ಪೆಡ್ಡಿ ರಾಮ್‌ಚರಣ್ ನಾಯಕನಾಗಿ ನಟಿಸುತ್ತಿರುವ ಬಹು ನಿರೀಕ್ಷಿತ ಚಿತ್ರ. ಬುಚ್ಚಿ ಬಾಬು ನಿರ್ದೇಶನದ ಈ ಸಿನಿಮಾದಲ್ಲಿ ಜಾನ್ವಿ ಕಪೂರ್ ರಾಮ್ ಚರಣ್‌ಗೆ ನಾಯಕಿಯಾಗಿ ಸಾಥ್ ಕೊಟ್ಟಿದ್ದಾಳೆ. ಇಲ್ಲಿ ಜಾನ್ವಿ ಕೂಡಾ ವಿಶಿಷ್ಟವಾದೊಂದು ಪಾತ್ರದ ಮೂಲಕ ಪ್ರೇಕ್ಷಕರನ್ನು ಅಚ್ಚರಿಗೀಡು ಮಾಡಲು ಅಣಿಗೊಂಡಿದ್ದಾಳೆ. ಈ ಚಿತ್ರದ ವಿಶೇಷ ಹಾಡೊಂದರಲ್ಲಿ ಸಮಂತಾ ನಟಿಸಲಿದ್ದಾಳೆಂಬ ಸುದ್ದಿ ಬಹು ಹಿಂದಿನಿಂದಲೇ ಹಬ್ಬಿಕೊಂಡಿತ್ತು. ನಿರ್ಮಾಪಕರು ಮತ್ತು ನಿರ್ದೇಶಕರು ಪರಿ ಪರಿಯಾಗಿ ಕೇಳಿಕೊಂಡರೂ ಅದರಲ್ಲಿ ನಟಿಸಲು ಸಮಂತಾ ಒಲ್ಲೆ ಅಂದಿದ್ದಾಳಂತೆ.

ಈ ಹಿಂದೆ ಪುಷೊಪಾ೨ ಚಿತ್ರತಂಡ ಕೂಡಾ ಕಡೇ ಕ್ಷಣದವರೆಗೂ ವಿಶೇಷ ಹಾಡೊಂದಕ್ಕಾಗಿ ಸಮಂತಾಳನ್ನು ಕಾದು ಸುಸ್ತಾಗಿತ್ತು. ಅದು ಕಡೆಗೂ ಶ್ರೀಲೀಲಾ ಪಾಲಾಗಿತ್ತು. ಪುಷ್ಪಾ ಚಿತ್ರದ ಊ ಅಂಟಾವಾ ಮಾವ ಹಾಡಿನ ನಂತರ ಅಂಥಾದ್ದೇ ಸಾಲು ಸಾಲು ಅವಕಾಶಗಳು ಸಮಂತಾಗೆ ಬರಲಾರಂಭಿಸಿದ್ದವಂತೆ. ಒಪ್ಪಿಕೊಳ್ಳುತ್ತಾ ಹೋದರೆ ಐಟಂ ಸಾಂಗಿನಲ್ಲೇ ಕಳೆದು ಹೋಗಬೇಕಾದೀತೆಂಬ ಎಚ ಚರದಿಂದಲೇ ಸಮಂತಾ ಅದೆಲ್ಲದರಿಂದ ನುಣುಚಿಕೊಳ್ಳುತ್ತಿದ್ದಾಳೆ. ಇದೀಗ ಈಕೆ ಒಲ್ಲೆ ಅಂದಿರೋ ಪೆಡ್ಡಿ ಚಿತ್ರದ ಚಿತ್ರೀಕರಣ ಅವ್ಯಾಹತವಾಗಿ ನಡೆದಿದೆ. ಸದ್ಯಕ್ಕೆ ಆ ಐಟಂ ಸಾಂಗಿಗಾಗಿ ಒಲ್ಲದ ಮನ ಸಿಂದಲೇ ಬುಚ್ಚಿ ಬಾಬು ಬೇರೆ ನಟಿಯರ ಹುಡುಕಾಟದಲ್ಲಿ ತೊಡಗಿಕೊಂಡಿದ್ದಾರೆ.

The post samantha ruthprabhu: ಪೆಡ್ಡಿ ಆಫರ್‌ಗೆ ನಿರಾಕರಿಸಿದ್ದಕ್ಕೆ ಕಾರಣವೇನು? appeared first on Cini Shodha.

