ಆ ಸುದ್ದಿಯನ್ನಾಧರಿಸಿ ಹೇಳುವುದಾದರೆ, ಕನ್ನಡ ಸಿನಿಮಾ ಪ್ರೇಮಿಗಳಿಗೆ ಡಬಲ್ ಧಮಾಕಾವೇ ಎದುರಾಗಲಿದೆ. ಯಾಕೆಂದರೆ, ಶಿವಣ್ಣ ಒಂದರ ಹಿಂದೊಂದರಂತೆ ಎರಡೆರಡು ಮಲ್ಟಿ ಸ್ಟಾರರ್ ಚಿತ್ರಗಳಲ್ಲಿ ನಟಿಸಲಿದ್ದಾರೆ. ಅದರಲ್ಲೊಂದು ಗೋಲ್ಡನ್ ಸ್ಟಾರ್ ಗಣೇಶ್ ಜೊತೆಗಿನದ್ದು. ಈ ಚಿತ್ರವನ್ನು ಕೆ ಎಸ್ ರವಿಕುಮಾರ್ ನಿರ್ದೇಶನ ಮಾಡಲಿದ್ದಾರೆ. ಎಂ.ಬಿ ಬಾಬು ನಿರ್ಮಾಣದಲ್ಲಿ ಮೂಡಿ ಬರಲಿರುವ ಈ ಚಿತ್ರಕ್ಕಾಗಿ ಈಗಾಗಲೇ ಒಂದಷ್ಟು ತಯಾರಿಗಳು ನಡೆದಿವೆ. ಕಥೆ ಯಾವ ಬಗೆಯದ್ದ? ತಾರಾಗಣದಲ್ಲಿ ಯಾರೆಲ್ಲ ಇರಲಿದ್ದಾರೆಂಬುದೂ ಸೇರಿದಂತೆ ಅನೇಕ ಪ್ರಶ್ನೆಗಳಿಗೆ ಇಷ್ಟರಲ್ಲಿಯೇ ಥ್ರಿಲ್ ಆಗುವಂಥಾ ಉತ್ತರ ಸಿಗಲಿದೆ.

ಇನ್ನುಳಿದಂತೆ ಮತ್ತೊಂದು ಚಿತ್ರದಲ್ಲಿ ಕೃಷ್ಣ ಅಜೇಯ್ ರಾವ್ ಶಿವಣ್ಣನೊಂದಿಗೆ ತೆರೆ ಹಂಚಿಕೊಳ್ಳಲಿದ್ದಾರೆ. ಈ ಸಿನಿಮಾದ ವಿಚಾರದಲ್ಲಿಯೂ ಸಾಕಷ್ಟು ಕೆಲಸ ಕಾರ್ಯಗಳು ನಡೆಯುತ್ತಿವೆ. ಅದೂ ಕೂಡಾ ಬಿಗ್ ಬಜೆಟ್ ಚಿತರವೆಂದೇ ಹೇಳಲಾಗುತ್ತಿದೆ. ಈ ಸಿನಿಮಾ ಮೂಲಕ ಅಜೇಯ್ ರಾವ್ ನಸೀಬು ಬದಲಾಗುವ ನಿರೀಕ್ಷೆಗಳೂ ಇದ್ದಾವೆ. ಈವರೆಗೂ ಹಲವಾರು ಬಾರಿ ಕೃಷ್ಣಾವತಾರವೆತ್ತಿದರೂ ಕೂಡಾ ಅಜೇಯ್‍ರ ಪಾಲಿಗೊಂದು ದೊಡ್ಡ ಗೆಲುವು ದಕ್ಕಿರಲಿಲ್ಲ. ಪಕ್ಕಾ ಮಾಸ್ ಮೂಡಿನಲ್ಲಿ ಅಬ್ಬರಿಸಿದರೂ ಯಾವ ಫಾಯಿದೆಯೂ ಗಿಟ್ಟಿರಲಿಲ್ಲ. ಹೀಗಿರುವಾಗ ಅಜೇಯ್‍ಗೆ ಶಿವಣ್ಣನೊಂದಿಗೆ ನಟಿಸುವ ಅವಕಾಶ ಕೂಡಿ ಬಂದಿದೆ. ಅಂತೂ ಈ ವರ್ಷ ಕನ್ನಡ ಚಿತ್ರರಂಗದ ಪಾಲಿಗೆ ಖುಷಿಯ ಸುಗ್ಗಿಯಾಗೋ ಸೂಚನೆಗಳು ಗಾಢವಾಗಿ ಗೋಚರಿಸಲಾರಂಭಿಸಿವೆ!

