ಬಾಲಯ್ಯನ ಅಧ್ಯಾತ್ಮಿಕ ನಂಬಿಕೆಗಳು ಎಲ್ಲರಿಗೂ ಚಿರಪರಿಚಿತ. ಆದರೆ, ಪ್ರತಿಯೊಂದಕ್ಕೂ ಜ್ಯೋತಿಷಿಗಳ ಮೊರೆ ಹೋಗುವ ಆತನ ಗುಣದ ಬಗ್ಗೆ ಆಪ್ತ ವಲಯಕ್ಕೆ ಮಾತ್ರವೇ ಗೊತ್ತಿತ್ತು. ಹಿರಿಯ ನಿರ್ದೇಶಕ ಕೋಡಿ ರಾಮಕೃಷ್ಣ ಸಂದರ್ಶನವೊಂದರ ಮೂಲಕ ಹಂಚಿಕೊಂಡಿರುವ ಒಂದಷ್ಟು ವಿಚಾರಗಳ ಮೂಲಕ ಬಾಲಯ್ಯನ ಜ್ಯೋತಿಷ್ಯ ಪ್ರೇಮ ಮತ್ತು ಅದರಿಂದ ಸಿನಿಮಾವೊಂದರ ಮೇಲಾಗಿದ್ದ ಪರಿಣಾಮಗಳ ಕಥೆಯನ್ನು ಹಂಚಿಕೊಂಡಿದ್ದಾರೆ. ಅದರನ್ವಯ ಹೇಳೋದಾದರೆ, ಒಂದು ಸಿನಿಮಾವನ್ನು ಒಪ್ಪಿಕೊಳ್ಳೋದರಿಂದ ಮೊದಲ್ಗೊಂಡು ಎಲ್ಲ ವಿಚಾರದಲ್ಲಿಯೂ ಬಾಲಯ್ಯ ಜ್ಯೋತಿಷ್ಯದ ಮೊರೆ ಹೋಗುತ್ತಾ ಬಂದಿದ್ದಾರೆ. ಇದರ ಫಲವಾಗಿಯೇ ಒಂದಷ್ಟು ಹಿಟ್ ಸಿನಿಮಾಗಳನ್ನೂ ಕೈಯಾರೆ ಕಡೆಗಣಿಸಿದ್ದಾರೆ.

Akhanda2 On Ott: ನೀವಿದ್ದಲ್ಲಿಗೇ ಬರ್‍ತಾನೆ ದ್ವಾಳೆಗಣ್ಣು ಬಾಲಯ್ಯ!

ಕೋಡಿ ರಾಮಕೃಷ್ಣ ನಿರ್ದೇಶನದ ಸಿನಿಮಾ ಮೂಲಕವೇ ವೃತ್ತಿ ಜೀವನದ ಹಿಟ್ ಅನುಭೂತಿಯನ್ನು ಸವಿದಿದ್ದವರು ಬಾಲಕೃಷ್ಣ. ಆ ನಂತರದಲ್ಲಿ ರಾಮಕೃಷ್ಣ ಜಾನಪದ ಕಥೆಯಾಧಾರಿತವಾದ ವಿಕ್ರಮ ಸಿಂಹ ಭೂಪತಿಯನ್ನು ಅಣಿಗೊಳಿಸಿದ್ದರು. ಬಾಲಯ್ಯ ಕೂಡಾ ಖುಷಿಯಿಂದಲೇ ಆ ಸಿನಿಮಾ ಭಾಗವಾಗಿದ್ದರು. ಈ ಹಿಂದೆ ಎಂದೂ ಬಾಲಯ್ಯ ಇಂಥಾ ಸಿನಿಮಾದಲ್ಲಿ ನಟಿಸಿರಲಿಲ್ಲ. ಆದರೆ, ಚಿತ್ರೀಕರಣ ಅರವತ್ತು ಭಾಗದಷ್ಟು ಮುಗಿಯೋ ಹೊತ್ತಿಗೆಲ್ಲ ನಿರ್ಮಾಪಕ ಗೋಪಾಲರೆಡ್ಡಿಗೆ ಅನಾರೋಗ್ಯ ಕಾಡಿತ್ತು. ಅದಾದದ್ದೇ ಬಾಲಯ್ಯ ಜ್ಯೋತಿಷಿಯೋರ್ವನ ಬಳಿ ಓಡಿದ್ದರಂತೆ. ಆ ಜ್ಯೋತಿಷಿಯ ಆದೇಶದಂತೆ ಬಾಲಯ್ಯ ಏಕಾಏಕಿ ಭೂಪತಿ ಚಿತ್ರವನ್ನು ಕೈ ಬಿಟ್ಟಿದ್ದರು. ಅದೆಷ್ಟೇ ಅಲವತ್ತುಕೊಂಡರೂ ನಟಿಸಲು ಒಪ್ಪಲೇ ಇಲ್ಲ. ಒಂದು ವೇಳೆಬ ಪೂರ್ಣಗೊಳಿಸಿದ್ದರೆ, ಆ ಸಿನಿಮಾ ಸೂಪರ್ ಹಿಟ್ಟಾಗುತ್ತಿತ್ತೆಂಬುದು ರಾಮಕೃಷ್ಣರ ನಂಬಿಕೆ. ಬಾಲಯ್ಯ ಇದುವರೆಗೂ ತನ್ನ ವೃತ್ತಿ ಬದುಕಿನಲ್ಲಿ ಇಂಥಾ ಹಿಟ್ ಆಗಬಹುದಾದ ಅನೇಕ ಸಿನಿಮಾಗಳನ್ನು ಕವಡೆಯಾಟ ನಂಬಿ ಕೈಬಿಟ್ಟಿದ್ದಾರಂತೆ!

