ನಿರ್ದೇಶನ: ಚಂದ್ರಮೌಳಿ
ತಾರಾಗಣ: ರಾಮ್ ಗೌಡ, ಅದಿತಿ ಪ್ರಭುದೇವ, ಡಿಂಪಲ್ ಹಯಾತಿ, ಸಾಯಿಕುಮಾರ್, ಶರತ್ ಲೋಹಿತಾಶ್ವ
ರೇಟಿಂಗ್: 2.5

ಟ್ರೈಲರ್ ಮೂಲಕವೇ ಒಂದು ವರ್ಗದ ಪ್ರೇಕ್ಷಕ ವಲಯದಲ್ಲಿ ಕುತೂಹಲ ಮೂಡಿಸುತ್ತಲೇ, ಪಡ್ಡೆ ಹೈಕಳ ಹೃದಯದಲ್ಲಿ ಸಂಚಲನ ಸೃಷ್ಟಿಸಿದ್ದ ಚಿತ್ರ ದಿಲ್ ಮಾರ್. ಈ ಸಿನಿಮಾ ಆರಂಭಿಕವಾಗಿ ಪ್ರೇಕ್ಷಕರನ್ನು ಸೆಳೆದುಕೊಂಡಿದ್ದಕ್ಕೆ ಟ್ರೈಲರ್ ಮಾತ್ರವೇ ಕಾರಣ ಅಂದುಕೊಳ್ಳುವಂತಿಲ್ಲ. ಕೆಜಿಎಫ್‌ನಂಥಾ ಸೂಪರ್ ಹಿಟ್ ಸಿನಿಮಾದ ಸಂಭಾಷಣಾ ಕಾರರಾಗಿಕ ಹೆಸರಾಗಿದ್ದ ಚಂದ್ರಮೌಳಿ ದಿಲ್ ಮಾರ್ ಮೂಲಕ ನಿರ್ದೇಶಕರಾಗಿದ್ದರು. ಕೆಜಿಎಫ್‌ನಂಥಾದ್ದೊಂದು ಬಿಗ್ ಹಿಟ್ ಸಿನಿಮಾದ ಭಾಗವಾದವರು ನನ್ನು ಮಾಡಹೊರಟರೂ ಪ್ರೇಕ್ಷಕರಲ್ಲೊಂದು ಕುತೂಹಲ ಮೂಡಿಸೋದು ಸಹಜ. ಅಂಥಾ ಕೌತುಕದ ಒಡ್ಡೋಲಗದಲ್ಲಿ ದಿಲ್ ಮಾರ್ ತೆರೆಗಂಡಿದೆ. ಅದರ ಕಥನ, ಅದು ಮೂಡಿಸೋ ಫೀಲ್ ಮತ್ತು ಒಟ್ಟಾರೆ ಸಿನಿಮಾವನ್ನು ಚಂದ್ರಮೌಳಿ ಕಟ್ಟಿಕೊಟ್ಟಿರುವ ರೀತಿಯೆಲ್ಲವೂ ನೋಡುಗರನ್ನು ಸೆಳೆದಿದೆ. ಆದರೆ, ಅವರೆಲ್ಲರನ್ನೂ ಕೂಡಾ ಇದು ಈ ಕಾಲಘಟ್ಟದಲ್ಲಿ ಬಿಡುಗಡೆಗೊಳ್ಳವಂಥಾ ಸಿನಿಮಾವಲ್ಲ ಎಂಬ ವಿಚಿತ್ರ ಭಾವವೊಂದು ಅನಾಯಾಸವಾಗಿ ಅಪ್ಪಿಕೊಂಡಿದೆ!

ಚಂದ್ರಮೌಳಿ ಮೊದಲ ಹೆಜ್ಜೆಯಲ್ಲಿಯೇ ಸಿಕ್ಸರ್ ಬಾರಿಸುವ ಉಮೇದಿನೊಂದಿಗೆ ಈ ಸಿನಿಮಾವನ್ನು ಕಟ್ಟಿಕೊಟ್ಟಿರೋದು ಪ್ರತೀ ಫ್ರೇಮುಗಳಲ್ಲಿಯೂ ಕಣ್ಣಿಗೆ ರಾಚುತ್ತೆ. ಅವರ ಪ್ರಯತ್ನದಲ್ಲಿ ಯಶವನ್ನೂ ಕಂಡಿದ್ದಾರೆ. ಸೀನುಗಳು ಸರಿದಾಗೆಲ್ಲ ಪುಟಿದೇಳುವ ಪಂಚಿಂಗ್ ಡೈಲಾಗುಗಳು, ಲವ್ವು, ಫೈಟ್ ಸೀನುಗಳು ಈ ಸಿನಿಮಾವನ್ನು ಕಿಮರ್ಶಿಯಲ್ ಚೌಕಟ್ಟಿನಲ್ಲಿ ಸಮೃದ್ಧಗೊಳಿಸಿವೆ. ತಾನೋರ್ವ ಹೊಸಾ ಹೀರೋನನ್ನು ಲಾಂಚ್ ಮಾಡುತ್ತಿರುವ ವಿಚಾರವನ್ನ ಮರೆತೇ ಬಿಟ್ಟಂತೆ ಚಂದ್ರಮೌಳಿ ಆ ಪಾತ್ರವನ್ನು ಕೇಜಿಗಟ್ಟಲೆ ಪಂಚಿಂಗ್ ಡೈಲಾಗುಗಳಿಂದ ಶೃಂಗರಿಸಿದ್ದಾರೆ. ತಮ್ಮ ಪಾಲಿನ ಅಷ್ಟೂ ಕೆಲಸವನ್ನು ನೋಡುಗರೆಲ್ಲ ಅಹುದಹುದೆನ್ನುವಂತೆ ಮಾಡಿದ್ದರೂ ಕೂಡಾ, ಅತೀ ಮುಖ್ಯ ವಿಚಾರವೇ ಅದೇಕೋ ಚಂದ್ರಮೌಳಿಯ ತಲೆಗೆ ಹೊಳೆಯದೆ ಯಡವಟ್ಟು ಸಂಭವಿಸಿದಂತಿದೆ!

ಈ ಸಿನಿಮಾ ಮಂಗಳೂರಿನಲ್ಲೋರ್ವ ರೌಡಿಯ ಕೊಲೆಯ ಸನ್ನಿವೇಶದೊಂದಿಗೆ ತೆರೆದುಕೊಳ್ಳುತ್ತೆ. ಹಾಗೆ ಕೊಲೆಯಾದವನ ಅಣ್ಣ ಭಾರ್ಗವನ ಪರಿಚಯವನ್ನೂ ಕೂಡಾ ನಿರ್ದೇಶಕರು ಪಂಚಿಂಗ್ ಡೈಲಾಗುಗಳ ಮೂಲಕವೇ ಮಾಡಿಸುತ್ತಾರೆ. ಆ ನಂತರದ ದೃಷ್ಯ ಮತ್ತದೇ ಡೈಲಾಗ್ ಕಮಾಲಿನೊಂದಿಗೆ ತೆರೆದುಕೊಳ್ಳೋದು ಮೇಲುಕೋಟೆಯಲ್ಲಿ. ಅಲ್ಲಿಯೇ ಹೀರೋ ಎಂಟ್ರಿಯಾಗುತ್ತೆ. ಏಕಾಏಕಿ ಆ ಊರ ಗೌಡನ ಮನೆಗೆ ನುಗ್ಗೋ ನಾಯಕ ಹುಡುಗಿಯೊಬ್ಬಳ ಹೆಸರು ಕೂಗುತ್ತಾ ಅರಚಾಡೋ ನಾಯಕನಿಗೆ ಆಕೆಯ ಅಣ್ಣ ಸಾಯಡಿಯುತ್ತಾನೆ. ಯಾಕೆಂದರೆ, ಹೀರೋ ಅದೆಷ್ಟು ಸಲ ಹೊಡೆಸಿಕೊಂಡರೂ ಮತ್ತೆ ಮತ್ತೆ ಆಕೆಯನ್ನು ಪ್ರೀತಿಸುವಂತೆ ಪೀಡಿಸುತ್ತಿರುತ್ತಾನೆ. ಇಂಥಾ ನಾಯಕನಿಗೆ ಅದಕ್ಕೂ ಮುನ್ನವೇ ಹುಡುಗಿಯೊಬ್ಬಳೊಂದಿಗೆ ಹೇಗೆ ಲವ್ವಾಗಿರುತ್ತೆ? ಖುದ್ದು ಆ ಸುಂದರಿಯೇ ಬಳಿ ಬಂದರೂ ಬ್ರೈನಿನ ಮಾತು ಕೇಳದ, ಮೆದುಳು ಹೇಳಿದಕ್ಕೆ ತದ್ವಿರುದ್ಧ ಪಥದಲ್ಲಿ ಸಾಗಿದ್ದ ಈತ ಅದೇ ಹುಡುಗಿಯ ಮೋಹಕ್ಕೆ ಬೀಳಲು ಕಾರಣವೇನು? ಆತನ ವ್ಯಕ್ತಿತ್ವಕ್ಕೆ ಸೈಕೋ ಪದರ ಮೆತ್ತಿದ ವಿಕ್ಷಿಪ್ತ ಅಧ್ಯಾತ್ಮದ ಮೂಲ ಯಾವುದು?

