ಪವನ್ ಕಲ್ಯಾಣ್ ರಾಜಕೀಯಕ್ಕಿಳಿಯುವ ಹೊತ್ತಿಗೆಲ್ಲ ಓಜಿ, ಹರಿಹರ ವೀರಮಲ್ಲು ಮತ್ತು ಭಗತ್ ಸಿಂಗ್ ಎಂಬ ಮೂರು ಬಿಗ್ ಬಜೆಟ್ ಸಿನಿಮಾಗಳನ್ನು ಒಪ್ಪಿಕೊಂಡಿದ್ದರು. ರಾಜಕೀಯ ಬಡಿದಾಟದ ನಡುವೆಯೇ ಚಿತ್ರೀಕರಣದಲ್ಲಿಯೂ ಭಾಗಿಯಾಗಿದ್ದರು. ಆದರೆ, ಒಂದು ಹಂತದಲ್ಲಿ ಮಾತ್ರ ಆ ಮೂರೂ ಸಿನಿಮಾಗಳ ಕಥೆ ಮುಗಿದಂತೆಯೇ ಎಂಬಂಥಾ ವಾತಾವರಣ ಸೃಷ್ಟಿಯಾಗಿತ್ತು. ಆದರೆ, ಅಚ್ಚರಿದಾಯಕವೆಂಬಂತೆ ಬ್ಯುಸಿಯ ನಡುವೆಯೂ ಪವನ್ ಕಲ್ಯಾಣ್ ಆ ಮೂರೂ ಸಿನಿಮಾಗಳ ಚಿತ್ರೀಕರಣವನ್ನು ಪೂರ್ಣಗೊಳಿಸಿಕೊಟ್ಟಿದ್ದರು. ಅದರಲ್ಲಿ ಎರಡು ಸಿನಿಮಾಗಳು ಬಿಡುಗಡೆಗೊಂಡು ಒಂದು ಮಟ್ಟದಲ್ಲಿ ಗೆದ್ದಿವೆ. ಭಗತ್ ಸಿಂಗ್ ಇಷ್ಟರಲ್ಲಿಯೇ ಬಿಡುಗಡೆಗೊಳ್ಳಲಿದೆ.

ಅದಾಗಲೇ ಒಪ್ಪಿಕೊಂಡಸಿದ್ದರಿಂದ ಮಾತ್ರವೇ ಪವನ್ ಆ ಮೂರೂ ಸಿನಿಮಾಗಳನ್ನು ಪೂರ್ಣಗೊಳಿಸಿದ್ದಾರೆ. ಅದಾದ ನಂತರ ಅವರು ಚಿತ್ರರಂಗಕ್ಕೆ ಗುಡ್ ಬೈ ಹೇಳುತ್ತಾರೆಂಬ ಸುದ್ದಿಗಳೂ ಹರಡಿದ್ದವು. ಆದರೀಗ ಅದೆಲ್ಲ ಸುಳ್ಳಾಗಿದೆ. ಯಾಕೆಂದರೆ, ಪವರ್ ಸ್ಟಾರ್ ಮತ್ತೊಂದಷ್ಟು ಹೊಸಾ ಪ್ರಾಜೆಕ್ಟುಗಳಿಗೆ ಸಹಿ ಹಾಕಿದ್ದಾರೆ. ದಿಲ್ ರಾಜು ಚಿತ್ರವನ್ನು ಒಪ್ಪಿಕೊಂಡಿರುವ ಪವನ್, ಪೀಪಲ್ ಮೀಡಿಯಾ ಫ್ಯಾಕ್ಟರಿ ಮತ್ತು ರಾಮ್ ತಲ್ಲೂರಿಗೂ ಕಾಲ್ ಶೀಟ್ ಕೊಟ್ಟಿದ್ದಾರೆ. ಅಲ್ಲಿಗೆ ಪವನ್ ಕಲ್ಯಾಣ್ ಯಾವ ಕಾರಣಕ್ಕೂ ಸಿನಿಮಾ ರಂಗಕ್ಕೆ ಟಾಟಾ ಹೇಳೋದಿಲ್ಲ ಎಂಬ ವಿಚಾರ ಖಾತರಿಯಾಗಿದೆ. ಈ ಸುದ್ದಿ ಪವರ್ ಸ್ಟಾರ್ ಅಭಿಮಾನಿಗಳನ್ನು ಥ್ರಿಲ್ ಆಗಿಸಿರೋದಂತೂ ಸತ್ಯ!

The post Powerstar Pawan Kalyan Movie’sಮತ್ತಷ್ಟು ಸಿನಿಮಾ ಒಪ್ಪಿಕೊಂಡರಂತೆ ಪವರ್ ಸ್ಟಾರ್! appeared first on Cini Shodha.

