ವಿಕ್ರಾಂತ್ ರೋಣ ಚಿತ್ರದಲ್ಲಿ ರಾರಾ ರಕ್ಕಮ್ಮ ಸಾಂಗಿಗೆ ಮೈ ಬಳುಕಿಸುತ್ತಾ, ಕರ್ನಾಟಕದಲ್ಲಿಯೂ ಪ್ರಸಿದ್ಧಿ ಪಡೆದುಕೊಂಡಾಕೆ ಜಾಕ್ವೆಲಿನ್ ಫರ್ನಾಂಡಿಸ್. ಬಾಲಿವುಡ್ಡಲ್ಲಿ ಒಂದಷ್ಟು ಸಿನಿಮಾಗಳಲ್ಲಿ ನಟಿಸಿದ್ದರೂ ಈಕೆಗೆ ಅಂದುಕೊಂಡಂತೆ ನೆಲೆಗಾಣಲು ಸಾಧ್ಯವಾಗಿರಲಿಲ್ಲ. ಆ ಬಳಿಕ ಈಕೆ ಸುದ್ದಿಯಲ್ಲಿದ್ದದ್ದೆಲ್ಲ ನಟ ಸಲ್ಮಾನ್ ಖಾನ್ ಜೊತೆಗಿನ ಅಫೇರಿನ ವಿಚಾರದಲ್ಲಿಯೇ. ಇಂಥಾ ಜಾಕ್ವೆಲಿನ್ ಇದೀಗ ಇನ್ನೂರು ಕೋಟಿ ಕಿಮ್ಮತ್ತಿನ ಮಹಾ ಮೋಸವೊಂದರಲ್ಲಿ ತಗುಲಿಕೊಂಡಿದ್ದಳು. ಈ ಇನ್ನೂರು ಕೋಟಿ ವಂಟನೆಯ ಇಕ್ಕಳದಿಂದ ಬಿಡಿಸಿಕೊಳ್ಳಲಾರದೆ ಒದ್ದಾಡುತ್ತಿದ್ದಾಳೆ. ಸದ್ಯಕ್ಕೆ ಈ ಕೇಸಿನ ಸುತ್ತ ಇಡಿ ಅಧಿಕಾರಿಗಳು ಗಸ್ತು ಹೊಡೆಯುತ್ತಿರೋದನ್ನು ಗಮನಿಸಿದರೆ ರಾರಾ ರಕ್ಕಮ್ಮ ಅಂದವಳಿಗೆ ಜೈಲುವಾಸ ಫಿಕ್ಸಾದಂತಿತ್ತು. ಆದರೆ, ಆ ಕೇಸೀಗ ಮತ್ತೊಂದು ಮಗ್ಗುಲಿನತ್ತ ಹೊರಳಿಕೊಂಡಿದೆ!

ರಾಷ್ಟ್ರೀಯ ಮಟ್ಟದಲ್ಲಿ ಹೈ ಪ್ರೊಫೈಲ್ ವಂಚಕನಾಗಿ ಕುಖ್ಯಾತಿ ಪಡೆದಿರುವವನು ಸುಕೇಶ್ ಚಂದ್ರಶೇಖರ್. ಹೈಫೈ ಜನರನ್ನು ಪರಿಚಯ ಮಾಡಿಕೊಂಡು, ನಾನಾ ರೂಪದಲ್ಲಿ ಯಾಮಾರಿಸಿ ಕಾಸು ಪೀಕುವುದು ಸುಕೇಶನ ವಂಚನೆಯ ವರಸೆ. ಇಂಥಾ ಸುಕೇಶ ಇತ್ತೀಚೆಗೆ ಇನ್ನೂರು ಕೋಟಿ ವಂಚನೆ ಪ್ರಕರಣದಲ್ಲಿ ಇಡಿ ಕಣ್ಣಿಗೆ ಬಿದ್ದಿದ್ದ. ಈ ಪ್ರಕರಣದ ಸಂಬಂಧವಾಗಿ ವಿಸ್ತೃತವಾದ ತನಿಖೆ ನಡೆಸಿರುವ ಇಡಿ ಅಧಿಕಾರಿಗಳು ಚಾರ್ಜ್‌ಶೀಟ್ ಸಲ್ಲಿಸಿದ್ದಾರೆ. ಅದರಲ್ಲಿ ಬಾಲಿವುಡ್ ನಟಿ ಜಾಕ್ವೆಲಿನ್ ಫನಾರ್ಂಡೀಸ್ ಹೆಸರಿದೆ ಎಂಬ ಬಗ್ಗೆ ದೊಡ್ಡ ಮಟ್ಟದಲ್ಲಿಯೇ ಗುಲ್ಲೆದ್ದಿತ್ತು. ಯಾವಾಗ ಈ ಘನಗಂಭೀರ ಪ್ರಕರಣದಲ್ಲಿ ತನ್ನ ಹೆಸರು ಕೇಳಿ ಬಂದು, ಬಂಡವಾಳ ಬಯಲಾಗೋದು ಖಾತರಿಯಾಯಿತೋ, ಜಾಕ್ವೆಲಿನ್ ಆಜ್ಞಾತವಾಸ ಆರಂಭಿಸಿ ಬಿಟ್ಟಿದ್ದಳು. ಇದರಿಂದ ಬಚಾವಾಗುವ ಸಲುವಾಗಿ ದೇವರು ದಿಂಡಿರಿಗೂ ಮೊರೆಯಿಟ್ಟಿದ್ದಳು. ಅದಾದ ಬಳಿಕ ಒಂದಷ್ಟು ಕಾಲ ಸೋಶಿಯಲ್ ಮೀಡಿಯಾಗಳಿಂದಲೂ ಆಕೆ ಮಾಯವಾಗಿದ್ದಳು.

ಸುಕೇಶ್ ಚಂದ್ರಶೇಖರ್ ಇನ್ನೂರು ಕೋಟಿ ವಂಚನೆಯಲ್ಲಿ ತಗುಲಿಕೊಳ್ಳುತ್ತಲೇ ಅದರ ಸುತ್ತ ನಾನಾ ವಿಚಾರಗಳು ಹರಿದಾಡಲಾರಂಭಿಸಿದ್ದವು. ಆ ಪ್ರಕರಣದಲ್ಲಿ ಜಾಕ್ವೆಲಿನ್ ಹೆಸರು ಕೇಳಿ ಬರುತ್ತಲೇ ನೆಟ್ಟಿಗರು ಒಂದಷ್ಟು ಫೋಟೋಗಳನ್ನು ಬಗೆಬಗೆದು ತೋರಿಸಲಾರಂಭಿಸಿದ್ದರು. ಆ ಮೂಲಕ ಜಾಕ್ವೆಲಿನ್ ಮತ್ತು ವಂಚಕ ಸುಕೇಶನ ಆತ್ಮೀಯ ಸಾಹಚರ್ಯ ಬಟಾಬಯಲಾಗಿತ್ತು. ಈ ವಂಚಕ ಜಾಕ್ವೆಲಿನ್‌ಳನ್ನು ತಬ್ಬಿಕೊಂಡು ಮುದ್ದಾಡುವಷ್ಟು ಸಲುಗೆ ಹೊಂದಿದ್ದಾನೆಂದರೆ, ಆಕೆಯತ್ತ ಇಡಿ ಅಧಿಕಾರಿಗಳ ಕಣ್ಣು ಬೀಳದಿರಲು ಸಾಧ್ಯವೇ? ಹಾಗಾಗಿಯೇ ಇಡಿ ಅಧಿಕಾರಿಗಳು ಜಾಕ್ವೆಲಿನ್‌ಳನ್ನು ಪ್ರಶ್ನಿಸಿದ್ದರು. ಆರಂಭದಲ್ಲಿ ಸುಕೇಶನಿಗೂ ತನಗೂ ಸಂಬಂಧವೇ ಇಲ್ಲ ಅಂತ ವಾದಿಸಿದ್ದ ಜಾಕ್ವೆಲಿನ್, ಬಳಿಕ ಬೇರೆ ದಾರಿ ಕಾಣದೆ ಸುಕೇಶನೊಂದಿಗೆ ಡೇಟಿಂಗ್ ನಡೆಸುತ್ತಿರುವ ಸತ್ಯವನ್ನು ಕಾರಿಕೊಂಡಿದ್ದಳು.

