮುನಿಸಿಗೆ ಸಿಕ್ಕ ಲೋಕವರಿಯದ ಕೂಸು ಭಿಕ್ಷಾಟನೆಗೆ ಬಳಕೆಯಾಗುತ್ತದೆ. ಅಲ್ಲಿಂದ ಅದು ಹೇಗೋ ನಾಪತ್ತೆಯಾದ ಆ ಮ ಗು ಮತ್ತೆ ಹೆತ್ತವರ ಮಡಿಲು ಸೇರುತ್ತಾ ಎಂಬ ಕುತೂಹಲಕ್ಕೆ ಈ ಸಿನಿಮಾದ ತುಂಬಾ ರೋಚಕ ಉತ್ತರ ಸಿಗುತ್ತದೆ. ಅದನ್ನು ಸಿನಿಮಾ ಮಂದಿರಗಳಲ್ಲಿ ನೋಡಿದರೇನೇ ಚೆಂದ. ಇಲ್ಲಿ ಪರಿಸ್ಥಿತಿ ಅನಿವಾರ್ಯತೆಗೆ ಸಿಕ್ಕು ಘಟಿಸುವ ಘಟನಾವಳಿಗಳನ್ನು ನಿರ್ದೇಶಕರು ಕ್ರೈಂ ಎಂಬಂತೆ ವಿಜೃಂಭಿಸಿಲ್ಲ. ಅಂಥಾ ಅತಿಶಯಗಳು ಚಿತ್ರದುದ್ದಕ್ಕೂ ಎಲ್ಲಿಯೂ ಕಾಣ ಸಿಗುವುದಿಲ್ಲ. ಅದೇ ಒದಿಡೀ ಸಿನಿಮಾದ ಹೆಚ್ಚುಗಾರಿಕೆ ಮತ್ತು ಗೆಲುವಿಗೆ ಕಾರಣ. ಮಗುವನ್ನು ಭಿಕ್ಷಾಟನೆಗೆ ಬಿಟ್ಟ ಮನೆಗೆಲಸದ ಹಂಗಸಿನ ಹಿಂದಿರುವ ಅನಿವಾರ್ಯತೆ, ಆ ಕೂಸು ಅಚಾನಕ್ಕಾಗಿ ಮಡಿಲಿಗೆ ಬಿದ್ದಾಗ ಅದನ್ನು ತನ್ನದೇ ಎಂಬಂತೆ ಬೆಳೆಸುವ ಉಮೇದು ಪ್ರದರ್ಶಿಸೋ ಕಸ ಗುಡಿಸೋ ಮಹಿಳೆಯ ತುಮುಲ… ಇಂಥಾ ಅದೆಷ್ಟೋ ಸೂಕ್ಷ್ಮಗನ್ನು ಕಣ್ಣಿಗೆ ಕಟ್ಟುವಂತೆ, ಎದೆಗೆ ಮುಟ್ಟುವಂತರೆ ನಿರ್ದೇಶಕರು ಕಟ್ಟಿ ಕೊಟ್ಟಿದ್ದಾರೆ.