ಅದರ ಭಾಗವಾಗಿಯೇ ಇತ್ತೀಚೆಗೆ ಟಾಲಿವುಡ್ ಸೀಮೆಯಿಂದ ಭಯಂಕರ ಸುದ್ದಿಯೊಂದು ಹರಡಿಕೊಂಡಿತ್ತು. ಸೂಪರ್ ಸ್ಟಾರ್ ಒಬ್ಬ ಸಮಂತಾಳ ಚಿಕಿತ್ಸಾ ವೆಚ್ಚವಾದ ಇಪ್ಪತೈದು ಕೋಟಿಗೆ ವ್ಯವಸ್ಥೆ ಮಾಡಿದ್ದಾನೆಂಬುದು ಆ ರೂಮರಿನ ಸಾರಾಂಶ. ಯಾವಾಗ ಸಮಂತಾಳ ಖಾಸಗಿ ಬದುಕಿನಲ್ಲಿ ಬಿರುಗಾಳಿ ಎದ್ದಿತ್ತೋ, ಆ ಕ್ಷಣದಿಂದಲೇ ಆಕೆಯ ಬಗ್ಗೆ ಚಿತ್ರವಿಚಿತ್ರ ಅಂತೆಕಂತೆಗಳು ಹುಟ್ಟಿಕೊಂಡಿದ್ದವು. ಆಕೆ ಯಾರ ಪಕ್ಕದಲ್ಲಿ ಕಾಣಿಸಿಕೊಂಡರೂ ಸಂಬಂಧವನ್ನೇ ಕಲ್ಪಿಸುವ ಕೀಳು ಮಟ್ಟಕ್ಕೂ ಕೆಲ ಮಂದಿ ಇಳಿದಿದ್ದರು. ಆದರೆ, ಅದ್ಯಾವುದಕ್ಕೂ ಸಮಂತಾ ಪ್ರತಿಕ್ರಿಯೆ ಕೊಟ್ಟಿರಲಿಲ್ಲ. ಆದರೆ, ಮೊದಲ ಸಲ ಈ ಇಪ್ಪತೈದು ಕೋಟಿ ಮ್ಯಾಟರಿನ ಬಗ್ಗೆ ಸಾಮಾಜಿಕ ಜಾಲತಾಣಗಳ ಮೂಲಕವೇ ಪ್ರಿಯಿಸಿದ್ದಾಳೆ.

ತಾನು ಚಿಕಿತ್ಸೆ ಪಡೆದುಕೊಳ್ಳುತ್ತಿರೋದು ನಿಜ. ಆದರೆ ಅದಕ್ಕೆ ಇಪ್ಪತೈದು ಕೋಟಿ ಖರ್ಚಾಗುತ್ತದೆಂಬುದೊಂದು ಕಲ್ಪನೆಯಷ್ಟೇ. ತನ್ನ ದುಡಿಮೆಯ ಒಂದಷ್ಟು ಭಾಗವನ್ನಷ್ಟೇ ಚಿಕಿತ್ಸೆಗೆಂದು ಬಳಸಿರೋದಾಗಿ ಸಮಂತಾ ಹೇಳಿಕೊಂಡಿದ್ದಾಳೆ. ಅಷ್ಟಕ್ಕೂ ತನಗೆ ಬಂದಿರೋದು ಒಂಷ್ಟು ಜನರನ್ನು ಕಾಡುವ ಕಾಯಿಲೆಯೇ. ಅದರ ಸುತ್ತ ಹೀಗೆ ಬೇಕಾಬಿಟ್ಟಿ ರೂಮರುಗಳನ್ನು ಹಬ್ಬಿಸೋದು ಸರಿಯಲ್ಲ ಎಂಬರ್ಥದಲ್ಲಿ ಆಕೆ ಬರೆದುಕೊಂಡಿದ್ದಾಳೆ. ಸೂಕ್ಷ್ಮವಾಗಿ ನೋಡಿದರೆ, ಆ ಸ್ಪಷ್ಟೀಕರಣದ ಹಿಂದೆಯೂ ನೋವಿದೆ. ಯಾಕೆಂದರೆ, ಇಪ್ಪತೈದು ಕೋಟಿ ಮ್ಯಾಟರಿನ ಮೂಲಕ ಅದ್ಯಾರೋ ಸೂಪರ್ ಸ್ಟಾರ್ ಜೊತೆ ಸಮಂತಾಗೆ ಅಫೇರಿದೆ ಎಂಬಂತೆ ಬಿಂಬಿಸುವ ಹುನ್ನಾರವೂ ಇಲ್ಲದಿಲ್ಲ. ಸದ್ಯ ಸಮಂತಾ ಅದಕ್ಕೆ ಬ್ರೇಕ್ ಹಾಕಿದ್ದಾಳೆ.

