tamannabhatia – Cini Shodha

tamanna bhatia: ಎರಿಗಿಂತ ಮಿಲ್ಕಿ ಬ್ಯೂಟಿಯೇ ಮುಂದೆ!

Santhosh Bagilagadde — Sat, 22 Jul 2023 08:06:33 +0000

ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ (tamanna bhatia) ಮತ್ತೆ ಫಾರ್ಮಿಗೆ ಮರಳಿದ್ದಾಳೆ. ಒಂದು ಕಾಲದಲ್ಲಿ ತೆಲುಗು ಚಿತ್ರರಂಗದಲ್ಲಿ ಮಿಂಚಿದ್ದ ತಮನ್ನಾ, ನಟನೆಗಿಂತಲೂ ಮಿಗಿಲಾಗಿ ತನ್ನ ಸ್ನಿಗ್ಧ ಸೌಂದರ್ಯದಿಂದಲೇ ಎಲ್ಲರ ತಲೆಕೆಡಿಸಿದ್ದಾಕೆ. ಸಿನಿಮಾ ಅಂದಮೇಲೆ ಕೇವಲ ಒನಪು, ವಯ್ಯಾರವಷ್ಟೇ ಇದ್ದರೆ ಬಚಾವಾಗೋದು ಕಷ್ಟ. ಈ ವಿಚಾರವನ್ನು ಸ್ಪಷ್ಟವಾಗಿ ಅರ್ಥ ಮಾಡಿಕೊಂಡಿದ್ದ ತಮನ್ನಾ (tamannah) ನಟನೆಯಲ್ಲಿಯೂ ಹಂತ ಹಂತವಾಗಿ ಪಳಗಿಕೊಂಡಿದ್ದಳು. ಆ ಪ್ರತಿಭೆಯ ಮೂಲಕವೇ ಅನೇಕ ದೊಡ್ಡ ಅವಕಾಶಗಳನ್ನು ಗಿಟ್ಟಿಸಿಕೊಂಡು, ದಕ್ಷಿಣ ಭಾರತೀಯ ಚತ್ರರಂಗವನ್ನು ಆವರಿಸಿಕೊಂಡಿದ್ದಳು. ಹಂತ ಹಂತವಾಗಿ ಭಾರತೀಯ ಚಿತ್ರರಂಗದಲ್ಲಿ ಬಹುಬೇಡಿಕೆಯನ್ನೂ ಪಡೆದುಕೊಂಡಿದ್ದಳು. ಇಂಥಾ ತಮನ್ನಾ ಬಹುಕಾಲ ಮಂಕಾಗಿ, ಇದೀಗ ರಜನೀಕಾಂತ್ ನಟನೆಯ ಜೈಲರ್ (jailer) ಚಿತ್ರದ ಮೂಲಕ ಮತ್ತೆ ಚಿಗುರಿಕೊಂಡಿದ್ದಾಳೆ!

