ರಶ್ಮಿಕಾ ಮಂದಣ್ಣ ಮದುವೆಗೆ ಮುಂಚೆಯೇ ಒಂದಷ್ಟು ಪ್ಯಾನಿಂಡಿಯಾ ಮಟ್ಟದ ಸಿನಿಮಾಗಳನ್ನು ಒಪ್ಪಿಕೊಂಡಿದ್ದಳು. ರಶ್ಮಿಕಾ ಕೈಲಿರೋ ಅಷ್ಟೂ ಚಿತ್ರಗಳಿಗಿಂತಲೂ ಮೊದಲು ರಣಬಾಲಿ ಚಿತ್ರ ಚಾಲೂ ಆಗುತ್ತದೆ ಎಂಬಂತೆ ಸುದ್ದಿಗಳು ಹಬ್ಬಿಕೊಂಡಿದ್ದವು. ಆದರೆ, ಮದುವೆ ನಂತರದಲ್ಲಿ ರಶ್ಮಿಕಾ ತಿಂಗಳುಗಟ್ಟಲೆ ಚಿತ್ರೀಕರಣದತ್ತ ಮುಖ ಹಾಕೋದು ಡೌಟು ಅಂತಲೇ ಬಹುತೇಕರು ಅಂದುಕೊಂಡಿದ್ದರು. ಅಚ್ಚರಿಯೆಂಬಂತೆ, ರಶ್ಮಿಕಾ ಬಹುಬೇಗನೆ ಚಿತ್ರೀಕರಣದ ಅಖಾಡಕ್ಕಿಳಿದಾಗಿದೆ. ಹಾಗಂತ ಆಕೆ ಶುರುವಿಟ್ಟುಕೊಂಡಿರೋದು ರಣಬಾಲಿ ಚಿತ್ರೀಕರಣವಲ್ಲ; ಮೈಸಾ ಚಿತ್ರದ ಶೂಟಿಂಗ್ ಇದೀಗ ಶುರುವಾಗಿದೆ!

ಮೈಸಾ ರವೀಂದ್ರ ಪುಲ್ಲೆ ನಿರ್ದೇಶನದಲ್ಲಿ ಮೂಡಿ ಬರಲಿರುವ ಚಿತ್ರ. ಮರುಭೂಮಿಯ ಪ್ರದೇಶದಲ್ಲಿ ಇದೀಗ ಚಿತ್ರೀಕರಣ ನಡೆಯುತ್ತಿದೆ. ಇದರ ಫೋಟೋವೊಂದನ್ನು ರಶ್ಮಿಕಾ ಹಂಚಿಕೊಂಡಿದ್ದಾಳೆ. ಅದರಲ್ಲಿ ಕಿರಿಕ್ ಹುಡುಗಿ ಕಾಣಿಸಿಕೊಂಡಿರುವ ಗೆಟಪ್ಪು ಕಂಡವರೆಲ್ಲ ಅಕ್ಷರಶಃ ಥ್ರಿಲ್ ಆಗಿದ್ದಾರೆ. ಮೈಸಾ ಈ ವರ್ಷದ ಬಹುನಿರೀಕ್ಷಿತ ಚಿತ್ರಗಳ ಸಾಲಿನಲ್ಲಿ ಈಗಾಗಲೇ ಜಾಗ ಪಡೆದುಕೊಂಡಿದೆ. ಈ ಸಿನಿಮಾದಲ್ಲಿ ರಶ್ಮಿಕಾ ಮಂದಣ್ಣ ಈ ಹಿಂದೆ ಎಂದೂ ಮಾಡಿರದಂಥಾ ಪಾತ್ರವೊಂದಕ್ಕೆ ಜೀವ ತುಂಬಿರೋದು ಈಗಾಗಲೇ ಸ್ಪಷ್ಟವಾಗಿದೆ. ಹಾಗೆ ನೋಡಿದರೆ, ಸಿನಿಮಾ ಆಯ್ಕೆಗಳ ವಿಚಾರದಲ್ಲಿ ರಶ್ಮಿಕಾ ಭಲೇ ಬುದ್ಧಿವಂತೆ. ಒಂದು ಸಿನಿಮಾ ಒಪ್ಪಿಕೊಂಡ ಮೇಲೆ ಅದಕ್ಕೆ ಸಮರ್ಪಿಸಿಕೊಳ್ಳೋ ಗುಣವೂ ಆಕೆಯಲ್ಲಿದೆ. ಅದಿಲ್ಲದಿದ್ದರೆ, ಮದುವೆ ಸಂಭ್ರಮದ ನಡುವೆಯೂ ಚಿತ್ರೀಕರಣಕ್ಕೆ ಹಾಜರಾಗುತ್ತಿರಲಿಲ್ಲ. ಇಂಥಾ ಹಾರ್ಡ್‌ವರ್ಕ್ ಇಲ್ಲದೆ ಒಂಬತ್ತು ವರ್ಷಗಳಲ್ಲಿ ಈ ಪರಿಯ ಗೆಲುವು ದಕ್ಕಲೂ ಸಾಧ್ಯವಿರುತ್ತಿರಲಿಲ್ಲ!

keywords: mysaa movie, rashmika mandanna, bollywood

The post Rashmika Mandanna: ಮದುವೆ ನಂತರ ಮಾಸ್ ಅವತಾರ! appeared first on Cini Shodha.

ಪೆದ್ದಿ ಚಿತ್ರದ ಬಗೆಗೀಗ ಪ್ಯಾನಿಂಡಿಯಾ ಮಟ್ಟದಲ್ಲಿ ಕ್ರೇಜ್ ಮೂಡಿಕೊಂಡಿದೆ. ಇದರಲ್ಲೊಂದು ಸಣ್ಣ ಅವಕಾಶ ಸಿಕ್ಕರೂ ಸಾಕೆಂಬಂಥಾ ಬಯಕೆ ಹಲವಾರು ನಟಿಯರಲ್ಲಿದೆ. ಇಂಥಾ ಸಿನಿಮಾದಲ್ಲಿ ಒಂದು ವಿಶೇಷ ಹಾಡಿಗೆ ಹೆಜ್ಜೆ ಹಾಕಲು ರಶ್ಮಿಕಾ ಒಪ್ಪಿಗೆ ಸೂಚಿಸಿದ್ದಳು. ದೊಡ್ಡ ಮೊತ್ತದ ಸಂಭಾವನೆಯ ಮಾತುಕತೆಯೂ ನಡೆದಿತ್ತು. ಚಿತ್ರತಂಡ ಕಡೇಯ ಶೆಡ್ಯೂಲಿನಲ್ಲಿ ಈ ವಿಶೇಷ ಹಾಡಿನ ಚಿತ್ರೀಕರಣ ನಡೆಸಲು ಯೋಜನೆ ಹಾಕಿಕೊಂಡಿತ್ತು. ಇದೀಗ ಪೆದ್ದಿ ಚಿತ್ರೀಕರಣ ಅಂತಿಮ ಘಟ್ಟ ತಲುಪಿದೆ. ಆದರೆ, ಈ ಕಡೇಯ ಘಳಿಗೆಯಲ್ಲಿ ರಶ್ಮಿಕಾ ಮಂದಣ್ಣ ಒಲ್ಲೆ ಅಂದಿದ್ದಾಳೆಂಬ ಸುದ್ದಿ ಹರಿದಾಡುತ್ತಿದೆ.