ಈ ಸುಕೇಶ್ ಪ್ರಖ್ಯಾತ ಪೋರ್ಟಿಸ್ ಹೆಲ್ತ್ ಕೇರ್ ಸಂಸ್ಥೆಯ ಮಾಜೀ ಮುಖ್ಯಸ್ಥರಾದ ಶಿವಿಂದರ್ ಮೋಹನ್ ಸಿಂಗ್ ಪತ್ನಿ ಅದಿತಿ ಸಿಂಗ್ ಮತ್ತಿತರರಿಗೆ ಭಾರೀ ಮೊತ್ತದ ವಂಚನೆ ಮಾಡಿದ್ದ. ಆ ಹೊತ್ತಲ್ಲಿಯೇ ಜಾಕ್ವೆಲಿನ್‌ಳೋಮದಿಗೆ ಡೇಟಿಂಗ್ ಆರಂಭಿಸಿದ್ದ ಸುಕೇಶ್, ಒಂದಷ್ಟು ಉಡುಗೊರೆಗಳನ್ನು ಕೊಟ್ಟಿದ್ದ ಬಗ್ಗೆ ಇಡಿ ಅಧಿಕಾರಿಗಳು ಮಾಹಿತಿ ಕಲೆಹಾಕಿದ್ದರು. ಹಾಗೊಂದು ವೇಳೆ ಕಡಿಮೆ ಮೊತ್ತದ ಉಡುಗೊರೆ ಕೊಟ್ಟಿದ್ದರೆ ಜಾಕ್ವೆಲಿನ್ ಹೇಗೋ ಪಾರಾಗುತ್ತಿದ್ದಳೇನೋ? ಆದರೆ ಆಕೆ ಸುಕೇಶನಿಂದ ಪಡೆದುಕೊಂಡಿದ್ದ ಉಡುಗೊರೆಗಳ ಒಟ್ಟು ಮೊತ್ತ ಐದು ಕೋಟಿ ದಾಟುತ್ತದೆ!

ಹೀಗೆ ಜಾಕ್ವೆಲಿನ್ ಫರ್ನಾಂಡಿಸ್ ಜೊತೆ ಸಖ್ಯ ಹೊಂದಿರುವ ಸುಕೇಶ್ ಚಂದ್ರಶೇಖರ್ ಸಾಮಾನ್ಯ ಆಸಾಮಿಯೇನಲ್ಲ. ಈಗಿನ್ನೂ ಇಪ್ಪತ್ತೇಳು ವರ್ಷ ವಯಸ್ಸಿನ ಸುಕೇಶ್ ಮುಲತಃ ಬೆಂಗಳೂರಿನವನೇ. ಆರಂಭ ಕಾಲದಿಂದಲೂ ಹಡಬೇ ಕಾಸಿನ ಬೆಂಬಿದ್ದಿದ್ದ ಈತ, ತೀರಾ ಚಿಕ್ಕ ವಯಸ್ಸಿನಲ್ಲಿಯೇ ಅಡ್ಡದಾರಿ ಹಿಡಿದಿದ್ದ. ತನ್ನ ಹದಿನೇಳನೇ ವರ್ಷದಲ್ಲಿಯೇ ನಕಲಿ ಸಹಿ ವಿಚಾರದಲ್ಲಿ ಲಫಡಾ ಮಾಡಿಕೊಂಡು ಜೈಲುಪಾಲಾಗಿದ್ದ. ಆತ ಎಂಥಾ ಚಾಲಾಕಿಯೆಂದರೆ, ಜೈಲಿಂದ ವಾಪಾಸಾದ ಬಳಿಕ, ಸೆಲೆಬ್ರಿಟಿಗಳು ಮತ್ತು ರಾಜಕಾರಣಿಗಳ ನಂಟು ಬೆಳೆಸಿಕೊಂಡು ನಾನಾ ಪ್ರಕಾರಗಳಲ್ಲಿ ಕೋಟಿ ಕೋಟಿ ಮುಂಡಾಯಿಸಿದ್ದ. ನಂತರ ಕದ್ದ ಕಾಸಲ್ಲಿ ದೇಶ ಸುತ್ತುತ್ತಾ ತಲೆಮರೆಸಿಕೊಳ್ಳುತ್ತಿದ್ದ ಸುಕೇಶ್ ಇದೀಗ ಸರಿಯಾಗಿಯೇ ಸಿಕ್ಕಿಕೊಂಡಿದ್ದಾನೆ. ಆತ ಜಾಕ್ವೆಲಿನ್ ಫನಾರ್ಂಡೀಸ್ ಜೊತೆ ಡೇಟಿಂಗಿನಲ್ಲಿದ್ದಾನೆಂದರೆ, ಅವನ ಪ್ರಭಾವ ಎಂಥಾದ್ದಿರಬಹುದೆಂದು ಯಾರಾದರೂ ಊಹಿಸಬಹುದು. ಈತನ ಕಾಸಿಗೆ ಮರುಳಾಗಿ ಹಿಂದೆ ಹೋಗಿದ್ದ ಜಾಕ್ವೆಲಿನ್‌ಗೀಗ ಜೈಲೂಟವೇ ಪಕ್ಕಾ ಆಗಿದ್ದರಿಂದ ಬೇರೆ ಪಟ್ಟು ಪ್ರದರ್ಶಿಸಿದ್ದಾಳೆ.

ಅಷ್ಟಕ್ಕೂ ಹೈಫೈ ಬದುಕಿನ ಮತ್ತೇರಿಸಿಕೊಂಡಿರೋ ನಟಿಯರು ಅಡ್ಡದಾರಿ ಹಿಡಿಯೋದು ಹೊಸತೇನಲ್ಲ. ತಮ್ಮ ಖಯಾಲಿಗಳತ್ತ ವಾಲಿಕೊಳ್ಳುವ ಇಂಥವರು ದಿನವೊಂದಕ್ಕೆ ಲಕ್ಷದ ವರೆಗೂ ಖರ್ಚು ಮಾಡುತ್ತಾರೆ. ಕೆಲ ಸಂದರ್ಭಗಳಲ್ಲಿ ಸಿನಿಮಾ ಅವಕಾಶಗಳೂ ಗೋತಾ ಹೊಡೆದು ಬಿಟ್ಟರೆ, ಕಾಸಿಗೆ ಮತ್ಯಾವ ದಿಕ್ಕೂ ಇರುವುದಿಲ್ಲ. ಹಾಗೆ ಕಂಗೆಟ್ಟು ನಿಂತವರನ್ನು ಬುಟ್ಟಿಗೆ ಹಾಕಿಕೊಳ್ಳಲು ಸುಕೇಶನಂಥಾ ವಂಚಕರು, ಕಾಮುಕರು ಕಾದು ಕೂತಿರುತ್ತಾರೆ. ಕೋಟಿಗಟ್ಟಲೆ ಹಡಬೇ ಕಾಸನ್ನು ನಟಿಯರಿಗೆ ಸುರಿದು ಮಜಾ ಉಡಾಯಿಸೋದು ಸುಕೇಶನಂಥವರ ವಿಕೃತಿ. ಇಂಥವರ ಜಾಲಕ್ಕೆ ಜಾಕ್ವೆಲಿನ್‌ಳಂಥಾ ನಟೀಮಣಿಯರು ಸಲೀಸಾಗಿ ಸಿಲುಕಿಕೊಳ್ಳುತ್ತಾರೆ. ಕೋಟಿ ಕೋಟಿ ಬಾಚಿಕೊಳ್ಳುತ್ತಾರೆ. ವಂಚಕರೊಂದಿಗೆ ಸಿಕ್ಕಿಬೀಳುವ ಭಯ ಶುರುವಾದಾಗ ತಾವೇ ಸಂತ್ರಸ್ತೆಯರಂತೆ ನಟಿಸಲಾರಂಭಿಸುತ್ತಾರೆ. ಅಂಥಾದ್ದೇ ಚಾಲಾಕಿ ವ್ಯಕ್ತಿತ್ವದ ಜಾಕ್ವೆಲಿನ್ ಈಗ ಸುಕೇಶ್ ಪ್ರಕರಣದಲ್ಲಿ ನಿರ್ಣಾಯಕ ಹೆಜ್ಜೆಯಿಟ್ಟಿದ್ದಾಳೆ!

keywords: jacqueline fernandez, sukesh chandrashekhar, bollywood actress

The post Jacqueline Fernandez: ಸೈಕೋ ಸುಕೇಶ್ ಕಾಟದಿಂದ ರೊಚ್ಚಿಗೆದ್ದಳು ಸಖಿ! appeared first on Cini Shodha.

ರಶ್ಮಿಕಾ ಮಂದಣ್ಣ ಮದುವೆಗೆ ಮುಂಚೆಯೇ ಒಂದಷ್ಟು ಪ್ಯಾನಿಂಡಿಯಾ ಮಟ್ಟದ ಸಿನಿಮಾಗಳನ್ನು ಒಪ್ಪಿಕೊಂಡಿದ್ದಳು. ರಶ್ಮಿಕಾ ಕೈಲಿರೋ ಅಷ್ಟೂ ಚಿತ್ರಗಳಿಗಿಂತಲೂ ಮೊದಲು ರಣಬಾಲಿ ಚಿತ್ರ ಚಾಲೂ ಆಗುತ್ತದೆ ಎಂಬಂತೆ ಸುದ್ದಿಗಳು ಹಬ್ಬಿಕೊಂಡಿದ್ದವು. ಆದರೆ, ಮದುವೆ ನಂತರದಲ್ಲಿ ರಶ್ಮಿಕಾ ತಿಂಗಳುಗಟ್ಟಲೆ ಚಿತ್ರೀಕರಣದತ್ತ ಮುಖ ಹಾಕೋದು ಡೌಟು ಅಂತಲೇ ಬಹುತೇಕರು ಅಂದುಕೊಂಡಿದ್ದರು. ಅಚ್ಚರಿಯೆಂಬಂತೆ, ರಶ್ಮಿಕಾ ಬಹುಬೇಗನೆ ಚಿತ್ರೀಕರಣದ ಅಖಾಡಕ್ಕಿಳಿದಾಗಿದೆ. ಹಾಗಂತ ಆಕೆ ಶುರುವಿಟ್ಟುಕೊಂಡಿರೋದು ರಣಬಾಲಿ ಚಿತ್ರೀಕರಣವಲ್ಲ; ಮೈಸಾ ಚಿತ್ರದ ಶೂಟಿಂಗ್ ಇದೀಗ ಶುರುವಾಗಿದೆ!

