ಇತ್ತೀಚೆಗೆ ತೆರೆಗಂಡಿದ್ದ ಬೇಬಿ ಚಿತ್ರದಲ್ಲಿ ವಿಜಯ್ ದೇವರಕೊಂಡನ ಸಹೋದರ ಆನಂದ್ ದೇವರಕೊಂಡನೊಂದಿಗೆ ವೈಷ್ಣವಿ ತೆರೆ ಹಂಚಿಕೊಂಡಿದ್ದಳು. ವಿಜಯ್ ದೇವರಕೊಂಡ ಇದೀಗ ತೆಲುಗಿನ ಸ್ಟಾರ್ ನಟನೆನ್ನಿಸಿಕೊಂಡಿದ್ದಾನೆ. ಆತನ ತಮ್ಮ ಏಕಾಏಕಿ ನಾಯಕನಾದಾಗ ಒಂದಷ್ಟು ಅಪಸ್ವರಗಳು ಕೇಳಿ ಬಂದಿದ್ದವು. ನಮ್ಮ ಗೋಲ್ಡನ್ ಸ್ಟಾರ್ ಗಣೇಶನ ತಮ್ಮ ಮಹೇಶನಂತೆಯೇ ಆನಂದ ಕೂಡಾ ಹಳ್ಳ ಹಿಡಿಯಬಹುದಾ ಎಂಬಂಥಾ ವಿಶ್ಲೇಷಣೆ ಕನ್ನಡದ ತೆಲುಗು ಸಿನಿಮಾಭಿಮಾನಿಗಳ ನಡುವೆ ಚರ್ಚೆ ನಡೆದಿತ್ತು. ಆದರೆ ಅಚ್ಚರಿದಾಯಕವಾಗಿ ಬೇಬಿ ಚಿತ್ರ ಸೂಪರ್ ಹಿಟ್ ಆಗಿದೆ. ಗಂಡು ಜನ್ಮಕ್ಕೆ ಸಲೀಸಾಗಿ ಕೈಯೆತ್ತಿ ಬಿಡುವ ಹೆಣ್ಣು ಮಗಳೊಬ್ಬಳ ಕಥೆ ಹೊಂದಿದ್ದ ಆ ಚಿತ್ರ ಯುವಕರಿಗೆ ಹತ್ತಿರಾಗಿದೆ.

ಆ ಇತ್ರದ ನಾಯಕಿಯಾಗಿ ವೈಷ್ಣವಿ ನಟಿಸಿದ ರೀತಿಯೂ ಚೆನ್ನಾಗಿತ್ತು. ಕ್ಯೂಟ್ ಆಗಿರುವ, ನಟನೆ ನೃತ್ಯ ಸೇರಿದಂತೆ ಎಲ್ಲದರಲ್ಲಿಯೂ ಪಾರಂಗತೆಯಾಗಿರುವ ವೈಷ್ಣವಿಯ ಭಾಗ್ಯದ ಬಾಗಿಲು ತೆರೆಯಿತೆಂದೇ ಎಲ್ಲರಿಗೂ ಅನ್ನಿಸಿತ್ತು. ಸಾಮಾನ್ಯವಾಗಿ, ಇಂಥಾ ಹಿಟ್ ಸಿನಿಮಾ ತೆರೆಗಂಡ ನಂತರ ನಾಯಕ ನಾಯಕಿಯ ಮುಂದೆ ಅವಕಾಶದ ಸಂತ ನೆರೆಯುತ್ತೆ. ಆದರ ವೈಷ್ಣವಿ ಪಾಲಿಗೆ ಆ ಭಾಗ್ಯವಿಲ್ಲ. ಆಕೆ ಈ ಕ್ಷಣಕ್ಕೂ ಅವಕಾಶವಿಲ್ಲದೆ ಖಾಲಿ ಊತಿದ್ದಾಳೆಂಬ ಮಾತಿದೆ. ಕನ್ನಡದಿಂದ ಹೋದ ರಶ್ಮಿಕಾ ಮಂದಣ್ಣ, ಶ್ರೀಲೀಲಾ, ಕೃತಿ ಶೆಟ್ಟಿ ಮುಂತಾದವರು ಒಂದರ ಹಿಂದೊಂದರಂತೆ ಅವಕಾಶ ಗಿಟ್ಟಿಸಿಕೊಳ್ಳುತ್ತಿದ್ದಾರೆ. ಆದರೆ, ಅವರೆಲ್ಲರ ಸಮಕಾಲೀನಳಾದ ವೈಷ್ಣವಿ ಮಾತ್ರ ಅವಕಾಶಗಳತ್ತ ಆಸೆಗಣ್ಣಿನಿಂದ ದಿಟ್ಟಿಸುವಂತಾಗಿದೆ. ಇದು ದುರಂತವಲ್ಲದೆ ಮತ್ತಿನ್ನೇನು?

