ಈ ಚುನಾವಣೆಯ ಹೊತ್ತಿನಲ್ಲಿಯೇ ತ್ರಿಷಾ ಕೃಷ್ಣನ್ ಮತ್ತು ದಳಪತಿ ವಿಜಯ್ ಅಫೇರಿನ ಬಗ್ಗೆ ದೊಡ್ಡ ಮಟ್ಟದಲ್ಲಿ ಚರ್ಚೆಗಳಾಗಿದ್ದವು. ದಳಪತಿಯ ದಾಂಪತ್ಯ ಜೀವನ ವಿಚ್ಛೇದನದ ಮೂಲಕ ಛಿದ್ರವಾಗುತ್ತಲೇ, ಗಂಡ ಹೆಂಡಿರ ನಡುವೆ ವಿರಸ ಮೂಡಲು ತ್ರೀಷಾಳೇ ಮೂಲ ಕಾರಣವೆಂಬ ಆರೋಪಗಳೂ ವ್ಯಾಪಕವಾಗಿ ಕೇಳಿ ಬಂದಿದ್ದವು. ಅಷ್ಟಕ್ಕೂ ವಿಜಯ್ ಮತ್ತು ತ್ರಿಷಾ ಬಂಧದ ಬಗ್ಗೆ ರೂಮರುಗಳು ಹಬ್ಬಿಕೊಳ್ಳುತ್ತಿರೋದು ಇದೇ ಮೊದಲೇನಲ್ಲ. ಸಿನಿಮಾ ರಂಗದ ಪಡಸಾಲೆಯಲ್ಲಿ ಆ ಬಗ್ಗೆ ಹಬ್ಬಿಕೊಂಡ ರಂಗು ರಂಗಿನ ಕಥನಗಳೇ ಸಿನಿಮಾವೊಂದಕ್ಕೆ ಸರಕಾಗುವಷ್ಟಿವೆ. ಆದರೀಗ ವಿಚ್ಚೇದನದ ನಂತರ ಅವರಿಬ್ಬರ ಅಫೇರು ಹಂತ ಹಂತವಾಗಿ ಖುಲ್ಲಂಖುಲ್ಲ ಘಟ್ಟ ತಲುಪಿಕೊಳ್ಳುತ್ತಿದೆ.

ಇತ್ತೀಚೆಗಷ್ಟೇ ಅದೆಷ್ಟೋ ವರ್ಷಗಳ ಹಿಂದಿನ ತ್ರಿಷಾಳ ವೀಡಿಯೋವೊಂದು ವೈರಲ್ ಆಗಿತ್ತು. ಅದರಲ್ಲಿ ಆಕೆ ಇನ್ನು ಹತ್ತು ವರ್ಷದ ನಂತರ ನಾನು ಸಿಎಂ ಆಗೇ ಆಗ್ತೀನಿ ಎಂಬರ್ಥದಲ್ಲಿ ಮಾತಾಡಿದ್ದಳು. ಆಗ ತಮಾಶೆಯಾಗಿ ಹೇಳಿದ್ದ ಆ ಮಾತುಗಳೀಗ ವಾಸ್ತವದ ಹೊಸ್ತಿಲಲ್ಲಿಯೇ ನಿಂತಂತೆ ಭಾಸವಾಗುತ್ತಿದೆ. ಇದೀಗ ವಿಜಯ್ ಅಂತಃಪುರದಲ್ಲಿ ತ್ರಿಷಾಳ ಕನಸನ್ನು ಕನಸು ಮಾಡುವ ಪಲ್ಲಟಗಳು ತಣ್ಣಗೆ ನಡೆಯುತ್ತಿವೆ. ಈ ಬಾರಿ ವಿಜಯ್ ಎರಡೆರಡು ಕ್ಷೇತ್ರಗಳಲ್ಲಿ ಗೆದ್ದಿದ್ದಾರೆ. ಅದರಲ್ಲೊಂದುಇ ಕ್ಷೇತ್ರದಿಂದ ತ್ರಿಷಾಳನ್ನು ಕಣಕ್ಕಿಳಿಸಿ ಗೆಲ್ಲಿಸಿಕೊಳ್ಳುವ ಇರಾದೆ ವಿಜಯ್‌ಗೆ ಇದ್ದಂತಿದೆ.

ಇದು ತ್ರಿಷಾಳಿಗೆ ಪಟ್ಟ ಕಟ್ಟುವ ಮೊದಲ ಹೆಜ್ಜೆ. ಸದ್ಯ ಮಟ್ಟಿಗೆ ಬಾಹ್ಯ ಬೆಂಬಲ ಪಡೆದುಕೊಂಡು ಸರ್ಕಾರ ರಚಿಸೋದರತ್ತ ಚಿತ್ತ ನೆಟ್ಟಿರುವ ವಿಜಯ್, ಆ ನಂತರದಲ್ಲಿ ತ್ರಿಷಾಳನ್ನು ಶಾಶಕಿಯಾಗಿಸಿ, ಉಪ ಮುಖ್ಯಮಂತ್ರಿ ಹುದ್ದೆ ಕೊಡುವ ಆಲೋಚನೆಯು ಇದ್ದಂತಿದೆ. ಇದರಿಮದ ಸಾಮಾಜಿಕವಾಗಿ ಮಹಿಳೆಯರಿಗೆ ಸೂಕ್ತ ಸ್ಥಾನಮಾನ ಕಲ್ಪಿಸಿದ ಹೆಗ್ಗಳಿಕೆಯೂ ವಿಜಯ್‌ಗೆ ದಕ್ಕುತ್ತದೆ. ಮನದನ್ನೆಯನ್ನು ಬಾಜಿನಲ್ಲಿ ಕೂರಿಸಿಕೊಂಡು ರಾಜ್ಯ ಆಳುವ ಆತ್ಮತೃಪ್ತಿಯೂ ಸಿಗುತ್ತದೆ. ಒಂದು ಬರಿ ತ್ರಿಷಾ ರಾಜಕಾರಣಕ್ಕೆ ಎಂಟ್ರಿ ಕೊಟ್ಟು ಡಿಸಿಎಂ ಆದರೆ, ಥೇಟು ಜಯಲಲಿತಾರಂತೆ ಸಿಎಂ ಆಗೋ ಹಾದಿ ಸುಗಮವಾದಂತೆಯೇ. ವಿಜಯ್ ಏನಾದರೂ ಈ ಬಾರಿ ಜನರ ನಿರೀಕ್ಷೆಗೆ ತಕ್ಕುದಾಗಿ ಆಡಳಿತ ನಡೆಸಿದರೆ, ಮುಂದಿನ ಬಾರಿ ಟಿವಿಕೆ ಬಹುಮತ ಪಡೆದುಕೊಂಡರೆ, ಆಗ ತಮಿಳುನಾಡಿಗೆ ಜ್ಯೂನಿಯರ್ ಅಮ್ಮನ ದರ್ಶನವಾಗೋದು ಬಹುತೇಕ ಖಚಿತ!

keywords: trisha krishnan, thalapathy vijay, tamilnadu politics

The post Thalapthy Vijay Political Updates: ದಳಪತಿಯ ಸಖಿ ತ್ರಿಷಾಗೆ ಲಕ್ಕು ಕುದುರಿದ ಲಕ್ಷಣ! appeared first on Cini Shodha.

