ಈವತ್ತಿಗೆ ಬಲಿಪೀಠದಂಥಾ ಪಟ್ಟಣಗೆರೆ ಶೆಡ್ಡು ಅದೆಷ್ಟು ಫೇಮಸ್ ಆಗಿದೆಯೋ, ಅದನ್ನೂ ಮೀರಿಸುವಂತೆ ಎಲ್ಲರ ಚಿತ್ತ ಕೀಲಿಸಿರೋದು ಸ್ಟೋನಿ ಬ್ರೂಕ್ಸ್ ರೆಸ್ಟೋರಾಂಟಿನತ್ತ. ಅಷ್ಟಕ್ಕೂ ಈ ರೆಸ್ಟೋರಾಂಟ್ ಈ ಹಿಂದಿನಿಂದಲೂ ಭಾರೀ ಫೇಮಸ್ಸಾಗಿತ್ತು. ದೇಶದಲ್ಲೇ ಮೊದಲ ಸ್ಟ್ರೀಂ ರೆಸ್ಟೋರಾಂಟ್ ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿತ್ತು. ಫಿಲಿಫೆನ್ಸ್ ನ ವಾಟರ್ ಫಾಲ್ ರೆಸ್ಟೋರೆಂಟಿನಿಂದ ಸ್ಫೂರ್ತಿ ಪಡೆದು ವಿನಯ್ ಇದನ್ನು ನಿರ್ಮಾಣ ಮಾಡಿದ್ದ. ಸಂಪೂರ್ಣವಾಗಿ ಕಾಡಿನಂತೆ ಭಾಸವಾಗುವ ಈ ರೆಸ್ಟೋರೆಂಟ್ ನಿಜಕ್ಕೂ ಅದ್ಭುತ. ಬೆಂಗಳೂರಿನಂಥಾ ಕಾಂಕ್ರಿಟ್ ಕಾಡಿನ ಮಟ್ಟಿಗೆ ಅದೊಂದು ಅಚ್ಚರಿಯೂ ಹೌದು. ಅಂಥಾದ್ದೊಂದು ಚೆಂದದ ರೆಸ್ಟೋರೆಂಟ್ ಕಟ್ಟಿದ್ದ ವಿನಯ್ ಈವತ್ತು ದರ್ಶನ್ ನೊಟ್ಟಿಗೆ ಅನ್ನಪೂರ್ಣೇಶ್ವರಿ ನಗರ ಪೊಲೀಸ್ ಠಾಣೆಯಲ್ಲಿ ಕುಕ್ಕರುಗಾಲಿನಲ್ಲಿ ಕೂರುವಂತಾಗಿದೆ.

ಈ ಸ್ಟೋನಿ ಬ್ರೂಕ್ಸ್ ರೆಸ್ಟೋರೆಂಟಿನ ಬಗ್ಗೆ ಇಲ್ಲಿ ಪ್ರಧಾನವಾಗಿ ಪ್ರಸ್ತಾಪಿಸಲು ಕಾರಣವಿದೆ. ಇದರ ಮಾಲೀಕ ವಿನಯ್ ಸುತ್ತಾ ಹೈಫೈ ಮಂದಿಯ ಹಿಂಡಿದೆ. ಅದರಲ್ಲಿ ಉದ್ಯಮಿಗಳು, ರಾಜಕಾರಣಿಗಳ ಮಕ್ಕಳಿದ್ದಾರೆ. ಈಗೊಂದಷ್ಟು ವರ್ಷಗಳಿಂದ ದರ್ಶನ್ ಕೂಡಾ ಈ ರೆಸ್ಟೋರೆಂಟಿನ ಖಾಯಂ ಗಿರಾಕಿಯಾಗಿದ್ದ. ಇದರೊಳಗೆ ಡ್ರಗ್ಸ್ ವ್ಯಸನಗಳೂ ಸಾಂಘವಾಗಿ ನೆರವೇರುತ್ತಿದ್ದವಾ? ತನ್ನ ಹೈ ಫೈ ಗೆಣೆಕಾರರನ್ನು ಸಂತೃಪ್ತಗೊಳಿಸಲೋಸ್ಕರವೇ ತನ್ನ ರೆಸ್ಟೋರೆಂಟ್ ಅನ್ನು ವಿನಯ್ ಡ್ರಗ್ಸ್ ಅಡ್ಡೆಯಾಗಿಸಿದ್ದನಾ? ದರ್ಶನ್ ಯಾಕೆ ಪದೇ ಪದೆ ಅಲ್ಲಿಗೆ ವಿಸಿಟ್ಟು ಮಾಡುತ್ತಿದ್ದ? ಕಾಮಿಡಿ ನಟ ಚಿಕ್ಕಣ್ಣನಂಥಾ ಚೆಂಗಲು ಆಸಾಮಿಗಳು ಬರೀ ಬಾಟಲಿ ಖಾಲಿ ಮಾಡಿ ಬರುಉತ್ತಿದ್ದರಾ ಅಥವಾ ಡ್ರಗ್ಸ್ ಖಯಾಲಿಯನ್ನೂ ಅಚಿಟಿಸಿಕೊಂಡಿದ್ದರಾ? ಹೀಗೆ ನಾನಾ ಪ್ರಶ್ನೆಗಳಿದ್ದಾವೆ.

