ಬಾದ್‌ಶಾ ಇತ್ತೀಚೆಗೆ ತಟೀರೀ ಎಂಬ ಶೀರ್ಷಿಕೆಯ ವೀಡಿಯೋ ಸಾಂಗ್ ಒಂದನ್ನು ರೂಪಿಸಿದ್ದ. ಇದನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್‌ಲೋಡ್ ಮಾಡುತ್ತಲೇ ಭಾರೀ ವಿವಾದ ಸೃಷ್ಟಿಯಾಗಿತ್ತು. ಇದರಲ್ಲಿ ಶಾಲಾ ಶಾಲಾ ವಿದ್ಯಾರ್ಥಿನಿಯರು ಸಮವಸ್ತ್ರದಲ್ಲಿಯೇ ಕುಣಿದಾಡುವ ದೃಷ್ಯಾವಳಿಗಳಿದ್ದವು. ಶಾಲಾ ಕಾಲೇಜು ಸಮವಸ್ತ್ರದಲ್ಲಿರುವ ವಿದ್ಯಾರ್ಥಿನಿಯರ ನೃತ್ಯ ಮತ್ತು ಅಶ್ಲೀಲ ಸಂಜ್ಞೆಗಳ ವಿರುದ್ಧ ಪ್ರಜ್ಞಾವಂತರು ಅಪಸ್ವರವೆತ್ತಿದ್ದರು. ನೋಡ ನೋಡುತ್ತಲೇ ವೀವ್ಸ್ ಅನ್ನೇ ಮೀರಿಸುವಂತೆ ವಿವಾದದ ತೀವ್ರತೆ ಹೆಚ್ಚಿಕೊಂಡಿತ್ತು. ಇದೆಲ್ಲವನ್ನೂ ನೋಡಿ ಕಂಗಾಲೆದ್ದಿರೋ ಬಾದ್‌ಶಾ ಇನ್‌ಸ್ಟಾಗ್ರಾಮ್ ಮೂಲಕ ಸಾಮೂಹಿಕವಾಗಿ ಕ್ಷಮೆ ಯಾಚಿಸಿದ್ದಾನೆ. ಇದಲ್ಲದೇ ಎಲ್ಲ ಮೂಲಗಳಿಂದಲೂ ಈ ಹಾಡನ್ನು ಡಿಲೀಟ್ ಮಾಡಿ ಬಚಾವಾಗಲೆತ್ನಿಸಿದ್ದಾನೆ.

ಬಾದ್ ಶಾ ಮತ್ತೋರ್ವ ರ್‍ಯಾಪರ್ ಯೋ ಯೋ ಹನಿಸಿಂಗ್ ಜೊತೆಗಿನ ಕಿತ್ತಾಟಗಳಿಂದಲೇ ಆರಂಭಿಕವಾಗಿ ಸದ್ದು ಮಾಡಿದ್ದವನು. ರ್‍ಯಾಪ್ ಜಗತ್ತು ಈವತ್ತಿಗೆ ಮಾಫಿಯಾ ಸ್ವರೂಪ ಪಡೆದುಕೊಂಡಿದೆ. ರ್‍ಯಾಪರ್‌ಗಳಲ್ಲಿ ಒಬ್ಬರನ್ನು ಕಂಡರೆ ಮತ್ತೊಬ್ಬರಿಗಾಗದ ವಾತಾವರಣವಿದೆ. ಕನ್ನಡದಲ್ಲಿಯೂ ಕೂಡಾ ರ್‍ಯಾಪರ್‌ಗಳ ಕಾಳಗ ಒಂದು ಹಂತದಲ್ಲಿ ಮೇರೆ ಮೀರಿಕೊಂಡಿತ್ತು. ಅಂಥಾದ್ದೊಂದು ಕಾಳಗ ಆರಂಭವಾದದ್ದು ಹನಿಸಿಂಗ್ ಮತ್ತು ಬಾದ್‌ಶಾ ಕದನದ ಮೂಲಕ. ಅದಾದ ಬಳಿಕ ರ್‍ಯಾಪ್ ನಲ್ಲಿ ಹೊಸಾ ಪ್ರಕಾರದತ್ತ ಹೊರಳಿಕೊಂಡಿದ್ದ ಬಾದ್‌ಶಾ, ತನ್ನ ಜವಾಬ್ದಾರಿ ಮರೆತು ಸದರಿ ಹಾಡಿನ ಮೂಲಕ ವಿವಾದವೆಬ್ಬಿಸಿದ್ದಾನೆ. ವಿಶೇಷವೆಂದರೆ ತಟೀರಿ ಹಾಡಿನ ವಿರುದ್ಧ ಬಾದ್‌ಶಾ ಅಭಿಮಾನಿಗಳೇ ಅಸಹನೆ ಹೊಂದಿದ್ದಾರೆ!

keywords: badshah, rapper, tatiri song, controvercy, bollywood

The post badshah controvercy : ರ್‍ಯಾಪ್ ಸಾಂಗ್ ಹೆಸರಲ್ಲಿ ಇದೆಂಥಾ ವಿಕೃತಿ? appeared first on Cini Shodha.