Rashmika Mandanna: ಮುಗ್ಗರಿಸಿದರೂ ಸಾವರಿಸಿಕೊಂಡವಳ ಯಶದ ಓಟ!

ಇದೀಗ ವ್ಯಾಪಕ ಕಾರ್ಯಾಚರಣೆ ನಡೆಸಿದ ಬಳಿಕ ರಜನೀಕಾಂತ್ ಮಾಜಿ ಅಳಿಯ ಧನುಷನ ಗೆಳತಿ ಮೃಣಾಲ್ ಠಾಕೂರ್ ಈ ಹಾಡಿನಲ್ಲಿ ನಟಿಸಲು ಒಪ್ಪಿಕೊಂಡಿದ್ದಾಳಂತೆ. ಹಾಗಂತ ರಶ್ಮಿಕಾ ಮಂದಣ್ಣ ಈ ಹಾಡಟಿನಲ್ಲಿ ನಟಿಸಲೊಲ್ಲೆ ಅಂದಿದ್ದನ್ನು ನಖರಾ ಎಂಬಂತೆ ಅರ್ಥೈಸಬೇಕಿಲ್ಲ. ಮದುವೆ ಮೂಡಿನಲ್ಲಿ ಒಂಬತ್ತು ವರ್ಷಗಳ ನಿರಂತರ ಸಿನಿಮಾ ಚಟುವಟಿಗಳ ಆಯಾಸ ನೀಗಿಕೊಳ್ಳಲು ಮುಂದಾದಂತಿದೆ. ಆದರೆ, ಯಥಾಪ್ರಕಾರವಾಗಿ ಈ ಸುದ್ದಿ ಹೊರ ಬಿದ್ದೇಟಿಗೆ ರಶ್ಮೀಕಾ ಬಗ್ಗೆ ಟ್ರೋಲುಗಳು ಹರಿದಾಡುತ್ತಿವೆ. ಸದ್ಯದ ಮಟ್ಟಿಗೆ ಮದುವೆ ಮೂಡಿನಲ್ಲಿರುವ ರಶ್ಮಿಕಾಳ ಕೈ ತುಂಬಾ ದೊಡ್ಡ ಬಜೆಟ್ಟಿನ ಚಿತ್ರಗಳಿದ್ದಾವೆ. ಖುದ್ದು ಈಕೆಯ ಗೆಳೆಯ ವಿಜ ದೇವರಕೊಂಡನನ್ನು ಸೋಲಿನ ಶೂಲದಿಂದ ಬಚಾವು ಮಾಡೋ ಭಾರವನ್ನೂ ರಶ್ಮಿಕಾ ಹೊತ್ತುಕೊಂಡಿದ್ದಾಳೆ. ಮದುವೆಯ ನಂತರ ವಿಜಯ್ ಮತ್ತು ರಶ್ಮಿಕಾ ಜೋಡಿಯದ್ದೊಂದು ಸಿನಿಮಾ ಚಾಲೂ ಆಗಲಿದೆ!

keywords: rashmika, mandanna, tollywood, peddi

The post Rashmika Mandanna: ಕಿರಿಕ್ ಹುಡುಗಿಯ ಬದಲಿಗೆ ಮೃಣಾಲ್ ಎಂಟ್ರಿ! appeared first on Cini Shodha.

ರಶ್ಮಿಕಾ ಮಂದಣ್ಣ ದ ಗರ್ಲ್ ಫ್ರೆಂಡ್ ಎಂಬೊಂದು ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸಿದ್ದಳು. ಮಹಿಳಾ ಪ್ರಧಾನ ಕಥೆ ಹೊಂದಿದ್ದ ಆ ಸಿನಿಮಾ ಇತ್ತೀಚೆಗೆ ತಗೆರೆಗಂಡು ವ್ಯಾಪಕ ಮೆಚ್ಚುಗೆ ಗಳಿಸಿಕೊಂಡಿತ್ತು. ಒಂದು ಹಂತದಲ್ಲಿ ರಶ್ಮಿಕಾಳ ನಟನೆ ಅಷ್ಟಕ್ಕಷ್ಟೇ ಅಂತ ವಿಮರ್ಶೆ ಮಾಡುತ್ತಿದ್ದವರೂ ಕೂಡಾ ಚಕಿತಗೊಳ್ಳುವಂತೆ ನಟಿಸೋ ಮೂಲಕ ರಶ್ಮಿಕಾ ಪ್ಯಾನಿಂಡಿಯಾ ಮಟ್ಟದಲ್ಲಿ ಗಮನ ಸೆಳೆದಿದ್ದಳು. ಇದೊಂದು ಸಿನಿಮಾ ಮೂಲಕವೇ ಈಕೆಯ ಛಾರ್ಮ್ ಇಮ್ಮಡಿಸಿದೆ. ಇಂಥಾ ಸಿನಿಮಾ ಗಳಿಕೆಯಲ್ಲಿಯೂ ಸಹ ಗಣನೀಯ ಸಾಧನೆ ಮಾಡಿದೆ. ಇದೀಗ ದ ಗರ್ಲ್ ಫ್ರೆಂಡ್ ಚಿತ್ರ ಇದೇ ಡಿಸೆಂಬರ್ ಐದರಂದು ಓಟಿಟಿಗೆ ಅಡಿಯಿರಿಸಲು ಮುಹೂರ್ತ ನಿಗಧಿಯಾಗಿದೆ.

