ಹೇಳಿಕೇಳಿ (janardhan reddy) ಜನಾರ್ಧನ ರೆಡ್ಡಿ ನೆಲ ಬಗೆಯುತ್ತಾ ಏಕಾಏಕಿ ಕೋಟಿ ಕೋಟಿ ಗುಂಜಿಕೊಂಡವನು. ಇಂಥವನಿಗೆ ಓರ್ವ ನಟ ಸಿನಿಮಾ ರಂಗದಲ್ಲಿ ಸರ್ಕಸ್ಸು ನಡೆಸುತ್ತಾ, ಸ್ಟಾರ್ ನಟನಾಗಿ ನೆಲೆ ಕಾಣೋದು ಅದೆಷ್ಟು ಸುದೀರ್ಘವಾದ, ತ್ರಾಸದಾಯಕ ಪ್ರಯಾಣವೆಂಬ ಅರಿವಿರಲು ಸಾಧ್ಯವೇ? ಅಂಥಾದ್ದೊಂದು ಸೈರಣೆಯನ್ನು ಗಾಲಿ ರೆಡ್ಡಿಯಿಂದಾಗಲಿ, ಅವನ ಮಗ (kireeti) ಕಿರೀಟಿಯಿಂದಾಗಲಿ ನಿರೀಕ್ಷೆ ಮಾಡೋದೇ ಮುಠ್ಠಾಳತನ. ಇದನ್ನಿಲ್ಲಿ ಪ್ರಸ್ತಾಪಿಸುತ್ತಿರೋದಕ್ಕೆ ಕಾರಣ ಇಲ್ಲದಿಲ್ಲ. ಜ್ಯೂನಿಯರ್ ಸಿನಿಮಾ ನೋಡಿದ ಯಾರಿಗಾದರೂ ಒಂದೇ ಸಿನಿಮಾದಲ್ಲಿ ಕಿರೀಟಿಯನ್ನು ಸ್ಟಾರ್ ನಟನಾಗಿ ನೆಲೆಗಾಣಿಸುವ ಹಳವಂಡ ಕಣ್ಣಿಗೆ ರಾಚುತ್ತೆ.

ಹಾಗೆ ನೋಡಿದರೆ, ಇಲ್ಲಿ ಕೈಗೆತ್ತಿಕೊಂಡಿರುವ ಕಥೆ ಚೆನ್ನಾಗಿದೆ ಅಂತನ್ನಿಸಿದರೂ ಅದರಲ್ಲಿ ಹೊಸತನವೇನಿಲ್ಲ. ಯಾವ ಘಟ್ಟದಲ್ಲಿಯೂ ಕಥೆಯ ಭಾಗ ವಾಹ್ ಅನ್ನಿಸೋದಿಲ್ಲ. ಪಾತ್ರ ವರ್ಗ ಮತ್ತು ಕಲಾವಿದರು ಅದಕ್ಕೆ ಜೀವ ತುಂಬಿರುವ ರೀತಿಯನ್ನೂ ಮೆಚ್ಚಿಕೊಳ್ಳಬಹುದು. ಆದರೆ, ಕಿರೀಟಿಗೆ ಹಾಡು ಮಾತ್ರವಲ್ಲದೇ ಪ್ರತಿಯೊಂದಕ್ಕೂ ಬಿಲ್ಡಪ್ಪಿ ಕೊಡುವ ದರ್ದಿಗೆ ಬಿದ್ದಿರುವ ನಿರ್ದೇಶಕರು, ಕಥೆಯ ಮೂಲ ಸತ್ವದ ಕತ್ತು ಹಿಸುಕಿದ್ದಾರೆ. ಹಾಡುಗಳಲ್ಲಿ ಎನರ್ಜಿಟಿಕ್ ಆಗಿ ಕಾಣಿಸಿಕೊಂಡಿರುವ ಕಿರೀಟಿ, ನಟನೆ ಅಂತ ಬಂದಾಗ ಬಸವಳಿದಂತೆ ಕಾಣಿಸುತ್ತಾನೆ. ಗಣಿಗಳ್ಳ ರೆಡ್ಡಿ ಇದುವರೆಗೆ ಗೋರಿಕೊಂಡಿರುವ ಕಾಸನ್ನೆಲ್ಲ ಗುಡ್ಡೆ ಹಾಕಿದರೂ ಕೂಡಾ, ಕಿರೀಟಿ ನಟನಾಗಿ ಪಳಗೋದಕ್ಕೆ ಇನ್ನೂ ಸಾಕಷ್ಟು ಸಮಯ ಬೇಕಾಗುತ್ತದೆ.

