ಸೀರಿಯಲ್ ಲೋಕದಪಾಲಿಗೆ ಲಕ್ಷ್ಮಿ ಸಿದ್ದಯ್ಯ ಥರ ಥರದ ಪಾತ್ರಗಳ ಮೂಲಕ ಹೆಸರಾಗಿದ್ದಾರೆ. ಸಾಕಷ್ಟು ಸಿನಿಮಾಗಳಲ್ಲಿಯೂ ನಟಿಸಿರುವ ಇವರನ್ನು ವಿಶೇಷವಾಗಿ ಪರಿಚಯಿಸುವ ಅಗತ್ಯವೇನಿಲ್ಲ. ಇಂಥಾ ಲಕ್ಷ್ಮಿ ಪ್ರಧಾನವಾಗಿ ಗುರುತಿಸಿಕೊಂಡಿರೋದು, ಪ್ರೇಕ್ಷಕರಿಗೆ ಹತ್ತಿರಾಗಿರೋದು ಅಮ್ಮನ ಪಾತ್ರಗಳ ಮೂಲಕ. ನಿರ್ದೇಶಕ ಮಹೇಶ್ ಗೌಡ ಕೂಡಾ ಬಿಳಿಚುಕ್ಕಿ ಹಳ್ಳಿಹಕ್ಕಿಯ ತಾಯಿ ಪಾತ್ರಕ್ಕೆ ಆರಂಭದಲ್ಲಿಯೇ ಅವರನ್ನು ನಿಕ್ಕಿಯಾಗಿಸಿದ್ದರು. ಒಟ್ಟಾರೆ ಸಿನಿಮಾದ ಕಥೆ ಮತ್ತು ಆ ಪಾತ್ರದ ಚಹರೆಗಳನ್ನು ಗಮನಿಸಿದ ಲಕ್ಷ್ಮಿ ಅವರು ಮರುಮಾತಿಲ್ಲದೆ ಒಪ್ಪಿಕೊಂಡಿದ್ದರಂತೆ. ಕಡೆಗೂ ಚಿತ್ರೀಕರಣ ಶುರುವಾಗಿ, ತಾಯ್ತನದ ಪುಳಕಗಳನ್ನು ಆವಾಹಿಸಿಕೊಂಡು ನಟಿಸಿದ ಲಕ್ಷ್ಮಿ ಅವರ ಪಾಲಿಗೆ ಇದು ತನ್ನ ವೃತ್ತಿ ಬದುಕಿನ ಮಹತ್ವದ ಚಿತ್ರವೆಂಬ ಭಾವ ಮೂಡಿಕೊಂಡಿದೆ.

ಲಕ್ಷ್ಮಿ ಅವರಿಲ್ಲಿ ನಾಯಕನ ತಾಯಿಯಾಗಿ ನಟಿಸಿದ್ದಾರೆ. ಇಲ್ಲಿ ಅವರ ಮಗನಿಗೆ ಎಳವೆಯಿಂದಲೇ ತೊನ್ನಿನ ಬಾಧೆಯಿರುತ್ತದೆ. ಆಸುಪಾಸಿನ ಮಂದಿ ಅದೇನೇ ಕುಹಕವಾಡಿದರೂ, ಅದು ತನ್ನ ಮಗನಿಗೆ ಘಾಸಿಗೊಳಿಸದಂತೆ ಮುಚ್ಚಟೆ ಮಾಡಿ ಕಾಪಿಡುವ ಪಾತ್ರವದು. ಯಾವ ಘಳಿಗೆಯಲ್ಲಿಯೂ ಮಗನನ್ನು ಕುಗ್ಗಲು ಬಿಡುದ ಆ ಪಾತ್ರ ಈ ಸಿನಿಮಾದ ಕೇಂದ್ರಬಿಂದು. ಇಡೀ ಚಿತ್ರದುದ್ದಕ್ಕೂ ಹಬ್ಬಿಕೊಂಡಿರುವ ಈ ಪಾತ್ರ ಲಕ್ಷ್ಮಿಯವರಲ್ಲಿ ವಿಶಿಷ್ಟ ಅನುಭೂತಿ ಮೂಡಿಸಿದೆ. ಖಂಡಿತವಾಗಿಯೂ ನೋಡಿಕದ ಪ್ರತಿಯೊಬ್ಬರಿಗೂ ಅದು ದಾಟಿಕೊಳ್ಳುತ್ತದೆ. ಇಂಥಾ ಚೆಂದದ ಪಾತ್ರಕ್ಕೆ ತನ್ನನ್ನೇ ಆಯ್ಕೆ ಮಾಡಿಕೊಂಡ ಮಹೇಶ್ ಗೌಡರ ಬಗ್ಗೆಯೂ ಅವರಲ್ಲೊಂದು ಅಕ್ಕರೆಯಿದೆ.

