ಗ್ರೀಷ್ಮ ಶ್ರೀಧರ್ (greeshma shridhar) ಎಂಬ ಹೆಸರು ಕನ್ನಡ ಚಿತ್ರಪ್ರೇಮಿಗಳಿಗೆ ಅಪರಿಚಿತವೇನಲ್ಲ. ನಟಿಸಿರುವುದು ಕೆಲವೇಸಿನಿಮಾಗಳಲ್ಲಾದರೂ ಅವರ ಪಾತ್ರಗಳು ನೋಡುಗರ ಮನಸಿಗಿಳಿದಿವೆ. ಕೆಲವೊಮ್ಮೆ ಕಮರ್ಶಿಯಲ್ ಸಿನಿಮಾಗಳಲ್ಲಿ ನಟಿಸಿ, ಪ್ರಸಿದ್ಧಿ ಸಿಕ್ಕ ಮೇಲೂ ಕೆಲ ನಟಿಯರನ್ನು ಕಂಟೆಂಟೆಂಟ್ ಓರಿಯಂಟೆಡ್ ಪಾತ್ರಗಳ ಸೆಳೆತ ಆವರಿಸಿಕೊಳ್ಳುತ್ತದೆ. ಆದರೆ, ದಕ್ಕುವುದು ಕೆಲವೇ ಕೆಲವರಿಗೆ ಮಾತ್ರ. ಈ ನಿಟ್ಟಿನಲ್ಲಿ ನೋಡೋದಾದರೆ, ಗ್ರೀಷ್ಮ ನಿಜಕ್ಕೂ ಅದೃಷ್ಟವಂತೆ. ನಟಿಯಾಗಬೇಕೆಂಬ ತೀವ್ರ ಹಂಬಲದೊಂದಿಗೆ ಮುಂದುವರೆಯುತ್ತಿರುವ ಆಕೆಗೆ ಅಪರೂಪದ ಪಾತ್ರಗಳು ತಾನೇತಾನಾಗಿ ಒಲಿದು ಬರುತ್ತಿವೆ. ಹಾಗೆ ಸಿಕ್ಕ ಪಾತ್ರಕ್ಕಾಗಿ ತಯಾರಾಗುವ ರೀತಿ, ಅದಕ್ಕೆ ಜೀವ ತುಂಬುವ ಪರಿಯೇ ಮತ್ತೊಂದಷ್ಟು ಬೆರಗಿನ ಪಾತ್ರಗಳಿಗೆ ಗ್ರೀಷ್ಮಾರನ್ನು ಮುಖಾಮುಖಿಯಾಗಿಸಿವೆ.

ಇದೀಗ ಕುಸುಮಳಾಗಿ, ಎಲ್ಲ ಹೆಣ್ಣು ಜೀವಗಳ ಒಳತೋಟಿಗಳ ಪ್ರಾತಿನಿಧಿಕ ಪಾತ್ರವೊಂದಕ್ಕೆ ಜೀವ ತುಂಬಿರುವವರು ಗ್ರೀಷ್ಮ. ಮೂಲತಃ ಬೆಂಗಳೂರು ಹುಡುಗಿ ಗ್ರೀಷ್ಮ ರಾಷ್ಟ್ರ ಮಟ್ಟದ ಸ್ವಿಮ್ಮರ್ ಕೂಡಾ ಹೌದು. ಸ್ವಿಮ್ಮಿಂಗಿನಲ್ಲಿ ಕಾಂತಾರ ಯಾತಿಯ ಸಪ್ತಮಿ ಗೌಡ ಇವರ ಜೊತೆಗಾತಿ. ವಕೀಲರು, ಶಿಕ್ಷಕ ವೃತ್ತಿಯವರೇ ತುಂಬಿದ ಸಂಪ್ರದಾಯಸ್ಥ ಕುಟುಂಬದವರಾದ ಗ್ರೀಷ್ಮಾಗೆ ಆರಂಭದಿಂದಲೂ ನಟನೆÀಯತ್ತ ಅತೀ ಆಸಕ್ತಿಯಿತ್ತು. ಸಾಮಾನ್ಯವಾಗಿ ಇಂಥಾ ಕುಟುಂಬಗಳ ಹೆಣ್ಣುಮಕ್ಕಳು ಇಂಥಾ ಕಲಾಸಕ್ತಿ ಹೊಂದಿದ್ದರೆ, ಹೆತ್ತವರ ಬೆಂಬಲ ಸಿಗುವುದು ತುಸು ತ್ರಾಸದಾಯಕ ಸಂಗತಿ. ಆ ವಿಚಾರದಲ್ಲಿ ಗ್ರೀಷ್ಮ ಅದೃಷ್ಟವಂತೆ. ಯಾಕೆಂದರೆ, ಪೋಷಕರು ಅವರಿಗೆ ತನ್ನಿಚ್ಛೆಯಂತೆ ಮುಂದುವರೆಯುವ ಸ್ವಾತಂತ್ರ್ಯ ಕೊಟ್ಟಿದ್ದರು. ಅದೆಲ್ಲವನ್ನೂ ಸರಿಕಟ್ಟಾಗಿ ಬಳಸಿಕೊಂಡು, ಒಂದೊಂದೇ ಹಂತಗಳನ್ನು ದಾಟಿ ಬಂದು ನಟಿಯಾಗಿ ನೆಲೆ ಕಂಡುಕೊಂಡ ಹಾದಿ ನಿಜಕ್ಕೂ ಮೆಚ್ಚಿಕೊಳ್ಳುವಂಥಾದ್ದು.

