ಈಗಂತೂ ನಾಯಿ ಸತೀಶ ಕಿಚ್ಚನಿಗೇ ಕಚ್ಚಲು ಅಣಿಯಾಗಿ ನಿಂತು ಬಿಟ್ಟಿದ್ದಾನೆ. ಬಹುಶಃ ಪ್ರಥಮ್ ಎಂಬಾತನನ್ನು ಹೊರತುಪಡಿಸಿದರೆ ಬಿಗ್ ಬಾಸ್ ಮನೆಯಿಂದ ಹೊರ ಬಂದ ನಂತರ ಜನಸಾಮಾನ್ಯರ ಜೀವ ತಿಂದವರಲ್ಲಿ ನಾಯಿ ಸತೀಶನೇ ಉತ್ತುಂಗದಲ್ಲಿದ್ದಾನೆ. ಸದಾ ಚಾಲ್ತಿಯಲ್ಲಿರಬೇಕೆಂಬ ಇಂಥಾದ್ದೇ ತಲುಬು ಪ್ರಥಮ್‌ಗೆ ಅಮರಿಕೊಂಡಿತ್ತು. ಅದರ ಸಲುವಾಗಿಯೇ ಒಂದಷ್ಟು ಎಡವಟ್ಟು ಮಾಡಿಕೊಂಡಿದ್ದ ಪ್ರಥಮ ಇತ್ತಿತ್ತಲಾಗಿ ತೆಪ್ಪಗಾದಂತಿದೆ. ಆದರೆ, ನಾಯಿ ಸತೀಶನ ಪ್ರವರಗಳು ಮಾತ್ರ ಅನೂಚಾನವಾಗಿ ಮುಂದವರೆಯುತ್ತಿವೆ. ಮಾಧ್ಯಮಗಳ ಮುಂದೆ ಶರ್ಟಿನ ಕಾಲರು ಜಗ್ಗಿ ಲಕ್ಷ ಕೋಟಿಯ ಕಥೆ ಪುಂಗುವ ಈ ಅವಿವೇಕಿಯೀಗ ಸ್ಟಾರ್ ನಟ ಸುದೀಪ್ ಮಾನವನ್ನೂ ಹರಾಜಿಗಿಡುವ ಕೆಲಸ ಮಾಡುತ್ತಿದ್ದಾನೆ.

ಇಂಥವನ ವಿರುದ್ಧ ರಜತ್, ವಿನಯ್ ಮುಂತಾದವರು ಸೆಟೆದೆದ್ದು ನಿಂತಿದ್ದಾರೆ. ಸುದೀಪ್‌ರನ್ನು ಮುಟ್ಟಬೇಕೆಂದರೆ ಈ ಎಂಟೆದೆಯ ಬಂಟರನ್ನು ದಾಟಿಕೊಂಡು ಹೋಗಬೇಕು ಅಂತೆಲ್ಲ ಮಾಸ್ ಡೈಲಾಗಿನ ಕಾಮಿಡಿಕ ಮಾಡಲಾರಂಭಿಸಿದ್ದಾರೆ. ತಮಾಶೆಯೆಂದರೆ, ಈಗ ಯಾವ ನಾಯಿ ಸತೀಶ ಹುಚ್ಚು ನಾಯಿ ಕಡಿದಂತಾಡುತ್ತಿದ್ದಾನೋ, ಆತನನ್ನು ಮುಖ್ಯಭೂಮಿಕೆಗೆ ತಂದು ಬಿಟ್ಟಿದ್ದರಲ್ಲಿ ಕಿಚ್ಚನ ಪಾತ್ರವೇನು ಕಡಿಮೆ ಇದೆಯಾ? ಇದುವರೆಗೂ ಬಿಗ್ ಬಾಸ್ ಶೋ ಬಗ್ಗೆ ಅಪಸ್ವರವೆದ್ದಾಗೆಲ್ಲ ತನ್ನ ಅತಿಬುದ್ಧಿವಂತಿಕೆಯ ಮಾತುಗಳ ಮೂಲಕ ಜಾರಿಕೊಳ್ಳುತ್ತಾ ಬಂದಿದ್ದವರು ಕಿಚ್ಚ. ಇಂಥಾ ಕಿಚ್ಚಾ ಬಿಗ್ ಬಾಸ್ ಮನೆಗೆ ಹುಚ್ಚರನ್ನು ಸೇರಿಸಿಕೊಳ್ಳೋದರ ಬಗ್ಗೆ ಪ್ರಶ್ನೆ ಎದುರಾದಾಗ ನಾವೂ ಹುಚ್ಚರೆ ಅನ್ನುವ ಮೂಲಕ ಮೀಸೆಯ ಮೊನೆಯಲ್ಲಿ ಹುಳ್ಳಗೆ ನಕ್ಕಿದ್ದನ್ನು ಯಾರೂ ಮರೆತಿಲ್ಲ.

ದ್ರೋನ್ ಪ್ರತಾಪನಂಥಾ ಪುಂಗುವೀರರನ್ನು, ಬುಲೆಟ್ ರಕ್ಷಕ್ ಥರದ ಎಳಸು ಕುನ್ನಿಗಳನ್ನು, ಸೋನು ಗೌಡಳಂಥವರನ್ನೆಲ್ಲ ತಂದು ಒಟ್ಟಿಕೊಂಡು ಅದ್ಯಾವ ಸೀಮೆಯ ಸಾಧನೆ ಮಾಡಿದರೋ ಸುದೀಪ್? ಅದು ಅವರಿಗೆ ಮಾತ್ರವೇ ಗೊತ್ತಿರಲು ಸಾಧ್ಯ. ಅಷ್ಟಕ್ಕೂ ಈ ನಾಯಿ ಸತೀಶ ನೂರು ಕೋಟಿ ನಾಯಿಯ ಕಥೆ ಒದರುತ್ತಲೇ ಪ್ರವರ್ಧಮಾನಕ್ಕೆ ಬಂದಿದ್ದ. ಈತನ ಬಡಾಯಿಗಳ ಬಗ್ಗೆ ಜಗತ್ತಿಗೆಲ್ಲ ಗೊತ್ತಾಗಿ ಹೋಗಿತ್ತು. ಇಂಥವನನ್ನು ಸುದೀಪ್ ನಡೆಸುವ ಶೋವೊಂದಕ್ಕೆ ಸೇರಿಸಿಕೊಳ್ಳುತ್ತಾರೆಂದರೆ ಅದಕ್ಕಿಂತಲೂ ನಾಚಿಕೆಗೇಡಿನ ವಿಚಾರ ಬೇರೇನಿದೆ? ಹೀಗೆ ಸುದೀಪ್ ಕಾರಣದಿಂದಲೇ ಮುಂಚೂಣಿಗೆ ಬಂದ ನಾಯಿ ಸತೀಶ ಇದೀಗ ಕಿಚ್ಚನಿಗೇ ಕಚ್ಚಲು ತಯಾರಾಗಿ ನಿಂತಿದ್ದಾನೆ. ಸುದೀಪ್‌ಗೇನು ಕೋಡಿದೆಯಾ ಅಂತೆಲ್ಲ ಕಂಡ ಕಂಡಲ್ಲಿ ಒದರಲಾರಂಭಿಸಿದ್ದಾನೆ, ಅಂತೂ ಕಿಚ್ಚನ ಘನತೆಯನ್ನು ನೂರು ಕೋಟಿಯ ಜೂಲುನಾಯಿಯ ಒಡೆಯ ನಾಯಿ ಸತೀಶ ಬೀದಿಗೆ ತಂದಿದ್ದಾನೆ. ಇದರ ಹಿಂದಿರೋ ಅಸಲೀ ತಪ್ಪು ಯಾರದ್ದು? ಈ ಪ್ರಶ್ನೆಗೆ ಕಿಚ್ಚಾ ಸುದೀಪ ಉತ್ತರ ಹುಡುಕಬಹುದಾ?

keywords: kiccha sudeep, dog sathish controvercy, rajath, vinay gowda, biggboss season12, sandalwood

The post Dog Sathish v/s Kiccha Sudeep: ಅತೀ ಬುದ್ಧಿವಂತ ಸುದೀಪ್ ಈಗೇನಂತಾರೆ? appeared first on Cini Shodha.

ಬಿಗ್‌ಬಾಸ್ ಎಂಬುದು ವ್ಯಕ್ತಿತ್ವಗಳ ನಡುವಿನ ಆಟ ಎಂಬಂತೆ ಆಯೋಜಕಲರು ಹೇಳುತ್ತಾರೆ. ಇಂಥಾ ವ್ಯಕ್ತಿತ್ವಗಳ ನಡುವೆ ಇಷ್ಟೂ ಸೀಜನ್ನುಗಳಲ್ಲಿ ವಿಕೃತಿಗಳೂ ಅನಾವರಣಗೊಂಡಿವೆ. ಆದರೆ, ಮನುಷ್ಯರನ್ನು ಮನುಷ್ಯರಂತೆ ಕಾಣಲಾರದ ಜಾತಿ ಬೇಸಿನ ವಿಕೃತಿ ಮಾತ್ರ ಇದುವರೆಗೂ ಕಾಣಿಸಿರಲಿಲ್ಲ. ಅಂಥಾದ್ದೊಂದು ಅಸಹ್ಯಕರ ವಿದ್ಯಮಾನದ ಕೇಂದ್ರಬಿಂದುವಾಗಿರುವಾಕೆ ಅಶ್ವಿನಿ. ಒಂದು ಕಾಲದಲ್ಲಿ ನಟಿಯಂತಿದ್ದು, ನಂತರದ ದಿನಗಳಲ್ಲಿ ಕನ್ನಡ ಪರ ಹೋರಾಟಗಾರ್ತಿಯಾಗಿ ರೂಪಾಂತರಗೊಂಡಿದ್ದಾಕೆ ಅಶ್ವಿನಿ. ಒಂದಷ್ಟು ಪ್ರೌಢಿಮೆ ಹೊಂದಿರುವಂತೆ ಕಾಣಿಸುತ್ತಿದ್ದ ಈಕೆ ಪುಟ್ಟ ಹುಡುಗಿ ರಕ್ಷಿತಾಳನ್ನು ಟಾರ್ಗೆಟ್ ಮಾಡಿದ ರೀತಿ, ತನಗೆ ಪರಿಶಿಷ್ಟ ಜಾತಿಯವರನ್ನ ಕಂಡರಾಗೋದಿಲ್ಲ, ಅವುಗಳ ಕಥೆ ಇಷ್ಟೆ ಎಂಬಂಥಾ ಪಿಸುಮಾತುಗಳ ಮೂಲಕ ಈಕೆಯ ಅಸಲೀ ವ್ಯಕ್ತಿತ್ವ ಅನಾವರಣಗೊಂಡಿದೆ.

ಹೀಗೆ ಬಿಗ್ ಬಾಸ್‌ನಂಥಾ ದೊಡ್ಡ ಶೋ ಮೂಲಕ ಜಾತಿ ನಿಂದನೆ ಮಾಡಿದ ಅಶ್ವಿನಿ ವಿರುದ್ಧ ಈಗ ದೂರು ದಾಖಲಾಗಿದೆ. ಆಕೆ ಬಿಗ್ ಬಾಸ್ ಮನೆಯ ಹಿತ್ತಿಲಿಂದ ಹೊರ ಬಂದು ಕ್ಷಮೆ ಕೇಳಿ ಮತ್ತೆ ತೂರಿಕೊಳ್ಳಬಹುದು. ಆದರೆ, ತನ್ನ ಮಾತುಗಳಿಂದಲೇ ಆಸ್ವಿನಿ ಮಾಡಿಕೊಂಡ ಯಡವಟ್ಟು ಬಿಗ್ ಬಾಸಿಂದ ಬಂದ ಮೇಲೂ ಕಾಡಲಿದೆ. ಕೆಲ ಅವಿವೇಕಿಗಳು ಈಗ ಎಲ್ಲಿದೆ ಜಾತಿ ಅಂತೆಲ್ಲ ಹ್ಞೂಂಕರಿಸುತ್ತಾರೆ.. ಜಗತ್ತು ಮುಂದುವರೆದರೂ ಜಾತಿ ವಿಷ ಮನಸುಗಳಿಗೆ ಹೇಗೆ ಬೆರೆಸಲ್ಪಟ್ಟಿದೆ ಅನ್ನುವುದಕ್ಕೆ ಅಶ್ವಿನಿಯ ಮೆಂಟಾಲಿಟಿಯೇ ಸಾಕ್ಷಿ.ತನ್ನ ಜೊತೆಗಾರ ಸ್ಪರ್ಧಿಯ ಮೇಲೆ ಜಾತಿ ಭೂಮಿಕೆಯಲ್ಲಿ ಹೇಸಿಗೆ ವ್ಯಕ್ತಪಡಿಸುತ್ತಾಳೆಂದರೆ, ಈಕೆಯನ್ನು ಹೋರಾಟಗಾರ್ತಿ ಅಂತಿರಲಿ; ಮನುಷ್ಯಳಾಗಿಯೂ ಒಪ್ಪಿಕೊಳ್ಳಲು ಸಾಧ್ಯವಿಲ್ಲ!

The post Biggboss Ashwini Controvercy: ದುರಹಂಕಾರ ಕಾರಿಕೊಂಡವಳಿಗೆ ಕಾನೂನು ಕಂಟಕ! appeared first on Cini Shodha.

