ಹೇಳಿಕೇಳಿ (janardhan reddy) ಜನಾರ್ಧನ ರೆಡ್ಡಿ ನೆಲ ಬಗೆಯುತ್ತಾ ಏಕಾಏಕಿ ಕೋಟಿ ಕೋಟಿ ಗುಂಜಿಕೊಂಡವನು. ಇಂಥವನಿಗೆ ಓರ್ವ ನಟ ಸಿನಿಮಾ ರಂಗದಲ್ಲಿ ಸರ್ಕಸ್ಸು ನಡೆಸುತ್ತಾ, ಸ್ಟಾರ್ ನಟನಾಗಿ ನೆಲೆ ಕಾಣೋದು ಅದೆಷ್ಟು ಸುದೀರ್ಘವಾದ, ತ್ರಾಸದಾಯಕ ಪ್ರಯಾಣವೆಂಬ ಅರಿವಿರಲು ಸಾಧ್ಯವೇ? ಅಂಥಾದ್ದೊಂದು ಸೈರಣೆಯನ್ನು ಗಾಲಿ ರೆಡ್ಡಿಯಿಂದಾಗಲಿ, ಅವನ ಮಗ (kireeti) ಕಿರೀಟಿಯಿಂದಾಗಲಿ ನಿರೀಕ್ಷೆ ಮಾಡೋದೇ ಮುಠ್ಠಾಳತನ. ಇದನ್ನಿಲ್ಲಿ ಪ್ರಸ್ತಾಪಿಸುತ್ತಿರೋದಕ್ಕೆ ಕಾರಣ ಇಲ್ಲದಿಲ್ಲ. ಜ್ಯೂನಿಯರ್ ಸಿನಿಮಾ ನೋಡಿದ ಯಾರಿಗಾದರೂ ಒಂದೇ ಸಿನಿಮಾದಲ್ಲಿ ಕಿರೀಟಿಯನ್ನು ಸ್ಟಾರ್ ನಟನಾಗಿ ನೆಲೆಗಾಣಿಸುವ ಹಳವಂಡ ಕಣ್ಣಿಗೆ ರಾಚುತ್ತೆ.

ಹಾಗೆ ನೋಡಿದರೆ, ಇಲ್ಲಿ ಕೈಗೆತ್ತಿಕೊಂಡಿರುವ ಕಥೆ ಚೆನ್ನಾಗಿದೆ ಅಂತನ್ನಿಸಿದರೂ ಅದರಲ್ಲಿ ಹೊಸತನವೇನಿಲ್ಲ. ಯಾವ ಘಟ್ಟದಲ್ಲಿಯೂ ಕಥೆಯ ಭಾಗ ವಾಹ್ ಅನ್ನಿಸೋದಿಲ್ಲ. ಪಾತ್ರ ವರ್ಗ ಮತ್ತು ಕಲಾವಿದರು ಅದಕ್ಕೆ ಜೀವ ತುಂಬಿರುವ ರೀತಿಯನ್ನೂ ಮೆಚ್ಚಿಕೊಳ್ಳಬಹುದು. ಆದರೆ, ಕಿರೀಟಿಗೆ ಹಾಡು ಮಾತ್ರವಲ್ಲದೇ ಪ್ರತಿಯೊಂದಕ್ಕೂ ಬಿಲ್ಡಪ್ಪಿ ಕೊಡುವ ದರ್ದಿಗೆ ಬಿದ್ದಿರುವ ನಿರ್ದೇಶಕರು, ಕಥೆಯ ಮೂಲ ಸತ್ವದ ಕತ್ತು ಹಿಸುಕಿದ್ದಾರೆ. ಹಾಡುಗಳಲ್ಲಿ ಎನರ್ಜಿಟಿಕ್ ಆಗಿ ಕಾಣಿಸಿಕೊಂಡಿರುವ ಕಿರೀಟಿ, ನಟನೆ ಅಂತ ಬಂದಾಗ ಬಸವಳಿದಂತೆ ಕಾಣಿಸುತ್ತಾನೆ. ಗಣಿಗಳ್ಳ ರೆಡ್ಡಿ ಇದುವರೆಗೆ ಗೋರಿಕೊಂಡಿರುವ ಕಾಸನ್ನೆಲ್ಲ ಗುಡ್ಡೆ ಹಾಕಿದರೂ ಕೂಡಾ, ಕಿರೀಟಿ ನಟನಾಗಿ ಪಳಗೋದಕ್ಕೆ ಇನ್ನೂ ಸಾಕಷ್ಟು ಸಮಯ ಬೇಕಾಗುತ್ತದೆ.