ತನ್ನ ಅಭಿರುಚಿಗೆ ತಕ್ಕಂತೆ ಪರ್ಫಾರ್ಮಿಂಗ್ ಆಟ್ರ್ಸ್‍ನಲ್ಲಿ ಪದವಿ ಪಡೆದುಕೊಂಡಿದ್ದ ಗ್ರೀಷ್ಮ, ಮೇಜರ್ ಥಿಯೇಟ್ರ್ ಆಕ್ಟಿಂಗಿನಲ್ಲಿ ಡಿಪೊಮೋ ಕೂಡಾ ಮಾಡಿಕೊಂಡಿದ್ದಾರೆ. ಆ ಬಳಿಕ ನಾನಾ ಜಾಹೀರಾತುಗಳಲ್ಲಿ ನಟಿಸಿ ಸೈ ಅನ್ನಿಸಿಕೊಂಡು, ಆ ಮೂಲಕ ಒಂದಷ್ಟು ಭಾಷೆಗಳಲ್ಲಿ ಜನಪ್ರಿಯತೆ ಗಳಿಸಿಕೊಂಡ ಬಳಿಕ ಸಿನಿಮಾಗಳಲ್ಲಿ ನಟಿಸಬೇಕೆಂಬ ತುಡಿತ ಗ್ರೀಷ್ಮಾರನ್ನು ಕಾಡಲಾರಂಭಿಸಿತ್ತು. ಅದಕ್ಕೊಂದು ಭೂಮಿಕೆ ಒದಗಿಸಿಕೊಟ್ಟ ಸಿನಿಮಾ ಮಂಸೋರೆ ನಿರ್ದೇಶನದಲ್ಲಿ ಮೂಡಿ ಬಂದಿದ್ದ `ನಾತಿಚರಾಮಿ’. ಮಂಸೋರೇ ಫೇಸ್‍ಬುಕ್‍ನಲ್ಲಿ ಹಾಕಿದ್ದ ಪೋಸ್ಟ್ ಒಂದನ್ನು ಕಂಡು ಗ್ರೀಷ್ಮ ಆಡಿಷನ್ನಿಗೆ ಹೋಗಿದ್ದರು. ಬಳಿಕ ಸಣ್ಣ ಪಾತ್ರವೊಂದಕ್ಕೆ ಆಯ್ಕೆಯಾಗಿದ್ದರು. ಅದು ಗ್ರೀಷ್ಮಾ ಪಾಲಿಗೆ ಮೊದಲ ಹೆಜ್ಜೆಯಾಗಿ ದಾಖಲಾಗುತ್ತದೆ.

ಅದಾದ ಬಳಿಕ ನೋಡಿ ಸ್ವಾಮಿ ನಾನಿರೋದೇ ಹೀಗೆ ಚಿತ್ರಕ್ಕವ ತಯಾರಿ ನಡೆಸುತ್ತಿದ್ದ ರಿಷಿ, ಪ್ರಧಾನ ಪಾತ್ರಕ್ಕಾಗಿ ಗ್ರೀಷ್ಮರನ್ನು ಸಂಪರ್ಕಿಸಿದ್ದರು. ಅದರಲ್ಲಿನ ಮೂವರು ನಾಯಕಯರ ಪಕಿ ಒಬ್ಬಾಗಿ ಆಯ್ಕೆ ಮಾಡಿಕೊಂಡಿದ್ದರು. ಅದು ನಾಯಕಿಯಾಗಿ ಗ್ರೀಷ್ಮಾರದ್ದು ಪ್ರಥಮ ಹೆಜ್ಜೆ. ಅದಾದ ಬಳಿಕ ಒಲಿದು ಬಂದಿದ್ದು ಮಾಲ್ಗುಡಿ ಡೇಸ್ ಚಿತ್ರದ ಅವಕಾಶ. ಆ ಸಿನಿಆದಲಿ ಗ್ರೀಷ್ಮ ವಿಜಯ್ ರಾಘವೇಂದ್ರರ ಜೊತೆ ಅಭಿನಯಿಸಿದ್ದರು. ಗಮನೀಯ ಅಂಶವೆಂದರೆ, ಹೀಗೆ ತಾನೇತಾನಾಗಿ ಗ್ರೀಷ್ಮಾರನ್ನು ಅರಸಿ ಬಂದ ಅವಕಾಶಗಳೆಲ್ಲವೂ ಪ್ರಯೋಗಾತ್ಮಕ ಗುಣಗಳನ್ನು ಹೊಂದಿರುಂಥವೇ. ಸಿಕ್ಕ ಪಾತ್ರಗಳು ಕೂಡಾ ಭಿನ್ನ ಧಾಟಿಯವುಗಳೇ. ಒಂದು ಸಣ್ಣ ಅಧಿಯಲ್ಲಿ ದೊಡ್ಡನುಭವ ಗಿಟ್ಟಸಿಕೊಂಡ ಗ್ರೀಷ್ಮ ಪಾಲಿಗೆ ಅಚಾನಕ್ಕಾಗಿ ಒದಗಿ ಬಂದ ಅವಕಾಶ `ನಾನು ಕುಸುಮ’ ಚಿತ್ರದ್ದು.

