ರಶ್ಮಿಕಾ ಬಾಲಿವುಡ್ ಸಿನಿಮಾ ಆರಂಭಿಕವಾಗಿ ಒಪ್ಪಿಕೊಂಡಾಗ ಅದರತ್ತ ಸಹಜವಾಗಿಯೇ ಒಂದಷ್ಟು ಕುತೂಹಲ ಮೂಡಿಕೊಂಡಿತ್ತು. ಆಕೆ ಶಾರೂಖ್ ಖಾನ್ ಜೊತೆ ನಟಿಸಿದ್ದ ಸಿಕಂದರ್ ಚಿತ್ರ ಕವುಚಿಕೊಳ್ಳುತ್ತಲೇ ರಶ್ಮಿಕಾ ಬಾಲಿವುಡ್ಡಿನಲ್ಲಿ ಗೋತಾ ಹೊಡೆದಳೆಂಬಂಥಾ ಕುಹಕದ ಮಾತುಗಳು ಕೇಳಿ ಬಂದಿದ್ದವು. ಅದರ ಬೆನ್ನಲ್ಲಿಯೇ ರಶ್ಮಿಕಾ ನಟಿಸಿದ್ದ ಚಾವಾ ಗೆಲುವು ಕಂಡಿತ್ತು. ಇದೀಗ ಆ ಗೆಲುವಿನ ಖುಷಿಯಲ್ಲಿಯೇ ಥಮಾ ಅಂತೊಂದು ಬಾಲಿವುಡ್ ಸಿನಿಮಾದಲ್ಲಿ ರಶ್ಮಿಕಾ ನಟಿಸುತ್ತಿದ್ದಾಳೆ. ಇದೀಗ ಈ ಚಿತ್ರದಲ್ಲಿ ರಶ್ಮಿಕಾಳ ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆಗೊಂಡಿದೆ. ಅದರಲ್ಲಿ ಇದೇ ಮೊದಲ ಬಾರಿಗೆ ಹಾರರ್ ಲುಕ್ಕಿನಲ್ಲಿ ಕೊಡಗಿನ ಹುಡುಗಿ ಕಂಗೊಳಿಸಿದ್ದಾಳೆ.

ಆಯುಶ್ಮಾನು ಖುರಾನಾ ನಾಯಕನಾಗಿ ನಟಿಸಿರುವ ಈ ಸಿನಿಮಾದಲ್ಲಿ ಘಟಾನುಘಟಿ ಕಲಾವಿದರ ದಂಡೇ ಇದೆ. ಚಿತ್ರ ತಂಡ ಹಂತ ಹಂತವಾಗಿ ಎಲ್ಲಾ ಕಲಾವಿದರ ಫಸ್ಟ್ ಲುಕ್ಕನ್ನು ಬಿಡುಗಡೆ ಮಾಡುತ್ತಾ ಸಾಗುತ್ತಿದೆ. ಇದೀಗ ರಶ್ಮಿಕಾಳ ಲುಕ್ಕು ಅನಾವರಣಗೊಂಡಿದೆ. ಇದೇ ತಿಂಗಳ ಹತ್ತೊಂಬತ್ತರಂದು ಥಾಮದ ಗ್ಲಿಂಪ್ಸ್ ಬಿಡುಗಡಸೆಗೆ ಮುಹೂರ್ತ ನಿಗಧಿಯಾಗಿದೆ. ದೀಪಾವಳಿಯ ಸಂದರ್ಭದಲ್ಲಿ ಅದ್ದೂರಿಯಾಗಿ ತೆರೆಗಾಣಿಸಲು ಈಗಾಗಲೇ ತಯಾರಿ ಆರಂಭವಾಗಿದೆ. ಹಾರರ್ ಕಥೆಯನ್ನೊಳಗೊಂಡಿರೋ ಈ ಸಿನಿಮಾದಲ್ಲಿ ಯಥೇಚ್ಛವಾಗಿ ಹಾಸ್ಯಕ್ಕೂ ಒತ್ತು ಕೊಡಲಾಗಿದೆಯಂತೆ. ಅಂತೂ ಚಾವ ನಂತರ ಹಾರರ್ ಚಿತ್ರದ ಮೂಲಕ ರಶ್ಮಿಕಾಗೆ ಮತ್ತೊಂದು ಗೆಲುವು ದಕ್ಕೋ ನಿರೀಕ್ಷೆಗಳಿದ್ದಾವೆ.

The post rashmika mandanna: ಥಮಾ ಚಿತ್ರದ ದಿಕ್ಕಿಂದ ಹೀಗೊಂದು ಸುದ್ದಿ! appeared first on Cini Shodha.

ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ಮಾ ಚಿತ್ರದ ಬಹುತೇಕ ಚಿತ್ರೀಕರಣ ನಡೆದಿದೆ. ಅದರಲ್ಲಿ ಆರಂಭದಿಂದ ಕಡೇ ವರೆಗೂ ಕೂಡಾ ಕಾಜೊಲ್ ಭಾಗಿಯಾಗಿದ್ದರು. ಈ ಬಗ್ಗೆ ಸಂದರ್ಶನವೊಂದರಲ್ಲಿ ಮಾತಾಡಿರುವ ಕಾಜೊಲ್, ದೇಶದಲ್ಲಿ ಭೂತ ಬಾಧೆ ಇಕರುವ ಅನೇಕ ಸ್ಥಳಗಳಿದ್ದಾವೆ. ಅಂಥಾ ಭಯ ಬೀಳಿಸುವ ಸ್ಥಳಗಳಲ್ಲಿ ರಾಮೋಜಿ ಫಿಲ್ಮ್ ಸಿಟಿಯೂ ಸೇರಿಕೊಳ್ಳುತ್ತೆ. ಅಲ್ಲಿ ನನ್ನನ್ನು ದೇವರೇ ಕಾಪಾಡಿದ್ದಾನೆ ಎಂಬರ್ಥದಲ್ಲಿ ಮಾತಾಡಿದ್ದಾರೆ. ತನಗೆ ದೆವ್ವದ ಕಾಟವಾಗಿತ್ತಾ? ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ಭೂತವಿದೆಯಾ ಎಂಬ ಬಗ್ಗೆ ಸ್ಪಷ್ಟವಾಗಿ ಏನನ್ನೂ ಮಾತಾಡದ ನಟಿ, ಅಡ್ಡಗೋಡೆಯ ಮೇಲೆ ದೀಪವಿಟ್ಟಿದ್ದಾರೆ. ಈ ಮೂಲಕ ರಾಮೋಜಿ ಫಿಲ್ಮ್ ಸಿಟಿ ಕೂಡಾ ದೆವ್ವ ಭೂತಗಳ ಠಾವು ಎಂಬರ್ಥದಲ್ಲಿ ಮಾತಾಡಿರೋ ಕಾಜೊಲ್‌ಗೆ ನೆಟ್ಟಿಗರು ಉಗಿಯಲಾರಂಭಿಸಿದ್ದಾರೆ.

ಒಂದು ಹಾರರ್ ಸಿನಿಮಾ ತೆರೆಗಾಣಲು ಸಜ್ಜಾಗಿದೆ ಎಂದರೆ ಅಂಥಾ ಸಿನಿಮಾ ತಂಡಗಳು ತಮಗಾದ ಚಿತ್ರವಿಚಿತ್ರ ಅನುಭವಗಳ ಕಥೆ ಪೇಡುತ್ತಾ ಕಾಮಿಡಿ ಪ್ರೋಗ್ರಾಮನ್ನು ಚಾಲೂ ಮಾಡುತ್ತಾರೆ. ಇದು ಬಹುತೇಕ ಎಲ್ಲ ಹಾರರ್ ಸಿನಿಮಾಗಳ ವಾಡಿಕೆ ಎಂಬಂತಾಗಿದೆ. ಇದರ ಹಿಂದೆ ಸುಖಾಸುಮ್ಮನೆ ಭಯ ಬೀಳಿಸಿ ಪ್ರೇಕ್ಷಕರನ್ನು ಸೆಳೆಯುವ ಹುನ್ನಾರ ಅಡಗಿದೆ ಎಂಬ ವಿಚಾರ ಎಲ್ಲ ಪ್ರೇಕ್ಷಕರಿಗೂ ಅರ್ಥವಾಗಿದೆ. ಜಗತ್ತು ಈ ಪಾಟಿ ಮುಂದುವರೆದಿದ್ದರೂ ಕೂಡಾ ಈ ಮಂದಿ ಮತ್ತದೇ ಮೌಢ್ಯದ ಚುಂಗು ಹಿಡಿದ ಹೊರಟಿರೋದೇ ನಿಜಕ್ಕೂ ಈ ಶತಮಾನದ ಅದ್ಭುತ ಕಾಮಿಡಿ. ತೀರಾ ಕಾಜೊಲ್ ಥರದ ಹಿರಿಯ ನಟಿಯರೇ ಅಂಥಾ ಸವಕಲು ಸೂತ್ರಕ್ಕೆ ಬದ್ಧರಾಗಿರೋದು ನಿಜಕ್ಕೂ ವಿಷಾಧದ ಸಂಗತಿ!

The post kajol devgan: ಬಿಟ್ಟಿ ಪ್ರಚಾರಕ್ಕೆ ದೆವ್ವವೇ ಗತಿ! appeared first on Cini Shodha.