ನೆಲ್ಸನ್ ನಿರ್ದೇಶನದ ಜೈಲರ್ ಚಿತ್ರ ರಜನೀಕಾಂತ್ ವೃತ್ತಿ ಬದುಕಿನ ಮಹತ್ವದ ಚಿತ್ರವಾಗಿ ಬಿಂಬಿಸಿಕೊಂಡಿದೆ. ಕನ್ನಡದ ಹ್ಯಾಟ್ರಿಕ್ ಹೀರೋ ಶಿವರಾಜ್‍ಕುಮಾರ್ ಸೇರಿದಂತೆ, ದಕ್ಷಿಣ ಭಾರತೀಯ ಚಿತ್ರರಂಗದ ಹಲವಾರು ಸ್ಟಾರ್ ನಟರು ಜೈಲರ್‍ಗೆ ಸಾಥ್ ಕೊಟ್ಟಿದ್ದಾರೆ. ಸಿನಿಮಾದ ಮುಖ್ಯ ಪಾತ್ರವೊಂದರಲ್ಲಿ ತಮನ್ನಾ ಭಾಟಿಯಾ ಕೂಡಾ ಕಾಣಿಸಿಕೊಂಡಿದ್ದಾಳೆ. ಆಕೆ ಈ ಸಿನಿಮಾದ ಆಗವಾಗಿರುವ ಸುದ್ದಿ ಜಾಹೀರಾದಾಗ ಬಹುಶಃ ಈ ಮಟ್ಟಿಗೆ ಮೈಲೇಜು ಸಿಗಬಹುದೆಂಬ ಸಣ್ಣ ಆಲೋಚನೆಯೂ ಯಾರಿಗೂ ಕೂಡಾ ಬಂದಿರಲಿಕ್ಕಿಲ್ಲ. ಆದರೆ ಕಾವಾಲಾ ಅಂತೊಂದು ಹಾಡು ಹೊರಬಿತ್ತು ನೋಡಿ? ತಮನ್ನಾಳ ಪ್ರಭೆ ಒಂದೇ ಏಟಿಗೆ ಊರು ತುಂಬೆಲ್ಲ ಹಬ್ಬಿಕೊಂಡಿದೆ. ಅಂಥಾದ್ದೊಂಉ ಸಮ್ಮೋಹಕವಾದ ಭಂಗಿಯಲ್ಲಿ ಹೆಜ್ಜೆ ಹಾಕುವ ಮೂಲಕ ತಮನ್ನಾ ಎಲ್ಲರನ್ನೂ ಆವರಿಸಿಕೊಂಡು ಬಿಟ್ಟಿದ್ದಾಳೆ.

ಈ ಕಾವಾಲಾ ಹಾಡಿನ ಶಕ್ತಿ ಎಂಥಾದ್ದೆಂದರೆ, ತಮನ್ನಾ ಐಎಂಡಿಬಿ ರೇಟಿಂಗಿನಲ್ಲಿ ಬಾಲಿವುಡ್ ಸೂಪರ್ ಸ್ಟಾರ್ ಶಾರೂಖ್ ಖಾನ್‍ನನ್ನೂ ಕೂಯಡಾ ಹಿಂದಿಕ್ಕಿದ್ದಾಳೆ. ಈ ಮೂಲಕ ಟಾಪ್ ಸ್ಥಾನ ಗಿಟ್ಟಿಸಿಕೊಳ್ಳುವ ಮೂಲಕ ಎಲ್ಲರನ್ನೂ ಚಕಿತಗೊಳಿಸಿದ್ದಾಳೆ. ತನ್ನ ಹದಿನೈದನೇ ವಯಸ್ಸಿನಲ್ಲಿ ಹಿಂದಿ ಸಿನಿಮಾವೊಂದರ ಮೂಲಕ ಬಣ್ಣ ಹಚ್ಚಿದ್ದಾಕೆ ತಮನ್ನಾ. ಆ ನಂತರ ತೆಲುಗು ಚಿತ್ರರಂಗದಲ್ಲಿ ನಂಬರ್ ಒನ್ ನಾಯಕಿಯಗಿ ಮಿಂಚಿ, ಬಹುಬೇಡಿಕೆ ಪಡೆದುಕೊಂಡಿದ್ದ ತಮನ್ನಾ, ದಶಕಗಳಷ್ಟು ಕಾಲ ತುಸು ಮಂಕಾಗಿದ್ದಳು. ಇತ್ತೀಚೆಗೆ ಒಂದಷ್ಟು ಸಿನಿಮಾಗಳಲ್ಲಿ ನಟಿಸುತ್ತಾ ಫಾರ್ಮಿಗೆ ಮರಳುವ ಯತ್ನದಲ್ಲಿದದ ತಮನ್ನಾಗೆ ಜೈಲರ್ ಮೂಲಕ ದೊಡ್ಡ ಬ್ರೇಕ್ ಸಿಗುವ ಲಕ್ಷಣಗಳಿದ್ದಾವೆ!