ಅಷ್ಟಕ್ಕೂ ವಿನಯ್ ನ ಸುತ್ತ ನೆರೆದಿದ್ದ ಡೇಂಜರಸ್ ಆಸಾಮಿಗಳು ಬರೀ ಎಣ್ಣೆಯಿಂದ ತಣಿಯುವವರಲ್ಲ. ತುಂಬಾ ಚೆಂದಗೆ ನಡೆಯುತ್ತಿದ್ದ ಈ ಸ್ಟೋನಿ ಬ್ರೂಕ್ಸ್ ರೆಸ್ಟೋರೆಂಟ್ ಅಂಥವರಿಂದಲೇ ಡ್ರಗ್ಸ್ ನೆಲೆಯಾಗಿರಬಹುದಾ ಅಂತೊಂದು ಗುಮಾನಿಯಿದೆ. ಸದ್ಯಕ್ಕೆ ಕಾಮಿಡಿ ನಟ ಚಿಕ್ಕಣ್ಣ ಪೊಲೀಸರ ವಿಚಾರಣೆ ಎದುರಿಸಿ ಬಂದಿದ್ದಾನೆ. ಒಂದು ಸಾಮಾನ್ಯ ವಿಚಾರಣೆಯಿಂದಲೇ ಚಿಕ್ಕಣ್ಣನ ಸಣ್ಣ ಕರುಳಿನಲ್ಲಿ ಸ್ಟಾಕ್ ಇದ್ದ ಎಣ್ಣೆ ಮುಖಕ್ಕೆಲ್ಲ ಹಬ್ಬಿದಂತೆ ಕಾಣುತ್ತಿತ್ತು. ಅಲ್ಲಿ ನಡೆದದ್ದು ಆ ದಿನ ಪಾರ್ಟಿಯಲ್ಲಿ ಯಾರ್ಯಾರಿದ್ದರೆಂಬುದರ ಸುತ್ತಲಿನ ವಿಚಾರಣೆಯಷ್ಟೆ. ಸಿಸಿಬಿಯ ಮಾದಕ ದ್ರವ್ಯ ನಿಯಂತ್ರಣಾ ದಳ ಸ್ವಯಂಪ್ರೇರಿತವಾಗಿ ಸದರಿ ರೆಸ್ಟೋರೆಂಟಿನ ಮೇಲೇ ರೇಡುಬಿದ್ದರೆ, ಅದರೊಳಗೆ ಸೃಷ್ಟಿಯಾಗಿರುವ ಕಾಡಿನ ಅಂಗುಲಂಗುವ ತಡಕಾಡಿದರೆ ಮತ್ತೊಂದು ದಿಕ್ಕಿನ ಕರಾಳ ಸತ್ಯಗಳು ಬಯಲಾಗುವ ಸಾಧ್ಯತೆಗಳಿವೆ. ಹಾಗೇನಾದರೂ ಆದರೆ ಪೊಲೀಸರ ಮುಂದೆ ಅರೆಕ್ಷಣ ನಿಂತು ಚೆಡ್ಡಿ ಒದ್ದೆ ಮಾಡಿಕೊಂಡಿರೋ ಚೆಂಗ್ಲು ಚಿಕ್ಕಣ್ಣ, ಯೋಗರಾಜ್ ಭಟ್ಟರ ಗರಡಿಯಲ್ಲಿ ಬೋರಲು ಬಿದ್ದ ಬಕೀಟು ಆಸಾಮಿ ಯಶಸ್ ಸೂರ್ಯ ಸೇರಿದಂತೆ ಅನೇಕರು ಬೆತ್ತಲಾಗಿ ನಿಂತರೂ ಅಚ್ಚರಿಯೇನಿಲ್ಲ!