keywords: balayya, nandamoori balakrishna, kodi ramakrishna

The post actor balayya: ಸೋಲಿನ ದವಡೆಗೆ ಸಿಲುಕಿಸಿತು ಕವಡೆ! appeared first on Cini Shodha.

ಯಾವುದೇ ಸಿನಿಮಾಗಳು ತೆರೆ ಕಂಡರೂ ಹೀನಾಮಾನ ಬಿಲ್ಡಪ್ಪು ಕೊಡೋದು ಬಾಲಯ್ಯನ ಸ್ಪೆಷಾಲಿಟಿ. ವಾಸ್ತವಕ್ಕಿಂತ ಫರ್ಲಾಂಗು ದೂರವಿರುವ ಸೀನುಗಳನ್ನೇ ಬಯಸುವ ಈತ ಅಖಂಡ೨ ಮೂಲಕ ಅಂಥಾದ್ದೇ ಅಧ್ವಾನಗಳನ್ನು ಸೃಷ್ಟಿಸಿದ್ದ. ಆದರೆ, ಪ್ರೇಕ್ಷಕರು ಆ ಸಿನಿಮಾದತ್ತ ಮುಖ ಮಾಡಿರಲಿಲ್ಲ. ಈ ಮೂಲಕ ಇತ್ತೀಚಿನ ವರ್ಷಗಳಲ್ಲಿ ಬಾಲಯ್ಯನ ಅತಿ ಕೆಟ್ಟ ಸಿನಿಮಾವಾಗಿ ಅಖಂಡ೨ ದಾಖಲಾಗಿದೆ. ಯಾವುದಕ್ಕೂ ತಲೆ ಕೆಡಿಸಿಕೊಳ್ಳದ ಬಾಲಯ್ಯನೇ ಈ ಸೋಲಿನಿಂದ ಕಂಗಾಲಾಗುವಂಥಾಗಿದೆ. ಇಂಥಾ ಅಖಂಡ೨ ಓಟಿಟಿಗೆ ಎಂಟ್ರಿ ಕೊಡುವ ಕ್ಷಣಗಳು ಹತ್ತಿರಾಗಿವೆ!

ಇದೇ ಜನವರಿ ಒಂಬತ್ತನೇ ತಾರೀಕಿನಿಂದ ಅಖಂಡ೨ ನೆಟ್‌ಫ್ಲಿಕ್ಸ್‌ನಲ್ಲಿ ಸ್ಟ್ರೀಮಿಂಗ್ ಆರಂಭಿಸಲಿದೆ. ಬಾಲಯ್ಯನ ಪಾಲಿಗೀಗ ಓಟಿಟಿಯಲ್ಲಾದರೂ ಅಖಂಡ ಪವಾಡ ಸಂಭವಿಸಲೆಂಬ ತಟುಕು ಆಸೆ ಇದ್ದಂತಿದೆ. ಅಷ್ಟಕ್ಕೂ ಸಿನಿಮಾ ಮಂದಿರಗಳ್ಲ್ಲಿ ಅತ್ಯಂತ ಕಳಪೆ ಪ್ರದರ್ಶನ ಕಂಡ ಅನೇಕ ಸಿನಿಮಾಗಳು ಓಟಿಟಿಯಲ್ಲಿ ಗೆಲ್ಲೋದಿದೆ. ಆದರೆ, ಅಖಂಡ೨ ಪಾಲಿಗೆ ಅಂಥಾ ಸಾಧ್ಯತೆ ತೀರಾ ಕಡಿಮೆ. ಯಾಕೆಂದರೆ, ಬಾಲಯ್ಯ ಇಲ್ಲಿ ದ್ವಾಳೆಗಣ್ಣು ಬಿಟ್ಟುಕೊಂಡು ಚಿತ್ರವಿಚಿತ್ರವಾದ ಸೀನುಗಳಲ್ಲಿ ಕಾಣಿಸಿಕೊಂಡಿದ್ದಾನೆ. ಅತಿಶಯ ಎಂಬಂಥಾ, ಪೇಲವ ಕಥೆಯ ಈ ಚಿತ್ರ ಓಟಿಟಿಯಲ್ಲೂ ಬರಖತ್ತಾಗೋದು ಕಷ್ಟವಿದೆ!

keywords: balayya, akhanda2, nandamuri, balakrishna

The post Akhanda2 On Ott: ನೀವಿದ್ದಲ್ಲಿಗೇ ಬರ್‍ತಾನೆ ದ್ವಾಳೆಗಣ್ಣು ಬಾಲಯ್ಯ! appeared first on Cini Shodha.