ಮೈಸಾ ರವೀಂದ್ರ ಪುಲ್ಲೆ ನಿರ್ದೇಶನದಲ್ಲಿ ಮೂಡಿ ಬರಲಿರುವ ಚಿತ್ರ. ಮರುಭೂಮಿಯ ಪ್ರದೇಶದಲ್ಲಿ ಇದೀಗ ಚಿತ್ರೀಕರಣ ನಡೆಯುತ್ತಿದೆ. ಇದರ ಫೋಟೋವೊಂದನ್ನು ರಶ್ಮಿಕಾ ಹಂಚಿಕೊಂಡಿದ್ದಾಳೆ. ಅದರಲ್ಲಿ ಕಿರಿಕ್ ಹುಡುಗಿ ಕಾಣಿಸಿಕೊಂಡಿರುವ ಗೆಟಪ್ಪು ಕಂಡವರೆಲ್ಲ ಅಕ್ಷರಶಃ ಥ್ರಿಲ್ ಆಗಿದ್ದಾರೆ. ಮೈಸಾ ಈ ವರ್ಷದ ಬಹುನಿರೀಕ್ಷಿತ ಚಿತ್ರಗಳ ಸಾಲಿನಲ್ಲಿ ಈಗಾಗಲೇ ಜಾಗ ಪಡೆದುಕೊಂಡಿದೆ. ಈ ಸಿನಿಮಾದಲ್ಲಿ ರಶ್ಮಿಕಾ ಮಂದಣ್ಣ ಈ ಹಿಂದೆ ಎಂದೂ ಮಾಡಿರದಂಥಾ ಪಾತ್ರವೊಂದಕ್ಕೆ ಜೀವ ತುಂಬಿರೋದು ಈಗಾಗಲೇ ಸ್ಪಷ್ಟವಾಗಿದೆ. ಹಾಗೆ ನೋಡಿದರೆ, ಸಿನಿಮಾ ಆಯ್ಕೆಗಳ ವಿಚಾರದಲ್ಲಿ ರಶ್ಮಿಕಾ ಭಲೇ ಬುದ್ಧಿವಂತೆ. ಒಂದು ಸಿನಿಮಾ ಒಪ್ಪಿಕೊಂಡ ಮೇಲೆ ಅದಕ್ಕೆ ಸಮರ್ಪಿಸಿಕೊಳ್ಳೋ ಗುಣವೂ ಆಕೆಯಲ್ಲಿದೆ. ಅದಿಲ್ಲದಿದ್ದರೆ, ಮದುವೆ ಸಂಭ್ರಮದ ನಡುವೆಯೂ ಚಿತ್ರೀಕರಣಕ್ಕೆ ಹಾಜರಾಗುತ್ತಿರಲಿಲ್ಲ. ಇಂಥಾ ಹಾರ್ಡ್‌ವರ್ಕ್ ಇಲ್ಲದೆ ಒಂಬತ್ತು ವರ್ಷಗಳಲ್ಲಿ ಈ ಪರಿಯ ಗೆಲುವು ದಕ್ಕಲೂ ಸಾಧ್ಯವಿರುತ್ತಿರಲಿಲ್ಲ!

keywords: mysaa movie, rashmika mandanna, bollywood

The post Rashmika Mandanna: ಮದುವೆ ನಂತರ ಮಾಸ್ ಅವತಾರ! appeared first on Cini Shodha.

ಎಲ್ಲವೂ ಸೂಸೂತ್ರವಾಗಿ ಮುಂದುವರೆದಿದ್ದರೆ, ಈ ಹೊತ್ತಿಗೆಲ್ಲ ದೀಪಿಕಾ ಮತ್ತೊಂದಷ್ಟು ದೊಡ್ಡ ಗೆಲುವುಗಳೊಂದಿಗೆ ಮಿಂಚುತ್ತಿದ್ದಳು. ಆಕೆಯ ಕೈಯಲ್ಲಿ ಪ್ಯಾನಿಂಡಿಯಾ ಸಿನಿಮಾಗಳ ದೊಡ್ಡ ಪಟ್ಟಿಯೇ ಲಕಲಕಿಸುತ್ತಿತ್ತು. ಆದರೀಗ ಪದೇ ಪದೆ ದೀಪಿಕಾ ಪಡುಕೋಣೆ ದೊಡ್ಡ ಸಿನಿಮಾಗಳ ಅವಕಾಶ ಕೈತಪ್ಪಿಸಿಕೊಂಡ ಸುದ್ದಿಗಳೇ ಬಂದೆರಗಲಾರಂಭಿಸಿವೆ. ಆರಂಭದಲ್ಲಿ ಪ್ರಭಾಸ್ ನಟನೆಯ ಕಲ್ಕಿ ಚಿತ್ರಕ್ಕೆ ದೀಪಿಕಾ ನಾಯಕಿಯೆಂದು ಗುಲ್ಲೆದ್ದಿತ್ತು. ಆ ನಂತರದಲ್ಲಿ ಆ ಸಿನಿಮಾದಿಂದ ದೀಪಿಕಾ ಹೊರ ಬಂದ ಬಗ್ಗೆ ಸುದ್ದಿ ಜಾಹೀರಾಗಿತ್ತು. ಆ ಬಳಿಕ ಸ್ಪಿರಿಟ್ ಚಿತ್ರಕ್ಕೂ ದೀಪಿಕಾ ನಾಯಕಿ ಎಂಬಂಥಾ ಸುದ್ದಿ ಹಬ್ಬಿತ್ತಾದರೂ ಅದೂ ಸುಳ್ಳಾಗಿತ್ತು.

ಇದೀಗ ಹಾಲಿವುಡ್ಡಿನ ವೆಬ್ ಸೀರೀಸ್ ಒಂದಕ್ಕೂ ದೀಪಿಕಾ ಪಡುಕೋಣೆ ಒಲ್ಲೆ ಎಂದಿರೋ ಸುದ್ದಿ ಹೊರಬಿದ್ದಿದೆ. ಹಾಗಾದರೆ, ದೀಪಿಕಾ ಹೀಗೆ ವೃತ್ತಿ ಬದುಕಿಗೆ ಮುಳುವಾಗುವಂಥಾ ನಿರ್ಧಾರಗಳನ್ನು ಕೈಗೊಳ್ಳುತ್ತಿರೋದೇಕೆ? ಎಂಬ ಪ್ರಶ್ನೆ ಸಹಜವಾಗಿಯೇ ಕಾಡುತ್ತದೆ. ಅದಕ್ಕುತ್ತರವಾಗಿ ಕಾಣಿಸೋದು ಆಕೆಯ ಕಂಕುಳಲ್ಲಿರುವ ಪುಟ್ಟ ಕೂಸು. ದೀಪಿಕಾ ತನ್ನ ಮಗುವಿನ ಲಾಲನೆ ಪಾಲನೆಯಲ್ಲಿ ಬ್ಯುಸಿಯಾಗಿದ್ದಾಳೆ. ಈ ಕಾರಣದಿಂದ ಯಾವ ಅವಕಾಶ ಬಂದರೂ ಕೂಡಾ ಇಂತಿಷ್ಟು ಗಂಟೆಗಳ ಕಾಲ ಮಾತ್ರವೇ ಚಿತ್ರೀಕರಣದಲ್ಲಿ ಭಾಗಿಯಾಗುವ ಷರತ್ತು ಹಾಕುತ್ತಿದ್ದಾಳೆ. ಬಿಗ್ ಬಜೆಟ್ಟಿನ ಸಿನಿಮಾಗಳ ಸಮಯಕ್ಕೂ, ದೀಪಿಕಾ ಸಮಯಕ್ಕೂ ಹೊಂದಾಣಿಕೆಯಾಗದೆ ಇದುವರೆಗೂ ಮೂರ್ನಾಲಕ್ಕು ಸಿನಿಮಾ ಅವಕಾಶ ಕೈತಪ್ಪುವಂತಾಗಿದೆ. ಈಕೆ ಸಾಂಸಾರಿಕ ಜಂಜಡದಲ್ಲಿಯೇ ಕಳೆದು ಹೋಗುತ್ತಾಳಾ ಅಥವಾ ಇಷ್ಟರಲ್ಲೇ ಮತ್ತೆ ಫಾರ್ಮಿಗೆ ಮರಳುತ್ತಾಳಾ ಎಂಬಂಥಾ ಆತಂಕವೀಗ ಅಭಿಮಾನಿಗಳನ್ನು ಕಾಡಲಾರಂಭಿಸಿದೆ.

keywords: deepika padukone, bollywood, actress life

The post Deepika Padukone: ಪಡುಕೋಣೆಯ ಪಡಿಪಾಟಲಿಗೆ ಕಂಕುಳಲ್ಲಿರೋ ಮಗು ಕಾರಣ! appeared first on Cini Shodha.

