ನಿರ್ದೇಶಕ ನೆಲ್ಸನ್ ಜೈಲರ್೨ ಕಥೆ ಸಿದ್ಧಪಡಿಸುವಾಗಲೇ ಬಾಲಯ್ಯನಿಗಾಗಿ ಒಂದು ಪಾತ್ರವನ್ನು ಸೃಷ್ಟಿಸಿದ್ದರಂತೆ. ಅದು ಮೇಲು ನೋಟಕ್ಕೆ ಅತಿಥಿ ಪಾತ್ರದಂತೆ ಕಂಡರೂ ಕೂಡಾ ಖುದ್ದು ರಜನಿ ಪಾತ್ರಕ್ಕೇ ಸರಿಸಮನಾಗಿತ್ತಂತೆ. ಇಂಥಾದ್ದೊಂದು ಪಾತ್ರವನ್ನು ಸೃಷ್ಟಿ ಮಾಡಿದ್ದ ನೆಲ್ಸನ್‌ಗೆ, ಅದರ ಚಹರೆ ಕೇಳುತ್ತಲೇ ಬಾಲಯ್ಯ ಥ್ರಿಲ್ ಆಗಿ ಒಪ್ಪಿಗೆ ಸೂಚಿಸುತ್ತಾರೆಂಬ ವಿಶ್ವಾಸವಿತ್ತು. ಆದರೆ, ಬಾಲಯ್ಯನನ್ನು ಸಂಪರ್ಕಿಸಿದಾಗ ನೆಲ್ಸನ್‌ಗೆ ಆದದ್ದು ಅಕ್ಷರಶಃ ಆಘಾತ. ಯಾಕೆಂದರೆ, ತೀರಾ ನಿರ್ಲಿಪ್ತವಾಗಿ ಈ ಅವಕಾಶವನ್ನು ಎದುರುಗೊಂಡ ಬಾಲಯ್ಯ ಆರಂಭದಿಂದಲೇ ನಾನಾ ರೊಳ್ಳೆ ತೆಗೆದಿದ್ದರು. ಕಡೆಗೂ ತಾನು ತೆಲುಗು ಬಿಟ್ಟು ಮತ್ಯಾವ ಭಾಷೆಯಲ್ಲಿಯೂ ನಟಿಸೋದಿಲ್ಲ ಎಂಬಂಥಾ ನಿರ್ಧಾರ ಪ್ರಕಟಿಸಿ ಜೈಲರ್೨ ಅವಕಾಶವನ್ನು ಸಾರಾಸಗಟಾಗಿ ನಿರಾಕರಿಸಿರುವ ಸುದ್ದಿ ಬಂದಿದೆ.

ಯಾವ ಭಾಷೆಯ ಸೂಪರ್ ಸ್ಟಾರುಗಳೇ ಆಗಿದ್ದರೂ ಕೂಡಾ ರಜನಿ ಜೊತೆ ನಟಿಸುವ ಅವಕಾಶಕ್ಕಾಗಿ ಹಂಬಲಿಸುತ್ತಾರೆ. ಕನ್ನಡದ ಶಿವಣ್ಣ, ಉಪ್ಪಿ ನಟಿಸಿದ್ದು ಕೂಡಾ ಅಂಥಾ ಅದಮ್ಯ ಪ್ರೀತಿಯಿಂದಲೇ. ಆದರೆ ಈ ಬಾಲಯ್ಯ ವಿಕ್ಷಿಪ್ತ ನಟ. ಕಾಮಿಡಿಯಂಥಾ ಪಾತ್ರಗಳನ್ನು ಮಾಡುತ್ತಾ, ಬೇರೆ ಭಾಷೆದಗಳ ಪ್ರೇಕ್ಷಕರು ಲೇವಡಿಯಾಡುವಂಥಾ ಬಿಲ್ಡಪ್ಪುಗಳ ಮೂಲಕ ಚಾಲ್ತಿಯಲ್ಲಿರುವಾತ ಬಾಲಯ್ಯ. ಎಣ್ಣೆ ಏಟಲ್ಲಿ ಏನೇನೋ ಅಧ್ವಾನ ಮಾಡಿಕೊಳ್ಳುವ ಮೂಲಕವೂ ಈತ ಸುದ್ದಿಕೇಂದ್ರದಲ್ಲಿರುತ್ತಾನೆ. ಇಂಥಾ ಬಾಲಯ್ಯ ತಾನು ರಜನಿಯನ್ನೂ ಮೀರಿದ ಸೂಪರ್ ಸ್ಟಾರ್ ಎಂಬ ಭ್ರಮೆಯಲ್ಲಿರುವಂತಿದೆ. ಈ ಕಾರಣದಿಂದಲೇ ಜೈಲರ್೨ ಅವಕಾಸ ಬರುತ್ತಲೇ ಐವತ್ತು ಕೋಟಿ ಸಂಭಾವನೆ ಕೊಡುವಂತೆ ಬೇಡಿಕೆ ಇಡುವ ಮೂಲಕ ಸೀರಿಯಸ್ ಆಗಿಯೇ ಕಾಮಿಡಿ ಮಾಡಿದ್ದ. ಬಾಲಯ್ಯನ ಇಂಥಾ ದುರಹಂಕಾರದ ವರ್ತನೆಯಿಂದ ತಲೈವಾ ಅಭಿಮಾನಿಗಳು ಕೆಂಡವಾಗಿದ್ದಾರೆ!

The post Nandamoori Balayya: ತೆಲುಗು ನಟನ ವಿರುದ್ಧ ತಲೈವಾಭಿಮಾನಿಗಳು ಕೆಂಡ! appeared first on Cini Shodha.

ಈ ತಿಂಗಳ ಹನ್ನೆರಡರಂದೇ ಕೂಲಿ ಅಮೇಜಾನ್ ಪ್ರೈಮ್ ನಲ್ಲಿ ಬಿಡುಗಡೆಗೊಂಡಿತ್ತು. ಸಾಮಾನ್ಯವಾಗಿ ಸಿನಿಮಾ ಮಂದಿರಗಳಲ್ಲಿ ಮುಗ್ಗರಿಸಿದ ಅದೆಷ್ಟೋ ಸಿನಿಮಾಗಳು ಓಟಿಟಿಯಲ್ಲಿ ಪುಟಿದೇಳುತ್ತವೆ. ಕೂಲಿ ಕೂಡಾ ಅಂಥಾದ್ದೊಂದು ಆಶಾದಾಯಕ ಬೆಳವಣಿಗೆ ಕಾಣಬಹುದೆಂಬ ನಿರೀಕ್ಷೆ ಸಹಜವಾಗಿಯೇ ಬಹುತೇಕರಲ್ಲಿತ್ತು. ಆದರೆ, ರಜನೀ ಸಿನಿಮಾಗಳು ದೊಡ್ಡ ಪರದೆಯ ಮೇಲೆ ಹುಟ್ಟಿಸೋ ಫೀಲ್ ಅನ್ನು ಅದರಾಚೆಗೆ ಮೂಡಿಸಲು ಸಾಧ್ಯವಿಲ್ಲ.ಹೇ ಹೇಳಿಕೇಳಿ ಕೂಲಿ ದೊಡ್ಡ ಪರದೆಯಲ್ಲೇ ಅಡ್ಡಡ್ಡ ಮಲಗಿತ್ತು. ಇಂಥಾ ಸಿನಿಮಾವೀಗ ಅಮೇಜಾನ್ ಪ್ರೈಮ್‌ನಲ್ಲಿಯೂ ತೆವಳುತ್ತಾ ಸಾಗುತ್ತಿದೆ.

