ರಿಯಲ್ ಸ್ಟಾರ್ ಉಪ್ಪಿನ ನಟನೆಯ ತಾಕತ್ತೇನೆಂಬುದು ತೆಲುಗು ಪ್ರೇಕ್ಷಕರಿಗೆ ಈಗಾಗಲೇ ಅರ್ಥವಾಗಿದೆ. ಅತ್ಯಂತ ವಿಶಿಷ್ಟವಾದ ಪಾತ್ರಗಳಲ್ಲಿ ನಟಿಸುವ ಮೂಲಕ ಅವರತು ಈಗಾಗಲೇ ತೆಲುಗಿನಲ್ಲಿ ಬಹುಬೇಡಿಕೆಯನ್ನೂ ಸೃಷ್ಟಿಸಿಕೊಂಡಿದ್ದಾರೆ. ಉಪ್ಪಿಗಿರುವ ಅಂಥಾ ಜನಪ್ರಿಯತೆಯ ದೆಸೆಯಿಂದಲೇ ನಿರ್ದೇಶಕ ರಾಮ್ ಪೋತಿನೇನಿ ಆಂಧ್ರ ಕೀಮಗ್ ತಾಲೂಕದ ಪ್ರಧಾನ ಪಾತ್ರಕ್ಕೆ ಆಯ್ಕೆ ಮಾಡಿಕೊಂಡಿದ್ದರೆಂಬುದು ನಿರ್ವಿವಾದ. ಆದರೆ, ಈ ಸಿನಿಮಾ ನಿರೀಕ್ಷಿತ ಮಟ್ಟದಲ್ಲಿ ಯಶ ಕಾಣುವಲ್ಲಿ ಎರಡನೇ ವಾರದ ಅಂತ್ಯದ ಹೊತ್ತಿನಲ್ಲಿ ಹಿನ್ನಡೆ ಅನುಭವಿಸಿದೆ. ಇನ್ನೇನು ವಾರತದೊಪ್ಪತ್ತಿನಲ್ಲಿಯೇ ಎಲ್ಲ ಥಿಯೇಟರುಗಳಿಂದ ಎಗರಿಕೊಳ್ಳುವ ಅಪಾಯದಿಂದ ಬಾಲಯ್ಯನ ಅಖಂಡ ಈ ವಾರ ಮಟ್ಟಿಗೆ ಪಾರುಗಾಣಿಸಿದೆ.

Rashmika Mandanna: ಮುಗ್ಗರಿಸಿದರೂ ಸಾವರಿಸಿಕೊಂಡವಳ ಯಶದ ಓಟ!

ಸದರಿ ಸಿನಿಮಾ ಏದುಸಿರು ಬಿಡುತ್ತಾ ಮೊದಲ ವಾರ ದಾಟಿಕೊಳ್ಳುತ್ತಲೇ ಬಾಲಯ್ಯ ನಟಿಸಿರುವ ಅಖಂಡ೨ ಚಿತ್ರ ತೆರೆಗಾಣಲು ಸಜ್ಜಾಗಿತ್ತು. ಹೇಳಿಕೇಳಿ ಬಾಲಯ್ಯನ ಸಿನಿಮಾಗಳ ಆರಂಭ ಅದ್ದೂರಿಯಾಗಿರುತ್ತದೆ. ಅಖಂಡ ಮೊದಲ ಆವೃತ್ತಿ ಗೆದ್ದಿದ್ದರಿಂದಾಗಿ ಅದರ ಸೀಕ್ವೆಲ್ ಬಗ್ಗೆ ಸಹಜವಾಗಿಯೇ ಕುತೂಹಲವಿತ್ತು. ಒಂದು ವೇಳೆ ಅದು ನಿಗಧಿತ ದಿನಾಂಕದಂದೇ ಬಿಡುಗಡೆಯಾಗಿದ್ದರೆ ಆಂಧ್ರ ಕಿಂಗ್ ತಾಲೂಕಾ ಹೇಳ ಹೆಸರಿಲ್ಲದಂತಾಗುತ್ತಿತ್ತು. ಸದ್ಯ ಅಖಂಡ೨ ಬಿಡುಗಡೆ ದಿನಾಂಕ ಮುಂದಕ್ಕೆ ಹೋಗಿದೆ. ಈ ಕಾರಣದಿಂದಲೇ ಉಪ್ಪಿ ಸಿನಿಮಾಗೆ ಒಂದಷ್ಟು ಆಕ್ಸಿಜನ್ನು ಸಿಕ್ಕಂತಾಗಿದೆ. ರಾಮ್ ಪೋತಿನೇನಿ ನಿರ್ದೇಶನ ಮಾಡಿದ್ದ ಎರಡು ಸಿನಿಮಾಗಳು ಸೋಲು ಕಂಡಿದ್ದವು. ಅವುಗಳಿಗೆ ಹೋಲಿಸಿದರೆ ಆಂಧ್ರ ಕಿಂಗ್ ತಾಲೂಕಾ ಚೆಂದಗಿದೆ ಎಂಬಂಥಾ ಮಾತುಗಳು ಕೇಳಿ ಬರುತ್ತಿವೆ. ವಾರಾಂತ್ಯದಲ್ಲಿ ಚೇತರಿಸಿಕೊಂಡು, ಮುಂದಿನ ವಾರದ ಆರಂಭದಿಂದಲೇ ಒಳ್ಳೆ ಪ್ರದರ್ಶನ ಕಂಡರೆ ಆಂಧ್ರ ಕಿಂಗ್ ತಾಲೂಕ ಒಂದು ಮಟ್ಟದ ಗೆಲುವು ಕಾಣುವ ಸಾಧ್ಯತೆಗಳಿದ್ದಾವೆ!