The post tamanna bhatia: ಎರಿಗಿಂತ ಮಿಲ್ಕಿ ಬ್ಯೂಟಿಯೇ ಮುಂದೆ! appeared first on Cini Shodha.

tamanna bhatia: ಪ್ರೀತಿಯ ಬಗ್ಗೆ ಬೆಳದಿಂಗಳಂಥವಳು ಹೇಳಿದ್ದಿಷ್ಟು!

Santhosh Bagilagadde — Sun, 28 May 2023 04:14:05 +0000

ಚೆಂದಗಿರುವ ಸಿನಿಮಾ ನಟಿಯರ (actress) ಬಗ್ಗೆ ಪಡ್ಡೆ ಹೈಕಳಲ್ಲಿ ಆಕರ್ಷಣೆಯ ಛಳುಕು ಮೂಡಿಕೊಳ್ಳೋದು ವಿಶೇಷವೇನಲ್ಲ. ಕೆಲ ಮಂದಿಯಂತೂ ಗುಪ್ತವಾಗಿ ಅಂಥಾ ನಟಿಯರೊಂದಿಗೆ (love) ಲವ್ವಿನಲ್ಲಿ ಬಿದ್ದು, ಆ ಮಧುರವಾದ ಯಾತನೆಗಳನ್ನು ಒಳಗೊಳಗೇ ಸಂಭ್ರಮಿಸುತ್ತಾರೆ. ಹೀಗೆ ಸೆಲೆಬ್ರಿಟಿಗಳೊಂದಿಗೆ ಲವ್ವಲ್ಲಿ ಬೀಳೋದೊಂದು ಸಿಂಡ್ರೋಮ್ (syndrome) ಅನ್ನುತ್ತೆ ಮನಃಶಾಸ್ತ್ರ. ಆದರೆ, ಯಾವ ನಟಿಯೇ ಆದರೂ ಆರಂಭ ಕಾಲದ ಇಂಥಾ ಆಕರ್ಷಣೆಗಳನ್ನು ಬಹು ಕಾಲದವರೆಗೂ ಕಾಪಿಟ್ಟುಕೊಳ್ಳುವುದು, ಹೊಸಾ ಜನರೇಷನ್ನನ್ನೂ ಕೂಡಾ ಮರುಳು ಮಾಡೋದು ಕಷ್ಟದ ಕೆಲಸ. ಕೆಲವೇ ಕೆಲ ನಟಿಯರು ಮಾತ್ರವೇ ಭಾರತೀಯ ಚಿತ್ರರಂಗದಲ್ಲಿ ಆ ನಿಟ್ಟಿನಲ್ಲಿ ಯಶ ಕಂಡಿದ್ದಾರೆ. ಆ ಸಾಲಿನಲ್ಲಿ ಮುಂಚೂಣಿಯಲ್ಲಿ ನಿಲ್ಲುವಾಕೆ (milky beauty) ಮಿಲ್ಕಿ ಬ್ಯೂಟಿ ತಮನ್ನಾ!

