ಯಾಕಂದ್ರೆ, ಎಲ್ವಿಸ್ ಕಡೆಯಿಂದ ಪೊಲೀಸರು ವಶಪಡಿಸಿಕೊಂಡಿರೋದು ಐದು ಜೀವಂತ ನಾಗರ ಹಾವುಗಳು, ಒಂದು ಹೆಬ್ಬಾವು, ಎರಡು ತಲೆ ಹಾವು ಸೇರಿದಂತೆ ಇಪ್ಪತ್ತು ಬಗೆಯ ವಿಷಕಾರಿ ಹಾವುಗಳನ್ನು. ಡ್ರಗ್ಸ್ ಲೋಕದ ಭಯಾನಕ ಸತ್ಯಗಳ ಅರಿವಿಲ್ಲದವರು ಈ ವಿಚಾರ ಕೇಳಿ ಬೆಚ್ಚಿ ಬೀಳೋದರಲ್ಲಿ ಅಚ್ಚರಿಯೇನಿಲ್ಲ. ಡ್ರಗ್ಸ್ ಎಂಬುದನ್ನ ಮಾತ್ರೆಗಳು, ಪೌಡರ್, ಇಂಜಕ್ಷನ್ನುಗಳ ಮೂಲಕ ತೆಗೆದುಕೊಳ್ಳಲಾಗುತ್ತೆ ಅನ್ನೋದು ಜನಸಾಮಾನ್ಯರ ತಿಳಿವಳಿಕೆ. ಆದರೆ, ರೇವ್ ಪಾರ್ಟಿಗಳಲ್ಲಿ ಮೇಳೈಸುವ ನಶೆಯ ತಿಲ್ಲಾನ ಅಂಥಾದ್ದರಿಂದ ತಣಿಯುವುದಿಲ್ಲ. ರೇವ್ ಪಾರ್ಟಿ ತಲುಪಿಕೊಂಡವರು ನಶೆಯ ವಿಚಾರದಲ್ಲಿಯೂ ಉತ್ತುಂಗದ ಸ್ಥಿತಿ ತಲುಪಿರುತ್ತಾರೆ. ಅಲ್ಲಿ ಭೀಕರ ನಶೆಯ ಮತ್ತೊಂದು ರೌರವ ಜಗತ್ತು ಗರಿ ಬಿಚ್ಚಿಕೊಂಡಿರುತ್ತೆ. ವಿಶೇಷಜವೆಂದರೆ, ಕನ್ನಡವೂ ಸೇರಿದಂತೆ ಬಹುತೇಕ ಚಿತ್ರರಂಗದ ನಟ ನಟಿಯರು ಇಂಥಾ ರೇವ್ ಪಾರ್ಟಿಗಳ ಗುಂಗಿಗೆ ಬಿದ್ದಿದ್ದಾರೆ!

ಹಾಗಾದರೆ, ಈ ರೇವ್ ಪ;ಆರ್ಟಿ ಅಂದರೇನು? ಅದರೊಳಗೆ ಎಂತೆಂಥಾ ವ್ಯವಹಾರಗಳು ನಡೆಯುತ್ತವೆ ಎಂಬ ಕುತೂಹಲ ಮೂಡಿಕೊಳ್ಳುತ್ತೆ. ಅದಕ್ಕೆ ಉತ್ತರ ಹುಡುಕ ಹೊರಟರೆ ಭಯಾನಕ ಜಗತ್ತೊಂದು ತಂತಾನೇ ಕಣ್ಣೆದುರು ತೆರೆದುಕೊಳ್ಳುತ್ತೆ. ಈ ನಶೆ ಅನ್ನೋದಿದೆಯಲ್ಲಾ? ಅದು ಒಂದು ಹಂತಕ್ಕೆ ಮಾತ್ರವೇ ತೃಪ್ತವಾಗುವಂಥಾದ್ದಲ್ಲ. ಅದು ಓರ್ವ ವ್ಯಕ್ತಿಯನ್ನು ಎಂಥಾ ಮಟ್ಟಕ್ಕೂ ಕರೆದೊಯ್ದು ನಿಲ್ಲಿಸಿ ಬಿಡುತ್ತದೆ. ಟ್ಯಾಬ್ಲೆಟ್ಟು, ಪೌಡರ್ರು, ಗಾಂಜಾಗಳ ಘಾಟಿಗೆ ದೇಹ ಒಮ್ಮೆ ಒಗ್ಗಿಕೊಂಡರೆ, ಮತ್ತೊಂದು ಲೆವೆಲ್ಲಿನ ಕಿಕ್ಕಿಗಾಗಿ ಹಾತೊರೆಯಲಾರಂಭಿಸುತ್ತಾರೆ. ಅಂಥಾ ಹಂತ ತಲುಪಿದವರಿಗೆ ಅಕ್ಷರಶಃ ಸ್ವರ್ಗದಂತೆ ಕಾಣಿಸೋದು ಇಂಥಾ ರೇವ್ ಪಾರ್ಟಿಗಳೇ!