Keywords: upendra, andhra king taluka, telugu movie, latest updates

The post Andhra King Taluka #1 Best Movie : ಬೆದರಿದ್ದ ಆಂಧ್ರ ಕಿಂಗ್‌ಗೆ `ಅಖಂಡ’ ಅಭಯ! appeared first on Cini Shodha.

ರವಿ ಬಿ ಗೌಡ ಈ ಸಿನಿಮಾವನ್ನು ನಿರ್ದೇಶನ ಮಾಡಿ, ನಾಯಕನಾಗಿಯೂ ನಟಿಸಿದ್ದಾರೆ. ಹೀಗೆ ಎರಡೆರಡು ಜವಾಬ್ದಾರಿಗಳನ್ನು ನಿಭಾಯಿಸಿರುವ ರವಿ ಬಿ ಗೌಡ ಇಲ್ಲಿ ಪ್ರಧಾನವಾಗಿ ಹೀರೋಯಿಸಂ ಮೂಲಕ ಒಂದೇ ಏಟಿಗೆ ನೆಲೆ ನಿಲ್ಲುವ ಉತ್ಸಾಹ ತೋರಿದ್ದಾರೆ. ಇಲ್ಲಿನ ಕಥೆ ಟ್ರೈಲರ್ ಕಂಡು ಬಂದಿದ್ದವರನ್ನು ಥ್ರಿಲ್ ಆಗಿಸುವಂತೆ ತೆರೆದುಕೊಳ್ಳುತ್ತೆ. ಕಾಲೇಜಿನ ಕ್ಲಾಸ್ ರೂಮಿಗೆ ಚಿಲಕ ಹಾಕಿಕೊಂಡು, ಬಿಡುಬೀಸಾಗಿ ನಾಯಕ ನಾಯಕಿ ಕಿಸ್ ಮಾಡಿಕೊಳ್ಳೋ ದೃಷ್ಯದೊಂದಿಗೆ ಸಿನಿಮಾ ಶುರುವಾಗುತ್ತೆ. ಆ ಬಳಿಕ ಎಲ್ಲಿಯೂ ನಿಧಾನಗತಿ ಆವರಿಸಿದಂತೆ ನೋಡಿಕೊಂಡಿರೋ ನಿರ್ದೇಶಕ, ಇಂಟರ್ವಲ್‌ಗೂ ಮುಂಚಿನ ಮುಕ್ಕಾಲು ಭಾಗವನ್ನು ಹೀರೋ ಮತ್ತು ಹೀರೋಯಿನ್ನುಗಳ ವೈಲ್ಡ್ ಮನಃಸ್ಥಿತಿ ಅರ್ಥ ಮಾಡಿಸಲೆಂದೇ ಮೀಸಲಿಟ್ಟಿದ್ದಾರೆ.