The post multi starrer movie:ಶಿವಣ್ಣನೊಂದಿಗೆ ಮಿಂಚಲಿದ್ದಾರೆ ಗಣೇಶ್-ಅಜಯ್ ರಾವ್! appeared first on Cini Shodha.

ಗೋಲ್ಡನ್ ಸ್ಟಾರ್ ಪಾಲಿನ ನಲವತ್ತೊಂದನೇ ಈ ಚಿತ್ರಕ್ಕೆ `ಕೃಷ್ಣಂ ಪ್ರಣಯ ಸಖಿ’ ಎಂಬ ಶೀರ್ಷಿಕೆಯೂ ನಿಗಧಿಯಾಗಿದೆ. ಪ್ರೀತಿ, ಪ್ರೇಮ, ಭೋಳೇ ಸ್ವಭಾವದ ಪಾತ್ರಗಳ ಸುತ್ತಲೇ ಗಿರಕಿ ಹೊಡೆಯುತ್ತಿದ್ದ ಗಣೇಶ್, ಇತ್ತಿತ್ತಲಾಗಿ ಒಂದಷ್ಟು ಭಿನ್ನ ಬಗೆಯ ಪ್ರಯೋಗಗಳಿಗೂ ಒಡ್ಡಿಕೊಂಡಿದ್ದರು. ಆದರೀಗ ಅವರು ಮತ್ತೆ ಪ್ರಣಯದ ಗುಂಗಿಗೆ ಬಿದ್ದಂತಿದ್ದಾರೆ. ಗಣೇಶ್ ಸಿನಿಮಾಗಳು ಹೆಚ್ಚಾಗಿ ಪ್ರೀತಿ ಪ್ರೇಮ ಮತ್ತು ಅದರ ಸುತ್ತಲಿನ ಹಳವಂಡಗಳ ನಡುವೆ ಗಿರಕಿ ಹೊಡೆಯುತ್ತವೆ. ಆದ್ದರಿಂದಲೇ ಅವರ ಸಿನಿಮಾವೊಂದು ಘೋಷಣೆಯಾದೇಟಿಗೆ ನಾಯಕ ಯಾರೆಂಬ ಪ್ರಶ್ನೆ ಅಭಿಮಾನಿಗಳಲ್ಲಿ ಮೂಡಿಕೊಳ್ಳುತ್ತದೆ. ಈ ಸಿನಿಮಾದ ಮಟ್ಟಿಗೆ ಹೇಳೋದಾದರೆ, ಮಲೆಯಾಳಿ ಹುಡುಗಿ ಮಾಳವಿಕಾ ನಾಯರ್ ಮಳೆ ಹುಡುಗನ ಮಗ್ಗುಲಲ್ಲಿ ಬಂದುನಿಂತಿದ್ದಾಳೆ.