ಪವನ್ ಕಲ್ಯಾಣ್ ನಾಯಕನಾಗಿ ನಟಿಸಿರೋ ಓಜಿ ಚಿತ್ರದಲ್ಲಿ ಘಟಾನುಘಟಿ ಕಲಾವಿದರು ನಟಿಸಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ಒಂದಷ್ಟು ಸದ್ದು ಮಾಡುತ್ತಿರುವ ಪ್ರಿಯಾಂಕಾ ಮೋಹನ್ ಕೂಡಾ ಪ್ರಧಾನ ಪಾತ್ರವೊಂದಕ್ಕೆ ಜೀವ ತುಂಬಿದ್ದಾರೆ. ಇದೀಗ ಆಕೆಯ ಫಸ್ಟ್ ಲುಕ್ ಪೋಸ್ಟರ್ ಒಂದು ಬಿಡುಗಡೆಗೊಂಡಿದೆ. ಅದರ ಬೆನ್ನಲ್ಲಿಯೇ ಪ್ರಿಯಾಂಕಾ ನಿರ್ವಹಿಸಿರುವ ಪಾತ್ರದ ಬಗ್ಗೆ ಒಂದಷ್ಟು ಮಾಹಿತಿಗಳನ್ನು ಚಿತ್ರತಂಡ ಹಂಚಿಕೊಂಡಿದೆ. ಅದರನ್ವಯ ಹೇಳೋದಾದರೆ, ಪ್ರಿಯಾಂಕಾ ಮೋಹನ್‌ರ ವೃತ್ತಿ ಬದುಕು ಓಜಿ ಮೂಲಕ ಮತ್ತೊಂದು ಘಟ್ಟದತ್ತ ಹೊರಳಿಕೊಳ್ಳುವ ಸಾಧ್ಯತೆಗಳು ದಟ್ಟವಾಗಿರುವಂತೆ ಭಾಸವಾಗುತ್ತದೆ.

ಪ್ರಿಯಾಂಕಾ ಮೋಹನ್ ಈ ಸಿನಿಮಾದಲ್ಲಿ ನಟಿಸಿತ್ತಿದ್ದಾರೆಂಬ ಸುದ್ದಿ ಆರಂಭದಲ್ಲಿಯೇ ಕೇಳಿ ಬಂದಿತ್ತು. ಆದರೆ ಅದರ ಸುತ್ತ ಹೇಳಿಕೊಳ್ಳುವಂಥಾ ಚರ್ಚೆಗಳೇನೂ ಆಗಿರಲಿಲ್ಲ. ಇಲ್ಲಿ ಪ್ರಿಯಾಂಕಾಗೆ ಅತ್ಯಂತ ಮಹತ್ವದ ಪಾತ್ರ ಸಿಕ್ಕಿದೆಯಂತೆ. ಆ ಪಾತ್ರದಿಂದಾಗಿ ರೋಮಾಂಚಕ ಟ್ವಿಸ್ಟುಗಳು ಸೃಷ್ಟಿಯಾಗುತ್ತವೆಂದೂ ಚಿತ್ರತಂಡ ಹೇಳಿಕೊಂಡಿದೆ. ವಿಶೇಷವೆಂದರೆ, ಹೀಗೆ ಓಜಿ ಮೂಲಕ ಸದ್ದು ಮಾಡುತ್ತಿರುವ ಪ್ರಿಯಾಂಕಾ ಮೋಹನ್ ಕನ್ನಡ ಸಿನಿಮಾ ಮೂಲಕವೇ ಪೂರ್ಣ ಪ್ರಮಾಣದ ನಾಯಕಿಯಾಗಿದ್ದವರು. ಒಂದು ಕಥೆ ಹೇಳ್ಲಾ ಎಂಬ ಸಿನಿಮಾದಲ್ಲಿ ನಟಿಸುವ ಮೂಲಕ ಆಕೆ ಗಮನ ಸೆಳೆದಿದ್ದರು. ಆ ನಂತರ ತಮಿಳು ತೆಲುಗಿನಲ್ಲಿ ಒಂದಷ್ಟು ಸಿನಿಮಾಗಳಲ್ಲಿ ನಟಿಸಿದ್ದ ಪ್ರಿಯಾಂಕಾಗೆ ಓಜಿ ಮೂಲಕ ದೊಡ್ಡ ಬ್ರೇಕ್ ಸಿಗುವ ನಿರೀಕ್ಷೆಗಳೆದ್ದಿವೆ.

The post priyanka mohan: ಪ್ರಿಯಾಂಕಾ ಮೋಹನ್‌ರದ್ದು ಭಾವುಕ ಪಾತ್ರ! appeared first on Cini Shodha.