ನಾತಿ ಚರಾಮಿ ಚಿತ್ರದ ಸಣ್ಣ ಪಾತ್ರವೊಂದರಲ್ಲಿ ಗ್ರೀಷ್ಮ ನಟಿಸಿದ್ದರಲ್ಲಾ? ಆ ಚಿತ್ರದಲ್ಲಿ ಮ್ಯಾನೇಜರ್ ಆಗಿ ಕಾರ್ಯನಿರ್ವಹಿಸಿದ್ದವರು ರಮೇಶ್. ಅದೊಂದು ದಿನ ಗ್ರೀಷ್ಮಾಗೆ ಕರೆ ಮಾಡಿದ್ದ ರಮೇಶ್ ಒಂದು ಚೆಂದದ ಪಾತ್ರ ಕಾಯುತ್ತಿರೋದರ ಸುಳಿವು ಕೊಟ್ಟಿದ್ದರು. ನಂತರ ರೀಡಿಂಗ್ ಪಡೆದುಕೊಂಡ ಗ್ರೀಷ್ಮಾಗೆ ಕಥೆ, ಪಾತ್ರಗಳೆಲ್ಲವೂ ಹಿಡಿಸಿದ್ದವು. ಆ ಕ್ಷಣದಲ್ಲಿ ಅವರ ಮುಂದೆ ಎರಡು ಪಾತ್ರಗಳನ್ನು ಆಯ್ಕೆ ಮಾಡಿಕೊಳ್ಳುವ ವಕಾಶಗಳಿದ್ದವು. ಆ ಎರಡರಲ್ಲಿ ಗ್ರೀಷ್ಮಾಗೆ ತುಂಬಾ ಇಷ್ಟವಾಗಿದ್ದು ಕುಸಮಾ ಪಾತ್ರ. ಅದನ್ನೇ ಆಯ್ಕೆ ಮಾಡಿಕೊಂಡವರಿಗೆ ನಿರ್ದೇಶಕರ ಕಡೆಯಿಂದಲೂ ಗ್ರೀನ್ ಸಿಗ್ನಲ್ ಸಿಕಿತ್ತು. ಆ ನಂತರ ಆರಂಭವಾದದ್ದ ಕುಸುಮಾಳ ಪಾತ್ರವನ್ನು ಪರಿಣಾಮಕಾರಿಯಾಗಿ ಒಳಗಿಳಿಸಿಕೊಳ್ಳುವ ತುರ್ತಿನ ತಯಾರಿ!

