ಸರ್ಸೆ ಸರ್ಸೆ ನಿನ್ನ ಸೆರಗಾ ಸರ್ಸೆ ಎಂಬ ಹಾಡು ಬಿಡುಗಡೆಗೊಂಡೇಟಿಗೆ ಉಗುಳುಗಳ ಮೂಲಕವೇ ಪ್ರೇಕ್ಷಕರು ಅದ್ದೂರಿ ಸ್ವಾಗತ ಕೋರಿದ್ದಾರೆ. ಪ್ರೇಕ್ಷಕರ ಅಭಿರುಚಿಯನ್ನು ಪ್ರೇಮ್‌ನಂಥವರು ತಪ್ಪಾಗಿ ಗ್ರಹಿಸೋದೇ ಹೆಚ್ಚು. ಬಹುಶಃ ಸೋಶಿಯಲ್ ಮೀಡಿಯಾದ ಚಪ್ರಿ ಗ್ಯಾಂಗೊಂದನ್ನು ದೃಷ್ಟಿಯಲ್ಲಿಟ್ಟುಕೊಂಡು, ಆ ಪಡೆಯ ಮೂಲಕವೇ ಅದ್ದೂರಿ ಹಿಟ್ ಆಗುತ್ತದೆಂಬ ಭ್ರಮೆಯ ಮೂಲಕ ಪ್ರೇಮ್ ಈ ಹಾಡು ಬರೆದಿದ್ದಿರಬಹುದು. ಆದರೆ, ಸೋಶಿಯಲ್ ಮೀಡಿಯಾದಲ್ಲಿ ಮಂದಿ ಈ ಹಾಡಿನ ವಿರುದ್ಧ ಕೊತಗುಡುತ್ತಿರುವ ರೀತಿಯಿದೆಯಲ್ಲಾ? ಅದು ಪ್ರೇಮ್‌ಗೆ ಮಾತ್ರವಲ್ಲ; ಈತನಂತೆ ತಾತ್ಕಾಲಿಕ ಜನಪ್ರಿಯತೆಯ ತಲುಬಿಗೆ ಬಿದ್ದು ಅಶ್ಲೀಲ ಸಾಹಿತ್ಯ ಗೀಚೋ ಮಂದಿಗೆಲ್ಲ ಅಕ್ಷರಶಃ ಯಕ್ಕಡದೇಟಿನಂತಿದೆ.

challenging star darshan: ಗಡಂಗು ಪುಡಾಂಗು ಮತ್ತು ಗೆಳೆತನ!

ಪ್ರೇಮ್ ಓರ್ವ ಅದ್ಭುತ ಗೀತ ಸಾಹಿತಿ ಅನ್ನೋದರಲ್ಲಿ ಎರಡು ಮಾತಿಲ್ಲ. ಜೋಗಿ ಚಿತ್ರದ ಹಾಡುಗಳ ಮೂಲಕವೇ ಅದು ಸಾಬೀತಾಗಿದೆ. ಆ ನಂತರವೂ ಪ್ರೇಮ್ ಕಡೆಯಿಂದ ಅಂಥಾದ್ದೊಂದು ಮ್ಯಾಜಿಕ್ಕು ಹಂತ ಹಂತವಾಗಿ ನಡೆಯುತ್ತಾ ಬಂದಿದೆ. ತಾಯಿ ಸೆಂಟಿಮೆಂಟ್, ಪ್ರೇಮಗೀತೆಗಳಾಚೆಗೆ ಬಿಡುಬೀಸಾದ ಶೈಲಿಯ ಹಾಡುಗಳನ್ನೂ ಈತ ಬರೆದಿದ್ದ. ಆದರೆ, ಅವ್ಯಾವುದರಲ್ಲಿಯೂ ಅಶ್ಲೀಲತೆಯ ಛಾಯೆ ಇರಲಿಲ್ಲ. ಕೆಡಿ ಹಾಡಿನಲ್ಲಿ ಮಾತ್ರ ಅಶ್ಲೀಲ ಸಾಹಿತ್ಯ ಬಿಟ್ಟು ಬೇರೇನೂ ಇಲ್ಲ. ಬಹುಶಃ ಪ್ರೇಮ್ಸ್ ಗಡಂಗಿನಲ್ಲಿ ಕೂತು ಈ ಹಾಡು ಬರೆದಿರಬಹುದೇನೋ… ದುರಂತವೆಂದರೆ, ಹೆಣ್ಣು ಕುಲಕ್ಕೆ ಅವಮಾನದಂತಿರೋ ಈ ಹಾಡನ್ನು ರಕ್ಷಿತಾ ಬಿಡಿಗಡೆಗೊಳಿಸಿದ್ದಾರೆ. ಆಂಕರ್ ಅನುಶ್ರೀ ಅದೇ ಗಲೀಜು ಗೀತೆಗೆ ಕುಣಿದು ಸಂಭ್ರಮಿಸಿದ್ದಾಳೆ. ಇದೆಲ್ಲವೂ ಸಿನಿಮಾ ಜಗತ್ತು ಕಾಣುತ್ತಿರೋ ಬೌಧಿಕ ಅದಃಪತನದ ಸ್ಪಷ್ಟ ಸೂಚನೆಯೆಂಬಂತೆ ಕಾಣಿಸುತ್ತಿದೆ.