ಅಷ್ಟಕ್ಕೂ ಜನಾ ರೆಡ್ಡಿಯಂಥಾ ಬೇನಾಮಿ ಆಸ್ತಿ ಹೊಂದಿರೋ ಖದೀಮರ ಮಕ್ಕಳು ಹೇಗೆ ಬೇಕಾದರೂ ತಯಾರಿ ನಡೆಸಬಹುದು. ಕಿರೀಟಿ ಕೂಡಾ ನೃತ್ಯ ಸೇರಿದಂತೆ ಒಂದಷ್ಟು ಬಗೆಯಲ್ಲಿ ಶ್ರಮ ಹಾಕಿದ್ದಾನೆ. ಆ ಕಾರಣದಿಂದಲೇಬ ಜ್ಯೂನಿಯರ್ ಇದ್ದುದರಲ್ಲಿಯೇ ಒಂದಷ್ಟು ಸಹ್ಯವೆನಿಸುತ್ತೆ. ಅಷ್ಟರ ಮಟ್ಟಿಗೆ ರೆಡ್ಡಿಮಗ ಕಿರೀಟಿಯನ್ನು ಮೆಚ್ಚಿಕೊಳ್ಳಬಹುದು. ಇದೆಲ್ಲದರಾಚೆಗೆ ಗಣಿಗಳ್ಳನ ಪುತ್ರನ ಸಿನಿಮಾದ ಬಗ್ಗೆ ಬೇರೇನೂ ಹೇಳಲಾಗೋದಿಲ್ಲ. ಒಂದು ಕಾಲದಲ್ಲಿ ಹಡಬೆ ಕಾಸಿಂದ ಒಂದಿಡೀ ರಾಜಕೀಯವನ್ನು ಹಡಾಲೆಬ್ಬಿಸಿದ್ದವನು, ಅಳಿದುಳಿದಿದ್ದ ಮೌಲ್ಯಗಳನ್ನು ಗಣಿಧೂಳಿನಲ್ಲಿ ಉಸಿರುಗಟ್ಟಿಸಿದ್ದವನು ಗಾಲಿ ಜನಾರ್ಧನ ರೆಡ್ಡಿ. ಇಂಥವನ ಮಗ ಹೀರೋ ಆದರೆ ಅದು ಕೆಡುಕಾಗಿಯಷ್ಟೇ ಕಾಣಿಸಲು ಸಾಧ್ಯ!

The post junior movie review: ಗಣಿಗಳ್ಳನ ಮಗನ ಸಿನಿಮಾ ಹೀಗಿದೆ! appeared first on Cini Shodha.