ವಿಜಯ್ ಎಂಬ ನಟನೋರ್ವ ದಳಪತಿ ಎಂಬೋ ಬಿರುದಾಂಕಿತನಾಗಿ ಮೆರೆಯಲು ಕಾರಣವಾಗಿದ್ದದ್ದು ಸಿನಿಮಾ ರಂಗ. ತನ್ನದೇ ಆದ ನಟನೆಯ ಶೈಲಿ ಹೊಂದಿರುವ ಈತ, ಮೂಲತಃ ಸಿನಿಮಾ ಪ್ರೇಮಿಗಳಾದ ತಮಿಳರನ್ನು ಆವರಿಸಿಕೊಂಡ ರೀತಿಯೇ ಅದ್ಭುತ. ಹಾಗಿರುವಾಗ ಆತನ ಕಡೆಯ ಚಿತ್ರವಾದ ಜನನಾಯಗನ್ ಅನ್ನು ಅತ್ಯಂತ ಆಸ್ಥೆಯಿಂದ ರೂಪಿಸುತ್ತಾರೆಂಬ ನಿರೀಕ್ಷೆ ಎಲ್ಲರೊಳಗಿರುತ್ತದೆ. ಆದರೆ ಅದೇಕೋ ಈ ಹಿನ್ನೆಲೆಯಲ್ಲಿ ಅಭಿಮಾನಿ ಬಳಗಕ್ಕೆಲ್ಲ ನಿರಾಸೆಯಾಗುವಂಥಾ ರೂಮರುಗಳೇ ಆರಂಭದಿಂದಲೂ ಹಬ್ಬಿಕೊಂಡಿದ್ದವು. ಅದರಲ್ಲಿಯೂ ಅಭಿಮಾನ ಇಗಳು ಕಂಗಾಲಾಗುವಂತೆ ಮಾಡಿದ್ದದ್ದು ಈ ಸಿನಿಮಾ ತೆಲುಗು ಚಿತ್ರವೊಂದರ ರೀಮೇಕ್ ಎಂಬವ ವಿಚಾರ. ಆದರೆ, ನಿರ್ದೇಶಕನಾಗಲಿ, ವಿಜಯ್ ಆಗಲಿ ಒಂದು ಹಂತದ ವರೆಗೆ ಆ ಬಗ್ಗೆ ಯಾವ ಸ್ಪಷ್ಟೀಕರಣವನ್ನೂ ಕೊಡದೆ ಮುಂದುವರೆದಿದ್ದರು.

ನಿರ್ದೇಸಕ ಹೆಚ್ ವಿನೋದ್ ಅಂತೂ ಆರಂಭದಿಂದಲೂ ಈ ಬಗ್ಗೆ ಮುಗುಮ್ಮಾಗಿದ್ದರು. ಇದೀಗ ಜನನಾಯಗನ್ ಸಿನಿಮಾ ತೆಲುಗಿನ ಸೂಪರ್ ಹಿಟ್ ಚಿತ್ರ ಭಗವಂತ ಕೇಸರಿಯ ರೀಮೇಕ್ ಎಂಬ ವಿಚಾರವನ್ನು ತೆರೆದಿಟ್ಟಿದ್ದಾನೆ. ಆತನ ಪ್ರಕಾರ ಹೇಳೋದಾದರೆ, ಭಗವಂತ ಕೇಸರಿಯನ್ನು ಜನನಾಯಗನ್ ಆಗಿ ನೇರಾನೇರ ಭಟ್ಟಿ ಇಳಿಸಿಲ್ಲ. ಆ ಕಥನವನ್ನು ತಮಿಳಿನ ನೇಟಿವಿಟಿಗೆ ಹೊಂದಿಸಿಕೊಂಡು ಅರವತ್ತು ಬಾಗದಷ್ಟು ಬಳಸಿಕೊಳ್ಳಲಾಗಿದೆ. ಅಲ್ಲಿಗೆ ಇಪ್ಪತ್ತು ಪರ್ಸೆಂಟಿನಷ್ಟು ಮಾತ್ರವೇ ಸ್ವಂತದ ಸರಕಿನೊಂದಿಗೆ ವಿನೋದ್ ಈ ಸಿನಿಮಾವನ್ನು ರೂಪಿಸಿರೋದು ಪಕ್ಕಾ ಆದಂತಾಗಿದೆ. ಈ ವಿಚಾರವೀಗ ದಳಪತಿಯ ಅಭಿಮಾನಿ ಬಳಗವನ್ನು ತೀವ್ರ ಮುಜುಗರಕ್ಕೆ ತಳ್ಳಿದೆ. ತಮ್ಮ ನೆಚ್ಚಿನ ನಟನ ಕಡೇಯ ಸಿನಿಮಾ ರೀಮೇಕ್ ಎಂಬ ವಿಚಾರವನ್ನ ಅರಗಿಸಿಕೊಳ್ಳಲಾರದೆ ಅಭಿಮಾನಿ ಬಳಗ ತತ್ತರಿಸಿ ಹೋಗಿದೆ!