ಆ ನಂತರ ನಾನಾ ಕೊಂಬೆ ಕೋವೆಗಳೊಂದಿಗೆ, ತಿರುವುಗಳೊಂದಿಗೆ ಚಲಿಸೋ ಕಥೆ ಇಂಟರ್ವೆಲ್ಲಿನ ಟ್ವಿಸ್ಟ್ ಒಂದರ ನಂತರ ಮತ್ತಷ್ಟು ಆವೇಗದಿಂದ ಮುಂದುವರೆಯುತ್ತೆ. ಇದೇ ಹೊತ್ತಿನಲ್ಲಿ ಸಾಲು ಸಾಲಾಗಿ ಮದುವೆಯಾದ ಮಹಿಳೆಯರನ್ನು ಕೊಲೆ ಮಾಡುತ್ತಾ ಸಾಗೋ ಸೈಕೋ ಕಿಲ್ಲರ್‌ನತ್ತ ಕಥೆ ಹೊರಳಿಕೊಳ್ಳುತ್ತೆ. ಆ ಸೈಕೋ ಕಿಲ್ಲರ್ ಯಾರು? ಅವನೇಕೆ ಮದುವೆಯಾದ ನಂತರ ಗಂಡ ಮತ್ತು ಮನೆ ಮಂದಿಯನ್ನು ಕಾಡಿಸುವ ಮಹಿಳೆಯರನ್ನು ಮಾತ್ರವೇ ಹುಡುಕಿ ಕೊಲ್ಲುತ್ತಾನೆ? ಇಂಥಾ ಪ್ರಶ್ನೆಗಳಿಗೆ ಸಿನಿಮಾ ಮಂದಿರದಲ್ಲಷ್ಟೇ ಉತ್ತರ ಹುಡುಕೋದೊಳಿತು. ಪ್ರಧಾನವಾಗಿ, ನಿರ್ದೇಶಕ ರವಿ ಬಿ ಗೌಡ ತಾನು ಈ ಸಿನಿಮಾ ಮೂಲಕವೇ ಥೇಟು ವಿಜಯ್ ದೇವರಕೊಂಡನಂತೆ ಮಿಂಚುವ ಆಸೆ ಹೊಂದಿದ್ದಂತಿದೆ. ಅದೇ ಭರದಲ್ಲಿ ಷದೃಷ್ಯ ಕಟ್ಟುತ್ತಾ ಸಾಗಿರುವ ರವಿ, ಹೀರೋಗಿರಿ, ಬಿಲ್ಡಪ್ಪಿನ ಭರಾಟೆಯಲ್ಲಿ ನಿರ್ದೇಶನದ ಕುಸುರಿಯನ್ನೇ ಆಯಕಟ್ಟಿನ ಜಾಗಗಳಲ್ಲಿ ಮರೆತು ಬಿಟ್ಟಿದ್ದಾರೆ. ಅದುವೇ ಈ ಸಿನಿಮಾವನ್ನು ಆವರೇಜಿನ ಮಟ್ಟ ಮುಟ್ಟಲೂ ಆಗದಂತೆ ತಡೆದು ಬಿಟ್ಟಿದೆ.

ಒಟ್ಟಾರೆ ಸಿನಿಮಾದುದ್ದಕ್ಕು ಅರ್ಜುನ್ ರೆಡ್ಡಿ ಛಾಠಯೆಯಿದೆ. ರವಿ ಉಪ್ಪಿ ಗರಡಿಯಲ್ಲಿ ಪಳಗಿದ್‌ದರಿಂದಾಗಿಯೇ ಉಪೇಂದ್ರರ ಎ ಸಿನಿಮಾದ ಛಾಯೆ ಡೈಲಾಗುಗಳಲ್ಲಿ, ರವಿಯ ನಟನೆಯಲ್ಲಿ ಕಾಣಿಸುತ್ತೆ. ರವಿ ಮೊದಲ ಸಿನಿಮಾದಲ್ಲಿಯೇ ನಾಯಕನಾಗಿ, ಅಭಿನಯದ ಮೂಲಕ ಗೆದ್ದಿದ್ದಾರೆ. ಆದರೆ ನಿರ್ದೇಶಕನಾಗಿ ಸೋತು ಬಿಟ್ಟಿದ್ದಾರೆ. ಇಡೀ ಕಥೆಯ ಮುಖ್ಯ ಬಿಂದುವಿಗೆ ತಲುಪೋದಕ್ಕೀತ ಭರ್ತಿ ಎರಡು ಗಂಟೆ ವ್ಯಯಿಸಿದ್ದಾರೆ. ಆದರೆ, ಒಂದಷ್ಟು ಕೊರತೆಗಳ ಮೂಲಕ ಅದು ವ್ಯರ್ಥವೆಂಬ ಭಾವ ಪ್ರೇಕ್ಷಕರನ್ನು ಮುತ್ತಿಕೊಳ್ಳುತ್ತೆ. ಇದರಾಚೆಗೆ ಈವತ್ತಿನ ಸಮಾಜದಲ್ಲಿ ಕೆಲ ಹೆಣ್ಣುಮಕ್ಕಳು ಕೌಟುಂಬಿಕ ದೌರ್ಜನ್ಯದ ಕಾನೂನನ್ನು ದುರ್ಭಳಕೆ ಮಾಡಿಕೊಳ್ಳೋದರ ವಿರುದ್ಧ ಸಮರ್ಥ ಸಂದೇಶ ದಾಟಿಸಿದ್ದಾರೆ. ಅಷ್ಟರ ಮಟ್ಟಿಗೆ ಈ ಚಿತ್ರ ಸಾರ್ಥಕ್ಯ ಕಂಡಿದೆ.