ಈಗಾಗಲೇ ಬೇಸಿಲ್ ಜೋಸೆಫ್ ಮತ್ತು ಅಲ್ಲು ಅರ್ಜುನ್ ನಡುವೆ ಒಂದಷ್ಟು ಸುತ್ತಿನ ಮಾತುಕತೆಗಳು ನಡೆದಿವೆ. ಸದ್ಯದ ಮಟ್ಟಿಗೆ ಈ ಸಿನಿಮಾವನ್ನು ಎಎ೨೫ ಅಂತ ಹೆಸರಿಸಲಾಗಿದೆ. ಇದೀಗ ಸರಿಕಟ್ಟಾದೊಂದು ಶೀರ್ಷಿಕೆ ಇಡುವ ಸಲುವಾಗಿ ತಯಾರಿ ಆರಂಭವಾಗಿದೆ. ಈ ಮೂಲಕ ತೆಲುಗು ಸೂಪರ್ ಸ್ಟಾರ್ ಹಾಗೂ ಮಲೆಯಾಳಂನ ಪ್ರತಿಭಾವಂತ ನಿರ್ದೇಶಕರ ಮೊದಲ ಸಮಾಗಮ ಸಂಭವಿಸೋದು ಖಚಿತಗೊಂಡಂತಿದೆ. ಬೇಸಿಲ್ ಜೋಸೆಫ್ ತಮ್ಮ ಭಿನ್ನ ನಿರೂಪಣೆ ಹಾಗೂ ವಿಶಿಷ್ಟ ಕಥೆಗಳನ್ನು ಹೇಳುವ ಕಲೆಗಾರಿಕೆಯ ಮೂಲಕ ಗಮನ ಸೆಳೆದಿರುವ ನಿರ್ದೇಶಕ.

ಈ ಹಿಂದೆ ಮಿನ್ನಲ್ ಮುರಳಿಯೊಂದಿಗೆ ಬೇಸಿಲ್ ಜೋಸೆಫ್ ಸಿನಿಮಾವೊಂದು ರಾಷ್‌ಟರ ಮಟ್ಟದಲ್ಲಿ ಜನಪ್ರಿಯತೆ ಗಳಿಸಿಕೊಂಡಿತ್ತು. ಇದುವರೆಗೂ ನಿರ್ದೇಶಕನಾಗಿ ಭಿನ್ನ ಪಥದಲ್ಲಿ ಸಾಗಿ ಬಂದಿರುವ ಬೇಸಿಲ್ ಅಲ್ಲು ಅರ್ಜುನ್‌ಗಾಗಿ ಪ್ರೇಕ್ಷಕರನ್ನು ಅಚ್ಚರಿಗೊಳಿಸುವಂಥಾದ್ದೊಂದು ಕಥೆಯನ್ನೇ ಸಿದ್ಧಪಡಿಸಿದ್ದಾರಂತೆ. ಈ ಕಾರಣದಿಂದಲೇ ದೇಶವ್ಯಾಪಿ ಅಭಿಮಾನಿ ಪಡೆ ಈ ಸಿನಿಮಾಕ್ಕಾಗಿ ಕಾದು ಕೂತಿದ್ದಾರೆ. ಇದೇ ಸಂದರ್ಭದಲ್ಲಿ ಅಲ್ಲು ಅರ್ಜುನ್ ಆಟ್ಲಿ ನಿರ್ದೇಶನದ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಅದರ ಬೆನ್ನಲ್ಲಿಯೇ ಮತ್ತೋರ್ವ ತಮಿಳು ನಿರ್ದೇಶಕ ಲೋಕೇಶ್ ಕನಕರಾಜ್ ನಿರ್ದೇಶನ ದ ಸಿನಿಮಾ ಚಾಲೂ ಆಗಲಿದೆ. ಅದಾದ ಬಳಿಕ ಮುಂನ ವಷದ ಮೊದಲ ಭಾಗದಲ್ಲಿ ಸದರಿ ಸಿನಿಮಾಕ್ಕೆ ಚಾಲನೆ ಸಿಗಲಿದೆ.

keywords: besil josef, allu arjun, tollywood, mollywood, allu arjun upcoming movie updates

The post Allu Arjun New Movie Updates: ಪುಷ್ಪರಾಜ್‌ಗೆ ಬೆಸಿಲ್ ಜೋಸೆಫ್ ಸಾರಥ್ಯ! appeared first on Cini Shodha.

ಯಶ್ ಅಭಿನಯದ ಕೆಜಿಎಫ್ ಸರಣಿ ಗೆಲುವಿನ ಮೂಲಕ ಬಾಲಿವುಡ್ ಮಂದಿಯ ಅಳ್ಳೆ ಅದುರಿತ್ತು. ಅದು ದಕ್ಷಿಣ ಭಾರತೀಯ ಚಿತ್ರರಂಗದಿಂದ ಬಾಲಿವುಡ್ ನೆತ್ತಿಗೆ ಬಿದ್ದ ಬಹುದೊಡ್ಡ ಏಟು. ಯಾಕೆಂದರೆ, ದಕ್ಷಿಣ ಭಾರತೀಯ ಸಿನಿಮಾಗಳನ್ನು ಬಾಲಿವುಡ್ ಮಂದಿ ಅತ್ಯಂತ ತುಚ್ಛವಾಗಿ ನೋಡುತ್ತಾ ಬಂದಿದ್ದಾರೆ. ಅದರಲ್ಲಿಯೂ ಕನ್ನಡ ಸಿನಿಮಾ ರಂಗವನ್ನು ಲೆಕ್ಕಕ್ಕಿಟ್ಟುಕೊಳ್ಳದ ದುರಹಂಕಾರವೊಂದು ಬಾಲಿವುಡ್ಡಿಗೆ ಅಪಾದಮಸ್ತಕ ಅಮರಿಕೊಂಡಿತ್ತು. ಅಂಥಾ ಚಿತ್ರರಂಗದಿಂದ ತಯಾರಾದ ಚಿತ್ರವೊಂದು ಬಾಲಿವುಡ್ ಸಿನಿಮಾಗಳನ್ನೇ ಮಂಕಾಗಿಸಿ ಮೆರೆಯತ್ತದೆಂದರೆ ಹಿಂದೀವಾಲಾಗಳಿಗೆ ಅಂಡುರಿ ಬಾಧಿಸದಿರಲು ಸಾಧ್ಯವೇ? ಅಂಥಾ ಉರಿಯೆಲ್ಲವೂ ಧುರಂಧರ್ ಗೆಲುವಿನ ನಂತರ ಮತ್ತಷ್ಟು ಉಲ್ಬಣಿಸಿದೆ.