ಆ ಪಾತ್ರ ಗ್ರೀಷ್ಮಾ ಪಾಲಿಗೆ ಅಪರಿಚಿತವಾಗಿದ್ದ ಅನುಭವಗಳ ಕಟಾಂಜನದಂತಿತ್ತು. ಅದೊಂದು ಪಾತ್ರ ಮಾತ್ರವೇ ಆಗಿರದೆ, ಹೆಣ್ಣುಮಕ್ಕಳೆಲ್ಲರ ತವಕ, ತಲ್ಲಣಗಳ ಪ್ರತಿನಿಧಿಯಂತಿತ್ತು. ಆ ನರ್ಸ್ ಪಾತ್ರವನ್ನು ಆವಾಹಿಸಿಕೊಳ್ಳುವ ಸಲುವಾಗಿಯೇ ಗ್ರೀಷ್ಮ, ಒಂದು ವಾರಗಳ ಕಾಲ ಸರ್ಕಾರಿ ಆಸ್ಪತ್ರೆಗೆ ಹೋಗಿ ಬರುತ್ತಾ, ಎಲವನ್ನೂ ಸೂಕ್ಷ್ಮವಾಗಿ ಗಮನಿಸಲಾರಂಭಿಸಿದ್ದರು. ನಂತರ ರವೀಂದ್ರ ಕಲಾಕ್ಷೇತ್ರದ ಬಾಜಿನಲ್ಲಿರುವ ಖಾಸಗಿ ಆಸ್ಪತ್ರೆಯೊಂದಕ್ಕೂ ಭೇಟಿ ಕೊಟ್ಟು ಆ ವಾತಾವರಣ, ನರ್ಸ್, ಡಾಕ್ಟರುಗಳನ್ನೆಲ್ಲ ಕಣ್ಣಲ್ಲಿ ಕಣ್ಣಿಟ್ಟು ಗಮನಿಸಿದ್ದರು. ಆ ನಂತರ ಕುಸುಮ ಎಂಬ ಪಾತ್ರದ ಒಂದೊಂದೇ ಪಕಳೆಗಳನ್ನು ಮನಸಿಗಾನಿಸಿಕೊಂಡು ಅಣಿಗೊಂಡಿದ್ದ ಗ್ರೀಷ್ಮಾಗೀಗ ಆ ಪಾತ್ರಕ್ಕೆ ಶಕ್ತಿ ಮೀರಿ ನ್ಯಾಯ ಸಲ್ಲಿಸಿದ ತೃಪ್ತಿ ಇದೆ.

ಕುಸುಮ ಎಂಬ ಹೆಸರಲ್ಲಿಯೂ ವಿಶೇಷತೆಯಿದೆ. ಅದನ್ನು ಈ ಕಥೆಗೆ ಪೂರಕವಾಗಿ ಹೂವಿನ ರೂಪಕವಾಗಿ ಬಳಸಿಕೊಳ್ಳಲಾಗಿದೆ. ಈ ಸಮಾಜದಲ್ಲಿ ಹೂವನ್ನು ದೂರದಿಂದಲೇ ನೋಡಿ ಮುದಗೊಳ್ಳುವವರಿದ್ದಾರೆ. ಅದನ್ನು ನೀರೆರೆದು ಪೋಶಿಸುವವರು, ಜತನಿದ ಕಾಪಾಡುವವರೂ ಇದ್ದಾರೆ. ಅದೇ ರೀತಿ ಅದನ್ನು ನಿರ್ದಾಕ್ಷಿಣ್ಯವಾಗಿ ಕಿತ್ತು ಹೊಸಕಿ ಹಾಕುವ ರಕ್ಕಸರಿದ್ದಾರೆ, ಬಳಸಿ ಬಿಸಾಡುವ ವಿಷಜಂತುಗಳೂ ಈ ಸಮಾಜದಲ್ಲಿ ಪಿತಗುಡುತ್ತಿವೆ. ಇಂಥಾ ವಾತಾವರಣದ ಸಮಯದ ಬೊಂಬೆಯಂಥಾ ಪಾತ್ರ ಕುಸುಮಾ. ಅಮ್ಮನನ್ನು ಕಳೆದುಕೊಂಡು, ಅಪ್ಪನನ್ನೇ ಜಗತ್ತೆಂದುಕೊಂಡು ಬದುಕೋ ಪಾತ್ರ ದಿನನಿತ್ಯ ಒಂದೊಂದು ಸಂಕಷ್ಟಕ್ಕೆ ಸಿಕ್ಕಿಕೊಳ್ಳುತ್ತೆ. ನೊಂದುಕೊಳ್ಳುತ್ತೆ. ಅದೆಲ್ಲ ಭಾವಗಳನ್ನೂ ಜೀವತುಂಬಿ ನಟಿಸಿದ ತುಂಬು ಖುಷಿ ಗ್ರೀಷ್ಮಾರಲ್ಲಿದೆ.

