ಸದ್ಯಕ್ಕೆ ಶಂಕರ್ ಎರಡು ದೊಡ್ಡ ಪ್ರಾಜೆಕ್ಟುಗಳನ್ನು ಏಕಕಾಲದಲ್ಲಿಯೇ ಕೈಗೆತ್ತಿಕೊಂಡಿದ್ದಾರೆ. `ಗೇಮ್ ಚೇಂಜರ್’ (game changer) ಮತ್ತು `ಇಂಡಿಯನ್2’ ಎಂಬೆರಡು ಚಿತ್ರಗಳನ್ನು ಅವರು ನಿರ್ದೇಶನ ಮಾಡುತ್ತಿದ್ದಾರೆ. ಅವೆರಡೂ ಬಿಗ್ ಬಜೆಟ್ಟಿನ ಪ್ಯಾನಿಂಡಿಯಾ ಸಿನಿಮಾಗಳು. ಸಾಮಾನ್ಯವಾಗಿ ಒಂದು ಪ್ಯಾನಿಂಡಿಯಾ ಸಿನಿಮಾವನ್ನು ರೂಪುಗೊಳಿಸೋದೇ ಸಾಹಸ. ಅಂಥಾದ್ದರಲ್ಲಿ ಎರಡೆರಡು ಪ್ಯಾನಿಂಡಿಯಾ ಸಿನಿಮಾಗಳನ್ನು ಕೈಗೆತ್ತಿಕೊಳ್ಳುವ ಮೂಲಕ ಶಂಕರ್ ಅಚ್ಚರಿ ಮೂಡಿಸಿದ್ದಾರೆ. ಇವೆರಡು ಸಿನಿಮಾಗಳ ಭೂಮಿಕೆಯಲ್ಲಿಯೇ ಶಂಕರ್ ಮೇಲೆ ಆರೋಪ ಕೇಳಿ ಬಂದಿದೆ. ವಿಶೇಷವೆಂದರೆ, ಈ ಆರೋಪ ಬಂದಿರೋದು ನಿರ್ಮಾಪಕರುಗಳ ಕಡೆಯಿಂದ!

ಶಂಕರ್ ಹಾರ್ಡ್ ವರ್ಕರ್ ನಿಜ. ಆದರೆ ಬಜೆಟ್ಟಿನ ವಿಚಾರದಲ್ಲಿ ಅವರಿಗೆ ಕಂಟ್ರೋಲಿಲ್ಲ. ನಿಗಧಿತ ಸಮಯಕ್ಕೆ ಚಿತ್ರೀಕರಣ ಮುಗಿಸದೆ, ಮೊದಲ ಆದ ಕಮಿಟ್ ಮೆಂಟಿಗೆ ಬದ್ಧರಾಗಿರದೆ ನಿರ್ಮಾಪಕರನ್ನು ಇಕ್ಕಟ್ಟಿಗೆ ಸಿಲುಕಿಸುತ್ತಾರೆಂಬುದು ಆರೋಪದ ಸಾರ. ಹಾಗಂತ ಇದೊಂದು ಸಕಾರಣವಿಲ್ಲದ ಆರೋಪ ಎಂದು ತಳ್ಳಿ ಹಾಕುವಂತಿಲ್ಲ. ಅದಕ್ಕೊಂದಷ್ಟು ಸಾಕ್ಷಿಗಳೂ ಇದ್ದಾವೆ. ಈ ಹಿಂದೆ ಶಂಕರ್ ರಜನೀಕಾಂತ್ ನಟಿಸಿದ್ದ 2.0 ಎಂಬೊಂದು ಸನಿಮಾ ನಿರ್ದೇಶನ ಮಾಡಿದ್ದರಲ್ಲಾ? ಆ ಸಂದರ್ಭದಲ್ಲಿಯೂ ನಿರ್ಮಾಪಕರು ಬಜೆಟ್ ಹೆಚ್ಚಳದಿಂದ ಲುಕ್ಸಾನು ಅನುಭವಿಸಿದ್ದರಂತೆ. ಚಿತ್ರತಂಡದ ವಲಯದಲ್ಲಿಯೇ ಈ ಸಲುವಾಗಿ ಒಂದಷ್ಟು ಹಕ್ಯಾಟಗಳೂ ಕೂಡಾ ನಡೆದಿದ್ದವಂತೆ. ಆದರೆ, ವ್ಯಕ್ತಿಗತವಾಗಿ ಘನತೆ ಉಳಿಸಿಕೊಂಡು ಬಂದಿರುವ ಶಂಕರ್ ಮೇಲಿನ ಅಭಿಮಾನದಿಂದಾಗಿ ಅದೊಂದು ವಿವಾದವಾಗೋದು ಸ್ವಲ್ಪದರಲ್ಲಿಯೇ ತಪ್ಪಿ ಹೋಗಿತ್ತು.