ಅಲ್ಲಿ ಹೊರ ಜಗತ್ತಿಗೆ ಗೊತ್ತಿಲ್ಲದ ನಶೆಯ ಮೂಲಗಳಿರುತ್ತವೆ. ಕಾರ್ಕೋಟಕ ವಿಷದ ಹಾವುಗಳಿಂದ ಕಚ್ಚಿಸಿಕೊಂಡು ಸುಖಿಸುವ ಸೈಕೋಗಳೇ ಅಲ್ಲಿ ಹಬೆಚ್ಚಾಗಿ ತುಂಬಿಕೊಂಡಿರುತ್ತವೆ. ಅದರಲ್ಲಿಯೂ ವಿಶೇಷವಾಗಿ ಕ್ಯಾಂಡಿ ಪ್ಲಿಪ್ ಅಂತ ಕರೆಯಲಾಗೋ ಡ್ರಗ್ಸ್ ಅಂತೂ ನಿಜಕ್ಕೂ ಭಯಾನಕ. ಹೆಚ್ಚಾಗಿ ರೇವ್ ಪಾರ್ಟಿಗೆ ಹೋಗುವವರ ಪ್ರಧಾನ ಆಕರ್ಷಣೆಯಾಗಿರೋದು ಅದೇ ಡ್ರಗ್ ಕಂಟೆಂಟು. ಈ ಕ್ಯಾಂಡಿ ಪ್ಲಿಪ್ ಅದ್ಯಾವ ಪರಿ ಡೇಂಜರಸ್ ಅಂದ್ರೆ, ಅದರ ಪ್ರಭಾವ ವ್ಯಕ್ತಿಯೋರ್ವನ ಮೇಲೆ ಕನಿಷ್ಠ ಏಳು ಗಂಟೆಗಳ ಕಾಲ ಇರುತ್ತದೆ. ಆ ಅವಧಿಯಲ್ಲಿ ಆತನೊಳಗೋರ್ವ ರಕ್ಕಸನ ಪ್ರವೇಶವಾದಂತಿರುತ್ತದೆ.

ಆ ಹಂತದಲ್ಲಿ ಸೊಕ್ಕಿ ಕೆನೆಯುವ ನಿರ್ಭೀತ ಮನಃಸ್ಥಿತಿಯೊಂದು ಆವರಿಸಿಕೊಳ್ಳುತ್ತೆ. ಆ ಘಳಿಗೆಯಲ್ಲಿ ಕ್ಯಾಂಡಿ ಪ್ಲಿಪ್ ತೆಗೆದುಕೊಂಡವರು ಯಾರ ಎದೆ ಬಗೆಯಲೂ ಸೈ, ಅದೆಂಥಾ ಶಕ್ತಿ ಶಾಲಿಗಳೊಂದಿಗೆ ಬಡಿದಾಡಲೂ ಸೈ ಎಂಬಂತಿರುತ್ತಾರೆ. ಅಕ್ಷರಶಃ ಸೈಕೋ ಮನಃಸ್ಥಿಒತಿಗೀಡಾದ ಇಂಥವರು ರೇವ್ ಪಾರ್ಟಿಗಳಲ್ಲಿ ವಿಕೃತ ಕಾಮದಲ್ಲಿಯೂ ತೊಡಗಿಕೊಳ್ಳುತ್ತಾರೆ. ಮನುಷ್ಯ ಜಗತ್ತೇ ಹೇಸಿಗೆ ಪಟ್ಟುಕೊಳ್ಳುವಂತೆ, ಅಕ್ಷರಶಃ ಮೃಗಗಳಂತೆ ಕೆನೆದಾಡುತ್ತಾರೆ. ಈವತ್ತಿಗೂ ಬೆಂಗಳೂರಿನಂಥಾ ನಗರದ ಇಕ್ಕೆಲಗಳಲ್ಲಿ, ಅಲ್ಲಿಂದ ಕಿಲೋಮೀಟರುಗಟ್ಟಲೆ ದೂರದಲ್ಲಿರೋ ರೆಸಾರ್ಟುಗಳಲ್ಲಿ ಇಂಥಾ ರೇವ್ ಪಾರ್ಟಿಗಳು ಎಗ್ಗಿಲ್ಲದೆ ನಡೆಯುತ್ತವೆ.