ಇನ್ನುಳಿದಂತೆ ಹಬ್ಬದ ವಾರದ ಅಂಚಿನಲ್ಲಿಯೇ ಕೂಲಿ ಉದಯ ವಾಹಿನಿಯಲ್ಲಿಯೂ ಕೂಡಾ ಪ್ರಸಾರಗೊಂಡಿದೆ. ಆದರೆ, ಅಲ್ಲೂ ರಜನಿ ಸಿನಿಮಾ ಹೇಳಿಕೊಳ್ಳುವಂಥಾ ದಾಖಲೆ ಬರೆದಂತಿಲ್ಲ. ರಜನೀಕಾಂತ್ ಸಿನಿಮಾ ತೆರೆಗಬಾಣುತ್ತದೆಯೆಂದರೆ, ಬಹುಕೋಟಿ ಬ್ಯುಸಿನೆಸ್ ಆಗುವ ಅಂದಾಜಿರುತ್ತದೆ. ಆದರೆ, ಕೂಲಿ ಮುಕ್ಕರಿಸಿ ನೂರಾವ ಐವತ್ತು ಕೋಟಿ ಸಂಪಾದಿಸುವಷ್ಟರಲ್ಲಿ ಬಸವಳಿದು ಬಿಟ್ಟಿದೆ. ಈ ಮೂಲಕ ರಜನಿ ಸಿನಿಮಾದ ಸಮರ್ಥ ಸಾರಥಿಯಾಗುವಲ್ಲಿ ಯುವ ನಿರ್ದೇಶಕ ಲೋಕೇಶ್ ಕನಗರಾಜ್ ಸಂಪೂರ್ಣವಾಗಿ ಹಿನ್ನಡೆ ಅನುಭವಿಸಿದ್ದಾರೆ. ವಿಶೇಷವೆಂದರೆ, ರಜನೀಕಾಂತ್ ಅದೇ ಲೋಕೇಶ್‌ಗೆ ತಮ್ಮ ಮತ್ತೊಂದು ಸಿನಿಮಾ ನಿರ್ದೇಶನ ಮಾಡುವ ಅವಕಾಶ ಕಲ್ಪಿಸಿದ್ದಾರೆ!

The post Rajanikanth Coolie On Ott: ತಲೈವಾ ಸಿನಿಮಾವೀಗ ಮತ್ತಷ್ಟು ಹತ್ತಿರ! appeared first on Cini Shodha.

ವಿಕ್ರಮ್ ಥರದ ಸಿನಿಮಾ ಮೂಲಕ ಕಮಲ್ ಹಾಸನ್‌ರಂಥಾ ನಟರನ್ನಿಟ್ಟುಕೊಂಡು ಮ್ಯಾಜಿಕ್ಕು ಮಾಡಿದ್ದಾತ ಲೋಕೇಶ್ ಕನಗರಾಜ್. ಅಂಥಾ ಯುವ ನಿರ್ದೇಶಕನ ಸಾರಥ್ಯದಲ್ಲಿ ರಜನಿ ಗೆಲುವಿನ ಪರ್ವ ಮುಂದುವರೆಯುತ್ತದೆಂದೇ ಬಹುತೇಕರು ಭಾವಿಸಿದ್ದರು. ಯಾವಾಗ ಮೆಲ್ಲಗೆ ಕ್ರೇಜ್ ಸೃಷ್ಟಿಯಾಗ ತೊಡಗಿತೋ, ಅದನ್ನು ಚಿತ್ರತಂಡ ಮತ್ತಷ್ಟು ಮಿರುಗುವಂತೆ ಮಾಡಿ ಬಿಟ್ಟಿತ್ತು. ಆದರೆ, ರಜನೀಕಾಂತ್ ಸಿನಿಮಾವೆಂಬ ಆಕರ್ಷಣೆಯ ಹೊರತಾಗಿ ಮತ್ತೆಲ್ಲವೂ ಮಾಮೂಲಿ ಎಂಬಂಥಾ ರೀತಿಯಲ್ಲಿ ಕೂಲಿ ಪ್ರೇಕ್ಷಕರನ್ನು ಎದುರುಗೊಂಡಿದೆ. ಇಲ್ಲಿ ಕಥೆ ಇದೆ; ಆದರದು ಕಾಡೋದಿಲ್ಲ. ಅದ್ದೂರಿ ದೃಶ್ಯಾವಳಿಗಳು, ತಲೈವಾಗೆ ಕೊಟ್ಟಿರೋ ಬಿಲ್ಡಪ್ಪುಗಳು ಪ್ರೇಕ್ಷಕರ ನಿರಾಸೆಯನ್ನು ತೊಡೆದು ಹಾಕುವಷ್ಟು ಶಕ್ತವಾಗಿಲ್ಲ.

ಒಂದೊಂದು ಹಂತದಲ್ಲಿ ಇದು ನಿಜಕ್ಕೂ ಲೋಕೇಶ್ ಕನಗರಾಜ್ ನಿರ್ದೇಶನ ಮಾಡಿರುವ ಚಿತ್ರವಾ? ಅಂತೊಂದು ಸಂದೇಹ ಪ್ರೇಕ್ಷಕರನ್ನು ಕಾಡಲಾರಂಭಿಸುತ್ತೆ. ಯಾವ ಮುಲಾಜುಗಳಿಗೆ ಕಟ್ಟು ಬಿದ್ದು ಲೋಕೇಶ್ ಇಂಥಾದ್ದೊಂದು ಸರಕನ್ನು ಸಿದ್ಧಪಡಿಕಸಿದ್ದಾರೆಂಬುದೇ ಪ್ರಶ್ನೆಯಾಗುಳಿಯುತ್ತೆ. ಇಲ್ಲಿ ಬೇರೆ ಬೇರೆ ಸಿನಿಮಾ ರಂಗಗಳ ಸ್ಟಾರ್ ನಟರಿದ್ದಾರೆ. ಅವರನ್ನೆಲ್ಲ ಒಂದು ಮಟ್ಟಿಗೆ ಚೆಂದಗೆ ಬಳಸಿಕೊಳ್ಳಲಾಗಿದೆ. ಮಹಾ ತಿರುವು ಹೊಂದಿರುವ ಪಾತ್ರವನ್ನು ರಚಿತ ರಾಮ್ ಕೂಡಾ ಪ್ರೇಷರ ಮನಗೆಲ್ಲುವಂತೆ ನಿರ್ವಹಿಸಿದ್ದಾರೆ. ಆಕೆಯ ಅಭಿನಯ ಚಾತುರ್ಯವಿಲ್ಲಿ ಎದ್ದು ಕಾಣಿಸುತ್ತೆ. ಉಪ್ಪಿ ಪಾತ್ರ ಕೂಡಾ ಚೆನ್ನಾಗಿದೆ. ಆದರೆ, ಅದು ಜೈಲರ್‌ನಲ್ಲಿ ಶಿವರಾಜ್ ಕುಮಾರ್ ನಿರ್ವಹಿಸಿದ್ದ ಪಾತ್ರದಷ್ಟು ಪರಿಣಾಮಕಾರಿಯಾಗಿಲ್ಲ.