ಮೊದಲ ಹುಡುಗಿ ತಾನೇ ಪೀಡಿಸಿ ಪ್ರೀತಿಸೆಂದರೂ ಕೊಸರಿಕೊಂಡಿದ್ದ ನಾಯಕ ಯಾಕೆ ಮದುವೆ ನಿಗಧಿಯಾಗಿದ್ದ ಮತ್ತೋರ್ವ ಹುಡುಗಿಯನ್ನು ಬೆಂಬಿದ್ದು ಕಾಡಿಸುತ್ತಾನೆ? ಅಷ್ಟಕ್ಕೂ ಮೊದಲ ಹುಡುಗಿಯ ಬರ್ಭರ ಸಾವಿಗೆ ಕಾರಣವೇನು? ರೌಡಿ ಭಾರ್ಗವ ನಾಯಕನ ಮೇಲೆ ರೊಚ್ಚಿಟ್ಟುಕೊಂಡು ಕೊಲ್ಲಲು ಮುಗಿಬೀಳೋದ್ಯಾಕೆ? ಇಂಥಾ ಎಲ್ಲ ಪ್ರಶ್ನೆಗಳಿಗೂ ರೋಚಕ ಉತ್ತರವೆಂಬಂತೆ ನಿರ್ದೇಶಕರು ಈ ಸಿನಿಮಾವನ್ನು ಕಟ್ಟಿ ಕೊಟ್ಟಿದ್ದಾರೆ. ಕಥೆಯ ವಿಚಾರಕ್ಕೆ ಬಂದರೂ ಗಟ್ಟಿತನವಿದೆ. ಪಾತ್ರವನ್ನು ಸೃಷ್ಟಿಸೋ ವಿಚಾರದಲ್ಲಿಯೂ ಚಂದ್ರಮೌಳಿಯ ಕುಸುರಿ ಬೆರಗು ಮೂಡಿಸುತ್ತೆ. ಪಂಚಿಂಗ್ ಡೈಲಾಗುಗಳಲ್ಲಿಯಂತೂ ಎಲ್ಲವನ್ನೂ ಆವರಿಸುವ ಉಮೇದಿನಲ್ಲಿ ನಿರ್ದೇಶಕರು ವಿಜೃಂಭಿಸಿದ್ದಾರೆ. ಟ್ರೈಲರ್ ನೋಡಿ ಆ ಮೂಲಕ ಕುತೂಹಲ ಮೂಡಿಸಿಕೊಂಡು ಯಾರೇ ಹೋದರೂ ಈ ಸಿನಿಮಾ ಖಂಡಿತವಾಗಿಯೂ ಮೋಸ ಮಾಡೋದಿಲ್ಲ!

ಇಷ್ಟಿದ್ದ ಮೇಲೆ ದಿಲ್ ಮಾರ್ ಹೌಸ್ ಫುಲ್ ಪ್ರದರ್ಶನ ಕಂಡು ಸೂಪರ್ ಹಿಟ್ ಆಗಬೇಕಲ್ಲಾ? ಇಂಥಾ ಪ್ರಶ್ನೆ ನಿಮ್ಮನ್ನು ಕಾಡಸಿದರೆ ಉತ್ತರವೆಂಬುದು ನಿರಾಶಾದಾಯಕವಾಗಿದೆ. ಯಾಕೆಂದರೆ, ಕೆಜಿಎಫ್‌ನಂಥಾ ಈ ಕಾಲಮಾನದ ಸೂಪರ್ ಹಿಟ್ ಚಿತ್ರದ ಭಾಗವಾಗಿದ್ದ ನಿರ್ದೇಶಕ ಚಂದ್ರಮೌಳಿ, ದಿಲ್ ಮಾರ್ ಚಿತ್ರವನ್ನು ಇಂದಿನ ವಾತಾವರಣಕ್ಕೆ ತಕ್ಕುದಾಗಿ ರೂಪಿಸುವಲ್ಲಿ ಎಡವಿದ್ದಾರೆ. ಇಲ್ಲಿ ಚಂದ್ರಮೌಳಿ ಪ್ರದರ್ಶಿಸಿರೋದು ನಿರ್ದೇಶಕರ ಪಿಎನ್ ಸತ್ಯ ಬ್ರ್ಯಾಂಡಿನ ಫಾರ್ಮುಲಾವನ್ನು. ಪಾತ್ರಗಳನ್ನು ಡೈಲಾಗಿನ ಬಿಲ್ಡಪ್ಪುಗಳ ಮೂಲಕವೇ ಹಿಡಿದೆತ್ತೋದು ಸತ್ಯ ಶೈಲಿ. ಅದು ದಶಕಗಳ ಹಿಂದೆ ಸರಿಕಟ್ಟಾಗಿಯೇ ಪರಿಣಾಮ ಬೀರುತ್ತಿತ್ತು. ದರ್ಶನ್, ಸುದೀಪ್, ಶಿವಣ್ಣನಂಥಾ ನಟರೂ ಕೂಡಾ ಅಂಥಾ ಫಾರ್ಮುಲಾವನ್ನು ನೆಚ್ಚಿಕೊಂಡೇ ಸ್ಟಾರ್‌ಡಂ ಪಡೆದುಕೊಂಡಿದ್ದರು. ಆದರೆ, ಅದರ ಪಟ್ಟುಗಳೆಲ್ಲ ದಶಕದ ಹಿಂದೆಯೇ ಸವಕಲಾಗಿದೆ.

ಗಮನೀಯ ಅಂಶವೆಂದರೆ, ಹೊಸಾ ಹೀರೋನ ಎಂಟ್ರಿಯ ಸಿನಿಮಾದಲ್ಲಿ ಇಂಥಾ ಬಿಲ್ಡಪ್ ಡೈಲಾಗುಗಳು ಭಾರವೆನ್ನಿಸುತ್ತವೆ. ಈ ಕಾರಣದಿಂದಲೇ ನವನಾಯಕ ರಾಮ್ ಗೌಡ ಅತ್ಯಂತ ಎನರ್ಜಿಯಿಂದ, ಅಚ್ಚುಕಟ್ಟಾಗಿ ಪಾತ್ರವನ್ನು ನಿರ್ವಹಿಸಿದ್ದರೂ ಕೂಡಾ ಅದು ಗೆಲುವಾಗಿ ರೂಪಾಂತರಗೊಳ್ಳುವಲ್ಲಿ ಎಡವಿದಂತಾಗಿದೆ. ಓವರ್ ಬಿಲ್ಡಪ್ಪಿನ ಪ್ರಭೆಯೇ ಅವರ ಪಾಲಿಗೆ ಒಜ್ಜೆಯಾದಂತೆ ಭಾಸವಾಗುತ್ತದೆ. ಇದೆಲ್ಲದರಾಚೆ, ಈ ಸಿನಿಮಾವೇನಾದರೂ ಈಗೊಂದು ಐದತ್ತು ವರ್ಷಗಳ ಹಿಂದೆ ಬಂದಿದ್ದರೆ, ಆ ದಿನಗಳಲ್ಲಿ ಸ್ಟಾರುಗಳಾಗಿದ್ದ ದರ್ಶನ್, ಸುದೀಪ್‌ರಂಥಾ ನಟರು ನಾಯಕರಾಗಿದ್ದರೆ ಈ ಸಿನಿಮಾ ಖಂಡಿತವಾಗಿಯೂ ನೂರು ದಿನಗಳ ಭರ್ಜರಿ ಪ್ರದರ್ಶನ ಕಾಣುತ್ತಿತ್ತು. ಆದರೆ, ಈಗ ಸೋಶಿಯಲ್ ಮೀಡಿಯಾ ಅಲೆದಯಿಂದ ಪ್ರೇಕ್ಷಕರೇ ಅಪ್‌ಡೇಟಾಗಿದ್ದಾರೆ. ಈ ಹಂತದಲ್ಲಿ ದಿಲ್‌ಮಾರ್ ಚಿತ್ರಕ್ಕೆ ಸ್ಟಾರ್ ನಟರು ಹೀರೋ ಆಗಿದ್ದರೂ ಬಚಾವಾಗೋದು ಕಷ್ಟವೇ!
ಓರ್ವ ನಿರ್ದೇಶಕನಾಗಿ ಕಥೆಯ ಸೃಷ್ಟಿ, ಪಾತ್ರಗಳನ್ನು ರೂಪಿಸುವಿಕೆ ಸೇರಿದಂತೆ ಎಲ್ಲದರಲ್ಲಿಯೂ ಚಂದ್ರಮೌಳಿ ಗೆದ್ದಿದ್ದಾರೆ. ಆದರೆ, ಈವತ್ತಿನ ಪ್ರೇಕ್ಷಕರಿಗೆ ತಕ್ಕುದಾಗಿ ಈ ಸಿನಿಮಾವನ್ನು ಕಟ್ಟಿ ಕೊಡೋದರಲ್ಲಿ ಸೋತಿದ್ದಾರೆ. ಇಂಥಾ ಹಿನ್ನಡೆಯನ್ನು ಹೊರತಾಗಿಸಿ ನೋಡಿದರೆ, ನವ ನಾಯಕ ರಾಮ್ ಗೌಡ ಅತ್ಯಂತ ಸವಾಲಿನದ್ದಾದ ಈ ಪಾತ್ರವನ್ನು ಪೋಶಿಸುವಲ್ಲಿ ಗೆದ್ದಿದ್ದಾರೆ. ನಾಯಕಿಯರಾದ ಅದಿತಿ ಪ್ರಭುದೇವ ಮತ್ತು ಡಿಂಪಲ್ ಹಯಾತಿ ತಂತಮ್ಮ ಪಾತ್ರಗಳಿಗೆ ನ್ಯಾಯ ಸಲ್ಲಿಸಿದ್ದಾರೆ. ಇತ್ತೀಚೆಗೆ ನೇಪಥ್ಯಕ್ಕೆ ಸರಿದಂತಿದ್ದ ಸಾಯಿಕುಮಾರ್ ಭಾರ್ಗವ ಎಂಬ ಪಾತ್ರದಲ್ಲಿ ವಿಲನ್ ಆಗಿ ಅಕ್ಷರಶಃ ಅಬ್ಬರಿಸಿದ್ದಾರೆ. ಕಡಿಮೆ ಕಾಲಾವಧಿಯಿದ್ದರೂ ನಾಯಕಿಯ ತಂದೆಯ ಪಾತ್ರದ ಮೂಲಕ ಶರತ್ ಲೋಹಿತಾಶ್ವ ಮನಸಿಗಿಳಿಯುತ್ತಾರೆ. ನಿರ್ದೇಶಕನಾಗಿ ಪ್ರತೀ ಸೂಕ್ಷ್ಮಗಳನ್ನೂ ಸಮರ್ಥವಾಗಿ ನಿಭಾಯಿಸಿರುವ ಚಂದ್ರಮೌಳಿ ಅದ್ಯಾಕೆ ದಶಕದ ಹಿಂದಿನ ಸವಕಲು ಫಾರ್ಮುಲಾವನ್ನು ನೆಚ್ಚಿಕೊಂಡರೋ… ಸಿನಿಮಾ ನೋಡಿದವರನ್ನೆಲ್ಲ ಅಂತಿಮವಾಗಿ ಅದೊಂದು ಪ್ರಶ್ನೆ ವಿಷಾಧದಂತೆ ಆವರಿಸಿಕೊಳ್ಳುತ್ತೆ!