ದ ಗರ್ಲ್ ಫ್ರೆಂಡ್ ಓಟಿಟಿಗೆ ಆಗಮಿಸುವ ಎರಡು ದಿನಕ್ಕೆ ಮುಂಚಿತವಾಗಿ ಅಂದರೆ, ಡಿಸೆಂಬರ್ ೨ರಂದು ರಶ್ಮಿಕಾ ನಟನೆಯ ಮತ್ತೊಂದು ಹಿಟ್ ಸಿನಿಮಾ ಥಮಾ ಓಟಿಟಿಗೆ ಎಂಟರಿ ಕೊಡಲಿದೆ. ಹಾಗೆ ನೋಡಿದರೆ, ಥಮಾ ಕೂಡಾ ರಶ್ಮಿಕಾಳ ವೃತ್ತಿ ಬದುಕಿನಲ್ಲಿ ಭಿನ್ನ ಸಿನಿಮಾ ಅನ್ನೋದರಲ್ಲಿ ಯಾವ ಸಂದೇಹವೂ ಇಲ್ಲ. ಈ ಚಿತ್ರದಲ್ಲಿ ರಶ್ಮಿಕಾ ಈ ಹಿಂದೆ ಎಂದೂ ಕಾಣಿಸದಷ್ಟು ಹಾಟ್ ಅವತಾರದಲ್ಲಿ ಮಿಂಚಿದ್ದಳು. ಹಾರರ್ ಶೇಡಿನಲ್ಲಿ ಆಕೆಯ ನಟನೆ ಕೂಡಾ ಪ್ರಶಂಸೆಗೆ ಪಾತ್ರವಾಗಿತ್ತು. ಈ ಚಿತ್ರ ಅಮೇಜಾನ್ ಪೈಂನಲ್ಲಿ ಪ್ರದರ್ಶನ ಕಾಣಲಿದೆ. ಹೀಗೆ ಒಂದರ ಬೆನ್ನಿಗೊಂದರಂತೆ ಹಿಟ್ ಸಿನಿಮಾ ಭಾಗವಾಗುತ್ತಿರೋ ರಶ್ಮಿಕಾ ಸದ್ಯಕ್ಕೆ ತೆಲುಗಿನ ಪ್ಯಾನಿಂಡಿಯಾ ಸಿನಿಮಾ ಮೈಸಾದಲ್ಲಿ ನಟಿಸುತ್ತಲೇ, ಬಾಲಿವುಡ್ಡಲ್ಲಿಯೂ ಬ್ಯುಸಿಯಾಗಿದ್ದಾಳೆ.

The post Rashmika Mandanna: ಮುಗ್ಗರಿಸಿದರೂ ಸಾವರಿಸಿಕೊಂಡವಳ ಯಶದ ಓಟ! appeared first on Cini Shodha.

ವಿಜಯ್ ದೇವರಕೊಂಡನ ಹೊಸಾ ಚಿತ್ರಕ್ಕೆ ರೌಡಿ ಜನಾರ್ಧನ್ ಅಂತ ಹೆಸರಿಡಲಾಗಿದೆ. ಈ ಚಿತ್ರಕ್ಕೆ ಮಹಾನಟಿ ಖ್ಯಾತಿಯ ಕೀರ್ತಿ ಸುರೇಶ್ ನಾಯಕಿಯಾಗಿ ಆಯ್ಕೆಯಾಗಿದ್ದಾಳೆ. ದಿಲ್ ರಾಜು ನಿರ್ಮಾಣ ಮಾಡಿರುವ ಈ ಸಿನಿಮಾದ ಟೈಟಲ್ಲಿನ ಬಗ್ಗೆ ಆರಂಭದಲ್ಲಿಯೇ ಅಪಸ್ವರಗಳು ಕೇಳಿ ಬರಲಾರಂಭಿಸಿವೆ. ಬೇರೆಲ್ಲರ ಕಥೆ ಹಾಗಿರಲಿ; ಖುದ್ದು ದೇವರಕೊಡನ ಅಭಿಮಾನಿಕಗಳೇ ಈ ಟೈಟಲ್ಲು ಕಂಡು ನಿರಾಸೆಗೀಡಾಗಿದ್ದಾರೆ. ವಿಶೇಷವೆಂದರೆ, ಇದೇ ಮೊದಲ ಬಾರಿ ಮಹಾನಟಿ ಕೀರ್ತಿ ಸುರಶ್ ಮತ್ತು ದೇವರಕೊಂಡ ಒಟ್ಟಾಗಿ ನಟಿಸಲು ಮುಂದಾಗಿzದ್ದಾಎ. ಒಂದು ವೇಳೆ ದೇವರಕೊಂ ಬಚಾವಾದರ ಕೀರ್ತಿಯ ನಸೀಬಿನ ಬಲದಿಂದ ಆತ್ರ ಎಂಬಂಥಾ ವಿಶ್ಲೇಷಣೆಗಳೂ ಕೇಳಿ ಬರುತ್ತಿವೆ.

ಅಷ್ಟಕ್ಕೂ ವಿಜಯ್ ದೇವರಕೊಂಡನ ಸಿನಿಮಾಗಳ ಮೇಲಿನ ಕ್ರೇಜ್ ಬಹುತೇಕ ಇಳಿಕೆ ಕಂಡಿದೆ. ಅದೆಂಥಾದ್ದೇ ಸೂಪರ್ ಸ್ಟಾರ್ ಆದರೂ ಕೂಡಾ ಸಾ,ಲು ಸಾಲಾಗಿ ಒಂದೆರಡು ಸಿನಿಮಾಗಳು ಸೋಲು ಕಂಡರೂ ಮಾರ್ಕೆಟ್ಟು ಅದುಜರಿ ಬಿಡುತ್ತೆ. ಹಾಗಿರುವಾಗ, ಸರಣಿಯೋಪಾದಿಕಯಲ್ಲಿ ದೇವರಕೊಂಡನ ಆರೇಳು ಸಿನಿಮಾಗಳು ಸೋತು ಸುಣ್ಣವಾಗಿವೆ. ಹಾಗಿದ್ದ ಮೇಲೆ ಕ್ರೇಜ್ ಹಾಳಗದಿರಲು ಸಾಧ್ಯವೇ ಇಲ್ಲ. ಇಂಥಾ ಸೋಲುಗಳ ಶೂಲದಲ್ಲಿ ಸಿಕ್ಕು ಕಂಗಾಲಾಗಿರುವ ದೇವರಕೊಂಡನನ್ನು ನಂಬಿ ದಿಲ್ ರಾಜು ಕಾಸು ಹೂಡುವ ಧೈರ್ಯ ಮಾಡಿದ್ದಾರೆ. ಈ ಸಿನಿಮಾ ಗೆದ್ದರೆ ಮಾತ್ರವೇ ದೇವರಕೊಂಡ ಫಾರ್ಮಲ್ಲಿ ಉಳಿಯುವ ಅವಕಾಶ ಸಿಗಬಹುದು!

