ಹೊಸದೊಂದು ಪ್ರೀತಿ ಯಾನ ಏನೆಂದರು ಚೆನ್ನ. ದಿನವೆಲ್ಲ ಮಾಡುತೀನಿ ನಾ ನಿನ್ನದೆ ಧ್ಯಾನ… ಎಂಬ ಈ ಹಾಡನ್ನು ಧನಂಜಯ್ ರಂಜನ್ ಬರೆದಿದ್ದಾರೆ. ಅದಕ್ಕೆ ವೀರ್ ಸಮರ್ಥ್ ನೇರವಾಗಿ ಎದೆಗೆ ಸೋಕುವಂಥಾ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಕೇಶವ್ ಆನಂದ್ ಹಾಡಿರೋ ಈ ಹಾಡು ಪ್ರೇಮದ ಚೇತೋಹಾರಿ ಭಾವಗಳನ್ನು ಕೇಳುಗರ ಮನಸಿನ ಮೆಲುವಾಗಿ ನಾಟಿಸುವಂತಿದೆ. ಈ ಹಿಂದೆ ಬಿಡುಗಡೆಯಾಗಿದ್ದ ಹಾಡಿಗಿಂತಲೂ ವೇಗವಾಗಿ ಹೊಸತೊಂದು ಪ್ರೀತಿ ಯಾನ ಟ್ರೆಂಡ್ ಸೆಟ್ ಮಾಡಿದೆ. ಎಲ್ಲ ದಿಕ್ಕುಗಳಿಂದಲೂ ಸದರಿ ಗೀತೆಗೆ ಹರಿದು ಬರುತ್ತಿರೋ ಭರಪೂರ ಪ್ರತಿಕ್ರಿಯೆಗಳನ್ನು ಕಂಡು ಚಿತ್ರತಂಡ ಖುಷಿಗೊಂಡಿದೆ.

ಈ ಹಿಂದೆ ಮೊದಲ ಪತ್ರಿಕಾಗೊಷ್ಠಿಯಲ್ಲಿಯೇ ಸಂಗೀತ ನಿರ್ದೇಶಕ ವೀರ್ ಸಮರ್ಥ್ ಹಾಡುಗಳ ಬಗ್ಗೆ ನಿರೀಕ್ಷೆ ಮೇಳೈಸುವಂಥಾ ಒಂದಷ್ಟು ವಿಚಾರಗಳನ್ನು ತೆರೆದಿಟ್ಟಿದ್ದರು. ಇದೀಗ ಅದಕ್ಕೆ ಪೂರಕವಾಗಿಯೇಢ ಒಂದರ ಹಿಂದೊಂದರಂತೆ ಲವ್ ಸೀಸನ್ಸ್ ಚಿತ್ರದ ಚೆಂದದ ಹಾಡುಗಳು ಬಿಡುಗಡೆಗೊಳ್ಳುತ್ತಿದ್ದಾವೆ. ಪ್ರೇಮ ಕಥನದ ಭೂಮಿಕೆಯಲ್ಲಿಯೇ ಬದುಕಿನ ಬಗೆಗಿನ ಗಹನವಾದ ಕಥೆಯನ್ನೂ ಒಳಗೊಂಡಿರುವ ಈ ಸಿನಿಮಾ ಈಗಾಗಲೇ ಪ್ರೇಕ್ಷಕರೊಳಗೊಂದು ಕುತೂಹಲವನ್ನು ಪ್ರತಿಷ್ಠಾಪಿಸಿದೆ. ಕೃತ್ವಿಕ್ ಲವ್ ಸೀಸನ್ಸ್ ಮೂಲಕವೇ ಸ್ವತಂತ್ರ ನಿರ್ದೇಶಕರಾಗಿದ್ದಾರೆ. ನಾಯಕ ಮುಕುಂದ ರಾಮಸ್ವಾಮಿ ಸೇರಿದಂತೆ ಒಂದಷ್ಟು ಹೊಸಾ ಪ್ರತಿಭೆಗಳು ನಾನಾ ವಿಭಾಗಗಳ ಮೂಲಕ ಚಿತ್ರರಂಗಕ್ಕೆ ಪಾದರ್ಪಣೆ ಮಾಡುವ ಸನ್ನಾಹದಲ್ಲಿದ್ದಾರೆ.

ಎನ್.ಆರ್ ಸ್ಟುಡಿಯೋಸ್ ಬ್ಯಾನರ್‌ನಡಿಯಲ್ಲಿ ಎನ್.ಆರ್ ಮಂಜುನಾಥ (ನೀಲೇರಿ) ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಕೃತ್ವಿಕ್ ನಿರ್ದೇಶನ, ವೀರ್ ಸಮರ್ಥ್ ಸಂಗೀತ ಸಂಗೀತ ನಿದೇಶನ ಈ ಚಿತ್ರಕ್ಕಿದೆ. ಕೆ.ಕಲ್ಯಾಣ್, ಪ್ರಮೋದ್ ಮರವಂತೆ ಮುಂತಾದವರು ಸಾಹಿತ್ಯ ಬರೆದಿದ್ದಾರೆ. ಅವಿನಾಶ ಶಾಸ್ತ್ರಿ ಛಾಯಾಗ್ರಹಣ, ಮಧು ತುಂಬಕೆರೆ ಸಂಕಲನ, ಭಜರಂಗಿ ಮೋಹನ್ ನೃತ್ಯ ಸಂಯೋಜನೆಯಿರುವ ಈ ಚಿತ್ರದಲ್ಲಿ ಮುಕುಂದ ರಾಮಸ್ವಾಮಿ ನಾಯಕನಾಗಿ ನಟಿಸಿದ್ದಾರೆ. ದಿಯಾ ಕೀರ್ತಿ, ಚಂದನಾ ಗೌಡ ಮತ್ತು ಶ್ವೇತಾ ಕೊಗ್ಲೂರು ನಾಯಕಿಯರಾಗಿ ಜೊತೆಯಾಗಿದ್ದಾರೆ. ಮಂಡ್ಯ ರಮೇಶ್, ರಾಜೇಶ್ ನಟರಂಗ, ಸಂಗೀತಾ ಅನಿಲ್, ಜಯತೀರ್ಥ, ಚೇತನ್ ದುರ್ಗ, ಕಾಮಿಡಿ ಕಿಲಾಡಿ ಸದಾನಂದ, ಹುಲಿ ಕಾರ್ತಿಕ್, ಬೇಬಿ ರಿತು ಸಿಂಗ್ ಮುಂತಾದವರ ತಾರಾಗಣವಿದೆ.

keywords: love seasons, kruthvik, sandalwood

The post Love Seasons Movie Songs: ಕೇಳುಗರನ್ನು ಆವರಿಸಿಕೊಂಡ ಪೀತಿಯಾನ ಹಾಡು! appeared first on Cini Shodha.