ಇನ್ನುಳಿದಂತೆ, ಇಲ್ಲಿನ ಪಾತ್ರಗಳನ್ನು ನಿರ್ವಹಿಸಿದವರೆಲ್ಲರೂ ಒಬ್ಬರಿಗೊಬ್ಬರು ಮಿಇಲೆಂಬಂತೆ ಕಾಣಿಸಕೊಂಡಿದ್ದಾರೆ. ನಟನೆಯ ಗಂಧ ಗಾಳಿ ಇಲ್ಲದಿದ್ದರೂ ಆ ಪಾತ್ರಗಳಿಗೆ ಜೀವ ತುಂಬಿದ ಮಹಿಳೆಯರು ಮತ್ತು ಮಗುವನ್ನು ಕಳೆದುಕೊಂಡ ತಾಯಿಯಾಗಿ ಕಾಣಿಸಿಕೊಂಡಿರುವ ಅಕ್ಷತಾ ಪಾಂಡವಪುರ ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಎಲ್ಲ ವರ್ಗದ ಪ್ರೇಕ್ಷಕರನ್ನೂ ಆವರಿಸಿಕೊಳ್ಳುವ ಗುಣಗಳನ್ನು ಹೊಂದಿರುವ ಪಿಂಕಿ ಎಲ್ಲಿ ಒಂದು ಅಪರೂಪದ ಚಿತ್ರ. ಅದನ್ನು ಹೆಚ್ಚೆಚ್ಚು ಸಂಖ್ಯೆಯಲ್ಲಿ ನೋಡುವ ಮೂಲಕ ಪ್ರೀತ್ಸಾಹಿಸಿದರೆ ಇಂಥಾ ಭಿನ್ನ ಪ್ರಯೋಗಗಳಿಗೆ ಅನುವು ಮಾಡಿ ಕೊಟ್ಟಂತಾಗುತ್ತದೆ. ಇಂಥಾದ್ದೊಂದು ಉತ್ಸಾಹವೀಗ ಪ್ರೇಕ್ಷಕರನ್ನು ಆವರಿಸಿಕೊಂಡಂತಿದೆ!

The post pinki elli review: ಅಬ್ಬರವಿಲ್ಲದೆ ಆದ್ರ್ರಗೊಳಿಸುವ ಅಪರೂಪದ ಚಿತ್ರ! appeared first on Cini Shodha.

ಪೃಥ್ವಿ ಕೋಣನೂರು (pruthvi konanur) ನಿರ್ದೇಶನ ಮಾಡಿ, ಅಕ್ಷತಾ ಪಾಂಡವಪುರ (akshatha pandavapura) ಮುಖ್ಯ ಪಾತ್ರದಲ್ಲಿ ನಟಿಸಿರುವ ಚಿತ್ರ `ಪಿಂಕಿ ಎಲ್ಲಿ’. ಈಗಾಗಲೇ ಈ ಚಿತ್ರದ ಅಸಲೀ ಕಸುವೇನೆಂಬುದು ವಿಶ್ವ ಮಟ್ಟದಲ್ಲಿ ಜಾಹೀರಾಗಿದೆ. ಅಂತಾರಾಷ್ಟ್ರೀಯ ಚಲನ ಚಿತ್ರೋತ್ಸವಗಳಲ್ಲಿ ಪ್ರದರ್ಶನಗೊಳ್ಳುವ ಮೂಲಕ ಪ್ರಶಸ್ತ್ತಿಗಳನ್ನೂ ತನ್ನದಾಗಿಸಿಕೊಂಡಿದೆ. ಇದೆಲ್ಲವೂ ಸಾಧ್ಯವಾಗಿದ್ದರ ಹಿಂದೆ ಹಲವ ಶ್ರಮವಿದೆ. ಪ್ರತಿಭೆಯಿದೆ. ಆದರೆ ಅದೆಲ್ಲವನ್ನೂ ಪೊರೆದ ಅಸಲೀ ಶಕ್ತಿಯಂತಿರುವವರು ನಿರ್ಮಾಪಕರಾದ (krishne gowda)  ಕೃಷ್ಣೇಗೌಡರು. ಈವತ್ತಿಗೆ ಚಿತ್ರರಂಗ ಮಗ್ಗುಲು ಬದಲಿಸಿರುವ ರೀತಿ, ಅದರೊಳಗೆ ಗಿಜಿಗುಡುತ್ತಿರವ ವ್ಯಾವಹಾರಿಕ ಪ್ರಜ್ಞೆಯನ್ನು ಬಲ್ಲವರೆಲ್ಲರೂ ನಿಸ್ಸಂದೇಹಾಗಿಯೂ ಕೃಷ್ಣೇಗೌಡರ ಸಾಹಸವನ್ನು ಮೆಚ್ಚಿಕೊಳ್ಳದಿರುವುದಿಲ್ಲ. ಯಾಕೆಂದರೆ, ಈ ಬಗೆಯದ್ದೊಂದು ಸಿನಿಮಾ ನಿರ್ಮಾಣ ಮಾಡಬೇಕೆಂದರೆ ಬೇರೆಯದ್ದೇ ತೆರನಾದ ಮನಃಸ್ಥಿತಿ ಇರಬೇಕು. ವ್ಯವಹಾರವನ್ನು ಮೀರಿದ ಕಕ್ಕುಲಾತಿ ಇರಬೇಕು.