The post Vijay Devarakonda: ಲತ್ತೆ ನಸೀಬಿನ ಮಗ್ಗುಲಲ್ಲಿ ಮಹಾನಟಿ! appeared first on Cini Shodha.

ರಶ್ಮಿಕಾ ಬಾಲಿವುಡ್ ಸಿನಿಮಾ ಆರಂಭಿಕವಾಗಿ ಒಪ್ಪಿಕೊಂಡಾಗ ಅದರತ್ತ ಸಹಜವಾಗಿಯೇ ಒಂದಷ್ಟು ಕುತೂಹಲ ಮೂಡಿಕೊಂಡಿತ್ತು. ಆಕೆ ಶಾರೂಖ್ ಖಾನ್ ಜೊತೆ ನಟಿಸಿದ್ದ ಸಿಕಂದರ್ ಚಿತ್ರ ಕವುಚಿಕೊಳ್ಳುತ್ತಲೇ ರಶ್ಮಿಕಾ ಬಾಲಿವುಡ್ಡಿನಲ್ಲಿ ಗೋತಾ ಹೊಡೆದಳೆಂಬಂಥಾ ಕುಹಕದ ಮಾತುಗಳು ಕೇಳಿ ಬಂದಿದ್ದವು. ಅದರ ಬೆನ್ನಲ್ಲಿಯೇ ರಶ್ಮಿಕಾ ನಟಿಸಿದ್ದ ಚಾವಾ ಗೆಲುವು ಕಂಡಿತ್ತು. ಇದೀಗ ಆ ಗೆಲುವಿನ ಖುಷಿಯಲ್ಲಿಯೇ ಥಮಾ ಅಂತೊಂದು ಬಾಲಿವುಡ್ ಸಿನಿಮಾದಲ್ಲಿ ರಶ್ಮಿಕಾ ನಟಿಸುತ್ತಿದ್ದಾಳೆ. ಇದೀಗ ಈ ಚಿತ್ರದಲ್ಲಿ ರಶ್ಮಿಕಾಳ ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆಗೊಂಡಿದೆ. ಅದರಲ್ಲಿ ಇದೇ ಮೊದಲ ಬಾರಿಗೆ ಹಾರರ್ ಲುಕ್ಕಿನಲ್ಲಿ ಕೊಡಗಿನ ಹುಡುಗಿ ಕಂಗೊಳಿಸಿದ್ದಾಳೆ.

ಆಯುಶ್ಮಾನು ಖುರಾನಾ ನಾಯಕನಾಗಿ ನಟಿಸಿರುವ ಈ ಸಿನಿಮಾದಲ್ಲಿ ಘಟಾನುಘಟಿ ಕಲಾವಿದರ ದಂಡೇ ಇದೆ. ಚಿತ್ರ ತಂಡ ಹಂತ ಹಂತವಾಗಿ ಎಲ್ಲಾ ಕಲಾವಿದರ ಫಸ್ಟ್ ಲುಕ್ಕನ್ನು ಬಿಡುಗಡೆ ಮಾಡುತ್ತಾ ಸಾಗುತ್ತಿದೆ. ಇದೀಗ ರಶ್ಮಿಕಾಳ ಲುಕ್ಕು ಅನಾವರಣಗೊಂಡಿದೆ. ಇದೇ ತಿಂಗಳ ಹತ್ತೊಂಬತ್ತರಂದು ಥಾಮದ ಗ್ಲಿಂಪ್ಸ್ ಬಿಡುಗಡಸೆಗೆ ಮುಹೂರ್ತ ನಿಗಧಿಯಾಗಿದೆ. ದೀಪಾವಳಿಯ ಸಂದರ್ಭದಲ್ಲಿ ಅದ್ದೂರಿಯಾಗಿ ತೆರೆಗಾಣಿಸಲು ಈಗಾಗಲೇ ತಯಾರಿ ಆರಂಭವಾಗಿದೆ. ಹಾರರ್ ಕಥೆಯನ್ನೊಳಗೊಂಡಿರೋ ಈ ಸಿನಿಮಾದಲ್ಲಿ ಯಥೇಚ್ಛವಾಗಿ ಹಾಸ್ಯಕ್ಕೂ ಒತ್ತು ಕೊಡಲಾಗಿದೆಯಂತೆ. ಅಂತೂ ಚಾವ ನಂತರ ಹಾರರ್ ಚಿತ್ರದ ಮೂಲಕ ರಶ್ಮಿಕಾಗೆ ಮತ್ತೊಂದು ಗೆಲುವು ದಕ್ಕೋ ನಿರೀಕ್ಷೆಗಳಿದ್ದಾವೆ.

The post rashmika mandanna: ಥಮಾ ಚಿತ್ರದ ದಿಕ್ಕಿಂದ ಹೀಗೊಂದು ಸುದ್ದಿ! appeared first on Cini Shodha.

ಜೆರ್ಸಿ ಖ್ಯಾತಿಯ ಗೌತಮ್ ತಿನ್ನನೂರಿ ಕಿಂಗ್ಡಮ್ ಚಿತ್ರವನ್ನು ನಿರ್ದೇಶನ ಮಾಡಿದ್ದರು. ಆರಂಭದಿಂದಲೂ ಸಹ ಈ ಸಿನಿಮಾ ಸಾಕಷ್ಟು ಸುದ್ದುಇ ಮಾಡುತ್ತಲೇ ಬಂದಿತ್ತು. ವಿಜಯ್ ದೇವರಕೊಂಡ ಕೂಡಾ ಬಲು ಆಸ್ಥೆಯಿಂದಲೇ ಈ ಸಿನಿಮಾದ ಭಾಗವಾಗಿದ್ದ. ಕಿಂಗ್ಡಮ್ ಈ ಪರಿಯ ಚರ್ಚೆ ಹುಟ್ಟು ಹಾಕಿರೋದಕ್ಕೂ ಕಾರಣವಿತ್ತು. ಸತತ ಸೋಲು ಕಾಣುತ್ತಾ ಬಂದಿರುವ ವಿಜಯ್ ಪಾಲಿಗೆ ಈ ಚಿತ್ರ ಮಾಡು ಇಲ್ಲವೇ ಮಡಿ ಎಂಬಂತಿತ್ತು. ಅದೆಲ್ಲದರ ಫಲವಾಗಿ ಕಿಂಗ್ಡಮ್ ಅದ್ದೂರಿಯಾಗಿ ಮೂಡಿ ಬಂದಿದೆ. ಮೊದಲ ದಿನ ಭರ್ಜರಿ ಕಲೆಕ್ಷನ್ನನ ನೂ ಮಾಡಿದೆ. ಆದರೆ, ನಿರೀಕ್ಷೆಗೆ ತಕಮ್ಕುದಾಗಿ ಮೂಡಿ ಬಂದಿಲ್ಲ ಎಂಬಂಥಾ ಅಪಸ್ವರವೂ ಕೇಳಿ ಬರುತ್ತಿದೆ.

