ಪ್ರಿಯಾಂಶು ಬಾಬು ಸಿಂಗ್ ಛೇಟ್ರಿ ಅಂತಲೂ ಕರೆಸಿಕೊಳ್ಳುತ್ತಿದ್ದ. ಇತ್ತೀಚಿನ ದಿನಗಳಲ್ಲಿ ವಿಪರೀತ ಕುಡಿತದ ಚಟ ಅಂಟಿಸಿಕೊಂಡಿದ್ದ ಪ್ರಿಯಾಂಶು ತನ್ನ ಗೆಳೆಯ ಧ್ರುವ ಲಾಲ್ ಬಹದ್ದೂರ್ ಸಾಹು ಎಂಬಾತನೊಂದಿಗೆ ಗೆಳೆತನ ಹೊಂದಿದ್ದ. ಇವರಿಬ್ಬರೂ ಕೂಡಾ ನಾಗಪುರದ ಗಲ್ಲಿಗಳಲ್ಲಿ ಅಹೋರಾತ್ರಿ ನಶೆಯೇರಿಸಿಕೊಂಡು ತೂರಾಡುವ ತಲುಬು ಹತ್ತಿಸಿಕೊಂಡಿದ್ದರು. ತೀರಾ ಹಾದಿ ಬಿಟ್ಟಂತಿದ್ದ ಇವರಿಬ್ಬರೂ ಮನೆಗೆ ಹೋಗೋದೇ ಅಪರೂಪವೆಂಬಂತಾಗಿತ್ತು. ಇಂಥಾ ಪ್ರಿಯಾಂಶು ಮೊನ್ನೆ ದಿನ ಕೂಡಾ ಸಾಹು ಜೊತೆ ಪಾರ್ಟಿ ನಡೆಸಿದ್ದಾನೆ. ಮುಂಜಾನೆ ಹೊತ್ತಿಗೆ ಪರಿಸ್ಥಿತಿ ವಿಕೋಪಕ್ಕೆ ಹೋಗಿದೆ. ನಶೆಯಲ್ಲಿ ರೊಚ್ಚಿಗೆದ್ದ ಸಾಹು ಪ್ರಿಯಾಂಶುವನ್ನು ಹೊಡೆದು ಕೊಂದು ಹಾಕಿದ್ದಾನೆ!

ಈ ದುರಂತ ಕಂಡು ಎಲ್ಲರೂ ಬೆಚ್ಚಿ ಬಿದ್ದಿದ್ದಾರೆ. ೨೦೨೨ರಲ್ಲಿ ನಾಗರಾಜ್ ಮಂಜುಳೆ ನಿರ್ದೇಶನ ಮಾಡಿದ್ದ ಜುಂಡ್ ಚಿತ್ರದಲ್ಲಿ ನಟಿಸುವ ಮೂಲಕ ಈ ಹುಡುಗ ಪ್ರಿಯಾಂಶು ಹೆಸರು ಮಾಡಿದ್ದ. ಈತನ ನಟನೆ ಮ ಎಚ್ಚುಗೆಗೆ ಪಾತ್ರವಾಗಿತ್ತು. ಆ ನಂತರ ಓದಿನತ್ತ ಪೋಶಕರ ಒತ್ತಾಸೆಯ ಮೇರೆಗೆ ವಾಲಿಕೊಂಡರೂ ಪ್ರಿಯಾಂಶು ಹಾದಿ ತಪ್ಪಿದ್ದ. ಬಹುಶಃ ಚೆಂದಗೆ ಓದು ಮುಗಿಸಿಕೊಂಡು ಮತ್ತೆ ನಟನೆಗಿಳಿದಿದ್ದರೂ ಅದ್ಭುತ ನಟನಾಗಿ ಕಂಗೊಳಿಸುವ ಅವಕಾಶ ಈತನ ಮುಂದಿತ್ತು. ಆದರೆ, ಎಳವೆಯಲ್ಲಿಯೇ ಕುಡಿತದ ಚಟ ಅಂಟಿಸಿಕೊಂಡು ದುರಂತ ಅಂತ್ಯ ಕಂಡಿದ್ದಾನೆ. ಸದ್ಯ ನಶೆಯಲ್ಲಿ ಎಳೆಯನ ನ್ನೇ ಭೀಕರವಾಗಿ ಕೊಂದ ಸಾಹು ಪೊಲೀಸರ ಅತಿಥಿಯಾಗಿದ್ದಾನೆ.

