ರಜತ್ ಬಿಗ್ ಬಾಸ್ ಶೋನ ಹಿಂಚುಮುಂಚಿನಿಂದಲೇ ಸೌಜನ್ಯಾ ಪರವಾಗಿ ಧ್ವನಿಯೆತ್ತಿದ್ದರು. ಮನುಷ್ಯತ್ವವಿರುವ ಯಾರೇ ಆದರೂ ಅರಳೋ ವಯಸ್ಸಿನಲ್ಲಿಯೇ ಕಾಮುಕ ದುರುಳರಿಂದ ಹೊಸಕಲ್ಪಟ್ಟ ಈ ಹೆಣ್ಣುಮಗಳ ಪರವಾಗಿ ಧ್ವನಿಯೆತ್ತಲೇ ಬೇಕಿದೆ. ಹಾಗೆ ಧ್ವಿನಿಯೆತ್ತೋ ಪ್ರತಿಯೊಬ್ಬರೂ ಕೂಡಾ ಈ ಅತ್ಯಾಚಾರ ಮಾಡಿದ ಕಾಮುಕರಿಗೆ ತಕ,ಕ ಶಿಕ್ಷೆಯಾಗಲೆಂದು ಬಯಸುತ್ತಿದ್ದಾರೆ. ಬಿಗ್ ಬಾಸ್ ಸ್ಪರ್ಧಿ ರಜತ್ ಕೂಡಾ ಅದೇ ದಿಕ್ಕಿನಲ್ಲಿ ಮಾತಾಡಿದ್ದರು. ಅದರ ಭಾಗವಾಗಿಯೇ ಮೊನ್ನೆ ದಿನ ಧರ್ಮಸ್ಥಳಕ್ಕೆ ತೆರಳಿ ಸೌಜನ್ಯಾ ತಾಯಹಿ ಕುಸುಮಾವತಿಯವರನ್ನು ಕಂಡು ಮಾತಾಡಿದ್ದರು. ಹಾಗೆ ರಜತ್ ವಾಪಾಸಾಗುವ ಸಂದರ್ಭದಲ್ಲಿ ಗೂಂಡಾ ಪಡೆ ಬಡಿದಾಟವನ್ನೇ ನಡೆಸಿ ಬಿಟ್ಟಿದೆ.

ಒಂದಷ್ಟು ಯೂಟ್ಯೂಬರ್ಸ್ ಮೇಲೆ ಡಿ ಗ್ಯಾಂಗಿನ ಗೂಂಡಾಗಳು ಹಲ್ಲೆ ನಡೆಸಿದ್ದಾರೆ. ಸ್ವತಃ ರಜತ್ ಹೇಳುವಂತೆ ಆತನನ್ನೂ ಕೂಡಾ ತಳ್ಳಾಡುವ ಪ್ರಯತ್ನಗಳು ನಡೆದಿವೆ. ಇದೇ ಹೊತ್ತಿನಲ್ಲಿ ಅದ್ಯಾವುದೋ ಹೆಂಗಸೊಂದು ರಜತ್ ಬಗ್ಗೆ ಜೀವ ಬೆದರಿಕೆಯಂಥಾ ಪೋಸ್ಟ್ ಒಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿತ್ತು. ಅದರ ಬೆನ್ನಲ್ಲಿಯೇ ರಜತ್‌ಗೆ ಜೀವ ಬೆದರಿಕೆಯೂ ಬರಲಾರಂಭಿವೆಯಂತೆ. ಈ ಬಗ್ಗೆ ಆತ ಪೊಲೀಸದರಿಗೆ ದೂರನ್ನೂ ಕೊಟ್ಟು ತನ್ನ ನಿಲುವಿಗೆ ಗಟ್ಟಿಯಾಗಿ ಅಂಟಿಕೊಂಡಿದ್ದಾರೆ. ಬೇರೇನೇ ತಕರಾರುಗಳಿದ್ದರೂ ಕೂಡಾ ಬುಜ್ಜಿಯನ್ನು ಅಷ್ಟರ ಮಟ್ಟಿಗೆ ಮೆಚ್ಚಿಕೊಳ್ಳಲೇ ಬೇಕು.