ಈ ಚಿತ್ರ ತಾಂತ್ರಿಕವಾಗಿ ಶ್ರೀಮಂತಿಕೆಯಿಂದ ಕೂಡಿದೆ. ಆದರೆ ಕಥೆಯಲ್ಲಿನ ಬಿಗು ಕಳೆದುಕೊಂಡು ಖುದ್ದು ವಿಜಯ್ ದೇವರಕೊಂಡನ ಅಭಿಮಾನಿಗಳನ್ನೇ ತೃಪ್ತಗೊಳಿಸಿಲ್ಲ. ಇನ್ನು ಸಿನಿಮಾ ತಂಡ, ನಿರ್ಮಾಪಕರು ಅದೇನೇ ಸರ್ಕಸ್ಸು ನಡೆಸಿದರೂ ಕೂಡಾ ನೆಗೆಟಿವ್ ವಿಮರ್ಶೆಗಳು ಹಬ್ಬಿಕೊಳ್ಳುತ್ತಿವೆ. ಅಂತೂ ಕಿಂಗ್ಡಮ್ ಕೂಡಾ ನಿರೀಕ್ಷೆಯಂತೆ ಮೂಡಿ ಬಂದಿಲ್ಲ ಎಂಬುದು ನಿಚ್ಚಳವಾಗಿದೆ. ಅಲ್ಲಿಗೆ ಲೈಗರ್ ಮೂಲಕ ಸುತ್ತಿಕೊಂಡಿದ್ದ ಸೋಲಿನ ಪರ್ವ ದೇವರಕೊಂಡನನ್ನು ಮತ್ತಷ್ಟು ಬಿಗಿಯಾಗಿ ಅಪ್ಪಿಕೊಂಡಿದೆ. ಒಂದು ಮಟ್ಟಕ್ಕೆ ಆತನ ವೃತ್ತಿ ಬದುಕೀಗ ಸೋಲಿನ ಪ್ರಪಾತದ ಅಂಚಿಗೆ ಬಂದು ನಿಂತಿದೆ. ಮುಂದಿನ ಸಿನಿಮಾದಲ್ಲಿಯಾದರೂ ಗೆಲುವು ದಕ್ಕದಿದ್ದರೆ ದೇವರಕೊಂಡನ ವೃತ್ತಿ ಬದುಕು ಸಂಪೂರ್ಣವಾಗಿ ಮಾಸಲಾಗೋದು ಗ್ಯಾರಂಟಿ!

The post vijay devarakonda kingdom: ರಶ್ಮಿಕಾ ಸಖನ ಮುಂದಿನ ಹಾದಿ ದುರ್ಗಮ! appeared first on Cini Shodha.

ಇತ್ತೀಚೆಗೆ ಲಂಡನ್ನಿನಲ್ಲಿ ನಡೆದ ಕಾರ್ಯ ಕ್ರಮವೊಂದರಲ್ಲಿ ಧೂಮಪಾನದ ಬಗ್ಗೆ ರಶ್ಮಿಕಾ ತಳೆದಿರೋ ನಿಲುವು ಭಾರೀ ಸುದ್ದಿಯಾಗಿತ್ತು. ಖಾಸಗಿ ಬದುಕಲ್ಲಿ ಧೂಮಪಾನವನ್ನು ವಿರೋಧಿಸುತ್ತಾ ಬಂದಿರೋದಾಗಿ ತಿಳಿಸಿದ್ದ ರಶ್ಮಿಕಾ, ಸಿನಿಮಾದಲ್ಲಿ ಕೂಡಾ ಧೂಮಪಾನ ಮಾಡೋದಿಲ್ಲ ಅಂದಿದ್ದಾಳೆ. ಒಂದುವೇಳೆ ಧೂಮಪಾನದ ಸನ್ನಿವೇಶದಲ್ಲಿ ಪಾಲ್ಗೊಳ್ಳಲೇ ಬೇಕೆಂಬ ಒತ್ತಾಯ ಬಂದರೆ, ಆ ಪ್ರಾಜೆಕ್ಟನ್ನೇ ಕೈ ಬಿಡೋದಾಗಿಯೂ ಹೇಳಿದ್ದಾಳೆ. ರಶ್ಮಿಕಾಳ ಮಾತಿನ ಹಿಂದಿರುವ ಸಾಮಾಜಿಕ ಕಾಳಜಿಯ ಬಗೆಗೀಗ ಸಾಮಾಜಿಕ ಜಾಲತಾಣಗಳಲ್ಲಿಯೂ ಮೆಚ್ಚುಗೆಯ ಮಾತುಗಳು ಹರಿದಾಡುತ್ತಿವೆ. ಟ್ರೋಲ್ ಮೂಲಕ ಛಾಟಿ ಬೀಸುತ್ತಿದ್ದವರೂ ಕೂಡಾ ರಶ್ಮಿಕಾಳನ್ನು ಮೆಚ್ಚಿ ಕೊಂಡಾಡುತ್ತಿದ್ದಾರೆ.