ಟಾಕ್ಸಿಕ್ ಬಿಡುಗಡೆ ದಿನಾಂಕ ಮುಂದಕ್ಕೆ ಹೋಗಿದ್ದರ ಹಿಂದೆ ಉತ್ತರ ಭಾರತದ ದಿಕ್ಕಿನ ವಿತರಕರಿಂದ ಬಂದ ಒತ್ತಡವೇ ಕಾರಣವೆಂಬ ವಾಸ್ತವಿಕ ಸುದ್ದಿಯೊಂದು ಹಬ್ಬಿಕೊಂಡಿದೆ. ಆದರೆ ಹಿಂದಿ ಮಂದಿ ಮಾತ್ರ ಧುರಂಧರ್೨ಗೆ ಹೆದರಿಯೇ ಟಾಕ್ಸಿಕ್ ಪೇರಿ ಕಿತ್ತಿದೆ ಅಂತೆಲ್ಲ ಟ್ರೋಲ್ ಮಾಡುತ್ತಾ ಸುಖಿಸುತ್ತಿದ್ದಾರೆ. ಅದೇ ಮಂದಿಯೀಗ ಧುರಂಧರ್೩ ಜೂನ್ ಹದಿನಾಲಕಕ್ಕೆ ಬಿಡುಗಡೆಗೊಂಡು ಟಾಕ್ಸಿಕ್ ಅನ್ನು ಮಣ್ಣುಮುಕ್ಕಿಸಲಿದೆ ಎಂಬರ್ಥದಲ್ಲಿ ಸುದ್ದಿ ಹಗರಿಯಬಿಡುತ್ತಿದ್ದಾರೆ. ಆದರೆ, ಧುರಂಧರ್ ಭಾಗವಾಗಿರುವವರೇ ಮೂರನೇ ಆವೃತ್ತಿಯ ವಿಚಾರವನ್ನು ತಳ್ಳಿ ಹಾಕಿದ್ದಾರೆ. ಒಟ್ಟಾರೆಯಾಗಿ ಟಾಕ್ಸಿಕ್ ಚಿತ್ರ ಗೆಲ್ಲಕೂಡದು, ಕನ್ನಡದ ಹೀರೋ ಥಂಡಾ ಹೊಡೆಯ ಬೇಕೆಂಬ ವಿಕೃತಿ ಹಿಂದಿ ವಾಲಾಗಳಿಗೆ ಇದ್ದಂತಿದೆ. ಅದು ಸುಳ್ಳಾಗಿ ಬಿಟ್ಟಿರೆ ಕನ್ನಡದ ಪ್ರೇಕ್ಷಕರ ಪಾಲಿಗೆ ಅದಕ್ಕಿಂತಲೂ ಖುಷಿ ಬೇರೇನಿರಲು ಸಾಧ್ಯ?

keywords: yash, toxic movie, dhurandhar, toxic v/s dhurandhar

The post dhurandhar v/s toxic war: ಯಶ್ ವಿರುದ್ಧ ಮತ್ತೆ ಬಾಲಿವುಡ್ ಮಂದಿಯ ವಾರ್! appeared first on Cini Shodha.

ಯಶ್ ಕೇಜಿಎಫ್‌ನಂಥಾ ಸಿನಿಮಾ ಹವಾವನ್ನು ಮುಂದುವರೆಸಲಾರದೆ ಖಿನ್ನತೆಗೊಳಗಾಗಿದ್ದಾನೆ ಅನ್ನೋದು ವೇಣುಸ್ವಾಮಿ ಮಾತಿನ ಸಾರಾಂಶ. ಮಾಧ್ಯಮಗಳ ಮುಂದೆ ಬಂದರೆ ಸಾಕು; ಕಂಡ ಕಂಡೋರ ಬಗ್ಗೆ ಒದರಾಡೋ ಈತ ಯಶ್ ಬಗ್ಗೆ ಮಾರುದ್ದ ಮಾತಾಡಿದ್ದಾನೆ. ಇದರ ಹಿಂದೆ ಸಹಜವಾಗಿಯೇ ಕನ್ನಡ ನಟನೋರ್ವ ಪ್ಯಾನಿಂಡಿಯಾ ಮಟ್ಟಕ್ಕೇರಿದ ಯಶ್ ಬಗ್ಗೆ ತೆಲುಗುವಾಳ್ಳು ವೇಣು ಸ್ವಾಮಿಯ ಮಾತುಗಳಲ್ಲಿ ಉರಿ ನಿಗಿನಿಗಿಸುತ್ತಿರೋದು ಸ್ಪಷ್ಟವಾಗಿದೆ. ಈಗ್ಗೆ ಎರಡು ತಿಂಗಳ ಹಿಂದೆ ಪಾಡ್ ಕಾಸ್ಟ್ ಒಂದರಲ್ಲಿ ವೇಣು ಸ್ವಾಮಿ ಮಾತಾಡಿರುವ ರೀತಿಯೀಗ ವೈರಲ್ ಆಗಿದೆ. ಯಶ್ ಅಭಿಮಾನಿಗಳೆಲ್ಲ ಸಾರಾಸಗಟಾಗಿ ಈ ಕಳ್ಳ ಜ್ಯೋತಿಷಿಯ ಜನ್ಮ ಜಾಲಾಡಲಾರಂಭಿಸಿದ್ದಾರೆ.

nishvika naidu: ಲತ್ತೆ ನಸೀಬು ನೆಟ್ಟಗಾಗಿಸಲು ಹೋಮ ಹವನ!

ಅಷ್ಟಕ್ಕೂ ಯಶ್ ಈಗ ಯಶಸ್ಸಿನ ಉತ್ತುಂಗದಲ್ಲಿದ್ದಾರೆ. ಈತ ಸಿನಿಮಾ ಆಯ್ಕೆ ವಿಚಾರದಲ್ಲಿ ಪಕ್ಕಾ ಕಟ್ಟುನಿಟ್ಟಿನಿಂದ ಮುಂದುವರೆಯುತ್ತಿದ್ದಾರೆ. ಅದಿಲ್ಲದೇ ಹೋಗಿದ್ದರೆ ಯಾವುದ್ಯಾವುದೋ ಸಿನಿಮಾ ಒಪ್ಪಿಕೊಂಡು ಪ್ರಭಾಸ್‌ನಂತೆ ಹಳ್ಳ ಹಿಡಿಯಬೇಕಾಗಿ ಬರುತ್ತಿತ್ತೇನೋ. ಟಾಕ್ಸಿಕ್ ಈಗ ಪ್ಯಾನಿಂಡಿಯಾ ಮಟ್ಟದಲ್ಲಿ ಮೂಡಿಸಿರುವ ಕ್ರೇಜ್ ಸಣ್ಣ ಮಟ್ಟದ್ದೇನಲ್ಲ. ಅದರ ಬೆನ್ನಲ್ಲಿಯೇ ಬಹುನಿರೀಕ್ಷಿತ ಬಾಲಿವುಡ್ ರಾಮಾಯಣದಲ್ಲಿಯೂ ಕೂಡಾ ಯಶ್ ರಾವಣನಾಗಿ ಅಬ್ಬರಿಸಲು ಅಣಿಯಾಗಿದ್ದಾರೆ. ಯಾವತ್ತು ಪ್ಯಾನಿಂಡಿಯಾ ಏಣಿ ಹತ್ತಿದರೋ, ಆ ಕ್ಷಣದಿಂದಲೇ ದಿನದಿಂದ ದಿನಕ್ಕೆ ಒಂದಷ್ಟು ಹಂತಕ್ಕೆ ಮೇಲೇರುತ್ತಿದ್ದಾರೇ ವಿನಃ ಕೆಳಕ್ಕಿಳಿಯುವಂಥಾ ಪ್ರಮೇಯ ಬಂದಿಲ್ಲ. ಒಂದು ವೇಳೆ ಬಂದರೂ ಯಶ್‌ಗೆ ಅದನ್ನು ಸಂಭಾಳಿಸೋ ತಾಕತ್ತು ಖಂಡಿತಾ ಇದೆ. ಯಾಕೆಂದರೆ, ಆತ ಏಳು ಬೀಳುಗಳನ್ನು ಕಂಡುಂಡು ಬೆಳೆದು ಬಂದಿರುವ ನಟ.