ಅಷ್ಟಕ್ಕೂ ಜನಾ ರೆಡ್ಡಿಯಂಥಾ ಬೇನಾಮಿ ಆಸ್ತಿ ಹೊಂದಿರೋ ಖದೀಮರ ಮಕ್ಕಳು ಹೇಗೆ ಬೇಕಾದರೂ ತಯಾರಿ ನಡೆಸಬಹುದು. ಕಿರೀಟಿ ಕೂಡಾ ನೃತ್ಯ ಸೇರಿದಂತೆ ಒಂದಷ್ಟು ಬಗೆಯಲ್ಲಿ ಶ್ರಮ ಹಾಕಿದ್ದಾನೆ. ಆ ಕಾರಣದಿಂದಲೇಬ ಜ್ಯೂನಿಯರ್ ಇದ್ದುದರಲ್ಲಿಯೇ ಒಂದಷ್ಟು ಸಹ್ಯವೆನಿಸುತ್ತೆ. ಅಷ್ಟರ ಮಟ್ಟಿಗೆ ರೆಡ್ಡಿಮಗ ಕಿರೀಟಿಯನ್ನು ಮೆಚ್ಚಿಕೊಳ್ಳಬಹುದು. ಇದೆಲ್ಲದರಾಚೆಗೆ ಗಣಿಗಳ್ಳನ ಪುತ್ರನ ಸಿನಿಮಾದ ಬಗ್ಗೆ ಬೇರೇನೂ ಹೇಳಲಾಗೋದಿಲ್ಲ. ಒಂದು ಕಾಲದಲ್ಲಿ ಹಡಬೆ ಕಾಸಿಂದ ಒಂದಿಡೀ ರಾಜಕೀಯವನ್ನು ಹಡಾಲೆಬ್ಬಿಸಿದ್ದವನು, ಅಳಿದುಳಿದಿದ್ದ ಮೌಲ್ಯಗಳನ್ನು ಗಣಿಧೂಳಿನಲ್ಲಿ ಉಸಿರುಗಟ್ಟಿಸಿದ್ದವನು ಗಾಲಿ ಜನಾರ್ಧನ ರೆಡ್ಡಿ. ಇಂಥವನ ಮಗ ಹೀರೋ ಆದರೆ ಅದು ಕೆಡುಕಾಗಿಯಷ್ಟೇ ಕಾಣಿಸಲು ಸಾಧ್ಯ!

The post junior movie review: ಗಣಿಗಳ್ಳನ ಮಗನ ಸಿನಿಮಾ ಹೀಗಿದೆ! appeared first on Cini Shodha.