ಏಕಾಏಕಿ ರಶ್ಮಿಕಾ ಬಗ್ಗೆ ಈ ಪರಿಯಾಗಿ ಮೆಚ್ಚುಗೆ ಮೂಡಿಕೊಂಡಿರುವುದಕ್ಕೂ ಕಾರಣವಿದೆ. ಈ ನಟ ನಟಿಯರು ತಾವು ಕಾಸು ಮಾಡಿಕೊಳ್ಳಲು ಸಮಾಜವನ್ನು ತಾವ ಪಾತಾಳಕ್ಕಿಳಿಸಲೂ ಹೇಸುವುದಿಲ್ಲ. ಅಂಥಾ ಮನಃಸ್ಥಿತಿ ಇಲ್ಲದೇ ಹೋಗಿದ್ದರೆ, ವಿಮಲ್ ನಂಥಾ ಗುಟ್ಕಾ ಜಾಹೀರಾತುಗಳಲ್ಲಿ ಶಾರೂಖ್ ಖಾನ್, ಅಜಯ್ ದೇವಗನ್ ಥರದ ಮಾನಗೆಟ್ಟ ನಟರು ಕಾಣಿಸಿಕೊಳ್ಳಲು ಸಾಧ್ಯವಿರುತ್ತಿರಲಿಲ್ಲ. ನಮ್ಮ ಅತೀಬುದ್ಧಿವಂತ ಕಿಚ್ಚಾ ಸುದೀಪನಂಥವರು ಬೆಟ್ಟಿಂಗ್ ದಂಧೆಯ ಜಾಹೀರಾತಲ್ಲಿ ಕಾಣಿಸಿಕೊಂಡು ಕೊಸರಿಕೊಳ್ಳುವ ಪ್ರಮೇಯವೂ ಬರುತ್ತಿರಲಿಲ್ಲ. ಇನ್ನು ತೆರೆಮೇಲೆ ತಾನು ಸಿಗರೇಟು ಸೇದಿದರೆ ಅದು ತನ್ನನ್ನು ಅನುಸರಿಸೋ ಕೋಟ್ಯಂತರ ಯುವ ಸಮುದಾಯದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆಂಬ ಖಬರು ಬಹುತೇಕರಿಗಿಲ್ಲ. ಚಿತ್ರತಂಡ ಸಿಗರೇಟು ಕೈಗಿಟ್ಟರೆ, ಅದನ್ನು ಲಬ್ಬಕ್ಕನೆ ತುಟಿಗಿಟ್ಟುಕೊಂಡು ಪೋಸು ಕೊಡುವ ನಟಿಯರು ನಮ್ಮಲ್ಲೇ ಇದ್ದಾರೆ. ಇಂಥವರ ನಡುವೆ ಈ ಹುಡುಗಿ ರಶ್ಮಿಕಾ ನಿಜಕ್ಕೂ ಈ ಕ್ಷಣದಲ್ಲಿ ಭಿನ್ನವಾಗಿ ಕಾಣಿಸುತ್ತಾಳೆ!

The post rashmika mandanna: ಕಿರಿಕ್ ಹುಡುಗಿಯ ಮಾದರಿ ನಡೆ! appeared first on Cini Shodha.

ಪ್ರಶಾಂತ್ ನೀಲ್ ಆರಂಭದಲ್ಲಿಯೇ ಎಲ್ಲವನ್ನೂ ನಿಕ್ಕಿಯಾಗಿಸಿಕೊಳ್ಳುತ್ತಾರೆ. ಈ ಸಂಬಂಧವಾಗಿ ಒಟ್ಟಾರೆ ಸಿನಿಮಾದ ಪ್ರಧಾನ ಆಕರ್ಷಣೆಗ್ಳಲ್ಲೊಂದಾದ ಐಟಂ ಸಾಂಗ್ ಗಾಗಿ ನಟಿಯರ ಹುಡುಕಾಟ ಬಹು ಕಾಲದಿಂದ ನಡೆದಿತ್ತು. ಈ ಸಾಲಿನಲ್ಲಿ ತೃಪ್ತಿ ದಿಮ್ರಿ, ಶ್ರೀಲೀಲಾಳಂತ ನಟಿಯಯರತ್ತಲೂ ನೀಲ್ ಚಿತ್ತ ಹರಿದಿತ್ತು. ಆದರೆ ಅದಕ್ಕೆ ಪಕ್ಕಾ ಸರಿ ಹೊಂದುವಂತೆ ಕಂಡಾಕೆ ರಶ್ಮಿಕಾ ಮಂದಣ್ಣ. ಹೇಳಿಕೇಳಿ ರಶ್ಮಿಕಾ ಇದೀಗ ಯಶಸ್ಸಿನ ಉತ್ತುಂಗದಲ್ಲಿದ್ದಾಳೆ. ಆಕೆ ಈ ಸಾಂಗಿನಲ್ಲಿ ನಟಿಸಲ;ಉ ಒಪ್ಪಿಕೊಳ್ಳಬಹುದಾ? ಹೀಗೊಂದು ಅನುಮಾನ ಸಹಜವಾಗಿಯೇ ನೀಲ್ ಸೇರಿದಂತಗೆ ಒಂದಿಡೀ ಚಿತ್ರ ತಂಡವನ್ನು ಕಾಡಿತ್ತಂತೆ. ಕಡೆಗೂ ಎಲ್ಲವೂ ಸುಖಾಂತ್ಯವಾಗಿದೆ.

ರಶ್ಮಿಕಾ ಜ್ಯೂನಿಯರ್ ಎನ್ಟಿಆರ್ ಜೊತೆ ಹೆಜ್ಜೆ ಹಾಕೋ ಖುಷಿ ಮತ್ತು ಯಶಸ್ವೀ ನಿರ್ದೇಶಕ ಪ್ರಶಾಂತ್ ನೀಲ್ ಮೇಲಿನ ಅಭಿಮಾನದಿಂದ ಈ ಅವಕಾಶವನ್ನು ಒಪ್ಪಿಕೊಂಡಿದ್ದಾಳಂತೆ. ಆದರೆ ರಶ್ಮಿಕಾ ತೀರ್ಮಾನದ ಬಗ್ಗೆ ನಾನಾ ದಿಕ್ಕುಗಳಲ್ಲಿ ಚರ್ಚೆಗಳು ಮೂಡಿಕೊಂಡಿವೆ. ನಾಯಕಿಯಾಗಿ ಮಿಂಚಿದ್ದವರು ಐಟಂ ಸಾಂಗುಗಳಲ್ಲಿ ನಟಿಸೋದು ಹೊಸತೇನಲ್ಲ. ಆದರೆ ಅದರ ಹಿಂದೆಯೂ ನಾನಾ ಲೆಕ್ಕಾಚಾರಗಳಿದ್ದಾವೆ. ಕೆಲ ನಟಿಯರು ಅವಕಾಶ ಸಿಗದೆ ಕಂಗಾಲಾಗಿ ಈ ಥರದ ಅವಕಾಶಗಳನ್ನು ಒಪ್ಪಿಕೊಳ್ಳೋದೂ ಇದೆ. ಆದರೆ ಸದ್ಯದ ಮಟ್ಟಿಗೆ ರಶ್ಮಿಕಾ ಪಾಲಿಗೆ ಅವಕಾಶಗಳಿಗೆ ತತ್ವಾರವೇನಿಲ್ಲ. ಪುಷ್ಪಾ೨ ನಂತರವಂತೂ ಅದು ಮತ್ತಷ್ಟು ಹೆಚ್ಚಿಕೊಂಡಂತಿದೆ. ತಮಿಳು ಸೇರಿದಂತೆ ನಾನಾ ಭಾಷೆಗಳಲ್ಲಿ ಆಕೆಯ ಬೇಡಿಕೆ ಹೆಚ್ಚಿಕೊಂಡಿದೆ. ಇದೆಲ್ಲದರ ನಡುವೆ ರಶ್ಮಿಕಾ ಜ್ಯೂನಿಯರ್ ಎನ್ಟಿಆರ್ ಜೊತೆ ಹೆಜ್ಜೆ ಹಾಕಲು ತೀರ್ಮಾನಿಸಿದ್ದಾಳೆ!