ಅಷ್ಟಕ್ಕೂ ಸೌಜನ್ಯಾ ಪರವಾಗಿ ಧ್ವನಿಯೆತ್ತಿದರೆ ಖಾವಂದರ ಘನತೆಗೆ ಯಾಕೆ ಕುತ್ತುಂಟಾಗುತ್ತೆ? ಈ ಹುಡುಗಿಯ ಸಾವಿಗೆ ನ್ಯಾಯ ಕೇಳಿದರೆ ಧರ್ಮಸ್ಥಳದ ಪಾವಿತ್ರ್ಯ ಹಾಳಾಗುತ್ತದೆಂಬಂತೆ ಕೆಲ ಅವಿವೇಕಿಗಳು ಹಲುಬುತ್ತಿದ್ದಾರಲ್ಲಾ? ತಲೆ ನೆಟ್ಟಗಿರೋ ಯಾವನಾದರೂ ಆ ವಾದವನ್ನು ಒಪ್ಪಿಕೊಳ್ಳಲು ಸಾಧ್ಯವೇ? ಒಂದು ಧರ್ಮ ಕ್ಷೇತ್ರದ ಪರಿಸರದಲ್ಲಿ ಇಂಥಾದ್ದೆಲ್ಲ ನಡೆದಾಗ ಸಹಜವಾಗಿಯೇ ಅದರ ಸುತ್ತ ಅನುಮಾನಗಳು ಮೂಡಿಕೊಳ್ಳುತ್ತವೆ. ಈ ಬಗ್ಗೆ ಕಾನೂನಾತ್ಮಕ ತನಿಖೆ ಈಗ ಚಾಲ್ತಿಯಲ್ಲಿದೆ. ಇದರ ಮೂಲಕವೇ ಸತ್ಯಾಸತ್ಯತೆ ಹೊರಬರಲು ಸಮಯ ಹಿಡಿದೀತು. ಆ ವರೆಗೆ ಭಕ್ತಗಣ ಸಾವಧಾನದಿಂದ ಇದ್ಚದರೊಳಿತು. ಯಾಕೆಂದರೆ, ಸತ್ಯ ಹೊರ ಬಂದು ತಪ್ಪಿತಸ್ಥರಿಗೆ ಶಿಕ್ಷೆಯಾದರೆ ಮಾತ್ರವೇ ಇಂಥಾ ಕ್ಷೇತ್ರಗಳ ಘನತೆ ಉಳಿಯುತ್ತದೆ.

ಇಂಥಾ ಹೊತ್ತಿನಲ್ಲಿ ಸೌಜನ್ಯಾ ಪರ ಮಾತಾಡುವವರನ್ನೆಲ್ಲ ಧರ್ಮ ವಿರೋಧಿಗಳೆಂದು ಬಿಂಬಿಸೋದೇ ಅಧರ್ಮ. ಅವನ್ಯಾರೋ ಪವರ್ ಟೀವಿಯ ಹಡಬೆ ರಾಕೇಶ್ ಶೆಟ್ಟಿ ಅವಿವೇಕಿಯಂತೆ ಅಬ್ಬರಿಸುತ್ತಾನೆ. ಪತ್ರಿಕೋದ್ಯಮದ ಘನತೆ ಗೌರವಗಳ ಲವಲೇಶವೂ ಇಲ್ಲದ ಇಂಥವನನ್ನು ವೀರೇಂದ್ರ ಹೆಗ್ಗಡೆಯೇ ಈ ಹಿಂದೆ ಶಿವಗಣ ಅಂದುಬಿಟ್ಟಿದ್ದರು. ಅಸಲಿಗೆ ಈತ ಸದ್ಯದ ಮಟ್ಟಿಗೆ ಕಾಮುಕರ ಕೋಮಣದಂತಾಗಿದ್ದಾನೆ. ಈ ರಾಕೇಶ್ ಶೆಟ್ಟಿಯಂಥಾ ಮನಃಸ್ಥಿತಿಯ ಮಂದಿಗೆ ಸೌಜನ್ಯಳಿಗೆ ನ್ಯಾಯ ಸಿಗಲಿ ಅನ್ನುವ ರಜತ್ ಥರದವರೆಲ್ಲ ಧರ್ಮ ವಿರೋಧಿಗಳಂತೆ ಕಾಣಿಸುತ್ತಾರೆ. ಧರ್ಮಸ್ಥಳದ ಪರಿಸರದಲ್ಲಿ ಇಂಥಾ ಕೊಲೆ, ಅತ್ಯಾಚಾರಗಳ ಆರೋಪ ಕೇಳಿ ಬಂದಿರೋದರಿಂದ ಸಹಜವಾಗಿಯೇ ಆ ಕ್ಷೇತ್ರದ ಸುತ್ತ ವಿವಾದವೇಳುತ್ತೆ. ಅದರಿಂದಾಗಿ ದೇವರಿಗೆ ಕಳಂಕ ಮೆತ್ತಿಕೊಳ್ಳುತ್ತದೆಂಬುದು ಮೂರ್ಖತನ. ಮನುಷ್ಯಮಾತ್ರರ ಆರೋಪಗಳಿಂದ ದೇವರು ವಿಚಲಿತನಾಗುತ್ತಾನಾದರೆ ಅವನನ್ನು ದೇವರೆನ್ನಲು ಸಾಧ್ಯವೇ? ಭ್ರಮೆಯ ತೆಕ್ಕೆಗೆ ಬಿದ್ದು ಅರಚಾಡುವ ಮುನ್ನ ಸಮಚಿತ್ತದಿಂದ ಆಲೋಚಿಸಿದರೊಳಿತು!