ಇಂಥಾ ಶ್ರೀಲೀಲಾ ಬಗ್ಗೆ ಈಗ ಮತ್ತೊಂದು ತೆರನಾದ ಚರ್ಚೆಗಳೂ ಆರಂಭವಾಗಿವೆ. ಅದಕ್ಕೆ ಕಾರಣವಾಗಿರೋದು ರಾಮ್ ಚರಣ್ ಅಭಿನಯದ ಬಹುನಿರೀಕ್ಷಿತ ಚಿತ್ರ ಪೆಡ್ಡಿ. ಈ ಚಿತ್ರದ ವಿಶೇಷ ಹಾಡೊಂದರಲ್ಲಿ ಶ್ರೀಲೀಲಾ ನಟಿಸಲು ಒಪ್ಪಿಕೊಂಡಿದ್ದಾಳೆಂಬ ಸುದ್ದಿಯೊಂದು ತೆಲುಗು ಚಿತ್ರರಂಗದಲ್ಲಿ ಇಟ್ಟಾಡಲಾರಂಭಿಸಿದೆ. ವಿಶೇಷ ಹಾಡೆಂದರೆ ಅದು ಐಟಂ ನಂಬರ್ ಅನ್ನೋದನ್ನು ಬಿಡಿಸಿ ಹೇಳುವ ಅವಶ್ಯಕತೆಯೇನಿಲ್ಲ. ನಿರ್ದೇಶಕ ಬುಚ್ಚಿಬಾಬು ಈ ಹಾಡಿಗೆ ಒಪ್ಪುವಂಥಾ ನಟಿಯರಿಗಾಗಿ ಆರಂಭದಿಂದಲೂ ಹುಡುಕಾಟ ನಡೆಸುತ್ತಾ ಬಂದಿದ್ದರು. ಆದರೆ, ಪುಷ್ಪಾ೨ ಚಿತ್ರದಲ್ಲಿನ ಶ್ರೀಲೀಲಾಳ ಕುಣಿತ ನೋಡಿದ್ದ ಬುಚ್ಚಿ, ಆಕೆಯನ್ನೇ ತನ್ನ ಸಿನಿಮಾದ ಹಾಡಿಗೂ ನಿಕ್ಕಿಯಾಗಿಸಿಕೊಂಡಿದ್ದಾರಂತೆ!

ಈ ಬಗ್ಗೆ ಅಧಿಕೃತ ಮಾಹಿತಿ ಹೊರ ಬಿದ್ದಿಲ್ಲವಾದರೂ, ಶ್ರೀಲೀಲಾ ಹಾಡಿನಲ್ಲಿ ನಟಿಸಲು ಒಪ್ಪಿಗೆ ಸೂಚಿಸಿದ್ದಾಳೆ. ಅದಕ್ಕಾಗಿ ದೊಡ್ಡ ಮೊತ್ತದ ಸಂಭಾವನೆಯ ಮಾತು ಕತೆಗಳೂ ನಡೆದಿವೆ. ಗುಂಟೂರು ಖಾರಂ ನಂತರ ಶ್ರೀಲೀಲಾಗೆ ನಾಯಕಲಿಯಾಗಿ ಸೋಲಿನ ಗ್ರಹಣ ಕವುಚಿಕೊಂಡಿದೆ. ಆದರೆ, ಪುಷ್ಪಾ೨ ಹಾಡಿನ ಮೂಲಕ ಆಕೆಯ ಖ್ಯಾತಿ ಮತ್ತಷ್ಟು ಹೆಚ್ಚಿಕೊಂಡಿದೆ. ಈ ದೆಸೆಯಿಂದಾಗಿ ಶ್ರೀಲೀಲಾ ಐಟಂ ಸಾಂಗುಗಳಲ್ಲಿ ಕುಣಿಯೋದರಲ್ಲೇ ಆನಂದ ಪಡೆದುಕೊಳ್ಳುತ್ತಿದ್ದಾಳಾ? ಹೀಗೊಂದು ಚರ್ಚೆ ಸಿನಿಮಾ ಪ್ರೇಮಿಗಳ ನಡುವೆ ಜೋರಾಗಿದೆ. ಇದೀಗ ಒಂದೇ ವೇಗದಲ್ಲಿ ಮೊದಲ ಹಂತದ ಚಿತ್ರೀಕರಣ ನಡೆಸಿದ್ದ ಪೆಡ್ಡಿ ಚಿತ್ರತಂಡ ರಿಲ್ಯಾಕ್ಸ್ ಮೂಡಿನಲ್ಲಿದೆ. ಈ ತಿಂಗಳ ಕಡೇ ಭಾಗದಲ್ಲಿ ವಿಶೇಷ ಹಾಡಿನ ಚಿತ್ರೀಕರಣ ಲಂಡನ್ನಿನಲ್ಲಿ ನಡೆಯಲಿದೆ.