ಸರ್ಕಾರಿ ವಾಹನಗಳನ್ನು ಸರ್ಕಾರಿ ಅಧಿಕಾರಿಗಳೇ ಖಾಸಗಿ ಅನುಕೂಲಕ್ಕೆ ಬಳಸುವಂತಿಲ್ಲ. ಹಾಗಿರುವಾಗ ಅದ್ಯಾವುದೋ ಖಾಸಗಿ ಕಾರ್ಯಕ್ರಮಕ್ಕೆ ನಟಿಯೊಬ್ಬಳು ಸರ್ಕಾರಿ ವಾಹನದಲ್ಲಿ ಎಂಟ್ರಿ ಕೊಟ್ಟರೆ ಅದು ವಿವಾದವಾಗದಿರಲು ಸಾಧ್ಯವೇ? ಇತ್ತೀಚೆಗೆ ಮಳಿಗೆಯೊಂದರ ಉದ್ಘಾಟನಾ ಸಮಾರಂಭದಲ್ಲಿ ನಿಧಿ ಅತಿಥಿಯಾಗಿ ಪಾಲ್ಗೊಂಡಿದ್ದಳು. ಹೇಳಿಕೇಳಿ ಇದು ಪಾಪರಾಜಿಗಳ ಜಮಾನ. ನಟಿಯರು ಸುಳಿದಾಡೋದನ್ನೇ ಕಾದು ಕೂರುವ ಇಂಥವರ ಪಾಲಿಗೆ ಅಂಥವರು ನಿಂತಿದ್ದು, ತಿರುಗಿದ್ದು, ಹಾಯ್ ಅಂದಿದ್ದು, ಕೆಲವೊಮ್ಮೆ ಥುಪುಕ್ಕನೆ ಉಗಿದದ್ದೂ ಕೂಡಾ ಕಂಟೆಂಟೇ. ಇದೇ ದೆಸೆಯಲ್ಲಿ ನಿಧಿ ಕಾರಿಂದ ಇಳಿಯೋ ದೃಶ್ಯ ಕೂಡಾ ನಾನಾ ಆಂಗಲ್ಲುಳ್ಲಿ ಸೆರೆಯಾಗಿತ್ತು.

ಅದು ಸರ್ಕಾರಿ ಕಾರೆಂಬ ಸುಳಿವು ಸಿಗುತ್ತಲೇ ಕೆಲ ನೆಟ್ಟಿಗರು ನಿಧಿ ಅಗರ್ವಾಲ್‌ಳನ್ನು ಟೀಕಿಸಿದ್ದರು. ಕಡೆಗೂ ಆ ಬಗ್ಗೆ ನಿಧಿ ಸಮಜಾಯಿಶಿ ಕೊಟ್ಟಿದ್ದಾಳೆ. ಆ ಮೂಲಕ ಮತ್ತೊಂದಷ್ಟು ಪ್ರಶ್ನೆಗಳನ್ನು ಹುಟ್ಟು ಹಾಕಿದ್ದಾಳೆ. ತಾನು ಇಂಥಾದ್ದೇ ವಾಹನ ಬೇಕೆಂದು ಬೇಡಿಕೆ ಇಟ್ಟಿರಲಿಲ್ಲ. ಆದರೀಗ ಸರ್ಕಾರಿ ಅಧಿಕಾರಿಗಳೇ ನನಗೆ ಆ ವಾಹನ ಕಳಿಸಿದ್ದರೆಂದು ಸುದ್ದಿಯಾಗುತ್ತಿದೆ. ಆದರೆ ಆಯೋಜಕರೇ ಅದನ್ನು ಕಳಿಸಿದ್ದರೆಂದಿದ್ದಾಳೆ. ಆಯೋಜಕರು ಆಂಧ್ರ ಸರ್ಕಾರದ ಬೋರ್ಡ್ ಇರುವ ಕಾರನ್ನು ಹೇಗೆ ಕಳಿಸಲು ಸಾಧ್ಯ? ತನ್ನೊಂದಿಗೆ ನಟಿಸಿದ್ದಳೆಂಬ ಕಾರಣಕ್ಕೆ ಪವನ್ ಕಲ್ಯಾಣ್ ಈಕೆಯ ಬಗ್ಗೆ ಇಷ್ಟೊಂದು ಉದಾರಿಯಾದರಾ? ಅಧಿಕಾರಿಗಳಿಗೆ ಹೇಳಿ ನಿಧಿ ಸರ್ಕಾರಿ ವಾಹನದಲ್ಲಿ ಅಡ್ಡಾಡುವ ಅವಕಾಶ ಕಲ್ಪಿಸಿದರಾ? ಈ ಬಗ್ಗೆ ವಿಪಕ್ಷಗಳು ಪವನ್ ಕಲ್ಯಾಣ್ ಮೇಲೆ ಆರೋಪಗಳ ಸುರಿಮಳೆಗೈಯುತ್ತಿದ್ದಾವೆ!

The post nidhhi agerwal: ವಿವಾದದ ಬಗ್ಗೆ ನಿಧಿ ಅಗರ್ವಾಲ್ ಹೇಳಿದ್ದೇನು? appeared first on Cini Shodha.