The post jhunda movie actor murder case: ಅಮಿತಾಭ್ ಜೊತೆ ನಟಿಸಿದ್ದವನ ಘೋರ ಅಂತ್ಯ! appeared first on Cini Shodha.

ಸಾಮಾನ್ಯವಾಗಿ, ಸೆಲೆಬ್ರಟಿಗಳ ಬರ್ತ್‌ಡೇ ಪಾರ್ಟಿಗಳಲ್ಲಿ ಡ್ರಗ್ಸ್ ನಶೆ ಏರಿಕೊಳ್ಳೋದು ಮಾಮೂಲು. ಅಂಥಾ ಪಾರ್ಟಿಗಳಲ್ಲಿ ಆಯಕಟ್ಟಿನ ಅಧಿಕಾರಿಗಳ ಮಕ್ಕಳು, ರಾಜಕಾರಣಿಗಳ ದುಷ್ಟ ಕುಡಿಗಳು ತೊನೆಯುತ್ತವಾದ್ದರಿಂದ ಅದೆಷ್ಟೋ ಪ್ರಕರಣಗಳು ನಾಲಕ್ಕು ಗೋಡೆಗಳ ನಡುವೆಯೇ ಮುಚ್ಚಿ ಹೋಗುತ್ತವೆ. ಮಂಗ್ಲಿ ಕೂಡಾ ಅಂಥಾದ್ದೇ ರಾಜಕೀಯ ಪ್ರಭಾವ ಹೊಂದಿರುವಾಕೆ. ಈ ಕಾರಣದಿಂದಲೇ ಹೇಗೋ ಬಚಾವಾಗಬಹುದೆಂಬ ಭ್ರಮೆಯಲ್ಲಿ ಬರ್ತ್‌ಡೇ ಸಂಭ್ರಮದಲ್ಲಿ ಡ್ರಗ್ ಪಾರ್ಟಿ ಮಾಡಿದಳಾ? ಪೊಲೀಸರು ರೇಡು ನಡೆಸಿದಾಗ ಆಕೆ ಆವಾಜುಯ ಬಿಟ್ಟ ಪರಿ ನೋಡಿದರೆ ಏಕೋ ಆ ಶಂಕೆಯೇ ನಿಜವೆನ್ನಿಸುತ್ತೆ. ಇತ್ತೀಚಿನ ದಿನಗಳಲ್ಲಿ ಮಂಗ್ಲಿಯ ಹಾವಭಾವ, ವರ್ತನೆ ಮತ್ತು ಜೀವನ ಕ್ರಮದಲ್ಲಾದ ಬದಲಾವಣೆಗಳನ್ನು ಹತ್ತಿರದಿಂದ ಬಲ್ಲವರೂ ಕೂಡಾ ಆಕೆಯ ಬೆಗೆಗೊಂದು ಶಂಕೆಯಿಟ್ಟುಕೊಂಡಿರೋದು ಸತ್ಯ.