ಈಗಾಗಲೇ ಟ್ರೈಲರ್ ಮೂಲಕ ಕುಸುಮಾಳ ಪಾತ್ರದ ತೀವ್ರತೆ ಏನೆಂಬ ವಿಚಾರ ಜಾಹೀರಾಗಿದೆ. ಗ್ರೀಷ್ಮಾ ನಿರ್ವಹಿಸಿರುವ ಕುಸುಮ ಎಂಬ ಪಾತ್ರದ ಚಹರೆಗಳಂತೂ ಸಿನಿಮಾಸಕ್ತರನ್ನು ಬಹುವಾಗಿ ಕಾಡಿವೆ. ಬಹುಶಃ ಈ ಪಾತ್ರದ ಮೂಲಕ ಗ್ರೀಷ್ಮಾ ವೃತ್ತಿ ಬದುಕು ಮತ್ತೊಂದು ಎತ್ತರದತ್ತ ಪಥ ಬದಲಿಸಬಹುದು. ಸದ್ಯಕ್ಕು ನಾನು ಕುಸುಮ ಚಿತ್ರದ ಬೆನ್ನಲ್ಲಿಯೇ, ಗ್ರೀಷ್ಮ ನಟಿಸಿರುವ ಮತ್ತೊಂದಷ್ಟು ಸಿನಿಮಾಗಳು ಬಿಡುಗಡೆಯ ತಯಾರಿಯಲ್ಲಿವೆ. ಸೈತಾನ್, ಪ್ರಾಜೆಕ್ಟ್ ಶರಪಂಜರ ಮುಂತಾದ ಚಿತ್ರಗಳಲ್ಲಿಯೂ ಗ್ರೀಷ್ಮ ಅಭಿನಯಿಸಿದ್ದಾರೆ. ತೃಪ್ತಿ ಕುಲಕರ್ಣಿ ನಿರ್ದೇಶನದಲ್ಲಿ ರೂಪುಗೊಳ್ಳುತ್ತಿರುವ ಥರ್ಡ್ ವ್ಹೀಲ್ ಚಿತ್ರದಲ್ಲವರು ಕನ್ನಡತಿ ಖಾತಿಯ ರಂಜನಿ ರಾಘನ್ ಜೊತೆ ನಟಿಸಿದ್ದಾರೆ. ಈ ಎಲ್ಲದರಲ್ಲಿಯೂ ಗ್ರೀಷ್ಮಾ ಪಾತ್ರ ವಿಶೇಷವಾಗಿಯೇ ಇರಲಿದೆಯಂತೆ…

The post greeshma shridhar: ಅಪರೂಪದ ಪಾತ್ರಗಳೇ ಅರಸಿ ಬಂದಾಗ..! appeared first on Cini Shodha.

ಈ ಚಿತ್ರ ಈಗಾಗಲೇ ಒಂದಷ್ಟು ಪ್ರಶಸ್ತಿಗಳನ್ನು ಪಡೆದುಕೊಂಡಿದೆ. ಪ್ರತಿಷ್ಠಿತ ಚಲನಚಿತ್ರೋತ್ಸವಗಳಲ್ಲಿ ಪ್ರರ್ದನಗೊಂಡು ಭರಪೂರ ಮೆಚ್ಚುಗೆಯನ್ನೂ ದಕ್ಕಿಸಿಕೊಂಡಿದೆ. ಹೀಗೆ ಪ್ರಶಸಿ ಪಡೆದ ಸಿನಿಮಾಗಳು ಬಹುತೇಕ ಅದರ ಪ್ರಭೆಯಲ್ಲಿಯೇ ಕಳೆದು ಹೋಗುತ್ತವೆ. ಅಂಥವುಗಳು ಪ್ರೇಕ್ಷಕರನ್ನು ತಲುಪಿಕೊಳ್ಳೋದು ವಿರಳ. ಆದರ ಕೃಷ್ಣೇಗೌಡರು ಈ ವಿಶಿಷ್ಟ ಸಿನಿಮಾವನ್ನು ಪ್ರೇಕ್ಷಕರಿಗೆ ಮುಟ್ಟಿಸುವ ಮನಸು ಮಾಡಿದ್ದಾರೆ. ಅಷ್ಟರ ಮಟ್ಟಿಗೆ ಅವರ ಸಾಹಸವನ್ನು ಮೆಚ್ಚಲೇ ಬೇಕು. ವಿಶೇಷವೆಂದರೆ, ಈ ಸಿನಿಮಾವನ್ನು ನಿರ್ಮಾಣ ಮಾಡಿ, ನಿರ್ದೇಶಿಸೋದರ ಜೊತೆಗೆ, ಒಂದಿಡೀ ಕಥೆಯ ಆತ್ಮದಂತಿರುವ ಅಪರೂಪದ ಪಾತ್ರವೊಂದಕ್ಕೆ ಕೃಷ್ಣೇಗೌಡರು ಜೀವ ತುಂಬಿದ್ದಾರೆ.