ಡಾರ್ಲಿಂಗ್ ಕೃಷ್ಣ ಈ ಹಿಂದೆ ಲವ್ ಮಾಕ್ಟೇಲ್‌ನ ಎರಡು ಸರಣಿಗಳ ಮೂಲಕವೂ ಗೆಲುವು ಕಂಡಿದ್ದರು. ಮೂರನೇ ಆವೃತ್ತಿಯ ಗೆಲುವು ಮಾತ್ರ ಈ ಹಿಂದಿನ ಎರಡು ಗೆಲುವುಗಳನ್ನು ನಿಖರವಾಗಿಯೇ ಮೀರಿಸಿದೆ. ಸಾಮಾನ್ಯವಾಗಿ, ಸೀಕ್ವೆಲ್‌ಗಳು ಯಶ ಕಾಣೋದೇ ಅಪರೂಪ. ಅಂಥಾದ್ದರಲ್ಲಿ ಒಂದನ್ನೊಂದು ಮೀರಿಸುವಂಥಾ ಮೂರು ಸರಣಿ ಗೆಲುವುಗಳ ಮೂಲಕ ಡಾರ್ಲಿಂಗ್ ಕೃಷ್ಣ ಅಚ್ಚರಿ ಮೂಡಿಸಿರೋದಂತೂ ಸತ್ಯ. ಕೊರೋನಾ ಕಾಲಘಟ್ಟದಲ್ಲಿ ಒಂದಿಡೀ ಸಿನಿಮಾ ರಂಗವೇ ಸ್ತಬ್ಧವಾಗಿದ್ದಾಗ ಲವ್ ಮಾಕ್ಟೇಲ್ ಚಿತ್ರವನ್ನು ಬಿಡುಗಡೆಗೊಳಿಸಿದ್ದವರು ಕೃಷ್ಣ. ಆ ಕಾಲಮಾನದಲ್ಲಿ ಈ ಸಿನಿಮಾ ಕನ್ನಡ ಚಿತ್ರರಂಗಕ್ಕೆ ನವ ಚೈತನ್ಯ ತುಂಬಿ ಬಿಟ್ಟಿತ್ತು. ಈ ವರ್ಷದ ಆರಂಭದಲ್ಲಿ ಮೊದಲ ಗೆಲುವಗಿ ದಾಖಲಾಗಿರುವ ಲವ್ ಮಾಕ್ಟೇಲ್೩ ಮೂಲಕವೂ ಅಂಥಾದ್ದೇ ಚೈತನ್ಯ ಕನ್ನಡ ಚಿತ್ರರಂಗದ ನರನಾಡಿಗಳಿಗೆ ಹಬ್ಬಿಕೊಂಡಿದೆ!

ಈ ಆವೃತ್ತಿಯಲ್ಲಿ ಹಿಂದಿನ ಎರಡು ಭಾಗಗಳಿಗಿಂತಲೂ ತೀವ್ರವಾದ ಶೈಲಿಯಲ್ಲಿ ಡಾರ್ಲಿಂಗ್ ಕೃಷ್ಣ ದೃಷ್ಯ ಕಟ್ಟಿದ್ದರು.ಆ ಭಾವುಕ ಕಥೆಗೆ ಪ್ರೇಕ್ಷಕರೆಲ್ಲ ಮಾರು ಹೋಗಿದ್ದಾರೆ. ಎಲ್ಲ ವರ್ಗದ ಪ್ರೇಕ್ಷಕರಿಗೆ ಹಿಡಿಸುವ ಮೂಲಕ ಲವ್ ಮಾಕ್ಟೇಲ್೩ ದೊಡ್ಡ ಮಟ್ಟದಲ್ಲಿ ಗೆಲುವು ಕಂಡಿದೆ. ಮಾರ್ಚ್ ಹತ್ತೊಂಬತ್ತರಂದು ಬಯಸದೇ ಬಂದ ಭಾಗ್ಯವೆಂಬಂತೆ ಈ ಚಿತ್ರಕ್ಕೆ ಬಿಡುಗಡೆಯ ಭಾಗ್ಯ ಸಿಕ್ಕಿತ್ತು. ಹಾಗಂತ ಆ ಹಾದಿಯೇನು ಸಲೀಸಿನದ್ದಾಗಿರಲಿಲ್ಲ. ಯಾಕೆಂದರೆ, ಧುರಂಧರ್೨ನಂಥಾ ಪ್ಯಾನಿಂಡಿಯಾ ಸಿನಿಮಾದ ರೂಪದಲ್ಲಿ ಮಹಾ ಸವಾಲೆದುರಾಗಿತ್ತು. ಅದರ ಮುಂದೆ ಈ ಸಿನಿಮಾ ನಿಲ್ಲಲು ಸಾಧ್ಯವಾ ಎಂಬ ಆತಂಕಪೂರಿತ ಪ್ರಶ್ನೆಯೊಂದು ಖುದ್ದು ಕನ್ನಡ ಸಿನಿಮಾ ಪ್ರೇಮಿಗಳನ್ನೇ ಗಾಢವಾಗಿ ಕಾಡಿದ್ದು ಸುಳ್ಳಲ್ಲ. ಅದೆಲ್ಲವನ್ನೂ ನೀಗಿಸಿ ಯಶಸ್ವೀ ಪ್ರದರ್ಶನ ನೀಡಿದ್ದ ಲವ್ ಮಾಕ್ಟೇಲ್೩ ಇದೀಗ ಅದೇ ಆವೇಗದೊಂದಿಗೆ ಐವತ್ತು ದಿನಗಳನ್ನು ದಾಟಿಕೊಂಡಿದೆ.

ಈ ಹಿನ್ನೆಲೆಯಲ್ಲಿ ಇಂಥಾದ್ದೊಂದು ಸಂಭ್ರಮಕ್ಕೆ ಕಾರಣವಾಗ ಪ್ರೇಕ್ಷಕರಿಗೆಲ್ಲ ಡಾರ್ಲಿಂಗ್ ಕೃಷ್ಣ ಧನ್ಯವಾದ ಸಲ್ಲಿಸಿದ್ದಾರೆ. ಕ್ರಿಸ್‌ಮಿ ಬ್ಯಾನರಿನಡಿಯಲ್ಲಿ ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಡಾರ್ಲಿಂಗ್ ಕೃಷ್ಣ, ಮಿಲನಾ ನಾಗರಾಜ್, ಸಂವೃತ, ಅಮೃತಾ ಅಯ್ಯಂಗಾರ್, ದಿಲೀಪ್ ರಾಜ್, ಶ್ವೇತಾ ಪ್ರಸಾದ್, ರಚೆಲ್ ಡೇವಿಡ್, ನಯೇರಾ, ಜಗದೀಶ್, ಅಭಿಲಾಶ್, ಗಿರಿರಾಜ್, ದಳಪತಿ ಮುಂತಾದವರ ತಾರಾಗಣ ಈ ಚಿತ್ರಕ್ಕಿದೆ. ಶ್ರೀ ಕ್ರೇಜಿ ಮೈಂಡ್ಸ್ ಛಾಯಾಗ್ರಹಣ ಮತ್ತು ಸಂಕಲನ, ನಕುಲ್ ಅಭಯಂಕರ್ ಸಂಗೀತ, ಅಮರ್ ಮತ್ತು ಜೋನಾ ಕಲಾ ನಿರ್ದೇಶನ ಈ ಚಿತ್ರಕ್ಕಿದೆ.