ತಮನ್ನಾ ಭಾಟಿಯಾ ಬಾಹುಬಲಿ ಚಿತ್ರದಲ್ಲಿ ಆವಂತಿಕಾ ಎಂವಬ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಅಪ್ರತಿಮ ಸೌಂದರ್ಯದ ಗಣಿಯಾಗಿದ್ದರೂ, ಸೌಂದರ್ಯ ಮತ್ತು ಶೃಂಗಾರದ ಬಗ್ಗೆ ಯಾವ ಗಮನವೂ ಇಲ್ಲದ ಪಾತ್ರವದು. ಆಕೆಯ ಮೇಲೆ ಮೋಹಗೊಳ್ಳುವ ಬಾಹುಬಲಿಯನ್ನು ವ್ಯಘ್ರ ಶೈಲಿಯಲ್ಲಿ ಹಿಮ್ಮೆಟ್ಟಿಸುತ್ತಾ ಸಾಗೋದು ಆವಂತಿಕಾ ಪಾತ್ರದ ಪ್ರಧಾನ ಆಕರ್ಷಣೆಯಾಗಿತ್ತು. ಅಂಥಾ ಆವಂತಿಕಾಳನ್ನು ಮೋಹಿಸಿ, ಆಕೆಗೆ ಸೌಂದರ್ಯ ಪ್ರಜ್ಞೆ ಬರುವಂತೆ ಮಾಡುವಲ್ಲಿ ಬಾಹುಬಲಿ ಪ್ರಯತ್ನಿಸುತ್ತಾನೆ. ಆ ದೃಷ್ಯದಲ್ಲಿಬ ರೊಮ್ಯಾನ್ಸಿನ ಅಂಚಿಗೆ ತಲುಪಿದ ಶೃಂಗಾರ ಕಾವ್ಯದಂಥಾ ದೃಶ್ಯವನ್ನು ರಾಜಮೌಳಿ ಸೃಸ್ಟಿಸಿದ್ದರು.

ಆ ಸೀನನ ನಿಟ್ಟುಕೊಂಡೇ ಕೆಲ ಮಂದಿ ವಿಕೃತರುಆವಂತಿಕಾ ಮೇಲೆ ಅತ್ಯಾಚಾರ ಅಂತೆಲ್ಲ ತಮನ್ನಾ ವಿರುದ್ಧ ಷಡ್ಯಂತ್ರ ನಡೆಸಲಾರಂಭಿಸಿದ್ದರು. ಲೈಂಗಿಕ ಮಡಿವಂತಿಕೆಯ ಮರೆಯಲ್ಲಿಯೇ ವಿಕೃತಿ ಮೆರೆಯುವ ಇಂಥಾ ಪ್ರುಯತ್ನಗಳ ಬಗ್ಗೆ ತಮನ್ನಾ ಕಡೆಗೂ ಮಾತಾಡಿದ್ದಾಳೆ. ಅಂಥಾ ಮನಃಸ್ಥಿತಿಯವರ ವಿರುದ್ಧ ಸಮರ ಸಾರಿದ್ದಾರೆ. ಲೈಂಗಿಕತೆ ಕೆಟ್ಟದ್ದಾಗಿದ್ದರೆ ನಾವ್ಯಾರೂ ಈ ಭೂಮಿ ಮೇಲಿರುತ್ತಿರಲಿಲ್ಲ. ಅದನ್ನು ಮಡಿವಂತಿಕೆಯ ಭೂಮಿಕೆಯಲ್ಲಿ ವಿಶ್ಲೇಶಿಸುವವರು ಅದರ ಬಗ್ಗೆ ಗಮನ ಹರಿಸಬೇಕು. ತಾನಂತೂ ಇಂಥಾ ವಿನಾ ಕಾರಣ ತೇಜೋವಧೆಗಳ ಬಗ್ಗೆ ತಲೆ ಕೆಡಿಸಿಕೊಳ್ಳೋದಿಲ್ಲ ಎಂದಿದ್ದಾಳೆ ತಮನ್ನಾ!

The post tamannah bhatia: ಅದೊಂದು ದೃಶ್ಯವೀಗ ಟ್ರೋಲ್ ಸರಕು! appeared first on Cini Shodha.

ಈಗ ರಾಷ್ಟ್ರ ಪ್ರಶಸ್ತಿಯನ್ನು ಶಾರೂಖ್ ಖಾನ ಪಡೆದ ಬಗ್ಗೆ ಹೆಚ್ಚಿನವರಿಗೆ ತಕರಾರಿಲ್ಲ. ಆದರೆ, ಅದು ಲಭಿಸಿದ ಸಿನಿಮಾದ ಬಗ್ಗೆ ಅಸಮಾಧಾನ ಹಬವೆಯಾಡುತ್ತಿದೆ. ಅಂದಹಾಗೆ ಶಾರೂಖ್ ಖಾನ್‌ಗೆ ಕಳೆದ ವರ್ಷ ಬಿಡುಗಡೆಗೊಂಡಿದ್ದ ತೋಪು ಚಿತ್ರ ಜವಾನ್‌ನಲ್ಲಿಯ ಅಭಿನಯಕ್ಕಾಗಿ ಅತ್ಯುತ್ತಮ ನಟ ಪ್ರಶಸ್ತಿ ಸಿಕ್ಕಿದೆ. ತಮಿಳುನಾಡಿನ ಅಟ್ಲಿ ಕುಮಾರ್ ನಿರ್ದೇಶನದಲ್ಲಿ ಮೂಡಿ ಬಂದಿದ್ದ ಸದರಿ ಸಿನಿಮಾದಲ್ಲಿ ಶಾರೂಖ್ ಚಿತ್ರ ವಿಚಿತ್ರ ಅವತಾರಗಳಲ್ಲಿ ಕಾಣಿಸಿಕೊಂಡಿದ್ದರು. ಅದೆಲ್ಲವೂ ವ್ಯಾಪಕ ಟ್ರೋಲುಗಳಿಗೆ ಸರಕಾಗಿ ಬಿಟ್ಟಿದ್ದವು. ಮಕಾಮೂತಿಗೆಲ್ಲ ಬ್ಯಾಂಡೇಜು ಸುತ್ತಿಕೊಂಡಿರೋ ಆ ಚಿತ್ರ ಶಾರೂಕ್ ವೃತ್ತಿ ಬದುಕಿಗೂ ಒಂದಷ್ಟು ಗಾಯಹ ಮಾಡುವಂತಿತ್ತು.