ನಿಖರವಾಗಿ ಹೇಳಬೇಕೆಂದರೆ, ಒಂದಿಡೀ ಸಿನಿಮಾ ವಾಲಿದಾಗೆಲ್ಲ ಹಿಡಿದೆತ್ತಿ ನಿಂತಂತೆ ಕಾಣಿಸೋದು ಮಲೆಯಾಳಂ ನಟ ಸೋಬಿನ್. ಈತ ನಟನೆಯಲ್ಲಿ ದಯಾಳ್ ಎಂಬ ಪಾತ್ರವನ್ನು ಆವಾಹಿಸಿಕೊಂಡಿರೋ ರೀತಿಯೇ ಅದ್ಭುತ. ಇನ್ನುಳಿದಂತೆ ಸಂಗೀತ ನಿರ್ದೇಶಕ ಅನಿರುದ್ಧ್ ಕೂಡಾ ಈ ಸಿನಿಮಾವನ್ನು ಕುಸಿಯದಂತೆ ನೋಡಿಕೊಂಡ ಆಧಾರ ಸ್ತಂಭಗಳಲ್ಲೊಬ್ಬರಾಗಿ ಮುಖ್ಯರಾಗುತ್ತಾರೆ. ಆದರೆ, ಲೋಕೇಶ್ ಯಾಕಿಂಥಾ ಪೇಲವ ಸಿನಿಮಾ ಮಾಡಿದರೆಂಬ ಪ್ರಶ್ನೆ ಸಿನಿಮಾ ಮುಗಿದ ನಂತರವೂ ಕಾಡುತ್ತೆ. ಅಷ್ಟಕ್ಕೂ ಲೋಕೇಶ್ ಇಲ್ಲಿ ಪ್ರದರ್ಶಿಸಿರುವ ಪಟ್ಟುಗಳು ಪುರಾತನ ಕಾಲದವುಗಳು. ಊರ್ಯ ನಿಸಿದ್ದ ಅಯ್ಯನ್ ಸಿನಿಮಾದಲ್ಲಿ ದಶಕಗಳ ಹಿಂಎಯೇ ಅವುಗಳನ್ನು ಪರಿಣಾಮಕಾರಿಯಾಗಿ ತೋರಿಸಲಾಗಿತ್ತು. ಅಂಥಾ ಸವಕಲು ಸರಕನ್ನು ತೀರಾ ಮಾಮೂಲಿಕಯಾಗಿ ಕದೃಷವಾಗಿಸಿದ್ದಾರೆ.

ತಲೈವಾ ಸಿನಿಮಾಗಳಿಂದ ಮೇಲೆ ಕಾಸು ಹೂಡಿದವರಿಗೇನ ಲುಕ್ಸಾನಾಗೋದಿಲ್ಲ. ಒದಷ್ಟು ಲಾಭವಾಗೋದೂ ಖಚಿತ. ಆದರೆ, ಒಂದೊಳ್ಳೆ ಸಿನಿಮಾ ಮೂಲಕ ಅದನ್ನು ಬಳಸಿಕೊಳ್ಳದೇ ಹೋದರೆ ನಿಜಕ್ಕೂ ಅದಕ್ಕಿಂತ ಮೂರ್ಖತನ ಬೇರೊಂದಿಲ್ಲ. ಲೋಕೇಶ್ ಕನಗರಾಜ್ ಕೂಡಾ ಯಾಕೋ ಅಂಥಾ ಮೂರ್ಖತನವನ್ನೇ ಮಾಡಿದಂತೆ ಕಾಣಿಸುತ್ತಿದೆ. ಕಬಾಲಿ ಚಿತ್ರ ಬಿಡುಗಡೆಗೂ ಮುನ್ನ ಭಾರೀ ಹೈಪು ಸೃಷ್ಟಿಯಾಗಿತ್ತು. ಕಬಾಲಿ ಜಾಹೀರಾತು ಇಮಗಳಲ್ಲಿಯೂ ರಾರಾಜಿಸಿದ್ದವು. ಅಂಥಾ ಹೈಪುಗಳ ಅಬ್ಬರದಲ್ಲಿ ಬಿಡುಗಡೆಗೊಂಡಿದ್ದು ತೋಪು ಸಿನಿಮಾ. ಕೂಲಿಯ ಕ್ರೇಜ್ ನೋಡಿದಾಗಲೂ ಕಬಾಲಿ ಕಾಲವೇ ನೆನಪಾಗಿತ್ತು. ಆದರೆ, ಸಿನಿಮಾ ನೋಡಿದ ಮಂದಿ ಕೂಲಿಗಿಂತ ಕಬಾಲಿಯೇ ವಾಸಿ ಅಂದುಕೊಳ್ಳುವಂತಾಗಿದೆ. ಬಹುಶಃ ಅದು ಕೂಲಿಯ ನಿಜವಾದ ವಿಮರ್ಶೆಯಾಗಬಲ್ಲದು!

The post coolie movie review: ನಿರೀಕ್ಷೆಗಳನ್ನು ನಿಕಾಲಿಯಾಗಿಸಿತು ರಜನಿಯ ಕೂಲಿ! appeared first on Cini Shodha.