ಇನ್ನುಳಿದಂತೆ ಅಜನೀಶ್ ಲೋಕನಾಥ್ ಈ ಚಿತ್ರದ ಸಂಗೀತ ನಿರ್ದೇಶಕನಾಗಿ ಕಾರ್ಯನಿರ್ವಹಿಸಿದ್ದಾರೆ. ಕಾಂತಾರ ಮೂಲಕ ವಿಶ್ವ ಮಟ್ಟದಲ್ಲಿ ಗಮನ ಸೆಳೆದಿರುವವರು ಅಜನೀಶ್. ಆದರೆ, ಈ ಚಿತ್ರಕ್ಕೆ ಮಾತ್ರ ಅವರು ತೀರಾ ಬುರ್ನಾಸು ಸಂಗೀತ ಕೊಟ್ಟಿದ್ದಾರೆ. ಯಾವ ಹಾಡುಗಳೂ ಚೆಂದಗಿಲ್ಲ. ಹಿನ್ನೆಲೆ ಸಂಗೀತವೂ ಕಳಪೆ. ಒಂದು ಸಿನಿಮಾ ಒಪ್ಪಿಕೊಂಡ ಮೇಲೆ ಅದಕ್ಕೆ ಪ್ರಾಮಾಣಿಕವಾಗಿ ನ್ಯಾಯ ಒದಗಿಸಬೇಕೆಂಬ ವೃತ್ತಿ ಧರ್ಮವನ್ನೇ ಅಜನೀಶ್ ಮರೆತಂತಿದೆ. ಇನ್ನುಳಿದಂತೆ ರವಿ ಬಿ ಗೌಡ ಸೇರಿದಂತೆ, ನಾಯಕಿ ವಿಜೇತಾ ಫರೀಕ್, ರವಿಶಂಕರ್, ಅವಿನಾಶ್, ಅರುಣಾ ಬಾಲರಾಜ್ ಮುಂತಾದವರು ತಂತಮ್ಮ ಪಾತ್ರವನ್ನು ಆವಾಹಿಸಿಕೊಂಡು ನಟಿಸಿದ್ದಾರೆ. ಆದರೆ, ನಿರ್ದೇಶಕನಾಗಿ ಒಂದೊಳ್ಳೆ ಕಥೆ ಕೈಗೆತ್ತಿಕೊಂಡಿದ್ದ ರವಿ ಅದರಲ್ಲಿ ಸೋತಿದ್ದಾರೆ. ಈ ಕಾರಣದಿಂದಲೇ ಒಂದು ಮಟ್ಟ ಮುಟ್ಟಬಹುದಾಗಿದ್ದ ಐ ಯಾಮ್ ಗಾಡ್ ಆ ಅವಕಾಶದಿಂದ ವಂಚಿತವಾಗಿದೆ!

The post I Am God Movie Review: ಕೌಟುಂಬಿಕ ದುರಂತಕ್ಕೆ ಕನ್ನಡಿಯಾದ ಕಥೆ! appeared first on Cini Shodha.