ಇಂಥಾ ಪಾರ್ಟಿಗಳಲ್ಲಿಯೇ ನಶೆಯ ತೆಕ್ಕೆಗೆ ಬಿದ್ದವರು ಸ್ನೇಕ್ ಬೈಟ್ ಗಾಗಿ ಹಾತೊರೆಯುತ್ತಾರೆ. ವಿಷ ಸರ್ಪಗಳಿಂದ ಕಚ್ಚಿಸಿಕೊಂಡು, ನರನಾಡಿಗಳಿಗೆ ವಿಷವೇರಿಕೊಳ್ಳೋದನ್ನೂ ಕೂಡಾ ಸುಖಿಸುತ್ತಾರೆ. ಒಂದಷ್ಟು ಕಾಲ ಡ್ರಗ್ಸ್ ಬಲದಿಂದ ಬದುಕಿದ್ದು, ನಂತರದಲ್ಲಿ ದುರಂತ ಅಂತ್ಯ ಕಾಣುತ್ತಾರೆ. ಈವತ್ತಿಗೆ ಕೆಲ ರಾಜಕಾರಣಿಗಳ ಖೂಳ ಮಕ್ಕಳು, ಶ್ರೀಮಂತರ ಸಂತಾನಗಳು, ಅನೇಕ ನಟ ನಟಿಯರೂ ಇಂಥಾ ಡ್ರಗ್ಸ್ ನಶೆಗೆ ದಾಸರಾಗಿದ್ದಾರೆ. ಅವಳ್ಯಾರೋ ರಾಗಿಣಿಯಂಥವಳನ್ನು ಡ್ರಗ್ಸ್ ಕೇಸಿನಲ್ಲಿ ಬಂಧಿಸುವ ಖಾಖಿಗಳು, ಎಗ್ಗಿಲ್ಲದೆ ನಡೆಯೋ ರೇವ್ ಪಾರ್ಟಿಗಳತ್ತ ಕುರುಡಾಗೋದೇ ಹೆಚ್ಚು. ಯಾಕಂದ್ರೆ, ಅಂಥಾ ಪಾರ್ಟಿಗಳಲ್ಲಿ ಹಣವಂತರ ಪಾಲಿರುತ್ತೆ. ಅದು ರಾತ್ರಿ ಬೆಳಗಾಗೋದರೊಳಗೆ ಲಕ್ಷ, ಕೋಟಿಯ ಕಮಾಯಿ ಮಾಡೋ ದಂಧೆ. ಅಲ್ಲಿ ಡ್ರಗ್ಸು, ಸೆಕ್ಸು ಸೇರಿದಂತೆ ಎಲ್ಲವೂ ಇರುತ್ತೆ. ಹಾಗಿದ್ದ ಮೇಲೆ ಈ ಸೋ ಕಾಲ್ಡ್ ಸೆಲೆಬ್ರಿಟಿಗಳು ಅದರತ್ತ ವಾಲದಿರಲು ಸಾಧ್ಯವೇ?

The post rave party: ವಿಷಕ್ಕೂ ತಣಿಯದ ವಿಕೃತಿಯ ಕಟ್ಟ ಕಡೆಯ ಹಂತ ಸ್ನೇಕ್ ಬೈಟ್! appeared first on Cini Shodha.