ಈಗಾಗಲೇ ಮಲೆಯಾಳಂ ಸೇರಿದಂತೆ ದಕ್ಷಿಣ ಭಾರತೀಯ ಚಿತ್ರರಂಗದಲ್ಲಿ ಒಂದಷ್ಟು ಹೆಸರು ಗಳಿಸಿಕೊಂಡು, ಒಂದಷ್ಟು ಗೆಲುವನ್ನೂ ಕಂಡಿರುವಾಕೆ ಮಾಳವಿಕಾ ನಾಯರ್. 2012ರಲ್ಲಿ ತೆರೆ ಕಂಡಿದ್ದ ಮಲೆಯಾಳದ `ಉಸ್ತಾದ್ ಹೋಟೇಲ್’ ಎಂಬ ಚಿತ್ರದ ಮೂಲಕ ಈಕೆ ನಾಯಕಿಯಾಗಿ ಎಂಟ್ರಿ ಕೊಟ್ಟಿದ್ದಳು. ಆ ಮೊದಲ ಹೆಜ್ಜೆಯಲ್ಲಿಯೇ ಪುಷ್ಕಳ ಗೆಲುವೊಂದು ಮಾಳವಿಕಾಗೆ ದಕ್ಕಿತ್ತು. ಹಾಗೆ ಮಲೆಯಾಳಂನಲಿ ಒಂದಷ್ಟು ಸಿನಿಆಗಳಲ್ಲಿ ನಟಿಸಿದ್ದಮಾಳವಿಕಾ ಆ ನಂತರ ತಮಿಳಿನಲ್ಲಿಯೂ ಒಂದಷ್ಟು ಸಿನಿಮಾಗಳಲ್ಲಿ ನಟಿಸಿ, ತೆಲುಗಿನಲ್ಲಿಯೂ ಬೇಡಿಕೆ ಗಿಟ್ಟಿಸಿಕೊಂಡಿದ್ದಳು. ಹೀಗೆ ದಕ್ಷಿಣ ಭಾರತೀಯ ಚಿತ್ರರರಂಗದ ಬಹು ಬೇಡಿಕೆಯ ನಟಿಯಾಗಿ ಹೊರಹೊಮ್ಮಿ, ಇದೀಗ ಗಣೇಶ್‍ಗೆ ಜೋಡಿಯಾಗಿ ಕನ್ನಡಕ್ಕೂ ಪಾದಾರ್ಪಣೆ ಮಾಡಿದ್ದಾಳೆ.

ಕೃಷ್ಣಂ ಪ್ರಣಯ ಸಖಿ ಎಂಬುದು ಗಣೇಶ್ ಪಾಲಿಗೆ ಮಹತ್ವದ ಚಿತ್ರ ಎಂಬುದರಲ್ಲಿ ಎರಡು ಮಾತಿಲ್ಲ. ಕನ್ನಡ ಚಿತ್ರರಂಗ ವಿಚಾರದಲ್ಲಿ ಹೇಳೋದಾದರೆ, ಒಂದು ಬಗೆಯ ಸಿನಿಮಾ ಯಶ ಕಂಡರೆ ಮತ್ತದೇ ಧಾಟಿಯಲ್ಲಿ ರೀಲು ಸುತ್ತುವ ಐಲು ಹತ್ತಿಕೊಳ್ಳುತ್ತೆ. ಆ ಭರಾಟೆಯಲ್ಲಿ ನಾಯಕ ನಟರೇ ಸೋಲಿನ ಕಹಿ ಉಣ್ಣ ಬೇಕಾಗುತ್ತದೆ. ಗಣೇಶ್ ಕೂಡಾ ಆ ದುರಂತವನ್ನು ದಾಟಿಕೊಂಡಿದ್ದಾರೆ. ಅದರ ಫಲವಾಗಿಯೇ ಒಂದಷ್ಟು ವಿಶಿಷ್ಟ ಬಗೆಯ ಸಿನಿಮಾಗಳಿಗೂ ತೆರೆದುಕೊಂಡಿದ್ದಾರೆ. ಅದರ ಬೆನ್ನಲ್ಲಿಯೇ ವಿಖ್ಯಾತ್ ನಿರ್ಮಾಣದ ಪ್ಯಾನಿಂಡಿಯಾ ಸಿನಿಮಾದಲ್ಲಿಯೂನಟಿಸುತ್ತಿದ್ದಾರೆ. ಸಮಯ ಸಂದರ್ಭ ಕೂಡಿ ಬಂದಿದ್ದರಿಂದ ಗಾಳಿಪಟ2 ಮೂಲಕ ಗಣೇಶ್‍ಗೆ ಸಣ್ಣ ಗೆಲುವೊಂದು ಸಿಕ್ಕಿತ್ತಷ್ಟೆ. ಆವರೇಜ್ ಸಿನಿಮಾಗಳಲ್ಲಿ ಕಳೆದು ಹೋಗಿದ್ದ ಗಣೇಶ್‍ಗೆ ಆ ಮೂಲಕ ಉಸಿರು ಸಿಕ್ಕಂತಾಗಿದೆ. ಈಗಿನ ಅವಕಾಶಗಳನ್ನು ಬಳಸಿಕೊಂಡು ಪ್ರೇಕ್ಷಕರನ್ನು ಬೆರಗುಗೊಳಿಸುವ ಅವಕಾಶಗಳು ಗೋಲ್ಡನ್ ಸ್ಟಾರ್ ಮುಂದಿದೆ. ಮುಂದೇನಾಗಲಿದೆ ಎಂಬುದನ್ನು ಕಾದು ನೋಡಬೇಕಷ್ಟೆ.