ಹೀಗಿರುವಾಗ ಅದ್ಯಾವುದೋ ಪಾಡ್‌ಕಾಸ್ಟಿನಲ್ಲಿ ಕಳ್ಳ ಜ್ಯೋತಿಷಿ ವೇಣುಸ್ವಾಮಿ ಯಶ್ ಬಗ್ಗೆ ಹೀನಾಯವಾಗಿ, ಕಪೋಲಕಲ್ಪಿತ ಮಾತಾಡುತ್ತಾನೆಂದರೆ ಏನನ್ನಬೇಡ? ಬಹುಶಃ ಈ ಅಯೋಗ್ಯನ ಭವಿಷ್ಯವಾಣಿ ಕೇಳಿ ಬೆದರಿದ ಯಶ್ ಓಡೋಡಿ ಬಂದರೆ, ಯಾವುದೋ ಯಾಗದ ಮಂಕುಬೂದಿ ಎರಚಿ ಒಂದಷ್ಟು ಲಕ್ಷ ಪೀಕುವ ದರೋಡೆ ಮನಃಸ್ಥಿತಿ ಈತನದ್ದಿರಬಹುದು. ಯಶ್ ಬಗ್ಗೆ ಮಾತಾಡುವಾಗ ವೇಣುಸ್ವಾಮಿ ತೆಲುಗು ನಟನಾಗಿದ್ದರೆ ಮಾತಾಡುತ್ತಿರಲಿಲ್ಲ, ಕನ್ನಡದವನಾಗಿರುವುದಕ್ಕೆ ಪ್ರಸ್ತಾಪಿಸುತ್ತಿದ್ದೇನೆ ಎಂಬರ್ಥದಲ್ಲಿ ಮಾತಾಡಿದ್ದಾನೆ. ಈ ಹಿಂದೆ ಒಂದಷ್ಟು ವಿವಾದಾತ್ಮಕವಾಗಿ ಮಾತಾಡಿ ಕೇಸು ಜಡಿಸಿಕೊಂಡಿದ್ದವನು ವೇಣು ಸ್ವಾಮಿ. ಒಂದು ವೇಳೆ ತೆಲುಗು ನಟರ ಬಗ್ಗೆ ಈ ರೀತಿ ಮಾತಾಡಿದ್ದರೆ ವೇಣುಸ್ವಾಮಿಯ ಅಂಡಿಗೆ ಬಡಿಗೆ ಬೀಳುತ್ತಿತ್ತು. ಇಂಥಾ ಅಯೋಗ್ಯರನ್ನು ಈ ಸಿನಿಮಾ ಮಂದಿ ಅದ್ಯಾವ ಮೂರ್ಖತನದಿಂದ ನಂಬುತ್ತಾರೋ…

KEYWORDS: YASH, VENUSWAMY, TOLLYWOOD, SANDALWOOD, TOXIC

The post Astrologer Venuswamy Talks About Yash: ಸೆಲೆಬ್ರಿಟಿ ವಂಚಕ ವೇಣುಸ್ವಾಮಿ! appeared first on Cini Shodha.

ದಳಪತಿ ವಿಜಯ್ ವೃತ್ತಿ ಬದುಕಿನ ಕಟ್ಟ ಕಡೆಯ ಚಿತ್ರವೆಂಬ ಕಾರಣದಿಂದಲೇ ಜನನಾಯಗನ್ ಒಂದಷ್ಟು ಗಮನ ಸೆಳೆದಿತ್ತು. ದೊಡ್ಡ ಮಟ್ಟದಲ್ಲಿ ಫ್ಯಾನ್ ಬೇಸ್ ಹೊಂದಿರೋ ಈ ಸಿನಿಮಾವನ್ನು ಕೆವಿಎನ್ ಸಂಸ್ಥೆ ಅತ್ಯಂತ ಉತ್ಸಾಹದಿಂದಲೇ ನಿರ್ಮಾಣ ಮಾಡಿತ್ತು. ಆದರೀಗ ವಿಜಯ್‌ನನ್ನು ನಂಬಿ ಬಹುಕೋಟಿ ಹೂಡಿದ್ದ ಕೆವಿಎನ್ ಸಂಸ್ಥೆಯೇ ಕಂಗಾಲಾಗುವಂತಾಗಿದೆ. ಬಿಡುಗಡೆಯ ಹೊಸ್ತಿಲಲ್ಲಿ ಸಿನಿಮಾ ಬಿಡುಗಡೆ ಮುಂದಕ್ಕೆ ಹೋಗಿದ್ದೂ ಸೇರಿದಂತೆ ಲುಕ್ಸಾನಿನ ಪರ್ವವೊಂದಕ್ಕೆ ಈ ನಿರ್ಮಾಣ ಸಂಸ್ಥೆ ಎದೆಯೊಡ್ಡುವಂತಾಗಿದೆ. ಇದೆಲ್ಲವನ್ನೂ ಕಂಡು ಬೇಸತ್ತಿರೋ ವಿಜಯ್ ತಾನು ಪಡೆದಿದ್ದ ಸಂಭಾವನೆಯಲ್ಲಿಯೇ ಒಂದಷ್ಟು ಮೊತ್ತವನ್ನು ಹಿಂತಿರುಗಿಸುವ ಮೂಲಕ ನಿರ್ಮಾಪಕರ ಸಂಕಷ್ಟಕ್ಕೆ ನೆರವಾಗಲು ಮುಂದಾಗಿದ್ದಾನಂತೆ!

Jana Nayagan Movie Updates: ನೂರಿಪ್ಪತ್ತು ಕೋಟಿಯ ಡೀಲ್ ಕ್ಯಾನ್ಸಲ್!

