ಸದರಿ ಪತ್ರಿಕಾಗೋಷ್ಠಿಯಲ್ಲಿ ಟೀಸರ್ ಬಿಡುಗಡೆಗೊಳಿಸಿ ಮಾತಾಡಿದ್ದ ಲಹರಿ ವೇಲು ನಿರ್ದೇಶಕರು ಮತ್ತು ನಿರ್ಮಾಪಕರ ನಡುವೆ ನಡೆದಿದ್ದ ಅಗ್ರಿಮೆಂಟ್ ಬೆಗೆಗಿನ ವಿಚಾರವನ್ನು ಪ್ರಸ್ತಾಪಿಸಿದ್ದರು. ಈ ಬಗ್ಗೆ ಒರಟ ಶ್ರೀ ಅವರು ಹಂಚಿಕೊಂಡಿರೋ ಮಾಹಿತಿಯ ಆಧಾರದಲ್ಲಿ ಹೇಳೋದಾದರೆ, ಅವರು ಈ ಕಥೆಯನ್ನು ಸಿದ್ಧಪಡಿಸಿಕೊಂಡು, ಸರ್ವ ತಯಾರಿಯೊಂದಿಗೆ ನಿರ್ಮಾಪಕರನ್ನು ಭೇಟಿಯಾದಾಗ ಅವರಲ್ಲಿದ್ದ ಅಳುಕೊಂದನ್ನು ಮನಗಂಡಿದ್ದರಂತೆ. ನಿರ್ಮಾಪಕರು ಸಂಪೂರ್ಣ ಸಿನಿಮಾದ ಒಳಗಿಳಿದು ಸಮರ್ಪಿಸಿಕೊಳ್ಳಬೇಕೆಂದರೆ, ಅವರಲ್ಲೊಮದು ನಂಬಿಕೆ ಮೂಡಿಸಬೇಕು, ಯಾವುದೇ ನಷ್ಟದ ಭಯವಿಲ್ಲದೆ ಚಿತ್ರಕ್ಕೆ ಹಣ ಹೂಡಿಕೆ ಮಾಡಲು ಅನುವು ಮಾಡಿಕೊಡ ಬೇಕೆಂಬ ಉದ್ದೇಶದಿಂದಲೇ ಅಗ್ರಿಮೆಂಟೊಂದರ ಬಗ್ಗೆ ಪ್ರಸ್ತಾಪ ಮಾಡಿದ್ದರಂತೆ.

ಆರಂಭಿಕವಾಗಿ ನಿಗಧಿಯಾದ ಬಜೆಟ್ಟಿನಲ್ಲಿಯೇ ಒಂದಿಡೀ ಸಿನಿಮಾವನ್ನು, ಯಾವುದಕ್ಕೂ ಕೊರತೆ ಇಲ್ಲದಂತೆ ಮುಗಿಸಿಕೊಡಬೇಕು. ಒಂದು ವೇಳೆ ಬಜೆಟ್ ಅಗ್ರಿಮೆಂಟಿನ ಮಿತಿ ಮೀರಿದರೆ ಅದಕ್ಕೆ ನ ಇರ್ದೇಶಕರೇ ಸಂಪೂರ್ಣ ಹೊಣೆ. ಸಾಲ ಮಾಡುತ್ತಾರೋ, ಆಸ್ತಿಪಾಸ್ತಿ ಮಾರಿ ಹಣ ಹೊಂದಿಸುತ್ತಾರೋ ಗೊತ್ತಿಲ್ಲ; ಸಿನಿಮಾವನ್ನು ಬಿಡುಗಡೆಯ ಹಂತಕ್ಕೆ ತಂದು ನಿಲ್ಲಿಸೋದು ನಿರ್ದೇಶಕರ ಜವಾಬ್ದಾರಿ. ಒಂದು ವೇಳೆ ಈ ಒಪ್ಪಂದಕ್ಕೆ ತಪ್ಪಿದರೆ ಕಾನೂನು ರೀತಿಯ ಯಾವುದೇ ಕ್ರಮಗಳನ್ನು ಕೈಗೊಳ್ಳುವ ಸಂಪೂರ್ಣ ಅಧಿಕಾರ ಕಾಸು ಹೂಡಿದ ನಿರ್ಮಾಪಕರಿಗಿರುತ್ತದೆ. ಇದು ಒರಟ ಶ್ರೀ ಅವರು ಸಹಿ ಹಾಕಿದ್ದ ಶಬರಿಯ ಚಿತ್ರೀಕರಣಪೂರ್ವ ಒಡಂಬಡಿಕೆಯ ಸಂಕ್ಷಿಪ್ತ ಸಾರಾಂಶ!

ನಿರ್ಮಾಪಕರು ಖುಷಿಯಿಂದಲೇ ಆ ಒಪ್ಪಂದಕ್ಕೆ ಒಪ್ಪಿಗೆ ಸೂಚಿಸಿ ಚಿತ್ರಕ್ಕೆ ಚಾಲನೆ ನೀಡಿದ್ದರಂತೆ. ವಿಶೇಷವೆಂದರೆ, ಕೊಟ್ಟ ಮಾತಿಗೆ ತಪ್ಪದ ಒರಟ ಶ್ರೀ ಆರಂಭಿಕವಾಗಿ ಮೀಸಲಿಟ್ಟಿದ್ದ ಬಜೆಟ್ಟಿನಲ್ಲಿಯೇ ಅಚ್ಚುಕಟ್ಟಾಗಿ ಸಿನಿಮಾ ಮುಗಿಸಿದ್ದಾರಂತೆ. ಮೇಲು ನೋಟಕ್ಕಿದು ಒರಟ ಶ್ರೀ ಮತ್ತು ಶಬರಿ ಚಿತ್ರದ ನಿರ್ಮಾಪಕರ ನಡುವೆ ನಡೆದ ಖಾಸಗಿ ವಿಚಾರದಂತೆ ಕಾಣಿಸಬಹುದು. ಆದರೆ, ಇದೊಂದು ಅಕ್ಷರಶಃ ಕ್ರಾಂತಿಕಾರಕ ನಡೆ ಎಂಬುದರಲ್ಲಿ ಯಾವ ಅನುಮಾನವೂ ಇಲ್ಲ. ಯಾಕೆಂದರೆ, ಅನೇಕ ನಿರ್ಮಾಪಕರು ನಿರ್ದೇಶಕರೆನ್ನಿಸಿಕೊಂಡವರು ಕೊಟ್ಟ ಮಾತಿಗೆ ಬದ್ಧರಾಗದ ಬುದ್ಧಿಯಿಂದ ಕಂಗಾಲೆದ್ದಿದ್ದಾರೆ. ಅದೆಷ್ಟೋ ಮಂದಿಒ ಮನೆ ಮಠ ಮಾರಿಕೊಂಡಿದ್ದೂ ಇದೆ. ಆರಂಭಿಕವಾಗಿ ಹೇಳೋದೊಂದು ಬಜೆಟ್ಟು, ಅಚಿತಿಮವಾಗಿ ಆಗೋದೇ ಇನ್ನೊಂದು ಮೊತ್ತವೆಂಬಂಥಾ ವಾತಾವರಣವಿದೆ.

ಸುಮ್ಮನೊಮ್ಮೆ ಯೋಚಿಸಿ ನೋಡಿ; ಓರ್ವ ನಿರ್ಮಾಪಕ ತನ್ನ ಮಿತಿಗೆ ತಕ್ಕಂತೆ ಒಂದು ಕೋಟಿಯನ್ನು ಹೊಂಚಿ ಸಿನಿಮಾ ಆರಂಭಿಸುತ್ತಾನೆ. ಬರಬರುತ್ತಾ ಒಂದಷ್ಟು ಲಕ್ಷ ಹೆಚ್ಚೂಕಮ್ಮಿಯಾದರೆ ಹೇಗೋ ಹೊಂದಿಸುತ್ತಾರೆ. ಆದರೆ, ಏಕಾಏಕಿ ಒಂದು ಕೋಟಿ ಹೆಚ್ಚುವರಿ ಹಣ ಹೂಡಬೇಕಗಿ ಬಂದರೆ ಎಲ್ಲಿಂದ ತರಲು ಸಾಧ್ಯ? ಅಂಥಾ ಸಿನಿಮಾ ನಿರೀಕ್ಷಿತ ಯಶ ಕಾಣದೇ ಹೋದರೆ ಹೂಡಿದ ಕಾಸೆಲ್ಲವೂ ಹೋದಂತೆಯೇ. ಈ ಕಾರಣದಿಂದಲೇ ಅನೇಕ ಹೊಸಾ ನಿರ್ಮಾಪಕರು ಹಣ ಹೂಡಲು ಹಿಂದೇಟು ಹಾಕುತ್ತಾರೆ. ಒಳ್ಳೆ ಕಥೆಗಳು, ಈ ನಾಜೂಕು ದುನಿಯಾದಲ್ಲಿ ನೌಟಂಕಿ ಆಟವಾಡಲು ಬಾರದ ಪ್ರತಿಭಾನ್ವಿತ ನಿರ್ದೇಶಕರು ತೆರೆ ಮರೆಯಲ್ಲಿಯೇ ಉಳಿಯಬೇಕಾಗುತ್ತದೆ. ಇದೆಲ್ಲದರಿಂದ ಚಿತ್ರರಂಗ ಬಚಾವಾಗಲು ಒರಟ ಶ್ರೀ ಕಾರ್ಯರೂಪಕ್ಕೆ ತಂದಿರುವ ಫಾರ್ಮುಲ ನಿಜಕ್ಕೂ ಪರಿಣಾಮಕಾರಿಯಾಗಿದೆ. ಇದನ್ನೇ ಎಲ್ಲರೂ ಅನುಸರಿಸಿದರೆ, ಸಿನಿಮಾ ಘೋಶಿಸಿ ಯಾರದ್ದೋ ಕಾಸಲ್ಲಿ ಮಜಾ ಉಡಾಯಿಸುವ ಸನ್ನಿಯೊಂದು ಕಣ್ಮರೆಯಾಗುತ್ತದೆ. ಇಲ್ಲಿ ಗಟ್ಟಿ ಕಾಳುಗಳು ಮಾತ್ರವೇ ಉಳಿದುಕೊಂಡು, ಜೊಳ್ಳುಗಳೆಲ್ಲ ಗಾಂಧಿನಗರದಿಂದ ಗಾವುದ ದೂರಕ್ಕೆ ಎಗರಿ ಬೀಳುತ್ತವೆ. ಇಂಥಾದ್ದೊಂದು ಗಟ್ಟಿತನ ಪ್ರದರ್ಶಿಸಿರುವ ಒರಟ ಶ್ರೀ ಕ್ರಮವನ್ನು ಸಿನಿಮಾ ಪ್ರೇಮಿಗಳೆಲ್ಲ ಮೆಚ್ಚಿಕೊಳ್ಳುತ್ತಿದ್ದಾರೆ…