The post sreeleela: ಪುಷ್ಪ2 ನಂತರ ಬದಲಾಯ್ತೇ ಶ್ರೀಲೀಲಾ ವರಸೆ? appeared first on Cini Shodha.

ಹೀಗೆ ಅವಕಾಶಗಳ ಒಡ್ಡೋಲಗದಲ್ಲಿ ಮೆರವಣಿಗೆ ಹೊರಟಿರೋ ಶ್ರೀಲೀಲಾ ಕಡೆಯಿಂದೊಂದು ಸುದ್ದಿಯೀಗ ಹೊರ ಬಿದ್ದಿದೆ. ಆಕೆ ಹಠಾತ್ತನೆ ಒಂದಷ್ಟು ಕಾಲ ಚಿತ್ರರಂಗದ ಸಾಹಚರ್ಯದಿಂದ ದೂರ ಉಳಿಯುವ ತೀರ್ಮಾನಕ್ಕೆ ಬಂದಿದ್ದಾಳೆ. ಈ ವಿಚಾರ ಕೇಳಿದಾಕ್ಷಣ ಯಾರಿಗಾದರೂ ಅಚ್ಚರಿಯಾಗದಿರೋದಿಲ್ಲ. ಹಾಗಂತ ಆಕೆ ಸಿನಿಮಾ, ಚಿತ್ರೀಕರಣದಿಂದ ದೂರವುಳಿಯಲು ತೀರ್ಮಾನಿಸಿರೋದರ ಹಿಂದೆ ಯಾವುದೇ ವಿವಾದಗಳಾಗಲಿ, ತಕರಾರುಗಳಾಗಲಿ ಇಲ್ಲ. ಒಂದು ಮೂಲದ ಪ್ರಕಾರ ಓದಿನ ಉದ್ದೇಶದಿಂದ ಇದೇ ನವೆಂಬರ್ ತಿಂಗಳಿಂದ ಒಂದಷ್ಟು ಕಾಲ ಬ್ರೇಕ್ ತೆಗೆದುಕೊಳ್ಳಲು ಶ್ರೀಲೀಲಾ ತೀರ್ಮಾನಿಸಿದ್ದಾಳಂತೆ.

ಶ್ರೀಲೀಲಾ ಮೂಲತಃ ಎಂಬಿಬಿಎಸ್ ವಿದ್ಯಾರ್ಥಿ. ಓದಿನ ನಡುವಲ್ಲಿಯೇ ಮಾಡೆಲಿಂಗ್ ಕ್ಷೇತ್ರಕ್ಕೆ ಕಾಲಿಟ್ಟಿದ್ದರೂ ಕೂಡಾ ಓದಿನತ್ತ ಆಕೆಯ ವಿಶೇಷ ಆಸಕ್ತಿ ಇತ್ತು. ಆ ನಂತರದಲ್ಲಿ ನಾಯಕಿಯಾಗಿ ಆಗಮಿಸಿದರೂ ಕೂಡಾ ಡಾಕ್ಟರಿಕೆ ಮತ್ತು ವೃತ್ತಿ ಬದುಕನ್ನು ಒಟ್ಟೊಟ್ಟಿಗೇ ನಿಭಾಯಿಸುವ ಇರಾದೆ ಶ್ರೀಲೀಲಾಗಿತ್ತು. ಈ ಕಲಿಕೆಗೆ ಸಂಬಂಧಪಟ್ಟಂತೆ ಪರೀಕ್ಷೆ ಒಂದಿರೋದರಿಂದ, ಅದಕ್ಕಾಗಿ ಎರಡು ತಿಂಗಳ ಕಾಲ ಮೀಸಲಿಡಲು ಶ್ರೀಲೀಲಾ ತೀರ್ಮಾನಿಸಿದ್ದಾಳಂತೆ. ಈಗಾಗಲೇ ಸಿನಿಮಾ ತಂಡಗಳ ಬಳಿ ಮಾತಾಡಿಕೊಂಡು ಅದಕ್ಕೆ ರೆಡಿಯಾಗಿದ್ದಾಳೆ. ಅಂದಹಾಗೆ, ಶ್ರೀಲೀಲಾ ಈಗ ತೆಲುಗು ಚಿತ್ರರಂಗದಲ್ಲಿ ಅದೆಷ್ಟು ಬೇಡಿಕೆ ಹೊಂದಿದ್ದಾಳೆಂದರೆ, ಈಗ ಒಪ್ಪಿಕೊಂಡಿರೋ ಸಿನಿಮಾಗಳೇ ಇನ್ನೊಂದು ವರ್ಷಕ್ಕಾಗುವಷ್ಟಿದ್ದಾವೆ!