ಹಾಗೆ ನೋಡಿದರೆ, ವಿಜಯ್ ಈ ಸಿನಿಮಾದ ಒಟ್ಟಾರೆ ಬಜೆಟ್ಟಿನ ಅರ್ಧದಷ್ಟು ಮೊತ್ತವನ್ನು ಸಂಭಾವನೆಯಾಗಿ ಪಡೆದಿದ್ದರು. ಈ ಕಾರಣದಿಂದಲೇ ದೇಶಾದ್ಯಂತ ಈ ಸಂಭಾವನೆಯ ಮೊತ್ತದ ಬಗ್ಗೆ ಚರ್ಚೆಯಾಗಿತ್ತು. ಅಂದಹಾಗೆ, ಜನನಾಯಗನ್ ಚಿತ್ರಕ್ಕಾಗಿ ವಿಜಯ್ ಪಡೆದಿದ್ದದ್ದು ಭರ್ತಿ ಇನ್ನೂರು ಕೋಟಿ. ಒಂದು ರೀಮೇಕ್ ಸರಕಿಗೆ ಈ ಸಂಸ್ಥೆ ಅದ್ಯಾಕೆ ಈ ಪಾಟಿ ಹೂಡಿಕೆ ಮಾಡಿತೋ ಗೊತ್ತಿಲ್ಲ. ಅಂತೂ ದಳಪತಿ ಚುನಾವಣಾ ಪೂರ್ವ ರ್‍ಯಾಲಿಗಳನ್ನು ಜನನಾಯಗಳ ಸಂಭಾವನೆ ಕಾಸಲ್ಲಿಯೇ ಸಂಭಾಳಿಸುವ ಯೋಜನೆ ಹಾಕಿಕೊಂಡಿರಲೂ ಬಹುದು. ಆದರೀಗ ಎಲ್ಲವೂ ಅದಲು ಬದಲಾಗಿದೆ. ಬಿಡುಗಡೆ ದಿನಾಂಕವೇ ನಿಗಧಿಯಾಗದಿರೋದರಿಂದಾಗಿ ವ್ಯವಹಾರಕ್ಕೆ ಭಾರೀ ಹಿನ್ನಡೆಯಾಗಿದೆ. ಒಂದು ವೇಳೆ ಎಲ್ಲ ಮುಗಿದು ಬಿಡುಗಡೆ ದಿನಾಂಕ ಘೋಶಣೆಯಾದರೂ ಕೂಡಾ ವ್ಯವಹಾರ ನಡೆಸೋ ಧೈರ್ಯ ಅನೇಕರಿಗಿಲ್ಲ. ಯಾಕೆಂದರೆ, ಜನನಾಯಕನಿಗೆ ಯಾವ ಕ್ಷಣದಲ್ಲಿ, ಯಾವ ಸ್ವರೂಪದ ಗುನ್ನಾ ಬೀಳುತ್ತದೆಂಬುದನ್ನು ಅಂದಾಜಿಸಲು ಸಾಧ್ಯವಿಲ್ಲ!

keyword: jana nayagan, thalapathy vijay, kollywood, kvn productions

The post Jana Nayagan Movie: ಸಂಭಾವನೆ ವಾಪಾಸು ಕೊಡ್ತಾನಾ ಧಳಪತಿ? appeared first on Cini Shodha.

ಈವತ್ತಿಗೂ ಪ್ರಭಾಸ್ ಸಿನಿಮಾ ಮಾಡಲು ದೊಡ್ಡ ದೊಡ್ಡ ನಿರ್ಮಾಣ ಸಂಸ್ಥೆಗಳು ಮುಗಿ ಬೀಳುತ್ತಿವೆ. ಇದೀಗ ಕಾಂತಾರಾ ಖ್ಯಾತಿಯ ಕನ್ನಡದ ಹೊಂಬಾಳೆ ಫಿಲಂಸ್ ಸಂಸ್ಥೆ ಕೂಡಾ ಪ್ರಭಾಸ್ ಜೊತೆ ದೊಡ್ಡ ಮಟ್ಟದಲ್ಲಿ ಸಿನಿಮಾ ಮಾಡಲು ಮುಂದಾಗಿದೆ ಎಂಬಂಥಾ ಮಾತುಗಳು ಹರಿದಾಡುತ್ತಿವೆ. ಇತ್ತೀಚೆಗಷ್ಟೇ ಪ್ರಭಾಸ್ ಮಲೆಯಾಳಂನ ಖ್ಯಾತ ನಿರ್ದೇಶಕ ದಿನ್ಜಿತ್ ಅಯ್ಯತ್ತಾನ್ ಜೊತೆಗಿರೋ ಫೋಟೋವೊಂದು ಸಾಮಾಜಿಕ ಜಾಲತಾಣಗಳ ಮೂಲಕ ಹರಿದಾಡಿತ್ತು. ಮಲೆಯಾಳಂ ಮಾಧ್ಯಮಗಳಲ್ಲಿ ಹರಿದಾಡಿದ್ದ ಈ ಫೋಟೋ ಹಿಂದೆಯೇ ಒಂದಷ್ಟು ಬಗೆಯ ಚರ್ಚೆಗಳು ನಡೆದಿದ್ದವು. ಅದರ ಬೆನ್ನಲ್ಲಿಯೇ ಈಗ ಎಲ್ಲರೂ ಅಚ್ಚರಿಗೊಳ್ಳುವಂಥಾದ್ದೊಂದು ಸುದ್ದಿ ಹರಿದಾಡುತ್ತಿದೆ.

ಈಗ ಹಬ್ಬಿಕೊಂಡಿರುವ ಪುಕಾರುಗಳ ಆಧಾರದಲ್ಲಿ ಹೇಳೋದಾದರೆ, ಪ್ರಭಾಸ್ ಮಲೆಯಾಳಂ ನಿರ್ದೇಶಕನನ್ನು ಭೇಟಿಯಾಗಿದ್ದರ ಹಿಂದೆ ಮಹತ್ವದ್ದೊಂದು ಕಾರಣವಿದೆ. ಪ್ರಭಾಸ್ ಈಗಾಗಲೇ ಹೊಂಬಾಳೆ ಸಂಸ್ಥೆಯೊಂದಿಗೆ ಮೂರು ಸಿನಿಮಾಗಳಿಗೆ ಸಹಿ ಹಾಕಿದ್ದಾರಂತೆ. ಅದರಲ್ಲೊಂದು ಚಿತ್ರವನ್ನು ದಿನ್ಜಿತ್ ಅಯ್ಯತ್ತಾನ್ ನಿರ್ದೇಶನ ಮಾಡಲಿದ್ದಾರಾ? ಸಿನಿಮಾ ರಂಗದೊಳಗಿನ ಮಾಹಿತಿಗಳು ಹೌದೆಂಬಂಥಾ ಉತ್ತರ ರವಾನಿಸುತ್ತಿವೆ. ದಿನ್ಜಿತ್ ಅಯ್ಯತ್ತಾನ್‌ರನ್ನು ಭೇಟಿಯಾದ ಪ್ರಭಾಸ್ ಕಥೆಯ ಬಗ್ಗೆ ಚರ್ಚೆ ನಡೆಸಿರುವಂತಿದೆ. ಮಿಕ್ಕುಳಿದ ಮತ್ತೊಂದು ಸಿನಿಮಾವನ್ನು ಕೂಡಾ ಪ್ರತಿಭಾನ್ವಿತ ನಿರ್ದೇಶಕರೋರ್ವರು ನಿರ್ದೇಶನ ಮಾಡಲಿದ್ದಾರೆ. ಬಹುಶಃ ಈ ಸರಣಿಯ ಮೂಲಕವೇ ಪ್ರಭಾಸ್‌ನ ಲತ್ತೆ ನಸೀಬು ಸರಿಯಾದೀತೇನೋ…