ತೀರಾ ಬಡತನದಿಂದ ಮೇಲೆದ್ದು ಬಂದವರು, ಗೆದ್ದ ನಂತರವೂ ಆ ನೆನಪುಗಳನ್ನು ಎದೆಯಲ್ಲಿಟ್ಟುಕೊಂಡು ತಗ್ಗಿ ಬಗ್ಗಿ ನಡೆಯುತ್ತಿದ್ದ ಕಾಲವೊಂದಿತ್ತು. ಆದರೀಗ ಬಡತನದ ಹಿನ್ನೆಲೆ ಸಿಂಪಥಿ ಗಿಟ್ಟಿಸಿಕೊಳ್ಳೋ ಸರಕಾಗಿಯಷ್ಟೇ ಉಳಿದುಕೊಂಡಿದೆ. ಯಾಕೆಂದರೆ, ಅಂಥಾ ಹಿನ್ನೆಲೆಯಿಂದ ಬಂದವರು ಸಣ್ಣ ಗೆಲುವು ಕಾಣುತ್ತಲೇ ಹೈಫೈ ಶೋಕಿ ಅಚಿಟಿಸಿಕೊಂಡು ನಾನಾ ಚಟಗಳನ್ನು ಅಚಿಟಿಸಿಕೊಂಡು ಹಡಾಲೆದ್ದು ಹೋದ ಅದೆಷ್ಟೋ ಉದಾಹರಣೆಗಳಿದ್ದಾವೆ. ಅಂಥವರಿಗೆ ತಾನೇ ತಾನಾಗಿ ತೋರಿಕೆಯ ಬದುಕು ಆಪ್ಯಾಯವಾಗುತ್ತೆ. ಪಾರ್ಟಿಗಳ ಚಟ ಅಂಟಿಕೊಳ್ಳುತ್ತೆ. ಡ್ರಗ್ಸಿನಂಥಾ ನಶೆ ಆವರಿಸಿಕೊಳ್ಳುತ್ತೆ. ಮಂಗ್ಲಿ ಕೂಡಾ ಅಂಥಾದ್ದೇ ಮಾಯೆಗೆ ವಶವಾಗಿದ್ದರೂ ಅಚ್ಚರಿಯೇನಿಲ್ಲ. ಬರಬರುತ್ತಾ ಮಂಗ್ಲಿಗಂಟಿಕೊಂಡಿದ್ದ ತಿಮಿರೆಂಬುದು ಆ ಸಾಧ್ಯತೆಯನ್ನು ಪುಷ್ಟೀಕರಿಸುವಂತಿದೆ.

ಆಂಧ್ರ ಪ್ರದೇಶದ ಅನಂತಪುರ ಜಿಲ್ಲೆಯ ಬಿಸಿನಪೆಲ್ಲೆ ಎಂಬೂರಿನ ತಾಂಡಾದ ಕೂಸಾದ ಮಂಗ್ಲಿ ಬಾಲ್ಯದಿಂದ, ಓದಿನವರೆಗೂ ಕೂಡಾ ಕಡುಗಷ್ಟಗಳನ್ನು ಕಂಡುಂಡು ಬೆಳೆದಿದ್ದ ಹುಡುಗಿ. ತನ್ನ ತಂದೆಯ ಒತ್ತಾಸೆಯಿಂದ ಗಾಯಕಿಯಾಗಿ ಪಳಗಿಕೊಳ್ಳಲಾರಂಭಿಸಿದ್ದ ಮಂಗ್ಲಿ ಆರಂಭದಿಂದಲೇ ನೆಲದ ಸೊಗಡಿನ ಜಾನಪದ ಗೀತೆಗಳ ಮೂಲಕ ಮನಗೆದ್ದಿದ್ದಳು. ಅಂಥಾದ್ದೊಂದು ನೆಲಮೂಲದ ಸೂಕ್ಷ್ಮವಂತಿಕೆ ಹೊಂದಿದ್ದ ಈ ಹುಡುಗಿ ನೋಡ ನೋಡುತ್ತಲೇ ಸ್ವಂತದ ಆಲ್ಬಂ ಸಾಂಗ್‌ಗಳನ್ನು ಮಾಡುತ್ತಾ, ಕಿರುತೆರೆ ನಿರೂಪಕಿಯಾಗಿ ಮಿಂಚಿದ್ದಳು. ಆ ನಂತರದಲ್ಲಿ ಸಿನಿಮಾ ಹಾಡುಗಳ ಮೂಲಕ ತೆಲುಗು ನಾಡಿನ ಗಡಿ ದಾಟಿ ಎಲ್ಲೆಡೆ ಫೇಮಸ್ ಆಗಿದ್ದಳು. ಇಂಥಾ ಕಷ್ಟದ ಹಾದಿಗೆ ದಕ್ಕಿದ ಗೆಲುವನ್ನು ಸಂಭಾಳಿಸೋದೇ ನಿಜವಾದ ಗೆಲುವು. ಆದರೆ, ಅದರಲ್ಲಿ ಮಂಗಿ ಆಗಾಗ ಸೋತಿದ್ದಾಳೆ. ಈ ಡ್ರಗ್ಸ್ ಕಿಸುರಿನ ಮೂಲಕ ಮುಗ್ಗರಿಸಿಬಿಟ್ಟಿದ್ದಾಳೆ!