The post darshan case: ನಶೆಯೇರಿಸಿಕೊಂಡರೆ ದರ್ಶನ್ ಪಕ್ಕಾ ನಟೋರಿಯಸ್! appeared first on Cini Shodha.

ಬೆಂಗಳೂರು ಬಾಯ್ಸ್ ಅಂತೊಂದು ಚಿತ್ರ ಈಗೊಂದಷ್ಟು ದಿನಗಳಿಂದ ಆಗಾಗ ಸದ್ದು ಮಾಡುತ್ತಿದೆ. ಆ ಸಿನಿಮಾದಲ್ಲೊಂದು ಖಡಕ್ಕು ಲುಕ್ಕಿನಲ್ಲಿ ಕಾಣಿಸಿಕೊಂಡಿರುವ ಚಿಕ್ಕಣ್ಣ ಇದೀಗ ಅದೇ ಚಿತ್ರಕ್ಕಾಗಿ ಹಾಡೊಂದನ್ನು ಹಾಡಿದ್ದಾನೆ. ಧರ್ಮವಿಶ್ ಸಂಗೀತ ಸಂಯೋಜನೆಯಲ್ಲಿ ಮೂಡಿ ಬಂದಿರುವ ಈ ಹಾಡಿಗೆ, ಅರಸು ಅಂತಾರೆ ಸಾಹಿತ್ಯ ಬರೆದಿದ್ದಾರೆ.

Read This: rashmika mandanna: ಕೊಡಗಿನ ಹುಡುಗಿಯ ಕಥೆ ಹೀಗೇಕಾಯ್ತು?

ವಿಶಿಷ್ಟ ಶೈಲಿಯಲ್ಲಿ, ಪದೇ ಪದೆ ಕೇಳುವಂಥಾ ಗಟ್ಟಿತನವುಳ್ಳ ಹಾಡು ಬರೆಯೋದರಲ್ಲಿ ಅರಸು ನಿಸ್ಸೀಮರು. ಅವರ ಹಿಟ್ ಲಿಸ್ಟಿಗೆ ಈ ಹಾಡು ಕೂಡಾ ಸೇರಿಕೊಳ್ಳುವ ಲಕ್ಷಣಗಳಿದ್ದಾವೆ.

ಸಚಿನ್ ಚೆಲುವರಾಯಸ್ವಾಮಿ, ಅಭಿಷೇಕ್ ದಾಸ್ ಮತ್ತು ರೋಹಿತ್ ಈ ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಕಾಲೇಜು ಜೀನದ ಆಸುಪಾಸಿನ ಕಾಡುವ ಕಥಾನಕವನ್ನೊಳಗೊಂಡಿರುವ ಚಿತ್ರ ಬೆಂಗಳೂರು ಬಾಯ್ಸ್. ಸದ್ಯದ ಮಟ್ಟಿಗೆ ಹೊಸಾ ಬಗೆಯ ಕಥಾ ಹಂದರ, ಪ್ರಯೋಗಾತ್ಮಕ ಉಣಗಳನ್ನು ಹೊಂದಿರುವ ಈ ಸಿನಿಮಾ, ಈಗಾಗಲೇ ನಾನಾ ರೀತಿಯಲ್ಲಿ ಪ್ರೇಕ್ಷಕರನ್ನು ಸೆಳೆದುಕೊಂಡಿವೆ. ಇದೀಗ ಚಿಕ್ಕಣ್ಣ ಹಾಡಿರುವ ಹಾಡು ಬೆಂಗಳೂರು ಬಾಯ್ಸ್‍ಗೆ ಮತ್ತಷ್ಟು ಖದರ್ ತಂದುಕೊಟ್ಟಿದೆ. ಅದು ಕೂಡಾ ಈ ಚಿತ್ರದ ಪ್ರಧಾನ ಅಂಶಗಳಲ್ಲಿ ಒಂದಾಗಿ ಗುರುತಿಸಿಕೊಳ್ಳುವ ನಿರೀಕ್ಷೆಗಳಿದ್ದಾವೆ!

The post chikkanna: ಅರಸು ಅಂತಾರೆ ಹಾಡಿಗೆ ಧ್ವನಿಯಾದ ಚಿಕ್ಕ! appeared first on Cini Shodha.