keywords: orata shree, shabari movie, sandalwood

The post Director Orata Shree: ಚಿತ್ರರಂಗದ ಉಳಿವಿಗಾಗಿ ಹೀಗೊಂದು ಪ್ರಯತ್ನ! appeared first on Cini Shodha.

ಲವ್ ಸೀಸನ್ಸ್ ಚಿತ್ರತಂಡದಲ್ಲಿ ಹೊಸಬರದ್ದೇ ಮೇಲುಗೈ. ಪ್ರಧಾನವಾಗಿ ಕಲೆಯ ನಾನಾ ಪ್ರಕಾರಗಳಲ್ಲಿ ಪಳಗಿಕೊಂಡಿರುವ, ರಂಗಭೂಮಿ ಹಿನ್ನೆಲೆಯಿಂದ ಬಂದವರೇ ಈ ತಂಡದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ. ಅಂಥಾ ಬಹುಮುಖ ಪ್ರತಿಭೆಗಳ ಸಾಲಿನಲ್ಲಿ ಮುಂಚೂಣಿಯಲ್ಲಿರುವಾಕೆ ಶ್ವೇತಾ ಕೊಗ್ಲೂರ್. ಶಾಸ್ತ್ರೀಯ ಸಂಗೀತ ಮತ್ತು ಸುಗಮ ಸಂಗೀತವನ್ನು ಅಚ್ಚುಕಟ್ಟಾಗಿ ಕಲಿತುಕೊಂಡು, ಭರತನಾಟ್ಯವನ್ನು ಬಹುವಾಗಿ ಹಚ್ಚಿಕೊಂಡಿರುವ ಶ್ವೇತಾ, ಈಗಾಗಲೇ ರವೀಂದ್ರ ಕಲಾಕ್ಷೇತ್ರ, ಎಡಿಎ ರಂಗಮಂದಿರ ಮುಂತಾದೆಡೆಗಳಲ್ಲಿ ಹಲವಾರು ಯಶಸ್ವೀ ಕಾರ್ಯಕ್ರಮಗಳಲ್ಲಿ ಭಾಗಿಯಾಗಿದ್ದಾರೆ. ಈ ಮೂಲಕ ಸಂಗೀತಾಸಕ್ತರ ಮನಗೆದ್ದಿದ್ದ ಶ್ವೇತಾರ ಪ್ರಧಾನ ಆಸಕ್ತಿಯಿದ್ದದ್ದು ನಟನೆಯ ಸುತ್ತಲೇ.

ಬೆಂಗಳೂರಿನ ಗಲ್ಲಿಗಳಲ್ಲಿ ತಂದೆಯೊಂದಿಗೆ ಓಡಾಡುವಾಗೆಲ್ಲ, ಸಿನಿಮಾ ಮಂದಿರಗಳ ಮುಂದೆ ಹಾದುಹೋಗುವಾಗ ಮುಂದೊಂದು ದಿನ ಅದರ ಮುಂದೆ ತನ್ನ ಕಟೌಟು ತಲೆಯೆತ್ತಬೇಕೆಂಬಂತೆ ಕನಸು ಕಂಡಿದ್ದಾಕೆ ಶ್ವೇತಾ. ಇದರ ಭಾಗವಾಗಿಯೇ ದೊರೆಸಾನಿ ಧಾರಾವಾಹಿಯ ಮೂಲಕ ಬಣ್ಣಹಚ್ಚಿಕ, ಸೇವಂತಿ ಸೀರಿಯಲ್ಲಿನಲ್ಲಿಯೂ ನಟಿಸಿದ್ದ ಶ್ವೇತಾ ಇದೀಗ ಕಲರ್ಸ್ ವಾಹಿನಿಯ ಪ್ರೇಮಕಾವ್ಯ ಧಾರಾವಾಹಿಯ ಪಾತ್ದರದ ಮೂಲಕ ಪ್ರೇಕ್ಷಕರ ಮನಗೆದ್ದಿದ್ದಾರೆ. ಈ ಸೀರಿಯಲ್ಲಿನ ಮೂಲಕವೇ ಲವ್ ಸೀಸನ್ಸ್ ನಾಯಕಿಯಾಗೋ ಅವಕಾಶ ಒದಗಿ ಬಂದಿತ್ತೆಂಬುದು ಮತ್ತೊಂದು ವಿಶೇಷ!

ಪ್ರೇಮ ಕಾವ್ಯ ಧಾರಾವಾಹಿಯಲ್ಲಿ ಶ್ವೇತಾ ನಟನೆ ನೋಡಿದ್ದ ಸಂಗೀತಾ ಅನಿಲ್ ಲವ್ ಸೀಸನ್ಸ್ ಚಿತ್ರದ ಬಗ್ಗೆ ಹೇಳಿದ್ದರಂತೆ. ಆ ಬಳಿಕ ಅವರೇ ನಿರ್ದೇಶಕರಿಗೆ ಪರಿಚಯಿಸಿದ ಬಳಿಕ ಲುಕ್ ಟೆಸ್ಟ್ ಓಕೆ ಆದದ್ದೇ ಭಿನ್ನವಾದ ಪಾತ್ರವೊಂದು ಶ್ವೇತಾಗೆ ಒಲಿದು ಬಂದಿತ್ತು. ಈ ಮೂಲಕವೇ ಸಿನಿಮಾ ನಾಯಕಿಯಾಗಬೇಕೆಂಬ ಶ್ವೇತಾರ ಮಹಾ ಕನಸು ನನಸಾಗಿದೆ. ಇದರೊಂದಿಗೆ ಒಂದೊಳ್ಳೆ ಚಿತ್ರತಂಡ, ಅದಕ್ಕೆ ತಕ್ಕುದಾದ ಚೆಂದದ ಸಿನಿಮಾ ಭಾಗವಾಗುವ ಅವಕಾಶ ಸಿಕ್ಕ ಬಗ್ಗೆ ಶ್ವೇತಾ ಖುಷಿಗೊಂಡಿದ್ದಾರೆ. ಈಗಿನ ದಿನಮಾನಕ್ಕೆ ಹೊಂದಿಕೆಯಾಗುವ, ಒಂದು ಸಂದೇಶವನ್ನು ಇಂದಿನ ಜಮಾನದ ಹುಡುಗಿಯರಿಗೆ ದಾಟಿಸುವಂಥಾ ಈ ಪಾತ್ರದ ಮೂಲಕ ತನ್ನ ಕನಸಿನ ಹಾದಿ ಸುಗಮವಾಗುತ್ತದೆಂಬ ತುಂಬು ನಂಬಿಕೆ ಶ್ವೇತಾಗಿದೆ. ಈಗಾಗಲೇ ನಾನಾ ಥರದಲ್ಲಿ ಕುತೂಹಲ ಮೂಡಿಸಿರುವ ಲವ್ ಸೀಸನ್ಸ್ ನಾಳೆ ಅಂದರೆ, ಜುಲೈ 3ರಂದು ರಾಜ್ಯಾದ್ಯಂತ ತೆರೆಗಾಣಲಿದೆ.

keywords: shwetha koglur, love seasons movie, sandalwood

The post Love Seasons Movie: ಲಕ್ಕು ಕುದುರಿಸಬಹುದಾ ಲವ್ ಸೀಸನ್ಸ್ ಚಿತ್ರ? appeared first on Cini Shodha.