The post rajath-dharmasthala controvercy: ನೊಂದ ತಾಯಿಯನ್ನು ಭೇಟಿಯಾಗಿದ್ದೇ ತಪ್ಪಾ? appeared first on Cini Shodha.

ಸೌಜನ್ಯ ಎಂಬ ಹುಡುಗಿಯನ್ನು ಅಮಾನುಷವಾಗಿ ಅತ್ಯಾಚಾರ ಮಾಡಿ ಕೊಂದ ಘಟನೆಯ ನಂತರ ಧರ್ಮಸ್ಥಳ ಮತ್ತೊಂದು ಸುತ್ತಿಗೆ ವಿವಾದದ ಕೇಂದ್ರಕ್ಕೆ ಬಂದು ನಿಂತಿತ್ತು. ಈಗಂತೂ ಆ ಪರಿಸರದಲ್ಲಿ ಅಸ್ಥಿಪಂಜರ ಹುಡುಕುವ ಕಾರ್ಯ ಚಾಲ್ತಿಯಲ್ಲಿದೆ. ಈ ಮೂಲಕ ಆ ಊರಿನ ಸುತ್ತ ಹಬ್ಬಿಕೊಂಡಿರುವ ಗುಮಾನಿಗಳಿಗೆ, ಸಾರ್ವಜನಿಕರಲ್ಲಿರುವ ಜ್ವಲಂತ ಪ್ರಶ್ನೆಗಳಿಗೆ ಉತ್ತರ ಸಿಗುವ ನಿರೀಕ್ಷೆಗಳಿದ್ದಾವೆ. ಇದರೊಂದಿಗೆ ಇನ್ನೂ ಒಂದಷ್ಟು ಹೆಣ್ಮಕ್ಕಳ ಅನ್ಯಾಯದ ಸಾವಿಗೆ ನ್ಯಾಯ ಸಿಗಬಹುದೆಂಬ ನಿರೀಕ್ಷೆಯೂ ಮೂಡಿಕೊಂಡಿದೆ. ಇದೇ ಹೊತ್ತಿನಲ್ಲಿ ಒಂದಷ್ಟು ಮಂದಿ ಖಾವಂದರನ ಮಾನ ಹೋಗಬಾರದೆಂದು ಟೊಂಕ ಕಟ್ಟಿ ನಿಂತಿದ್ದರೆ, ಮತ್ತೊಂದಷ್ಟು ಮಂದಿ ನ ನೊಂದ ಜೀವಗಳಿಗೆ ನ್ಯಾಯ ಸಿಗಬೇಕೆಂದು ಎದೆ ಸೆಟೆಸಿ ನಿಂತಿದ್ದಾರೆ.

