ಜಿ3 ಪ್ರೊಡಕ್ಷನ್ಸ್ ಬ್ಯಾನರಿನಡಿಯಲ್ಲಿ ನಿರ್ಮಾಣಗೊಂಡಿರುವ ಈ ಚಿತ್ರವನ್ನು ಮನೋಹರ್ ಕಾಂಪಲ್ಲಿ ನಿರ್ದೇಶನ ಮಾಡಿದ್ದಾರೆ. ಈ ಸಿನಿಮಾ ಆರಂಭವಾದಾಗಿಂದ ಇಲ್ಲಿಯವರೆಗೂ ಕೂಡಾ ಹಂತ ಹಂತವಾಗಿಕ ಒಂದಷ್ಟು ಪಕುತೂಹಲ ಮೂಡಿಸುತ್ತಾ ಬಂದಿದೆ. ಖುದ್ದು ನೀನಾಸಂ ಸತೀಶ್ ಅವರೇ ಮ್ಯಾಟ್ನಿಯನ್ನು ತನ್ನ ವೃತ್ತಿ ಬದುಕಿನ ವಿಶೇಷ ಚಿತ್ರವಾಗಿ ಪರಿಗಣಿಸಿದ್ದಾರೆ. ಇದೆಲ್ಲದರ ನಡುವಲ್ಲೀಗ ಸದ್ದೇ ಇಲ್ಲದಂತೆ ಮ್ಯಾಟ್ನಿಯ ಪೋಸ್ಟ್ ಪ್ರೊಡಕ್ಷನ್ ಕೆಲಸ ಕಾರ್ಯಗಳೆಲ್ಲವೂ ಸಮಾಪ್ತಿಗೊಂಡಿದೆ. ಇನ್ನೇನು ಪ್ರಚಾರ ಕಾರ್ಯಕ್ಕೆ ಸನ್ನದ್ಧಗೊಂಡಿರುವ ಚಿತ್ರತಂಡ, ಏಪ್ರಿಲ್ ಮೊದಲ ವಾರದಲ್ಲಿಯೇ ಮ್ಯಾಟ್ನಿಯನ್ನು ತೆರೆಗಾಣಿಸಲು ಅಣಿಯಾಗಿದೆ ಎನ್ನಲಾಗುತ್ತಿದೆ.

ನೀನಾಸಂ ಸತೀಶ್ ಓರ್ವ ನಟನಾಗಿ ಇತ್ತೀಚಿನ ವರ್ಷಗಳಲ್ಲಿ ಅಕ್ಷರಶಃ ರೂಪಾಂತರ ಹೊಂದಿದ್ದಾರೆ. ಸಿನಿಮಾದಿಂದ ಸಿನಿಮಾಕ್ಕೆ ಹೊಸಾ ಬಗೆಯ ಪಾತ್ರಗಳಿಗೆ ಹಾತೊರೆಯುವವರು ಮಾತ್ರವೇ ಚಿತ್ರರಂಗದಲ್ಲಿ ನೆಲೆ ಕಂಡುಕೊಳ್ಳಲು ಸಾಧ್ಯ. ಈ ದಿಸೆಯಲ್ಲಿ ನೋಡ ಹೋದರೆ, ಸತೀಶ್ ಅತ್ಯಂತ ಜಾಗರೂಕ ನಡೆ ಅನುಸರಿಸುತ್ತಿದ್ದಾರೆ. ಮ್ಯಾಟ್ನಿ ಕೂಡಾ ಅಂಥಾ ಹೊಸತನದ ಹಾದಿಯಲ್ಲಿ ನಳನಳಿಸುತ್ತಿರುವಂತೆ ಭಾಸವಾಗುತ್ತಿದೆ. ಈ ಎಲ್ಲ ಕಾರಣದಿಂದಾಗಿ ಸತೀಶ್ ಅಭಿಮಾನಿ ಬಳಗ ಮ್ಯಾಟ್ನಿಗಾಗಿ ಕಾತರಿಸುತ್ತಿದೆ. ಅತ್ತ ಡಿಂಪಲ್ ಅಭಿಮಾನಿಗಳಲ್ಲಿಯೂ ಮ್ಯಾಟ್ನಿಯತ್ತಲೊಂದು ನಿರೀಕ್ಷೆ ಇದ್ದೇ ಇದೆ. ಎಲ್ಲವೂ ಅಂದುಕೊಂಡಂತೆಯೇ ಆದರೆ, ಮ್ಯಾಟ್ನಿ ಏಪ್ರಿಲ್ ಮೊದಲ ವಾರ ಪ್ರೇಕ್ಷಕರ ಮುಂದೆ ತೆರೆದುಕೊಳ್ಳಲಿದೆ!

The post matnee movie releasing updates: ಮತ್ತೆ ಮೋಡಿ ಮಾಡಲಿದೆಯಾ ಡಿಂಪಲ್ ಕ್ವೀನ್-ಸತೀಶ್ ಜೋಡಿ? appeared first on Cini Shodha.