ಅನಿಮಲ್ ಅಂತೊಂದು ಚಿತ್ರದಲ್ಲಿ ರಶ್ಮಿಕಾ ನಟಿಸಿದ್ದಳು. ಅದನ್ನು ನಿಕರ್ದೇಶನ ಮಾಡಿದ್ದಾತ ತೆಲುಗುವಾಳ್ಳು ಸಂದೀಪ್ ರೆಡ್ಡಿ ವಂಗಾ. ತೀರಾ ಹಿಂಸೆ, ಕಾಮದ ವಿಜೃಂಭಣೆಯಿಂದ ಕೂಡಿದ್ದ ಆ ಚಿತ್ರಕ್ಕೆ ಛೀಮಾರಿ ಎದುರಾಗಿತ್ತು. ಅದರಲ್ಲೊಂದು ಪಾತ್ರವಾಗಿದ್ದ ರಶ್ಮಿಕಾಗೆ ಹೇಳಿಕೊಳ್ಳುವಂಥಾ ಯಶವೇನು ಸಿಕ್ಕಿಲ್ಲ. ಆದರೆ, ಯಾವಾಗ ರಶ್ಮಿಕಾ ಸಿಕಂದರ್ ಚಿತ್ರದಲ್ಲಿ ಅವಕಾಶ ಗಿಟ್ಟಿಸಿಕೊಂಡಳೋ, ಅದನ್ನು ಕಂಡು ಬಾಲಿವುಡ್ ನಟಿಯರೇ ಅವಾಕ್ಕಾಗಿದ್ದರು. ಯಾಕೆಂದರೆ, ಸಲ್ಮಾನ್ ಖಾನ್ ಗೆ ಜೋಡಿಯಾಗೋ ಅವಕಾಶ ರಶ್ಮಿಕಾಗೆ ಕೂಡಿ ಬಂದಿತ್ತು. ಸಲ್ಮಾನ್ ಮುದುಕನಾಗುತ್ತಾ ಬಂದರೂ ಆತನಿಗೆ ಜೋಡಿಯಾಗಲೊಂದು ಪೈಪೋಟಿ ಇದೆ. ಆ ರೇಸಿನಲ್ಲಿ ರಶ್ಮಿಕಾ ಗೆದ್ದರೂ ಕೂಡಾ ಸಿಕಂದರ್ ಚಿತ್ರ ಮಗುಚಿಕೊಂಡಿತ್ತು.

ಹೀಗೆ ಹಂತ ಹಂತವಾಗಿ ಬಾಲಿವುಡ್ಡಲ್ಲಿ ಎರಡು ಸೋಲುಗಳು ರಶ್ಮಿಕಾಳನ್ನು ಮುತ್ತಿಕೊಂಡಿವೆ. ಇದೆಲ್ಲದರಾಚೆ ಬಹುನಿರೀಕ್ಷಿತ ಕಾಕ್ಟೈಲ್೨ ಚಿತ್ರದಲ್ಲಿ ರಶ್ಮಿಕಾಗೆ ನಾಯಕಿಯಾಗೋ ಅವಕಾಶ ಒಲಿದು ಬಂದಿದೆ. ವರ್ಷಾಂತರಗಳ ಹಿಂದೆ ಕಾಕ್ಟೈಲ್ ಚಿತ್ರ ತೆರೆಗಂಡು ದೊಡ್ಡ ಮಟ್ಟದಲ್ಲಿಯೇ ಗೆದ್ದಿತ್ತು. ಅದರ ಸೀಕ್ವೆಲ್ ನಂತಿರೋ ಎರಡನೇ ಭಾಗದ ಬಗ್ಗೆಯೂ ಒಂದಷ್ಟು ನಿರೀಕ್ಷೆಗಳಿದ್ದಾವೆ. ಈ ಸಿನಿಮಾ ಮೂಲಕವಾದರೂ ಬಾಲಿವುಡ್ಡಲ್ಲಿ ರಶ್ಮಿಕಾಳ ಗೆಲುವಿನ ಪರ್ವ ಶುರುವಾಗಬಹುದೇನೋ ಎಂಬಂಥಾ ನಿರೀಕ್ಷೆಗಳಿದ್ದಾವೆ. ಈ ನಡುವೆ ಪುಷ್ಪಾ೨ ನಂತರದಲ್ಲಿ ತೆಲುಗಿನಲ್ಲಿಯೂ ರಶ್ಮಿಕಾ ಕೊಂಚ ಸುಧಾರಿಸಿಕೊಂಡಿದ್ದಾಳೆ. ತೆಲುಗೂ ಸೇರಿದಂತೆ ದಕ್ಷಿಣ ಭಾರತೀಯ ಚಿತ್ರರಂಗದಲ್ಲಿಯೂ ಕಿರಿಕ್ ಹುಡುಗಿಯ ಸ್ಟಾರ್ ಗಿರಿ ಮತ್ತೆ ಚಿಗಿತುಕೊಂಡಂತಿದೆ!