keywords: lovemocktail3 #milana nagaraj, darling krishna

The post Love Mocktail3 Movie: ಹ್ಯಾಟ್ರಿಕ್ ಗೆಲುವಿಗೀಗ ಮತ್ತಷ್ಟು ಮುದ! appeared first on Cini Shodha.

ಅನುಷ್ಕಾ ಶೆಟ್ಟಿ ಕಥಾನಾರ್ ಚಿತ್ರದ ಮೂಲಕ ಮಲೆಯಾಳಂ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ದಾರೆ. ಈ ಬಗ್ಗೆ ಈ ಹಿಂದೆ ಹೆಚ್ಚೇನೂ ಸುದ್ದಿಯಾಗಿರಲಿಲ್ಲ. ಖುದ್ದು ಅನುಷ್ಕಾ ಕೂಡಾ ಈ ಬಗ್ಗೆ ಹೇಳಿಕೊಂಡಿದ್ದಿಲ್ಲ. ಈ ಹಿಂದೆ ಈ ಸಿನಿಮಾದ್ದೊಂದು ಫಸ್ಟ್ ಲುಕ್ ಪೋಸ್ಟರ್ ಲಾಂಚ್ ಆಗಿತ್ತಷ್ಟೆ. ಅದರಲ್ಲಿನ ಅನುಷ್ಕಾ ಲುಕ್ ಕಂಡೇ ಅಭಿಮಾನಿ ಬಳಗ ಥ್ರಿಲ್ ಆಗಿತ್ತು. ಇದೀಗ ಕಥಾನಾರ್ ಚಿತ್ರದ ಟ್ರೈಲರ್ ಲಾಂಚ್ ಆಗಿದೆ. ಫ್ಯಾಂಟಸಿ ಶೈಲಿಯಲ್ಲಿ ಮೂಡಿ ಬಂದಿರೋ ಈ ಟ್ರೈಲರ್ ಕೇರಳ ಭಾಗದ ಜಾನಪದ ಮೂಲದ ಗಟ್ಟಿ ಕಥೆಯೊಂದರ ಸ್ಪಷ್ಟ ಸುಳಿವನ್ನು ಕಟ್ಟಿ ಕೊಟ್ಟಿದೆ. ಈ ಸಿನಿಮಾ ಹಾರರ್ ಛಾಯೆಯಿಂದಲೂ ಗಮನ ಸೆಳೆದಿದೆ. ಇದರೊಂದಿಗೆ ಮತ್ತೆ ಫ್ಯಾನಿಂಡಿಯಾ ಮಟ್ಟದಲ್ಲಿ ಅನುಷ್ಕಾ ಸದ್ದು ಮಾಡೋ ಲಕ್ಷಣಗಳು ಢಾಳಾಗಿವೆ.

anushka shetty: ರಗಡ್ ಲುಕ್ಕಿನಲ್ಲಿ ಮಿಂಚಿದ ಮಂಗಳೂರು ಹುಡುಗಿ!

ಕಥಾನಾರ್ ಚಿತ್ರ ಮ ಲೆಯಾಳಂ ಮಾತ್ರವಲ್ಲದೇ ಕನ್ನಡ, ತೆಲುಗು, ತಮಿಳು ಮತ್ತು ಹಿಂದಿ ಭಾಷೆಗಳಲ್ಲಿಯೂ ಏಕಕಾಲದಲ್ಲಿ ಬಿಡುಗಡೆಗೊಳ್ಳಲಿದೆ. ಈ ಚಿತ್ರವನ್ನು ಶ್ರೋ ಗೋಕುಲ್ ಮೂವೀಸ್ ಬ್ಯಾನರಿನಡಿಯಲ್ಲಿ ಗೋಪಾಲನ್ ನಿರ್ಮಾಣ ಮಾಡಿದ್ದಾರೆ. ಇದು ಒಂಬತ್ತನೇ ಶತಮಾನದಲ್ಲಿ ಇದ್ದನೆನ್ನಲಾದ, ಕೇರಳ ಜಾನಪದದಲ್ಲಿ ಮಿಳಿತವಾಗಿರುವ ಕಥಾನಾರ್ ಎಂಬ ಮಾಂತ್ರಿಕನ ಸುತ್ತ ನಡೆಯೋ ಕಥೆ ಹೊಂದಿರುವ ಚಿತ್ರ. ಕಥಾನಾರ್ ತನ್ನ ಅದ್ಭುತ ಮಾಂತ್ರಿಕ ಶಕ್ತಿಯಿಂದಲೇ ಜನರ ಸಂಕಷ್ಟಗಳನ್ನು ನೀಗಿಸುತ್ತಿದ್ದನೆಂಬ ಥರಹೇವಾಠರಿ ಕಥೆಗಳು ಕೇರಳದಲ್ಲಿ ಜನಜನಿತವಾಗಿವೆ. ಈ ಮೂಲಕ ಕಾಂತಾರಾದಂತೆ ಮತ್ತೊಂದು ನೆಲಮೂಲದ ಕಥನ ಪ್ಯಾನಿಂಡಿಯಾ ಮಟ್ಟದಲ್ಲಿ ಸದ್ದು ಮಾಡೋ ಸಾಧ್ಯತೆಗಳಿದ್ದಾವೆ.

keywords: anushka shetty, kathanar movie, mollywood, ghaati, tollywood

The post Anushka Shetty: ಮದುವೆ ಗದ್ದಲದ ನಡುವೆ ಹೀಗೊಂದು ಸುದ್ದಿ! appeared first on Cini Shodha.