The post vaishnavi chaitanya: ಬೇಬಿ ಹೀರೋಯಿನ್ ವೈಷ್ಣವಿಗೆ ಯಾಕಿಂಥಾ ಆಘಾತ? appeared first on Cini Shodha.

ಇನ್ನೇನು ಕನ್ನಡದಲ್ಲಿ ಈಕೆ ಮುಖ್ಯ ನಾಯಕಿಯಾಗಿ ನೆಲೆ ಕಂಡುಕೊಳ್ಳೋದು ಗ್ಯಾರೆಂಟಿ ಅಂತಲೇ ಅನೇಕರು ಅಂದುಕೊಂಡಿದ್ದರು. ವಿರಾಟ್‍ಗೆ (virat) ಜೋಡಿಯಾಗಿ ಕಾಣಿಸಿಕೊಂಡಿದ್ದ ಈ ಹುಡುಗಿ ಮಾಡಿದ್ದ ಮೋಡಿ ಸಾಮಾನ್ಯದ್ದೇನಲ್ಲ. ಆದರೆ ಲತ್ತೆ ಆಸಾಮಿ (dhanveer) ಧನ್ವೀರನೊಂದಿಗೆ ಬೈ ಟು ಲವ್ ಎಂಬ ಸಿನಿಮಾದಲ್ಲಿ ನಟಿಸಿದಳು ನೋಡಿ? ಆಕೆಯ ಸುತ್ತಾ ನಾನಾ ಪಲ್ಲಟಗಳು ಜರುಗಲಾರಂಭಿಸಿದ್ದವು. ಅದ್ಯಾರು ಹಬ್ಬಿಸಿದರೋ ಗೊತ್ತಿಲ್ಲ; ಒಂದಷ್ಟು ಕಾಲ ಶ್ರೀ ಲೀಲಾ ಮತ್ತು ಧನ್ವೀರ್ ಲವ್ವಲ್ಲಿ ಬಿದ್ದಿದ್ದಾರೆ ಎಂಬಲ್ಲಿಯವರೆಗೂ ರೂಮರುಗಳು ಹಬ್ಬಿಕೊಂಡಿದ್ದವು. ಅದರ ಬೆನ್ನಲ್ಲಿಯೇ ಶುರುವಾಗಿದ್ದು ಹಲ್ಲಿನ ಡಾಕ್ಟರ್ ಸ್ವರ್ಣಲತಾಳ ಪುಡಿ ರೌಡಿಗಿರಿ. ಅಂದಹಾಗೆ, ಈ ಸ್ವರ್ಣಲತಾ ಬಳುಕೋ ಬಳ್ಳಿ ಶ್ರೀಲೀಲಾಳ ಸ್ವಂತ ಅಮ್ಮ!

ಹಲ್ಲಿನ ಡಾಕ್ಟರ್ ಆಗಿದ್ದುಕೊಂಡು, ಮಗಳನ್ನೂ ಡಾಕ್ಟರ್ ಮಾಡೋ ಕನಸು ಹೊತ್ತಿದ್ದಾಕೆ ಸ್ವರ್ಣಲತಾ. ಸಿನಿಮಾ ಒಪ್ಪಿಕೊಳ್ಳುವಾಗ, ಮಗಳ ಇಂಟರ್‍ವ್ಯೂ ಮುಂತಾದ ಚಟುವಟಿಕೆಗಳಲ್ಲಿಯೂ ತಾನ ಮಧ್ಯವರ್ತಿಯಾಗಿ ನಿಂತು ಶ್ರೀಲೀಲಾಳನ್ನು ಜತನದಿಂದ ಕಾಪಾಡುತ್ತಿದ್ದಾಕೆ ಸ್ವರ್ಣಲತಾ. ಇಂಥಾ ಹೆಂಗಸಿಗೆ ಅದ್ಯಾತರ ಪಿತ್ಥ ಕೆದರಿಕೊಂಡಿತೋ ಗೊತ್ತಿಲ್ಲ; ಆಕೆ ಏಕಾಏಕಿ ಅಲಯನ್ಸ್ ವಿಶ್ವವಿದ್ಯಾಲಯದ ಸಂಸ್ಥಾಪಕ ಕಂ ಕಚ್ಚೆಹರುಕ ಮಧುಕರ ಅಂಗೂರನೊಂದಿಗೆ ಠಳಾಯಿಸಲಾರಂಭಿಸಿದ್ದಳು. ಅಂಗೂರನ ಫ್ಯಾಮಿಲಿ ಕದನದಲ್ಲಿ ಎಂಟಿ ಕೊಟ್ಟು ಅದೊಂದು ದಿನ ವೀರಾಗ್ರಣಿಯಂತೆ ವಿವಿಗೆ ನುಗ್ಗಿ ತನ್ನ ಮಾನವನ್ನು ತಾನೇ ಹರಾಜು ಹಾಕಿಕೊಂಡಿದ್ದಳು. ಈ ಸಂಬಂಧವಾಗಿ ಕೇಸು ಜಡಿಸಿಕೊಳ್ಳುತ್ತಲೇ ಮಾಧ್ಯಮಗಳ ಸುದ್ದಿಗೂ ಆಹಾರವಾಗಿದ್ದಳು.