ಸಿನಿಮಾ ಹಾಡುಗಳ ಮಟ್ಟಿಗೆ ಕನ್ನಡದಲ್ಲೊಂದು ಸಂಪನ್ನ ಹಿನ್ನೆಲೆಯಿದೆ. ಆಗಾಗ ಪೋಲಿ ಸಾಂಗುಗಳು ಹುಟ್ಟಿಕೊಂಡರೂ ತೀರಾ ಸೆರಗು ಸರ್ಸೆ ಅಂತ ಬೇಲಾಡೋ ಕಾಮುಕ ಮಟ್ಟಕ್ಕಿಳಿದಿರಲಿಲ್ಲ. ಹೇಳಿಕೇಳಿ ಜೋಗಿ ಪ್ರೇಮ್ ಮಾತುಗಾರ. ಈ ವಿವಾದಕ್ಕಾತ ಚಾಲಾಕಿತನದ ಉತ್ತರ ಕೊಟ್ಟು ನುಣುಚಿಕೊಳ್ಳಬಹುದು. ಆದರೆ, ಇದೊಂದು ಹಾಡಿನ ಮೂಲಕ ಇಷ್ಟೂ ವರ್ಷಗಳ ಕಾಲ ಹುರಿಗೊಂಡಿದ್ದ ಘನತೆ ಗೌರವಗಳು ಪ್ರೇಮ್‌ನ ಉಡುದಾರದಿಂದ ಉಣುಚಿಕೊಂಡಿರೋದಂತೂ ಸತ್ಯ. ಕೆಲಸಕ್ಕೆ ಬಾರದ ಮೀಟಿಂಗುಗಳನ್ನು ನಡೆಸುತ್ತಾ, ಜ್ವಲಂತ ಸಮಸ್ಯೆಗಳತ್ತ ಕುರುಡು ಕಿವುಡಾಗುವ ಚಲನಚಿತ್ರ ವಾಣಿಜ್ಯ ಮಂಡಳಿ ಇಂಥಾ ಅಶ್ಲೀಲ ಸಾಹಿತ್ಯಕ್ಕೆ ಕಡಿವಾಣ ಹಾಕುವಂಥಾ ಕ್ರಮಕ್ಕೂ ಮುಂದಾಗಬೇಕಿದೆ. ಇಲ್ಲದೇ ಹೋದರೆ, ಜೋಗಿ ಪ್ರೇಮ್ ಸಂತಾನಿಗರು `ಎತ್ತೇ ಎತ್ತೆ ಒಸಿ ಲಂಗಾ ಎತ್ತೆ’ ಅಂತ ಹಾಡು ಬರೆಯೋ ಕಾಲ ದೂರವೇನಿಲ್ಲ!

keywords: jogi prem, kdthedavil, kd movie, sarse sarse serga sarse song controvercy

The post Kd The Devil Song Controvercy: ಗಡಂಗಿನಲ್ಲಿ ಕುಂತು ಬರೆದನಾ ಪುಡಾಂಗು ಪ್ರೇಮ್? appeared first on Cini Shodha.