ಕವಳ ಅಂದಾಕ್ಷಣವೇ ಉತ್ತರಕನ್ನಡ ಸೀಮೆಯ ಮಂದಿಗೆ ಎಲಡಿಕೆಯ ಘಮ ಮನಸಿಗೆ ರಾಚಿಕೊಳ್ಳುತ್ತೆ. ಆದರೆ, ಬೆಂಗಳೂರು ಭೂಗತದ ಅರಿವಿರುವವರಿಗೆ ನೆತ್ತರ ಕಮಟು ತಂತಾನೆ ಅಡರಿಕೊಳ್ಳುತ್ತೆ. ಯಾಕೆಂದರೆ, ಕವಳ ಎಂಬುದು ಬೆಂಗಳೂರನ್ನು ಅದುರಿಸಿ ಹಾಕಿದ್ದ ನಟೋರಿಯಸ್ ರೌಡಿಯೋರ್ವನ ಬಿರುದು. ವಿಜಯ ಕುಮಾರ್ ಅಲಿಯಾಸ್ ಕವಳ ತೊಂಬತ್ತರ ದಶಕದಲ್ಲಿ ಬೆಂಗಳೂರು ಡಾನ್ ಅನ್ನಿಸಿಕೊಂಡಿದ್ದ ಡೆಡ್ಲಿ ಸೋಮನ ಸಿಂಡಿಕೇಟಿನಲ್ಲಿ ಗುರುತಿಸಿಕೊಂಡಿದ್ದ ನಟೋರಿಯಸ್ ರೌಡಿ. ಡೆಡ್ಲಿ ಸೋಮ ಎನ್‌ಕೌಂಟರಿನಲ್ಲಿ ಹತನಾಗಿದ್ದ ನಂತರದಲ್ಲಿ ಆತನ ಪಟಾಲಮ್ಮು ಚದುರಿ ಹೋಗಿತ್ತು. ಕೆಲವರು ವಿರೋಧಿ ಪಾಳೆಯಕ್ಕೆ ಅಂಜಿ ಸೈಲೆಂಟಾದರೆ, ಮತ್ತೆ ಕೆಲವರು ತಮ್ಮದೇ ತಂಡ ಕಟ್ಟಿಕೊಂಡು ಸೆಣೆಸಾಟಕ್ಕಿಳಿದಿದ್ದರು. ಅಂಥವರ ಸಾಲಿನಲ್ಲಿ ಮೊದಲಿಗನಾಗಿದ್ದವನು ವಿಜಯ ಕುಮಾರ್ ಅಲಿಯಾಸ್ ಕವಳ!

ಇಂಥಾ ಕವಳ ಬೆಂಗಳೂರು ಭೂಗತ ಲೋಕವನ್ನು ಒಂದು ಹಂತದಲ್ಲಿ ಆಳಿ ಬಿಟ್ಟಿದ್ದ. ಡಾನ್ ಆಗಿಯೂ ಮೆರೆದಿದ್ದ. ಇಂಥವನ ಬದುಕನ್ನು ಯಾವ ಕೋನದಿಂದ ದಿಟ್ಟಿಸಿದರೂ ಕೊಲೆ, ರಕ್ತಪಾತದ ಹೊರತಾಗಿ ಮತ್ತೇನೂ ಕಾಣಿಸೋದಿಲ್ಲ. ಕಡೆಗೆ ಈತನ ಸಾವು ಕೂಡಾ ಅತ್ಯಂತ ಬರ್ಭರವಾಗಿತ್ತು. ಇಂಥವನ ಕಥೆಯನ್ನು ಶ್ರೀಜೈ ಹೇಗೆ ಕಟ್ಟಿ ಕೊಡುತ್ತಾರೋ ಗೊತ್ತಿಲ್ಲ. ಆದರೆ, ಈ ಮುಹೂರ್ತ ಸಮಾರಂಭದಲ್ಲಿ ಸದರಿ ಸಿನಿಮಾಶದಲ್ಲಿ ನೆತ್ತರು ಹರಿಯುತ್ತದೆ ಎಂಬರ್ಥದಲ್ಲಿ ಶ್ರೀಜೈ ಮಾತಾಡಿದ್ದಾರೆ. ಅಲ್ಲಿಗೆ ಮತ್ತೊಂದು ಮಚ್ಚು ಲಾಂಗುಗಳ ತಥಾಕಥಿತ ಸಿನಿಮಾವೊಂದು ಅಣಿಗೊಳ್ಳೋ ಸೂಚನೆಗಳು ಢಾಳಾಗಿವೆ. ಶ್ರೀ ಸಿದ್ಧಸೂತ್ರಕ್ಕೆ ಕಟ್ಟುಬಿದ್ದು ಈ ಚಿತ್ರವನ್ನು ರೂಪಿಸುತ್ತಾರಾ ಅಥವಾ ಹೊಸಾ ಹಾದಿಯಲ್ಲಿ ಹೆಜ್ಜೆಯಿಡುತ್ತಾರಾ ಎಂಬ ಕುತೂಹಲವಷ್ಟೇ ಉಳಿದುಕೊಂಡಿದೆ.

ಅಷ್ಟಕ್ಕೂ ಕವಳನದ್ದು ಯಾವ ರೀತಿಯಿಂದಲೂ ಮಾದರಿಯಾದ ಬದುಕಲ್ಲ. ಡೆಡ್ಲಿ ಸೋಮನ ಖಾಸಾ ಪಡೆಯಲ್ಲಿದ್ದ ಕವಳ ಆ ಕಾಲದಲ್ಲಿಯೇ ನೆತ್ತರ ರುಚಿ ಕಂಡಿದ್ದ. ಹರಿದ ನೆತ್ತರಿಗಂಟಿಕೊಂಡಂತೆ ಕುದುರಿಕೊಳ್ಳುವ ಹಡಬೆ ಕಾಸಿನ ಹಬೆಗೆ ಮರುಳಾಗಿದ್ದ. ಯಾವಾಗ ವಿರೋಧಿ ಪಾಳೆಯ ತಲೆತರಿದು ಹಾಕುತ್ತದೆಂಬ ಪುಕ್ಕು ಮೂಡಿಕೊಳ್ಳುತ್ತೋ, ಆಗೆಲ್ಲ ಕ್ರಿಮಿನಲ್ ಕವಳ ರೌಡಿಸಂ ಬಿಡುವ ಮಾತಾಡುತ್ತಿದ್ದ. ಆ ನಂತರ ಯಥಾಪ್ರಕಾರ ದಂಧೆಯಲ್ಲಿ ನಿರತನಾಗುತ್ತಿದ್ದ. ವ್ಯವಹಾರಕ್ಕಿಳಿದರೆ ಯಾರನ್ನೂ ಕೇರು ಮಾಡದ ಕವಳನ ವಿರುದ್ಧ ಕುದಿಯುವ ದೊಡ್ಡದೊಂದು ಪಡೆಯೇ ಇತ್ತು. ಅಂಥವರೆಲ್ಲ ಒಟ್ಟು ಸೇರಿ ೨೦೧೪ರ ಕೊನೇ ಭಾಗದಲ್ಲೊಮ್ಮೆ ಕವಳನ ಕಥೆ ಮುಗಿಸುವ ನಿರ್ಧಾರಕ್ಕೆ ಬಂದಿದ್ದರು. ಅದರ ಸಾರಥ್ಯ ವಹಿಸಿಕೊಂಡಿದ್ದದ್ದು ತಮಿಳು ಮೂಲದ ಕುಖ್ಯಾತ ರೌಡಿ ತಿರುಕುಮಾರನ್ ಅಲಿಯಾಸ್ ಕುಟ್ಟಿ!