ಈ ಪತ್ರಿಕಾ ಗೋಷ್ಠಿಯಲ್ಲಿ ಅತಿಥಿಗಳಾಗಿ ಪಾಲ್ಗೊಂಡಿದ್ದ ನಿರ್ದೆಶಕ ಜಯತೀರ್ಥ ಮತ್ತು ಮಂಡ್ಯ ರಮೇಶ್, ಹೊಸ ಪ್ರತಿಭಾನ್ವಿತ ತಂಡಕ್ಕೆ ಸಂಪೂರ್ಣ ಬೆಂಬಲ ನೀಡುವಂತೆ ಪ್ರೇಕ್ಷಕರನ್ನು ಕೇಳಿಕೊಳ್ಳುತ್ತಲೇ, `ಈ ಸಿನಿಮಾ ತಂಡದಲ್ಲಿ ರಂಗಭೂಮಿಯಿಂದ ಬಂದ ಕಲಾವಿದರೇ ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ. ರಂಗಭೂಮಿಯ ನಂಟು ಹೊಂದಿರುವ ಕಲಾವಿದರೆಲ್ಲರಿಗೂ ಶಿಸ್ತು ಮತ್ತು ಬದ್ಧತೆಗಳಿರುತ್ತವೆ. ನಿರ್ದೇಶಕ ಕೃತ್ವಿಕ್ ಪಾಲಿಗಿದು ಚೊಚ್ಚಲ ಚಿತ್ರವಾದರೂ ಅಚ್ಚುಕಟಾಗಿ ನಿಭಾಯಿಸಿರುವ ಸೂಚನೆಗಳಿವೆ. ಇದೆಲ್ಲದಕ್ಕೆ ಪೂರಕವಾಗಿ ಸಿನಿಮಾ ವ್ಯಾಮೋಹ ಹೊಂದಿರುವ ನಿರ್ಮಾಪಕರ ಸಾಥ್ ಕೂಡಾ ಸಿಕ್ಕಿದೆ’ ಎನ್ನುತ್ತಾ ಲವ್ ಸೀಸನ್ಸ್ ದೊಡ್ಡ ಮಟ್ಟದಲ್ಲಿ ಗೆಲುವು ಕಾಣಲೆಂದು ಹಾರೈಸಿದರು.

ಈಗಾಗಲೇ ಲವ್ ಸೀಸನ್ಸ್ ಚಿತ್ರದ ಮೂರು ಹಾಡುಗಳು ಬಿಡುಗಡೆಗೊಂಡು ಕೇಳುಗರ ಮನಗೆದ್ದಿವೆ. ಶೀರ್ಷಿಕೆಯೇ ಹೇಳುವಂತೆ ಇದು ಪ್ರೇಮವೆಂಬೋ ಮಾಯೆಯ ಒಂದಷ್ಟು ಋಉತುಮಾನಗಳನ್ನು ಆಧರಿಸಿದ ಚಿತ್ರ. ಅದನ್ನು ಹೊಸಾ ಬಗೆಯಲ್ಲಿ ದೃಷ್ಯ ರೂಪಕ್ಕೆ ಒಗ್ಗಿಸಿರೋದಾಗಿ ನಿರ್ದೇಶಕ ಕೃತ್ವಿಕ್ ಈ ಹಿಂದೆಯೇ ಹೇಳಿಕೊಂಡಿದ್ದಾರೆ. ಇದೀಗ ಬಿಡುಗಡೆಗೊಂಡಿರುವ ಟ್ರೈಲರಿನಲ್ಲಿ ಅದಕ್ಕೆ ಪೂರಕವಾದ ಹೊಳಹುಗಳು ಕಾಣಿಸಿವೆ. ಮುಂಗಾರು ಆಗಮಿಸಿರುವ ಥಂಡಿ ಥಂಡಿ ವಾತಾವರಣದಲ್ಲಿ ಮನಸು ಬೆಚ್ಚಗಾಗುವಂತೆ ಸದರಿ ಟ್ರೈಲರ್ ಮೂಡಿ ಬಂದಿದೆ. ಹಾಡುಗಳಿಗೆ ಪೂರಕವಾಗಿ, ಹೊಸಾ ಬಗೆಯ ಪ್ರೇಮ ಕಥನದ ಸುಳಿವಿನೊಂದಿಗೆ ಈ ಟ್ರೈಲರ್ ಪ್ರೇಕ್ಷಕರನ್ನು ಮುಖಾಮುಖಿಯಾಗಿದೆ.

ಎನ್.ಆರ್ ಸ್ಟುಡಿಯೋಸ್ ಬ್ಯಾನರ್‌ನಡಿಯಲ್ಲಿ ಎನ್.ಆರ್ ಮಂಜುನಾಥ (ನೀಲೇರಿ) ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಕೃತ್ವಿಕ್ ನಿರ್ದೇಶನ, ವೀರ್ ಸಮರ್ಥ್ ಸಂಗೀತ ಸಂಗೀತ ನಿದೇಶನ ಈ ಚಿತ್ರಕ್ಕಿದೆ. ಕೆ.ಕಲ್ಯಾಣ್, ಪ್ರಮೋದ್ ಮರವಂತೆ ಮುಂತಾದವರು ಸಾಹಿತ್ಯ ಬರೆದಿದ್ದಾರೆ. ಅವಿನಾಶ ಶಾಸ್ತ್ರಿ ಛಾಯಾಗ್ರಹಣ, ಮಧು ತುಂಬಕೆರೆ ಸಂಕಲನ, ಭಜರಂಗಿ ಮೋಹನ್ ನೃತ್ಯ ಸಂಯೋಜನೆಯಿರುವ ಈ ಚಿತ್ರದಲ್ಲಿ ಮುಕುಂದ ರಾಮಸ್ವಾಮಿ ನಾಯಕನಾಗಿ ನಟಿಸಿದ್ದಾರೆ. ದಿಯಾ ಕೀರ್ತಿ, ಚಂದನಾ ಗೌಡ ಮತ್ತು ಶ್ವೇತಾ ಕೊಗ್ಲೂರು ನಾಯಕಿಯರಾಗಿ ಜೊತೆಯಾಗಿದ್ದಾರೆ. ಮಂಡ್ಯ ರಮೇಶ್, ರಾಜೇಶ್ ನಟರಂಗ, ಸಂಗೀತಾ ಅನಿಲ್, ಜಯತೀರ್ಥ, ಚೇತನ್ ದುರ್ಗ, ಕಾಮಿಡಿ ಕಿಲಾಡಿ ಸದಾನಂದ, ಹುಲಿ ಕಾರ್ತಿಕ್, ಬೇಬಿ ರಿತು ಸಿಂಗ್ ಮುಂತಾದವರ ತಾರಾಗಣ ಈ ಚಿತ್ರ ಜುಲೈ ೩ರಂದು ರಾಜ್ಯಾದ್ಯಂತ ತೆರೆಗಾಣಲಿದೆ. 

keywords: love seasons, love seasons trailer, sandalwood, kfi

The post Love Seasons Movie Trailer: ಇದು ಲವ್ ಸೀಸನ್ಸ್ ನಾಯಕನ ಬರ್ತ್‌ಡೇ ಗಿಫ್ಟ್! appeared first on Cini Shodha.

ಮಳೆಯಾಗೋ ಮೊದಲೇ ಕೊಡೆ ಹಿಡಿದು ಬರುವೆ, ನಗು ಮುಗಿವಾ ಮೊದಲೇ ಹೊಸ ಖುಷಿಯ ಕೊಡುವೆ ಎಂಬ ನವಿರಾದ ಸಾಹಿತ್ಯ ಬರೆದಿರುವವರು ಕಾಂತಾರಾ ಖ್ಯಾತಿಯ ಪ್ರಮೋದ್ ಮರವಂತೆ. ವೀರ್ ಸಮರ್ಥ್ ಸಂಗಿತ ಸಂಯೋಜನೆಯಲ್ಲಿ ಮೂಡಿ ಬಂದಿರುವ ಈ ಗೀತೆಗೆ ಅರ್ಮಾನ್ ಮಲಿಕ್ ಮತ್ತು ಸರೆಗಮಪ ಖ್ಯಾತಿಯ ಪ್ರಜ್ಞಾ ಮರಾಠೆ ಧ್ವನಿಯಾಗಿದ್ದಾರೆ. ಈ ಇಬ್ಬರು ಪ್ರತಿಭಾನ್ವಿತ ಗಾಯಕರ ಕಂಠಸಿರಿಯಲ್ಲಿ ಮತ್ತಷ್ಟು ಮೋಹಕವಾಗಿರುವ ಈ ಹಾಡು ದಿನದಿಂದ ದಿನಕ್ಕೆ ಕೇಳುಗರ ಮನಸಿಗಿಳಿಯುತ್ತಿದೆ. ಈ ಮೂಲಕವೇ ಸೋಶಿಯಲ್ ಮೀಡಿಯಾ ತುಂಬೆಲ್ಲ ನಾನಾ ರೀತಿಯಲ್ಲಿ ಹರಿದಾಡುತ್ತಾ, ಮೆಚ್ಚುಗೆ ಗಳಿಸಿಕೊಳ್ಳುತ್ತಿದೆ.

Love Seasons Movie Teaserಪ್ರೇಕ್ಷಕರ ಮುಂದೆ ಕಣ್ತೆರೆಯಲಿದೆ ಪ್ರೇಮದ ಋತುಮಾನ!

