ಇದು ಹೊಸಾ ಅಲೆ, ಹೊಸಾ ಆಲೋಚನೆಗಳಿಗೆ ಚಿತ್ರರಂಗ ಒಡ್ಡಿಕೊಂಡಿಕರುವ ಕಾಲಮಾನ. ಈ ಹೊತ್ತಿನಲ್ಲಿ ಹಳೇ ಘಮವೊಂದು ಹೊಸತನದೊಂದಿಗೆ ಮಿಳಿತವಾದಂತೆ ಭಾಸವಾಗುತ್ತಿರೋದಕ್ಕೆ ಪ್ರಧಾನ ಕಾರಣವಾಗಿ ನಿಲ್ಲುವವರು ಬರಗೂರು ರಾಮಚಂದ್ರಪ್ಪ. ಈವತ್ತಿಗೆ ಸ್ವಪ್ನ ಮಂಟಪ ಚಿತ್ರದ ಬಗ್ಗೆ ಒಂದಷ್ಟು ನಿರೀಕ್ಷೆ ಮೂಡಿಕೊಂಡಿರೋದರ ಹಿಂದೆ ಈ ಕಾರಣ ಪ್ರಧಾನವಾಗಿರುವಂತೆ ಭಾಸವಾಗುತ್ತದೆ. ಬರಗೂರು ರಾಮಚಂದ್ರಪ್ಪ ಕನ್ನಡದ ಮಹತ್ವದ ಸಾಹಿತಿ. ಈ ನೆಲದ ಮಿಡಿತಗಳತ್ತ ಸದಾ ಒಳಗಣ್ಣು ತೆರೆದಿಟ್ಟುಕೊಂಡಿರುವ ಬರಗೂರರು ಒಂದು ಸಿನಿಮಾ ಸಾರಥ್ಯ ವಹಿಸುತ್ತಾರೆಂದರೆ ಸಹಜವಾಗಿಯೇ ಅದು ವಿಶೇಷವಾಗಿರುತ್ತದೆಂಬ ನಂಬಿಕೆ ಮೂಡಿಕೊಳ್ಳುತ್ತದೆ. ಇಲ್ಲಿ ಪಾರಂಪರಿಕ ಸ್ಥಳಗಳ ಮಹತ್ವ ಮತ್ತು ಅವುಗಳ ಉಳಿವಿನ ಜರೂರತ್ತನ್ನು ಪ್ರತಿಪಾದಿಸುವ ಕಥನವಿದೆಯಂತೆ. ಮನೋರಂಜನಾತ್ಮಕ ಗುಣಗಳೊಂದಿಗೆ ಒಂದು ಘನವಾದ ಸಂದೇಶವನ್ನು ರವಾನಿಸುವ ಬಗೆಯಲ್ಲಿ ಬರಗೂರರು ಈ ಚಿತ್ರವನ್ನು ಕಟ್ಟಿಕೊಟ್ಟಿದ್ದಾರಂತೆ.

ಈಗಾಗಲೇ ವಿಜಯ್ ರಾಘವೇಂದ್ರ ಮತ್ತು ರಂಜಿನಿ ರಾಘವನ್ ಅವರಿಗಳ ಒಂದಷ್ಟು ಗೆಟಪ್ಪುಗಳು ಜಾಹೀರಾಗಿವೆ. ವಿಶೇಷವೆಂದರೆ, ಇವರಿಬ್ಬರೂ ದ್ವಿಪಾತ್ರಗಳಿಗೆ ಜೀವ ತುಂಬಿದ್ದಾರಂತೆ. ರಂಜನಿಗೂ ಕೂಡಾ ಬಹುಕಾಲದ ನಂತರ ವಿಭಿನ್ನ ಪಾತ್ರ ಸಿಕ್ಕ ಖುಷಿಯಿದೆ. ಇವರಿಬ್ಬರ ಜೊತೆಗೆ ದೊಡ್ಡ ತಾರಾಗಣ ಸಾಥ್ ಕೊಟ್ಟಿದೆ. ಸುಂದರ್ ರಾಜ್, ಶೋಭಾ ರಾಘವೇಂದ್ರ, ರಜಿನಿ, ಅಂಬರೀಶ್ ಸಾರಂಗಿ, ರಾಜಪ್ಪ ದಳವಾಯಿ, ವೆಂಕಟರಾಜು, ಶಿವಲಿಂಗ ಪ್ರಸಾದ್, ಭಾರತಿ ರಮೇಶ್, ಗುಂಡಿ ರಮೇಶ್ ಮುಂತಾದವರ ತಾರಾಗಣವಿದೆ. ನಾಗರಾಜ್ ಅದವಾನಿ ಛಾಯಾಗ್ರಹಣ, ಸುರೇಶ್ ಅರಸು ಸಂಕಲನ, ಶಮಿತಾ ಮಲ್ನಾಡ್ ಸಂಗೀತ ನಿರ್ದೇಶನವಿಕರುವ ಈ ಚಿತ್ರ ಇದೇ ತಿಂಗಳ ೨೫ರಂದು ರಾಜ್ಯಾದ್ಯಂತ ತೆರೆಗಾಣಲಿದೆ.

