ಅಷ್ಟಕ್ಕೂ ಇತ್ತೀಚಿನ ಸೀಜನ್ನುಗಳ ಕಾಮಿಡಿ ಕಿಲಾಡಿಗಳು ಕಾರ್ಯಕ್ರಮ ಥರ್ಡ್‌ಗ್ರೇಡ್ ಹಾಸ್ಯಗಳ ಮೂಲಕ ಮಾನ ಕಳೆದುಕೊಂಡಿತ್ತು. ತೋಳಲ್ಲಿ ರಾಘವೇಂದ್ರ ಸ್ವಾಮಿಗಳ ಭಾವಚಿತ್ರ ಹಚ್ಚೆ ಹಾಕಿಸಿಕೊಂಡು, ಸೋಶಿಯಲ್ ಮೀಡಿಯಾ ಮೂಲಕ ಅಬ್ರಕದಬ್ರ ಕನ್ನಡದಲ್ಲಿ ಏನೇನೋ ಬೋಧಿಸುವ ಜಗ್ಗೇಶ್ ಜಡ್ಜ್ ಆಗಿ ಆ ಕಾರ್ಯಕ್ರಮವನ್ನು ಮತ್ತಷ್ಟು ಹಡಾಲೆಬ್ಬಿಸಿದ್ದು ದುರಂತ ವಾಸ್ತವ. ಇದೆಲ್ಲ ಆಗಿ ಒಂದಷ್ಟು ಕಾಲದ ನಂತರ ಶುರುವಾಗಿದ್ದ ಸೀಜನ್೫ರಲ್ಲಿ ಅಸಲೀ ಹಾಸ್ಯದ ಸ್ವಾದವಿರಬಹುದೆಂಬ ಕ್ಷೀಣ ನಿರೀಕ್ಷೆಯೊಂದು ಪ್ರೇಕ್ಷಕರಲ್ಲಿದ್ದದ್ದು ಸತ್ಯ. ಅದು ಮೊದಲ ಒಂದಷ್ಟು ಎಪಿಸೋಡುಗಳಲ್ಲಿಯೇ ನೇಣು ಹಾಕಿಕೊಂಡಿತ್ತು. ಇದೀಗ ಟಿಆರ್‌ಪಿ ತಲುಬಿಗಾಗಿ ಈ ಕಾರ್ಯಕ್ರಮದ ಆಯೋಜಕರು ತುಳಿದಿರುವ ಹಾದಿ ಇದೆಯಲ್ಲಾ? ಅದರ ವಿರುದ್ಧ ಪ್ರಜ್ಞಾವಂತರೆಲ್ಲ ಕೊತಗುಡಲಾರಂಭಿಸಿದ್ದಾರೆ.

ಇದು ಹೇಳಿಕೇಳಿ ಸೋಶಿಯಲ್ ಮೀಡಿಯಾ ಜಮಾನ. ಇಲ್ಲಿ ಒಳ್ಳೆ ಸರಕುಗಳಿಗಿಂತಲೂ, ಕೆಟ್ಟದ್ದೇ ಹೆಚ್ಚಾಗಿ ಬಿಕರಿಯಾಗುತ್ತವೆ. ಪೆಕರು ಪೆಕರಾಗಿ ಡೈಲಾಗು ಉದುರಿಸಿದಾತ ರಾತ್ರೋರಾತ್ರಿ ಸೋಶಿಯಲ್ ಮೀಡಿಯಾ ಸ್ಟಾರ್ ಎಂಬ ಭ್ರಮೆಗೆ ಬಲಿಯಾಗುತ್ತಾನೆ. ಚೆಂದದ ಹಾಡನ್ನು ದ್ರಾಬೆಯಂತೆ ಹಾಡಿದ ಎಳಸು ಹುಡುಗಿಯೊಬ್ಬಳು ಸೆಲೆಬ್ರಿಟಿಯಂತೆ ಮಿಂಚುತ್ತಾಳೆ. ಅವಳ್ಯಾರೋ ದೆವ್ವ ಮೆಟ್ಟಿಸಿಕೊಂಡವಳಂತೆ ವಿಕಾರವಾಗಿ ಅರಚಾಡುತ್ತಾಳೆ. ಮತ್ಯಾವನೋ ಬಟ್ಟೆ ಹರಿದುಕೊಂಡು ಕುಣಿದಾಡುತ್ತಾನೆ. ಇಂಥಾ ಕಿತಾಪತಿಗಳನ್ನೆಲ್ಲ ನಿರ್ಲಕ್ಷ್ಯ ಮಾಡಿದರೆ, ಈ ಬಗೆಯ ವಿಕೃತಿಗಳಿಗೆ ಮಾರುಕಟ್ಟೆಯಿಲ್ಲ ಎಂಬ ಸಂದೇಶವನ್ನ ತಣ್ಣಗೆ ರವಾನಿಸಿದಂತಾಗುತ್ತೆ. ಮತ್ತೊಂದಷ್ಟು ಕೀಟಬಾಧೆಯಿಂದ ಈ ಸಮಾಜ ತಪ್ಪಿಸಿಕೊಂಡಂತಾಗುತ್ತೆ.