ಜೋಗಿ ಪ್ರೇಮ್ಸ್ ಹೈನುಗಾರಿಕೆ ನಡೆಸೋ ಕನಸಿನ ಪ್ರಾಜೆಕ್ಟೊಂದನ್ನು ಇತ್ತೀಚೆಗೆ ಕಾರ್ಯರೂಪಕ್ಕೆ ತಂದಿದ್ದರು. ಹೀಗೆ ಹೈನುಗಾರಿಕೆ ನಡೆಸಲು ಹೊರಟಾಗ ಹಸು ಹಾಗೂ ಎಮ್ಮೆಗಳನ್ನು ಖರೀದಿಸೋದೇ ದೊಡ್ಡ ಸವಾಲು. ಯಾಕೆಂದರೆ, ನಾನಾ ಅವತಾರಗಳಲ್ಲಿ ವಂಚಿಸುವ ಒಂದು ಮಾಫಿಯಾ ರೈತಾಪಿ ವರ್ಗವನ್ನು ಲಾಗಾಯ್ತಿನಿಂದಲೂ ಕಾರ್ಯನಿರ್ವಹಿಸುತ್ತಿದೆ. ತೀರಾ ಅನುಭವಸ್ಥರು ನೋಡಿ, ಅಳೆದೂ ತೂಗಿ ವ್ಯವಹಾರ ನಡೆಸಿದಾಗಲೂ ಪಿಗ್ಗಿಬೀಳಿಸುವ ಪ್ರಳಯಾಂತಕರಿದ್ದಾರೆ. ಇಂಥಾದ್ದರ ನಡುವೆ ಈ ಪ್ರೇಮ್ಸ್ ಆನ್‌ಲೈನ್ ಮೂಲಕ ಎಮ್ಮೆ ವ್ಯಾಪಾರ ನಡೆಸುವ ಪೆಕರು ನಿರ್ಧಾರವೊಂದನ್ನು ಮಾಡಿ ಬಿಟ್ಟಿದ್ದಾರೆ. ಆನ್‌ಲೈನಲ್ಲಿಯೇ ಎಮ್ಮೆ ನೋಡಿ, ಆಯ್ಕೆ ಮಾಡಿ, ಆನ್‌ಲೈನ್ ಮೂಲಕವೇ ನಾಲಕ್ಕೂವರೆ ಲಕ್ಷ ಕಾಸನ್ನು ವಂಚಕರಿಗೆ ವರ್ಗಾವಣೆ ಮಾಡೋ ಮೂಲಕ ಎಡವಟ್ಟು ಮಾಡಿಕೊಂಡಿದ್ದಾರೆ.

ಪ್ರೇಮ್ ಒಂಥರಾ ಗಡಿಬಿಡಿಯ ಆಸಾಮಿ. ಬಹುವಾಗಿ ತಾಳ್ಮೆ ಬೇಡುವ ಕೃಷಿ, ಹೈನುಗಾರಿಕೆಗಿಳಿದಿರೋ ಈತ ಅಲ್ಲಿಯೂ ಕೂಡಾ ಅಂಥಾದ್ದೇ ಪ್ರವೃತ್ತಿಯನ್ನು ಮುಂದುವರೆಸಿದಂತಿದೆ. ಯೂಟ್ಯೂಬ್ ಮೂಲಕ ಎಮ್ಮೆ ಖರೀದಿಯ ಕಾರ್ಯಾಚರಣೆ ನಡೆಸಿರುವ ಪ್ರೇಮ್, ಹೆಚ್ಚು ಹಾಲು ಕೊಡುವ ಗುಜರಾತಿ ತಳಿಯ ಮೋಹಕ್ಕೆ ಬಿದ್ದಿದ್ದಾರೆ. ಈ ಆನ್‌ಲೈನ್ ಬೇಟೆಯ ಹಾದಿಯಲ್ಲಿ ಗುಜರಾತಿನ ವನರಾಜ್ ಭಾಯ್ ಎಂಬಾತನ ಸಂಪರ್ಕ ಸಾಧಿಸಿದ್ದಾರೆ. ಅಡ್ವಾನ್ಸ್ ಆಗಿ ಇಪ್ಪತೈದು ಸಾವಿರ ಪೀಕಿಕೊಂಡ ವನರಾಜ ಕಟ್ಟುಮಸ್ತಾದ ಎರಡೆಮ್ಮೆಗಳ ಫೋಟೋವನ್ನು ವಾಟ್ಸಪ್ ಮೂಲಕ ಕಳಿಸಿದ್ದಾನೆ. ಆ ದಷ್ಟಪುಷ್ಟ ಎಮ್ಮೆಗಳಿಗೆ ಮನಸೋತ ಪ್ರೇಮ್ ಹಂತ ಹಂತವಾಗಿ ವನರಾಜನೆಂಬೋ ವಂಚಕನ ಖಾತೆಗೆ ಒಟ್ಟು ನಾಲಕ್ಕೂವರೆ ಲಕ್ಷವನ್ನು ರವಾನಿಸಿದ್ದಾರೆ.