ಮಲೆನಾಡಿನ ಒಡಲಲ್ಲಿರುವ ಕೊಪ್ಪದ ಸುಂದರ ವಾತಾವರಣದಲ್ಲಿ ಈ ಪಾತ್ರವನ್ನು ಲಕ್ಷ್ಮಿ ಅವರು ಜೀವಿಸಿದ್ದಾರೆ. ಈ ಸಿನಿಮಾ ಎಲ್ಲ ವರ್ಗದ ಪ್ರೇಕ್ಷಕರಿಗೂ ಹಿಡಿಸುವಂತೆ ಮೂಡಿ ಬಂದಿದೆ ಎಂಬ ತುಂಬು ನಂಬಿಕೆಯೂ ಅವರಲ್ಲಿದೆ. ಈ ಚಿತ್ರದಲ್ಲಿ ಕಾಜಲ್ ಕುಂದರ್ ನಾಯಕಿಯಾಗಿ ನಟಿಸಿದ್ದಾರೆ. ವೀಣಾ ಸುಂದರ್, ರವಿ ಭಟ್, ಜಹಾಂಗೀರ್ ಮತ್ತು ಲಕ್ಷ್ಮಿ ಸಿದ್ದಯ್ಯ ಪ್ರಮುಖ ಪಾತ್ರಗಳಿಗೆ ಜೀವ ತುಂಬಿದ್ದಾರೆ. ಕಿರಣ್ ಸಿಹೆಚ್‌ಎಂ ಛಾಯಾಗ್ರಹಣ, ಮೊನಿಷ್ ಸಂಕಲನ, ರಿಯೋ ಆಂಟನಿ ಸಂಗೀತ ಮತ್ತು ಹಿನ್ನೆಲೆ ಸಂಗೀತ, ಅದಿತಿ ನಾರಾಯಣ್ ಮತ್ತು ರಘು ನೃತ್ಯ ನಿರ್ದೇಶನ, ಪ್ರತಾಪ್ ಭಟ್ ಮತ್ತು ಮಹೇಂದ್ರ ಗೌಡ ಸಾಹಿತ್ಯ ಈ ಚಿತ್ರಕ್ಕಿದೆ.

The post Bilichukki Hallihakki Movie: ಅಮ್ಮನ ಪಾತ್ರದ ಬಗ್ಗೆ ಲಕ್ಷ್ಮಿ ಸಿದ್ದಯ್ಯ ತೆರೆದಿಟ್ಟ ಅಚ್ಚರಿ! appeared first on Cini Shodha.

