ರಶ್ಮಿಕಾ ಬಾಲಿವುಡ್ ಸಿನಿಮಾ ಆರಂಭಿಕವಾಗಿ ಒಪ್ಪಿಕೊಂಡಾಗ ಅದರತ್ತ ಸಹಜವಾಗಿಯೇ ಒಂದಷ್ಟು ಕುತೂಹಲ ಮೂಡಿಕೊಂಡಿತ್ತು. ಆಕೆ ಶಾರೂಖ್ ಖಾನ್ ಜೊತೆ ನಟಿಸಿದ್ದ ಸಿಕಂದರ್ ಚಿತ್ರ ಕವುಚಿಕೊಳ್ಳುತ್ತಲೇ ರಶ್ಮಿಕಾ ಬಾಲಿವುಡ್ಡಿನಲ್ಲಿ ಗೋತಾ ಹೊಡೆದಳೆಂಬಂಥಾ ಕುಹಕದ ಮಾತುಗಳು ಕೇಳಿ ಬಂದಿದ್ದವು. ಅದರ ಬೆನ್ನಲ್ಲಿಯೇ ರಶ್ಮಿಕಾ ನಟಿಸಿದ್ದ ಚಾವಾ ಗೆಲುವು ಕಂಡಿತ್ತು. ಇದೀಗ ಆ ಗೆಲುವಿನ ಖುಷಿಯಲ್ಲಿಯೇ ಥಮಾ ಅಂತೊಂದು ಬಾಲಿವುಡ್ ಸಿನಿಮಾದಲ್ಲಿ ರಶ್ಮಿಕಾ ನಟಿಸುತ್ತಿದ್ದಾಳೆ. ಇದೀಗ ಈ ಚಿತ್ರದಲ್ಲಿ ರಶ್ಮಿಕಾಳ ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆಗೊಂಡಿದೆ. ಅದರಲ್ಲಿ ಇದೇ ಮೊದಲ ಬಾರಿಗೆ ಹಾರರ್ ಲುಕ್ಕಿನಲ್ಲಿ ಕೊಡಗಿನ ಹುಡುಗಿ ಕಂಗೊಳಿಸಿದ್ದಾಳೆ.

ಆಯುಶ್ಮಾನು ಖುರಾನಾ ನಾಯಕನಾಗಿ ನಟಿಸಿರುವ ಈ ಸಿನಿಮಾದಲ್ಲಿ ಘಟಾನುಘಟಿ ಕಲಾವಿದರ ದಂಡೇ ಇದೆ. ಚಿತ್ರ ತಂಡ ಹಂತ ಹಂತವಾಗಿ ಎಲ್ಲಾ ಕಲಾವಿದರ ಫಸ್ಟ್ ಲುಕ್ಕನ್ನು ಬಿಡುಗಡೆ ಮಾಡುತ್ತಾ ಸಾಗುತ್ತಿದೆ. ಇದೀಗ ರಶ್ಮಿಕಾಳ ಲುಕ್ಕು ಅನಾವರಣಗೊಂಡಿದೆ. ಇದೇ ತಿಂಗಳ ಹತ್ತೊಂಬತ್ತರಂದು ಥಾಮದ ಗ್ಲಿಂಪ್ಸ್ ಬಿಡುಗಡಸೆಗೆ ಮುಹೂರ್ತ ನಿಗಧಿಯಾಗಿದೆ. ದೀಪಾವಳಿಯ ಸಂದರ್ಭದಲ್ಲಿ ಅದ್ದೂರಿಯಾಗಿ ತೆರೆಗಾಣಿಸಲು ಈಗಾಗಲೇ ತಯಾರಿ ಆರಂಭವಾಗಿದೆ. ಹಾರರ್ ಕಥೆಯನ್ನೊಳಗೊಂಡಿರೋ ಈ ಸಿನಿಮಾದಲ್ಲಿ ಯಥೇಚ್ಛವಾಗಿ ಹಾಸ್ಯಕ್ಕೂ ಒತ್ತು ಕೊಡಲಾಗಿದೆಯಂತೆ. ಅಂತೂ ಚಾವ ನಂತರ ಹಾರರ್ ಚಿತ್ರದ ಮೂಲಕ ರಶ್ಮಿಕಾಗೆ ಮತ್ತೊಂದು ಗೆಲುವು ದಕ್ಕೋ ನಿರೀಕ್ಷೆಗಳಿದ್ದಾವೆ.