ಬೇರೊಂದಷ್ಟು ಬಗೆಯ ಹಾಡುಗಳು ಅಬ್ಬರದ ಹಿಮ್ಮೇಳದೊಂದಿಗೆ ಬರುತ್ತವೆ. ಒಂದಷ್ಟು ದಿನ ಎಲ್ಲೆಡೆ ಹರಿದಾಡಿ ನಂತರ ಹೇಳ ಹೆಸರಿಲ್ಲದಂತೆ ಮರೆಯಾಗಿ ಬಿಡುತ್ತವೆ. ಆದರೆ, ಇಂಥಾ ನವಿರು ಶೈಲಿಯ ಹಾಡುಗಳದ್ದು ಬೇರೆಯದ್ದೇ ಪಥ. ಅವುಗಳ ಹಿನ್ನೆಲೆಯಲ್ಲಿ ಯಾವುದೇ ಅಬ್ಬರಗಳಿರೋದಿಲ್ಲ. ಆದರೆ ಮೆಲ್ಲಗೆ ಎದೆಗಿಳಿಯುತ್ತಾ ಅಕ್ಷರಶಃ ಆವರಿಸಿಕೊಳ್ಳುತ್ತವೆ. ವೀರ್ ಸಮರ್ಥ್ ಅಂಥಾ ನವಿರಾದ ಹಾಡುಗಳಿಗೆ ಹೆಸರಾಗಿರುವ ಸಂಗೀತ ನಿರ್ದೇಶಕ. ಈಗಾಗಲೇ ಒಂದಷ್ಟು ಎವರ್‌ಗ್ರೀನ್ ಹಾಡುಗಳನ್ನು ಕೊಟ್ಟಿರುವ ಅವರು, ಈ ಗೀತೆಯನ್ನೂ ಕೂಡಾ ಚೆಂದಗೆ ರೂಪಿಸಿದ್ದಾರೆ. ಈ ಮೂಲಕ ಇದನ್ನು ಮ್ಯೂಸಿಕಲ್ ಹಿಟ್ ಆಗಿಸುವ ನಿರ್ದೇಶಕ ಕೃತ್ವಿಕ್ ಕನಸಿಉಗೆ ಸಾಥ್ ಕೊಟ್ಟಿದ್ದಾರೆ.

ಎನ್.ಆರ್ ಸ್ಟುಡಿಯೋಸ್ ಬ್ಯಾನರ್‌ನಡಿಯಲ್ಲಿ ಎನ್.ಆರ್ ಮಂಜುನಾಥ (ನೀಲೇರಿ) ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಕೃತ್ವಿಕ್ ನಿರ್ದೇಶನ, ವೀರ್ ಸಮರ್ಥ್ ಸಂಗೀತ ಸಂಗೀತ ನಿದೇಶನ ಈ ಚಿತ್ರಕ್ಕಿದೆ. ಕೆ.ಕಲ್ಯಾಣ್, ಪ್ರಮೋದ್ ಮರವಂತೆ ಮುಂತಾದವರು ಸಾಹಿತ್ಯ ಬರೆದಿದ್ದಾರೆ. ಅವಿನಾಶ ಶಾಸ್ತ್ರಿ ಛಾಯಾಗ್ರಹಣ, ಮಧು ತುಂಬಕೆರೆ ಸಂಕಲನ, ಭಜರಂಗಿ ಮೋಹನ್ ನೃತ್ಯ ಸಂಯೋಜನೆಯಿರುವ ಈ ಚಿತ್ರದಲ್ಲಿ ಮುಕುಂದ ರಾಮಸ್ವಾಮಿ ನಾಯಕನಾಗಿ ನಟಿಸಿದ್ದಾರೆ. ದಿಯಾ ಕೀರ್ತಿ, ಚಂದನಾ ಗೌಡ ಮತ್ತು ಶ್ವೇತಾ ಕೊಗ್ಲೂರು ನಾಯಕಿಯರಾಗಿ ಜೊತೆಯಾಗಿದ್ದಾರೆ. ಮಂಡ್ಯ ರಮೇಶ್, ರಾಜೇಶ್ ನಟರಂಗ, ಸಂಗೀತಾ ಅನಿಲ್, ಜಯತೀರ್ಥ, ಚೇತನ್ ದುರ್ಗ, ಕಾಮಿಡಿ ಕಿಲಾಡಿ ಸದಾನಂದ, ಹುಲಿ ಕಾರ್ತಿಕ್, ಬೇಬಿ ರಿತು ಸಿಂಗ್ ಮುಂತಾದವರ ತಾರಾಗಣವಿದೆ.

keywords: love seasons, love seasons song, kruthvik, sanwalwood

The post Love Seasons Movie Song: ಮೆಲ್ಲಗೆ ಮನಸಿಗಿಳಿದು ಕಾಡುವ ಲವ್ ಸೀಸನ್ಸ್ ಹಾಡು! appeared first on Cini Shodha.

ರಂಗಭೂಮಿಯಲ್ಲಿ ಪಳಗಿಕೊಂಡು, ಕ್ಷತ್ರಿಯ, ಗುರುದೇವ ಹೊಯ್ಸಳ, ಬುದ್ಧಿವಂತ೨ ಮುಂತಾದ ಚಿತ್ರಗಳ ನಿರ್ದೇಶನ ವಿಭಾಗದಲ್ಲಿ ಕಾರ್ಯನಿರ್ವಹಿಸಿರುವವರು ಕೃತ್ವಿಕ್. ಲವ್ ಸೀಸನ್ಸ್ ಮೂಲಕ ಕೃತ್ವಿಕ್ ಸ್ವತಂತ್ರ ನಿರ್ದೇಶಕರಾಗಿದ್ದಾರೆ. ಸಾಮಾನ್ಯವಾಗಿ ಜಗತ್ತಿನಲ್ಲಿ ಅತ್ಯಂತ ದುಬಾರಿ ವಸ್ತು ಯಾವುದೆಂದು ಕೇಳಿದರೆ ಬಹುತೇಕರು ಚಿನ್ನ ಎಂಬ ಉತ್ತರ ಕೊಡುತ್ತಾರೆ. ಆದರೆ, ನಿಜವಾಗಿ ನಂಬಿಕೆ ಅನ್ನೋದೇ ಅತ್ಯಂತ ದುಬಾರಿ ವಸ್ತುವೆಂದು ಪ್ರತಿಪಾದಿಸಿರುವ ಕೃತ್ವಿಕ್, ಆ ಸೂಕ್ಷ್ಮದ ಭೂಮಿಕೆಯಲ್ಲಿಯೇ ಪ್ರೇಮ ಕಥನ ದೃಷ್ಯ ರೂಪ ಧರಿಸಿರೋದರ ಸುಳಿವು ಕೊಟ್ಟಿದ್ದಾರೆ. ಈ ಸಂದರ್ಭದಲ್ಲಿ ಅತಿಥಿಯಾಗಿ ಹಾಜರಿದ್ದ, ಈ ಸಿನಿಮಾದಲ್ಲಿ ತಂದೆಯ ಪಾತ್ರ ನಿರ್ವಹಿಸಿರುವ ರಾಜೇಶ್ ನಟರಂಗ ಕೂಡಾ ಹೊಸಬರ ಈ ಪ್ರಯತ್ನಕ್ಕೆ ಬೆಂಬಲಿಸುವಂತೆ ಕೇಳಿಕೊಂಡಿದ್ದಾರೆ.

ಈ ಚಿತ್ರದ ಮೂಲಕ ಸಿನಿಮಾ ಬಗ್ಗೆ ಅತೀವ ಪ್ರೇಮ ಹೊಂದಿರುವ ಎನ್.ಆರ್ ಮಂಜುನಾಥ (ನೀಲೇರಿ) ನಿರ್ಮಾಪಕರಾಗಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ದಾರೆ. ತಂದೆಯ ಹೆಸರುಳಿಸುವ ಸಲುವಾಗಿಯೇ ಎನ್.ಆರ್ ಸ್ಟುಡಿಯೋಸ್ ಬ್ಯಾನರ್ ಅನ್ನು ಮಂಜುನಾಥ್ ಅವರು ಸ್ಥಾಪಿಸಿದ್ದರಂತೆ. ಈ ಸಂಸ್ಥೆಯಿಂದ ಒಂದೊಳ್ಳೆ ಕಥೆಯ ಸಿನಿಮಾವನ್ನೇ ಮೊದಲು ನಿರ್ಮಾಣ ಮಾಡಬೇಕೆಂಬ ಬಯಕೆ ಹೊಂದಿದ್ದ ಅವರಿಗೆ ಅನೇಕ ನಿರ್ದೇಶಕರು ಕಥೆ ಹೇಳಿದ್ದರಂತೆ. ಅದ್ಯಾವುದೂ ಅಷ್ಟಾಗಿ ಇಷ್ಟವಾಗದೆ ಕಾದಿದ್ದವರ ಮುಂದೆ ಪ್ರತ್ಯಕ್ಷವಾದದ್ದು ಯುವ ನಿರ್ದೇಶಕ ಕೃತ್ವಿಕ್. ಸಾಮಾಜಿಕ ಮೌಲ್ಯವನ್ನು ಒಳಗೊಂಡಿರುವ, ಈ ಜನರೇಷನ್ನಿನ ಯುವಕರಿಗೆ ಹತ್ತಿರಾಗುತ್ತಲೇ ಎಲ್ಲರನ್ನೂ ಸೆಳೆಯುವ ಗುಣ ಹೊಂದಿರುವ ಈ ಕಥೆ ಬಹುವಾಗಿ ಇಷ್ಟವಾಗಿತ್ತಂತೆ. ಆ ಕಾರಣದಿಂದಲೇ ವಿದ್ಯುಕ್ತವಾಗಿ ಆರಂಭವಾಗಿದ್ದ ಲವ್ ಸೀಸನ್ಸ್ ಚಿತ್ರವೀಗ ಬಿಡುಗಡೆಯ ಹಂತಕ್ಕೆ ಬಂದು ನಿಂತಿದೆ.

