ಹರುಕು ಪರುಕು ಬಟ್ಟೆ ಧರಿಸಿ ಸುದ್ದಿಯಲ್ಲಿರುವ ಉರ್ಫಿ, ಇತ್ತೀಚಿನ ದಿನಗಳಲ್ಲಿ ದೇವಾಲಯ ದರ್ಶನದ ಮೂಲಕವೂ ಆಗಾಗ ಸುದ್ದಿ ಮಾಡುತ್ತಿರುತ್ತಾಳೆ. ಇದರ ಸುತ್ತ ಅನೇಕಾನೇಕ ರೂಮರುಗಳೂ ಹಬ್ಬಿಕೊಂಡಿವೆ. ಇತ್ತೀಚೆಗಂತೂ ಉರ್ಫಿ ಹಿಂದೂ ಯುವಕನನ್ನು ಪ್ರೀತಿಸುತ್ತಿದ್ದಾಳೆ, ಆದ್ದರಿಂದಲೇ ದೇವಸ್ಥಾನಗಳಿಗೆ ಪದೇ ಪದೆ ಭೇಟಿ ನೀಡುತ್ತಿದ್ದಾಳೆ ಎಂಬಂಥಾ ಸುದ್ದಿಗಳೂ ಕೂಡಾ ಹರಿದಾಡಿದ್ದವು. ಇದೀಗ ಅದಕ್ಕೆ ಪುಷ್ಟಿ ನೀಡುವಂಥಾ ವಿಚಾರವೊಂದು ಖುದ್ದು ಉರ್ಫಿಯ ಕಡೆಯಿಂದಲೇ ಜಾಹೀರಾಗಿದೆ. ಆ ವಿವರಗಳು ನಿಜಕ್ಕೂ ಅಚ್ಚರಿ ಪಡುವಂತಿವೆ.

ತನ್ನ ಮದುವೆ ಮ್ಯಾಟರಿನ ಬಗ್ಗೆ ಮುಕ್ತವಾಗಿ ಮಾತಾಡಿರುವ ಉರ್ಫಿ, ತಾನು ಯಾವ ಕಾರಣಕ್ಕೂ ಮುಸ್ಲಿಂ ಯುವಕನನ್ನು ಮದುವೆಯಾಗೋದಿಲ್ಲ ಎಂದಿದ್ದಾಳೆ. ಇದೇ ಹೊತ್ತಿನಲ್ಲಿ ತನಗೆ ಹಿಂದೂ ಧರ್ಮದ ಬಗೆಗಿರುವ ಆಸಕ್ತಿಯ ಬಗ್ಗೆಯೂ ಮಾತಾಡಿದ್ದಾಳೆ. ಹಾಗಾದರೆ, ಮುಸ್ಲಿಂ ಧರ್ಮಕ್ಕೆ ಸೇರಿರುವ ಉರ್ಫಿ ಏಕಾಏಕಿ ಹಿಂದೂ ಧರ್ಮದ ಬಗ್ಗೆ ಆಕರ್ಷಿತಳಾಗಲು ಕಾರಣವೇನು? ಇದರ ಹಿಂದಿರೋದು ಆಕೆಯ ಪ್ರೇಮ ಕಥನ ಮಾತ್ರವಾ? ಹೀಗೆ ನಾನಾ ಪ್ರಶ್ನೆಗಳು ಹುಟ್ಟಿಕೊಳ್ಳುತ್ತವೆ. ಉತ್ತರ ಹುಡುಕ ಹೋದರೆ, ಉರ್ಫಿಯ ಬದುಕಿನ ಒಂದಷ್ಟು ಸೂಕ್ಷ್ಮಗಳು ಜಾಹೀರಾಗುತ್ತವೆ.