The post Dilmaar Movie Review: ಕಜಿಎಫ್ ಖ್ಯಾತಿಯ ಪ್ರಭೆಯಲ್ಲಿ ಕೇಜಿಗಟ್ಟಲೆ ಸಂಭಾಷಣೆ! appeared first on Cini Shodha.

ಈಗೊಂದಷ್ಟು ವರ್ಷಗಳ ಹಿಂದಿನವರೆಗೂ ತೆಲುಗು ಚಿತ್ರರಂಗದ ಬಗ್ಗೆ ಬಾಲಿವುಡ್ ಮಂದಿ ಮಾಮೂಲು ತಾತ್ಸಾರ ಹೊಂದಿದ್ದರು. ಯಾವಾಗ ಬಾಹುಬಲಿ ಚಿತ್ರ ತೆರೆಗಂಡಿತೋ, ಆ ಕ್ಷಣದಿಂದಲೇ ಒಂದು ಕಂಪನ ಬಾಲಿವುಡ್ಡಿನ ತುಂಬೆಲ್ಲ ಸಂಚಲನ ಸೃಷ್ಟಿಸಿತ್ತು. ಅದುವರೆಗೆ ದಕ್ಷಿಣದ ಸಿನಿಮಾ ಮಂದಿ ಬಾಲಿವುಡ್ ಸಿನಿಮಾವೊಂದು ಬಿಡುಗಡೆಯಾದರೆ, ಹೀಗೆಯೇ ಕಂಪಿಸುತ್ತಿದ್ದರು. ಅಂಥಾದ್ದೊಂದು ಭಯ ಬಾಹುಬಲಿಯ ಮೂಲಕ ಬಾಲಿವುಡ್ಡಿಗೇ ರವಾನೆಯಾಗಿ ಬಿಟ್ಟಿದೆ. ಬಾಹುಬಲಿ೨ ಬಾಲಿವುಡ್ಡಿನಲ್ಲಿ ಅಂಥಾದ್ದೇ ವಾತಾವರಣ ಸೃಷ್ಟಿಸಿದ್ದದ್ದು ಸತ್ಯ. ಆ ಬಳಿಕ ತೆರೆಗಂಡ ಪ್ರಭಾಸ್ ಚಿತ್ರಗಳು ನೆಗೆಟಿವ್ ಅಂಶಗಳಾಚೆಗೂ ಬಾಲಿವುಡ್ ಮಾರುಕಟ್ಟೆಯಲ್ಲಿ ಕಮಾಲ್ ಮಾಡಿದ್ದವು.

ಒಬ್ಬ ಪ್ರಭಾಸ್ ಹೀಗೆ ಬಾಲಿವುಡ್ ಮಾರುಕಟ್ಟೆಯಲ್ಲಿ ಸಂಚಕಲನ ಸೃಷ್ಟಿಸುತ್ತಲೇ, ಅದು ತೆಲುಗು ಚಿತ್ರಂಗದ ಇತರೇ ನಾಯಕರಿಗೂ ಪ್ರವಹಿಸಿದಂತಾಗಿದೆ. ಅದರ ಫಲವಾಗಿಯೇ ತೆಲುಗಿನಲ್ಲೇ ಗಿರಕಿ ಹೊಡೆಯುತ್ತಿದ್ದ ಅಲ್ಲು ಅರ್ಜುನ್ ವೃತ್ತಿಬದುಕು ಏಕಾಏಕಿ ಮತ್ತೊಂದು ಹಂತಕ್ಕೇರಿದೆ. ಪುಷ್ಪಾ ಚಿತ್ರ ಪ್ಯಾನಿಂಡಿಯಾ ಮಟ್ಟದಲ್ಲಿ ಮಿಂಚಿ, ಬಾಲಿವುಡ್ಡಿಗೆ ಅಕ್ಷರಶಃ ಶಾಕ್ ಕೊಟ್ಟಿದೆ. ಇದೀಗ ಪುಷ್ಪಾ೨ ದೊಡ್ಡ ಮಟ್ಟದ ಹೈಪುಗಳೊಂದಿಗೆ ಬಿಡುಗಡೆಗೆ ತಯಾರಾಗಿದೆ. ಈಗಾಗಲೇ ಪುಷ್ಪರಾಜ್ ಗೆ ಬಾಲಿವುಡ್ಡಲ್ಲೊಂದು ಕಟ್ಟುಮಸ್ತಾದ ಮಾರುಕಟ್ಟೆ ಸೃಷ್ಟಿಯಾಗಿದೆ. ಹಾಗೆ ನೋಡಿದರೆ, ನಿರ್ದೇಶಕ ಸುಕುಮಾರನ ಸೋಂಭೇರಿತನದಿಂದಾಗಿ ಈ ಚಿತ್ರದ ಬಿಡುಗಡೆ ದಿನಾಂಕ ಪದೇ ಪದೆ ಮುಂದಕ್ಕೆ ಹೋಗುತ್ತಿದೆ. ಅದರ ನಿಖರವಾದ ಬಿಡುಗಡೆ ದಿನಾಂಕ ಅನೌನ್ಸ್ ಆದಾಕ್ಷಣ ಬಾಲಿವುಡ್ ಚಿತ್ರಗಳೂ ಒಂದು ಹೆಜ್ಜೆ ಹಿಂದೆ ಸರಿದು ಕಾಯುವಂಥಾ ವಾತಾವರಣ ನಿರ್ಮಾಣಗೊಂಡಿದೆ.

ಹೀಗೆ ಬಾಲಿವುಡ್ ಮಾರುಕಟ್ಟೆಗೆ ಲಗ್ಗೆಯಿಟ್ಟ ಮೂರನೇ ತೆಲುಗು ಸ್ಟಾರ್ ಜ್ಯೂನಿಯರ್ ಎನ್ಟಿಆರ್. ರಾಜಮೌಳಿ ನಿರ್ದೇಶನದ ಆರ್ ಆರ್ ಆರ್ ಚಿತ್ರದ ಮೂಲಕ ಜ್ಯೂ ಎನ್ಟಿಆರ್ ಕೂಡಾ ಬಾಲಿವುಡ್ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದ್ದಾರೆ. ಇತ್ತೀಚೆಗಷ್ಟೇ ಬಿಡುಗಡೆಗೊಂಡಿದ್ದ ದೇವರಾ ಚಿತ್ರಕ್ಕೂ ಹಿಂದಿ ಗಲ್ಲಾಪೆಟ್ಟಿಗೆಯಲ್ಲಿ ಭಾರೀ ಗೆಲುವು ಸಿಕ್ಕಿದೆ. ಹೀಗೆ ಒಬ್ಬೊಬ್ಬರಾಗಿ ತೆಲುಗು ಹೀರೋಗಳು ಹಿಂದಿ ಮಾರುಕಟ್ಟೆಗೆ ಲಗ್ಗೆ ಇಡುತ್ತಿದ್ದಾರೆ. ಇತ್ತ ಕನ್ನಡದ ಯಶ್ ಕೂಡಾ ಈಗಾಗಲೇ ಹಿಂದಿ ಮಾರುಕಟ್ಟೆಯಲ್ಲಿ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಂಡಿದ್ದಾರೆ. ತಮಿಳಿಗಂತೂ ಅಲ್ಲಿ ಭದ್ರ ನೆಲೆ ಇದ್ದೇ ಇದೆ. ಹೀಗೆ ದಕ್ಷಿಣ ಭಾರತೀಯ ಚಿತ್ರರಂಗ ಹಿಂದಿ ಮಾರುಕಟ್ಟೆಯತ್ತ ಹಂತ ಹಂತವಾಗಿ ದಂಡೆತ್ತಿತ್ತಿ ಹೋಗುತ್ತಿದೆ. ಈ ಹೊತ್ತಿನಲ್ಲಿ ಬಾಲಿವುಡ್ ಸ್ಟಾರ್ ನಟರು ಅಕ್ಷರಶಃ ಮಂಕುಬಡಿದಂತಾಗಿದ್ದಾರೆ. ಸ್ತ್ರೀಯಂಥಾ ಭಿನ್ನ ಜಾಡಿನ ಚಿತ್ರ ಗೆದ್ದಿರೋದು ನಿಜ. ಹಾಗಂತ, ಅದೊಂದು ಗೆಲುವಿನಿಂದ ಸೊರಗಿದ ಬಾಲಿವುಡ್ ಚೇತರಿಸಿಕೊಳ್ಳಲು ಸಾಧ್ಯವಿಲ್ಲ. ಯಾಕೆಂದರೆ, ಮುಂದಿನ ದಿನಗಳಲ್ಲಿ ದಕ್ಷಿಣದ ದಿಕ್ಕಿಂದ ಬಾಲಿವುಡ್ಡಿನತ್ತ ಬಿರುಗಾಳಿ ಬೀಸಲಿದೆ!

