ಪುರಿ ಜಗನ್ನಾಥ್ ಹಾಗೂ ಚಾರ್ಮಿ ಕೌರ್ ಸೇರಿಕೊಂಡು ದೊಡ್ಡ ಬೇಟೆಗೇ ಸಜ್ಜಾಗಿದ್ದಾರೆ. ಈ ಬಾರಿ ಮತ್ತೆ ಪ್ಯಾನಿಂಡಿಯಾ ಚಿತ್ರ ಮಾಡಲು ಮುಂದಾಗಿದ್ದಾರೆ. ಹೀಗೆ ಯಾವುದೇ ಸಿನಿಮಾ ಕೈಗೆತ್ತಿಕೊಂಡರೂ ಪುರಿಉ ತಾರಾಗಣ ಮತ್ತು ನಾಯಕಿಯ ಆಯ್ಕೆ ವಿಚಾರಕ್ಕೆ ಹೆಚ್ಚು ಪ್ರಧಾನ್ಯತೆ ಕೊಡುತ್ತಾರೆ. ಈ ಬಾರಿಯೂ ಚಾರ್ಮಿ ಮತ್ತು ಪಿರಿ ಸೇರಿಕೊಂಡು ಬಾಲಿವುಡ್ಡೂ ಸೇರಿದಂತೆ ನಾನಾ ಚಿತ್ರರಂಗದಲ್ಲಿ ತಲಾಶು ನಡೆಸಿದ್ದರು. ಕಡೆಗೂ ವರ್ಮಾ ಶಿಷ್ಯನ ಚಿತ್ತ ಹೊರಳಿದ್ದು ಮಲೆಯಾಳಿ ಹುಡುಗಿ ಸಂಯುಕ್ತಾ ಮೆನನ್‌ಳತ್ತ. ಈ ಸಂಯುಕ್ತಾ ಈ ಹಿಂದೆ ಗೋಲ್ಡನ್ ಸ್ಟಾರ್ ಗಣೇಶ್ ಜೊತೆ ಗಾಳಿಪಟ೨ ಚಿತ್ರದಲ್ಲಿ ಜೋಡಿಯಾಗಿ ನಟಿಸಿದ್ದವಳು.

ಸಂಯುಕ್ತಾ ಮೆನನ್‌ಗೆ ಈ ಮೂಲಕ ಪ್ಯಾನಿಂಡಿಯಾ ಸಿನಿಮಾ ಅವಕಾಶ ಒದಗಿ ಬಂದಿದೆ. ಕನ್ನಡದಲ್ಲಿ ಮಿಂಚಿದ ನಂತರ ಮಲೆಯಾಳಂ ಮತ್ತು ತೆಲುಗು ಚಿತ್ರಗಳಲ್ಲಿ ನಟಿಸಿದ್ದ ಸಂಯುಕ್ತಾಗೆ ಹೇಳಿಕೊಳ್ಳುವಂಥಾ ಗೆಲುವೇನೂ ಸಿಕ್ಕಿರಲಿಲ್ಲ. ಇದೀಗ ಹಠಾತ್ತನೆ ಸಿಕ್ಕ ಈ ಅವಕಾಶವನ್ನಾಕೆ ಖುಷಿಯಿಂದಲೇ ಒಪ್ಪಿಕೊಂಡಿದ್ದಾಳಂತೆ. ವರ್ಷಗಳ ಹಿಂದೆ ಲೈಗರ್ ಎಂಬ ಸಿನಿಮಾ ನಿರ್ದೇಶನ ಮಾಡಿ, ವಿಪರೀತ ಹೈಪು ಸೃಷ್ಟಿಸಿದ್ದ ಪುರಿ ಹೀನಾಯವಾಗಿ ಸೋಲು ಕಂಡಿದ್ದರು. ಆ ಬಳಿಕ ಡಬಲ್ ಇಸ್ಮಾರ್ಟ್ ಚಿತ್ರದ ಮೂಲಕ ಸಾಧಾರಣ ಗೆಲುವು ಪುರಿಗೆ ಸಿಕ್ಕಿತ್ತು. ಇದೀಗ ಹೊಸಾ ಚಿತ್ರವನ್ನು ಹಲವಾರು ಭಾಷೆಗಳಲ್ಲಿ ಬಿಡುಗಡೆಗೊಳ್ಳುವಂತೆ ರೂಪಿಸಲು ತಯಾರಿ ನಡೆಯುತ್ತಿದೆ!

The post samyuktha menon: ಗಾಳಿಪಟ2 ಹುಡುಗಿ ಮುಂದೆ ಪ್ಯಾನಿಂಡಿಯಾ ಅವಕಾಶ! appeared first on Cini Shodha.