ಉರ್ಫಿ ಕಟ್ಟರ್ ಮುಸಲ್ಮಾನ ಕುಟುಂಬದಲ್ಲಿ ಹುಟ್ಟಿ ಬೆಳೆದವಳು. ಆದರೆ, ಆಕೆ ಹದಿನೇಳು ವರ್ಷದವಳಿರುವಾಗ ತಂದೆ ಒಂದಿಡೀ ಸಂಸಾರವನ್ನು ತೊರೆದು ಹೋಗಿ ಬಿಟ್ಟಿದ್ದ. ಅದಕ್ಕೆ ತನ್ನ ಧರ್ಮದಲ್ಲಿರುವ ಕೆಲ ವಿಚಾರಗಳೇ ಕಾರಣ ಅಂತ ಆ ವಯಸ್ಸಿನಲ್ಲಿಯೇ ಉರ್ಫಿಗೆ ಮನವರಿಕೆಯಾಗಿತ್ತೋ ಏನೋ… ಅದರಿಂದಾಗಿಯೇ ಕಟ್ಟುಪಾಡುಗಳಿಗೆ ಸೆಡ್ಡು ಹೊಡೆಯುತ್ತಾ ಸಾಗಿ ಬಂದಿದ್ದಳು. ಆ ನಂತರ ಮಾಡೆಲಿಂಗ್, ಬಿಗ್ ಬಾಸ್ ಅಂತೆಲ್ಲ ಪ್ರವರ್ಧಮಾನಕ್ಕೆ ಬಂದಿದ್ದ ಉರ್ಫಿಯನ್ನು ನೋಡಿ ಅನೇಕರು ಉರಿದು ಬೀಳಲಾರಂಭಿಸಿದ್ದರು. ಸ್ವತಃ ಉರ್ಫಿಯೇ ಹೇಳಿಕೊಂಡಿರೋ ಪ್ರಕಾರ, ಹಾಗೆ ಉರಿದುಕೊಳ್ಳುತ್ತಿರುವವರಲ್ಲಿ ಹೆಚ್ಚಿನವರು ಮುಸ್ಲಿಮರಿದ್ದಾರಂತೆ.

ಹೀಗೆಲ್ಲ ಇರೋದರಿಂದಲೇ ಈ ಹುಡುಗಿಯನ್ನು ಹಿಂದೂ ಧರ್ಮ ಸೆಳೆದುಕೊಂಡಂತಿದೆ. ಆ ಬಗೆಗಿನ ಒಂದಷ್ಟು ವಿಚಾರಗಳನ್ನು ತಿಳಿದುಕೊಳ್ಳುತ್ತಾ ಬಂದಿರುವ ಉರ್ಫಿ ಈಗ, ಭಗವದ್ಗೀತೆ ಓದೋದರಲ್ಲಿ ತಲ್ಲೀನಳಾಗಿದ್ದಾಳಂತೆ. ಅತ್ತ ಅದೆಷ್ಟೇ ಆಘಾತಗಳಾದರೂ ಈಕೆಯ ತಾಯಿ ಮಾತ್ರ ಕರ್ಮಠ ಧರ್ಮ ಶ್ರದ್ಧೆ ಹೊಂದಿದ್ದಾರೆ. ಅದರ ಧಾರ್ಮಿಕ ಮುಖಂಡರಂತೂ ಆಗಾಗ ಉರ್ಫಿ ವಿರುದ್ಧ ಒಳಗೊಳಗೇ ಫತ್ವಾ ಹೊರಡಿಸುತ್ತಿದ್ದಾರೆ. ಇದೆಲ್ಲದರ ಬಗ್ಗೆ ತಲೆ ಕೆಡಿಸಿಕೊಳ್ಳದ ಉರ್ಫಿ ದಿನೇ ದಿನೆ ಹಿಂದೂ ಧರ್ಮದತ್ತ ವಾಲುತ್ತಿದ್ದಾಳೆ. ಒಂದು ವೇಳೆ ಆಕೆ ಹಿಂದೂ ಯುವಕನನ್ನು ಪ್ರೀತಿಸುತ್ತಿರೋದೇ ಹೌದಾದರೆ, ಇಷ್ಟರಲ್ಲೇ ಉರ್ಫಿ ಹಿಂದೂ ಧರ್ಮಕ್ಕೆ ಮತಾಂತರಗೊಂಡ ಸುದ್ದಿ ಜಾಹೀರಾದರೂ ಅಚ್ಚರಿಯೇನಿಲ್ಲ!