The post singer mangli: ಸೆಲೆಬ್ರಿಟಿಯಾದೇಟಿಗೆ ಶುರುವಾಯ್ತಾ ತಿರ್ಕೆ ಶೋಕಿ? appeared first on Cini Shodha.

ಹಾಗೆ ನೋಡಿದರೆ, ಪ್ರಭಾಸ್ ಅತೀ ಕೆಟ್ಟ ಸಿನಿಮಾಗಳಲ್ಲಿ ನಟಿಸಿದರೂ ಭರ್ಜರಿ ಓಪನಿಂಗ್ ಸಿಗುತ್ತದೆ. ಹಾಕಿದ ಬಂಡವಾಳದ ಬಾಬತ್ತು ಸೀಸಾಗಿ ವಾಪಾಸಾಗುತ್ತದೆ. ಆದ ಕಾರಣ, ಹಣ ಹೂಡಿದ ಯಾರೊಬ್ಬರೂ ಈವರೆಗೂ ಲುಕ್ಸಾನು ಮಾಡಿಕೊಂಡಿಲ್ಲ. ಅದಕ್ಕೆ ಕಾರಣವಾಗಿರೋದು ಅಭಿಮಾನಿಗಳ ಅತೀವ ಪ್ರೀತಿ. ಅಂಥಾ ಪುಣ್ಯವೊದನ್ನು ಯಾಕೆ ಪ್ರಭಾಸ್ ತಾನೇ ತಾನಾಗಿ ಹಾಳುಗೆಡವುತ್ತಿದ್ದಾರೋ ತಿಳಿಯುತ್ತಿಲ್ಲ.

ಇದೆಲ್ಲದಕ್ಕೆ ಕಾರಣವೇನು ಅಂತ ಹುಡುಕ ಹೋದರೆ, ಆ ನಟನ ಆಪ್ತ ಮೂಲಗಳಿಂದಲೇ ಗಂಭೀರವಾದೊಂದು ಸತ್ಯ ಜಾಹೀರಾಗುತ್ತೆ. ಬಾಹುಬಲಿಯ ನಂತರದಲ್ಲಿ ಸಾಹೋ ಅಂತೋಂದು ಸಿನಿಮಾ ಬಂದಿತ್ತಲ್ಲಾ? ಆ ಚಿತ್ರದ ಹೀನಾಯ ಸೋಲಿನ ನಂತರದಲ್ಲಿ ಪ್ರಭಾಸ್ ನೆಮ್ಮದಿ ಹಾಳಾಗಿದೆ. ಒಂದು ಕಡೆಯಿಂದ ಸ್ನೇಹಕ್ಕೆ ಕಟ್ಟುಬಿದ್ದ ಪ್ರಭಾಸ್ ಯಾರ್‍ಯಾರಿಗೋ ಕಾಲ್‌ಶೀಟು ಕಿತ್ತು ಕೊಡುತ್ತಿದ್ದಾರೆ. ಅದರ ಫಲವಾಗಿಯೇ ಆದಿಪುರುಷನಂಥಾ ಕಾಮಿಡಿ ಸಿನಿಮಾಗಳ ಭಾಗವಾಗುತ್ತಾ ಬಂದಿದ್ದಾರೆ. ಇಂಥಾ ಸೋಲಿನ ಪರ್ವ ಎಂಬುದು ಪ್ರಭಾಸ್ ರನ್ನು ನಶೆಯ ತೆಕ್ಕೆಗೆ ಕೆಡವಿದೆ ಅಂತ ರೂಮರುಗಳೆದ್ದಿವೆ.