ಈ ಕೊಲೆ ಯತ್ನ ವಿಫಲಗೊಂಡ ನಂತರ ಕುಟ್ಟಿ ತನ್ನ ಪಟಾಲಮ್ಮಿನ ಸಮೇತ ಸಿಸಿಬಿ ಪೊಲೀಸರ ಬಲೆಗೆ ಬಿದ್ದಿದ್ದ. ಅದೇ ವರ್ಷ ಕವಳನನ್ನು ಮುಗಿಸಬೇಕೆಂಬ ಸಂಕಲ್ಪದೊಂದಿಗೆ ಅಖಾಡಕ್ಕಿಳಿದವನು ನಖರಾ ಬಾಬು. ಕಡೆಗೂ ನಖರಾ ಬಾಬು ಕವಳನನ್ನು ಭೀಕರವಾಗಿ ಕೊಚ್ಚಿ ಕೊಂದು ಜೈಲು ಪಾಲಾಗಿದ್ದ. ಹೊರಜಗತ್ತಲ್ಲ ಕವಳನ ಕೊಲೆಗೆ ಪ್ರತೀಕಾರ ತೀರಿಸಿಕೊಳ್ಳಲು ಶಿಷ್ಯ ಪಡೆ ಕಾದು ಕುಂತಿತ್ತು. ಈ ಕೇಸಲ್ಲಿ ಜೈಲುಪಾಲಾಗಿದ್ದ ಕವಳ ಜಾಮೀನು ಪಡೆದು ಹೊರ ಬಂದರೂ ಜೀವ ಭಯದಿಂದ ತತ್ತರಿಸಿದ್ದ. ಕವಳನ ಶಿಷ್ಯರೊಂದಿಗೆ ಕಾಂಪ್ರೋಮೈಸ್ ಮಾಡಿಕೊಳ್ಳುವ ಸನ್ನಾಹದಲ್ಲಿರುವಾಗಲೇ ನಖ್ರಾ ಬಾಬುಗೆ ಕವಳನ ಶಿಷ್ಯಂದಿರು ಭಯಾನಕ ಅಂತ್ಯ ಕಾಣಿಸಿದ್ದರು. ಇಂಥಾ ಕವಳನ ಕಥೆ, ಅದರ ಕೊಂಬೆ ಕೋವೆಗಳಿಗೆಲ್ಲ ರಕ್ತ ಮೆತ್ತಿಕೊಂಡಿದೆ. ಅದನ್ನು ಸದರಿ ಸಿನಿಮಾ ಹೇಗೆ ಹಿಡಿದಿಡುತ್ತದೆಂಬ ಕುತೂಹಲ ಒಂದಷ್ಟು ಮಂದಿಯಲ್ಲಿದ್ದರೂ ಇದ್ದೀತು!

keywords: kavala, rowdy kavala, kavala movie. shrijay, crime

The post kavala movie: ನಟೋರಿಯಸ್ ರೌಡಿ ಕವಳನದ್ದು ಖರಾಬು ಹಿಸ್ಟರಿ! appeared first on Cini Shodha.

ಅಲ್ಲು ಅರ್ಜುನ್ ಕೂಡಾ ಸಿನಿಮಾ ಆಯ್ಕೆಯ ವಿಚಾರದಲ್ಲಿ ಇತ್ತೀಚೆಗೆ ನನ್ನ ಯಶ್‌ರಂತೆ ಚಾಲಾಕಿಯಾಗಿದ್ದಾರೆ. ಪುಷ್ಪ ಗೆಲುವಿನ ನಂತರ ದೊಡ್ಡ ದೊಡ್ಡ ಅವಕಾಶಗಳು ಬಂದರೂ ಕೂಡಾ ಅದೆಲ್ಲವನ್ನು ನಯವಾಗಿಯೇ ಸೈಡಿಗೆ ಸರಿಸುತ್ತಾ ಬಂದಿದ್ದಾರೆ. ಪುಷ್ಪ ಗೆಲುವಿನ ಪ್ರಭೆಯಲ್ಲಿ ಮುಂದುವರೆದ ಭಾಗಕ್ಕಾಗಿ ಒತ್ತಾಯಿಸಿದ್ದೇ ಅಲ್ಲು. ಆ ಮೂಲಕ ರಕ್ತಚಂದನ ದಂಧೆಯ ರುಚಿ ಹತ್ತಿಸಿಕೊಂಡಿದ್ದ ಅಲ್ಲುಗೆ ಪಾರ್ಟ್೨ ಮೂಲಕವೂ ಭಾರೀ ಗೆಲುವೇ ಸಿಕ್ಕಿದೆ. ಪಾರ್ಟ್೨ ಚಿತ್ರೀಕರಣದ ಸಮಯದಲ್ಲಿ ನಿರ್ದೇಶಕ ಸುಕುಮಾರ್ ಥರ ಥರದಲ್ಲಿ ಅಲ್ಲುವನ್ನು ಕಾಡಿಸಿಬಿಟ್ಟಿದ್ದ. ಸೆಟ್ಟಲ್ಲಿ ಬಂದು ಸ್ಕ್ರಿರ್ಪಟು ಹೊಸೆಯುತ್ತಾ ಕೂರುತ್ತಿದ್ದ ಸುಕುಮಾರನ ಮೇಲೆ ಅಲ್ಲು ಮುನಿಸಿಕೊಂಡಿದ್ದೂ ಇತ್ತು.