ಆದರೆ, ರಾಘವೇಂದ್ರ ಹುಣಸೂರನ ಸಾರಥ್ಯದಲ್ಲಿ ಇಂಥಾ ಎಳಸುಯ ಕುನ್ನಿಗಳಿಗೆ ಕಾಮಿಡಿ ಕಿಲಾಡಿಯಂಥಾ ದೊಡ್ಡ ವೇದಿಕೆ ಕಲ್ಪಸಲಾಗುತ್ತಿದೆ. ಇದಕ್ಕಿಂತಲೂ ದುರಂತ ಬೇರೇನಿರಲು ಸಾಧ್ಯ? ಅದ್ಯಾರೋ ಹುಡುಗಿಯೊಬ್ಬಳಿ ಹೂವಿನ ಬಾಣದಂತೆ ಎಂಬ ಹಾಡನ್ನು ಅಪಭ್ರಂಶಗೊಳಿಸಿ ಹಾಡುವ ಮೂಲಕ ಪ್ರಸಿದ್ಧಿ ಪಡೆದುಕೊಂಡಿದ್ದಳು. ಅದರ ಮೂಲಕ ಆಕೆಗೆ ಸಿಕ್ಕ ಭ್ರಾಮಕ ಪಬ್ಲಿಸಿಟಿ ಕಂಡ ಪ್ರಜ್ಞಾವಂತರು ಸೋಶಿಯಲ್ ಮೀಡಿಯಾ ಮೂಲಕವೇ ತಿಳಿ ಹೇಳಲು ಪ್ರಯತ್ನಿಸಿದ್ದರು. ಆದರೀಗ ಕಾಮಿಡಿ ಕಿಲಾಡಿ ಶೋನಲ್ಲಿ ಆ ಹುಡುಗಿಗೆ ಅವಕಾಶ ಕೊಡಲಾಗಿದೆ. ಇದಕ್ಕಿಂತಲೂ ಭೀಕರ ವಿಚಾರವೆಂದರೆ, ಗಾಂಜಾ ಗಿರಾಕಿಯಂತೆ ಕಾಣುವ ಅಮುಕುಡುಮುಕುವನ್ನು ಕೂಡಾ ಕಾಮಿಡಿ ಕಿಲಾಡಿಗಳ ದೊಡ್ಡಿಗೆ ಸೇರಿಸಿಕೊಳ್ಳಲಾಗಿದೆ.

ಧ್ರುವ ಸರ್ಜಾನ ಮನೆ ಮುಂದೆ ನಿಂತು ಅರ್ಥವಿಲ್ಲದೆ ಅರಚಾಡುವ ಮೂಲಕ ಮುನ್ನೆಲೆಗೆ ಬಂದಿದ್ದವನು ಅಮುಕುಡುಮುಕು. ಇಂಥವನು ಆ ನಂತರ ಸೋಶಿಯಲ್ ಮೀಡಿಯಾದ ಚಪ್ರಿ ಗ್ಯಾಂಗುಗಳ ನಡುವೆ ಕಾಣಿಸಿಕೊಳ್ಳಲಾರಂಭಿಸಿದ್ದ. ಕಷ್ಟಪಟ್ಟು ದುಡಿಯೋ ಯೋಗ್ಯತೆಯಿಲ್ಲದೆ ತಿರ್ಕೆ ಶೋಕಿ ಅಂಟಿಸಿಕೊಂಡಿರೋ ಇವನೊಳಗೆ ಜಗ್ಗೇಶ್, ಯೋಗರಾಜ ಭಟ್ ಥರದವರಿಗೆ ಅದೆಂಥಾ ಪ್ರತಿಭೆ ಕಾಣಿಸಿತೋ ಭಗವಂತನೇ ಬಲ್ಲ. ಕಡೆಗೂ ಈ ಕ್ರಿಮಿ ಕಾಮಿಡಿ ಕಿಲಾಡಿಗಳ ವೇದಿಕೆಯಲ್ಲಿ ಪಿತಗುಡಲಾರಂಭಿಸಿದೆ. ಈತನ ಪುಟಗೋಸಿ ಕಾಮಿಡಿಗೆ ಜಗ್ಗೇಶಿ ಮೈಕುಲುಕಿಸಿ ನಗುತ್ತೆ. ಯೋಗರಾಜ ಭಟ್ಟರ ಮುಖದಲ್ಲೂ ಒಂದು ಯಾಂತ್ರಿಕ ನಗೆ ಕಾಣಿಸಿಕೊಳ್ಳುತ್ತೆ. ಆದರೆ, ದುರ್ಬೀನು ಹಾಕಿ ಹುಡುಕಿದರೂ, ಮನೋರಂಜನೆಯ ಅಭಿರುಚಿಯನ್ನೇ ಹಾಳುಗೆಡವಿದ ಪಾಪಪ್ರಜ್ಞೆ ಮಾತ್ರ ಕಾಣಿಸುತ್ತಿಲ್ಲ.