ಸಾಮಾನ್ಯವಾಗಿ, ನಟಿಯರನೇಕರು ಏಕಾಏಕಿ ಪಕ್ಕಾ ಕಮರ್ಶಿಯಲ್ ಪ್ರಕಾರದ ಸಿನಿಮಾದಲ್ಲಿ ಅವಕಾಶ ಸಿಕ್ಕು ಮಿಂಚಿಬಿಡುವ ಆಲೋಚನೆಯಲ್ಲಿರುತ್ತಾರೆ. ಅಂಥವರ ನಡುವೆ, ನಾಯಕಿ ಪಾತ್ರ ಸಿಗದಿದ್ದರೂ ಪರವಾಗಿಲ್ಲ; ಸಣ್ಣ ಪಾತ್ರವಾದರೂ ಅದು ನೋಡುಗರ ಮನಸಲ್ಲುಳಿಯಬೇಕೆಂಬ ತುಡಿತ ಹೊಂದಿರುವವರು ವಿರಳ. ಆ ಯಾದಿಯಲ್ಲಿ ರಜನಿ ನಿಸ್ಸಂದೇಹವಾಗಿಯೂ ಸೇರ್ಪಡೆಗೊಳ್ಳುತ್ತಾರೆ. ವಿಶೇಷವೆಂದರೆ, ಆರಂಭಿಕ ಹೆಜ್ಜೆಯಲ್ಲಿಯೇ ಅವರಿಗೆ ಅಂಬುಜ ಚಿತ್ರದ ಮೂಲಕ ದೊಡ್ಡ ಅವಕಾಶವೇ ಸಿಕ್ಕಿದೆ. ಲಂಬಾಣಿ ಹುಡುಗಿಯಾಗಿ, ನಾನಾ ಶೇಡುಗಳಿರುವ ಪಾತ್ರವೊಂದಕ್ಕೆ ಜೀವ ತುಂಬಿರುವ ಖುಷಿ, ಪ್ರಧಾನ ಪಾತ್ರವೇ ಸಿಕ್ಕಿರುವ ಧನ್ಯತೆ ರಜನಿಗಿದೆ.

ಅವರೇ ಹೇಳುವ ಪ್ರಕಾರ ಇದೊಂದು ಚಾಲೆಂಜಿಂಗ್ ಪಾತ್ರ. ತಯಾರಿಯಿಲ್ಲದ ಹೊರತು ಆಳಕ್ಕಿಳಿದ ಆವಾಹಿಸಿಕೊಳ್ಳಲು ಸಾಧ್ಯವೇ ಇಲ್ಲ ಎಂಬಂಥಾ ಕ್ಯಾರೆಕ್ಟರ್ ಅದು. ಅದಕ್ಕಾಗಿ ಮಾಡಿಕೊಂಡ ತಯಾರಿಗಳೇ ನಟಿಯಾಗಿ ರಜನಿಗೆ ಹೊಸಾ ಅನುಭವಗಳನ್ನು ಕಟ್ಟಿಕೊಟ್ಟಿದೆ. ಕೇವಲ ನಟನೆ ಮಾತ್ರವಲ್ಲ; ಲಂಬಾಣಿ ಶೈಲಿಯ ಉಡುಗೆಯನ್ನು ತೊಟ್ಟುಕೊಳುವುದು ಕೂಡಾ ರಜನಿ ಪಾಲಿಗೆ ಸವಾಲಾಗಿತ್ತು. ಆ ಕಾಸ್ಟ್ಯೂಮು ತಯಾರಾದ ಬಗ್ಗೆಯೇ ರಜನಿ ರಸವತ್ತಾದ ಪ್ರಸಂಗವೊಂದನ್ನು ಹಂಚಿಕೊಳ್ಳುತ್ತಾರೆ. ಪರಿಪೂರ್ಣವಾದ ಲಂಬಾಣಿ ಉಡುಗೆಯನ್ನು ಆ ಸಮುದಾಯದ ನುರಿತವರಿಂದ ಸ್ಟಿಚ್ ಮಾಡಿಸಲು ನಿರ್ದೇಶಕರು ತೀರ್ಮಾನಿಸಿದ್ದರು. ನಿರ್ಮಾಪಕರೂ ಅದಕ್ಕೆ ಅಸ್ತು ಅಂದಿದ್ದರು. ಆ ಪಾತ್ರ ಅತ್ಯಂತ ಸಹಜವಾಗಿ ಮೂಡಿ ಬರಬೇಕೆಂಬುದು ಸದರಿ ತೀರ್ಮಾನದ ಉದ್ದೇಶವಾಗಿತ್ತು. ನಮಗೆ ಲಂಬಾಣಿ ಉಡುಗೆಗಳು ಅಪರಿಚಿತವೇನಲ್ಲ. ಆದರೆ ಅದನ್ನು ತಯಾರಿಸೋದೊಂದು ಸುದೀರ್ಘವಾದ ಪ್ರಕ್ರಿಯೆ. ಒಂದೇ ಒಂದು ಉಡುಗೆಯ ತಯಾರಿಗೆ ಭರ್ತಿ ಆರು ತಿಂಗಳು ಹಿಡಿದಿತ್ತಂತೆ!

ಇನ್ನು ಆ ಸಮುದಾಯದ ಮಹಿಳೆಯರು, ಹೆಣ್ಣುಮಕ್ಕಳ ಹಾವಭಾವಗಳನ್ನು ಸೂಕ್ಷ್ಮವಾಗಿ ಗ್ರಹಿಸುವ ಸವಾಲೂ ಕೂಡಾ ರಜನಿಗೆದುರಾಗಿತ್ತು. ಗದಗಿನ ತಾಂಡಾವೊಂದರಲ್ಲಿ ಚಿತ್ರೀಕರಣ ನಡೆಸೋದಾಗಿ ತೀರ್ಮಾನವಾದದ್ದೇ, ರಜನಿ ತಾಂಡಾಗೆ ಎಂಟರಿ ಕೊಟ್ಟಿದ್ದರು. ಆ ನಂತರ ಬಹುಕಾಲ ಎಲ್ಲವನ್ನೂ ಸೂಕ್ಷ್ಮವಾಗಿ ಗಮನಿಸುತ್ತಾ ಆ ಪಾತ್ರವನ್ನು ಒಳಗಿಳಿಸಿಕೊಂಡಿದ್ದರು. ಆ ನಂತರ ಚಿತ್ರೀಕರಣ ಶುರುವಾದದ್ದೇ ಕಾಸ್ಟ್ಯೂಮಿನ ಅಸಲೀ ಕಿಮ್ಮತ್ತು ರಜನಿಯ ಅನುಭವಕ್ಕೆ ಬರಲಾರಂಭಿಸಿತ್ತು. ಯಾಕೆಂದರೆ, ಮೇಲುನೋಟಕ್ಕೆ ವಿಶೇಷವಾಗಿ ಕಾಣಿಸುವ ಆ ಸಮುದಾಯದ ಹೆಂಗಳೆಯರು ಧರಿಸೋ ಬಟ್ಟೆ ಊಹೆಗೆ ನಿಲುಕದಷ್ಟು ಭಿನ್ನವಾಗಿರುತ್ತದೆ. ರಜನಿಗಾಗಿ ಆರು ತಿಂಗಳು ಕಾಲ ತಯಾರಾಗಿದ್ದ ಲಂಬಾಣಿ ಶೈಲಿಯ ದಿರಿಸು ಇಪ್ಪತೈದು ಕೇಜಿಗೂ ಅಧಿಕ ತೂಕವಿತ್ತು.