The post rashmika mandanna: ಥಮಾ ಚಿತ್ರದ ದಿಕ್ಕಿಂದ ಹೀಗೊಂದು ಸುದ್ದಿ! appeared first on Cini Shodha.

ಸಾಮಾನ್ಯವಾಗಿ ಆಳೋ ಸರ್ಕಾರಗಳು ಯಾವ ಪಕ್ಷದ್ದೇ ಇದ್ದರೂ, ಅವುಗಳ ತಪ್ಪುಗಳನ್ನು ಎತ್ತಿ ತೋರಿಸುತ್ತಾ, ವಿಮರ್ಶೆಗೊಡ್ಡೋದು ಪ್ರಜಾಪ್ರಭುತ್ವದ ಪ್ರಧಾನ ಅಂಶ. ಆ ನಿಟ್ಟಿನಲ್ಲಿ ನೋಡ ಹೋದರೆ ಭಾರತೀಯ ಚಿತ್ರರಂಗದ ಬಹುತೇಕ ಸೆಲೆಬ್ರಿಟಿಗಳು ಆಳೋ ಮಂದಿಗೆ ಬಕೀಟು ಹಿಡಿಯುತ್ತಾ, ಸಂದರ್ಭಾನುಸಾರ ಬೂಟು ನೆಕ್ಕುತ್ತಾ ಬದುಕುವವರೆಂಬುದು ಕಹಿ ವಾಸ್ತವ. ಇಂಥಾದ್ದರ ನಡುವೆ ಕೆಲ ನಟ ನಟಿಯರು ಆಳೋ ಮಂದಿಗೆ ಉಧೋ ಅನ್ನುತ್ತಾ, ಆ ಮೂಲಕವೇ ನಾನಾ ಥರದ ಫಾಯಿದೆ ಗಿಟ್ಟಿಸಿಕೊಳ್ಳುವವರ ಸಂಖ್ಯೆ ಅತಿಯಾಗಿದೆ. ಕಂಗನಾ ಕೂಡಾ ಥೇಟು ಅದೇ ರೀತಿ ನಡೆದುಕೊಂಡಿದ್ದರು. ಅದಕ್ಕೆ ಪ್ರತಿಫಲವಾಗಿ ಹಿಮಾಚಲ ಪ್ರದೇಶದ ಮಂಡಿ ಲೋಕಸಭಾ ಕ್ಷೇತ್ರದಿಂದ ಬಿಜೆಪಿ ಟಿಕೆಟು ಸಿಕ್ಕು ಗೆಲುವೂ ಒಲಿದಿತ್ತು.

ಇದೆಲ್ಲ ಒತ್ತಟ್ಟಿಗಿರಲಿ, ಹಾಗೆ ಗೆದ್ದಾದ ಮೇಲೆ ಕಂಗನಾ ಓರ್ವ ಸಂಸದೆಯಾಗಿ ಹೇಗೆ ನಡೆದುಕೊಳ್ಳುತ್ತಿದ್ದಾರೆ? ತಮ್ಮನ್ನು ಗೆಲ್ಲಿಸಿದ ಕ್ಷೇತ್ರದ ಜನರಿಗಾಗಿ ಮಿಡಿಯುತ್ತಿದ್ದಾರಾ ಅಂತ ನೋಡ ಹೋದರೆ, ಆಕೆ ಸಂಸತ್ತಿಗೆ ಧರಿಸಿ ಬರುವ ದುಬಾರಿ ಬಟ್ಟೆ, ಬ್ಯಾಗುಗಳ ಸುತ್ತಲಷ್ಟೇ ಚರ್ಚೆಗಳು ನಡೆಯುತ್ತಿವೆ. ಆಕೆಯ ಕೆಲಸ ಕಾರ್ಯಗಳು ಸದ್ದು ಮಾಡುತ್ತಿಲ್ಲ. ಹೇಳಿಕೇಳಿ ಪ್ರತೀ ಮಳೆಗಾಲದಲ್ಲಿಯೂ ಹಿಮಾಚಲ ಪ್ರದೇಶದಲ್ಲಿ ಪ್ರವಾಹ ತಲೆದೋರುತ್ತೆ. ಈಕೆ ಪ್ರತಿನಿಧಿಸುವ ಮಂಡಿ ಕ್ಷೇತ್ರಕ್ಕೂ ಅದರ ಬಿಸಿ ತಟ್ಟುತ್ತೆ. ಆದರೆ, ಅಲ್ಲಿ ಪ್ರವಾಹದಲ್ಲಿ ಕೊಚ್ಚಿ ಹೋದ ಬದುಕುಗಳನ್ನು ಸರಿಗಾಣಿಸುವ ಪ್ರಯತ್ನವನ್ನು ಈಕೆ ಮಾಡುತ್ತಿದ್ದಂತಿಲ್ಲ. ಮಂದಿ ಗ್ಲಾಮರಿಗೆ, ಸ್ಟಾರ್‌ಡಮ್ಮಿಗೆ ಬೆಲೆ ಕೊಟ್ಟು ಚುನಾವಣೆಯಲ್ಲಿ ಗೆಲ್ಲಿಸಿದರೆ ಇನ್ನೇನಾಗಲು ಸಾಧ್ಯ?