ಎರಡ್ಮೂರು ದಿನಗಳಲ್ಲಿ ಎರಡು ಎಮ್ಮೆಗಳನ್ನು ತಲುಪಿಸೋದಾಗಿ ವನರಾಜ ನಂಬಿಸಿದ್ದಾನೆ. ಇಷ್ಟಾದದ್ದೇ ಕೊಟ್ಟಿಗೆ ವ್ಯವಸ್ಥೆ ಮಾಡಿಕೊಂಡನ ಪ್ರೇಮ್, ಇನ್ನೇನು ಗುಜರಾತಿನಿಂದ ಬರೋ ಎಮ್ಮೆಗಳನ್ನು ಕಟ್ಟಿ ಹಾಲು ಕರೆಯೋದೊಂದೇ ಬಾಕಿ ಎಂಬಂತೆ ಸಂಭ್ರಮಿಸಿದ್ದಾರೆ. ಆದರೆ, ಒಂದಷ್ಟು ದಿನ ಸತಾಯಿಸಿದ ವಂಚಕ ವನರಾಜ ಮೊಬೈಲ್ ಸ್ವಚಾಫ್ ಮಾಡಿಕೊಂಡು ಗಾಯಬ್ ಆಗಿದ್ದಾನೆ. ಕಡಗೂ ಪ್ರೇಮ್ಸ್‌ಗೆ ತುಂಬಾ ತಡವಾಗಿ ತಾನು ಹೀನಾಯವಾಗಿ ಮೋಸ ಹೋಗಿರುವ ಸತ್ಯದರ್ಶನವಾಗಿದೆ. ನಾಲಕ್ಕೂವರೆ ಲಕ್ಷ ಕಳೆದುಕೊಂಡ ಪ್ರೇಮ್ಸ್ ತಮ್ಮ ಕನಸಿನ ಕೊಟ್ಟಿಗೆಯ ಕಟ್ಟೆ ಹತ್ತಿಕೂತು ಅಂಬೋ ಅಂತ ರೋಧಿಸುವ ದೌರ್ಭಾಗ್ಯ ಬಂದೊದಗಿದೆ. ಕಡೆಗೂ ನಿರ್ದೇಶಕ ಪ್ರೇಮ್ಸ್‌ಗಾದ ಮಹಾ ಮೋಸ ಅವರ ಮ್ಯಾನೇಜರ್ ಹಾಗೂ ನಟರೂ ಆಗಿರುವ ದಶಾವರ ಚಂದ್ರು ಗಮನಕ್ಕೆ ಬಂದಿದೆ. ಈ ಬುದ್ಧಿವಂತ ಆಸಾಮಿ ಮಾಡಿದ ಮಣ್ಣು ತಿನ್ನೋ ಕೆಲಸ ಕಂಡು ಮರುಗಿದ ಚಂದ್ರು ಚಂದ್ರಾ ಲೇಔಟ್ ಪೊಲೀಸ್ ಠಾಣೆಯಲ್ಲೊಂದು ಕೇಸು ದಾಖಲಿಸಿದ್ದಾರೆ.

ಆದರೆ, ಪ್ರೇಮ್ಸ್ ಕಳೆದುಕೊಂಡ ಕಾಸು ಮರಳೋದು ಮಾತ್ರ ಕಷ್ಟವಿದೆ. ಯಾವುದೇ ಫಾರ್ಮುಗಳಿಗೆ ಹಸು ಹಾಗೂ ಎಮ್ಮೆಗಳನ್ನು ಖರೀದಿಸುವಾಗ ರೈತರು ಬಲು ಎಚ್ಚರ ವಹಿಸುತ್ತಾರೆ. ಸಾಮಾನ್ಯವಾಗಿ ಜೆರ್ಸಿ ಹಸುಗಳನ್ನು ಪಂಜಾಬಿನಿಂದ ತರೋ ವಾಡಿಕೆ ಇದೆ. ಅತೀ ಹೆಚ್ಚು ಹಾಲು ಕೊಡುವ ಹಸುಗಳು ಅಲ್ಲಿ ಸಿಗುತ್ತವೆಂಬುದು ಅದಕ್ಕೆ ಕಾರಣ. ಆದರೆ, ಮಾಮೂಲಿ ಹಸುಗಳನ್ನೇ ಪಂಜಾಬಿ ಹಸುಗಳೆಂದು ಕೊಟ್ಟು ಯಾಮಾರಿಸಿದ ಅದೆಷ್ಟೋ ಪ್ರಕರಣಗಳಿದ್ದಾವೆ. ಹಾಗಿರುವಾಗ ಈ ಪ್ರೇಮ್ ಆನ್‌ಲೈನ್ ಮೂಲಕ ಎಮ್ಮೆ ನೋಡಿ, ನಾಲಕ್ಕೂವರೆ ಲಕ್ಷ ಕೊಟ್ಟು ಕಳೆದುಕೊಂಡರೆಂದರೆ ಏನೆನ್ನಬೇಕು? ಸೀದಾ ದಾರವಾಡ, ದಾವಣಗೆರೆಯತ್ತ ಹೋಗಿ ಮುರ್ರಾ ಎಮ್ಮೆ ತಂದಿದ್ದರೂ ಪ್ರೇಮ್ಸ್ ಕನಸಿನ ಫಾರ್ಮು ತುಂಬುತ್ತಿತ್ತು. ಆದರೆ, ಅವರು ಗುಜರಾತಿ ಎಮ್ಮೆಯ ಹಿಂದೆ ಬಿದ್ದು ಮೋಸ ಹೋಗಿದ್ದಾರೆ. ನಮ್ಮೆಲ್ಲರ ಹೆಮ್ಮೆಯ ನಿರ್ದೇಶಕ ಪ್ರೇಮ್ ಗುಜರಾತಿ ಎಮ್ಮೆಯಿಂದ ಒದೆಸಿಕೊಂಡಿದ್ದು ನಿಜಕ್ಕೂ ದಾರುಣ ಸಂಗತಿ!