ಹೀಗೆ ತಲೆಮಾರುಗಳಾಚೆಗೂ ತನ್ನ ಟ್ಯಾಲೆಂಟು, ಸ್ನಿಗ್ಧ ಸೌಂದರ್ಯದ ಮೂಲಕ ಕೋಟ್ಯಂತರ ಹೃದಯಗಳನ್ನು ಆವರಿಸಿಕೊಂಡಿದ್ದವಳು ತಮನ್ನಾ. ಹೀಗೆ ಹುಚ್ಚೆದ್ದು ಆಕೆಯ ಮೇಲೆ ಮೋಹಗೊಂಡಿದ್ದವರೆಲ್ಲರ ಹೃದಯ ಛಿದ್ರಗೊಳ್ಳುವಂಥಾ ಸುದ್ದಿಯೊಂದು ತಿಂಗಳಿಂದೀಚೆಗೆ ಹರಿದಾಡುತ್ತಿದೆ. ಬಾಲಿವುಡ್ಡಿನ ಖ್ಯಾತ ನಟ ವಿಜಯ್ ವರ್ಮಾ ಜೊತೆ ತಮನ್ನಾ ಭಾಟಿಯಾ ಲವ್ ಅಫೇರ್ ಹೊಂದಿದ್ದಾಳೆಂಬುದು ಅದರ ಸಾರಾಂಶ. ಇದಕ್ಕೆ ಸರಿಯಾಗಿ ಕೆಲ ಪಾರ್ಟಿಗಳಲ್ಲಿ ಆಕೆ ವರ್ಮಾ ಜೊತೆ ಕ್ಲೋಸ್ ಆಗಿರುವ ಫೋಟೋಗಳೂ ಕೂಡಾ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಅದನ್ನು ಕಂಡು ಪಡ್ಡೆಗಳೆಲ್ಲ ಜನ್ಮಾಂತರಗಳ ಕ್ರಶ್ ಒಂದು ಏಕಾಏಕಿ ಕಳಚಿಕೊಂಡಂಥಾ ವಿಷಣ್ಣ ಭಾವದಿಂದ ನರಳುತ್ತಿದ್ದಾರೆ!

ಆದರೆ, ಇಂಥವೆಲ್ಲ ತನ್ನ ಸುತ್ತಲೇ ಘಟಿಸುತ್ತಿದ್ದರೂ ಮಿಲ್ಕಿ ಬ್ಯೂಟಿ ಮಾತ್ರ ಆ ಬಗ್ಗೆ ಮಾತಾಡಿರಲಿಲ್ಲ. ಇದೀಗ ಕಡೆಗೂ ಸಂದರ್ಶನವೊಂದರಲ್ಲಿ ಆ ಬಗ್ಗೆ ಮಾತಾಡಿದ್ದಾಳೆ. ಅತ್ಯಂಣತ ಜಾಣತನದಿಂದ ಉತ್ತರಿಸಿದ್ದರೂ ಕೂಡಾ ತಾನು ವರ್ಮಾನೊಂದಿಗೆ ಲವ್ವಲ್ಲಿ ಬಿದ್ದಿರೋದು ದಿಟವೆಂಬಂತೆ ಮಾತಾಡಿದ್ದಾಳೆ. ಅಲ್ಲಿಗೆ ಪಡ್ಡೆ ಹೈಕಳಲ್ಲಿ ಅಳಿದುಳಿದಿದ್ದ ಹೋಪ್ ಕೂಡಾ ನೆಗೆದು ಬಿದ್ದಂತಾಗಿದೆ. ಹಾಗೆ ನೋಡಿದರೆ ತಮನ್ನಾ ಯಾವುದೇ ರೀತಿಯಲ್ಲಿಯೂ ಹೆಸರು ಕೆಡಿಸಿಕೊಂಡವಳಲ್ಲ. ಯಾರೊಂದಿಗೂ ಅಫೇರಿನಂಥಾದ್ದನ್ನು ಇಟ್ಟುಕೊಳ್ಳದೆ, ತನ್ನ ತ್ವಜೆಯμÉ್ಟೀ ಶುಭ್ರ ವ್ಯಕ್ತಿತ್ವವನ್ನೂ ಹೊಂದಿರುವಾಕೆ ತಮನ್ನಾ. ಆಕೆಯೇ ಒಪ್ಪಿಕೊಂಡಿರುವ ರೀತಿ ನೋಡಿದರೆ, ಇಷ್ಟರಲ್ಲಿಯೇ ವರ್ಮಾನೊಂದಿಗಿನ ಅಫೇರಿಗೆ ಅಧಿಕೃತ ಮುದ್ರೆ ಬಿದ್ದರೂ ಅಚ್ಚರಿಯೇನಿಲ್ಲ!

The post tamanna bhatia: ಪ್ರೀತಿಯ ಬಗ್ಗೆ ಬೆಳದಿಂಗಳಂಥವಳು ಹೇಳಿದ್ದಿಷ್ಟು! appeared first on Cini Shodha.