ಅಷ್ಟು ತೂಕದ ಬಟ್ಟೆ ಧರಿಸಿ, ಗಂಟೆಗಟ್ಟಲೆ ಚಿತ್ರೀಕರಣದಲ್ಲಲಿ ಭಾಗಿಯಾಗೋದೊಂದು ಸವಾಲು. ಅದರಲ್ಲಿಯೂ ಅದೇ ಬಟ್ಟೆ ಧರಿಸಿ ಹಾಡೊಂದಕ್ಕೆ ಹೆಜ್ಜೆ ಹಾಕಬೇಕಾಗಿ ಬಂದಾಗ ರಜನಿಗೂ ಒಂದಷ್ಟು ಅಳುಕು ಮೂಡಿತ್ತಂತೆ. ಮೋಹನ್ ಮಾಸ್ಟ್ ಕೋರಿಯೋಗ್ರಫಿ ಮಾಡಿದ್ದ ಆ ಹಾಡಿಗಾಗಿ ನಾಲಕ್ಕು ರಾತ್ರಿ ನಿರಂತರವಾಗಿ ಚಿತ್ರೀಕರಣ ನಡೆದಿತ್ತಂತೆ. ಒಟ್ಟಾರೆ ಹತ್ತಕ್ಕೂ ಹೆಚ್ಚು ದಿನಗಳ ಆ ಭಾಗದ ಚಿತ್ರೀಕರಣವನ್ನು ರಜನಿ ಅಕ್ಷರಶಃ ಸಂಭ್ರಮಿಸಿದ್ದಾರೆ. ಅದು ಒಟ್ಟಾರೆ ಚಿತ್ರದ ಪ್ರಧಾನ ಅಂಶವಾಗಿದೆ ಹಾಗೂ ಅದಕ್ಕೆ ಶಕ್ತಿ ಮೀರಿ ಪ್ರಯತ್ನಿಸಿದ್ದೇನೆಂಬ ಧನ್ಯತಾ ಭಾವ ಅವರಲ್ಲಿದೆ. ಇನ್ನುಳಿದಂತೆ ಆ ಪಾತ್ರ ಹರವು ಕೂಡಾ ವಿಸ್ತಾರವಾದದ್ದು. ಭಾವನಾತ್ಮಕವಾಗಿ ಮನಸಿಗಿಳಿಯುತ್ತಲೇ ನಾನಾ ಬಗೆಯಲ್ಲಿ ಕಾಡುವ ಗುಣಗಳನ್ನು ರಜನಿಯ ಪಾತ್ರ ಹೊಂದಿದೆಯಂತೆ.

maja talkiesಮೂಲತಃ ತುಮಕೂರಿನವರಾದ ರಜನಿ ಪಾಲಿಗೆ ಓರ್ವ ನಟಿಯಾಗಿ ಅಂಬುಜ ವಿಶೇಷ ಚಿತ್ರ. ಈ ಮೂಲಕ ಇಷ್ಟು ವರ್ಷಗಳ ಕಾಲದ ಸುದೀರ್ಘ ಪಯಣವೊಂದು ಸಾರ್ಥಕಗೊಂಡಂತಾಗಿದೆ. ಅಮೃತವರ್ಶಿಣಿ ಎಂಬ ಧಾರಾವಾಹಿಯ ನಾಯಕಿಯಾಗಿ ನಟನೆಗಿಳಿದ್ದಿದ್ದ ರಜನಿ ಬಹುಮುಖ ಪ್ರತಿಭೆ. ನೃತ್ಯ, ನಟನೆ, ಗಾಯನ ಹೀಗೆ ಎಲ್ಲದಕ್ಕೂ ಸೈ ಅನ್ನುವವರು ರಜನಿ. ಅಮೃತವರ್ಶಿಣಿ ಧಾರಾವಾಹಿಯ ನಂತರದಲ್ಲಿ ಮಜಾ ಟಾಕೀಸ್ ಶನಲ್ಲಿಯೂ ಆಕೆ ಕಾಣಿಸಿಕೊಂಡಿದ್ದರು. ಡ್ಯಾನ್ಸಿಂಗ್ ಶೋ ಮೂಲಕವೂ ಪ್ರಸಿದ್ಧಿ ಪಡೆದುಕೊಂಡಿದ್ದರು. ಇದೀಗ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಹಿಟ್ಲರ್ ಕಲ್ಯಾಣ ಧಾರಾವಾಹಿಯಲ್ಲಿ ಹಿಟ್ಲರನ ಮನದನ್ನೆ ಅಂತರಾ ಪಾತ್ರದಲ್ಲಿಯೂ ರಜನಿ ನಟಿಸುತ್ತಿದ್ದಾರೆ. ಅವರು ಪ್ರಧಾನ ಪಾತ್ರದಲ್ಲಿ ನಟಿಸಿರುವ ಅಂಬುಜ ಚಿತ್ರ ಇದೇ ಜುಲೈ 21ರಂದು ಬಿಡುಗಡೆಗೊಳ್ಳಲಿದೆ.

The post ambuja rajani: ರಜನಿಯ ವೃತ್ತಿ ಬದುಕಿನ ದಿಕ್ಕು ಬದಲಾದೀತಾ? appeared first on Cini Shodha.

ಅಷ್ಟಕ್ಕೂ ಅಂಬುಜ ಚಿತ್ರ ಆರಂಭ ಕಾಲದಿಂದಲೂ ನಾನಾ ಥರದಲ್ಲಿ ಸುದ್ದಿಯಾಗುತ್ತಲೇ ಬಂದಿದೆ. ಹಂತ ಹಂತವಾಗಿ ಅಂಬುಜಾ ಸುತ್ತ ಪ್ರೇಕ್ಷಕರ ಕಲ್ಪನೆಗಳು ಹಲವು ನಮೂನೆಗಳಲ್ಲಿ ಗರಿಬಿಚ್ಚಿಕೊಂಡಿವೆ. ಮೊದಮೊದಲು ಇದೊಂದು ಮಹಿಳಾ ಪ್ರಧಾನ ಸಿನಿಮಾವೆಂಬ ವಿಚಾರ ಹೊರಬಿದ್ದಿತ್ತು. ಅದಾದೇಟಿಗೆ ಆ ಜಾನರಿನ ಸುತ್ತ ಸಿದ್ಧ ಸೂತ್ರಗಳ ಕಲ್ಪನೆಗಳು ರಿದಾಡಿದ್ದವು. ಅದೆಲ್ಲದರ ನಡುವೆಯೇ ಅಚ್ಚುಕಟ್ಟಾಗಿ ಚಿತ್ರೀಕರಣ ಮುಗಿಸಿಕೊಂಡ ಚಿತ್ರತಂಡ ಟ್ರೈಲರ್ ಲಾಂಚ್ ಮಾಡಿತು ನೋಡಿ? ಕಲ್ಪನೆಗಳ ಜಗವನ್ನು ಅಕ್ಷರಶಃ ಅಚ್ಚರಿಯೊಂದು ಆವರಿಸಿಕೊಂಡಿದೆ. ಯಾಕೆಂದರೆ, ಈ ಟ್ರೈಲರ್‍ನಲ್ಲಿ ಕಲಾತ್ಮಕ ಚೌಕಟ್ಟಿನಲ್ಲಿ ಬಂಧಿಯಾಗಬಹುದಿದ್ದ ಕಥಾ ವಸ್ತುವನ್ನು, ಪಕ್ಕಾ ಕಮರ್ಶಿಯಲ್ ಪಥದಲ್ಲಿ ನಿರೂಪಿಸಿರುವ ನಿಖರ ಸೂಚನೆಗಳು ಸಿಕ್ಕಿವೆ. ಅಲ್ಲಿಗೆ ಅಂಬುಜಾಗೆ ಆರಂಭಿಕ ಗೆಲುವೊಂದು ದಕ್ಕಿದಂತಾಗಿದೆ.