Love Mocktail3 Song: ಮನಸಿಗೆ ಮುತ್ತಿಟ್ಟ ಲವ್ ಮಾಕ್ಟೇಲ್3ಗೀತೆ!

ಈ ಹಿಂದೆ ಶೋ ಒಂದಕ್ಕೆ ಪ್ರಸಿದ್ಧ ಯೂಟ್ಯೂಬರ್ ಡಾಕ್ಟರ್ ಬ್ರೋನನ್ನು ಏಕೆ ಕರೆಸುತ್ತಿಲ್ಲ ಅಂತೊಂದು ಪ್ರಶ್ನೆ ರಾಘವೇಂದ್ರ ಹುಣಸೂರನಿಗೆ ಎದುರಾಗಿತ್ತು. ಆಗ ಹುಣಸೂರ ನಿಮ್ಮಜ್ಜಿಗೆ ಡಾ ಬ್ರೋ ಗೊತ್ತಾ ಅಂತ ಮರು ಪ್ರಶ್ನೆ ಎಸೆಯುವ ಮೂಲಕ ವಿವಚಾದಕ್ಕೀಡಾಗಿದ್ದರು. ಬಹುಶಃ ಈ ಅಮುಕುಡುಮುಕು ಥರದ ಪೀಡೆಗಳೆಲ್ಲ ರಾಘವೇಂದ್ರದ ಅಜ್ಜಿಗೆ ಗೊತ್ತಿರಬಹುದು. ಆ ಕಾರಣದಿಂದಲೇ ಕಾಮಿಡಿ ಕಿಲಾಡಿಗಳು ಶೋನಲ್ಲಿ ಅವಕಾಶ ಕೊಟ್ಟಿರಬಹುದೇನೋ… ಇಂಥಾ ಅಯೋಗ್ಯ ನಡೆಯ ಮೂಲಕ ಕಾಮಿಡಿ ಕಿಲಾಡಿಗಳು ಕಾರ್ಯಕ್ರಮ ಗಂಭೀರವಾಗಿಯೇ ನಗೆಪಾಟಲಿಗೀಡಾಗಿದೆ. ಅಮುಕುಡುಮುಕು ಮುಂತಾದ ಅಯೋಗ್ಯರಿಗೆ ವೇದಿಕೆ ಕಲ್ಪಿಸೋದಿದೆಯಲ್ಲಾ? ಅದು ಕಲೆಗೆ ಮಾಡೋ ಅಸಲಿ ಅವಮಾನ. ಇಂಥಾ ಶೋಗಳ ಆಡಿಷನ್ನಿನಲ್ಲಿ ನಿಂತು ಅವಕಾಶ ಸಿಗದೆ ನೊಂದ ಅದೆಷ್ಟೋ ಜೀವಗಳ ಶಾಪ ಖಂಡಿತವಾಗಿಯೂ ಈ ಶೋನ ಭಾಗವಾಗಿರುವವರಿಗೆ ತಟ್ಟದಿರೋದಿಲ್ಲ.