The post swapna mantapa movie: ಮಾಸ್ ಭರಾಟೆಯ ನಡುವಲ್ಲೊಂದು ಭಿನ್ನ ಆಲಾಪ! appeared first on Cini Shodha.

ಮಾಜಿ ಪೊಲೀಸ್ ಅಧಿಕಾರಿ ಬಿ.ಕೆ ಶಿವರಾಂ ಅವರಮಗಳು ಸ್ಪಂದನಾ. ಅತ್ಯಂತ ಮೃದು ಮನಸಿನ, ಸರಳ ಸ್ವಭಾವದ ಸ್ಪಂದನಾರನ್ನು ಮತು ವಿಜಯ್ ರಘವೇಂದ್ರ ನಡುವೆ ಪ್ರೀತಿ ಮೂಡಿಕೊಂಡಿತ್ತು. ಎರಡೂ ಕುಟುಂಬಗಳ ಸಮ್ಮತಿಯೊಂದಿಗೆ 2007ರಲ್ಲಿ ವಿಜಯ್ ಮತ್ತು ಸ್ಪಂದನಾ ದಾಂಪಿಸಿರಿಸಿದ್ದರು. ಈ ದಂಪತಿಗೆ ಶೌರ್ಯ ಎಂಬ ಗಂಡು ಮಗುವೂ ಜನಿಸಿತ್ತು. ಇವವು ಮದುವೆಯಾದದ್ದು ಆಗಸ್ಟ್ ಇಪ್ಪತ್ತಾರರಂದು. ಇನ್ನೇನು ಮದುವೆ ವಾರ್ಶೀಕೋತ್ಸವಕ್ಕೆ ಕೆಲವೇ ದಿನಗಳು ಮಾತ್ರವೇ ಬಾಕಿ ಉಳಿದುಕೊಂಡಿತ್ತು. ಅಷ್ಟರಲ್ಲಿ ವಿಜಯ್ ಪಾಲಿಗೆ ಜೀವಕ್ಕೆ ಜೀವವಾಗಿದ್ದ ಸ್ಪಂದನಾ ನಿಗಮಿಸಿದ್ದಾರೆ.

ಇದು ನಿಜಕ್ಕೂ ಕನ್ನಡ ಚಿತ್ರರಂಗಕ್ಕೆ ಬಂದೆರಗಿದ ಮತ್ತೊಂದು ಆಘಾತ. ವಿಜಯ್ ರಾಘವೇಂದ್ರ ಮತ್ತು ಸ್ಪಂದನಾ ಮಾದರಿ ಜೋಡಿಯಂತಿದ್ದವರು. ಮಗು ಮನಸಿನ ವಿಜಯ್ ಪಾಲಿಗೆ ಕೇವಲ ಮಡದಿಯಾಗಿರದೆ, ಅಮ್ಮನಾಗಿ, ಗೆಳತಿಯಾಗಿಯೂ ಸ್ಪಂದನಾಆಪ್ತವಾಗಿದ್ದರು. ಸಣ್ಣ ವೈಮನಸ್ಯಕ್ಕೂ ಜಾಗವಿಲ್ಲದಂತೆ ಅನ್ಯೋನ್ಯವಾಗಿದ್ದ ಈ ದಾಂಪತ್ಯದ ಮೇಲೆ ಅದ್ಯಾವ ಕೇಡಿನ ಕಣ್ಣು ಬಿತ್ತೋ ಗೊತ್ತಿಲ್ಲ; ಈ ದುರಂತ ನಡೆದು ಹೋಗಿದೆ. ಮಾವ ಪುನೀತ್ ರಾಜ್ ಕುಮಾರ್ ಮರೆಯಾದ ಆಘಾತ ಬಿಟ್ಟೂ ಬಿಡದಂತೆ ಕಾಡುತ್ತಿತ್ತು. ಅದರ ಬೆನ್ನಿಗೇ ಜೀವದಂಥಾ ಮಡದಿಯೇ ಇನ್ನಿಲ್ಲವೆಂಬ ಮತ್ತೊಂದು ಮಹಾ ಆಘಾತ ಅವರಿಗೆದುರಾಗಿದೆ. ಈ ದುಃಖವನ್ನು ದಾಟಿಕೊಳ್ಳುವ ಶಕ್ತಿ ವಿಜಯ್ ರಾಘವೇಂದ್ರ ಮತ್ತವರ ಕುಟುಂಬಕ್ಕೆ ದಕ್ಕಲೆಂಬುದು ಪ್ರಾರ್ಥನೆ…