The post sreeleela: ಬಹುಬೇಡಿಕೆಯ ಭರಾಟೆಯ ನಡುವಲ್ಲೊಂದು ಬ್ರೇಕು! appeared first on Cini Shodha.

ಕಿಸ್ ಅಂತೊಂದು ಸನಿಮಾದಲ್ಲಿ ನಾಯಕಿಯಾಗಿ ನಟಿಸಿ, ಮೊದಲ ಹೆಜ್ಜೆಯಲ್ಲಯೇ ಗೆಲುವು ಪಡೆದಿದ್ದಾಕೆ ಶ್ರೀಲೀಲಾ. ಆ ನಂತರದಲ್ಲಿ ರಾಘವೇಂದ್ರ ರಾವ್ ನಿರ್ದೇಶನದ ಸಿನಿಮಾ ಮೂಲಕ ತೆಲುಗಿಗೂ ಎಂಟ್ರಿ ಕೊಟ್ಟಿದ್ದಳು. ಯಾವ ತಾರಾತಿಗಡಿಯೂ ಇಲ್ಲದೆ ತನ್ನ ಪಾಡಿಗೆ ತಾನಿರುವ, ಅಮ್ಮನ ಅಧ್ವಾನಗಳನ್ನು ಮೀರಿ ವಿವಾದಗಳಿಂದ ದೂರವಿರುವ ಈ ಹುಡುಗಿ ತೆಲುಗು ಪ್ರೇಕ್ಷಕರ ಮನ ಗೆದ್ದಿದ್ದಾಳೆ. ಆ ನಂತರ ಈಕೆ ಪಡೆದುಕೊಳ್ಳುತ್ತಿರುವ ಸಾಲು ಸಾಲು ಅವಕಾಶಗಳನ್ನು ಕಂಡು ಇತರೇ ನಟಿಯರು ಬೆಚ್ಚಿಬಿದ್ದಿದ್ದಾರೆ. ಇದೀಗ ಬೆಚ್ಚುವ ಸರದಿ ರಶ್ಮಿಕಾಳವರೆಗೂ ಸಾಗಿ ಬಂದಿದೆ. ಯಾಕೆಂದರೆ, ವೆಂಕಿ ಕುಡುಮುಲ ನಿರ್ದೇಶನದ ಚಿತ್ರಕ್ಕೆವ ರಶ್ಮಿಕ ನಾಯಕಿ ಅತ ಸುದ್ದಿಯಾಗಿತ್ತಾದರೂ, ಇದೀಗ ಆ ಅವಕಾಶ ಶ್ರೀಲೀಲಾಗೆ ಒಲಿದು ಬಂದಿದೆ!