ಇದು ಹಿರಿಯ ಕಥೆಗಾರರಾದ ಬೆಸಗರಹಳ್ಳಿ ರಾಮಣ್ಣನವರ ಸಣ್ಣ ಕಥೆಯೊಂದನ್ನು ಆಧರಿಸಿದ ಚಿತ್ರ. ಸಾಮಾಜಿಕ ಸೂಕ್ಷ್ಮಗಳನ್ನು ಒಳಗೊಂಡಿರುವ ಈ ಕಥೆಯನ್ನು ಬಹುವಾಗಿ ಮೆಚ್ಚಿಕೊಂಡೇ ಕೃಷ್ಣೇಗೌಡರು ಅದಕ್ಕೆ ಸಿನಿಆ ಸ್ಪರ್ಶ ನೀಡಿದ್ದಾರೆ. ಹಾಗೆ, ಚಿತ್ರಕಥೆಯ ಕಾರ್ಯ ಆರಂಭವಾದಾಗ, ಮೂಲ ಕಥೆಗೆ ಪೂರಕವಾದ, ನೈಜ ಘಟನೆಯೊಂದರಿಂದ ಸ್ಫೂರ್ತಿ ಪಡೆದ ಭಾಗವೊಂದು ಸೇರ್ಪಡೆಗೊಂಡಿತ್ತು. ಹಾಗೆ ನಾನು ಕುಸುಮ ಕಥೆಯ ಹೊಸ್ತಿಲು ದಾಟಿ ಒಳ ಬಂದ ಪಾತ್ರ ಮಾರ್ಚುರಿಯಲ್ಲಿ ಹೆಣ ಕುಯ್ಯುವ ವ್ಯಕ್ತಿಯೊಬ್ಬನದ್ದು. ಆ ಪಾತ್ರದ ಸುತ್ತಲಿನ ಭಾವಕೋಶದೊಂದಿಗೆ ಈ ಕಥೆ ಮತ್ತಷ್ಟ ಸಮೃದ್ಧವಾಯಿತೆನ್ನಿಸಿದ ಕಾರಣದಿಂದಲೇ ಕೃಷ್ಣೇಗೌಡರು ಅದನ್ನಿಲ್ಲಿ ಅಳವಡಿಸಿಕೊಂಡಿದ್ದಾರೆ.

ಮೂಲತಃ ರಂಗಭೂಮಿ ನಟರಾಗಿರುವ ಕೃಷ್ಣೇಗೌಡರು ಅಪರೂಪದ ಪಾತ್ರಗಳ ತವಕದಲ್ಲಿರೋದರಿಂದ ಆ ಪಾತ್ರ ಅವರೊಳಗೊಂದು ಸಂಚಲನ ಮೂಡಿಸಿತ್ತು. ಆ ದೆಸೆಯಿಂದಲೇ ಆ ಪಾತ್ರವನ್ನು ತಾವೇ ನಿಭಾಯಿಸುವ ನಿರ್ಧಾರಕ್ಕೆ ಬಂದಿದ್ದರು. ಸಾಮಾನ್ಯವಾಗಿ ಹೆಣ ಕುಯ್ಯುವ ಕೆಲಸವೇ ಮುಖ್ಯವಾಹಿನಿಯ ಮನಸುಗಳಲ್ಲಿ ವಿಕ್ಷಿಪ್ತ ಭಾವ ಮೂಡಿಸುತ್ತೆ. ಸುತ್ತ ಬದುಕುವ ಜೀವಗಳು ಇನ್ನಿಲ್ಲವಾದಾಗ, ಕಳೇಬರವನ್ನೂ ಕೂಡಾ ಜತನದಿಂದ ನೋಡಿಕೊಳ್ಳುವ ಸೂಕ್ಷ್ಮ ಮನಸ್ಥಿತಿ ನಮ್ಮದು. ಅಂತಾದ್ದರಲ್ಲಿ ತನಿಖೆ, ವೈದ್ಯಕೀಯ ಪ್ರಕ್ರಿಯೆಯ ಭಾಗವಾಗಿ ಹೆಣ ಕುಯ್ಯವ ಕೆಲಸ ವ್ಯಕ್ತಿಯೊಬ್ಬನಲ್ಲಿ ಎಂಥಾ ಭಾವ ಮೂಡಿಸಬಹುದೆಂಬುದು ಅಂದಾಜಿಗೆ ನಿಲುಕುವಂಥಾದ್ದಲ್ಲ.

ಹೀಗೆ ಮಾರ್ಚುರಿ ಮಾಡೋ ವ್ಯಕ್ತಿಗಳ ಬಗ್ಗೆ ನಾನಾ ಕಥೆಗಳಿವೆ. ಬೇರಾರದ್ದೋ ದೇಹ ಕುಯ್ಯಲೇ ಕಸಿವಿಸಿಗೊಳ್ಳುವಾಗ, ಹೆತ್ತ ಮಕ್ಕಳ ಕಳೇಬರವೇ ಮಾರ್ಚುರಿಯಲ್ಲಿ ಮಲಗಿದರೆ ಹೇಆಗಬೇಡ? ಊಹಿಸೋದಕ್ಕೂ ನಡುಕ ಮೂಡಿಸುವ ಅಂಥಾದ್ದೊಂದು ಭಯಾನಕ ಕಥನ ಈ ಸಿನಿಮಾದಲ್ಲಿದೆ. ಸಾಕಷ್ಟು ತಯಾರಿ ನಡೆಸಿಯೇ ಕೃಷ್ಣೇಗೌಡರು ಪಾತ್ರಕ್ಕೆ ನ್ಯಾಯ ಸಲ್ಲಿಸಿದ ಖುಷಿಯಲ್ಲಿದ್ದಾರೆ. ನಮ್ಮ ಸಮಾಜದಲ್ಲಿ ನಡೆಯುತ್ತಿದ್ದರೂ, ನಾವ್ಯಾರೂ ಅಷ್ಟಾಗಿ ತಲೆ ಕೆಡಿಸಸಿಕೊಳ್ಳದ, ಆಗಾಗ ಸುದ್ದಿಯಾಗಿ ನಮ್ಮೆದುರು ನಿಲ್ಲುವ ಘಟನಾವಳಿಗಳ ಆಂತರ್ಯದ ಅಸಲೀ ಸತ್ಯ ಅಡಕವಾಗಿರುವ ಚಿತ್ರ ನಾನು ಕುಸುಮ. ಇದೇ ಜೂನ್ 30ರಂದು ಅದು ನಿಮ್ಮೆದುರು ಬರಲಿದೆ…