ಈ ಟೀಸರ್ ಬಿಡುಗಡೆ ಪತ್ರಿಕಾಗೋಷ್ಠಿಯಲ್ಲಿ ರಂಗಭೂಮಿ ಪ್ರತಿಭೆ, ಈ ಸಿನಿಮಾ ನಾಯಕ ಮುಕುಂದ ರಾಮಸ್ವಾಮಿ, ನಾಯಕಿಯರಾದ ದಿಯಾ ಕೀರ್ತಿ, ಚಂದನಾ ಗೌಡ ಮುಂತಾದವರು ತಮ್ಮ ಪಾತ್ರದ ಬಗ್ಗೆ ಹಲವಾರು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ. ಎನ್.ಆರ್ ಸ್ಟುಡಿಯೋಸ್ ಬ್ಯಾನರ್‌ನಡಿಯಲ್ಲಿ ಎನ್.ಆರ್ ಮಂಜುನಾಥ (ನೀಲೇರಿ) ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಕೃತ್ವಿಕ್ ನಿರ್ದೇನ, ವೀರ್ ಸಮರ್ಥ್ ಸಂಗೀತ ಸಂಗೀತ ನಿದೇಶನ ಈ ಚಿತ್ರಕ್ಕಿದೆ. ಕೆ.ಕಲ್ಯಾಣ್, ಪ್ರಮೋದ್ ಮರವಂತೆ ಮುಂತಾದವರು ಸಾಹಿತ್ಯ ಬರೆದಿದ್ದಾರೆ. ಅವಿನಾಶ ಶಾಸ್ತ್ರಿ ಛಾಯಾಗ್ರಹಣ, ಮಧು ತುಂಬಕೆರೆ ಸಂಕಲನ, ಭಜರಂಗಿ ಮೋಹನ್ ನೃತ್ಯ ಸಂಯೋಜನೆಯಿರುವ ಈ ಚಿತ್ರದಲ್ಲಿ ಮುಕುಂದ ರಾಮಸ್ವಾಮಿ ನಾಯಕನಾಗಿ ನಟಿಸಿದ್ದಾರೆ. ದಿಯಾ ಕೀರ್ತಿ, ಚಂದನಾ ಗೌಡ ಮತ್ತು ಶ್ವೇತಾ ಕೊಗ್ಲೂರು ನಾಯಕಿಯರಾಗಿ ಜೊತೆಯಾಗಿದ್ದಾರೆ. ಮಂಡ್ಯ ರಮೇಶ್, ರಾಜೇಶ್ ನಟರಂಗ, ಸಂಗೀತಾ ಅನಿಲ್, ಜಯತೀರ್ಥ, ಚೇತನ್ ದುರ್ಗ, ಕಾಮಿಡಿ ಕಿಲಾಡಿ ಸದಾನಂದ, ಹುಲಿ ಕಾರ್ತಿಕ್, ಬೇಬಿ ರಿತು ಸಿಂಗ್ ಮುಂತಾದವರ ತಾರಾಗಣವಿದೆ.

keywords: love seasons movie, teaser, kruthvik, manjunath n r  neeleri, sandalwood

The post Love Seasons Movie Teaserಪ್ರೇಕ್ಷಕರ ಮುಂದೆ ಕಣ್ತೆರೆಯಲಿದೆ ಪ್ರೇಮದ ಋತುಮಾನ! appeared first on Cini Shodha.

ಇಂಥಾದ್ದೊಂದು ಅಮೋಘ ಗೆಲುವನ್ನು ಸಾಧ್ಯವಾಗಿಸಿದ ಪ್ರೇಕ್ಷಕರೆಲ್ಲರಿಗೆ ಡಾರ್ಲಿಂಗ್ ಕೃಷ್ಣ ಧನ್ಯವಾದ ಹೇಳಿದ್ದಾರೆ. ಹಾಗೆ ನೋಡಿದರೆ, ಲವ್ ಮಾಕ್ಟೇಲ್೩ಗೆ ಅನಿರೀಕ್ಷಿತವಾಗಿ ಒಂದರ ಹಿಂದೊಂದರಂತೆ ಸಕಾರಾತ್ಮಕ ವಾತಾವರಣ ನಿರ್ಮಾಣಗೊಂಡಿತ್ತು. ಟಾಕ್ಸಿಕ್‌ನಂಥಾ ಸಿನಿಮಾದ ಬಿಡುಗಡೆ ದಿನಾಂಕ ಏಕಾಏಕಿ ಮುಂದಕ್ಕೆ ಹೋಗಿದ್ದರಿಂದ ಮಾರ್ಚ್ ೧೯ರಂದು ಬಿಡುಗಡೆಗೊಳ್ಳುವ ಯೋಗವೊಂದು ತಂತಾನೇ ದಕ್ಕಿತ್ತು. ಕೆವಿಎನ್ ಸಂಸ್ಥೆ ರಾಜ್ಯಾದ್ಯಂತ ವಿತರಣಾ ಕೈಂಕರ್ಯವನ್ನು ಯಶಸ್ವಿಯಾಗಿ ಮಾಡಿತ್ತು. ಆದರೆ, ಇಂಥಾ ಸಕಾರಾತ್ಮಕ ಪರಿಸರದಲ್ಲಿಯೇ ಧುರಂಧರ್೨ ಎಂಬ ದೊಡ್ಡ ಸವಾಲೂ ಕೂಡಾ ಲಲವವ ಮಾಕ್ಟೇಲ್೩ ಮುಂದೆ ನಿಂತು ಗುಟುರು ಹಾಕಿತ್ತು.

ಇಲ್ಲಿ ಗಮನಿಸಲೇ ಬೇಕಾದ ವಿಚಾರವೊಂದಿದೆ. ಅದೆಂಥಾ ಶುಭ ಘಳಿಗೆಯಲ್ಲಿ ಬಿಡುಗಡೆಗೊಂಡರೂ ಕೂಡಾ ಯಾವುದೇ ಸಿನಿಮಾದ ಆಂತರ್ಯದಲ್ಲಿ ಕಸುವಿಲ್ಲದೇ ಹೋದರೆ ವಾರದೊಪ್ಪತ್ತಿನಲ್ಲಿಯೇ ಸಿನಿಮಾ ಮಂದಿರಗಳಿಂದ ಎಗರಿಕೊಳ್ಳುವಂತಾಗುತ್ತದೆ. ಲವ್ ಮಾಕ್ಟೇಲ್೩ ರೂಪುಗೊಂಡಿರುವ ಪರಿಗೆ ಪ್ರೇಕ್ಷಕರು ಫಿದಾ ಆಗಿದ್ದರಿಂದಲೇ ಧುರಂಧರ್೨ ಎಂಬ ಬಿರುಗಾಳಿಯ ಮುಂದೆ ಲವ್ ಮಾಕ್ಟೇಲ್೩ ಕಾಲೂರಿ ನಿಂತು ಗೆಲುವು ಕಂಡಿದ್ದು ನಿಜಕ್ಕೂ ಬೆರಗಿನ ಸಂಗತಿ. ಯಾವುದೇ ಸಿನಿಮಾ ಅಚ್ಚುಕಟ್ಟಾಗಿ ಮೂಡಿ ಬಂದಿದ್ದರೆ ಕನ್ನಡದ ಪ್ರೇಕ್ಷಕರು ಯಾವತ್ತಿಗೂ ಕೈಬಿಡೋದಿಲ್ಲ ಎಂಬ ಸತ್ಯ ಲವ್ ಮಾಕ್ಟೇಲ್೩ಗೆ ದಕ್ಕಿದ ರೋಮಾಂಚಕ ಗೆಲುವಿನ ಮೂಲಕ ಮತ್ತೊಮ್ಮೆ ಸಾಬೀತಾಗಿದೆ! 

Love Mocktail3 Movie: ಮೂರು ಸರಣಿಯಲ್ಲೂ ಸಮ್ಮೋಹಕ ಗೆಲುವು!