ಯಾವಾಗ ಸುಕುಮಾರ್ ತಾನು ನಡೆದದ್ದೇ ದಾರಿ ಎಂಬಂತೆ ವರ್ತಿಸಲಾರಂಭಿಸಿದ್ದರೋ, ಆಗಲೇ ಪಾರ್ಟ್೩ ಆಸೆಯನ್ನು ಅಲ್ಲು ಕೈಬಿಟ್ಟಿದ್ದರೆಂದು ಹೇಳಲಾಗುತ್ತಿದೆ. ಒಂದು ವೇಳೆ ಪುಷ್ಪಾ೨ ಚಿತ್ರವನ್ನು ಸುಕುಮಾರ್ ಸರಾಗವಾಗಿ ಮುಗಿಸಿ ಕೊಟ್ಟಿದ್ದರೆ ಖಂಡಿತವಾಗಿಯೂ ಈಗ ಪುಷ್ಪಾ೩ ಚಿತ್ರೀಕರಣ ನಡೆಯುತ್ತಿತ್ತು. ನಾನೇನು ನಿನ್ನನ್ನು ನಂಬಿಕೊಂಡಿಲ್ಲ ಎಂಬ ಸಂದೇಶ ರವಾನಿಸುವ ಉದ್ದೇಶದಿಂದಲೇ ಅಲ್ಲು ಏಕಾಏಕಿ ಅಟ್ಲಿ ನಿರ್ದೇಶನದ ಸಿನಿಮಾವನ್ನು ಒಪ್ಪಿಕೊಂಡಿದ್ದರು. ಅದೇನೇ ಮುನಿಸಿದ್ದರೂ ರಕ್ತಚಂದನದ ಆಸೆಯಿಂದ ಅಲ್ಲು ಮೆತ್ತಗಾಗುತ್ತಾನೆಂಬ ಸುಕುಮಾರನ ನಿರೀಕ್ಷೆ ನೆಗೆದು ಬಿದ್ದಿತ್ತು. ತೆಲುಗು ಚಿತ್ರರಂಗದಲ್ಲಿ ಹಬ್ಬಿಕೊಂಡಿರುವ ಸುದ್ದಿಗಳ ಆಧಾರದಲ್ಲಿ ಹೇಳೋದಾದರೆ, ಅಲ್ಲು ನಿರ್ಧಾರದಿಂದ ಸುಕುಮಾರ್ ಕಂಗಾಲಾಗಿದ್ದರು.

Lawrence Bishnoi: ಬಯಲಾಗುತ್ತಾ ಲಾರೆನ್ಸ್ ಬಿಷ್ಣೋಯ್ ಅಸಲೀಯತ್ತು?

ಸುಕುಮಾರ್ ಪುಷ್ಪಾ೩ ಮಾಡೋ ನಿರ್ಧಾರವನ್ನು ಎರಡನೇ ಭಾಗದ ಆರಂಭದಲ್ಲಿಯೇ ಅಲ್ಲು ಬಳಿ ಹೇಳಿಕೊಂಡಿದ್ದರಂತೆ. ಆದರೆ, ಅದಕ್ಕೆ ಬೇಕಾದ ಯಾವ ತಯಾರಿಗಳನ್ನೂ ಮಾಡಿಕೊಂಡಿರಲಿಲ್ಲ. ಇದರಿಂದ ಅಲ್ಲು ಮುನಿಸಿಕೊಳ್ಳುತ್ತಲೇ ಸುಕುಮಾರ್ ಸೋಂಭೇರಿತನ ಬದಿಗಿಟ್ಟು ಆಕ್ಟೀವ್ ಆಗಿದ್ದಾರೆ. ವಾರದ ಹಿಂದಷ್ಟೆ ಅಲ್ಲುವನ್ನು ಖಾಸಗಿಯಾಗಿ ಭೇಟಿಯಾಗಿ ಸಮಾಧಾನಿಸಿದ್ದಾರೆ. ಪಾರ್ಟ್೩ ವಿಚಾರವನ್ನು ಚರ್ಚಿಸಿ, ಆದ ಕೆಲಸ ಕಾರ್ಯಗಳ ವರದಿ ಒಪ್ಪಿಸಿದ್ದಾರೆ. ಕಡೆಗೂ ಮತ್ತೊಮ್ಮೆ ರಕ್ತಚಂದನ ದಂಧೆಯ ಸಾರಥ್ಯ ಸಿಕ್ಕ ಖುಷಿಯಲ್ಲಿ ಅಟ್ಲಿ ಚಿತ್ರೀಕರಣ ಮುಗಿಯುತ್ತಲೇ ಪುಷ್ಪಾ೩ಗೆ ಒಪ್ಪಿಗೆ ಸೂಚಿಸಿದ್ದಾರೆ. ಇದೇ ಖುಷಿಯಲ್ಲಿ ಸುಕುಮಾರ್ ಪುಷ್ಪಾ೩ ಕೆಲಸ ಕಾರ್ಯಕ್ಕೆಂದೇ ಹೈದ್ರಾಬಾದಿನಲ್ಲೊಂದು ಆಫೀಸನ್ನೂ ತೆರೆದಿದ್ದಾರೆ. ಈ ಮೂಲಕ ಪುಷ್ಪಾ ಸರಣಿಯ ಮೂರನೇ ಆವೃತ್ತಿಗೆ ಮತ್ತಷ್ಟು ಓಘ ಬಂದಂತಾಗಿದೆ!

keywords: alluarjun, pushpa3, sukumar

The post Allu Arjun: ಕಾಟ ಕೊಟ್ಟ ನಿರ್ದೇಶಕನನ್ನು ಕ್ಷಮಿಸಿದನೇ ಪುಷ್ಪರಾಜ್? appeared first on Cini Shodha.

ಆಮೀರ್ ಖಾನ್ ಪುತ್ರ ಝುನೈದ್ ಖಾನ್ ನಾಯಕನಾಗಿ ನಟಿಸಿರೋ ಏಕ್ ದಿನ ಟೀಸರ್‌ಗೆ ವ್ಯಾಪ;ಕ ಮೆಚ್ಚುಗೆ ಕೇಳಿ ಬರುತ್ತಿದೆ. ಸಾಮಾನ್ಯವಾಗಿ ಪ್ರಸಿದ್ಧರ ಮಕ್ಕಳು ಚಿತ್ರರಂಗಕ್ಕೆ ಕಾಲಿಟ್ಟಾಗ ನೆಪೋಟಿಸಂ ಸುತ್ತಾ ಒಂದಷ್ಟು ಮೂದಲಿಕೆಗಳು ಕೇಳಿ ಬರುತ್ತವೆ. ಝುನೈದ್ ಖಾನ್ ಕೂಡಾ ಅಂಥಾ ಹತ್ತಾರು ಟೀಕೆಗಳನ್ನು ಎದುರಿಸಬೇಕಾಗಿ ಬಂದಿತ್ತು. ಆದರೆ, ಈ ಟೀಸರ್‌ನಲ್ಲಿ ಝುನೈದ್ ಕಾಣಿಸಿಕೊಂಡಿರೋ ರೀತಿ ಎಲ್ಲ ಟೀಕೆಗಳನ್ನು ಥಂಡಾ ಹೊಡೆಸುವಂತಿದೆ. ಈ ಅಪೂರ್ವ ಪ್ರೇಮ ಕಥೆಯ ಭಾಗವಾಗಿರುವ ಸಾಯಿ ಪಲ್ಲವಿ ಕೂಡಾ ರೋಮಾಂಚಕವಾಗಿ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾ ಮೂಲಕ ತಾನೇ ಮಾಡಿದ್ದ ಶಪಥವೊಂದನ್ನು ಖುದ್ದು ಸಾಯಿಪಲ್ಲವಿ ಮುರಿದಿದ್ದಾರೆ!

saipallavi new movie updates: ರೊಮ್ಯಾಂಟಿಕ್ ಪಾತ್ರಕ್ಕೆ ಫಿದಾ ಆದ ಚೆಲುವೆ!