ಈ ಕಾರಣದಿಂದಲೇ ಬೆಂಗಳೂರೂ ಸೇರಿದಂತೆ ನಾನಾ ಭಾಗಗಳಲ್ಲಿ ಬಲಾಢ್ಯರು ಕಾನೂನಿನ ಕಣ್ಣಿಗೆ ಮಣ್ಣೆರಚಿ ರೇವ್ ಪಾರ್ಟಿಗಳನ್ನು ನಡೆಸುತ್ತಾರೆ. ಅದೊಂಥರಾ ಹಾದರದ ಜಾತ್ರೆಯಿದ್ದಂತೆ. ಇಂಥಾ ರೇವ್ ಪಾರ್ಟಿಗಳ ಎಂಟ್ರಿ ಫೀಸು ಒಬ್ಬೊಬ್ಬರಿಗೆ ಲಕ್ಷದ ಮೇಲಿರುತ್ತೆ. ಒಂದು ಲಕ್ಷದ ಲೆಕ್ಕ ಹಿಡಿದರೂ ನೂರು ಮಂದಿಗೆ ಭರ್ತಿ ಒಂದು ಕೋಟಿಯಾಗುತ್ತೆ. ಹಾಗಂತ ಒಟ್ಟಾರೆ ಕಮಾಯಿಯ ಬಾಬತ್ತು ಇಷ್ಟು ಮಾತ್ರವಲ್ಲ. ರೊಕ್ಕಸ್ತರು ಆಯೋಜಿಸೋ ವ್ಯವಸ್ಥಿತ ರೇವ್ ಪಾರ್ಟಿಗಳ ಎಂಟ್ರಿ ಫೀಸು ಒಬ್ಬರಿಗೆ ಐವತ್ತು ಲಕ್ಷ ಇರೋದೂ ಇದೆ. ಹಾಗಾದ್ರೆ, ಈ ಸಿನಿಮಾ ಮಂದಿ, ರಾಜಕಾರಣಿಗಳ ಮಕ್ಕಳು ರೇವ್ ಪಾರ್ಟಿ ಅಂದ್ರೆ ಯಾಕೆ ಥ್ರಿಲ್ ಆಗ್ತಾರೆ? ಅದು ಕೇವಲ ನಶೆಯ ಮೋಹವಾ ಅಂತೆಲ್ಲ ಹುಡುಕಹೋದರೆ, ರೇವ್ ಪಾರ್ಟಿಗಳ ಮಂದ ಬೆಳಕಿನಲ್ಲೊಂದು ಭಯಾನಕ ಲೋಕವೇ ತೆರೆದುಕೊಳ್ಳುತ್ತೆ.

ರೇವ್ ಪಾರ್ಟಿಯ ಮೂಲ ಆಕರ್ಷಣೆ ಸ್ವೇಚ್ಛಾಚಾರ. ಅಲ್ಲಿ ಬೇರೆಲ್ಲೂ ಸಲೀಸಾಗಿ ಸಿಗದ ಅನಾಹುತಕಾರಿ ಡ್ರಗ್ಸ್ ಸಲೀಸಾಗಿ ಸಿಕ್ಕಿ ಬಿಡುತ್ತೆ. ಅದಕ್ಕೂ ಮೃಗೀಯ ಕಾಮಕ್ಕೂ ನೇರಾನೇರ ಕನೆಕ್ಷನ್ನುಗಳಿವೆ. ಅದು ಎಂಡಿಎಂಎ ಡ್ರಗ್ಸ್ ಕಂಟೆಂಟ್. ಸುದೀರ್ಘ ಕಾಲ ಅಕ್ಷರಶಃ ಮೃಗಳಿಗಿಂತಲೂ ಕಡೆಯಾಗಿ ಮೈಥುನದಲ್ಲಿ ಪಾಲ್ಗೊಳ್ಳೋ ಶಕ್ತಿಯನ್ನು ಆ ಡ್ರಗ್ಸ್ ಕರುಣಿಸುತ್ತೆ. ಅದ್ಯಾವ ಪರಿಯ ಉತ್ತೇಜಕ ಅಂದ್ರೆ, ಅದನ್ನ ಸೇವಿಸಿದವರು ದೇಹದ ಉಷ್ಣಾಂಶ ಹೆಚ್ಚಾಗಿ, ಹೃದಯಬಡಿತ ದುಪ್ಪಟ್ಟಾಗಿ ಸತ್ತುಹೋಗಬಹುದು. ಕಾಮಕೇಳಿಯಲ್ಲಿ ಪಾಲ್ಗೊಳ್ಳುವ ಇಬ್ಬರೂ ಅದನ್ನು ಸೇವಿಸಿದ್ದರೆ ಅಡ್ಡಿಯಿಲ್ಲ. ಒಂದು ವೇಳೆ ಇದನ್ನ ಸೇವಿಸಿದಾತ, ಎಂಡಿಎಂಎ ತೆಗೆದುಕೊಳ್ಳದೆ ಹೆಣ್ಣಿನ ಮೇಲೆರಗಿದರೆ ಆಕೆ ಬದುಕುಳಿಯೋದೇ ಡೌಟು!

Nishvika Naidu: ಮಾರ್ಕ್ ಮೂಲಕ ಖುಲಾಯಿಸಿತಾ ಅದೃಷ್ಟ?

ಈ ಮಾತ್ರೆ ಸೇವಿಸಿ ಕೆನೆಯುವವರಿಗೆಂದೇ ರೇವ್ ಪಾರ್ಟಿಯಲ್ಲಿ ಚಿಲ್ ರೂಂಗಳನ್ನು ಸೃಷ್ಟಿಸಲಾಗಿರುತ್ತೆ. ಅದರೊಳಗೆ ಅಹೋರಾತ್ರಿ ಮತ್ತೇರಿಸಿಕೊಂಡು ಕೆನೆಯುವವರಿದ್ದಾರೆ. ಈ ರೂಮಿನಲ್ಲೇ ದುರಂತ ಸಾವಿಗೀಡಾದವರೂ ಇದ್ದಾರೆ. ಡ್ರಗ್ಸ್, ಸೆಕ್ಸ್ ಯಾವುದೇ ಇದ್ದರೂ ಅದರ ಮೋಹ ಅತಿಯಾದ್ರೆ ನೆಕ್ಸ್ಟ್ ಲೆವೆಲ್ಲಿನ ಮಜಾ ಬೇಡುತ್ತವೆ. ರೇವಣ್ಣನ ಮಗ ಪ್ರಜ್ವಲ್ ಕೂಡಾ ಅಂಥಾ ಸ್ಥಿತಿ ತಲುಪಿಕೊಂಡಿದ್ದನೆಂಬ ಮಾತಿದೆ. ಅಂಥಾ ಸ್ಥಿತಿ ತಲುಪಿರುವ ಕೆಲ ಸಿನಿಮಾ, ಕಿರುತೆರೆ ನಟಿಯರು ರೇವ್ ಪಾರ್ಟಿಗಳ ಮೋಹ ಮೆತ್ತಿಕೊಂಡಿರ್ತಾರೆ. ಅದೊಂದು ರೀತಿಯ ಹೈಟೆಕ್ ವ್ಯಭಿಚಾರ. ಅದರೊಳಗೆ ನಡೆಯೋದು ಪಕ್ಕಾ ದಂಧೆ. ಅದೆಷ್ಟೋ ನಟಿಯರು ರೇವ್ ಪಾರ್ಟಿಗಳನ್ನೇ ಫುಲ್ ಟೈಂ ಕಸುಬಾಗಿಸಿಕೊಂಡಿದ್ದಾರೆ. ಅಂಥವರ ಮೇಲಿನ ಮೋಹದಿಂದಲೇ ಹಣವಂತರು, ರಾಜಕಾರಣಿಗಳ ಬೀಡಾಡಿ ಮಕ್ಕಳು ಅಲ್ಲಿ ಗುಡ್ಡೆಬಿದ್ದಿರ್ತಾರೆ. ಸದ್ಯಕ್ಕೆ ಸಿಸಿಬಿ ಪೊಲೀಸರು ಆ ದುಷ್ಟ ದಂಧೆಯ ಎದೆಗೆ ಬೂಟುಗಾಲಿಟ್ಟಿದ್ದಾರೆ. ಅದನ್ನು ಸಂಪೂರ್ಣವಾಗಿ ಕಿತ್ತೆಸೆದರೆ ಐಟಿ ಸಿಟಿಯ ಮರ್ಯಾದೆ ಉಳಿಯಬಹುದೇನೋ…

keywords: drugs, party, bangalore, rave party, sandalwood, sandalwood, drugs case

The post Dangerous Drugs Mafia: ಅಲ್ಲಿ ಸಿಗುವ ಡೇಂಜರಸ್ ಡ್ರಗ್ಸ್ ಯಾವುದು ಗೊತ್ತಾ? appeared first on Cini Shodha.