The post bollywood: ದಕ್ಷಿಣದ ಅಬ್ಬರದ ಮುಂದೆ ಮಂಕಾಯ್ತು ಬಾಲಿವುಡ್! appeared first on Cini Shodha.

ನಮ್ಮದು ಪುರಾಣ ಕಥೆಗಳೊಂದಿಗೆ ಬದುಕನ್ನು ಹೊಸೆದುಕೊಂಡಂತಿರುವ ಜೀವನಕ್ರಮ. ಅಂಥಾ ಪುರಾಣ ಕಥೆಗಳಲ್ಲಿಯೇ ದೈವೀಕ ಅನುಭೂತಿ ಪಡೆದುಕೊಳ್ಳುವ ಮನಃಸ್ಥಿತಿ ನಮ್ಮ ನಡುವೆ ಚಾಲ್ತಿಯಲ್ಲಿದೆ. ಲೆಕ್ಕವಿಡಲಾಗದಷ್ಟು ಸಂಕೀರ್ಣವಾಗಿರುವ ಇಂಥಾ ಕಥನಗಳಲ್ಲಿ (bhaktha prahlada) ಭಕ್ತ ಪ್ರಹ್ಲಾದನ ಕಥೆ ಜನಜನಿತ. ಪ್ರಹ್ಲಾದನ ನಂಬಿಕೆಯ ವಿರುದ್ಧ ದಿಕ್ಕಿನಲ್ಲಿ ಬದುಕುವ, ಅಹಮ್ಮಿಕೆಯಿಂದ ಠೇಂಕರಿಸುವ (hiranyakashipu) ಹಿರಣ್ಯಕಶಿಪುವಿನ ಸಂಹಾರಕ್ಕೆಂದೇ ವಿಷ್ಣು ಉಗ್ರ ನರಸಿಂಹನ ಅವತಾರದಲ್ಲಿ ಭುವಿಗಿಳಿಯೋ ಕಥೆ ಚಿರಪರಿಚಿತ. ಅದನ್ನು ಅದ್ಭುತ ತಾಂತ್ರಿಕತೆಯ ಮೂಲಕ, ಒಟ್ಟಾರೆ ಸನ್ನಿವೇಶಗಳನ್ನು ಬೇರೆಯದ್ದೇ ತೆರನಾದ ಅನುಭವ ನೀಡುವಂತೆ ಈ ಸಿನಿಮಾ ಮೂಲಕ ಕಟ್ಟಿಕೊಡಲಾಗಿದೆ. ಅದರ ಒಂದಷ್ಟು ಸುಳಿವುಗಳು ಟ್ರೈಲರ್‌ನೊಂದಿಗೆ ಜಾಹೀರಾಗಿವೆ.

ಮಹಾವತಾರ ನರಸಿಂಹ ಚಿತ್ರವನ್ನು (director ashwin kumar) ಅಶ್ವಿನ್ ಕುಮಾರ್ ನಿರ್ದೇಶನ ಮಾಡಿದ್ದಾರೆ. ಶಿಲ್ಪಾ ಧವನ್ (shilpa dhavan) ನಿರ್ಮಾಪಕಿಯಾಗಿ ಸಾಥ್ ಕೊಟ್ಟಿದ್ದಾರೆ. ಆನಿಮೇಟೆಡ್ ಸಿನಿಮಾವಾದ್ದರಿಂದಾಗಿ ತಾಂತ್ರಿಕವಾಗಿ ನಾನಾ ಸವಾಲುಗಳೆದುರಾಗೋದು ಸಹಜ. ಆ ಹಾದಿಯನ್ನು ದಾಟಿಕೊಂಡು ಅಂದುಕೊಂಡಂತೆಯೇ ಈ ಸಿನಿಮಾವನ್ನು ಕಟ್ಟಿ ನಿಟ್ಟಿಸಿದ್ದರ ಹಿಂದಿರೋ ಪರಿಶ್ರಮಗಳ ಬಗ್ಗೆ ಖುದ್ದು ನಿರ್ದೇಶಕರು ಒಂದಷ್ಟು ವಿಚಾರಗಳನ್ನು ಹೇಳಿಕೊಂಡಿದ್ದಾರೆ. ಅದರನ್ವಯ ಹೇಳೋದಾದರೆ, ಈ ಸಿನಿಮಾದ ಆರಂಭಿಕ ಆವೃತ್ತಿ ರೂಪುಗೊಂಡಿದ್ದರ ಹಿಂದೆ ಐದು ವರ್ಷಗಳ ನಿರಂತರವಾದ ಪರಿಶ್ರಮವಿದೆ. ಪ್ರತೀ ದೃಷ್ಯಗಳೂ ಕೂಡಾ ನೋಡುಗರ ಆತ್ಮಕ್ಕೇ ತಾಕುವಂತೆ ರೂಪಿಸಿರುವ ತೃಪ್ತ ಭಾವ ಸಿನಿಮಾ ತಂಡದಲ್ಲಿದೆ.

ಹಾಗಂತ, ಇದೊಂದು ಸಿನಿಮಾ ಬಿಡುಗಡೆಯಾದ ಬಳಿಕ ಆ ದೈವೀಕ ಭಾವ ಕೊನೆಯಾಗೋದಿಲ್ಲ. ಮುದೊಂದಷ್ಟು ವರ್ಷಗಳವರೆಗೂ ಅದರ ತರಂಗಗಳು ನಿರಂತರವಾಗಿ ಪ್ರೇಕ್ಷಕರನ್ನು ಪರವಶಗೊಳಿಸಲಿವೆ. ಭಗವಾನ್ ವಿಷ್ಣುವಿನ ದಶಾವತಾರದ ಕಂತುಗಳು ಬೇರೆ ಬೇರೆಯಾಗಿ ಮುಂದಿನ ದಶಕದವರೆಗೂ ಬಿಡುಗಡೆಗೊಳ್ಳಲಿದ್ದಾವೆ. ಇದೀಗ ಬಿಡುಗಡೆಗೆ ತಯಾರಾಗಿರುವ ಮಹಾವತಾರ್ ನರಸಿಂಹ ಆ ಸರಣಿಯ ಮೊದಲ ಕಂತು. ಮಹಾವತಾರ್ ಪರಶುರಾಮ ೨೦೨೭ಕ್ಕೆ ತರೆಗಾಣಲಿದೆ. ಆ ಬಳಿಕ ಒಂದೊಂದು ವರ್ಷಗಳ ಅಂತರದಂತೆ ಕ್ರಮವಾಗಿ ಮಹಾವತಾರ್ ರಘುನಂದನ, ಮಹಾವತಾರ್ ಧ್ವಾಕಧೀಶ್, ಮಹಾವತಾರ್ ಗೋಕುಲನಂದ, ಮಹಾವತಾರ್ ಕಲ್ಕಿ ಭಾಗ೧ ಹಾಗೂ ಮಹಾವತಾರ್ ಕಲ್ಕಿ ಭಾಗ೨ ಚಿತ್ರಗಳು ಬಿಡುಗಡೆಗೊಳ್ಳಲಿವೆ.

The post mahavatar narasimha movie: ತಾಂತ್ರಿಕ ಕರಾಮತ್ತಿನ ದೈವೀಕ ಅನುಭೂತಿಯಿನ್ನು ನಿರಂತರ! appeared first on Cini Shodha.

ಈಗೊಂದಷ್ಟು ವರ್ಷಗಳ ಹಿಂದಿನವರೆಗೂ ತೆಲುಗು ಚಿತ್ರರಂಗದ ಬಗ್ಗೆ ಬಾಲಿವುಡ್ ಮಂದಿ ಮಾಮೂಲು ತಾತ್ಸಾರ ಹೊಂದಿದ್ದರು. ಯಾವಾಗ ಬಾಹುಬಲಿ ಚಿತ್ರ ತೆರೆಗಂಡಿತೋ, ಆ ಕ್ಷಣದಿಂದಲೇ ಒಂದು ಕಂಪನ ಬಾಲಿವುಡ್ಡಿನ ತುಂಬೆಲ್ಲ ಸಂಚಲನ ಸೃಷ್ಟಿಸಿತ್ತು. ಅದುವರೆಗೆ ದಕ್ಷಿಣದ ಸಿನಿಮಾ ಮಂದಿ ಬಾಲಿವುಡ್ ಸಿನಿಮಾವೊಂದು ಬಿಡುಗಡೆಯಾದರೆ, ಹೀಗೆಯೇ ಕಂಪಿಸುತ್ತಿದ್ದರು. ಅಂಥಾದ್ದೊಂದು ಭಯ ಬಾಹುಬಲಿಯ ಮೂಲಕ ಬಾಲಿವುಡ್ಡಿಗೇ ರವಾನೆಯಾಗಿ ಬಿಟ್ಟಿದೆ. ಬಾಹುಬಲಿ೨ ಬಾಲಿವುಡ್ಡಿನಲ್ಲಿ ಅಂಥಾದ್ದೇ ವಾತಾವರಣ ಸೃಷ್ಟಿಸಿದ್ದದ್ದು ಸತ್ಯ. ಆ ಬಳಿಕ ತೆರೆಗಂಡ ಪ್ರಭಾಸ್ ಚಿತ್ರಗಳು ನೆಗೆಟಿವ್ ಅಂಶಗಳಾಚೆಗೂ ಬಾಲಿವುಡ್ ಮಾರುಕಟ್ಟೆಯಲ್ಲಿ ಕಮಾಲ್ ಮಾಡಿದ್ದವು.