Darling Prabhas Kalki2: ನಾಯಕಿಯಾಗ್ತಾಳಾ ಪ್ರಿಯಾಂಕಾ ಚೋಪ್ರಾ?

ದಳಪತಿ ವಿಜಯ್ ಯಾಕಿಂಥಾ ನಿರ್ಧಾರ ಕೈಗೊಂಡರೆಂಬುದೇ ಯಕ್ಷಪ್ರಶ್ನೆ. ಬಿಲ್ಡಪ್ಪುಗಳ ಮೂಲಕವೇ ಸ್ಟಾರ್‌ಗಿರತಿ ಪಡೆದುಕೊಂಡಿರುವ ಬಾಲಯ್ಯ ತೆಲುಗು ಸೀಮೆಯಲ್ಲಿ ಸ್ಟಾರ್ ನಟ ಅನ್ನೋದು ನಿಜ. ಆದರೆ, ವಿಜಯ್ ಸ್ಟಾರ್‌ಡಮ್ಮಿನ ಮುಂದೆ ಬಾಲಯ್ಯ ತೀರಾ ಮಂಕಾಗಿ ಕಾಣಿಸುತ್ತಾರೆ. ಅಂಥಾ ನಟನ ಸಿನಿಮಾವನ್ನು ರೀಮೇಕ್ ಮಾಡುವಷ್ಟು ದಳಪತಿ ಪಾತಾಳಕ್ಕಿಳಿದರಾ? ಕಡೆಯ ಸಿನಿಮಾ ನೆಲಮೂಲದ್ದಾಗಿರಬೇಕೆಂಬ ಸೂಕ್ಷ್ಮತೆ ಮರೆತರಾ? ಹೇಗಿದ್ದರೂ ಸೂಪರ್ ಹಿಟ್ಟಾಗುತ್ತೆ ಎಂಬ ಅತೀ ಆತ್ಮವಿಶ್ವಾಸದಿಂದ ಇಂಥಾ ನಿರ್ಧಾರಕ್ಕೆ ಅಂಟಿಕೊಂಡರಾ? ಬೇರೆಯವರ ಮಾತು ಹಾಗಿರಲಿ; ಖುದ್ದು ದಳಪತಿಯ ಆರಾಧಕರನ್ನೇ ಇಂಥಾ ಅನೇಕ ಪ್ರಶ್ನೆಗಳು ಕೊರೆಯುತ್ತಿವೆ. ಇದುವೇ ಜನನಾಯಗನ್ ಬಗೆಗಿನ ಕ್ರೇಜ್ ಅನ್ನೂ ಕೊಂಚ ಕಡಿಮೆಯಾಗಿಸಿದೆ ಅನ್ನೋದರಲ್ಲಿ ಯಾವ ಅನುಮಾನವೂ ಇಲ್ಲ!

The post latest truth of thalapathy vijay’s last movie: ಜನನಾಯಗನ್ ಬಾಲಯ್ಯನ ಚಿತ್ರದ ರೀಮೇಕಾ? appeared first on Cini Shodha.

ರಿಯಲ್ ಸ್ಟಾರ್ ಉಪ್ಪಿನ ನಟನೆಯ ತಾಕತ್ತೇನೆಂಬುದು ತೆಲುಗು ಪ್ರೇಕ್ಷಕರಿಗೆ ಈಗಾಗಲೇ ಅರ್ಥವಾಗಿದೆ. ಅತ್ಯಂತ ವಿಶಿಷ್ಟವಾದ ಪಾತ್ರಗಳಲ್ಲಿ ನಟಿಸುವ ಮೂಲಕ ಅವರತು ಈಗಾಗಲೇ ತೆಲುಗಿನಲ್ಲಿ ಬಹುಬೇಡಿಕೆಯನ್ನೂ ಸೃಷ್ಟಿಸಿಕೊಂಡಿದ್ದಾರೆ. ಉಪ್ಪಿಗಿರುವ ಅಂಥಾ ಜನಪ್ರಿಯತೆಯ ದೆಸೆಯಿಂದಲೇ ನಿರ್ದೇಶಕ ರಾಮ್ ಪೋತಿನೇನಿ ಆಂಧ್ರ ಕೀಮಗ್ ತಾಲೂಕದ ಪ್ರಧಾನ ಪಾತ್ರಕ್ಕೆ ಆಯ್ಕೆ ಮಾಡಿಕೊಂಡಿದ್ದರೆಂಬುದು ನಿರ್ವಿವಾದ. ಆದರೆ, ಈ ಸಿನಿಮಾ ನಿರೀಕ್ಷಿತ ಮಟ್ಟದಲ್ಲಿ ಯಶ ಕಾಣುವಲ್ಲಿ ಎರಡನೇ ವಾರದ ಅಂತ್ಯದ ಹೊತ್ತಿನಲ್ಲಿ ಹಿನ್ನಡೆ ಅನುಭವಿಸಿದೆ. ಇನ್ನೇನು ವಾರತದೊಪ್ಪತ್ತಿನಲ್ಲಿಯೇ ಎಲ್ಲ ಥಿಯೇಟರುಗಳಿಂದ ಎಗರಿಕೊಳ್ಳುವ ಅಪಾಯದಿಂದ ಬಾಲಯ್ಯನ ಅಖಂಡ ಈ ವಾರ ಮಟ್ಟಿಗೆ ಪಾರುಗಾಣಿಸಿದೆ.