ಇದೇ ಘಳಿಗೆಯಲ್ಲಿ ನಿಮಾಕ ಗಣೇಶ್ ಎಂಬಾತ ಧರ್ಮಸ್ಳ ಫೈಲ್ಸ್ ಎಂಬ ಟೈಟಲ್ ಅನ್ನು ನೋಂದಣಿ ಮಾಡಿಸಿದ್ದಾರೆ. ಈ ಸಿನಿಮಾವನ್ನು ಯಾರು ನಿರ್ದೇಶನ ಮಾಡಲಿದ್ದಾರೆಂಬುದೂ ಸೇರಿದಂತೆ ಒಂದಷ್ಟು ವಿಚಾರ ಮುಂದಿನ ದಿನಗಳಲ್ಲಿ ಮುನ್ನೆಲೆಗೆ ಬಂದರೂ ಬರಬಹುದು. ಆದರೆ, ಈ ಸಿನಿಮಾವನ್ನು ಪರಿಪೂರ್ಣವಾಗಿ ನಿರ್ಮಾಣ ಮಾಡೋದು ಅಷ್ಟು ಸಲೀಸಿನ ಸಂಗತಿಯೇನಲ್ಲ. ಕಾನೂನು, ಭಕ್ತಿ, ಕಣ್ಣೀರುಗಳನ್ನೆಲ್ಲ ಆಳಕ್ಕಿಳಿದು ಪರಾಮರ್ಶಿಸಿ, ಸತ್ಯದ ಭೂಮಿಕೆಯಲ್ಲಿ ದೃಶ್ಯ ಕಟ್ಟೋದಕ್ಕೂ ಗುಂಡಿಗೆ ಬೇಕಾಗುತ್ತದೆ. ಅದೇನಾದರೂ ಉಳ್ಳವರಿಗೆ ಗಾಳಿ ಬೀಸಿ, ಅಸಹಾಯಕರ ಕಣ್ಣೀರನ್ನು ಗೌಣವಾಗಿಸಿದರೆ ಒಂದಷ್ಟು ಕಾಸು ಹುಟ್ಟ ಬಹುದಷ್ಟೆ. ಆದರೆ, ಆ ಪಾಪವನ್ನು ಸಾಕ್ಷಾತ್ತು ಮಂಜುನಾಥನೂ ಕ್ಷಮಿಸಲಾರ!

The post dharmasthala mystery: ಬುರುಡೆ ಸಿಕ್ಕ ಬೆನ್ನಲ್ಲೇ ರಿಜಿಸ್ಟರ್ ಆಯ್ತು ಟೈಟಲ್! appeared first on Cini Shodha.