ಹಾಗೆ ಸ್ವರ್ಣಲತಾ ರೌಡಿಗಿರಿ ಪ್ರದರ್ಶಿಸಿ ತಗುಲಿಕೊಳ್ಳುತ್ತಲೇ, ಆಕೆಯನ್ನು ಮೀಡಿಯಾ ಮಂದಿ ಗುರುತಿಸಿದ್ದು ಶ್ರೀಲೀಲಾಳ ಹೆಸರಿನಿಂದಲೇ. ಒಂದು ಮೂಲದ ಪ್ರಕಾರ ಸೂಕ್ಷ್ಮ ಮನಸಿನ ಶ್ರೀಲೀಲಾ ಅಮ್ಮನ ಅವಾಂತರದಿಂದ ರೋಸತ್ತು ಹೋಗಿದ್ದಳು. ತನ್ನ ಸುತ್ತ ಹಬ್ಬಿಕೊಳ್ಳುತ್ತಿರುವ ಸುದ್ದಿ ಕಂಡು ಮರುಗಿದ್ದಳು. ಆ ಹೊತ್ತಿಗಾಗಲೇ ತೆಲುಗು ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ದಳಲ್ಲಾ? ಸದ್ಯಕ್ಕೆ ತೆಲುಗಿನಲ್ಲಿಯೇ ಹಾಯಾಗಿರುವ ತೀರ್ಮಾನವನ್ನು ಶ್ರೀಲೀಲಾ ತೆಗೆದುಕೊಂಡಂತಿದೆ. ಇದೀಗ ಅಲ್ಲಿ ಈಕೆ ಅದೆಂಥಾ ಬೇಡಿಕೆ ಹೊಂದಿದ್ದಾಳೆಂದರೆ, ಏಕಕಾಲದಲ್ಲಿಯೇ ಏಳೆಂಟು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾಳೆ. ಪ್ರಿನ್ಸ್ ಮಹೇಶ್‍ಗೂ ಸದ್ಯದಲ್ಲಿಯೇ ಜೋಡಿಯಾಗಲಿದ್ದಾಳೆಂಬ ಮಾತುಗಳೂ ಕೇಳಿ ಬರುತ್ತಿವೆ.

ಇದೆಲ್ಲ ಏನೇ ಇದ್ದರೂ ಶ್ರೀಲೀಲಾಳ ವ್ಯಕ್ತಿತ್ವದಲ್ಲಿ ಮೆಚ್ಚಿಕೊಳ್ಳುವಂಥಾ ಅನೇಕ ಗುಣಗಳಿದ್ದಾವೆ. ಯಾಕೆಂದರೆ, ಕನ್ನಡ ಚಿತ್ರಂಗದಲ್ಲಿ ಚಿಗುರಿಕೊಂಡು ಒಂದೇ ಒಂದು ಬೇರೆ ಭಷೆಯ ಚಿತ್ರದಲ್ಲಿ ನಟಿಸಿದರೂ ಕೆಲ ನಟಿಯರು ತಿಮಿರು ತೋರಿಸುತ್ತಾರೆ. ರಶ್ಮಿಕಾ ಮಂದಣ್ಣನಂಥಾ ಮಂದ ಬುದ್ಧಿಯ ನಟಿಯರು ಈ ಕಾರಣದಿಂದಲೇ ಕನ್ನಡಿಗರೆಲ್ಲರ ಕೆಂಗಣ್ಣಿಗೆ ಗುರಿಯಾಗುತ್ತಾರೆ. ಆದರೆ ಶ್ರೀಲೀಲ ಮಾತ್ರ ಸಂಪೂರ್ಣ ಭಿನ್ನ. ಆಕೆ ತೆಲುಗು ನೆಲದಲ್ಲಿ ನಿಂತು ಕನ್ನಡ ಚಿತ್ರರಂಗವನ್ನು ಕೊಂಡಾಡುತ್ತಾಳೆ. ಕನ್ನಡದ ಬಗೆಗಿನ ಅಭಿಮಾನ ಮೆರೆಯುತ್ತಾಳೆ. ಅಂತೂ ಅಮ್ಮನ ರಂಖಲುಗಳಿಂದ ಬೇಸತ್ತಿರುವ ಶ್ರೀಲೀಲಾ ತೆಲುಗಿನಲ್ಲಿಯೇ ತಂಪಾಗಿದ್ದಾಳೆ!

The post sreeleela: ಶ್ರೀಲೀಲಾಗೆ ವಿಲನ್ ಆದಳೇ ಹಲ್ಲಿನ ಡಾಕ್ಟರ್? appeared first on Cini Shodha.