Rashmika Mandanna: ಮುಗ್ಗರಿಸಿದರೂ ಸಾವರಿಸಿಕೊಂಡವಳ ಯಶದ ಓಟ!

ಸದರಿ ಸಿನಿಮಾ ಏದುಸಿರು ಬಿಡುತ್ತಾ ಮೊದಲ ವಾರ ದಾಟಿಕೊಳ್ಳುತ್ತಲೇ ಬಾಲಯ್ಯ ನಟಿಸಿರುವ ಅಖಂಡ೨ ಚಿತ್ರ ತೆರೆಗಾಣಲು ಸಜ್ಜಾಗಿತ್ತು. ಹೇಳಿಕೇಳಿ ಬಾಲಯ್ಯನ ಸಿನಿಮಾಗಳ ಆರಂಭ ಅದ್ದೂರಿಯಾಗಿರುತ್ತದೆ. ಅಖಂಡ ಮೊದಲ ಆವೃತ್ತಿ ಗೆದ್ದಿದ್ದರಿಂದಾಗಿ ಅದರ ಸೀಕ್ವೆಲ್ ಬಗ್ಗೆ ಸಹಜವಾಗಿಯೇ ಕುತೂಹಲವಿತ್ತು. ಒಂದು ವೇಳೆ ಅದು ನಿಗಧಿತ ದಿನಾಂಕದಂದೇ ಬಿಡುಗಡೆಯಾಗಿದ್ದರೆ ಆಂಧ್ರ ಕಿಂಗ್ ತಾಲೂಕಾ ಹೇಳ ಹೆಸರಿಲ್ಲದಂತಾಗುತ್ತಿತ್ತು. ಸದ್ಯ ಅಖಂಡ೨ ಬಿಡುಗಡೆ ದಿನಾಂಕ ಮುಂದಕ್ಕೆ ಹೋಗಿದೆ. ಈ ಕಾರಣದಿಂದಲೇ ಉಪ್ಪಿ ಸಿನಿಮಾಗೆ ಒಂದಷ್ಟು ಆಕ್ಸಿಜನ್ನು ಸಿಕ್ಕಂತಾಗಿದೆ. ರಾಮ್ ಪೋತಿನೇನಿ ನಿರ್ದೇಶನ ಮಾಡಿದ್ದ ಎರಡು ಸಿನಿಮಾಗಳು ಸೋಲು ಕಂಡಿದ್ದವು. ಅವುಗಳಿಗೆ ಹೋಲಿಸಿದರೆ ಆಂಧ್ರ ಕಿಂಗ್ ತಾಲೂಕಾ ಚೆಂದಗಿದೆ ಎಂಬಂಥಾ ಮಾತುಗಳು ಕೇಳಿ ಬರುತ್ತಿವೆ. ವಾರಾಂತ್ಯದಲ್ಲಿ ಚೇತರಿಸಿಕೊಂಡು, ಮುಂದಿನ ವಾರದ ಆರಂಭದಿಂದಲೇ ಒಳ್ಳೆ ಪ್ರದರ್ಶನ ಕಂಡರೆ ಆಂಧ್ರ ಕಿಂಗ್ ತಾಲೂಕ ಒಂದು ಮಟ್ಟದ ಗೆಲುವು ಕಾಣುವ ಸಾಧ್ಯತೆಗಳಿದ್ದಾವೆ!

Keywords: upendra, andhra king taluka, telugu movie, latest updates

The post Andhra King Taluka #1 Best Movie : ಬೆದರಿದ್ದ ಆಂಧ್ರ ಕಿಂಗ್‌ಗೆ `ಅಖಂಡ’ ಅಭಯ! appeared first on Cini Shodha.

