ಕಲ್ಕಿ ಪ್ರಭಾಸ್ ನಟನೆಯ ಬಹು ನಿರೀಕ್ಷಿತ ಚಿತ್ರ. ಆತನ ಅಭಿಮಾನಿ ಬಳಗ ಎಲ್ಲ ಆಘಾತ, ನಿರಾಸೆ, ಅವಮಾನಗಳಾಚೆಗೂ ಈ ಸಿನಿಮಾ ಮೇಲೆ ಭಾರೀ ನಿರೀಕ್ಷೆಯಿಟ್ಟುಕೊಂಡು ಕಾಯುತ್ತಿದ್ದಾರೆ. ಈವರೆಗಿನ ಸಿನಿಮಾಗಳಿಗೆ ಹೋಲಿಸಿದರೆ, ಕಲ್ಕಿ ಬಗ್ಗೆ ಬೇರೆಯದ್ದೇ ತೆರನಾದ ಭರವಸೆ ಮೂಡಿಕೊಳ್ಳುತ್ತೆ. ತೆಲುಗು ಚಿತ್ರರಂಗದಲ್ಲಿ ದೊಡ್ಡ ಹೆಸರು ಮಾಡಿರುವ ನಾಗ್ ಅಶ್ವಿನ್ ರೆಡ್ಡಿ ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ. ಹಿಂದೂ ಧರ್ಮದ ಐತಿಹ್ಯದ ಕೆಲ ಮಜಲುಗಳನ್ನು ಒಳಗೊಂಡಿರುವ ಈ ಚಿತ್ರ ಈಗಾಗಲೇ ಬೃಹತ್ ಬಜೆಟ್ ಕಾರಣದಿಂದ ಭಾರೀ ಸದ್ದು ಮಾಡುತ್ತಿದೆ. ಅದರ ತಾರಾ ಬಳಗವೇ ಪ್ರೇಕ್ಷಕರನ್ನೆಲ್ಲ ಅವಾಕ್ಕಾಗಿಸಿ ಬಿಟ್ಟಿದೆ.

ಹಾಗೆ ನೋಡಿದರೆ, ಕಲ್ಕಿ ಚಿತ್ರ ಹಂತ ಹಂತವಾಗಿ ಸುದ್ದಿ ಮಾಡಿಕೊಂಡೇ ಸಾಗಿ ಬರುತ್ತಿದೆ. ಇದುವರೆಗೂ ಕಂಡು ಕೇಳರಿಯದ ರೀತಿಯಲ್ಲಿ ವಿ ಎಫ್ ಎಕ್ಸ್ ಕಮಾಲ್ ನಡೆಸಲಾಗುತ್ತದೆ ಎಂಬ ಸುದ್ದಿಯೂ ಹಬ್ಬಿಕೊಂಡಿದೆ. ಅದರಲ್ಲಿಯೂ ವಿಶೇಷವಾಗಿ, ಇದೀಗ ಕಲ್ಕಿಯ ಕ್ಲೈಮ್ಯಾಕ್ಸಿಗೆ ಭರದಿಂದ ಸಿದ್ಧತೆ ಮಾಡಿಕೊಳ್ಳಲಾಗುತ್ತಿದೆ. ಮುಂದಿನ ವಾರದಿಂದಲೇ ಈ ಚಿತ್ರೀಕರಣ ಶುರುವಾಗಲಿದೆ. ಇದರಲ್ಲಿ ಪಾಲ್ಗೊಳ್ಳಲಿರುವ ತಾರಾ ಬಳಗಗವಂತೂ ಪ್ರೇಕ್ಷಕರನ್ನು ಹುಚ್ಚೆಬ್ಬಿಸುವಂತಿದೆ. ಪ್ರಭಾಸ್ ಜೊತೆಗೆ ಕಮಲ್ ಹಾಸನ್, ಅಮಿತಾಭ್ ಬಚ್ಚನ್, ದಿಶಾ ಪಟಾಣಿ, ದೀಪಾಕಾ ಪಡುಕೋಣೆ, ದುಲ್ಕರ್ ಸಲ್ಮಾನ್, ನಾನಿ, ವಿಜಯ್ ದೇವರಕೊಂಡ ಸೇರಿದಂತೆ ಸ್ಟಾರ್ ಗಳ ಜಾತ್ರೆಯೇ ನೆರೆಯಲಿದೆ. ಹಾಗಿದ್ದ ಮೇಲೆ, ಈ ಸಿನಿಮಾ ಬಗ್ಗೆ ಪ್ಯಾನಿಂಡಿಯಾ ಲೆವೆಲ್ಲಿನಲ್ಲೊಂದು ಹಂಗಾಮ ಸೃಷ್ಟಿಯಾಗೋದರಲ್ಲಿ ಅನುಮಾನವೇನಿಲ್ಲ!

The post kalki 2898 updates: ಸೋಲಿನ ಪರ್ವಕ್ಕೊಂದು ಅಲ್ಪ ವಿರಾಮ! appeared first on Cini Shodha.