ಸಿನಿಮಾ ಮತ್ತು ರಾಜಕಾರಣದ ನಡುವೆ ನೇರ, ಸುಪ್ತವಾದ ನಂಟುಗಳಿದ್ದಾವೆ. ಲೇಟ್ ನೈಟ್ ಪಾರ್ಟಿಗಳಲ್ಲಿ ರಾಜಕಾರಣಿಗಳ ಭಂಟರು ಠಳಾಯಿಸೋದು, ಅಂಥವರ ನಡುವೆ ಚಿತ್ರರಂಗದ ಕಾಲ್ಗೆಜ್ಜೆ ಘಲ್ಲೆಂದು, ಆ ಶಬ್ಧ ರಸಿಕ ರಾಜಕಾರಣಿಗಳ ಅಂತಃಪುರದಲ್ಲಿಯೂ ಅನುರಣಿಸೋದೇನು ಹೊಸತಲ್ಲ. ಇಂಥಾ ನಂಟನ್ನೇ ರಾಜಕಾರಣದ ಮೈಲೇಜು ಗಿಟ್ಟಿಸಿಕೊಳ್ಳಲು ಬಳಸಿಕೊಳ್ಳಲು ಘಟಾನುಘಟಿ ರಾಜಕಾರಣಿಗಳೇ ಮುಂದಾಗೋದಿದೆ. ಹೇಳಿಕೇಳಿ ಉಪಮುಖ್ಯಮಂತ್ರಿ ಡಿ.ಕೆ ಶಿವಕುಮಾರ್ ಅಂಥಾ ಪಟ್ಟುಗಳನ್ನು ಪಳಗಿಸಿಕೊಂಡಿರುವ ರಾಜಕಾರಣಿ. ಇಂಥಾ ಡಿಕೆಶಿ ಸಿನಿಮಾ ಸಂಬಂಧಿತ ಕಾರ್ಯಕ್ರಮವೊಂದನ್ನು ಮಾಡಿದಾಗ ಸ್ಟಾರ್ ನಟರ್‍ಯಾರೂ ಅದರಲ್ಲಿ ಭಾಗಿಯಾಗಿರಲಿಲ್ಲ. ಅರಿಂದ ರೊಚ್ಚಿಗೆದ್ದ ಡಿಕೆಶಿ ನಟ್ಟು ಬೋಲ್ಟು ಟೈಟ್ ಮಾಡೋ ಮಾತಾಡಿದ್ದರು. ಈಗ ಬಿಗ್ ಬಾಸ್‌ಗೆ ಬಿದ್ದಿರೋ ಬೀಗಮುದ್ರೆಯ ಹಿಂದೆ ಡಿಕೆಶಿಯ ಹಳೇ ಸಿಟ್ಟಿನ ಕಿಸುರಿದೆಯಾ? ಅದರ ಭಾಗವಾಗಿಯೇ ಬಿಡದಿಯಲ್ಲಿರೋ ಬಿಗ್ ಬಾಸ್ ಎದೆ ಮೇಲೆ ಕನಕಪುರ ಬಂಡೆ ಬಂದು ಬಿದ್ದಂತಾಗಿದೆಯಾ? ಅದ್ಯದ ಮಟ್ಟಿಗೆ ಅಂಥಾದ್ದೊಂದು ಗುಮಾನಿ ತೀವ್ರಗೊಂಡಿದೆ.

ಡಿಕೆಶಿ ಆಡಿದ ಮಾತುಗಳ ಬಗ್ಗೆ ಸಂದರ್ಶನವೊಂದರಲ್ಲಿ ಕಿಚ್ಚಾ ವಸುದೀಪ ಟಾಂಗ್ ಕೊಡುವಂಥಾ ಮಾತಾಡಿದ್ದರು. ಸಿನಿಮಾ ಜಗತ್ತಿನೊಳಗೆ ಈಜಾಡಿದವರು ಮಾತ್ರವೇ ನಟ್ಟು ಬೋಲ್ಟು ಟೈಟ್ ಮಾಡೋಕೆ ಸಾಧ್ಯ ಎಂಬಂರ್ಥದಲ್ಲಿ ಮಾತಾಡಿದ್ದರು. ಆ ಘಳಿಗೆಯಲ್ಲಿ ಕಿಚ್ಚನಿಗೆ ಡಿಕೆ ಸಾಹೇಬ ತನ್ನ ಮಾತನ್ನು ಲೈಟ್ ಆಗಿ ತೆಗೆದುಕೊಳ್ಳಬಹುದೆಂಬ ನಿರೀಕ್ಷೆ ಇತ್ತೇನೋ… ಆದರೆ, ಡಿಕೆಶಿಯ ರಾಜಕೀಯ ದಾಳಗಳ ರೂಹುಗಳನ್ನು ಬಲ್ಲವರ್‍ಯಾರೂ ಕಿಚ್ಚನ ನಿರೀಕ್ಷೆಯನ್ನು ಒಪ್ಪಿಕೊಳ್ಳಲು ಸಾಧ್ಯವಿಲ್ಲ. ಓರ್ವ ಸ್ಟಾರ್ ನಟ ತನ್ನ ವಿರುದ್ಧ ಮಾತಾಡಿದ್ದಾನೆಂದ ಮೇಲೆ ಅದನ್ನು ಜನಸಾಮಾನ್ಯರೂ ಗಮನಿಸುತ್ತಾರೆ. ಅದಕ್ಕೊಂದು ತಿರುಮಂತ್ರ ಬಿಡದೇ ಹೋದರೆ ತನ್ನ ಘನತೆಗೆ ಕುತ್ತಾಗುತ್ತದೆಂದುಕೊಂಡ ಡಿಕೆಶಿ ಕಾದು ಮಾಂಜಾ ಕೊಟ್ಟಿರುವ ಸಾಧ್ಯತೆಗಳೇ ಹೆಚ್ಚಾಗಿವೆ. ಈ ಒಟ್ಟಾರೆ ವಿದ್ಯಮಾನದ ಹಿಂದೆ ಕಳೆದ ವಿಧಾನಸಭಾ ಚುನಾವಣಾ ಸಂದರ್ಭದ ಪಲ್ಲಟಗಳ ಪಾತ್ರವಿದ್ದರೂ ಅಚ್ಚರಿಯೇನಿಲ್ಲ!

ಹಾಗಂತ, ಡಿಕೆಶಿ ಜಿದ್ದಿನ ಪರಿಣಾಮವಾಗಿಯೇ ಬಿಗ್ ಬಾಸ್ ಎಂಬೋ ನಿಮ್ಹಾನ್ಸ್ ಬ್ರ್ಯಾಂಚಿಗೆ ಬೀಗ ಬಿದ್ದಿದೆ ಅಂದುಕೊಂಡರೆ ತಪ್ಪಾದೀತು. ಬಿಗ್ ಬಾಸ್ ಮನೆಯೊಳಗಿನ ತ್ಯಾಜ್ಯಗಳನ್ನು ಬೇಕಾಬಿಟ್ಟಿ ಹೊರಚೆಲ್ಲುತ್ತಿರೋದರ ಬಗ್ಗೆ ಮಾಲಿನ್ಯ ನಿತಂತ್ರಣಾ ಮಂಡಳಿ ಎಂಟು ತಿಂಗಳ ಹಿಂದೆಯೇ ನೊಟೀಸು ಕೊಟ್ಟಿತ್ತು. ಇಷ್ಟೂ ವರ್ಷಗಳ ಕಾಲ ನೀತಿ ನಿಯಮಾವಳಿಗಳನ್ನು ಗಾಳಿಗೆ ತೂರಿ ನಡೆಯುತ್ತಿದ್ದ ಈ ಶೋನ ಆಯೋಜಕರು ಅದನ್ನು ಗಂಭೀರವಾಗಿ ಪರಿಗಣಿಸಿರಲಿಲ್ಲ. ಇಂಥಾದ್ದೊಂದು ಕಾನೂನಾತ್ಮಕ ಪ್ರಕ್ರಿಯೆಯನ್ನು ರಾಜಕೀಯ ಹಿತಾಸಕ್ತಿಗಳೊಂದಿಗೆ ಕಾರ್ಯಗತಗೊಳಿಸಿದ್ದರೆ ಅದರಲ್ಲಿ ಅಚ್ಚರಿ ಪಡುವಂಥಾದ್ದೇನೂ ಇಲ್ಲ.

ಇನ್ನು ಕೊಂಚ ಹೊರಳಿ ನೋಡಿದರೆ, ಕಳೆದ ವಿಧಾನಸಭಾ ಚುನಾವಣೆಯಲ್ಲಿ ಏಕಾಏಕಿ ಕಿಚ್ಚಾ ಸುದೀಪ ಪ್ರಚಾರದ ಅಖಾಡಕ್ಕಿಳಿದಿದ್ದರು. ಮಾಮಾ ಮಾಮಾ ಅನ್ನುತ್ತ ಬೊಮ್ಮಣ್ಣನ ಹಿಂಚುಮುಂಚಲ್ಲಿ ಕಾಣಿಸಿಕೊಂಡಿದ್ದರು. ತನ್ನ ಪ್ರೀತಿಯ ಮಾಮನನ್ನು ಮತ್ತೊಮ್ಮೆ ಅಧಿಕಾರಕ್ಕೇರಿಸಲು ಏನು ಮಾಡಲೂ ಸಿದ್ಧ ಎಂಬಂತೆ ಮಾತಾಡಲಾರಂಭಿಸಿದ್ದರು. ಹೇಳಿಕೇಳಿ ಆಗ ಸಿಎಂ ಆಗಿಕದ್ದ ಬೊಮ್ಮಣ್ಣ ಅತ್ಯಂತ ಕಳಪೆ ಆಡಳಿತ ನಡೆಸಿದ್ದರು. ಅತ್ಯಂತ ಭ್ರಷ್ಟಾಚಾರ ಹೊಂದಿದ ಕಾಲಾವಧಿಯಾಗಿ ಬೊಮ್ಮಣ್ಣನ ಕಾಲಮಾನ ದಾಖಲಾಗಿತ್ತು. ಓರ್ವ ಜವಾಬ್ಧಾರಿಯುತ ನಟನಾಗಿ ಅಂಥಾ ಬೊಮ್ಮನಿಗೆ ಸಾಥ್ ನೀಡಿದ್ದ ಕಿಚ್ಚನ ನಡೆ ಟೀಕೆಗೆ ಗುರಿಯಾಗಿತ್ತು. ಈ ನಡೆ ಸಹಜವಾಗಿಯೇ ಗೆಲ್ಲುವ ಉಮೇದಿನಲ್ಲಿದ್ದ ಡಿಕೆಶಿ, ಸಿದ್ದು ಸೇರಿದಂತೆ ಕಾಂಗ್ರೆಸ್ ಪಟಾಲಮ್ಮಿನ ಕೆಂಗಣ್ಣಿಗೂ ಗುರಿಯಾಗಿತ್ತು. ಹುಚ್ಚು ಆಸಾಮಿಗಳನ್ನು ಬಿಗ್ ಬಾಸ್ ಮನೆಯಲ್ಲಿ ಕೂಡಿಹಾಕಿಕೊಂಡು ಬಿಟ್ಟಿ ಬಿಲ್ಡಪ್ಪು ಕೊಡುತ್ತಿದ್ದ ಕಿಚ್ಚನಿಗೆ ಆ ದಿಕ್ಕಿನಿಂದಲೂ ಒಂದು ಗುನ್ನ ಬಿದ್ದಿರಲೂ ಬಹುದು!

ಸದ್ಯದ ಮಟ್ಟಿಗೆ ಬಿಗ್‌ಬಾಸ್ ಎಂಬ ಬೂಸಾ ಶೋನ ಭವಿಷ್ಯ ಡೋಲಾಯಮಾನವಾಗಿದೆ. ಬೇರೆ ರಾಜ್ಯಗಳಲ್ಲಿ ಈ ಹಿಂದಿನಂತೆಯೇ ಶೋ ನಡೆಸಿ ಇಲ್ಲಿ ಪ್ರಸಾರ ಮಾಡುವ ಆಲೋಚನೆಯೂ ಚಾಲ್ತಿಯಲ್ಲಿದೆ. ಬಿಗ್ ಬಾಸ್ ಸ್ಪರ್ಧಿಗಳು ರೆಸಾರ್ಟ್ ಒಂದರಲ್ಲಿ ಎಣ್ಣೆ ಹೊಡೆಯುತ್ತಾ, ಧೂಮಲೀಲೆಗೆ ವಶವಾಗುತ್ತಾ ಕಾಲ ತಳ್ಳುತ್ತಿದ್ದಾರೆ. ನಾಜೂಕು ನಡೆಯ ಕಿಚ್ಚ ಆಕಸ್ಮಿಕವಾಗಿ ಆದ ಪ್ರಹಾರದಿಂದ ತತ್ತರಿಸಿದಂತಿದೆ. ಅವರ ಪ್ರೀತಿಯ ಮಾಮ ಬೊಮ್ಮಣ್ಣ ಕೂಡಾ ಈಗಾಗಲೇ ಅಳೀಮಯ್ಯನ ಪರವಾಗಿ ಡಿಕೆಶಿ ಬಳಿ ಸಂಧಾನ ನಡೆಸಿದ್ದಾರೆಂಬ ಮಾತೂ ಹರಿದಾಡುತ್ತಿದೆ. ಇದೆಲ್ಲದರಾಚೆಗೆ, ಒಂದು ವೇಳೆ ರಾಜಕೀಯ ಕಿಸುರಿನಿಂದಲೇ ಈ ಶೋ ನಿಂತಿದ್ದರೂ ಅದು ಈ ನೆಲದ ಮಂದಿಗೆ ಮಾಡಿದ ಉಪಕಾರವೇ. ಇದರ ಹಿಂದೆ ಡಿಕೆಶಿ ಸೇರಿಕದಂತೆ ಯಾರ ನೆರಳಿದ್ದರೂ ಕೂಡಾ, ಅವರಿಗೆ ಹುಚ್ಚರ ಸಂತೆಗೊಂದು ಅಂತ್ಯ ಹಾಡಿದ, ಆ ಮೂಲಕ ಕೊಳಕು ಅಭಿರುಚಿಯೊಂದನ್ನು ತೊಲಗಿಸಿದ ಪುಣ್ಯ ಖಂಡಿತವಾಗಿಯೂ ಸಂದಾಯವಾಗುತ್ತದೆ!

The post Bigg Boss Kannada12 House Locked: ಕೊಳಕು ಶೋ ಮೇಲೆ ಮುಗಿಬಿದ್ದ ಮಾಲಿನ್ಯ ನಿಯಂತ್ರಣಾ ಮಂಡಳಿ! appeared first on Cini Shodha.