ಇಂಥಾದ್ದೊಂದು ಭಿನ್ನ ಬಗೆಯ ಸಿನಿಮಾ ಶುರುವಾತಿನ ಹಿಂದೆ ಒಂದಷ್ಟು ಸಮ್ಮೋಹಕ ಸಂಗತಿಗಳಿರುತ್ತವೆ. ಈ ಚಿತ್ರದ ಮಟ್ಟಿಗೆ ಹೇಳುವುದಾದರೆ, ಪ್ರಧಾನವಾಗಿ ಗಮನ ಸೆಳೆಯುವವರು ನಿರ್ದೇಶಕ ಶ್ರೀನಿ ಹನುಮಂತರಾಜು. ದಶಕಗಳಿಗೂ ಹೆಚ್ಚು ಕಾಲದಿಂದ ಸಿನಿಮಾ ರಂಗದಲ್ಲಿ ಸಕ್ರಿಯರಾಗಿರುವವರು ಶ್ರೀನಿ. ಮೊದಲ ಹೆಜ್ಜೆಯಲ್ಲಿಯೇ ಹೊಸತಿಗೆ ತೆರೆದುಕೊಳ್ಳುವ ತುಡಿತ ಹೊಂದಿದ್ದ ಅವರು ಓಂ ಪ್ರಕಾಶ್ ರಾವ್ ನಿರ್ದೇಶನದ ಎಕೆ 56 ಸಿನಿಮಾದಲ್ಲಿ ಒಂದಷ್ಟು ಕಾಲ ಕೆಲಸ ಮಾಡಿ, ಆ ನಂತರ ಅಶೋಕ್ ಕಶ್ಯಪ್ ನಿರ್ದೇಶನದ `ಪ್ರೀತಿಯಿಂದ’ ಎಂಬ ಧಾರಾವಾಹಿ ತಂಡ ಸೇರಿಕೊಂಡಿದ್ದರು. ಬಳಿಕ ಹೊಂ ಸ್ಟೇ ಅಂತೊಂದು ಬಹುಭಾಷಾ ಚಿತ್ರದಲ್ಲಿ ಅಸೋಸಿಯೇಟ್ ಡೈರೆಕ್ಟರ್ ಆಗಿ ಅನುಭವ ತುಂಬಿಕೊಂಡಿದ್ದರು.

ಇದೆಲ್ಲ ಆದ ಬಳಿಕ ಶ್ರೀನಿಯನ್ನು ಬರಮಾಡಿಕೊಂಡಿದ್ದು ಸಂಚಾರಿ ವಿಜಯ್ ನಟಿಸಿದ್ದ ಚಿತ್ರ `ರಿಕ್ತ’. ಅದರಲ್ಲಿ ಕೋ ಡೈರೆಕ್ಟರ್ ಕಂ ಪ್ರೊಡಕ್ಷನ್ ಡಿಸೈನರ್ ಆಗಿ ಕಾರ್ಯನಿರ್ವಹಿಸಿದ್ದ ಶ್ರೀನಿ, ಮಹೇಶ್ ಬಾಬು ಅವರ ಕ್ರೇಜಿ ಬಾಯ್ ಚಿತ್ರದ ಭಾಗವಾಗಿಯೂ ಕೆಲಸ ಮಾಡಿದದರು. ಹೀಗೆ ನಿರ್ದೇಶನ ವಿಭಾಗವನ್ನು ಸರಿಕಟ್ಟಾಗಿ ಅರ್ಥೈಸಿಕೊಂಡಿದ್ದ ಶ್ರೀನಿ, ತಮ್ಮ ಜೀವಿತದ ಪ್ರಧಾನ ಗುರಿಯಂತಿದ್ದ ನಿರ್ದೇಶನದತ್ತ ಗಂಭೀರವಾಗಿ ಚಿತ್ತ ಹರಿಸಿದ್ದರು. ಅದೃ ಫಲವಾಗಿಯೇ 2018ರಲ್ಲಿ `ಕೆಲವು ದಿನಗಳ ನಂತರ’ ಎಂಬ ಚಿತ್ರದ ಮೂಲಕ ಸ್ವತಂತ್ರ ನಿರ್ದೇಶಕರಾಗಿದ್ದರು. ಶೀರ್ಷಿಕೆಯೇ ಧ್ವನಿಸುವಂತೆ ಸಾಕಷ್ಟು ಹೊಸತನಗಳನ್ನು ಹೊಂದಿದ್ದ ಈ ಚಿತ್ರ ಪ್ರೇಕ್ಷಕರ ಮೆಚ್ಚುಗೆ ಗಳಿಸಿಕೊಂಡಿತ್ತು. ಆ ನಂತರದ ಅವಧಿಯಲ್ಲಿ ಮತ್ತೊಂದು ಭಿನ್ನ ಬಗೆಯ ಸಿನಿಮಾ ನಿರ್ದೇಶನ ಮಾಡುವ ಇರಾದೆಯಿಂದಿದ್ದ ಶ್ರೀನಿಗೆ ವರವಾಗಿ ಸಿಕ್ಕವರು ನಿರ್ಮಾಪಕ ಕಾಶಿನಾಥ್ ಡಿ ಮಡಿವಾಳರ್. ಸ್ವತಃ ಬರಹಗಾರರಾಗಿ, ಸಾಹಿತ್ಯಾಸಕ್ತಿಯನ್ನೂ ಹೊಂದಿದ್ದ ಕಾಶಿನಾಥ್ ಅದಾಗಲೇ ಕಥೆಯೊಂದನ್ನು ಬರೆದಿದ್ದರು. ಅದಕ್ಕೆ ಸಿನಿಮಾ ಫ್ರೇಮು ತೊಡಿಸಬೇಕೆಂಬ ಆಳದ ಆಸೆಯನ್ನೂ ಹೊಂದಿದ್ದರು. ಈ ಎರಡು ತುಡಿತಗಳ ಸಂಗಮದಿಂದ ಸೃಷ್ಟಿಯಾದ ಚಿತ್ರ ಅಂಬುಜ!

