ಈ ತಿಂಗಳ ಹನ್ನೆರಡರಂದೇ ಕೂಲಿ ಅಮೇಜಾನ್ ಪ್ರೈಮ್ ನಲ್ಲಿ ಬಿಡುಗಡೆಗೊಂಡಿತ್ತು. ಸಾಮಾನ್ಯವಾಗಿ ಸಿನಿಮಾ ಮಂದಿರಗಳಲ್ಲಿ ಮುಗ್ಗರಿಸಿದ ಅದೆಷ್ಟೋ ಸಿನಿಮಾಗಳು ಓಟಿಟಿಯಲ್ಲಿ ಪುಟಿದೇಳುತ್ತವೆ. ಕೂಲಿ ಕೂಡಾ ಅಂಥಾದ್ದೊಂದು ಆಶಾದಾಯಕ ಬೆಳವಣಿಗೆ ಕಾಣಬಹುದೆಂಬ ನಿರೀಕ್ಷೆ ಸಹಜವಾಗಿಯೇ ಬಹುತೇಕರಲ್ಲಿತ್ತು. ಆದರೆ, ರಜನೀ ಸಿನಿಮಾಗಳು ದೊಡ್ಡ ಪರದೆಯ ಮೇಲೆ ಹುಟ್ಟಿಸೋ ಫೀಲ್ ಅನ್ನು ಅದರಾಚೆಗೆ ಮೂಡಿಸಲು ಸಾಧ್ಯವಿಲ್ಲ.ಹೇ ಹೇಳಿಕೇಳಿ ಕೂಲಿ ದೊಡ್ಡ ಪರದೆಯಲ್ಲೇ ಅಡ್ಡಡ್ಡ ಮಲಗಿತ್ತು. ಇಂಥಾ ಸಿನಿಮಾವೀಗ ಅಮೇಜಾನ್ ಪ್ರೈಮ್‌ನಲ್ಲಿಯೂ ತೆವಳುತ್ತಾ ಸಾಗುತ್ತಿದೆ.

ಇನ್ನುಳಿದಂತೆ ಹಬ್ಬದ ವಾರದ ಅಂಚಿನಲ್ಲಿಯೇ ಕೂಲಿ ಉದಯ ವಾಹಿನಿಯಲ್ಲಿಯೂ ಕೂಡಾ ಪ್ರಸಾರಗೊಂಡಿದೆ. ಆದರೆ, ಅಲ್ಲೂ ರಜನಿ ಸಿನಿಮಾ ಹೇಳಿಕೊಳ್ಳುವಂಥಾ ದಾಖಲೆ ಬರೆದಂತಿಲ್ಲ. ರಜನೀಕಾಂತ್ ಸಿನಿಮಾ ತೆರೆಗಬಾಣುತ್ತದೆಯೆಂದರೆ, ಬಹುಕೋಟಿ ಬ್ಯುಸಿನೆಸ್ ಆಗುವ ಅಂದಾಜಿರುತ್ತದೆ. ಆದರೆ, ಕೂಲಿ ಮುಕ್ಕರಿಸಿ ನೂರಾವ ಐವತ್ತು ಕೋಟಿ ಸಂಪಾದಿಸುವಷ್ಟರಲ್ಲಿ ಬಸವಳಿದು ಬಿಟ್ಟಿದೆ. ಈ ಮೂಲಕ ರಜನಿ ಸಿನಿಮಾದ ಸಮರ್ಥ ಸಾರಥಿಯಾಗುವಲ್ಲಿ ಯುವ ನಿರ್ದೇಶಕ ಲೋಕೇಶ್ ಕನಗರಾಜ್ ಸಂಪೂರ್ಣವಾಗಿ ಹಿನ್ನಡೆ ಅನುಭವಿಸಿದ್ದಾರೆ. ವಿಶೇಷವೆಂದರೆ, ರಜನೀಕಾಂತ್ ಅದೇ ಲೋಕೇಶ್‌ಗೆ ತಮ್ಮ ಮತ್ತೊಂದು ಸಿನಿಮಾ ನಿರ್ದೇಶನ ಮಾಡುವ ಅವಕಾಶ ಕಲ್ಪಿಸಿದ್ದಾರೆ!