ಈ ನಡೆಯ ಮೂಲಕ ವಿಕೃತ ವರ್ತನೆ, ಅತಿರೇಕ, ಹಾರಾಟ, ಚೀರಾಟಗಳೇ ಪ್ರಸಿದ್ಧಿಗಿರುವ ಮಾರ್ಗ ಎಂಬ ನಿರ್ಧಾರಕ್ಕೆ ಹೊಸಾ ತಲೆಮಾರು ಒಗ್ಗಿಕೊಳ್ಳುವ ಅಪಾಯವಿದೆ. ಚಿತ್ರ ವಿಚಿತ್ರ ವರ್ತನೆಗಳಿಂದಲೇ ಮುನ್ನೆಲೆಗೆ ಬಂದಿರುವವರನ್ನೇ ಆಯ್ಕೆ ಮಾಡೋದಾದರೆ ಯಾವ ಸೌಭಾಗ್ಯಕ್ಕೆ ಆಡಿಷನ್ನಿನ ನಾಟಕವಾಡುತ್ತೀರಿ? ನಿಜವಾದ ಕಲೆಯನ್ನು ಎದೆಯೊಳಗಿಟ್ಟುಕೊಂಡು ಅವಕಾಶಕ್ಕಾಗಿ ಕಾಯೋ ಜೀವಗಳನ್ನು ಯಾಶಕೆ ನಿರಾಸೆಗೀಡು ಮಾಡುತ್ತೀರಿ? ಹಾಡೊಂದನ್ನು ಮನ ಬಂದಂತೆ ಒರಲುವುದೇ ಪ್ರಸಿದ್ಧಿಯ ಫಾರ್ಮುಲಾಶ ಅಂತಾದರೆ, ಯಾವ ಮುಖವಿಟ್ಟುಕೊಂಡು ನಿಮ್ಮದೇ ವಾಹಿನಿಯಲ್ಲಿ ಸರೆಗಮಪದಂಥಾ ಶೋಗಳನ್ನು ನಡೆಸುತ್ತೀರಿ? ಹಿರಿಯರಾದ ಜಗ್ಗೇಶ್, ಯೋಗರಾಜ ಭಟ್ ಮೆದುಳೇನು ಬಾಟಮ್ಮಿಗಿಳಿದಿದೆಯಾ? ಇಂಥಾ ಅಧ್ವಾನಗಳನ್ನೇ ಕಾಮಿಡಿಯಾಗಿಸಿ ಕಾಸು ಗುಂಜಲು ನಿಂತಿದ್ದೀರೆಂದರೆ ನಿಮ್ಮಂಥಾ ಕಲಾ ದ್ರೋಹಿಗಳು ಮತ್ಯಾರಿರಲು ಸಾಧ್ಯ? ರಾಘವೇಂದ್ರ ಹುಣಸೂರ್‌ಗೆ ಮಾನ ಮರ್ಯಾದೆಗಳ ಪರಿಚಯವಿದ್ದರೆ ಮೊದಲು ಇಂತಾ ಅಧ್ವಾನಗಳಿಗೆ ಬ್ರೇಕ್ ಹಾಕಲಿ. ಹಾಗಂತ ಪ್ರೇಕ್ಷಕರೇ ಒತ್ತಾಯಿಸುತ್ತಿದ್ದಾರೆ!

keywords: comedy, kkhiladigalu, season5, jaggesh, raghavendra, hunasur, yogaraj bhat, amukudumuku, zee kannada, cinishodha

The post Comedy KIhiladigalu Season 5: ಕಾಮಿಡಿ ಕಿಲಾಡಿಗಳ ವಿರುದ್ಧ ಹಬೆಯಾಡಿತು ಆಕ್ರೋಶ! appeared first on Cini Shodha.