ಸಾಮಾನ್ಯವಾಗಿ, ಸತ್ಯಕಥೆ ಆಧಾರಿತ ಚಿತ್ರವನ್ನು ಮೂಲ ಸಂವೇದನೆಗಳು ಮುಕ್ಕಾಗದಂತೆ ದೃಷ್ಯಕ್ಕೆ ಅಳವಡಿಸುವುದೇ ಒಂದು ಸವಾಲು. ಅದನ್ನು ಸಮರ್ಥವಾಗಿ ನಿಭಾಯಿಸಿದ ಖುಷಿ ಶ್ರೀನಿಯವರಲ್ಲಿದೆ. ಲವ್, ಕಾಮಿಡಿ, ಹಾರರ್ ಸೇರಿದಂತೆ ನಾನಾ ಅಂಶಗಳನ್ನೊಳಗೊಂಡಿರೋ ಅಂಬುಜಾ, ಹೊಸಾ ಜಗತ್ತೊಂದನ್ನು ಪ್ರೇಕ್ಷಕರ ಮುಂದೆ ತೆರೆದಿಡಲಿದೆ ಎಂಬ ಗಾಢ ನಂಬುಗೆ ನಿರ್ದೇಶಕರಲ್ಲಿದೆ. ಚಿತ್ರೀಕರಣ ನಡೆದ ಸ್ಥಳ, ತಾಂತ್ರಿಕತೆ, ಕಥಾ ಹಂದರ ಸೇರಿದಂತೆ ಎಲ್ಲದರಲ್ಲಿಯೂ ಹೊಸತನ ತುಂಬಿಕೊಂಡಿರೋ ಚಿತ್ರವಿದು. ಇದು ಖಂಡಿತವಾಗಿಯೂ ಪ್ರೇಕ್ಷಕರನ್ನು ಆವರಿಸಿಕೊಂಡು, ದೊಡ್ಡ ಗೆಲುವಿನ ರೂವಾರಿಯಾಗುತ್ತದೆಂಬ ನಂಬುಗೆ ಶ್ರೀನಿಯದ್ದು. ಅದು ಎಷ್ಟು ನಿಜವಾಗುತ್ತದೆ? ಪ್ರೇಕ್ಷಕರ ಪ್ರತಿಕ್ರಿಯೆ ಏನಿರುತ್ತದೆಂಬುದಕ್ಕೆ ವಾರದೊಪ್ಪತ್ತಿನಲ್ಲಿಯೇ ಉತ್ತರ ಸಿಗಲಿದೆ. ಅಂದಹಾಗೆ, ಈ ಚಿತ್ರ ಇದೇ ಜುಲೈ 21ರಂದು ರಾಜ್ಯಾದ್ಯಂತ ತೆರೆಗಾಣಲಿದೆ…

The post ambuja movie: ಮಹಿಳಾ ಪ್ರಧಾನ ಚಿತ್ರ ಮನಸಿಗೆ ಮುತ್ತಿಕ್ಕುವ ಮುನ್ಸೂಚನೆ! appeared first on Cini Shodha.

ಉತ್ತರ ಕರ್ನಾಟಕ ಸೀಮೆಯ ಲಂಬಾಣಿ ತಾಂಡಾದ ಹೆಣ್ಣುಮಗಳೊಬ್ಬಳ ಸುತ್ತ ಜರುಗುವ ಕಥಾನಕ ಅಂಬುಜ ಚಿತ್ರದ ಜೀವಾಳ. ಅದು ಎಂಥಾ ಗುಣಲಕ್ಷಣಗಳನ್ನು ಒಳಗೊಂಡಿದೆ? ಕಥೆಯನ್ನು ನಿರ್ದೇಶಕರು ಯಾವ ರೀತಿಯಲ್ಲಿ ನಿರೂಪಿಸಿದ್ದಾರೆ? ಇದು ಯಾವ ಬಗೆಯ ಚಿತ್ರ ಎಂಬಿತ್ಯಾದಿ ಪ್ರಶ್ನೆಗಳು ಈವರೆಗೂ ಪ್ರೇಕ್ಷಕರನ್ನು ಕಾಡುತ್ತಿದ್ದವು. ಅದೆಲ್ಲದಕ್ಕೂ ಜಾಣ್ಮೆಯಿಂದ ಉತ್ತರಿಸುತ್ತಲೇ, ಸಿನಿಮಾಗಳಾಗಿ ಕಾಯುವ ಸಂಭ್ರಮವನ್ನು ದುಪ್ಪಟ್ಟುಗೊಳಿಸುವಲ್ಲಿ ಚಿತ್ರತಂಡ ಗೆದ್ದಿದೆ. ಯಾಕೆಂದರೆ, ಈ ಟ್ರೈಲರ್ ಆ ಮಟ್ಟಿಗೆ ಪರಿಣಾಮಕಾರಿಯಾಗಿ ಮೂಡಿ ಬಂದಿದೆ. ಆರಂಭದಲ್ಲಿ ಬೇರೆ ದಿಕ್ಕಿನಲ್ಲಿ ಆಲೋಚನೆಗೆ ಹಚ್ಚಿದ್ದ ಅಂಬುಜ, ವಿಶಿಷ್ಟ ಅನುಭೂತಿ ನೀಡಬಲ್ಲ ಚಿತ್ರವಾಗಿತ್ತದೆಂಬ ನಂಬಿಕೆ ಸದರಿ ಟ್ರೈಲರ್ ಮೂಲಕ ನಿಚ್ಚಳವಾಗಿದೆ.

ಈಗಾಗಲೇ ಕಿರುತೆರೆ ಜಗತ್ತಿನಲ್ಲಿ ಹೆಸರುವಾಸಿಯಾಗಿ, ರಿಯಾಲಿಟಿ ಶೋಗಳಲ್ಲಿಯೂ ಮಿಂಚುತ್ತಿರುವ ರಜನಿ ಈ ಸಿನಿಮಾದ ಪ್ರಧಾನ ಪಾತ್ರವನ್ನು ನಿರ್ವಹಿಸಿದ್ದಾರೆ. ಅವರ ಪಾಲಿಗಿದು ಮೊದಲ ಚಿತ್ರ. ಇನ್ನುಳಿದಂತೆ ಬಹುಮುಖ್ಯ ಪಾತ್ರಕ್ಕೆ ಜೀವ ತುಂಬಿರುವ ಶುಭಾ ಪೂಂಜಾ ಪಾಲಿಗಿದು ಐವತ್ತನೇ ಚಿತ್ರ. ದಾಸ ಪುರಂದರ ಅಂತೊಂದು ಧಾರಾವಾಹಿಯ ಮೂಲಕ ಕಿರುತೆರೆ ಪ್ರೇಕ್ಷಕರ ಪ್ರೀತ ಗಳಿಸಿರುವ ದೀಪಕ್ ಸುಬ್ರಮಣ್ಯ ನಾಯಕನಾಗಿ, ಸವಾಲಿನ ಪಾತ್ರವನ್ನು ಆವಾಹಿಸಿಕೊಂಡಿದ್ದಾರೆ. ಕಾಮಿಡಿ ಕಿಲಾಡಿಗಳು ಖ್ಯಾತಿಯ, ಕೆಜಿಎಫ್ ಫೇಮಿನಗೋವಿಂದೇಗೌಡ ಕೂಡಾಕೆಯುದ್ದಕ್ಕೂ ಕ್ಯಾರಿಯಾಗುವ ಚೆಂದದ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇನ್ನುಳಿದಂತೆ, ಪದ್ಮಜಾ ರಾವ್, ಬೇಬಿ ಆಕಾಂಕ್ಷಾ, ಮುಂಬೈನ ಮಾಡಲ್ ಜಗದೀಶ್ ಹಲ್ಕುಡೆ, ಸಂದೇಶ್ ಶೆಟ್ಟಿ, ನಿಶಾ ಹೆಗ್ಡೆ, ಗುರುದೇವ ನಾಗರಾಜ್ ಮುಂತಾದವರ ತಾರಾಗಣದಿಂದ ಅಂಬುಜ ಚಿತ್ರ ಕಳೆಗಟ್ಟಿಕೊಂಡಿದೆ.