ಒಂದು ಕಾಲದಲ್ಲಿ ಆ ಕ್ಷಣದ ಮೋಜಿಗೆ ಪ್ರಭಾಸ್ ಡ್ರಗ್ಸ್ ತೆಗೆದುಕೊಳ್ಳುತ್ತಿದ್ದರಂತೆ. ಸಿನಿಮಾ ಜಗತ್ತಿನಲ್ಲಿ ಅಂಥಾ ಹೈ ಫೈ ಪಾರ್ಟಿಗಳು ಆಯೋಜನೆಗೊಳ್ಳೋದು, ನಶೆಯಲ್ಲಿ ಮಿಂದೇಳೋದು ಕಾಮನ್. ಆದ್ರೆ, ಯಾವಾಗ ಸೋಲು ಸುತ್ತಿಕೊಳ್ಳಲರಂಭಿಸಿತೋ, ಆ ಕ್ಷಣದಿಂದ ಪ್ರಭಸ್ ಗೆ ನಶೆ ಎಂಬುದು ಚಟವಾಗಿ ಬಿಟ್ಟಿದೆ ಅನ್ನುವವರಿದ್ದಾರೆ. ಇತ್ತೀಚೆಗೆ ಪ್ರಭಾಸ್ ಅವರ ವಿಕಾರಗೊಂಡ ಮುಖದ ಫೋಟೋಗಳು ಹರಿದಾಡುತ್ತಿವೆ. ಅದರ ಹಿಂದೆಯೂ ಮತ್ತದೇ ಡ್ರಗ್ಸ್ ಕಿಸುರಿದೆ ಎಂಬ ಸುದ್ದಿಯೂ ಹಬ್ಬಿಕೊಂಡಿದೆ.

ಸದ್ಯಕ್ಕೆ ಪ್ರಭಾಸ್ ಮುಂದಿರುವ ಏಕೈಕ ಹೋಪ್ ಅಂದರೆ ಸಲಾರ್ ಮಾತ್ರ. ಆದರೆ, ಅದರ ಬಗ್ಗೆಯೂ ಒಂದಷ್ಟು ನೆಗೆಟಿವ್ ವಿಚಾರಗಳು ಹಬ್ಬಿಕೊಳ್ಳುತ್ತಿವೆ. ಪದೇ ಪದೆ ರಿಲೀಸ್ ಡೇಟು ಮುಂದಕ್ಕೆ ಹೋಗುತ್ತಿರೋದರ ಸುತ್ತ ಒಂದಷ್ಟು ಗಾಸಿಪ್ಪುಗಳು ಹಬ್ಬಿಕೊಳ್ಳುತ್ತಿವೆ. ಇದೆಲ್ಲದರಾಚೆಗೆ ಸಲಾರ್ ಚೆಂದಗಿದ್ದರೆ ಪ್ರಭಾಸ್ ಕೊಂಚ ಉಸಿರಾಡುವಂತಾಗುತ್ತೆ. ಅದೆಲ್ಲದಕ್ಕೂ ಮುಂಚೆ ಈ ನಟ ನಶೆಯ ಮೋಹವನ್ನು ಕಳಚಿಕೊಂಡು ನಿಲ್ಲುವ ಜರೂರತ್ತಿದೆ!

The post prabhas: ಸತತ ಸೋಲಿನಿಂದ ಬಾಹುಬಲಿಗೆ ಗಲಿಬಿಲಿ! appeared first on Cini Shodha.