ಜನಾರ್ಧನ ರೆಡ್ಡಿ ತನ್ನ ಮಗ ಕಿರೀಟಿಯನ್ನು ದೊಡ್ಡ ಮಟ್ಟದಲ್ಲಿ ಲಾಂಚ್ ಮಾಡಲು ಸರ್ವ ತಯಾರಿಯನ್ನೂ ಮಾಡಿಕೊಂಡಿದ್ದ. ಅದುವರೆಗೆ ನಡೆದಿದ್ದ ಅಂದಾದುಂ ದಿಗಳನ್ನು ಕಾಸಿನ ಬಲದಿಂದಲೇ ದಕ್ಕಿಸಿಕೊಳ್ಳುವ ಅಹಮ್ಮಿಕೆ ರೆಡ್ಡಿಯದ್ದಾಗಿತ್ತು. ಕಡೆಗೂ ಕೂಡಾ ಅಷ್ಟದಿಕ್ಕುಗಳಿಂದ ಕಾನೂನಿನ ಕುಣಿಕೆ ಬಿಗಿಯಾಗಿ ಆತ ಜೈಲು ಪಾಲಾಗಿದ್ದ. ಈ ನಡುವೆ ಕಿರೀಟಿಯ ಪಟ್ಟಾಭಿಷೇಕ ಪ್ರೋಗ್ರಾಮಿಗೆ ಪದೇ ಪದೆ ವಿಘ್ನ ಎದುರಾಗಿತ್ತು. ಕಡೆಗೂ ನಾನಾ ಸರ್ಕಸ್ಸು ನಡೆಸಿದ ಫಲವಾಗಿ ಆ ಸಿನಿಮಾವೀಗ ಬಿಡುಗಡೆಯ ಹಂತ ತಲುಪಿಕೊಂಡಿದೆ. ಅದರದ್ದೊಂದು ಹಾಡೀಗ ಒಂದಷ್ಟು ಸದ್ದು ಮಾಡುತ್ತಿದೆ. ಯದ್ವಾತದ್ವ ಕುಣಿದಾಡಿರುವ ಕಿರೀಟಿಯ ಬಗ್ಗೆ ಒಂದಷ್ಟು ಮೆಚ್ಚುಗೆ ಕೇಳಿ ಬಂದರೂ, ಅಪ್ಪ ಗಾಲಿ ರೆಡ್ಡಿಯ ಕಾರಣದಿಂದ ಅದೆಲ್ಲವೂ ನಕಾರಾತ್ಮಕ ಛಾಯೆಯಲ್ಲಿ ನೆಂದು ಹೋದಂತೆ ಕಾಣಿಸುತ್ತಿದೆ.

ಅಷ್ಟಕ್ಕೂ ಕಾಸೊಂದಿದ್ದರೆ ಕತ್ತೆಯನ್ನೂ ಹೀರೋ ಮಾಡಬಹುದು, ಹೇಗೋ ಜೈಸಿಕೊಳ್ಳಬಹುದೆಂಬ ಮನಃಸ್ಥಿತಿಯೀಗ ಮಗುಚಿಕೊಂಡಿದೆ. ಕಂಟೆಂಟಿನ ಕಸುವು, ಕ್ರಿಯಾಶೀಲತೆಯಿದ್ದರೆ ಮಾತ್ರವೇ ಗೆಲುವು ಸಾಧ್ಯವೆಂಬ ವಾಸ್ತವ ಎಲ್ಲರಿಗೂ ಅರ್ಥವಾಗಿದೆ. ಬಹುಶಃ ಮಗನ ಸಿನಿಮಾ ಚೆನ್ನಾಗಿಲ್ಲದೇ ಹೋದರೂ ಕರ್ನಾಟಕದ ಅಷ್ಟೂ ಸಿನಿಮಾ ಮಂದಿರಗಳನ್ನು ಬುಕ್ ಮಾಡಿಕೊಂಡು ಓಡಿಸಬಹುದೆಂಬ ಗತ್ತು ರೆಡ್ಡಿಗಿದ್ದರೂ ಇರಬಹುದು. ಆದರೆ, ಇಂಥಾ ಹಣವಂತರ ಮಕ್ಕಳನ್ನು ಯೋಗ್ಯತೆ ಇಲ್ಲದಿದ್ದರೂ ಮೆರೆಸುವಷ್ಟು ಮತಿಗೇಡಿ ಪ್ರೇಕ್ಷಕರಂತೂ ಕನ್ನಡದಲ್ಲಿಲ್ಲ. ಹಾಗೆ ನೋಡಿದರೆ, ಇಂಥಾ ಕಳ್ಳ ಕಾಸಿನ ಕುಡಿಗಳು ಸಿನಿಮಾ ರಂಗಕ್ಕೆ ಬಂದು ಮರೆಯೋದಿದೆಯಲ್ಲಾ? ಅದು ಅಸಲೀ ಪ್ರತಿಭೆಗೆ ಮಾಡೋ ಬಹು ದೊಡ್ಡ ಅವಮಾನ.