ಇಲ್ಲಿ ಒಂದೆರಡು ಸೋಲುಗಳೆದುರಾದರೂ ಅಂಥವರನ್ನು ಐರನ್ ಲೆಗ್ ಅಂತೆಲ್ಲ ಮೂದಲಿಸಲಾಗುತ್ತೆ. ನಾಯಕ ನಟರು ಇಂಥಾ ಮೌಢ್ಯದಿಂದ ಹೇಗೋ ಬಚಾವಾಗುತ್ತಾರೆ. ಆದರೆ, ಅದರ ನೇರ ಪರಿಣಾಮವಾಗುತ್ತಿರೋದು ನಟಿಯರ ಮೇಲೆ. ಇದೆಲ್ಲವನ್ನೂ ಹೇಳಲು ಕಾರಣವಾಗಿರೋದು ಮಂಗಳೂರು ಹುಡುಗಿ ಪೂಜಾ ಹೆಗ್ಡೆ ಈವತ್ತಿಗೆ ತಲುಪಿಕೊಂಡಿರುವ ಹೀನಾಯ ಸ್ಥಿತಿ. ಆಕೆ ಈಗೊಂದಷ್ಟು ವರ್ಷಗಳಿಂದ ನಟಿಸಿದ ಚಿತ್ರಗಳೆಲ್ಲ ಸೋಲು ಕಂಡು ಕಂಗಾಲಾಗಿದ್ದಾಳೆ. ಈ ಕಾರಣದಿಂದಲೇ ಕಳೆದೊಂದು ವರ್ಷದಿಂದ ಅವಕಾಶಗಳಿಲ್ಲದೆ ಪರಿತಪಿಸುವಂತಾಗಿದೆ. ಒಂದಷ್ಟು ಸಿನಿಮಾಗಳಲ್ಲಿ ಪೂಜಾ ನಾಯಕಿ ಅಂತ ಆರಂಭದಲ್ಲಿ ಸುದ್ದಿಯಾದರೂ ಕೂಡಾ ಕಡೇ ಕ್ಷಣದಲ್ಲಿ ಅವಕಾಶ ಕೈತಪ್ಪುತ್ತಿದೆ. ಇದೀಗ ಮಲೆಯಾಳಂ ಚಿತ್ರದಲ್ಲೂ ಪೂಜಾಗೆ ಅಂಥಾದ್ದೇ ಆಘಾತ ಎದುರಾಗಿದೆ.

ಪೂಜಾ ಹೆಗ್ಡೆ ದುಲ್ಕರ್ ಸಲ್ಮಾನ್ ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾಳೆಂಬ ಸುದ್ದಿಯೊಂದು ಇತ್ತೀಚೆಗೆ ಹರಿದಾಡಿತ್ತು. ಆದರೆ, ಅದರ ಬೆನ್ನಲ್ಲಿಯೇ ಆಕೆ ಆ ಸಿನಿಮಾದಿಂದಲೂ ಹೊರ ಬಂದಿದ್ದಾಳೆ. ಅದಕ್ಕೇನು ಕಾರಣ ಅಂತ ಹುಡುಕ ಹೋದರೆ, ಎದುರಾಗೋದು ಮತ್ತದೇ ಮೌಢ್ಯ. ಪೂಜಾಳನ್ನು ನಾಯಕಿಯನ್ನಗಿಸಿಕೊಂಡು ಸಿನಿಮಾ ಮಾಡಿದರೆ ಬರಖತ್ತಾಗೋದಿಲ್ಲ ಎಂಬ ಭಯದಿಂದಲೇ ಚಿತ್ರತಂಡ ಪೂಜಾಗೆ ದೋಖಾ ಮಾಡಿದೆ ಎಂಬ ಮಾತುಗಳು ಕೇಳಿ ಬರುತ್ತಿವೆ. ಇದು ನಿಜವೇ ಆಗಿದ್ದರೆ, ಮಲೆಯಾಳಂ ಚಿತ್ರರಂಗದ ಮಂದಿಗೆ ಮೂರ್ಖರೆಂದೇ ಅರ್ಥ. ಪೂಜಾ ಈ ಹಿಂದೆ ನಟಿಸಿದ್ದ ಸಿನಿಮಾಗಳು ಸೋಲಲು ಸಾವಿರ ಕಾರಣಗಳಿದ್ದಾವೆ. ಆಕೆಯ ಭಾಗವನ್ನು ಪೂಜಾ ಅಚ್ಚುಕಟ್ಟಾಗಿಯೇ ನಿರ್ವಹಿಸಿದ್ದಾಳೆ. ಹಾಗಿದ್ದರೂ ಸಿನಿಮಾ ಸೋಲಿಗೆ ಪೂಜಾಳನ್ನು ಮಾತ್ರವೇಧ ಹೊಣೆಯಾಗಿಸೋದು ವಿಕೃತಿಯಲ್ಲದೆ ಬೇರೇನೂ ಅಲ್ಲ.

The post pooja hegde: ಸೋಲಿಗೆ ನಾಯಕಿ ಕಾರಣವೆಂಬ ಕಾಯಿಲೆ! appeared first on Cini Shodha.

ಪವನ್ ಕಲ್ಯಾಣ್ ನಾಯಕನಾಗಿ ನಟಿಸಿರೋ ಓಜಿ ಚಿತ್ರದಲ್ಲಿ ಘಟಾನುಘಟಿ ಕಲಾವಿದರು ನಟಿಸಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ಒಂದಷ್ಟು ಸದ್ದು ಮಾಡುತ್ತಿರುವ ಪ್ರಿಯಾಂಕಾ ಮೋಹನ್ ಕೂಡಾ ಪ್ರಧಾನ ಪಾತ್ರವೊಂದಕ್ಕೆ ಜೀವ ತುಂಬಿದ್ದಾರೆ. ಇದೀಗ ಆಕೆಯ ಫಸ್ಟ್ ಲುಕ್ ಪೋಸ್ಟರ್ ಒಂದು ಬಿಡುಗಡೆಗೊಂಡಿದೆ. ಅದರ ಬೆನ್ನಲ್ಲಿಯೇ ಪ್ರಿಯಾಂಕಾ ನಿರ್ವಹಿಸಿರುವ ಪಾತ್ರದ ಬಗ್ಗೆ ಒಂದಷ್ಟು ಮಾಹಿತಿಗಳನ್ನು ಚಿತ್ರತಂಡ ಹಂಚಿಕೊಂಡಿದೆ. ಅದರನ್ವಯ ಹೇಳೋದಾದರೆ, ಪ್ರಿಯಾಂಕಾ ಮೋಹನ್‌ರ ವೃತ್ತಿ ಬದುಕು ಓಜಿ ಮೂಲಕ ಮತ್ತೊಂದು ಘಟ್ಟದತ್ತ ಹೊರಳಿಕೊಳ್ಳುವ ಸಾಧ್ಯತೆಗಳು ದಟ್ಟವಾಗಿರುವಂತೆ ಭಾಸವಾಗುತ್ತದೆ.

ಪ್ರಿಯಾಂಕಾ ಮೋಹನ್ ಈ ಸಿನಿಮಾದಲ್ಲಿ ನಟಿಸಿತ್ತಿದ್ದಾರೆಂಬ ಸುದ್ದಿ ಆರಂಭದಲ್ಲಿಯೇ ಕೇಳಿ ಬಂದಿತ್ತು. ಆದರೆ ಅದರ ಸುತ್ತ ಹೇಳಿಕೊಳ್ಳುವಂಥಾ ಚರ್ಚೆಗಳೇನೂ ಆಗಿರಲಿಲ್ಲ. ಇಲ್ಲಿ ಪ್ರಿಯಾಂಕಾಗೆ ಅತ್ಯಂತ ಮಹತ್ವದ ಪಾತ್ರ ಸಿಕ್ಕಿದೆಯಂತೆ. ಆ ಪಾತ್ರದಿಂದಾಗಿ ರೋಮಾಂಚಕ ಟ್ವಿಸ್ಟುಗಳು ಸೃಷ್ಟಿಯಾಗುತ್ತವೆಂದೂ ಚಿತ್ರತಂಡ ಹೇಳಿಕೊಂಡಿದೆ. ವಿಶೇಷವೆಂದರೆ, ಹೀಗೆ ಓಜಿ ಮೂಲಕ ಸದ್ದು ಮಾಡುತ್ತಿರುವ ಪ್ರಿಯಾಂಕಾ ಮೋಹನ್ ಕನ್ನಡ ಸಿನಿಮಾ ಮೂಲಕವೇ ಪೂರ್ಣ ಪ್ರಮಾಣದ ನಾಯಕಿಯಾಗಿದ್ದವರು. ಒಂದು ಕಥೆ ಹೇಳ್ಲಾ ಎಂಬ ಸಿನಿಮಾದಲ್ಲಿ ನಟಿಸುವ ಮೂಲಕ ಆಕೆ ಗಮನ ಸೆಳೆದಿದ್ದರು. ಆ ನಂತರ ತಮಿಳು ತೆಲುಗಿನಲ್ಲಿ ಒಂದಷ್ಟು ಸಿನಿಮಾಗಳಲ್ಲಿ ನಟಿಸಿದ್ದ ಪ್ರಿಯಾಂಕಾಗೆ ಓಜಿ ಮೂಲಕ ದೊಡ್ಡ ಬ್ರೇಕ್ ಸಿಗುವ ನಿರೀಕ್ಷೆಗಳೆದ್ದಿವೆ.