ಈ ಬಾರಿಯ ಕಂಟೆಸ್ಟೆಂಟುಗಳ ಮಟ್ಟಿಗೆ ಹೇಳೋದಾದರೆ ಸಂಪೂರ್ಣ ಹುಚ್ಚರ ಸಂಖ್ಯೆ ಕಡಿಮೆಯಿದೆ. ಸೋಶಿಯಲ್ ಮೀಡಿಯಾ ಮೂಲಕ ಅಪದ್ಧ ಒದರಾಟ ನಡೆಸುವವರು, ಅದ್ಯಾವುದೋ ಯಕ್ಕಾಚಿಕ್ಕಿ ಕಾಪಿ ಮ್ಯೂಸಿಕ್ಕಿಗೆ ಗಂಟಲು ಹರಿಯುವಂತೆ, ಕಿವಿಯ ತಮಟೆ ಕಿತ್ತೆದ್ದು ಹೋಗುವಂತೆ ಅರಚಾಡುವವರು, ಅವನ್ಯಾವನೋ ಕೋಟಿ ಕಥೆ ಕಟ್ಟುವ ನಾಯಿ ಸತೀಶ, ನಟನೆಯ ಗಂಧ ಗಾಳಿಯೂ ಗೊತ್ತಿಲ್ಲದ ಕಿರುತೆರೆ ಸ್ಟಾರ್… ಬಿಗ್ ಬಾಸ್ ಮನೆಯೊಳಗೆ ಇಂಥಾ ಸರಕುಗಳದ್ದೇ ಮೇಲುಗೈ. ಕನ್ನಡದ ಸೂಪರ್ ಸ್ಟಾರ್ ಕಿಚ್ಚಾ ಸುದೀಪನ ಪಾಲಿಗೆ ಇಕನ್ನು ಮೂರು ತಿಂಗಳು ಇಂಥಾ ವಿಚಿತ್ರ ಪ್ರಾಣಿಗಳನ್ನು ಮೇಯಿಸುವ ಕೆಲಸ ನಿಕ್ಕಿ. ಕರ್ನಾಟಕದ ಬಡಪಾಯಿ ಪ್ರೇಕ್ಷಕರ ಪ್ರತೀ ದಿನ ಇವುಗಳ ತಾರಾತಿಗಡಿಗಳನ್ನು ಕಣ್ತುಂಬಿಕೊಳ್ಳುವ ಮಹಾಭಾಗ್ಯ ಪುಕ್ಕಟೆಯೆಂಬಂತೆ ಅಮರಿಕೊಂಡಿದೆ!

ಇದ್ದುದರಲ್ಲಿ ಎಲ್ಲರ ನಿರೀಕ್ಷೆಯಂತೆ ಪ್ರತಿಭಾವಂತ ಹುಡುಗ ಗಿಲ್ಲಿ ನಟ ಸ್ಪರ್ಧಿಯಾಗಿದ್ದಾನೆ. ಈತನ ಬಗ್ಗೆ ನಿರೀಕ್ಷೆ ಮೂಡುವುದಕ್ಕೂ ಕಾರಣಗಳಿದ್ದಾವೆ. ಇಂಥಾ ಕಾಮಿಡಿ ಶೋಗಳಲ್ಲಿ ನಟಿಸಿ ಸೈ ಅನ್ನಿಸಿಕೊಂಡವರು, ಕಾಮಿಡಿ ಕಿಲಾಡಿಗಳಡೆನ್ನಿಸಿಕೊಂಡ ಅನೇಕರು ಸ್ಕ್ರಿಫ್ಟ್ ಇಲ್ಲದೆ ನಗಿಸುವ ಛಾತಿ ಹೊಂದಿರುವುದಿಲ್ಲ. ಯಾರೋ ಬರೆದು ಕೊಟ್ಟ ಡೈಲಾಗುಗಳನ್ನು ಉರು ಹೊಡೆದು ಮೈಲೇಜು ಗಿಟ್ಟಿಸಿಕೊಂಡಿದ್ದ ಕುರಿಪ್ರತಾಪ ಇದೇ ವೇದಿಕೆಯಲ್ಲಿ ಏದುಸಿರು ಬಿಟ್ಟಿದ್ದ. ಕಡೆಕಡೆಗೆ ಈತ ನಗಿಸಲಾಗದೆ ಉಬುಕಾಡೋದೇ ಮಹಾನ್ ಕಾಮಿಡಿಯಂತಾಗಿತ್ತು. ಈ ಸೀಜನ್ನಿನಲ್ಲಿ ಚಂ ದ್ರಪ್ರಭ ಎಂಬ ಪ್ರತಿಭೆ ಕುರಿ ಪ್ರತಾಪನ ಸ್ಥಾನ ತುಂಬುವಂತಿದ್ದಾನೆ. ಕೆಟ್ಟಾಕೊಳಕು ಡೈಲಾಗುಗಳ ಮೂಲಕವೇ ಪ್ರಸಿದ್ಧನಾಗಿದ್ದ ಈತ ಅದರಾಚೆಗೆ ನಗಿಸುವ ಸಾಧ್ಯತೆಗಳು ಕಡಿಮೆ.

ಇಂಥಾ ಹೊತ್ತಿನಲ್ಲಿ ಗಿಲ್ಲಿನಟ ಭಿನ್ನವಾಗಿ ಕಾಣಿಸುತ್ತಾನೆ. ಯಾಕೆಂದರೆ, ಆತ ಸ್ವತಃ ಡೈಲಾಗುಗಳನ್ನು ಸೃಷ್ಟಿಸಿ ಗೆದ್ದವನು. ಹಲವಾರು ಶೋಗಳಲ್ಲಿ ತನ್ನ ಅಸಲೀ ಪ್ರತಿಭೆ ಸಾಬೀತುಪಡಿಸಿರುವವನು. ಆರಂಭಿಕವಾಗಿಯೇ ಗಿಲ್ಲಿ ಗೆಲ್ಲೋ ಸಾಧ್ಯತೆಗಳ ಬಗ್ಗೆ ಚರ್ಚೆಗಳಾಗುತ್ತಿವೆ. ಇನ್ನುಳಿದಂತೆ ಗೀತಾ ಸೀರಿಯಲ್ಲಿನ ನಾಯಕನಾಗಿದ್ದ ಧನುಷ್ ಗೌಡ ನಟನಾಗುವ ಹಾದಿಯಲ್ಲಿನ್ನೂ ಫರ್ಲಾಂಗುಗಟ್ಟಲೆ ಸಾಗೋದಿದೆ. ಗೀತಾ ಸೀರಿಯಲ್ಲಿನ ಮಾಸ್ ಸೀನುಗಳಲ್ಲಿ ಮುಕ್ಕರಿದು ನಟಿಸಲು ಹರಸಾಹಸ ಪಡುತ್ತಿದ್ದ ಈತನ ಬಗ್ಗೆ ಹೆಚ್ಚಿನ ನಿರೀಕ್ಷೆಗಳಿಲ್ಲ. ಇನ್ನು ಹಂತ ಹಂತವಾಗಿ ಅತ್ತು ಬಿಗ್ ಬಾಸ್ ಮನೆಯನ್ನು ರಂಗೇರಿಸಲೆಂದೇ ಒಂದಷ್ಟು ನಟೀಮಣಿಯರನ್ನು ತುಂಬಿಕೊಳ್ಳಲಾಗಿದೆ. ಒಂದು ಕಾಲದಲ್ಲಿ ಆಂಕರ್ ಆಗಿ ಹೆಸರಾಗಿದ್ದ ಜಾನ್ವಿ ಬಗ್ಗೆಯೂ ಹೆಚ್ಚಿನ ನಿರೀಕ್ಷೆಗಳಿದ್ದಂತಿಲ್ಲ.

ಅಷ್ಟಕ್ಕೂ ಈ ಬಿಗ್ ಬಾಸ್ ಅನ್ನೋದೇ ಒಂದು ಭ್ರಾಮಕ ಶೋ. ಇದರಲ್ಲಿ ಮುಸುಡಿ ತೋರಿಸಿದವರು ವಿಶ್ದವಪ್ರಸಿದ್ಧಿ ಹೊಂದಿ ಬಿಡುತ್ತಾರೆಂಬ ಭ್ರಮೆ ಇದೆ. ಆದರೆ, ಒಂದು ಸೀಜನ್ನಿನಲ್ಲಿ ಸ್ಪರ್ಧಿಯಾಗಿದ್ದವರು ಮತ್ತೊಂದು ಸೀಜನ್ನಿನ ಹೊತ್ತಿಗೆ ಮರೆತೇ ಹೋಗುತ್ತಾರೆ. ಇಷ್ಟೂ ಸೀಜನ್ನುಗಳಲ್ಲಿ ಈ ಶೋನಿಂದ ಉದ್ದಾರಾದವರನ್ನು ದುರ್ಬೀನು ಹಾಕಿಕೊಂಡು ಹುಡುಕಿದರೂ ಸಿಗೋದು ಕಷ್ಟ. ತಿಕ್ಕಲುತನವನ್ನೇ ಬಂಡವಾಳವಾಗಿಸಿಕೊಂಡ ಬಿಗ್ ಬಾಸ್ ಪ್ರಾಡಕ್ಟುಗಳಂತೂ ಊರು ತುಂಬಾ ಇಟ್ಟಾಡುತ್ತಿವೆ. ಆ ಸಾಲಿನಲ್ಲಿ ಪ್ರಥಮ್ ಮತ್ತು ಕಿರಿಕ್ ಕೀರ್ತಿಯದ್ದು ಮುಂಚೂಣಿ ಸ್ಥಾನ. ಪ್ರಥಮ ಮತ್ತು ಕಿರಿಕ್ಕಿಗೆ ಮಾತಢೇ ಬಂಡವಾಳ. ಈ ಕೀರ್ತಿಯಂತೂ ಆಯಾ ಕಾಲಕ್ಕೆ ಪ್ರಚಾರ ಸಿಗಬಹುದಾದ ಟೊಂಗೆಯೊಂದಕ್ಕೆ ಛಕ್ಕನೆ ಹಾರಿ ಕೂರುವ ಓತಿಕ್ಯಾತದಂಥವನು. ಅಷ್ಟು ಭೀಕರವಾಗಿ ಅತ್ಯಾಚಾರಕ್ಕೀಡಾಗಿ ಸತ್ತ ಸೌಜನ್ಯಾಳದ್ದು ಪವಿತ್ರ ಸಾವೆಂಬ ಈತ ಪರಮ ನೀಚ.

ಇಂಥಾ ಅಯೋಗ್ಯರನ್ನೇ ಹೆಚ್ಚಾಗಿ ಸೃಷ್ಟಿಸಿದ ಬಿಗ್ ಬಾಸ್ ಶೋ ಬಗ್ಗೆ ಯಾರೂ ಗಂಭೀರವಾದ ನಿರೀಕ್ಷೆ ಇಟ್ಟುಕೊಳ್ಳಲು ಸಾಧ್ಯವಿಲ್ಲ. ಬೀದಿ ಬದಿಯಲ್ಲೆಲ್ಲೋ ಸರ್ಕಸ್ಸು ನಡೆಯುತ್ತಿದ್ದರೆ ಸುಮ್ಮನೆ ಅರೆಘಳಿಗೆ ನಿಂತು ನೋಡಿ ಹೊರಡುತ್ತೇವಲ್ಲ? ಅಂಥಾದ್ದೊಂದು ಕ್ಷಣಿಕ ಕುತೂಹಲಕ್ಕೆ ಮಾತ್ರವೇ ಅರ್ಹವಾದ ಶೋ ಇದು. ಖಂಡಿತವಾಗಿಯೂ ಈ ಬಾರಿ ಒಂದಷ್ಟು ಬದಲಾವಣೆಗಳಿರುತ್ತವೆ. ಟಾಸ್ಕುಗಳಲ್ಲಿಯೂ ಅದು ಇಣುಕಬಹುದೇನೋ. ಈ ಬಾರಿ ಶುರುವಾತಿಗಿಂತಲೂ ಮುನ್ನವೇ ಸ್ಪರ್ಧಿಗಳ ಗುರುತು ಬಯಲಾಗಿರೋದನ್ನೇ ಕಿಚ್ಚಗಾರು ಹೊಸತನ ಎಂಬಂತೆ ಸಂಭ್ರಮಿಸುತ್ತಿದ್ದಾರೆ. ಇಂಥಾ ಸಂಭ್ರಮಗಳೊಂದಿಗೆ ಇನ್ನು ಮೂರು ತಿಂಗಳ ಬಿಗ್ ಬೂಸಾ ಸಂಪನ್ನಗೊಳ್ಳಲಿದೆ!

The post Biggboss Season12: ಹೊಸಾ ವೇಷದಲ್ಲಿ ಬಿಗ್ ಬೂಸಾ! appeared first on Cini Shodha.

ಇದೀಗ ಆ ಕಾರ್ಖಾನೆಗೆ ಯಾರ್‍ಯಾರು ಸೇರಿಕೊಳ್ಳುತ್ತಾರೆಂಬ ಬಗ್ಗೆ ಅಂತೆ ಕಂತೆಗಳು, ಊಹಾಪೋಹಗಳು ಹರಿದಾಡುತ್ತಿವೆ. ಆ ಸಾಲಿನಲ್ಲೀಗ ನಟ ನಟಿಯರೂ ಸೇರಿದಂತೆ ಒಂದಷ್ಟು ಮಂದಿಯ ಹೆಸರುಗಳು ಕೇಳಿ ಬರುತ್ತಿವೆ. ಅಷ್ಟಕ್ಕೂ ಈ ಶೋನ ಮೂಲ ಪರಿಕಲ್ಪನೆ ನಮ್ಮ ದೇಶದ್ದಲ್ಲ. ಆದರೆ, ಅದರ ಮೂಲಕ ಸತ್ವ ಮನುಷ್ಯ ಸಹಜ ಕೌತುಕಗಳನ್ನು ತಣಿಸುವಂತಿದೆ. ಭಿನ್ನ ಬಗೆಯ ಒಂದಷ್ಟು ವ್ಯಕ್ತಿಗಳನ್ನು ತಿಂಗಳುಗಟ್ಟಲೆ ಒಂದೇ ಮನೆಯಲ್ಲಿ ಕೂಡಿಡುವ, ಅದನ್ನು ಮನೋರಂಜನಾತ್ಮಕ ಪಥದಲ್ಲಿ ಕೊಂಡೊಯ್ಯೋ ಸೂತ್ರ ಈ ಶೋನದ್ದು. ಕನ್ನಡದ ಮಟ್ಟಿಗೆ ಹೇಳೋದಾದರೆ, ಆ ಮಾಮೂಲಿ ಶೈಲಿ ಕಾನ್ಸೆಪ್ಟು ಯಾವತ್ತೋ ಬೋರು ಹೊಡೆದಿದೆ. ಪ್ರತೀ ಸೀಜನ್ನಿನಲ್ಲಿಯೂ ಹೊಸತನದ ಪುಂಗಿ ಊದಲಾಗುತ್ತದಾದರೂ ಅವ್ಯಾವುವೂ ಫಲಪ್ರದವಾಗಿಲ್ಲ.