The post director jogi prema: ದಷ್ಟಪುಷ್ಟ ಎಮ್ಮೆಗಳ ಫೋಟೋ ಕಳಿಸಿ ಯಾಮಾರಿಸಿದ ದುಷ್ಟ! appeared first on Cini Shodha.

ಹೆಚ್ಚೇನಲ್ಲದಿದ್ದರೂ ಕೇಡಿಯ ಬಗ್ಗೆ ಒಂದಷ್ಟು ಕುತೂಹಲ ಇದ್ದದ್ದಂತೂ ನಿಜ. ಈ ಸಿನಿಮಾಕ್ಕೆ ಧ್ರುವ ಸರ್ಜಾಧ ನಾಯಕನೆಂದು ನಿಕ್ಕಿಯಾದಾಗಲೂ ಅಂಥಾದ್ದೇ ವಾತಾವರಣವಿತ್ತು. ಭಾರೀ ನಿರೀಕ್ಷೆ ಮೂಡಿಸಿದ್ದ ಧ್ರುವ ಅಭಿನಯದ ಮಾರ್ಟಿನ್ ಮಗುಚಿಕೊಂಡ ನಂತರವಂತೂ ಕ್ರೇಜ್ ಎಂಬುದು ಸಂಪೂರ್ಣವಾಗಿ ಮಂಕಾಗಿ ಬಿಟ್ಟಿತ್ತು. ಆದರೀಗ ಬಿಡುಗಡೆಗೊಂಡಿರುವ ಕೇಡಿ ಟ್ರೈಲರಿನಲ್ಲಿ ಮಾಸ್ ಶೈಲಿಯ ಕಿಡಿ ಮೂಡಿಕೊಂಡಿದೆ. ಒಂದರೆಕ್ಷಣ ಪ್ರೇಮ್ ಮ್ಯಾಜಿಕ್ಕು ಬೆರಗು ಹುಟ್ಟಿಸೋದು ಸುಳ್ಳಲ್ಲ. ಒಂದು ವೇಳೆ ಟ್ರೈಲರಿಗೆ ತಕ್ಕುದಾಗಿ ಒಂದಿಡೀ ಸಿನಿಮಾ ಮೂಡಿ ಬಂದಿದ್ದರೆ, ಖಂಡಿತವಾಗಿಯೂ ಕೇಡಿ ದೊಡ್ಡ ಮಟ್ಟದ ಗೆಲುವಿನ ರೂವಾರಿಯಾಗುತ್ತೆ. ಹಾಗಂತ ಸಿನಿಮಾಸಕ್ತರೇ ಅಭಿಪ್ರಾಯ ಪಡುತ್ತಿದ್ದಾರೆ.

ಇನ್ನು ಧ್ರುವ ಸರ್ಜಾನ ವಿಚಾರಕ್ಕೆ ಬಂದರೆ, ಆತನ ಅಭಿನಯದ ಶೈಲಿ, ಹಾವಭಾವಗಳು ಈ ಶತಮಾನದಲ್ಲಿ ಬದಲಾಗೋದು ಡೌಟು. ಬಾಡಿ ಬೆಳೆಸಿಕೊಂಡು ಕ್ಯಾಮೆರಾ ಮುಂದೆ ನಿಂತರೆ ಪ್ರೇಕ್ಷಕರೆಲ್ಲ ಅಹುದಹುದೆಂದು ತಲೆಯಾಡಿಸುತ್ತಾರೆ, ಥ್ರಿಲ್ ಆಗುತ್ತಾರೆಂಬ ಭ್ರಮೆ ಧ್ರುವನಿಗಿದ್ದಂತಿದೆ. ಈ ಕಾರಣದಿಂದಲೇ ಸಿನಿಮಾಗಳು ಬದಲಾದರೂ, ಪಾತ್ರಗಳು ಬೇರೆಯಾದರೂ ಅದೇ ಛಾಯೆ ಕ್ಯಾರಿಯಾದಂಥಾ ಏಕತಾನತೆ ಯಾರಿಗಾದರೂ ಕಾಡುತ್ತೆ. ಇಂಥಾ ಧ್ರುವನನ್ನು ಪ್ರೇಮ್ ತಾವು ಸೃಷ್ಟಿಸಿದ ಪಾತ್ರಕ್ಕೆ ಹೇಗೆ ಒಲಗ್ಗಿಸಿಕೊಂಡಿರಬಹುದು? ಧ್ರುವ ಬೇರೆಯದ್ದೇ ಬೆರಗಿನೊಂದಿಗೆ ಪ್ರೇಕ್ಷಕರನ್ನು ಮುಖಾಮುಖಿಯಾಗಲಿದ್ದಾರಾ? ಇಂಥಾ ಒಂದಷ್ಟು ಪ್ರಶ್ನೆಗಳಿದ್ದಾವೆ. ಅದಕ್ಕುತ್ತರ ಸಿನಿಮಾ ಮಂದಿರಗಳಲ್ಲಿ ಮಾತ್ರವೇ ಸಿಗಲು ಸಾಧ್ಯ. ಅಂತೂ ಕೇಡಿ ಟ್ರೈಲರಿನಲ್ಲಿ ಧ್ರುವ ಮತ್ತು ಪ್ರೇಮ್ ಪಾಲಿಗೆ ಗೆಲುವಿನ ಯಾತ್ರೆ ಸೂರುವಾಗೋ ಲಕ್ಷಣಗಳಿವೆ. ಆ ಸಾಧ್ಯತೆ ಹಳೇ ಶೈಲಿಯ ಜಾತ್ರೆಯಲ್ಲಿ ಕಳೆದು ಹೋಗದಿರಲೆಂಬುದು ಹಾರೈಕೆ!