ಕನ್ನಡದ ಮಟ್ಟಿಗೆ ಹೇಳೋದಾದರೆ, ಒಂದಷ್ಟು ಮಂದಿ ಸನ್ನಿಯನ್ನು ಕರೆತಂದು, ಆಕೆಯನ್ನು ಕುಣಿಸಿ ಮೈಲೇಜು ಗಿಟ್ಟಿಸಿಕೊಳ್ಳಲು ಅನೇಕರು ಶತಾಯಗತಾಯ ಪ್ರಯತ್ನಿಸಿದ್ದುಂಟು. ಬಜೆಟ್ಟಿನ ಮಿತಿಯೂ ಸೇರಿದಂತೆ ಂಷು ಕಾರಣಗಳಿಂದಾಗಿ ಅದು ಕನಸಾಗಿಯೇ ಳಿದುಕೊಂಡಿತ್ತು. ಅದರಲ್ಲಿ ಯಶ ಕಂಡಿದ್ದು ಶೋ ಮ್ಯಾನ್ ಪ್ರೇಮ್ಸ್ ಒಬ್ಬರೇ. ಸನ್ನಿಯನ್ನು ಕನ್ನಡಕ್ಕೆ ಕರೆತಂದ ಪ್ರೇಮ್ ಆಕೆಯೊಂದಿಗೆ ಕುಣಿದು ಕುಪ್ಪಳಿಸಿ ಪಡ್ಡೆಹೈಕಳನ್ನು ಸಂತೃಪ್ತಗೊಳಿಸಿದ್ದರು. ಇದೆಲ್ಲದರಾಚೆಗೂ ಆಕೆಯನ್ನು ಒಂದು ಹಾಡಿಗಾದರೂ ಕರೆತರುವ ಪ್ರಯತ್ನ ಇಂದಿಗೂ ಚಾಲ್ತಿಯಲ್ಲಿದೆ. ಹೀಗಿರುವಾಗಲೇ, ಸನ್ನಿ ಯುಐ ಸಿನಿಮಾ ಮೂಲಕ ಮತ್ತೆ ಕನ್ನಡಕ್ಕೆ ಆಗಮಿಸುವ ಸಾಧ್ಯತೆಗಳಿವೆ.

ಇತ್ತೀಚೆಗಷ್ಟೇ ಉಪ್ಪಿ ಯುಐ ಚಿತ್ರದ ಕೆಲಸ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿಕರುವ ಸುದ್ದಿ ಹೊರಬಂದಿತ್ತು. ಖುದ್ದು ಉಪ್ಪಿಯೇ ಬಾಜಿನಲ್ಲಿ ಕೂತು ಎಡಿಟಿಂಗ್ ಮಾಡಿಸುತ್ತಿದ್ದ ವೀಡಿಯೋ ಒಂದು ವೈರಲ್ ಆಗಿಬಿಟ್ಟಿತ್ತು. ಈ ಸಿನಿಮಾದ ಸಾಂಗುಗಳನ್ನೂ ಕೂಡಾ ಸ್ಪೆಷಲ್ ಆಗಿರುವಂತ ಉಪ್ಪಿ ನೋಡಿಕೊಳ್ಳುತ್ತಿದ್ದಾರೆ. ಸಂಗೀತ ನಿರ್ದೇಶಕ ಅನೀಶ್ ಲೋಕನಾಥ್ ಈಗಾಗಲೇ ಒಂದು ಐಟಂ ಸಾಂಗ್ ಅನ್ನು ರೆಡಿ ಮಾಡಿಕೊಂಡಿದ್ದಾರಂತೆ. ಅದರಲ್ಲಿ ಸನ್ನಿಪಯೇ ಮೈ ಬಳುಕಿಸಿದರೆ ಚೆನ್ನಾಗಿರುತ್ತದೆಂಬ ತೀರ್ಮಾನಕ್ಕೆ ಉಪ್ಪಿ ಬಂದಂತಿದೆ. ಚಿತ್ರ ತಂಡದ ಒಲವೂ ಕೂಡಾ ಸನ್ನಿಯ ಮೇಲಿದೆ. ನಿರ್ಮಾಪಕ ಕೆ ಪಿ ಶ್ರೀಕಾಂತ್ ನಿರ್ಧರಿಸಿದರಾದರೆ, ಸನ್ನಿ ಉಪ್ಪಿ ಜೊತೆ ಡ್ಯಾನ್ಸು ಮಾಡೋದು ಪಕ್ಕಾ. ಈ ಬಗೆಗಿನ ಸುದ್ದಿ ಸದ್ಯದಲ್ಲಿಯೇ ಜಾಹೀರಾಗಲಿದೆ.