೨೦೦೯ರಲ್ಲಿ ವೀರಮದಕರಿ ಚಿತ್ರದ ಮೂಲಕ ಕನ್ನಡಕ್ಕೆ ಆಗಮಿಸಿದ್ದಾಕೆ ರಾಗಿಣಿ ದ್ವಿವೇದಿ. ಆ ಕಾಲಕ್ಕೆ ಈ ಹುಡುಗಿಯನ್ನು ನೋಡಿದ ಕನ್ನಡದ ಪ್ರೇಕ್ಷಕರು ಥ್ರಿಲ್ ಆಗಿದ್ದದ್ದಂತೂ ಸತ್ಯ. ಆ ಬಳಿಕ ಪಡ್ಡೆ ಹುಡುಗರು ಅದ್ಯಾವ ಪರಿಯಾಗಿ ಫಿದಾ ಆಗಿದ್ದರೆಂದರೆ, ಊರತುಂಬೆಲ್ಲ ರಾಗಿಣಿಯ ಅಭಿಮಾನಿ ಸಂಘಗಳು ಹುಟ್ಟಿಕೊಂಡಿದ್ದವು. ಯಾವ ಕನ್ನಡದಲ್ಲಿ ನಾಯಕಿಯರು ಹೀರೋಗಳಿಗೆ ಸಮನಾಗಿ ಮೆರೆಯುವ ವಾತಾವರಣ ಸೃಷ್ಟಿಯಾಗೋದೇ ಕಡಿಮೆ. ಅಂಥಾದ್ದರಲ್ಲಿ ರಾಗಿಣಿಗೆ ಯಾವ ಹೀರೋಗೂ ಕಡಿಮೆ ಇಲ್ಲದಂಥಾ ಕ್ರೇಜ್ ಸೃಷ್ಟಿಯಾಗಿತ್ತು. ಇಂಥಾ ಹಠಾರತ್ ಯಶದಿಂದ ರಾಗಿಣಿ ಮೈಮರೆತಳಾ? ಖಾಸಗೀ ಬದುಕನ್ನು ಸ್ವೇಚ್ಛಾಚಾರದ ಕೈಗೊಪ್ಪಿಸಿದ್ದಳಾ? ಗೊತ್ತಿಲ್ಲ. ಆದರೆ, ಆಕೆಯ ಬಗ್ಗೆ ಒಂದಷ್ಟು ರೂಮರುಗಳು ಹಬ್ಬಿಕೊಂಡಿದ್ದವು. ಅವುಗಳಿಗೆಲ್ಲ ಕೊಬ್ಬರಿಯ ಫ್ಲೇವರ್ ಇದ್ದಂದ್ದಂತೂ ಸತ್ಯ!

ಹೀಗೆ ಅತ್ಯಂತ ಕಡಿಮೆ ಅವಧಿಯಲ್ಲಿಯೇ ಪುರಸ್ಕಾರ, ತಿರಸ್ಕಾರಗಳನ್ನೆಲ್ಲ ಕಂಡವಳು ರಾಗಿಣಿ ದ್ವಿವೇದಿ. ಇಕದೀಗ ಆಕೆ ಓರ್ವ ನಟಿಯಾಗಿ ಮೈ ಕೊಡವಿಕೊಂಡು ಮೇಲೆದ್ದಿದ್ದಾಳೆ. ಶೀಲ ಅಂತೊಂದು ಭಿನ್ನ ಕಥಾನಕದ ಕನ್ನಡದ ಚಿತ್ರದಲ್ಲಿ ಮನದುಂಬಿ ನಟಿಸಿರುವ ಮುನ್ಸೂಚನೆಗಳು ಕಾಣಿಸುತ್ತಿವೆ. ಒಟ್ಟಾರೆಯಾಗಿ ಮತ್ತೆ ತನ್ನ ವೃತ್ತಿಬದುಕನ್ನು ಉತ್ತುಂಗಕ್ಕೇರಿಸಬೇಕೆಂಬ ಉತ್ಕಟ ಆಕಾಂಕ್ಷೆ ಆಕೆಯ ಕಣ್ಣುಗಳಲ್ಲಿ ಫಳಗುಟ್ಟುತ್ತಿದೆ. ಇದೇ ಭರದಲ್ಲಿ ಆಕೆ ಕನ್ನಡ ಮಾತ್ರವಲ್ಲದೇ, ಬೇರೆ ಭಾಷೆಗಳಲ್ಲಿಯೂ ಹವಾ ಎಬ್ಬಿಸುವ ಸಂಕಲ್ಪದೊಂದಿಗೆ ಅಖಾಡಕ್ಕಿಳಿದಿದ್ದಾಳೆ. ಈ ಸಂಕಲ್ಪದ ಭಾಗವಾಗಿಯೇ ನಶೆ, ಧಾಡಸೀತನ, ಅನ್ಯಮನಸ್ಕ ಸ್ಥಿತಿಯನ್ನೆಲ್ಲ ಮೀರಿಕೊಂಡು ಮಲೆಯಾಳಂ ಮಂತ್ರ ಜಪಿಸಲಾರಂಭಿಸಿದ್ದಾಳೆ!