ಇಂಥಾ ಸಿನಿಮಾದ ಕಥೆಯಾಗಲಿ, ಶಾರೂಖನ ನಟನೆಯಾಗಲಿ ಹೆಚ್ಚಿನವರಿಗೆ ಹಿಡಿಸಿರಲಿಲ್ಲ. ಇಂಥಾ ಸಿನಿಮಾದಲ್ಲಿನ ನಟನೆಗಾಗಿ ಬಾದ್‌ಷಾನಿಗೆ ಅದ್ಯಾವ ಸೌಭಾಗ್ಯಕ್ಕಾಗಿ ರಾಷ್ಟ್ರ ಪ್ರಶಸ್ತಿ ಕೊಟ್ಟರೋ ಅಂತ ಮಂದಿ ವ್ಯಂಗ್ಯವಾಡಲಾರಂಭಿಸಿದ್ದಾರೆ. ಅಷ್ಟಕ್ಕೂ ಜವಾನ್ ಅಟ್ಲಿ ಶೈಲಿಯ ಚಿತ್ರಾನ್ನದಂಥಾ ಸಿನಿಮಾ. ಶಾರೂಖ್ ಥರದ ಸ್ಟಾರ್ ನಟರ ಸಿನಿಮಾಗಳೆಂದ ಮೇಲೆ ಬಾಕ್ಸಾಫೀಸಿನಲ್ಲಿಯೂ ಮಿನಿಮಮ್ ಗಳಿಕೆ ಗ್ಯಾರೆಂಟಿ. ಅಂಥಾದ್ದೊಂದು ಸಾಧಾರಣವಾದ ಗಳಿಕೆಯನ್ನಷ್ಟೇ ಮಾಡಿದ್ದ ಚಿತ್ರವಿದು. ಯಾವ ಕೋನದಲ್ಲಿಯೂ ಹೊಸತನವಿಲ್ಲದ ಜವಾನ್ ಬಾಲಿವುಡ್ ಸೋಲಿನ ಸುಳಿಯಿಂದ ಪಾರಾಗುವಂತೆಯೂ ಮೂಡಿ ಬಂದಿರಲಿಲ್ಲ. ಎಲ್ಲ ಪ್ರಶಸ್ತಿಗಳ ಮೌಲ್ಯವೂ ಮಣ್ಣುಪಾಲಾಗಿರುವ ಈ ಹೊತ್ತಿನಲ್ಲಿ ಶಾರೂಖ್‌ಗೆ ಸಿಕ್ಕ ರಾಷ್ಟ್ರ ಪ್ರಶಸ್ತಿ ಕೂಡಾ ಘನತೆ ಕುಂದಿಸಿಕೊಂಡಂತೆ ಭಾಸವಾಗುತ್ತಿದೆ!

The post shah rukh khan: ಪ್ರಶಸ್ತಿಗಳ ಸರದಾರನಿಗೆ ಟೀಕೆಗಳ ಸುರಿಮಳೆ! appeared first on Cini Shodha.

ಕಾಮಿಡಿ ಕಿಲಾಡಿಗಳು ಶೋ ವಿನ್ನರ್ ಆಗಿದ್ದ ಮಡೇನೂರು ಮನು ಕಷ್ಟದಿಂದಲೇ ಮೇಲೆದ್ದು ಬಂದಿದ್ದ. ಒಂದಷ್ಟು ಪ್ರಯತ್ನ ಪಟ್ಟು ಕುಲದಲ್ಲಿ ಕೀಳ್ಯಾವುದೋ ಅಂತೊಂದು ಸಿನಿಮಾದಲ್ಲಿ ನಾಯಕನಾಗಿದ್ದ. ಈ ವಾರ ಬಿಡುಗಡೆಗೊಂಡಿರೋ ಆ ಸಿನಿಮಾ ಪ್ರೇಕ್ಷಕರಿಲ್ಲದೆ ಭಣಗುಡುತ್ತಿದೆ. ಬಹುಶಃ ಮದೇನೂರನ ಕಾಮಪುರಾಣ ಬಯಲಾಗದಿದ್ದಿದ್ದರೂ ಇದಕ್ಕಿಂತ ಭಿನ್ನವಾದ ವಾತಾವರಣ ಇರುತ್ತಿರಲಿಲ್ಲ. ಆದರೆ, ಮುಂದೊಂದಷ್ಟು ಪ್ರಯತ್ನ ಪಟ್ಟಿದ್ದರೆ, ನಾಯಕನಾಗಿಯಲ್ಲದಿದ್ದರೂ ಬೇರೆ ಪಾತ್ರಗಳಲ್ಲಿಯಾದರೂ ಮಿಂಚೋ ಅವಕಾಶ ವಿಪುಲವಾಗಿತ್ತು. ಅದೆಲ್ಲವನ್ನೂ ಮಡೇನೂರು ಮನು ಕೈಯಾರೆ ಹಾಳುಗೆಡವಿಕೊಂಡಿದ್ದಾನೆ. ಇಷ್ಟೂ ವರ್ಷಗಳ ಪ್ರಯತ್ನದ ಫಲವನ್ನು ಹರುಕುಬಾಯಿ ಮತ್ತು ಲೂಸು ಲಂಗೋಟಿಯ ದೆಸೆಯಿಂದ ಕಳೆದುಕೊಂಡಿದ್ದಾನೆ.