ಈಗ ವಾಹಿನಿಯ ಮುಂದಿರೋದು ಚಿತ್ರವಿಚಿತ್ರ ಆಸಾಮಿಗಳನ್ನು ಮನೆಯೊಳಗೆ ತುಂಬಿಕೊಂಡು, ಅವುಗಳ ಹುಚ್ಚಾಟ, ವಿಕೃತಿಗಳನ್ನೇ ಟಿಆರ್‌ಪಿ ಸರಕಾಗಿಸಿಕೊಳ್ಳೋದು ಮಾತ್ರ. ಈ ಹಿಂದೆ ವಾಹಿನಿಯ ಹೆಡ್ ಆಗಿದ್ದವರು ಬಿಗ್ ಬಾಸನ್ನು ಯಶಸ್ವಿಯಾಗಿಸಲು ಹೀನಾಮಾನ ಶ್ರಮಿಸಿದ್ದರು. ಇದರಿಂದ ಅವರು ಅದೆಷ್ಟು ಸುಸ್ತಾಗಿದ್ದರೆಂದರೆ, ಅದೊಂದು ಸೀಜನ್ನಿನ ಬಿಗ್ ಬಾಸ್ ಶೋ ನಡೆಯುತ್ತಿರುವಾಗಲೇ, ವೃದ್ಧಾಪ್ಯದ ಹೊಸ್ತಿಲಲ್ಲಿದ್ದ ನಟಿಯೊಬ್ಬಳ ಸೊಂಟ ತಬ್ಬಿ ವಿಶಾಂತಿ ತೆಗೆದುಕೊಂಡಿದ್ದರು. ನಂತರ ಲೊಚಲೊಚನೆ ಮುತ್ತಿಟ್ಟು ವಿಶ್ರಾಂತಿ ಪಡೆಯಲು ಅವಕಾಶ ನೀಡಿದ್ದಕ್ಕಾಗಿ ಕೃತಜ್ಞತೆ ಸಲ್ಲಿಸಿದ್ದೂ ನಡೆದಿತ್ತು. ಬಿಗ್ ಬಾಸ್ ಮನೆಯ ಸುತ್ತಾ ಇಂಥಾ ಅನೇಕ ಮಾನವೀಯ ಮೌಲ್ಯದ ಅಮೂಲ್ಯ ಕಥನಗಳು ಚದುರಿಬಿದ್ದಿರೋ ಅಚ್ಚರಿಗಳೂ ಎದುರಾಗುತ್ತವೆ.

ಇಂಥಾ ಶೋ ಬಗ್ಗೆ ಈ ಹಿಂದಿನಿಂದಲೂ ಅಪಸ್ವರ ಕೇಳಿ ಬರುತ್ತಲೇ ಇತ್ತು. ಅದರಲ್ಲಿ ಸ್ಪರ್ಧಿಗಳಾಗಿದ್ದವರ ಬಗ್ಗೆಯೂ ಆರಂಭದಲ್ಲಿಯೇ ವಿವಾದಗಳೆದ್ದಿದ್ದೂ ಇದೆ. ಆದರೆ, ಅತೀಬುದ್ಧಿವಂತಿಕೆಗೆ ಹೆಸರಾಗಿರುವ ಕಿಚ್ಚಾ ಸುದೀಪ್ ಮಾತಿನ ಮೂಲಕವೇ ಎಲ್ಲವನ್ನೂ ಥಂಡಾ ಹೊಡೆಸುತ್ತಾ ಹನ್ನೊಂದು ಸೀಜನ್ನುಗಳನ್ನು ದಾಟಿಕೊಂಡಿದ್ದಾರೆ. ಇದೀಗ ಹನ್ನೆಡನೇ ಆವೃತ್ತಿ ಶುರುವಾಗಲು ದಿನಗಣನೆ ಶುರುವಾಗಿದೆ. ಈ ಬಾರಿಯಂತೂ ಟಿಆರ್‌ಪಿಯನ್ನು ಸಂಭಾಳಿಸಿಕೊಳ್ಳುವ ಅನಿವಾರ್ಯತೆ ಆಯೋಜಕರಿಗಿದೆ. ಅದಕ್ಕಾಗಿ ಕ್ರಿಯೇಟಿವಿಟಿಯನ್ನು ನೆಚ್ಚಿಕೊಂಡು, ಹೊಸಾ ಕಾನ ಸೆಪ್ಟುಗಳ ಮೂಲಕ ಮೋಡಿ ಮಾಡಿದರೆ ತಕರಾರೇನಿಲ್ಲ. ಆದರೆ, ವಾಹಿನಿಯ ಮಂದಿ ಪಳಗಿಸುತ್ತಿರುವ ಕಂಟೆಸ್ಟೆಂಟುಗಳನ್ನು ನೋಡಿದರೆ, ಈ ಬಾರಿ ಹುಚ್ಚರು, ಅರೆಹುಚ್ಚರು, ಭೂಗತ ಜೀವಿಗಳೆಲ್ಲ ಬಿಗ್ ಬಾಸ್ ಮನೆಸಾಏರಿಕೊಳ್ಳುವ ಲಕ್ಷಣಗಳು ಕಾಣಿಸುತ್ತಿವೆ. ಇನ್ನೇನು ತಿಂಗಳೊಪ್ಪತ್ತಿನಲ್ಲಿ ಹುಚ್ಚರ ಕಾರ್ಖಾನೆಯ ಕದ ತೆರೆಯುತ್ತದೆ. ಅಸಲೀಯತ್ತೆಂಬುದು ಆ ಮೂಲಕವೇ ಜಾಹೀರಾಗಬೇಕಿದೆ!

The post biggboss season12: ವಿಕ್ಷಿಪ್ತ ಜೀವಿಗಳನ್ನೇ ನೆಚ್ಚಿಕೊಳ್ತಾರಾ ಆಯೋಜಕರು? appeared first on Cini Shodha.

ದೆಹಲಿಯಲ್ಲಿ ದಿನೇ ದಿನೆ ಹೆಚ್ಚಾಗುತ್ತಿದ್ದ ಬೀದಿ ನಾಯಿಗಳ ಉಪಟಳದ ಬಗ್ಗೆ ಸುಪ್ರೀಂ ಕೋರ್ಟ್ ಸುಮೋಟೋ ಪ್ರಕರಣ ದಾಖಲಿಸಿಕೊಂಡಿತ್ತು. ಈ ಬಗ್ಗೆ ಆದೇಶವೊಂದನ್ನು ನೀಡಿರುವ ಸುಪ್ರೀಂ ದೇಹಲಿಯಲ್ಲಿನ ನಾಯಿಗಳನ್ನು ಬೇರೆಡೆಗೆ ಸ್ಥಳಾಂತರ ಮಾಡಿ ಅವುಗಳಿಗೆ ಬದುಕುವ ವಾತಾವರಣ ಕಲ್ಪಿಸುವಂತೆ ನಿರ್ದೇಶನ ನೀಡಿದೆ. ಈ ತೀರ್ಪನ್ನು ಗೌರವಿಸುತ್ತಲೇ ದೇಶಾದ್ಯಂತ ನಾನಾ ಮಂದಿ ತಂತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸುತ್ತಿದ್ದಾರೆ. ಇದೀಗ ಸುದೀಪ್ ಸಾಮಾಜಿಕ ಜಾಲತಾಣದ ಮೂಲಕ ಒಂದು ವಿಚಾರ ಹಂಚಿಕೊಂಡಿದ್ದಾರೆ. ಸುಪ್ರೀಂ ಆದೇಶವನ್ನು ಪ್ರಶ್ನೆ ಮಾಡುತ್ತಿಲ್ಲ. ಆದರೆ ಅದರ ಪ್ರಕಾರ ನಡೆದುಕೊಂಡರೆ ಅವುಗಳ ಮೇಲೆ ಎಂಥಾ ಪರಿಣಾಮ ಬೀರುಜತ್ತದೆ ಅನ್ನೋದರ ಬಗ್ಗೆ ನಾವು ಆಲೋಚಿಸಬೇಕು ಅಂದಿದ್ದಾರೆ ಕಿಚ್ಚ.

ನಾವೆಲ್ಲ ಬೀದಿ ನಾಯಿರೋ ವಾತಾವರಣದಲ್ಲಿಯೇ ಬೆಳೆದವರು. ನಾವು ಬೀದಿ ನಾಯಿಗನ್ನು ದತ್ತು ತೆಗೆದುಕೊಳ್ಳುವುದರ ಮೂಲಕ ಆ ನಿಷ್ಠಾವಂತ ಮೂಕ ಜೀವಿಗಳಿಗೆ ಆಸರೆಯಾಗಬಹುದೆಂಬ ಸಲಹೆಯನ್ನು ಕಿಚ್ಚ ಕೊಟ್ಟಿದ್ದಾರೆ. ಇದಕ್ಕೆ ಬಹುತೇಕರು ಸಹಮತ ವ್ಯಕ್ತಪಡಿಸಿದ್ದಾರೆ. ದೆಹಲಿಯಲ್ಲಿ ಬೀದಿ ನಾಯಿಗಳ ಹಾವಳಿ ಹೆಚ್ಚಾದರೂ ಕೂಡಾ ಅವುಗಳನ್ನು ಪ್ರತ್ಯೇಕ ಸ್ಥಳದಲ್ಲಿರಿಸೋದು ಅಮಾನವೀಯ ಅಂತ ಪ್ರಾಣಿ ಪ್ರಿಯರು ಅಭಿಪ್ರಾಯ ಪಡುತ್ತಿದ್ದಾರೆ. ಶ್ವಾನಗಳು ಮನುಷ್ಯರೊಂದಿಗೇ ಬದುಕೋ ಜೀವಿಗಳು. ಅವುಗಳ ಉಪಟಳ ಹೆಚ್ಚಾದಾಗ ಮಾನವೀಯ ನೆಲೆಯಲ್ಲಿ ಕ್ರಮ ಕೈಗೊಳ್ಳೋದೇ ಸೂಕ್ತ ಎಂಬ ಅಭಿಪ್ರಾಯ ಬಹುತೇಕರದ್ದು. ಕಿಚ್ಚಾ ಕೂಡಾ ಆ ದಿಸೆಯಲ್ಲಿಯೇ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

The post kiccha sudeepa: ಶ್ವಾನಪ್ರೇಮಿ ಸುದೀಪ್ ಕೊಟ್ಟ ಸಂದೇಶವೇನು? appeared first on Cini Shodha.

ಬಿಗ್ ಬಾಸ್ ಎಂಬುದು ಪಕ್ಕಾ ಫೇಕ್ ಶೋ ಎಂಬ ವಿಚಾರ ಈಗಾಗಲೇ ಸಾಬೀತಾಗಿದೆ. ತಕರಾರುಗಳು ಏನೇ ಇದ್ದರೂ ಈ ಶೋ ಚೂರು ಪಾರಾದರೂ ಆಕರ್ಷಣೆ ಉಳಿಸಿಕೊಂಡಿರೋದೇ ಕಿಚ್ಚಾ ಸುದೀಪ್ ಕಾರಣದಿಂದ. ಸುದೀಪ್ ಅದೇನೇ ಭಳಾಂಗು ಬಿಟ್ಟರೂ ಕೂಡಾ ಈ ಶೋ ಪ್ರೇಕ್ಷಕರ ಇಂಗಿತದಂತೆ ನಡೆಯೋದಿಲ್ಲ ಎಂಬ ಸತ್ಯ ಯಾವತ್ತೋ ಸಾಬೀತಾಗಿದೆ. ಆದರೂ, ಒಂದಷ್ಟು ತಲೆ ನೆಟ್ಟಗಿರುವ, ನೈಜ ಮನೋರಂಜನೆ ಕೊಡಬಲ್ಲವರು ಸ್ಪರ್ಧಿಗಳಾಗಬುದೆಂಬ ನಿರೀಕ್ಷೆಯೊಂದು ಪ್ರೇಕ್ಷಕರಲ್ಲಿ ಇದ್ದೇ ಇದೆ. ಆ ನಿಟ್ಟಿನಲ್ಲಿ ಈ ಬಾರಿಯೂ ಕೂಡಾ ಮನೋರಂಜನೆ ಕೊಡುವ ದಿಕ್ಕಿನಲ್ಲಿ ಯಾರು ಬಿಗ್‌ಬಾಸ್ ಮನೆ ಸೇರಿದರೆ ಚೆಂದ ಅಂತೊಂದು ಚರ್ಚೆ ಸಾಮಾಜಿಕ ಜಾಲತಾಣದಲ್ಲಿ ಚಾಲ್ತಿಯಲ್ಲಿತ್ತು.

ಇಂಥಾ ಚರ್ಚೆಗಳಲ್ಲಿ ದೊಡ್ಡ ಮಟ್ಟದಲ್ಲಿಯೇ ಹೊರ ಹೊಮ್ಮಿರುವ ಹೆಸರು ಗಿಲ್ಲಿ ನಟನದ್ದು. ಒಂದು ಮೂಲದ ಪ್ರಕಾರ ಈಗಾಗಲೇ ಸಂಭಾವ್ಯ ಸ್ಪರ್ಧಿಗಳ ಆಯ್ಕೆ ಕಾರ್ಯ ಸಮಾಪ್ತಿಗೊಂಡಿದೆ. ಈ ಬಾರಿ ಮಾಜಿ ಭೂಗತ ಜೀವಿಗಳು ಕಿಚ್ಚನ ಪಂಚಾಯ್ತಿಯಲ್ಲಿ ಕಾಣಿಸಿಕೊಂಡರೂ ಅಚ್ಚರಿಯೇನಿಲ್ಲ. ವಿಶೇಷವೆಂದರೆ, ಮೊದಲ ಹಂತದಲ್ಲಿಯೇ ಗಿಲ್ಲಿ ನಟ ಬಿಗ್ ಬಾಸ್ ಸ್ಪರ್ಧಿಯಾಗೋದು ನಿಕ್ಕಿಯಾಗಿದೆ. ಈ ಹುಡುಗ ಗಿಲ್ಲಿ ನಟ ಕೊರೋನಾ ಕಾಲದಲ್ಲಿ ಕಾಮಿಡಿ ವೀಡಿಯೋಗಳ ಮೂಲಕ ಹವಾ ಸೃಷ್ಟಿಸಿದ್ದ. ಮೂಲತಃ ಮಳವಳ್ಳಿಯ ಮಟದಳ್ಳಿಯವನಾದ ಈತ ಪಕ್ಕಾ ಗ್ರಾಮ್ಯ ಶೈಲಿಯ, ಅಸಹ್ಯವೆನ್ನಿಸುವಂಥಾ ಡೈಲಾಗುಗಳಿಲ್ಲದ ಹಾಸ್ಯ ನಟನೆಯಿಂದ ಮನ ಗೆದ್ದಿದ್ದ.