The post kangana ranaut: ಕ್ಷೇತ್ರದಲ್ಲಿ ಪ್ರವಾಹ; ಬಿಟ್ಟಿ ಶೋಕಿಯ ಪ್ರತಾಪ! appeared first on Cini Shodha.

ಇಂಥಾ ತಮನ್ನಾ ಕೂಡಾ ಒಂದಷ್ಟು ಕಲದ ನಂತರ ಮಂಕಾಗಿ ಬಿಟ್ಟಿದ್ದಳು. ಅವಕಾಶಗಳೆಲ್ಲವೂ ಕಡಿಮೆಯಾಗಿ ಬಿಟ್ಟಿತ್ತು. ಒಂದು ಹಂತದಲ್ಲಿ ಈಕೆಯನು ನಾಯಕಿಯನ್ನಾಗಿಸಿ ಸಿನಿಮಾ ಮಾಡಬೇಕೆಂಬುದು ಬಹುತೇಕರ ಕನಸಾಗಿತ್ತು. ಅಂಥಾ ತಮನ್ನಾ ಅವಕಾಶಗಳಿಲ್ಲದೆ ಸೊರಿದ್ದರ ಹಿಂದೆ ನಾನಾ ಸೂಕ್ಷ್ಮಗಳಿವೆ. ಅದನ್ನು ಕೆದಕಲು ನಿಂತರೆ ಸಿನಿಮಾ ಜಗತ್ತಿನ ಅನೇಕರು ಬೆತ್ತಲಾಗುತ್ತಾರೆ.

ಅಂತೂ ಕಡೆಗೂ ಜೈಲರ್ ಚಿತ್ರದ ಕಾವಾಲಯ್ಯ ಸಾಂಗಿನ ಮೂಲಕ ತಮನ್ನಾ ಮತ್ತೆ ಪ್ರಜ್ವಲಿಸಿದ್ದಾಳೆ. ಸ್ತ್ರೀ2 ಐಟಂ ಸಾಂಗ್ ಕೂಡಾ ಸೂಪರ್ ಹಿಟ್ಟಾಗಿದೆ. ಅಷ್ಟರ ಮಟ್ಟಿಗೆ ತಮನ್ನಾಭಿಮಾನಿಗಳ ಆತ್ಮ ಸಂತೃಪ್ತವಾಗಿದೆ. ಒಂದು ಮೂಲದಪ್ರಕಾರ, ಮತ್ತೆ ದೇಶವ್ಯಾಪಿ ತಮನ್ನಾ ಮೇನಿಯಾ ಹಬ್ಬಿಕೊಂಡು, ಅವಕಾಶಗಳು ಅರಸಿ ಬರುತ್ತಿವೆ. ಈಗಿರುವ ಅವಕಾಶಗಳನ್ನೆಲ್ಲ ಒಪ್ಪಿಕೊಂಡರೆ, ಮುಂದಿನ ಐದು ವರ್ಷಗಳ ಕಾಲ ತಮನ್ನಾ ಅಭಿಮಾನಿಗಳಿಗೆ ಸುಗ್ಗಿಯಾಗಲಿದೆ. ಅದೆಲ್ಲವೂ ತಮನ್ನಾಳ ಮೂಡಿನ ಮೇಲೆ ನಿರ್ಧಾರವಾಗಲಿದೆ!