ಅದೇನು ಅಹಮ್ಮಿಕೆಯೋ, ಗೆಲುವಿನ ಉತ್ಸಾಹವೋ ಗೊತ್ತಿಲ್ಲ; ಈ ರಶ್ಮಿಕಾ ಮಂದಣ್ಣ ಕೊಂಚ ಚಿಗುರಿಕೊಳ್ಳುತ್ತಲೇ ಏಕಾಏಕಿ ಮುಗಿಲು ಮುಟ್ಟುವ ಹುಂಬತನದೊಂದಿಗೆ ಮುಂದುವರೆಯುತ್ತಾಳೆ. ಕನ್ನಡದಲ್ಲಿ ನಾಯಕಿಯಾಗಿ ಪ್ಸಿದ್ಧಿ ಡೆಯುತ್ತಲೇ ಆಕೆ ತೆಲುಗಿಗೆ ಹಾರಿದ್ದಳು. ಒಂದಷ್ಟು ಕಾಲ ಕನ್ನಡವನ್ನು ಕಡೆಗಣಿಸಿ ಮುಂದುವರೆದಿದ್ದಳು. ತೆಲುಗಿನಲ್ಲಿ ಬೇಡಿಕೆ ಹೆಚ್ಚಾಗುತ್ತಲೇ ತಮಿಳು, ಹಿಂದಿಯತ್ತ ಒಲಸೆ ಹೋಗುತ್ತಿದ್ದಾಳೆ. ಇದರ ಬೆನ್ನಿಗೇ ಶ್ರೀಲೀಲಾ ಬಂದಿದ್ದೇ, ಆಕೆಯ ಕೇಜ್ ರಶ್ಮಿಕಾಳನ್ನು ಬೀಟ್ ಮಾಡಿಬಿಟ್ಟಿದೆ. ಹೀಗಿರೋದರಿಂದಲೇ ರಶ್ಮಿಕಾಳಿಗೆ ಮೊದಲ ಆದ್ಯತೆ ಕೊಡುತ್ತಿದ್ದವರೆಲ್ಲ ಶ್ರೀಲೀಲಾಳತ್ತ ಮುಖ ಮಾಡಿದ್ದಾರೆಂಬ ವರ್ತಮಾನವಿದೆ. ಅಂತೂ ಶ್ರೀಲೀಲಾಳಿಂದಾಗಿ ಕನ್ನಡದ ರಶ್ಮಿಕಾ, ಪೂಜಾ ಹೆಗ್ಡೆಯಂತವರು ಸೈಡಿಗೆ ಸರಿಯುವಂಥಾ ವಾತಾವರಣ ನಿರ್ಮಾಣವಾಗಿದೆ!

The post sreelela: ತೆಲುಗಿನಲ್ಲೀಗ ಕಿಸ್ ಹುಡುಗಿಯದ್ದೇ ಹವಾ! appeared first on Cini Shodha.

ಇನ್ನೇನು ಕನ್ನಡದಲ್ಲಿ ಈಕೆ ಮುಖ್ಯ ನಾಯಕಿಯಾಗಿ ನೆಲೆ ಕಂಡುಕೊಳ್ಳೋದು ಗ್ಯಾರೆಂಟಿ ಅಂತಲೇ ಅನೇಕರು ಅಂದುಕೊಂಡಿದ್ದರು. ವಿರಾಟ್‍ಗೆ (virat) ಜೋಡಿಯಾಗಿ ಕಾಣಿಸಿಕೊಂಡಿದ್ದ ಈ ಹುಡುಗಿ ಮಾಡಿದ್ದ ಮೋಡಿ ಸಾಮಾನ್ಯದ್ದೇನಲ್ಲ. ಆದರೆ ಲತ್ತೆ ಆಸಾಮಿ (dhanveer) ಧನ್ವೀರನೊಂದಿಗೆ ಬೈ ಟು ಲವ್ ಎಂಬ ಸಿನಿಮಾದಲ್ಲಿ ನಟಿಸಿದಳು ನೋಡಿ? ಆಕೆಯ ಸುತ್ತಾ ನಾನಾ ಪಲ್ಲಟಗಳು ಜರುಗಲಾರಂಭಿಸಿದ್ದವು. ಅದ್ಯಾರು ಹಬ್ಬಿಸಿದರೋ ಗೊತ್ತಿಲ್ಲ; ಒಂದಷ್ಟು ಕಾಲ ಶ್ರೀ ಲೀಲಾ ಮತ್ತು ಧನ್ವೀರ್ ಲವ್ವಲ್ಲಿ ಬಿದ್ದಿದ್ದಾರೆ ಎಂಬಲ್ಲಿಯವರೆಗೂ ರೂಮರುಗಳು ಹಬ್ಬಿಕೊಂಡಿದ್ದವು. ಅದರ ಬೆನ್ನಲ್ಲಿಯೇ ಶುರುವಾಗಿದ್ದು ಹಲ್ಲಿನ ಡಾಕ್ಟರ್ ಸ್ವರ್ಣಲತಾಳ ಪುಡಿ ರೌಡಿಗಿರಿ. ಅಂದಹಾಗೆ, ಈ ಸ್ವರ್ಣಲತಾ ಬಳುಕೋ ಬಳ್ಳಿ ಶ್ರೀಲೀಲಾಳ ಸ್ವಂತ ಅಮ್ಮ!