ರಾಗಿಣಿ ನಟಿಸಿದ್ದ ಶೀಲ ಚಿತ್ರ ದೊಡ್ಡ ಮಟ್ಟದಲ್ಲಿಯೇ ಸದ್ದು ಮಾಡುತ್ತಿದೆ. ಅದರ ಜೊತೆಯಲ್ಲಿಯೇ ರಾಗಿಣಿ ಮಲೆಯಾಳಂ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದ ಸುದ್ದಿ ಹೊರಬಂದಿತ್ತು. ಆಕೆ ಬಿಗ್ ಬಜೆಟ್ಟಿನ ಮಲೆಯಾಳಂ ಚಿತ್ರವೊಂದರ ಭಾಗವಗಿದ್ದಾಳೆ. ಅದರ ಚಿತ್ರೀಕರಣ ಚಾಲ್ತಿಯಲ್ಲಿರುವಾಗಲೇ ಮತ್ತೊಂದು ಪ್ಯಾನಿಂಡಿಯಾ ಚಿತ್ರದ ಭಾಗವಾಗುವ ಅವಕಾಶವೂ ಕೂಡಿ ಬಂದಿದೆ. ನಂದಕಿಶೋರ್ ನಿರ್ದೇಶನದಲ್ಲಿ ಮೂಡಿ ಬರಲಿರೋ ವೃಷಭ ಚಿತ್ರದಲ್ಲಿ ರಾಗಿಣಿ ಮಲೆಯಾಳದ ಮೋಹನ್ ಲಾಲ್‌ಗೆ ನಾಯಕಿಯಾಗಿದ್ದಾಳೆ. ಮಲೆಯಾಳಂ ಸೇರಿದಂತೆ ಬಹುಭಾಷೆಗಳಲ್ಲಿ ಈ ಚಿತ್ರ ರೂಪುಗೊಳ್ಳುತ್ತಿದೆ. ಸದ್ಯಕ್ಕೆ ಮೈಸೂರಿನಲ್ಲಿ ಇದರ ಚಿತ್ರೀಕರಣ ನಡೆಯುತ್ತಿದೆ.

ಇದೆಲ್ಲವೂ ರಾಗಿಣಿಯ ನಸೀಬು ಮತ್ತೊಮ್ಮೆ ಕುದುರಿಕೊಳ್ಳುವ ಲಕ್ಷಣಗಳಂತೆಯೇ ಕಾಣಿಸುತ್ತಿದೆ. ಮಧ್ಯಪ್ರದೇಶದಲ್ಲಿ ಹುಟ್ಟಿ ಬೆಳೆದು ಮಾಡೆಲಿಂಗ್ ಕ್ಷೇತ್ರದಲ್ಲಿ ಸಕ್ರಿಯವಾಗಿದ್ದಾಕೆ ರಾಗಿಣಿ. ಅಭಿಶೇಕ್ ಅಂಬರೀಶ್ ಮಾವ ಪ್ರಸಾದ್ ಬಿದ್ದಪ್ಪನ ಗರಡಿಯಲ್ಲಿ ಪಳಗಿಕೊಂಡಿದ್ದ ರಾಗಿಣಿ, ಆ ನಂತರದಲ್ಲಿ ನಟಿಯಾಗೋ ಕನಸು ಕಂಡಿದ್ದಳು. ಅದಕ್ಕೆ ವರವೆಂಬಂತೆ ಸಿಕ್ಕಿದ್ದದ್ದು ವೀರ ಮದಕರಿ ಚಿತ್ರದ ನಾಯಕಿಯಾಗೋ ಅವಕಾಶ. ಅದು ಆಕೆಯ ಪಾಲಿನ ಮೊದಲ ಚಿತ್ರವೂ ಹೌದು. ಹಾಗೆ ಬಂದ ರಾಗಿಣಿ ಇಲ್ಲೇ ನೆಲೆಯೂರಿದ್ದಾಳೆ. ಕನ್ನಡದ ಹುಡುಗಿಯೇ ಆಗಿ ಹೋಗಿದ್ದಾಳೆ. ಇದೀಗ ಭರ್ಜರಿಯಾಗಿ ರಾಗಿಣಿಯ ವೃತ್ತಿಬದುಕಿನ ಎರಡನೇ ಅಧ್ಯಾಯ ಶುರುವಾಗಿದೆ. ಕಳಂಕವೆಲ್ಲವೂ ಬಳಿದುಕೊಂಡು ಹೋಗುವಂತೆ ಗೆಲುವೆಂಬುದು ಈ ಹುಡುಗಿಯ ಕೈ ಹಿಡಿಯಬಹುದೇ?

The post ragini dwivedi: ಅಗ್ನಿಪರೀಕ್ಷೆಯ ಬಳಿಕ ರಾಗಿಣಿಗೀಗ ಗೆಲುವೊಂದರ ಧ್ಯಾನ! appeared first on Cini Shodha.