The post tamannah bhatia: ಇನ್ನು ಐದು ವರ್ಷ ಮಿಲ್ಕಿ ಬ್ಯೂಟಿ ಬ್ಯುಸಿ! appeared first on Cini Shodha.

ಹರುಕು ಪರುಕು ಬಟ್ಟೆ ಧರಿಸಿ ಸುದ್ದಿಯಲ್ಲಿರುವ ಉರ್ಫಿ, ಇತ್ತೀಚಿನ ದಿನಗಳಲ್ಲಿ ದೇವಾಲಯ ದರ್ಶನದ ಮೂಲಕವೂ ಆಗಾಗ ಸುದ್ದಿ ಮಾಡುತ್ತಿರುತ್ತಾಳೆ. ಇದರ ಸುತ್ತ ಅನೇಕಾನೇಕ ರೂಮರುಗಳೂ ಹಬ್ಬಿಕೊಂಡಿವೆ. ಇತ್ತೀಚೆಗಂತೂ ಉರ್ಫಿ ಹಿಂದೂ ಯುವಕನನ್ನು ಪ್ರೀತಿಸುತ್ತಿದ್ದಾಳೆ, ಆದ್ದರಿಂದಲೇ ದೇವಸ್ಥಾನಗಳಿಗೆ ಪದೇ ಪದೆ ಭೇಟಿ ನೀಡುತ್ತಿದ್ದಾಳೆ ಎಂಬಂಥಾ ಸುದ್ದಿಗಳೂ ಕೂಡಾ ಹರಿದಾಡಿದ್ದವು. ಇದೀಗ ಅದಕ್ಕೆ ಪುಷ್ಟಿ ನೀಡುವಂಥಾ ವಿಚಾರವೊಂದು ಖುದ್ದು ಉರ್ಫಿಯ ಕಡೆಯಿಂದಲೇ ಜಾಹೀರಾಗಿದೆ. ಆ ವಿವರಗಳು ನಿಜಕ್ಕೂ ಅಚ್ಚರಿ ಪಡುವಂತಿವೆ.

ತನ್ನ ಮದುವೆ ಮ್ಯಾಟರಿನ ಬಗ್ಗೆ ಮುಕ್ತವಾಗಿ ಮಾತಾಡಿರುವ ಉರ್ಫಿ, ತಾನು ಯಾವ ಕಾರಣಕ್ಕೂ ಮುಸ್ಲಿಂ ಯುವಕನನ್ನು ಮದುವೆಯಾಗೋದಿಲ್ಲ ಎಂದಿದ್ದಾಳೆ. ಇದೇ ಹೊತ್ತಿನಲ್ಲಿ ತನಗೆ ಹಿಂದೂ ಧರ್ಮದ ಬಗೆಗಿರುವ ಆಸಕ್ತಿಯ ಬಗ್ಗೆಯೂ ಮಾತಾಡಿದ್ದಾಳೆ. ಹಾಗಾದರೆ, ಮುಸ್ಲಿಂ ಧರ್ಮಕ್ಕೆ ಸೇರಿರುವ ಉರ್ಫಿ ಏಕಾಏಕಿ ಹಿಂದೂ ಧರ್ಮದ ಬಗ್ಗೆ ಆಕರ್ಷಿತಳಾಗಲು ಕಾರಣವೇನು? ಇದರ ಹಿಂದಿರೋದು ಆಕೆಯ ಪ್ರೇಮ ಕಥನ ಮಾತ್ರವಾ? ಹೀಗೆ ನಾನಾ ಪ್ರಶ್ನೆಗಳು ಹುಟ್ಟಿಕೊಳ್ಳುತ್ತವೆ. ಉತ್ತರ ಹುಡುಕ ಹೋದರೆ, ಉರ್ಫಿಯ ಬದುಕಿನ ಒಂದಷ್ಟು ಸೂಕ್ಷ್ಮಗಳು ಜಾಹೀರಾಗುತ್ತವೆ.