ಗುರುಪ್ರಸಾದ್ ಸಾವಿನ ವಿಚಾರದಲ್ಲಿ ಜಗ್ಗೇಶಿಯ ಕಡೆಯಿಂದ ವಿಕೃತಿಗಳು ಪ್ರದರ್ಶನಗೊಂಡವಲ್ಲಾ? ಅದನ್ನು ಕಂಡು ಬಬಹುತೇಕ ಎಲ್ಲರೂ ಖಂಡಿಸಿದ್ದರು. ಎಲ್ಲ ತಕರಾರುಗಳನ್ನು ಮೀರಿ ಈತನನ್ನು ಕೊಂಚ ಮೆಚ್ಚಿಕೊಂಡಿದ್ದರೂ ಕೂಡಾ ಇದು ಸರಿಯಲ್ಲ ಎಂಬರ್ಥದಲ್ಲಿ ಅಭಿಪ್ರಾಯ ಹಂಚಿಕೊಂಡಿದ್ದರು. ಜಗ್ಗೇಶಿ ಯಾವುದೋ ಕಾಲದಲ್ಲಿ ಗಂಟಲು ಹರಿದುಕೊಂಡಿದ್ದ ವೀಡಿಯೋಗಳಿಗೂ ಕೂಡಾ ಕಮೆಂಟುಗಳ ರೂಪದಲ್ಲಿ ಮಹಾಮಂಗಳಾರತಿ ನಡೆದಿತ್ತು. ಇದೆಲ್ಲವನ್ನೂ ಕಂಡು ಜಡೇಮಾಯ್ಸಂದ್ರದ ಭಂಡನಿಗೆ ಅಕ್ಷರಶಃ ಆಮಶಂಕೆ ಶುರುವಾಗಿದೆ. ಅಳಿದುಳಿದ ಮಾನ ಮೂರುಉ ಕಾಸಿಗೆ ಹರಾಜಾಗಿದ್ದನ್ನು ಕಂಡು ಕಂಗಾಲಾಗಿರುವ ಜಗ್ಗ ತನ್ನನ್ನು ಟೀಕಿಸಿದವರನ್ನೆಲ್ಲ ನಾಯಿಗೆ ಹೋಲಿಸಿದ್ದಾನೆ. ಆನೆ ನಡೆಯುವಾಗ ನಾಯಿಗಳು ಬೊಗಳುವಂಥಾ ಹಳಸಲು ರೂಪಕವನ್ನಿಟ್ಟುಕೊಂಡು ತಾನೆಂಥಾ ಅವಿವೇಕಿ ಎಂಬುದನ್ನು ಋಜುವಾತು ಪಡಿಸಿದ್ದಾನೆ.

ಅಷ್ಟಕ್ಕೂ ಗುಳ್ಳೇನರಿಯ ಜಾಯಮಾನದ ಜಗ್ಗೇಶಿ ತನ್ನನ್ನು ತಾನು ಆನೆ ಅಂದುಕೊಂಡಿರೋದೇ ಈ ಶತಮಾನದ ಭೀಕರ ಜೋಕು. ಮಾತೆತ್ತಿದರೆ ನಾನು ಸೀನಿಯರ್ ಅನ್ನೋ ಖಯಾಲಿ ಹೊಂದಿರುವ ಜಗ್ಗೇಶಿಯ ನವರಂಗೀ ನಾಟಕಗಳ ಬಗ್ಗೆ ಸಿನಿಮಾಕ್ಕಾಗುವಷ್ಟು ಸರಕುಗಳಿವೆ. ಮುಖದ ತುಂಬಾ ನಾಮ ಬಳಿದುಕೊಂಡು, ದೇಹಕ್ಕೆ ರಾಘವೇಂದ್ರ ಸ್ವಾಮಿಯ ಹಚ್ಚೆ ಹಾಕಿಸಿಕೊಂಡು ಮಹಾನ್ ದೈವ ಭಕ್ತನಂತೆ ಪೋಸು ಕೊಡುವಾತ ಜಗ್ಗೇಶ್. ಈತನ ಭಕ್ತಿ ಕೂಡಾ ವ್ಯಕ್ತಿತ್ವದಂತೆಯೇ ಖೊಟ್ಟಿ. ಯಾಕಂದ್ರೆ, ನಿಜವಾದ ದೈವ ಭಕ್ತರ್‍ಯಾರೂ ಸಾವನ್ನು ಸಂಭ್ರಮಿಸಲಾರರು. ಈತನ ಬಾಯೆಂಬುದು ಬಚ್ಚಲಿಗಿಂತಾ ಕಡೆಯಾಗಿದೆ. ಅದರಲ್ಲಿಯೇ ಈ ಆಸಾಮಿ ಗುರುರಾಘವೇಂದ್ರ ಸ್ವಾಮಿಗಳ ಸ್ಮರಣೆ ಮಾಡೋದು ಕೂಡಾ ಕೆಡುಕಿನಂತೆಯೇ ಭಾಸವಾಗುತ್ತೆ.