The post rashmika mandanna: ಕಾಕ್‌ಟೈಲ್2ನಲ್ಲಿ ಕಿರಿಕ್ ಹುಡ್ಗಿ! appeared first on Cini Shodha.

ಬಾಲಿವುಡ್ಡಿನ ಮೂವರು ಖಾನ್ ಗಳಿಗೆ ಸೋಲಿನ ಪರ್ವ ಶೂರುವಾಗಿ ಒಂದಷ್ಟು ವರ್ಷಗಳು ಕಳೆದಿವೆ. ಈ ಮೂವರಲ್ಲಿ ಶಾರೂಖ್ ಖಾನ್ ಕಳೆದ ವರ್ಷ ಸಾಲು ಸಾಲು ಹಿಟ್ ಸಿನಿಮಾ ನೀಡುವ ಮೂಲಕ ಒಂದಷ್ಟು ನಿರಾಳವಾದಂತಿದೆ. ಸಲ್ಮಾನ್ ಮತ್ತು ಆಮೀರ್ ಪಾಲಿಗೆ ಮಾತ್ರ ಗೆಲುವೆಂಬುದು ಅಕ್ಷರಶಃ ಸತಾಯಿಸಲಾರಂಭಿಸಿದೆ. ಶಾರೂಖ್ ಖಾನ್ ಗೆ ಕಳೆದ ವರ್ಷ ದೊಡ್ಡ ಮಟ್ಟದಲ್ಲಿ ಗೆಲುವು ತಂದು ಕೊಟ್ಟಿದ್ದ ಚಿತ್ರ ಜವಾನ್. ಅದನ್ನು ನಿರ್ದೇಶನ ಮಾಡಿದ್ದದ್ದು ತಮಿಳು ನಿರ್ದೇಶಕ ಅಟ್ಲಿ. ಈ ಮೂಲಕ ಶಾರೂಖ್ ಕೂಡಾ ಗೆಲುವಿಗಾಗಿ ದಕ್ಷಿಣದ ನಿರ್ದೇಶಕನನ್ನೇ ನೆಚ್ಚಿಕೊಂಡಿದ್ದರು. ಇದೆಲ್ಲದರ ನಡುವೆ ಭರಪೂರವಾದೊಂದು ಗೆಲುವಿಗಾಗಿ ಹಪಾಹಪಿಸುತ್ತಿರುವ ಸಲ್ಮಾನ್ ಖಾನ್ ಶಾರೂಖ್ ಫಾರ್ಮುಲಾವನ್ನೇ ನಂಬಿ ಹೊರಟಿದ್ದಾರೆ.