The post spandana is no more: ಚಿನ್ನಾರಿಮುತ್ತನಿಗೆ ಇದೆಂಥಾ ಆಘಾತ? appeared first on Cini Shodha.

ಚಿನ್ನಾರಿಮುತ್ತ ಎಂಬ ಸಿನಿಮಾದಲ್ಲಿ ಬಾಲ ನಟನಾಗಿ ಅಭಿನಯಿಸಿ, ತನ್ನ ಅಭಿನಯದ ಚಾತುರ್ಯದಿಂದಲೇ ಪ್ರೇಕ್ಷಕರ ಮನಗೆದ್ದವರು ವಿಜಯ್ ರಾಘವೇಂದ್ರ. ಈವತ್ತಿಗೂ ಸೋಲು ಗೆಲುವಿನಾಚೆಗೆ ಅವರೋರ್ವ ಅತ್ಯುತ್ತಮ ಕಲಾವಿದನಾಗಿ ಸ್ಥಾನ ಪಡೆದುಕೊಂಡಿದ್ದಾರೆ. ಅವರಿಗೆ ಸರಿಕಟ್ಟಾದೊಂದು ಬ್ರೇಕ್ ಸಿಗಬೇಕೆಂದು ಖುದ್ದು ಪ್ರೇಕ್ಷಕರೇ ಆಶಿಸುತ್ತಿದ್ದಾರೆ. ಅದು ಕದ್ದ ಚಿತ್ರದ ಮೂಲಕ ಸಾಕಾರಗೊಳ್ಳುವ ಲಕ್ಷಣಗಳೂ ಢಾಳಾಗಿವೆ. ಈಗಾಗಲೇ ಈ ಸಿನಿಮಾ ಬಗ್ಗೆ ಪ್ರೇಕ್ಷಕರಲ್ಲೊಂದು ಗಾಢ ನಿರೀಕ್ಷೆ ಪ್ರತಿಷ್ಟಾಪಿತವಾಗಿದೆ. ಅದಕ್ಕೆ ತಕ್ಕುದಾದ ಕಥಾ ಹಂದರದಿಂದ ಕದ್ದ ಚಿತ್ರ ಮೈಕೈ ತುಂಬಿಕೊಂಡಿದೆಯೆಂಬ ತುಂಬು ನಂಬಿಕೆ ಚಿತ್ರತಂಡಕ್ಕೂ ಇದ್ದಂತಿದೆ.