ನಟನಾಗಬೇಕೆಂಬ ತುತಿತದಿಂದ ಬೆಂಗಳೂರು ಸೇರಿಕೊಂಡು ಸಹಾಯಕ ನಿರ್ದೇಶಕನಾಗಿ ಕೆಲಸ ಮಾಡುತ್ತಿದ್ದ ಈತನಿಗೆ ನೋಡ ನೋಡುತ್ತಲೇ ಕಿರುತೆರೆ ಲೋಕದ ಹೆಬ್ಬಾಗಿಲು ತೆರೆದುಕೊಂಡಿತ್ತು. ಸಾಮಾನ್ಯವಾಗಿ ಪ್ರಸಿದ್ಧಿ ಪಡೆದ ಕಾಮಿಡಿ ಕಲಾವಿದರು ಸಂದರ್ಭಕ್ಕಾನುಸಾರ ಹಾಸ್ಯ ಸೃಷ್ಟಿ ಮಾಡೋ ತಾಕತ್ತು ಹೊಂದಿರೋದಿಲ್ಲ. ಆದರೆ ಈ ಹುಡುಗ ನಿಂತ ನಿಲುವಿನಲ್ಲಿಯೇ ನಗಿಸಬಲ್ಲ ಚಾಕಚಕ್ಯತೆ ಹೊಂದಿದ್ದಾನೆ. ಡ್ಯಾನ್ಸ್ ಶೋ ಒಂದರಲ್ಲಿ ಪ್ರಾಪರ್ಟಿ ಕಾಮಿಡಿ ಮೂಲಕವೂ ಪ್ರಸಿದ್ಧನಾಗಿದ್ದ ಗಿಲ್ಲಿ ಈ ಬಾರಿ ಬಿಗ್ ಬಾಸ್ ಶೋಗೊಂದು ಕಳೆ ತಂದು ಕೊಡೋದರಲ್ಲಿ ಸಂಶಯವೇನಿಲ್ಲ. ಈ ಹಿಂದೆ ಕುರಿ ಪ್ರತಾಪನಂಥವರು ಸ್ವಂತದಚ್ದೊಂದು ಕಾಮಿಡಿ ಸೀನು ಸೃಷ್ಟಿಸಲಾರದೆ ಬಿಗ್ ಬಾಸ್ ಮನೆ ತುಂಬಾ ಹಿಕ್ಕೆ ಉದುರಿಸಿ ಬಂದಿದ್ದದ್ದು ಇತಿಹಾಸ. ಅಂಥವರಿಗೆ ಹೋಲಿಸಿದರೆ ಗಿಲ್ಲಿ ನಟ ನಿಜಕ್ಕೂ ಅತ್ಯುತ್ತಮ ನಟ ಅನ್ನೋದು ಈಗಾಗಲೇ ಸಾಬೀತಾಗಿದೆ!

The post biggboss season 12: ಭಳಾಂಗು ಶೋವನ್ನು ರಂಗೇರಿಸ್ತಾನಾ ಕಾಮಿಡಿ ಕಿಲಾಡಿ? appeared first on Cini Shodha.

ರೇಣುಕಾ ಸ್ವಾಮಿ ಕೊಲೆ ಕೇಸಿನ ಸಂಬಂಧವಾಗಿ ಬೇಲ್ ಪಡೆದು ನಿರಾಳವಾಗಿರೋ ದರ್ಶನ್ ಇದೀಗ ಫಾರ್ಮಿಗೆ ಮರಳಿದಂತಿದೆ. ಓರ್ವ ಸ್ಟಾರ್ ನಟನಾಗಿ ವಿವಾದಾತ್ಮಕ ವ್ಯಕ್ತಿತ್ವ ಹೊಂದಿದ್ದಾತ ದರ್ಶನ್. ಒಂದು ಹಂತದಲ್ಲಿ ಸುತ್ತ ಹಲಾಲುಟೋಪಿಗಳನ್ನೇ ತುಂಬಿಕೊಂಡು ತಪ್ಪ್ಯಾವುದು, ಸರಿ ಯಾವುದೆಂಬ ಗಡಿರೇಖೆಯನ್ನೇ ಗುರುತಿಸದಷ್ಟು ಪ್ರಮಾಣದ ಕೊಲೆಸ್ಟ್ರಾಲು ದಾಸನ ಕಣ್ಣಿನವರೆಗೂ ಹಬ್ಬಿಕೊಂಡಿತ್ತು. ಇದೀಗ ತಿಂಗಳುಗಟ್ಟಲೆ ಜೈಲಲ್ಲಿ ಕಳೆದ ದರ್ಶನ್ ಪಾಲಿಗೆ ವಾಸ್ತವದ ಸತ್ಯ ದರ್ಶನವಾಗಿರೋ ಸೂಚನೆ ಸಿಕ್ಕಿದೆ. ಅಷ್ಟಕ್ಕೂ ಖ್ಯಾತಿಯ ಪ್ರಭೆಯಲ್ಲಿ ನಿಂತಾಗಲೂ, ವಿವೇಚನೆಯ ಒಳಗಣ್ಣ ತೆರೆದಿಟ್ಟುಕೊಳ್ಳೋದು ಒಂದು ಕಲೆ. ಅದನ್ನು ಸಿದ್ಧಿಸಿಕೊಂಡವರು ಮಾತ್ರವೇ ಸುಖಾಸುಮ್ಮನೆ ರಂಕಲು ಮಾಡಿಕೊಳ್ಳದೆ ಚೆಂದಗೆ ಬಾಳಿ ಹೋಗಿದ್ದಾರೆ. ಆದರೆ, ದಾಸ ಮಾತ್ರ ತಾನು ಡೋಂಟ್ ಕೇರ್ ಬ್ರ್ಯಾಂಡೆಂಬ ಭ್ರಮೆಯನ್ನು ಅಪಾದಮಸ್ತಕ ಹೊದ್ದುಕೊಂಡು ತಿರುಗಿದ್ದಿದೆ. ಇಂಥಾ ದರ್ಶನ್‌ಗೆ ತಾನು ಸಾಗಿ ಬಂದ ಹಾದಿಯತ್ತ ತಣ್ಣಗೆ ತಿರುಗಿ ನೋಡುವ ಅವಕಾಶ ಸಿಕ್ಕಿದ್ದು ಕಂಬಿಗಳ ಹಿಂದಷ್ಟೆ!

ಹಾಗಾದರೆ, ದರ್ಶನ್ ಈ ಸುದೀರ್ಘಾವಧಿಯ ವನವಾಸದ ಕಾಲಘಟ್ಟದಲ್ಲಿ ಎಲ್ಲವನ್ನೂ ಸೂಕ್ಷ್ಮವಾಗಿ ಮನನ ಮಾಡಿಕೊಂಡರಾ? ತನ್ನ ಸುತ್ತ ಪಿತಗುಡುತ್ತಿದ್ದವರ, ಅದ್ಯಾವುದೋ ಲಾಭದ ಕಿಸುರಿಟ್ಟುಕೊಂಡೇ ತುದಿ ನಾಲಗೆಯ ಪ್ರೀತಿ ತೋರಿಸುತ್ತಿದ್ದವರ ಅಸಲೀಯತ್ತನ್ನು ಅರ್ಥ ಮಾಡಿಕೊಂಡರಾ? ಸದ್ಯ ಡೆವಿಲ್ ಅಖಾಡಕ್ಕೆ ಮರಳಿರುವ ದರ್ಶನ್ ಸೂಕ್ಷ್ಮ ವರ್ತನೆಗಳನ್ನು ಆಧರಿಸಿ ಹೇಳೋದಾದರೆ ಮೇಲ್ಕಂಡ ಪ್ರಶ್ನೆಗಳಿಗೆಲ್ಲ ಹೌದೆಂಬ ಉತ್ತರವೇ ಧ್ವನಿಸುತ್ತೆ. ಅದರಲ್ಲೂ ವಿಶೇಷವಾಗಿ ತಾನು ಪ್ರೀತಿಯಿಂದ ಸೆಲೆಬ್ರಿಟೀಸ್ ಅನ್ನುತ್ತಿದ್ದ ಅಭಿಮಾನಿ ಪಡೆಯ ದುಂಡಾವರ್ತನೆ, ಅತಿರೇಖದ ನಡವಳಿಕೆ, ಕಂಡವರ ಮೇಲೆರಗಿ ಹೋಗೋ ಪಡಪೋಶಿ ನಡವಳಿಕೆಗಳೂ ಕೂಡಾ ಖುದ್ದು ದರ್ಶನ್ ಗೆ ಅಸಹ್ಯ ಹುಟ್ಟಿಸಿದಂತಿದೆ!

ಅದರಲ್ಲಿಯೂ ವಿಶೇಷವಾಗಿ, ಸಾಕ್ಷಾತ್ತು ಅಮ್ಮನಂತೆ ಪೋಸು ಕೊಡುತ್ತಿದ್ದ ಅಂಬಿ ಮಡದಿ ಸುಮಲತಾ ಮತ್ತು ಆಕೆಯ ಮುದ್ದಿನ ಮಗ ಅಭಿಷೇಕನ ಅಸಲೀಯತ್ತಂತೂ ದರ್ಶನ್ ಗೆ ಸರಿಯಾಗಿಯೇ ಅರ್ಥವಾಗಿದೆ. ಈ ಕಾರಣದಿಂದಲೇ ದರ್ಶನ್ ತನ್ನ ಸೋಶಿಯಲ್ ಮೀಡಿಯಾ ಅಕೌಂಟುಗಳಲ್ಲಿ ಅಮ್ಮ, ಮಗ ಮತ್ತು ಸೊಸೆಯನ್ನು ಅನ್ ಫಾಲೋ ಮಾಡಿದ್ದೆಂಬಂಥಾ ವಿಶ್ಲೇಷಣೆಗಳೂ ಪುಂಖಾನುಪುಂಖವಾಗಿ ಕೇಳಿ ಬರುತ್ತಿವೆ. ಹಾಗೆ ನೋಡಿದರೆ, ದರ್ಶನ್ ಜಾಗದಲ್ಲಿ ಬೇರೆ ಯಾರೇ ಇದ್ದಿದ್ದರೂ ಕೂಡಾ ಸುಮಲತಾ ವಿರುದ್ಧ ಸಹಜವಾಗಿಯೇ ಸಿಟ್ಟು ಮೂಡಿಕೊಳ್ಳುತ್ತಿತ್ತು. ಸುಮಲತಾ ರಾಜಕೀಯ ಅಖಾಡದಲ್ಲಿ ನಿಂತು ದರ್ಶನ್ ತನ್ನ ದೊಡ್ಡ ಮಗ ಅಂತ ಸಾರಿ ಸಾರಿ ಹೇಳಿಕೊಂಡಿದ್ದಿದೆ. ಆಕೆಯ ಮಗ ಅಭಿ ಕೂಡಾ ದರ್ಶನ್ ತನ್ನಣ್ಣ ಎಂಬರ್ಥದಲ್ಲಿ ಆಗಾಗ ಮೈಲೇಜು ಗಿಟ್ಟಿಸಿಕೊಂಡಿದ್ದಿದೆ. ಆದರೆ ದಾಸ ಅನಾಹುತವೊಂದನ್ನು ಮಾಡಿಕೊಂಡು ಸಂಕಷ್ಟದಲ್ಲಿದ್ದಾಗ ಅಭಿನವ ತಮ್ಮನಾಗಲಿ, ದೇವರು ಕೊಟ್ಟ ಅಮ್ಮನಾಗಲಿ ಅತ್ತ ಸುಳಿಯಲೂ ಇಲ್ಲ.

ನಿಜ, ಹೆತ್ತವರು ಮಾತ್ರವೇ ಅಮ್ಮನಾಗಬೇಕೆಂದೇನಿಲ್ಲ. ಜಗತ್ತಿನ ಯಾವ ಹೆಣ್ಣು ಮಗಳಾದರೂ ಮತ್ಯಾರಿಗೋ ಅಮ್ಮ ಅಂತನ್ನಿಸಬಹುದು. ಆದರೆ, ಸುಮಲತಾ ಮೇಡಮ್ಮು ಮಾತ್ರ ದರ್ಶನ್ ಪಾಲಿಗೆ ಅಮ್ಮನಂತೆ ನಟಿಸಿದ್ದರೆನ್ನಿಸುತ್ತೆ. ಯಾಕೆಂದರೆ, ಮಗ ಅದೆಂಥಾದ್ದೇ ತಪ್ಪು ಮಾಡಿದ್ದರೂ, ಅದರ ಬಗ್ಗೆ ತಕರಾರುಗಳಿದ್ದರೂ ಜೊತೆ ನಿಲ್ಲುವಾಕೆ ಅಮ್ಮ. ತೀರಾ ಮಗ ತಪ್ಪೆಸಗಿದ್ದನ್ನು ಸಮರ್ಥನೆ ಮಾಡಿಕೊಳ್ಳಬೇಕೆಂದೇನಿಲ್ಲ; ಬಳಿ ಬಂದು ತುಸು ಗದರುವುದೂ ಕೂಡಾ ತಾಯ್ತನವೇ. ಆದರೆ ಸುಮಲತಾ ಮಾತ್ರ ದರ್ಶನ್ ಕಷ್ಟದ ಘಳಿಗೆಗಳಲ್ಲಿ ಅಂತಾ ತಾಯ್ತನ ತೋರಲಿಲ್ಲ. ಎಲ್ಲೋ ಅನಿವಾರ್ಯ ಅನ್ನಿಸಿದಾಗ ಒಂದೆರಡು ಮಾತಾಡಿದ್ದು ಬಿಟ್ಟರೆ, ಅಮ್ಮನಾಗಲಿ, ಪುತ್ರರತ್ನನಾಗಲಿ ತುಟಿ ಬಿಚ್ಚಲಿಲ್ಲ. ಯಾರ್‍ಯಾರೋ ಸರತಿಯಲ್ಲಿ ನಿಂತು, ಹರಸಾಹಸ ಪಟ್ಟು ದರ್ಶನ್ ಭೇಟಿಗೆ ಹಂಬಲಿಸಿದರೂ ಅಮ್ಮ ಮಗ ಅತ್ತ ಸುಳಿದಿರಲೂ ಇಲ್ಲ.