The post priyanka mohan: ಪ್ರಿಯಾಂಕಾ ಮೋಹನ್‌ರದ್ದು ಭಾವುಕ ಪಾತ್ರ! appeared first on Cini Shodha.

ಅದೆಂಥಾ ದುಷ್ಟರೇ ಆಗಿದ್ದರೂ ಇಂಥಾ ಅನಾಹುತದ ಪರಿಣಾಮವೊಂದರ ಅಂಚಿನಲ್ಲಿ ನಿಂತಾದ ಪಶ್ಚಾತ್ತಾಪದಿಂದ ಮನಸು ಮುರುಟುತ್ತೆ. ಆದರೆ, ಈ ಪವಿತ್ರಾ ಗೌಡಳ ಮನಸಲ್ಲಿ ಅಂಥಾ ಮನುಷ್ಯತ್ವಕ್ಕೆ ಒಂದಿನಿತೂ ಜಾಗವಿದ್ದಂತಿಲ್ಲ. ಆರಂಭದಲ್ಲಿ ಜೈಲಿಗೆ ಹೋದಲ್ಲಿಂದ ಹಿಡಿದು, ಇದೀಗ ಮತ್ತೆ ಜೈಲುಪಾಲಾಗುವವರೆಗೂ ಈಕೆಯ ದುರಹಂಕಾರ ತುಸುವೂ ತಗ್ಗಿದಂತಿಲ್ಲ. ಅದೇನೋ ಸಾಧಿಸಿದವಳಂತೆ ಮೆರೆಯುತ್ತಾ ಬಂದಿರುವ ಈಕೆಗೆ ಬೇಲ್ ಮೇಲೆ ಹೊರ ಬಂದ ನಂತರದ ಶೋಕಿಗಳೇ ಮುಳುವಾಗಿವೆ. ಅದಕ್ಕೆ ಸರಿಯಾಗಿ ದರ್ಶನ್ ಕೂಡಾ ಒಳಗಿಂದೊಳಗೇ ಅಂಥಾ ಒಂದಷ್ಟು ಯಡವಟ್ಟು ಮಾಡಿಕೊಂಡಿದ್ದನಲ್ಲಾ? ಎಲ್ಲವೂ ಸೇರಿ ಇಡೀ ಪಟಾಲಮ್ಮೇ ಜೈಲುಪಾಲಾಗಿದೆ.

ಪವಿತ್ರಾ ಗೌಡ ಅದೆಂಥಾ ಅವಿವೇಕಿ ಎಂದರೆ, ಬೇಲ್ ಮೂಲಕ ಹೊರ ಬಂದವಳೇ ಮಾವನ ಮನೆಯಿಂದ ವಾಪಾಸಾದಷ್ಟೇ ನಿರಾಳವಾಗಿ ಬದುಕಲಾರಂಭಿಸಿದ್ದಳು. ಆಕೆಗೆ ಇನ್ನು ಜೈಲಿಗೆ ಹೋಗೋದಿಲ್ಲ ಎಂಬಂಥಾ ನಂಬಿಕೆಯಿತ್ತಾ? ಅದು ಇಷ್ಟು ವರ್ಷಗಳ ಕಾಲ ಬದುಕಿದ ಭಂಡ ಬಾಳು ಕರುಣಿಸಿದ ಸ್ವಭಾವವಾ ಗೊತ್ತಿಲ್ಲ. ಪವಿತ್ರಾ ಮತ್ತೆ ತನ್ನ ಉದ್ಯಮಕ್ಕೆ ಮರಳಿದಂತೆ ಪೋಸು ಕೊಡಲಾರಂಭಿಸಿದ್ದಳು. ಲಕಲಕಿಸುತ್ತಾ ಫೋಟೋ ಶೂಟ್ ಮಾಡಿಸಿಕೊಳ್ಳುವ ಮೂಲಕ ಅಹಮ್ಮಿಕೆ ಪ್ರದರ್ಶಿಸಿದ್ದಳು. ತಪ್ಪೆಸಗಿದವರಿಗೆ ಇಷ್ಟರ ಮಟ್ಟಿಗೆ ತಿಮಿರಿರೋದನ್ನು ನ್ಯಾಯ ವ್ಯವಸ್ಥೆ ಗಮನಿಸದಿರಲು ಸಾಧ್ಯವೇ? ಈವತ್ತಿಗೆ ದರ್ಶನ್ ಮತ್ತೆ ಜೈಲು ಸೇರಿರೋದರ ಹಿಂದೆ ಇಂಥಾ ಅನೇಕ ಸೂಕ್ಷ್ಮಗಳಿದ್ದಾವೆ. ಸರ್ಕಾರದ ಪರ ವಕೀಲರಿಗೆ ವಾದಿಸಲು ಬೇಕಾದ ಅಷ್ಟೂ ಸರಕುಗಳನ್ನು ಪವಿತ್ರಾಳೇ ಖುದ್ದಾಗಿ ಸೃಷ್ಟಿಸಿ ಕೊಟ್ಟಂತಾಗಿದೆ!

ಯಾರು ಏನಾದರೂ ಅಂದುಕೊಳ್ಳಲಿ, ಯಾರ ಬದುಕಾದರೂ ಹಡಾಲೇದ್ದು ಹೋಗಲಿ; ತಾನು ಮಾತ್ರ ಹೈಫೈ ಬದುಕು ನಡೆಸಬೇಕೆಂಬ ಮನಃಸ್ಥಿತಿ ಪವಿತ್ರಾಳದ್ದು. ಆಕೆ ಜೀವದಂತೆ ಹಚ್ಚಿಕೊಂಡು ಪ್ರೀತಿಸಿ ಮದುವೆಯಾಗಿದ್ದ ಪತಿಯೇ ಕೈಯೆತ್ತಿದ್ದರ ಹಿಂದೆಯೂ ಅಂಥಾ ಮನಃಸ್ಥಿತಿಯ ಕಿಸುರಿದೆ. ದರ್ಶನ್ ಥರದ ಆನೆಯನ್ನು ನಾಜೂಕಾಗಿ ಪಳಗಿಸಿಕೊಂಡು, ಆತನ ಮನದನ್ನೆಯಾಗಿದ್ದರ ಹಿಂದೆಯೂ ಹೈಫೈ ಬದುಕಿನ ಆಕಾಂಕ್ಷೆಯೇ ಪ್ರಧಾನವಾಗಿರುವಂತೆ ಕಾಣಿಸುತ್ತದೆ. ದುರಂತವೆಂದರೆ ಮದವೇರಿ ತೊನೆಯುತ್ತಿದ್ದ ದಾಸನಿಗೆ ಇಂಥಾ ಸೂಕ್ಷ್ಮಗಳನ್ನು ಅರ್ಥ ಮಾಡಿಕೊಳ್ಳುವ ಮನಃಸ್ಥಿತಿ ಇರಲಿಲ್ಲ. ಬಹುಶಃ ತನಗೆ ಆಶ್ಲೀಲವಾಗಿ ಮೆಸೇಜು ಬಿಟ್ಟವನ ಹನನ ಮಾಡಿದ ಶಕ್ತಿ ತಾನೆಂಬ ಭ್ರಮೆ ಪವಿತ್ರಾಗಿದ್ದರೂ ಇದ್ದೀತು. ಹಾಗೊಂದು ವೇಳೆ ಸೋಶಿಯಲ್ ಮೀಡಿಯಾದಲ್ಲಿ ಅಶ್ಲೀಲ ಮ ಎಸೇಜು ಬಿಡುವವರನ್ನೆಲ್ಲ ಕೊಂದು ಕೆಡವಿದರೆ, ಬೀಳೋ ಹೆಣಗಳ ರಾಶಿಯಲ್ಲಿ ದರ್ಶನ್ ವೀರಾಭಿಮಾನಿಗಳದ್ದೇ ಮೆಜಾರಿಟಿ ಇರುತ್ತೆ. ಒಟ್ಟಾರೆಯಾಗಿ ಪವಿತ್ರಾಳ ಮೋಹದ ಬಲೆಗೆ ಸಿಕ್ಕ ದರ್ಶನ್ ಬಂಧಿಯಾಗಿದ್ದಾನೆ. ಓರ್ವ ಸ್ಟಾರ್ ನಟನಾಗಿ ಆತನ ಘನತೆ, ಗೌರವಗಳು ಅಕ್ಷರಶಃ ಮಣ್ಣುಪಾಲಾಗಿ ಬಿಟ್ಟಿವೆ!

The post pavithra gowda: ಹೈಫೈ ಬದುಕಿನಾಸೆಗೆ ಆನೆಯನ್ನೇ ಪಳಗಿಸಿದ್ದಳು ಪವಿತ್ರಾ! appeared first on Cini Shodha.