The post rashmika mandanna: ಇದು ಕಿರಿಕ್ ಹುಡುಗಿಯ ಹೊಸಾ ಹೆಜ್ಜೆ! appeared first on Cini Shodha.

ಬದುಕಿನ ಯಾವ್ಯಾವ ತಿರುವುಗಳಲ್ಲಿ, ಎಂತೆಂಥಾ ಭಾವಗಳು ಎದೆತಬ್ಬುತ್ತವೋ… ಹೇಳಲು ಬರುವುದಿಲ್ಲ. ಒಮ್ಮೊಮ್ಮೆ ಕಾಡುವ ಬಡತನ ಮಾತ್ರವಲ್ಲ; ಸುತ್ತ ಕಾಲುಮುರಿದು ಬಿದ್ದಂತಿರುವ ಶ್ರೀಮಂತಿಕೆ, ಹೆಸರು, ಖ್ಯಾತಿಯೂ ವೈರಾಗ್ಯದ ಸೆಳೆತಕ್ಕೆ ಗುರಿ ಮಾಡಿಬಿಡಬಹುದು. ಹೀಗೆ ಖ್ಯಾತಿಯ ಉತ್ತುಂಗಕ್ಕೇರಿ ಅಧ್ಯಾತ್ಮದ ಸೆಳೆತಕ್ಕೆ ಬಿದ್ದ, ಸನ್ಯಾಸ ಮಾರ್ಗದಲ್ಲಿ ಹೊರಟುಬಿಟ್ಟ ಅನೇಕ ಉದಾಹರಣೆಗಳಿದ್ದಾವೆ. ಸದ್ಯಕ್ಕೆ ರಶ್ಮಿಕಾ ಕೂಡಾ ಆ ಸ್ಟೇಜಿನಲ್ಲಿದ್ದಾಳೆ ಅಂದರೆ ಅದು ಖಂಡಿತವಾಗಿಯೂ ಉತ್ಪ್ರೇಕ್ಷೆಯಾಗಿ ಬಿಡುತ್ತದೆ. ಸದ್ಯದ ಮಟ್ಟಿಗೆ ಅಧ್ಯಾತ್ಮವೆಂಬುದು ರಶ್ಮಿಕಾಳನ್ನು ಆ ಉತ್ತುಂಗಕ್ಕೇರಿಸುತ್ತೆಂದು ಕೊಂಡರೆ ಅದಕ್ಕಿಂತಲೂ ಮೂರ್ಖತನ ಬೇರೊಂದಿಲ್ಲ.

ಆದರೆ, ರಶ್ಮಿಕಾ ಮಂದಣ್ಣ ಸದ್ಯದ ಪರಿಸ್ಥಿತಿಯಲ್ಲಿ ಡಿಸ್ಟರ್ಬ್ ಆಗಿರೋದಂತೂ ಸತ್ಯ. ಹಾಗೆ ನೋಡಿದರೆ, ರಕ್ಷಿತ್ ಶೆಟ್ಟಿ ಜೊತೆಗಿನ ರಿರೇಷನ್ ಶಿಪ್ ಕಡಿದುಕೊಂಡ ನಂತರ ಆಕೆಯ ಮೇಲಾಗಿರೋ ಪ್ರಹಾರಗಳು ಸಾಮಾನ್ಯದ್ದೇನಲ್ಲ. ಸೆಲೆಬ್ರಿಟಿಗಳಿಗೆ ಅದೆಲ್ಲ ಮಾಮೂಲು ಅಂದುಕೊಂಡರೂ, ತೀರಾ ವೈಯಕ್ತಿಕ ಪ್ರಹಾರಗಳನ್ನ ಅರಗಿಸಿಕೊಳ್ಳುವುದು ಸಲೀಸಿನ ಸಂಗತಿಯೇನಲ್ಲ. ಅದರಲ್ಲಿಯೂ ವಿನಾ ಕಾರಣ ಮನೆಮಂದಿಯನ್ನೆಲ್ಲ ಎಳೆದು ತಂದು ಅಪಪ್ರಚಾರ ನಡೆಸಿದರಂತೂ ಎಂಥಾ ಗಟ್ಟಿಗರಾದರೂ ಅದುರಿ ಬಿಡುತ್ತಾರೆ. ಸದ್ಯ ರಶ್ಮಿಕಾ ಮಂದಣ್ಣ ಕೂಡಾ ಅದೆಲ್ಲದರಿಂದಾಗಿ ಮಾನಸಿಕವಾಗಿ ಒಂದಷ್ಟು ಕುಗ್ಗಿ ಹೋದಂತಿದೆ. ಕೆಲ ಸಂದರ್ಶನಗಳಲ್ಲಿ ಅದು ದಟ್ಟವಾಗಿಯೇ ಕಾಣಿಸುತ್ತಿದೆ.

ತೆಲುಗು ಚಿತ್ರರಂಗಕ್ಕೆ ಅಡಿಯಿರಿಸಿದ ನಂತರ ರಶ್ಮಿಕಾ ಒಂದಿಡೀ ಚಿತ್ರರಂಗವನ್ನೇ ಆವರಿಸಿಕೊಂಡಿದ್ದಳು. ಆ ಹಠಾತ್ ಯಶದ ಅಮಲನ್ನು ಸರಿದೂಗಿಸಿಕೊಳ್ಳುವ ಸಾಮರ್ಥ ಈ ಹುಡುಗಿಗಿರಲಿಲ್ಲ. ಯಾರಾದರೂ ಅನುಭವಿ ಮೆಂಟರ್‍ಗಳನ್ನು ನೇಮಿಸಿಕೊಂಡು, ಒಂದು ಪರಿಸ್ಥಿತಿಯನ್ನು ಸಾರ್ವಜನಿಕವಾಗಿ ನಿಭಾಯಿಸೋ ಕಲೆ ಸಿದ್ಧಿಸಿಕೊಂಡಿದ್ದರೆ ರಶ್ಮಿಕಾಗೆ ಇಂಥಾ ಪರಿಸ್ಥಿತಿ ಬರುತ್ತಿರಲಿಲ್ಲ. ವಿವಾದವೊಂದಕ್ಕೆ ಪ್ರತಿಕ್ರಿಯಿಸಿ ಮತ್ತೊಂದು ವಿವಾದವೆಬ್ಬಿಸುವ ಮೂಲಕ ಆಕೆಯ ನೆಮ್ಮದಿ ಕೆಟ್ಟು ನಿಂತಿದೆ. ಅದು ರಶ್ಮಿಕಾಳ ಎಳಸುತನದ ಪ್ರಭಾವ. ಈಗಂತೂ ವೃತ್ತಿ ಬದುಕಿನ ವಿಚಾರದಲ್ಲಿಯೂ ಆಕೆಯ ಮುಂದೆ ಸವಾಲುಗಳಿದ್ದಾವೆ. ತೀವ್ರವಾದ ಸ್ಪರ್ಧೆ ಒಡ್ಡುವ ನಟಿಯರು ಹುಟ್ಟಿಕೊಂಡಿದ್ದಾರೆ. ಇದೆಲ್ಲವೂ ರಶ್ಮಿಕಾಳನ್ನು ಕೊಂಚ ಆಧ್ಯಾತ್ಮದತ್ತ ಗಮನ ಹರಿಸುವಂತೆ ಮಾಡಿದ್ದರೂ ಅಚ್ಚರಿಯೇನಿಲ್ಲ!