ಒಬ್ಬ ಪ್ರಭಾಸ್ ಹೀಗೆ ಬಾಲಿವುಡ್ ಮಾರುಕಟ್ಟೆಯಲ್ಲಿ ಸಂಚಕಲನ ಸೃಷ್ಟಿಸುತ್ತಲೇ, ಅದು ತೆಲುಗು ಚಿತ್ರಂಗದ ಇತರೇ ನಾಯಕರಿಗೂ ಪ್ರವಹಿಸಿದಂತಾಗಿದೆ. ಅದರ ಫಲವಾಗಿಯೇ ತೆಲುಗಿನಲ್ಲೇ ಗಿರಕಿ ಹೊಡೆಯುತ್ತಿದ್ದ ಅಲ್ಲು ಅರ್ಜುನ್ ವೃತ್ತಿಬದುಕು ಏಕಾಏಕಿ ಮತ್ತೊಂದು ಹಂತಕ್ಕೇರಿದೆ. ಪುಷ್ಪಾ ಚಿತ್ರ ಪ್ಯಾನಿಂಡಿಯಾ ಮಟ್ಟದಲ್ಲಿ ಮಿಂಚಿ, ಬಾಲಿವುಡ್ಡಿಗೆ ಅಕ್ಷರಶಃ ಶಾಕ್ ಕೊಟ್ಟಿದೆ. ಇದೀಗ ಪುಷ್ಪಾ೨ ದೊಡ್ಡ ಮಟ್ಟದ ಹೈಪುಗಳೊಂದಿಗೆ ಬಿಡುಗಡೆಗೆ ತಯಾರಾಗಿದೆ. ಈಗಾಗಲೇ ಪುಷ್ಪರಾಜ್ ಗೆ ಬಾಲಿವುಡ್ಡಲ್ಲೊಂದು ಕಟ್ಟುಮಸ್ತಾದ ಮಾರುಕಟ್ಟೆ ಸೃಷ್ಟಿಯಾಗಿದೆ. ಹಾಗೆ ನೋಡಿದರೆ, ನಿರ್ದೇಶಕ ಸುಕುಮಾರನ ಸೋಂಭೇರಿತನದಿಂದಾಗಿ ಈ ಚಿತ್ರದ ಬಿಡುಗಡೆ ದಿನಾಂಕ ಪದೇ ಪದೆ ಮುಂದಕ್ಕೆ ಹೋಗುತ್ತಿದೆ. ಅದರ ನಿಖರವಾದ ಬಿಡುಗಡೆ ದಿನಾಂಕ ಅನೌನ್ಸ್ ಆದಾಕ್ಷಣ ಬಾಲಿವುಡ್ ಚಿತ್ರಗಳೂ ಒಂದು ಹೆಜ್ಜೆ ಹಿಂದೆ ಸರಿದು ಕಾಯುವಂಥಾ ವಾತಾವರಣ ನಿರ್ಮಾಣಗೊಂಡಿದೆ.

ಹೀಗೆ ಬಾಲಿವುಡ್ ಮಾರುಕಟ್ಟೆಗೆ ಲಗ್ಗೆಯಿಟ್ಟ ಮೂರನೇ ತೆಲುಗು ಸ್ಟಾರ್ ಜ್ಯೂನಿಯರ್ ಎನ್ಟಿಆರ್. ರಾಜಮೌಳಿ ನಿರ್ದೇಶನದ ಆರ್ ಆರ್ ಆರ್ ಚಿತ್ರದ ಮೂಲಕ ಜ್ಯೂ ಎನ್ಟಿಆರ್ ಕೂಡಾ ಬಾಲಿವುಡ್ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದ್ದಾರೆ. ಇತ್ತೀಚೆಗಷ್ಟೇ ಬಿಡುಗಡೆಗೊಂಡಿದ್ದ ದೇವರಾ ಚಿತ್ರಕ್ಕೂ ಹಿಂದಿ ಗಲ್ಲಾಪೆಟ್ಟಿಗೆಯಲ್ಲಿ ಭಾರೀ ಗೆಲುವು ಸಿಕ್ಕಿದೆ. ಹೀಗೆ ಒಬ್ಬೊಬ್ಬರಾಗಿ ತೆಲುಗು ಹೀರೋಗಳು ಹಿಂದಿ ಮಾರುಕಟ್ಟೆಗೆ ಲಗ್ಗೆ ಇಡುತ್ತಿದ್ದಾರೆ. ಇತ್ತ ಕನ್ನಡದ ಯಶ್ ಕೂಡಾ ಈಗಾಗಲೇ ಹಿಂದಿ ಮಾರುಕಟ್ಟೆಯಲ್ಲಿ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಂಡಿದ್ದಾರೆ. ತಮಿಳಿಗಂತೂ ಅಲ್ಲಿ ಭದ್ರ ನೆಲೆ ಇದ್ದೇ ಇದೆ. ಹೀಗೆ ದಕ್ಷಿಣ ಭಾರತೀಯ ಚಿತ್ರರಂಗ ಹಿಂದಿ ಮಾರುಕಟ್ಟೆಯತ್ತ ಹಂತ ಹಂತವಾಗಿ ದಂಡೆತ್ತಿತ್ತಿ ಹೋಗುತ್ತಿದೆ. ಈ ಹೊತ್ತಿನಲ್ಲಿ ಬಾಲಿವುಡ್ ಸ್ಟಾರ್ ನಟರು ಅಕ್ಷರಶಃ ಮಂಕುಬಡಿದಂತಾಗಿದ್ದಾರೆ. ಸ್ತ್ರೀಯಂಥಾ ಭಿನ್ನ ಜಾಡಿನ ಚಿತ್ರ ಗೆದ್ದಿರೋದು ನಿಜ. ಹಾಗಂತ, ಅದೊಂದು ಗೆಲುವಿನಿಂದ ಸೊರಗಿದ ಬಾಲಿವುಡ್ ಚೇತರಿಸಿಕೊಳ್ಳಲು ಸಾಧ್ಯವಿಲ್ಲ. ಯಾಕೆಂದರೆ, ಮುಂದಿನ ದಿನಗಳಲ್ಲಿ ದಕ್ಷಿಣದ ದಿಕ್ಕಿಂದ ಬಾಲಿವುಡ್ಡಿನತ್ತ ಬಿರುಗಾಳಿ ಬೀಸಲಿದೆ!

The post bollywood: ದಕ್ಷಿಣದ ಅಬ್ಬರದ ಮುಂದೆ ಮಂಕಾಯ್ತು ಬಾಲಿವುಡ್! appeared first on Cini Shodha.

ರಾಮಾಯಣ ಚಿತ್ರದ ರಾವಣನ ಪಾತ್ರಕ್ಕಾಗಿ ನಿರ್ದೇಶಕ ನಿತೇಶ್ ತಿವಾರಿ ಯಶ್ ರನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಆರಂಭದಲ್ಲಿ ಶೂಟಿಂಗ್ ಡೇಟ್ಸ್ ಸಮಸ್ಯೆ ಉಂಟಾಗಬಹುದೆಂಬ ಕಾರಣದಿಂದ ಯಶ್ ಕೊಂಚ ಹಿಂದೇಟು ಹಾಕಿದ್ದರೆಂದೂ ಹೇಳಲಾಗುತ್ತಿದೆ. ಇತ್ತ ಟಾಕ್ಸಿಕ್ ಚಿತ್ರೀಕರಣವೂ ನಡೆಯುತ್ತಿರೋದರಿಂದ ರಾವಣನಾಗಿ ಅಬ್ಬರಿಸಲು ಯಶ್ ಗೆ ಕೊಂಚ ಅಡೆತಡೆ ಉಂಟಾಗಿದ್ದು ನಿಜ. ಹಾಗಂತ ಟಾಕ್ಸಿಕ್ ಸಂಪೂರ್ಣವಾಗಿ ಚಿತ್ರೀಕರಣ ಮುಗಿಸಿಕೊಂಡ ನಂತರ ರಾಮಾಯಣದತ್ತ ಗಮನ ಹರಿಸುವಂತೆಯೂ ಇರಲಿಲ್ಲ. ಇದೆಲ್ಲದರಿಂದ ಕಂಗೆಟ್ಟಿರುವ ಯಶ್ ಕೊಂಚ ಹೈರಾಣಾದರೂ ಎರಡೂ ಸಿನಿಮಾಗಳನ್ನು ಏಕಕಾಲದಲ್ಲಿಯೇ ಸಂಭಾಳಿಸುವ ನಿರ್ಧಾರಕ್ಕೆ ಬಂದಂತಿದೆ. ಅದರ ಫಲವಾಗಿಯೇ ಅವರು ರಾಮಾಯಣ ಚಿತ್ರೀಕರಣದಲ್ಲಿಯೂ ಭಾಗಿಯಾಗಿದ್ದಾರೆ.