ಇಂಥಾ ಅಪರೂಪದ ಕಥಾ ಹೊಳಹುಗಳು ಅನೇಕರ ತಲೆಯಲ್ಲಿ ಮಿಂಚಿರಹುದು. ಮತ್ತದೆಷ್ಟೋ ಸಿನಿಮಾಗಳು ಬರವಣಿಗೆಯ ಹಂತದಲ್ಲಿಯೇ ಪರ್ಯಾವಸಾನ ಹೊಂದಿರಬಹುದು. ಅದೆಲ್ಲದಕ್ಕೂ ಪ್ರಧಾನ ಕಾರಣವಗಿ ನಿಲ್ಲೋದು ನಿರ್ಮಾಪಕರ ಅಸಹಕಾರ. ಸಕ್ರಿಪ್ಟ, ಸ್ಕ್ರೀನ್ ಪ್ಲೇ ಎದುರಗಿಟ್ಟರೆ `ಇಷ್ಟು ಸುರಿದರೆ ಎಷ್ಟು ಗಿಟ್ಟುತ್ತದೆ’ ಎಂಬಂಥಾ ಪಕ್ಕಾ ಕಮರ್ಶಿಯಲ್ ಮೆಂಟಾಲಿಟಿ ಎದೆಗೆ ರಾಚುವ ಕಾಲಮಾನವಿದು. ಇಂಥಾ ಹೊತ್ತಿನಲ್ಲಿ ನಿರ್ದೇಶಕ ಪೃಥ್ವಿ ಕೋಣನೂರು ಅವರ ಪ್ರತಿಭೆಯ ಮೇಲೆ ಭರವಸೆಯಿಟ್ಟು, ಪೂರ್ತಿ ಕಥೆಯನ್ನೂ ಕೇಳದೆ ಕೃಷ್ಣೇಗೌಡರು ನಿರ್ಮಾಣಕ್ಕೆ ಒಪ್ಪಿಕೊಂಡಿದ್ದರೆಂದರೆ, ಅವರ ಸದಭಿರುಚಿಯ ಕಾಳಜಿಯನ್ನು ಮೆಚ್ಚಿಕೊಳ್ಳದಿರಲು ಸಾಧ್ಯವಿಲ್ಲ!