ಈತ ತನ್ನನ್ನು ಟೀಕಿಸಿದವರನ್ನೆಲ್ಲ ಸಾರಾಸಗಟಾಗಿ ನಾಯಿಗಳಿಗೆ ಹೋಲಿಸಿದ್ದಾನೆ. ಅದನ್ನು ಕೇಳಿದ ಮಂದಿಗೆಲ್ಲ ಒಂದು ಹಿರಿಯ ಶ್ವಾನ ಸಂಧ್ಯಾಕಾಲದಲ್ಲಿ ತನ್ನನ್ನು ತಾನು ಆನೆಯೆಂದು ಭ್ರಮಿಸಿ ಊಳಿಡುತ್ತಿರುವಂತೆ ಕಂಡಿದೆ. ಇಂಥಾದ್ದೊಂದು ಭ್ರಾಮಕ ಜಗತ್ತಿನಲ್ಲಿ ತನ್ನನ್ನು ತಾನು ಕನ್ನಡ ಚಿತ್ರರಂಗದ ವಾರಸುದಾರ ಅಂದುಕೊಂಡಿರುವಾತ ಜಗ್ಗೇಶಿ. ಕೊಂಚ ತಲೆ ನೆಟ್ಟಗಿದ್ದಿದ್ದರೆ, ಈತ ತನ್ನ ವಿರುದ್ಧ ಜನ ಯಾಕೆ ಸಿಡಿದೆದ್ದಿದ್ದಾರೆ? ತಾನು ಮಾಡಿದ ತಪ್ಪೇನೆಂಬುದನ್ನು ವಿಮರ್ಶೆ ಮಾಡಿಕೊಳ್ಳುತ್ತಿದ್ದ. ಆದರೆ, ನಾಯಿ ಮತ್ತು ಆನೆಯ ಪ್ರವರದ ಮೂಲಕ ಮತ್ತೆ ಮಾನ ಹರಾಜು ಮಾಡಿಕೊಂಡಿದ್ದಾನೆ. ನಿಜ ಜಗ್ಗೇಶ್ ಗೆ ವಯಸ್ಸಾಗಿದೆ. ಹಾಗೆಂದ ಮಾತ್ರಕ್ಕೆ ಈತನನ್ನು ಹಿರಿಯ ಅನ್ನುವಂತಿಲ್ಲ. ಗೌರವ ಕೊಡಬೇಕೆಂದೂ ಇಲ್ಲ. ಯಾಕೆಂದರೆ, ಹಿರಿತನದ ಘನತೆ ಈತನ ಬಚ್ಚಲು ಬಾಯಿಯಲ್ಲಿ ಯಾವತ್ತೋ ಕೊಚ್ಚಿ ಹೋಗಿದೆ. ಈ ಹಿರಿಯ ಶ್ವಾನ ತನ್ನನ್ನು ತಾನು ಆನೆಯೆಂದುಕೊಂಡು ಊಳಿಡುತ್ತಿರಲಿ. ಕನಿಷ್ಠ ಹಚಾ ಅನ್ನದೆಯೂ ಮುಂದೆ ಸಾಗುವ ನಿರ್ಲಕ್ಷ್ಯವೊಂದೇ ಜಗ್ಗೇಶಿಯ ಕಾಯಿಲೆಗೆ ಪರಿಣಾಮಕಾರಿ ಮದ್ದು!

The post jaggesh: ಹಿರಿಯ ನಟನಿಗೆ ಎಂದೂ ವಾಸಿಯಾಗದ ಆಮಶಂಕೆ! appeared first on Cini Shodha.

ಹೀಗೆ ನಾಯ ನಟನಾಗಿ ಹಲವಾರು ಏರಿಳಿತಗಳನ್ನು, ನಷ್ಟಗಳನ್ನು ಕಂಡಿದ್ದ (komal kumar) ಕೋಮಲ್, ಒಂದು ಹಂತದಲ್ಲಿ ವೃತ್ತಿ ಬದುಕೇ ಮುಗಿದು ಹೋಯ್ತೆಂಬಂಥಾ ಹತಾಶೆಗೆ ಬಿದ್ದಂತಿದ್ದರು. ಇಂಥಾ ಸೋಲು ಗೆಲುವುಗಳು ಚಿತ್ರರಂಗದಲ್ಲಿ ಹೊಸತೇನೂ ಅಲ್ಲ. ಒಂದು ಘಟ್ಟದಲ್ಲಿ ತುಸು ಅಧೀರರಾದಂತೆ ಕಾಣಿಸಿದ್ದ ಕೋಮಲ್ ಪಾಲಿಗೀಗ ಅದೃಷ್ಟದ ಪರ್ವಕಾಲವೊಂದು ಕಣ್ತೆರೆದಂತೆ ಕಾಣಿಸುತ್ತಿದೆ. ಈ ವಾರ ಬಿಡುಗಡೆಗೊಳ್ಳಲಿರುವ ಯಲಾ ಕುನ್ನಿ ಎಂಬ ಚಿತ್ರದ ಸುತ್ತ ಹಬ್ಬಿಕೊಂಡಿರೋ ಪಾಸಿಟಿವ್ ವಾತಾವರಣ ಗೆಲುವೊಂದರ ಮುನ್ಸೂಚನೆಯಂತೆ ಕಾಣಿಸುತ್ತಿದೆ. ನಿಜ, ಕೋಮಲ್ ಓರ್ವ ಪ್ರತಿಭಾನ್ವಿತ ಕಲಾವಿದ. ಆದರೆ, ಅವರ ಆಯ್ಕೆಯಲ್ಲಿ ತುಸು ಯಡವಟ್ಟುಗಳಾದಂತಿದ್ದವು. ಆದರೀಗ ಯಲಾಕುನ್ನಿ ಅವರ ವೃತ್ತಿ ಬದುಕಿನ ಉತ್ಕೃಷ್ಟ ಆಯ್ಕೆಯಾಗುವ ಲಕ್ಷಣಗಳು ಸ್ಪಷ್ಟವಾಗಿಯೇ ಗೋಚರಿಸುತ್ತಿದ್ದಾವೆ.