ಹೀಗೆ ನಾಜೂಕಿನ ನಡೆ ಅನುಸರಿಸಿದ್ದ ಸುಮಲತಾ ದರ್ಶನ್ ಕಡೆಯಿಂದ ಸರಿಕಟ್ಟಾಗಿಯೇ ಫಾಯಿದೆ ಗಿಟ್ಟಿಸಿಕೊಂಡಿದ್ದಾರೆ. ಅಂಬರೀಶ್ ಮರೆಯಾದ ನಂತರದಲ್ಲಿ ಆಕೆ ಏಕಾಏಕಿ ಲೋಕಸಭಾ ಚುನಾವಣಾ ಅಖಾಡಕ್ಕೆ ಧುಮುಕಿದ್ದರು. ಕಾಂಗ್ರೆಸ್, ಜೆಡಿಎಸ್ ಪಕ್ಷದ ಟಿಕೇಟು ಸಿಕ್ಕದೇ ಹೋದರೂ ಸ್ವತಂತ್ರ ಅಭ್ಯರ್ಥಿಯಾಗಿ ಮಂಡ್ಯದಿಂದ ಕಣಕ್ಕಿಳಿದಿದ್ದ ಸುಮಲತಾಗಿದ್ದ ಭರವಸೆ ಎರಡೇ ಎರಡು; ಒಂದು ಕಣ್ಣೀರು ಮತ್ತೊಂದು ಚಾಲೆಂಜಿಂಗ್ ಸ್ಟಾರ್ ದರ್ಶನ್. ರಾಜಕಾರಣಿಯಾಗಬೇಕೆಂಬ ಆಸೆಯಿಂದ ಸುಮಲತಾ ತಾಳಿದ್ದ ಅವತಾರಗಳೇನು ಒಂದೆರಡಲ್ಲ. ಹೇಳಿಕೇಳಿ ಮಂಡ್ಯ ಅನ್ನೋದು ರೆಬೆಲ್ ಸ್ಟಾರ್ ಅಂಬರೀಶ್ ಪಾಲಿನ ಅಭಿಮಾನದ ನೆಲೆ. ಅಂಥಾದ್ದೊಂದು ಸೆಂಟಿಮೆಂಟಿನಿಂದ ಒಂದಷ್ಟು ಮಂದಿ ಸುಲತಾ ಪರ ನಿಂತರೆ, ದರ್ಶನ್ ನೆರಳಿನಲ್ಲಿ ದೊಡ್ಡ ಮಟ್ಟದ ಬೆಂಬಲವೊಂದು ಸುಮಲತಾ ಸುತ್ತ ಚಿಗಿತುಕೊಂಡಿತ್ತು. ಪಳಗಿದ ರಾಜಕಾರಣಿಗಳ ಪಟ್ಟುಗಳಾಚೆಗೂ ಸುಮಲತಾ ಗೆದ್ದು ಬೀಗಿದ್ದರ ಹಿಂದೆ ದರ್ಶನ್ ಪ್ರಭೆಯೇ ದೊಡ್ಡ ಮಟ್ಟದಲ್ಲಿತ್ತು. ಹಾಗೆ ಸಂಸದೆಯಾಗುವಷ್ಟರ ಮಟ್ಟಿಗೆ ದರ್ಶನ್ ಪ್ರಭಾವಳಿಯನ್ನು ಬಳಸಿಕೊಂಡಿದ್ದ ಸುಮಲತಾ, ಆತ ಕಷ್ಟದಲ್ಲಿರುವಾಗ ಬಳಿ ಸುಳಿಯದಿದ್ದದ್ದು ಅಭಿಮಾನಿಗಳಿಗೆ ಮಾತ್ರವಲ್ಲದೆ, ಮಂಡ್ಯ ಸೀಮೆಯ ಸಾಮಾನ್ಯ ಮಂದಿಗೂ ರೇಜಿಗೆ ಮೂಡಿಸಿತ್ತು.

ಹೀಗೆ ದರ್ಶನ್ ರೇಣುಕಾಸ್ವಾಮಿ ಕೊಲೆ ಕೇಸಿನಲ್ಲಿ ತಗುಲಿಕೊಂಡ ಕ್ಷಣದಿಂದಲೂ ಸುಮಲತಾ ನಾಜೂಕಿನಿಂದಲೇ ನಡೆದುಕೊಂಡಿದ್ದರು. ಈಗ ದರ್ಶನ್ ರೆಬೆಲ್ ಅವತಾರವೆತ್ತುತ್ತಲೇ ಮತ್ತದೇ ನಾಜೂಕುತನದಿಂದಲೇ ಪ್ರತಿಕ್ರಿಯಿಸಿದ್ದಾರೆ. ಹೀಗೆ ದೂರ ನಿಂತೇ ಹತ್ತಿರ ನಿಂತಂತೆ ತೋರ್ಪಡಿಸುತ್ತಿದ್ದ ಸುಮಲತಾ ಮತ್ತೊಂದು ಸುತ್ತಿಗೆ ದರ್ಶನ್ ಪ್ರಭೆಯನ್ನು ಬಳಸಿಕೊಳ್ಳಲು ಯೋಜಿಸಿದ್ದರಾ? ಒಳಗಿಂದೊಳಗೇ ಅಂಥಾದ್ದೊಂದು ತಯಾರಿ ನಡೆದಿತ್ತಾ? ಮಾಜಿ ಸಂಸದೆಯ ಆಪ್ತ ವಲಯದಿಂದ ಅಂಥಾದ್ದೊಂದು ಸುದ್ದಿ ತಿಂಗಳುಗಳ ಹಿಂದೆಯೇ ಜಾಹೀರಾಗಿತ್ತು. ಅದರನ್ವಯ ಹೇಳೋದಾದರೆ, ರಾಜಕೀಯದಲ್ಲಿ ಚಾಲ್ತಿಯಲ್ಲಿರುವ ಸಲುವಾಗಿ ಪುತ್ರ ಅಭಿಯನ್ನು ರಾಜಕೀಯ ಅಖಾಡಕ್ಕಿಳಿಸಲು ಸುಮಲತಾ ತಯಾರಿ ನಡೆಸಿದ್ದರು. ಸುಮಲತಾ ರಾಜಕೀಯ ಬದುಕು ಒಂದೇ ಅವಧಿಗೆ ಪರ್ಯಾವಸಾನ ಹೊಂದಿದೆ. ಕಣ್ಣೀರಿನ ವ್ಯಾಲಿಡಿಟಿ ಕೂಡಾ ಐದು ವರ್ಷದೊಳಗಾಗಿ ಮುಗಿದು ಹೋಗಿದೆ. ಹಾಗಂತ ಅವರೊಳಗಿರುವ ಅಧಿಕಾರದ ಲಾಲಸೆಗೆ ಮಾತ್ರ ವಯಸ್ಸಾಗಲಿ, ದಣಿವಾಗಲಿ ಖಂಡಿತಾ ಆಗಿಲ್ಲ.

ವರ್ಷಗಟ್ಟಲೆ ಕಟ್ಟುಮಸ್ತಾಗಿ ಬೆಳೆಸಿದ ಕಂಬಳದ ಕೋಣದಂತಿರೋ ಮಗರಾಯ ಹೀರೋ ಆಗಿ ನೆಲೆ ಕಂಡುಕೊಳ್ಳೋದು ಕಷ್ಟವೆಂಬ ವಿಚಾರ ಈಗಾಗಲೇ ಸುಮಲತಾರಿಗೆ ಅರಿವಾಗಿದೆ. ಹಾಗಂತ ತನ್ನದೇ ಕಾಸು ಹಾಕಿ ಮಗನನ್ನು ಹೀರೋ ಆಗಿ ನೆಲೆಗಾಣಿಸೋ ಮನಃಸ್ಥಿತಿಯೂ ಅವರಿಗಿಲ್ಲ. ಆಪ್ತ ವಲಯದಲ್ಲಿರೋ ರಾಕ್ ಲೈನ್ ವೆಂಕಣ್ಣ ಅಪ್ಪಿ ತಪ್ಪಿಯೂ ಅಭಿಯನ್ನು ಹಾಕಿಕೊಂಡೊಂದು ಸಿನಿಮಾ ಮಾಡೋ ರಿಸ್ಕು ತೆಗೆದುಕೊಳ್ಳೋ ಗೋಜಿಗೆ ಹೋಗುವುದಿಲ್ಲ. ಹೀಗಿರುವಾಗ ಮಗನನ್ನು ರಾಜಕೀಯ ಅಖಾಡಕ್ಕಿಳಿಸಿ, ಹೇಗಾದರೂ ಮಾಡಿ ಗೆಲ್ಲಿಸಿ ಅಧಿಕಾರ ಕೇಂದ್ರದಲ್ಲಿರುವ ಪ್ಲಾನೊಂದನ್ನು ಸುಮಲತಾ ಮಾಡಿದಂತಿತ್ತು. ಕಳೆದ ಚುನಾವಣೆಯ ಬಳಿಕ ಮಂಡ್ಯದಿಂದ ಅಕ್ಷರಶಃ ಗಾಯಬ್ ಆಗಿದ್ದ ಸುಮಲತಾ, ಈಗ್ಗೆ ತಿಂಗಳ ಹಿಂದೆ ಮತ್ತೆ ಮಂಡ್ಯ ಕ್ಷೇತ್ರದಲ್ಲಿ ಸುತ್ತಾಡುವ ಹೇಳಿಕೆ ಕೊಟ್ಟಿದ್ದರು. ಅದರ ಹಿಂದಿದ್ದದ್ದು ಮಗನ ಎಂಟ್ರಿಗೆ ಅಖಾಡ ಸಜ್ಜುಗೊಳಿಸುವ ಸಿದ್ಧತೆ ಅಂತೊಂದು ಗುಮಾನಿ ಬಲವಾಗಿಯೇ ಹಬ್ಬಿಕೊಂಡಿತ್ತು.

ಹಾಗೊಂದು ವೇಳೆ ಅಭಿ ರಾಜಕೀಯ ಅಖಾಡಕ್ಕಿಳಿದರೂ ಕೂಡಾ ಗೆದ್ದು ದಡ ಸೇರೋ ಯಾವ ಛಾರ್ಮ್ ಕೂಡಾ ಆತನಿಗಿಲ್ಲ. ಅಭಿಗೆ ಮತ್ತೆ ಸರಿಕಟ್ಟಾದ ಜೋಡೆತ್ತುಗಳ ಸಾಥ್ ಬೇಕಾಗುತ್ತೆ ಎಂಬ ವಿಚಾರ ಸುಮಲತಾರಿಗೆ ಗೊತ್ತಿಲ್ಲದ ವಾಸ್ತವವೇನಲ್ಲ. ಈ ಕಾರಣದಿಂದಲೇ ಅಣಿಗೊಳ್ಳಲಾರಂಭಿಸಿದ್ದ ಸುಮಲತಾ ಪಾಲಿಗೆ ದೊಡ್ಡ ಭರವಸೆಯಂತಿದ್ದದ್ದು ದರ್ಶನ್. ಕಳೆದ ಬಾರಿ ತನ್ನನ್ನು ದಡ ಸೇರಿಸಿದಂತೆಯೇ ದಾಸ ಮಗನನ್ನೂ ಗೆಲುವಿನ ಏಣಿ ಹತ್ತಿಸುತ್ತಾನೆ ಎಂಬಂಥಾ ನಂಬಿಕೆ ಆಕೆಯದ್ದಿದ್ದಂತಿದೆ. ಆದರೆ, ದರ್ಶನ್ ಸಂಕಷ್ಟ ಕಾಲದಲ್ಲಿನ ನಾಜೂಕಿನ ನಡೆಯೇ ಆಕೆಯ ಪಾಲಿಗೆ ಮುಳುವಾಗಿದೆ. ಸುಮಲತಾ ಚುನಾವಣಾ ಕಾಲದಲ್ಲಿ ಬಾತುಮೋರೆ ಮಾಡಿಕೊಂದು ದರ್ಶನ್ ತನ್ನ ದೊಡ್ಡಮಗ ಅಂದಿದ್ದರು. ಪದೇ ಪದೆ ಅದನ್ನೇ ಹೇಳಲಾರಂಭಿಸಿದ್ದರು. ಆದರೆ ದೊಡ್ಮಗನ ಬಾಟಮ್ಮಿಗೆ ಕೊಲೆ ಕೇಸು ಹೆಟ್ಟಿಕೊಂಡಾಕ್ಷಣವೇ ತಾಯಿ ಸುಮಲತೆ ಏಕಾಏಕಿ ಬಣ್ಣ ಬದಲಿಸಿ ಬಿಟ್ಟಿತ್ತು.