The post Rajanikanth Coolie On Ott: ತಲೈವಾ ಸಿನಿಮಾವೀಗ ಮತ್ತಷ್ಟು ಹತ್ತಿರ! appeared first on Cini Shodha.

ಈ ಹಿಂದೆಯೂ ಕಂಗುವಾದ ಒಂದು ಟ್ರೈಲರ್ ಬಿಡುಗಡೆಗೊಂಡಿತ್ತು. ಅದರಲ್ಲಿದ್ದ ಒಂದಷ್ಟು ದೃಷ್ಯಗಳ ಬಗ್ಗೆ ಖುದ್ದು ಸೂರ್ಯನನ್ನು ಆರಾಧಿಸುವ ಮಂದಿಗೇ ಸಮಾಧಾನವಾಗಿರಲಿಲ್ಲ. ಇಂಥಾ ಒಂದಷ್ಟು ವಿಚಾರಗಳಿಂದ ಒಂದಿಡೀ ಚಿತ್ರವನ್ನು ಅಳೆಯಲು ಸಾಧ್ಯವಿಲ್ಲ. ಮುಂದಿನ ದಿನಗಳಲ್ಲಿ ಅಸಲೀ ಕಸುವಿನ ಕಂಟೆಂಟು ಎದುರಾಗಬಹುದೆಂಬಂಥಾ ನಿರೀಕ್ಷೆ ಮೂಡಿಕೊಂಡಿತ್ತು. ಚಿತ್ರತಂಡ ಎಲ್ಲವನ್ನೂ ಲಘುವಾಗಿ ಪರಿಗಣಿಸಿತೋ, ಯಾವ ಹಂತದಲ್ಲಿ ಮುಗ್ಗರಿಸಿತೋ ಗೊತ್ತಿಲ್ಲ; ಟ್ರೈಲರ್ ಅಂತೂ ಪೇಲವವಾಗಿ ಮೂಡಿ ಬಂದಿದೆ. ಈ ಹಿಂದಿನ ಟ್ರೈಲರಿನಲ್ಲಿ ಯಾವ ಅಂಶಗಳು ಜನರಿಗೆ ಇಷ್ಟವಾಗಿರಲಿಲ್ಲವೋ, ಅದನ್ನೇ ಮತ್ತೆ ಮೆತ್ತಿಕೊಂಡಂಥಾ ಸದರಿ ಟ್ರೈಲರ್ ಕಂಡು ಸೂರ್ಯಾಭಿಮಾನಿಗಳು ರೊಚ್ಚಿಗೆದ್ದಿದ್ದಾರೆ.

ಮೊದಲ ಟ್ರೈಲರ್ ಗೆ ಹೋಲಿಸಿದರೆ, ಈ ಟ್ರೈಲರಿನಲ್ಲಿ ಒಂದಷ್ಟು ವಿವರಣೆಗಳಿದ್ದಾವೆ. ಆದರೆ, ಹಳೇಯ ತಪ್ಪುಗಳು ಪುನರಾವರ್ತನೆಯಾಗಿ ಬೆರಗೆಲ್ಲವೂ ಅದರಲ್ಲಿ ಕೊಚ್ಚಿ ಹೋದಂತಿದೆ. ಇದರಲ್ಲಿರುವ ಬಹು ಪಾಲು ದೃಷ್ಯಗಳು ಹಿಂದಿನ ಟ್ರೈಲರ್ ಮತ್ತು ಹಾಡುಗಳಲ್ಲಿ ನೋಡಿರುವಂಥಾದ್ದೇ. ಚಿತ್ರತಂಡ ಯಾಕಿಷ್ಟು ಅಸೂಕ್ಷ್ಮವಾಗಿ ನಡೆದುಕೊಂಡಿದೆ ಎಂಬ ಸಿಟ್ಟು ನೋಡುಗರಲ್ಲಿ ಪಡಿಮೂಡಿಕೊಂಡಿದೆ. ಈ ಕಾರಣದಿಂದಲೇ ನೆಟ್ಟಿಗರು ದೊಡ್ಡ ಮಟ್ಟದಲ್ಲಿಯೇ ನೆಗೆಟಿವ್ ಟ್ರೋಲುಗಳನ್ನು ಇಟ್ಟಾಡಿಸಲಾರಂಭಿಸಿದ್ದಾರೆ. ಅಮರನ್ ಥರದ ಚಿತ್ರವೀಗ ದೊಡ್ಡ ಮಟ್ಟದಲ್ಲಿ ಗೆಲುವು ಕಂಡಿದೆ. ಅದರ ಪ್ರದರ್ಶನದ ಭರಾಟೆಯ ನಡುವೆಯೇ ಬಿಡುಗಡೆಗೊಂಡು, ನೆಲೆ ಕಂಡುಕೊಳ್ಳುವ ದರ್ದು ಇದೆ. ಆದರೆ ಟ್ರೈಲರ್ ವೀಕ್ಷಿಸಿದ ಯಾರಿಗೂ ಕಂಗುವಾ ಸವಾಲುಗಳನ್ನು ದಾಟಿಕೊಳ್ಳಬಹುದೆಂಬ ನಂಬಿಕೆ ಮಾತ್ರ ಉಳಿದಿಲ್ಲ!