ಹಲ್ಲಿನ ಡಾಕ್ಟರ್ ಆಗಿದ್ದುಕೊಂಡು, ಮಗಳನ್ನೂ ಡಾಕ್ಟರ್ ಮಾಡೋ ಕನಸು ಹೊತ್ತಿದ್ದಾಕೆ ಸ್ವರ್ಣಲತಾ. ಸಿನಿಮಾ ಒಪ್ಪಿಕೊಳ್ಳುವಾಗ, ಮಗಳ ಇಂಟರ್‍ವ್ಯೂ ಮುಂತಾದ ಚಟುವಟಿಕೆಗಳಲ್ಲಿಯೂ ತಾನ ಮಧ್ಯವರ್ತಿಯಾಗಿ ನಿಂತು ಶ್ರೀಲೀಲಾಳನ್ನು ಜತನದಿಂದ ಕಾಪಾಡುತ್ತಿದ್ದಾಕೆ ಸ್ವರ್ಣಲತಾ. ಇಂಥಾ ಹೆಂಗಸಿಗೆ ಅದ್ಯಾತರ ಪಿತ್ಥ ಕೆದರಿಕೊಂಡಿತೋ ಗೊತ್ತಿಲ್ಲ; ಆಕೆ ಏಕಾಏಕಿ ಅಲಯನ್ಸ್ ವಿಶ್ವವಿದ್ಯಾಲಯದ ಸಂಸ್ಥಾಪಕ ಕಂ ಕಚ್ಚೆಹರುಕ ಮಧುಕರ ಅಂಗೂರನೊಂದಿಗೆ ಠಳಾಯಿಸಲಾರಂಭಿಸಿದ್ದಳು. ಅಂಗೂರನ ಫ್ಯಾಮಿಲಿ ಕದನದಲ್ಲಿ ಎಂಟಿ ಕೊಟ್ಟು ಅದೊಂದು ದಿನ ವೀರಾಗ್ರಣಿಯಂತೆ ವಿವಿಗೆ ನುಗ್ಗಿ ತನ್ನ ಮಾನವನ್ನು ತಾನೇ ಹರಾಜು ಹಾಕಿಕೊಂಡಿದ್ದಳು. ಈ ಸಂಬಂಧವಾಗಿ ಕೇಸು ಜಡಿಸಿಕೊಳ್ಳುತ್ತಲೇ ಮಾಧ್ಯಮಗಳ ಸುದ್ದಿಗೂ ಆಹಾರವಾಗಿದ್ದಳು.