The post urfi javed: ಮುಸಲ್ಮಾನನನ್ನು ಮದುವೆಯಾಗಲೊಲ್ಲೆ ಅಂದಳು ಉರ್ಫಿ! appeared first on Cini Shodha.

ಅರೇ, ಉರ್ಫಿ ಮತ್ತು ರಾಜ್ ಕುಂದ್ರಾ ಇಬ್ಬರೂ ಮೂಲತಃ ಮಳ್ಳು ಗಿರಾಕಿಗಳೇ. ಅವರಿಬ್ಬರೂ ಮುಖಾಮುಖಿಯಾದದ್ದರಲ್ಲಿ ಏನು ವಿಶೇಷವಿದೆ ಅಂತೊಂದು ಪ್ರಶ್ನೆ ನಿಮ್ಮನ್ನೂ ಕಾಡಬಹುದು. ಬಹುಶಃ ಈ ಹಿಂದೆ ಉರ್ಫಿ ಮತ್ತು ರಾಜ್ ಕುಂದ್ರಾ ನಡುವೆ ಹೊತ್ತಿಕೊಂಡಿದ್ದ ತಣ್ಣಗಿನ ತಿಕ್ಕಾಟದ ಅರಿವಿರುವವರಿಗೆ ಈ ಮುಖಾಮುಖಿ ಕೊಂಚ ವಿಶೇಷ ಅನ್ನಿಸುತ್ತೆ. ಸದ್ಯಕ್ಕೆ ಈ ಮುಖಾಮುಖಿಯ ಘಳಿಗೆಯಲ್ಲಿ ಉರ್ಫಿ ಮತ್ತು ರಾಜ್ ಕುಂದ್ರಾರ ಅವತಾರಗಳಂತೂ ಸಾಮಾಜಿಕ ಜಾಲತಾಣದ ತುಂಬಾ ಸುದ್ದಿಯಾಗುತ್ತಿದೆ. ಒಮ್ಮೊಮ್ಮೆ ಬರೀ ಪುಟಗೋಸಿಯಲ್ಲಿಯೂ, ಮತ್ತೆ ಕೆಲವೊಮ್ಮೆ ಚಿತ್ರವಿಚಿತ್ರ ಬಟ್ಟೆ ಹಾಕುತ್ತಲೂ ಸುದ್ದಿಯಾಗುವಾಕೆ ಉರ್ಫಿ. ವಿಶೇಷವೆಂದರೆ, ಈ ಸಂದರ್ಭದಲ್ಲಿ ಆಕೆಯೂ ರಾಜ್ ಕುಂದ್ರಾನಂತೆಯೇ ಮುಖವನ್ನೆಲ್ಲ ಪ್ಯಾಕ್ ಮಾಡಿಕೊಂಡಿದ್ದಳು!