The post rashmika mandanna: ಕೊಡಗು ಬಾಲಿವುಡ್ ಮತ್ತು ಹಿಮಾಲಯ! appeared first on Cini Shodha.

ಕಿಸ್ ಅಂತೊಂದು ಸನಿಮಾದಲ್ಲಿ ನಾಯಕಿಯಾಗಿ ನಟಿಸಿ, ಮೊದಲ ಹೆಜ್ಜೆಯಲ್ಲಯೇ ಗೆಲುವು ಪಡೆದಿದ್ದಾಕೆ ಶ್ರೀಲೀಲಾ. ಆ ನಂತರದಲ್ಲಿ ರಾಘವೇಂದ್ರ ರಾವ್ ನಿರ್ದೇಶನದ ಸಿನಿಮಾ ಮೂಲಕ ತೆಲುಗಿಗೂ ಎಂಟ್ರಿ ಕೊಟ್ಟಿದ್ದಳು. ಯಾವ ತಾರಾತಿಗಡಿಯೂ ಇಲ್ಲದೆ ತನ್ನ ಪಾಡಿಗೆ ತಾನಿರುವ, ಅಮ್ಮನ ಅಧ್ವಾನಗಳನ್ನು ಮೀರಿ ವಿವಾದಗಳಿಂದ ದೂರವಿರುವ ಈ ಹುಡುಗಿ ತೆಲುಗು ಪ್ರೇಕ್ಷಕರ ಮನ ಗೆದ್ದಿದ್ದಾಳೆ. ಆ ನಂತರ ಈಕೆ ಪಡೆದುಕೊಳ್ಳುತ್ತಿರುವ ಸಾಲು ಸಾಲು ಅವಕಾಶಗಳನ್ನು ಕಂಡು ಇತರೇ ನಟಿಯರು ಬೆಚ್ಚಿಬಿದ್ದಿದ್ದಾರೆ. ಇದೀಗ ಬೆಚ್ಚುವ ಸರದಿ ರಶ್ಮಿಕಾಳವರೆಗೂ ಸಾಗಿ ಬಂದಿದೆ. ಯಾಕೆಂದರೆ, ವೆಂಕಿ ಕುಡುಮುಲ ನಿರ್ದೇಶನದ ಚಿತ್ರಕ್ಕೆವ ರಶ್ಮಿಕ ನಾಯಕಿ ಅತ ಸುದ್ದಿಯಾಗಿತ್ತಾದರೂ, ಇದೀಗ ಆ ಅವಕಾಶ ಶ್ರೀಲೀಲಾಗೆ ಒಲಿದು ಬಂದಿದೆ!

ಅದೇನು ಅಹಮ್ಮಿಕೆಯೋ, ಗೆಲುವಿನ ಉತ್ಸಾಹವೋ ಗೊತ್ತಿಲ್ಲ; ಈ ರಶ್ಮಿಕಾ ಮಂದಣ್ಣ ಕೊಂಚ ಚಿಗುರಿಕೊಳ್ಳುತ್ತಲೇ ಏಕಾಏಕಿ ಮುಗಿಲು ಮುಟ್ಟುವ ಹುಂಬತನದೊಂದಿಗೆ ಮುಂದುವರೆಯುತ್ತಾಳೆ. ಕನ್ನಡದಲ್ಲಿ ನಾಯಕಿಯಾಗಿ ಪ್ಸಿದ್ಧಿ ಡೆಯುತ್ತಲೇ ಆಕೆ ತೆಲುಗಿಗೆ ಹಾರಿದ್ದಳು. ಒಂದಷ್ಟು ಕಾಲ ಕನ್ನಡವನ್ನು ಕಡೆಗಣಿಸಿ ಮುಂದುವರೆದಿದ್ದಳು. ತೆಲುಗಿನಲ್ಲಿ ಬೇಡಿಕೆ ಹೆಚ್ಚಾಗುತ್ತಲೇ ತಮಿಳು, ಹಿಂದಿಯತ್ತ ಒಲಸೆ ಹೋಗುತ್ತಿದ್ದಾಳೆ. ಇದರ ಬೆನ್ನಿಗೇ ಶ್ರೀಲೀಲಾ ಬಂದಿದ್ದೇ, ಆಕೆಯ ಕೇಜ್ ರಶ್ಮಿಕಾಳನ್ನು ಬೀಟ್ ಮಾಡಿಬಿಟ್ಟಿದೆ. ಹೀಗಿರೋದರಿಂದಲೇ ರಶ್ಮಿಕಾಳಿಗೆ ಮೊದಲ ಆದ್ಯತೆ ಕೊಡುತ್ತಿದ್ದವರೆಲ್ಲ ಶ್ರೀಲೀಲಾಳತ್ತ ಮುಖ ಮಾಡಿದ್ದಾರೆಂಬ ವರ್ತಮಾನವಿದೆ. ಅಂತೂ ಶ್ರೀಲೀಲಾಳಿಂದಾಗಿ ಕನ್ನಡದ ರಶ್ಮಿಕಾ, ಪೂಜಾ ಹೆಗ್ಡೆಯಂತವರು ಸೈಡಿಗೆ ಸರಿಯುವಂಥಾ ವಾತಾವರಣ ನಿರ್ಮಾಣವಾಗಿದೆ!

The post sreelela: ತೆಲುಗಿನಲ್ಲೀಗ ಕಿಸ್ ಹುಡುಗಿಯದ್ದೇ ಹವಾ! appeared first on Cini Shodha.