keywords: prabhas, prabhas new project with hombale films, dinjith ayyathan

The post Arabhas New Movie With Hombale: ಪ್ರಭಾಸ್ ಜೊತೆ ಹೊಂಬಾಳೆ ಮಾತುಕತೆ! appeared first on Cini Shodha.

ಎಲ್ಲವೂ ಅಂದುಕೊಂಡಂತೆಯೇ ಆಗಿದ್ದರೆ ಜನನಾಯಗನ್ ಚಿತ್ರ ಬಿಡುಗಡೆಯಾಗಿ ತಿಂಗಳು ಕಳೆಯುತ್ತಿತ್ತು. ಇನ್ನೇನು ಬಿಡುಗಡೆಗೆ ಎರಡು ದಿನ ಇರುವಾಗಲೇ ಬಿಡುಗಡೆ ದಿನಾಂಕ ಮುಂದಕ್ಕೆ ಹೋಗಿತ್ತು. ಅಲ್ಲಿಂದ ಶುರುವಾದ ಆಘಾತಗಳ ಸರಣಿ ಅನೂಚಾನವಾಗಿ ಮುಂದುವರೆದಿದೆ. ಇದೀಗ ಅಮೇಜಾನ್ ಪ್ರೈಮ್ ಕೂಡಾ ಈ ಸಿನಿಮಾದ ಓಟಿಟಿ ಹಕ್ಕುಗಳಿಂದ ಹಿಂದೆ ಸರಿದಿದೆ. ಅದೇನು ಸಣ್ಣ ಮಟ್ಟದ ವ್ಯವಹಾರವಾಗಿರಲಿಲ್ಲ. ಭರ್ತಿ ನೂರಾ ಇಪ್ಪತ್ತು ಕೋಟಿಗಳಿಗೆ ಮಾತುಕತೆ ನಡೆದಿತ್ತು. ಜನನಾಯಗನ್ ಓಟಿಟಿ ಎಂಟ್ರಿಗೆ ಮುಹೂರ್ತವೂ ನಿಗಧಿಯಾಗಿತ್ತು. ಆದರೀಗ ಬಿಡುಗಡೆಯೇ ಪದೇ ಪದೆ ಮುಂದಕ್ಕೆ ಹೋಗುತ್ತಿರೋದರಿಂದ, ಹಳೇ ಮಾತುಕತೆಯಷ್ಟು ಮೊತ್ತ ಕೊಡಲಾಗುವುದಿಲ್ಲ ಅಂತ ಪ್ರೈಮ್ ಮಂದಿ ತಗಾದೆ ಶುರುವಿಟ್ಟಿದ್ದಾರೆ.

ಈ ಬಗ್ಗೆ ನಿರ್ಮಾಪಕರೊಂದಿಗೆ ಸುದೀರ್ಘವಾದ ಮಾತುಕತೆ, ಚೌಕಾಶಿ ವ್ಯವಹಾರ ನಡೆದು ಕಡೆಗೂ ಅಮೇಜಾನ್ ಪ್ರೈಂ ಈ ವ್ಯವಹಾರದಿಂದಲೇ ಹಿಂದೆ ಸರಿದಿದೆ ಎಂಬಂಥಾ ಸುದ್ದಿಗಳು ಹಬ್ಬಿಕೊಂಡಿವೆ. ಇದು ನಿಜಕ್ಕೂ ಧಳಪತಿಗೆ ಬಹುದೊಡ್ಡ ಆಘಾತ. ಹಾಗಂತ ಮದ್ಯ ಪ್ರವೇಶ ಮಾಡಿ ಯಾವ ಭರವಸೆ ಕೊಡಲೂ ಸಾಧ್ಯವಾಗದ ಸ್ಥಿತಿ ದಳಪತಿಯದ್ದು. ಯಾಕೆಂದರೆ, ಈಗಿರುವ ವಾತಾವರಣ ನೋಡಿದರೆ, ಮಳೆಗಾಲ ಬಂದರೂ ಈ ಚಿತ್ರ ಬಿಡುಗಡೆಯಾಗೋದು ಕಷ್ಟವಿದೆ. ಯಾಕೆಂದರೆ, ವಿಜಯ್ ವಿರೋಧಿ ಪಾಳೆಯ ಹಾಗೊಂದು ಅಡ್ಡಗಾಲು ಹಾಕಲು ಏನೇನು ಬೇಕೋ ಅದೆಲ್ಲ ತಯಾರಿಯನ್ನೂ ಮಾಡಿಕೊಂಡಿದೆ. ಅಂತೂ ಅಮೇಜಾನ್ ಪ್ರೈಂ ಡೀಲ್ ಕ್ಯಾನ್ಸಲ್ ಆಗಿರೋದರಿಂದ ಜನನಾಯಗನ್‌ಗೆ ಬಹುದೊಡ್ಡ ಹಿನ್ನಡೆ, ಅವಮಾನವಾಗಿರೋದಂತೂ ಸತ್ಯ!

keywords: jana nayagan movie, thalapathy vijay, amazon prime, kollywood

The post Jana Nayagan Movie Updates: ನೂರಿಪ್ಪತ್ತು ಕೋಟಿಯ ಡೀಲ್ ಕ್ಯಾನ್ಸಲ್! appeared first on Cini Shodha.