ಒಂದು ಮೂಲದ ಪ್ರಕಾರ ಮುಂಬೈನ ಅಕ್ಸಾ ಬೀಚ್ ನಲ್ಲಿ ಚಿತ್ರೀಕರಣ ನಡೆಯುತ್ತಿದೆ. ಯುದ್ಧ ಸನ್ನಿವೇಶಗಳಲ್ಲಿ ಯಶ್ ರಾವಣನಾಗಿ ಅಬ್ಬರಿಸುತ್ತಿದ್ದಾರೆ. ನಿರ್ದೇಶಕ ತಿವಾರಿ ಯರ್ಶ ಭಾಗದ ಎಲ್ಲ ಸೀನುಗಳನ್ನು ಒಂದೇ ಹಂತದಲ್ಲಿ ಚಿಕತ್ರೀಕರಿಸಿಕೊಳ್ಳುವ ನಿರ್ಧಾರಕ್ಕೆ ಬಂದಿದ್ದಾರೆ. ಯಶ್ ಕೂಡಾ ಅದಕ್ಕೆ ಎಸ್ ಅಂದಿದ್ದಾರೆ. ಅದು ಒಂದು ಹಂತದಲ್ಲಿ ಮುಗಿದು ಬಿಟ್ಟರೆ ಟಾಕ್ಸಿಕ್ ನತ್ತ ಸಂಪೂರ್ಣ ಗಮನ ಹರಿಸಬಹುದೆಂಬ ನಿರ್ಧಾರ ಯಶ್ ಗಿದ್ದಂತಿದೆ. ಅಲ್ಲಿಗೆ ಟಾಕ್ಸಿಕ್ ಮತ್ತು ರಾಮಾಯಣ ಚಿತ್ರಗಳತ್ತ ಅಭಿಮಾನಿಗಳು ಥ್ರಿಲ್ ಆಗಿ ಕಾಯುವಂತಾಗಿದೆ. ಎಲ್ಲವೂ ಅಂದುಕೊಂಡಂತೆಯೇ ಆದರೆ, ಈ ಎರಡೂ ಸಿನಿಮಾಗಳು ಒಂದರ ಬೆನ್ನಿಗೊಂದರಂತೆ ತೆರೆಗಂಡರೂ ಅಚ್ಚರಿಯೇನಿಲ್ಲ. ಅದು ಸಾಧ್ಯವಾದರೆ, ಪ್ಯಾನಿಂಡಿಯಾ ಲೆವೆಲ್ಲಿನಲ್ಲಿ ಹಬ್ಬವಾಗೋದು ಖಾತರಿ!

The post ramayan movie updates: ಟಾಕ್ಸಿಕ್ ನಡುವಲ್ಲೊಂದು ರಾಮಾಯಣ! appeared first on Cini Shodha.

ಈಗೊಂದಷ್ಟು ವರ್ಷಗಳ ಹಿಂದಿನವರೆಗೂ ತೆಲುಗು ಚಿತ್ರರಂಗದ ಬಗ್ಗೆ ಬಾಲಿವುಡ್ ಮಂದಿ ಮಾಮೂಲು ತಾತ್ಸಾರ ಹೊಂದಿದ್ದರು. ಯಾವಾಗ ಬಾಹುಬಲಿ ಚಿತ್ರ ತೆರೆಗಂಡಿತೋ, ಆ ಕ್ಷಣದಿಂದಲೇ ಒಂದು ಕಂಪನ ಬಾಲಿವುಡ್ಡಿನ ತುಂಬೆಲ್ಲ ಸಂಚಲನ ಸೃಷ್ಟಿಸಿತ್ತು. ಅದುವರೆಗೆ ದಕ್ಷಿಣದ ಸಿನಿಮಾ ಮಂದಿ ಬಾಲಿವುಡ್ ಸಿನಿಮಾವೊಂದು ಬಿಡುಗಡೆಯಾದರೆ, ಹೀಗೆಯೇ ಕಂಪಿಸುತ್ತಿದ್ದರು. ಅಂಥಾದ್ದೊಂದು ಭಯ ಬಾಹುಬಲಿಯ ಮೂಲಕ ಬಾಲಿವುಡ್ಡಿಗೇ ರವಾನೆಯಾಗಿ ಬಿಟ್ಟಿದೆ. ಬಾಹುಬಲಿ೨ ಬಾಲಿವುಡ್ಡಿನಲ್ಲಿ ಅಂಥಾದ್ದೇ ವಾತಾವರಣ ಸೃಷ್ಟಿಸಿದ್ದದ್ದು ಸತ್ಯ. ಆ ಬಳಿಕ ತೆರೆಗಂಡ ಪ್ರಭಾಸ್ ಚಿತ್ರಗಳು ನೆಗೆಟಿವ್ ಅಂಶಗಳಾಚೆಗೂ ಬಾಲಿವುಡ್ ಮಾರುಕಟ್ಟೆಯಲ್ಲಿ ಕಮಾಲ್ ಮಾಡಿದ್ದವು.

ಒಬ್ಬ ಪ್ರಭಾಸ್ ಹೀಗೆ ಬಾಲಿವುಡ್ ಮಾರುಕಟ್ಟೆಯಲ್ಲಿ ಸಂಚಕಲನ ಸೃಷ್ಟಿಸುತ್ತಲೇ, ಅದು ತೆಲುಗು ಚಿತ್ರಂಗದ ಇತರೇ ನಾಯಕರಿಗೂ ಪ್ರವಹಿಸಿದಂತಾಗಿದೆ. ಅದರ ಫಲವಾಗಿಯೇ ತೆಲುಗಿನಲ್ಲೇ ಗಿರಕಿ ಹೊಡೆಯುತ್ತಿದ್ದ ಅಲ್ಲು ಅರ್ಜುನ್ ವೃತ್ತಿಬದುಕು ಏಕಾಏಕಿ ಮತ್ತೊಂದು ಹಂತಕ್ಕೇರಿದೆ. ಪುಷ್ಪಾ ಚಿತ್ರ ಪ್ಯಾನಿಂಡಿಯಾ ಮಟ್ಟದಲ್ಲಿ ಮಿಂಚಿ, ಬಾಲಿವುಡ್ಡಿಗೆ ಅಕ್ಷರಶಃ ಶಾಕ್ ಕೊಟ್ಟಿದೆ. ಇದೀಗ ಪುಷ್ಪಾ೨ ದೊಡ್ಡ ಮಟ್ಟದ ಹೈಪುಗಳೊಂದಿಗೆ ಬಿಡುಗಡೆಗೆ ತಯಾರಾಗಿದೆ. ಈಗಾಗಲೇ ಪುಷ್ಪರಾಜ್ ಗೆ ಬಾಲಿವುಡ್ಡಲ್ಲೊಂದು ಕಟ್ಟುಮಸ್ತಾದ ಮಾರುಕಟ್ಟೆ ಸೃಷ್ಟಿಯಾಗಿದೆ. ಹಾಗೆ ನೋಡಿದರೆ, ನಿರ್ದೇಶಕ ಸುಕುಮಾರನ ಸೋಂಭೇರಿತನದಿಂದಾಗಿ ಈ ಚಿತ್ರದ ಬಿಡುಗಡೆ ದಿನಾಂಕ ಪದೇ ಪದೆ ಮುಂದಕ್ಕೆ ಹೋಗುತ್ತಿದೆ. ಅದರ ನಿಖರವಾದ ಬಿಡುಗಡೆ ದಿನಾಂಕ ಅನೌನ್ಸ್ ಆದಾಕ್ಷಣ ಬಾಲಿವುಡ್ ಚಿತ್ರಗಳೂ ಒಂದು ಹೆಜ್ಜೆ ಹಿಂದೆ ಸರಿದು ಕಾಯುವಂಥಾ ವಾತಾವರಣ ನಿರ್ಮಾಣಗೊಂಡಿದೆ.

ಹೀಗೆ ಬಾಲಿವುಡ್ ಮಾರುಕಟ್ಟೆಗೆ ಲಗ್ಗೆಯಿಟ್ಟ ಮೂರನೇ ತೆಲುಗು ಸ್ಟಾರ್ ಜ್ಯೂನಿಯರ್ ಎನ್ಟಿಆರ್. ರಾಜಮೌಳಿ ನಿರ್ದೇಶನದ ಆರ್ ಆರ್ ಆರ್ ಚಿತ್ರದ ಮೂಲಕ ಜ್ಯೂ ಎನ್ಟಿಆರ್ ಕೂಡಾ ಬಾಲಿವುಡ್ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದ್ದಾರೆ. ಇತ್ತೀಚೆಗಷ್ಟೇ ಬಿಡುಗಡೆಗೊಂಡಿದ್ದ ದೇವರಾ ಚಿತ್ರಕ್ಕೂ ಹಿಂದಿ ಗಲ್ಲಾಪೆಟ್ಟಿಗೆಯಲ್ಲಿ ಭಾರೀ ಗೆಲುವು ಸಿಕ್ಕಿದೆ. ಹೀಗೆ ಒಬ್ಬೊಬ್ಬರಾಗಿ ತೆಲುಗು ಹೀರೋಗಳು ಹಿಂದಿ ಮಾರುಕಟ್ಟೆಗೆ ಲಗ್ಗೆ ಇಡುತ್ತಿದ್ದಾರೆ. ಇತ್ತ ಕನ್ನಡದ ಯಶ್ ಕೂಡಾ ಈಗಾಗಲೇ ಹಿಂದಿ ಮಾರುಕಟ್ಟೆಯಲ್ಲಿ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಂಡಿದ್ದಾರೆ. ತಮಿಳಿಗಂತೂ ಅಲ್ಲಿ ಭದ್ರ ನೆಲೆ ಇದ್ದೇ ಇದೆ. ಹೀಗೆ ದಕ್ಷಿಣ ಭಾರತೀಯ ಚಿತ್ರರಂಗ ಹಿಂದಿ ಮಾರುಕಟ್ಟೆಯತ್ತ ಹಂತ ಹಂತವಾಗಿ ದಂಡೆತ್ತಿತ್ತಿ ಹೋಗುತ್ತಿದೆ. ಈ ಹೊತ್ತಿನಲ್ಲಿ ಬಾಲಿವುಡ್ ಸ್ಟಾರ್ ನಟರು ಅಕ್ಷರಶಃ ಮಂಕುಬಡಿದಂತಾಗಿದ್ದಾರೆ. ಸ್ತ್ರೀಯಂಥಾ ಭಿನ್ನ ಜಾಡಿನ ಚಿತ್ರ ಗೆದ್ದಿರೋದು ನಿಜ. ಹಾಗಂತ, ಅದೊಂದು ಗೆಲುವಿನಿಂದ ಸೊರಗಿದ ಬಾಲಿವುಡ್ ಚೇತರಿಸಿಕೊಳ್ಳಲು ಸಾಧ್ಯವಿಲ್ಲ. ಯಾಕೆಂದರೆ, ಮುಂದಿನ ದಿನಗಳಲ್ಲಿ ದಕ್ಷಿಣದ ದಿಕ್ಕಿಂದ ಬಾಲಿವುಡ್ಡಿನತ್ತ ಬಿರುಗಾಳಿ ಬೀಸಲಿದೆ!