The post sunny leone: ಉಪ್ಪಿ ಜೊತೆ ಹೆಜ್ಜೆ ಹಾಕೋ ಮುನ್ಸೂಚನೆ! appeared first on Cini Shodha.

ನಿಮಿಕಾ ಮೂಲತಃ ಮಂದಳೂರಿನ ಹುಡುಗಿ. ವೃತ್ತಿಯಲ್ಲಿ ಇಂಜಿನಿಯರ್ ಆಗಿದ್ದವರು. ಶಾಲಾ ಕಾಲೇಜು ದಿನಗಳಲ್ಲಿಯೇ ಗಾಯನದಲ್ಲಿ ಆಸಕ್ತಿ ಹಿಒಂದಿದ್ದ ನಿಮಿಕಾ ಪಾಲಿಗೆ, ಆ ಕಾಲಕ್ಕೆ ಸಿಂಗರ್ ಆಗಬೇಕೆಂಬ ಮಹದಾಸೆ ಇತ್ತಂತೆ. ಆದರೆ, ಬದುಕಿನ ಸೆಳವಿಗೆ ಸಿಕ್ಕು ಇಂಜನಿಯರ್ ಆದ ಮೇಲೂ ಕೂಡಾ, ಆ ದಿಕ್ಕಿನಲ್ಲಿ ಪ್ರಯತ್ನ ಸದಾ ಚಾಲ್ತಿಯಲ್ಲಿತ್ತು. ಅದರ ಭಾಗವಾಗಿಯೇ ನಿಮಿಕಾ `ಮದಿಪು’ ಅಂತೊಂದು ತುಳು ಚಿತ್ರಕ್ಕೊಂದು ಹಾಡು ಹಾಡಿದ್ದರು. ಅದಾದ ಬಳಿಕ ನಟನೆಯತ್ತ ಆಸಕ್ತಿ ಬೆಳೇಸಿಕೊಂಡಿದ್ದ ನಿಮಿಕಾ, ರಾಮಧಾನ್ಯ ಎಂಬ ಚಿತ್ರದ ಮೂಲಕ ನಾಯಕಿಯಾಗಿ ಎಂಟ್ರಿ ಕೊಟ್ಟಿದ್ದರು. ಇದೇ ಹಾದಿಯಲ್ಲಿ ಅಚ್ಚರಿಯಂತೆ ಅವರನ್ನೆದುರುಗೊಂಡಿದ್ದದ್ದು ಕ್ರಾಂತಿ ಚಿತ್ರದ ಪುಷ್ಪವತಿ ಹಾಡಿನಲ್ಲಿ ದರ್ಶನ್ ಜೊತೆ ಕುಣಿಯುವ ಅವಕಾಶ!