ನಿಜ, ಯಾರೇ ವ್ಯಕ್ತಿ ದೊಡ್ಡ ಮಟ್ಟದಲ್ಲಿ ತಪ್ಪು ಮಾಡಿದಾಗ ಆತನನ್ನು ಪರ ವಹಿಸಿಕೊಂಡು ಹೋಗಲಾಗೋದಿಲ್ಲ. ದರ್ಶನ್ ಪವಿತ್ರಾ ಗೌಡಳ ಮರ್ಜಿಗೆ ಬಿದ್ದು ಕೊಲೆ ಕೇಸಿನಲ್ಲಿ ಬಂಧಿಯಾದಾಗ ಬಹುತೇಕರು ಆತನನ್ನು ವಿರೋಧಿಸಿದ್ದು ಆ ಸೂಕ್ಷ್ಮವಂತಿಕೆಯಿಂದಲೇ. ಹಾಗಂತ ತೀರಾ ಹತ್ತಿರದ ಬಂಧಗಳು ಹಾಗೆ ನಿಷ್ಠುರವಾಗಿ ವರ್ತಿಸಲಾಗೋದಿಲ್ಲ. ಈ ಕಾರಣದಿಂದಲೇ ದರ್ಶನ್ಗಗ ಮಡದಿ ವಿಜಯಲಕ್ಷ್ಮಿ ಗಂಡನ ಪರವಾಗಿ ಕಾನೂನು ಮೂಲಕವೇ ಬಡಿದಾಡಿದ್ದರು. ಹಳೇಯ ಕಿಸುರೆಲ್ಲವನ್ನೂ ಮರೆತು ದಿನಕರ್ ಕೂಡಾ ಜೊತೆ ನಿಂತಿದ್ದರು. ಮೀನಮ್ಮ ಅಂಥಾ ಅನಾರೋಗ್ಯದ ನಡುವೆಯೂ ಜೈಲಿಗೆ ತೆರಳಿ ಮಗನ ನೆತ್ತಿ ನೇವರಿಸಿ ಭರವಸೆ ತುಂಬಿ ಬಂದಿದ್ದರು. ಆದರೆ, ಮಹಾ ಮಾತೆ ಸುಮಲತಾ ಆಗಲಿ, ಅವರ ಪುತ್ರ ಅಭಿಶೇಕ್ ಆಗಲಿ ಜೈಲಿನತ್ತ ಸುಳಿಯಲೂ ಇಲ್ಲ. ಇಂಥಾ ನೌಟಂಕಿ ಆಟಗಳನ್ನು ಕಂಡ ದರ್ಶನ್ ಅತ್ಯಂತ ನಿಷ್ಠುರವಾಗಿಯೇ ಅಮ್ಮ ಮಗನನ್ನು ದೂರವಿಟ್ಟಿದ್ದಾರೆ.

ದರ್ಶನ್ ಜಾಗದಲ್ಲಿ ಬೇರ್‍ಯಾರೇ ಇದ್ದಿದ್ದರೂ ಈ ವಿಚಾರದಲ್ಲಿ ಇಂಥಾದ್ದೇ ನಿರ್ಧಾರ ತೆಗೆದುಕೊಳ್ಳುತ್ತಿದ್ದರು ಅನ್ನೋದರಲ್ಲಿ ಯಾವ ಸಂಶಯವೂ ಇಲ್ಲ. ಅಷ್ಟಕ್ಕೂ ಈ ಅಭಿ ಕೂಡಾ ದರ್ಶನ್ ನನ್ನಣ್ಣ ಅನ್ನುತ್ತಾ ಓಡಾಡಿದ್ದ. ಮಾಡಿದ್ದು ಒಂದೆರಡು ತಗಡು ಸಿನಿಮಾಗಳನ್ನಾದರೂ ತಾನೇನೋ ಸ್ಟಾರ್ ನಟ ಎಂಬಂತೆ ಬಿಲ್ಡಪ್ಪು ಕೊಟ್ಟುಕೊಂಡು ಅಡ್ಡಾಡಲಾರಂಭಿಸಿದ್ದ. ಥೇಟು ಅಂಬರೀಶ್ ಅವರಂತೆಯೇ ಮಾಧ್ಯಮದವರೊಂದಿಗೂ ವರ್ತಿಸಲು ಶುರುವಿಟ್ಟಿದ್ದ. ಅಂಬರೀಶ್ ಮತ್ತು ಮಾಧ್ಯಮ ಮಂದಿಯ ನಡುವಿದ್ದ ಸಲುಗೆ, ಪ್ರೀತಿಯೇ ಬೇರೆ ತೆರನಾದದ್ದು. ಈ ಅಭಿ ಅದನ್ನೇ ಅನುಕರಿಸಲು ನೋಡುತ್ತಿರೋ ವಿಚಾರ ಎಂಥಾವರಿಗೂ ರೇಜಿಗೆ ಮೂಡಿಸುತ್ತಿತ್ತು. ಇಂಥಾ ಅಭಿ ರಾಜಕಾರಣಿಯಾಗಿ ಈ ನೆಲದ ಜನಸಾಮಾನ್ಯರಿಗೆ ಒಳಿತಾಗುವಂಥಾದ್ದನ್ನು ಮಾಡುತ್ತಾನೆಂಬ ಯಾವ ನಂಬಿಕೆ, ಯಾರಲ್ಲಿಯೂ ಇಲ್ಲ.

ಆದರೆ ಮಾತೆ ಸುಮಲತಾಗೆ ನಟನಾಗಿ ಕವುಚಿಕೊಂಡ ತನ್ನ ಪುತ್ರನನ್ನು ರಾಜಕಾರಣಿಯಾಗಿಯಾದರೂ ನೆಲೆಗಾಣಿಸುವ ಇರಾದೆ ಇದೆ ಅಂತ ಆಪ್ತ ಬಳಗದಲ್ಲಿಯೇ ಗುಲ್ಲೆದ್ದಿದೆ. ಈ ಸಂಬಂಧವಾಗಿ ಮಂಡ್ಯ ಸೀಮೆಯ ಕೆಲ ಅಂಬಿ ಅಭಿಮಾನಿಗಳ ಮೂಲಕ ವೇದಿಕೆ ಸಜ್ಜುಗೊಳಿಸುವ ಪ್ರಯತ್ನವನ್ನೂ ನಡೆಸಿದ್ದರೆಂಬ ಮಾತಿದೆ. ಆದರೆ, ಅದು ಅವರ್‍ಯಾರಿಗೂ ಇಷ್ಟವಿಲ್ಲದೇ ಹೋದರೂ ಕೂಡಾ ಅಂಬಿ ಮೇಲೆನ ಅಭಿಮಾನದಿಂದ ಗೋಣಾಡಿಸಿ ಎದ್ದು ಹೋಗಿದ್ದಾರೆಂದೂ ಹೇಳಲಾಗುತ್ತಿದೆ. ಸದ್ಯಕ್ಕೆ ಸುಮಲತಾ ಮೊಮ್ಮಗನ ನಾಮಕರಣಕ್ಕೂ ದರ್ಶನ್ ನೆರಳು ಸೋಕಿಲ್ಲ. ಆದರೆ, ಅಲ್ಲಿ ಕಿಚ್ಚ ಸುದೀಪ್ ಕಾಣಿಸಿಕೊಂಡಿದ್ದಾರೆ. ಕಳೆದ ಬಾರಿ ತನ್ನ ಪ್ರೀತಿಯ ಮಾಮ ಬೊಮ್ಮಣ್ಣನ ಪರವಾಗಿ ವ್ಯಾಪಕ ಪ್ರಚಾರ ನಡೆಸಿದ್ದವರು ಸುದೀಪ. ಲಾಟರಿ ಹೊಡೆದಂತೆ ಸಿಎಂ ಆಗಿ, ಪರಮ ಭ್ರಷ್ಟಾಚಾರ, ಲಂಗು ಲಗಾಮಿಲ್ಲದ ಆಡಳಿತ ವೈಖರಿಯಿಂದ ಅದಾಗಲೆ ಮಾಮ ಬೊಮ್ಮಣ್ಣ ಮಾನಗೆಡಿಸಿಕೊಂಡಾಗಿತ್ತು. ಅದನ್ನೂ ಲೆಕ್ಕಿಸದೆ ಆ ಆಸಾಮಿಯ ಪರವಾಗಿ ಕಿಚ್ಚ ಪ್ರಚಾರ ನಡೆಸಿದ್ದರೂ ಕೂಡಾ ಅವರ ಪ್ರೀತಿಯ ಮಾವ ಬೊಮ್ಮಣ್ಣ ಖಾಲಿ ನೆತ್ತಿಯಲ್ಲಿ ಮೂಡಿದ್ದ ಸೋಲಿನ ಬೆವರು ಒರೆಸಿಕೊಂಡು ಪಟ್ಟದಿಂದ ಇಳಿದು ಹೋಗುವಂತಾಗಿತ್ತು. ಹಾಗೆ ಮಾಮನ ಪರ ನಿಂತಿದ್ದ ಕಿಚ್ಚ ತನ್ನ ಮಗನ ಪರ ನಿಲ್ಲದಿರೋದಿಲ್ಲ ಎಂಬಂಥಾ ಕ್ಷೀಣ ಆಸೆಯೊಂದು ಸುಮಲತಾರಲ್ಲಿದ್ದಂತೆ ಕಾಣಿಸುತ್ತಿದೆ!

The post sumalatha ambareesh: ನಟನಾಗಿ ಮಗುಚಿಕೊಂಡ ಮಗನನ್ನು ರಾಜಕಾರಣಿಯಾಗಿಸೋ ಆಸೆ! appeared first on Cini Shodha.

ಕಿಚ್ಚ ಬಿಗ್ ಬಾಸ್ ಶೋ (biggboss kannada) ಸೇರಿದಂತೆ ಒಂದಷ್ಟು ವಿಚಾರಗಳಲ್ಲಿ ಬ್ಯುಸಿಯಾಗುತ್ತಾ ಬಂದಿದ್ದರು. ಇಂಥಾ ಕಾರಣಗಳಿಂದಲೇ ಮ್ಯಾಕ್ಸ್ ಮುಂದೂಡಲ್ಪಡುತ್ತಿದೆ ಎಂಬಂಥಾ ಅಸಹನೆಯೊಂದು ಅಭಿಮಾನಿಗಳ ನಡುವಲ್ಲೇ ಹಬೆಯಾಡಲಾರಂಭಿಸಿತ್ತು. ಅದರಲ್ಲಿ ನಿಜವಿರೋದನ್ನು ತಳ್ಳಿ ಹಾಕಲು ಸಾಧ್ಯವಿಲ್ಲ. ನಿಜ, ಒಂದು ಬಿಗ್ ಬಜೆಟ್ ಸಿನಿಮಾ ಸಾಕಷ್ಟು ಸಮಯ ಬೇಡುತ್ತದೆ. ಹಾಗಂತ, ವರ್ಷಗಟ್ಟಲೆ ಕಾಯೋ ವ್ಯವಧಾನ ಅಭಿಮಾನಿಗಳಿಗೂ ಇರುವುದಿಲ್ಲ. ಸ್ಟಾರ್ ನಟನೊಬ್ಬನ ಸಿನಿಮಾಗಳು ಹೀಗೆ ವರ್ಷಗಟ್ಟಲೆ ಎಳೆದಾಡೋದಿದೆಯಲ್ಲಾ? ಅದು ಚಿತ್ರರಂಗದ ಏಳಿಗೆಯ ದೃಷ್ಟಿಯಿಂದಲೂ ಒಳಿತಲ್ಲ. ಈ ಸಂಬಂಧವಾಗಿ ಕಿಚ್ಚ ಸೂಕ್ಷ್ಮತೆ ಮರೆತು ಮುಂದುವರೆಯುತ್ತಿದ್ದಾರಾ ಅಂತೊಂದು ಅನುಮಾನ ಎಲ್ಲರನ್ನೂ ಕಾಡಿದ್ದು ಸುಳ್ಳಲ್ಲ.

ಕಡೆಗೂ ಮ್ಯಾಕ್ಸ್ ಚಿತ್ರ ಇದೇ ಡಿಸೆಂಬರ್ ೨೫ರಂದು ಬಿಡುಗಡೆಯಾಗೋದು ನಿಕ್ಕಿಯಾಗಿದೆ. ಹಾಗೆ ನೋಡಿದರೆ, ೨೦೨೨ರಲ್ಲಿ ಬಿಡುಗಡೆಗೊಂಡಿದ್ದ ವಿಕ್ರಾಂತ್ ರೋಣ ಚಿತ್ರವೇ ಕೊನೆ; ಆ ನಂತರ ಸುದೀಪ್ ಅಭಿನಯದ ಒಂದು ಚಿತ್ರವೂ ಬಿಡುಗಡೆಗೊಂಡಿಲ್ಲ. ಮ್ಯಾಕ್ಸ್ ಸೇರಿದಂತೆ ಒಂದಷ್ಟು ಸಿನಿಮಾಗಳು ಸುದೀಪ್ ಕೈಲಿದ್ದರೂ ಅಭಿಮಾನಿಗಳನ್ನು ಎರಡು ವರ್ಷಗಳ ಕಾಲ ತಾಕುತ್ತಾ ಬಂದಿದ್ದು ನಿರಾಸೆ ಮಾತ್ರ. ಆದರೆ, ಮ್ಯಾಕ್ಸ್ ಟೀಸರ್ ಒಂದು ರಿಲೀಸಾಯ್ತು ನೋಡಿ? ಅದರ ಖದರ್ರೇ ಅಸಹನೆಗಳನ್ನು ನೀಗಿಸಿ, ಕಾಯುವ ಸೈರಣೆ ತುಂಬಿದ್ದರಲ್ಲಿ ಎರಡು ಮಾತಿಲ್ಲ. ಈಗ ಮ್ಯಾಕ್ಸ್ ಮಾಡುತ್ತಿರೋ ಬಿಡುಗಡೆಪೂರ್ವ ಬ್ಯುಸಿನೆಸ್ಸು ಮತ್ತು ಪ್ಯಾನಿಂಡಿಯಾ ಮಟ್ಟದಲ್ಲಿ ಹಬ್ಬಿಕೊಂಡಿರೋ ಕ್ರೇಜ್ ನೋಡಿದರೆ ಇದುವರೆಗಿನ ಕಾಯುವಿಕೆಯೆಲ್ಲ ಮಹಾ ಗೆಲುವಿನ ಮೂಲಕ ಸಾರ್ಥಕ್ಯ ಕಾಣುವ ಸಾಧ್ಯತೆಗಳು ಢಾಳಾಗಿ ಗೋಚರಿಸುತ್ತಿವೆ!