The post krishnam pranaya sakhi: ಮತ್ತೆ ಪ್ರಣಯದ ಗುಂಗಿಗೆ ಬಿದ್ದರು ಗೋಲ್ಡನ್ ಸ್ಟಾರ್! appeared first on Cini Shodha.

ಇದು ಹೇಳಿಕೇಳಿ ಕನ್ನಡ ಚಿತ್ರರಂಗದ ಮಟ್ಟಿಗೆ ಪ್ಯಾನಿಂಡಿಯಾ ಸಿನಿಮಾಗಳ ಕಾಲಮಾನ. ಪ್ರತೀ ನಟರ ಅಭಿಮಾನಿ ಬಳಗವೂ ತಮ್ಮಿಷ್ಟದ ನಟ ಪ್ಯಾನಿಂಡಿಯಾ ಮಟ್ಟದಲ್ಲಿ ಮಿಂಚಬೇಕೆಂಬ ಇರಾದೆ ಹೊಂದಿರುತ್ತಾರೆ. ಗಣೇಶ್ ಅಭಿಮಾನಿಗಳಲ್ಲಿಯೂ ಅಂಥಾದ್ದೊಂದು ಆಸೆ ಚಿಗಿರಿಕೊಂಡಿದ್ದರೆ ಅದು ಅತಿಶಯವೇನಲ್ಲ. ಈ ಹುಟ್ಟುಹಬ್ಬದ ಸಂದರ್ಭದಲ್ಲದು ಸಾಕಾರಗೊಂಡಿದೆ. ಯುವ ನಿರ್ಮಾಪಕ ವಿಖ್ಯಾತ್ ತಮ್ಮ ಬ್ಯಾನರಿನಡಿಯಲ್ಲಿ ಗಣೇಶ ಅವರ ನಲವತ್ತೆರಡನೇ ಚಿತ್ರವನ್ನು ನಿರ್ಮಾಣ ಮಾಡುವ ಖುಷಿಯ ಸಂಗತಿಯನ್ನು ಹಂಚಿಕೊಂಡಿದ್ದಾರೆ. ಇದರೊಂದಿಗೆ ಸದರಿ ಚಿತ್ರದ ಬಗೆಗಿನ ಒಂದಷ್ಟು ಮುಖ್ಯವಾದ, ಕುತೂಹಲಕರವಾದ ಸಂಗತಿಗಳನ್ನೂ ಹಂಚಿಕೊಂಡಿದ್ದಾರೆ.