ಆ ಹಾಡಂತೂ ನಿಮಿಕಾಗೆ ಇನ್ನಿಲ್ಲದಂತೆ ಪ್ರಚಾರ ತಂದುಕೊಟ್ಟಿದೆ. ದರ್ಶನ್ ಅಭಿಮಾನಿಗಳ ಅಮೋಘವಾದ ಪ್ರೀತಿಯೂ ದಕ್ಕಿದೆ. ಅಂಥಾ ಅಭಿಮಾನಿ ಬಳಗವಿಂದು ನಿಮಿಕಾರ ಮನೆಗಾಗಮಿಸಿ ಶುಭ ಕೋರಿದೆ. ನೆಚ್ಚಿನ ನಟಿಯೊಂದಿಗೆ ಸೆಲ್ಫಿ ತೆಗೆದುಕೊಂಡು ಸಂಭ್ರಮಿಸಿದೆ. ಈ ಹುಟ್ಟುಹಬ್ಬದ ವಾತಾವರಣದಲ್ಲಿಯೇ ರಿಯಲ್ ಸ್ಟಾರ್ ಉಪೇಂದ್ರ ಜೊತೆಗಿನ ತ್ರಿಶೂಲಂ ಚಿತ್ರ ಚಿತ್ರೀಕರಣ ಮುಗಿಸಿಕೊಂಡಿರುವ ಖುಷಿಯೂ ನಮಿಕಾರ ಜೊತಗೂಡಿದೆ. ಸದ್ಯದ ಮಟ್ಟಿಗೆ ತ್ರಿಶೂಲಂ ಬಗ್ಗೆ ನಿಮಿಕಾ ಅಗಾಧ ನಿರೀಕ್ಷೆಯಿಟ್ಟುಕೊಂಡಿದ್ದಾರೆ. ಓಂಪ್ರಕಾಶ್ ರಾವ್ ನಿರ್ದೇಶನದ ಈ ಸಿನಿಮಾ ಒಂದಷ್ಟು ಚೆಂದದ ಅನುಭವಗಳನ್ನು ಕೊಡಮಾಡಿದೆ. ಆರಂಭದಿಂದಲೂ ರವಿಚಂದ್ರನ್ ಅವರ ಸಿನಿಮಾಗಳನ್ನು ನೋಡುತ್ತಾ, ಅವರನ್ನು ಆರಾಧಿಕಸುತ್ತಾ ಬೆಳೆದು ಬಂದವರು ನಿಮಿಕಾ. ತ್ರಿಶೂಲಂ ಚಿತ್ರದಲ್ಲಿ ಅದೇ ರವಿಮಾಮಾ ಜೊತೆ ತೆರೆಹಂಚಿಕೊಳ್ಳುವ ಸುಯೋಗ ಕೂಡಿ ಬಂದಿರೋದು ಆಕೆಯನ್ನು ಥ್ರಿಲ್ ಆಗಿಸಿದೆ.

ಶೇಕ್ ಇಟ್ ಪುಷ್ಪವತಿ ಹಾಡಿನ ಕಾರಣದಿಂದ ಕರ್ನಾಟಕದ ಕ್ರಶ್ ಆಗಿಯೂ ನಿಮಿಕಾ ರತ್ನಾಕರ್ ಪ್ರಸಿದ್ಧಿ ಪಡೆದುಕೊಂಡಿದ್ದರು. ತ್ರಿಶೂಲಂ ನಂತರದಲ್ಲಿ ಆ ಯಶದ ಪ್ರಭೆ ಮತ್ತಷ್ಟು ಪ್ರಜ್ವಲಿಸಬಹುದೆಂಬ ನಿರೀಕ್ಷೆ ನಿಮಿಕಾರಲ್ಲಿದೆ. ನಟನೆ ಎಂದ ಮೇಲೆ ಕಲೆಕೆ ಎಂಬುದು ನಿರಂತರ. ತ್ರ್ರಿಶೂಲಂ ಚಿತ್ರದಲ್ಲಿ ಓಂಪ್ರಕಾಶ್ ರಾವ್, ರವಿಚಂದ್ರನ್, ಉಪೇಂದ್ರ, ಸಾಧು ಕೋಕಿಲಾರಂಥಾ ನಿರ್ದೇಶಕರ ನಿರ್ದೇಶನವೂ ನಿಮಿಕಾಗೆ ಸಿಕ್ಕಿದೆ. ಅವರ ಕಡೆಯಿಂದಬಂದ ಸಲಹೆ ಸೂಚನೆಗಳನ್ನು ಅಳವಡಿಸಿಕೊಂಡು ಚೆಂದಗೆ ನಟಿಸಿರುವ ಖುಷಿಯೂ ಅವರಲ್ಲಿದೆ. ಕಡಲ ತಡಿಯಿಂದ ಬಂದು, ಕನ್ನಡವೂ ಸೇರಿದಂತೆ ಬಾಲಿವುಡ್ ಮಟ್ಟದಲ್ಲಿ ನೆಲ ಕಡುಕೊಂಡ ಅನೇಕ ನಟ ನಟಿಯರಿದ್ದಾರೆ. ಆ ಸಾಲಿಗೆ ನಿಮಿಕಾ ಕೂಡಾ ಸೇರಿಕೊಳ್ಳುವಂತಾಗಲೆಂಬುದು ಹಾರೈಕೆ!

The post nimika ratnakar: ಕ್ರಾಂತಿಯ ಪುಷ್ಪವತಿಗೆ ಹುಟ್ಟುಹಬ್ಬದ ಸಂಭ್ರಮ! appeared first on Cini Shodha.