ಹಾಗಾದರೆ, ಇದು ಯಾವ ಬಗೆಯ ಚಿತ್ರ ಅಂತೊದು ಪ್ರಶ್ನೆ ಹುಟ್ಟಿಕೊಳ್ಳುವುದು ಸಹಜ. ಈ ನಿಟ್ಟಿನಲ್ಲಿ ನೋಡಹೋದರೆ, ಇದೊಂದು ಸೈಕಾಲಾಜಿಕಲ್ ಥ್ರಿಲ್ಲರ್ ಚಿತ್ರವೆಂಬ ವಿಚಾರ ಜಾಹೀರಾಗುತ್ತದೆ. ಹಾಗಂತ ಈ ಜಾನರಿನ ಸಿದ್ಧಸೂತ್ರಗಳಿಗೆ ಈ ಸಿನಿಮಾ ಬದ್ಧವಾಗಿ ಮೂಡಿ ಬಂದಿದೆ ಅಂದುಕೊಳ್ಳಬೇಕಿಲ್ಲ. ಸ್ಕ್ರೀನ್ ಪ್ಲೇ, ತಾಂತ್ರಿಕವಾಗಿ ಹಲವಾರು ಹೊಸತನಗಳನ್ನು ಒಳಗೊಂಡಿದೆಯಂತೆ. ಇಲ್ಲಿ ವಿಜಯ ರಾಘವೇಂದ್ರ ಪ್ರಸಿದ್ಧ ಬರಹಗಾರರಾಗಿಯೂ ನಟಿಸಿದ್ದಾರೆ. ಅವರು ಇದುವರೆಗೆ ಕಾಣಿಸದಿದ್ದ ಲುಕ್ಕುಗಳಲ್ಲಿ ಕಂಗೊಳಿಸಿದ್ದಾರಂತೆ. ಖುದ್ದು ವಿಜಯ್ ರಾಘವೇಂದ್ರ ಅವರೇ ಕದ್ದ ಚಿತ್ರದ ಬಗ್ಗೆ ಅತೀವ ಪ್ರಮಾಣದಲ್ಲಿ ನಿರೀಕ್ಷೆಯಿಟ್ಟುಕೊಂಡಿದ್ದಾರೆ.

ಇನ್ನುಳಿದಂತೆ ಈ ಸಿನಿಮಾದಲ್ಲಿನ ಪಾತ್ರಗಳು ಹೇಗೆ ಭಿನ್ನವಾಗಿದ್ದಾವೋ, ತಾರಾಗಣ ಕೂಡಾ ಅದಕ್ಕೆ ತಕ್ಕುದಾಗಿದೆ. ಈಗಾಗಲೇ ನಿರ್ದೇಶಕರಾಗಿ ಹೆಸರು ಮಾಡಿ, ಇತ್ತೀಚಿನ ದಿನಗಳಲ್ಲಿ ನಟನಾಗಿಯೂ ಸದ್ದು ಮಾಡುತ್ತಿರುವವರು ರಾಘ ಶಿವಮೊಗ್ಗ. ಅವರು ಈ ಚಿತ್ರದಲ್ಲಿ ಪಬ್ಲಿಶರ್ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಬೇಬಿ ಆರಾಧ್ಯ ವಿಜಯ್ ರಾಘವೇಂದ್ರರ ಮಗಳಾಗಿ ನಟಿಸಿದ್ದಾಳೆ. ಸುಜಿತ್ ಸುಪ್ರಭ, ಸ್ಟೀಫನ್ ಮತ್ತು ವಿನಯ್ ಕುಮಾರ್ ನೆಗೆಟೀವ್ ಶೇಡಿನ ಪಾತ್ರಗಳಲ್ಲಿ ಅಬ್ಬರಿಸಿದಾರಂತೆ. ಶ್ರೀ ಕ್ರೇಜಿ ಮೈಂಡ್ಸ್ ಛಾಯಾಗ್ರಹಣ, ಗೌತಮ್ ಮನು ಸಂಕಲನ, ಸ್ಟೀಫನ್ ಕೊರಿಯೋಗ್ರಫಿ ಹಾಗೂ ದುಷ್ಯಂತ್ ಕಲ ನಿರ್ದೇಶನ ಈ ಚಿತ್ರಕ್ಕಿದೆ.