The post kanguva movie trailer: ಸೂರ್ಯನ ಚಿತ್ರಕ್ಕೆ ಸಪ್ಪೆ ಸಪ್ಪೆ ಪ್ರತಿಕ್ರಿಯೆ! appeared first on Cini Shodha.

ಅಂದಹಾಗೆ, ವಿಜಯ್ ನಟಿಸಲಿರೋ ಮುಂದಿನ ಸಿನಿಮಾ ವೆಂಕಟ್ ಪ್ರಭು ನಿರ್ದೇಶನದಲ್ಲಿ ಮೂಡಿ ಬರಲಿದೆ. ಚಿತ್ರತಂಡ ಈಗಾಗಲೇ ಎಲ್ಲಾ ಬಗೆಯ ತಯಾರಿಗಳನ್ನೂ ಮುಗಿಸಿಕೊಳ್ಳುತ್ತಿದೆ. ಇದೇ ಹಂತದಲ್ಲಿ ಸದರಿ ಚಿತ್ರದಲ್ಲಿ ವಿಜಯ್ ಕಾಣಿಸಿಕೊಳ್ಳಲಿರುವ ಗೆಟಪ್ಪುಗಳು ಮತ್ತು ಪಾತ್ರದ ಸುತ್ತ ಒಂದಷ್ಟು ವಿಚಾರಗಳು ಹರಿದಾಡುತ್ತಿದ್ದಾವೆ. ಆ ಪ್ರಕಾರವಾಗಿ ಹೇಳೋದಾದರೆ, ಆ ಚಿತ್ರದಲ್ಲಿ ವಿಜಯ್ ದ್ವಿಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ವಿಲನ್ ಆಗಿಯೂ ಅಬ್ಬರಿಸಲಿದ್ದಾರೆ. ತಂದೆ ಮತ್ತು ಮಗನ ಸುತ್ತ ಘಟಿಸಲಿರುವ ಈ ಕಥಾನಕದಲ್ಲಿ ವಿಜಯ್ ಭಿನ್ನವಾದ ರೀತಿಯಲ್ಲಿ ಕಾಣಿಸಿಕೊಳ್ಳಲು ಉತ್ಸುಕರಾಗಿದ್ದಾರೆ.

ಅಷ್ಟಕ್ಕೂ ಈ ಹಿಂದೆ ಬಿಗಿಲ್ ಚಿತ್ರದಲ್ಲಿಯೂ ಕೂಡಾ ವಿಜಯ್ ಈ ಬಗೆಯ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಆದರೆ, ಮುಂಬರುವ ಚಿತ್ರ ಅದಕ್ಕಿಂತಲೂ ಭಿನ್ನವಾಗಿರಲಿದೆಯಂತೆ. ಅದರಲ್ಲಿಯೂ ತಂದೆಯ ಗೆಟಪ್ಪಿಗಾಗಿ ಈಗಾಗಲೇ ನಾನಾ ಥರದಲ್ಲಿ ತಯಾರಿಗಳು ನಡೆಯುತ್ತಿವೆ. ಖುದ್ದು ವಿಜಯ್ ಲಿಯೋ ಸೋಲನ್ನು ಈ ಮೂಲಕ ಮೀರಿಕೊಳ್ಳುವ ಸಲುವಾಗಿ ಕಾರ್ಯಾರಂಭ ಮಾಡಿದ್ದಾರೆ. ಇನ್ನೊಂದೆಡೆಯಲ್ಲಿ ನಿರ್ದೇಶಕ ವೆಂಕಟ್ ಪ್ರಭು, ನಿರ್ಮಾಪಕರಾದ ಅರ್ಚನಾ ಕಲ್ಪಾತಿ, ಸಹ ನಿರ್ಮಾಪಕರಾದ ಜಗದೀಶ್ ವಿದೇಶಕ್ಕೆ ತೆರಳಿ ಅಲ್ಲಿಯೇ ಪ್ಲಾನುಗಳನ್ನು ಸಿದ್ಧಪಡಿಸಿಕೊಳ್ಳುತ್ತಿದ್ದಾರೆ. ಇಂಥಾ ವಿಚಾರಗಳೆಲ್ಲವೂ ಲಿಯೋ ಸೋಲಿನಿಂದ ನಿರಾಶರಾಗಿದ್ದ ದಳಪತಿ ಅಭಿಮಾನಿ ಬಳಗವನ್ನು ಥ್ರಿಲ್ ಆಗಿಸಿದೆ.