ಈಗ್ಗೆ ಹನ್ನೊಂದು ವರ್ಷಗಳ ಹಿಂದೆ ಧರ್ಮಸ್ಥಳದ ನೇತ್ರಾವತಿ ನದಿಯ ತಟದಲ್ಲಿ ಭೀಕರವಾಗಿ ಹತಳಾಗಿದ್ದ ಹುಡುಗಿ ಸೌಜನ್ಯ. ಅದ್ಯಾರೋ ಹಿಡಿದು ಕೊಟ್ಟಿದ್ದ ಸಂತೋಷ್ ರಾವ್ ಎಂಬಾತನನ್ನು ಈ ಪ್ರಕರಣದಲ್ಲಿ ಫಿಕ್ಸ್ ಮಾಡಲಾಗಿತ್ತು. ಇದೀಗ ಸಿಬಿಐ ಕೋರ್ಟ್ ಆತನನ್ನು ಖುಲಾಸೆಗೊಳಿಸಿದೆ. ಈ ನಿಟ್ಟಿನಲ್ಲಿ ನಿಜವಾದ ಅತ್ಯಾಚಾರಿಗಳು, ಹಂತಕರ್‍ಯಾರೆಂಬ ಪ್ರಶ್ನೆ ಹುಟ್ಟಿಕೊಂಡಿದೆ. ಅದೀಗ ದೊಡ್ಡ ಮಟ್ಟದ ಹೋರಾಟವಾಗಿ ರೂಪುಗೊಂಡಿದೆ. ದಕ್ಷಿಣ ಕನ್ನಡ ಸೀಮೆಯಲ್ಲಿ ಹುಟ್ಟಿಕೊಂಡಿದ್ದ ಹೋರಾಟದ ಕಿಚ್ಚೀಗ ಗಟ್ಟವೇರಿ ಬಂದು, ಕರ್ನಾಟಕದ ತುಂಬೆಲ್ಲ ಹಬ್ಬಿಕೊಂಡಿದೆ. ಇಷ್ಟಾದರೂ ಜನರ ಕಾಸಿಂದ ಕೊಬ್ಬಿದ ಒಬ್ಬನೇ ಒಬ್ಬ ಹೀರೋ ಸೌಜನ್ಯ ವಿಚಾರದಲ್ಲಿ ತುಟಿಬಿಚ್ಚಿಲ್ಲ. ಇಂಥಾ ವಾತಾವರಣದಲ್ಲೀಗ ದುನಿಯಾ ವಿಜಯ್ ಸೌಜನ್ಯಪರವಾಗಿ ಸೋಶಿಯಲ್ ಮೀಡಿಯಾ ಮೂಲಕ ಮಿಡಿದಿದ್ದಾರೆ.

`ಪ್ರತಿ ವರ್ಷ ಧರ್ಮಸ್ಥಳದ ದರ್ಶನ ಪಡೆಯುವುದು ವಾಡಿಕೆಯಾಗಿತ್ತು, ಆದರೆ ಸೌಜನ್ಯಳ ಪ್ರಕರಣದ ಇಂದಿನ ಬೆಳವಣಿಗೆ ನೋಡಿ ಸೌಜನ್ಯ ಮತ್ತು ಕುಟುಂಬಸ್ಥರಿಗೆ ನ್ಯಾಯ ಸಿಗುವವರೆಗೂ ಮಂಜುನಾಥನ ದರ್ಶನ ಮಾಡಕೂಡದು ಅನಿಸುತ್ತಿದೆ’ ಎಂಬ ನೇರ ನಿಷ್ಟುರವಾದ ನಿಲುವನ್ನು ವಿಜಯ್ ಪ್ರಕಟಿಸಿದ್ದಾರೆ. ಅದರ ಜೊತೆಗೇ, `ಸತ್ಯ ಎಂಬುದು ಸೂರ್ಯನ ಬೆಳಕಿದಂತೆ ಯಾರು ಹೆಚ್ಚು ಸಮಯ ಮರೆಮಾಚಲಾಗದು’ ಎಂಬ ಬುದ್ಧನ ನುಡಿಯನ್ನೂ ಉಲ್ಲೇಖಿಸಿದ್ದಾರೆ. ದುನಿಯಾ ವಿಜಯ್ ತಳೆದಿರುವ ಈ ನಿಲುವಿಗೆ ವ್ಯಾಪಕ ಮೆಚ್ಚುಗೆಗಳೂ ವ್ಯಕ್ತವಾಗುತ್ತಿವೆ. ಜನ ಕಷ್ಟಪಟ್ಟು ದುಡಿದ ಕಾಸಿನಲ್ಲಿ ನಿಮ್ಮ ಸಿನಿಮಾ ನೋಡಿದ್ದಕ್ಕೂ ಆರ್ಥಕವಾಯ್ತೆಂಬಂತೆ ಅನೇಕರು ಅಭಿಪ್ರಾಯ ಹಂಚಿಕೊಳ್ಳುತ್ತಿದ್ದಾರೆ. ಅಂತೂ ವಿಜಯ್ ಬೆಂಬಲ ಜಸ್ಟೀಸ್ ಫಾರ್ ಸೌಜನ್ಯ ಎಂಬ ಹೋರಾಟಕ್ಕೆ ಒಂದಷ್ಟು ಕಸುವು ತುಂಬಿರೋದಂತೂ ಸತ್ಯ.