ಹಾಗೆ ನೋಡಿದರೆ, ನಿರ್ಮಾಪಕರಾಗಿ ವಿಖ್ಯಾತ್ ಆದ್ಯತೆಗಳೇ ಭಿನ್ನ ಬಗೆಯವು. ಅವರ ನಿರ್ಮಾಣ ಸಂಸ್ಥೆಯ ಮೂಲಕ ತೆರೆಗಂಡಿರುವ ಸಿನಿಮಾಗಳ ಪಟ್ಟಿ ನೋಡಿದರೆ ಆ ವಿಚಾರ ಪಕ್ಕಾ ಆಗುತ್ತದೆ. ಸಾಮಾನ್ಯವಾಗಿ ಪ್ಯಾಬನಿಂಡಿಯಾ ಸಿನಿಮಾ ಅಂದಾಕ್ಷಣ ಈವಾಗಿನ ಟ್ರೆಂಡಿನ ಸುತ್ತ ಕಲ್ಪನೆಗಳು ಹರಳುಗಟ್ಟುತ್ತವೆ. ಆದರೆ ಈ ಸಿನಿಮಾ ಅದಕ್ಕೆ ಹೊರತಾಗಿರಲಿದೆಯಂತೆ. ಮೇಕಿಂಗ್, ಗುಣಮಟ್ಟದಲ್ಲಿ ಮತ್ತೊಂದು ದಿಕ್ಕು ತೋರಿಸುತ್ತಲೇ, ಕಥೆಯ ವಿಚಾರದಲ್ಲಿ ವಿಖ್ಯಾತ್ ಮತ್ತೆ ಭಿನ್ನ ಜಾಡಿನಲ್ಲಿಯೇ ಪಾದವೂರಿರುವ ಸೂಚನೆಗಳಿದ್ದಾವೆ. ಅದೆಲ್ಲವನ್ನು ಗಮನಿಸಿದರೆ, ಪ್ಯಾನಿಂಡಿಯಾ ಭರಾಟೆಯ ನಡುವೆ ಗಣೇಶ್‍ರ ನಲವತ್ತೆರಡನೇ ಚಿತ್ರ ಮಹತ್ವದ ಮೈಲಿಗಲ್ಲಾಗಬಲ್ಲ ಶುಭ ಸೂಚನೆಗಳೇ ಗೋಚರಿಸುತ್ತಿವೆ.

ಹಾಗಾದರೆ, ಈ ಸಿನಿಮಾದ ನಿರ್ದೇಶಕರ್ಯಾರು? ತಾರಾ ಬಳಗದಲ್ಲಿ ಯಾವ್ಯಾವ ಕಲಾವಿದರಿರಲಿದ್ದಾರೆ? ಹೀಗೆ ಹತ್ತಾರು ಪ್ರಶ್ನೆಗಳು ಹುಟ್ಟಿಕೊಳ್ಳುತ್ತವೆ. ಸದ್ಯದ ಮಟ್ಟಿಗೆ ವಿಖ್ಯಾತ್ ಅಂಥಾ ಕುತೂಹಲ ಮತ್ತಷ್ಟು ನಿಗಿನಿಗಿಸುವಂತೆ ಮಾಡಿದ್ದಾರೆ. ಯಾಕೆಂದರೆ, ಆ ಮಾಹಿತಿಗಳನ್ನು ಇನ್ನೂ ಅವರು ಬಿಟ್ಟುಕೊಟ್ಟಿಲ್ಲ. ಒಟ್ಟರೆಯಾಗಿ ಈ ಸಿನಿಮಾದ ತಯಾರಿಗಳು ಜೋರಾಗಿಯೇ ನಡೆಯುತ್ತಿವೆ. ಇನ್ನೇನು ಕೆಲವೇ ದಿನಗಳಲ್ಲಿ ಚಿತ್ರೀಕರಣ ಕೂಡಾ ಶುರುವಾಗಲಿದೆ. ಅದರ ಆಸುಪಾಸಲ್ಲಿಯೇ ನಿರ್ದೇಶನ, ತಾರಾಗಣ, ತಾಂತ್ರಿಕ ವರ್ಗದ ಮಾಹಿತಿಗಳು ಒಂದೊಂದಾಗಿ ಹೊರಬೀಳಲಿದ್ದಾವೆ.