ಸುದೀಪ್ ಥರದ ನಟರ ಸಿನಿಮಾಗಳು ವರ್ಷಕ್ಕೊಂದಾದರೂ ಬಂದರೆ ಮಾತ್ರವೇ ಕನ್ನಡ ಚಿತ್ರರಂಗ ಬರಖತ್ತಾಗಲು ಸಾಧ್ಯ. ಈಗಂತೂ ಬಘೀರ ಮತ್ತು ಭೈರತಿ ರಣಗಲ್ ಚಿತ್ರಗಳ ಗೆಲುವಿನ ಮೂಲಕ ಚಿತ್ರರಂಗ ತುಸು ಚೇತರಿಸಿಕೊಂಡಿದೆ. ಮ್ಯಾಕ್ಸ್ ಮತ್ತೊಂದು ದಿಕ್ಕಿನಲ್ಲಿ ಆಕ್ಸಿಜನ್ನಾಗುವ ಸಾಧ್ಯತೆಗಳಿದ್ದಾವೆ. ಧ್ರುವ ಸರ್ಜಾನ ಮಾರ್ಟಿನ್ ಎಂಬೋ ಬೂಸಾ ಚಿತ್ರವೊಂದು ಎಲ್ಲವನ್ನೂ ಹಾಳುಗೆಡವಿತ್ತು. ಕ್ಲೀನ್ ಶೇವ್ ಮಾಡಿದ್ದ ನಿರ್ಮಾಪಕನ ಬುಡುಡೆಯನ್ನು ನಿರ್ದೇಶಕ ಅರ್ಜುನ ಮತ್ತೊಂದು ಸಾರಿ ಕ್ಲೀನ್ ಶೇವ್ ಮಾಡಿದ್ದೇ ಮಾರ್ಟಿನ್ ಚಿತ್ರದ ಮಹಾ ಸಾಧನೆ. ಇದರಿಂದ ಪ್ಯಾನಿಂಡಿಯಾ ಮಟ್ಟದಲ್ಲಿ ಕನ್ನಡ ಚಿತ್ರರಂಗದ ಮಾನ ಹರಾಜಾಗಿದೆ. ಅಂಥಾದ್ದೊಂದು ಹಿನ್ನಡೆಯನ್ನು ಮ್ಯಾಕ್ಸ್ ಮರೆಸುವಂತಾದರೆ, ಅದಕ್ಕಿಂತಲೂ ಖುಷಿಯ ವಿಚಾರ ಮತ್ತೇನಿಲ್ಲ. ಇದರ ಜೊತೆ ಜೊತೆಗೇ ಸುದೀಪ್ ಅಭಿಮಾನಿಗಳ ಮನದಿಂಗಿತಕ್ಕೆ ಕಿವಿಯಾಗೋ ದರ್ದೂ ಇದೆ. ಕಿಚ್ಚ ನೀಟಾಗಿ ವರ್ಷಕ್ಕೊಮದು ಸಿನಿಮಾದಲ್ಲಿ ನಟಿಸಿ, ಬಿಡುಗಡೆಗೊಳಿಸಲೆಂಬುದು ಅಭಿಮಾನಿಗಳ ಒತ್ತಾಸೆಯಾಗಿರುವಂತಿದೆ. ಮುಂದಿನ ವರ್ಷದಿಂದಾದರೂ ಅದು ಸಾಧ್ಯವಾಗಬಹುದಾ ಅನ್ನೋದಕ್ಕೆ ಕಾಲವೇ ಉತ್ತರಿಸಬೇಕಿದೆ!

The post kiccha sudeep max: ಅಷ್ಟಕ್ಕೂ ಸುದೀಪ್ ಅಭಿಮಾನಿಗಳು ಬಯಸುತ್ತಿರೋದೇನು? appeared first on Cini Shodha.

ಆ ಹೊತ್ತಿಗೆಲ್ಲ ಕಿಚ್ಚನ ಘನತೆಗೆ ಇಂಥಾ ಶೋಗಳು ಸರಿ ಹೊಂದೋದಿಲ್ಲ ಎಂಬಂಥಾ ಕೂಗೂ ಕೇಳಿ ಬರಲಾರಂಭಿಸಿತ್ತು. ಅದು ಹತ್ತನೇ ಸೀಜನ್ನು ಆರಂಭಗೊಂಡ ಈ ಘಳಿಗೆಯಲ್ಲಿ ಮತ್ತಷ್ಟು ತೀವ್ರವಾಗಿ ಬಿಟ್ಟಿದೆ. ಈ ಬಾರಿಯ ಸ್ಪರ್ಧಿಗಳನ್ನೊಮ್ಮೆ ನೋಡಿದರೆ, ಒಂದಷ್ಟು ಗಟ್ಟಿ ಕಾಳುಗಳಿರುವಂತೆ ಕಾಣಿಸೋದು ನಿಜ. ಅದೇ ಹೊತ್ತಿನಲ್ಲಿ, ಈ ಶೋ ಸೇರಿಕೊಳ್ಳಲು ಒಂದಷ್ಟು ಗಿಮಿಕ್ಕುಗಳನ್ನು ಮಾಡಿ ಬಂದವರೂ ಇದ್ದಾರೆ. ಸುಳು ಬೊಗಳುತ್ತಾ ಮೀಡಿಯಾಗಳನ್ನೂ ಮಂಗಾ ಮಾಡಿದ್ದ ದ್ರೋಣ್ ಪ್ರತಾಪ್, ಬುಲಟ್ ಪ್ರಕಾಶನ ಮಗನೆಂಬುದನ್ನೇ ಕಿರೀಟದಂತೆ ಧರಿಸಿಕೊಂಡು ಮೆರೆಯುತ್ತಿರುವ ಎಳಸು ಕುನ್ನಿಯಂಥಾ ಬುಲೆಟ್ ರಕ್ಷಕ್… ಇಂಥರನ್ನೆಲ್ಲ ಯಾವ ಸೌಭಾಗ್ಯಕ್ಕಾಗಿ ಬಿಗ್ ಬಾಸ್ ದೊಡ್ಡಿಗೆ ತುಂಬಿಕೊಂಡಿದ್ದಾರೆಂಬ ಪ್ರಶ್ನೆ ಪ್ರೇಕ್ಷಕರನ್ನು ಕಾಡುತ್ತಿದೆ.

ಇನುಳಿದಂತೆ, ಈ ಸೀಜನ್ನಿನ ಬಿಗ್ ಬಾಸ್ ಸ್ಪರ್ಧಿಗಳ ವಿಚಾರದಲ್ಲಿ ಮತ್ತೊಂದು ಸೂಕ್ಷ್ಮವೂ ದಟ್ಟವಾಗಿ ಕಾಣಿಸುತ್ತಿದೆ. ಕೆಲ ನಟ ನಟಿಯರಿಗೆ ಬಿಗ್ ಬಾಸ್ ಸ್ಪರ್ಧಿಗಳಾಗಿ ಹೆಚ್ಚೆಚ್ಚು ಜನರನ್ನು ತಲುಪಿಕೊಳ್ಳಬೇಕೆಂಬ ತಲುಬಿದೆ. ಅದು ಸಹಜ. ಆದರೆ, ಅದನ್ನು ಸಾಧ್ಯವಾಗಿಸಿಕೊಳ್ಳುವ ದಾರಿಯಾದರೂ ನೆಟ್ಟಗಿರಬೇಕಾಗುತ್ತೆ. ಈ ಚರ್ಚೆಗೆ ಪ್ರಧಾನವಾಗಿ ಒಳಗೊಳ್ಳುವವರು ಕಿರುತೆರೆ ನಟಿಯರಾದ ತನಿಷಾ ತಾಪಂಡ ಮತ್ತು ನಮ್ರತಾ ಗೌಡ. ಅದ್ಯಾವುದೋ ಸವಕಲು ಧಾರಾವಾಹಿಯೊಂದರಲ್ಲಿ ವಿಲನ್ ಆಗಿ ನಟಿಸಿದ್ದಾಕೆ ತನಿಷಾ ಕುಪ್ಪಂಡ. ವಿಲನ್ನಾಗಿ ಅದೇನೇ ಕೋಪ, ತಾಪ ಪ್ರದರ್ಶಿಸಿದರೂ, ಹೇಳಿಕೊಳ್ಳುವಂಥಾ ಪ್ರಚಾರ ಸಿಕ್ಕಿರಲಿಲ್ಲ.

ರಾಮ್ ಜಿ ಎಂಬಾತ ಕಂತುಗಟ್ಟಲೆ ಎಳೆದಾಡಿದ್ದ ಆ ಖರಾಬು ಸೀರಿಯಲ್ಲು ಕಡೆಗೂ ಸಮಾಪ್ತಿಗೊಂಡಿತ್ತು. ಅದರ ಬೆನ್ನಲ್ಲಿಯೇ ತನಿಷಾಗೆ ಗುರು ದೇಶಪಾಂಡೆಯ ಪೆಂಟಗನ್ ಎಂಬ ಚಿತ್ರದಲ್ಲಿ ನಟಿಸೋ ಅವಕಾಶ ಸಿಕ್ಕಿತ್ತು. ಅದರಲ್ಲಿ ಬೆತ್ತಲೆ ಬೆನು ತೋರಸಿ, ನಾನ ಅವತಾರಗಳಲ್ಲಿ ಕಾಣಿಸಿಕೊಂಡಿದ್ದ ಈಕೆ ಏಕಾಏಕಿ ಪ್ರಸಿದ್ಧಿ ಪಡೆದುಕೊಂಡಿದ್ದಳು. ನಂತರ ಸಾಮಾಜಿಕ ಜಾಲತಾಣಳಲ್ಲಿ ಬಿಡುಬೀಸಾಗಿ ಕಾಣಿಸಿಕೊಳ್ಳುವ ಮೂಲಕ, ಆ ಪ್ರಚಾರದ ಪ್ರಭೆಯನ್ನು ಕಾಪಿಟ್ಟಕೊಂಡಿದ್ದಳು. ಈವತ್ತಿಗೆ ಅಂಥಾ ಹಠಾತ್ ಪಬ್ಲಿಸಿಟಿಯೇ ತನಿಷಾಳನ್ನು ಬಿಗ್ ಬಾಸ್ಮನೆ ತಲುಪಿಸಿದೆ.

ಇನ್ನು ನಮ್ರತಾಳ ವಿಚಾರಕ್ಕೆ ಬಂದರೆ, ಕೃಷ್ಣ ರುಕ್ಮಿಣಿ ಅಂತೊಂದು ಸೀರಿಯಲ್ಲಿನ ಮೂಲಕ ಈಕೆ ಬಣ್ಣ ಹಚ್ಚಿದ್ದಳು. ಆ ನಂತರ ಪುಟ್ ಗೌರಿ ಮದುವೆ ಧಾರಾವಾಹಿಯಲ್ಲಿಯೂ ನಟಿಸಿದ್ದಳು. ಆ ನಂತರದಲ್ಲಿ ನಾಗಿಣಿಯಾಗಿ ಬುಸುಗುಟ್ಟಿದರೂ ಕೂಡಾ ಹೇಳಿಕೊಳ್ಳುವಂಥಾ ಹೈಪು ಸಿಕ್ಕಿರಲಿಲ್ಲ. ಅದೆಲ್ಲವೂ ಮುಗಿದಾದ ನಂತರ ಈಕೆ ಜಲಪಾತವೊಂದರ ಮುಂದೆ ಟೂ ಪೀಸ್ ನಲ್ಲಿ ನಿಂತು ಫೋಟೋ ಶೂಟ್ ಮಾಡಿಸಿಕೊಂಡಿದ್ದಳು. ಇಂಥಾದ್ದಕ್ಕೆ ಬಾಯ್ತೆರೆದು ಕೂತು ಬರಗೆಟ್ಟ ವಾಹಿನಿಯೊಂದು ಅದನ್ನೇ ಸ್ಪೆಷಲ್ ಪ್ರೋಗ್ರಾಮು ಮಾಡಿ ಬಿಟ್ಟಿತ್ತು. ಆ ಪ್ರಚಾರವೇ ಬಿಗ್ ಬಾಸ್ ಮಂದಿ ನಮ್ರತಾಳನ್ನು ಗಣನೆಗೆ ತೆಗೆದುಕೊಳ್ಳುವಂತೆ ಮಾಡಿದ್ದರೂ ಅಚ್ಚರಿಯೇನಿಲ್ಲ.

ಇದು ಈ ಸಮಾಜಕ್ಕೆ ಎಂಥಾ ಸಂದೇಶ ಕೊಡಲು ಸಾಧ್ಯ? ಈವತ್ತಿಗೂ ಬಿಗ್ ಬಾಸ್ ಸ್ಪರ್ಧಿಯಾಗಬೇಕೆಂಬ ಕನಸು ಅನೇಕರಲ್ಲಿದೆ. ಅವರೆಲರ ಮುಂದೆ ಬಟ್ಟೆ ಕಳಚಿ ನಿಲ್ಲೋ ಆಯ್ಕೆ ಒಂದೇ ಉಳಿದುಕೊಂಡರೆ ಅದಕ್ಕಿಂತಲೂ ದುರಂತ ಬೇರೇನಿದೆ? ಕೊಂಚವಾದರೂ ಸಾಧಿಸಿದವರನ್ನು, ಸಾಧಿಸೋ ಛಲ, ಪ್ರತಿಭ ಹೊಂದಿರುವವರನ್ನು, ತಲೆ ನೆಟ್ಟಗಿರುವವರನ್ನು ಮಾತ್ರ ಪರಿಗಣಿಸಿದರೆ ಈ ಕಾರ್ಯಕ್ರಮಕ್ಕೊಂದು ಘನತೆ ಇರುತ್ತದೆ. ಅಷ್ಟರ ಮಟ್ಟಿಗೆ ಕಿಚ್ಚನ ಮರ್ಯಾದೆಯೂ ಮುಕಾಗೋದು ತಪ್ಪುತ್ತದೆ. ಅದು ಬಿಟ್ಟು ಕಾಗೆ ಪ್ರತಾಪ, ಬುಲೆಟ್ ರಕ್ಷಕ್ ನಂಥಾ ಅರೆಬೆಂದ ಆಸಾಮಿಗಳನ್ನು, ಬಿಚ್ಚಮ್ಮಗಳನ್ನು ತುಂಬಿಕೊಂಡರೆ ಪ್ರೇಕ್ಷಕರು ಖುದ್ದಾಗಿ ಬಿಗ್ ಬಾಸ್ ಮುಖಕ್ಕೆ ತುಪುಕ್ಕನೆ ಉಗಿದು ಬಿಡುತ್ತಾರೆ. ದುರಂತವೆಂದರೆ, ಕಳೆದ ಒಂದಷ್ಟು ಸೀಜನ್ನುಗಳು ಬಿಗ್ ಬಾಸ್ ಮಂದಿಗೆ ರಾಚಿದ ಉಗುಳನ್ನು ಒರೆಸಿಕೊಂಡು ಮುಂದುವರೆಯುವ ಭಂಡತನ ಕಲಿಸಿದಂತಿದೆ!

The post bigg boss season 10: ಪ್ರಸಿದ್ಧಿಯ ಅಸಲೀ ವ್ಯಾಖ್ಯಾನವೇನು ಸ್ವಾಮಿ? appeared first on Cini Shodha.