ಲೈಗರ್ ಗಲ್ಲಾಪೆಟ್ಟಿಗೆಯಲ್ಲಿ ಗೋತಾ ಹೊಡೆದಂದಿನಿಂದಲೂ ಪುರಿ ಜಗನ್ನಾಥ್ ತೆರೆಮರೆಗೆ ಸರಿದಿದ್ದಾರೆ. ಮತ್ತೊಂದೆಡೆಯಲ್ಲಿ, ನಟನೆಯಿಂದ ದೂರವುಳಿದು ನಿರ್ಮಾಪಕಿಯಾಗಿರುವ, ಪುರಿಯ ಬ್ಯುಸಿನೆಸ್ ಪಾರ್ಟ್‍ನರ್ ಕೂಡಾ ಆ ಬಳಿಕ ಮರೆಯಾಗಿ ಬಿಟ್ಟದ್ದಳು. ಸೋಶಿಯಲ್ ಮೀಡಿಯಾಗಳಲ್ಲಿ ಆಕ್ಟೀವ್ ಆಗಿದ್ದ ಚಾರ್ಮಿ ಮೆತ್ತಗೆ ಲಿಂದೂ ಕಾಲ್ಕಿತ್ತಿದ್ದಳು. ಅದಾಗುತ್ತಲೇ ಈ ವಿದ್ಯಮಾನದ ಸುತ್ತ ರಂಗು ರಂಗಾದ ಕಥೆಗಳು ಹುಟ್ಟಿಕೊಳ್ಳಲಾರಂಭಿಸಿದ್ದವು. ಪುರಿ ಜಗನ್ನಾಥ್‍ಗೆ ಸೋಲಿನ ನಂತರ ಮಾರ್ಕೆಟ್ ಬಿದ್ದು ಹೋಗಿದೆ ಎಂಬಲ್ಲಿಂದ ಹಿಡಿದು, ಆತ ಡಿಪ್ರೆಷನ್ನಿಗೊಳಗಾಗಿದ್ದಾರೆ ಎಂಬಲ್ಲಿಯತನಕ ಹುಟ್ಟಿಕೊಂಡ ಅಂತೆ ಕಂತೆಗಳು ಲೆಕ್ಕಕ್ಕೆ ಸಿಗುವಂಥಾದ್ದಲ್ಲ!

ಹಾಗಾದರೆ, ಪುರಿ ಜಗನ್ನಾಥರನ್ನು ಒಂಉ ಸಿನಿಮಾದ ಸೋಲು ಆ ಪರಿಯಾಗಿ ಕಂಗಾಲು ಮಾಡಿ ಹಾಕಿತಾ? ರಾಮ್ ಗೋಪಾಲ್ ವರ್ಮಾನಂಥವರ ಆಪ್ತ ವಲಯದಲ್ಲಿರುವ ಪುರಿ ಅಷ್ಟೊಂದು ಬಲ;ಹೀನ ಆಸಾಮಿಯಾ? ಅಷ್ಟಕ್ಕೂ ಪುರಿಯ ಪ್ರಪಂಚದಲ್ಲಿ ಏನೇನು ಘಟಿಸುತ್ತಿದೆ ಅಂತ ನೋಡ ಹೋದರೆ, ಒಂದಷ್ಟು ಇಂಟರೆಸ್ಟಿಂಗ್ ವಿಚಾರಗಳು ಜಾಹೀರಾಗುತ್ತವೆ. ಲೈಗರ್ ಸೋಲಿನ ನಂತರ ವ್ಯಾವಹಾರಿಕವಾಗಿ ಪುರಿ ಮೇಲೆ ಒತ್ತಡಗಳಿರುವುದು ನಿಜ. ಬಹು ನಿರೀಕ್ಷೆಯಿಂದ ವಿತರಣಾ ಹಕ್ಕು ಖರೀದಿಸಿದ್ದವರೆಲ್ಲ ಕೋಟಿಗಳ ಲೆಕ್ಕದಲ್ಲಿ ಕಳೆದುಕೊಂಡು ಕಂಗಾಲಾಗಿದ್ದರು. ಅದರಲ್ಲೊಂದಷ್ಟು ಮಂದಿ ಕೈಜಾರಿ ಹೋದ ಕಾಸನ್ನು ಮತ್ತೆ ತುಂಬಿಕೊಡುವಂತೆ ಒತ್ತಡ ಹೇರಲಾಂಭಿಸಿದ್ದರು. ಅದರಿಂದ ತಪ್ಪಿಸಿಕೊಳ್ಳುವ ಸಲುವಾಗಿಯೇ ಪ್ರಳಯಾಂತಕ ಪುರಿ ಮತ್ತು ಚಾರ್ಮಿ ಒಂದಷ್ಟು ಕಾಲ ಬೇಕಂತಲೇ ಗಾಯಬ್ ಆಗಿಬಿಟ್ಟಿದ್ದರು.