ಈ ಚಿತ್ರವನ್ನು ಅತ್ಯಂತ ಪ್ರೀತಿಯಿಂದ ನಿರ್ಮಾಣ ಮಾಡಿರುವವರು ಕಾಶಿನಾಥ್ ಡಿ ಮಡಿವಾಳರ್. ಲೋಕೇಶ್ ಭೈರವ ಮತ್ತು ಶಿವ್ರಕಾಶ್ ಸಹನಿರ್ಮಾಪಕರಾಗಿ ಸಾಥ್ ಕೊಟ್ಟಿದ್ದಾರೆ. ಸಾಮಾನ್ಯವಾಗಿ ಸನಿಮಾ ನಿರ್ಮಾಣವೆಂಬುದು ಪಕ್ಕಾ ವ್ಯವಹಾರ. ಇಂಥಾ ಜಗತ್ತಿನಲ್ಲಿರುವವರಿಗೆ ಸಾಹಿತ್ಯದಂಥಾ ಕ್ರಿಯಾಶೀಲ ಮಾಧ್ಯಮವನ್ನು ಸೋಕುವ ಮನಃಸ್ಥಿತಿ ಇರುವುದಿಲ್ಲ ಎಂಬಂಥಾ ನಂಬಿಕೆ ಮಾಮೂಲು. ಆದರೆ ಕಾಶಿನಾಥ್ ಮಾತ್ರ ಅದಕ್ಕೆ ಅಪವಾದದಂತಿದ್ದಾರೆ. ಯಾಕೆಂದರೆ, ಅಂಬುಜ ಕಥೆಗೆ ಹುಟ್ಟು ಕೊಟ್ಟವರೇ ಅವರು. ಈ ಚಿತ್ರಕ್ಕೆ ಕಥೆ, ಸಾಹಿತ್ಯವನ್ನು ಕಾಶಿನಾಥ್ ಒದಗಿಸಿಕೊಟ್ಟಿದ್ದಾರೆ. ಈ ಮೂಲಕ ಕನ್ನಡ ಚಿತ್ರರಂಗಕ್ಕೆ ಭಿನ್ನ ಅಭಿರುಚಿಯ ನಿರ್ಮಾಪಕರೊಬ್ಬರ ಆಗಮನವಾದಂತಿದೆ.

ಇನ್ನು ಈ ಸಿನಿಮಾ ಬಗ್ಗೆ ಒಂದಷ್ಟು ವಿಶೇಷತೆಗಳನ್ನು ಚಿತ್ರತಂಡ ಪಟ್ಟಿ ಮಾಡುತ್ತದೆ. ಈ ಹಿಂದೆಂದೂ ನೀವು ನೋಡಿರದ, ಹೆಜ್ಜೆ ಹೆಜ್ಜೆಯಲ್ಲಿಯೂ ಬೆಚ್ಚಿ ಬೀಳಿಸುವ ವಿಶಿಷ್ಟ ಕಥಾಹಂದರ ಇಲ್ಲಿದೆ ಎಂಬುದು ಚಿತ್ರತಂಡದ ಭವಸೆ. ಈ ಥರದ ಅಪರಾಧ ಪ್ರಕರಣಗಳ ಬಗ್ಗೆ ಬೆಳಕು ಚೆಲ್ಲಿರುವ ಜಗತ್ತಿನ ಮೊದಲ ಚಿತ್ರ ಅಂಬುಜಾ ಅಂತಲೂ ಚಿತ್ರತಂಡ ಆತ್ಮವಿಶ್ವಾಸದಿಂದಲೇ ಹೇಳುತ್ತದೆ. ಕಾಮಿಡಿ, ಲವ್, ಹಾರರ್, ಥ್ರಿಲ್ಲರ್ ಸೇರಿದಂತೆ ಎಲ್ಲ ಅಂಶಗಳನ್ನೂ ಒಳಗೊಂಡಿರುವ ಈ ಸಿನಿಮಾ, ಸರ್ವ ವರ್ಗದ ಪ್ರೇಕ್ಷಕರಿಗೂ ಹಿಡಿಸಲಿದೆ ಎಂಬ ಭರವಸೆಯೂ ಚಿತ್ರತಂಡದಲ್ಲಿದೆ. ಇನ್ನುಳಿದಂತೆ ಒಂದಷ್ಟು ಮೊದಲುಗಳು ಅಂಬುಜಾ ಅಕೌಂಟಿಗೆ ಜಮೆಯಾಗುತ್ತವೆ. ಎತ್ತಿನಬುಜ ಎಂಬ ಭಯಾನಕ ಮತ್ತು ಸುಂದರ ಜಾಗದಲ್ಲಿ ಚಿತ್ರೀಕರಣಗೊಂಡಿರೋ ಮೊದಲ ಚಿತ್ರವಿದು. ಈ ಮಹಿಳಾ ಪ್ರಧಾನವಾದ ಚಿತ್ರ, ಪ್ರತಿಯೊಂದರಲ್ಲಿಯೂ ಹೊಸತನವನ್ನೊಳಗೊಂಡಿದೆಯಂತೆ. ಹೀಗೆ ಟ್ರೈಲರ್ ಮೂಲಕ ಥ್ರಿಲ್‍ಗೊಳಿಸಿರುವ ಅಂಬುಜ ಇದೇ ಜುಲೈ 21ರಂದು ರಾಜ್ಯಾದ್ಯಂತ ತೆರೆಗಾಣಲಿದೆ.

The post ambuja: ಭಿನ್ನ ಛಾಯೆಯ ಅದ್ಭುತ ಕಥೆಯೊಂದರ ಮುನ್ಸೂಚನೆ! appeared first on Cini Shodha.