ಸಲ್ಮಾನ್ ಖಾನ್ ವಜನ್ನಿಗೆ ಒಪ್ಪುವಂಥಾ ಗೆಲುವುಗಳು ಇತ್ತೀಚಿನ ವರ್ಷಗಳಲ್ಲಿ ಮರೀಚಿಕೆಯಾಗಿದೆ. ಹೀಗೇ ಮುಂದುವರೆದರೆ ಸ್ಟಾರ್ ಗಿರಿಗೆ ಸಂಚಕಾರ ಬರುತ್ತದೆ, ದಕ್ಷಿಣ ಭಾರತೀಯ ಸಿನಿಮಾಗಳ ಅಬ್ಬರದಲ್ಲಿ ಕಳೆದು ಹೋಗಬೇಕಾಗುತ್ತದೆ ಅನ್ನೋ ಸತ್ಯ ಸಲ್ಲುಗೆ ಅರಿವಾದಂತಿದೆ. ಈ ಕಾರಣದಿಂದಲೇ ಅವರು ಅಟ್ಲಿ ನಿರ್ದೇಶನದ ಚಿತ್ರಕ್ಕೆ ಎಸ್ ಅಂದಿದ್ದಾರಂತೆ. ಹಾಗಂತ, ಸಲ್ಲುಗೆ ಈಗಷ್ಟೇ ಜ್ಞಾನೋದಯವಾಗಿದೆ ಅಂದುಕೊಳ್ಳಬೇಕಿಲ್ಲ. ವರ್ಷದ ಹಿಂದೆಯೇ ಅಸಲೀ ವಾತಾವರಣದ ಅರಿವಾದದ್ದರಿಂದಲೇ ಮುರುಗಾ ದಾಸ್ ಜೊತೆ ಸಿಖಂದರ್ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಸದ್ಯ ಸಿಕಂದರ್ ಚಿತ್ರೀಕರಣ ಚಾಲ್ತಿಯಲ್ಲಿದೆಅದು ಮುಗಿದಾಕ್ಷಣವೇ ಅಟ್ಲಿ ನಿರ್ದೇಶನದ ಸಿನಿಮಾಕ್ಕೆ ಚಾಲನೆ ಸಿಗಲಿದೆ.

The post salman khan: ಮತ್ತೆ ತಮಿಳು ನಿರ್ದೇಶಕನನ್ನು ನೆಚ್ಚಿಕೊಂಡ ಸಲ್ಲು! appeared first on Cini Shodha.

ವಯಸ್ಸು ಐವತ್ತರ ಗಡಿ ದಾಟಿ, ಅರವತ್ತರತ್ತ ಮಗುಚಿಕೊಳ್ಳುತ್ತಿದ್ದರೂ ಏಕಾಂಗಿಯಾಗಿ ಉಳಿದುಕೊಂಡಿರುವಾತ ಸಲ್ಮಾನ್ ಖಾನ್. ಬ್ಯಾಡ್ ಬಾಯ್ ಅಂತಲೇ ಕುಖ್ಯಾತನಾಗಿರೋ ಸಲ್ಮಾನನ ರಂಖಲುಗಳ ವೃತ್ತಾಂತ ಸಾಕಷ್ಟಿದೆ. ಒಂದರ ಹಿಂದೊಂದರಂತಗೆ ವಿವಾದ, ಜೊತೆಯಲ್ಲಿ ನಟಿಸಿದ ನಟಿಯರಿಗೆ ಅಂಟಿಕೊಂಡು ಬಿಡುವ ಖಯಾಲಿ… ಈತನ ಹೆಸರಿನ ಹಿಂದೆ ಹೆಟ್ಟಿಕೊಂಡಿರೋ ಬ್ಯಾಡ್ ಬಾಯ್ ಎಂಬ ಬಿರುದಿಗೆ ನಾನಾ ಗರಿಗಳಿವೆ. ಅದೆಲ್ಲದರಲ್ಲಿ, ಈ ಕ್ಷಣಕ್ಕೂ ಸಲ್ಮಾನನನ್ನು ಬಹುವಾಗಿ ಕಾಡುತ್ತಿರೋದು ಐಶ್ವರ್ಯಾ ರೈ ಜೊತೆಗಿನ ಪ್ರೇಮ ಪುರಾಣವೊಂದೇ. ಅದು ಸಲ್ಮಾನ್ ಖಾನ್ ನನ್ನು ಆ ಪರಿಯಾಗಿ ಚುಚ್ಚುತ್ತಿರೋದಕ್ಕೆ ಕಾರಣವೂ ಇಲ್ಲದಿಲ್ಲ. ಯಾಕೆಂದರೆ, ಪ್ರಾಮಾಣಿಕವಾಗಿ ಹಬ್ಬಿಕೊಂಡಿದ್ದ ಪ್ರೀತಿಯನ್ನು ಅನ್ಯಾಯವಾಗಿ ಹೊಸಕಿ ಹಾಕಿದ ಆರೋಪಿ ಸ್ಥಾನದಲ್ಲಿ ನಿಂತಿರುವವನು ಇದೇ ಸಲ್ಮಾನ್ ಖಾನ್!