ಕನ್ನಡವೂ ಸೇರಿದಂತೆ ನಾನಾ ಭಾಷೆಗಳ ಸಿನಿಮಾ ರಂಗದಲ್ಲಿ ಪ್ರಸಿದ್ಧಿ ಪಡೆದಿದ್ದಾಕೆ ಶೆಪಾಲಿ. ಹಾಡೊಂದರ ಮೂಲಕ ಕರುನಾಡ ಸಿನಿಮಾ ಪ್ರೇಮಿಗಳಿಗೂ ಹಿಡಿಸಿದ್ದ ನಟಿಯೀಕೆ. ಶೆಫಾಲಿಗೆ ಸಹಜವಾಗಿಯೇ ಭಾರತೀಯ ಚಿತ್ರರಂಗದಲ್ಲಿ ತಾರೆಯಾಗಿ ಮೆರೆಯಬೇಕೆಂಬ ಆಸೆಯಿತ್ತು. ಅದಕ್ಕಾಗಿ ಪ್ರಯತ್ನಿಸಿದ್ದ ಆಕೆಗೆ ಹೇಳಿಕೊಳ್ಳುವಂಥಾ ಗೆಲುವು ದಕ್ಕಿರಲಿಲ್ಲ. ಅನಿವಾರ್ಯವಾಗಿ ಮದುವೆಯ ಬಂಧನಕ್ಕೀಡಾಗಿದ್ದ ಶೆಫಾಲಿಗೆ ವಯಸ್ಸಾಗುತ್ತಲೇ ಮುಪ್ಪಡರಿ, ತನ್ನ ಯೌವನ ಹಾಳಾಗುವ ಅಗೋಚರ ಭಯವೊಂದು ಕಾಡಲಾರಂಭಿಸಿತ್ತೇನೋ… ತೀರಾ ಸೌಂದರ್ಯ ಪ್ರಜ್ಞೆ ಹೊಂದಿದ್ದ ಶೆಫಾಲಿ ಯೌವನ ನಿಗಿನಿಸುವಂತೆ ಮಾಡಲು ಮೊರೆ ಹೋದದ್ದು ಆಚಿಟಿ ಏಜಿಂಗ್ ಡ್ರಗ್ಸ್ ಗೆ.

ಇಂಜೆಕ್ಷನ್ ಮೂಲಕ ದೇಹಕ್ಕೆ ಔಷಧೀಯ ಅಂಶಗಳನ್ನು ಈ ಮೂಲಕ ಸೇರಿಸಲಾಗುತ್ತದೆ. ಅದರ ಚಿಕಿತ್ಸಾ ವಿಧಾನಗಳಲ್ಲಿ ಆಗಾಗ ಡ್ರಿಪ್ಸ್ ತೆಗೆದುಕೊಳ್ಳೋದೂ ಸೇರಿಕೊಂಡಿರುತ್ತೆ. ಶೆಫಾಲಿ ಕೂಡಾ ನಿರಂತರವಾಗಿ ಆ ಚಿಕಿತ್ಸೆಗೆ ತನ್ನನ್ನು ತಾನು ಒಡ್ಡಿಕೊಂಡಿದ್ದಳು. ಇಂಜಕ್ಷನ್ನು, ಡಯಟ್ಟು ಅಂತೆಲ್ಲ ಮಾಡುತ್ತಾ ಚರ್ಮದ ಕಾಂತಿ ಹೆಚ್ಚಿಸಿಕೊಂಡು ಖುಷಿಗೊಂಡಿದ್ದಳು. ತೀರಾ ಸಾಯೋ ದಿನ ಕೂಡಾ ಆಕೆ ಡ್ರಿಪ್ ತೆಗೆದುಕೊಂಡಿದ್ದಳೆಂದು ಆತ್ಮೀಯ ಗೆಳತಿಯೇ ಹೇಳಿಕೊಂಡಿದ್ದಾಳೆ. ಇಂಥಾ ಆಂಟಿ ಏಜಿಂಗ್ ಡ್ರಗ್ಸ್ ಸೇವನೆಯಿಂದಾಗಬಹುದಾದ ಅನಾಹುತಗಳ ಬಗ್ಗೆ ತಜ್ಞರು ಎಚ್ಚರಿಕೆ ರವಾನಿಸುತ್ತಿದ್ದಾರೆ. ಆದರೆ, ಕೆಲ ನಟಿಯರು ಮಾತ್ರ ಭಂಡ ಧೈರ್ಯದಿಂದ ಅಂಥಾ ಚಿಕಿತ್ಸೆಗೆ ಪಕ್ಕಾಗುತ್ತಿದ್ದಾರೆ. ಕೆಲವರು ಒಂದಷ್ಟು ಅಡ್ಡ ಪರಿಣಾಮಗಳಿಂದ ಕಂಗಾಲಾದರೆ, ಶೆಫಾಲಿಯಂಥಾ ನತದೃಷ್ಟರ ಜೀವವೇ ಹೋಗಿ ಬಿಡುತ್ತೆ.

ಸೌಂದರ್ಯವನ್ನುಜ ಮಾತ್ರವೇ ನೆಚ್ಚಿಕೊಂಡ ನಟೀಮಣಿಯರ ಪಾಲಿಗೆ ತಾವೆಷ್ಟೇ ಚೆಂದ ಕಾಣಿಸಿದರೂ ತೃಪ್ತಿ ಇರೋದಿಲ್ಲ. ಈ ಕಾರಣದಿಂದಲೇ ಮೂಗು ಸರಿ ಪಡಿಸಿಕೊಳ್ಳುವವರು, ಸ್ತನವೂ ಸೇರಿದಂತೆ ನಾನಾ ಭಾಗವನ್ನು ಹಿರಿ ಕಿರಿದಾಗಿಸಿಕೊಳ್ಳುವವರು, ತುಟಿಯ ಸೌಂದರ್ಯ ಶಸ್ತ್ರ ಚಿಕಿತ್ಸೆ ಮಾಡಿಸಿಕೊಂಡು ವಿಚಾರಗೊಂಡವರ ಕಥೆಗಳೆಲ್ಲ ದಂಡಿಯಾಗಿವೆ. ವಾಸ್ತವವೆಂದರೆ, ದೇಹವನ್ನು ಅದರ ಪಾಡಿಗೆ ಬಿಟ್ಟರೆ ಮುಪ್ಪಿನ ಕಾಲದಲ್ಲಿ ವಿಕಾರಗೊಳ್ಳದಂತೆ ಅದೇ ನೋಡಿಕೊಳ್ಳುತ್ತೆ. ಮುಪ್ಪು ಮುಂದೂಡುವಂಥಾ ಸಾಹಸಗಳಿಗೆ ಕೈ ಹಾಕಿದರೆ ಇರುವ ಸೌಂದರ್ಯ ಕೂಡಾ ಬಹು ಬೇಗನೆ ಮಾಸಲಾಗುತ್ತೆ. ಇಂಥಾದ್ದೊಂದು ವಾಸ್ತವಕ್ಕೆ ತೆರೆದುಕೊಂಡಿದ್ದರೆ ಶೆಫಾಲಿ ನಲವತ್ತೆರಡು ವರ್ಷಕ್ಕೆ ಉಸಿರು ನಿಲ್ಲಿಸೋದನ್ನು ಕೊಂಚ ಮುಂದೂಡಿಕೊಳ್ಳಬಹುದಿತ್ತೇನೋ…

The post shefali jariwala: ಬ್ಯೂಟಿ ಕ್ವೀನುಗಳ ಸುತ್ತಾ ಸಾವಿನ ಬೋನು! appeared first on Cini Shodha.

ನಟಿಯಾಗಿ ಕಂಗನಾ ಸಾಲು ಸಾಲು ಸೋಲು ಕಂಡಿದ್ದಾರೆ. ಈ ನಡುವೆ ಆಕೆ ರಾಜಕಾರಣಿಯಾಗಿ, ಸಾರ್ವಜನಿಕವಾಗಿಯೇ ತಲೆಯ ಅಲ್ಲಲ್ಲಿ ನೆರೆತ ಬಿಳು ಕೂದಲನ್ನು ಬಿಟ್ಟುಕೊಂಡು ಕಾಣಿಸಲಾರಂಭಿಸಿದ್ದಾರೆ. ಈ ಬಗ್ಗೆ ಮಾತಾಡಿರುವ ಆಕೆ ಬಿಳಿಕೂದಲು ವಯಸ್ಸಾದ ಲಕ್ಷಣವಾದರೆ, ವಯಸ್ಸಾಗೋದು ಗೌರವದ ಲಕ್ಷಣ. ಸಿನಿಮಾ ರಂಗದಲ್ಲಿ ವಯಸ್ಸಾದ ನಟಿಯರಿಗೆ ಅವಕಾಶ ಇಲ್ಲ ಅನ್ನೋದು ನಿಜ. ಆದರೆ ಅದರ ಬಗ್ಗೆ ತಲೆ ಕೆಡಿಸಿಕೊಳ್ಳೋದಿಲ್ಲ ಎಂಬರ್ಥದಲ್ಲಿ ಮಾತಾಡಿದ್ದಾರೆ. ಆದರೆ, ನಟಿಯಾಗಿ ಆಕೆ ಮತ್ತೆ ನೆಲೆ ಕಂಡುಕೊಳ್ಳ ಹೊರಟರೆ, ಅದು ಆಕೆಯ ಭೋಳೇ ಮಾತಿನಷ್ಟು ಸಲೀಸಾದ ಸಂಗತಿಯೇನಲ್ಲ. ಬೇರೆ ನಿರ್ಮಾಪಕರು ಸಿನಿಮಾ ಮಾಡಲು ಮುಂದೆ ಬರೋದು ಕಷ್ಟವಿದೆ. ಒಂದು ವೇಳೆ ರೊಚ್ಚಿಗೆದ್ದು ಖುದ್ದು ಕಂಗನಾ ತನ್ನ ಚಿತ್ರಕ್ಕೆ ತಾನೇ ಬಂಡವಾಳ ಹೂಡಿದರೂ, ಒಂದು ಸಿನಿಮಾವನ್ನು ಜೈಸಿಕೊಳ್ಳೋದೇ ಕಷ್ಟವಿದೆ.