ಮನು ಅದ್ಯಾರೋ ಮಿಂಚು ಎಂಬಾಕೆಯೊಂದಿನ ಅಫೇರಿನ ಮೂಲಕವೇ ಜೈಲುವಾಸ ಅನುಭವಿಸುತ್ತಿದ್ದಾನೆ. ಅಷ್ಟೇ ಆಗಿದ್ದರೆ ಒಂದಷ್ಟು ದಿನದ ಜೈಲುವಾಸದ ನಂತರ ಮರಳಿ ಹೇಗೋ ಬಣ್ಣ ಹಚ್ಚಬಹುದಿತ್ತು. ಆದರೀಗ ಆತನ ವ್ಯಕ್ತಿತ್ವದ ಬಣ್ಣವೇ ಬಯಲಾಗಿ ಬಿಟ್ಟಿದೆ. ಯಾಕೆಂದರೆ, ಆತ ಎಣ್ಣೆ ಏಟಲ್ಲಿ ದರ್ಶನ್, ಶಿವರಾಜ್ ಕುಮಾರ್, ಧ್ರುವ ಸರ್ಜಾ ಮುಂತಾದವರ ಬಗ್ಗೆ ಆಡಿರುವ ಮಾತುಗಳೀಗ ವೈರಲ್ ಆಗಿ ಬಿಟ್ಟಿವೆ. ಅವರೆಲ್ಲರನ್ನು ಸೈಡ್ ಲೈನ್ ಮಾಡಿ ತಾನೇ ಮೆರೆಯೋದಾಗಿ ಹೇಳಿಕೊಂಡಿರುವ ಮನು ಮಾತುಗಳ ವಿರುದ್ಧ ಸಿನಿಮಾಸಕ್ತರು ಆಕ್ರೋಶ ಹೊರ ಹಾಕುತ್ತಿದ್ದಾರೆ. ಈ ವಿಚಾರದಲ್ಲಿ ಕ್ಯಾಮೆಯಿಲ್ಲದೆ ಕೂತಿದ್ದ ವಾಣಿಜ್ಯ ಮಂಡಳಿಯ ಮಂದಿ ಆಕ್ಟೀವ್ ಆಗಿದ್ದಾರೆ. ಮನುವನ್ನು ಚಿತ್ರರಂಗದಿಂದ ಬ್ಯಾನ್ ಮಾಡುವ ಕಸರತ್ತೊಂದು ಒಳಗೊಳಗೇ ನಡೆಯುತ್ತಿರುವಂತಿದೆ.

ಅಷ್ಟಕ್ಕೂ ಈ ಬ್ಯಾನ್ ಅನ್ನೋದೇ ಒಂದು ಭಾನಗಡಿ. ಯಾಕೆಂದರೆ, ಘಟಾನುಘಟಿ ನಟ ನಟಿಯರು ಎಂಥೆಂಥಾದ್ದೋ ರಂಖಲು ಮಾಡಿಕೊಂಡಾಗ ವಾಣಿಜ್ಯ ಮಂಡಳಿ ಬೆನ್ನ ಹುರಿಯೇ ನೆಟ್ಟಗಿಲ್ಲದಂತೆ ನಡೆದುಕೊಳ್ಳುತ್ತದೆ. ಸಿನಿಮಾ ರಂಗದ ಹಲವಾರು ಸಂಕಷ್ಟದ ವಿಚಾರದಲ್ಲಿಯೂ ಅದರದ್ದು ಅಂಥಾದ್ದೇ ಸ್ಥಿತಿ. ಹಾಗಿರುವಾಗಿ ಇವನ್ಯಾರೋ ಮಡೇನೂರು ಮನುವನ್ನು ಬ್ಯಾನ್ ಮಾಡಿ ಮೀಸೆ ತಿರುವಿಕೊಂಡರೆ ಜನರ ಪಾಲಿಗದು ಕಾಮಿಡಿಕಯಾಗಿಯಷ್ಟೇ ಕಾಣಿಸುತ್ತದೆ. ಯಾಕೆಂದರೆ, ಸದ್ಯದ ಮಟ್ಟಿಗೆ ಸಿನಿಮಾ ಮತ್ತು ಕಿರುತೆರೆ ಮಂದಿ ಇಂಣಣಥಾ ವಿವಾದಗಳನ್ನೇ ಸರಕಾಗಿಸಿಕೊಂಡಿದ್ದಾರೆ. ಇಂಥಾ ರಂಖಲುಗಳಿಗೆಲ್ಲ ಬ್ಯಾನ್ ಮಾಡೋದೇ ಆಗಿದ್ದರೆ, ಸಿನಿಮಾ ರಂಗವೀಗ ಅರ್ಧ ಖಾಲಿಯಾಗಿರುತ್ತಿತ್ತೇನೋ…