ಅದೆಲ್ಲದರ ಭಾಗವಾಗಿಯೇ ಪಿಂಕಿ ಎಲ್ಲಿ ಚಿತ್ರ ಚೆಂದಗೆ ನಿರ್ಮಾಣಗೊಂಡಿದೆ. ಕೃಷ್ಣೇಗೌಡರ ಸಾಹಸದ ಭಾಗವಾಗಿಯೇ ಅದು ಈ ವಾರ ಬಿಡುಗಡೆಗೊಂಡು ಪ್ರೇಕ್ಷಕರನ್ನೆಲ್ಲ ತಲುಪಿಕೊಳ್ಳುತ್ತಿದೆ. ಹೀಗೆ ಸದಭಿರುಚಿಯ ಸಿನಿಮಾಗಳ ಗುಂಗಿಗೆ ಬಿದ್ದು, ಹಲವಾರು ಅಚ್ಚರಿಗಳ ಘಟಿಸಲು ಕಾರಣೀಭೂತರಾಗಿರುವ ಕೃಷ್ಣೇಗೌಡರ ಬದುಕಿನ ಹಾದಿ ಕೂಡಾ ನಾನಾ ಬಣ್ಣಗಳಿಂದ ಕಳೆಗಟ್ಟಿಕೊಂಡಿದೆ. ಬಹುಶಃ ನಿರ್ಮಾಪಕರಲ್ಲಿ ನಿರೀಕ್ಷಿಸಲಾಗದ ಅದೆಷ್ಟೋ ಪ್ರತಿಭೆಗಳಿಂದ ಕೃಷ್ಣೇಗೌಡರ ಕಲಾ ಪಯಣ ಸಮೃದ್ಧಗೊಂಡಿದೆ. ಈ ವರೆಗೂ ಅವರ ಬದುಕು ನಾನಾ ರೂಪಾಂತರಗಳನ್ನು ಎದುರುಗೊಂಡಿದೆ. ಹೀಗೆ ಯಾವ ಪಲ್ಲಟಗಳು ನಡೆದರೂ ಕಲೆಯ ಚುಂಗು ಹಿಡಿದು ಹೊರಟ ಕೃಷ್ಣೇಗೌಡರ ಬಹು ದೊಡ್ಡ ಶಕ್ತಿಯಾಗಿ ಕಾಣಿಸೋದು ರಂಗಭೂಮಿಯ ನಂಟು.

ಅಪ್ಪಟ ರೈತಾಪಿ ವರ್ಗದಿಂದ ಬಂದಿರುವ ಕೃಷ್ಣೇಗೌಡರು ಹಳ್ಳಿ ಸೀಮೆಯ ಶ್ರೀಮಂತ ಪರಿಸರದಲ್ಲಿ ಕಣ್ಣರಳಿಸಿದವರು. ಊರ ಹಬ್ಬಡ ಸಂದರ್ಭದಲ್ಲಿ ಅಹೋರಾತ್ರಿ ನಡೆಯುತ್ತಿದ್ದ ನಾಟಕಗಳಲ್ಲಿ ಬಾಲ ನಟನಾಗಿ ಅಭಿನಯಿಸುತ್ತಿದ್ದವರು. ಅದೇ ನಂಟು ಶಾಲಾ ಕಾಲೇಜು ದಿನಗಳಲ್ಲಿಯೂ ಕೃಷ್ಣೇಗೌಡರಿಗೆ ಕಲೆಯ ಗುಂಗು ಹತ್ತಿಸಿತ್ತು. ಡಿಗ್ರಿ ಕಲಿಕೆಯ ಸಂದರ್ಭದಲ್ಲಿ ಅಂತರ್ ಕಾಲೇಜು ನಾಟಕ ಸ್ಪರ್ಧೆಗಳಲ್ಲಿ ಪಾಲ್ಗೊಳ್ಳುವ ಮೂಲಕ ಕೃಷ್ಣೇಗೌಡರ ನಾಟಕಗಳ ಬಂಧ ಮತ್ತಷ್ಟು ಬಿಗಿಯಾಗಿತ್ತು. ನಂತರ ಬದುಕಿನ ಅನಿವಾರ್ಯತೆ ಎತ್ತೆತ್ತಲೋಹೊಯ್ದಾಡಿಸಿದರೂ ರಂಗಭೂಮಿಯನ್ನು ಆತ್ಮದಂತೆ ಹಚ್ಚಿಕೊಂಡಿದ್ದ ಅವರು ಹಲವಾರು ನಾಟಕ ತಂಡಗಳಲ್ಲಿ ಸಕ್ರಿಯರಾಗಿದ್ದರು. ನಂತರ ನಾಟಕ ಅಕಾಡೆಮಿಯ ಪ್ರಶಸ್ತಿಯನ್ನೂ ಪಡೆದುಕೊಂಡು ಅಭಿನಯವನು ಅನೂಚಾನವಾಗಿ ಮುಂದುವರೆಸಿದ್ದರು.

