ವಿಶೇಷವೆಂದರೆ, ಸಾಲು ಸಾಲು ಸೋಲಿನಿಂದ ಕಂಗಾಲೆದ್ದು ನಿಂತರೂ ಸಹ ಪ್ರಭಾಸ್ ಸ್ಟಾರ್‌ಡಂ ಮುಕ್ಕಾಗದೆ ಉಳಿದುಕೊಂಡಿದೆ. ಒಂದು ಸೋಲಿನ ಮಗ್ಗುಲಲ್ಲಿಯೇ ಮತ್ತೊಂದು ಹೊಸಾ ಸಿನಿಮಾ ಘೋಷಣೆಯಾದಾಗ, ಅದರ ಸುತ್ತ ಮತ್ತದೇ ಕ್ರೇಜ್ ಹಬ್ಬಿಕೊಳ್ಳುತ್ತೆ. ಹಾಗಿರುವಾಗ ಡಾರ್ಲಿಂಗ್‌ಗೆ ಉಸಿರು ಕೊಟ್ಟಿದ್ದ ಕಲ್ಕಿ ಸೀಕ್ವೆಲ್ ಬಗ್ಗೆ ಅಭಿಮಾನಿಗಳು ಕುತೂಹಲಗೊಳ್ಳದಿರಲು ಸಾಧ್ಯವೇ? ಸದ್ಯಕ್ಕೆ ರಾಜಾಸಾಬ್ ಮುಂತಾದ ಸಿನಿಮಾಗಳು ಸರತಿಯಲ್ಲಿದ್ದರೂ ಕಲ್ಕಿ೨ ಭೂಮಿಕೆಯಲ್ಲಿ ಒಂದಷ್ಟು ಚಟುವಟಿಕೆಗಳು ನಡೆಯುತ್ತಿವೆ. ಅದರಲ್ಲಿಯೂ, ನಾಯಕಿಯ ಆಯ್ಕೆಯ ಬಗ್ಗೆ ದಿನಕ್ಕೊಂದರಂತೆ ಸುದ್ದಿಗಳು ಜಾಹೀರಾಗುತ್ತಿವೆ.

ಕಲ್ಕಿ ಮೊದಲ ಭಾಗದಲ್ಲಿ ನಾಯಕಿಯಾಗಿ ನಟಿಸಿದ್ದಾಕೆ ದೀಪಿಕಾ ಪಡುಕೋಣೆ. ಸಂಪೂರ್ಣ ಭಿನ್ನವಾದ ಲುಕ್ಕಿನಲ್ಲಿ ಕಾಣಿಸಿಕೊಂಡಿದ್ದ ದೀಪ;ಇಕಾಳ ನಟನೆ ಕೂಡಾ ಕಲ್ಕಿಯ ಗೆಲುವಿನಲ್ಲಿ ಪ್ರಧಾನ ಪಾತ್ರ ವಹಿಸಿತ್ತು. ಕಲ್ಕಿ ೨ ಬರುತ್ತದೆಂಬ ಸುದ್ದಿ ಹಬ್ಬಿದ್ದಾಗಲೂ ದೀಪಿಕಾಳೇ ನಾಯಕಿ ಎಂಬಂಥಾ ಮಾತುಗಳೂ ಕೇಳಿ ಬಂದಿದ್ದವು. ಆದರೆ, ಸಂಭಾವನೆಯ ವಿಚಾರದಲ್ಲಿ ತೊಡಕುಂಟಾದ ಪರಿಣಾಮ ದೀಪಿಕಾ ಹಿಂದೆ ಸರಿದಿದ್ದಾಳೆ. ಆ ಜಾಗಕ್ಕೆ ಸಾಯಿಪಲ್ಲವಿ ಸೇರಿದಂತೆ ಒಂದಷ್ಟು ನಟಿಯರು ಎಂಟ್ರಿ ಕೊಡೋದಾಗಿ ರೂಮರುಗಳೆದ್ದಿದ್ದವು. ಅಂಥಾ ಅನೇಕ ಸ್ಟಾರ್ ನಟಿಯರು ಪ್ರಭಾಸ್ ಜೊತೆ ತೆರೆ ಹಂಚಿಕೊಳ್ಳಲು ಸರತಿಯಲ್ಲಿ ನಿಂತಿರೋದು ನಿಜ. ಆದರೆ, ಆ ಅವಕಾಶವೀಗ ಪ್ರಿಯಾಂಕಾ ಛೋಪ್ರಾಗೆ ಒಲಿದಿರುವ ಲಕ್ಷಣಗಳಿದ್ದಾವೆ. ಇಷ್ಟರಲ್ಲಿಯೇ ಅಧಿಕೃತವಾಗಿ ಈ ಸುದ್ದಿ ಹೊರಬೀಳುವ ಸಾಧ್ಯತೆಗಳಿವೆ!

The post Darling Prabhas Kalki2: ನಾಯಕಿಯಾಗ್ತಾಳಾ ಪ್ರಿಯಾಂಕಾ ಚೋಪ್ರಾ? appeared first on Cini Shodha.