ತಾನು ರೀಮೇಕ್ ಸಿನಿಮಾಗಳಲ್ಲಿ ನಟಿಸೋದಿಲ್ಲ ಅಂತ ಸಾಯಿಪಲ್ಲವಿ ಈ ಹಿಂದೆಯೇ ಸ್ಪ;ಷ್ಟವಾಗಿ ಹೇಳಿಕೊಂಡಿದ್ದರು. ಚಿರಂಜೀವಿಯಂಥಾ ಸ್ಟಾರ್ ನಟನ ಸಿನಿಮಾವನ್ನೇ ರೀಮೇಕ್ ಎಂಬ ಕಾರಣಕ್ಕೆ ತಿರಸ್ಕರಿಸುವಂಥಾ ಗಟ್ಟಿತನವನ್ನೂ ಪ್ರದರ್ಶಿಸಿದ್ದರು. ಆದರೆ, ಕಥೆ ಚೆಂದಗಿದೆ ಎಂಬ ಕಾರಣದಿಂದಲೋ ಏನೋ ಏಕ್ ದಿನ ಚಿತ್ರ ಜಪಾನೀಸ್ ಥಾಯ್ ಸಿನಿಮಾದ ರೀಮೇಕ್ ಆದರೂ ನಾಯಕಿಯಾಗಿದ್ದಾಳೆ. ಅಂದಹಾಗೆ, ಆಕೆಯೀಗ ರಾಮಾಯಣ ಚಿತ್ರದ ಸೀತೆಯಾಗಿಯೂ ನಟಿಸುತ್ತಿದ್ದಾಳೆ. ರಾಮಾಯಣವೇ ಸಾಯಿಪಲ್ಲವಿಯ ಮೊದಲ ಬಾಲಿವುಡ್ ಸಿನಿಮಾ ಅಂತ ಅನೇಕರು ಅಂದುಕೊಂಡಿದ್ದಾರೆ. ಆದರೆ, ಏಕ್ ದಿನ ಆಕೆಯ ವೃತ್ತಿಬದುಕಿನ ಮೊದಲ ಬಾಲಿವುಡ್ ಚಿತ್ರವಾಗಿ ದಾಖಲಾಗುತ್ತದೆ!

keywords: saipallavi, junaidkhan, ekdin, bollywood

The post Sai Pallavi: ಏಕ್ ದಿನ್ ಟೀಸರ್‌ನಲ್ಲಿ ಅಂಥಾದ್ದೇನಿದೆ? appeared first on Cini Shodha.

ಕನ್ನಡದ ಮಟ್ಟಿಗೆ ಟಾಕ್ಸಿಕ್‌ನದ್ದು ಮಡಿವಂತಿಕೆಯ ಡೌಲುಗಳನ್ನು ಅಲುಗಾಡಿಸುವ ನಡೆ. ಕನ್ನಡದಲ್ಲಿ ಇಂಥಾ ದೃಷ್ಯಗಳನ್ನು ಸಾಂಕೇತಿಕ ಸಂಜ್ಞೆಗಳ ಮೂಲಕ ತೋರಿಸುವ ಪರಿಪಾಠವಿತ್ತು. ಯಶ್ ಚಿತ್ರ ಅದನ್ನು ಸಾರಾಸಗಟಾಗಿ ಬದಲಾಯಿಸಿ ಬಿಟ್ಟಿದೆ. ಹಾಗಂತ ನಿರ್ದೇಶಕಿ ಗೀತು ಮೋಹನ್ ದಾಸ್ ಈ ವಿಚಾರದಲ್ಲಿ ಸ್ವಂತದ ಹಾದಿ ಹಿಡಿದಿಲ್ಲ. ಆಕೆ ಹಾಲಿವುಡ್ಡಿನ ಜನಪ್ರಿಯ ಧಾಟಿಯನ್ನು ಆಯ್ದುಕೊಂಡಿದ್ದಾರಷ್ಟೆ. ಇದೆಲ್ಲ ಏನೇ ಇದ್ದರೂ ಕಾರೊಳಗಿನ ಹಸಿಬಿಸಿ ರೊಮ್ಯಾನ್ಸಿನಲ್ಲಿ ಕಾಣಿಸಿಕೊಂಡ ನಟಿ ಯಾರು ಅಂತೊಂದು ಕುತೂಹಲ ಅನೇಕರಲ್ಲಿದೆ. ಅಂದಹಾಗೆ, ಟಾಕ್ಸಿಕ್‌ನ ಈ ಕಾಮಿಣಿ ಹಾಲಿವುಡ್ಡಿನ ಖ್ಯಾತ ನಟಿ, ನಿರ್ಮಾಪಿ, ಮಾಡಲ್ ನ್ಯಾಟಲಿ ಬರ್ನ್!

Toxic Teaser Review: ಪ್ಯಾನಿಂಡಿಯಾ ಪ್ರಭೆಯಾಚೆ ಕೈಚಾಚಿದ ಯಶ್!

ನ್ಯಾಟಲಿ ಬರ್ನ್ ಹಾಲಿವುಡ್ ಸಿನಿಮಾ ವೀಕ್ಷಕರಿಗೆಲ್ಲ ಪರಿಚಿತ ನಟಿ. ಸದಾ ಕ್ರಿಯಾಶೀಲವಾಗಿರುವ ಈಕೆ ಒಂದಷ್ಟು ಯಶಸ್ವೀ ಸಿನಿಮಾಗಳಲ್ಲಿ ನಟಿಸಿದ್ದಾಳೆ. ಇಂಥಾ ನ್ಯಾಟಲಿ ಬರ್ನ್ ಟಾಕ್ಸಿಕ್ಕಿಗೆ ಒಂದಷ್ಟು ಹಣ ಹೂಡಿದ್ದಾಳೆಂದೂ ಹೇಳಲಾಗುತ್ತಿದೆ. ಬಹುಶಃ ಭಾರತೀಯ ಚಿತ್ರರಂಗದ ನಾಯಕಿ ಇಂಥಾ ಸೀನುಗಳಲ್ಲಿ ನಟಿಸಲು ಒಪ್ಪಿಕೊಳ್ಳೋದು ಕಷ್ಟ. ರಾಕಿ ಸಾವಂತ್ ಮನಸು ಮಾಡಬಹುದಷ್ಟೆ. ಈ ಸತ್ಯ ಗೊತ್ತಿದ್ದೇ ಗೀತು ನ್ಯಾಟಲಿಯನ್ನು ಆಯ್ಕೆ ಮಾಡಿಕೊಂಡಂತಿದೆ. ಇದೊಂದು ಸೀನೇ ಒಂದಿಡೀ ಟಾಕ್ಸಿಕ್ ಟೀಸರ್‌ನ ಆಕರ್ಷಣೆಯಾಗಿ ಬಿಟ್ಟಿದೆ. ಈ ಹಿನ್ನೆಲೆಯಲ್ಲಿ ಗೀತು ಮೋಹನ್ ದಾಸ್ ಸರಿಕಟ್ಟಾದ ದಾಳವನ್ನೇ ಉರುಳಿಸಿದ್ದಾರೆ. ಯಾಕೆಂದರೆ, ಪಡ್ಡೆಗಳು, ಮಡಿವಂತರು ಸೇರಿದಂತೆ ಎಲ್ಲರೊಳಗೂ ನ್ಯಾಟಲಿಯ ಕಡೇಯ ಕೂಗು ಮತ್ತು ನಿಂತಲ್ಲೇ ಕುಲುಕಿದ ಕಪ್ಪು ಕಾರಿನ ಛಾಯೆ ಆವರಿಸಿಕೊಂಡಿದೆ!