ಇದು ಹಳ್ಳಿಯೊಂದರಲ್ಲಿ ಘಟಿಸುವ ವಿದ್ಯಮಾನಗಳ ಸುತ್ತ ನಡೆಯುವ ಸಿನಿಮಾವಂತೆ. ಕೋಮಲ್ ಇಲ್ಲಿ ಡಬಲ್ ರೋಲ್ ನಿರ್ವಹಿಸಿದ್ದಾರೆ. ತಂದೆಯ ಪಾತ್ರದಲ್ಲಿ ಕನ್ನಡ ಚಿತ್ರರಂಗ ಕಂಡ ಮಹಾನ್ ಕಲಾವಿದ ವಜ್ರಮುನಿಯ ಗೆಟಪ್ಪಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಅದರ ಒಂದಷ್ಟು ಛಾಯೆಗಳು ಥೇಟು ವಜ್ರಮುನಿಯವರನ್ನೇ ಎರಕ ಹೊಯ್ದಂತೆ ಭಾಸವಾಗುತ್ತಿದೆ. ಅದರ ಬಗ್ಗೆ ಮೆಚ್ಚುಗೆ ಮೂಡಿಕೊಳ್ಳುತ್ತಲೇ, ನಿರೀಕ್ಷೆಗಳೂ ನಿಗಿನಿಗಿಸುತ್ತಿವೆ. ಈ ಸಿನಿಮಾ ಮೂಲಕ ಕೋಮಲ್ ವೃತ್ತಿ ಬದುಕಿಗೆ ಹೊಸಾ ಶಕ್ತಿ ಸಿಗಲಿದೆಯಾ? ಇದುವರೆಗೆ ಸಾಲು ಸಾಲಾಗಿ ಸಿಕ್ಕ ಸೋಲಿನ ಹೊಡೆತಗಳಿಂದ ಆತ ಚೇತರಿಸಿಕೊಳ್ಳುತ್ತಾರಾ? ಇಂಥಾ ನಾನಾ ಪ್ರಶ್ನೆಗಳಿಗೆ ಈ ವಾರವೇ ನಿಖರವಾದ ಉತ್ತರ ಸಿಗಲಿದೆ. ಕೋಮಲ್ ಸೋಲಿನ ಶೂಲಕ್ಕೆ ಸಿಕ್ಕಿದ್ದನ್ನು ಅಣ್ಣ ಜಗ್ಗಣ್ಣ ಆಗಾಗ ಜ್ಯೋತಿಷ್ಯದ ಭೂಮಿಕೆಯಲ್ಲಿ ವಿಶ್ಲೇಶಿಸೋದಿದೆ. ಗ್ರಹಗತಿ ಅದೂ ಇದೂ ಅಂತೆಲ್ಲ ಮಾತಾಡೋದಿದೆ. ಆದರೆ, ಸೋಲು ಸುತ್ತಿಕೊಂಡಿದ್ದರಲ್ಲಿ ಆಯ್ಕೆಗಳ ಪಾಲಿದೆಯೇ ಹೊರತು ಗ್ರಹಗತಿಗಳ ತಪ್ಪಿಲ್ಲ ಅಂತ ಕೋಮಲ್ ಆಪ್ತ ಬಳಗವೇ ಅಭಿಪ್ರಾಯ ಪಡುತ್ತಿದೆ!