ಅನುಷ್ಕಾ ಶೆಟ್ಟಿ ಘಾಟಿ ಅಂತೊಂದು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆಂಬ ಬಗ್ಗೆ ವರ್ಷಗಳ ಹಿಂದಿನಿಂದಲೇ ಗುಲ್ಲೆದ್ದಿತ್ತು. ಕ್ರಿಶ್ ಜಗರ್ಲಮುಡಿ ಆ ಸಿನಿಮಾವನ್ನು ನಿರ್ದೇಶನ ಮಾಡಿದ್ದರು. ಈ ಹಿಂದೆ ಅದರ ಒಂದಷ್ಟು ಝಲಕ್ಕುಗಳು ಬಿಡುಗಡೆಗೊಂಡಿದ್ದವು. ಅದನ್ನು ನೋಡಿದ ಮಂದಿ ಇದೊಂದು ನಕ್ಸಲ್ ಹೋರಾಟದ ಕಥನವೆಂಬ ಬಗ್ಗೆ ಗುಲ್ಲೆಬ್ಬಿಸಿದ್ದರು. ಇದೀಗ ಬಹು ಕಾಲದ ನಂತರ ಘಾಟಿ ಚಿತ್ರದ ಟ್ರೈಲರ್ ಲಾಂಚ್ ಆಗಿದೆ. ಅನುಷ್ಕಾ ಶೆಟ್ಟಿ ಅದರಲ್ಲಿ ಕಾಣಿಸಿಕೊಂಡಿರುವ ಪರಿ ಕಂಡು ಅಭಿಮಾನಿಗಳೆಲ್ಲ ಖುಷಿಗೊಂಡಿದ್ದಾರೆ. ಇಲ್ಲಿ ಡಿ ಗ್ಲಾಮ್ ಲುಕ್ಕಿನಲ್ಲಿ, ಪಕ್ಕಾ ರಗಡ್ ಶೈಲಿಯಲ್ಲಿ ಅನುಷ್ಕಾ ಕಾಣಿಸಿಕೊಂಡಿದ್ದಾರೆ.

ಒಂದು ಗಟ್ಟಿ ಕಂಟೆಂಟಿನೊಂದಿಗೆ ಕ್ರಿಶ್ ಈ ಸಿನಿಮಾವನ್ನು ನಿರ್ದೇಶನ ಮಾಡಿದ್ದರ ಸ್ಪಷ್ಟ ಸುಳಿವು ಟ್ರೈಲರ್ ಮೂಲಕ ಸಿಕ್ಕಿದೆ. ಆದರೆ, ಒಟ್ಟಾರೆ ಸಿನಿಮಾದ ಸುತ್ತಾ ಒಂದಷ್ಟು ರೂಮರುಗಳೂ ಕೂಡಾ ಹಬ ಬಿಕೊಂಡಿದ್ದಾವೆ. ಅದರನ್ವಯ ಹೇಳೋದಾದರೆ, ನಿರ್ದೇಶಕ ಕ್ರಿಶ್ ಪಕ್ಕಾ ನಕ್ಸಲ್ ಕಥನಕ್ಕೆ ದೃಶ್ಯ ರೂಪ ನೀಡಲು ಮುಂದಾಗಿದ್ದರಂತೆ. ಆದರೆ, ಪ್ರಸಿದ್ಧ ನಟರೂ ಸೇರಿದಂತೆ ಹಿತೈಶಿಗಳು ಅದನ್ನು ಬದಲಾಯಿಸುವಂತೆ ಸಲಹೆ ನೀಡಿದ್ದರಂತೆ. ಆಂಧ್ರದಲ್ಲಿ ಈಗ ಪವನ್ ಕಲ್ಯಾಣ್ ಥರದವರು ಹಿಂದೂತ್ವದ ಜಪ ಮಾಡುತ್ತಿದ್ದಾರೆ. ಇಂಥಾ ಹೊತ್ತಿನಲ್ಲಿ ಅದಕ್ಕೆ ವಿರುದ್ಧವಾದ ನಕ್ಸಲ್ ಕಥನ ಹೇಳಿದರೆ ತೊಂದರೆಯಾಗುವ ಭಯದಿಂದ ಕ್ರಿಶ್ ಕಥೆಯನ್ನೇ ಬದಲಿಸಿದರಾ? ಅದರಿಂದಾಗಿಯೇ ಕಾಸ್ಟ್ಯೂಮ್ ಕೂಡಾ ಬದಲಾಗಿದೆಯಾ? ಟ್ರೈಲರ್ ನೋಡಿದವರಲ್ಲಿ ಇಂಥಾ ಪ್ರಶ್ನೆಗಳು ಮೂಡಿಕೊಂಡಿವೆ!

The post anushka shetty: ರಗಡ್ ಲುಕ್ಕಿನಲ್ಲಿ ಮಿಂಚಿದ ಮಂಗಳೂರು ಹುಡುಗಿ! appeared first on Cini Shodha.

