ಪ್ರಭಾಸ್ ಯಾವುದೇ ಸಿನಿಮಾ ಒಪ್ಪಿಕೊಂಡಾಗಲೂ ನಾಯಕಿ ಯಾರೆಂಬುದರ ಸುತ್ತ ಚರ್ಚೆಗಳು ಹುಟ್ಟಿಕೊಳ್ಳೋದು ಹೊಸತೇನಲ್ಲ. ಆದರೆ, ಸ್ಪಿರಿಟ್ ವಿಚಾರದಲ್ಲಿ ಅದರ ಸ್ಪೀಡು ಕೊಂಚ ತೀವ್ರವಾದಂತಿದೆ. ಇದುವರೆಗೂ ಈ ಸಾಲಿನಲ್ಲಿ ಸಾಕಷ್ಟು ನಟಿಯರ ಹೆಸರುಗಳು ಕೇಳಿ ಬಂದಿದ್ದಾವೆ. ಇತ್ತೀಚೆಗಷ್ಟೇ ಕನ್ನಡದ ಹುಡುಗಿ ರುಕ್ಮಿಣಿ ವಸಂತ್ ಪ್ರಭಾಸ್ ಗೆ ನಾಯಕಿಯಾಗೋದು ಪಕ್ಕಾ ಎಂಬಂಥಾ ಸುದ್ದಿಗಳು ಹರಿದಾಡಿದ್ದವು. ತಮಿಳಿನಲ್ಲಿಯೂ ಪ್ರಸಿದ್ಧಿ ಪಡೆದುಕೊಳ್ಳುತ್ತಿರೋ ರುಕ್ಮಿಣಿಯ ಬಗ್ಗೆ ಪ್ರಭಾಸ್ ಅಭಿಮಾನಿಗಳಿಗೂ ಮೆಚ್ಚುಗೆಯಿತ್ತು. ಇದೆಲ್ಲದರ ನಡುವೆ ವಂಗಾನ ಲೆಕ್ಕಾಚಾರವೇ ಬೇರೆ ದಿಕ್ಕಿನಲ್ಲಿದ್ದಂತಿದೆ. ಅದರ ಭಾಗವಾಗಿಯೇ ಇದೀಗ ಸ್ಪಿರಿಟ್ ನಾಯಕಿಯಾಗಿ ತೃಪ್ತಿ ಧಿಮ್ರಿ ಆಯ್ಕೆ ಬಹುತೇಕ ಖಚಿತ ಎಂಬಂಥಾ ಮಾತುಗಳು ಹರಿದಾಡುತ್ತಿವೆ.

ತೃಪ್ತಿ ಧಿಮ್ರಿ ಎಂಬ ಹೆಸರು ಒಂದಷ್ಟು ಮುನ್ನೆಲೆಗೆ ಬಂದಿದ್ದೇ ವಂಗಾ ನಿರ್ದೇಶನದ ಅನಿಮಲ್ ಚಿತ್ರದ ಮೂಲಕ. ಅದರಲ್ಲಿ ಪ್ರಧಾನ ಪಾತ್ರ ನಿರ್ವಹಿಸಿದ್ದ ತೃಪ್ತಿ ಆ ನಂತರದಲ್ಲಿ ಹೇಳಿಕೊಳ್ಳುವಂಥಾ ಅವಕಾಶವನ್ನೇನೂ ಪಡೆದುಕೊಂಡಿರಲಿಲ್ಲ. ಆದರೆ, ವಂಗಾ ಆಕೆಯನ್ನು ಪ್ರಭಾಸ್ ಗೆ ನಾಯಕಿಯನ್ನಾಗಿಸಲು ನಿರ್ಧರಿಸಿದ್ದಾರಂತೆ. ಇದರ ವಿರುದ್ಧವೀಗ ಪ್ರಭಾಸ್ ಅಭಿಮಾನಿ ಪಾಳೆಯದಲ್ಲಿ ಅಸಮಾಧಾನಗಳು ಮೂಡಿಕೊಂಡಿವೆ. ಆಕೆಗೆ ಹೆಚ್ಚೆಂದರೆ ಒಂದ್ಯಾವುದೋ ಸಾಂಗಿನಲ್ಲಿ ಅವಕಾಶ ಕೊಡಬಹುದಿತ್ತಷ್ಟೆ. ಆಕೆಗೆ ಪ್ರಭಾಸ್ ನಾಯಕಿಯಾಗುವಂಥಾ ಛಾರ್ಮ್ ಇಲ್ಲ ಎಂಬಂತೆ ಪ್ರಭಾಸ್ ಅಭಿಮಾನಿ ಬಳಗ ಸಿಡಿಮಿಡಿಗೊಂಡಿದೆ.

The post tripti dimri: ನಿರಾಸೆಗೀಡಾದರೇ ಪ್ರಭಾಸ್ ಫ್ಯಾನ್ಸ್? appeared first on Cini Shodha.