keywords: toxic, yash, geethu, mohandas, movie, teaser, romance

The post Toxic Movie: ಭಾರತೀಯ ಚಿತ್ರರಂಗಕ್ಕೆ ನ್ಯಾಟಲಿ ಬರ್ನ್ ಆಗಮನ! appeared first on Cini Shodha.

ಬಿಡುಗಡೆಗೆ ಎರಡ್ಮೂರು ದಿನಗಳು ಬಾಕಿ ಇದ್ದರೂ ಕೂಡಾ ಸರ್ಟಿಫಿಕೇಟ್ ಸಿಗದಿದ್ದರಿಂದ ಕಂಗಾಲಾಗಿದ್ದ ನಿರ್ಮಾಪಕರು ಹೈಕೋರ್ಟ್ ಮೊರೆ ಹೋಗಿದ್ದರು. ಇಂದು ಈ ಬಗ್ಗೆ ವಿಚಾರಣೆ ನಡೆದ ಸಂದರ್ಭದಲ್ಲಿ ಚಿತ್ರದ ಕಡೆಯಿಂದ ಅಸಲೀ ವಿಚಾರವನ್ನು ನ್ಯಾಯಾಧೀಶರ ಮುಂದೆ ಒಪ್ಪಿಸಲಾಗಿದೆ. ಈ ಹಂತದಲ್ಲಿ ಸೆನ್ಸಾರ್ ಮಂಡಳಿ ಚಿತ್ರವನ್ನು ಮತ್ತೊಮ್ಮೆ ಪರಿಶೀಲನೆ ನಡೆಸುವ ಭರವಸೆ ನೀಡಿದೆ. ಈ ಮೂಲಕ ಎಲ್ಲಿ ಮತ್ತೆ ತಡವಾಗಿ ಎಡವಟ್ಟಾಗಬಹುದೋ ಎಂಬಂಥಾ ಆತಂಕವೊಂದು ಖುದ್ದು ದಳಪತಿಯನ್ನೇ ಕಾಡುತ್ತಿದೆ. ಸೆನ್ಸಾರ್ ಮಂಡಳಿಯ ಮಾಹಿತಿಯನ್ವಯ ನಾಳೆ ಮಧ್ಯಾನ್ಹಕ್ಕೆ ವಿಚಾರಣೆಯನ್ನು ಮುಂದೂಡಲಾಗಿದೆ. ಆ ಸಂದರ್ಭದಲ್ಲಿ ಬರಬ ಹುದಾದ ತೀರ್ಪಿನ ಮೇಲೆ ಜನನಾಯಗನ್ ಭವಿಷ್ಯ ನಿಂತಿದೆ. 

latest truth of thalapathy vijay’s last movie: ಜನನಾಯಗನ್ ಬಾಲಯ್ಯನ ಚಿತ್ರದ ರೀಮೇಕಾ?

ಈ ವಿಚಾರಣೆಯ ಸಂದರ್ಭದಲ್ಲಿ ಕೇಂದ್ರ ಸೆನ್ಸಾರ್ ಮಂಡಳಿ, ಹೊಸದಾಗಿ ನಿಯೋಜಿಸಿರುವ ಮಂಡಳಿಯ ಕಡೆಯಿಂದ ಮತ್ತೊಮ್ಮೆ ಸಿನಿಮಾವನ್ನು ಪರಿಶೀಲಿಸೋದಾಗಿ ಹೇಳಿದೆ. ಆನನಾಯಗನ್ ಮೂರು ಭಾಷೆಗಳಲ್ಲಿ ಬಿಡುಗಡೆಗೊಳ್ಳುತ್ತಿದೆ. ಈ ಕಾರಣದಿಂದ ತಮಿಳಿನಲ್ಲಿ ಮೊಪದಲುಇ ಪರಿಶೀಲನೆ ನಡೆಯಬೇಕಿರೋದರಿಂದ ಅಂತಿಮ ತೀರ್ಪು ನಾಳೆ ಹೊರ ಬರುವ ನಿರೀಕ್ಷೆಗಳಿದ್ದಾವೆ. ಈ ಚಿತ್ರದ ಟ್ರೈಲರಿನಲ್ಲಿ ಅನೇಕ ವಿವಾದಾತ್ಮಕ ಅಂಶಗಳು ಇದ್ದಂತಿವೆ. ಇದು ಹೇಳಿಕೇಳಿ ದಳಪತಿಯ ರಾಜಕೀಯ ರಂಗಪ್ರವೇಶಕ್ಕೆ ಪೂರಕವಾಗಿ ಸಿದ್ಧಪಡಿಸಲಾದ ಚಿತ್ರ. ಈ ಮೂಲಕ ರಾಜಕೀಯ ಅಜೆಂಡಾಗಳೂ ಇದರಲ್ಲಿರುವಂತಿವೆ. ಈ ಕಾರಣದಿಂದಲೇ ಸೆನ್ಸಾರ್ ಕಂಟಕ ಕಾಡಿದಂತಿದೆ. ಒಂದು ವೇಳೆ ಯಡವಟ್ಟಾದರೆ, ಕಡೇ ಘಳಿಗೆಯಲ್ಲಿ ಬಿಡುಗಡೆ ದಿನಾಂಕ ಮುಂದಕ್ಕೆ ಹೋದರೂ ಅಚ್ಚರಿಯೇನಿಲ್ಲ!

keywords: dalapaty, vijay, jananayagan, relese date postponed,

The post Jana Nayagan Release Date Postponed: ಜನನಾಯಗನ್ ಬಿಡುಗಡೆಯಾಗೋದು ಡೌಟು! appeared first on Cini Shodha.