ಪವನ್ ಕಲ್ಯಾಣ್ ನಟಿಸಿರುವ ಹರಿಹರ ವೀರಮಲ್ಲು ಚಿತ್ರವೀಗ ಬಿಡುಗಡೆಗೆ ರೆಡಿಯಾಗಿದೆ. ಇದೇ ಆತನ ವೃತ್ತಿ ಬದುಕಿನ ಕಡೇಯ ಚಿತ್ರ ಅಂತೊಂದು ಸುದ್ದಿ ಬಲವಾಗಿಯೇ ಹರಿದಾಡಿತ್ತು. ಈವತ್ತಿಗೆ ಹರಿಹರ ವೀರಮಲ್ಲು ಸಿನಿಮಾ ಬಗೆಗೇನಾದರೂ ಹೈಪು ಮೂಡಿಕೊಂಡಿದ್ದರೆ ಅದಕ್ಕೆ ಕಾರಣ ಕೊನೇ ಸಿನಿಮಾ ಎಂಬಂಥಾ ಸೆಂಟಿಮೆಂಟು ಮಾತ್ರ. ಆದರೀಗ ಖುದ್ದು ಪವನ್ ಕಲ್ಯಾಣ್ ಕಡೆಯಿಂದಲೇ ನಟನಾಗಿ ಮುಂದುವರೆಯುವ ಸೂಚನೆ ಸಿಕ್ಕಿ ಬಿಟ್ಟಿದೆ. ಯಾಕೆಂದರೆ, ಅವರೀಗ ಉಸ್ತಾದ್ ಭಗತ್ ಸಿಂಗ್ ಎಂಬ ರಿಯಲಿಸ್ಟಿಕ್ ಸಿನಿಮಾವನ್ನು ಒಪ್ಪಿಕೊಂಡು, ಅದಕ್ಕಾಗಿ ತಯಾರಿ ಆರಂಭಿಸಿರುವ ಸುದ್ದಿ ಹೊರ ಬಿದ್ದಿದೆ.

ಈ ಮೂಲಕ ಪವರ್ ಸ್ಟಾರ್ ನಟನೆಯಿಂದ ನಿವೃತ್ತಿ ಹೊಂದುತ್ತಿಲ್ಲ ಎಂಬುದು ಖಾತರಿಯಾದಂತಾಗಿದೆ. ಹಾಗಾದರೆ ಉಸ್ತಾದ್ ಭಗತ್ ಸಿಂಗ್ ಪವನ್ ಕಲ್ಯಾಣ್ ಅವರ ಕೊನೇಯ ಸಿನಿಮಾವಾಗಬಹುದಾ? ಇಂಥಾ ಅನುಮಾನಕ್ಕೂ ಪವನ್ ಪಾಳೆಯದಿಂದ ಸ್ಪಷ್ಟೀಕರಣ ಹೊರ ಬಿದ್ದಿದೆ. ಅದರನ್ವಯ ಹೇಳೋದಾದರೆ, ಸದ್ಯಕ್ಕೆ ನಿವೃತ್ತಿಯ ಯಾವ ಯೋಚನೆಯನ್ನೂ ಪವನ್ ಕಲ್ಯಾಣ್ ಮಾಡಿಲ್ಲ. ಇದೀಗ ಒಂದಷ್ಟು ಇಂಟರೆಸ್ಟಿಂಗ್ ಸ್ರಿಪ್ಟುಗಳು ಅವರ ಮುಂದಿವೆ. ಉಸ್ತಾದ್ ಭಗತ್ ಸಿಂಗ್ ಬೆನ್ನಲ್ಲಿಯೇ ಮತ್ತೊಂದಷ್ಟು ಸಿನಿಮಾಗಳಿಗೆ ಸಹಿ ಹಾಕುವ ತಯಾರಿ ನಡೆಯುತ್ತಿದೆ. ಈ ಹಿನ್ನೆಲೆಯಲ್ಲಿ ನೋಡ ಹೋದರೆ, ಇನ್ನೊಂದು ಐದಾರು ವರ್ಷಗಳ ಕಾಲ ಪವರ್ ಸ್ಟಾರ್ ಫಾರ್ಮ್‌ನಲ್ಲಿರೋದು ಪಕ್ಕಾ!

The post pawan kalyan: ಭಗತ್ ಸಿಂಗ್ ಅಖಾಡದಿಂದ ಹೀಗೊಂದು ಸುದ್ದಿ! appeared first on Cini Shodha.

ರಾಜಕೀಯಕ್ಕೆ ಎಂಟ್ರಿ ಕೊಡುವ ಹೊಸ್ತಿಲಿನಲ್ಲಿಯೇ ಪವನ್ ಕಲ್ಯಾಣ್ ಶುರುವಿಟ್ಟುಕೊಂಡಿದ್ದ ಸಿನಿಮಾ ಹರಿಹರ ವೀರಮಲ್ಲು. ಶುರುವಾದಲ್ಲಿಂದಲೂ ಕೂಡಾ ಸದರಿ ಸಿನಿಮಾ ಬಗ್ಗೆ ಒಂದಷ್ಟು ನಿರೀಕ್ಷೆಗಳಿದ್ದದ್ದು ನಿಜ. ಆ ಬಳಿಕ ಹಂತ ಹಂತವಾಗಿ ಹರಿಕಹರವೀರಮಲ್ಲು ಜನರ ಗಮನವನ್ನ ತನ್ನೆಡೆಗೆ ಸೆಳೆದುಕೊಳ್ಳುವಲ್ಲಿ ಯಶ ಕಂಡಿತ್ತು. ಆದರೆ, ಇನ್ನೇನು ಬಿಡುಗಡೆ ದಿನಾಂಕ ಹತ್ತಿರದಲ್ಲಿರುವಾಗಲೇ ಎಲ್ಲವೂ ಅದಲು ಬದಲಾಗಿ ಬಿಟ್ಟಿದೆ. ಇದೇ ಜೂನ್ ೧೨ರಂದು ಬಿಡುಗಡೆ ದಿನಾಂಕ ನಿಗಧಿಯಾಗಿತ್ತು. ಆದರೆ, ವಾರವ ಮಾತ್ರ ಬಾಕಿ ಇರುವಾಗ ಏಕಾಏಕಿ ಬಿಡುಗಡೆ ದಿನಾಂಕ ಮುಂದೂಡಲಾಗಿದೆ. ಜುಲೈ ತಿಂಗಳಲ್ಲಿ ತೆರೆಗಾಣಬಹುದೆಂಬ ಊಹಾಪೋಹಗಳು ಹಬ್ಬಿಕೊಂಡಿವೆ.