ಉರ್ಫಿ ಕಟ್ಟರ್ ಮುಸಲ್ಮಾನ ಕುಟುಂಬದಲ್ಲಿ ಹುಟ್ಟಿ ಬೆಳೆದವಳು. ಆದರೆ, ಆಕೆ ಹದಿನೇಳು ವರ್ಷದವಳಿರುವಾಗ ತಂದೆ ಒಂದಿಡೀ ಸಂಸಾರವನ್ನು ತೊರೆದು ಹೋಗಿ ಬಿಟ್ಟಿದ್ದ. ಅದಕ್ಕೆ ತನ್ನ ಧರ್ಮದಲ್ಲಿರುವ ಕೆಲ ವಿಚಾರಗಳೇ ಕಾರಣ ಅಂತ ಆ ವಯಸ್ಸಿನಲ್ಲಿಯೇ ಉರ್ಫಿಗೆ ಮನವರಿಕೆಯಾಗಿತ್ತೋ ಏನೋ… ಅದರಿಂದಾಗಿಯೇ ಕಟ್ಟುಪಾಡುಗಳಿಗೆ ಸೆಡ್ಡು ಹೊಡೆಯುತ್ತಾ ಸಾಗಿ ಬಂದಿದ್ದಳು. ಆ ನಂತರ ಮಾಡೆಲಿಂಗ್, ಬಿಗ್ ಬಾಸ್ ಅಂತೆಲ್ಲ ಪ್ರವರ್ಧಮಾನಕ್ಕೆ ಬಂದಿದ್ದ ಉರ್ಫಿಯನ್ನು ನೋಡಿ ಅನೇಕರು ಉರಿದು ಬೀಳಲಾರಂಭಿಸಿದ್ದರು. ಸ್ವತಃ ಉರ್ಫಿಯೇ ಹೇಳಿಕೊಂಡಿರೋ ಪ್ರಕಾರ, ಹಾಗೆ ಉರಿದುಕೊಳ್ಳುತ್ತಿರುವವರಲ್ಲಿ ಹೆಚ್ಚಿನವರು ಮುಸ್ಲಿಮರಿದ್ದಾರಂತೆ.

ಹೀಗೆಲ್ಲ ಇರೋದರಿಂದಲೇ ಈ ಹುಡುಗಿಯನ್ನು ಹಿಂದೂ ಧರ್ಮ ಸೆಳೆದುಕೊಂಡಂತಿದೆ. ಆ ಬಗೆಗಿನ ಒಂದಷ್ಟು ವಿಚಾರಗಳನ್ನು ತಿಳಿದುಕೊಳ್ಳುತ್ತಾ ಬಂದಿರುವ ಉರ್ಫಿ ಈಗ, ಭಗವದ್ಗೀತೆ ಓದೋದರಲ್ಲಿ ತಲ್ಲೀನಳಾಗಿದ್ದಾಳಂತೆ. ಅತ್ತ ಅದೆಷ್ಟೇ ಆಘಾತಗಳಾದರೂ ಈಕೆಯ ತಾಯಿ ಮಾತ್ರ ಕರ್ಮಠ ಧರ್ಮ ಶ್ರದ್ಧೆ ಹೊಂದಿದ್ದಾರೆ. ಅದರ ಧಾರ್ಮಿಕ ಮುಖಂಡರಂತೂ ಆಗಾಗ ಉರ್ಫಿ ವಿರುದ್ಧ ಒಳಗೊಳಗೇ ಫತ್ವಾ ಹೊರಡಿಸುತ್ತಿದ್ದಾರೆ. ಇದೆಲ್ಲದರ ಬಗ್ಗೆ ತಲೆ ಕೆಡಿಸಿಕೊಳ್ಳದ ಉರ್ಫಿ ದಿನೇ ದಿನೆ ಹಿಂದೂ ಧರ್ಮದತ್ತ ವಾಲುತ್ತಿದ್ದಾಳೆ. ಒಂದು ವೇಳೆ ಆಕೆ ಹಿಂದೂ ಯುವಕನನ್ನು ಪ್ರೀತಿಸುತ್ತಿರೋದೇ ಹೌದಾದರೆ, ಇಷ್ಟರಲ್ಲೇ ಉರ್ಫಿ ಹಿಂದೂ ಧರ್ಮಕ್ಕೆ ಮತಾಂತರಗೊಂಡ ಸುದ್ದಿ ಜಾಹೀರಾದರೂ ಅಚ್ಚರಿಯೇನಿಲ್ಲ!

The post urfi javed: ಮುಸಲ್ಮಾನನನ್ನು ಮದುವೆಯಾಗಲೊಲ್ಲೆ ಅಂದಳು ಉರ್ಫಿ! appeared first on Cini Shodha.