The post KD movie trailer review: ಕೇಡಿ ಟ್ರೈಲರಿನಲ್ಲಿ ಕಾಣಿಸಿತೇ ಗೆಲುವಿನ ಕಿಡಿ? appeared first on Cini Shodha.

ನಿಜ, ಒಂದು ಕಾಲಘಟ್ಟ ಎಂಥವರನ್ನು ಎಂತೆಂಥಾ ಅವತಾರವೆತ್ತುವಂತೆ ಮಾಡಿ ಬಿಡುತ್ತದೆ. ಅದರ ಸೆಳವಿಗೆ ಸಿಕ್ಕ ದರ್ಶನ್ ಹಾಗೆಲ್ಲ ಆಡಿದ್ದರೂ ಇರಬಹುದು. ಹೆಚ್ಚೇನು ಅಲ್ಲ; ಕಾಲ ಚಕ್ರ ಒಂದೇ ಒಂದು ವರ್ಷದ ಪರಿಧಿಯಲ್ಲಿ ಸುತ್ತುತ್ತಲೇ ಎಲ್ಲವೂ ಅದಲುಬದಲಾಗಿದೆ. ಖುದ್ದು ದರ್ಶನ್ ಕೊಂಚ ಬದಲಾದಂತೆ ಕಾಣುತ್ತಿದ್ದಾರೆ. ಅದರ ಫಲವಾಗಿಯೇ ಇಪ್ಪತ್ತು ವರ್ಷಗಳಷ್ಟು ಹಳೇಯ ಸ್ನೇಹವೊಂದಕ್ಕೆ ಮತ್ತೆ ಕೈಚಾಚಿದ್ದಾರೆ. ಅದರ ಫಲವಾಗಿಯೇ ಕೆವಿಎನ್ ಬ್ಯಾನರಿನಡಿಯಲ್ಲಿ ನಿರ್ದೇಶಕ ಪ್ರೇಮ್ ಗೆ ಜೊತೆಯಾಗಿದ್ದಾರೆ. ರಕ್ಷಿತಾ ಮತ್ತಾಕೆಯ ಪತಿ ಪ್ರೇಮ್ ಜೊತೆ ಆತ್ಮೀಯವಾಗಿ ಬೆರೆತಿದ್ದಾರೆ. ಒಂದು ಕಾಲದ ಉರಿನಾಲಗೆಯ ಮೇಲೀಗ ಪ್ರೀತಿಯ ಬುರುಗು ಮೂಡಿಕೊಂಡಿದೆ. ಇವರಿಬ್ಬರ ಕಾಂಬಿನೇಷನ್ನಿನ ಸಿನಿಮಾ ಅದ್ಯಾವ ದಾಖಲೆ ಬರೆಯುತ್ತೋ, ಗೆಲುವು ದಕ್ಕಿಸಿಕೊಳ್ಳುತ್ತದೋ ಗೊತ್ತಿಲ್ಲ; ಮುನಿಸು ಮರೆತು ಹಳೆಯ ಸ್ನೇಹವೊಂದು ಜೊತೆಗೂಡಿರೋದಂತೂ ಸತ್ಯ.