ಹಾಗಂತ ಈ ಮಡೇನೂರಿನ ಮನುವನ್ನು ಕ್ಷಮಿಸುವಂತಿಲ್ಲ. ಹಾಗೆ ನೋಡಿದರೆ, ಈತ ಪ್ರಸಿದ್ಧಿ ಪಡೆದಿದ್ದೇ ಹಾಸ್ಯದ ಮೂಲಕ. ಆತನನ್ನು ನಾಯಕ ನಟನನ್ನಾಗಿ ನೋಡುವ ಇರಾದೆ ಯಾರೊಬ್ಬರಿಗೂ ಇಲ್ಲ. ಅಷ್ಟಕ್ಕೂ ನಾಯತಕನಾಗಿ ಮೆರೆಯಬೇಕೆಂದುಕೊಂಡಿದ್ದು ಆತನ ಭ್ರಮೆಯ ಕಾರಣದಿಂದಷ್ಟೆ. ಹಾಗಿರುವಾಗ, ಈ ಆಸಾಮಿ ದರ್ಶನ್, ಶಿವಣ್, ಧ್ರುವನಿಗೆ ತನ್ನನ್ನು ತಾನು ಹೋಲಿಸಿಕೊಂಡು ಮಾತಾಡೋದೇ ಕಾಮಿಡಿಯ ಪರಾಕಾಷ್ಠೆ. ಈಗ ಒಬ್ಬ ಮನುವಿನ ನಿಜ ಬಣ್ಣ ಬಯಲಾಗಿದೆ. ಇಂಥಾ ತಿಮಿರಿನ ಹುಳುಗಳು ಕಿರುತೆರೆ, ಹಿರಿತೆರೆಗಳ ಸಂದಿಗೊಂದಿಗಳಲ್ಲಿ ಮಿಜಿಗುಡುತ್ತಿದ್ದಾವೆ. ಇವುಗಳಿಗೆ ಬಾಯಿಯ ಮೇಲಾಗಲಿ, ಕಚ್ಚೆಯ ಮೇಲಾಗಲಿ ಹಿಡಿತವಿಲ್ಲ. ಸಿಕ್ಕ ಪ್ರಸಿದ್ಧಿಯಯಲ್ಲಿ ಶಕ್ತಿ ಮೀರಿ ಮಜಾ ಉಡಾಯಿಸಿ, ಸಿಕ್ಕಷ್ಟು ಕಾಸು ಗೋರಿಕೊಂಡು ಹೋಗೋದಷ್ಟೇ ಇಂಥವುಗಳ ಇದ್ದೇಶ. ಇದೆಲ್ಲದರಾಚೆಗೆ, ಹಳ್ಳಿಯಿಂದ ಬಂದು ಒಂದಷ್ಟು ಭರವಸೆ ಮೂಡಿಸಿದ್ದ ಮಡೇನೂರು ಮನು ಕಾಮ, ವಿವಾದಗಳ ಕೊಚ್ಚೆಯಲ್ಲಿ ಕಳೆದು ಹೋಗಿರೋದು ನಿಜಕ್ಕೂ ವಿಷಾಧದ ವಿಚಾರ!

The post madenur manu controvercy: ಬ್ಯಾನ್ ಅನ್ನೋದೊಂದು ಭಯಾನಕ ಭಾನಗಡಿ! appeared first on Cini Shodha.

ಹೇರಾಪೇರಿ ಸರಣಿಯ ಮೂರನೇ ಭಾಗವೀಗ ಒಂದಷ್ಟು ನಿರೀಕ್ಷೆ ಮೂಡಿಸಿದ್ದದ್ದು ನಿಜ. ಈ ಸರಣಿಯ ಹಿಂದಿನ ಎರಡು ಆವೃತ್ತಿಗಳು ಹಿಟ್ ಆಗಿರೋದು ಅದಕ್ಕೆ ಕಾರಣ. ಇದರಲ್ಲಿ ಅಕ್ಷಯ್ ಕುಮಾರ್, ಸುನೀಲ್ ಶೆಟ್ಟಿ ಹಾಗೂ ಪರೇಶ್ ರಾವಲ್ ಪ್ರಧಾನ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಆದರೀಗ ಬಹುಮುಖ್ಯವಾದ ಪಾತ್ರದಲ್ಲಿ ನಟಿಸುತ್ತಿದ್ದ ಪರೇಶ್ ರಾವಲ್ ಏಕಾಏಕಿ ಚಿತ್ರತಂಡದಿಂದ ಹೊರ ನಡೆದಿದ್ದಾರೆ. ಇದಲ್ಲದೇ ಅಕ್ಷಯ್ ಕುಮಾರ್ ಮೇಲೆ ಕೋಟಿಗಟ್ಟಲೆ ನಷ್ಟ ಭರಿಸುವಂತೆ ಕೇಸು ಜಡಿದಿದ್ದಾರೆ. ಹಾಗಾದರೆ, ಖುಷಿಯಾಗಿ ಈ ಸಿನಿಮಾ ಒಪ್ಪಿಕೊಂಡು, ಚಿತ್ರೀಕರಣದಲ್ಲಿಯೂ ಭಾಘಿಯಾಗಿದ್ದ ಪರೇಶ್ ಯಾಕಿಂಥಾ ನಿರ್ಧಾರ ಕೈಗೊಂಡರು? ಅಕ್ಷಯ್ ಕುಮಾರ್ ಕಡೆಯಿಂದ ನಡೆದ ಅಸಲೀ ಹೇರಾಪೇರಿಯೇನು ಅಂತೆಲ್ಲ ಹುಡುಕ ಹೋದರೆ, ಬಾಲಿವುಡ್ ಅಂಗಳದಲ್ಲಿ ಹರಿದಾಡುತ್ತಿರುವ ಒಂದಷ್ಟು ವಿಚಾರಗಳು ಅದಕ್ಕುತ್ತರವಾಗಿ ನಿಲ್ಲುತ್ತವೆ!

