ಅದು ಕನ್ನಡ ಚಿತ್ರರಂಗ ಇತ್ತೀಚಿನ ದಿನಗಳಲ್ಲಿ ಪಡೆದುಕೊಂಡಿರುವ ನಿಜವಾದ ಖದರ್ ಅನ್ನೋದರಲ್ಲಿ ಎರಡು ಮಾತಿಲ್ಲ. ಈಗಾಗಲೇ ತಾನೋರ್ವ ಕ್ರಿಯೇಟಿವ್ ನಿರ್ದೇಶಕ, ನಟ ಅನ್ನೋದನ್ನು ಸಾಬೀತುಪಡಿಸಿರುವವರು ಶ್ರೀನಿ. ಇದೆಲ್ಲದರಾಚೆ ಶ್ರೀನಿ ಶಿವಣ್ಣನ ಸಿನಿಮಾ ನಿರ್ದೇಶನ ಮಾಡುತ್ತಾರೆಂದಾಕ್ಷಣ ಹೇಳಿಕೊಳ್ಳುವಂಥಾ ನಿರೀಕ್ಷೆಗಳಿರಲಿಲ್ಲ. ಆದರೆ, ಆ ನಂತರದಲ್ಲಿ ಘೋಸ್ಟ್ ಸಾಗಿ ಬಂದ ದಾರಿಯೇ ಆ ಸಿನಿಮಾದ ಬಗ್ಗೆ ಪ್ಯಾನಿಂಡಿಯಾ ಮಟ್ಟದಲ್ಲಿ ಕ್ರೇಜ್ ಹಬ್ಬಿಕೊಳ್ಳುವಂತೆ ಮಾಡಿ ಬಿಟ್ಟಿದೆ. ಹಾಗೆ ನೋಡಿದರೆ, ಅಷ್ಟ ದಿಕ್ಕುಗಳಲ್ಲಿಯೂ ಘೋಸ್ಟ್ ಪವಾದ ವಾತಾವರಣ ಸ್ಷ್ಟವಾಗಿಯೇ ಗೋಚರಿಸುತ್ತಿದೆ.

ದಳತಿ ವಿಜಯ್ ನಟಿಸಿರುವ ಲಿಯೋ ಚಿತ್ರ ಘೋಸ್ಟ್ ಬೆನ್ನಲ್ಲಿಯೇ ಇಡುಗಡೆಗೊಳ್ಳತ್ತಿದೆ. ಅದರ ಸಾರಥಿ ಲೋಕೇಶ್ ಕನಗರಾಜನ್. ಅತ್ಯಂತ ಚಿಕ್ಕ ವಯಸ್ಸಿನಲ್ಲಿ ದೊಡ್ಡ ಮಟ್ಟದ ಗೆಲುವಿನ ರೂವಾರಿಯಾಗಿರುವವರು ಲೋಕೇಶ್. ಈತನ ಮೇಲೆ ಹಣ ಹೂಡಿದರೆ, ಹತ್ತು ಪಟ್ಟು ವಾಪಾಸು ಎತ್ತಬಹುದೆಂಬ ಗಾಢ ನಂಬಿಕೆ ತಮಿಳು ಚಿತ್ರರಂಗದಲ್ಲಿದೆ. ಅಂಥಾದ್ದೊಂದು ಭರವಸೆ ಹುಟ್ಟು ಹಾಕಿರುವಾತ ಲೋಕೇಶ್ ಕನಗರಾಜನ್. ಆದರೆ, ವಿಜಯ್ ಅಭಿನಯಿಸಿರುವ ಲಿಯೋ ವಿಚಾರದಲ್ಲಿ ಅದೇಕೋ ತಮಿಳು ನಾಡಿನಲ್ಲಿಯೇ ಹೇಳಿಕೊಳ್ಳುವಂಥಾ ಭರವಸೆ ಕಾಣಿಸುತ್ತಿಲ್ಲ. ನಿಜ, ವಿಜಯ್ ಅಭಿಮಾನಿಗು ಕೆನೆದು ಕುಣಿಯುತತಾ ಒಂದಷ್ಟು ಹೈಪ್ ಕ್ರಿಯೇಟ್ ಮಾಡುತ್ತಿದ್ದಾರೆ. ಆದರೆ, ಆಂತರಿಕ ವಾತಾವರಣ ಅದಕ್ಕೆ ಪೂರಕವಾಗಿಲ್ಲ.

ಇನ್ನು ತೆಲುಗಿನಲ್ಲಿ ಬಾಲಯ್ಯನದ್ದೊಂದು ಸಿನಿಮಾ ಲಿಯೋ ಜೊತೆಗೇ ತೆರೆಗಾಣುತ್ತಿದೆ. ಆದರೂ ತೆಲುಗುನಾಡಲ್ಲಿಯೂ ಕೂಡಾ ಘೋಸ್ಟ್ ಅಬ್ಬರಕ್ಕೆ ಬ್ರೇಕ್ ಬೀಳಲಿಕ್ಕಿಲ್ಲ. ಕರ್ನಾಟಕದಲ್ಲಿ ಬಿಡಿ; ಘೋಸ್ಟ್ ವೇಗಕ್ಕೆ ಎದುರಾಗೋ ಯಾವ ಶಕ್ತಿಯೂ ಇಲ್ಲ. ತಮಿಳುನಾಡಿನ ತುಂಬೆಲ್ಲ ಜೈಲರ್ ಮೂಲಕ ಶಿವಣ್ಣನ ಕ್ರೇಜ್ ಹಬ್ಬಿಕೊಂಡಿದೆ. ಒಂದು ವೇಳೆ ಲಿಯೋ ಏನದರೂ ನಿರಾಸೆ ಮೂಡಿಸಿದರೆ, ಘೋಸ್ಟ್ ತಂತಾನೇ ಆ ಸ್ಥಾನವನ್ನು ಆವರಿಸಿಕೊಳ್ಳಲಿದೆ. ಹಾಗೇನಾದರೂ, ಲಿಯೋ ಒಂದಷ್ಟು ಚೆಂದಗಿದ್ದರೂ ಘೋಸ್ಟ್ ಗೆ ಹೇಳಿಕೊಳ್ಳುವಂಥಾ ಹಿನ್ನಡೆಯಾಗಲಾರದು. ಇದೆಲ್ಲದರಿಂದಾಗಿ ಘೋಸ್ಟ್ ಈ ಬಾರಿ ಕರ್ನಾಟಕದಲ್ಲಿ ಮಾತ್ರವಲ್ಲದೆ, ಬೇರೆ ರಾಜ್ಯಗಳ್ಲಿಯೂ ಬಿಗ್ ಬಜೆಟ್ ಚಿತ್ರಗಳಿಗೆ ಗುಮ್ಮೋದು ಖರೇ!