ಈಕೆ ಈ ಬಾರಿ ಬಿಗ್ ಬಾಸ್ (bigg boss season 10) ಸ್ಪರ್ಧಿಯಾಗಲಿದ್ದಾರೆಂಬ ಸುದ್ದಿ ಹಬ್ಬಿಕೊಂಡಿತ್ತು. ಅದಕ್ಕೆ ಸರಿಯಾಗಿ ಚಿತ್ರಲ್ ವೇದಿಕೆ ಪ್ರವೇಶಿಸಿದರಾದರೂ, ಮನೆ ಸೇರಿಕೊಳ್ಳೋದು ಸಾಧ್ಯವಾಗಿರಲಿಲ್ಲ. ಆದರೂ ಈಕೆಯ ಬಗೆಗಿನ ಸುದ್ದಿಗಳು, ಚರ್ಚೆಗಳು ಇನ್ನೂ ನಿಂತಿಲ್ಲ. ಯಾಕಂದ್ರೆ, ಈ ಹುಡುಗಿ ಎದುರಿಸಿದ ಸವಾಲುಗಳು ಮತ್ತು ಅದಕ್ಕೆ ಸೆಡ್ಡು ಹೊಡೆದು ನಿಂತ ಪರಿಯೇ ಅಂಥದ್ದಿದೆ. ಸಾಮಾನ್ಯವಾಗಿ ಎಂಥಾ ಗಟ್ಟಿಗರೇ ಆಗಿದ್ದರೂ ಕೂಡಾ ಪದೇ ಪದೆ ಆಘಾತಗಳಾದಾಗ, ಎದ್ದು ನಿಂತಾಗೆಲ್ಲ ಬದುಕೆಂಬುದು ಒದ್ದು ಕೆಡವಿದಾಗ ಕಂಗಾಲಾಗುತ್ತಾರೆ. ಮೇಲೇಳಲು ಸಾಧ್ಯವೇ ಇಲ್ಲವೆಂಬಂತೆ ಕುಸಿದು ಬಿಡುತ್ತಾರೆ. ಆದರೆ, ಚಿತ್ರಾಲ್ ಮಾತ್ರ ಬದುಕಿನ ಪ್ರಹಾರವಾದಾಗೆಲ್ಲ ಪುಟಿದೆದ್ದು ನಿಂತವರು. ಆ ಮೂಲಕ ಒಂದಷ್ಟು ಆಯಾಮಗಳಲ್ಲಿ ಎಲ್ಲರಿಗೂ ಸ್ಫೂರ್ತಿಯಂತಿರುವವರು.

ಚಿತ್ರಾಲ್ ಗೆ ಬದುಕು ಎಲ್ಲ ರೀತಿಯಲ್ಲಿಯೂ ಸವಾಲೊಡ್ಡಿತ್ತು. ಇದ್ದಕ್ಕಿದ್ದಂತೆ ಧಾರಾವಾಹಿಗಳ ಅವಕಾಶಗಳೂ ಕಡಿಮೆಯಾಗಿದ್ದವು. ಅದಕ್ಕೆ ಸರಿಯಾಗಿ ಪ್ರೀತಿಯೂ ಕೈ ಕೊಟ್ಟಿತ್ತು. ಅಂಥಾ ಆಘಾತದಲ್ಲಿ ಕಣ್ಣೀರು ಸುರಿಸದೆ, ಈ ಕ ಹಿಡಿದದ್ದು ಜಿಮ್ ದಾರಿಯನ್ನು. ಕಣ್ಣೀರನ್ನೂ ಬೆವರಾಗಿ ಹರಿಸುತ್ತಾ, ದೇಹವನ್ನು ಹುರಿಗೊಳಿಸಿಕೊಂಡಿದ್ದ ಚಿತ್ರಲ್ ನೋಡ ನೋಡುತ್ತಲೇ ಲೇಡಿ ಬಾಡಿ ಬಿಲ್ಡರ್ ಆಗಿದ್ದರು. ಬಹುಮಾನವನ್ನೂ ಗೆದ್ದುಕೊಂಡಿದ್ದರು. ಇದೀಗ ಕೆ ಬಹು ಜನಪ್ರಫಿಟ್ನೆಸ್ ಟೈನರ್ ಆಗಿದ್ದಾರೆ. ಒಂದು ಮಟ್ಟಿಗೆ ಸವಾಲುಗಳಿಗೆ ಸೆಡ್ಡು ಹೊಡೆದು ಗೆದ್ದಿದ್ದಾರೆ. ಈಕೆ ನಿಜಕ್ಕೂ ಬಿಗ್ ಬಾಸ್ ಮನೆ ಸೇರಿಕೊಳ್ಳಬೇಕಿತ್ತು!