ನಿರ್ದೇಶಕ ನೆಲ್ಸನ್ ಜೈಲರ್೨ ಕಥೆ ಸಿದ್ಧಪಡಿಸುವಾಗಲೇ ಬಾಲಯ್ಯನಿಗಾಗಿ ಒಂದು ಪಾತ್ರವನ್ನು ಸೃಷ್ಟಿಸಿದ್ದರಂತೆ. ಅದು ಮೇಲು ನೋಟಕ್ಕೆ ಅತಿಥಿ ಪಾತ್ರದಂತೆ ಕಂಡರೂ ಕೂಡಾ ಖುದ್ದು ರಜನಿ ಪಾತ್ರಕ್ಕೇ ಸರಿಸಮನಾಗಿತ್ತಂತೆ. ಇಂಥಾದ್ದೊಂದು ಪಾತ್ರವನ್ನು ಸೃಷ್ಟಿ ಮಾಡಿದ್ದ ನೆಲ್ಸನ್‌ಗೆ, ಅದರ ಚಹರೆ ಕೇಳುತ್ತಲೇ ಬಾಲಯ್ಯ ಥ್ರಿಲ್ ಆಗಿ ಒಪ್ಪಿಗೆ ಸೂಚಿಸುತ್ತಾರೆಂಬ ವಿಶ್ವಾಸವಿತ್ತು. ಆದರೆ, ಬಾಲಯ್ಯನನ್ನು ಸಂಪರ್ಕಿಸಿದಾಗ ನೆಲ್ಸನ್‌ಗೆ ಆದದ್ದು ಅಕ್ಷರಶಃ ಆಘಾತ. ಯಾಕೆಂದರೆ, ತೀರಾ ನಿರ್ಲಿಪ್ತವಾಗಿ ಈ ಅವಕಾಶವನ್ನು ಎದುರುಗೊಂಡ ಬಾಲಯ್ಯ ಆರಂಭದಿಂದಲೇ ನಾನಾ ರೊಳ್ಳೆ ತೆಗೆದಿದ್ದರು. ಕಡೆಗೂ ತಾನು ತೆಲುಗು ಬಿಟ್ಟು ಮತ್ಯಾವ ಭಾಷೆಯಲ್ಲಿಯೂ ನಟಿಸೋದಿಲ್ಲ ಎಂಬಂಥಾ ನಿರ್ಧಾರ ಪ್ರಕಟಿಸಿ ಜೈಲರ್೨ ಅವಕಾಶವನ್ನು ಸಾರಾಸಗಟಾಗಿ ನಿರಾಕರಿಸಿರುವ ಸುದ್ದಿ ಬಂದಿದೆ.

ಯಾವ ಭಾಷೆಯ ಸೂಪರ್ ಸ್ಟಾರುಗಳೇ ಆಗಿದ್ದರೂ ಕೂಡಾ ರಜನಿ ಜೊತೆ ನಟಿಸುವ ಅವಕಾಶಕ್ಕಾಗಿ ಹಂಬಲಿಸುತ್ತಾರೆ. ಕನ್ನಡದ ಶಿವಣ್ಣ, ಉಪ್ಪಿ ನಟಿಸಿದ್ದು ಕೂಡಾ ಅಂಥಾ ಅದಮ್ಯ ಪ್ರೀತಿಯಿಂದಲೇ. ಆದರೆ ಈ ಬಾಲಯ್ಯ ವಿಕ್ಷಿಪ್ತ ನಟ. ಕಾಮಿಡಿಯಂಥಾ ಪಾತ್ರಗಳನ್ನು ಮಾಡುತ್ತಾ, ಬೇರೆ ಭಾಷೆದಗಳ ಪ್ರೇಕ್ಷಕರು ಲೇವಡಿಯಾಡುವಂಥಾ ಬಿಲ್ಡಪ್ಪುಗಳ ಮೂಲಕ ಚಾಲ್ತಿಯಲ್ಲಿರುವಾತ ಬಾಲಯ್ಯ. ಎಣ್ಣೆ ಏಟಲ್ಲಿ ಏನೇನೋ ಅಧ್ವಾನ ಮಾಡಿಕೊಳ್ಳುವ ಮೂಲಕವೂ ಈತ ಸುದ್ದಿಕೇಂದ್ರದಲ್ಲಿರುತ್ತಾನೆ. ಇಂಥಾ ಬಾಲಯ್ಯ ತಾನು ರಜನಿಯನ್ನೂ ಮೀರಿದ ಸೂಪರ್ ಸ್ಟಾರ್ ಎಂಬ ಭ್ರಮೆಯಲ್ಲಿರುವಂತಿದೆ. ಈ ಕಾರಣದಿಂದಲೇ ಜೈಲರ್೨ ಅವಕಾಸ ಬರುತ್ತಲೇ ಐವತ್ತು ಕೋಟಿ ಸಂಭಾವನೆ ಕೊಡುವಂತೆ ಬೇಡಿಕೆ ಇಡುವ ಮೂಲಕ ಸೀರಿಯಸ್ ಆಗಿಯೇ ಕಾಮಿಡಿ ಮಾಡಿದ್ದ. ಬಾಲಯ್ಯನ ಇಂಥಾ ದುರಹಂಕಾರದ ವರ್ತನೆಯಿಂದ ತಲೈವಾ ಅಭಿಮಾನಿಗಳು ಕೆಂಡವಾಗಿದ್ದಾರೆ!

The post Nandamoori Balayya: ತೆಲುಗು ನಟನ ವಿರುದ್ಧ ತಲೈವಾಭಿಮಾನಿಗಳು ಕೆಂಡ! appeared first on Cini Shodha.