ಒಂದಷ್ಟು ಮಹರತ್ತರವಾದ ಪ್ರಯೋಗಗಳೊಂದಿಗೆ ನಿರ್ದೇಶಕ ಸುಹಾಸ್ ಕೃಷ್ಣ ಈ ಚಿತ್ರವನ್ನು ರೂಪಿಸಿದ್ದಾರಂತೆ. ಕನ್ನಡದ ಮಟ್ಟಿಗೆ ಕೊಂಚ ಅಪರೂಪವಾಗಿರುವ ಪ್ಯಾರಲಲ್ ಮೆಥೆಡ್ಡಿನಲ್ಲಿ ಸ್ಕ್ರೀನ್‍ಪ್ಲೇ ಮಾಡಲಾಗಿದೆಯಂತೆ. ಹೀಗೆ ಕದ್ದಚಿತ್ರದ ಮೂಲಕ ಟಾಕ್ ಕ್ರಿಯೇಟ್ ಮಾಡಿರುವ ಸುಹಾಸ್ ಕೃಷ್ಣ ಈ ಮೂಲಕ ಸ್ವತಂತ್ರ ನಿರ್ದೇಶಕರಾಗಿದ್ದಾರೆ. ಎ ಎಸ್ ಮೂರ್ತಿ ಅವರ ರಂತರಂಗದಲ್ಲಿ ನಟನೆ, ನಿರ್ದೇಶನ ಸೇರಿದಂತೆ ಒಂದಷ್ಟು ಪಟ್ಟುಗಳನ್ನು ಕಲಿತುಕೊಂಡಿದ್ದವರು ಸುಹಾಸ್ ಕೃಷ್ಣ. ಹಾಗೆ ಮೂರ್ನಾಲಕ್ಕು ವರ್ಷಗಳ ಕಾಲ ರಂಗಭೂಮಿಯಲ್ಲಿ ಪಳಗಿಕೊಂಡು, ರವಿ ಶ್ರೀವತ್ಸ, ಸಾಯಿಕೃಷ್ಣ, ಅರವಿಂದ್ ಕೌಶಿಕ್, ರಾಘು ಶಿವಮೊಗ್ಗ ಮುಂತಾದವರ ಬಳಿ ಕೆಲಸ ಮಾಡುತ್ತಲೇ ಅನುಭವ ಗಿಟ್ಟಿಸಿಕೊಂಡಿದ್ದರು. ಆ ನಂತರ ಒಂದಷ್ಟು ಕಿರುಚಿತ್ರಗಳ್ನು ನಿರ್ದೇಶನ ಮಾಡಿ, ಕದ್ದ ಚಿತ್ರದ ಮೂಲಕ ಸ್ವತಂತ್ರ ನಿರ್ದೇಶಕರಾಗಿದ್ದಾರೆ.

The post kadda chitra: ರಂಗಭೂಮಿ ಹಿನ್ನೆಲೆಯ ಸುಹಾಸ್ ಈಗ ಸ್ವತಂತ್ರ ನಿರ್ದೇಶಕ! appeared first on Cini Shodha.

ಹಾಗೆ ನೋಡಿದರೆ, ವಿಜಯ್ ರಾಘವೇಂದ್ರ (vijay raghavendra) ಸೋಲು ಗೆಲುವಿನಚೆಗೆ ಪ್ರಯತ್ನವನ್ನು ಸದಾ ಚಾಲ್ತಿಯಲ್ಲಿಟ್ಟಿದ್ದಾರೆ. ಸಿನಿಮಾ ಸೋತರೂ ನಟನೆಯೆಂಬುದು ಪ್ರೇಕ್ಷಕರ ಮನಸಲ್ಲುಳಿಯುವಂಥಾ ಎಚ್ಚರವೊಂದನ್ನು ಸದಾ ಕಾಪಿಟ್ಟಕೊಂಡು ಬಂದಿದ್ದಾರೆ. ಅದರ ಫಲವಾಗಿಯೇ ಅವರು ನಟಿಸಿದ ಸಿನಿಮಾಗಳು ನಿರೀಕ್ಷಿತ ಗೆಲುವು ಕಾಣದಿದ್ದರೂ, ರಾಘುವಿನ ನಟನೆಗೆ ಮಾತ್ರ ಫುಲ್ ಮಾಕ್ರ್ಸ್ ಸಿಗುತ್ತಲೇ ಬಂದಿದೆ. ಇತ್ತೀಚಿನ ವರ್ಷಗಳಲ್ಲಿ ಭಿನ್ನ ಕಥೆ, ಪ್ರಯೋಗಾತ್ಮಕ ಪಾತ್ರಗಳಿಗೂ ಒಡ್ಡಿಕೊಂಡಿರುವ ರಾಘು ಒಂದಷ್ಟು ಚಾಲ್ತಿಯಲ್ಲಿದ್ದಾರೆ. ಅತ್ತ ಕಿರುತೆರೆಯ ರಿಯಾಲಿಟಿ ಶೋಗಳಲ್ಲಿ ಬ್ಯುಸಿಯಾಗುತ್ತೇ, ಇತ್ತ ಓ ಮನಸೇ ಚಿತ್ರವನ್ನವರು ಬಹುತೇಕ ಮುಗಿಸಿಕೊಂಡಿದ್ದಾರೆ.