The post samantha: ನೋವಿನಲ್ಲೂ ಪ್ರತಿಕ್ರಿಯಿಸಿದಳು ಸಮಂತಾ! appeared first on Cini Shodha.

ಸಮಂತಾ (samantha) ಅನುಭವಿಸಿದ್ದ ಸಾಲು ಸಾಲು ಸಂಕಷ್ಟ ಕಂಡವರನೇಕರು ಇನ್ನು ಈಕೆಯ ವೃತ್ತಿ ಬದುಕಿಗೆ ಫುಲ್ ಸ್ಟಾಪ್ ಬಿತ್ತೆಂದೇ ಅಂದುಕೊಂಡಿದ್ದರು. ಅದರಲ್ಲಿ ಅಚ್ಚರಿ ಪಡುವಂಥಾದ್ದೇನೂ ಇಲ್ಲ. ಆದರೆ, ಸಮಂತಾ ಬಹುಬೇಗನೆ ರೇಸಿಗೆ ಮರಳಿದ್ದಾಳೆ. ಪುಷ್ಪ ಚಿತ್ರದ ಹಾಡೊಂದಕ್ಕೆ ಮಾದಕವಾಗಿ ಮೈ ಬಳುಕಿಸಿದ್ದ ಸಮಂತಾಳ ನಸೀಬೇ ಇದೀಗ ಬದಲಾಗಿ ಹೋಗಿದೆ. ಆಕೆ ನೋಡ ನೋಡುತ್ತಲೇ ದಕ್ಷಿಣ ಭಾರತೀಯ ಚಿತ್ರರಂಗದ ಟಾಪ್ ನಟಿಯರ ಸಾಲಿನಲ್ಲಿ ಮುಂಚೂಣಿ ಪಟ್ಟ ಗಿಟ್ಟಿಸಿಕೊಂಡಿದ್ದಾಳೆ. ಅದರ ಭಾಗವಾಗಿಯೇ ಈ ಹಿಂದಿನದ್ದ್ಕಿಂತೂ ಹೆಚ್ಚಿನ ಅವಾಶಗಳು ಆಕೆಯನ್ನು ಅರಸಿ ಬರುತ್ತಿವೆ. ಸಿಟಾಡೆಲ್ ಇಂಡಿಯಾ ಅಂತೊಂದು ಸಿನಿಮಾದಲ್ಲಿ ಸಮಂತಾ ನಟಿಸುತ್ತಿದ್ದಾಳಲ್ಲಾ? ಅದಕ್ಕೆ ಆಕೆ ಪಡೆದುಕೊಂಡಿರೋ ಸಂಭಾವನೆ ಭರ್ತಿ ಹತ್ತು ಕೋಟಿ!

ಹೀಗೆ ಸಮಂತಾ ಮೈ ಕೊಡವಿಕೊಂಡು ಎದ್ದು ನಿಲ್ಲುತ್ತಲೇ, ಅದೇ ದಕ್ಷಿಣ ಭಾರತೀಯ ಚಿತ್ರರಂಗದ ಮತ್ತೋರ್ವ ಸುಂದರಿ ತ್ರಿಷಾ ಲಕ್ಕು ಕೂಡಾ ಅಚ್ಚರಿದಾಯಕವಾಗ ಕುದುರಿಕೊಂಡಿದೆ. ಬಾಲ ನಟಿಯಾಗಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿ ಯಶಸ್ಸಿನ ಉತ್ತುಂಗ ಕಂಡಿದ್ದಾಕೆ ತ್ರಿಷಾ. ಈಕೆಯನ್ನು ಹೀರೋಯಿನ್ನಾಗಿ ತಮ್ಮ ಸಿನಿಮಾಕ್ಕೆ ಕರೆತರಬೇಕೆಂಬುದೇ ಅನೇಕರ ಕನಸಾಗಿತ್ತು. ನಮ್ಮದೇ ಕನ್ನಡದಲ್ಲಿಯೂ ಅಂಥಾ ಸಾಕಷ್ಟು ವಿಫಲ ಪ್ರಯತ್ನಗಳು ನಡೆದಿದ್ದವು. ಆದರೆ, ಇಂಥಾ ಜನಪ್ರಿಯತೆ ಒಂದಿದ್ದ ತ್ರಿಷಾ ಕೂಡಾ ವರ್ಷಗಟ್ಟಲೆ ಮಂಕಾಗ ಕೂರುವಂಥಾ ವಾತಾವರಣ ಸೃಷ್ಟಿಯಾಗಿತ್ತು. ಆ ಬಗ್ಗೆ ನಾನಾ ರೂಮರುಗಳು ಹಬ್ಬಿಕೊಂಡಿದ್ದವು. ಅದಕ್ಕೆ ಸರಿಯಾಗಿ ಸದಾ ಫಳಫಳಿಸುವ ಆಕೆಯ ಸ್ನಿಗ್ಧ ಸೌಂದರ್ಯ ಒಂದಷ್ಟು ಮಂಕಾದಂತೆ ಕಂಡು ಬರಲಾಂಭಿಸಿತ್ತು.