ನಂತರ ಆಕಾಶವಾಣಿಯ ಪ್ರಸಿದ್ಧ ನಾಟಕಗಳಿಗೆ ಧ್ವನಿ ನೀಡುತ್ತಾ ಒಂದಷ್ಟು ವರ್ಷಗಳನ್ನು ಸಾರ್ಥಕವಾಗಿ ಕಳೆದ ಕೃಷ್ಣೇಗೌಡರು, ಕಿರುತೆರೆಯತ್ತ ಹೊರಳಿಒಂಡು ಅಲ್ಲಿಯೂ ನಟನೆಯ್ನು ಮುಂದುವರೆಸಿದದರು. ಹಾಗೆ ಹಲವಾರು ಧಾರಾವಾಹಿಗಳಲ್ಲಿ ನಟಿಸಿದ ನಂತರ, ಅವರ ಆಸಕ್ತಿ ಕೀಲಿಸಿಕೊಂಡಿದ್ದು ಸಿನಿಮಾ ರಂಗದತ್ತ. 1999ರಲ್ಲಿ ಸಿನಿಮಾ ಮಾಡಿಯೇ ತೀರುವ ಸಂಕಲ್ಪ ತೊಟ್ಟ ಅವರು ನಟ ಎಂಬ ಪ್ರಸಿದ್ಧ ನಾಟಕವನ್ನು `ಬಣ್ಣದ ಹೆಜ್ಜೆ’ ಎಂಬ ಸಿನಿಮಾ ರೂಪಕಿಳಿಸಿ ನಿರ್ದೇಶನ ಮಾಡಿದ್ದರು. ದೇವರಾಜ್, ವಿನಯಾ ಪ್ರಸಾದ್ಮುತದವರು ನಟಿಸಿದ್ದ ಆ ಚಿತ್ರ ದೊಡ್ಡ ಟ್ಟದಲ್ಲಿಯೇ ಗೆಲುವು ದಾಖಲಿಸಿತ್ತು. ಆ ನಂತರವೂ ಅನೇಕ ಚಿತ್ರಗಳನ್ನು ನಿರ್ದೇಶನ ಮಾಡಿದ್ದ ಅವರು ಭಿನ್ನ ಹಾದಿಯಲ್ಲಿಯೇ ಉಂದುವರೆದುಕೊಂಡು ಬಂದಿದ್ದರು. ಆ ಯಾನವೀಗ ನಾನು ಕುಸುಮ ಮತ್ತು ಪಿಂಕಿ ಎಲ್ಲಿಯವರೆಗೂ ಹತ್ತಾರು ಆಯಾಮಗಳಲ್ಲಿ ಮುಂದುವರೆದುಕೊಂಡು ಬಂದಿದೆ.