ಹೇಳಿಕೇಳಿ ಇದೀಗ ತೆಲುಗು ಚಿತ್ರರಂಗದ ಪಾಲಿನ ಹವಾ ಚಾಲ್ತಿಯಲ್ಲಿದೆ. ಅಲ್ಲಿನ ಸಿನಿಮಾಗಳು ಪ್ಯಾನಿಂಡಿಯಾ ಲೆವೆಲ್ಲಿನಲ್ಲಿ ಸದ್ದು ಮಾಡುತ್ತಾ, ಬಾಲಿವುಡ್ ಸಿನಿಮಾಇಗಳನ್ನೇ ಮಂಕಾಗಿಸುತ್ತಿವೆ. ಕನ್ನಡವೂ ಸೇರಿದಂತೆ ದಕ್ಷಿಣ ಭಾರತೀಯ ಚಿತ್ರರಂಗದ ಘನತೆ ಬಾಲಿವುಡ್ಡನ್ನು ಮೀರಿ ಹಬ್ಬಿಕೊಂಡಿದೆ. ಇದೆಲ್ಲದರಿಂದಾಗಿ ದಕ್ಷಿಣದ ಸಿನಿಮಾಗಳ ಬಗ್ಗೆ ಬೆರಗಿನ ಭಾವವೊಂದು ಉತ್ತರದ ದಿಕ್ಕಿನಲ್ಲಿಯೂ ಹಬ್ಬಿಕೊಂಡಿದೆ. ಇಂಥಾ ಹೊತ್ತಿನಲ್ಲಿ ದೃಷ್ಟಿಬೊಟ್ಟಿನಂತೆ ಚಾಲ್ತಿಯಲ್ಲಿರೋದು ಬಾಲಯ್ಯನ ಅಖಂಡ೨ ಚಿತ್ರ. ಮಾಮೂಲು ವರಸೆಯಂತೆ ತ್ರಿಶೂಲ ಹಿಡಿದು ರುದ್ರತಾಂಡವವಾಡಿರೋ ಬಾಲಯ್ಯನ ಅವತಾರಗಳು ಟ್ರೈಲರ್ ಮೂಲಕ ಜಾಹೀರಾಗಿದೆ. ಅದೀಗ ದೇಶವ್ಯಾಪಿ ದೊಡ್ಡ ಮಟ್ಟದಲ್ಲಿಯೇ ಟ್ರೋಲಾಗುತ್ತಿದೆ.

ನಿಜ, ಸಿನಿಮಾ ಅನ್ನೋದೇ ಮನೋರಂಜನೆಯ ಮಾಧ್ಯಮ. ಹಾಗಂತ ತೀರಾ ಅತಿರೇಕ, ನಗೆಪಾಟಲಿನಂಥಾ ದೃಷ್ಯ ಕಟ್ಟಿದರೆ ಬಚಾವಾಗೋದು ಕಷ್ಟ. ಆದರೆ, ಈ ಬಾಲಯ್ಯನಿಗೆ ಬಿಟ್ಟಿ ಬಿಲ್ಡಪ್ಪು ಬಿಟ್ಟರೆ ಬೇರೆ ಗೊತ್ತಿಲ್ಲ. ಅಖಂಡ೨ನಲ್ಲಿಯೂ ಕೂಡಾ ಅದನ್ನೇ ಮುಂದುವರೆಸಿದ್ದಾನೆ. ಇದನ್ನು ಕಂಡು ಉತ್ತರದ ಮಂದಿಯೂ ಮೂದಲಿಸಲಾರಂಭಿಸಿದ್ದಾರೆ. ಅಖಂಡ ೨ ಮೂಲಕ ದಕ್ಷಿಣ ಭಾರತೀಯ ಸಿನಿಮಾಗಳ ಘನತೆಗೆ ಕುತ್ತುಂಟಾಗಿದೆ ಎಂಬಂಥಾ ವಿಶ್ಲೇಷಣೆಗಳೂ ಕೂಡಾ ಕೇಳಿ ಬರುತ್ತಿದ್ದಾವೆ. ಇಂಥಾ ಬಾಲಯ್ಯ ಒಂದರ್ಥದಲ್ಲಿ ಪವಾಡ ಪುರುಷ. ಈತ ಸೆಟೆದು ನಿಂದು ಒಂದೇ ಕೈಯಲ್ಲಿ ರೈಲನ್ನು ತಡೆದು ನಿಲ್ಲಿಸಬಲ್ಲ. ಬೋಗಿಗಳನ್ನೆಲ್ಲ ಎಣಿಸೆಣಿಸಿ ಕಿತ್ತೆಸೆಯ ಬಲ್ಲ. ಇಂಥಾ ಸೀರಿಯಸ್ ಕಾಮಿಡಿಕಗಳ ಮೂಲಕವೇ ಸ್ಟಾರ್ ನಟ ಅನ್ನಿಸಿಕೊಂಡಿರೋ ಬಾಲಯ್ಯನ ಪ್ರಭೆ ಅರವತ್ತು ದಾಟಿ ಮುಂದುವರೆದಿದೆ. ಆತನ ವೃತ್ತಿ ಬದುಕಿಗೆ ನಲವತ್ತು ವರ್ಷವೂ ತುಂಬಿದೆ. ಈ ಸಾಧನಾ ಸಮಾವೇಶದಲ್ಲಿ ಎಣ್ಣೆ ಏಟಲ್ಲಿ ಮಾತಾಡಿರುವ ಬಾಲಯ್ಯನ ಮೀಸೆ ಉದುರಿದೆ. ಸಾರ್ವಜನಿಕ ಸಮಾರಂಭದಲ್ಲಿ ನಟಿಯೊಬ್ಬಳ ಅಂಡು ಸವರಿ ಉಗಿಸಿಕೊಂಡಿದ್ದ ಬಾಲಯ್ಯನ ಬತ್ತಳಿಕೆಯಲ್ಲಿ ಇನ್ನೆಷ್ಟು ಅವತಾರಗಳು ಬಾಕಿ ಉಳಿದಿವೆಯೋ ಭಗವಂತನೇ ಬಲ್ಲ!