ಈ ವ ರ್ಷ ಆರಂಭವಾದ ನಂತರದಲ್ಲಿ ಎರಡು ತಿಂಗಳ ಕಾಲ ಕನ್ನಡ ಚಿತ್ರರಂಗದಲ್ಲೊಂದು ಶುಷ್ಕ ವಾತಾವರಣವಿತ್ತು. ಲವ್ ಮಾಕ್ಟೇಲ್೩ ಸಮೃದ್ಧ ಗೆಲುವಿನ ಮೂಲಕ ಈ ವರ್ಷದ ಮೊದಲಾರ್ಧಕ್ಕೊಂದು ಲವಲವಿಕೆ ತುಂಬಿದೆ. ಇದರೊಂದಿಗೆ ಚಿತ್ರರಂದ ಪಾಲಿಗೆ ಆಶಾದಾಯಕ ವಾತಾವರಣವೂ ನಿರ್ಮಾಣಗೊಂಡಿದೆ. ಕ್ರಿಸ್‌ಮಿ ಬ್ಯಾನರಿನಡಿಯಲ್ಲಿ ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಡಾರ್ಲಿಂಗ್ ಕೃಷ್ಣ, ಮಿಲನಾ ನಾಗರಾಜ್, ಸಂವೃತ, ಅಮೃತಾ ಅಯ್ಯಂಗಾರ್, ದಿಲೀಪ್ ರಾಜ್, ಶ್ವೇತಾ ಪ್ರಸಾದ್, ರಚೆಲ್ ಡೇವಿಡ್, ನಯೇರಾ, ಜಗದೀಶ್, ಅಭಿಲಾಶ್, ಗಿರಿರಾಜ್, ದಳಪತಿ ಮುಂತಾದವರ ತಾರಾಗಣ ಈ ಚಿತ್ರಕ್ಕಿದೆ. ಶ್ರೀ ಕ್ರೇಜಿ ಮೈಂಡ್ಸ್ ಛಾಯಾಗ್ರಹಣ ಮತ್ತು ಸಂಕಲನ, ನಕುಲ್ ಅಭಯಂಕರ್ ಸಂಗೀತ, ಅಮರ್ ಮತ್ತು ಜೋನಾ ಕಲಾ ನಿರ್ದೇಶನ ಈ ಚಿತ್ರಕ್ಕಿದೆ.

keywords: love mocktial3 #grand success #sandalwood #darling krishna, milana nagaraj

The post Love Mocktail3 Movie: ಇದು ಈ ವರ್ಷದ ಮೊದಲ ಸೂಪರ್ ಹಿಟ್ ಚಿತ್ರ! appeared first on Cini Shodha.

ಮಧು ಗೌಡ ಗಂಗೂರ್ ನಿರ್ದೇಶನ ಮಾಡಿರುವ ದಿಲ್‌ದಾರ್ ಚಿತ್ರತಂಡ ಆರಂಭದಿಂದಲೂ ಹಂತ ಹಂತವಾಗಿ ಪ್ರೇಕ್ಷಕರನ್ನು ಸೆಳೆಯುತ್ತಾ ಬಂದಿತ್ತು. ಚಿತ್ರೀಕರಣವನ್ನೆಲ್ಲ ಸದ್ದಿಲ್ಲದೇ ಮುಗಿಸಿಕೊಂಡಿದ್ದ ತಂಡ, ಅಷ್ಟೇ ಸಲೀಸಾಗಿ ಪೋಸ್ಟ್ ಪ್ರೊಡಕ್ಷನ್ ಕೆಲಸ ಕಾರ್ಯಗಳನ್ನೂ ಸಮಾಪ್ತಿಗೊಳಿಸಿದೆ. ಬಿಡುಗಡೆಯ ಹೊಸ್ತಿಲಲ್ಲಿರುವ ಈ ಘಳಿಗೆಯಲ್ಲಿ ಬಿಡುಗಡೆಗೊಂಡಿರುವ ಈ ಬರ್ತ್‌ಡೇ ಟೀಸರ್ ದಿಲ್‌ದಾರ್ ಪ್ರಭೆಯನ್ನು ಮತ್ತಷ್ಟು ತೀವ್ರವಾಗಿಸಿದೆ. ಶ್ರೇಯಸ್ ಮಂಜು ಪಡ್ಡೆಹುಲಿ ಚಿತ್ರದ ಮೂಲಕ ಪ್ರೇಕ್ಷಕರಲ್ಲೊಂದು ಭರವಸೆ ಮೂಡಿಸಿದ್ದರು. ದಿಲ್‌ದಾರ್ ಮೂಲಕ ಪಕ್ಕಾ ಆಕ್ಷನ್ ಮೂಡಿಗೆ ಜಾರಿರುವ ಸ್ಪಷ್ಟ ಸುಳಿವು ಸದರಿ ಟೀಸರ್ ಮೂಲಕ ಸಿಕ್ಕಿದೆ.

ಹೀಗೆ ಹೀರೋನಾ ಬರ್ತ್‌ಡೇ ಸಂದರ್ಭದಲ್ಲಿ ಮೂಡಿಕೊಂಡಿರುವ ಪಾಸಿಟಿವ್ ವಾತಾವರಣ ಚಿತ್ರತಂಡಕ್ಕೆ ಮತ್ತಷ್ಟು ಹುರುಪು ತುಂಬಿದೆ. ಇನ್ನೇನು ಅತೀ ಶೀಘ್ರದಲ್ಲಿಯೇ ಒಂದೊಳ್ಳೆ ಮುಹೂರ್ತ ನೋಡಿ ದಿಲ್‌ದಾರ್ ಚಿತ್ರವನ್ನು ಬಿಡುಗಡೆಗೊಳಿಸುವ ತಯಾರಿಗೂ ಮತ್ತಷ್ಟು ಓಘ ಸಿಕ್ಕಿದೆ. ಏನ್ಸಿಯೆಂಟ್ ಮೂವೀಸ್ ಬ್ಯಾನರ್‌ನಡಿಯಲ್ಲಿ ಡಾ.ಆರ್ ಸಂತೋಷ್ ಕುಮಾರ್ (ಎಸ್‌ವಿಟಿ) ದಿಲ್‌ದಾರ್ ಚಿತ್ರವನ್ನು ಅದ್ದೂರಿಯಾಗಿ ನಿರ್ಮಾಣ ಮಾಡಿದ್ದಾರೆ. ನಟ ಶರಣ್ ಅವರ ತಂಗಿ ಮಗಳಾದ ಕೀರ್ತಿ ಕೃಷ್ಣ ಈ ಚಿತ್ರದ ಮೂಲಕವೇ ನಾಯಕಿಯಾಗಿ ಪಾದಾರ್ಪಣೆ ಮಾಡುತ್ತಿದ್ದಾರೆ. ಸಾಧು ಕೋಕಿಲಾ, ಚಂದ್ರಪ್ರಭ, ಕಾರ್ತಿಕ್, ಚಿಲ್ಲರ್ ಮಂಜು ಮುಂತಾದ ಹಾಸ್ಯ ನಟರ ದಂಡೇ ಈ ಚಿತ್ರದಲ್ಲಿದೆ. ಕೆಜಿಎಫ್ ಖ್ಯಾತಿಯ ಆಂಡ್ರೋ ಅವಿನಾಶ್, ಭಜರಂಗಿ ಲೋಕಿ, ಅರ್ಪಿತ್ ಖಳ ನಟರಾಗಿ ಅಬ್ಬರಿಸಿದ್ದಾರೆ.

keywords: shreyas manju, dildar movie, paddehuli, sandalwood

The post Dildar Movie: ಪಡ್ಡೆ ಹುಲಿಯದ್ದು ಪಕ್ಕಾ ಆಕ್ಷನ್ ಮೂಡ್! appeared first on Cini Shodha.

ಇಪ್ಪತ್ತೇಳನೇ ತಾರೀಕಿನಂದು ಮಧ್ಯಾಹ್ನ ಮೂರು ಗಂಟೆಗೆ ಚಲನಚಿತ್ರ ವಾಣಿಜ್ಯ ಮಂಡಳಿಯಲ್ಲಿ ಅಧ್ಯಕ್ಷೆ ಡಾ. ಜಯಮಾಲಾ ಅವರ ಅಧ್ಯಕ್ಷತೆಯಲ್ಲೊಂದು ಸಭೆ ನಡೆದಿದೆ. ಪದಾಧಿಕಾರಿಗಳು, ನಿರ್ಮಾಪಕರ ಸಂಘ, ನಿರ್ದೇಶಕರ ಸಂಘದ ಅಧ್ಯಕ್ಷರುಗಳು, ಡಾರ್ಲಿಂಗ್ ಕೃಷ್ಣ, ಗುರು ದೇಶಪಾಂಡೆ, ರಾಘವೇಂದ್ರ ಎಂ ನಾಯಕ್ ಮತ್ತಿತರರು ಹಾಜರಿದ್ದರು. ಈ ಸಂದರ್ಭದಲ್ಲಿ ಜಯಮಾಲಾ ಎಲ್ಲರ ವಾದ, ಪ್ರತಿವಾದ, ಅಭಿಪ್ರಾಯಗಳನ್ನು ಅಮೂಲಾಗ್ರವಾಗಿ ಆಲಿಸಿದ್ದಾರೆ. ಈ ಸಂದರ್ಭದಲ್ಲಿ ಡಾರ್ಲಿಂಗ್ ಕೃಷ್ಣ ಸಿದ್ಧಪಡಿಸಿದ್ದ ಲವ್ ಮಾಕ್ಟೇಲ್೩ ಚಿತ್ರದ ಚಿತ್ರಕಥೆಯೇ ಬೇರೆ, ಗುರುದೇಶಪಾಂಡೆ ಬಳಿಯಿರುವ ಚಿತ್ರಕಥೆಯೇ ಬೇರೆ ಎಂಬುದು ಯಾವುದೇ ಗೊಂದಲಕ್ಕೆ ಆಸ್ಪದವಿಲ್ಲದಂತೆ ಸಾಬೀತಾಗಿದೆ. ಈ ಮೂಲಕ ಡಾರ್ಲಿಂಗ್ ಕೃಷ್ಣಗೆ ಸದರಿ ಸವಾಲಿನಲ್ಲಿ ಗೆಲುವಾಗಿದೆ.