2008ರಲ್ಲಿ ಮುಂಬೈ ಮೇಲೆ ಭಯಾನಕ ಭಯೋತ್ಪಾದನಾ ದಾಳಿಯಾಗಿತ್ತು. ರಕ್ಕಸ ಭಯೋತ್ಪಾದಕರು ನಿರ್ದಾಕ್ಷಿಣ್ಯವಾಗಿ ಅದೆಷ್ಟೋ ಮಂದಿಯನ್ನು ಕೊಂದು ಕೆಡವಿದ್ದರು. ಈ ಸತ್ಯ ಘಟನೆಯನ್ನು ಆಧರಿಸಿ ಸಿನಿಮಾ ಒಂದು ತಯಾರಾಗಲಿದೆ. ಇದರ ಬಹುಮುಖ್ಯ ಪಾತ್ರದಲ್ಲಿ ನಟಿಸಲು ಕಂಗನಾ ರಾಣೌತ್ ಮುಂದಾಗಿದ್ದಾರೆಂಬ ಸುದ್ದಿ ಹರಿದಾಡುತ್ತಿದೆ. ಈ ದಾಳಿಯ ಸಂದರ್ಭದಲ್ಲಿ ಭಯೋತ್ಪಾದಕರು ಹೊಟೇಲ್ ಸೇರಿದಂತೆ ಅನೇಕ ಜನನಿಬಿಢ ಪ್ರದೇಶಗಳಲ್ಲಿ ದಾಳಿ ನಡೆಸಿ ಜನರನ್ನು ಕೊಂದಿದ್ದರು. ನಾನಾ ಕಾಯಿಲೆ, ಸಂಕಟದಿಂದ ನರಳುತ್ತಿರುವ ರೋಗಿಗಳೇ ತುಂಬಿದ್ದ ಆಸ್ಪತ್ರೆಯೊಂದಕ್ಕೂ ದಾಳಿ ನಡೆಸಿದ್ದರು.

kangana ranaut: ಕ್ಷೇತ್ರದಲ್ಲಿ ಪ್ರವಾಹ; ಬಿಟ್ಟಿ ಶೋಕಿಯ ಪ್ರತಾಪ!

ನರಳುವವರನ್ನು ಮತ್ತಷ್ಟು ಚಿತ್ರ ಹಿಂಸೆ ಕೊಟ್ಟು ಸಾಯಿಸಿದ್ದ ಈ ಘಟನೆಯ ಸುತ್ತ ಸದರಿ ಕಥೆ ಹಬ್ಬಿಕೊಂಡಿದೆಯಂತೆ. ವಿಶೇಷವೆಂದರೆ, ಇದರಲ್ಲಿ ಕಂಗನಾ ನರ್ಸ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರಕ್ಕೆ ಭಾರತ ಭಾಗ್ಯ ವಿಧಾತ ಎಂಬ ಶೀರ್ಷಿಕೆ ಕೂಡಾ ನಿಗಧಿಯಾಗಿದೆ. ಇದು ಹಿಂದಿ ಮತ್ತು ತಮಿಳು ಭಾಷೆಗಳಲ್ಲಿ ಬಿಡುಗಡೆಗೊಳ್ಳಲಿದೆಯಂತೆ. ಇನ್ನೇನು ಚಿತ್ರೀಕರಣ ಚಾಲೂ ಆಗಲಿದೆ. ಈ ಮೂಲಕವಾದರೂ ಪುಷ್ಕಳ ಗೆಲುವು ಸಿಕ್ಕೀತೆಂಬ ನಿರೀಕ್ಷೆ ಕಂಗನಾಗಿದ್ದಂತಿದೆ. ಯಾಕೆಂದರೆ, ತಲೈವಿ, ಎಮರ್ಜೆನ್ಸಿ ಮುಂತಾದ ಸಿನಿಮಾಗಳ ಮೂಲಕ ಕಂಗನಾ ಹೀನಾಯ ಸೋಲುಗಳನ್ನು ಕಂಡಿದ್ದಾರೆ. ಈ ಬಾರಿ ಸಂಸದೆಯೂ ಆಗಿರೋದರಿಂದ ಗೆಲ್ಲಲೇ ಬೇಕಾದ ಅನಿವಾರ್ಯತೆ ಕಂಗನಾ ಮುಂದಿದೆ!

keywords: kangana ranaut, kangana, bollywood, kangana ranaut upcoming movie updates

The post Kangana Ranaut: ಸತ್ಯ ಕಥೆಯತ್ತ ಸಂಸದೆಯ ಚಿತ್ತ! appeared first on Cini Shodha.

ರವಿತೇಜಾ ಅಭಿನಯಿಸಿದ್ದ ಚಿತ್ರವೊಂದು ಸಂಕ್ರಾಂತಿಯಂದು ತೆರೆಗಂಡಿತ್ತು. ಸಾಧಾರಣ ಗೆಲುವು ಪಡೆದಿದ್ದ ಆ ಸಿನಿಮಾ ಹೆಚ್ಚೇನೂ ಸದ್ದು ಮಾಡಿರಲಿಲ್ಲ. ಆದರೀಗ ಅಯ್ಯಪ್ಪ ಸ್ವಾಮಿಯ ಕಥಾ ಬಿಂದು ಹೊಂದಿರೋ ಇರುಮುಡಿ ಎಂಬ ಚಿತ್ರದಲ್ಲಿ ರವಿತೇಜಾ ಬ್ಯುಸಿಯಾಗಿದ್ದಾರೆ. ಈಗಾಗಲೇ ಪ್ರಿಯಾ ಭವಾನಿ ನಾಯಕಿಯಾಗಿ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾರೆ. ಚಿತ್ರೀಕರಣ ಭರದಿಂದ ಸಾಗುತ್ತಿರುವಾಗಲೇ ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ ಎರಡನೇ ನಾಯಕಿಯಾಗಿ ಆಗಮಿಸೋದು ಬಹುತೇಕ ಖಚಿತವಾಗಿದೆ. ಈ ಮೂಲಕ ಚಿತ್ರೀಕರಣ ಮತ್ತಷ್ಟು ವೇಗ ಪಡೆದುಕೊಂಡಿದೆ. ಆದರೆ, ತಮನ್ನಾ ಭಾಟಿಯಾ ಯಾವ ಪಾತ್ರ ಮಾಡುತ್ತಿದ್ದಾರೆ? ಅದರ ರೂಪುರೇಷೆಗಳೇನೆಂಬ ವಿಚಾರಗಳನ್ನು ಚಿತ್ರತಂಡ ಗೌಪ್ಯವಾಗಿಟ್ಟಿದೆ.

tamannah bhatia: ಇನ್ನು ಐದು ವರ್ಷ ಮಿಲ್ಕಿ ಬ್ಯೂಟಿ ಬ್ಯುಸಿ!