ಇದೀಗ ಕಮಲ್ ನಾಯಕರಾಗಿರುವ ಇಂಡಿಯನ್ 2 ಚಿತ್ರವನ್ನು ಶಂಕರ್ ಕೈಗೆತ್ತಿಕೊಂಡಿದ್ದರು. ಅದು ದೊಡ್ಡ ಮಟ್ಟದಲ್ಲಿ ಸುದ್ದಿಯೂ ಆಗಿತ್ತು. ಆದರೆ, ಕೆಲ ಸಮಯದ ನಂತರ ಅದರ ಚಿತ್ರೀಕರಣ ನಿಂತು ಹೋಗಿದೆ. ಅದಕ್ಕೆ ಕಾರಣವಾಗಿರೋದು ಬಜೆಟ್ಟಿನ ಮ್ಯಾಟರ್ರೇ ಎಂಬಂಥಾ ಸುದ್ದಿಯೊಂದು ಹರಿದಾಡಲಾರಂಭಿಸಿದೆ. ಆರಂಭದಲ್ಲಿ ಶಂಕರ್ ಒಂದು ಬಜೆಟ್ಟಿನ ಚೌಕಟ್ಟು ಹಾಕಿಕೊಂಡರೆ, ಅದನ್ನು ಕಾಪಾಡಿಕೊಳ್ಳುವುದಿಲ್ಲ. ನಿರ್ಮಾಪಕರಿಗಾಗಬಹುದಾದ ನಷ್ಟದ ಬಗ್ಗೆಯೂ ತಲೆ ಕೆಡಿಸಿಕೊಳ್ಳೋದಿಲ್ಲ. ಈ ಕಾರಣದಿಂದಲೇ ಇಂಡಿಯನ್ 2 ನಿರ್ಮಾಪಕರ ಜೊರೆ ಒಂದಷ್ಟು ಕಿರಿಕ್ಕುಗಳೂ ಆಗಿವೆ. ಇದೇ ಹೊತ್ತಿನಲ್ಲಿ ಶಂಕರ್ ರಾಮ್ ಚರಣ್ ನಾಯಕನಾಗಿರೋ ಗೇಮ್ ಚೇಂಜರ್ ಚಿತ್ರಕ್ಕೆ ಸಹಿ ಹಾಕಿದ್ದರು. ಶಂಕರ್ ದುಂದುವೆಚ್ಚ ಕಂಡು ಆ ಚಿತ್ರದ ನಿರ್ಮಾಪಕ ದಿಲ್ ರಾಜು ದುಘ್ಬ್ರಮೆಗೀಡಾಗಿದ್ದಾರಂತೆ!

The post director shankar: ಸ್ಟಾರ್ ಡೈರೆಕ್ಟರ್ ಮೇಲಿರೋ ಆರೋಪ ನಿಜವೇ? appeared first on Cini Shodha.