Love Mocktail3 Movie: ಮೂರು ಸರಣಿಯಲ್ಲೂ ಸಮ್ಮೋಹಕ ಗೆಲುವು!

ಗುರುದೇಶಪಾಂಡೆ ಹಲವಾರು ವರ್ಷಗಳಿಂದ ಚಿತ್ರರಂಗದಲ್ಲಿ ನಿರ್ದೇಶಕರಾಗಿ ಸಕ್ರಿಯರಾಗಿರುವವರು. ಇತ್ತೀಚೆಗೆ ನಿರ್ಮಾಪಕರಾಗಿಯೂ ಅವತಾರವೆತ್ತಿದ್ದಾರೆ. ಚಿತ್ರರಂಗದ ಎಲ್ಲ ವಿಭಾಗಗಳ ಒಳ ಹೊರಗುಗಳು ಮತ್ತು ಸವಾಲುಗಳನ್ನೂ ಅರಿತುಕೊಂಡಿದ್ದಾರೆ. ಒಂದು ಸಿನಿಮಾ ಹಿಟ್ ಆಗೋ ಹಾದಿಯ ಎಲ್ಲ ಎಡರುತೊಡರುಗಳೂ ಅವರಿಗೆ ಪರಿಚಿತ. ಹಾಗಿದ್ದರೂ ಲವ್ ಮಾಕ್ಟೇಲ್೩ ಗೆಲುವಿನತ್ತ ಮುನ್ನುಗ್ಗುತ್ತಿದ್ದ ಘಳಿಗೆಯಲ್ಲಿ ಯಾಕೆ ಇಂಥಾದ್ದೊಂದು ವಿವಾದದ ಕಿಡಿ ತಾಕಿಸಿದರು? ತೀರಾ ಖಾಸಗಿಯಾಗಿ ಪರಿಹರಿಸಿಕೊಳ್ಳಬಹುದಿದ್ದ ಸಾಧ್ಯತೆಗಳನ್ನು ಯಾಕೆ ಹಾದಿರಂಪವಾಗಿಸಿದರು ಅಂತೊಂದು ಪ್ರಶ್ನೆ ಸಹಜವಾಗಿಯೇ ಸಿನಿಮಾಸಕ್ತರನ್ನು ಕಾಡುತ್ತದೆ. ಇದೆಲ್ಲದರಾಚೆಗೆ ಸದರಿ ಕೃತಿಚೌರ್ಯ ಪ್ರಕರಣದಲ್ಲಿ ಗೆಲುವಾಗುವ ಮೂಲಕ ಲವ್ ಮಾಕ್ಟೇಲ್೩ ಗೆಲುವಿನ ಘಮ ಮತ್ತಷ್ಟು ಮೋಹಕವಾದಂತಾಗಿದೆ.

ಇದು ಗೆಲುವೆಂಬುದಕ್ಕಿಂತಲೂ ಹೆಚ್ಚಾಗಿ ಡಾರ್ಲಿಂಗ್ ಕೃಷ್ಣ ಪ್ರೇಕ್ಷಕರು ತನ್ನ ಮೇಲಿಟ್ಟಿದ್ದ ನಂಬಿಕೆಯನ್ನು ಉಳಿಸಿಕೊಂಡಿದ್ದಾರೆ. ಇಂಥಾದ್ದೊಂದು ಆರೋಪ ಕೇಳಿ ಬರುತ್ತಲೇ ಲವ್ ಮಾಕ್ಟೇಲ್ ಸರಣಿಯ ಪ್ರೇಕ್ಷಕರೆಲ್ಲ ಸಾಮಾಜಿಕ ಜಾಲತಾಣಗಳ ಮೂಲಕ ಕೃಷ್ಣ ಬೆನ್ನಿಗೆ ನಿಂತಿದ್ದರು. ಈ ಆರೋಪದಲ್ಲಿ ಹುರುಳಿರಲಿಕ್ಕಿಲ್ಲ ಎಂಬಂಥಾ ಮಾತುಗಳನ್ನಾಡಿದ್ದರು. ಈ ಸಂಬಂಧವಾಗಿ ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ಕೂಡಾ ಪತ್ರಿಕಾಗೋಷ್ಠಿಯಲ್ಲಿ ಅತ್ಯಂತ ಆತ್ಮವಿಶ್ವಾಸದಿಂದ ತಮ್ಮ ಮೇಲಿನ ಆರೋಪವನ್ನು ತಳ್ಳಿ ಹಾಕಿದ್ದರು. ಕಡೆಗೂ ಈಗ ಎಲ್ಲವೂ ಸುಖಾಂತ್ಯಗೊಂಡಿದೆ. ಲವ್ ಮಾಕ್ಟೇಲ್೩ ಗೆಲುವಿನ ಓಟಕ್ಕೆ ಮತ್ತಷ್ಟು ಓಘ ಸಿಕ್ಕಿದೆ. ಇದೇ ಖುಷಿಯಲ್ಲಿ ಡಾರ್ಲಿಂಗ್ ಕೃಷ್ಣ ಹೊಸಾ ಕನಸಿನತ್ತ ಹೊರಳಿಕೊಂಡಿದ್ದಾರೆ!

keywords: love mocktail3, story controvercy, darling krishna, milana nagaraj, gurudeshapande

The post Love Mocktail3 Movie: ಲವ್ ಮಾಕ್ಟೇಲ್೩ ಹ್ಯಾಟ್ರಿಕ್ ಗೆಲುವಿಗೆ ಮತ್ತಷ್ಟು ಕಿಕ್! appeared first on Cini Shodha.

ಕನ್ನಡ ಮಾತ್ರವಲ್ಲ; ಒಂದಿಡೀ ಭಾರತೀಯ ಚಿತ್ರರಂಗದಲ್ಲಿಯೇ ಎರಡು ಸರಣಿ ಗೆಲುವುಗಳನ್ನು ಕಾಂತಾರ ಮೂಲಕ ತಮ್ಮದಾಗಿಸಿಕೊಂಡವರು ರಿಷಭ್ ಶೆಟ್ಟಿ. ಆದರೆ, ಡಾರ್ಲಿಂಗ್ ಕೃಷ್ಣ ರಿಷಭ್‌ಗಿಂತಲೂ ಒಂದು ಹೆಜ್ಜೆ ಮುಂದಿದ್ದಾರೆ. ಯಾಕೆಂದರೆ, ಕೊರೋನಾದಂಥಾ ದುರಿತ ಕಾಲದಲ್ಲಿ ಧೈರ್ಯ ಮಾಡಿ ನಿರ್ದೇಶಕನಾಗಿದ್ದವರು ಕೃಷ್ಣ. ನಿರ್ದೇಶನದ ಜೊತೆ ನಾಯಕನಾಗಿಯೂ ನಟಿಸಲು ಕೃಷ್ಣ ಮುಂದಾದಾಗ ಅನೇಕರಲ್ಲಿ ಅನುಮಾನವಿತ್ತು. ಒಳಗೊಳಗೇ ನಕ್ಕವರು, ತಂತಮ್ಮಲ್ಲೇ ಕೊಂಕು ಮಾತಾಡಿದವರೆಷ್ಟೋ… ಅದ್ಯಾವುದಕ್ಕೂ ತಲೆ ಕೆಡಿಸಿಕೊಳ್ಳದೆ ಎರಡು ಸರಣಿಗಳಲ್ಲಿ ಗೆದ್ದಿದ್ದ ಡಾರ್ಲಿಂಗ್ ಕೃಷ್ಣ ಇದೀಗ ಮೂರನೇ ಆವೃತ್ತಿಯಲ್ಲಿ ಮಹಾ ಗೆಲುವನ್ನೇ ದಾಖಲಿಸಿದ್ದಾರೆ.

Love Mocktail3 Movie: ಕಾರ್ಗತ್ತಲ ಕಾಲದಲ್ಲಿ ಡಾರ್ಲಿಂಗ್ ಕೃಷ್ಣ ಹಚ್ಚಿದ್ದ ಕಂದೀಲು!