ಇದಿಷ್ಟೇ ಅಲ್ಲ; ಕೃಷ್ಣೇ ಗೌಡರು ನಟ, ನಿರ್ದೇಶಕ, ನಿರ್ಮಾಪಕ ಎಂಬುದರಾಚೆಗೆ ಅವರೊಬ್ಬ ಸಾಹಸಿ. ಎಂಥಾಪರಿಸಥಿತಿಯಲ್ಲಿಯೂ ಸೆಡ್ಡು ಹೊಡೆದು ಅಂದುಕೊಂಡಿದ್ದನ್ನು ಸಾಧಿಸುವ ಛಲಗಾರ. ನೀವು ಡಬ್ಬಿಂಗ್ ಪರವಿದ್ದರೂ, ವಿರುದ್ಧವಿದ್ದರೂ ಕೃಷ್ಣೇಗೌಡರ ಹೋರಾಟದ ಹಾದಿಯನ್ನು ಮೆಚ್ಚಿಕೊಳ್ಳದಿರಲು ಸಾಧ್ಯವಿಲ್ಲ. ಡಬ್ಬಿಂಗ್ ವಿರುದ್ಧ ಹೋರಾಟ ಹುರಿಗೊಳ್ಳುತ್ತಿದ್ದ ಕಾಲದಲ್ಲಿಯೇ ಗಟ್ಟಿಯಾಗಿ ಡಬ್ಬಿಂಗ್ ಪರವಾಗಿ ಅಖಾಡಕ್ಕಿಳಿದಿದ್ದವರು ಕೃಷ್ಣೇಗೌಡ. ಆ ಹಾದಿಯಲ್ಲಿ ಅದೆಷ್ಟೇ ವಿರೋಧಾಭಾಸಗಳು ಎದುರಾದರೂ ಕೂಡಾ ತನ್ನ ನಿಲುವಿಗೆ ಬದ್ಧರಾಗಿದ್ದ ಅವರು, ಕಡೆಗೊಂದು ದಿನ ವ್ಯವಸ್ಥೆಯ ವಿರುದ್ಧವೇ ಕಾಲೂರಿ ನಿಂತಿದ್ದರು. ತಾನೇ ಮುಂದೆ ನಿಂತು ಪರ್ಯಾಯ ವಾಣಿಜ್ಯ ಮಂಡಳಿ ಸ್ಥಾಪಿಸಿದ್ದರು. ಆ ಹಂತದಲ್ಲಿ ಅದೆಂಥಾ ಪ್ರತಿರೋಧಗಳು ವ್ಯಕ್ತವಾದರ ಮುಂದುವರೆದ ಪರಿಣಾಮವಾಗಿಯೇ ಇಂದು ಪರ್ಯಾಯ ವಾಣಿಜ್ಯ ಮಂಡಳಿ ಬೃಹದಾಕಾರವಾಗಿ ಬೆಳೆದು ನಿಂತಿದೆ.

ಹೀಗೆ ಸಾಗಿ ಬಂದ ಕೃಷ್ಣಗೌಡರು ಕಲೆಯ ಸಾಂಗತ್ಯದಲಿಯೇ ಇಪ್ಪತ್ತೆಂಟು ವರ್ಷಗಳನ್ನು ಕಳೆದಿದ್ದಾರೆ. ಒಂದು ಕಾಲದಲ್ಲಿ ನಟನಾಗಬೇಕೆಬ ಉತ್ಕಟ ಆಕಾಂಕ್ಷೆಯಿಂದ ಗಾಧಿನಗರಕ್ಕೆ ಅಡಿಯಿರಿಸಿದ್ದವರು ಕೃಷ್ಣೇಗೌಡರು. ಈವತ್ತಿಗೆ ಅವರ ಪ್ರತಿಭೆಯ ಪ್ರಭೆ ನಟನೆಯಾಚೆಗೂ ಹಬ್ಬಿಕೊಂಡಿದೆ. ಒಂದು ಕಾಲದಲ್ಲಿ ಕೃಷ್ಣೇಗೌಡರು ಡಬ್ಬಿಂಗ್ ಪರವಾಗಿ ಧ್ವನಿ ಎತ್ತಿದಾಗ ವಿರೋಧಿಸಿದ್ದವರಲ್ಲಿಯೂ ಇದೀಗ ಅವರ ದೂರದರ್ಶಿತ್ವದ ಬಗೆಗೊಂದು ಮೆಚ್ಚುಗೆಮೂಡಿಕೊಂಡಿದೆ. ಯಾಕೆಂದರೆ, ಡಬ್ಬಿಂಗ್ ಇರದಿದ್ದ ಕಾಲದಲ್ಲಿ ದೊಡ್ಡ ಮೊತ್ತಕ್ಕೆ ಪರಭಾಷಾ ಚಿತ್ರಗಳ ಹಕ್ಕುಗಳನ್ನು ಖರೀದಿಸಿ ಕನ್ನಡದಲ್ಲಿ ರೀಲು ಸುತ್ತೋದೇ ಮಹಾನ್ ಸಾಧನೆ ಎಂಬಂತಾಗಿತ್ತು. ಆದರೀಗ ಸ್ವಂತದ್ದನ್ನು ಧೇನಿಸುವ ಅನಿವಾರ್ಯತೆ ಎದುರಾಗಿದೆ. ಅಂಥಾ ತುರ್ತಿನ ಭಾಗವಾಗಿಯೇ ಕೇಜಿಎಫ್ ಕಾಂತಾರದಂಥಾ ಸೃಷ್ಟಿ ಸಾಧ್ಯವಾಗಿದೆ. ಆ ಪ್ರಕ್ರಿಯೆಯಲ್ಲಿ ಕೃಷ್ಣೇಗೌಡರ ಪಾಲಂತೂ ಇದ್ದೇ ಇದೆ!