ಈ ಹಿಂದೆ ಮಾನ್ಸೂನ್ ರಾಗ ಅಂತೊಂದು ಸಿನಿಮಾ ತೆರೆಗಂಡಿತ್ತಲ್ಲಾ? ಭಿನ್ನ ಧಾಟಿಯ ಈ ಚಿತ್ರ ಕನ್ನಡ ಪ್ರೇಕ್ಷಕರ ಮನಸೂರೆಗೊಂಡಿತ್ತು. ಅದನ್ನು ತಮ್ಮ ವಿಖ್ಯಾತ್ ಚಿತ್ರ ಪ್ರೊಡಕ್ಷನ್ಸ್ ಬ್ಯಾನರಿನಡಿಯಲ್ಲಿ ನಿರ್ಮಾಣ ಮಾಡಿದ್ದವರು ಇದೇ ವಿಖ್ಯಾತ್. ಇದಲ್ಲದೇ ಪುಷ್ಪಕ ವಿಮಾನ, ರಂಗನಾಯಕ, ಇನ್ಸ್‍ಪೆಕ್ಟರ್ ವಿಕ್ರಂ ಮುಂತಾದ ಸಿನಿಮಾಗಳನ್ನು ನಿರ್ಮಾಣ ಮಾಡಿದ್ದ ವಿಖ್ಯಾತ್ ಗೆಲುವು ಕಂಡಿದ್ದಾರೆ. ಸಿದ್ಧಸೂತ್ರಗಳ ಬೆಂಬೀಳದೆ, ಕೇವಲ ವ್ಯಾಪಾರಿ ದೃಷ್ಟಿಯನ್ನು ಮಾತ್ರವೇ ಧರಿಸಿಕೊಳ್ಳದೆ, ವಿಭಿನ್ನ ಕಥೆಗಳನ್ನು ಮುಟ್ಟುವುದು ವಿಖ್ಯಾತ್ ಪ್ರೊಡಕ್ಷನ್ಸ್ ವಿಶೇಷತೆ. ಈ ಕಾರಣದಿಂದಲೇ ಗಣೇಶ್ ನಟನೆಯ 42ನೇ ಸಿನಿಮಾ ಬಗ್ಗೆ ವ್ಯಾಪಕ ಕುತೂಹಲ ಮೂಡಿಕೊಂಡಿದೆ.

ಇದೀಗ ಹೊರ ಬಂದಿರುವ ಪೋಸ್ಟರ್ ಲುಕ್ಕಿಗೂ ಪ್ರೇಕ್ಷಕರು ಮಾರು ಹೋಗಿದ್ದಾರೆ. ಮುಂಗಾರು ಮಳೆಯ ನಂತರ ಗಣೇಶ್ ಪಾಲಿಗೆ ಒಂದಷ್ಟು ಗೆಲುವುಗಳು ದಕ್ಕಿವೆ. ಸೋಲುಗಳೂ ಆಗಾಗ ಮುತ್ತಿಕ್ಕಿವೆ. ಆದರೆ, ಇದೆಲ್ಲದರಾಚೆಗೆ ಮುಯಂಗಾರುಮಳೆಯನ್ನೇ ಸರಿಗಟ್ಟುವ ಗೆಲುವಿಗಾಗಿ ಗಣೇಶ್ ಅಭಿಮಾನಿಗಳು ಕಾದು ಕೂತಿದ್ದಾರೆ. ಓರ್ವ ನಟನಾಗಿ ಅಂಥಾದ್ದೊಂದು ಮೀರಿಕೊಳ್ಳುವ ಬಯಕೆ ಖುದ್ದು ಗಣೇಶ್‍ರಲ್ಲಿಯೂ ಇದ್ದೇ ಇರುತ್ತದೆ. ಇತ್ತೀಚೆಗೆ ತೆರೆಕಂಡಿದ್ದ ಗಾಳಿಪಟ2 ಕೂಡಾ ಗೆದ್ದಿತ್ತು. ಆದರೆ, ಮಹಾಗೆಲುವೊಂದರ ನಿರೀಕ್ಷೆ ಈ ನಲವತ್ತೆರಡನೇ ಚಿತ್ರದ ಮೂಲಕ ಸಾಕಾರಗೊಳ್ಳುವ ಲಕ್ಷಣಗಳೇ ದಟ್ಟೈಸಿಕೊಂಡಿದೆ!

The post golden star ganesh: ಗಣೇಶ್ 42ನೇ ಚಿತ್ರಕ್ಕೆ ವಿಖ್ಯಾತ್ ಚಿತ್ರ ಸಾರಥ್ಯ! appeared first on Cini Shodha.