The post thalapathy vijay: ಮುಂದಿನ ಸಿನಿಮಾದಲ್ಲಿ ಕಾದಿದೆ ಮಜವಾದ ಅಚ್ಚರಿ! appeared first on Cini Shodha.

ಹಾಗೆ ನೋಡಿದರೆ, ಜೈಲರ್‍ನಲ್ಲಿ ಶಿವಣ್ಣ ಒಂದು ಪಾತ್ರವನ್ನು ನಿರ್ವಹಿಸಿದ್ದಾರೆಂಬ ಸುದ್ದಿಯಾಗಿತ್ತಾದರೂ, ಅದರ ಸುತ್ತಾ ಹೇಳಿಕೊಳ್ಳುವಂಥಾ ಹೈಪುಗಳು ಸೃಷ್ಟಿಯಾಗಿರಲಿಲ್ಲ. ಶಿವರಾಜ್ ಕುಮಾರ್ ಕೂಡಾ ಜೈಲರ್ ನಲ್ಲಿನ ತಮ್ಮ ಪಾತ್ರದ ಬಗ್ಗೆ ವಿಶೇಷ ಒತ್ತು ಕೊಟ್ಟು ಎಲ್ಲಿಯೂ ಮಾತಾಡಿದ್ದೂ ಇಲ್ಲ. ಒಂದಷ್ಟು ಪೋಸ್ಟರುಗಳಲ್ಲಿ ಶಿವಣ್ಣ ಪಾತ್ರದ ಝಲಕ್ಕುಗಳು ಕಾಣಿಸಿಕೊಂಡಿದ್ದವಷ್ಟೇ. ಶಿವರಾಜ್ ಕುಮಾರ್ ಕಟ್ಟಾ ಅಭಿಮಾಮಾನಿಗಳನ್ನು ಹೊರತುಪಡಿಸಿ, ಮಿಕ್ಕುಳಿದ ಪ್ರೇಕ್ಷಕ ವರ್ಗದಲ್ಲಿ ಹೇಳಿಕೊಳ್ಳುವಂಥಾ ನಿರೀಕ್ಷೆ ಇರಲಿಲ್ಲ. ಆದರೆ, ಜೈಲರ್ ಚಿತ್ರದಲ್ಲಿನ ಶಿವಣ್ಣನ ನಟನೆಯ ಖದರ್ ಕಂಡು ಎಲ್ರೂ ಬೆಕ್ಕಸ ಬೆರಗಾಗಿದ್ದಾರೆ.