ಒಂದು ಕಾಲದಲ್ಲಿ ಸಲ್ಮಾನ್ ಮತ್ತು ಐಶ್ವರ್ಯಾ ಜೋಡಿ ಸಿನಿಮಾ ಪ್ರೇಮಿಗಳನ್ನೆಲ್ಲ ಹುಚ್ಚೆಬ್ಬಿಸಿ ಬಿಟ್ಟಿತ್ತು. ತೊಂಬತ್ತರ ದಶಕದಲ್ಲಿ ಹಮ್ ದಿಲ್ ದೇ ಚುಕೇ ಸನಮ್ ಅಂತೊಂದು ಸಿನಿಮಾ ತೆರೆಗಂಡಿತ್ತಲ್ಲಾ? ಅದರಲ್ಲಿ ನಾಯಕ ನಾಯಕರಾಗಿ ನಟಿಸಿದ್ದದ್ದು ಸಲ್ಮಾನ್ ಮತ್ತು ಐಶ್ವರ್ಯಾ ಜೋಡಿ. ಹೇಳಿಕೇಳಿ ಅದು ಸಂಜಯ್ ಲೀಲಾ ಬನ್ಸಾಲಿ ಬ್ರ್ಯಾಂಡಿನ ಸಿನಿಮಾ. ಆ ಪ್ರೇಮ ಕಥನ ದೃಷ್ಯರೂಪ ಧರಿಸಿಕೊಳ್ಳುವ ಹೊತ್ತಿಗೆಲ್ಲ ಸಲ್ಮಾನ್ ಹಾಗೂ ಐಶ್ವರ್ಯಾ ಮಧ್ಯೆ ರಿಯಲ್ ಆಗಿಯೇ ಪ್ರೀತಿ ಮೊಳೆತುಕೊಂಡಿತ್ತು. ಪೇಜ್ ಥ್ರೀ ಗಾಸಿಪ್ಪುಗಳಿಗೆ ಆಹಗಾರವಾಗಿದ್ದ ಈ ಜೋಡಿ, ಬರಬರುತ್ತಾ ಸಾರ್ವಜನಿಕವಾಗಿಯೇ ಆ ರೂಮರ್ ಅನ್ನು ನಿಜವೆಂದು ಒಪ್ಪಿಕೊಂಡಿತ್ತು.

ಹಾಗೆ ಈ ಪ್ರೇಮ ಪ್ರಕರಣ ಜಾಹೀರಾದ ಆಸುಪಾಸಲ್ಲೇ ಸಲ್ಮಾನ್ ಖಾನ್ ಪಕ್ಕಾ ಸ್ಯಾಡಿಸ್ಟ್ ಅವತಾರವೆತ್ತಿ ಬಿಟ್ಟಿದ್ದ. ಅದರ ಪರಿಣಾಮ ಹೇಗಿತ್ತೆಂದರೆ, ಐಶ್ವರ್ಯಾ ರೈ ಸಲ್ಮಾನ ಪ್ರೀತಿಯ ಪಂಜರದಲ್ಲಿ ಬಂಧಿಯಾದ ಗಿಣಿಯಂತಾಗಿ ಬಿಟ್ಟಿದ್ದಳು. ಅಕ್ಷರಶಃ ಪರೋಡಿಯಂತೆ ಠೇಂಕರಿಸಲಾರಂಭಿಸಿದ್ದ ಸಲ್ಮಾನ್ ಸಣ್ಣ ಪುಟ್ಟ ವಿಚಾರಗಳಿಗೂ ಕಿರಿಕಿರಿ ಆರಂಭಿಸಿದ್ದ.

The post salman khan-ishwarya rai: ಐಶ್ವರ್ಯಾ ರೈಗೆ ಅದೆಷ್ಟು ಕಾಟ ಕೊಟ್ಟಿದ್ದ ಗೊತ್ತಾ ಸಲ್ಮಾನ್ ಖಾನ್? appeared first on Cini Shodha.