The post chitral ragaswamy: ಆಕೆ ನಿರಾಸೆಗಳನ್ನೇ ನುಂಗಿಕೊಂಡು ಪುಟಿದೆದ್ದ ಗಟ್ಟಿಗಿತ್ತಿ! appeared first on Cini Shodha.

ಕೊಂಚ ಅಂತರ್ಮುಖಿಯಂತೆ ಕಾಣುತ್ತಾ, ಅಹಮ್ಮಿಕೆಯಂತೆ ಗೋಚರಿಸೋ ಪದರಿನೊಳಗೊಂದು ಮಮಕಾರವನ್ನು ಕಾಪಿಟ್ಟುಕೊಂಡಿರುವಾಕೆ ದೀಪಿಕಾ ದಾಸ್. ಬಿಗ್ ಬಾಸ್ ಶೋಗಳ ಮೂಲಕ ಆಕೆಯ ವ್ಯಕ್ತಿತ್ವದ ಮತ್ತೊಂದು ಮಜಲು ಪ್ರೇಕ್ಷಕರೆದುರು ಜಾಹೀರಾಗಿತ್ತು. ಹಾಗೆ ದೀಪಿಕಾ ಬಿಗ್ ಬಾಸ್ ಶೋಗೆ ಬಂದ ನಂತರದಲ್ಲಿ ಅವಕಾಶಗಳು ಸಾಲುಗಟ್ಟೋದೂ ಇದೆ. ಪ್ರತಿಭೆ ಸೇರಿದಂತೆ, ಎಲ್ಲವನ್ನೂ ಹೊಂದಿರುವ ದೀಪಿಕಾ ಕೂಡಾ ಬಿಗ್ ಬಾಸ್ ಬಳಿಕ ಮಿಂಚಬಹುದೆಂದು ಅಂದುಕೊಳ್ಳಲಾಗಿತ್ತು. ಆದರೆ, ಬರಬರುತ್ತಾ ಅದೂ ಸುಳ್ಳಾದಂತಿದೆ. ಯಾಕೆಂದರೆ, ಇತ್ತೀಚಿನ ದಿನಗಳಲ್ಲಿ ದೀಪಿಕಾ ಬರೀ ಸೋಶಿಯಲ್ ಮೀಡಿಯಾಗಳಿಗೆ ಮಾತ್ರವೇ ಸೀಮಿತವಾದಂತಿದೆ!

ಬಿಗ್ ಬಾಸ್ ಶೋನಿಂದ ಹೊರ ಬಂದ ನಂತರ ದೀಪಿಕಾ ಮತ್ತು ಸಹ ಸ್ಪರ್ಧಿಯಾಗಿದ್ದ ಶೈನ್ ಶೆಟ್ಟಿ ಸುತ್ತ ಒಂದಷ್ಟು ರೂಮರುಗಳು ಹಬ್ಬಿಕೊಂಡಿದ್ದವು. ಅವರಿಬ್ಬರು ಇನ್ನೇನು ಮದುವೆಯಾಗಿಯೇ ಬಿಡುತ್ತಾರೆಂಬರ್ಥದಲ್ಲಿಯೂ ಕಪೋಲಕಲ್ಪಿತ ಸುದ್ದಿಗಳು ಹರಿದಾಡಿದ್ದವು. ಅದರ ಹಿಂದೆ ಎಂಥಾ ಕಿಸುರಿದ್ದರೂ, ಅಂಥಾ ಅಂತೆಕಂತೆಗಳೇ ದೀಪಿಕಾಳು ಒದಷ್ಟು ಕಾಲ ಚಾಲ್ತಿಯಿಟ್ಟಿದ್ದಂತೂ ಸತ್ಯ. ಆ ನಂತರದಲ್ಲಿ ದೀಪಿಕಾ ಅಲ್ಲಿಲ್ಲಿ ರೌಂಡು ಹೊಡೆಯೋದು, ಆ ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಿಕೊಳ್ಳುವುದೆಲ್ಲ ನಡೆಯುತ್ತಿದೆ. ಅದರ ಸುತ್ತ ಒಂದಷ್ಟು ಸುದ್ದಿಗಳೂ ಆಗುತ್ತಿವೆ. ಆದರೆ, ಆಕೆಯ ವೃತ್ತಿ ಬದುಕಿನ ದಿಕ್ಕು ದೆಸೆಗಳು ಮಾತ್ರ ಈ ಕ್ಷಣಕ್ಕೂ ಸ್ಪಷ್ಟವಿಲ್ಲ.