ಅತ್ತ ಪ್ರೇಮ್ ಜೊತೆ ರಾಜಿಯಾಗಿರುವ ದರ್ಶನ್ ಇತ್ತ ಮೀಡಿಯಾಗಳೊಂದಿಗಿನ ಕದನಕ್ಕೂ ಕೂಡಾ ಫುಲ್ ಸ್ಟಾಪ್ ಇಟ್ಟಿದ್ದಾರೆ. ಪತ್ರವೊಂದರ ಮೂಲಕ ಮಾಧ್ಯಮಗಳ ಜೊತೆ ಸ್ನೇಹಕ್ಕೆ ಕೈ ಚಾಚಿದ್ದಾರೆ. ವಿಶೇಷವಾಗಿ ದೃಷ್ಯ ಮಾಧ್ಯಮಗಳಿಗೂ ದರ್ಶನ್ ಗೂ ತಿಕ್ಕಾಟ ಆರಂಭವಾಗಿತ್ತು. ಹಲವಾರು ಪಲ್ಲಟಗಳ ನಡುವೆಯೂ ಮಾಧ್ಯಮ ಘನತೆಯನ್ನು ಕಾಪಿಟ್ಟುಕೊಂಡಿರುವ ಪ್ರಿಂಟ್ ಮೀಡಿಯಾ ಇದರಿಂದ ಆಚೆ ಉಳಿದಿತ್ತು. ಈ ವಿವಾದದ ಆಸುಪಾಸಲ್ಲಿಯೇ ದರ್ಶನ್ ನಿರ್ದೇಶಕ ಪ್ರೇಮ್ ಬಗ್ಗ ಕೇವಲವಾಗಿ ಮಾತಾಡಿ ಬಿಟ್ಟಿದ್ದರು. ಯಾವುದ ಪ್ರಶ್ನೆ ಎದುರಾದಾಗ ಅದಾಗ ತಾನೇ ಗಡಂಗಿನಿಂದ ಎದ್ದು ಬಂದವರಂತೆ `ಅವ್ನೇನು ಪುಡಾಂಗಾ’ ಎಂಬರ್ಥದಲ್ಲಿ ಬಡಬಡಿಸಿದ್ದರು. ಏನೇ ಇದ್ದರೂ ಇಪ್ಪತ್ತು ವರ್ಷಗಳ ಹಿಂದೆ ದರ್ಶನ್‍ಗಾಗಿ ಸಿನಿಮಾ ನಿರ್ದೇಶನ ಮಾಡಿದ್ದವರು ಪ್ರೇಮ್. ದರ್ಶನ್ ಯಶಸ್ಸಿನ ಹಾದಿಯಲ್ಲಿ ಪ್ರೇಮ್ ಪಾತ್ರವನ್ನು ಅಲ್ಲಗಳೆಯಲಾಗೋದಿಲ್ಲ.

ಆದರೂ ನಡೆದು ಬಂದ ಹಾದಿಯನ್ನು ಮರೆತವರಂತೆ ದರ್ಶನ್ ಮೆರೆದಿದ್ದರು. ಇದೀಗ ಪ್ರೇಮ್ ಜೊತೆ ಮತ್ತೆ ಜೊತೆಯಾದ ದರ್ಶನ್ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಮತ್ತೆ ಮೂದಲಿಕೆ ಶುರುವಾಗಿದೆ. ಅದು ಸಹಜ. ಅದರ ಫಲವಾಗಿಯೇ ಪುಡಾಂಗ್ ಪ್ರೇಮ್ ಜೊತೆ ದಾಸನ ಚಿತ್ರ ಎಂಬಂಥಾ ಅಭಿಪ್ರಾಯವೂ ಮೂಡಿಕೊಂಡಿದೆ. ಅದರ ಹಿಂದೆ ದರ್ಶನ್ ಅಹಮ್ಮಿಕೆಯ ಪಾಲಿದೆ. ದರ್ಶನ್ ಪ್ರೇಮ್ ಜೊತೆ ಮತ್ತೆ ಒಂದುಗೂಡುವಲ್ಲಿ ರಕ್ಷಿತಾ ಪಾತ್ರವೂ ಇದೆ. ರತನ್ನ ಗಂಡನ ಬಗ್ಗೆ ಆತ್ಮೀಯ ಸ್ನೇಹಿತನೇ ಬಾಯಿಗೆ ಬಂದಂತೆ ಮಾತಾಡಿದ್ದನ್ನು ಕಂಡು ರಕ್ಷಿತಾ ನೊಂದುಕೊಂಡಿದ್ದರು. ಆ ಬಳಿಕ ಒದಷ್ಟು ಮಾತುಕಥೆಗಳಾಗಿ ಇಬ್ಬರೂ ಮುನಿಸು ಮರೆತು ಒಂದಾಗಿದ್ದಾರಷ್ಟೆ. ಇದು ನಿಜಕೂ ಸಕಾರಾತ್ಮಕ ಬೆಳವಣಿಗೆ. ಸನೇಹದಲ್ಲಿ ಬಿರುಕು ಮೂಡಿದಾಗ ದೂರಾಓದು ಮತ್ತೆ ಕಚಾಚೋದು ಸಹಜ. ಆದರೆ ಸ್ನೇಹದ ಹೆಸರಲ್ಲಿ ಬಗನೀ ಗೂಟ ಹೆಟ್ಟುವ, ಹೆಜ್ಜೆ ಹೆಜ್ಜೆಗೂ ಮಿಣ್ಣಗೆ ವಂಚನೆ ಮಾಡುತ್ತಾ ಸಾಗುವ, ಯಾರದ್ದೋ ಬೆವರಲ್ಲಿ ತಮ್ಮ ಸಾಮ್ರಾಜ್ಯ ಕಟ್ಟಲು ನೋಡುವ ನಸುಗುನ್ನಿಗಳನ್ನು ಎಂದಿಗೂ ಕ್ಷಮಿಸಬಾರದು. ದರ್ಶನ್ಗೆ ಪ್ರೇಮ್ ಕಡೆಯಂದ ಅಂಥಾ ಯಾವುದೇ ದ್ರೋಹವಾದಂತಿಲ್ಲ. ಆದ್ದರಿಂದಲೇ ಈ ಸ್ನೇಹ ಮತ್ತೆ ಕೂಡಿಕೊಂಡಿದೆ.