ಹಾಗೆ ಸ್ವರ್ಣಲತಾ ರೌಡಿಗಿರಿ ಪ್ರದರ್ಶಿಸಿ ತಗುಲಿಕೊಳ್ಳುತ್ತಲೇ, ಆಕೆಯನ್ನು ಮೀಡಿಯಾ ಮಂದಿ ಗುರುತಿಸಿದ್ದು ಶ್ರೀಲೀಲಾಳ ಹೆಸರಿನಿಂದಲೇ. ಒಂದು ಮೂಲದ ಪ್ರಕಾರ ಸೂಕ್ಷ್ಮ ಮನಸಿನ ಶ್ರೀಲೀಲಾ ಅಮ್ಮನ ಅವಾಂತರದಿಂದ ರೋಸತ್ತು ಹೋಗಿದ್ದಳು. ತನ್ನ ಸುತ್ತ ಹಬ್ಬಿಕೊಳ್ಳುತ್ತಿರುವ ಸುದ್ದಿ ಕಂಡು ಮರುಗಿದ್ದಳು. ಆ ಹೊತ್ತಿಗಾಗಲೇ ತೆಲುಗು ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ದಳಲ್ಲಾ? ಸದ್ಯಕ್ಕೆ ತೆಲುಗಿನಲ್ಲಿಯೇ ಹಾಯಾಗಿರುವ ತೀರ್ಮಾನವನ್ನು ಶ್ರೀಲೀಲಾ ತೆಗೆದುಕೊಂಡಂತಿದೆ. ಇದೀಗ ಅಲ್ಲಿ ಈಕೆ ಅದೆಂಥಾ ಬೇಡಿಕೆ ಹೊಂದಿದ್ದಾಳೆಂದರೆ, ಏಕಕಾಲದಲ್ಲಿಯೇ ಏಳೆಂಟು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾಳೆ. ಪ್ರಿನ್ಸ್ ಮಹೇಶ್‍ಗೂ ಸದ್ಯದಲ್ಲಿಯೇ ಜೋಡಿಯಾಗಲಿದ್ದಾಳೆಂಬ ಮಾತುಗಳೂ ಕೇಳಿ ಬರುತ್ತಿವೆ.

ಇದೆಲ್ಲ ಏನೇ ಇದ್ದರೂ ಶ್ರೀಲೀಲಾಳ ವ್ಯಕ್ತಿತ್ವದಲ್ಲಿ ಮೆಚ್ಚಿಕೊಳ್ಳುವಂಥಾ ಅನೇಕ ಗುಣಗಳಿದ್ದಾವೆ. ಯಾಕೆಂದರೆ, ಕನ್ನಡ ಚಿತ್ರಂಗದಲ್ಲಿ ಚಿಗುರಿಕೊಂಡು ಒಂದೇ ಒಂದು ಬೇರೆ ಭಷೆಯ ಚಿತ್ರದಲ್ಲಿ ನಟಿಸಿದರೂ ಕೆಲ ನಟಿಯರು ತಿಮಿರು ತೋರಿಸುತ್ತಾರೆ. ರಶ್ಮಿಕಾ ಮಂದಣ್ಣನಂಥಾ ಮಂದ ಬುದ್ಧಿಯ ನಟಿಯರು ಈ ಕಾರಣದಿಂದಲೇ ಕನ್ನಡಿಗರೆಲ್ಲರ ಕೆಂಗಣ್ಣಿಗೆ ಗುರಿಯಾಗುತ್ತಾರೆ. ಆದರೆ ಶ್ರೀಲೀಲ ಮಾತ್ರ ಸಂಪೂರ್ಣ ಭಿನ್ನ. ಆಕೆ ತೆಲುಗು ನೆಲದಲ್ಲಿ ನಿಂತು ಕನ್ನಡ ಚಿತ್ರರಂಗವನ್ನು ಕೊಂಡಾಡುತ್ತಾಳೆ. ಕನ್ನಡದ ಬಗೆಗಿನ ಅಭಿಮಾನ ಮೆರೆಯುತ್ತಾಳೆ. ಅಂತೂ ಅಮ್ಮನ ರಂಖಲುಗಳಿಂದ ಬೇಸತ್ತಿರುವ ಶ್ರೀಲೀಲಾ ತೆಲುಗಿನಲ್ಲಿಯೇ ತಂಪಾಗಿದ್ದಾಳೆ!

The post sreeleela: ಶ್ರೀಲೀಲಾಗೆ ವಿಲನ್ ಆದಳೇ ಹಲ್ಲಿನ ಡಾಕ್ಟರ್? appeared first on Cini Shodha.