ಅಂದಹಾಗೆ, ಇಂಡಿಯನ್೨ (indian2) ಮೂಲಕ ತಮಿಳಿನ ಪ್ರಖ್ಯಾತ ನಿರ್ದೇಶಕ (shankar) ಶಂಕರ್ ಮತ್ತು ಕಮಲ್ ಹಾಸನ್ ಇಪ್ಪತೈದು ವರ್ಷಗಳ ನಂತರ ಜೊತೆಗೂಡಿದ್ದಾರೆ. ಇವರಿಬ್ಬರ ಕಾಂಬಿನೇಷನ್ನಿನಲ್ಲಿ ೨೦೦೧ರ ಸುಮಾರಿಗೆ ಇಂಡಿಯನ್ ಎಂಬ ಚಿತ್ರ ತೆರೆಗಂಡಿತ್ತು. ಆ ಕಾಲದಲ್ಲದು ಸೂಪರ್ ಹಿಟ್ ಆಗಿದ್ದೀಗ ಇತಿಹಾಸ. ಆ ನಂತರದಲ್ಲಿ ಪ್ರೇಕ್ಷಕರು ಇವರಿಬ್ಬರೂ ಒಂದುಗೂಡಿ ಮತ್ತೊಂದು ಚಿತ್ರ ಮಾಡಲೆಂದು ಆಶಿಸಿದ್ದರು. ಆದರೆ, ಇಪ್ಪತೈದು ವರ್ಷಗಳ ಕಾಲ ಅದು ಕೈಗೂಡಿರಲಿಲ್ಲ. ಅಂತೂ ಈಗ ಇಂಡಿಯನ್೨ ಮೂಲಕ ಆ ಆಸೆ ಕೈಗೂಡಿದೆ. ಸದರಿ ಸಿನಿಮಾದ ಭೂಮಿಕೆಯಿಂದ ಇದೀಗ ರೋಮಾಂಚಕ ಸಂಗತಿಯೊಂದು ಜಾಹೀರಾಗಿದೆ.

ಹಾಗೆ ಹೊರ ಬಂದಿರೋ ಸುದ್ದಿಯನ್ನಾಧರಿಸಿ ಹೇಳೋದಾದರೆ, ಇಂಡಿಯನ್೨ ಚಿತ್ರದ ಡಿಜಿಟಲ್ ಹಕ್ಕುಗಳು ಭರ್ತಿ ಇನ್ನೂರು ಕೋಟಿಗೆ ಮಾರಾಟವಾಗಿದೆ. ಈ ಮೂಲಕ ಈ ಚಿತ್ರ ಆರಂಭಿಕ ಹೆಜ್ಜೆಯಲ್ಲಿಯೇ ದಾಖಲೆ ಬರೆದಿದೆ. ಇತ್ತೀಚಿನ ವರ್ಷಗಳಲ್ಲಿ ಕೊಂಚ ಮಂಕಾದಂತಿದ್ದ ಕಮಲ್ ಇತ್ತೀಚೆಗೆ ತೆರೆ ಕಂಡಿದ್ದ ವಿಕ್ರಮ್ ಚಿತ್ರದ ಮೂಲಕ ಸಂಚಲನ ಸೃಷ್ಟಿಸಿದ್ದರು. ಅದರ ಬೆನ್ನಲ್ಲಿಯೇ ಇದೀಗ ಇಂಡಿಯನ್೨ ಚಿತ್ರದ ಸದ್ದು ಮೊರೆಯಲಾರಂಭಿಸಿದೆ. ಶಂಕರ್ ಎಂಬೋ ಬ್ರಾಂಡ್ ಮತ್ತು ಕಮಲ್ ಹಾಸನ್‌ರಂಥಾ ಮಹಾನ್ ನಟನ ಸಮಾಗಮದ ಚಿತ್ರವೆಂದ ಮೇಲೆ ಅದು ಬಾಕ್ಸಾಫೀಸ್‌ನಲ್ಲಿ ಧೂಳೆಬ್ಬಿಸೋದಂತೂ ಖರೇ!

The post kamal hassan: ಡಿಜಿಟಲ್ ರೈಟ್ಸ್ ರೇಸಿನಲ್ಲೊಂದು ಮಹಾ ದಾಖಲೆ! appeared first on Cini Shodha.