ಕೇವಲ ಕನ್ನಡದ ಪ್ರೇಕ್ಷಕರು ಮಾತ್ರವಲ್ಲ; ಇದುವರೆಗೆ ಶಿವರಾಜ್ ಕುಮಾರ್ ಅವರ ಒಂದೇ ಒಂದು ಸಿನಿಮಾ ನೋಡದವರೂ ಕೂಡಾ ನರಸಿಂಹಾವತಾರಿ ಶಿವಣ್ಣನ ಅಭಿಮಾನಿಗಳಾಗಿ ಬಿಟ್ಟಿದ್ದಾರೆ. ಪರಭಾಷಾ ಪ್ರೇಕ್ಷಕರನೇಕರು ಶಿವರಾಜ್ ಕುಮಾರ್ ಅವರ ನಟನೆಯನ್ನು ವಿಶೇಷವಾಗಿ ಉಲ್ಲೇಖಿಸುತ್ತಾ ಹಾಡಿ ಹೊಗಳುತ್ತಿದ್ದಾರೆ. ಕೆಲವೇ ಕೆಲ ನಿಮಿಷಗಳಲ್ಲಿ ಮಂಡ್ಯ ಸೀಮೆಯ ರೌಡಿ ನರಸಿಂಹನ ಪಾತ್ರದಲ್ಲಿ ಶಿವಣ್ಣ ಕಾಣಿಸಿಕೊಂಡ ಬಗೆ ಇದೆಯಲ್ಲಾ? ಅದು ಯಾರನ್ನಾದರೂ ಅಚ್ಚರಿಗೀಡು ಮಾಡುವಂತಿದೆ. ಸಿಕ್ಕ ಸೀಮಿತಾವಧಿಯಲಿಯೇ, ಎಲ್ಲ ಮಿತಿಗಳನ್ನು ಮೀರಿಕೊಂಡು ತನ್ನ ಚಾತುರ್ಯವನ್ನು ಸಾಬೀತುಗೊಳಿಸೋದು, ನಟನೊಬ್ಬನ ಪಾಲಿಗೆ ಅಸಲೀ ಚಾಲೆಂಜ್. ಅದನ್ನು ತಣ್ಣಗಿನ ಅಬ್ಬರದ ಮೂಲಕ ಶಿವಣ್ಣ ಸಾಧಿಸಿಬಿಟ್ಟಿದ್ದಾರೆ.

ಯಾವಾಗ ಶಿವಣ್ಣನ ಪಾತ್ರದ ಬಗ್ಗೆ ಪರಿ ಪರಿಯಾಗಿ ಸದ್ದು ಮಾಡಲಾಂಭಿತೋ, ಕ್ಷಣದಿಂದಲೇ ಸಾಮಾಜಿಕ ಜಾಲತಾಣಗಳಲ್ಲಿ ಮತ್ತೊಂದು ದಿಕ್ಕಿನ ಚರ್ಚೆಯೂ ಶುರುವಾಗಿದೆ. ಶಿವಣ್ಣನನ್ನು ಇಂಥಾ ಸ್ವರೂಪದಲ್ಲಿಯೂ ಕಾಣಿಸಬಹುದೆಂಬ ಮನಸ್ಥಿತಿ, ಕ್ರಿಯಾಶೀಲತೆ ಕನ್ನಡ ಚಿತ್ರರಂಗದ ಮಂದಿಗೇಕಿಲ್ಲ ಎಂಬರ್ಥದಲ್ಲಿ ಜನ ಸಂವಾದ ಉರುವಿಟ್ಟುಕೊಂಡಿದ್ದಾರೆ. ಅದರಲ್ಲಿ ಸತ್ಯವೂ ಇದೆ. ಇಂದ್ರ ಬಾಬು ಥರದ ಒಂದಷ್ಟು ಶಿವಣ್ಣನನ್ನು ಭಿನ್ನವಾಗಿ ಪ್ರೇಕ್ಷಕರೆದುರು ನಿಲ್ಲಿಸಲು ಪ್ರಯತ್ನಿಸಿದ್ದಾರೆ. ಜೋಗಿ, ಟಗರು, ಮಫ್ತಿ ಮುಂತಾದ ಸಿನಿಮಾದ ಮೂಲಕವೂ ಆ ಥರದ ವಿದ್ಯಮಾನಗಳು ಘಟಿಸಿವೆ. ಆದರೆ, ಮಿಕ್ಕ ಸಿನಿಮಾ ಮಂದಿ ಅದೇ ಮಚ್ಚು ಲಾಂಗುಗಳಿಗೆ ಶಿವಣ್ಣನನ್ನು ಸೀಮಿತಗೊಳಿಸಿದ್ದಾರೆ. ಹಾಗಂತ ಇದರಲ್ಲಿ ಬರೀ ಸಿನಿಮಾ ಮಾಡೋ ಮಂದಿಯದ್ದೇ ತಪ್ಪಿದೆ ಅಂದುಕೊಳ್ಳುವಂತಿಲ್ಲ. ಶಿವರಾಜ್ ಕಮಾರ್ ಆಯ್ಕೆಯ ವಿಚಾರದಲ್ಲಿ ಅಡಿಗಡಿಗೆ ಎಡವುತ್ತಾ ಬಂದಿದ್ದಾರೆ. ಕೆಲ ಸಂದರ್ಭಗಳಲ್ಲಿ ಅಭಿಮಾನಿಗಳೇ ಕೊಸರಿಕೊಳ್ಳುವಂಥಾ ಕಸಗಳನ್ನೂ ಕಣ್ಣಿಗೊತ್ತಿಕೊಂಡಂತೆ ಒಪ್ಪಿಕೊಂಡಿದ್ದಾರೆ.