ಫಿರೋಜ್ ಎ ನಾಡಿಯಾವಾಲಾ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಸ್ವತಃ ಅಕ್ಷಯ್ ಕುಮಾರ್ ಕೂಡಾ ಕಾಸು ಹೂಡುವ ಮೂಲಕ ನಿರ್ಮಾಪಕರಲ್ಲೊಬ್ಬರಾಗಿದ್ದಾರೆ. ಹೀಗೆ ಕಾಸು ಹೂಡಿರುವ ಅಕ್ಷಯ್ ಪರೇಶ್ ರಾವಲ್ ಕಡೆಯಿಂದಲೂ ಹೂಡಿಕೆ ಮಾಡಿಸಿ, ಪಾಲುದಾರರನ್ನಾಗಿಸಿಕೊಂಡಿದ್ದರಂತೆ. ಈ ವ್ಯವಹಾರದಲ್ಲಿ ಪರೇಶ್ ಮತ್ತು ಅಕ್ಷಯ್ ನಡುವೆ ವೈಮನಸ್ಸು ಆರಂಭವಾಗಿತ್ತೆನ್ನಲಾಗಿದೆ. ಇಂಥಾದ್ದೊಂದು ಅಸಹನೆ ಹೊಂದಿದ್ದ ಪರೇಶ್ ರಾವಲ್ ತೀರಾ ರೊಚ್ಚಿಗೇಳಲು ಕಾರಣವಾಗಿರೋದು ಅಕ್ಷಯ್ ಕುಮಾರ್ ಚಿತ್ರೀಕರಣದ ವಿಚಾರದಲ್ಲಿ ತೆಗೆದುಕೊಂಡಿದ್ದ ಬಿಗುವಿನ ನಿಲುವು ಅನ್ನುವವರೂ ಇದ್ದಾರೆ. ಸದ್ಯ ಆ ವಿಚಾರ ಭರ್ಜರಿ ಚರ್ಚೆಗಳಿಗೂ ಗ್ರಾಸವಾಗಿದೆ.

ಸಾಮಾನ್ಯವಾಗಿ, ಆರಂಭದಿಂದ ಇಲ್ಲಿಯವರೆಗೂ ಅಕ್ಷಯ್ ಕುಮಾರ್ ಚಿತ್ರೀಕರಣದ ವಿಚಾರದಲ್ಲಿ ಭಲೇ ಶಿಸ್ತಿನ ಮನುಷ್ಯ. ಅದೆಂಥಾ ಸಿನಿಮಾವಾದರೂ ಕೂಡಾ ಆರೇಳು ಗಂಟೆಗಿಂತ ಹೆಚ್ಚು ಕಾಲ ಈತ ಚಿತ್ರೀಕರಣದಲ್ಲಿ ಭಾಗಿಯಾಗೋದಿಲ್ಲ. ಅದೆಂಥಾ ತುರ್ತಿದ್ದರೂ ತನ್ನ ಗಡುವು ಮುಗಿಯುತ್ತಿದ್ದಂತೆಯೇ ಎದ್ದು ನಡೆಯೋದು ಆತನ ಶೈಲಿ. ಆದರೆ, ಹೇರಾಪೇರಿ೩ಯ ನಿರ್ಮಾಪಕನಾಗಿರುವ ಅಕ್ಷಯ್ ಕಲಾವಿದರನ್ನು ದಿನಗಟ್ಟಲೆ ಚಿತ್ರೀಕರಣದಲ್ಲಿ ಭಾಗಿಯಾಗಿಸಿದ್ದಾನಂತೆ. ಪ್ರೋಮೋ ಶೂಟ್ ವಿಚಾರದಲ್ಲಂತೂ ನಿರ್ದೇಶಕರ ಮೇಲೆ ವಿಪರೀತ ಒತ್ತಡ ಹೇರಿ ಹೀನಾಮಾನ ಚಿತ್ರೀಕರಣವಾಗುವಂತೆ ನೋಡಿಕೊಂಡಿದ್ದಾನಂತೆ. ಈ ಮೂಲಕ ಚಿತ್ರೀಕರಣ ಪೂರ್ವದಲ್ಲಿ ಮಾಡಿಕೊಂಡಿದ್ದ ಒಡಂಬಡಿಕೆಯನ್ನು ಅಕ್ಷಯ್ ಮೀರಿದ್ದಾರೆಂದೂ ಪರೇಶ್ ರಾವಲ್ ಆರೋಳಪಿಸಿದ್ದಾರೆ. ಈ ಕದನ ಎಲ್ಲಿಗೆ ಹೋಗಿ ಮುಟ್ಟುತ್ತದೆಂಬುದಕ್ಕೆ ಕಾಲವೇ ಉತ್ತರಿಸಬೇಕಿದೆ!

The post era peri3 controvercy: ಶಿಸ್ತಿನ ಸಿಪಾಯಿ ಅಕ್ಷಯ್ ಕಡೆಯಿಂದೊಂದು ಎಡವಟ್ಟು! appeared first on Cini Shodha.