ಅವರೇ ಹೇಳಿಕೊಂಡಿರುವ ಮಾತುಗಳನ್ನು ಆಧರಿಸಿ ಹೇಳೋದಾದರೆ, ಈ ಸಿನಿಮಾದ ಕಥೆ ಕೊಂಚ ವಿಶೇಷವಾಗಿದೆ. ತ್ರಿಕೋನ ಪ್ರೇಮ ಕಥೆಯನ್ನೊಳಗೊಂಡಿದ್ದರೂ ಶಿಕ್ಷಣ ವ್ಯವಸ್ಥೆಯ ಮೇಲೆ ಬೆಳಕು ಚೆಲ್ಲುವ ಸಾಮಾಜಿಕ ಕಾಳಜಿಯೂ ಈ ಕಥೆಯಲ್ಲಿ ಅಡಕವಾಗಿದೆಯಂತೆ. ತನ್ನ ಪಾತ್ರದ ಬಗ್ಗೆಯೂ ರಾಘವೇಂದ್ರ ಒಳಗೊಂದು ಖುಷಿ ಇದ್ದಂತಿದೆ. ಅಂದಹಾಗೆ, ಈ ಚಿತ್ರವನ್ನು ಉಮೇಶ್ ಗೌಡ ನಿರ್ದೇಶನ ಮಾಡಿದ್ದಾರೆ. ನಾಲ್ವರು ಗೆಣೆಕಾರರು ಸೇರಿಕೊಂಡು ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಯಾವ ಗೌಜು ಗದ್ದಲವೂ ಇಲ್ಲದೇ, ಸುಸೂತ್ರವಾಗಿ ಚಿತ್ರೀಕರಣ ಮುಗಿಸಿಕೊಂಡಿರುವ ಖುಷಿ ಚಿತ್ರತಂಡದಲ್ಲಿದೆ.

ಮತ್ತೊಂದು ವಿಶೇಷವೆಂದರೆ, ಈ ಚಿತ್ರದಲ್ಲಿ ಧರ್ಮ ಕೀರ್ತಿರಾಜ್ ಕೂಡಾ ನಾಯಕರಲ್ಲೊಬ್ಬರಾಗಿ ನಟಿಸಿದ್ದಾರೆ. ಕನ್ನಡ ಚಿತ್ರರಂಗ ಕಂಡ ಪ್ರತಿಭಾನ್ವಿತ ಕಲಾವಿದರಾದ ಕೀರ್ತಿರಾಜ್ ಪುತ್ರನಾದ ಧರ್ಮ ಕೂಡಾ ನತದೃಷ್ಟ ನಟ. ಯಾಕೆಂದರೆ, ಒಂದಷ್ಟು ಅವಕಾಶಗಳು ಸಿಕ್ಕರೂ ಕೂಡಾ ಅಂದುಕೊಂಡಂತೆ ಮಿಂಚಲು ಸಾಧ್ಯವಾಗಿಲ್ಲ. ಇದುವರೆಗೂ ಮಾಸ್ ಮೂಡಲ್ಲಿ ಹ್ಞೂಂಕರಿಸಿ ಮುಗ್ಗರಿಸಿರುವ ಧರ್ಮನ ಲಕ್ಕು ಈ ಸಿನಿಮಾ ಮೂಲಕವಾದರೂ ಕುದುರಬಹುದಾದ ಸಾಧ್ಯತೆಗಳಿದ್ದಾವೆ. ಇನ್ನುಳಿದಂತೆ ಬಹು ಕಾಲದಿಂದ ಚಿತ್ರರಂಗದಿಂದ ದೂರ ಉಳಿದಿದ್ದ ಸಂಚಿತಾ ಪಡುಕೋಣೆ ಈ ಚಿತ್ರದ ನಾಯಕಿ. ಹರೀಶ್ ರಾಯ್, ಶೋಭರಾಜ್, ಸಾಧ ಕೋಕಿಲಾ, ಕಿಲ್ಲರ್ ವೆಂಕಟೇಶ್, ರುಶಿಕ, ವಾಣಿಶ್ರೀ, ಜಯರಾಂ ಮುಂತಾದವರ ದೊಡ್ಡ ತಾರಾಗಣ ಈ ಚಿತ್ರದಲ್ಲಿದೆ.

The post o manase: ಮಾಸ್ ಮೂಡಲ್ಲಿ ಮುಗ್ಗರಿಸಿದ ಧರ್ಮನ ಕ್ಲಾಸ್ ಕಥನ! appeared first on Cini Shodha.