ಅದಾಗತಾನೇ ಪ್ರಥಮ ಪಿಯುಸಿ ಓದುತ್ತಿದ್ದ ಹದಿನೇಳರ ಹುಡುಗಿ ಸೌಜನ್ಯ. ಕಾಲೇಜಿಗೆ ಹೋಗಿ ಮನೆಗೆ ಮರಳುವ ಹಾದಿಯಲ್ಲೇ ದುರುಳರು ಆಕೆಯನ್ನು ಅತ್ಯಾಚಾರವೆಸಗಿ, ಭೀಕರವಾಗಿ ಕೊಲೆ ಮಾಡಿದ್ದರು. ದೈವೀಕ ನೆಲೆಯಲ್ಲಿ ರಾಜ್ಯಾದ್ಯಂತ ಭಕ್ತ ಗಣವನ್ನು ಹೊಂದಿರುವ, ಶ್ರದ್ಧಾ ಭಕ್ತಿಗೆ ಪಾತ್ರವಾಗಿರುವ ಕ್ಷೇತ್ರ ಧರ್ಮಸ್ಥಳ. ಊರಿಗೆಲ್ಲ ನ್ಯಾಯ ಒದಗಿಸೋ ಮಂಜುನಾಥನ ಸನ್ನಿಧಿಯಲ್ಲಿಯೇ ಇಂಥಾ ಘಟನೆ ನಡೆದರೆ, ಜನ ಅವಾಕ್ಕಾಗದಿರಲು ಸಾಧ್ಯವೇ? ಈ ಹಂತದಲ್ಲಿ ಅದ್ಯಾರೋ ಸಂತೋಷ್ ರಾವ್ ಎಂಬ ಪಾಪದ ಆಸಾಮಿಯನ್ನು ಈ ಕೇಸಿನಲ್ಲಿ ಫಿಟ್ ಮಾಡಲಾಗಿತ್ತು. ಹನ್ನೊಂದು ವರ್ಷಗಳ ರೌರವ ನರಕದ ನಂತರ ಕಡೆಗೂ ಆತನಿಗೆ ಮುಕ್ತಿ ಸಿಕ್ಕಿದೆ.

ಯಾವಾಗ ಈ ಕೇಸಿನಲ್ಲಿ ಸಂತೋಷ್ ರಾವ್‌ನನ್ನು ಬಲಿಪೀಠಕ್ಕೆ ಕರೆತರಲಾಯ್ತೋ, ಆ ಕ್ಷಣವೇ ಸೌಜನ್ಯಾಳನ್ನು ಹೆತ್ತವರು, ಹೋರಾಟಗಾರರು ಆತ ಆರೋಪಿ ಅಲ್ಲ ಅಂತ ನಿಖರವಾಗಿ ಹೇಳಿದ್ದರು. ಅವರೆಲ್ಲರ ನೇರ ಆರೋಪ ಅಚ್ಚ ಬಿಳುಪಿನ ಕಚ್ಚೆಪಂಚೆಯಲ್ಲಿ ಕಂಗೊಳಿಸುವ ಧರ್ಮಸ್ಥಳದ ಧರ್ಮಾಧಿಕಾರಿಯ ಸುತ್ತಲಿರುವವರ ಮೇಲಿತ್ತು. ಹನ್ನೊಂದು ವರ್ಷಗಳ ನಂತರ ಇದೀಗ ಮತ್ತೊಮ್ಮೆ ಆ ಪಟಾಲಮ್ಮು ಆರೋಪದ ಈಟಿಗೆ ಎದೆಕೊಡಬೇಕಾಗಿ ಬಂದಿದೆ. ದುರಂತವೆಂದರೆ, ಕೆಲ ಮಂದಿಗೆ ಸೌಜನ್ಯಾ ಎಂಬ ಪುಟ್ಟ ಹುಡುಗಿಯ ದಾರುಣ ಪ್ರಕರಣಕ್ಕೆ ನ್ಯಾಯ ಸಿಗಬೇಕೆಂಬುದಕ್ಕಿಂತ, ಧರ್ಮಸ್ಥಳದ ಘನgತೆಗೆ ಕುಂದುಂಟಾಗುತ್ತಿದೆ ಎಂಬುದೇ ದೊಡ್ಡ ತಲೆ ನೋವಾಗಿದೆ. ಈ ಸಂಬಂಧವಾಗಿ ಶುಭ್ರ ಪಂಚೆಯ ಫಟಿಂಗ ಪಡೆಯ ಪರವಾಗಿ ವಕಾಲತ್ತು ವಹಿಸುತ್ತಾ, ಸೌಜನ್ಯಾ ಪ್ರಕರಣದ ದಿಕ್ಕು ಬದಲಿಸುವ ಹುನ್ನಾರವೊಂದು ಚಾಲ್ತಿಯಲ್ಲಿದೆ.