ಹಾಗಾದರೆ, ಈ ಬಿಗ್ ಬಜೆಟ್ ಸಿನಿಮಾ ಬಿಡುಗಡೆಯ ಹೊಸ್ತಿಲಲ್ಲಿ ಯಾಕಿಂಥಾ ಹಿನ್ನಡೆ ಅನುಭವಿಸಿದೆ? ನಿರ್ಮಾಪಕರಿಗೆ ಸೋಲಿನ ಭಯ ಕಾಡುತ್ತಿದೆಯಾ? ಇಂಥಾ ನಾನಾ ಪ್ರಶ್ನೆಗಳು ಸಹಜವಾಗಿಯೇ ಮೂಡಿಕೊಂಡಿವೆ. ಇದಕ್ಕೆ ನಿರ್ಮಾಪಕ ಎ.ಎಂ ರತ್ನಮ್ ಪ್ರತಿಕ್ರಿಯಿಸಿ, ಡ್ಯಾಮೇಜ್ ಕಂಟ್ರೋಲ್ ಮಾಡಿಕೊಳ್ಗಳಲು ಪ್ರಯತ್ನಿಸಿದ್ದಾರೆ. ಆದರೆ, ಇದೆಲ್ಲದರ ನಡುವೆಯೂ ಹರಿಹರ ವೀರಮಲ್ಲು ಚಿತ್ರದ ಬಗ್ಗೆ ತೀವ್ರವಾಗಿ ನಕಾರಾತ್ಮಕ ವಿಚಾರಗಳು ಹಬ್ಬಿಕೊಳ್ಳುತ್ತಿದ್ದಾವೆ. ನಿರೀಕ್ಷೆಯ ಮಟ್ಟಕ್ಕೆ ಇದರ ದೃಶ್ಯಗಳು ಮೂಡಿ ಬಂದಿಲ್ಲ. ಈ ಕಾರಣದಿಂದಲೇ ವ್ಯವಹಾರದಲ್ಲಿಯೂ ಹಿನ್ನಡೆ ಎದುರಾಗುತ್ತಿದೆ ಎಂಬಂಥಾ ಮಾತುಗಳೂ ಹರಿದಾಡುತ್ತಿವೆ. ಇಂಥಾ ವಾತಾವರಣ ನೋಡಿದರೆ, ಮುಂದಿನ ದಿನಗಳಲ್ಲಿ ಪವನ್‌ಗಾರು ಪಾಲಿಗೆ ರಾಜಕಾರಣವೊಂದೇ ಗತಿ ಎಂಬಂಥಾ ಸ್ಥಿತಿ ಎದುರಾದರೂ ಅಚ್ಚರಿ ಪಡುವಂತಿಲ್ಲ!

The post HHVM postponed: ಬಿಡುಗಡೆ ದಿನಾಂಕ ಮುಂದೂಡಿದ್ದರ ಹಿಂದಿದೆಯಾ ಸೋಲಿನ ಭೀತಿ? appeared first on Cini Shodha.

ಬ್ರೋ ಚಿತ್ರ ನಿರೀಕ್ಷಿಗಿಂತಲೂ ಒಂದು ಮುಟಿಗೆ ಹೆಚ್ಚೇ ಗೆಲುವು ಕಂಡಿದೆ. ಅದರ ಫಲವಾಗಿ ಪವನ್ ಕಲ್ಯಾಣ್ ಇದೀಗ ಸಿನಿಮಾವನ್ನು ಹಿಂದಿಗಿಂತಲೂ ಹೆಚ್ಚಿನ ಗಾಂಭೀರ್ಯದಿಂದ ಪರಿಗಣಿಸಿದ್ದಾರೆ. ಈ ಹಿಂದೆ ಪ್ರಭಾಸ್ ಅಭಿನಯದ ಸಾಹೋ ಚಿತ್ರ ನಿರ್ದೇಶನ ಮಾಡಿದ್ದ ಸುಜಿತ್ ಓಜಿಯ ಸಾರಥ್ಯ ವಹಿಸಿಕೊಂಡಿದ್ದಾರೆ. ಗ್ಯಾಂಗ್ ಸ್ಟರ್ ಕಥಾನಕವನ್ನೊಳಗೊಂಡಿರುವ ಈ ಚಿತ್ರದ ವಿಚಾರದಲ್ಲಿ ಒಂದಷ್ಟು ಹೊಸತನದತ್ತ ಸುಜಿತ್ ಹೊರಳಿಕೊಂಡಿದ್ದಾರೆ. ಬ್ರೋ ಯಶದ ಅಲೆಯಲ್ಲಿ ಓಜಿ ಬಗ್ಗೆಯೂ ಸಾಕಷ್ಟು ನಿರೀಕ್ಷೆಗಳು ಮೂಡಿಕೊಂಡಿವೆ. ಎಲ್ಲರೂ ಫಸ್ಟ್ ಲುಕ್ಕಿಗಾಗಿ ಕಾದು ಕೂತಿದ್ದಾರೆ. ಆದರೆ ಸುಜಿತ್ ಮಾತ್ರ ನೇರವಾಗಿ ಟೀಸರ್ ಅನ್ನೇ ತೋರಿಸಲು ಅಣಿಯಾಗಿ ಬಿಟ್ಟಿದ್ದಾರೆ!