The post Nandamuri Balakrishna: ಬೆಚ್ಚಿ ಬೀಳಿಸಿತು ಬಾಲಯ್ಯನ ಅಖಂಡ ಕಾಮಿಡಿ! appeared first on Cini Shodha.

ಈ ಸಿನಿಮಾ ತಂಡವೀಗ ಚಿತ್ರೀಕರಣದ ಹಿಂಚುಮುಂಚಿನ ಒಂದಷ್ಟು ಬೆರಗಿನ ವಿಚಾರಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ಈ ಚಿತ್ರದಲ್ಲಿ ಕನ್ನಡದ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್, ಮಲೆಯಾಳಂನ ಮೋಹನ್ ಲಾಲ್ ಮುಂತಾದವರು ನಟಸಿದ್ದಾರೆ. ಆ ಪಾತ್ರಗೆಲ್ಲವನು ಜನ ಇಷ್ಟಪಟ್ಟಿದ್ದಾರೆ. ಇವರೆಲ್ಲರೊಟ್ಟಿಗೆ ತೆಲುಗಿನ ನಂದಮೂರಿ ಬಾಲಕೃಷ್ಣ ಕೂಡಾ ಈ ಚಿತ್ರದಲ್ಲಿ ನಟಿಸಬೇಕಿತ್ತಂತೆ. ಆದರೆ, ಕೆಲ ಕಾರಣಗಳಿಂದಾಗಿ ನಿರ್ದೇಶಕರ ಗಮನ ಬೇರೆಡೆರಗೆ ವಾಲಿದ್ದರಿಂದಾಗಿ ಬಾಲಯ್ಯ ಜೈಲರ್ ಗೆ ಜೊತೆಯಾಗೋ ಅವಕಾಶ ವಲ್ಪದರಲ್ಲಿಯೇ ತಪ್ಪಿ ಹೋದಂತಾಗಿದೆ. ಈ ವಿಚಾರವನ್ನು ಖುದ್ದು ನಿರ್ದೇಶಕ ನೆಲ್ಸನ್ ಒಪ್ಪಿಕೊಂಡಿದ್ದಾರೆ.

ಜೈಲರ್ ಪ್ಯಾನಿಂಡಿಯಾ ಮಟ್ಟದ ಚಿತ್ರ. ರಜನೀ ಚಿತ್ರಗಳೆಂದ ಮೇಲೆ ದೇಶವ್ಯಾಪಿ ಬಿಡುಗಡೆಯಾಗೋದು ಮಾಮೂಲು. ಮಾರ್ಕೆಟಿಂಗ್ ದೃಷ್ಟಿಯಿಂದ ನಿರ್ದೇಶಕರು ಒಂದಷ್ಟು ರಾಜ್ಯಗಳಲ್ಲಿ ಭರ್ಜರಿ ಓಪನಿಂಗ್ ಸಿಗುವ ದೃಷ್ಟಿಯಿಂದ ಅಲ್ಲಿನ ನಟರನ್ನು ಒಳಗೊಂಡಂತೆ ಒಂದಷ್ಟು ಪಾತ್ರಗಳನ್ನು ಸೃಷ್ಟಿಸಿದ್ದರು. ಬಾಲಯ್ಯನಿಗಾಗಿ ನೆಗೆಟಿವ್ ಶೇಡ್ ಹೊಂದರುವ ರಗಡ್ ಪೊಲೀಸ್ ಪಾತ್ರವೊಂದನ್ನು ಸೃಷ್ಟಿಸಿದ್ದರಂತೆ. ಆದರೆ, ಆ ಪಾತ್ರವೇಕೋ ಅರ್ಧದಲ್ಲಿಯೇ ನಿಲ್ಲುವಂತಾಗಿತ್ತು. ಈ ಕಾರಣದಿಂಲೇ ಬಾಲಯ್ಯ ಜಲರ್ ಭಾಗವಾಗೋದು ತಪ್ಪಿತ್ತು. ಬಾಲಯ್ಯನ ಸಿನಿಮಾಗಳು, ಅದರ ದೃಷ್ಯಗಳು ಕಾಮಿಡಿ ಅನ್ನಿಸುತ್ತವೆಯಾದರೂ, ಆತನಿಗೆ ತೆಲುಗಿನಲ್ಲಿ ಭಾರೀ ಅಭಿಮಾನಿ ಬಳಗವಿದೆ. ಅವರದ್ದಿದ್ದರೆ, ಜೈಲರ್‍ಗೆ ತೆಲುಗಿನಲ್ಲಿ ಮತ್ತಷ್ಟು ಖದರ್ ನ ಗೆಲುವು ದಕ್ಕುತ್ತಿತ್ತೇನೋ…

The post nandamuri balakrishna: ರಗಡ್ ಪೊಲೀಸ್ ಪಾತ್ರ ಕೈತಪ್ಪಿದ್ದೇಕೆ? appeared first on Cini Shodha.