ಇಂಥಾ ಪ್ರಖಾಂಡ ಪ್ರತಿಭೆಯನ್ನು ಕರ್ನಾಟಕಕ್ಕೆ ಪರಿಚಯಿಸಿದ್ದ ಕಾಮಿಡಿ ಕಿಲಾಡಿಗಳು ಶೋ ಒಂದು ಹಂತದ ವರೆಗೆ ನಿಜಕ್ಕೂ ಚೆಂದಗಿತ್ತು. ಶಿವರಾಜ್ ಕೆಆರ್ ಪೇಟೆ, ನಯನಾ ಸೇರಿದಂತೆ ಒಂದಷ್ಟು ಅಪ್ಪಟ ಪ್ರತಿಭಾನ್ವಿತರಿಗೆ ವೇದಿಕೆ ಕಲ್ಪಿಸಿತ್ತು. ಆದರೆ, ಬರಬರುತ್ತಾ ಈ ಶೋನಲ್ಲಿ ಕಾಮಿಡಿಯ ಹೆಸರಲ್ಲಿ ಪ್ರದರ್ಶನಗೊಂಡಿದ್ದು ಥರ್ಡ್‌ಗ್ರೇಡ್ ಸ್ಕಿಟ್ಟುಗಳು ಮಾತ್ರ. ಚಿತ್ರವಿಚಿತ್ರ ಆಂಗಿಕ ಅಭಿನಯ, ಕಾಮದ ಕಿಸುರಿಂದಲೇ ಉದ್ಭವವಾದಂತಿರೋ ಡೈಲಾಗುಗಳಿಂದಲೇ ಈ ಶೋ ಮಾನ ಕಳೆದುಕೊಂಡಿದ್ದೀಗ ಇತಿಹಾಸ. ಇಂಥಾ ಶೋಗಳ ಮೂಲಕ ಒಂದಷ್ಟು ಮಂದಿ ಬದುಕು ಕಟ್ಟಿಕೊಂಡಿದ್ದಾರೆ. ಸಿನಿಮಾಗಳಲ್ಲಿ ಅವಕಾಶ ಗಿಟ್ಟಿಸಿಕೊಳ್ಳುವ ಮೂಲಕ ಅನ್ನದ ದಾರಿ ಕಂಡುಕೊಂಡಿದ್ದಾರೆ. ಕಲೆಯನ್ನೇ ದೇವರೆಂದುಕೊಂಡು ಲಕ್ಷಣವಾಗಿ ಬದುಕು ನಡೆಸುತ್ತಿದ್ದಾರೆ. ಆದರೆ, ಅದರಾಚೆಯ ಕೊಚ್ಚೆಗೆ ಕಾಲಿಡುವ ಮೂಲಕ ಎಲ್ಲವನ್ನೂ ಹಾಳುಗೆಡವಿಕೊಂಡವನು ಮಡೇನೂರು ಮನು.

ಈತ ಮದುವೆಯಾಗಿದ್ದ. ಚೆಂದದ ಮಡದಿಯಿದ್ದರೂ ಹಗ್ಗ ಕಡಿಯೋ ಚಾಳಿಯಿಂದ ಸಹ ನಟಿ ಮಿಂಚು ಎಂಬಾಕೆಯ ತೆಕ್ಕೆಗೆ ಬಿದ್ದಿದ್ದ. ಹಠಾತ್ತನೆ ಸಿಕ್ಕ ಖ್ಯಾತಿಯ ಅಮಲು ಮತ್ತು ನಾನಾ ಶೋಗಳ ಮೂಲಕ ಕೈ ಸೇರುತ್ತಿದ್ದ ಕಾಸಿನ ಹಬೆಯಲ್ಲಿ ಈ ಹುಡುಗಿ ಮಿಂಚು ಮೈ ಮರೆತಿದ್ದಳಾ? ಆಕೆ ಮುಖ ಮುಚ್ಚಿಕೊಂಡು ಮಾಧ್ಯಮಗಳ ಮುಂದೆ ಹೇಳಿಕೊಂಡ ಪ್ರವರಗಳನ್ನ ಗಮನಿಸಿದರೆ ಮೇಲ್ಕಂಡ ಗುಮಾನಿ ನಿಜವಾಗುತ್ತೆ. ಮಿಂಚು ಮನು ಮೇಲೆ ಮಾಡುತ್ತಿರೋ ಆರೋಪಗಳೆಲ್ಲವೂ ಇದೊಂದು ಒಪ್ಪಿತ ಕೂಡಿಕೆ ಎಂಬುದನ್ನು ಸ್ಪಷ್ಟವಾಗಿಯೇ ಧ್ವನಿಸುವಂತಿವೆ. ವಯಸ್ಸಿನ ಮದದಲ್ಲಿ ವರ್ಷಗಟ್ಟಲೆ ತೊನೆದಾಡಿ, ಕಡೇಗೆ ಅತ್ಯಾಚಾರವಾಯ್ತೆಂಬಂತೆ ಸಾರ್ವಜನಿಕವಾಗಿ ಹಲುಬುವ ಇಂಥಾ ಮನಃಸ್ಥಿತಿಗಳು ಕೇವಲ ಅಸಹ್ಯಕ್ಕೆ ಮಾತ್ರವೇ ಅರ್ಹವಾದಂತೆ ಕಾಣಿಸುತ್ತೆ.