ಚಿತ್ರವೊಂದು ಆರಂಭವಾದ ನಂತರ, ಫಸ್ಟ್ ಲುಕ್ ಲಾಂಚ್ ಮಾಡಿ ಆ ನಂತರ ಟೀಸರ್ ಬಿಡುಗಡೆಗೊಳಿಸುವ ಸಂಪ್ರದಾಯ ಟಾಲಿವುಡ್ಡಿನಲ್ಲಿದೆ. ಆದರೆ ಇದೇ ಸೆಪ್ಟೆಂಬರ್ 2ರಂದು ಪವನ್ ಕಲ್ಯಾಣ್ ಬರ್ತ್‍ಡೇ ಸ್ಪೆಷಲ್ ಎಂಬಂತೆ ಟೀಸರ್ ಬಿಡುಗಡೆಗೊಳಿಸಲು ತೀರ್ಮಾನಿಸಲಾಗಿದೆ. ಈ ಸಿನಿಮಾದಲ್ಲಿ ಘಟಾನುಘಟಿ ಕಲಾವಿದರು ಪವನ್ ಕಲ್ಯಾಣ್ ಗೆ ಸಾಥ್ ಕೊಟ್ಟಿದ್ದಾರೆ. ಪ್ರಕಾಶ್ ರಾಜ್, ಶ್ರೀಯಾ ರೆಡ್ಡಿ, ಅರ್ಜುನ್ ದಾಸ್, ಹರೀಶ್ ಉತ್ತಮನ್ ಮಾತ್ರವಲ್ಲದೇ ಬಾಲಿವುಡ್ ನಟ ಇಮ್ರಾನ್ ಹಶ್ಮಿ ಕೂಡಾ ಬಹು ಮುಖ್ಯ ಪಾತ್ರವೊಂದರಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಖವಿವಿ ಎಂಟರ್‍ಟೈನ್ಮೆಂಟ್ ಬ್ಯಾನರಿನಡಿಯಲ್ಲಿ ದಾನಯ್ಯ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ.

The post ustad bhagth sing: ಫಸ್ಟ್ ಲುಕ್ಕಿಗಿಂತ ಮೊದಲೇ ಟೀಸರ್ ಲಾಂಚ್! appeared first on Cini Shodha.

ಹಾಗೆ ನೋಡಿದರೆ, ಇದು ಆ ಕುಟುಂಬದ ಪಾಲಿಗೆ ಹೊಸಾ ಶಾಕ್ ಏನಲ್ಲ. ಇದು ಇಲ್ಲಿಗೇ ಬಂದು ನಿಲ್ಲುತ್ತದೆ ಎಂಬಂಥಾ ಸ್ಪಷ್ಟ ಸುಳಿವು ಈಗೊಂದಷ್ಟು ದಿನಗಳಿಂದ ಸಿಗಲಾರಂಭಿಸಿತ್ತು. ಈಗ್ಗೆ ಮೂರು ವರ್ಷಗಳ ಹಿಂದೆ ಮದುವೆಯಾಗಿದ್ದ ನಿಹಾರಿಕಾ ಕೊನಿಡೇಲಾ, ತನ್ನ ಸಂಸಾರ ಹಳಿ ತಪ್ಪುತ್ತಿರೋದರ ಬಗ್ಗೆ ಸಾಮಾಜಿಕ ಜಾಲತಾಣಗಳ ಮೂಲಕ ಸಂದೇಶ ರವಾನಿಸಲಾರಂಭಿಸಿದ್ದಳು. ಅಂದಹಾಗೆ, ಈ ನಿಹಾರಿಕಾ ಮೆಘಾಸ್ಟಾರ್ ಚಿರಂಜೀವಿಯ ಸಹೋದರ ಕಂ ನಟ ನಾಗ ಬಾಬು ಮಗಳು. ಈಗೆ 2020ರಲ್ಲಿ ಗುಂಟೂರಿನ ಪ್ರತಿಷ್ಟಿತ ಮನೆತನದ ಚೈತನ್ಯ ಜೊನ್ನಲಗಡ್ಡ ಎಂಬಾತನೊಂದಿಗೆ ವೈಭವೋಪೇತವಾಗಿ ನಡೆದಿತ್ತು. ಅದೇನು ಕಿಸುರೋ ಗೊತ್ತಿಲ್ಲ; ಕೈಯ ಮೇಲಿನ ಮದರಂಗಿಯ ರಂಗು ಮಾಯುವ ಮುನ್ನವೇ ಈ ಸಂಸಾರದಲ್ಲಿ ಅಪಸ್ವರಗಳು ಏಳಲಾರಂಭಿಸಿದ್ದವು.