ಅಪ್ಪ ಕಳ್ಳ ಆಗಿದ್ದರೆ ಅದರಲ್ಲಿ ಈ ಹುಡುಗ ಕಿರೀಟಿಯ ತಪ್ಪೇನು ಅಂತೊಂದು ಪ್ರಶ್ನೆ ಎದುರಾದೀತು. ಕಿರೀಟಿಯಂಥವರು ಮೈ ಕುಣಿಸಲು ಕಾರಣವಾಗಿರೋದು ಕಳ್ಳ ಕಾಸೆಂಬ ವಾಸ್ತವವಿದೆಯಲ್ಲಾ? ಅದು ಎಲ್ಲ ಪ್ರಶ್ನೆಗಳಿಗೂ ಸಮರ್ಥ ಉತ್ತರವಾಗಿ ಕಾಣಿಸುತ್ತದೆ. ಈ ರೆಡ್ಡಿ ತನ್ನ ಕಳ್ಳ ಕಾಸಿನಿಂದ ಒಂದಿಡೀ ರಾಜಕೀಯದ ಓಘವನ್ನೇ ಅಲ್ಲೋಲಕಲ್ಲೋಲವಾಗಿಸಿದ್ದ ರೀತಿಯಿದೆಯಲ್ಲಾ? ಅದನ್ನು ಕರ್ನಾಟಕದ ಇತಿಹಾಸ ಯಾವತ್ತಿಗೂ ಕ್ಷಮಿಸೋದಿಲ್ಲ. ಈವತ್ತಿಗೆ ಮಹಾನ್ ನಾಯಕ ಅನ್ನಿಸಿಕೊಂಡು ಜೋಲು ಮೋರೆ ಹಾಕ,ಇ ಮನೆಯಲ್ಲಿ ಕುಂತಿರುವ ಯಡಿಯೂರಪ್ಪ ಅಧಿಕಾರ ಕೇಂದ್ರದಲ್ಲಿ ಆಟಕಟ್ಟಿದ್ದೆಲ್ಲವೂ ರೆಡ್ಡಿಯ ಹಡಬೆ ಕಾಸಿನ ಬಲದಿಂದಲೇ. ಚುನಾಯಿತ ಪ್ರತಿನಿಧಿಗಳನ್ನು ಕೋಟಿ ಕಾಸು ಸುರಿದು ಖರೀದಿಸುವ ಹೀನ ಸಂಪ್ರದಾಯದ ಪಿತಾಮಹ ಕೂಡಾ ಇದೇ ರೆಡ್ಡಿ. ಇಂಥಾ ಹಲಾಲುಕೋರನ ಕುಡಿಗಳು ಸಿನಿಮಾ ಮಾತ್ರವಲ್ಲ; ಅದೆಲ್ಲಿಯೇ ಕಾಣಿಸಿಕೊಂಡರೂ ಪ್ರಜ್ಞಾವಂತರಲ್ಲೊಂದು ಅಸಹ್ಯ ಮೂಡಿಕೊಳ್ಳುತ್ತೆ. ಜನಾರೆಡ್ಡಿಯ ಮಗನ ಸಿನಿಮಾ ಬಗ್ಗೆ ಅದಕ್ಕಿಂತ ಭಿನ್ನ ಭಾವ ಮೂಡಿಕೊಳ್ಳಲು ಸಾಧ್ಯವೇ?

The post gali janardhan reddy: ಬಳ್ಳಾರಿ ಕಳ್ಳನ ಮಗ ಈಗ ಹೀರೋ! appeared first on Cini Shodha.