The post naanu kusuma: ಕೃಷ್ಣೇಗೌಡರು ಜೀವ ತುಂಬಿರೋ ಪಾತ್ರ ಹೇಗಿದೆ ಗೊತ್ತಾ? appeared first on Cini Shodha.

ವಿಶಿಷ್ಟ ಕಥೆಗಳ ಸೃಷಿಯ ಮೂಲಕವೇ ಕನ್ನಡ ಸಾಹಿತ್ಯ ಲೋಕದಲ್ಲಿ ಹೆಸರಾಗಿರುವವರು ಬೆಸಗರಹಳ್ಳಿ ರಾಮಣ್ಣ. ಅವರ ಕಥೆಗಳ ಮೇಲೆ ತಲೆಮಾರುಗಳಾಚೆಗೂ ಬೆರಗೊಂದು ಹಾಗೆಯೇ ಉಳಿದುಕೊಂಡಿದೆ ಎಂಬುದೇ ಅವರ ಸಾಹಿತ್ಯಕ್ಕಿರುವ ಶಕ್ತಿಗೊದು ನಿದರ್ಶನ. ಅವರದ್ದೊದು ಕಥೆಯನ್ನು ಓದಿ ಕಾಡಿಸಿಕೊಂಡಿದ್ದ ಕೃಷ್ಣೇಗೌಡರು, ಅದಕ್ಕೆ ಸಿನಿಮಾ ಚೌಕಟ್ಟು ಹಾಕೋ ದೃಢ ನಿರ್ಧಾರಕ್ಕೆ ಬಂದ ಫಲವಾಗಿಯೇ `ನಾನಮು ಕುಸುಮ’ ಚಿತ್ರ ರೂಪುಗೊಂಡಿದೆ. ಈಗಾಗಲೇ ಅನೇಕಾರು ಸಿನಿಮೋತ್ಸವಗಳಲ್ಲಿ ಪ್ರದರ್ಶನಗೊಂಡು, ಪ್ರಶಸ್ತಿಗೂ ಪಾತ್ರವಾಗಿರುವ ಈ ಚಿತ್ರ ವಾರದೊಪ್ಪತ್ತಿನಲ್ಲಿಯೇ ಸಿನಿಮಾ ಮಂದಿರಗಳಲ್ಲಿ ಪ್ರತ್ಯಕ್ಷವಾಗಲಿದೆ.

ಗ್ರೀಷ್ಮಾ ಶ್ರೀಧರ್, ಸನಾತನಿ ಜೋಶಿ, ಕಾವ್ಯಾ ಶ್ರೀಧರ್, ಸೌಮ್ಯ ಭಾಗವತ್, ಕೃಷ್ಣೇಗೌಡ, ಪ್ರತಿಭಾ ಸಂಶಿಮಠ, ವಿಜಯ್ ಮುಂತಾದವರು ಈ ಸಿನಿಮಾದ ಪಾತ್ರಗಳಾಗಿದ್ದಾರೆ. ಈ ಸಮಾಜದಲ್ಲಿ ಸರ್ವ ಕಾಲಕ್ಕೂ ಸಲ್ಲುವಂಥಾ ಕೆಲ ಕಾಯಿಲೆಗಳಿದ್ದಾವೆ. ಅದರಲ್ಲಿ ಹೆಣ್ಣು ಜೀವಗಳನ್ನು ನರಳಿಸುವ ಲೈಂಗಿಕ ದೌರ್ಜನ್ಯವೂ ಪ್ರಧಾನವಾಗಿ ಗುರುತಿಸಿಕೊಳ್ಳುತ್ತದೆ. ಸಮಾಜ ಎಷ್ಟೇ ಮುಂದುವರೆದರೂ, ಅದೆಷ್ಟೇ ಕಠಿಣವಾದ ಕಾನೂನುಗಳು ಬಂದರೂ ಹೆಂಗಳೆಯರ ನರಳಿಎ ಮಾತ್ರ ಇನ್ನೂ ನಿಂತಿಲ್ಲ. ಬಹುಶಃ ಅದು ಅಷ್ಟು ಸಲೀಸಾಗಿ ನಿಲ್ಲುವಂಥಾದ್ದೂ ಅಲ್ಲ. ಈ ಪಿಡುಗಿನ ಸಾರ ಹೊತ್ತ ಕಥಾನಕದೊಂದಿಗೆ ಅಣಿಗೊಂಡಿರುವ ಚಿತ್ರ ನಾನು ಕುಸುಮ!