ಒಂದು ಮೂಲದ ಪ್ರಕಾರ, ಅದಾಗಲೇ ಒಂದಷ್ಟು ವಿಚ್ಛೇದನಗಳ ಮೂಲಕ ಪ್ರಹಾರ ಅನುಭವಿಸಿದ್ದ ಮೆಘಾ ಸ್ಟಾರ್ ಫ್ಯಾಮಿಲಿಯ ಹಿರೀಕರು ಈ ಬಗ್ಗೆ ಎಚ್ಚರ ವಹಿಸಿದ್ದರು. ರಾಜಿ ಸಂಧಾನ ನಡೆಸಿ, ತಿಳಿ ಹೇಳುವ ಮೂಲಕ ಮತ್ತೆ ನಿಹಾರಿಕಾಳ ಸಂಸಾರವನ್ನು ಹಳಿಗೆ ಮರಳಿಸಲು ಹರಸಾಹಸ ಪಟ್ಟಿದ್ದರು. ಇದೆಲ್ಲದರಿಂದಾಗಿ, ಒಂದೆರಡು ವರ್ಷಗಳ ಕಾಲ ಈ ಸಂಸಾರ ನೌಕೆ ವಾಲಾಡುತ್ತಲೇ ಪಯಣ ನಡೆಸಿತ್ತು. ಆದರೆ, ಗಂಡ ಹೆಂಡಿರ ನಡುವಿನ ಮನಸ್ಥಾಪಗಳು ಸುಪ್ರಬಾತದಂತೆ ಪ್ರತಿನಿತ್ಯವೂ ಮೊಳಗಲಾರಂಭಿಸಿದ್ದೇ, ನಿಹಾರಿಕಾ ಮತ್ತು ಚೈತನ್ಯ ಅತ್ಯಂತ ಪ್ರೌಢ ಮನಸ್ಥಿತಿಯಿಂದ ನಿರ್ಧಾರ ತಳೆದಿದ್ದಾರೆ. ಯಾವುದೇ ಗಲಾಟೆ, ಗದ್ದಲಗಳಿಗೆ ಎಡೆ ಮಾಡಿಕೊಡದಂತೆ ದೂರಾಗುವ ತೀರ್ಮಾನಕ್ಕೆ ಬಂದಿದ್ದಾರೆ.

ಈಗ್ಗೆ ವರ್ಷದ ಹಿಂದೆಯೇ ಇಬ್ಬರೂ ಸಮ್ಮತಿಯ ಮೇರೆಗೆ ವಿಚ್ಚೇಧನಕ್ಕಾಗಿ ಅರ್ಜಿ ಸಲ್ಲಿಸಿದ್ದರು. ಅದೀಗ ಊರ್ಜಿತಗೊಂಡಿದೆಯಂತೆ. ಈ ಮೂಲಕ ನಿಹಾರಿಕಾ ಮತ್ತು ಚೈತನ್ಯ ಅಧಿಕೃತವಾಗಿಯೇ ದೂರಾಗಿದ್ದಾರೆ. ಅಲ್ಲಿಗೆ ಮೆಘಾ ಸ್ಟಾರ್ ಕುಟುಂಬದ ಮತ್ತೊಂದು ಸಂಸಾರ ಪರ್ಮನೆಂಟಾಗಿಯೇ ಮಗುಚಿಕೊಂಡಿದೆ. ಚಿರಂಜೀವಿ ಸಹೋದರ ಪವನ್ ಕಲ್ಯಾಣ್ ಒಂದರ ಹಿಂದೊಂದರಂತೆ ಎರಡು ವಿಚ್ಚೇಧನ ಪಡೆದುಕೊಂಡಿದ್ದಾರೆ. ಇತ್ತೀಚೆಗಷ್ಟೇ ಮೂರನೇ ಮದುವೆಯಾಗಿದ್ದ ಪವನ್, ಆಕೆಗೂ ವಿಚ್ಚೇಧನ ಕೊಡುವ ತಯಾರಿಯಲ್ಲಿದ್ದಾರೆ ಎನ್ನಲಾಗುತ್ತಿದೆ. ಅಂತೂ ಈ ಮೂಲಕ ಬಣ್ಣಗಳ ಲೋಕದಲ್ಲಿ ಬಂಧಕ್ಕೆ ಆಯಸ್ಸು ಕಡಿಮೆ ಎಂಬುದು ಮತ್ತೊಮ್ಮೆ ಸಾಬೀತಾಗಿದೆ!

The post niharika konidela: ಬಣ್ಣಗಳ ಲೋಕದಲ್ಲಿ ಬಂಧಕ್ಕೆ ಬೆಲೆಯಿಲ್ಲ! appeared first on Cini Shodha.