ಮೈತ್ರಿ ಮೂವಿ ಮೇಕರ್ಸ್ ಸಂಸ್ಥೆ ಈ ಚಿತ್ರವನ್ನು ಬಹುಕೋಟಿ ವೆಚ್ಚದಲ್ಲಿ ಅದ್ದೂರಿಯಾಗಿ ನಿರ್ಮಾಣ ಮಾಡುತ್ತಿದೆ. ಶಿವ ನಿರ್ವಣ ನಿರ್ದೇಶನ ಮಾಡುತ್ತಿರುವ ಸದರಿ ಚಿತ್ರ ದೇವರ ವರವೆಂಬಂತೆ ಜನಿಸಿದ ಮಗಳೊಬ್ಬಳನ್ನು ಕಾಪಾಡಿಕೊಳ್ಳಲು ತಂದೆಯೊಬ್ಬ ಶ್ರಮಿಸುವ, ಆಧ್ಯಾತ್ಮಿಕ ಅಂಶಗಳೊಂದಿಗೆ ಪಕ್ಕಾ ಮಾಸ್ ಅಂಶಗಳಿರುವ ಕಥೆ ಹೊಂದಿದೆಯಂತೆ. ಖುದ್ದು ರವಿತೇಜಾ ಹಲವಾರು ಸಂದರ್ಶನಗಳಲ್ಲಿ ತನಗೆ ಇರುಮುಡಿಯ ಬಗ್ಗೆ ಗಾಢ ಭರವಸೆ ಇರೋದಾಗಿ ಹೇಳಿಕೊಂಡಿದ್ದಾರೆ. ಈಗ ಅತ್ಯಂತ ವೇಗವಾಗಿ ಚಿತ್ರೀಕರಣ ಚಾಲೂ ಆಗಿದೆ. ಸದ್ಯಕ್ಕೆ ನಿರ್ಮಾಪಕರು ತಮನ್ನಾ ಜೊತೆ ಮಾತುಕತೆ ನಡೆಸಿದ್ದಾರೆ. ಇನ್ನೇನು ಕೆಲವೇ ದಿನಗಳಲ್ಲಿ ಮಿಲ್ಕಿ ಬ್ಯೂಟಿ ಚಿತ್ರೀಕರಣದಲ್ಲಿ ಭಾಗಿಯಾಗೋ ಸಾಧ್ಯತೆಗಳಿದ್ದಾವೆ.

keywords: tamannah bhatia, irumudi movie, raviteja, tollywood, irumudi movie

The post Irumudi Movie: ಇಬ್ಬರು ಸುಂದರಿಯರ ಜೊತೆ ಮಾಸ್ ರಾಜ! appeared first on Cini Shodha.

ಸೂರ್ಯನ ವೃತ್ತಿ ಬದುಕು ಈಗೊಂದಷ್ಟು ವರ್ಷಗಳಿಂದ ಅನಿಶ್ಚಿತವಾಗಿ ಹೊಯ್ದಾಡಲಾರಂಭಿಸಿದೆ. ಈ ನಡುವೆ ಭರವಸೆ ಮೂಡಿಸೋ ಒಂದಷ್ಟು ಪ್ರಾಜೆಕ್ಟುಗಳು ಸೂರ್ಯನ ಮುಂದಿದ್ದವು. ಪ್ಯಾನಿಂಡಿಯಾ ಮಟ್ಟದಲ್ಲಿ ಗಮನ ಸೆಳೆದಿರುವ ಲೋಕೇಶ್ ಕನಗರಾಜ್ ವರ್ಷದ ಹಿಂದೆಯೇ ಸೂರ್ಯನಿಗೊಂದು ಕಥೆ ಹೇಳಿದ್ದ. ಸೂರ್ಯ ಮತ್ತು ಲೋಕಿ ಕಾಂಬಿನೇಷನ್ನಿನಲ್ಲಿ ಸಿನಿಮಾ ತಯಾರಿ ನಡೆಯುತ್ತಿದೆ ಅಂತೆಲ್ಲ ಸುದ್ದಿ ಹಬ್ಬಿಕೊಂಡಿತ್ತು. ಆದರೆ, ಲೋಕೇಶ್ ಕನಗರಾಜ್ ಏಕಾಏಕಿ ಉಲ್ಟಾ ಹೊಡೆದವನೇ, ಸೂರ್ಯನಿಗೆ ಹೇಳಿದ ಕಥೆಯನ್ನು ಆಮೀರ್ ಖಾನ್‌ಗೆ ಹೇಳಿ ಒಪ್ಪಿಗೆ ಪಡೆದುಕೊಂಡಿದ್ದಾನೆ. ಈಗ ಆ ಸಿನಿಮಾ ಟೇಕಾಫ್ ಆಗಿದೆ. ಇದಾದ ನಂತರ ವೆಟ್ರಿಮಾರನ್ ವಾಡಿವಾಸನ್ ಎಂಬ ಸಿನಿಮಾ ಕಥೆಯನ್ನ ಸೂರ್ಯನ ಮುಂದೆ ಹರವಿಟ್ಟಿದ್ದರು. ಆದರೀಗ ಆತ ಬೇರೊಂದು ಸಿನಿಮಾಕ್ಕೆ ಚಾಲನೆ ನೀಡಿದ್ದಾರೆ. ಅಲ್ಲಿಗೆ ವಾಡಿವಾಸನ್ ಕಥೆ ಮುಕ್ತಾಯವಾದಂತಾಗಿದೆ!

ಹೀಗೆ ಒಂದರ ಹಿಂದೊಂದರಂತೆ ಆಘಾತ ಎದುರಿಸುತ್ತಿರೋ ಸೂರ್ಯನಿಗೆ ನಿರ್ದೇಶಕ ಪೂರಿ ಜಗನ್ನಾಥ್ ವರವಾಗಿ ಕಂಡಿದ್ದಾನೆ. ಪೂರಿ ಒಂದು ಕಥೆ ರೆಡಿ ಮಾಡಿಟ್ಟುಕೊಂಡು, ಅದರಲ್ಲಿ ಆಮೀರ್ ಖಾನ್ ನಟಿಸಬೇಕೆಂಬ ಇಂಗಿತ ಹೊಂದಿದ್ದನಂತೆ. ಕಡೆಗೂ ಹೇಗೋ ಕನೆಕ್ಷನ್ನು ಸಿಕ್ಕಿ ಈ ಕಥೆಯನ್ನು ಸೂರ್ಯನಿಗೆ ಹೇಳಿದ್ದರು. ಆರಂಭದಲ್ಲಿ ಅಷ್ಟೊಂದು ಆಸಕ್ತಿ ವಹಿಸದೇ ಹೋದರೂ ಕೂಡಾ, ಸೂರ್ಯನಿಗೀಗ ಅದೇ ಅನಿವಾರ್ಯವಾದಂತಿದೆ. ಆದರೆ, ಅದೂ ಕೂಡಾ ಸದ್ಯಕ್ಕೆ ಟೇಕಾಫ್ ಆಗುವಂತಿಲ್ಲ. ಯಾಕೆಂದರೆ, ಪುರಿ ಈಗ ಸ್ಲಂಡಾಗ್ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾನೆ. ಈ ಚಿತ್ರದಲ್ಲಿ ವಿಜಯ್ ಸೇತುಪತಿ ಭಿಕ್ಷಿಕನಾಗಿ ನಟಿಸುತ್ತಿದ್ದಾರೆ. ಇದರ ಚಿತ್ರೀಕರಣ ಸಮಾಪ್ತಿಗೊಂಡ ನಂತರ ಸೂರ್ಯನೊಂದಿಗಿನ ಸಿನಿಮಾ ಚಾಲೂ ಆಗುವ ಸಾಧ್ಯತೆಗಳಿದ್ದಾವೆ!

keywords: suriya, lokesh kanagaraj, vetrimaran, puri jagannath

The post Singam Suriya Upcoming Movie Updates: ಸಿಂಗಂ ಸೂರ್ಯನ ಕಂಡರೆ ನಿರ್ದೇಶಕರಿಗೆ ಭಯ! appeared first on Cini Shodha.