The post bollywood: ದಕ್ಷಿಣದ ಅಬ್ಬರದ ಮುಂದೆ ಮಂಕಾಯ್ತು ಬಾಲಿವುಡ್! appeared first on Cini Shodha.

ಸಿನಿಮಾ, ರಂಗಭೂಮಿ ವಲಯದಲ್ಲಿ ಪ್ರೀತಿಯಿಂದ ಜಿಜಿ ಅಂತ ಜನಜನಿತವಾಗಿರುವವರು ಗೋವಿಂದೇಗೌಡ. ಹಳ್ಳಿಗಾಡೊಂದರಲ್ಲಿ ಹುಟ್ಟಿ, ತಬ್ಬಲಿತನವನ್ನು ಬೆನ್ನಿಗಂಟಿಸಿಕೊಂಡು ಬೆಳೆದ ಜಿಜಿ ಈಗ ಬಹು ಬೇಡಿಕೆಯ ನಟನಾಗಿ ಹೊರಹೊಮ್ಮಿದ್ದಾರೆ. ಒಟ್ಟೊಟ್ಟಿಗೆ ಹಲವಾರು ಸಿನಿಮಾಗಳಲ್ಲಿ ನಟಿಸುತ್ತಾ ಬ್ಯುಸಿಯಾಗಿರುವ ಜಿಜಿ, ಅಂಬುಜಾ ಚಿತ್ರವನ್ನು ತನ್ನ ವೃತ್ತಿ ಬದುಕಿನ ಮಹತ್ವದ ಸಿನಿಮಾವೆಂತಲೂ ಪರಿಭಾವಿಸಿಕೊಂಡಿದ್ದಾರೆ. ಯಾಕೆಂದರೆ, ಇಲ್ಲಿ ಕಾಮಡಿಯಾಚೆಗೆ ಹರವುಳ್ಳ, ಸಿನಿಮಾದುದ್ದಕ್ಕೂ ಚಲಿಸುವ, ಒಟ್ಟಾರೆ ಕಥೆಯ ಆತ್ಮಕ್ಕೆ ಅಂಟಿಕೊಂಡು ಸಾಗುವ ಅಪರೂಪದ ಪಾತ್ರವೊಂದು ಅವರಿಗೆ ಸಿಕ್ಕಿದೆಯಂತೆ. ಈ ಪಾತ್ರದ ಜೊತೆಜೊತೆಗೇ ಕುತೂಹಲವೂ ಹರಳುಗಟ್ಟಿಕೊಳ್ಳುವಂತಿದೆಯಂತೆ. ನಿಜ, ಕಲಾವಿದನ ಪಾಲಿದೆ ಪ್ರತಿಯೊಂದು ಸಿನಿಮಾ ಕೂಡಾ ಮಹತ್ವದ್ದೇ. ಆದರೆ, ಮಹಿಳಾ ಪ್ರಧಾನ ಚಿತ್ರವೆಂಬ ಚೌಕಟ್ಟಿನಾಚೆಗೆ ಹೊಸತನ ಹೊದ್ದು ಹಬ್ಬಿಕೊಂಡಿರುವ ಅಂಬುಜಾ ಬಗ್ಗೆ ಗೋವಿಂದೇಗೌಡರೊಳಗೆ ವಿಶೇಷ ನಿರೀಕ್ಷೆಗಳಿರೋದಂತೂ ಸತ್ಯ!

ನಿರ್ದೇಶಕ ಶ್ರೀನಿ ನಿರ್ಮಾಪಕರು ಬರೆದ ಕಥೆಗೆ ಸಿನಿಮಾ ಫ್ರೇಮು ಹಾಕಲು ಎಷ್ಟು ಪರಿಶ್ರಮ ಪಟ್ಟಿದ್ದಾರೋ, ಅಷ್ಟೇ ಎಚ್ಚರಿಕೆಯನ್ನು ಪಾತ್ರ ವರ್ಗದ ಆಯ್ಕೆಯ ವಿಚಾರದಲ್ಲಿಯೂ ಪ್ರದರ್ಶಿಸಿದ್ದಾರೆ. ಅದೊಂದು ಪಾತ್ರ ಸೃಷ್ಟಿಯಾಗುತ್ತಲೇ ಜಿಜಿ ಅದಕ್ಕೆ ಸೂಕ್ತವೆಂಬ ಭಾವವೊಂದು ಅವರೊಳಗೆ ಮೂಡಿಕೊಂಡಿತ್ತು. ನಂತರ ಇಂಥಾದ್ದೊಂದು ಪಾತ್ರ ಮುಖಾಮುಖಿಯಾಗುತ್ತಲೇ ಜಿಜಿ ಕೂಡಾ ಅತ್ಯಂತ ಉತ್ಸಾಹದಿಂದ ಅದನೊಪ್ಪಿಕೊಂಡಿದ್ದರಂತೆ. ಒಂದು ಕಥೆ, ಪಾತ್ರದ ಬಗ್ಗೆ ಕೇಳಿದ ಕ್ಷಣದಲ್ಲಿ ಸುಂದರ ಕಲ್ಪನೆಯೊಂದು ಹುಟ್ಟಿಕೊಳ್ಳುತ್ತದಲ್ಲಾ? ಅದನ್ನು ಮೀರಿ ಅಂಬುಜ ಚಿತ್ರ ಮೂಡಿ ಬಂದಿದೆ ಎಂಬ ತುಂಬು ಖುಷಿ ಜಿಜಿಯವರಲ್ಲಿದೆ.

ಗೋವಿಂದೇಗೌಡ ಯಾವುದೇ ಸಿನಿಮಾದಲ್ಲಿ ಒಂದು ಪಾತ್ರವನ್ನು ನಿರ್ವಹಿಸಿದ್ದಾರೆಂದರೆ, ಅದರ ಬಗೆಗೊಂದು ನಿರೀಕ್ಷೆ ಹುಟ್ಟಿಕೊಳ್ಳುತ್ತದೆ. ಯಾಕೆಂದರೆ, ಯಾವುದೇ ಪಾತ್ರವನ್ನಾದರೂ ದಿ ಬೆಸ್ಟ್ ಎಂಬಂತೆ ನನಿಭಾಯಿಸಬಲ್ಲ ಛಾತಿ ಜಿಜಿಗಿದೆ. ಒಂದು ಕಾಲದಲ್ಲಿ ನಟನೆ ಮತ್ತು ರಂಗಭೂಮಿಯ ಹುಚ್ಚುಹತ್ತಿಸಿಕೊಂಡು ಬೆಂಗಳೂರಿನ ಒಡಲು ಸೇರಿಕೊಂಡಿದ್ದವರು ಜಿಜಿ. ಬಹುಶಃ ಅಂಥಾದ್ದೊಂದು ಹುಚ್ಚಿಲ್ಲದೇ ಹೋದರೆ ಕಲೆಯ ಜಾಡು ಹಿಡಿದು ಹೊರಡುವ, ಅದರಿಂದಲೇ ಬದುಕನ್ನೂ ಕಟ್ಟಿಕೊಳ್ಳುವ ಹುಂಬತನವೊಂದು ಹುಟ್ಟಲು ಸಾಧ್ಯವಿಲ್ಲ. ಅದನ್ನು ಸ್ವಂತವಾಗಿಸಿಕೊಂಡಿದ್ದ ಜಿಜಿ ಮೊದಲಿಗೆ ರಂಗಭೂಮಿ ಪರಿಸರದ ತೆಕ್ಕೆಗೆ ಜಾರಿದ್ದರು.

ಶಾಂತಲ ಕಲಾ ಸರಸ್ವತಿ, ಶಾಂತಲಾ ಕಲಾ ಸಂಘ ಮುಂತಾದ ಹವ್ಯಾಸಿ ನಾಟಕ ತಂಡಗಳ ಸಾಹಚರ್ಯ ಜಿಜಿಗೆ ಸಿಕ್ಕಿತ್ತು. ಅಲ್ಲಿಯೇ ಆಂಜನೇಯ ಎಂಬ ಗುರುವಿನ ಸಾನಿಧ್ಯವೂ ಲಭಿಸಿತು. ಅವರ ಮಾರ್ಗದರ್ಶನದೊಂದಿಗೆ ಅಲ್ಲಿಯೇ ಏನೇನು ಕಲಿಯುವ ಸಾಧ್ಯತೆಗಳಿವೆಯೋ ಅದೆಲ್ಲದಕ್ಕೂ ತೆರೆದುಕೊಡವರು ಜಿಜಿ. ಆ ಬಳಿಕ ಲೈಟಿಂಗ್ಸ್, ಹಿನ್ನೆಲೆ ಗಾಯನ, ನಟನೆ, ನಿರ್ದೇಶನ, ಸ್ಕ್ರಿಪ್ಟ್ ಸೇರಿದಂತೆ ಎಲ್ಲದರಲ್ಲಿಯೂ ಪಳಗಿಕೊಳ್ಳಲು ಪ್ರಯತ್ನಿಸಿದ್ದರು. ಹಾಗೆ ಒಂದು ಹಂತಕ್ಕೆ ಅನುಭವ ತುಂಬಿಕೊಂಡ ನಂತರವಷ್ಟೇ ಜಿಜಿ ತನ್ನೊಳಗಿನ ಕನಸಾಗಿದ್ದ ಸಿನಿಮಾ ಜಗತ್ತಿಗೆ ಪಾದಾರ್ಪಣೆ ಮಾಡುವ ಮನಸು ಮಾಡಿದ್ದರು. ಆಗ ಸಿಕ್ಕವರು ಹಿರಿಯ ಸಂಗೀತ ನಿರ್ದೇಶಕ ವಿ.ಮನೋಹರ್.