ದರ್ಶನ್ ಪಾಲಿಗೆ ಇಷ್ಟು ಕಾಲ ಇದ್ದದ್ದು ಅಗ್ನಿ ಪರೀಕ್ಷೆ. ಆ ಹಾದಿಯಲ್ಲಿ ಹಲವಾರು ಕಟು ಸತ್ಯಗಳನ್ನವರು ಮನದಟ್ಟು ಮಾಡಿಕೊಂಡಂತಿದೆ. ಈ ಕ್ಷಣಕ್ಕೆ ಸಿಕ್ಕ ಗೆಲುವ, ಸ್ಟಾರ್ ಗಿರಿಗಳೆಲ್ಲವೂ ಕ್ಷಣಿಕ. ಜನರ ಮನಸಲ್ಲುಳಿಯುವುದು ವ್ಯಕ್ತಿತ್ವ ಮಾತ್ರ. ನಿಜ ದೃಷ್ಯ ಮಾಧ್ಯಮದ ಕೆಲ ಮಂದಿ ಘನತೆ ಮರೆತು ಸ್ಟಾರುಗಳ ಬೆಂಬೀಳುತ್ತಾರೆ. ಈಗ ದರ್ಶನ್ ಹೇಳಿಕೊಂಡಿರುವಂತೆ, ಒಬ್ಬನ್ಯಾವನೋ ಅವರಿಗೆ ನೋವಾಗುವಂತೆ ಮಾಡಿದ್ದಾನೆ. ಅದೊಂದು ವಿಚಾರಕ್ಕಾಗಿ ಒಂದಿಡೀ ಮಾಧ್ಯಮವನ್ನೇ ಶಾಟಕ್ಕೆ ಸಮ ಅಂದುಬಿಟ್ಟರೆ ಹೇಗೆ? ಮಾನವಂತರಾಗುಳಿದ ಕೆಲ ಮಾಧ್ಯಮದ ಮಂದಿ ದರ್ಶನ್ ರನ್ನೂ ಕೂಡಾ ಅವರ ಮಾತಿನಂತೆಯೇ ಕೊಡವಿಕೊಂಡು ಮುಂದುವರೆದರು. ಹಾಗೆ ನೋಡಿದರೆ, ಮಾಧ್ಯಮ ಜಗತ್ತು ಕೂಡಾ ದರ್ಶನ್ ರಂಥಾ ಅದೆಷ್ಟೋ ಸ್ಟಾರ್‍ಗಳನ್ನು ಕಂಡಿದೆ. ಅಲ್ಲಿ  ಸಕಾರಣವಾಗಿ ವಿಮರ್ಶಿಸುವ ನಿಷ್ಠುರವಾದಿಗಳೂ ಇದ್ದಾರೆ. ಇಂಥಾ ವಿಮರ್ಶೆಗಳು ಕೇಳಿ ಬಂದಾಗ ಮೈಮೇಲೇರಿ ಹೋಗೋ ಸೆಲೆಬ್ರಿಟಿಗಳನ್ನೂ ದರ್ಶನ್ ಇನ್ನು ಮುಂದೆ ಹದ್ದುಬಸ್ತಿನಲ್ಲಿಟ್ಟುಕೊಳ್ಳಬೇಕಿದೆ. ಇನ್ನಾದರೂ ದರ್ಶನ್ ವಿವಾದಗಳಿಂದ ಮುಕ್ತರಾಗಲೆಂಬುದು ಹಾರೈಕೆ!

The post challenging star darshan: ಗಡಂಗು ಪುಡಾಂಗು ಮತ್ತು ಗೆಳೆತನ! appeared first on Cini Shodha.