The post ghost v\s leo fight: ಧಳಪತಿಯ ತಳದಲ್ಲಿ ಹೇಳಲಾರದ ತಳಮಳ! appeared first on Cini Shodha.

ಲೋಕೇಶ್ ಕನಕರಾಜನ್ ಇದೀಗ ಸ್ಟಾರ್ ನಿರ್ದೇಶಕನಾಗಿ ಬದಲಾಗಿದ್ದಾರೆ. ಸಿನಿಮಾವೊಂದನ್ನು ಪ್ಯಾನಿಂಡಿಯಾ ಮಟ್ಟದಲ್ಲಿ ಮೊರೆಯುವಂತೆ ಕಟ್ಟಿ ನಿಲ್ಲಿಸುವ ಈ ಹುಡುಗನ ಛಾತಿ ಕಂಡು ಎಲ್ಲರೂ ಬೆರಗಾಗಿದ್ದಾರೆ. ಈ ಹಿಂದೆ ವಿಕ್ರಮ್ ಮೂಲಕ ದೊಡ್ಡ ಮಟ್ಟದ ಗೆಲುವು ದಾಖಲಿಸಿದ ಲೋಕೇಶ್, ಲಯೋ ಮೂಲಕ ಅದನ್ನು ಮರಿಸುವಂಥ ಮತ್ತೊಂದು ಗೆಲುವಿನತ್ತ ಕೈಚಾಚಿದ್ದಾರೆ. ಲಿಯೋ ಫಸ್ಟ್ ಲುಕ್, ಟ್ರೈಲರ್‌ಗಳಿಗೆ ಸಿಕ್ಕಿರುವ ರೆಸ್ಪಾನ್ಸ್ ಕಂಡು ಖುಷಿಗೊಂಡಿರುವ ಚಿತ್ರತಂಡವೀಗ ಈ ಸಿನಿಮಾದ ಪಾರ್ಟ್೨ಗೂ ಸಿದ್ಧತೆ ಮಾಡಿಕೊಳ್ಳುತ್ತಿದೆ. ಇಂಥಾದ್ದೊಂದು ಅಧಿಕೃತ ಮಾಹಿತಿಯೀಗ ಜಾಹೀರಾಗಿದೆ.

ಯಶ್ವಸ್ವೀ ಸಿನಿಮಾಗಳ ಸೀಕ್ವೆಲ್ ಬರೋದು ಮಾಮೂಲು. ಆದರೆ, ಬಿಡುಗಡೆಗೊಂಡು, ಸಿಗುವ ಪ್ರತಿಕ್ರಡುವ ತನಕ ಆ ಬಗ್ಗೆ ಮಾತಾಡುವ ಧೈರ್ಯವನ್ನು ಸಿನಿಮಾ ಮಂದಿ ಮಾಡೋದು ಅಪರೂಪ. ಆದರೆ, ಲೋಕೇಶ್ ಕನಕರಾಜನ್ ಮತ್ತವರ ತಂಡಕ್ಕೆ ಲಿಯೋ ದೊಡ್ಡ ಮಟ್ಟದಲ್ಲಿ ಗೆಲ್ಲುವ ಭರವಸೆ ಇದೆ. ಆ ಕಾರಣದಿಂದಲೇ ಎರಡನೇ ಭಾಗಕ್ಕೂ ಸರಿಕಟ್ಟಾದ ತಯಾರಿ ಮಾಡಿಕೊಂಡಿದ್ದಾರಂತೆ. ಅದರ ಶೂಟಿಂಗಿಗೂ ಕೂಡ ಪ್ಲಾನು ಈಗಾಗಲೇ ರೆಡಿಯಾಗಿದೆ. ವಿಜಯ್ ಕೂಡಾ ಇದಕ್ಕೆ ಓಕೆ ಅಂದಿದ್ದಾರಂತೆ. ಹಾಗಂತ, ಲಿಯೋ ಬಿಡುಗಡೆಗೊಂಡ ಬೆನ್ನಿಗೇ ಪಾರ್ಟ್ ೨ ಶುರುವಾಗೋದಿಲ್ಲ. ೨೦೨೫ರ ಆರಂಭದಲ್ಲಿಯೇ ಲಿಯೋ ಪಾರ್ಟ್ ೨ ಚಾಲೂ ಆಗಲಿದೆಯಂತೆ!

The post leo movie updates: ಲೋಕೇಶ್ ಕನಕರಾಜ್ ಆಲೋಚನೆಯೇ ಬೇರೆ! appeared first on Cini Shodha.