ಇದೀಗ ಮಡೇನೂರು ಮನು ಜೈಲುಪಾಲಾಗಿದ್ದಾನೆ. ಹೀರೋ ಆಗಿ ತನ್ನ ಮೊದಲ ಸಿನಿಮಾವನ್ನು ಸಂಭ್ರಮಿಸಲಾಗದ ಸ್ಥಿತಿ ತಲುಪಿಕೊಂಡಿದ್ದಾನೆ. ಇದುವರೆಗೂ ಜಾಹೀರಾಗಿರುವ ಆತನ ಆಡಿಯೋಗಳನ್ನ ಗಮನಿಸಿದರೆ ಮಡೇನೂರನ ಅಸಲೀ ವ್ಯಕ್ತಿತ್ವದ ಅಂದಾಜು ಸಿಗುತ್ತದೆ. ಈತ ಪಕ್ಕಾ ಫಟಿಂಗ ಅನ್ನೋದಕ್ಕೆ ಬೇರ್‍ಯಾವ ಸಾಕ್ಷಿಗಳೂ ಬೇಕಾದಂತೆ ಕಾಣಿಸೋದಿಲ್ಲ. ಒಂದು ಕಾಲದಲ್ಲಿ ಇಂಥಾ ರಿಯಾಲಿಟಿ ಶೋಗಳು ಹಳ್ಳಿಗಾಡಿನ ಪ್ರತಿಭೆಗಳಿಗೆ ಅಸಲೀ ವೇದಿಕೆಯಂತಿದ್ದವು. ಆದರೆ, ಬರಬರುತ್ತಾ ಅವುಗಳ ಚಹರೆಯೂ ಬದಲಾಗಿದೆ; ಅಂಥವುಗಳಲ್ಲಿ ಸ್ಪರ್ಧಿಗಳಾಗುವವರ ಮನಃಸ್ಥಿತಿಯೂ ಬದಲಾಗಿವೆ. ಹೆತ್ತವರು ದೂರದ ಅದ್ಯಾವುದೋ ಹಳ್ಳಿಯಲ್ಲಿರುತ್ತಾರೆ. ಇಂಥವರು ಬೆಂಗಳೂರಲ್ಲಿ ಏಕಾಂಗಿಯಾಗಿ ಬದುಕುತ್ತಾರೆ. ಈ ರಂಗೀನ್ ಜಗತ್ತಿನ ಥಳುಕುಬಳುಕುಗಳಲ್ಲಿ ಬಹುಬೇಗನೆ ಕಳೆದು ಹೋಗುತ್ತಾರೆ.

ಎಲ್ಲರನ್ನೂ ಒಂದೇ ತಕ್ಕಡಿಯಯಲ್ಲಿಟ್ಟು ತೂಗುವಂತಿಲ್ಲ. ಆದರೆ, ಬೆಂಗಳೂರು ಸೇರಿಕೊಂಡು, ಈವೆಂಟು, ಶೋಗಳು ಅಂತೆಲ್ಲ ಸುತ್ತಾಡುವ ಕೆಲ ಮಂದಿ ಸ್ವೇಚ್ಛೆಯ ತೆಕ್ಕೆಗೆ ಸಿಕ್ಕುಬಿಡುತ್ತಾರೆ. ಅಂಥವರ ಜಗತ್ತಿನಲ್ಲಿ ನಶೆಯೆಂಬುದು ನಿತ್ಯೋತ್ಸವ ಆಚರಿಸುತ್ತೆ. ಹಾಗೆ ನಶೆಯೆಂಬುದು ನೆತ್ತಿಗೇರಿದ ಉನ್ಮತ್ತ ಘಳಿಗೆಯಲ್ಲಿ ಒಂದಷ್ಟು ಹಡಬೇ ಅಫೇರುಗಳು ಬಿಗಿದಪ್ಪಿಕೊಳ್ಳುತ್ತವೆ. ವರ್ಷಗಟ್ಟಲೆ ಅದೇ ನಶೆಯಲ್ಲಿ ಮಿಂದೆದ್ದ ಬಳಿಕ ಕಡೆಗೊಂದು ದಿನ ಯಾರೋ ಮುಖ ಮುಚ್ಚಿಕೊಂಡು ಮಾಧ್ಯಮದ ಮುಂದೆ ಬಂದು ಗೊಳೋ ಅನ್ನುತ್ತಾರೆ. ಮತ್ಯಾವನೋ ಜೈಲು ಪಾಲಾಗುತ್ತಾನೆ. ಅಂತೂ ಈ ಪ್ರಕರಣದಲ್ಲಿ ಚೆಂದಗೆ ಬದುಕು ಕಟ್ಟಿಕೊಳ್ಳುವ ಅವಕಾಶ, ನಟನಾಗಿ ನೆಲೆ ಕಂಡುಕೊಳ್ಳುವ ಪ್ರತಿಭೆ ಹೊಂದಿದ್ದ ಮಡೇನೂರು ಮನು ಮಾನಕಳೆದುಕೊಂಡಿದ್ದಾನೆ. ಆತನ ಸಖಿ ಕೂಡಾ ಅಂಥಾದ್ದೇ ಸ್ಥಿತಿ ತಲುಪಿಕೊಂಡಿದ್ದಾಳೆ. ಯಾವುದಕ್ಕೂ ಪೋಶಕರು ತಮ್ಮ ಮಕ್ಕಳನ್ನು ಇಂಥಾ ಶೋಗಳಿಗೆ ಕಳಿಸೋ ಮುನ್ನ ಸಾವಿರ ದಿಕ್ಕುಗಳಲ್ಲಿ ಆಲೋಚಿಸೋದೊಳಿತು!

The post madenur manu controversy: ರಿಯಾಲಿಟಿ ಶೋಗಳ ಅಕರಾಳ ವಿಕರಾಳ ಅಂತರಾಳ! appeared first on Cini Shodha.