ಹಾಗೆ ನೋಡಿದರೆ, ಕನ್ನಡದಲ್ಲಿ ನಿರ್ದೇಶಕನಾಗಿಯೂ, ನಟನಾಗಿಯೂ ಅದೃಷ್ಟ ಪರೀಕ್ಷೆಗಿಳಿದವರ ಸಂಖ್ಯೆ ದೊಡ್ಡದಿದೆ. ಇಂಥಾದ್ದೊಂದು ಸಾಹಸದ ರೂವಾರಿಯಂತೆ ಕಾಣಿಸುವವರು ಶಂಕರ್ ನಾಗ್. ಆ ನಂತರದಲ್ಲಿ ಕಾಶೀನಾಥ್, ಉಪೇಂದ್ರ ಮುಂತಾದವರು ಆ ದಿಕ್ಕಿನಲ್ಲಿ ಮಹತ್ವದ ಹೆಜ್ಜೆ ಗುರುತುಗಳನ್ನು ಮೂಡಿಸಿದ್ದರು. ಹೊಸಾ ತಲೆಮಾರಿನಲ್ಲಿ ಪವನ್ ಕುಮಾರ್, ರಕ್ಷಿತ್ ಶೆಟ್ಟಿ, ರಾಜ್ ಬಿ ಶೆಟ್ಟಿ ಮುಂತಾದವರೂ ಆ ಹಾದಿಯಲ್ಲಿ ತಮ್ಮದೇ ಆದೊಂದು ಗುರುತು ಮೂಡಿಸಿದ್ದಾರೆ. ಇಂಥಾದ್ದೊಂದು ಸಾಹಸದಲ್ಲಿ ಮೂರು ಸರಣಿಗಳಲ್ಲಿ ಭಾರೀ ಗೆಲುವು ದಾಖಲಿಸಿ ಅಚ್ಚರಿ ಮೂಡಿಸಿರೋದು ಡಾರ್ಲಿಂಗ್ ಕೃಷ್ಣ ಮಾತ್ರ!

ಕೇವಲ ಕನ್ನಡದಲ್ಲಿ ಮಾತ್ರವಲ್ಲ; ಭಾರತೀಯ ಚಿತ್ರರಂಗದಲ್ಲಿಯೇ ಒಂದು ಸಿನಿಮಾದ ಮೂರು ಆವೃತ್ತಿಗಳನ್ನು ನಿರ್ದೇಶಕನಾಗಿ, ನಟನಾಗಿ ಗೆದ್ದುಕೊಂಡವರು ಸಿಗೋದು ಕಷ್ಟ. ಆ ಸಾಲಿನಲ್ಲಿ ಲವ್ ಮಾಕ್ಟೇಲ್೩ ಸಮ್ಮೋಹಕ ಗೆಲುವಿನ ಮೂಲಕ ಡಾರ್ಲಿಂಗ್ ಕೃಷ್ಣ ಸೇರ್ಪಡೆಗೊಂಡಿದ್ದಾರೆ. ಅಷ್ಟಕ್ಕೂ ಈ ಬಾರಿ ಹಿಂದೆಂದಿಗಿಂತೂ ದೊಡ ಮಟ್ಟದ ಸವಾಲು ಕೃಷ್ಣ ಮುಂದಿತ್ತು. ಧುರಂಧರ್ ಥರದ ಸೂಪರ್ ಹಿಟ್ ಮೂವಿಯ ಮುಂದೆ ಕಾಲೂರಿ ನಿಂತು ಜಯಿಸೋದೇನೂ ಸಲೀಸಿನ ಸಂಗತಿಯಾಗಿರಲಿಲ್ಲ. ಧುರಂಧರ್ ಬಿರುಗಾಳಿಗೂ ಜಗ್ಗದೆ ಲವ್ ಮಾಕ್ಟೇಲ್೩ ಕಾಲೂರಿ ನಿಂತದ್ದರ ಹಿಂದೆ ಅದರೊಳಗಿನ ಕಸುವಲ್ಲದೇ ಬೇರ್‍ಯಾವ ಪವಾಡಗಳೂ ಇಲ್ಲ. ನೋಡಿದ ಮಂದಿ ಥ್ರಿಲ್ ಆಗಿ ಆಡಿದ ಮಾತುಗಳೇ ಲವ್ ಮಾಕ್ಟೇಲ್೩ ಹೌಸ್ ಫುಲ್ ಪ್ರದರ್ಶನ ಕಾಣುವಂತೆ ಮಾಡಿದೆ. ಈ ಗೆಲುವಿನ ಮೂಲಕ ಡಾರ್ಲಿಂಗ್ ಕೃಷ್ಣ ಭಾರತೀಯ ಚಿತ್ರರಂಗದ ಇತಿಹಾಸದಲ್ಲಿ ಅಚ್ಚಳಿಯದ ದಾಖಲೆಯೊಂದರ ರೂವಾರಿಯಾಗಿದ್ದಾರೆ!

keywords: love mocktaile3 #darling krishna, great success of love mocktail, milana nagaraj

The post Love Mocktail3 Movie: ಮೂರು ಸರಣಿಯಲ್ಲೂ ಸಮ್ಮೋಹಕ ಗೆಲುವು! appeared first on Cini Shodha.

ಅಂದಹಾಗೆ, ನಿಮಿಕಾ ಮದುವೆಯಾಗುತ್ತಿರುವ ವರ ಮುಂಬೈ ಮೂಲದ ಉದ್ಯಮಿ. ಇದೇ ಏಪ್ರಿಲ್ ಆರನೇ ತಾರೀಕಿನಂದು ಮದುವೆಗೆ ಮುಹೂರ್ತ ನಿಗಧಿಯಾಗಿದೆ. ಮಂಗಳೂರು ಅಥವಾ ಬೆಂಗಳೂರಿನಲ್ಲಿ ನಿಮಿಕಾ ಕಲ್ಯಾಣ ನಡೆಯಲಿದೆ. ನಿಮಿಕಾ ಮಾಡೆಲ್ ಆಗಿದ್ದುಕೊಂಡು, ಗಾಯಕಿಯಾಗಿಯೂ ಒಂದಷ್ಟು ಹೆಸರು ಗಳಿಸಿದ ನಂತರ ನಟಿಯಾಗಬೇಕೆಂಬ ಕನಸಿನ ಕರೆಗೆ ಓಗೊಟ್ಟವರು. ಕನ್ನಡ ಚಿತ್ರರಂಗದಲ್ಲಿ ಹಂತ ಹಂತವಾಗಿ ನಾಯಕಿಯಾಗಿ ನೆಲೆ ಕಂಡುಕೊಂಡಿರುವ ನಿಮಿಕಾ, ವೃತ್ತಿಬದುಕಿನ ಏರುಹಾದಿಯಲ್ಲಿರುವಾಗಲೇ ವೈವಾಹಿಕ ಬದುಕಿಗೆ ಅಡಿಯಿರಿಸುತ್ತಿದ್ದಾರೆ.

nimika ratnakar: ಪೃಥ್ವಿ ಶಾ ಎಂಗೇಜ್‌ಮೆಂಟ್ ಸಂದರ್ಭದ ಸಮಾಗಮ!

ಮಂಗಳೂರು ಮೂಲದ ನಿಮಿಕಾ ರತ್ನಾಕರ್, ಮುಂಬೈನಲ್ಲಿ ಬೆಳೆದರೂ ಕೂಡಾ ಕನ್ನಡ ಪ್ರೇಮವನ್ನು ಕಾಪಿಟ್ಟುಕೊಂಡಿದ್ದವರು. ತನ್ನ ಬೇರುಗಳಿರುವ ಕರುನಾಡಲ್ಲಿಯೇ ನಟಿಯಾಗಿ ಹೆಸರಾಗಬೇಕೆಂಬ ಕನಸಿಟ್ಟುಕೊಂಡಿದ್ದ ನಿಮಿಕಾ, ರಾಮಧಾನ್ಯ ಚಿತ್ರದ ಮೂಲಕ ಸ್ಯಾಂಡಲ್‌ವುಡ್ಡಿಗೆ ಎಂಟ್ರಿ ಕೊಟ್ಟಿದ್ದರು. ಆ ನಂತರ ಒಂದಷ್ಟು ಸಿನಿಮಾಗಳಲ್ಲಿ ಭಿನ್ನವಾದ ಪಾತ್ರಗಳನ್ನು ನಿರ್ವಹಿಸಿದ್ದ ನಿಮಿಕಾ ಪಾಲಿಗೆ ದರ್ಶನ್ ಜೊತೆ ಕ್ರಾಂತಿ ಚಿತ್ರದಲ್ಲಿ ಹೆಜ್ಜೆ ಹಾಕುವ ಅವಕಾಶ ಕೂಡಿ ಬಂದಿತ್ತು. ಆ ಹಾಡಿನ ಪ್ರಭೆಯಲ್ಲಿಯೇ ಒಂದಷ್ಟು ಮಹತ್ವದ ಸಿನಿಮಾಗಳ ಭಾಗವಾಗುತ್ತಾ ಬಂದಿರೂ ನಿಮಿಕಾ ಇದೀಗ ವೈಲ್ಡ್ ಟೈಗರ್ ಸಫಾರಿ ಚಿತ್ರದಲ್ಲಿಯೂ ನಾಯಕಿಯಾಗಿ ನಟಿಸುತ್ತಿದ್ದಾರೆ.

keywords: nimika ratnakar, nimika ratnakar marriage, sandalwood, cinishodha

The post nimika ratnakar: ನಿಮಿಕಾ ಕೈ ಹಿಡಿಯುತ್ತಿರೋ ಹುಡುಗ ಯಾರು? appeared first on Cini Shodha.