The post komal kumar: ಜಗ್ಗಣ್ಣನ ತಮ್ಮನ ನಸೀಬು ಸರಿಯಾದ ಲಕ್ಷಣ! appeared first on Cini Shodha.

ಸಾಮಾನ್ಯವಾಗಿ ಇಂಥಾ ದೊಡ್ಡ ಸಿನಿಮಾಗಳು ಬಿಡುಗಡೆಯಾದಾಗ ಸಿನಿಮಾ ಮಂದಿ ತಮ್ಮ ಚಿತ್ರಗಳನ್ನು ಅಖಾಡಕ್ಕಿಳಿಸಲು ಹಿಂದ ಮುಂದೆ ನೋಡುತ್ತಾರೆ. ಥಿಯೇಟರ್ ಸಮಸ್ಯೆ ಸೇರಿದಂಎ ಆನಾ ಬಾಧೆಗಳು ಅಮರಿಕೊಳ್ಳುತ್ತವೆಂಬ ಭಯ ಅದಕ್ಕೆ ಕಾರಣ. ಆದರೆ, ನಿರ್ಮಾಪಕ ಸುರೇಶ್ ಮತ್ತು ನಿರ್ದೇಶಕ ವಿಜಯ ಪ್ರಸಾದ್ ಅಂಥಾದ್ದೊಂದು ಧೈರ್ಯ ಮಾಡಿದ್ದಾರೆ. ಅದರ ಹಿಂದೆ ಕಂಟೆಂಟಿನ ಬಗ್ಗೆ ಅವರಿಗಿರುವ ವಿಶ್ವಾಸದ ಬಲವಿದ್ದರೂ ಇದ್ದೀತು. ಅದೆಲ್ಲ ಏನೇ ಇದ್ದರೂ ಕೂಡಾ ಜೈಲರ್‍ಗೆ ಸೆಡ್ಡು ಹೊಡೆಯಲು ಅಣಿಯಾದ ತೋತಾಪುರಿ2 ಗುಂಡಿಗೆಯನ್ನು ಮೆಚ್ಚಿಕೊಳ್ಳಲೇಬೇಕು.

ಈ ಹಿಂದೆ ತೋತಾಪುರಿ ಮೊದಲ ಭಾಗ ಕೂಡಾ ಭಾರೀ ನಿರೀಕ್ಷೆ ಮೂಡಿಸಿತ್ತು. ಜಗ್ಗೇಶ್ ಮತ್ತು ಅದಿತಿ ಕಾಂಬಿನೇಷನ್ನಿನಲ್ಲಿ ಮೂಡಿ ಬಂದಿದ್ದ ಹಾಡು ಕೂಡಾ ಸಂಚಲನ ಸೃಷ್ಟಿಸಿತ್ತು. ಇದೀಗ ಎರಡನೇ ಆವೃತ್ತಿ ಕೂಡಾ ಮೆಲ್ಲಗೆ ಟೇಕಾಫ್ ಆಗುತ್ತಿದೆ. ಗಂಭೀರ ವಿಚಾರವನ್ನೂ ಕೂಡಾ ಹಾಸ್ಯದ ಧಾಟಿಯಲ್ಲಿ ದಾಟಿಸುವ ಛಾತಿ ಹೊಂದಿರುವವರು ನಿರ್ದೇಶಕ ವಿಜಯ ಪ್ರಸಾದ್. ಅವರು ಎರಡನೇ ಆವೃತ್ತಿಯಲ್ಲೊಂದು ಕಮಾಲ್ ಮಾಡಬಹುದೆಂಬ ನಿರೀಕ್ಷೆ ಇದ್ದೇ ಇದೆ. ಇಲ್ಲಿ ಜಗ್ಗಣ್ಣನ ಜೊತೆಗೆ ಡಾಲಿ ಧನಂಜಯ್ ಕೂಡಾ ಪ್ರಧಾನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ತೋತಾಪುರಿ ಮಧ್ಯ ಮಳೆಗಾಲದಲ್ಲಿ ಮನಸು ಬೆಚ್ಚಗಾಗಿಸೋ ಹಾಸ್ಯದ ಸ್ಪರ್ಶದೊಂದಿಗೆ ತೆರೆಗಾಣಲು ಸಜ್ಜಾಗಿದೆ.

The post thotapuri2: ಆಗಸ್ಟ್ 11ರಿಂದ ರೋಚಕ ಕಾದಾಟ ಶುರು! appeared first on Cini Shodha.