ಈ ಚಿತ್ರ ಬಿಡುಗಡೆಗೂ ಮುನ್ನವೇ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿದೆ. ಇತ್ತೀಚೆಗೆ ನಡೆದಿದ್ದ 14ನೇ ಬೆಂಗಳೂರು ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಗೊಂಡು ಅತ್ಯುತ್ತಮ ಚಿತ್ರ ಪ್ರಶಸ್ತಿಯನ್ನು ಪಡೆದುಕೊಂಡಿದೆ. ಇಂಡಿಯನ್ ಪನೋರಮಾ, ರಾಜಸ್ಥಾನ್ ಫಿಲಂ ಫೆಸ್ಟಿವಲ್, ಕೇರಳದ ತ್ರಿಶೂರ್ ಫಿಲಂ ಫೆಸ್ಟಿವಲ್‍ಗಳಲ್ಲಿಯೂ ಪ್ರದರ್ಶನಗೊಂಡಿದೆ. ಇದೂ ಸೇರಿದಂತೆ ಅನೇಕ ಚಲನ ಚಿತ್ರೋತ್ಸವಗಳಲ್ಲಿ ಪ್ರದರ್ಶನಗೊಳ್ಳುವ ಮೂಲಕ ಅಪಾರವಾದ ಪ್ರಶಂಶೆಯನ್ನೂ ತನ್ನದಾಗಿಸಿಕೊಂಡಿದೆ. ಈ ಮೂಲಕ ಕನ್ನಡ ಚಿತ್ರರಂಗದ ಘನತೆಗೆ ಮತ್ತಷ್ಟು ಗರಿ ಮೂಡಿಸುವ ಕೆಲಸವನ್ನೂ ಮಾಡಿದೆ.

ಈ ಚಿತ್ರಕ್ಕಾಗಿ ಬೆಂಗಳೂರಿನ ಸುತ್ತಮುತ್ತಲ ಪ್ರದೇಶಗಳಲ್ಲಿ ಚಿತ್ರೀಕರಣ ನಡೆಸಲಾಗಿದೆ. ಸಿಂಕ್ ಸೌಂಡ್‍ನಲ್ಲಿಯೇ ಒಂದಿಡೀ ಚಿತ್ರವನ್ನು ದೃಷ್ಯೀಕರಿಸಿರುವುದು ಈ ಸಿನಿಮಾದ ಮತ್ತೊಂದು ವಿಶೇಷತೆ. ನಾವು ದಿನನಿತ್ಯ ಇಂಥಾ ಲೈಂಗಿಕ ದೌರ್ಜನ್ಯಗಳ ಸುದ್ದಿಗಳನ್ನು ನೋಡುತ್ತಿರುತ್ತೇವೆ. ಆದರೆ, ಹಾಗೆ ಸುದ್ದಿಯಾಗುವವೆಲ್ಲ ಮೇಲ್ ಸ್ಥರದ ಸಮಾಜದವುಗಳಷ್ಟೇ. ಅದೆಷ್ಟೋ ಲೈಂಗಿಕ ದೌರ್ಜನ್ಯಗಳ ಕರುಣ ಕಥೆಗಳು ಮುಖ್ಯ ವಾಹಿನಿಯನ್ನು ಸೋಕುವುದೇ ಇಲ್ಲ. ಅಂಥವುಗಳೆಲ್ಲ ಕಣ್ಣೀರಾಗಿ, ಜೀವ ಹಿಂಡುವ ನೋವಾಗಿ, ನಿಟ್ಟುಸಿರಾಗಿಯಷ್ಟೇ ಪರ್ಯಾವಸಾನ ಹೊಂದುತ್ತವೆ. ಆ ಥರದ್ದೊಂದು ಕಥೆ ನಾನು ಕುಸುಮ ಚಿತ್ರದಲ್ಲಿದೆ. ಈ ಮನ ಕಲಕುವ ಕಥೆ ಮನಸಿಗಿಳಿಯುವ ಘಳಿಗೆ ಸನ್ನಿಹಿತವಾಗಿದೆ.

The post naanu kusuma: ಮನ ಕಲಕುವ ಕಥೆಯೊಂದು ಮನಸಿಗಿಳಿಯುವ ಹೊತ್ತು…! appeared first on Cini Shodha.