ಇದೆಲ್ಲವನ್ನೂ ನೋಡಿದರೆ, ದೀಪಿಕಾ ದಾಸ್ ಗೆ ಅವಕಾಶಗಳ ಕೊರತೆ ಕಾಡುತ್ತಿದೆಯಾ ಅಂತೊಂದು ಗುಮಾನಿ ಸಹಜವಾಗಿಯೇ ಕಾಡುತ್ತದೆ. ಒಂದು ಕೋನದಿಂದ ಅದರಲ್ಲಿ ಸತ್ಯವಿರುವಂತೆಯೂ ಭಾಸವಾಗುತ್ತದೆ. ಸಿನಿಮಾ ರಂಗದಲ್ಲಿ ನಾಯಕಿಯಾಗಿ, ಒಳ್ಳೆ ಪಾತ್ರಗಳಲ್ಲಿ ಮಿಂಚುವ ಅವಕಾಶಗಳ ದೀಪಿಕಾ ಮುಂದಿದದವು. ಆದರೆ ಅವ್ಯಾವುವೂ ಫಲಿಸಿದಂತಿಲ್ಲ. ಈ ಹಿಂದೆಯೂ ಒಂದಷ್ಟು ಸಿನಿಮಾಗಳಲ್ಲಿ ದೀಪಿಕಾ ನಟಿಸಿದ್ದರು. ಆದರೆ, ಅವ್ಯಾವುವೂ ಬರಖತ್ತಾಗಿರಲಿಲ್ಲ. ಇದೀಗ ಮತ್ತೆಇರುತೆರೆಗೆ ಮರಳಲು ಆಕೆಗೆ ಇಷ್ಟವಾಗುತ್ತಿಲ್ಲ ಅನ್ನಿಸುತ್ತಿದೆ. ಈ ನಡುವೆ ಅಂತರಪಟ ಅಂತೊಂದು ಧಾರಾವಾಹಿಯಲ್ಲಿ ಆಕೆ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದರು. ಅದೂ ಕೂಡಾ ನೋಡ ನೋಡುತ್ತಲೇ ಗಾಯಬ್ ಆಗಿದೆ. ಇದೆಲ್ಲ ಏನೇ ಇದ್ದರೂ ಕಿರುತೆರೆಯಲ್ಲಿ ಗೆದ್ದು ಬುಸುಗುಟ್ಟಿದ್ದ ನಾಗಿಣಿ, ಹಿರಿತೆರೆಯಲ್ಲಿಯೂ ಗೆಲುವಿನ ಹಾದಿ ಹಿಡಿಯುವಂತಾಗಲಿ ಎಂಬುದು ಅಭಿಮಾನಿಗಳ ಬಯಕೆ!

The post deepika das: ಸೋಶಿಯಲ್ ಮೀಡಿಯಾಗೆ ಸೀಮಿತವಾದರೇ ದೀಪಿಕಾ ದಾಸ್? appeared first on Cini Shodha.