ಅಷ್ಟಕ್ಕೂ ಇಲ್ಲಿ ಹೋರಾಟಕ್ಕಿಳಿದಿರುವವರೆಲ್ಲ ಸೌಜನ್ಯಾ ಅತ್ಯಾಚಾರ ಆರೋಪಿಗಳನ್ನು ಶಿಕ್ಷೆಗೊಳಪಡಿಸುವಂತೆ ಆರೋಪಿಸುತ್ತಿದ್ದಾರಷ್ಟೇ. ಆರಂಭಿಕವಾಗಿ ಹೋರಾಟಗಾರರು ಮತ್ತು ಸೌಜನ್ಯಾ ಹೆತ್ತವರು ಧರ್ಮಸ್ಥಳದ ಅಂತಃಪುರದತ್ತ ಬೊಟ್ಟು ಮಾಡಿದ್ದರಲ್ಲಾ? ಆ ಕಾರಣದಿಂದಷ್ಟೇ ಅವರನ್ನು ಹೋರಾಟಗಾರರು ಟಾರ್ಗೆಟ್ ಡುತ್ತಿದ್ದಾರೆ. ಅದು ಸಹಜವೂ ಹೌದು. ಈ ವಿಚಾರದಲ್ಲಿ ಯಾವ ತೋಲಾಂಡಿಗಳೇ ಆಗಿದ್ದರೂ ವಿಚಾರಣೆ ಎದುರಿಸಲೇ ಬೇಕು. ರಕ್ಕಸ ಆರೋಪಿಗಳು ಅದೆಂಥಾ ಪ್ರಭಾವಿಗಳಾದರೂ ಕಾನೂನಿನ ಕುಣಿಕೆಗೆ ಕೊರಳೊಡ್ಡಲೇ ಬೇಕು. ಒಂದು ವೇಳೆ ಇಂಥಾ ರಕ್ಕಸ ಪಡೆ ಮಂಜುನಾಥನ ಪ್ರಭೆಯಲ್ಲಿಯೇ ಇದ್ದಾರಾದರೆ, ನಿಜವಾದ ಆರೋಪಿಗಳು ಬಚಾವಾದರೆ ಖಂಡಿತವಾಗಿಯೂ ಆತ ದೇವರಾಗಲು ಸಾಧ್ಯವಿಲ್ಲ. ಆ ಕ್ಷೇತ್ರ ಧರ್ಮ ಕ್ಷೇತ್ರ ಅನ್ನಿಸಿಕೊಳ್ಳುವುದೂ ಇಲ್ಲ. ಇದೀಗ ದುನಿಯಾ ವಿಜಿ, ಸೌಜನ್ಯಾಗೆ ನ್ಯಾಯ ಸಿಗೋವರೆಗೂ ಧರ್ಮಸ್ಥಳಕ್ಕೆ ಹೋಗೋದಿಲ್ಲ ಎಂಬಂಥಾ ನಿಲುವಿಗೆ ಬಂದಿರೋದು ಸಮಯೋಚಿತ. ಈ ನೆಲದ ಪ್ರಜ್ಞಾವಂತರನೇಕರು ಈಗಾಗಲೇ ಆ ನಿಲುವು ತಳೆದಾಗಿದೆ!

The post dunia vijay: ನಿಜವಾದ ಹೀರೋಗಿರಿ ಅಂದ್ರೆ ಇದೇ ಅಲ್ವೇ? appeared first on Cini Shodha.