ಇದೀಗ ಕೃಷ್ಣೇಗೌಡರು ಚಿತ್ರ ನಿರ್ಮಾಣ, ಪರ್ಯಾಯ ವಾಣಿಜ್ಯ ಮಂಡಳಿಯ ದೇಖಾರೇಖಿಯಲ್ಲಿ ಬ್ಯುಸಿಯಾಗಿದ್ದಾರೆ. ಇದೆಲ್ಲದರ ನಡುವೆಯೂ ನಟನಾಗಿ ಬಹು ಬೇಡಿಕೆಯನ್ನೂ ಹೊಂದಿದ್ದಾರೆ. ಈ ಕ್ಷಣಕ್ಕೂ ಅನೇಕಾನೇಕ ಅವಕಾಶಗಳು ಅವರನ್ನರಸಿ ಬರುತ್ತಿವೆ. ತಾನು ಆ ಪಾತ್ರಕ್ಕೆ ಹೊಂದುತ್ತೇನೆಂಬ ಭರವಸೆ ಮೂಡಿದರೆ ಮಾತ್ರವೇ ಕೃಷ್ಣೇಗೌಡರದನ್ನು ಒಪ್ಪಿಕೊಳ್ಳುತ್ತಾರೆ. ಇದರ ಜೊತೆಗೇ ನಿರ್ದೇಶಕನಾಗಿಯೂ ಅವರು ಕ್ರಿಯಾಶೀಲರಾಗಿದ್ದಾರೆ. ಸದ್ಯಕ್ಕೀಗ ಬಿ.ಟಿ ಲಲಿತಾ ನಾಯಕ್ ಅವರ ಗತಿ ಎಂಬ ಕಥೆಯನ್ನು ಸಿನಿಮಾ ಮಾಡುವ ಸಲುವಾಗಿ ಕಾರ್ಯಪ್ರವೃತ್ತರಾಗಿದ್ದಾರೆ. ಸ್ಕ್ರಿಪ್ಟ್ ಕೆಲಸವೂ ಅಂತಿಮ ಘಟ್ಟಕ್ಕೆ ಬಂದು ನಿಂತಿದೆ. ಇದರಲ್ಲಿಯೂ ಕೂಡಾ ಅವರು ರಂಗಭೂಮಿ ಪ್ರತಿಭೆಗಳಿಗೇ ಮೊದಲ ಆದ್ಯತೆ ಕೊಡಲಿದ್ದಾರೆ. ಅವರ ಕಡೆಯಿಂದ ಇನ್ನೂ ಬಹಳಷ್ಟು ಸದಭಿರುಚಿಯ ಸಿನಿಮಾಗಳ ಹೊರಬರಲೆಂದು ಆಶಿಸೋಣ…

The post krishnegowda: `ಪಿಂಕಿ ಎಲ್ಲಿ’ ಚಿತ್ರ ಹುಟ್ಟು ಪಡೆದ ಸೋಜುಗ! appeared first on Cini Shodha.