ಹಾಗೆ ಆ ಕ್ಷಣದ ಕಂಟಕದಿಂದ ಪಾರಾಗುವ ಸಲುವಾಗಿ ಅಜ್ಞಾತವಾಸದಲ್ಲಿರೋ ಪುರಿಯ ಪರಪಂಚದಲ್ಲಿ ಬೇರೆಯದ್ದೇ ತೆರನಾದ ವಿದ್ಯಮಾನಗಳು ಘಟಿಸುತ್ತಿವೆ. ಒಂದಷ್ಟು ಹಿಟ್ ಸಿನಿಮಾಗಳನ್ನು ಕೊಟ್ಟಿರುವ ಪುರಿ ಲೈಗರ್ ವಿಚಾರದಲ್ಲಿ ಸೋತಿದ್ದು ಹೌದು. ಆದರೆ, ಆತನ ಛಾಮ್ ಹೇಳಿಕೊಳ್ಳುವಂತೇನೂ ಇಳಿದಿಲ್ಲ. ಯಾಕೆಂದರೆ, ಪುರಿ ಪುಆತನ ಕಾಲದ ನಂಬಿಕೆಗಳನ್ನು ಬಲು ಆಸ್ಥೆಯಿಂದಲೇ ಕಾಪಾಡಿಕೊಂಡಿದ್ದಾರೆ. ಹಾಗಿಲ್ಲದೇ ಹೋಗಿದರೆ, ಒಂದು ಕಾಲದಲ್ಲಿ ಪುರಿ ನಿರ್ದೇಶನ ಮಾಡಿದ್ದ ಪೋಕಿರಿ, ಟೆಂಪರ್‍ನಂಥಾ ಸಿಇಮಾಗಳ ನಿರ್ಮಾಪಕ ರಾಮ್ ಪೋತಿನೇನಿ ಮತ್ತೆ ಹತ್ತರಾಗಲು ಸಾಧ್ಯವಿರಲಿಲ್ಲ!

ಒಂದು ಮೂಲದ ಪ್ರಕಾರ, ಪುರಿ ನಿರ್ದೇಶನದ ಸಿನಿಮಾ ನಿರ್ಮಾಣ ಮಾಡಲು ಪೋತಿನೇನಿ ತುದಿಗಾಲಿನಲ್ಲಿ ನಿಂತಿದ್ದಾರೆ. ಇದಲ್ಲದೇ ಒಂದಷ್ಟು ದೊಡ್ಡ ಆಫರ್‍ಗಳೂ ಪುರಿಯನ್ನು ಅರಸಿ ಬರುತ್ತಿವೆ. ಮೆಘಾ ಸ್ಟಾರ್ ಚಿರಂಜೀವಿಯ ಕೊನಿಡೇಲಾ ಪ್ರೊಡಕ್ಷನ್ ಕೂಡಾ ಪುರಿಗೆ ಸಿನಿಮಾ ನಿರ್ದೇಶನ ಮಾಡುವ ಆಫರ್ ಕೊಟ್ಟಿದೆ. ಇದಕ್ಕಾಗಿ ಭಾರೀ ಮೊತ್ತದ ಸಂಭಾವನೆ ಕೊಡುವ ಸೂಚನೆಯೂ ಆ ಕಡೆಯಿಂದ ರವಾನೆಯಾಗಿದೆ. ಆದರೆ, ಅದ್ಯಾವುದರತ್ತಲೂ ಪುರಿ ನಸು ಮಾಡುತ್ತಿಲ್ಲ. ಯಾಕೆಂದರೆ, ಸಿನಿಮಾ ವ್ಯವಹಾರದಲ್ಲಿ ಪಳಗಿಕೊಂಡಿರುವ ಪುರಿ ಮತ್ತು ಚಾರ್ಮಿಯ ಲೆಕ್ಕಾಚಾರವೇ ಬೇರೆಯದ್ದಿದೆ. ಒಂದಷ್ಟು ಮೊತ್ತಕ್ಕೆ ಬೇರೆಯವರ ಸಿನಿಮಾ ನಿರ್ದೇಶನ ಮಾಡೋದಕ್ಕಿಂತ, ತಾವೇ ನಿರ್ಮಾಣವನ್ನೂ ಮಾಡಿದರೆ ಮಾತ್ರವೇ ಹೆಚ್ಚು ಲಾಭ ಕಾಣಬಹುದು, ಒಂದೊಳ್ಳೆ ಪ್ರಾಜೆಕ್ಟಿನ ಮೂಲಕ ಲೈಗರ್‍ನಿಂದ ಕಳೆದುಕೊಂಡಿದ್ದನ್ನು ಬಾಚಿಕೊಳ್ಳಬಹುದೆಂಬ ಲೆಕ್ಕಾಚಾರ ಅವರದ್ದು. ಇದೆಲ್ಲದರ ಭಾಗವಾಗಿ ಇನ್ನು ಕೆಲವೇ ದಿನಗಳಲ್ಲಿ ಪುರಿ ಮತ್ತು ಚಾರ್ಮಿ ಜೋಡಿ ಪ್ರೇಕ್ಷಕರ ಮುಂದೆ ಪ್ರತ್ಯಕ್ಷವಾಗಲಿದೆ; ಒಂದು ಸಿಹಿ ಸುದ್ದಿಯ ಸಮೇತ!

The post charmi-puri: ಚಾರ್ಮಿ ಮತ್ತು ಜಗನ್ನಾಥರ ಆಲೋಚನೆಯೇ ಬೇರೆ! appeared first on Cini Shodha.