ಹಾಗೆ ವಿ. ಮನೋಹರ್ ಅವರ ಗರಡಿ ಸೇರಿಕೊಂಡ ಜಿಜಿಗೆ ಅನೂಹ್ಯ ಜಗತ್ತೊಂದರ ಪರಿಚಯವಾಗಿತ್ತು. ಮನೋಹರ್ ಅವರ ಅಸಿಸ್ಟೆಂಟ್ ಆಗಿ ಒಂದಷ್ಟು ಸಿನಿಮಾಗಳಿಗೆ ಕೆಲಸ ಮಾಡಿ, ಹಾಡನ್ನೂ ಬರೆಯಲಾರಂಭಿಸಿದ್ದರು. ಈ ಸಿನಿಮಾ ಯಾನದಲ್ಲಿಯೇ ನವರಸನಾಯಕ ಜಗ್ಗೇಶ್ ಪರಿಚಯವಾಗಿದ್ದರು. ಅವರ ಸಲಹೆ ಸೂಚನೆಗಳ ಮೇರೆಗೆ ಕಾಮಿಡಿ ಕಿಲಾಡಿಗಳು ಶೋನಲ್ಲಿ ಭಾಗವಹಿಸುವ ಅವಕಾಶವ ಜಿಜಿಗೆ ಸಿಕ್ಕಿತ್ತು. ಅದುವರೆಗೂ ಎಲೆಮತೆಯ ಕಾಯಿಯಂತಿದ್ ಗೋವಿಂದೇಗೌಡರ ಪಾಲಿಗೆ ಭಾಗ್ಯದ ಬಾಗಿಲು ತೆರೆದಂತಾಗಿದ್ದು ಆವಾಗಿನಿಂದಲೇ. ಆ ಶೋನಲ್ಲಿ ಚೆಂದದ ನಟನೆಯಿಂದ ಜಿಜಿ ಪ್ರೇಕ್ಷಕರ ಮನಗೆದ್ದಿದ್ದರು. ಅದೇ ಪ್ರಭೆಯಲ್ಲಿ ಕೆಜಿಎಫ್ ಸರಣಿಯಲ್ಲಿ ಅವಕಾಶವೂ ಸಿಕ್ಕಿತ್ತು.

comedy kiladigaluಅಲ್ಲಿಂದಾಚೆಗೆ ಗೋವಿಂದೇ ಗೌಡರ ವೃತ್ತಿಬದುಕಿನ ದಿಕ್ಕು ಬದಲಾಗಿದೆ. ಬದುಕಿನ ಅನಿಶ್ಚಿತತೆಗಳೆಲ್ಲವೂ ನೀಗಿದಂತಾಗಿ ಕೈ ತುಂಬಾ ಅವಕಾಶದೊಂದಿಗೆ ಮುಂದುವರೆಯುತ್ತಿದ್ದಾರೆ. ಸದ್ಯಕ್ಕೆ ನಮೋ ಭೂತಾತ್ಮ, ಯೋಗರಾಜ್ ಭಟ್ ನಿರ್ದೇಶನದ ನಮೋ ಭೂತಾತ್ಮ ಮುಂತಾದ ಸಿನಿಮಾಗಳ ಜೊತೆಗೆ, ತೆಲುಗು ಸಿನಿಮಾ ರಂಗಕ್ಕೂ ಪಾದಾರ್ಪಣೆ ಮಾಡಿದ್ದಾರೆ. ಇನ್ನೊಂದಷ್ಟು ಸಿನಿಮಾಗಳಲ್ಲಿಯೂ ನಟಿಸುವವರಿದ್ದಾರೆ. ಹೀಗೆ ಕೈ ತುಂಬಾ ಅವಕಾಶಗಳನ್ನು ಹೊಂದಿರುವ ಜಿಜಿ, ಸದ್ಯಕ್ಕೆ ಅಂಬುಜ ಚಿತ್ರದತ್ತ ನಿರೀಕ್ಷೆಯ ನೋಟ ನೆಟ್ಟಿದ್ದಾರೆ.

The post ambuja: ಪ್ರತಿಭಾನ್ವಿತ ಕಲಾವಿದನಿಗೊಲಿಯಿತು ವಿಶೇಷ ಪಾತ್ರ! appeared first on Cini Shodha.

ಒಂದು ಕಾಲದಲ್ಲಿ ಪರಭಾಷೆಗಳಲ್ಲಿ ಪ್ರಸಿದ್ಧಿ ಪಡೆದ ನಟಿಯರನ್ನು ಕನ್ನಡಕ್ಕೆ ಕರೆತರುವ ಸರ್ಕಸ್ಸುಗಳಾಗುತ್ತಿದ್ದವು. ಆದರೆ, ಅಂಥಾ ನಟಯರನ್ನು ಕರೆತರೋದು ಹೆಚ್ಚಿನ ಸಂದರ್ಭದಲ್ಲಿ ಕನಸಿನ ಮಾತಾಗುತ್ತಿತ್ತು. ಆದರೀಗ ಅದೇ ಪರಭಾಷಾ ಚಿತ್ರರಂಗದ ನಂಬರ್ ಒನ್ ನಟಿಯರೆಲ್ಲ ಯಶ್‍ಗೆ ನಾಯಕಿಯಾಗಿ ಕನ್ನಡಕ್ಕೆ ಪಾದಾರ್ಪಣೆ ಮಾಡಲು ಪೈಪೋಟಿಗೆ ಬಿದ್ದು ಕಾಯಲಾರಂಭಿಸಿದ್ದಾರೆ. ಇದು ಒಂದರ್ಥದಲ್ಲಿ ರಾಕಿ ಭಾಯ್ ಕಡೆಯಿಂದ ಕನ್ನಡ ಚಿತ್ರರಂಗಕ್ಕೆ ಸಿಕ್ಕ ಕೊಡುಗೆ ಎಂದರೂ ತಪ್ಪೇನಲ್ಲ. ಈ ಕ್ಷಣದಲ್ಲಿ ಹುಡುಕಿದರೂ ಯಶ್ ಜೊತೆ ತೆರೆ ಹಂಚಿಕೊಳ್ಳುವ ಕನಸು ಹೊಂದಿರುವ ಸ್ಟಾರ್ ನಟಿಯರು ದಂಡಿ ದಂಡಿಯಾಗಿ ಕಾಣ ಸಿಗುತ್ತಾರೆ. ಆ ಸಾಲಿನಲ್ಲಿ ಮುಂಚೂಣಿಯಲ್ಲಿರುವಾಕೆ ಬಾಲಿವುಡ್ ಮಟ್ಟದಲ್ಲಿ ಮಿಂಚುತ್ತಿರುವ ಮಂಗಳೂರಿನ ಹುಡುಗಿ ಪೂಜಾ ಹೆಗ್ಡೆ!

ಮಂಗಳೂರಿನ ಹುಡುಗಿ ಪೂಜಾ ತೆಲುಗು ಚಿತ್ರರಂಗದಲ್ಲಿ ಸ್ಟಾರ್‍ಗಿರಿ ಪಡೆದುಕೊಂಡಿರುವ ನಟಿ. ಎಲ್ಲರೂ ಅವಾಕ್ಕಾಗುವಂತೆ ತೆಲುಗು ಚಿತ್ರಪ್ರೇಮಿಗಳನ್ನು ಆವರಿಸಿಕೊಂಡಿರುವ ಪೂಜಾ, ಇದೀಗ ಬಾಲಿವುಡ್ಡಿನಲ್ಲಿಯೂ ಹವಾ ಶುರುವಿಟ್ಟುಕೊಂಡಿದ್ದಾಳೆ. ಇಂಥಾ ಪೂಜಾ ಸಂಣದರ್ಶನವೊಂದರಲ್ಲಿ ತನ್ನ ಮನದಾಸೆಯನ್ನು ಹಂಚಿಕೊಂಡಿದ್ದಾಳೆ. ರಾಕಿಂಗ್ ಸ್ಟಾರ್ ಯಶ್ ಈಗ ಲೆಜೆಂಡ್ ನಟ. ಅವರೊಂದಿಗೆ ನಾಯಕಿಯಾಗಿ ನಟಿಸಲು ಕಾತರದಿಂದಿದ್ದೇನೆ ಎಂಬುದು ಪೂಜಾ ಮಾತಿನ ಸಾರಾಂಶ. ಕನ್ನಡದ ನೆಲೆಯ ನಟನೊಬ್ಬನ ಬಗ್ಗೆ ಈ ಪರಿಯಾಗಿ ಕ್ರೇಜ್ ಹಬ್ಬಿಕೊಂಡಿರುವುದಿದೆಯಲ್ಲಾ? ಅದು ನಿಜಕ್ಕೂ ಕನ್ನಡಿಗರೆಲ್ಲರೂ ಹೆಮ್ಮೆ ಪಡುವಂಥಾ ಸಂಗತಿ ಅನ್ನೋದರಲ್ಲಿ ಯಾವ ಸಂದೇಹವೂ ಇಲ್ಲ!

The post ರಾಕಿ ಬಾಯ್ ಬಗ್ಗೆ ಮಂಗಳೂರು ಹುಡುಗಿ ಹೇಳಿದ್ದೇನು? appeared first on Cini Shodha.