ಒಂದು ಬಗೆಯ ಸಿನಿಮಾಗಳು ಗೆದ್ದರೆ, ಒಂದು ಶೇಡಿನ ಪಾತ್ರ ಪ್ರೇಕ್ಷಕರಿಗೆ ಇಷ್ಟವಾದರೆ, ಅಂಥಾದ್ದರ ಬಾಲ ಹಿಡಿದು ಹೊರಡೋದು ಮಾತ್ರವಲ್ಲ; ಅದಕ್ಕೇ ನೇಣು ಹಾಕಿಕೊಂಡು ಬಿಡುವ ಮಹಾನ್ ಪ್ರತಿಭೆಗಳೂ ನಮ್ಮಲ್ಲಿವೆ. ಅಂಥಾ ಪ್ರಬೃತ್ತಿಗಳೆಲ್ಲ ಈಗಾಗಲೇ ಜೈಲರ್ ಚಿತ್ರದ ನರಸಿಂಹನ ಅವತಾರವನ್ನು ಬಗೆ ಬಗೆಯಲ್ಲಿ ಹಿಂಡಲು ತಯಾರಿ ಮಾಡಿಕೊಂಡಿರಲೂ ಬಹುದು. ನರಸಿಂಹನ ಪಾತ್ರ ಪ್ರೇಕ್ಷಕರಿಗೆ ಇಷ್ಟವಾಗಿದೆಯಲ್ಲಾ? ಶಿವಣ್ಣನನ್ನು ಅದಕ್ಕಿಂತಲೂ ಎಫೆಕ್ಟಿವ್ ಅನ್ನಿಸುವಂಥಾ ಪಾತ್ರದಲ್ಲಿ ಕಾಣಿಸಬೇಕು, ಪ್ರೇಕ್ಷಕರಿಗೆ ಸರ್‍ಪ್ರೈಸ್ ಕೊಡಬೇಕೆಂದು ಹೊರಡೋ ಕ್ರಿಯಶೀಲ ಮನಸುಗಳಿಗಿಲ್ಲಿ ಬರವಿದೆ. ಇದೆಲ್ಲ ಏನೇ ಇದ್ದರೂ ಪ್ಯಾನಿಂಡಿಯಾ ಮಟ್ಟದಲ್ಲಿ ಶಿವಣ್ಣನ ಖದರ್ ಹಬ್ಬಿಕೊಂಡಿದೆ. ಪರಭಾಷಾ ಮಂದಿ ಕೂಡಾ ಆ ಪಾತ್ರ ಇನ್ನಷ್ಟು ಕಾಣಿಸಿಕೊಳ್ಳಬೇಕಿತ್ತೆಂಬ ಬಯಕೆಯಿಟ್ಟುಕೊಂಡೇ ಚಿತ್ರಮಂದಿರಗಳಿಂದ ತೆರಳುತ್ತಿದ್ದಾರೆ. ಅಷ್ಟರಮಟ್ಟಿಗೆ ನಮ್ಮ ಶಿವಣ್ಣನ ನಟನೆ ಪ್ರೇಕ್ಷಕರಿಗೆ ಇಷ್ಟವಾಗಿರೋದು ಎಲರೂ ಹೆಮ್ಮೆ ಪಡುವ ಸಂಗತಿ!

The post shivaraj kumar: ಕನ್ನಡ ಸಿನಿಮಾ ಮಂದಿಗೇಕೆ ಇಂಥಾ ಸೆನ್ಸ್ ಇಲ್ಲ? appeared first on Cini Shodha.