ರಾಜ್ ಕುಂದ್ರಾ ಪೋರ್ನ್ ಚಿತ್ರಗಳ ಕೇಸಿನಲ್ಲಿ ಜೈಲಿಗೆ ಹೋಗಿ ಬಂದ ನಂತರ ಸ್ಟಾಡಪ್ ಕಾಮಿಡಿಯನ್ನೂ ಮಾಡಲಾರಂಭಿಸಿದ್ದ. ಆ ಸಂದರ್ಭದಲ್ಲಿ ಆಗಾಗ ಉರ್ಫಿಯನ್ನೂ ಕಾಮಿಡಿ ಮಾಡಿ ಉರಿಸಲು ಶುರುವಿಟ್ಟುಕೊಂಡಿದ್ದ. ಇದೇ ಹೊತ್ತಿನಲ್ಲಿ `ರಾಜ್ ಕುಂದ್ರಾ ಯಾವ ಮುಖವಾಡ ಧರಿಸುತ್ತಾರೆ ಮತ್ತು ಉರ್ಫಿ ಜಾವೇದ್ ಯಾವ ಬಟ್ಟೆ ಧರಿಸೋದಿಲ್ಲ’ ಎಂಬುದರತ್ತ ಜನ ತಲೆ ಕೆಡಿಸಿಕೊಳ್ಳುತ್ತಿದ್ದಾರೆ ಎಂಬರ್ಥದಲ್ಲಿ ಮಾತಾಡಿದ್ದ. ಹೀಗೆ ತನ್ನನ್ನು ಪದೇ ಪದೆ ಆಡಿಕೊಳ್ಳುವ ರಾಜ್ ಕುಂದ್ರಾನನ್ನು ಉರ್ಫಿ ಪೋರ್ನ್ ಕಿಂಗ್ ಅಂತ ಕರೆದಿದ್ದಾಳೆ, ಆ ಮೂಲಕ ಟಾಂಗ್ ಕೊಟ್ಟಿದ್ದಾಳೆಂದು ಸುದ್ದಿಯಾಗಿತ್ತು.

ಇದೆಲ್ಲ ಆದ ನಂತರ ಮೊದಲ ಬಾರಿ ಸಾರ್ವಜನಿಕವಾಗಿ ಕುಂದ್ರಾ ಮತ್ತು ಉರ್ಫಿ ಮುಖಾಮುಖಿಯಾಗಿದ್ದಾರೆ. ಆ ಘಳಿಗೆಯಲ್ಲಿ ರಾಜ್ ಮುಖದ ತುಂಬಾ ಕವಚ ಧರಿಸಿದ್ದರೆ, ಉರ್ಫಿ ಮುಖವನ್ನು ಲೆದರ್ ಬಟ್ಟೆಯಿಂದ ಮುಚ್ಚಿಕೊಂಡ ಅವತಾರದಲ್ಲಿ ಕಾಣಿಸಿಕೊಂಡಿದ್ದಳು. ಕತ್ತಿನ ಕೆಳ ಭಾಗ ಮಾತ್ರ ಕಾಣುವಂತೆ, ಮಿಕ್ಕೆಲ್ಲವೂ ಮರೆಯಾಗುವಂಥಾ ಡಿಸೈನಿನ ಬಟ್ಟೆ ತೊಟ್ಟಿದ್ದಳು. ಒಂದು ಮೂಲದ ಪ್ರಕಾರ ಮೇಲು ನೋಟಕ್ಕೆ ಮುನಿಸಿಕೊಂಡಂತಾಡುವ ಉರ್ಫಿ ಮತ್ತು ಕುಂದ್ರಾ ಸದಾ ಸಂಪರ್ಕದಲ್ಲಿದ್ದಾರೆ. ಅವರಿಬ್ಬರೂ ಮಾತಾಡಿಕೊಂಡೇ ಮುಖಗವುಸು ಹಾಕಿಕೊಂಡ ಲುಕ್ಕಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಇದೂ ಕೂಡಾ ಪ್ರಚಾರದ ಗಿಮಿಕ್ ಎಂಬ ಆರೋಪಗಳು ಕೇಳಿ ಬರುತ್ತಿವೆ.

The post raj kundra-urfi fight: ವಿಚಿತ್ರ ಅವತಾರದಲ್ಲಿ ಎದುರುಬದುರಾದ ರಾಜ್ ಕುಂದ್ರಾ-ಉರ್ಫಿ ಜಾವೇದ್! appeared first on Cini Shodha.