ಹಾಗೆ ನೋಡಿದರೆ, ಕಂಗನಾ ಥರ ಥರದ ಪಾತ್ರಗಳನ್ನು ಮಾಡಬೇಕೆಂಬಂಥಾ ತುಡಿತ ಹೊಂದಿರುವ ನಟಿ. ಆದರೆ, ಒಂದು ಹಂತದ ನಂತರ ಅತೀ ವಿಶ್ವಾಸದಿಂದ ಕಂಗನಾ ಎತ್ತಿಟ್ಟ ಹೆಜ್ಜೆಗಳೆಲ್ಲವೂ ಕುಸಿದಿವೆ. ಅದರ ಫಲವಾಗಿಯೇ ೨೦೨೨ರಿಂದೀಚೆಗೆ ಆಕೆಯ ವೃತ್ತಿ ಬದುಕಿಗೆ ಸರಣಿ ಸೋಲಿನ ಗ್ರಹಣ ಕವುಚಿಕೊಂಡಿದೆ. ಧಕಡ್, ತಲೈವಿ, ಫಂಡಾ ಮುಂತಾದ ಬಹು ನಿರೀಕ್ಷಿತ ಸಿನಿಮಾಗಳೇ ಸೋಲು ಕಂಡಿದ್ದವು. ಇಂಥಾ ಸೋಲುಗಳನ್ನೆಲ್ಲ ಎಮರ್ಜೆನ್ಸಿ ಚಿತ್ರದ ಮೂಲಕ ನೀಗಿಕೊಳ್ಳುವ ಅಚಲ ವಿಶ್ವಾಸವೊಂದು ಕಂಗನಾಗಿದ್ದಂತಿತ್ತು. ಈ ಚಿತ್ರದಲ್ಲಿ ಆಕೆ ಇಂದಿರಾ ಗಾಂಧಿಯ ಅವತಾರವೆತ್ತಿದ್ದರು. ಆದರೆ, ಎಮರ್ಜೆನ್ಸಿ ಬಿಡುಗಡೆಯಾದ ಬಳಿಕ ಚಿತ್ರಣವೇ ಅದಲು ಬದಲಾಗಿ ಬಿಟ್ಟಿತ್ತು. ಆರಂಭದಲ್ಲಿ ಪಸರಿಸಿಕೊಂಡಿದ್ದ ಮಿಶ್ರ ಪ್ರತಿಕ್ರಿಯೆ, ದಿನದಿಂದ ದಿನಕ್ಕೆ ನೀರಸ ಸ್ವರೂಪ ಪಡೆದುಕೊಂಡಿತ್ತು. ಅದಾದ ನಂತರ ಕಂಗನಾ ಸದ್ಯ ಸಂಸದೆಯಾಗಿದ್ದಾರೆ. ಆಕೆ ಇನ್ನು ನಟಿಯಾಗಿ ನೆಲೆ ಕಂಡುಕೊಳ್ಳೋದು ಕಷ್ಟವಿದೆ. ಆಕೆ ಚಿತ್ರರಂಗದಿಂದ ಸಂಪೂರ್ಣವಾಗಿ ದೂರ ಸರಿಯುವ ತೀರ್ಮಾನ ಮಾಡಿದ್ದಾರೆಂದು ಆಪ್ತ ಬಳಗವೇ ಹೇಳುತ್ತಿದೆ!

The post kangana ranaut: ಸೋತು ಸುಣ್ಣವಾದ ಸಂಸೆದೆ ಬಣ್ಣ ಹಚ್ಚೋದೇ ಡೌಟು! appeared first on Cini Shodha.

ರಾಘವ ಪುಡಿ ನಿರ್ದೇಶನ ಮಾಡಿದ್ದ ಸೀತಾರಾಮನನ್ ಚಿತ್ರ ಬಿಗ್ ಹಿಟ್ ಆಗಿ ದಾಖಲಾಗಿತ್ತು. ಅದರಲ್ಲಿ ನಾಯಕಿಯಾಗಿ ನಟಿಸಿದ್ದ ಮೃಣಾಲ್ ಕಾಣಿಸಿಕೊಂಡಿದ್ದ ರೀತಿಗೆ, ನಟನೆಗೆ ತೆಲುಗು ಪ್ರೇಕ್ಷಕರೆಲ್ಲ ಫಿದಾ ಆಗಿ ಬಿಟ್ಟಿದ್ದರು. ಆ ಸಿನಿಮಾ ನೋಡಿ ಈಕೆ ಮತ್ತೊಂದಷ್ಟು ತೆಲುಗು ಚಿತ್ರಗಳ ಭಾಗವಾಗಬೇಕೆಂದ ಅದೆಷ್ಟೋ ಮಂದಿ ಅಂದುಕೊಂಡಿದ್ದರೆ ಅಚ್ಚರಿಯೇನಿಲ್ಲ. ಈಗ ಅದು ಕೈಗೂಡಿದೆ. ಯಾಕೆಂದರೆ, ಇತ್ತೀಚೆಗಷ್ಟೇ ಪ್ರಭಾಸ್ ಒಪ್ಪಿಕೊಂಡಿದ್ದ ಸಿನಿಮಾವೊಂದಕ್ಕೆ ನಾಯಕಿಯಾಗಲು ಮೃಣಾಲ್ ಠಾಕೂರ್ ಸಹಿ ಹಾಕಿದ್ದಾಳೆ. ಈವತ್ತಿಗೂ ಪ್ರಭಾಸ್ ಜೊತೆ ನಟಿಸಬೇಕೆಂದು ತುದಿಗಾಲಿನಲ್ಲಿ ನಿಂತು ಕಾಯುತ್ತಿರುವ ನಟೀಮಣಿಯರೆಲ್ಲ ಮೃಣಾಲ್ ಅದೃಷ್ಟ ಕಂಡು ಕರುಬುತ್ತಿದ್ದಾರೆ. 

ಪ್ರಭಾಸ್ ಸಾಲು ಸಾಲಾಗಿ ಒಂದಷ್ಟು ಸಿನಿಮಾಗಳನ್ನು ಒಪ್ಪಿಕೊಂಡಿದ್ದಾರೆ. ಅದರಲ್ಲಿ ರಾಘವ್‍ ನಿದೇ‍್ಶನದ ಸಿನಿಮಾ ಬಗ್ಗೆ ವಿಶೇಷ ಕುತೂಹಲವಿದೆ. ಅಂದಹಾಗೆ ಈ ಹಿಂದೆ ಸೀತಾರಾಮನ್ ಚಿತ್ರವನ್ನು ನಿರ್ದೇಶನ ಮಾಡಿ ಗೆದ್ದಿದ್ದ ರಾಘವ್ ಪುಡಿ ನಿರ್ದೇಶನದಲ್ಲಿಯೇ ಈ ಹೊಸ ಚಿತ್ರ ಕೂಡಾ ಮೂಡಿ ಬರಲಿದೆ. ಈ ಸಿನಿಮಾ ಮಹಾಯುದ್ಧದ ಕಾಲಘಟ್ಟದಲ್ಲಿ ಜರುಗುವ ಪ್ರೇಮಕಥಾನಕವನ್ನು ಒಳಗೊಂಡಿದೆಯಂತೆ. ಇದೀಗ ಮೃಣಾಲ್ ಕೂಡಾ ಒಂದೆರಡು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾಳೆ. ಪ್ರಭಾಸ್ ಅಂತೂ ಬಿಡುವಿರದಂತೆ ಚಿತ್ರೀಕರಣದಲ್ಲಿ ಭಾಗಿಯಾಗುತ್ತಿದ್ದಾನೆ. ಈಗಾಗಲೇ ಶುರು ಮಾಡಿರುವ ಚಿತ್ರೀಕರಣ ಮುಕ್ತಾಯಗೊಂಡೇಟಿಗೆ ರಾಘವಪುಡಿ ನಿರ್ದೇಶನದ ಚಿತ್ರೀಕರಣಕ್ಕೆ ಚಾಲನೆ ಸಿಗಲಿದೆ. ಸದ್ಯ ಇದರ ಪ್ರೀ ಪ್ರೊಡಕ್ಷನ್ ಕೆಲಸ ಕಾರ್ಯ ಭರದಿಂದ ಸಾಗುತ್ತಿದೆ.

The post mrinal takur: ತೆಲುಗುನಾಡಲ್ಲೀಗ ಠಾಕೂರ್ ಹುಡುಗಿ ಲಕಲಕ! appeared first on Cini Shodha.