ಇಂಥಾ ತ್ರಿಷಾ ಕೂಡಾ ಇದೀಗ ಮತ್ತೆ ರೇಸಿಗೆ ಮರಳಿದ್ದಾಳೆ. ಇತ್ತೀಚೆಗೆ ತೆರೆ ಕಂಡಿದ್ದ ಪೊನ್ನಿಯಿನ್ ಸೆಲ್ವನ್ ಚಿತ್ರ ನಿರೀಕ್ಷಿತ ಪ್ರಮಾಣದಲ್ಲಿ ಗೆಲುವು ಕಂಡಿರಲಿಲ್ಲ. ಆದರೆ, ಅದರಲ್ಲಿ ನಟಿಸಿದ್ದ ತ್ರಿಷಾ ಬಗೆಗಿನ ಕ್ರೇಜ್ ಮಾತ್ರ ಇಮ್ಮಡಿಸಿದೆ. ಅದಾದ ನಂತರದಲ್ಲಿ ಹಲವಾರು ಸ್ಟಾರ್‍ಗಳ ಸಿನಿಮಾಗಳಲ್ಲಿ ತ್ರಿಷಾಗೆ ಆಫರುಗಳು ಬರುತ್ತಿವೆ. ಒಂದು ಮೂಲದ ಪರಕರ ಆಕೆಯ ಸಂಭಾವನೆ ಕೂಡಾ ಹತ್ತು ಕೋಟಿಯ ಗಡಿ ಮೀರುವ ಸನ್ನಾಹದಲ್ಲಿದೆ. ತ್ರಿಷಾ ಇದೀಗ ವಿಜಯ್ ಜೊತೆ ಲಿಯೋ ಎಂಬ ಸಿನಿಮಾದಲ್ಲಿ ನಟಿಸುತ್ತಿದ್ದಾಳೆ. ಹದಿನಾಲಕ್ಕು ವರ್ಷಗಳ ನಂತರ ಈ ಜೋಡಿ ಮತ್ತೆ ಒಂದಾಗಿದೆ. ತ್ರಿಷಾ ಕೃಷ್ಣನ್ ಕೂಡಾ ಖಾಸಗಿ ಬದುಕಿನ ತೊಳಲಾಟಗಳಿಂದ ನೊಂದಿದ್ದವಳು. ರಾಣಾ ದಗ್ಗುಬಾಟಿಯೊಂದಿಗಿನ ಅಫೇರು ಮುರಿಉಬಿದ್ದ ಬಳಿಕ ಆಕೆ ಮಾನಸಿಕವಾಗಿ ಜರ್ಝರಿತಳಾಗಿದ್ದಳು. ಈ ವಿಚಾರದಲ್ಲಿ ಒಂದೇ ದೋಣಿಯ ಪಯಣಿಗರಂತೆ ಕಾಣುವ ಸಮಂತಾ ಮತ್ತು ತ್ರಿಷಾ ಒಟ್ಟೊಟ್ಟಿಗೇ ಮೇಲೆದ್ದು ನಿಂತಿರೋದನ್ನು ಕಂಡು ಅಭಿಮಾನಿ ಬಳಗ ಖುಷಿಗೊಂಡಿದೆ.

The post samantha-trisha: ಒಂದೇ ಸಲ ಕುದುರಿಕೊಳ್ತು ಇಬ್ಬರ ಲಕ್ಕು! appeared first on Cini Shodha.